आधीच्या आठवड्याचं समालोचन वाचण्यासाठी इथे क्लिक करा
उन्हाळा, पावसाळा, हिवाळा, हे जसे निसर्गाचे चक्र असते, बालपण, तारुण्य, वृद्धापकाळ, हे आयुष्याचे चक्र असते. तसेच तेजी मंदी हे शेअरमार्केटचे चक्र असते. याला कारण असते मागणी आणी पुरवठा पण कृत्रिम टंचाई, किंवा मुबलक आवक हे ही कारण असते. पण सगळ्यांच्या मुळाशी असतो तो पैसा. तो पैसा जर आपल्याजवळ असेल तर आपण महाग किंवा स्वस्त? किंवा गरज आहे कां ? ही चर्चा करीत नाही असेच काहीसे सध्या शेअरमार्केटचे चालू आहे. शेअरचे भाव आणी आणी आलेले तिमाही निकाल यांचा ताळमेळ बसत नाही. परंतु चोहो बाजूंनी पैशाचा ओघ सुरु आहे. पैशाचा महापूर लोटला आहे. त्यामुळे थोडेसे मार्केट पडले की लगेच सुधारते आहे. म्हणजेच शेअरमार्केटचा पतंग आकाशांत उंच उंच जात आहे. पण हे सर्व आहे लिक्विडीटीरुपी मान्जाच्या हातांत, हा मांजा जेव्हा तुटेल तेव्हा त्रेधा तिरपीट होईल हेच खरे.
आंतरराष्ट्रीय घडामोडी

• ओपेक आणी नॉन ओपेक देशांची २६ तारखेला मीटिंग आहे. इराण आणी रशिया उत्पादन गोठवावे या विचाराला संमती देण्याची शक्यता आहे. यामुळे क्रूडचे भाव वाढतील. याचा फायदा ONGC ऑईल इंडिया,केर्न इंडिया या कंपन्यांना होईल. इथेनालच्या किंमती क्रूडच्या किंमतीप्रमाणे बदलतील अशी व्यवस्था असावी असा विचार चालू आहे. याचा फायदा प्राज इंडस्ट्रीजला होईल.
• फायझर ही कंपनी ‘MEDIVATION’ ह्या कंपनीला US$१४ बिलियन ला विकत घेणार आहे. या मुळे ‘PROSTATE CANCER’ साठी असलेली X TANDI ही आधुनिक उपचार पद्धती त्यांच्या मालकीची होईल. या उपचार पद्धतीला USFDA आणी इतर देशांकडून मान्यता मिळालेली आहे.

सरकारी announcements

• सरकारने उर्जित पटेल यांची RBI चे गव्हरनर म्हणून नेमणूक जाहीर केली. शेअर मार्केटने आणी सामान्यतः आर्थिक तज्ञांनी या नेमणूकीचे स्वागत केले.
• सरकारने रिलायंस पॉवर या कंपनीला त्यांच्याकडे असलेले सासन कोलब्लॉक्स परदेशी कर्जदारांकडे गहाण ठेवण्यास मंजुरी दिली.
• केंद्र सरकार रेल्वे अंदाजपत्रक आणी वार्षिक अंदाजपत्रक एकत्र सदर करण्याचा विचार करीत आहे. तसेच सामान्य अंदाजपत्रक जानेवारी महिन्याच्या शेवटी प्रस्तुत करावे असाही विचार चालू आहे. त्यामुळे पुढचे करनिर्धारण वर्ष चालू होण्याआधी करदात्यांना कर विषयक नियम माहीत होतील.

RBI सेबी आणी इतर प्रशासनिक संस्था

• डाबर.खादी, हिमालयन, बैद्यनाथ, पतंजली या कंपन्या मध विकतात. FSSAI या कंपन्यांच्या मधाची २१ मानकांनुसार तपासणी करणार आहे.
• सुप्रीम कोर्टाने वेगवेगळ्या डेअरीज दूध विकतात त्याचे नमुने FSSAIने तपासावेत असा आदेश दिला. तसेच दुध साठवण्याची आणी दुध तपासण्याची व्यवस्था तपासण्यास सांगितले. याचा परिणाम प्रभात डेअरी. क्वालिटी LTD. अमूल. पराग मिल्क या कंपन्यांवर होईल. दुधांत CAUSTIC सोडा, पोटाश. केमिकल आणी पेस्टीसाईड यांची भेसळ केलेली नाही हे विशेषतः तपासण्यास सांगितले.

