आधीच्या आठवड्याचं समालोचन वाचण्यासाठी इथे क्लिक करा
गुरुवारी २८ जानेवारीला मार्केटची वेळ संपल्यानंतर मारुती LTD आणी ICICI बँकेचे डिसेंबर तिमाहीचे निकाल आले. निकाल अपेक्षेप्रमाणे असमाधानकारकच होते. त्यामुळे शुक्रवारी मार्केट खराबच उघडणार हे गृहीतच धरले होते. प्रीओपनमध्ये अपेक्षेप्रमाणे खराबच दर्शन झाले. पण दोनच मिनिटांत मार्केट सावरले. खरंच खूप आनंद झाला. मार्केटमध्ये तेजी आणी मंदी दोन्ही गोष्टी गरजेच्या आहेत.घेतलेले शेअर्स विकता येतात, नवे घेता येतात फायद्याचे लॉलीपौप गरजेचे असते. पण हल्ली सातत्याने मार्केट पडत आहे त्यामुळे कंटाळा आला होता. मार्केट सावरल्यामुळे नवी उमेद मिळाली. मार्केटने निफ्टी ७५५०ची मर्यादा ओलांडली.
आंतरराष्ट्रीय घडामोडी

• USA मध्ये लिझार्ड या नावाने आलेल्या बर्फाच्या वादळामुळे अपरिमित हानी झाली. या बर्फाच्या वादळामुळे थंडीचे प्रमाण वाढल्यामुळे gas, पेट्रोल आणी पेट्रोलशी संबंधीत उत्पादनांची मागणी वाढली त्यामुळे सतत कोसळणाऱ्या क्रूडच्या किंमतीला थोडा दिलासा मिळाला.
• फ्रान्सच्या राष्ट्राध्यक्षांच्या भेटी दरम्यान सिविल न्युक्लिअर एनर्जी, सरंक्षण, अंतरीक्ष आणी स्मार्ट सिटीज आणी इतर क्षेत्रातील सहकार्यासाठी १४ MOU सही केल गेले. यांत जैतापूर येथे सहा न्युक्लिअर REACTOR सुरु करण्याचा करार महत्वाचा आहे. ३६ राफेल जेट आणी त्यावरची संरक्षणयंत्रणा खरेदी करण्यासाठीही करार झाला.
• FED या USA च्या सेन्ट्रल बँकेने रेट न वाढवण्याचा निर्णय घेतला.
• चीनचे चलन युआनच्या किंमतीमध्ये यापुढेही घट होत राहील पण त्याचा वेग कमी राहील.
• जपानने –व्याजाचा दर निगेटिव्ह ०.१ असा जाहीर केला.

सरकारी announcements

• गोल्ड मोनटायझेशन स्कीमच्या अंतर्गत सरकारने ९०० किलो सोने जमवले. या अंतर्गत बँकेला २.५% कमिशन मिळेल.या योजनेला चांगला प्रतिसाद मिळाला.
• महाराष्ट्र राज्य सरकारने पेट्रोलमध्ये १०% एथनॉलं ब्लेंडिंग करायची परवानगी दिली. महाराष्ट्र सरकारने समुद्र किनाऱ्यालगतच्या भागांत शिपबिल्डींग आणी तत्सम उद्योगांसाठी जागा दिली जाईल असे जाहीर केले.
• IOC, BPCL, HPCL, आणी EIL या सरकारी क्षेत्रातील कंपन्या मिळून सगळ्यांत मोठी रीफायनरी महाराष्ट्रांत सुरु करणार आहे.
• इंजीनीअर्स इंडिया LTD या कंपनीची ऑफर फॉर सेल २९ जानेवारीला आणून सरकारने १०% स्टेक विकला. आता सरकारची हिस्सेदारी ५९% राहिली. या इशुची किंमत Rs १८९ ठरविली होती. ह्या ऑफर फॉर सेलला गुंतवणूकदाराचा चांगला प्रतिसाद मिळाला.
• सरकारने स्मार्ट सिटी योजनेखाली २० शहरांची निवड केली आणी या शहरांमध्ये सरकार Rs ४८००० कोटींची गुंतवणूक केली जाईल.

खाजगी कंपन्यांच्या घडामोडी

• HDFC बँकेचा तिमाही रिझल्ट त्यांच्या ख्यातीप्रमानेच चांगला आला. त्यांच्या प्रॉफीट मध्ये २०% वाढ झाली. रिटेल आणी पर्सनल तसेच लहान उद्योगासाठीच्या कर्जांत २९% वाढ झाली.बँकेने ६२६ नवीन शाखा उघडल्या.
• सुप्रीम इंडस्ट्रीज, स्पाईस जेट, फोर्स मोटार, पॉवर ग्रीड, जयश्री टी, टायटन, STERLITE टेक्नोलॉजी, येस बँक,GNFC या कंपन्यांचे तिमाही निकाल खूपच चांगले आले.
• ICICI बँकेचे तिमाही निकाल खूपच निराशाजनक आले NPA मध्ये जबरदस्त वाढ झाली तसेच NPAमधील वाढ पुढच्या तिमाहीतही चालू राहील असा इशारा दिल्यामुळे शेअरची किंमत खूपच खाली आली.
• मारुती ltd चे तिमाही निकाल खराब आले. jsw स्टील या कंपनीचे रिझल्ट निराशाजनक आले.
• लार्सेन & टूब्रोचे रिझल्ट चांगले आले. कंपनीच्या ऑर्डर इंफ्लो बद्दल चिंता होती. पण कंपनीने सांगितले की ऑर्डरफ्लो ११% राहिला तसेच कोणत्याही ऑर्डर्स रद्द झाल्या नाहीत.तसेच कंपनीने भविष्यासाठी गायडंस कायम ठेवला.
• M & M या सुस्थापित कंपनीने एअरबस या कंपनीबरोबर हेलीकॉपटर उत्पादनासाठी करार केला.
• ढासळत्या क्रूड प्राइसेसमुळे केर्न (इंडिया) चे तिमाही निकाल खूपच असमाधानकारक होते. पण क्रूडच्या किंमती वर्षाच्या दुसऱ्या सहामाहीत वाढण्याची शक्यता आणी वेदांतामध्ये केर्न(इंडिया) चे मर्जर, तसेच सरकार क्रूडवरील केस रद्द करण्याच्या किंवा क्रूडच्या किंमतीच्या प्रमाणांत आकारण्याच्या विचारांत आहे,केर्न (इंडिया) कडे आता Rs १४० प्रती शेअर एवढी कॅश आहे या गोष्टींचा केर्न (इंडिया)च्या वर अनुकूल परिणाम होण्याची शक्यता आहे.
• कोकाकोला ही आंतरराष्ट्रीय कंपनी त्यांचा VALUEADDED डेअरी brand ‘VIO’ भारतांत लौंच करीत आहे
• DR REDDY’S या कंपनीला त्यांच्या मायग्रेनसाठीच्या इंजेक्शन साठी USFDA ची मंजुरी मिळाली.

