आधीच्या आठवड्याचं समालोचन वाचण्यासाठी इथे क्लिक करा 

पावसाळा आहे सगळीकडे थोडीफार मंदी असतेच. त्यामुळे पावसाळी सेल लावून राहिलेल्या मालाची विक्री करून येणाऱ्या सणावारासाठी नवा माल भरण्याकडे व्यापाऱ्यांचा कल असतो. पण शेअरमार्केटमध्ये जो सेल लागला हा पावसाळी सेल नव्हता, फेस्टिव्हल सेल नव्हता किंवा सरकारी धोरणातील बदलामुळे लागलेला सेल नव्हता. हा ग्लोबल सेल होता असे म्हणावे लागेल.
सोमवार हा काळा दिवस म्हणावा लागेल. जेवढया वेळेला मोठ्या प्रमाणावर मार्केट पडले त्यातील ५ वेळेला ते सोमवारीच पडले. योगायोग म्हणा हवं तर ! २००९ नंतर प्रथमच एवढ्या मोठ्या प्रमाणावर सेल ऑफ झाला. सोमवारी BSE ( BOMBAY STOCK EXCHANGE) चा निर्देशांक सेन्सेक्स १६२४ पाईंट पडून २५७४१ वर बंद झाला तर NSE (NATIONAL STOCK EXCHANGE) चा निर्देशांक निफ्टी ४९० पाईंट पडून ७८०९ वर बंद झाला.मार्केट पडल्यामुळे शेअर्सचे भाव कमी झाले आणी त्यानुळे गुंतवणूकदारांची संपत्ती Rs.७००००० कोटी कमी झाली. VIX (VOLATILITY INDEX) एका दिवसांत ६४% वाढून २८.१३ झाले. हा INDEX मार्केटमधील अस्थिरता दाखवतो.
निसर्गाचे एक तत्व असते. एकाचे नुकसान तो दुसऱ्याचा फायदा असतो. मार्केट तेजीचा ज्यांना फायदा होतो त्या बुल्सचे नुकसान झाले पण बेअर्सनी चांगली कमाई केली. दीर्घ मुदतीसाठी गुंतवणूक करणाऱ्यांनी हे एक तर चहाच्या पेल्यातील वादळ समजून दुर्लक्ष केले किंवा खाली आलेल्या ब्लू चीप शेअर्सची खरेदी केली.
मी २००० सालापासून मार्केटमध्ये असल्याने अशा पद्धतीने मार्केट पडणे मला नवीन नव्हते. मार्केटला लोअर सर्किट लागून २१जानेवारी २००८ सोमवारी मार्केट इंट्राडे २०६३ पाईंट पडले या पडझडीमुळे १०%ची मर्यादा ओलांडली त्यामुळे १ तासासाठी मार्केट थांबले ही घटना मी अनुभवली आहे. अशीच स्थिती २२ जानेवारी २००८ रोजी ही होती.
सोमवारी सुरुवातीला मार्केट ५०० पाईंट पडले. त्यामुळे STOP LOSS ट्रिगर झाले. मार्जिन CALL साठी विक्री झाली. मार्केट दुपारपर्यंत ९०० पाईंट पडले. त्यानंतर युरोपिअन मार्केट उघडली ती ही मंदीतच त्यामुळे पुन्हा विक्री झाली. बास्केट सेलिंग सुरु झाले. सुरुवातीला ५०० पाईंट पडलेले पाहून Rs १०० ने शेअर स्वस्त मिळतो आहे असे समजून ज्यांनी थोडीफार खरेदी केली होती त्यांनी सुद्धा मार्केटचा रागरंग बघून घेतलेले शेअर्स प्रसंगी तोटा सोसून विकून टाकले. काही लोकांची घाबरगुंडी उडाली तर काही जण आपली शॉपिंग लिस्ट समोर घेवून बसले होते. आपल्याला ज्या भावाला शेअर्सची खरेदी करायची आहे त्या भावाला शेअर्स मिळतील अशी त्यांना आशा वाटत होती.
सरकारी प्रवक्ते सांगत होते की भारताची आर्थिक स्थिती चांगली आहे. आपल्याला घाबरण्याचे कारण नाही. तर शेअर बाजारातील तज्ञ आणी विश्लेषक निफ्टी ७२०० ते ७००० पर्यंत जाईल असे भविष्य वर्तवत होते. पण जे मार्केटमध्ये नवीन होते त्यांना मात्र भीती वाटली, काय करावे सुचेनासे झाले. त्यांना वाटले आभाळच फाटले ठिगळ लावायचं तरी कुठे
हे वादळ चीनमधून आलं हे आपण १० ते १४ ऑगस्ट या भागातून सांगितले होते. चीनची अर्थव्यवस्था ढासळत आहे. चीन सरकार ती सावरण्याचा विविध प्रकारे प्रयत्न करीत आहे. चीनने स्वतःच्या युवान या चलनाचे तीन हप्त्यांत ४.५ % अवमूल्यन करून चलनयुद्ध छेडलेले आहे.
मंगळवारी सेन्सेक्स आणी निफ्टीने उसळी मारून दोन्हीही निर्देशांकांत सुधारणा झाली. रुपयाही सुधारला. मंगळवारी २५ ऑगस्ट रोजी चीनने आणखी काही घोषणा केल्या त्या खालीलप्रमाणे
(१) चीनने डीपॉझीटवरील व्याजदर .२५% ने कमी करून १.७५ % केले.
(२) कर्जाचे दरही कमी करून ४.६% केले. हे नवीन दर २६ ऑगस्ट पासून लागू होतील
(३) रिझर्व रेशियो ०.५० ने कमी केला. हे ६ सप्टेंबरपासून लागू होइल.
हे सर्व उपाय योजूनही चीनची अर्थव्यवस्था ढासळत असल्यामुळे चीनला हे कळेनासे झाले की काय करावे. त्यांची अवस्था आभाळच फाटलं अशी झाली. शुक्रवारी चीनची सेन्ट्रल बँक PBOCने ६० बिलिअन युवानचे २.३५ % व्याजाने. short टर्म लेंडिंग ऑपरेशन केले. चीनची अर्थव्यवस्था जगांत सगळ्यांत मोठी, त्यामुळे त्यांची कच्चा माल, धातू., क्रूड यांची मागणी जास्त. चीनमध्ये मागणी कमी झाल्यामुळे आर्थिक मंदी येऊ लागली तर त्याचे परिणाम जगातील चीनला निर्यात करणाऱ्या इतर देशांवर होणारच. आधीच ग्रीसच्या संकटाने जागतिक अर्थव्यवस्था ढवळून निघाली आहे. प्रत्येक देशच ठिगळ कुठे लावले तर आर्थिक स्थिती सुधारेल या प्रयत्नांत आहे.
या स्थितीमध्ये रुपयाचा विनिमय दरही ८२ पैसे कमी होऊन US$ 1= Rs ६६.६४ झाला. मार्केट आणी सोने यांचे नेहेमी व्यस्त प्रमाण असते. सोन्याचा भाव वधारला. जपानी येन आणी युरो यांचे US$ शी असलेले भाव वधारले. अनिवासी भारतीयांकडून स्वदेशी येणारे रेमिटन्सचे प्रमाण वाढले. क्रूडचा भाव आणखी घसरला. भारताचे CAD( CURRENT ACCOUNT DEFICIT) ४.७ % वरून (२०१३मध्ये असलेली) १.३% पर्यंत कमी झाली. पाउस चांगला पडल्यामुळे दुष्काळाचे संकट दूर झाले. गंगाजळी वाढली. भारताची घरगुती मागणी वाढत आहे. अर्थव्यवस्था स्थिर होऊन प्रगतीपथावर आहे.सरकारी पॉलिसी PARALYSIS संपून नवीन सरकार धडाडीने आणी त्वरीत निर्णय घेत आहे. काही कारणामुळे एक दुकान चालेनासे झाले की शेजारच्या दुकानांत मागणी वाढते. या तत्वानुसार चीनमधील ढासळत्या अर्थव्यवस्थेचा भारताला फायदा होण्याचा संभव आहे. नेपाळचा भूकंप, चीनमधील आर्थिक भूकंप आणी ग्रीसचे संकट या आंतरराष्ट्रीय घटनांकडे वेगवेगळ्या नजरेतून पहावे लागेल.
