आधीच्या आठवड्याचं समालोचन वाचण्यासाठी इथे क्लिक करा
या आठवड्यांत ‘चलनाची अस्थिरता’ ही भीती कायम होती. रुपया US$ च्या तुलनेत कमजोर झाला. रुपया आणी US $ चा विनिमय रेट १US$ = Rs ६७च्या वर होता. श्री रघुराम राजन सप्टेंबर २०१६ नंतर RBI गव्हर्नर असणार नाहीत. चलन  स्थिर ठेवणे हे त्यांचे सर्वात मोठे काम होते. त्यामुळे या बातमीनेही रुपया कमजोर झाला. करायला गेलो एक आणि झालं भलतंच अशी Great ब्रिटन च्या पंतप्रधानांची स्तिथी झाली. ब्रिटन नि युरोपमधून बाहेर पडायचं का या प्रश्नाचं उत्तरं त्यांनी जनतेला विचारलं. ब्रिटनच्या जनतेनी युरोप मधून बाहेर पडायचा कौल दिला. याचे राजकीय, आर्थिक आणि सगळ्याच प्रकारचे परिणाम होतीलचं पण अस्थिरता मात्र नक्कीच निर्माण होईल. हा फ़क़्त कौल आहे आणि खरी brexit व्हायला अजून २ वर्ष तरी लागतील. brexit वर एक लेख नंतर लिहायचा विचार आहे , त्यात सविस्तर बोलूया या विषयावर.
 
आंतरराष्ट्रीय घडामोडी

• या आठवड्यांत प्रधानमंत्री श्री नरेंद्र मोदी चीनला जाऊन NSG मधील भारताच्या समावेशाला पाठिंबा देण्यासाठी चीनचे मन वळवण्याचा प्रयत्न करतील.सेउल मध्ये या आंतरराष्ट्रीय संस्थेची बैठक आहे. यामुळे संरक्षणाशी संबंधीत असणाऱ्या कंपन्यांच्या शेअर्स कडे लक्ष ठेवावे.
• सरकारने टेक्स्टाईल उद्योगासाठी Rs ६००० कोटींचे package जाहीर केले. यांत Rs १५००० पेक्षा ज्यांचा पगार कमी आहे अशा कामगारांचा १२% उद्योजकाला भरावयाचा PF सरकार भरेल तसेच गारमेंट कंपन्यांना मिळणार्या ड्युटी DRAWBACK मध्ये वाढ जाहीर केली असे जाहीर केले.
• सरकारने आपल्या FDI (FOREIGN DIRECT INVESTMENT) धोरणांत मोठे बदल जाहीर केले. सरकारने बहुतेक क्षेत्रांत ऑटोमटिक रूटने FDI ला परवानगी दिली. ज्या क्षेत्रांत अशी परवानगी नाही अशा क्षेत्रांची एक छोटीशी निगेटिव्ह यादी सरकारने प्रसिद्ध केली आहे. संरक्षण क्षेत्रांत ४९% च्या वर FDI साठी ‘मॉडर्न टेक’ क्षेत्रांत सरकारची मंजुरी लागेल.
• विमानवाहतूक क्षेत्रांत सरकारने १००% FDI साठी परवानगी दिली. पण त्यांत ४९% ऑटो रूटने आणी ४९% पेक्षा जास्त FDI साठी सरकारची मंजुरी लागेल. ‘BROWNFIELD’ विमानतळासाठी सरकारने १००% ऑटोरूटने FDI साठी मंजुरी दिली. ‘BROADCASTING CARRIAGE’ या क्षेत्रांतही १००% ऑटो रूटने FDI साठी परवानगी दिली.यामुळे टेलीपोर्ट, DTH, केबल नेटवर्क्स, मोबाईल टी व्हीज, आणी HITS या क्षेत्रांत १००% FDI ऑटो रूटने येऊ शकेल. सरकारने भारतांत बनवलेल्या अन्नपदार्थांत व्यापार करण्यासाठी ( यांत ECOMMERCE ही आले) सरकारच्या मंजुरीने १००% FDI साठी परवानगी दिली आहे.
• MANMADE FIBREवरील एक्साईज ड्युटी १२% वरून ६% वर आणणार आहे. याचा फायदा नाहर स्पिनिंगला होईल.
• या आठवड्यांत सरकार नवीन टेक्स्टाईल पॉलिसी आणी NATIONAL URBAN RENTAL HOUSING पॉलिसी जाहीर करणार आहे.
• खाजगी सिक्युरिटी एजन्सीमध्ये एकूण ७४% FDI साठी परवानगी दिली त्यांत ४९% FDI ऑटोरूटने तर ४९% च्यावर सरकारची मंजुरी लागेल. ‘BROWNFIELD’ फार्मा क्षेत्रांत सरकारने १००% FDI साठी परवानगी दिली यांत ७४% ऑटो रूटने तर ७४% पेक्षा जास्त FDI साठी सरकारची मंजुरी लागेल.
• सिंगल ब्रांड रिटेल मध्ये स्थानीय उत्पादित वस्तूंसाठी जे नॉर्म्स होते त्यांत ३ वर्षासाठी सूट दिली. जे उत्पादन स्टेट ऑफ टेक्नोलॉजी आणी CUTTING-EDGE टेकच्या सहायाने केले जाईल त्यासाठी पुढील पांच वर्षांसाठीही सूट दिली जाईल. तसेच संरक्षण, टेलिकॉम, खाजगी सुरक्षा, आणी माहिती आणी प्रसारण क्षेत्रांत कार्यरत असणाऱ्या परदेशी कंपन्याना, जर त्यांना FIPB ची किंवा संबंधीत मंत्रालयाची किंवा रेग्युलेटरची मंजुरी असेल तर त्यांच्या शाखा किंवा संपर्क ऑफिस उघडण्यासाठी RBI ची मंजुरी किंवा अन्य सुरक्षा CLEARANCE घ्यावा लागणार नाही.
  या सर्व क्षेत्रांत FDI च्या धोरणांत बदल केल्यामुळे रोजगाराच्या संधी उपलब्ध होण्याला चांगल्या प्रकारे चालना मिळेल अशी सरकारला अपेक्षा आहे.
• सरकारने ‘POTASSIUM ब्रोमेट’याचा उपयोग अन्नपदार्थांमध्ये करायला बंदी घातली आहे. ब्रिटानिया, जुबिलंट फूड
• सरकार FM रेडिओच्या प्रसारणाचा लिलाव करणार आहे. याचा फायदा सन टी व्ही, राज टी व्ही, ENIL, हाथवे यांना होईल.
• आयर्न ओअर क्षेत्रातील कंपन्यांना उत्तेजन देण्यासाठी मालभाडे कमी करण्यांत येणार आहे. याचा फायदा वेदांतला होईल पण तोटा कॉन्कोर या कंपनीला होईल.
• सरकारने २२०० MHZ एअरवेव्हजचा लिलाव करण्यासाठी मंजुरी दिली. यांत ७०० MHZ मधील 4G एअरवेव्हचा समावेश आहे. यासाठी आकारले जाणारे SUC (SPECTRUM USAGE CHARGE) ची रकम आणी हे चार्जेस ठरवण्याची पद्धत या बाबतचे निर्णय लांबणीवर टाकले. यासाठी त्यांनी ही बाब TRAI या रेग्युलेटरी ऑथारिटीकडे परत पाठवली.
• सरकारने शिक्षणासाठीच्या FDI नियमांत बदल केले.
• औषधे बनवणार्या कंपन्या आणी वैद्यकीय उपकरणे आणी साधने बनविणाऱ्या कंपन्यांना एकाच तराजूत तोलले जात होते. पण आता वैद्यकीय उपकरणे आणी साधने बनवणाऱ्या कंपन्याना वेगळे करून त्यांच्यासाठी वेगळे धोरण ठरवले जाईल. याचा फायदा सिमेन्स, ऑपटो सर्किट्स, इंद्रप्रस्थ मेडिकल आणी BPL या कंपन्यांना होईल.

