आधीच्या आठवड्याचं समालोचन वाचण्यासाठी इथे क्लिक करा

दिवाळीचा आठवडा असे म्हटले तर वावगे ठरणार नाही. हॉकी, क्रिकेट, कबड्डी सगळीकडे दिवाळी साजरी होत आहे. हा आठवडा एक्स्पायरीचा आहे त्याचबरोबर हा आठवडा टाटा ग्रूपमुळे गाजतो आहे. क्रूडचे भाव खाली येत आहेत. रशिया सौदी अरेबिया, इराण इराक लिबिया आणी नायजेरिया हे देश क्रूडचे उत्पादन कमी करायला तयार नाहीत. आयर्न ओअरचे भाव वाढत आहेत. असा प्रकारे कमोडिटी आणी इक्विटी दोन्हीमध्येही हालचाल दिसून आल्यामुळे शेअरमार्केटमध्ये अस्थिरता आहे.
 
आंतरराष्ट्रीय घडामोडी

• फेडच्या FOMC ची मीटिंग १ नोव्हेंबर २०१६ ला आहे.
• इराण लिबिया नायजेरिया, इराक हे देश क्रूडचे उत्पादन कमी करायला तयार नाहीत.

सरकारी announcements

• ज्यूटवर ANTIDUMPING ड्युटी लावण्याची शिफारस केली आहे. याचा फायदा ज्यूट कंपन्यांना होईल. उदा :- LUDLOW
• स्टील, पॉवर, आणी इन्फ्रास्ट्रक्चर क्षेत्रातील कंपन्यांना कर्जफेड करण्यासाठी काही सवलती देण्यावर विचार चालू आहे.
• अर्थ मंत्रालयाने असा प्रस्ताव केला आहे की NPA मध्ये कर्ज देणार्या बँकांनी कर्जाचे रुपांतर इक्विटीमध्ये करून सार्वजनिक क्षेत्रातील कंपनीला NPA कंपनीचा बिझिनेस चालवण्याकरता नियुक्त करावे.
• सरकार ऑईल आणी gas क्षेत्रातील २८ ब्लोकच्या कराराचे नुतनीकरण/विस्तार करण्यासाठी धोरण ठरवणार आहे. यांत केर्नला मिळालेला राजस्थानमधील बारमेर ब्लॉक ही येतो.

सेबी, RBI आणी इतर प्रशासनिक संस्था

• TRAI ने भारती एअरटेल, आणी इतर दोन कंपन्यांवर ग्राहकांची गैरसोय झाली म्हणून Rs ३०५० कोटींचा दंड लावला.