या आठवड्यांत चार IPO सुरु होऊन बंद झाले. नवकर कॉर्पोरेशनचा इशू २६ ऑगस्टला बंद झाला. पेन्नार ENGINEERED बिल्डिंग, पुष्कर केमिकल्स, आणी प्रभात डेरीज हे ipo येत आहेत. यापैकी नवकर कॉर्पोरेशनच्या इशुला प्रतिसाद चांगला मिळाला. मार्केटमधील पडझडीचा परिणाम पॉवरमेक या कंपनीच्या लिस्टिंगवर झाला. वादळाच्या लाटेत लिस्टिंग खराब झाले.
सरकार पुन्हा जमीन अधिग्रहण बिल आणी GST बिल पास करून घेण्यासाठी मैदानांत उतरले आहे.. जमीन अधिग्रहण बिल पास करून घेण्याचा नवीन मार्ग शोधून काढला आहे. GST साठी संसदेमध्ये फ्लोअर MANAGEMENT झाली आहे असे बोलले जात आहे. BOT प्रोजेक्टमधून प्रोजेक्ट पूर्ण झाल्यापासून दोन वर्षे पुरी झाल्यावर १००% स्टेक विकण्यासाठी तरतुड केली आहे.
आज सरकारने स्मार्ट सिटी योजना जाहीर केली. या योजनेवर एकूण Rs ९६००० कोटी रुपये खर्च होतील. या योजनेअंतर्गत भारताच्या निरनिराळ्या राज्यातून स्मार्ट सिटीज बनवल्या जातील. महाराष्ट्र १०, मध्यप्रदेश ७ कर्नाटक ६ तामिळनाडू १२ गुजरात ६ युपी १३ आंध्र पंजाब बिहार या राज्यांत प्रत्येकी ३ आणी राजस्थान आणी बंगाल मध्ये प्रत्येकी ४ अशा स्मार्ट सिटीज बनवल्या जातील.ज्यांची लोकसंख्या १ लाखांपेक्षा कमी अशा ८, १ लाख ते ५ लाख अशा ३५, ५ ते १० लाख अशा २१ आणी २५ लाख ते ५० लाख लोकसंख्या असलेल्या ५ स्मार्ट सिटीज बनवल्या जातील. स्मार्ट सिटीजमध्ये सार्वजनिक आरोग्य, वीजपुरवठा, पाणीपुरवठा, टेलिकॉम इत्यादी infrastructure सोयी समाधानकारक आणी २४/७ उपलब्ध असतील. या स्मार्ट सिटीपैकी २४ व्यापार आणी उद्योग केंद्रे, १८ सांस्कृतिक आणी पर्यटन केंद्रे असतील आणी तीन शिक्षण आणी आरोग्य केंद्रे असतील.
गुरुवारी सेन्सेक्ष ५०० पाईंट आणी निफ्टी १०० पाईंट वाढून अनुक्रमे २६२३१ आणी ७९५८ वर बंद झाले. अर्थात ह्या गुरुवारी ऑगस्ट एक्सपायरी होती. मार्केटने expiryचे निमित्त साधून फाटलेल्या मार्केटला थोडेसे ठिगळ लावण्याचा प्रयत्न केला. त्यामुळे गुंतवणूकदार तसेच ट्रेडर्सचा मूड सुधारण्यास मदत झाली.
एडीएजी समूहाच्या पिपावाव डिफेन्स या कंपनीला कामोव हेलिकॉप्टर बनविण्यासाठी US$१०० कोटींचे CONTRACT मिळाले.रत्नागिरी GAS and पॉवर या कंपनीचे दोन भाग करून GASचे काम GAILकडे तर पॉवर चे काम NTPC ला देण्यांत आले आहे. SEQUENT SCIENTIFIC या कंपनीने LYKAA EXPORTS चा ANIMALहेल्थ बिझीनेस खरेदी केला. शसून फार्माच्या STRIDES ARCOLAB मधील विलीनिकरणास मुंबई हायकोर्टाने मंजुरी दिली. लुपिन या कंपनीच्या PRILOSEC या असिडीटीसाठी असलेल्या जनरिक औषधाला USFDA ची मंजुरी मिळाली. आज क्रूडच्या किंमती वाढल्या.
मार्केटमधील तेजी आणी मंदी या एकाच नाण्याच्या दोन बाजू आहेत .मार्केटमध्ये मंदीची लाट येणे, मार्केट पडणे ही स्वाभाविक घटना आहे. प्रत्येक वेळेला होणाऱ्या पडझडीचे कारण मात्र वेगळे असू शकते. अपघात पूर दुष्काळ वादळ भूकंप या सर्व घटनांकडे ज्या नजरेने पाहतो त्याच पद्धतीने शेअरमार्केट मधील या घटनेकडे पाहिले पाहिजे. प्रत्येकाच्याच दृष्टीने आभाळ फाटले असेल असे नाही फक्त काही गोष्टींकडे तुम्ही लक्ष दिले पाहिजे अशी घटना घडल्यानंतर मार्केट ट्रेंड बदलला आहे कां ? आपल्याला आपला पोर्टफोलीओ बदलला पाहिजे कां ? पैशाच्या गुंतवणुकीची विभागणी करताना काही बदल आवश्यक आहेत कां ? धोका कमीतकमी होण्यासाठी काय केले पाहिजे ? या गोष्टीचा विचार करून पुढचे पाउल टाकाल तर मार्केटच्या पडझडीमध्ये तुमची घाबरगुंडी उडणार नाही. उलट ठिगळ लावण्याचा विचार सोडून देऊन पडझडीमध्ये चांगले चांगले शेअर्स कमी भावाला खरेदी करून पोर्टफोलीओ भक्कम बनवू शकता.
 

आधीच्या आठवड्याचं समालोचन वाचण्यासाठी इथे क्लिक करा 
तुम्ही म्हणाल अहो बुडतंय कोण ? आणी जरी बुडत असेल तरी आम्हाला काय सांगतां !त्याला वाचवणं आमचं काम आहे अस वाटलं की काय तुम्हाला !आणी समजा बुडत असेल तरी तो काडीच्या आधाराने वाचणार थोडाच ! अहो अगदी हेच मलाही म्हणायचे आहे. काडीच्या आधाराने तो वाचणार नाही. पण ‘काडीचा आधार’ market मधे मात्र तुम्हाला वाचवू शकेल.
या आठवड्यात अगदी तसचं काहीस घडले. सार्वजनिक क्षेत्रातील सरकारी बँकांची आर्थिक स्थिती फारशी चांगली नाही हे प्रत्येकालाच माहिती आहे. या बॅंकातील NPA (NON- PERFORMING ASSET) मध्ये  होणारी वाढ चिंताजनक आहे. NPA विकण्याची बँकांना परवानगी दिली आहे. या बॅंका NPA ची विक्री  ARC (ASSET RECONSTRUCTION COMPANY) ना करू शकतात. यामुळे बँकांची कर्जवसुलीपासून सुटका होते.NPAचे RESTRUCTURING करायची परवानगी दिली म्हणजेच लोनचा हफ्ता कमी करणे किंवा परतफेडीची मुदत वाढवून देणे किंवा व्याजाच्या दरांत सूट देणे इत्यादी उपायांनी परिस्थितीत फारशी सुधारणा दिसली नाही.म्हणून  सरकारने ७ कलमी इंद्रधनुष्य योजना जाहीर केली.  या योजनेखाली सरकार सार्वजनिक क्षेत्रातील बँकांना Rs २०००० कोटी भांडवलाचा पुरवठा करेल. तसेच खासगी क्षेत्रातील मान्यवर आणी कर्तबगार व्यक्तींची बँकेचे चेअरमन आणी MANAGING डायरेक्टर म्हणून नेमणूक करण्यांत येईल. बँक बोर्ड ब्युरो म्हणून एक संस्था स्थापन करण्यांत येईल. ही सर्व बँकांना पॉलिसी, कार्यवाही, आणी नेमणुका या अनेक इतर महत्वाच्या बाबतीत मार्गदर्शन करेल. बँक बोर्ड ब्युरो मध्ये चेअरमन आणी इतर सहा सभासद असतील. सरकारने बँकांना आश्वासन दिले आहे की यापुढे बँकांच्या कामकाजांत कमीतकमी सरकारी हस्तक्षेप असेल.हे सर्व उपाय म्हणजे वरवर दिसणारी मलमपट्टी आहे.  बुडत्याला काडीचा आधार आहे झालं
रिझर्व बँकेने ११ कंपन्याना पेमेंट बँक चालू करण्यासाठी मंजुरी दिली. पेमेंट बँक खालील सेवा त्यांच्या ग्राहकांना पुरवू शकतात. या सुधारणा फायनांसीयल इन्क्लुजनअंतर्गत केलेल्या आहेत
(१)     ही बँक ग्राहकांकडून Rs१००००० पर्यंत डीपॉझीट स्वीकारू शकते. मात्र ही  बँक कोणत्याही प्रकारची मुदत ठेव स्वीकारू शकत नाही.
