आठवड्याचे समालोचन – वन टू का फोर – ५ ऑक्टोबर ते ९ ऑक्टोबर २०१५

आधीच्या आठवड्याचं समालोचन वाचण्यासाठी इथे क्लिक करा 
बरेच दिवसांनी हा आठवडा ५ दिवसांचा (ट्रेडिंगसाठी बरं ) होता. १३ ते १८ सप्टेंबरमध्ये गणेशचतुर्थीची सुट्टी, २१ ते २५ सप्टेंबरमध्ये बकरी ईदची सुट्टी, आणी २८ सप्टेंबर ते २ ऑक्टोबरमध्ये महात्मा गांधी जयंतीची सुट्टी होती. संपल एकदा सुट्टीचं आख्यान. मला वाटतं ट्रेडिंग करणाऱ्याला बरे वाटले असेल. आता पैसे कमवण्यासाठी एक दिवस जास्त!
सोमवारी मार्केटने मस्त सलामी दिली. सेन्सेक्स ५७५ पाईंट वाढले. निफ्टीने ८१२०चा पल्ला गाठला. बेअर मार्केटमुळे आलेली मरगळ बरीचशी नाहीशी झाली. USA मधील नॉनफार्म डेटा प्रसिद्ध झाला तो तितकासा समाधानकारक नसल्यामुळे FED व्याजाचे दर २०१५ साली वाढवील ही भीती कमी झाली. त्यामुळे कमोडीटी मार्केट तेजीत आले. धातूक्षेत्रावर MORGAN STANLEY या कंपनीने आपला रिपोर्ट दिला. सर्व धातूंच्या क्षेत्रांत काम करणाऱ्या कंपन्यांच्या शेअर्सचे भाव वाढले उदा. वेदांत, हिंडाल्को, टाटा स्टील उत्तम गाल्व्हा स्टील, कल्याणी स्टील, हिंदुस्थान झिंक इत्यादी इत्यादी..
PFC (POWER FINANCE CORPORATION) या सार्वजनिक क्षेत्रातील सरकारी कंपनीने TAX-FREE BONDSचा इशू आणला. हे bonds 10 वर्षे( ७.३६%) 15 वर्षे (७.३६%) आणी २० वर्षे ( ७.६०%) मुदतीसाठी ( कंसांत व्याजाचा दर) होते. जे लोक आयकराच्या २०% आणी ३०% या गटांत असतील त्यांना हे bonds करमुक्त असल्यामुळे फायदा होईल. RBIच्या पॉलिसीनुसार व्याजदर दिवसेंदिवस कमी होणार अशी अपेक्षा असल्यामुळे यापुढे येणार्या करमुक्त bonds वरील व्याजाचा दर कमी असेल. या सर्व गोष्टीमुळे हा इशू पहिल्याच दिवशी पूर्णपणे भरल्यामुळे बंद झाला.
चहाचे उत्पादन ६% ने कमी झाले. त्यामुळे चहाच्या किमतीत किलोमागे Rs. १० ते १५ वाढ होईल असा अंदाज व्यक्त केला जात आहे. नेहेमीचा असा अनुभव आहे की या क्षेत्रातल्या शेअर्समध्ये येणारी तेजी फारशी टिकाऊ नसते.
गेल्या भागांत (२८ सप्टेंबर ते १ ऑक्टोबर) सांगितल्याप्रमाणे जगामध्ये साखरेचे भाव वाढले. साखरेचा असणारा साठा आणी मागणी यामध्ये तफावत निर्माण झाली त्यामुळे आंतरराष्ट्रीय स्तरावर साखरेच्या किंमतीत वाढ झाली. भारतांत मात्र साखरेचा भरपूर साठा शिल्लक आहे असे साखर कारखानदारांनी सांगितले.परंतु सरकारने दुष्काळाची जाणीव झाल्याने उसाची लागवड केल्यास पाणीपुरवठा केला जाणार नाही असा फतवा काढला. आणी त्याचबरोबर सणासुदीच्या दिवसांत साखरेची मागणी वाढणार हे निश्चित! सरकारने साखर कारखान्दाराना साखर निर्यात करायला परवानगी दिली. या निर्यातीवर काही सबसिडी दिली जाईल.त्यामुळे साखर उत्पादन करणाऱ्या कंपन्यांच्या शेअर्सच्या किमती वाढल्या.
सरकारने एथनाल बनवण्यासाठी जे MOLASSES वापरतात त्याच्यावर CENVAT क्रेडीट देण्याची घोषणा केली.  सरकारने तूप आणी लोणी (घी मक्खन) वरील आयात ड्युटी ३०% वरून ४०% पर्यंत वाढवली सहा महिन्यांसाठी वाढवली. याचा फायदा नेस्ले, प्रभात डेरी, क्वालिटी लिमिटेड इत्यादी कंपन्यांना होणार असल्यामुळे या कंपन्यांच्या शेअर्सची किंमत वाढली.