खाजगी कंपन्यांच्या घडामोडी

• कॉस्टीक सोडा आयातीवर जी antidumping ड्युटी लावली होती ती १ वर्षापर्यंत वाढवली. GHCL, गुजराथ अल्कली, DCW, GSPL यांना याचा फायदा होईल.
• उज्जीवन फायनांसने SMALL बँकेसाठी अर्ज केला.
• फोर्टिस हेल्थकेअर मलार हॉस्पिटलचा बिझिनेस Rs ४३ कोटीला विकत घेणार. फोर्टिस हेल्थकेअर मधून डायग्नोस्टीक बिझिनेस (SRL डायग्नोस्टीक) वेगळा करणार. १०० शेअर्ससाठी ९८ शेअर्स दिले
  नंतर डायग्नोस्टीक बिझिनेस मलार हॉस्पिटलमध्ये मर्ज करणार आणी त्याचे नाव SLR असे ठेवणार.ह्या कंपनीचे नंतर लिस्टिंग होईल
• वेलस्पन इंडिया या कंपनीने सप्ल्याय केलेला माल कराराप्रमाणे नाही म्हणून त्यांचे एक महत्वाचा ग्राहक टार्गेट कंपनी, यांनी वेलस्पन इंडिया बरोबर केलेले सर्व करार रद्द केले जातील असे सांगितले. यामुळे वेलस्पन इंडिया या कंपनीच्या शेअर्सला दोन दिवस लोअर सर्किट लागत होती.टार्गेट पाठोपाठ WAL-MART आणी JCPENNY या इतर परदेशी ग्राहकानी वेलस्पन इंडियाच्या प्रोडक्टस् ची तपासणी सुरु केली आहे.
• जेट एअरवेज आणी स्पाईस जेट या विमान वाहतूक क्षेत्रातील कंपन्या १००% ऑपरेटिंग CAPACITY ला काम करीत आहेत. आता या कंपन्यांनी भांडवली खर्च केला पाहिजे. प्रत्येक चांगली गोष्ट या शेअर्सच्या किंमतीत समाविष्ट आहे.
• खूप पाउस झाल्यामुळे बार्लीच्या पिकाचे नुकसान झाले आहे, त्यामुळे बियरचे भाव वाढतील अशी शक्यता आहे. याचा फायदा युनायटेड ब्रुअरीजला होईल.
• मारुतीने येन ( जपानचे चलन) एक्स्पोजर २३% वरून १२% केले. त्यामुळे मारुतीचे टार्गेट Rs ५८०० केले.
  आंध्र प्रदेश आणी तेलंगाणा या राज्यांत सिमेंटच्या किंमती १०% ते १५% ने वाढल्या आहेत याचा फायदा NCL इंडस्ट्रीज, आंध्र सिमेंट, सागर सिमेंट या कंपन्यांना होईल.
• स्पोंज आयर्न च्या किंमती वाढल्या आहेत याचा फायदा टाटा स्पोंज, आधुनिक मेटल्स या कंपन्यांना होईल.

नजीकच्या काळांत येणारे IPO

• या आठवड्यांत RBL या बँकेचा IPO २३ ऑगस्टला बंद झाला. या IPO ला गुंतवणूकदारांनी अतिशय चांगला प्रतिसाद दिला. IPO ६९ वेळा ओवरसबस्क्राईब झाला. यांत किरकोळ गुंतवणूकदारांसाठी असलेला भाग ५.५ वेळा ओवरसबस्क्राइब झाला. HNI साठी असलेला भाग १९८ वेळा ओवरसबस्क्राइब झाला.

कॉर्पोरेट एक्शन

• CYIENT या कंपनीची स्पेशल लाम्भांश देण्यासाठी बोर्ड ऑफ डायरेक्टर्सची मीटिंग होणार आहे.
  IOC ( INDIAN OIL CORPORATION) या कंपनीची १:१ बोनस देण्यावर विचार करण्यासाठी २९ ऑगस्टला बोर्ड मीटिंग आहे.
• 8 K माईल्स या कंपनीने स्प्लिट आणी बोनस जाहीर केला. सध्या या कंपनीच्या शेअर्सची दर्शनी किंमत Rs १० आहे. हे शेअर्स Rs ५ दर्शनी किंमतीच्या २ शेअर्समध्ये स्प्लीट होतील. नंतर तुमच्याजवळ असलेल्या ३ शेअर्सच्या बदल्यांत १ बोनस शेअर मिळेल. तुमच्याजवळ ३ शेअर्स असतील तर त्याचे ८ शेअर्स होतील.
• ECLERKS सर्विसेस ही कंपनी १०९ कोटी रुपयांचे शेअर्स ‘BUY BACK’ करणार आहे. पण हे प्रमाण फारच कमी आहे. जर तुमच्याजवळ ४०० शेअर्स असतील तर ९ शेअर्स BUY BACK’ करणार. या साठी निर्णय घेण्यासाठी २९ ऑगस्टला मीटिंग आहे,
• INFINITE कॉम्पुटर्स ने ‘BUY BACK’ जाहीर केले. १५:५ हा रेशियो आहे. सध्याची शेअरची किंमत Rs २२७ आहे. ‘BUY BACK’ Rs २५० किंमतीला होईल. म्हणजे तुमच्याजवळ २०० शेअर्स असतील तर ३१ शेअर्स ‘BUY BACK’ होतील. आणी उरलेले शेअर्स पुन्हा तुमच्या DEMAT अकौंटला जमा होतील. ‘BUY BACK; च्या बातमीने शेअरची किंमत वाढते त्यामुळे शेअर मुळातच महाग पडणार नंतर त्याचा भाव कमी होणार. त्यामुळे ‘BUY BACK’ स्कीममधील ‘ACCEPTANCE रेशियो’ महत्वाचा असतो.
• TCI च्या एक्सप्रेस डिविजनच्या डीमर्जरची एक्सडेट २६ ऑगस्ट रोजी झाली.
• २६ ऑगस्टला PFC चा शेअर EXबोनस झाला.
• REC ने आपल्या बोनस इशुची रेकार्ड डेट २९ सप्टेंबर २०१६ ही जाहीर केली.
• महानगर GAS Rs १७.५० लाभांश जाहीर करणार आहे.

या आठवड्यात मार्केटनी आपल्याला काय शिकवलं
या आठवड्यांत PUTCALL रेशियो .८८ राहिला. म्हणजेच तेजी करणाऱ्यांचाही वरचष्मा किंवा मंदी करणाऱ्यांचाही वरचष्मा नाही. म्हणजे निर्णायक कोणतीच बाजू नाही. या खेचाखेचीत कोणाचा विजय होतो ते पहावे लागेल. तोपर्यंत विशिष्ट शेअरचा विचार करणेच योग्य ठरते. किंवा थोड्या फायद्याच्या उद्देशाने ट्रेड करावा.
BSE निर्देशांक सेन्सेक्स २७७८६वर आणी NSE निर्देशांक निफ्टी ८५७५ वर बंद झाला.
 