(२)     ही बँक ATM /डेबिट कार्ड देऊ शकते
(३)     ही  बँक कोणालाही कर्ज देऊ शकत नाही.
(४)     ही बँक क्रेडीट कार्ड देऊ शकत नाही
(५)     ही  बँक ग्राहकांना वेगवेगळ्या प्रकाराने पेमेंट आणी पैसे पाठविण्याच्या सुविधा पुरवू  शकते
(६)     ही बँक युनिव्हर्सल बँकेची ( आजच्या खाजगी आणी सार्वजनिक खेत्रातील बँकांचे नवे नाव) प्रतिनिधी म्हणून काम करू शकते.
(७)     युनिवर्सल बँकेची प्रतिनिधी म्हणून  ती त्या बँकेच्या  इन्शुरन्स आणी मुच्युअल फंड आदींची विक्री करू शकते.
(८)     पेमेंट बँकेला रिझर्व बँकेच्या नियमांप्रमाणे CRR (CASH RESERVE RATIO) ठेवावा लागेल. आणी त्यांच्या डीपॉझीटपैकी ७५% डीपॉझीटची गुंतवणूक सरकारी BONDS मध्ये  करावी लागेल. २५% डीपॉझीट SCHEDULED  COMMERCIAL बँकांच्या चालू बचत किंवा मुदत ठेवीच्या स्वरूपांत ठेवू शकतात.
(९)     या बँकेचे पूर्ण कार्यसंचालन NETWORKED आणी TECHDRIVEN  असले पाहिजे. ही बँक ATM, मोबाईल, इंटरनेट आणी त्यांची  विक्रीकेंद्र या माध्यमातून सेवा देईल.
(१०) बँकेने ग्राहकांच्या तक्रारी ऐकून त्यावर कार्यवाही करण्यासाठी एक उच्चाधिकार असलेली ‘ग्राहक तक्रार निवारण सेल स्थापन केली पाहिजे.
अहो इमारत ढासळू लागली की बांबूचा किंवा लोखंडी बीमचा आधार देतात. परंतु लवकरांत लवकर इमारत दुरुस्त करून घेणे अपेक्षित असते. किंवा  एखादे मुल नापास झाले तर गाईड आणून देतात ट्युशन लावतात पण मुलाला अभ्यास करावाच लागतो.तरच प्रगती दिसते. त्याचप्रमाणे सार्वजनिक क्षेत्रातील सरकारी बँकांनी भगीरथ प्रयत्न करून स्थिती सुधारून आधार फेकून दिले पाहिजेत. त्याच पद्धतीने कुणाचे पैसे बँकांच्या शेअर्समध्ये अडकले असतील त्यानासुद्धा हाच काडीचा आधार. अशा योजना जाहीर होतात तेव्हा या बँकांच्या  शेअरच्या किंमती वाढतात आणि विकायची संधी मिळते
NCDRC (NATIONAL CONSUMER DISPUTES REDRESS COMMISSION) ने नेस्लेविरुद्ध सरकारने केलेली तक्रार दाखल करून घेतली आणी त्या संबंधांत नेस्लेला नोटीस पाठवली. सरकारने Rs ६४० कोटी नुकसानभरपाई मिळावी म्हणून हा अर्ज केलेला आहे. सरकारने ३० सप्टेंबरपर्यंत टेस्टिंगसाठी SAMPLES निवडली पाहिजेत.NCDRCने पुन्हा ‘MAGGI’ च्या SAMPLES चे  टेस्टिंग करायला सांगितले.सुप्रीम कोर्टाने मुंबई हायकोर्टाने FSSAI ने दिलेल्या ADVISORY फॉर प्रोडक्ट APPROVAL वर घातलेली बंदी उठविण्यास नकार दिला.
‘बिर्ला कॉर्प’ या कंपनीने ला फार्ज या कंपनीच्या दोन सिमेंट सिमेंट युनिट्सची खरेदी Rs ५००० कोटींना केली.  सुप्रीम कोर्टाने FTIL (FINANCIAL TECHNOLOGIES) ला इंडिया एनर्जी एक्शेंज मधील २६% स्टेक एस्क्रो अकौंटमध्ये ठेवायला सांगितले.NCMS (NATIONAL COLLATERAL MANAGEMENT SERVICES)ने अडाणी पोर्ट बरोबर करार केला.फेअर FAX (इंडिया) या कंपनीने NCMS मधील ७४% स्टेक US$१२६ बिलीयनला विकत घेतला. कावेरी सीड्स कंपनीने कर्नाटक सरकारला द्याव्या लागणाऱ्या ROYALTY साठी प्रोविजन केली नाही आणी प्रमोटर्स शेअर्स विकत असल्याने कंपनीच्या शेअर्सची किंमत कमी झाली. ILFS ट्रान्सपोर्ट ही कंपनी २६ ऑगस्ट २०१५ रोजी होणाऱ्या बोर्ड ऑफ डायरेक्टर्स च्या मीटिंगमध्ये RIGHTS इश्यू आणण्यावर विचार करणार आहे. स्टेट बँकेने ACCENTURE आणी मास्टरकार्ड यांच्या सहकार्याने मोबाईल WALLET APP  LAUNCH  केले. ओबेराय रिअल्टी ह्या कंपनीने क्रॉम्पटन ग्रीव्झ या कंपनीच्या ऑफिस बिल्डींगची वरळी येथील सुमारे १ एकर जागा खरेदी केली. या जमिनीवर ऑफिसची बिल्डींग पाडून तेथे निवासी कॉम्प्लेक्स बनविण्याचा कंपनीचा विचार आहे INFOSYS या कंपनीचे चेअरमन विशाल सिक्का यांनी कंपनीची नवीन STRATEGY जाहीर केली. या STRATEGYचे नाव त्यांनी AiKiDo(ARTIFICIAL INTELLIGENCE, KNOWLEDGE BASED IT  AND DESIGN THINKING) असे  ठेवले.
रबर आणी कॉफी यांच्या प्रोसेसिंग आणी प्लानटेशन करणार्या कंपन्यांमध्ये १००% FDI करण्यासाठी सरकार परवानगी देणार अशी बातमी होती. यामुळे रबराची आयात कमी होईल आणी कॉफीची निर्यात वाढेल अशी अपेक्षा आहे बुधवारी DIPPने जाहीर केले की सरकारचा असा कुठलाही विचार नाही.चीन मधून पेंटसंबंधीत येणाऱ्या मालावर सरकारने एन्टीडम्पिंग ड्युटी लावली.तांब्याच्या किमती सहा वर्षाच्या कमीत कमी स्तरावर आहेत त्यामुळे मारुती, हिरोमोटो, बजाज ऑटो, HAVELLS, KEI, आणी तांबे कच्चा माल म्हणून वापरणाऱ्या कंपन्यांना याचा फायदा होईल. पण यामुळे ज्यांचा पक्का माल तांबे आहे अशा हिंदाल्को, नाल्को, हिंदुस्थान कॉपर, वेदांत इत्यादी कंपन्यांच्या उत्पन्नावर प्रतिकूल परिणाम होईल.