खाजगी कंपन्यांच्या घडामोडी

• टाटा ग्रूपची होल्डिंग कंपनी असलेल्या टाटा सन्स या कंपनीच्या चेअरमनपदावरून सायरस मिस्त्री यांना दूर केल्यामुळे औद्योजिक जगांत बरीच खळबळ माजली. टाटा ट्रस्टचे चेअरमन रतन टाटा यांनी टाटा सन्स ची सूत्रे चार महिन्यासाठी आपल्याकडे घेतली. मिस्त्री यांनी घेतलेल्या विविध निर्णयांवर पुनर्विचार केला जाईल असे सूचित केले. टाटा ग्रुपने घालून दिलेल्या धोरणाचे उल्लंघन झाले असे वाटले.
• स्टेट बँक आणी स्टेट बँकेच्या असोशीएट बँकांनी टाटा ग्रूपमधील घडामोडींवर लक्ष ठेवण्यासाठी बैठक बोलावली. या बँकांनी टाटा ग्रुपला Ra ७०००० कोटींचे कर्ज दिले आहे.
• ITC चा जे. के. पेपरबरोबर केलेला करार २० ऑक्टोबरला संपुष्टांत येत आहे. नवा करार ITC ही कंपनी BILT बरोबर करीत आहे.
• ITI (इंडिअन टेलिफोन इंडस्ट्रीज) या कंपनीने BEL ( भारत इलेक्ट्रोनिक्स लिमिटेड) साठी जॉब वर्क करावे आणी ITI ला संरक्षण उत्पादनांत कन्व्हर्ट करावे असा विचार चालू आहे.
• नेस्लेने ‘नेसकॅफे रेडी टू ड्रिंक’ तीन फ्लेवर मध्ये मार्केटमध्ये लॉनच केली.
• PROCTOR AND GAMBLE ही कंपनी FUTURE ग्रूपबरोबर टाय अप करणार आहे.
• G. E. शिपिंग ही कंपनी ‘SUPERMAX DRY BULK CARRIER’ खरेदी करणार आहे.
• जे & के बँकेने मुंबई आणी बँगलोर मध्ये कर्ज देण्यास सुरुवात केल्यापासून त्यांचे NPA वाढले.
• WANBURY लिमिटेड या कंपनीने मधुमेहावरील औषध परवानगी नसताना निर्यात केले अशी त्यांना महाराष्ट्र(ठाणे) एफ डी ए कडून नोटीस मिळाली त्यामुळे ह्या शेअरला खालचे सर्किट लागले. नंतर कंपनीने स्पष्टीकरण दिले की आमच्याजवळ निर्यात करण्यासाठी लायसेन्स आहे.
• सनोफी. आणी इतर फार्मा कंपन्यांनी १०८ औषधांच्या किंमती ठरवण्याच्या सरकारच्या निर्णयाविरुद्ध सुप्रीम कोर्टांत अर्ज केला होता. हा अर्ज कोर्टाने खारीज केला.
• अरविंद टेक्स्टाईलस या कंपनीने ब्रान्डेड FASHION बिझिनेसमधील १०% स्टेक Rs ७४० कोटींना विकला.
  एशियन पेंट्सचा निकाल ठीकठाक आला. लवकर आलेली दिवाळी आणी पडलेला पाउस याचा निकालांवर थोडा परिणाम झाला.
• RPG लाईफ, के पी आर मिल्स, कालिंदी रेल, इक्विटास, V –गार्ड इंडस्ट्रीज, भगेरिया इंडस्ट्रीज, जयंत अग्रो, स्पेशालिटी केमिकल्स, भारती एअरटेल, भारत बिजली, L & T फायनांस, SYMPHONY, अडानी पोर्ट, DR रेडी’ज, डाबर इंडस्ट्रीज, डेल्टा कॉर्प, किर्लोस्कर BROS, हेकझावेअर, डेल्टा कॉर्प, हिरो मोटो,विजया बँक, MRF, TORRENT फार्म यांचे दुसऱ्या तिमाहीचे निकाल चांगले आले.
• मारुती, कोलगेट,TVS मोटर्स, मोतीलाल ओसवाल, ONGC बजाज फायनांस, बजाज फिनसर्व यांचे रिझल्ट्स उल्लेखनीय आहेत. बजाज ऑटो चे निकाल सर्व साधारण म्हणता येतील. स्ट्राईडसशसून या कंपनीचे निकाल चांगले आले त्यांच्या मार्जिनमध्ये वाढ झाली. वेदांताचे निकालही (मार्जीन आणी प्रॉफीटमध्ये चांगली वाढ) चांगले आले. वेदांत केर्न मर्जर पूर्ण होण्याच्या मार्गावर आहे असे कंपनीने सांगितले
• कोटक महिंद्र बँकेचे इंटरेस्ट मार्जिन, इंटरेस्ट इन्कम, आणी प्रॉफीट वाढले.
• PI इंडस्ट्रीज चा निकाल चांगला आला. पाउस व्यवस्थित पडल्यामुळे AGRI बिझिनेस वाढला.
• CROMPTON कन्झुमर चा निकाल ठीक आला. इलेक्ट्रिक पंखे आणी LED उपकरणाचा मार्केट शेअर वाढला.
  AXIS बँक आणी,IDBI बँक ( प्रॉफीट कमी, NPA मध्ये वाढ) स्टेट बँक ऑफ म्हैसूर,( NPA मध्ये वाढ), M & M फायनांस, आयडिया ( प्रॉफीट ८८%ने कमी झाले.) यांचे दुसऱ्या तिमाहीचे निकाल असमाधानकारक होते.
• JUBILANT फूड्स ची विक्री वाढली तरी किंमती कमी केल्यामुळे आणी जाहिरात आणी विक्री वाढवण्यासाठी केलेल्या खर्चामुळे प्रॉफीट मार्जिन कमी झाले.
• विप्रो, माइंडट्री, PERSISTENT सिस्टीम्स या कंपनीच्या बाबतीत विक्रीत समाधानकारक वाढ होत नाही हा चिंतेचा विषय आहे. माइंड ट्री चे मार्जिनही कमी झाले.
• सिगारेटवर २६% GST + सेस आकारला जाईल. जादा एक्साईज ड्युटी आकारली जाणार नाही. या बातमीमुळे ITC, GOLDEN TOBACO यांचे भाव वाढले. ITC चा निकाल चांगला आला.
• सुप्रीम कोर्टाने आता दिल्ली फ्लायओव्हर साठी टोल घेता येणार नाही असा निर्णय दिला. याचा परिणाम ITNL आणी नोइडा टोल ब्रिज या कंपन्यांवर होईल.
• HUL चा फायदा आणी उत्पन्न दोन्ही वाढले, पण VOLUME मध्ये फक्त १% ग्रोथ झाली. कंपनीने Rs ७ प्रती शेअर अंतरिम लाभांश दिला.
• इंडिअन ह्यूम पाईप्स या कंपनीने १;१ असा बोनस दिला.