कॉर्पोरेट एक्शन :-

• स्पार्क या कंपनीच्या Rs २५० कोटीच्या राईट्स इशूला SEBI ने परवानगी दिली.
• टाईड वाटर ऑईल या कंपनीने १;१ बोनस आणी एका शेअरची २ शेअर्समध्ये स्प्लिट जाहीर केले.
• MAX इंडिया ltd ही कंपनी डीमर्ज होऊन (रेकॉर्ड डेट २८/०१/२०१६ )खालील दोन कंपन्या अस्तित्वांत आल्या.
  (१) TAURUS व्हेंचर्स (२) कॅप्रीकॉर्न व्हेंचर्स
• MAX इंडियाच्या शेअरहोल्डर्सना त्यांच्या MAXINDIA च्या १ इक्विटी शेअर मागे १ इक्विटी शेअर ( Rs २ दर्शनी किमतीचा) TAURUS व्हेंचर्स चा.आणी MAX इंडियाच्या ५ इक्विटी शेअर्स मागे १ इक्विटी शेअर कॅप्रीकॉर्न व्हेंचर्सचा ( Rs १० दर्शनी किमतीचा) या प्रमाणे मिळतील.
• प्रीकोल ने प्रीकोल पुणे या आपल्या सबसिडीअरी मध्ये कंपनी मर्ज करण्याची घोषणा केली. एका प्रीकोल्च्या शेअर साठी एक प्रीकोल पुणेचा शेअर मिळेल.
• CAIRN इंडिया आणी वेदान्ता मधील मर्जरला वेदान्ता LTD च्या बोर्ड ऑफ डायरेक्टर्सने मंजुरी दिली
• जिंदाल स्टेनलेस हिस्सार या शेअरचे २८ जानेवारीला NSE वर लिस्टिंग झाले.

या आठवड्यांत येणारे IPO :-

• (१)प्रिसिजन कॅमशाफ्ट लिमिटेड :- हा इश्यू २७ जानेवारीला ओपन होऊन २९ जानेवारीला बंद होत आहे. या इशुसाठी प्राईस band Rs १८० ते Rs.१८६ आहे.या IPO द्वारे कंपनी Rs २४० कोटी भांडवल उभारेल. मिनिमम बीड लॉट ८० शेअर्सचा आहे. जानेवारी १ २०१६ पासून सेबीने ASBA ( APPLICATION SUPPORTED BY BLOCKED ACCOUNT) ही IPO मध्ये अर्ज करण्याची पद्धत अनिवार्य केल्यामुळे आपल्याला याच पद्धतीने IPO मध्ये आता अर्ज करावा लागेल.ही कंपनी ऑटो पार्टसचे उत्पादन करते. या क्षेत्रांत कंपनीला प्रगती करावयास भरपूर वाव आहे.त्यामुळे दीर्घ मुदतीकरता गुंतवणूक करायची असल्यास या कंपनीत गुंतवणूक करावी असे तज्ञाचे मत आहे.
• (२) टीम लीज ही कंपनी IPO द्वारे Rs ४०० कोटी ते Rs ५०० कोटी भांडवल उभारीत आहे. हा इश्यू २ फेब्रुवारी पासून होईल. ही कंपनी मोठ्या आणी सुस्थापित कंपन्यांसाठी स्टाफ रिक्रूट करते. आतापर्यंत या कंपनीने १.२ मिलियन लोकांची अशा प्रकारे नोकरीसाठी निवड केली आहे. या कंपनीने IPO साठी प्राईस band ७८५ ते ८५० असा ठेवला आहे. IPOच्या पैशातून कंपनी आपल्या IT INFRASTRUCTURE मध्ये अपग्रेडेशन तसेच इतर कंपन्या विकत घेण्यात गुंतवेल. ही कंपनी भारतातील सर्व प्रकारचे कर्मचारी पुरविणारी सगळ्यात मोठी कंपनी आहे.
• (३) THOMAS COOK या कंपनीच्या सबसिडीअरी क्वेस कॉर्प ने IPO साठी सेबीकडे अर्ज केला.

या आठवड्यात मार्केटनी आपल्याला काय शिकवलं
२ वर्षापूर्वी आम्ही रोज बघायचो अमेरिकन मार्केट, युरोपिअन मार्केट, आशियाई मार्केट कशी ओपन झाली कशी बंद झाली हे बघूनच ट्रेड करावा लागे.सध्या तशीच स्थिती चालू आहे. जगातील सर्व मार्केट तेजीत असली की भारतीय शेअर मार्केटही तेजीत असते .
स्टील सेक्टर मंदीत आहे. त्यामुळे या सेक्टरला दिलेली कर्जे बुडीत म्हणजेच NPA झाली आहेत. रिझर्व बँकेच्या सक्तीमुळे हे NPA आता उघड करावे लागले. यासाठी करायला लागलेल्या प्रोविजन मुळे  काही बॅंका तोट्यांत जाण्याची शक्यता आहे पण झाले ते बरे झाले कोंबडी झाकून ठेवून कां कुठे उजाडायचे थांबते! स्वप्नापेक्षा सत्य कटू असले तरी सत्यांत जगणे कधीही चांगले.
२ फेबृआरीला रिझर्व बँकेची पॉलिसी आहे. व्याजदरांमध्ये कोणताही बदल करणार नाही असे सगळ्यांना वाटत आहे. परंतु रिझर्व बँक अंदाजपत्रकाच्या आधी व्याज दरांत काही बदल करणार आहे कां याचा अंदाज मार्केट घेत आहे. हे आपणही पुढील आठवड्यांत पाहुया.
 