सेबीने अल्केमिस्ट या कंपनीच्या प्रमोटर्स डायरेक्टर यांच्यावर खरेदी विक्रीसाठी ४ वर्षासाठी बंदी घातली आहे. ओखला पक्षी अभयारण्याच्या इकोसेन्सिटिव्ह झोनच्या मर्यादा निश्चित केल्यामुळे नोइडामध्ये बांधलेल्या इमारतींमधील सुमारे  ५००००  FLATSचे  OCCUPATION CERTIFICATE मिळण्याचा मार्ग मोकळा झाला.त्यामुळे बिल्डर्स, FLAT बुकिंग करणार्या ग्राहकांनी सुटकेचा निश्वास सोडला.DLF ने सांगितले की नोइडा MALL  डिसेंबर २०१५ पर्यंत चालू होईल त्यापासून वर्षाला Rs २०० कोटी उत्पन्न मिळण्यास सुरुवात होईल. या निर्णयाचा फायदा UNITECH आणी J.P. इन्फ्राटेक या कंपन्यांनाही होईल. या कंपन्यांची काय अवस्था आहे हे गुंतवणूकदारांना चांगलेच माहित आहे. त्यामुळे हा उपायसुद्धा बुडत्याला काडीचा आधारच म्हणावा लागेल.
कॅफे कॉफी डे या कंपनीच्या Rs११५० कोटींच्या IPO (INITIAL PUBLIC OFFER) ला सेबीने हिरवा कंदील दाखवला.मास्टेक या कंपनीने आपला इन्शुरन्स बिझीनेस वेगळा करून MAJESCO ही कंपनी स्थापन केली. या MAJESCO कंपनीचे बुधवारी शानदार लिस्टिंग झाले. या कंपनीचे NYSE ( NEWYORK STOCK  EXCHANGE)वर याआधीच लिस्टिंग झाले आहे.पुष्कर केमिकल आणी फरटीलायझर या कंपनीचा IPO २५ ऑगस्टला सुरु होऊन २७ ऑगस्टला बंद होईल.  ३० ऑक्टोबर पासून अम्टेक ऑटो हा शेअर F&O मधून बाहेर पडेल.
या आठवडाभर सतत रुपयाची किमत घसरत आहे. चीनने प्रथम सुरुवात केली आणी त्यामुळे जणू काही चलनयुद्ध सुरु झाले. सगळ्या देशांच्या चलनाच्या किमतीत घट झाली. ज्या कंपन्यांचे परदेशी कर्ज जास्त असेल त्या कंपन्यांना याचा सगळ्यांत जास्त फटका बसला उदा : R COMM
गुंतवणूकदारांना सुद्धा काडीच्या आधाराची गरज असते. काही वेळा शेअरचा भाव पडू लागतो व ट्रेड तोट्यांत जातो. असा तोट्यांत गेलेला ट्रेड अचानक एखाद्या बातमीमुळे शेअरचा भाव वाढून फायद्यांत रुपांतरीत होऊ शकतो त्या वेळी फायदा कमी होतोय हा विचार न करता शेअर विकून मोकळे व्हावे. पूर्णच बुडीत खाते होण्यापेक्षा थोडासा फायदा घेणे योग्य नव्हे काय ! म्हणजेच काडीचा आधार घेवून बुडण्यापासून स्वतःला वाचवावे.
 

आधीच्या आठवड्याचं समालोचन वाचण्यासाठी इथे क्लिक करा 
GST (GOODS and SERVICES TAX) ने मार्केटला चांगलाच नाचवलं!, नेहमी मार्केट सर्वांना नाचवते.पण कधीना कधी शेरास सव्वाशेर मिळतोच.शेअरमार्केटला GST मुळे स्थैर्य येण्यास उसंत मिळालीचं नाही. दोन मिनिटांत मार्केट २०० पाईंट पडत होतं आणी तेव्हढेच सुधारत होते. सर्वांनाच GSTचे बिल मंजूर व्हावे असे वाटत होते. GST बिल मंजूर होऊन जर १ एप्रिल २०१६ पासून अमलांत आले तर डबल डीजीट GDP (GROSS DOMESTIC PRODUCT) GROWTH होईल असे अंदाज वर्तवले जात आहेत.पावसाळी अधिवेशनाचे सूप वाजलं. भूमी अधिग्रहण बिल आणी GST याची चर्चा भरपूर झाली पण प्रत्यक्षांत काही घडले नाही. मार्केटची मात्र ‘आशा सुटेना देव भेटेना’ अशी स्थिती झाली. STOPLOSS लावता लावता आणी काढता काढता ट्रेडर्सची दमछाक झाली.
GST च्या विषयावर मार्केट नाचून नाचून दमले. तोपर्यंत चीनने त्यांच्या YUAN ह्या चलनाचे १.९% अवमूल्यन केले असेच अवमूल्यन तीन दिवस केले गेले. गुरुवारपर्यंत हे अवमूल्यन ४.५%. पर्यंत पोहोचले. ब्रम्हास्त्रच वापरले चीनने म्हणा की ! यामुळे एकप्रकारे आंतरराष्ट्रीय पातळीवर चलन युद्धाला आमंत्रण मिळाले असे म्हणावे लागेल. यामुळे चीनमधून होणारी निर्यात स्वस्त झाली आणी चीनमध्ये येणारी आयात महाग झाली. मार्केटचे फावले. मार्केटचा नाच सुरूच राहिला. ज्या कंपन्यांचा चीनशी व्यवहार होता त्यांचे शेअर्स पडले.चलनातील गोंधळामुळे रुपयाही पडू लागला. गुरुवारी US$१=Rs ६५ झाला.तेल कंपन्यांकडून US$ची मागणी वाढली त्यामुळे रुपया घसरला असे RBIने सांगितले. म्हणजेच चलनाने ही नाचण्याकरता घुंगरू बांधले.संसदेच्या ५ दिवसांच्या संयुक्त अधिवेशनांत GST बिल पास होईल असा सुगावा मार्केटला लागलेला दिसला रेट सेन्सिटीव असलेले शेअर्स म्हणजेच (ऑटो realty आणी बँका ) वाढले त्यमुळे शुक्रवारी मार्केट मनापासून नाचले.
TRAI (TELECOM REGULATORY AUTHORITY OF INDIA ) ने काही अटी घालून स्पेक्ट्रम शेअरिंग साठी परवानगी दिली. त्यामुळे भारती IDEA हेही शेअर्स नाचांत सामील झाले.  या नाचामध्ये नेस्लेचा शेअरही सामील झाला. कोर्टाने नेस्लेवरील maggiच्या बाबतीतला मनाई हुकुम रद्दबातल ठरवला. नेस्लेने प्रत्येक batchची ५ sample हैदराबाद, जयपूर आणी मोहाली अशा तीन ठिकाणच्या टेस्टिंग lab मध्ये दिली पाहिजेत. सहा आठवड्यांनी याचा रिपोर्ट मिळेल. तोपर्यंत maggiचे उत्पादन आणी विक्री करू नये असे सांगितले. सरकारनेही राष्ट्रीय ग्राहक मंचाकडे तक्रार केली शक्रवारी कंपनीने सरकारला Rs ६४० कोटी नुकसानभरपाई म्हणून दिले. अशा प्रकारे नेस्लेच्या शेअरचा भाव आठवडाभर कमीजास्त होत होता.
महागाईच्या आकड्यांनी नाचामध्ये बहार आणली. CPI मध्ये ४.५ वरून ४.३४ झाली जुलै WPI -४.०५ %झाले त्यामुळे लोकांना आशा वाटू लागली की रिझर्व बँक रेट कट करेल.  वेगवेगळ्या क्षेत्रातील कंपन्यांचे तिमाही निकाल येत राहिले. त्यामुळे शेअर्सच्या किमतीत फरक पडत होताच.M&M, MARKSANS फार्मा, ONGC, ग्लेनमार्क फार्मा, टाटा स्टील, जेट एअरवेज या कंपन्यांचे रिझल्ट चांगले आले. टाटा मोटर्स, BHEL, JUBILIANT फूड्स या कंपन्यांचे रिझल्ट्स निराशाजनक आले.  या नाचामध्ये काही झेंडे फडकत होते.