आधीच्या आठवड्याचं समालोचन वाचण्यासाठी इथे क्लिक करा
हा आठवडा १५ ऑगस्टच्या सुट्टीपासून सुरु झाला. हा स्वातंत्र्यदिन पण किती बाबतीत आपण स्वतंत्र झालो, स्वावलंबी झालो हा खरा प्रश्न आहे. शेअरमार्केटच्या बाबतीत बोलायचे झाल्यास अजूनही आपण टिप्सवर अवलंबून आहोत. टिप्स म्हणजे तरी काय कुणीतरी शेअर्सची नावे सांगायची आणी आपण मात्र डोळे झाकून त्यावर विश्वास ठेवायचा असे किती दिवस चालणार या बाबतीतही स्वातंत्र्य मिळवणे गरजेचे आहे. कारण तुम्ही तो शेअर कां खरेदी करीत आहांत किंवा कां विकत आहांत ? हे तुम्हाला माहीत नसते. त्यामुळे पैसा कमावण्याचा उद्देश तर सिद्ध होत नाहीच पण आपण फसले गेलो असे वाटते.
आंतरराष्ट्रीय घडामोडी
क्रूड टेक्निकल कारणामुळे वाढत आहे. लिक्विडीटी हे कारण तर आहेच. सध्याची क्रूडसाठी असलेली मागणी सिझनल आहे. रशिया जगांत जास्त ऑईल उत्पादन करतो. सौदी अरेबियाही जास्त ऑईल उत्पादन करते. सध्या हळू हळू क्रूडच्या किंमती वाढत आहेत.ओपेक आणी नॉन-ओपेक देशांमध्ये क्रूडचे उत्पादन गोठविण्यासाठी वाटाघाटी चालू आहेत. US$ ३० वरून क्रूडच्या किंमती US$ ५० पर्यंत वाढल्या आहेत.
सरकारी announcements

• सरकारने कायद्यांत काही बदल केले आहेत. त्यामुळे VSNL कंपनीची जमीन कंपनी सरकारला विकू शकेल. त्यासाठी VSNL ला कॅपिटल गेन्स कर भरावा लागणार आहे.

अर्थव्यवस्थेच्या गोष्टी

• जुलै WPI ३.५५% म्हणजेच २३ महिन्यानमधील उच्च स्तरावर गेले.

RBI सेबी आणी इतर प्रशासनिक संस्था

• मिडकॅप निर्देशांकातून जिंदाल SAW निघेल आणी इक्विटास होल्डिंग सामील होणार.
• निफ्टीमध्ये काही बदल केले जाणार आहेत. इंडिगोचा समावेश होण्याची शक्यता आहे.

खाजगी कंपन्यांच्या घडामोडी

• इन्फोसिस आणी IBM बरोबर RBS ने जो ५ वर्षांसाठी करार केला होता तो रद्द केला. हा करार GBP ३०० कोटींचा होता. त्यामुळे इन्फोसिस आपला २०१६-२०१७ या वर्षासाठी गायडंस कमी करेल असा अंदाज आहे.
• स्टेट बँक ऑफ इंडिया चा तिमाही निकाल वरवर पाहता चांगला दिसत नाही. तरीही त्यांचा ‘कासा’ ( CURRENT and SAVINGS DEPOST) रेशियो चांगला आहे. ‘कासा’ रेशियो म्हणजे CURRENT DEPOSITS +SAVINGS DEPOSIT /TOTAL DEPOSITS होय. स्टेट बँकेच्या बाबतीत हे प्रमाण चांगले आहे. ‘HIGH COST DEPOSIT’ (म्हणजेच ज्या ठेवींवर जास्त दराने व्याज द्यावे लागते) चे प्रमाण कमी झाले आहे. मार्जिन वाढले आहे. NPA (NON PERFORMING ASSET) वाढण्याचे प्रमाण कमी झाले आहे.
• झी लर्न आणी ट्री हाउसच्या मर्जरसाठी नवी योजना आणली आहे. आता मर्जर १:१ या रेशियो प्रमाणे होईल. पूर्वीचा रेशियो ५:१ असा होत. ट्री हाउसचे सगळे शेअर्स (प्रमोटरचे) तारण ठेवले आहेत. कॅश ठेवली नाही.
• VIP कंपनी मिलिटरी कॅन्टीनला माल पुरवते. मिलीटरीच्या लोकांना एरीयर्स मिळणार आहेत. त्यामुळे मिलिटरी कॅन्टीनच्या विक्रीत वाढ होईल. त्याचा फायदा VIP कंपनीला होईल.
• ऑईल आणी gas च्या लिलावात ‘HOEC’ या कंपनीला काही ब्लॉक्स मिळू शकतात.
• सुट्ट्या जोडून आल्या, सणांचा सिझन आला की पर्यटन क्षेत्रात काम करणाऱ्या कंपन्यांना फायदा होतो. उदा :- COX AND KINGS, THOMAS COOK
• इमामीच्या प्रमोटर्सनी तारण ठेवलेले शेअर्स सोडवले.
• दिलीप बिल्ड्कॉनला NHAI कडून हायब्रीड ANUITY बेसिसवर Rs २०१६ कोटींची उत्तर प्रदेशातील ऑर्डर मिळाली.
• सिंगटेल ही कंपनी भारती एअरटेल या कंपनीमध्ये हिस्सा खरेदी करेल.
• ऑरोबिन्दो फार्माच्या प्रमोटर्सनी आपले शेअर्स तारण ठेवून बजाज फायनान्सकडून कर्ज घेतले.
• मरकेटर लाईन्स या कंपनीने त्यांची सिंगापूरमधील लॉसमेकिंग सब्सिसिअरी विकून टाकली.
• केरळ सरकारच्या दारूबंदी मंत्र्याने सांगितले की केरळ राज्य सरकारने त्यांच्या दारूबंदी धोरणाचा फेरविचार करावा. कारण दारूबंदीमुळे राज्य सरकारच्या उत्पन्नावर परिणाम होत आहे.
• NHPC ही सार्वजनिक क्षेत्रातील सरकारी कंपनी पश्चिम बंगालमधील युनिट ४ मध्ये COMMERCIAL ओपरेशन सुरु करणार आहे.