सरकारी announcements

• RBI चे गव्हरनर रघुराम राजन यांनी आपण सप्टेंबर २०१६ रोजी आपला RBI मधील कार्यकाल संपल्यावर पुन्हा ACEDAMICS मध्ये जाणार आहोत असे जाहीर केले. या त्यांच्या निर्णयानंतर शेअर मार्केट कोसळेल असे वाटले होते पण सुरुवातीच्या थोड्या पडझडीनंतर मार्केटने “रामकृष्णही आले गेले “ म्हणत आपला बुल मूड व्यवस्थित चालू ठेवला.आता वित्तीय धोरण ठरवण्यासाठी मॉनेटरी पॉलिसी कमिशन नेमले जाईल.
• सेबीने CURRENCY मार्केटमधील VOLATALITY कमी करण्यासाठी CURRENCY डेरीव्हेटीवच्या संबंधातील नियम सोपे केले. याचा फायदा आदित्य बिर्ला मनी या कंपनीला होईल.

खाजगी कंपन्यांच्या घडामोडी

• CLP या हॉंगकॉंग स्थित ग्रुपने सुझलॉन एनर्जी या कंपनीच्या तेलंगणामधील १०० mw प्रोजेक्ट मधील ४९% स्टेक खरेदी केला.
• टाटा कम्युनिकेशन आपला ८००० WHITE-LABEL ATM असलेला बिझीनेस Rs १००० ते Rs १३५० कोटींना विकणार आहे. ही ATM या कंपनीने निरनिराळ्या बँकांना भाड्याने दिली आहेत.
• मनधाना इंडस्ट्रीज आपला रिटेल बिझीनेस डीमर्ज करणार आहेत. नवीन रिटेल कंपनी ‘BEING HUMAN’बरोबर नवीन करार करणार आहे. ८ लाख ऑर्डर्स पेंडिंग असल्याने या आठवड्यांत शेअर ४०% पडला.
• एशियन पेंट्स ही कंपनी विशाखापट्टणम येथे पेंट उत्पादन करण्याचा कारखाना काढणार आहे.
• PSLVC 34 हा प्रोग्राम तेजीत चालू आहे याला लागणारे सर्व भाग वालचंदनगर इंडस्ट्रीज पुरवते. त्यामुळे या कंपनीला फायदा होईल.
• BASF ही कंपनी CHEMFALL या कंपनीला Rs ३२०ला खरेदी करेल.
• टेक महिंद्रा UK बेस्ड BIOएजन्सी खरेदी करणार आहे.
• एल आय सी चे चेअरमन S. K. रॉय यांनी आपली मुदत संपण्यापूर्वी राजीनामा दिला.
• BIOCON या कंपनीने आपल्या डोळ्याच्या आजारावरील औषधाधासाठी फेज II आणी फेज III चे संशोधन सुरु केले.

नजीकच्या काळांत येणारे IPO

• या आठवड्यांत महानगर gasच्या IPOला चांगला प्रतिसाद मिळाला.
• MAX इंडिया लिमिटेड या कंपनीच्या स्कीम ऑफ आरेंजमेंट प्रमाणे वेगवेगळ्या तीन कंपन्या अस्तित्वांत आल्या. त्या खालील प्रमाणे MAX FINANCIAL, MAX हेल्थ, आणी MAX VENTURES. या पैकी MAX VENTURES या कंपनीचे Rs ४५ वर लिस्टिंग झाले.
• क्वेस कॉर्प या कंपनीचा सुमारे Rs ४०० कोटींचा IPO २९ जून २०१६ ला उघडेल. THOMAS COOK या कंपनीची यांत ७८% हिस्सेदारी आहे. प्राईस band Rs ३१० ते Rs ३१७ असेल.
• शोभा लिमिटेड ही कंपनी Rs ३३० प्रती शेअर या भावाने buyback करणार आहे.
• OIL इंडिया मधील १०% हिस्सेदारी सरकार OFS च्या माध्यमातून विकणार आह
• DHFL आपल्या ग्रूप मधील आधार हौसिंग फायनांस आणी DHFL व्यासा हौसिंग फायनांस या दोन कंपन्यांचे मर्जर करणार आहे.या मर्जड ENTITY चे लोनबुक Rs ३३०० कोटी असेल.
• NTPC तिच्या कर्मचाऱ्यांना Rs ११५.२० प्रती शेअर या भावाने शेअर्स OFS द्वारे ऑफर करणार आहे. हे शेअर्स फ्लोटिंग STOCK मध्ये समाविष्ट केले जाणार नाहीत.
• लवकरच LNG वर चालणारी दुचाकी वाहने लॉच होणार आहेत. याचा प्रसार करण्यासाठी पेट्रोलीयम मंत्रालया ने ‘हवा बदलो’ हा कार्यक्रम जाहीर केला. GAIL,IGL या कंपन्याच्या मदतीने पायलट प्रोजेक्ट सुरु करणार आहे.