(१) वेदांत गोव्यामध्ये मायनिंग ऑपरेशन सुरु करणार आहे त्यासाठी आवश्यक त्या सर्व मजुरी त्यांना मिळाल्या आहेत
(२) बायोकॉनची सबसिडीयरी ‘SYNGENE’ च्या शेअर्सचे लिस्टिंग चांगले झाले. Rs २५० ला दिलेल्या शेअरवर Rs ६० लिस्टिंग गेन मिळाला.
(३) ज्या सार्वजनिक क्षेत्रातील कंपन्यांकडे शिलकी पैसा आहे त्यांनी जास्त लाभांश द्यावा असे सरकारने एक पत्र पाठवून या कंपन्याना सांगितले आहे. सरकारच्या शेअरहोल्डिंगवरील लाभांश INFRASTRUCTURE फंडामध्ये जमा केला जाईल.रिझर्व बँक ऑफ इंडियाने त्यांच्या जवळील अतिरिक्त रक्कम Rs ६५८९६ कोटी सरकारकडे जमा करू असे सांगितले याचा उपयोग INFRASTRUCTURE डेव्हलपमेंट साठी केला जाईल.
(४) बुधवारी रुपया US$१ = Rs ६४.८० पर्यंत गेला. त्यामुळे ज्या कंपन्यांना निर्यातीतून (उदा : फार्मा आणी IT सेक्टर ) फायदा होतो त्यांच्या शेअर्सची किंमत वाढली.
(५) विमानकंपन्यांनी किंमतीबाबतचे युद्ध सुरु केले. जेट एअरवेजने फ्रीडम सेलची योजना आखली. प्रवासी भाड्यांत ३०% सूट मिळेल असे सांगितले. त्यामुळे आपोआपच बाकी कंपन्यांनाही त्यांचे धोरण बदलावे लागेल.
(६) २९ सप्टेंबरपासून निफ्टीमध्ये ‘अदानी पोर्ट ‘ चा समावेश केला जाईल. NMDC चा शेअर निफ्टीच्या बाहेर होईल.३१ ऑगस्टपासून GLOBAL STANDARD INDEX मध्ये इंडिया बुल्स हौसिंग आणी ग्लेनमार्क फार्मा यांचा समावेश होणार आहे. आणी त्यातून JSPL बाहेर पडेल
(७) DIVI’s, COLGATE, दिवान हौसिंग फायनान्स यांनी १:१ बोनस जाहीर केले. NATCO फार्मा आणी CADDILLA HEALTHCARE यांनी १ शेअरचे ५ शेअर्समध्ये स्प्लिट जाहीर केले. (नुकतेच बोनसवरचे पोस्ट टाकले आहे लवकरच स्प्लिटवरचे पोस्ट टाकू)
सध्या मार्केटमध्ये काय घडते आहे हे समजावून घेण्याचा प्रयत्न करा पण समजत नसेल तर गप्प बसा जेव्हा मार्केट पडेल तेव्हा शक्य असल्यास थोड्या प्रमाणांत जपून पावले टाकत खरेदी करा.
श्रावण महिन्याचे स्वागत करावे म्हणून की १५ ऑगस्टला सलामी द्यावी म्हणून माहीत नाही पण मार्केट नाचले. आता पुढील आठवड्यांत नाच नाचुनी अती मी दमले असे म्हणते की आपला नाच चालू ठेवते. हे पाहू या.

आधीच्या आठवड्याचं समालोचन वाचण्यासाठी इथे क्लिक करा 
चौथ्या वर्षीचा पहिला पोस्ट लिहिताना मला खूप मजा येतीये. देवाची लीला अगाध आहे असंच म्हणावं लागेल. मंगळवारी वर्तमानपत्रांत छापून आलेली बातमी वाचून मला आश्चर्य वाटले. देशांतील सर्वांत श्रीमंत देवस्थान तिरुपती बालाजीला शेअर्स दान करता येणार आहेत. यासाठी देवस्थानने ४ ऑगस्ट २०१५ रोजी ‘DEMAT’ अकौंट उघडला आहे. शेअर्सच्या रूपांत दान स्वीकारणारे हे पहिलेच देवस्थान आहे. याला भाविकांकडून चांगला प्रतिसाद मिळेल अशी बातमी आहे.या मुळे शेअरमार्केट म्हणजे सटटा जुगार ही प्रतिमा  पुसली जाण्यास मदत होईल हे मात्र नक्की. म्हणून आता तुम्ही सर्व भीती सोडून तिरुपती बालाजीची प्रार्थना करून शेअरमार्केटमध्ये व्यवहार करून देवाला शेअर्सचे दान देऊच असा निश्चय करा.
‘SPARC’ या ट्रेडमार्कबाबत जो विवाद होता तो समाधानकारकरीत्या सुटला. क्रूडच्या किमतीत घट झाल्यामुळे ‘ATF’ च्या किमतीही कमी झाल्या. ऑटोविक्रीचे आकडे आले. यावेळी अशोक LEYLAND चे विक्रीचे आकडे चांगले आले,. पंतप्रधानांची शुगर कंपन्यांशी बोलणी झाली. इथेनाल ब्लेंडिंग आणी एक्स्पोर्टला परवानगी देण्याची शक्यता आहे. सरकारने १ ऑक्टोबर २०१५ पासून शिलकी साखरेची निर्यात सक्तीची करण्यांत येईल.तसेच  प्रत्येक कंपनीला निर्यातीसाठी कोटा निश्चित करण्याचीही शक्यता आहे.असे जाहीर केले.  मारुती लिमिटेडचे विक्रीचे आकडे चांगले आले पण यांत डोमेस्टिक विक्रीचे प्रमाण जास्त आहे. टेक कंपन्यांचे आकडे आले.मार्केट नेहेमी रिलेटीव(RELATIVE) परफॉरमन्स पहाते. अब्सोलूट(ABSOLUTE) परफॉरमन्स पहात नाही. फक्त ठराविक कंपनीचा निकाल पाहून खरेदी केली जात नाही तर त्या क्षेत्रातील सर्व कंपन्यांचा तुलनात्मक अभ्यास करून खरेदी केली जाते. शेअरची किमत आणी कंपनीची साईझ कंपनीच्या नफ्यातील सातत्य विचारात घेतले जाते.  TCS ( TATA CONSULTANCY SERVICES) नेहेमी इंडस्ट्रीच्या सरासरीपेक्षा चांगला रिझल्ट देते आहे. परंतु TCSचा शेअर महाग झाला आहे.’इन्फोसिसच्या बाबतीत म्हणाल तर गेल्या तीन वर्षांत कंपनीची प्रगती चांगली नसल्याने लोकांनी  INFOSYSचे शेअर्स विकून टाकले होते. व्यवस्थापनाच्या कॉमेंट्रीने लोक उत्साहित झाले आता हळू हळू या कंपनींत पैसे गुंतवायला हरकत नाही असे लोकांना वाटले. KKR ही कंपनी ‘JBF’ इंडस्ट्रीमध्ये Rs ९३० कोटींची गुंतवणूक करणार आहे.
भारत फोर्जचा रिझल्ट ठीकठाकच म्हणावा लागेल. PAT, आणी मार्जिन अपेक्षेप्रमाणे होते. दुसऱ्या तिमाहीमध्ये मागणीमध्ये सुधारणा दिसत आहे.असे सांगत भारत फोर्जने अर्निंग अपग्रेड जाहीर केले. आंतरराष्ट्रीय मार्केटमध्ये कपाशीच्या किमती कमी झाल्यामुळे KPR मिल्स, लंबोदरं टेक्स्टाईल, रुबी मिल्स, अरविंद या कंपन्याना फायदा झाला.
‘FOXCONN TECHNOLOGY GROUP’( APPLE IPHONES बनविणारे)  येत्या ५ वर्षांत मोबाईल, टी व्ही, इलेक्ट्रोनिक पार्ट्स इत्यादीचे उत्पादन करण्यासाठी युनिट स्थापन करण्यासाठी ‘मेक इन इंडिया’ कार्यक्रमांतर्गत Rs १२८०० कोटीची गुंतवणूक करणार आहे. या कंपनीबरोबर अडाणी एन्टरप्रायझेस JOINT वेंचर करणार आहे. महाग असणाऱ्या शेअर्समध्ये चांगले volume होते. उदा. MRF Rs ४५६००, BOSCH Rs २६०००, टाईड वाटर ऑईल Rs १८६००, EICHER MOTORS Rs २०१८० , ORACLE, GLAXO इत्यादी..