कॉर्पोरेट एक्शन

• लक्ष्मी मशीन वर्क्स या कंपनीची २६ ऑक्टोबरला शेअर्स buyback वर विचार करण्यासाठी बोर्ड ऑफ डायरेक्टर्सची मीटिंग झाली. व्होल्टास या कंपनीकडे या लक्ष्मी मशीन वर्क्स या कंपनीचे ६ लाख शेअर्स आहेत त्यामुळे व्होल्टासला याचा फायदा होईल. लक्ष्मी मशीन वर्क्स ही कंपनी ३११००० शेअर्स जास्तीतजास्त Rs ४४५० प्रती शेअर या भावाने खरेदी करेल,यासाठी कंपनी Rs१३८३९ कोटी खर्च करेल.
• ONGCने १:२ (तुमच्याजवळ २ शेअर्स असतील तर तुम्हाला १ शेअर बोनस मिळेल).असा बोनस आणी Rs ४.५० पर शेअर अंतरिम लाभांश जाहीर केला.
• कर्नाटक बँकेचा शेअर 24 ऑक्टोबरला एक्स राईट्स झाला.
• GTL INFRASTRUCTURE या कंपनीमध्ये कर्जदार कर्जाचे रुपांतर इक्विटीत करून ५१% स्टेक घेणार आहेत नंतर या कंपनीचा फेबृअरी २०१७ च्या आसपास लिलाव करण्यांत येईल.
• s. H. केळकर या कंपनीने गुजरात फ्लेवर्स चा बिझीनेस खरेदी केला.
• ADVANCE ENZYME या कंपनीने जे सी बायोटेक या कंपनीतील ७०& स्टेक विकत घेतला. जे सी बायोटेक ही भारतातील फार्मा ENZYME स्पेसमधील २ नंबरची कंपनी आहे.
• BALMER LAWRIE या भांडवली गुडसच्या क्षेत्रांत असलेल्या कंपनीने बोनस शेअर इशू करण्यावर विचार करण्यासाठी बोर्ड ऑफ डायरेक्टर्स ची मीटिंग १० नोव्हेंबरला बोलावली आहे.
• PNB हौसिंग चा IPO २५ वेळेला सबस्क्राईब झाला. INSTITUTIONAL क्वोटा ३५ वेळा तर HNI क्वोटा ७० वेळा ओव्हर सबस्क्राईब झाला. किरकोळ गुंतवणूकदारांसाठी असलेला क्वोटा पूर्णपणे भरला