या आठवड्यात मार्केटनी आपल्याला काय शिकवलं
२१ जून हा योग दिवस म्हणून सर्व जगभरांत साजरा केला जातो. योग जसा शरीराच्या एका भागाला दुसऱ्या भागाशी जोडतो त्याच वेळी मन स्थिर होते, आरोग्य चांगले रहाते, त्याचवेळी जमिनीवरही घट्ट पाय रोवावे लागतात. हा योगाचा संदेश शेअरमार्केटला तंतोतंत लागू पडतो. प्रत्येक बातमीचे धागे दोरे शोधायचे, त्या बातमीच्या परिणामाचा अंदाज घ्यायचा, मनाला स्थिर ठेवायचे, आवडनिवड बाजूला ठेवायची आणी स्थितप्रज्ञाच्या भूमिकेतून प्रत्येक व्यवहाराचा विचार करून निर्णय घेतल्यास आपल्या शेअरमार्केटमधील व्यवहारांचे आरोग्य चांगले राहून आपली भरभराट होते.
या आठवड्यांत बातम्यांचा पूर लोटला होता. पण मार्केटने मात्र दाद दिली नाही. कारण ब्रेक्झीटचा मोठा बागुलबुवा समोर उभा ठाकला होता. ज्या वेळेला काही मोठी बातमी असते, ज्या बातमीचा जगावर परिणाम होणार असतो, त्यावेळी गुंतवणूकदार छोट्या बातम्यांकडे लक्ष देत नाहीत. brexit मुळे झालेली अस्थिरता गुंतवणूकदारांना आवडली नाही आणि शुक्रवारी मार्केट १००० point पडलं. जेव्हा लोकांना समजलं कि भारतावर याचा परिणाम अगदी कमी होईल आणि किंबहुना भारताला नवीन संधी मिळतील, तेव्हा मार्केट ५०० point सुधारलं. ज्या कंपन्यांच्या उत्पन्नाचा मोठा वाट युरोप किंवा ब्रिटन मधून येतो त्यांचे शेअर पडले – TATA Steel, TATA Motors Bharat Forge, Motherson sumi. पुढील आठवड्यांत मात्र ब्रेक्झीट बद्दल अधिक माहिती उपलब्ध असेल आणी मार्केट नवा विचार करायला मोकळे होईल, हवा बदलली आहे, पाउस सुरु झाला आहे, त्यामुळे वेगळ्या शेअर्सचा विचार केला जाईल. तुम्हीही त्या पद्धतीने तुमच्या पोर्टफ़ोलिओमध्ये बदल करा आणी जोमाने नवे विचार नव्या कल्पना घेवून कामाला लागा.
BSE निर्देशांक सेन्सेक्स २६३५६ आणी NSE निर्देशांक निफ्टी ८०७६ वर बंद झाला.

आधीच्या आठवड्याचं समालोचन वाचण्यासाठी इथे क्लिक करा

या आठवड्यांत महत्वाच्या घटनांची रांगच लागली आहे. IIP, महागाईचे आकडे, फेडची मीटिंग, ब्रेक्झीट, भारताला NSG(न्युक्लीअर सप्लायर्स ग्रूप) मध्ये सामील करणार कां ? या गोष्टी घडणार आणी त्याचे परिणाम काय होतील हे सर्वजण बघत होते. ब्रेक्झीटचे परिणाम तर सर्वांना नवीनच त्यामुळे प्रत्येकजण चाचपडत होता. त्यामुळे small कॅप, मिडकॅप शेअरमधील थोडी तेजी वगळता अधिक काल मंदीचाच होता.
 
आंतरराष्ट्रीय घडामोडी

• मायक्रोसॉफ्ट ही कंपनी LinkedIn ही कंपनी US $ २६ बिलियन किमतीला विकत घेणार आहे. मायक्रोसॉफ्ट LinkedIn च्या शेअरहोल्डर्सना US$ १९६ प्रती शेअर या भावाने कॅश पेमेंट करेल.
• चीन मधले ‘A’ ग्रुपचे शेअर्स सध्या तरी MSCI निर्देशांकांत सामील केले जाणार नाहीत. २०१७ मध्ये रिव्हूसाठी हे शेअर्स ठेवले जातील.
• नायजेरियामध्ये ज्या कंपन्या काम करतात त्याना तोटा होईल कारण नायजेरीयाच्या चलनाची किंमत कमी होत आहे. उदा :- भारती एअरटेल.
• २३ जून २०१६ रोजी UK ECU (युरोपिअन कॉमन युनियन) मध्ये राहणार की नाही यावर सार्वमत घेतले जाईल. एक्झिट पोल असे दाखवीत आहेत की सार्वमताचा कौल ECU मधून बाहेर पडण्याकडे आहे. UKच्या अर्थमंत्री आणी UKच्या सेन्ट्रल बँकेने इशारा दिला आहे की ब्रेक्झीटमुळे UK मधून भांडवल बाहेर पडेल, त्यामुळे CAD मध्ये वाढ होईल, GBPचा विनिमय रेट कमी होऊन UK मधील महागाई वाढेल. याचा परिणाम म्हणजे ECU मधून बाहेर पडण्यासाठी बाकीच्या देशांतील मागणी वाढेल आणी ECU चे आणी त्यांच्या युरो या चलनाचे अस्तित्व धोक्यांत येईल.
• फेडने वाढणारी अर्थव्यवस्था पण ढासळणारे लेबर मार्केट यामुळे व्याजदरांत करायची वाढ पुढे ढकलली.
  तसेच बँक ऑफ जपानने आपल्या धोरणांत कोणताही बदल केला नाही.

सरकारी announcements

• सरकारने एव्हिएशन पॉलिसी जाहीर केली.या पॉलिसीनुसार आता आंतरराष्ट्रीय वाहतूक करण्यासाठी पुर्वानुभावाची जरूर नाही पण त्या एअरलाईनकडे २० विमाने असली पाहिजेत. १ तासापेक्षा कमी वेळ लागणाऱ्या उडडानांसाठी सरकारने Rs २५०० ची विमान भाड्यावर मर्यादा ठरवली. जर एअरलाईन्सला या उड्डाणासाठी Rs २५०० पेक्षा जास्त खर्च येणार असेल तर Rs २५०० पेक्षा जास्त लागणार्या खर्चाएवढी सरकार सबसिडी देईल. यासाठी सरकार प्रत्येक उड्डानामागे Rs ८००० कर आकारेल. या प्रमाणे गोळा केलेल्या Rs ५००० कोटी फंडामधून सबसिडी देईल. तसेच मेंटेनन्स आणी रिपेअर्स ऑपरेशनसाठी भारतामध्ये जो कर लावला जातो त्यांत २५% कपात केली जाईल. यामुळे आपल्या देशातच मेंटेनन्स आणी ऑपरेशन करणे स्वस्त होईल. तसेच जे प्रादेशिक विमानतळ बांधले जातील त्यामध्ये आंतरराष्ट्रीय विमातळावर असतात त्या सर्व सुविधा असणार नाहीत त्यामुळे या विमानतळावरून विमानांचे उड्डाण करणे सोपे जाईल. तसेच या विमानतळांवर ज्या मेंटेनन्स आणी ऑपरेशन सुविधा असतील त्यांना infrastructure सेक्टरमध्ये सामील केले जाईल
• GST चा मसुदा दोन बाबी सोडून राज्य सरकारांच्या अर्थमंत्र्यांच्या हाय पॉवर कमिटीमध्ये मंजूर झाला. या दोन बाबींवर जुलैमध्ये होणाऱ्या राज्य सरकारच्या अर्थमंत्र्यांच्या बैठकीत एकमत होऊन हे बिल संसदेच्या पावसाळी अधिवेशनांत मंजूर होईल अशी आशा व्यक्त केली जात आहे.
• भारत बांगलादेश दरम्यान हाय पॉवर नेटवर्क करायचे आहे याचा फायदा सिमेन्सला होईल.
• तनेजा एअरोस्पेस आणी ग्लोबल व्हेक्ट्रा या MRO(मेंटेनन्स, रिपेअर्स आणी ओवरहॉलिंग) स्पेसमध्ये असणाऱ्या कंपन्यांना इंफ्राचा दर्जा दिला जाईल.
• सरकारने स्टेट बँकेत स्टेट बँकेच्या ५ असोशीएट बँकांच्या आणी भारतीय महिला बँकेच्या स्टेट बँकेत होणाऱ्या मर्जरला मान्यता दिली. सरकारच्या या निर्णयामुळे स्टेट बँकेच्या असोसिएट बँकांच्या शेअर्सची किंमत मोठ्या प्रमाणांत वाढली.
• नीती आयोगाने ३२ सार्वजनिक क्षेत्रातील तोट्यांत चालणाऱ्या कंपन्याच्या बाबतीत डीसइन्व्हेस्टमेंट करण्याचे ठरवले आहे. त्यापैकी १० कंपन्यांत ताबडतोब डीसइन्व्हेस्टमेंट केली जाईल तर उरलेल्या २२ कंपन्या पुनरुज्जीवित करून नंतर त्यांची डीसइन्व्हेस्टमेंट केली जाईल.