रिझर्व बँकेने छोट्या बॅंका आणी पेमेंट बँक्स यांचे लायसेन्स कोणाला देणार हे या महिन्याअखेर कळेल असे जाहीर केले.रिझर्व बँकेने आपल्या पॉलिसीमध्ये CRR (कॅश रिझर्व रेशियो) ४%, REPO रेट ७.२५ % आणी रिवर्स रेपो रेट ६.२५% मध्ये कोणताही बदल केला नाही. तसेच सर्व सार्वजनिक तसेच खाजगी क्षेत्रातील बँकांनी  कर्जावर आकारत असलेल्या दरांमध्ये कपात करावी असे सुचविले.
मंगळवारी रिझर्व बँकेने रेट कट न केल्याने मार्केट कोसळले, पुन्हा सुधारले आणी पुन्हा पडले. क्रूड पडते आहे. ही फायद्याची गोष्ट आहे. ग्रीसचे संकट अवर्षणाचे संकट, चीनमधील घडामोडी या सर्व हळू हळू मार्केटच्या,पटलावरून अदृश्य होत गेल्या. अन्नपदार्थांच्या वाढत असलेल्या किमती, मान्सूनचे विस्कळीत पडणे ह्या गोष्टी तात्पुरत्या असल्या तरी FED सप्टेंबर मध्ये रेट वाढविण्याची शक्यता आहे. त्यावेळी परदेशातील गुंतवणूक भारताबाहेर जाण्याची शक्यता आहे. ह्या सर्व गोष्टींचा विचार करता सध्यातरी रेट कट करणे लांबणीवर टाकावे लागले असे रिझर्व बँकेच्या GOVERNORने सांगितले.
FSSAI ने MAGGIला क्लीन चीट दिली. CENTRAL FOOD TECH RESEARCH INSTITUTE या FSSAI ची मान्यता असलेल्या संस्थेने MAGGI ला क्लीन चीट दिली. याचा परिणाम नेस्लेच्या शेअरवर होऊन शेअर Rs ६०० वाढला.1 जून ते ५ ज्ञून  ‘भीतीच्या भिंती ( आठवड्याचे समालोचन ) या भागातून मी नेस्त्ले च्या संदर्भांत लिहिले होते. एक चांगला शेअर कमी भावांत मिळतो आहे असे आपणास सांगितले होते. त्यावेळी शेअरचा भाव Rs ५५०० ते Rs ५८०० होता. ५ ऑगस्ट रोजी हाच शेअर Rs ६८०० ते Rs ६९०० होता म्हणजेच दोन महिन्यांत २०% शेअरची किंमत वाढली.शेअरमार्केटमध्ये हाजिर तो वजीर हेच खरे ठरते. नेस्त्ले या कंपनीच्या बाबतीत उलटसुलट बातम्या गेले दोन महिने सातत्त्याने येत आहेत. अजूनही हे पुराण संपलेले नाही. त्यामुळे वाईट बातमी आली की खरेदी आणी चांगली बातमी आली की विक्री असे करता येऊ शकते. पण विचार करून निर्णय घेणे हे काम तुमचे आहे मी फक्त वाटाड्या आहे.   CLARIS LIFESCIENCES या कंपनीच्या ऑफिसमध्ये आयकर अधिकाऱ्यांनी शोध घेतला. INDUS IND बँकेला IFSC युनिटसाठी परवानगी मिळाली. ‘DECCAN CHRONICLE’ ची मालमत्ता  कर्जवसुलीसाठी आंध्र बँक विकणार आहे. BSNL आणी MTNL यांना CDMA स्पेक्ट्रम परत करण्यास सरकारने तत्वतः परवानगी दिली. तसेच दोन्ही कंपन्यांना मिळून Rs ६२०० कोटी स्पेक्ट्रम साठी भरपाई देण्यास मान्यता दिली.
BSNLच्या ६५००० टावरसाठी वेगळी सबसिडीअरी बनवण्याचा सरकारचा विचार चालू आहे ह्या कंपनीचे मूल्य Rs २०००० कोटी असेल.DLF च्या शेअरची किमत आज वाढली. त्यांनी आपली तीन युनिट्स इन्व्हेस्टरकडे गहाण ठेवून कर्ज घेतले. तेव्हा ज्या ज्या वेळी शेअरची किंमत अचानक वाढते तेव्हा आपण त्या वाढीच्या कारणाचा जरूर मागोवा घेण्याचा प्रयत्न करा. DLFच्या बाबतीत म्हणाल तर शेअरच्या किंमतीतील वाढ टिकाऊ नाही.
सरकारने EPFO ला १% रक्कम सिक्युरिटीजमध्ये गुंतवण्यास परवानगी दिली. ह्या वर्षी हा पैसा Rs ५००० कोटींपर्यंत येईल.त्यामुळे हा पैसा हळू हळू मार्केटमध्ये यायला सुरुवात होईल. सरकारने सार्वजनिक क्षेत्रातील १० कंपन्यातील डायव्हेस्टमेंटसाठी मर्चंट बँकर्सची नियुक्ती केली. L@T ने SALZER मधील स्टेक Rs ५४ कोटींना विकला. मनरेगाचे पैसे आता थेट लाभार्थीच्या बँक खात्यांत जमा होतील.
ब्रिगेड एन्टरप्राईझेस, सिमेन्स, मेरिको यांचे रिझल्ट्स चांगले आले. DR. रेड्डीज ही AMGEN या कंपनीबरोबर ३ औषधांसाठी STRATEGIC  COLLABORATION करणार आहे. ‘COGNIZANT’ या जगातील IT ( इन्फर्मेशन टेक्नॉलॉजी) क्षेत्रातील दिग्गज कंपनी चे रिझल्ट्स चांगले आल्याने आणी त्यानी भविष्यातील ‘GUIDANCE’ चांगला दिल्यामुळे भारतातील IT क्षेत्रातील  कंपन्यांचेबाबतीत गुंतवणूकदार आश्वस्त झाल्यामुळे या कंपन्यांचे शेअर्स वधारले. AVIVA INTERNATIONAL त्यांच्या डाबर इन्व्हेस्टमेंट कॉर्पोरेशन बरोबर असलेल्या AVIVAA INDIA या JOINT वेंचर मध्ये आपला स्टेक ४९% पर्यंत वाढवणार आहे.
‘भारती एअरटेल’ ह्या कंपनीने आज दिल्ली एन सी आर मध्ये 4 G लौंच केले. ही कंपनी SAMSANG आणी FLIPKART या कंपन्यांच्या सहकार्याने काही आठवड्यातच २९६ शहरांमध्ये 4 G लौंच करेल.. 3 G च्या दरातच 4 G सध्यातरी उपलब्ध होईल. नवीन 4 G प्लान  Rs ९९९ पासून उपलब्ध केला जाईल असे कंपनीने जाहीर केले.’NOVARTIS’ या कंपनीने ZOMETA पेटंट इंफ्रिंजमेंट साठी ऑरोबिन्दो फार्मा विरुद्ध दावा दाखल केला.
सरकारने मोनेटरी पॉलिसीवर निर्णय घेण्यासाठी MPC( MONETARY POLICY COMMITTEE)चे  गठन केले. या कमिटीत सरकारचे तीन आणी रिझर्व बँकेचे तीन असे सहा प्रतिनिधी असतील. रिझर्व बँकेच्या गवर्नरला टायब्रेकिंग सोडवण्यासाठी दुसरे मत उपलब्ध करून देण्यांत आले आहे. ‘ POWER MECH PROJECT LTD.’ या कंपनीचा IPO ७ ऑगस्टला २०१५ ओपन होऊन ११ऑगस्ट २०१५ ला  बंद होईल. प्राईस BAND Rs ६१५ ते ६४० आहे शेअर्स ची दर्शनी किंमत Rs १० आहे मिनिमम लॉट २० शेअर्सचा आहे.  BGR ENERGY सारखीच ही कंपनी आहे. कॅपिटल गुड्सशी संबंधीत कंपनी आहे. ह्या सेक्टरमध्ये परिस्थिती सुधारत नाही तोपर्यंत थांबावे लागेल.