नजीकच्या काळांत येणारे IPO

• २००५ साली येस बँकेचा IPO आला होता त्यानंतर आता खूप वर्षांनी रत्नाकर बँकेचा IPO या आठवड्यांत येत आहे. १९ ऑगस्टला ओपन होऊन २३ ऑगस्टला बंद होईल. या IPO चा प्राईस band Rs२२४- Rs२२५ आहे मिनिमम लॉट ६५ शेअर्स आहे. ही बँक IPO द्वारा Rs १२१३कोटी उभारणार आहेत. या बँकेच्या व्यवस्थापनाने असे सांगितले की आम्ही स्टील, पॉवर आणी इन्फ्रा या सेक्टरला कर्ज देण्यापासून दूर राहू.

कॉर्पोरेट एक्शन

• मिंडा इंडस्ट्रीज आपल्या शेअर्सचे २ शेअर्समध्ये स्प्लिट करणार आहे.
• फोरटीस हेल्थकेअर आपल्या SLR डायाग्नोस्टिक बिझीनेसचे डीमर्जर करणार आहे.
• मेनन बेअरिंगची बोनस इशुवर विचार करण्यासाठी बोर्ड ऑफ डायरेक्टर ची मीटिंग आहे.
• PNBची सबसिडीअरी PNB GILTSचे PNB मध्ये विलीनीकरण होईल.
• ORACLE त्यांच्या इंडिअन आर्मचे डीलिस्टिंग करण्याची शक्यता आहे. या साठी कंपनी Rs ७००० कोटी ते Rs ८००० कोटी खर्च करण्याची शक्यता आहे. ORACLE फायनांशीअलमध्ये ‘ORACLE’ चा ७४.२% स्टेक आहे.
• ताज GVK या कंपनीचे इंडिअन हॉटेल्स या कंपनीमध्ये विलीनीकरण होणार आहे.
• आता SBI (स्टेट बँक ऑफ इंडिया) च्या असोसिएट लिस्टेड बॅंका अनुक्रमे स्टेट बँक ऑफ त्रावणकोर (या बँकेच्या १० शेअर्सच्या ऐवजी SBIचे २२ शेअर्स), स्टेट बँक ऑफ म्हैसूर (या बँकेच्या १० शेअर्ससाठी SBI चे २२ शेअर्स) आणी स्टेट बँक ऑफ बिकानेर and जयपूर ( या बँकेच्या १० शेअर्ससाठी SBIचे २८ शेअर्स) या प्रमाणे स्टेट बँकेत या लिस्टेड बॅंका मर्ज झाल्यावर SBIचे शेअर्स मिळतील. या लिस्टेड बँकाबरोबरच SBIमध्ये स्टेट बँक ऑफ हैदराबाद, स्टेट बँक ऑफ पतियाला आणी भारतीय महिला बँकेचे विलीनीकरण होईल. हे विलीनीकरण जरी अल्प मुदतीसाठी खर्चिक वाटले तरी दीर्घ मुदतीत मात्र कार्यक्षमता वाढून खर्च कमी होईल. तसेच NPAकमी होतील असा आशावादी विचार व्यक्त केला जात आहे.

या आठवड्यात मार्केटनी आपल्याला काय शिकवलं
डेटा आणी आकडेवारीच्या निरीक्षणावरून अनेक गोष्टी लक्षांत येतात. मार्केट पडण्याचे प्रमाण कमी होत आहे आणी मार्केट पडल्यावर सुधारण्याचे प्रमाण चांगले आहे. सेक्टर रोटेशन आणी शेअर्समध्ये रोटेशन दिसते आहे. कंपनीकडून जे टपाल येते ते लोक पहात नाहीत, वाचत नाहीत, समजावून घेत नाहीत. त्यामुळे सेबीचा ग्राहक संरक्षणाचा उद्देश सफल होत नाही. तसेच गुंतवणूकदारांचा फायदा होत नाही. सध्या रिलायंसच्या टपालाबरोबर रिलायंस हॉस्पिटल्सचे १०% discount कूपन आहे.
BSE निर्देशांक सेन्सेक्स २८०७७ आणी NSE निर्देशांक निफ्टी ८६६६ वर बंद झाले.

आधीच्या आठवड्याचं समालोचन वाचण्यासाठी इथे क्लिक करा
एखादे कार्य उरकलं की जशी अवस्था असते तशीच स्थिती या आठवड्यांत होती. GST चे लग्न लावण्याची घाई सगळ्यांनाच लागली होती. ‘लग्न लावून द्या हो नक्की सुधारेल बघा’ हा नेहेमीचा संवाद ! गेल्या तीन अधिवेशनापासून GST ची चर्चा जोरदार असे. मोदी पंतप्रधान झाल्यापासून विकासाची गंगा वाहील असे एक चित्र रंगवले गेले. त्याचाच एक भाग GST. तेही पास झाले. पण आता पुढे काय ? मार्केट नेहेमी पुढची वाट धरते. पुढची वाट समजेनाशी झाल्याने आणी मार्केट अपेक्षेपेक्षा खूप वाढल्याने आठवडाभर मार्केट नरमच होते. कंपन्या मात्र मार्केटचा मूड चांगला असल्याने IPO आणत आहेत आणी NCD (NON CONVERTIBLE DEBENTURES) आणत आहेत. आणी वेगवेगळ्या प्रकाराने भांडवल गोळा करीत आहेत.
 