सेबी, RBI आणी इतर प्रशासनिक संस्था

• NIIT टेक आणी सिंटेक्स ह्या कंपन्यांचे शेअर्स १ जुलै २०१६ पासून F & O मध्ये सामील होतील.
• सेबी लवकरच ALGORITHMIC ट्रेडिंगवर काही बंधने घालण्याच्या विचारांत आहे. हे ट्रेडिंग गुंतवणूक करणाऱ्या संस्था आणी प्रोप्रायटरी ट्रेडर्समध्ये लोकप्रिय आहे.
• RBI ने NPA असणाऱ्या कंपन्यांसाठी SUSTAINABLE STRUCTURING OF STRESSED ASSETS (S4A ) ही योजना जाहीर केली. यांत बॅंका लोनचे दोन भाग करतील (१) SUSTAINABLE लोन (२) UNSUSTAINABLE लोन. यासाठी बॅंका प्रोजेक्टच्या कॅश फ्लोचा विचार करतील. जो लोनचा भाग वर्तमान किंवा भविष्यांत अंदाज बांधण्यासारख्या कॅश फ्लोने SUSTAIN करण्यासारखा आहे तो पार्ट A म्हणजेच SUSTAINABLE आणी उरलेला भाग B म्हणजे UNSUSTAINABLE असेल आणी हा B भाग इक्विटीमध्ये किंवा कन्व्हरटिबल सिक्युरिटीमध्ये बदलला जाईल. ह्या लोनचे दोन भाग TECHNO-ECONOMIC VIABILITY स्टडीनंतर ठरवले जातील. ज्या प्रोजेक्टना Rs ५०० कोटी लोन दिले आहे आणी ज्यांनी कमर्शिअल ओपरेशंस सुरु केले असतील असे अकौंट S4A योजेनेखाली पात्र असतील. JOINT लेन्डर्स फोरम ह्या योजनेखाली प्लान तयार करून IBA च्या ओवरसीइंग कमिटीकडे देईल.

अर्थव्यवस्थेच्या गोष्टी

• IIP ( इंडेक्स ऑफ इंडस्ट्रीअल प्रोडक्शन) -०.८ झाले. कन्झुमर गुड्स प्रोडक्शन एप्रिल २०१६ मध्ये १.२% कमी झाले तर कन्झुमर नॉन ड्युरेबल आउटपुट ९.७% ने कमी झाला. ह्यामुळे ग्रामीण मागणी कमी झाली असे दर्शवले जाते.
• कॅपिटल गुड्सचे प्रोडक्शन २४.९% ने कमी झाले. ह्यामुळे भांडवली गुंतवणूक कमी प्रमाणांत झाली असे दर्शविते.
• कन्झुमर्स ड्युरेबल गुड्सचे उत्पादन ११.८ % ने वाढले ही वाढ शहरी आणी अर्ध शहरी भागांत मागणी वाढल्याचे दाखविते.
• CPI (कन्झुमर प्राईस इंडेक्स) मे महिन्यांत ५.७६% ने वाढला. ही वाढ मुख्यतः डाळी, साखर, आणी भाजीच्या भावात झाली. ही वाढ RBIने ठरवलेल्या ५% लक्ष्यापेक्षा जास्त आहे.
• WPI (होलसेल प्राईस इंडेक्स) मध्ये मे २०१६ मध्ये ०.७९% वाढ झाली.एप्रिल महिन्यांत ही वाढ ०.३४% होती.
  भारताच्या निर्यातीमध्ये गेल्या १८ महिन्यांतली कमीतकमी घट झाली (०.७९%) आयातीमध्ये १३.१६% घट झाली त्यामुळे ट्रेड डेफिसिट मे महिन्यांत US $ ६.३ बिलियन एवढी झाली.
• या आठवड्यांत रुपयाचा US $ मध्ये विनिमय दर १ US $ =Rs ६७ एव्हढा झाला सोने Rs ३००००/झाले.

खाजगी कंपन्यांच्या घडामोडी

• टाटा पॉवर या कंपनीने आपल्या सबसिडी टाटा पॉवर रिन्यूवेबल एनर्जी मार्फत वेलस्पनचे ग्रीन एनर्जी युनिट Rs. १०००० कोटींना खरेदी केले. यांत ९९० mw सोलर पॉवर प्रोजेक्ट आणी १५० mw विंड पॉवर प्रोजेक्टचा समावेश आहे. टाटा पॉवर ही कंपनी रीसर्जंट पॉवर या कंपनीट २५ % स्टेक US$ ३०० मिलियनला खरेदी करणार आहे. यांत मुख्यतः कोळशावर चालणारे आणी हायड्रोपॉवर बेस्ड assets आहेत.
• RCOM आणी एअरसेल या दोन कंपन्यांचे मर्जर या महिन्यांत पुरे होईल. या दोन कंपन्यांचे मर्जर झाल्यावर अस्तीवांत येणारी कंपनी भारतांत तिसऱ्या नंबरची कंपनी असेल.
• MCX वर आता AGRI कमोडीटीमध्ये व्यवहार करणार आहे. सुरुवात काळी मिरी पासून करणार आहेत
• HAVELLS ही कंपनी सोलर पॉवर जनरेटिंग सिस्टीम, सोलर पंप्स, सोलर स्ट्रीट लाईट्स, होम लाईटिंग किट्स जून २०१६ मध्ये देशभरांत LAUNCH करील. निमराना येथे ही प्रोडक्ट्स ASSEMBLE केली जातील.
• आंध्र प्रदेश आणी तेलंगाणा येथे सिमेंटची मागणी वाढली आहे. त्यामुळे NCL, आंध्र सिमेंट, डेक्कन सिमेंट, इंडिया सिमेंट काकतिया सिमेंट, या कंपन्याच्या शेअर्सच्या किंमती वाढल्या.
• सोमवारी चहा कॉफी साखर तांदूळ यांच्याशी संबंधीत कंपन्यांचे शेअर्स जोरांत वाढले.
• टाटा स्पॉंजला कोल इंडिया कोल लिंकेज देते. हा करार आता १० वर्षांकरता केला जाईल.
• ‘उडता पंजाब’ हा सिनेमा वितरणापूर्वीच खूप प्रसिद्धीत आला. हा सिनेमा १७ जून रोजी रिलीज होईल याचा फायदा बालाजी टेलि या कंपनीला होईल.

