तर गेल्या वेळी मी तुम्हाला माझा ‘SPLIT’ चा episode सांगितला. आज सांगते ‘न match होणाऱ्या सह्यांचा’ episode. हे जे episodes आहेत ते सगळे म्हणजे share demat करण्याच्या मध्ये आलेल्या अडचणी. एक एक करून सांगते कारण प्रत्येक आहेच तशी special. तर आज सांगणार आहे ते न जुळणाऱ्या सह्यांबद्दल..
तर असाच एक छान दिवस होता, आणि अश्याच एका छान दिवशी माझ्या demat account ची statements आली. shares शी संबंधित काहीहि आलं तरी तशी मी खुश व्हायचे त्या काळी. पण या statement कडे बघून मला खूपच जास्त आनंद झाला. कारण तसचं होतं. माझ्या कडे असलेली थोडीशी रद्दी demat account मध्ये जमा झाली होती. २ कंपन्यांचे share तरी आता demat account ला मध्ये जमा झाले होते. आत्ता फ़क़्त खरेदी विक्री चा भाग राहिला होता.. तो होण्या आधी थोडा अजुन drama बाकी होता खरा..
एक दोन दिवस अजुन गेले आणि एक दिवस मी बाहेरून आले तर मुलगी म्हणाली की ‘टपाल आहे’.. बघते तर ‘सही जुळत नाही’ म्हणून forms परत आलेले. forms म्हणजे share demat करण्यासाठी भरलेले forms. share होते १० वर्षा पूर्वीचे आणि तेव्हा मुलगी होती लहान. आता तिच्या सही मध्ये बदल होणं स्वाभाविक होतं. ‘करायचं काय या साठी?’ असं जेंव्हा बँकेत जाऊन विचारलं, तेंव्हा त्यांनी सांगितलं की ‘affidavit’ करा!!. जरा गोंधळायला झालं!! खरं म्हटलं तर आम्ही सगळे सुशिक्षित होतो त्यामुळे तसं व्हायला नको होतं पण झालं. ते काय आहे ना, की कुठलीही गोष्टं पहिल्या वेळी करताना थोडा गोंधळ हा होतोच.
ठाण्याला कोर्टासमोर stamp paper विकायची दुकानं आहेत, तिथून stamp paper विकत घेतला, तिथूनच त्या stamp paper वर मजकूर type करून घेतला. नंतर त्याच्या वर fee चा stamp लावून नोटरी ची सही पण घेतली. सगळं व्हायला २ एक तास लागले आणि झालं एकदाचं ते affidavit. मग बँकेत जाऊन एक copy दिली. तेव्हाचं बँकवाल्यांनी मुलीकडून त्यांच्या रेकॉर्डसाठी पुन्हा एकदा सही करून घेतली. हे सगळं झाल्यावर मग demat चे forms पुन्हा भरले आणि बँके कडून सही verify करूनच मग forms परत पाठवले.
अजुन काही काही मजा झाली पण ती काही सांगत बसत नाही. काही forms franking साठी अडकले होते, ते franking झाल्या वर गेले. असं करून एक एक करून एकदाचे सगळे forms बँकेकडे पोहोचले आणि अजुन एका छानश्या दिवशी एका statement मध्ये माझी सगळी रद्दी एकदाची demat account मध्ये जमा झालीये असं कळलं.
माझ्या बरोबर जे काही झालं आणि जसं काही झालं ते मी तुम्हाला सांगितलं. तुमच्याकडेही जर काही जुनी share certificates असतील तर पहा !! ती कोणत्याही स्थितीत असु देत, कुरतडलेली असोत किंवा फाटलेली असोत.. जोपर्यंत तुमचं नाव, shares ची संख्या आणि company चं नाव दिसत असेल, प्रयत्न करून बघा.. तुमच्या रद्दी चा पण काही उपयोग होवू शकेल. पण तो उपयोग होण्याआधी ते shares तुम्हाला demat account पर्यंत पोहोचवले लागतील!! त्या साठी आधी demat account उघडावा लागेल!! मला आलेला अनुभव बघून कदाचित तुम्हाला थोडी मदत होवू शकेल. काही मदत किंवा सल्ला हवा असेल तर मला नक्की कळवा; मला मदत करायला आवडेल.
हा तसा माझ्या प्रवासातला एक महत्वाचा टप्पा पण माझा प्रवास इथे संपलेला नाही.. आता तर फ़क़्त share demat झालेत; अजुन broker शोधायचा आहे , share च्या किमती शोधायच्या आहेत.. share विकायचे आहेत … अजुन बरचं काही आहे सांगायला पण ते पुढच्या वेळी…
पुढील भाग वाचण्यासाठी इथे क्लिक करा
भाग ११ – एक दिवस असा यावा, सगळे share demat करून जावा!!
5 Replies