7TH पे कमिशनचा फायदा केंद्र सरकार, राज्य सरकारे, निमसरकारी कंपन्या यांत काम करणाऱ्या सर्व लोकांना होईल. या कमिशनचा रिपोर्ट वर्षाच्या अखेरीस येईल असा अंदाज आहे. त्यामुळे FMCG क्षेत्रातील कंपन्याना मागणी वाढल्यामुळे फायदा होईल.
सरकार सार्वजनिक क्षेत्रातील गुंतवणूक वाढवीत आहे. रस्ते बांधणे, सोलर उर्जा,रेल्वे, पाणी शुद्धीकरण,सार्वजनिक आरोग्य, संरक्षण,बंदरविकास,स्मार्ट सिटीज,सर्व प्रकारच्या स्तरावरचे शिक्षण इत्यादी या क्षेत्रांत काम करणाऱ्या चांगल्या कंपन्यांच्या शेअर्सकडे लक्ष ठेवा. आता डीझेल व SUV ऑटोना युरो IV आणी V एमिशन नॉर्म्स लागू केले जाणार असल्यामुळे या कंपन्यांच्या उत्पादन खर्चांत Rs ३०००० ते Rs ५०००० पर्यंत वाढ होईल. .
गेल्या भागांत सांगितल्या प्रमाणे रिझर्व बँकेने रेपो रेटमध्ये ५० बेसिस पाईंट कपात केली. . हा रेट कट बँकांनी त्यांच्या कर्जदार ग्राहकांकडे पास-on केला पाहिजे असे RBI गव्हर्नरने बँकांना कडक शब्दांत सुनावले. बँकांनी ठेवीवरचे व्याज कमी केले त्याप्रमाणात कर्जावरचे व्याज कमी केले नाही. नवीन कर्जदार आणी जुने कर्जदार असा कर्जावर आकारल्या जाणाऱ्या व्याज दरांत भेदभाव केला जाणार आहे त्यामुळे बातमीची पूर्णपणे शहानिशा केल्याशिवाय कोणत्याही प्रकारचा गोड असा गैरसमज करून घेवू नका . सरकारने असे सांगितले की बँकांनी मुदत ठेवींवरच्या व्याजाचा दर १.२५ % कमी केला पण कर्जावरच्या व्याजाचा दर मात्र त्याच प्रमाणांत कमी केला नाही. तो त्यांनी लवकरच कमी केला पाहिजे. स्टेट बँक ऑफ इंडियाने जुन्या ग्राहकांना ४० बेसिस पाईंट कर्जावरील व्याजाचा दर कमी केला पण नवीन कर्जदारांना मात्र २० बेसिस पाईंटच कमी केला. रिझर्व बँकेने Rs तीस लाखापर्यंतच्या गृहकर्जांचे RISK-WEIGHT ५०% वरून ३५% पर्यंत कमी केले…
या आठवद्यांतला हिरो शेअर HMT (हिंदुस्थान मशीन टूल्स) ठरला. ‘मेक इन इंडिया’ या योजनेअंतर्गत आता जर्मनीबरोबर जे करार झाले त्यामध्ये HMT चा समावेश होता. सरकारच्या डायव्हेस्टमेंट धोरणानुसार HMT मध्ये प्रथम सुधारणा करून नंतर डायव्हेस्टमेंट करू असे सरकारने सांगितले. HMTमध्ये सरकारचा स्टेक ९१% आहे तसाच ही कंपनी हा भारत सरकारचा मानबिंदू आहे. त्यामुळे या शेअरची खरेदी चालू झाली आणी मार्केटमध्ये फ्री फ्लोट (लोकांकडे असलेले शेअर्स) कमी असल्यामुळे शेअरच्या किमतीत लक्षणीय वाढ झाली. मात्र हा दीर्घ मुदतीसाठी केला जाणारा विचार आहे. हे आपण लक्षांत ठेवा.
सरकारचे डायव्हेस्टमेंटचे लक्ष्य पूर्ण होत नसल्यामुळे सरकारने ONGC, NTPC, COAL INDIA, BHEL या सार्वजनिक क्षेत्रातील सरकारी कंपन्याना त्यांनी स्पेशल लाभांश जाहीर करावा असे सांगितले. या सरकारी कंपन्यामध्ये सरकारचा मेजोरीटी स्टेक असल्यामुळे सरकारला मिळणाऱ्या लाभांशाची रक्कमही खूप असेल असा अंदाज आहे.