Corporate Action

• SKS मायक्रोफायनान्स या कंपनीने आपले नाव बदलून भारत फ़ायनान्सिअल इन्क्लुजन असे ठेवले.
• कजारिया सेरेमिक्स ही कंपनी एका शेअरचे २ शेअरमध्ये तर व्ही गार्ड ही कंपनी एका शेअरचे १० शेअर्स मध्ये विभाजन करेल.
• HDFC लाईफ आणी MAX लाईफ यांचे मर्जर करण्याचा निर्णयाला पुष्टी मिळाली. .
• इमामी REALTY आणी इमामी रेनबोचे विलीनीकरण इमामी इंफ्रामध्ये होईल.
• भारती इन्फ्राटेल ही टेलिकॉम क्षेत्रातील भारती एअरटेल ग्रूपची कंपनी ४७ मिलियन शेअर्स Rs ४२५ प्रती शेअर या भावाने अंदाजे Rs २००० कोटींना BUYBACK करेल.
• Iप्रिमीयर एक्स्प्लोझीव्स ही कंपनी १७ जून २०१६ ला NSE वर लिस्ट झाली.

नजीकच्या काळांत येणारे IPO

• CICI प्रूडेनशीअल लाईफचा iPO सप्टेंबर २०१६ मध्ये येईल. या IPO द्वारा Rs ६५०० ते Rs ७५०० कोटी उभारले जातील. Rs २६० ते Rs २८० हा प्राईस band असेल.
• SBI STANDARD लाईफचा इशू येणार आहे.
• महानगर gas या कंपनीचा IPO २० जून २०१६ ते २२ जून २०१६ या कालावधीत येणार आहे. या IPO चा प्राईस band Rs ४५५ ते Rs ४८५ असेल. या IPO द्वारा कंपनी Rs १००० ते Rs १२०० कोटी उभे करील.
• हुडकोच्या IPO ला मंजुरी मिळाली. हुडकोमधील १०% स्टेक सरकार डायव्हेस्ट करेल.

या आठवड्यात मार्केटनी आपल्याला काय शिकवलं
या आठवड्यांत जे ढग जमा झाले होते त्यावैकी WPI आणी CPI म्हणजेच घाऊक आणी किरकोळ बाजारातील किंमती वाढल्या, IIP चे आकडे निराशाजनक आले, भरीसभर म्हणून पावसानेही आपले आगमन लांबवले.यामुळे RBIने रेट कट न करण्याचा निर्णय घेतला.  फेडने मात्र रेट वाढवले नाहीत. BREXIT ची टांगती तलवार मार्केटला अस्वस्थ करीत आहे.मात्र स्टेट बँकेत स्टेट बँकेच्या असोसिएट बँकांच्या होणार्या मर्जरमुळे या बँकांचे शेअर्स वाढून सगळ्यांच्या झोळीत भरपूर दान पडले. जेव्हा अशा मोठ्या घटनांची नांदी असते त्यावेळी फक्त निरीक्षण करणेच योग्य ठरते. जे स्माल कॅप आणी मिडकॅप शेअर चालतात त्यांत volume आहे कां ते पहावे आणी ट्रेड करावा. डिलिव्हरी volume जास्त असेल तर short टर्म ट्रेड करावा. पण ट्रेडिंग volume जास्त असेल तर stoploss ठेवून इंट्राडे ट्रेड करावा.
BSE निर्देशांक सेन्सेक्स २६६२५ वर तर निफ्टी ८१७० वर बंद झाले

आधीच्या आठवड्याचं समालोचन वाचण्यासाठी इथे क्लिक करा
कमाईसाठी शिक्षण आणी शिक्षणातून कमाई  हे मुख्य सूत्र आहे. जर तुम्हाला तुमच्या शिक्षणापासून काही उत्पन्न मिळायची पात्रता येणार नसेल तर ते शिक्षण आपण ‘पुस्तकी विद्या’असे म्हणतो. पंतप्रधानांचा ‘अमेरिकेचा दौरा’ ही बातमी किती जणांना माहिती असेल हा प्रश्न आहे. या दौर्यातून काय साधले, कोणते करार झाले, त्याचा झालाच तर कोणत्या क्षेत्राला,कोणत्या कंपन्याना फायदा होईल आणी प्रत्येक कंपनीला किती फायदा होईल हा झाला तर्क आणी त्या तर्काधीष्ठीत अभ्यासावर त्या कंपन्यांच्या शेअर्सच्या किंमती वाढल्या. आणी ते शेअर्स गुंतवणूकदार,ट्रेडर्स यांनी खरेदी केले. ही सगळी हवेतल्या हवेत घातलेली गणिते ! ही गणीते घालावी लागतात. आणी समजून घ्यावी लागतात. अशा अभ्यासातूनच कमाई होण्याची शक्यता असते.
आंतरराष्ट्रीय घडामोडी