सरकारी announcements

• सरकार मार्बल, ग्रनाईट या साठी सुद्धा antidumping ड्युटी लावणार आहे. याचा फायदा एसियन ग्रनीटो , HSIL, पोकर्ण या कंपन्यांना होईल.
• सरकारने इथेनॉलवर १२.५ % एक्साईज ड्युटी लावली
• सरकार २९ सप्टेंबर २०१६ पासून 2G, 3G, 4G स्पेक्ट्रमचा सगळ्यांत मोठा लिलाव सुरु करणार आहे. सरकारला या लिलावातून Rs ५,५६००० कोटी मिळतील अशी अपेक्षा आहे
• gst घटना दुरुस्ती दोन्ही सभागृहांत पास झाले. त्यानंतर आसाम राज्याच्या सभागृहांत GST घटना दुरुस्ती विधेयक पास झाले.
• मंत्रीमंडळाने NBFC च्या ‘OTHER FINANCIAL सर्विसेसमध्ये’ ऑटोमटिक रूटने FDI आणण्यास परवानगी दिली.

अर्थव्यवस्थेच्या गोष्टी :-

• १२ ऑगस्ट २०१६ रोजी महागाईचे आणी IIP चे आकडे जाहीर झाले. रिटेल महागाई ६.०७%जून महिन्यांत वाढली. खाण्यापिण्याच्या गोष्टी ८.३५% महागल्या. शहरांत ५.३९% तर ग्रामीण भागांत ६.६६ % महागाई वाढली.
• IIP च्या आकडे या वेळेला जून महिन्यासाठी २.१% आले. खनिज आणी वीज उत्पादनांत वाढ झाली तर कॅपिटल गुड्स चे उत्पादन घटले. कन्झुमर द्युरेबल्स चे उत्पादन ५.६% तर कन्झुमर गुड्स उत्पादन २,८% झाले. तज्ञांचे असे मत आहे की सरकार करत असलेल्या गुंतवणुकीमुळे हळूहळू IIP च्या आकड्यानमध्ये सुधारणा होत आहे.

RBI सेबी आणी इतर प्रशासनिक संस्था

• RBI ने आपली वित्तीय पॉलिसी ९ ऑगस्ट रोजी जाहीर केली. त्यांत गेल्या वेळच्या व्याजाच्या दरात किंवा CRR मध्ये काही बदल केले नाहीत. पण लिक्विडीटी मुबलक असेल असे सांगितले. पण ७वा वेतन आयोगातील पगारवाढ दिल्यामुळे आणी gst मुळे काही काल महागाई वाढेल असे आपल्या भाषणांत सांगितले. त्यांनी पुन्हा एकदा सार्वजनिक आणी खाजगी क्षेत्रातील बँकांना RBI ने केलेला १.५% रेट कट पूर्णपणे बँकांच्या कर्जदारांना पास ऑन करावयास सांगितला
• CAG ने सरकारला नोटीस दिली आहे की गेली चार वर्षे टेलिकॉम कंपन्या उत्पन्न कमी दाखवीत आहेत.
• डीझेल कार्स विकण्यासाठी सुप्रीम कोर्टाने परवानगी दिली. ग्रीन सेस ग्राहकाकडून वसूल केला जाईल. २०००CC वरचे इंजीन असणाऱ्या कार्सना ग्रीन सेस लावला जाईल.
• सेबीने म्युच्युअल फंडासाठी होऊसिंग फायनांस कंपन्यांच्या bonds मध्ये गुंतवणूक करण्याची मर्यादा ५% वरून १०% केली. ह्या कंपन्याना ट्रिपल A रेटिंग असले पाहिजे.
• MSCI निर्देशांकांत बजाज फिनसर्व आणी पिडीलाईट यांचा समावेश होईल असे वाटले होते. AXIS बँक आणी येस बँक यांचा समावेश केला गेला.

खाजगी कंपन्यांच्या घडामोडी

• झी एन्टरटेनमेंटने त्यांची टेन स्पोर्ट्स ही वाहिनी सोनी एन्टरटेनमेंटला Rs २०० कोटींना विकली.
• कोलगेट, ब्रिटानिया, हिरो मोटो कॉर्प, इप्का lab, IRB इन्फ्रा, बोरोसील ग्लास,वाडीलाल इंडस्ट्रीज, REC,ग्लेनमार्क फार्मा, सुदर्शन केमिकल्स या कंपन्यांचे तिमाही निकाल चांगले आले.
• बँक ऑफ बरोडा, कॉर्पोरेशन बँक,अलाहाबाद बँक, सेन्ट्रल बँक, OBC, बँक ऑफ इंडिया यांचे तिमाही निकाल अतिशय असमाधानकारक होते.
• PFIZER या अंतरदेशीय कंपनीच्या चार देशांच्या रेग्युलेटरच्या कमिटीने मद्रासजवळच्या कारखान्यांत चालू असलेल्या उत्पादन प्रक्रियेतील उणीवा रिपोर्ट केल्या आहेत.