या आठवड्यात मार्केटनी आपल्याला काय शिकवलं
गुंतवणूकदारांनी नेहेमी स्वस्त भावांत खरेदी करावी. त्यासाठी मार्केटमध्ये मंदीची वाट बघण्याची किंवा मंदी येण्याची किंवा असण्याची गरज नाही. अनेक वेगवेगळी कारणे घडत असतात विविध घटनांचा प्रत्यक्ष अप्रत्यक्ष परिणाम मार्केटवर होत असतो. सध्या जे टाटा ग्रूपमध्ये घडते आहे, पूर्वी जे अंबानी बंधूंमध्ये रिलायंस ग्रूपमध्ये झाले, आणी इस्टेटीसाठी बिर्ला ग्रूपमध्ये झाले त्यावेळी त्या त्या ग्रूपमधल्या कंपन्यांची गुणवत्ता कमी झाली नव्हती. तरीसुद्धा या ग्रुपच्या कंपन्यांच्या शेअर्सचा भाव कमी झाला. अशावेळी योग्य ती वेळ आणी योग्य तो भाव आपण साधू शकलात तर हे मूल्यवान शेअर्स आपल्याला कमी भावांत मिळू शकतात.
दिवाळी म्हणजेच दिव्याच्या प्रकाशांत उजळून निघणे, अंधःकाराचा नाश करणे आणी अज्ञान नाहीसे करून ज्ञानाच्या उजेडांत न्हाऊन निघणे. त्याचबरोबर लक्ष्मी प्रसन्न करून घेण्यासाठी तिचे अर्चन, पूजन करणे. येणाऱ्या लक्ष्मीच्या स्वागताची तयारी करणे. आपणही असाच निश्चय केला असेल करीत असाल किंवा करणार असाल होना ! चला तर मग शेअरमार्केटमध्ये गुंतवणुकीच्या नव्या वाटा शोधू या, नवे विचार अमलांत आणू या, नव्या वाटेने जाण्याचा मुहूर्त साधून यशाच्या दिशेने मार्गक्रमण करुया. लक्ष्मीचे स्वागत करण्यास सिद्ध होऊ या.
BSE निर्देशांक सेन्सेक्स २७९४१ आणी NSE निर्देशांक निफ्टी ८६३८ वर बंद झाला.

आधीच्या आठवड्याचं समालोचन वाचण्यासाठी इथे क्लिक करा

१८ ऑक्टोबर २०१६ पासून GST कौन्सिलची मीटिंग सुरु झाली. ही मीटिंग २० ऑक्टोबरला संपली. या मीटिंगमध्ये GST चा रेट, राज्यांना दिल्या जाणाऱ्या नुकसानभरपाईचा फॉर्म्युला, आणी ड्युएल कंट्रोल याविषयीचे निर्णय होतील. यावेळी अंदाजपत्रक १ महिना अलीकडे (१ फेबृआरी २०१७) सादर केले जाणार असल्यामुळे आणी FII ची विक्री चालू असल्यामुळे मार्केट मंदीत आहे. FCNR (B) ठेविंची मुदत संपल्यामुळे त्याचीही परतफेड करावी लागणार आहे.
अशावेळी ज्या कंपनीचा तिमाही निकाल चांगला असेल किंवा ज्या कंपन्या या तिमाहीत गेल्या तिमाहीतील तोट्यातून नफ्यांत आल्या आहेत म्हणजेच टर्नराउंड झाल्या आहेत म्हणजेच त्यांच्या कामकाजांत सुधारणा झाली.आहे अशा कंपन्यांच्या शेअर्सकडे लक्ष ठेवा. अशा कंपन्यांच्या शेअर्समध्ये खूप फायदा होण्याची शक्यता आहे. या वेळी मार्केटचा मूड असा आहे की कंपनीचा तिमाही निकाल चांगला आला तर मार्केट फारसा चांगला प्रतिसाद देत नाही पण जे निकाल असमाधानकारक असतील तर शिक्षा मात्र जबर करते.
आंतरराष्ट्रीय घडामोडी

• दिवसेंदिवस USA मधील जनतेचा कौल DEMOCRATIC पक्षाच्या उमेदवार हिलरी क्लिंटन यांच्या बाजूने झुकत आहे. हे भारताच्या दृष्टीने म्हणजेच पर्यायाने मार्केटच्या दृष्टीने चांगले आहे. कारण USA च्या भारताविषयीच्या धोरणांत सुसंगतता राहील.

सरकारी announcements

• GST कौन्सिलच्या बैठकीत राज्य सरकारांना देण्यांत येणाऱ्या नुकसानभरपाईविषयी एकमत झाले. केंद्राने खालीलप्रमाणे प्रस्ताव ठेवला आहे.
  १२% आणी १८% STANDARD रेट असतील. मूल्यवान धातूंवर ४% तर ६% दुसर्या अत्यावश्यक गोष्टींवर आणी काही कन्झुमर गुडस्वर २६% GST असेल. यापैकी चैनीच्या वस्तू आणी ‘SIN’ गुडस् (मद्यार्क आणी तंबाखू आणी त्यापासून बनविलेल्या इतर गोष्टी) वर जादाचा सेस लागेल. बहुतेक सेवांवर १८% GST लागेल.
  
• GST चे रेट शेड्युल NOV ३ आणी ४ च्या बैठकीत निश्चित होईल, तसेच GST कायद्याच्या ड्राफ्ट वर नोव्हेंबर ९ आणी १० या दिवशी चर्चा होईल आणी १६ नोव्हेंबरला सुरु होणार्या हिवाळी अधिवेशनांत हा कायदा पास होईल अशी सरकारची आशा आहे.