 

आधीच्या आठवड्याचं समालोचन वाचण्यासाठी इथे क्लिक करा

आभाळ पूर्ण भरून आल्याशिवाय पाउस पडत नाही. म्हणजेच दुखाःचा अतिरेक झाला की सुखाचा शिडकावा होतो. प्रत्येक गोष्टीला  तुम्ही कोणत्या तऱ्हेने सामोरे जाता त्यावरनं तुमचं भविष्य ठरतं.
सध्या शेअरमार्केटमध्ये करेक्शन चालू आहे.या करेक्शनला घाबरून, टी व्ही बंद करून, कानांत बोळे घालून बसायचं की या परिस्थितीचा फायदा उठवायचा, हे तुम्ही ठरवायचं. दोन रात्रीमध्ये एक दिवस की दोन दिवसांत एक रात्र हे ठरवणं तुमच्या हातांत आहे.निफ्टी ९११९ या पातळीपासून साधारण ७२५० पर्यंत कोसळला. ही संधी आहे असे तुम्ही समजू शकता. कदाचित तुम्ही Rs १०० ला एखादा शेअर खरेदी केला आणी दुसऱ्या दिवशी त्याचा भाव Rs ९४ पाहिलंत तरी घाबरून जाण्याचे कारण नाही. आणी लगेचच ८ दिवसांनी तो भाव Rs १०७ झाला म्हणून शेअर विकून मार्केटमधून पळ काढण्याची गरज नाही. कमीतकमी भावांत खरेदीसाठी आणी जास्तीतजास्त भावांत विकण्यासाठी मनाच्या शांतपणाची गरज आहे. फक्त चार दिवसांसाठी मी मार्केटमध्ये पैसे गुंतवले आहेत किंवा महिना दीडमहिना मला पैशाची गरज नव्हती म्हणून त्या अवधीत पैसे मिळवण्यासाठी पैसे गुंतवले अशा लोकांसाठी सध्याचे मार्केट उपयुक्त नाही. असा पैसा मिळण्यासाठी बुलरन आवश्यक असते. सध्या मार्केटला भीतीच्या ग्रहणाने ग्रासले आहे. म्युच्युअल फंड अन्द्द एल आय सी मार्केटमध्ये योग्य वेळ गाठून पैसे गुंतवत असतात. ट४ ज्यावेळी पैसे गुंतवतील त्यावेळेला करेक्शन संपत आले असे गृहीत धरता येते. दुसरी खूण म्हणजे चांगल्या गुणवत्तेचे शेअर्स सर्वांत शेवटी कोसळतात. सर्वांत प्रथम वाढू लागतात.त्याच प्रमाणे बुलरनमध्ये जेव्हा मिडकॅप, स्मालकॅप शेअर्सची rally सुरु होते Rs १० ते Rs ३० शेअर्स किंमत असणारे शेअर्स धावू लागतात तेव्हा बुलरन संपत आला असे गृहीत धरावे. अर्थातच हा नियम नव्हे तर माझे निरीक्षण आहे.
आंतरराष्ट्रीय घडामोडी

• रशिया आणी युरोप मधील समस्या वाढली. त्यामुळे रशियन चलन रुबल्स घसरले. याचा फटका ग्लेनमार्क, dr reddy’स, J. B. केमिकल्स, सन फार्मा, आणी युनिकेम lab बसला.
• इराणवरील बंधने काढून टाकल्यामुळे इराणमधील क्रूडचा पुरवठा सुरु होईल. इराणची क्रूडची उत्पादनखर्च खूपच कमी आहे. क्रूडचा भाव एवढा खाली आल्यावर सुद्धा इराणमधील कंपन्यांना फायदा होतो आहे.
• थंडीचा जोर वाढू लागल्यामुळे क्रूडची मागणी वाढेल असा अंदाज आल्याबरोबर क्रूडच्या किंमती स्थिरावल्या आणी रुपयाच्या घसरणीलाही लागाम बसला.

सरकारी announcements

• युपी राज्य सरकारने उसाच्या SAP (state advisory price) मध्ये काहीही फरक केला नाही. Rs २८०च्या पातळीवरच ठेवली.
• सिंथेटिक रबर बनविण्यासाठी जे chemical लागते त्याचे कोरिआ, युरोप, थायलंड आणी चीन या देशातून dumping  होते आहे.यावर उपाय म्हणून सरकार antidumping ड्युटी लावणार आहे. नवीन टारीफ पॉलिसी आणली जाईल.
• रिन्यूएबल एनर्जीसाठी काही सवलती देण्यांत आले आहेत. याचा फायदा सुझलॉन, आयनॉक्सविंड, ओरिएन्ट पॉवर, आणी एस जे व्ही एन, या कंपन्यांना होईल.
• वैद्यकीय उपकरणांवर कस्टम्स ड्युटी ७.५% वाढवली जाणार आहे. याचा फायदा बी पी एल, सिमेन्स, इंद्रप्रस्थ मेडिकल आणी ओप्तो सर्किट या कंपन्यांना होईल.
• composite fertilizers आणी STARTUP कंपन्यांना काही सवलती दिल्या जातील.
• ८ राज्यातील ४३ मिनरल ब्लॉक्स साठी टेंडर मागवले त्यामध्ये सोने IRON ORE आणी limestoneचा समावेश आहे. वर्षाअखेरपर्यंत ७० ब्लॉक्सचा लिलाव केला जाईल.
• आयकर कायदा आणी प्रक्रिया सोपी करण्यासाठी आणी लवकरांत लवकर असेसमेंट होवून रिफंड मिळण्यासाठी आयकर कायद्यामध्ये सुधारणा करण्यासाठी नेमलेल्या जस्टीस ईश्वर कमिटीने टी डी एसचे  परसेंटेज १०% वरून ५%वर आणण्याची शिफारस केली.
• पेट्रोलवरील VAT २५% वरून २७% झाला. diesel  वरील VAT १६.६० वरून १८% केला.

खाजगी कंपन्यांच्या घडामोडी

• बजाज ऑटोच्या उत्पनामध्ये नायजेरियाला करण्यांत आलेल्या निर्यातीचा १२% हिस्सा आहे.
• नायजेरिया आपल्या चलनाचे २०% अवमूल्यन करण्याची शक्यता आहे. नायजेरियाने US $ विकण्यावर बंदी घातली आहे. त्यामुळे बजाज ऑटोचा शेअर पडला.
• ग्लेनमार्क फार्मा या कंपनीला त्यांच्या बद्दी आणी पिथांपूर या युनिट्ससाठी USFDA कडून मंजुरी मिळाली.
• विप्रो, इन्फोसिस, डेल्टा, HOEC भारत बिजली, कोटकमहिंद्रा बँक, एक्सिस बँक रिलायंस कॅनफिनहोमेस, अलेम्बिक फार्मा, अल्ट्राटेक सिमेंट यांचे रिझल्ट चांगले आले
• APPLE स्वतःचे स्टोर सुरु करणार आहे जर असे झाले तर REDDINGTAN या कंपनीचे नुकसान होऊ शकते

अर्थव्यवस्थेच्या गोष्टी

• क्रूडची किंमत पडते आहे आणी त्याबरोबरच रुपयाचे अवमूल्यन होत आहे.
• २ फेबृआरीला रिझर्व बँकेची पॉलिसी मीटिंग आहे आणी २७-२८ जानेवारीला FED ची मीटिंग आहे सध्याच्या परिस्थितीत फेडणे रेट वाढवले तर US $ वधारण्याची भीती USA ला वाटते आहे. या पार्श्वभूमीवर रिझर्व बँक काय निर्णय घेते याकडे सगळ्याचे लक्ष लागले आहे

कॉर्पोरेट action 

• MINDTREE या कंपनीने एकास एक या प्रमाणांत बोनस जाहीर केला.
• टाईड वाटर ऑईल या कंपनीची स्प्लिट आणी बोनस या विषयांवरील १५ जानेवारीला असलेली मीटिंग २८ जानेवारीला पुढे ढकलली.
• टी  सी एस, विप्रो, HCLTEK, या कंपन्यांनी अंतरिम लाभांश जाहीर केला.