नजीकच्या काळांत येणारे IPO

• दिलीप बिल्डकान या कंपनीचे समाधानकारक लिस्टिंग झाले.
• S.P. APPARELS या कंपनीचे Rs ३०५ वर लिस्टिंग झाले.
• रत्नाकर बँक आपला IPO आणत आहे प्राईस band Rs २२४ ते Rs २२५ आहे. हा इशू १९ ऑगस्टला ओपन होईल.

कॉर्पोरेट एक्शन

• अल्सटोम पॉवर चे नाव G. E. पॉवर असे झाले.
• HDFC LIFE आणी MAX LIFE यांचे मर्जर निश्चित झाले. नंतर HDFC LIFE चे BSE आणी NSE वर लिस्टिंग होईल.ह्या मर्जरमध्ये प्रथम max life चे MAX फायननानसियलमध्ये मर्जर होईल. MAX LIFE च्या शेअर होल्डर्सना त्यांच्याकडे असलेल्या ५ शेअरमागे MAX फायनाशियलचा एक शेअर मिळेल. नंतर LIFE इन्शुरन्स बिझीनेस MAX फ़यनान्सिअल मधून वेगळा काढून HDFC लाईफ मध्ये मर्ज केला जाईल,MAX फ़यानान्सिअलच्या शेअरहोल्डर्सना एक शेअरमागे HDFC लाईफचे २.३३ शेअर्स मिळतील. HDFC life चे लिस्टिंग केले जाईल. या कंपनीचे प्रमोटर्स HDFC आणी STANDARD LIFE असतील. max फ़यनान्सिअल राहिलेल्या बिझीनेस बरोबर MAX INDIA मध्ये मर्ज होईल. हे मर्जर १२ महिन्यांत पूर्ण केले जाईल.
• REC या सार्वजनिक क्षेत्रातील सरकारी कंपनीने १:१ असा बोनस जाहीर केला.
• इंडिया बुल्स हौसिंग फायनांस कंपनी Rs १३०० कोटीचा NCD ( NON CONVERTIBLE DEBENTURES) इशू आणणार आहे.
• येस बँक US १बिलियन राईट्स इशू आणणार आहे. प्रमोटर्स होल्डिंग ११% ते १२% विकण्यासाठी QIP इशू आणण्याची शक्यता आहे.
• रॉयल ऑरचीड कंपनीच्या बोर्ड मीटिंग मध्ये बोनस इशुचा विचार होण्याची शक्यता आहे.
• ग्रासिम मध्ये आदित्य बिर्ला नुवोचे मर्जर होणार आहे. AB NUVO च्या १० शेअर्सच्या बदल्यांत ३ ग्रासिम चे शेअर्स मिळतील. ग्रासिम कंपनीच्या शेअरहोल्डर्सना AB NUVO च्या फ़यनान्सिअल कंपनीचे ७ शेअर्स मिळतील. हे मर्जर गुंतवणूकदारांना पसंत पडलेले आणी पटलेले नाही. त्यामुळे दोन्ही शेअर्सचा भाव पडला. ग्रासिमच्या शेअरहोल्डर्सना टेलिकॉम बिझिनेसमध्ये रस नसल्यास या मर्जरला त्यांची संमती मिळणे अवघड आहे.मर्जर ची प्रक्रिया गुंतागुंतीची आहे. गुंतवणूकदारांना मर्जर रेशियो पटलेला नाही. मर्जर नंतर फ़ायनान्सिअल बिझीनेस्स्चे लिस्टिंग होईल.

या आठवड्यात मार्केटनी आपल्याला काय शिकवलं
मार्केटची वेळ संपल्यानंतर आलेल्या IIP आणी CPI च्या आकड्यांमुळे आणी स्टेट बँकेच्या आशादायी तिमाही निकालांमुळे मार्केटला आलेली मरगळ नाहीशी होईल. त्यातच डीझेल गाड्यांच्या रजिस्ट्रेशनला सुप्रीम कोर्टाने मंजुरी दिल्यामुळे मार्केटला उभारी येईल.सोमवारी १५ ऑगस्टची विश्रांती घेऊन मंगळवारी मार्केट पुन्हा नव्या जोमाने उघडेल.
BSE सेन्सेक्स २८१५२ वर तर NSE NIFTY ८६७२ वर बंद झाला.
 

आधीच्या आठवड्याचं समालोचन वाचण्यासाठी इथे क्लिक करा
GST ची हुरहूर पावसाळी अधिवेशन सुरु झाल्यापासून सगळ्यांनाच होती. GST पास होणार की नाही याची १०वी १२वीच्या निकालापेक्षा जास्त उत्कंठा होती. पण ज्या समाजासाठी हे बिल पास होणार होते त्यांना मात्र GST म्हणजे काय हे माहितही नव्हते.MADAM, GST ही काय भानगड अशी विचारणा होत होती. GST पास व्हावे म्हणून फ्लोअर management खूप छान केली. २००६-०७ पासून सुरु झालेले GST चे गुऱ्हाळ संपले.  GST साठीच्या घटनादुरुस्तीचे घोडे एकदाचे गंगेत न्हाले.पण gst चा परिणाम दिसण्यासाठी अजून दोन वर्स्गे वाट बघावी लागेल.
आंतरराष्ट्रीय घडामोडी
BOE(बँक ऑफ इंग्लंड) ने आपला बेंचमार्क रेट २५ बेसिस पाईंट कमी करून सात वर्षातील  कमीतकमी ०.२५% वर आणला. बँकेने असे जाहीर केले की BOE येत्या सहा महिन्यांत GBP ६० बिलीयन्सचे  सरकारी कर्ज रोखे, तसेच येत्या १८ महिन्यांत  GBP १० बिलीयंसचे कॉर्पोरेट bonds खरेदी करेल आणी GBP १०० बिलीयंसचा लोन प्रोग्राम बँकांना देईल. त्यांनी असे जाहीर केले की वेळोवेळी आम्ही हा कार्यक्रम वाढवायचा विचार करू.
सरकारी announcements