CAFFE COFFEE DAY चा Rs११५० कोटींचा IPO पुढील आठवड्यांत १४ ऑक्टोबरला उघडत आहे..या IPO चा प्राईस band Rs. ३१६ ते ३२८ असा आहे. या कम्पनीचे २०९ शहरांमध्ये १४२३ outlets आहेत. ADAG (अनिल धीरुभाई अंबानी ग्रूप) रिलायंस सिमेंटमधील पूर्ण स्टेक विकणार आहे. रिलायंस इन्फ्रास्ट्रक्चर या कंपनीला याचा फायदा होईल. BMW आणी TVS मोटर्स या दोन कंपन्या परस्पर सहकार्याने ३०० CC बाईक बनवणार आहेत. या प्रोजेक्टचे नाव K -3 असे ठेवले आहे. JP ग्रूप कंपनीच्या JP पॉवर या कंपनीला दिलेली कर्जे व्याजाचे पेमेंट करू शकत नसल्यामुळे ‘D’ ग्रेडमध्ये गेली आहेत. TAMASEK ही सिंगापूरमधील कंपनी टाटा कम्युनिकेशन या कंपनीचा डाटा सेंटर बिझीनेस (जो कंपनीच्या जगभरातील ४४ डाटा सेंटरमधून चालतो) US $ 700 मिलियन्सला विकत घेणार आहे.
TBZ (त्रिभोवनदास भीमजी झवेरी) या कंपनीने SNAPDEAL या कंपनीबरोबर हिर्यांचे दागिने सोन्याची नाणी यांच्या ऑन-लाईन विक्रीसाठी करार केला. इंडिया सिमेंटच्या शेअरहोल्डर्सना १:१ या प्रमाणांत CSK (चेन्नई सुपर किंग्स) या कंपनीचे शेअर्स फ्री मिळणार आहेत.CSK ही लीस्टेड कंपनी नाही. DLF ही रिअलिटी क्षेत्रातील कंपनी आपल्या रेंटल बिझीबेसपैकी ४०% हिस्सा संस्थागत गुंतवणूकदारांना विकून Rs १४००० कोटी उभारणार आहे. .वेदान्ता ग्रूप सोलर उर्जेच्या क्षेत्रांत ५०० mw क्षमतेसः पदार्पण करण्याच्या विचारांत आहे.
HDFC बँकेने जाहीर केले की ते आता त्यांच्या सर्व सेवा डिजिटल फॉर्ममध्ये उपलब्ध करणार आहेत. त्यांनी जाहीर केले की जुन्या ग्राहकांसाठी १० सेकंदांत तर नवीन ग्राहकांसाठी सर्व जरुरती कागदपत्रे दिल्यास ३० मिनिटांत ऑन-लाईन कर्ज पास होऊन त्यांच्या खात्यांत जमा होईल.नवीन WALLET सेवा सुरू केली आहे. आता आपली युटीलिटी बिल्स फोनवर पेड कराल. अशा तर्हेने हळू हळू HDFC एक डिजिटल बँक होण्याच्या प्रयत्नांत आहे.
फोट्रीस हेल्थकेअर या कंपनीच्या SRL DIAGNOSTIK या सबसिडीअरीचा Rs१२५० कोटींचा IPO आणण्याच्या विचारांत आहे.बाबा रामदेव याची पातंजली या नावाने विकली जाणारी सर्व प्रोडक्ट्स त्यांच्या 4000 सेन्टर्समधून विकली जातात. आता ही प्राडक्ट्स फ्युचर ग्रूपच्या माध्यमातून विकली जातील. त्यामुळे आता सर्व पातंजली प्राडक्ट्स सहजरीत्या सर्वत्र उपलब्ध होतील.पतंजली आणी फ्युचर ग्रुपने जाहीर केले की ते येत्या २० महिन्यांत Rs. १०००० कोटींचा बिझीनेस करतील.
इंडस इंड बँकेचा दुसऱ्या तिमाहीचा निकाल समाधानकारक आला. NII (नेट इंटरेस्ट इन्कम) आणी PATमध्ये चांगली वाढ झाली ASSET QUALITY स्थिर राहिली.. ऑरोबिन्दो फार्मा या कंपनीला त्यांच्या gABILIFY या औषधासाठी USFDA ची मंजुरी मिळाली. युनिकेम lab या कंपनीला MONTELUKAST सोडियम TABLET साठी USFDA कडून ANDAA अप्रुवल मिळाले.
आयात निर्यात करणाऱ्या कंपन्या कोणत्या देशात निर्यात करतात किंवा कोणत्या देशातून आयात करतात त्या देशातल्या अर्थव्यवस्थेच्या चांगल्या वाईट स्थितीवर त्या कंपनीच्या शेअर्सची किंमत अवलंबून असते.