या आठवड्यात मार्केटनी आपल्याला काय शिकवलं
मार्केटमध्ये जबरदस्त विक्री चालू आहे. बम्पर डिस्काऊंटला शेअर्स उपलब्ध आहेत. म्हणून कोणताही कचरा घरी घेवून येऊ नका. नेहेमी sale मध्ये हाच अनुभव असतो. उपयोग असो अगर नसो लोक वस्तू खरेदी करतात. असे तुम्ही करू नका. बदललेल्या आर्थिक परिस्थितीचा मार ज्या कंपन्यांना बसला असेल त्या कंपन्यांची अवस्था परिस्थिती बदलल्यानंतर सुधारू शकते आणी अशा कंपन्यांचे शेअर्स स्वस्तांतही मिळू शकतात. आताच्या परिस्थितीत जे शेअर्स वाढत आहेत ते शेअर्स परिस्थिती बदलल्यास पडू लागतील याचा मात्र विचार करा. प्रत्येक वेळेला मार्केट करेक्शननंतर ट्रेंड बदलतो. मार्केटमध्ये त्यामुळे नवनवीन किस्से तयार होतात. परंतु आज आलेल्या अनुभवावरून उद्या आपण निर्णय घेऊ लागल्यास तो निर्णय बरोबर येईल याची शास्वती नसते. शुक्रवारी थोडासा मार्केटने सुखद धक्का दिला . मार्केट सावरले परंतु मार्केटचा कल पुढील आठवड्यांत असाच राहतो कां बदलतो ते पाहू.
 

आधीच्या आठवड्याचं समालोचन वाचण्यासाठी इथे क्लिक करा

हा आठवडाभर मार्केट मंदीतच होते. चीनमधील गोंधळातून कोणतेही शेअर मार्केट सावरले नाही. पण आयुष्यात जशा काही घटना आपल्या मनांत घर करतात. तशाच शेअरमार्केटमध्ये व्यवहार करताना काही दिवस फारच मजेशीर येतात. तसा या आठवड्यातला बुधवार ! मार्केट आता २०० पाईंट खाली जाईल हे ध्यानीमनी आले नाही मार्केटने दोन वेळा ७४९०चा बॉटम टच केला. त्यामुळे डबल बॉटम फार्मेशन झाले आहे असे वाटले. ‘आत्ता इथं होता गेला कुठं’  आता Rs १९० चा भाव दिसत होता एवढ्यांत Rs १७९ कसा ! अहो, काय चाललंय काहीच कळत नव्हते. मलाही दोन वेळा वाटलं कि माझंच  काही चुकतंय, माझ्या अभ्यासाची दिशा चुकत असावी पण सर्वांनाच असं वाटलं कि काहीतरी विचित्र होतंय. जणू बुल्स आणी बेअर्सचा कुस्तीचा फड रंगला आहे आणि जणु तेल लावून पैलवान उतरलेत. आकाशवाणी एकदाच होते तसा असा एखादाच दिवस उगवतो.
आंतरराष्ट्रीय घडामोडी

• क्रुडची घसरण चालूच राहिली, इराणने उत्पादन कमी करायला नकार दिला तर रशियाने ज्या खाणीतून तेल काढणे फायद्याचे  होत नाही त्या खाणीतून तेल काढणे बंद केले.
• ओपेक देशांतील क्रूडचे उत्पादन करण्यासाठी येणारा खर्च तुलनेने नॉन ओपेक देशांपेक्षा कमी असल्यामुळे बाकीच्या देशांना हळू हळू क्रुडच्या उत्पादनांत घट करावी लागेल.
• ब्रिटीश पेट्रोलियम या कंपनीने ४००० कर्मचारी कमी करू असे सांगितले.
• अमेरिकेमध्ये क्रूड आणी नैसर्गिक वायूचे साठे वाढले आहेत. त्यामुळे जरी पहिल्या सहा महिन्यांत क्रूडचा भाव पडत राहिला तरी पुढील सहा महिन्यानी नाईलाजास्तव उत्पादन कमी करावे लागल्यामुळे क्रूडचे भाव वाढतील असा अंदाज आहे. क्रूडला पोलिटिकल कमोडीटी कां म्हणतात हे आत्ता कळलं..

सरकारी announcements

• साखरेवरील सबसिडी कमी केली.कंपोस्ट खतांसाठी Rs १५०० कोटींची सबसिडी जाहीर होईल असं दिसतंय.
• सरकारने शिपयार्ड उद्योगाला INFRASTRUCTURE STATUS दिला.
• सरकारनी जाहीर केलं की २०१६-२०१७ साठीचे अंदाजपत्रक २९ फेबृआरी २०१६ ला सादर होईल. यांत दोन ते तीन वर्षांत करावयाच्या प्रगतीचा आलेख मांडण्यांत येईल.
• सरकारने घोषणा केली की IDBI मधील सरकारी स्टेक सध्याच्या ५२% वरच ठेवण्याचा सरकारचा विचार आहे.