M &M, GRASIM या कंपन्यांचे रिझल्ट्स चांगले आले. भेलचे रिझल्ट्स मात्र खूपच निराशाजनक आले. टाटा मोटर्सचे रिझल्ट्स खूपच खराब आले नफा ४९%ने कमी झाला.KEI इंडस्ट्रीज, फोरटीस हेल्थकेअर, प्राज  इंडस्ट्रीज, ORACLE, या कंपन्यांचेही तिमाही रिझल्ट्स चांगले आले. MAX इंडिया या कंपनीच्या RESTRUCTURINGला शेअरहोल्डर्सची मंजुरी मिळाली. गोव्यामध्ये वेदांताच्या ३ खाणींमध्ये काम सुरु करायला सर्व प्रकारची मंजुरी मिळाली.
NSEL च्या संबंधीत केसमध्ये चांदीचे शिक्के खरेदी करताना नियमांचे पालन केले नाही म्हणून MMTCच्या अधिकाऱ्यांवर ५ केसेस दाखल क्रेल्या. काही काही वेळा शेअरमार्केटच्या संदर्भांत ऐकत असताना स्वभाव आणी किमतीची सांगड घातली पाहिजे असे वाटते. आज कॉर्पोरेशन बँकेचे रिझल्ट्स आले. या शेअरची बुक VALUE Rs १२२ आहे. शेअरचा भाव Rs. ५३ आहे. गेल्या आठवड्यांत बँकिंग शेअर्समध्ये जी rally आली त्यांत या बँकेचा सहभाग नव्हता. म्हणजे या बँकेचे रिझल्ट्स खराब लागणारच असे गृहीत धरूनच मार्केट चालले होते. जसे एखाद्या मुलाला मार्क कमी पडणार अभ्यासांत  त्याला डोक नाही असे लोक गृहीत धरतात. पण समजा पहिल्या प्रयत्नांत ३७% मार्क मिळून तो दहावी पास झाला तरी त्याचे तोंड भरून कौतुक होते.त्याचप्रमाणे कॉर्पोरेशन बँकेचे रिझल्ट्स अपेक्षेप्रमाणे बरे  आल्यामुळे शेअरची किंमत वाढली.
पंतप्रधानांनी ‘इंडिया HANDLOOM BRAND’चे उद्घाटन केले. त्यांनी कन्झुमर अफेअर्स मंत्रालयाला NESTLE (MAGGI)  बाबत  सर्व वस्तुस्थिती समोर आल्यावरच वक्तव्य करण्यास सांगितले. स्वतःच्या वक्तव्यामुले देशातील गुंतवणुकीवर परिणाम होणार नाही याची काळजी घ्यावी असे बजावले.
पुढच्या आठवड्यांत  महागाईचे आकडे आणी IIPचे आकडे येणार आहेत. पावसाची दिशा महत्वाची ठरणार आहे. १३ ऑगस्टला संसदेचे पावसाळी अधिवेशन समाप्त होईल. सरकार अजूनही याच अधिवेशनांत GST बिल मंजूर होण्याविषयी आशावादी आहे. पुढ्या आठद्व्द्यांत निफ्टीत असलेल्या १२-१३ कंपन्यांचे रिझल्ट्स येणार आहेत. पाहू या काय होते ते.

आधीच्या आठवड्याचं समालोचन वाचण्यासाठी इथे क्लिक करा 
या आठवड्यांत मार्केटवर बऱ्याच घटनांचा परिणाम झाला. रिझल्ट्स तर एका मागोमाग एक येत आहेतच त्यांत बुधवारी FOMC MEETING चा निर्णय येणार,FED सप्टेंबरपासून दर वाढवणार हे तर ठरलेलेच परंतु त्यांच्या US अर्थव्यवस्थेविषयीच्या निरीक्षणांकडे सर्वांचे लक्ष असणार आहे. त्यातच माननीय राष्ट्रपती अब्दुल कलाम यांच्या निधनामुळे ३ दिवस अधिवेशन बंद ठेवण्यांत आले. त्यातून SIT on BLACK MONEY च्या P नोट्स वरील टिपणीमुळे P नोट्सविषयी संभ्रम निर्माण झाला. याबाबतीत सरकारने स्पष्टीकरण दिले आहे. त्यातच या आठवड्यांत ‘EXPIRY’ होती.
बँकांनी दिलेले रिझल्ट्स मात्र फसवे वाटले. लोन RESTRUCTURING आणी ५-२५ या योजनेमध्ये कर्जे बदली करून N.P.A. (NON PERFORMING ASSETS) कमी झाल्यासारखे वाटते पण वस्तुस्थितीमध्ये फारसा फरक पडला नाही. ICICI बँकेचा शेअरसुद्धा JP ग्रुपला ‘DEFAULT’ रेटिंग दिल्यामुळे अडचणीत आहे. त्यामुळे शेअर सतत पडतो आहे. कित्येक वर्षांनी HDFC चा निकालही गुंतवणूकदारांच्या पचनी पडला नाही.
मार्केट फार हुशार असतं. मला पूर्वी वाटायचे की टी व्ही वर दाखवल्या जाणाऱ्या बातम्या किंवा चर्चा कोण ऐकत असेल बरं ! एवढा कुणाला वेळ ! पण जेव्हा शेअरच्या भावांत फटाफट फरक दिसू लागतो तेव्हा जाणवत की लोक हे सर्व ऐकतात अगदी लक्षपूर्वक ऐकतात.
काही काही वेळां कंपनीचे रिझल्ट्स अतिशय सुंदर येउनही कंपनीच्या शेअर्सचा भाव खाली येतो. अशा वेळेला समजावे की शेअरचा भाव येणाऱ्या चांगल्या रिझल्ट्सच्या अपेक्षेने खूपच चढला होता. काही काही वेळेला एखाद्या शेअरची किंमत stock अलर्ट म्हणून दाखवली जाते. अशावेळी त्या शेअरच्या बाबतीत काही बातमी आहे कां ते पहावे. आणी बातमी नसल्यास सुरक्षित अंतर ठेवावे.
लुपिन या कंपनीने ‘TEMMLER’ या जर्मन कंपनीचे ACQUISITION केले. EXPIRY वीकमध्ये काय केले पाहिजे हे सांगण्याची गरज नाही.कारण पूर्वीच्या ब्लॉगमधून याची चर्चा केली आहे. २७ जुलै २०१५ पासून BIOCON’ कंपनीशी संबंधीत SYNGENE हा IPO(INITIAL PUBLIC OFFER) येत आहे.
सोमवार २७ जुलै २०१५ रीजी PFC (POWER FINANCE CORPORATION) ची ऑफर फोर सेल आली. याची फ्लोअर किंमत Rs २५४ आहे. किरकोळ गुंतवणूकदारांना ५% सूट दिली जाईल. शुक्रवारची किंमत Rs. २५९ आहे. म्हणजेच फ्लोअर किंमत या किमतीच्या २%कमी आहे. सरकारने डेक्कन गोल्ड या कंपनीचे लायसेन्स ‘GANAAJUR’ खाणीसाठी मंजूर केले.
US$ आणी रुपयाचा विनिमय दर US$१=INR ६४ झाला.
P नोट्स चा फटका  – P नोट्स (PARTICIPATORY NOTES) हे एक परदेशी DERIVATIVE INSTRUMENT आहे. ह्या p-नोट्स परदेशी गुंतवणूकदार ज्यांना भारतीय सिक्युरिटीजमध्ये इंटरेस्ट आहे आणी SEBI (SECURITIES EXCHANGE BOARD OF INDIA) कडे रजिस्ट्रेशन करायचे नाही, ते वापरतात. SEBI कडे रजिस्टर केलेले परदेशी ब्रोकर्स किंवा स्वदेशी ब्रोकरची परदेशातील ऑफिसे या P नोट परदेशी गुंतवणूकदारांना देतात. ब्रोकर्स भारतीय सिक्युरिटीज (शेअर्स डिबेंचर्स DERIVATIVES) खरेदी करतात आणी आपल्या ग्राहकांना P नोट इशू करतात. काही काही केसेसमध्ये या P नोट्सचा खरा मालक ओळखणे कठीण असते. सुप्रीम कोर्टाने काळ्या पैशाला आळा घालण्यासाठी उपाय सुचविण्यासाठी नेमलेल्या SIT (स्पेशल इन्वेस्टीगेशन टीम) ने SEBIने याबाबतीत आणखी काम करणे जरुरीचे असल्याचे मत व्यक्त केले. यामुळे मार्केट पडेल असा अंदाज होता. SEBIच्या कडून हे स्पष्ट केले गेले की SIT ने Pनोट्सवर बंदी घाला असे कुठेही सुचविलेले नाही. SEBI कडे P नोट्सच्या खऱ्या मालकांची गेली ३ ते ४ वर्षे माहिती येत असते. त्यामुळे मार्केटला दिलासा मिळाला.