• सरकारकडे BALCO (BHARAT ALUMINIUM COMPANY) मधील ४९% स्टेक आहे आणी वेदान्ताकडे ५१% स्टेक आहे. सरकारच्या मते बाल्को आणी HZL ( HINDUSTHAN ZINK LIMITED) मधील सरकारचा स्टेक विकण्याची ही योग्य संधी आहे, वेदान्ता किंमत ठरवण्यासाठी सल्लागार नेमणार आहे. HZL मध्ये वेदांताचा ६४.९२ % स्टेक आहे आणी सरकारचा २९.५४% आहे.
  
• ONGC जे विदेशाबरोबर करार करते ते सर्व रीनिगोशीएट करायला सांगितले आहे. जो ओईल सेस लागतो तो २०% वरून १०% वर आणण्याचा सरकार विचार करीत आहे.
  
• ६६ उत्पादनांसाठी MIP ची कालमर्यादा दोन महिने वाढवली. MIP( MINIMUM IMPORT PRICE) जास्त काळ लावता येत नाही.WTO ( WORLD TRADE ORGANIZATION) या विरुद्ध तक्रार करू शकते. म्हणून MIP ऐवजी ANTIDUMPING ड्युटी स्टीलवर पुन्हा सुरु केली.ANTIDUMPING ड्युटी ५ वर्षासाठी लावता येते.
  
• सरकारने साखर उत्पादन करणाऱ्या कंपन्यांना सबसिडी देण्याचे मान्य केले होते. UP तील निवडणुका डोळ्यासमोर ठेवून ही सबसिडी लवकर दिली जाईल. साखरेचे यावर्षी उत्पादन कमी होईल असे ISMA च्या रिपोर्टवरून समजते.
  
• मंत्रिमंडळाने वार्षिक उत्पन्नाच्या कमीतकमी ३% WEIGHTED AVERAGE SPECTRUM USAGE चार्ज ठरवले यामुळे आता सर्वांत मोठ्या एअरवेवजचा लिलाव होऊ शकेल. यामध्ये 700 MHZ वेव्हजचा लिलावही अपेक्षित आहे.
  
• संसदेच्या दोन्ही सभागृहांत शेवटी आवश्यक असलेले बहुमत मिळून GST साठी घटनादुरुस्ती करणारे बिल मंजूर झाले. सरकारला आशा आहे की ते १ एप्रिल २०१७ पासून GST सर्व देशांत लागु करू शकतील. पण त्याआधी त्यांना अजून तीन बिल्स पास करावी लागतील. CENTRAL GST, STATE GST, आणी INTEGRATED GST बिल. कमीतकमी १५ राज्यांच्या विधानसभेमध्ये २/३ बहुमताने घटनादुरुस्ती बिल पास करायला पाहिजे. घटना दुरुस्ती बिल ५०% राज्य विधानसभांनी आवश्यक त्या बहुमताने आणी संसदेच्या दोन्ही सदनामध्ये पास झाल्यावर राष्ट्रपतींकडे त्यांच्या मंजुरीसाठी जाईल.
  
• GST कौन्सिल स्थापन केले जाईल.
  
• केंद्रीय अर्थ खाते आणी राज्य सरकारांच्या अर्थमंत्र्यांच्या EMPOWERED कमिटी आणी GST कौन्सिल यांच्यांत रेट बद्दल एकमत व्हावयास पाहिजे.
  
• सर्व राज्यांनी त्यांचे स्वतःचे GST LAWS पास करायला पाहिजेत.
  
• केंद्र सरकारला आशा आहे की ते राज्यांबरोबर एकमत करून संसदेच्या हिवाळी अधिवेशनांत CENTRAL GST आणी INTREGRATED GST बिल सादर करू शकतील. यासाठी केंद्र सरकारच्या अर्थ खात्याला अथक आणी अविरत प्रयत्न करावे लागतील. त्यामुळे जरी GST साठी घटना दुरुस्ती पास झाली असली तरी दिल्ली बहुत दूर है.
  
• gst अमलांत आल्यावर GOODS स्वस्त झाले तरी काही सेवा महाग होण्याचा संभव आहे.
  
• GST अमलांत आणण्यासाठी आवश्यक असलेले सॉफटवेअर करण्यासाठी या आधीच सरकारने करार केले आहेत..

RBI सेबी आणी इतर प्रशासनिक संस्था

• RBI आपली वित्तीय पॉलिसी ९ ऑगस्ट २०१६ ला जाहीर करेल.
• RBI ने आपली नवीन बँक लायसेन्स पॉलिसी जाहीर केली.