खाजगी कंपन्यांच्या घडामोडी

• टी सी एस चा रिझल्ट प्रॉफिट वार्निंग दिलेली असूनही चांगला आला. टी सी एस ने प्रती शेअर Rs ५.५० अंतरिम लाभांश जाहीर केला.टेलिकॉम एनर्जी आणी इंशुअरंस मध्ये थोडा थंडा रिस्पॉन्स होता असे सांगितले. येणार्या तिमाहीत बिझीनेस सुधारेल असे कंपनीच्या प्रेस कॉन्फरन्समध्ये सांगितले.टी सी एस जपानने क्लाऊड कम्युनिकेशन इन्फ्रा सर्विस , मित्सुबिशी या कंपनीसाठी सुरु केली.
• इन्फोसिस चा रिझल्ट अपेक्षेपेक्षा आणी वर्तविलेल्या सर्व अंदाजापेक्षा चांगला आला . इन्फोसिसने आपला पुढील वर्षाच्या प्रगतीविषयीचा अंदाज म्हणजेच गायडंस वाढवला. रेव्हेन्यू गायडंस १२.८ वरून १३,२ वर वाढवला. डॉलर रेव्हेन्यू ८.९ वरून ९.३ पर्यंत वाढवला. रुपया रेव्हेन्यू २०१६ साठी १६.२ वरून १६.९ वर वाढवला. इन्फोसिसला ४ मोठे ग्राहक ( टोटल contract value US $३६२ मिलियन ) मिळाले. ATTRITION रेट १३.४ एवढा कमी झाला. यावरून कर्मचार्यांची कंपनीच्या प्रगतीविषयी आणी कंपनीने त्यांच्यासाठी दिलेल्या सवलती योग्य होत्या असे सिद्ध होते. भारतातील बिझीनेस GST रोलऑऊटचे काम मिळाल्यामुळे २३.१% वाढला.तिसर्या तिमाहीत इन्फोसिसचा रेव्हेन्यू. Rs १३५६२ कोटी तर नेट प्रॉफिट Rs ३४६५ कोटी झाले. एकूणच इन्फोसिसला पुन्हा एकदा भारताची ‘BELLWETHER’ कंपनी हा दर्जा मिळाला.
• एअरटेल आफ्रिकेच्या दोन देशांत असणाऱ्या सबसिडीज ऑरेंज या कंपनीला विकणार आहे.
  GODPHREY PHILIPHS या कंपनीतील स्टेक जपान TOBACCO घेणार आहे.
• इंडसइंड बँक, डी सी बी बँक, तसेच एवरेस्ट इंडस्ट्रीज या कंपन्यांचा रिझल्ट चांगला आला. तर फेडरल बँक आणी करुर वैश्य बँक याचे रिझल्ट्स, फेडरल बँकेच्या NPA तील वाढीमुळे तर करुर वैश्य बँकेने Rs ८२ कोटींचे NPA विकल्यामुळे) थोडेसे चिंताजनक वाटले.
• मास्टेक या कंपनीचा रिझल्ट समाधानकारक लागला अही.
• HUL चे रिझल्ट्स चांगलेच म्हणावे लागतील ६% volume ग्रोथ झाली. Rs ८० कोटी अतिरिक्त घाटा दाखविल्यामुळे नक्त नफ्याची रक्कम कमी झाली. तसेच नवीन लौंच केलेल्या प्रोडक्ट्सना फारसा रिस्पोंस मिळाला नाही. HUL ने असे सांगितले की त्यांच्या जवळ असलेले Rs २२०० कोटी कंपनी शेअरहोल्डर्सना देण्याचा विचार करत आहे.
• मार्क्सन फार्माला UK कडून नोटीस मिळाल्यामुळे शेअर १५% पडला. त्यांच्या प्लांटची तपासणीही झाली.
• WOCKHARDT फार्माच्या अहमदाबाद प्लांटमध्ये USFDAने १५ दिवसांत सुधारणा करावी लागेल असे सांगितले. चिकलठाणा आणी वाळूंज येथील प्लांटसाठीही नोटीस दिली.

इकोनोमिच्या गोष्टी

• नोव्हेम्बरसाठीचे  IIP चे आकडे निराशाजनक आले. -३.२ म्हणजे निगेटिव्ह ग्रोथ झाली.
• दिसेम्बरसाठीचे CPI  ( कन्झुमर प्राईस इंडेक्स) ५.६१%  इतका  वाढला.
• डिसेंबर WPI (होलसेल प्राईस इंडेक्स) डिसेंबरमध्ये -०.७३ आला. हा नोव्हेंबरमध्ये -१,९९ होता.
• भारताचे चलन रुपयाची किंमत US डॉलर्स च्या तुलनेत सतत पडत होती. शुक्रवारी US $ १ = Rs. ६७.६६ झाली.

Corporate action

• MINDTREE या IT क्षेत्रातील मिडकॅप कंपनीने बोनस देण्याचा विचार करण्यासाठी बोर्ड ऑफ DIRECTORS ची मीटिंग बोलावली आहे.
• MAX इंडिया चे तीन कंपन्यांमधील विभाजन आज पूर्ण झाले

या आठवड्यात मार्केटनी आपल्याला काय शिकवलं
सध्या मार्केटमध्ये करेक्शन चालू आहे. त्यामुळे आज शेअर्स खरेदी केलेत आणी महिन्या-दोन महिन्यांत पैसे मिळतील असे नाही. इंट्राडे करायला गेलं तरी कुठून काहीतरी बातमी येते आणी STOP LOSS  ट्रिगर होतात . बरोबर हेच बुधवारी घडले होते. घटकेत २०० पाईंट वरती तर घटकेत २०० पाईंट खाली असे चालले होते. खरेदी करणार्यांची आणी short करणार्यांची दोघांचीही मार्केटने गाळण उडवली. पण मार्केट पडण्याचा आणी वाढण्याचा वेग अनाकलनीय होता. या मार्केटच्या नाटकामध्ये  ट्रेडर्सचा रोल नाही. हे मार्केट गुंतवणूकदारांचे म्हणजेच इन्व्हेस्टर्सचे आहे. कारण गुंतवणूकदार स्वस्तांत विकत घेतात आणी तीन ते पाच वर्षासाठी गुंतवणूक करतात. अशा लोकांनी या सुवर्ण संधीचा फायदा उठवावा

आधीच्या आठवड्याचं समालोचन वाचण्यासाठी इथे क्लिक करा

२०१६ साल सुरु झाले आणी चीनने गालबोट लावले. सगळ्या देशातल्या अर्थव्यवस्थेला, शेअर मार्केट्सना याचा धक्का पोहोचला.यामुळे सगळ्यांचीच झोप उडाली असे म्हटले तर वावगे ठरणार नाही. भारतात तसे म्हणायला काही घडले नाही. परंतु सर्व देश एकमेकांवर अवलंबून असल्यामुळे भारतातील अर्थव्यवस्थेवरही थोड्याफार प्रमाणांत परिणाम होणारच. याचा मुख्यतः परिणाम क्रूड, विनिमय दर, कमोडीटी मार्केट यावर झाला. सोमवारी शेअर मार्केटमध्ये BSE निर्देशांक सेन्सेक्स ५३० पाईंट घसरला.
आंतरराष्ट्रीय घडामोडी

• उत्तर कोरियाने हायड्रोजन बॉम्बची यशस्वी चाचणी केली
• सौदी अरेबिया आणी इराणमध्ये धुसफूस वाढली
• चीनचा PMI ४८.६ वरून ४८.२ एवढा घसरला. ती कमकुवत औद्योगिक आकडेवारी समजली गेली. चीनमध्ये आर्थिक मंदीचे संकट डोकावू लागले. आणी युआन या चीनी चलनाचे पुन्हा अवमूल्यन करायचे असे चीनने ठरवले.
• या आठवड्यामध्ये चीनचे शेअर मार्केट ७% पडल्यामुळे दोन वेळेला ट्रेडिंग पूर्णपणे थांबवण्याची वेळ आली. फक्त याच्या परिणामी येन हे चलन strong झाले त्यामुळे मारुतीच्या शेअरवर परिणाम झाला.
• चीन सरकार १३००० कोटी युवान रेपो रेटच्या सहायाने अर्थव्यवस्थेत टाकणार.