• क्रूडचे भाव US $ ६० पर्यंत जाईल असे वाटते. याचा फायदा ऑफशोअर कंपन्याना होईल. याचा फायदा दीप इंडस्ट्रीज, अबन ऑफशोअर, सेलन एक्सप्लोरेशन, ONGC, ऑईल इंडिया, केर्न्स इंडिया या कंपन्यांना होईल.
• सोन्याचे भाव वाढत असतील तर ज्या कंपन्या सोन्याच्या तारणावर कर्ज देतात अशा कंपन्यांचा फायदा होतो. कारण तारण म्हणून ठेवलेल्या सोन्याची किमत वाढते. उदा मुथुट फायनान्स, मन्नापुरम
• पंतप्रधानांच्या अमेरिका भेटींत मुख्यत्वे सरंक्षणासंबंधी करार झाले. अमेरिकेने भारताला आपला संरक्षण क्षेत्रातील मुख्य पार्टनर म्हणून घोषित केला. त्याचप्रमाणे संरक्षणक्षेत्रांत ‘मेक इन इंडिया’ ही योजना यशस्वी करण्यासाठी GOODS, टेक्नोलॉजी, प्रोग्राम्स, आणी जॉइंट व्हेन्चर यांच्या निर्यातीसाठी सोयी उपलब्ध करून देईल. तसेच वेस्टीग हाउस ही USमधील आण्विक क्षेत्रातील दिग्गज कंपनी आंध्र प्रदेशांत ६ AP १००० रिअक्टर उभारेल.
• अमेरिका आणी भारत US $ २० मिलियन US INDIA CLEAN एनर्जी फंड स्थापन करणार आहेत. आणी १ मिलियन घरांना CLEAN एनर्जी पुरवण्यासाठी US $ ४०० मिलियन उभारण्याचे ठरविले.
  या बातमीमुळे सरंक्षणक्षेत्राशी संबंधीत असणाऱ्या कंपन्यांच्या शेअर्सचे भाव वाढले. उदा :- BEL, BEML वालचंदनगर इंडस्ट्रीज, L&T,
• UK मध्ये प्रसिद्ध होणार्या सर्व्हेजप्रमाणे BREXIT ( UK युरोपिअन युनियन मधून बाहेर पडणार की नाही) ला पाठिंबा मिळत आहे त्यामुळे US $ च्या समोर GBPची किंमत कमी झाली.
• FED चेअरमन जेनेट येलेन यांनी आपल्या भाषणांत असे सांगितले की जरी अमेरिकेच्या अर्थव्यवस्थेमध्ये सुधारणा होत असली तरी अर्थव्यवस्थेची स्थिती बर्याच कारणांवर अवलंबून असल्यामुळे फेड आपला रेट वाढवण्यास कधी सुरुवात करेल या बाबतीत काही निश्चित सांगतां येत नाही.

सरकारी announcements

• GST बिलाचा फायनल मसुदा राज्य सरकारच्या अर्थमंत्र्यांच्या एमपॉवरड कमिटीला देण्यांत आला. हे बिल मंजूर होण्यासाठी जी आवश्यकता आहे ती या राज्यसभेच्या सत्रांत पुरी होऊन बिल मंजूर होईल असा सरकारचा विश्वास आहे.
  
• सरकारने कॅन्सर, मधुमेह, उच्च रक्तदाब या रोगांसाठी वापरली जाणाऱ्या 56 औषधांच्या किंमती २५% ने कमी केल्या. याचा परिणाम सिप्ला, लुपिन, BIOCON, नोवार्तीस या कंपन्यांवर होईल.
  
• सरकारने जाहीर केले की साखरेच्या निर्यातीवर २५% ड्युटी आकारली जाईल.
  

सेबी, RBI आणी इतर प्रशासनिक संस्था

• RBI ची वित्तीय पॉलिसी ७ जून २०१६ रोजी जाहीर झाली. रेपो रेट, रिवर्स रेपो रेट, CRR, SLR या मध्ये कोणताही बदल केला नाही. वाढत्या महागाईसंबंधी चिंता आणी उशीरा येत असलेला पाउस, BREXIT आणी फेडचा निर्णय यासारखे आंतरराष्ट्रीय विषय यामुळे रेट कट करण्याचा निर्णय घेता आला नाही. GDP मध्ये ७.६% प्रगतीचे लक्ष्य कायम ठेवण्यांत आले. योग्य त्या वेळेला bond खरेदी करून लिक्विडीटी कायम वाढवली जाईल.
  
• RBI ने असे जाहीर केले की योग्य त्या केसेस मध्ये प्रोविजनिंग नार्म्स सौम्य केले जातील.
• अर्थमंत्र्यांनी सार्वजनिक क्षेत्रातील सरकारी बँकांना NPA वसुलीसाठी नव्या उपाययोजना सुचवायला सांगितल्या. त्यासाठी त्यांनी ५ TOP बँकांची स्टिंअरिंग कमिटी नेमण्याची घोषणा केली. त्यांनी खालील उपाय सुचविले (१)फोरेन्सिक ऑडीट (२) CHANGE ऑफ MANAGEMENT (३) DUE DILIGENCE प्रोसेस (४) डीप RESTRUCTURING ऑफ युनिट.

खाजगी कंपन्यांच्या घडामोडी

• पाउस चांगला झाला तर हायड्रोपॉवर उत्पादन करणाऱ्या कंपन्यांना फायदा होईल. उदा :- SJVN, NHPC .
  
• चहाचा लिलाव गेल्या तीन महिन्यांच्या जास्तीजास्त स्तरावर झाले. त्यामुळे चहा उत्पादन करणाऱ्या कंपन्यांच्या शेअरचे भाव वाढले. उदा :- टाटा ग्लोबल, जयश्री टी, MACLEOD RUSSEL
  
• ट्यूब इन्व्हेस्टमेंट ही कंपनी एक नवा PLANT सुरु करणार आहे.
  
• PACKAGING नियमांचे पालन केले नाही म्हणून DR. REDDY’S या कंपनीवर केस दाखल केली. तर लुपिन या कंपनीने आपली इंजेक्शन परत मागवली.
  
• ३० जून २०१६ पर्यंत इंडिअन बँक ‘इंडोसोलर’ या कंपनीचे ASSETS विकेल.
  
• भारती इन्फ्राटेल ही कंपनी ‘टॉवर व्हिजन” ही ८५०० टॉवर्स असलेली कंपनी Rs ४००० कोटींना विकत घेण्याची शक्यता आहे. भारती इन्फ्राटेल ही कंपनी हे टॉवर्स 4 G आणी 3 G ऑपरेटर्स च्या गरजा लक्षांत घेवून खरेदी करीत आहे.
  
• BIOCON या फार्मा क्षेत्रातील कंपनीच्या ब्रेस्ट कॅन्सरच्या treatment मध्ये उपयोगी असणाऱ्या ‘TRASTUZUMAB’ या औषधाचा ग्लोबल क्लिनिकल स्टडी पूर्ण झाला. या बातमीमुळे ‘BIOCON’ च्या शेअरची किंमत वाढली.
  
• सन फार्मा या कंपनीने आपले US मधील दोन PLANTS, FRONTIDA BIOPHARMA या कंपनीला विकले.
  
• सन फार्माचे प्रमोटर्स ऑईल आणी gas क्षेत्रांत गुंतवणूक करणार आहेत. त्यांनी स्पष्ट केले की ही गुंतवणूक ही त्यांची वैयक्तिक गुंतवणूक आहे.
  
• ONGC आणी GSPN या कंपन्या मर्ज होण्याची शक्यता आहे.
  
• नागार्जुना ऑईल रीफायनरी या कंपनीचे पुनरुज्जीवन केले जाईल अशी घोषणा केली आहे. त्यामुळे ह्या शेअरची किंमत वाढत आहे.
  
• YES बँक QIP द्वारे US $ ८०० मिलियन उभारणार आहे. हा QIP इशू १ महिना सुरु राहील. ह्या इशुला US $ २०० मिलीयनचे ग्रीन शु ऑप्शन असेल.
  