क्रूड बनवणाऱ्या कंपन्यांमध्ये आंतरराष्ट्रीय स्तरावर समझोता झाल्यामुळे आणी USA मधील OILRIGGS ची संख्या कमी झाल्यामुळे क्रूडची किंमत US$ 50 च्या पुढे गेली. यामुळे ONGC,OIL,CAIRN आणी ओईल एक्स्प्लोरेशान उदा (अबन ऑफशोअर, HOEC) करणाऱ्या कम्पन्यांच्या शेअर्सचे भाव वाढले एव्हढे दिवस क्रूडची किंमत कमी होत होती त्याचा फायदा ओईल मार्केटिंग कंपन्या उदा BPCL HPCL IOC, पेंट उत्पादन करणाऱ्या कंपन्या उदा (एशियन पेंट्स, बर्गर पेंट्स, कन्साई नेरोलाक) तसेच टायर उत्पादन करणाऱ्या कंपन्या आणी विमान कंपन्याना (इंधनाचा भाव कमी झाल्यामुळे) झाला. आता या वर उल्लेखिलेल्या क्षेत्रातील कंपन्याना क्रूड वाढत असल्यामुळे कमी फायदा होईल किंवा एका मर्यादेबाहेर COST वाढल्यामुळे नुकसानही होऊ शकते.
आधी सांगितलं तसं प्रत्येक घटनेमुळे काही कंपन्यांचे शेअर्स वाढणार तर ज्या कंपन्याना होणारा फायदा कमी होईल त्या कंपन्यांचे शेअर्स पडणार. त्यामुळे आपण ज्या कंपन्यांचे शेअर्स वाढत आहेत ते शेअर्स घेणे शेअर्स पडू लागल्यावर होणारा फायदा शेअर्स विकून पदरी पाडून घेणे हे श्रेयस्कर असते.बातमी एक असते पण त्या बातमीचा चहूबाजूने परिणाम होतो. त्यामुळे शेअरमार्केटमध्ये कधीही एकमार्गी विचार करून चालत नाही. आणी एकाच प्रकारचा ट्रेड करूनही चालत नाही. क्रूडचे भाव वाढल्यामुळे जर आपण जे शेअर वाढतील ते खरेदी करून नंतर वाढणार्या भावाला विकून फायदा मिळवू शकतो त्याचप्रमाणे जे शेअर पडतील ते शेअर short करून म्हणजेच (आधी विकून नंतर पडलेल्या भावाला खरेदी करून) ट्रेड करू शकतो. ज्याला कुणाला derivative मध्ये ट्रेड करतां येत असेल ते त्याप्रकारचा ट्रेड करू शकतात. क्रूड वाढू लागल्यामुळे CAD वरपण परिणाम होईल. फक्त हा क्रूड वाढण्याचा ट्रेंड तात्पुरता आहे की काही काळ टिकणारा आहे याचा अंदाज घ्यावा लागेल. गेले वर्षभर क्रूडचे दर ढासळत असल्यामुळे काही शेअर्सचे भाव लाईफ टाईम हायला पोहोचले.तर काही शेअर्सचे भाव लाईफ टाईम ‘LOW’ ला पोहोचले. त्यामुळे खरेदी किंवा विक्रीचा कोणताही ट्रेड फायद्याचा होईल असे वाटते. शेवटी निर्णय तुमच्या हाती. माझे काम वाटाड्याचे..
‘अल निनो’ चा परिणाम म्हणून पावसाचे प्रमाण कमी झाल्यामुळे उन्हाळा खूप कडक असेल असा अंदाज वर्तविला जात आहे. यामुळे आईसक्रिम तसेच शीत पेये बनवणाऱ्या कंपन्यांचे तसेच एअरकंडीशनअर आणी कूलर्स इलेक्ट्रिक पंखे बनविणाऱ्या कंपन्यांच्या विक्री मध्ये वाढ होईल.
शेअरमार्केटचा विचार चोहोबाजूंनी करावा लागतो. एकाच बातमीचा काही कंपन्यांवर चांगला तर काही कंपन्यांवर वाईट परिणाम होतो. तिमाही निकालांच्या बाबतीत वेगळा विचार करावा लागतो. ,नजीकच्या काळांत घडलेल्या घटनांचा परिणाम तिमाही निकालांमध्ये दिसत नाही. कारण हे रिझल्ट गेल्या तीन महिन्यांतील कंपनीची प्रगती किंवा अधोगती दाखवत असतात प्रत्येक कंपनीच्या रिझल्ट्सचा अभ्यास कसा करायचा हे आपण पुढील काही भागांत थोडक्यांत पाहू.
 

One thought on “आठवड्याचे समालोचन – वन टू का फोर – ५ ऑक्टोबर ते ९ ऑक्टोबर २०१५

  1. Pingback: आठवड्याचे समालोचन – १२ ऑक्टोबर ते १६ ऑक्टोबर २०१५ – करू या जागर, जागर निकालांचा | Stock Market आणि मी

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.