RBI ने आपली ओंन TAP लायन्सेस विंडो उघडली त्यामुळे आता पात्र असलेल्या कंपन्यांना बँक चालू करण्यासाठी अर्ज करता येईल. यातील काही प्रोविजन खालीलप्रमाणे :-

1. या बँकेचे कमीतकमी पेडप(PAID UP) भांडवल Rs ५०० कोटी पाहिजे. यांत परदेशी गुंतवणूक ७४% असू शकेल.
2. या बँकांच्या बोर्ड ऑफ डायरेक्टर्सवर तटस्थ डायरेक्टर्स बहुसंख्येने हवेत.
3. १० वर्षे चांगले track रेकॉर्ड असलेल्या भारतीय निवासी प्रमोटर्सच्या मालकीच्या आणी ते चालवीत असलेल्या कंपन्या अर्ज करू शकतील.
4. या बँकांनी आपल्या २५% शाखा जेथे बँक नाहीत अशा ग्रामीण क्षेत्रांत उघडल्या पाहिकेत. आणी आपले शेअर्स बँक सुरु झाल्यापासून सहा वर्षांत stock exchange वर लिस्ट केले पाहिजेत.
5. कंपन्या ज्यांची मालमता Rs ५०० कोटींवर आहे अशा कंपन्या जर त्यांचा ६०% बिझीनेस वित्तीय सेवा क्षेत्रांत असला तर अर्ज करू शकतील. जर असे नसेल तर त्या कंपन्या बँकेत १०% स्टेक घेऊ शकतील.प्रमोटर्सनी आपले होल्डिंग ४०% ( ५ वर्षे lockin), १० वर्षांत ३०% तर १५ वर्षांत १५% पर्यंत कमी केले पाहिजे.
6. या नवीन नॉर्म्स खाली EDELWEISS, IIFL, श्रीराम मोटार फायनांस, मुठूत फायनांस. एल आय सी हौसिंग फायनांस, सुंदरम फायनांस सारख्या कंपन्या बँकिंग लायसेंससाठी अर्ज करू शकतील. या परवान्याअंतर्गत कंपनीला १८ महिन्यांत बँक सुरु करावी लागेल.
7. बजाज फिनसर्व आणी PIDILITE चा समावेश MSCI निर्देशांकांत होण्याची शक्यता आहे.

खाजगी कंपन्यांच्या घडामोडी

• सन फार्माच्या जनरिक औषध ‘GLUMETZA’ या टाईप २ डायबीटीसवरील औषधाला USFDAची मंजुरी मिळाली.
• मुथुट फायनांस आणी ग्रूप कम्पनीवर मनीलॉनडरिंग आणी कर टाळण्यासाठी आयकर खात्याने धाडी टाकल्या.
• HCL TECH या IT क्षेत्रातील कंपनीचा ज्ञून २०१६ तिमाहीचा निकाल चांगला आला. ही कंपनी युरोपीय देशांत निर्यात करते. कंपनीने Rs ६ प्रती शेअर अंतरिम लाभांश जाहीर केला.
• इंडिअन बँकेचे, टाटा केमिकल्स यांचे तिमाही निकाल चांगले आले.

नजीकच्या काळांत येणारे IPO

• ADVANCE ENZYM चे अतिशय चांगले लिस्टिंग झाले. IPO मध्ये Rs ८९६ ला दिलेल्या शेअर Rs १२३०ला लिस्टिंग झाले आणी तो Rs १२४४ पर्यंत गेला. गुंतवणूकदारांना चांगला लिस्टिंग गेन झाला.
• या आठवड्यांत दिलीप बिल्डकान यांच्या IPOला बऱ्यापैकी प्रतिसाद मिळाला. HNI ७९% तर किरकोळ क्वोटा २.२ पट सबस्क्राईब झाला. एकूण IPO २१ वेळेला सबस्क्राईब झाला.
• S P APPARELS चा IPO २ ऑगस्ट २०१६ रोजी ओपन होऊन ४ ऑगस्टला बंद झाला.

कॉर्पोरेट एक्शन

• विम प्लास्ट या कंपनीने १:१ बोनस जाहीर केला.
• BEL या कंपनीची ५ ऑगस्ट २०१६ रोजी ‘BUYBACK ऑफ शेअर्स’ वर विचार करण्यासाठी बोर्ड ऑफ डायरेक्टर्सची बैठक आहे.
• IDFC चे IDFC बँकेत विलीनीकरण होण्याचा प्रस्ताव आहे.
• स्टार फेरोचे ३ शेअर असतील तर स्टार सिमेंटचे ४ शेअर्स मिळतील.
• कर्नाटक बँकेने शेअरहोल्डर्स जवळील २ शेअर्ससाठी १ राईट्स शेअर Rs ७० ला जाहीर केला.
• 8 K MILES या कंपनीची २४ ऑगस्ट २०१६ ला stock स्प्लिट आणी बोनस साठी बोर्ड ऑफ डायरेक्टर्स ची बैठक आहे.

या आठवड्यात मार्केटनी आपल्याला काय शिकवलं
‘बाय ऑन रुमर्स (RUMOURS) आणी सेल ऑन न्यूज’ या उक्तीप्रमाणे या आठवड्यांत मार्केटमध्ये सुस्ती जाणवली कारण GST पास झाल्यामुळे ताबडतोब काहीही परिणाम दिसणार नाही जाणवली तर महागाईच जाणवेल. त्यामुळे GST चा परिणाम ज्या कंपनींच्या शेअर्सवर होईल असे आडाखे बांधून खरेदी केली त्या ठिकाणी प्रॉफिट बुकिंग आढळले. आपणही शेअर्स खरेदी करताना GSTचे फायदे २०१७-२०१८ च्या दुसऱ्या तिमाहीत मिळावयास सुरुवात होईल.त्यामुळे शेअर्स विशेषतः GST संबंधीत शेअर घ्यायचे असल्यास दीर्घ मुदतीसाठी घ्यावेत. आता पुढे काय हा प्रश्नं पडला ?. सध्या तरी मार्केटचे लक्ष ९ ऑगस्ट २०१६ रोजी जाहीर होणाऱ्या RBIच्या मॉनेटरी पॉलिसीकडे आहे बघू या..
BSE निर्देशांक सेन्सेक्स २८०७८ आणी NSE निर्देशांक ८६७९ वर बंद झाला