• मंगलोर केमिकल्स चा युरिआ PLANT बंद पडला होता. तो ५ जून पासून सुरु झाला.
  
• डेल्टा कॉर्पच्या दमण कॅसिनोला मंजुरी मिळेल आणी कंपनी सिक्कीममध्ये नवीन कॅसिनो सुरु करील.
  
• लाफार्ज होल्सिमच्या श्री लंकेतील assetsच्या खरेदीसाठी दालमिया भारत सिमेंट, श्री सिमेंट, RAMCO या कंपन्यांना SHORTLIST केले आहे.
  
• इन्फोसिसने १ल्या तिमाहीसाठी प्रॉफीट वार्निंग दिली. रिटेल, उर्जा, आणी विमा क्षेत्रावरील ग्राहकांच्या खर्चाचे अंदाजपत्रक कमी झाल्यामुळे तसेच वेतनवाढ आणी व्हिसा चार्जेसवाढीमुळे १ल्या तिमाहीतील प्रॉफीट मार्जिन २०० बेसिस पाईंट कमी होईल असे सांगितले त्यामुळे इन्फोसिसचा शेअर पडला.
  
• कमोडीटीजचे भाव वाढत आहेत मेटल्स मध्ये तेजी आहे, त्यामुळे कमोडीटी मार्केटमध्ये VOLUME वाढले आहेत. त्याचा फायदा MCXला होत आहे.
  
• पातंजलीची वितरण व्यवस्था मजबूत नसल्यामुळे सध्या तरी पतंजलीपासून तेवढी भीती नाही असे FMCG कंपन्यांनी सांगितले.
  
• स्टरलाइट टेक्नोलॉजीच्या डीमर्जरची १६ जून तारिख निश्चित केली.
  

Corporate Action

• MOIL ने Rs २४४ प्रती शेअर या भावाला buyback जाहीर केले. २०.७२% इक्विटी कॅपिटल buyback करणार.
• NMDC ने Rs ९४ प्रती शेअर या भावाला buyback जाहीर केले. २०.२% इक्विटी buyback करणार

नजीकच्या काळांत येणारे IPO

• ‘टाटा टेक’ या कंपनीचा IPO लवकरच येईल.ही कंपनी टाटा मोटर्स साठी इंजिनीअरिंग सोल्युशन्स आणी आय टी प्रोडक्ट्स डेव्हलप करते. ही टाटा ग्रुपची प्रॉफीट मध्ये असणारी कंपनी असून ती निर्यात क्षेत्रांतही असून मुख्यत्वे ऑटो, एअरस्पेस, आणी औद्योगिक मशिनरी या क्षेत्रांत काम करते.
• INDIAMART.COM ही इकॉमर्स कंपनी आपल्या IPO द्वारे Rs ५०० कोटी उभारणार आहे.
• सिटी gas वितरण कंपनी महानगर gas चा ipo आणण्याचा विचार आहे. यामुळे गुजरात gas, इंद्रप्रस्थ gas या कंपन्यांच्या शेअर्स मध्ये हालचाल होईल.

या आठवड्यात मार्केटनी आपल्याला काय शिकवलं
खरे पाहता आजकाल ज्या शिक्षणातून पैसा मिळतो असेच शिक्षण आपण घेतो. आपण ज्ञानार्थीपेक्षा धनार्थी झालो आहोत. पण शेअरमार्केटच्या अभ्यासांत तुम्हाला सांधे जोडून इमारत उभी करायची असते. कमाई जास्त कशी होईल. तेवढ्याच गुंतवणुकीतून जास्त फायदा कसा होईल हे पहायचे असते. त्यामुळे प्रत्येक बातमी वाचून त्या बातमीचा परिणाम कोणत्या कंपनीच्या शेअरवर होईल हे बघणे महत्वाचे असते. खरे पाहता साखरेच्या निर्यातीवर २५ % ड्युटी बसवल्यावर साखरेचे शेअर्स पडतील असा सर्वांचा अंदाज होता. पण तसे घडले नाही. साखरेचे शेअर्स मात्र वाढतच राहिले म्हणजेच काही काळानंतर साखर कंपन्याना अनुकूल अशी बातमी येत असावी अशी शंका आली. अशा प्रकारे बातमीचा परिणाम शेअरवर योग्य प्रकारे होत आहे कां ? आणी योग्य प्रकारे होत नसेल तर त्याची कारणे शोधणे गरजेचे आहे.
BSE निर्देशांक सेन्सेक्स २६६३५ आणी NSE निर्देशांक निफ्टी ८१७३ वर बंद झाला.

आधीच्या आठवड्याचं समालोचन वाचण्यासाठी इथे क्लिक करा
मार्केटवर तर अनेक गोष्टींचा परिणाम होतच असतो. पण ब्लॉगवर सुद्धा सभोवतालच्या गोष्टीचा परिणाम होतो हे जाणवते.मी, माझे यजमान आणी माझा मुलगा यांच्या सामुदायिक प्रयत्नातून हा ब्लॉग लिहिला जातो आणी आपणास वाचावयास मिळतो. सध्या ठाण्याला रस्ता रुंदीकरण चालू असल्याने वीज पाणी टेलीफोन इंटरनेट या सेवांवर परिणाम झाला आहे. त्यामुळे ब्लॉग वेळेवर टाकता आला नाही नाईलाज आहे.
 
आंतरराष्ट्रीय घडामोडी

• सौदी अरेबिया एका बाजूला तर इराक़ दुसऱ्या बाजूला. सौदी अरेबियाला क्रूडचे उत्पादन कमी करायचे नाही. नवीन ओईल मिनिस्टर आले. देशाची अर्थव्यवस्था जी ऑईलवर अवलंबून आहे त्याचे प्रमाण कमी करून इतर रेव्हेन्यूचे मार्ग पहाणे गरजेचे आहे. इराण आणी सौदी अरेबिया यांच्यांत ऑईल उत्पादनावर बंधने घालण्याबाबत एकमत होऊ शकले नाही. त्यामुळे क्रूडची किंमत US $ ४५ ते ५५ या मर्यादेत राहण्याची शक्यता वर्तविली जात आहे. OPEC च्या मीटिंगमध्ये असा निर्णय झाला की क्रूडचे उत्पादन कमी केले जाणार नाही.
• युरोपिअन सेन्ट्रल बँकेने (ECB) आपल्या व्याज दरांत किंवा वित्तीय धोरणांत कोणतेही बदल केले नाहीत.
• FEDची पुढील आठवड्यांत मीटिंग आहे. पण US मधील जॉब डेटा निराशाजनक आल्यामुळे सध्यातरी फेड रेट वाढवेल असे जाणकारांना वाटत नाही.
• नजीकच्या काळांत २३ जूनला UKने युरोपिअन युनियन मध्ये राहायचे की नाही यावर UK मध्ये सार्वमत घेतले जाईल. याचा परिणाम जागतिक मार्केट्सवर तसेच भारतीय शेअरमार्केटवरही होईल.
• मार्केट वर्षभरांत पाउस किती पडेल यावर लक्ष ठेवून असते. कारण जर पाउस योग्य त्या प्रमाणांत आणी सर्व क्षेत्रांत पुरेसा पडला तर पिकांचे उत्पादन चांगले होते. त्यामुळे ग्रामीण क्षेत्रातील लोकांचे उत्पन्न वाढते आणी त्यामुळे ग्रामीण क्षेत्रातील मागणी वाढते. आणी सर्व क्षेत्रातील उत्पादन वाढते. यावर्षी IMD (INDIAN METEOROLOGICAL DEPARTMENT) ने भाकीत केले आहे की पाउस ७ JUN पासून सुरु होईल आणी दीर्घ मुदतीच्या सरासरीप्रमाणे १०८ % पडेल. यामुळे मार्केटला एक आनंदाची वार्ता समजल्यामुळे मार्केट वाढले.