सरकारी announcements

• प्रदूषण टाळण्यासाठी काही नियम जाहीर झाले. सी एन जी चा पुरवठा नियमित होण्यासाठी दिल्लीत जादा पंप उघडावेत. दिल्लीमध्ये काम नसेल तर ट्रक्सना दिल्लीत येता येणार नाही असे कोर्टाने जाहीर केले. २००० सी सी च्या वरील डीझेल गाड्यांवरील बंद्द उठवण्यास सुप्रीम कोर्टाने नकार दिला.
• HMT ह्या कंपनीचे तीन विभाग बंद करून त्याची मालमत्ता विकून येणाऱ्या पैशांत सरकार VRS आणण्याच्या विचारांत आहे.
• सरकारने आयर्न ओअर पिल्लेट वरची निर्यात ड्युटी रद्द केली.
• कंटेनर कॉर्पोरेशन ऑफ इंडिया मधील ५% हिस्सा डायव्हेस्टमेंट करणार आहे.
• सरकार रब्बर आणी स्टील उद्योगाला प्रोत्साहन देण्यासाठी ANTI DUMPING ड्युटी लावण्याच्या विचारात आहे.

खाजगी कंपन्यांच्या घडामोडी

• IRB इन्फ्राला सर्वात मोठी Rs १०००० कोटींची ऑर्डर मिळाली
• ऑटो कंपन्यांचे आकडे जाहीर झाले. बजाज ऑटोने निराश केले
• निर्यातीमध्ये latin अमेरिका आणी नेपाल मधील निर्यात कमी झाल्यामुळे १२% घट झाली
• अशोक leylandचे आकडे चांगले आले
• ग्रासीमने A B केमिकल्स ही कंपनी घेतली
• A B केमिकल्सच्या सोळा शेअर्सना ग्रासीमचा एक शेअर मिळेल
• अपोलो हॉस्पिटल्सच्या ऑफिसेसवर आयकर विभागाने धाडी घातल्या
• गोकुळदास एक्स्पोर्ट ही कंपनी आपली बंगलोर हैदराबाद आणी म्हैसूर येथील मालमत्ता विकणार आहे
• कॅडिला हेल्थकेअर या कंपनीला वर्निंग देवूनही त्यांनी पत्रांत असलेल्या बाबींवर उपाय करण्यासाठी कोणतीही पाऊले उचलली नाहीत असे USFDAने जाहीर केले
• NETFLIX या कंपनीने आपल्या ऑन डिमांड व्हिडिओ स्ट्रीमिंग सेवा भारतात लाईव केल्या. ही सेवा इंटरनेट कनेक्शन असलेल्या कोणत्याही उपकरणावर मिळू शकेल. याचा फायदा आयनॉक्स,पीव्हीआर, आणी शेमारू या कंपन्याना होईल.
• ग्लेनमार्क फार्मा या कंपनीने GBR १३४२ मोनोक्लोनल ANTIBODY शोधून काढली. याचा उपयोग कर्क रोगाच्या उपचारासाठी होईल असे समजते.
• मारुती त्यांच्या रिट्झ या छोट्या कारचे उत्पादन मे २०१६ पासून बंद करणार. आणी सप्टेंबर २०१६ पासून इग्नीस हे मॉडेल बाजारांत आणणार आहे.
• ITC ही कंपनी Rs 4500 कोटीची गुंतवणूक करून पश्चिम बंगाल मध्ये दोन फूड प्रोसेसिंग पार्क फेब्रुवारी २०१६ पासून सुरु करीत आहे.

IPO news

• BSE वर लक्स इंडस्ट्रीज या कंपनीचे लिस्टिंग झाले
• VLCC आणी L & T इन्फोटेक या कंपन्यांच्या IPOला सेबीने परवानगी दिली
• या आठवड्यांत नारायणा हृदयालय या कंपनीचे Rs २९१ वर लिस्टिंग झाले

या आठवड्यात मार्केटनी आपल्याला काय शिकवलं
शेअरमार्केटची घसरण चालू आहे. यामध्ये बँकिंग शेअर्सचा वाटा मोठा आहे.. खरे पाहतां चीनमधील घडामोडींशी बँकांचा प्रत्यक्ष संबंध नाही. परंतु चिंनमधील मंदीचा भारतीय कंपन्यांवर परिणाम होईल आणी बँकेतील NPA ( NON PERFORMING ASSET) वाढतील या भीतीने बँकांचे शेअर्स पडले. क्रूड US $ २० पर्यंत जाईल असा अंदाज व्यक्त केला जात आहे. याची कारणे (१) उबदार हिवाळा (२) रशियामधील क्रूडचे विक्रमी उत्पादन. (३) चीनमधील कमी झालेली मागणी (४) मध्यपूर्वेतील देशांमधील ताणतणाव (५) युरोपमधील अस्थिर अर्थव्यवस्था.
भारताची अर्थव्यवस्था मुलभूतदृष्ट्या चांगली आहे. भारत यातून लवकर सावरेल, शेअर मार्केट सुधारेल पण आपल्याला धैर्य, सबुरी पाहिजे. घरांत काही संकट आले तर आपण घाबरतो कां ? आपण सावरतो आणी इतरांनाही सावरण्यास मदत करतो. फायद्याचा मार्ग शोधतो आणी अनुसरतो. मार्केट पडेल आपण स्वस्तांत शेअर विकत घेऊ असं म्हणणारी माणसे प्रत्यक्षांत मार्केट पडू लागल्यानंतर घाबरून जाऊन मार्केट पासून दूर पळतात उद्या अजून स्वस्त मिळेल त्या वेळी खरेदी करू असा विचार करीत राहतात त्यामुळे समोर दिसत असलेली संधी निघून जाते. मार्केट वाढू लागते त्यावेळी पुन्हा हे लोक जागे होतात त्या ऐवजी आपल्याला जे शेअर्स खरेदी करायचे असतील त्यांची यादी करावी. कोणत्या भावाला खरेदी करायचे ते ठरवावे आणी थोड्या थोड्या प्रमाणात खरेदी करावी कारण अजून खालच्या भावाला मिळालेत तर कोणाला नकोत त्यामुळे जसे जसे मार्केट पडेल तसा तसा फायदा उठवावा. आणी बदललेल्या स्थितीचा कोणत्या कंपन्यांना फायदा होतो आहे आणी होणार आहे हे हेरून त्या शेअर्समध्ये गुंतवणूक करावी. जसा पाउस असेल तशी छत्री धरली पाहिजे. मार्केट पडू लागले की हल्ली लोकांचे लक्ष साखर उद्योगाकडे असते. या वर्षी विमान वाहतूक कंपन्याचे भाग्य उजळले आहे. समजा क्रूड वाढू लागले तर बरोब्बर सध्याच्या विरुद्ध परिस्थिती येईल. अशा स्थित्यंतरांकडे गुंतवणूकदारांचे लक्ष असेल तर प्रत्येक परिस्थिती आपल्या बाजूने वळवता येते. आणी फायदा उठवता येतो.
बजाज कॉर्प या कंपनीचा रिझल्ट आला. त्यांनी Rs ११.५० प्रती शेअर लाभांश जाहीर केला.या लाभांशासाठी रेकॉर्ड डेट २० जानेवारी २०१६ आहे. येणाऱ्या आठवड्यांत टी सी एस आणी इन्फोसिस या IT क्षेत्रातील दिग्गज कंपन्यांचे तिमाही रिझल्ट्स आहेत. तुम्ही रिझल्ट कॅलेंडर पाहून त्या प्रमाणे शेअर खरेदी करून थोडाफार फायदा पदरांत पाडून घेऊ शकता.