राजेश एक्सपोर्ट या कंपनीने वाल्काम्बी ही गोल्ड रीफायनरी ४०० लाख US$ ला विकत घेतली. मेडिया सेक्टरसाठी (दूरदर्शन वाहिन्या, F M रेडीओ, प्रिंट मेडिया ) FDI लिमिट २६% वरून ४९% पर्यंत वाढवणार आहेत. याचा खालील कंपन्याना फायदा होईल : झी एन्टरटेनमेंट, सन टी व्ही,, डिश टी व्ही, ENIL, HT मेडिया, PVR इत्यादी. आज जे रिझल्ट्स लागले त्यांत जिंदाल SAW, MRF, श्री कलाहस्ती पाईप्स यांचे रिझल्ट्स चांगले आले.
पूर्वी मार्केट किती पडले होते समजा निफ्टी ७९०० पासून ८६०० पर्यंत वाढले. जर येथून मार्केट ५०% पर्यंत पडले तर बऱ्याच वेळा मार्केट तेथून उसळी घेते. किंवा तांत्रिक भाषेत सांगायचे तर २०० DMA ( DAILY MOVING AVERAGE) ज्या ठिकाणी येते तेथून मार्केट वाढते कां हे लोक पहात असतात. या वेळेला मार्केट पडण्यामध्ये बँक निफ्टीचा पुढाकार होता..
PFC च्या ५% OFS मधून सरकारला Rs १६०० कोटी उभारण्याची अशा आहे. OFS (OFFER FOR SALE) मधून जो पैसा मिळतो तो सरकारी तिजोरीत जातो.तो कंपनीची प्रगती होण्यासाठी वापरला जाईलच असे नाही.त्यामुळे बर्याच वेळेला OFS झाल्यानंतर शेअरचा भाव पडतो.
‘REAL ESTATE’ च्या बाबतीत बोलायचे झाल्यास घरे विकली जात नाही आहेत. एका बाजूने घर घ्यायला गेल्यास किंमत परवडत नाही व दुसऱ्या बाजूने गुंतवणूकीच्या उद्देश्याने घर घेतल्यास त्या प्रमाणांत ‘RETURN ON INVESTMENT’ मिळत नाही. महागाईच्या प्रमाणांत उत्पन्न वाढत नाही. आणी बेकारी दिवसेंदिवस वाढतच आहे. म्हणून REALITY सेक्तार्च्या शेअर्समध्ये मंदी आहे. उदा :DLF, HDIL.
मंत्रिमंडळाच्या सभेमध्ये खालील बिले मंजूर झाली. GST संशोधन बिल ( यांत केंद्र सरकार राज्य सरकारला GST मुळे येणाऱ्या तुटीची १००% भरपाई ५ वर्षे करेल) , ग्राहक संरक्षण बिल, ‘NATIONAL INVESTMENT AND INFRASTRUCTURE FUND’ उभारला जाईल. हा फंड Rs २०००० कोटींचा असेल. सुरुवातीची गुंतवणूक Rs. ५००० ते Rs १०००० कोटींची असेल. या फंडामुळे इन्फ्रास्ट्कचर सेक्टरसाठी येणाऱ्या अडचणी दूर होतील अशी आशा व्यक्त करण्यांत आली. त्यामुळे इन्फ्रास्ट्रक्चर सेक्टरमध्ये कार्यरत असलेल्या कंपन्यांच्या शेअर्सचे भाव वाढले.
येस बँक, अलाहाबाद बँक, UPL, IIFL होल्डिंग्स, वेदांत, या कंपन्यांचे रिझल्ट्स चांगले आले तर जिंदाल स्टील, नेसले (MAGGI प्रकरणामुळे) यांचे रिझल्ट्स निराशाजनक आले. चीनचे शेअरमार्केट पडल्यामुळेही आपल्या मार्केटच्या पडझडीला हातभार लागला. PERSISTANT SYSTEMS या कंपनीने एपोना टेलीकॉम ही कंपनी ACQUIRE केली.
‘TATA’ ३ नवीन उद्योग 4G सेक्टरमध्ये सुरु करणार आहेत;
(१) ओंन- लाईन अग्रीग्रेशन प्लाटर्फॉर्म (२) डिजिटल ऑनलाईन हेल्थकेअर (३) बिग डेटा ANALYTIC बिझीनेस
SEBI प्रमुखांनी सांगितले की शेअरहोल्डर प्रोटेक्शनमध्ये भारताचा ७ वा नंबर आहे., त्यामुळे आतातर गुंतवणूकदारांना घाबरण्याचे कारण नाही असे दिसते. कोलगेट लिमिटेड चे रिझल्ट्स ठीक आले, कंपनीने १ :१ या प्रमाणांत बोनस जाहीर केला. ITC या FMCG क्षेत्रातील कंपनीचे रिझल्ट्स चांगले आले. त्यामुळे या दोन्ही शेअर्सची किंमत वाढली.
OBC (ओरिएनटल बँक ऑफ कॉमर्स ) EXIDE, HCC(हिंदुस्थान कंस्त्रक्शन कंपनी) कोटक महिंद्र बँक या कंपन्यांचे रिझल्ट्स निराशाजनक आले. कोटक महिंद्र बँकेचे NPA वाढले आणी ING वैश्या बँकेच्या ACQUISITION खर्चामुळे नफा कमी झाला. ग्रीव्झ कॉटन, J. M. फायनांशीयल, ग्लेनमार्क फार्मा, ICICI बँक, यांचे रिझल्ट्स समाधानकारक आले.
छत्रसाल कोल ब्लॉक रद्द करण्याविरुद्ध रिलायंस पॉवरने अर्ज दाखल केला. सरकारने ५-६ PSU मध्ये हिस्सा विकण्यासाठी इन्व्हेस्टमेंट बँकर्सची मीटिंग बोलावली. सरकार OIL, EIL, NTPC, BEL या PSU मधील हिस्सा विकण्याच्या विचारांत आहे.
रिलायंस इन्फ्रास्ट्रक्चर मधील ५०% हिस्सा विकण्यासाठी ८ कंपन्यांशी बोलणी चालू आहेत. अदानी ट्रान्समिशनचे लिस्टिंग शानदार झाले.. सरकारने जाहीर केले की GST संशोधित बिल तसेच बँक कॅपिटलायझेशन( Rs१२०१०कोटी), इत्यादी महत्वाची बिल्स आम्ही संसदेमध्ये पास करून घेण्याचा प्रयत्न करत आहोत.. यातील बँक कॅपिटलायझेशन हे बिल संसदेने पास केले. मात्र यातील २०% कॅपिटलायझेशन हे बँकांच्या PERFORMANCEच्या आधारावर दिले जाईल. त्यामुळे शुक्रवारच्या मार्केटच्या घोडदौडीमध्ये बँकांनी चोख भूमिका बजावली असे जाणवले.
या आठवड्यातील उलटसुलट घटनांनी मार्केटमध्ये गोंधळ घातला. उन पावसासारखा खेळ केला. परंतु ३१ जुलै रोजी ‘रुको हम भी कुछ कम नही’ असे म्हणत जोरदार उसळी घेतली. सेन्सेक्स २८००० च्या वर आणी निफ्टी 8550 च्या जवळपास पोहोचला. टीकाकारांची तोंडे आपोआप बंद झाली.. असे हे चतुर लबाड आणी खट्याळ मार्केट आहे बर…