सरकारी announcements

• सरकारने टपाल खात्याला पेमेंट बँकेचा दर्जा दिला. या बँकेचे नाव इंडिया पोस्ट पेमेंट बँक असे राहील आणी तिचे कामकाज मार्च २०१७ पासून सुरु होईल.
• सोडीयम क्लोरेट वर सरकारने ANTIDUMPING ड्युटी लावली. याचा फायदा गुजरात अल्कली, DCW इत्यादी कम्पन्यांना होईल.
• नवीन शिपिंग धोरण सरकारने जाहीर केले. सरकारने शिपिंग आणी शिपयार्ड कंपन्यांनी त्यांची balance sheet CLEAR केली पाहिजे. तसेच शिपिंगशी संबंधीत सर्व ऑर्डर्स भारतीय कंपन्यांना दिल्या पाहिजेत.
• सरकारने  ‘भारत आवो इलाज करावो’ या योजनेतून हेल्थ पर्यटनाला आणी हेल्थशी संबंधीत कंपन्यांच्या शेअर्सचा फायदा होईल.

सेबी, RBI आणी इतर प्रशासनिक संस्था

• RBI ने बँकांना सायबर सिक्युरिटी पॉलिसी निश्चित करायला सांगितले. या पॉलिसीत सायबर क्षेत्रातील धोक्यांचे कमी, मध्यम, हाय आणी खूप हाय असे वर्गीकरण करून त्यासाठी प्रतिबंधक उपाय सुचवायला आणी अमलांत आणायला सांगितले आहेत.
• RBI गव्हरनर राजन यांचा कार्यकाल सप्टेंबर २०१६ मध्ये संपत आहे. त्यामुळे मार्केटचे आणी विशेषतः FII चे लक्ष सरकार राजन यांना दुसऱ्या वेळेला RBI गव्हरनर नेमते की नाही इकडे आहे. त्याच बरोबर पुढील आठवड्यांत ७ जूनला RBI आपले वित्तीय धोरण जाहीर करेल त्यांत RBI आणखी रेट कट करते कां किंवा कर्जवाढीसाठी काही सवलती जाहीर करते कां याकडे मार्केटचे लक्ष आहे.

खाजगी कंपन्यांच्या घडामोडी

• HUL (HINDUSTAN UNILEVER LIMITED) या FMCG क्षेत्रातील दिग्गज कंपनीने आपला फूड आणी रीफ्रेशमेंट बिझीनेस दोन डिविजनमध्ये विभागण्याचे ठरविले आहे.
• झी लर्न आणी ट्री हाउस यांच्या मर्जरमध्ये अडचणी येत आहेत.
• पी सी ज्युवेलर्सनी आपले शेअर्स PLEDGE केले. कंपनीने शेअर्स PLEDGE केले ही बातमी मार्केटला सहसा पसंत पडत नाही.
• टाटा स्टील ही कंपनी टाटा मोटर्समधील मोठा हिस्सा विकणार अशी बातमी आहे. तसेच टाटा स्टीलची जर UK सरकारशी समाधानकारक बोलणी होऊ शकली तर टाटा स्टील पोर्ट टालबॉटचा कारभार स्वतःकडे ठेवण्याची शक्यता आहे.
• अमुलने दुधाचे भाव Rs २ ने वाढविले. अमूल पाठोपाठ सर्व दुध आणी त्याच्याशी संबंधीत पदार्थ बनविणार्या कंपन्या भाव वाढवतील. उदा :- पराग मिल्क, क्वालिटी इत्यादी.
• ग्राविस्स्ने क्वालिटी वर हायकोर्टात केलेली केस मागे घेतली. त्यामुळे क्वालीटीच्या शेअरची किंमत वाढली.
• PFCने महेश्वर हैडल पॉवरमध्ये हिस्सा खरेदी केला.
• JP ग्रूप या कंपनीने Rs ४५३९ कोटीची परतफेड करण्यामध्ये DEFAULT केला आहे.
• TECH महिंद्रा या कंपनीला US $ ७५ मिलियन रकमेचे SYSMOD प्रोजेक्टचे काम ५ वर्षांसाठी नेवाडा MOT VICHICLE DEPT कडून मिळाले.
• BPCL या कंपनीला FII लिमिट ४९% करायला परवानगी दिली.

Corporate Action

• LUX इंडस्ट्रीज ने एका शेअरचे ५ शेअर्समध्ये , तसेच NBCC ने एका शेअरचे ५ शेअर्स मध्ये विभाजन करण्याचे ठरवले आहे.
• जून ७ २०१६ रोजी NMDC आणी MOIL या कंपन्यांच्या शेअर BUYBACKवर विचार करण्यासाठी मीटिंग आहे. या कंपन्यांकडे असलेल्या कॅश मधून हे BUYBACK केले जाईल.
• HDFC ERGO ने L&T जनरल इन्शुरन्स कंपनी Rs ५५१ कोटींना खरेदी करायचे ठरवले आहे.

या आठवड्यात मार्केटनी आपल्याला काय शिकवलं
राज्यसभेच्या निवडणुकांचे निकाल लागण्याची वेळ जवळ आली. त्यामुळे GST पास होण्याची आशा निर्माण झाली.सध्या निफ्टीने ८२०० ची पातळी ओलांडली आहे. GST पास झाल्यास मार्केट ८६०० ते ८७०० पर्यंत जाईल असा अंदाज व्यक्त केला जात आहे. त्यामुळे आहे ती पोझिशन होल्ड करणे योग्य की प्रॉफीट बुकिंग करणे योग्य या संभ्रमांत सर्वजण आहेत. पण स्वतःचे गुंतवलेले भांडवल बाहेर काढून घेणे हाच मध्यमार्ग होय.
BSE निर्देशांक सेन्सेक्स २६८४३ आणी निफ्टी ८२२० वर बंद झाले