आधीच्या आठवड्याचं समालोचन वाचण्यासाठी इथे क्लिक करा
 

साल २०१५ ला निरोप देऊन 2016 चे स्वागत करण्याचा हा आठवडा. मोदी लाटेवर स्वार होऊन २०१४ साल गेल्याने मार्केटने बुल रनची झलक पाहिली. २०१४ च्या मानाने २०१५ साल DULL समजावे लागेल. कारण २०१४ मध्ये सेन्सेक्सने ३०००० आणी निफ्टीने ९००० चा आकडा पार केला होता. त्यामुळे अपेक्षा वाढल्या. GST बिल पास होऊ शकले नाही. मार्केट क्रूडच्या घोड्यावर स्वार झाले त्यामुळे लढाई जिंकले असे म्हणावे लागेल.
 
आंतरराष्ट्रीय घडामोडी

• RASGAS या कतार देशांतील नैसर्गिक वायू पुरवठा करणाऱ्या कंपनीने ते पुरवत असलेल्या नैसर्गिक वायूची किमत US $ ५.५० MMBTU इतकी कमी केली.
• GAIL आणी पेट्रोनेट एल एन जी गुजरात GAS, यांनी कराराप्रमाणे खरेदी केली नाही म्हणून आकारलेली US$ १५० कोटींची पेनल्टीही रद्द केली. या करारावर या आठवड्यांत सह्या झाल्या.

सरकारी announcements

• टेक्नोलॉजी अपग्रेडेशन फंड (TUFF) या योजनेअंतर्गत टेक्स्टाईल सेक्टरला Rs १७८२२ कोटींचे PACKAGE मंजूर झाले . त्यामुळे १ लाख कोटींची नवीन गुंतवणूक होईल अशी अपेक्षा आहे. या सरकारच्या निर्णयाचा फायदा टेक्स्टाईल क्षेत्रातील कंपन्याना होवू शकतो उदा :- सेंच्युरी टेक्स्टाईल, बॉम्बे डाईंग, अरविंद, सेल MANUFACTURING
• देशभरांत सोलर ROOFTOP साठी Rs ५००० कोटींचे package मंजूर केले. याचा फायदा मोझरबेअर, इंडोसोलर ltd, सोलर इंडस्ट्रीज, उजास एनर्जी, आदी कंपन्यांना होईल.
• आयात होणाऱ्या टाईल्सवर ANTIDUMPING ड्युटी लावणार या अपेक्षेने टाईल्स उत्पादन करणाऱ्या कंपन्यांच्या शेअर्सच्या किंमती वाढल्या. उदा :- नीटको टाईल्स कजारीआ सेरीमीक्स इत्यादी
• पेट्रोलियम मंत्रालयाने असे जाहीर केले की १ जानेवारी २०१६ पासून ज्या नागरिकांचे वार्षिक उत्पन्न Rs १० लाखां च्यावर असेल त्यांना एल पी जी सबसिडी मिळणार नाही.
• आयकर विभागाच्या अधिकाऱ्यांनी NCDEX च्या मुंबई आणी दिल्ली ऑफिसचा सर्व्हे केला. डाळ घोटाळ्यात या कंपनीच्या काही अधिकार्यांचा सहभाग असावा असा आयकर विभागाला संशय आहे.
• सरकारचे डायवेस्टमेंटचे लक्ष्य पूर्ण होऊ शकले नाही. त्यामुळे ज्या सार्वजनिक क्षेत्रातील कंपन्यांकडे कॅश आहे त्यांना सरकार भरपूर प्रमाणांत लाभांश देण्यास सांगेल. यामध्ये SJVN, NHPC, आणी EIL या कंपन्या येतील

खाजगी कंपन्यांच्या घडामोडी

• कॅडिला हेल्थकेअर या कंपनीच्या अहमदाबाद आणी मोरेना युनिटसाठी USFDA कडून वार्निंग लेटर मिळाले. हे एपीआय प्लांट आहेत. ZYFINE या नावाचे औषध येथे तयार होते. त्यावर कॅडिलाने असे स्पष्टीकरण दिले की हे औषध USमध्ये जात नाही. २०११ पासून हा वाद चालू आहे. कॅडिला या कंपनीची १६० औषधे USFDAच्या मंजुरीसाठी पाईपलाईनमध्ये आहेत. त्यांच्या मंजुरीवर याचा परिणाम होऊ शकतो. या बातमीमुळे कॅडीला हेंल्थकेअर च्या शेअरच्या किंमतीत खूपच घट झाली.
• टायटन LTD या कंपनीने तमिळनाडूत आलेल्या पुरामुळे फायद्यावर परिणाम होईल असा इशारा दिला.
• KEI इंडस्ट्रीज या कंपनीला इंटिग्रेटेड पॉवर डेव्हलपमेंट सिस्टीम साठी पॉवर ग्रीड कॉर्पोरेशनकडून Rs ३८० कोटींची ऑर्डर मिळाली.
• रिलायंस सिमेंट आपला ५.८ टन उत्पादन क्षमता असलेला सिमेंट प्लांट विकत आहे. हा प्लांट खरेदी करण्यासाठी बिर्ला कॉर्प, BLACK स्टोन, बेअरिंग आशिया या कंपन्या आघाडीवर आहेत. ही विक्री ADAG ग्रूपच्या कर्ज कमी करण्याच्या मोहिमेचा भाग आहे.
• महिंद्रा फायनान्स ही कंपनी लवकरच जनरल इनशुअरंसच्या क्षेत्रांत उतरणार आहे.
• पी टी सी इंडस्ट्रीजअल फायनान्स ह्या कंपनीने पॉवर आणी INFRASTRUCTURE या क्षेत्रांसाठी Rs ८२५ कोटींचे कर्ज मंजूर केले.
• एद्युकॉम्प ltd या कंपनीच्या सबसिडीअरीने आपली जमीन आणी बिल्डींग विकण्याचा करार केला.
• स्टर्लिंग टेक्नोलॉजी या कंपनीच्या स्टर्लिंग ग्रीड या सबसिडीअरी कंपनीला Rs २६०० कोटींची ऑर्डर मिळाली.
• SMS फार्मा या कंपनीच्या सात औषधांना USFDA ची मंजुरी मिळाली.
• ऑरोबिन्दो फार्मा या कंपनीला त्यांच्या FAMOLIDINE या औषधासाठी USFDAची मंजुरी मिळाली. NEXIUM या जनरिक औषधासाठी USFDA कडून आंशिक मंजुरी मिळाली.

Economyच्या गोष्टी

• IIP चे आकडे चांगले आले नाहीत.
• सेबीने NSE वायदाबाजारांत कॉनकॉर, जेटएअरवेज, टोरट फार्मा, गोदरेज कन्झुमर या कंपन्यांचा समावेश केला.
• सेबीने फायझर ,ब्लू डार्ट, कन्साई नेरोलाक, रेप्को, चोलामंडळम या कंपन्यांना ‘ब’ गटातून ए गटांत शिफ्ट केले.
• HDFC STANDARD लाईफचा Rs १७०० कोटींचा FDI प्रस्ताव FIPBने मंजूर केला.
• सेबीने कावेरी सीड्सचे फोरेन्सिक ऑडीट करण्यासाठी सरथ & असोसिएशट या चार्टड अकौंटंट फर्मची नेमणूक केली.
• क्रूडची किंमत सतत कमी होत असल्यामुळे विमानाला लागणारे इंधन १०% स्वस्त झाले. त्यामुळे जेट एअरवेज, स्पाईसजेट, इंडिगो या विमान वाहतूक कंपन्यांच्या शेअर्सच्या किंमती वाढल्या.

 IPO news

• लायका labs या कंपनीला Rs १०० कोटीच्या इशूसाठी मंजुरी मिळाली.
• HDFC standard लाईफ इन्शुअरंस ही कंपनी 2016 च्या उत्तरार्धांत IPO आणील
• लार्सन & टूब्रो या कंपनीने आपल्या L & T इन्फोटेक या कंपनीच्या Rs २००० कोटींच्या IPO साठी सप्टेंबर २०१५ मध्ये DRHP दाखल केले.
• बंधन बँक २०१८ सालामध्ये IPO आणेल.

कॉर्पोरेट एक्शन

• SEQUENT SCIENTIFIC या कंपनीच्या STOCK स्प्लिटसाठी मंजुरी मिळाले.
• प्रकाश स्टील एज ही कंपनी आपल्या शेअर्सची दर्शनी किंमत Rs१० वरून Rs १ करणार आहे. म्हणजेच कंपनीच्या १ शेअरचे १० शेअर्स होतील. कंपनी त्यांचा TUBACEX प्रकाश या कंपनीतील १२.४७ % स्टेक विकणार आहे
• झुआरी अग्रो ही कंपनी आपल्या तीन सबसिडीअरी अनुक्रमे झुआरी फरटीलायझर, झुआरी ग्लोबल,आणी झुआरी रोटेम याचे आपल्यांत मर्जर करणार आहे.
• Crompton Greaves या कंपनीने आपल्या कन्झुमर इलेक्ट्रिकमधील कन्झुमर प्रोडक्ट्सचा बिझीनेस वेगळा केला.

या आठवड्यात मार्केटनी आपल्याला काय शिकवलं
यावर्षी मार्केटचा रागरंग बदलला हे मात्र मान्य करावे लागेल. क्रूडची आवश्यकता बऱ्याच कंपन्यांना असते.क्रूड स्वस्त झाले हे एक वरदान ठरल्याने HPCL, BPCL, IOC या कंपन्यांच्या शेअर्सच्या किंमती वाढल्या. मिडकॅप शेअर चालले. विमान वाहतूकक्षेत्राला नवी झळाळी आली. जग जवळ आले असे म्हटले की काही फायदे होत असले तरी कुठेही काहीही वाईट झाले तरी त्याची झळ भारताला लागतेच. क्रूड स्वस्त झाले हे भारताच्या फायद्याचे असले तरी क्रूड उत्पादन करणाऱ्या कंपन्यांना तोटा होतो. आणी पर्यायाने त्या कंपन्या ज्या देशांत कार्यरत आहेत त्या देशांची आर्थिक स्थिती खालावत आहे. भारत या देशांना निर्यात करतो. त्यामुळे आपली निर्यात कमी होते. २०१६ मध्ये क्रूडमध्ये मंदी राहील असे वाटते. त्यामुळे सोन्याचा भावही कमी राहील असे वाटते.
आता सध्या बजेटची चर्चा सुरु आहे. या महिन्यांत कंपन्यांचे तिसऱ्या तिमाहीचे निकाल लागतील. काही कंपन्यांनी प्रॉफिट वार्निंग आधीच दिली आहे. NPA वाढल्यामुळे बँकांचे निकाल चांगले लागणार नाहीत हे माहित आहे. प्रदूषणामुळे बदललेल्या नियमांचा परिणाम ऑटो सेल्सवर होणार हे नक्की.
सध्या बजेटपर्यंत तरी शैक्षणिक, शेतकी, रिन्यूएबल एनर्जी, कुटीरोद्योग (SSI) आणी रेल्वेच्या संबंधातील शेअर्स या कडे लक्ष देण्याचा मी विचार केलाय. योग्य भावांत हे शेअर्स खरेदी केल्यास short term ट्रेड चांगला होईल असे मला वाटते आहे.
जुने जाऊ द्या मरणालागुनी म्हणजेच घडलेल्या घटना सोडून देऊन घडणार्या घटनांकडे नव्या दृष्टीने बघु या. नवे नवे ते मला हवे असे म्हणत शेअरमार्केट हा गुंतवणुकीचा चांगला पर्याय आहे असे आपल्याला पटले असल्यास इतरांनाही पटवून देऊ या.
आपल्याला नवीन वर्षाच्या शुभेच्छा आपण ट्रेडिंग करण्यास शिकला असाल तर लक्ष्मीचा वरदहस्त लाभू दे हीच शुभेच्छा!