खाजगी कंपन्यांच्या घडामोडी

• अशोक LEYLAND ने इलेक्ट्रिक बस लॉनच केली, तसेच अशोक LEYLAND ला तान्झानियामधून AMBULANCEच्या पार्टसाठी US$ १७० लाख रकमेचे CONTRACT मिळाले.
• दिल्ली हायकोर्टाने केर्न(इंडिया) चा राजस्थान क्रूड निर्यात करण्यासाठी केलेला अर्ज खारीज केला. जर केर्न ( इंडिया ) ला काही डीसपयूट असेल तर त्यांनी ती PRODUCTION SHARING CONTRACT या डीसप्यूट रेझोल्यूशन मेकॅनिकखाली सोडवावी असे सांगितले.
• आदित्य बिर्ला आपला फरटीलायझर बिझिनेस विकणार आहे.
• DLF त्यांचा सायबर सिटीमधील स्टेक विकणार आहेय.
• HCL-TECH चा निकाल अपेक्षेनुसार लागला. ‘बटलर अमेरिका एरोस्पेस’ही कंपनी US$८४ लाखांना विकत घेतली.
• HCL-TECH ने १२% ते १४ % चा गायडंस दिला. ज्यावेळी IT क्षेत्रातील दिग्गज कंपन्यांनी निराशा केली या पार्श्वभूमीवर हा निकाल उठावदार वाटला.
• विप्रो या IT क्षेत्रातील दिग्गज कंपनीने ‘APPIRIO CLOUD सर्विसेस ही कंपनी US$ ५०० लाखांना विकत घेतली.
• कजारिया सेरामिक, SBBJ, ACC, HAVELLS यांचे निकाल असमाधानकारक आले.
• DHFL, ओरीएंट पेपर (टर्नराउंड), लक्ष्मी विलास बँक ( ग्रोस एनपीए वाढले), HIL, PANASONIC कार्बन, मास्टेक, BIOCON (टर्न राउंड ) SYNGEN , रिलायंस इंडस्ट्रीज, हिंदुस्थान झिंक,RBL, टाटा कॉफी, एल आय सी हौसिंग फायानांस या कंपन्यांचा दुसर्या तिमाहीचा निकाल चांगला आला.

नजीकच्या काळांत येणारे IPO

• PNB ची हौसिंग सबसिडीअरी PNB हौसिंग फायनान्स चा IPO २५ ऑक्टोबरला सुरु होऊन २७ ऑक्टोबरला बंद होईल. याचा प्राईस BAND Rs ७५० ते Rs ७७५ आहे. मिनिमम लॉट १९ शेअर्सचा आहे. या IPOचे विशेषता ही की यांत कोणीही प्रमोटर आपले शेअर्स IPO द्वारा विकणार नाही.
• पेप्सी कंपनीचे franchisee BOTTLER ‘वरुण बिव्हरेजीस’या कंपनीचा IPO २६ ऑक्टोबरला ओपन होऊन २८ ऑक्टोबरला बंद होईल. या IPO चा प्राईस BAND Rs ४४० ते Rs ४४५ असेल. कंपनी या IPO द्वारा Rs ११५० कोटी भांडवल उभारेल. IPO ची रक्कम कंपनीला असलेले कर्ज कमी करण्यासाठी वापरली जाईल
• D’मार्ट या कंपनीने IPO साठी DRHP सेबीकडे दाखल केले.
• इंडिअन ह्यूम पाईप या कंपनीने २६ ऑक्टोबर रोजी बोनस इशुवर विचार करण्यासाठी बोर्ड ऑफ डायरेक्टर्सची मीटिंग बोलावली आहे.
• ENDURANCE टेक्नोलॉजी या ऑटो अन्सिलरी कंपनीच्या शेअर्सचे लिस्टिंग Rs ५७२ला झाले. नंतर तो Rs ६५४ पर्यंत वाढला.
• गुरुवार तारीख २० ऑक्टोबर २०१६ पासून NBCC चा OFS उघडला. फ्लोअर प्राईस Rs २४६.५० होती. या कंपनीतील १५%हिसा सरकार विकणार आहे. या OFS मधून सरकारला Rs २२०० कोटी मिळतील अशी अपेक्षा आहे. शुक्रवार २१ ऑक्टोबर रोजी ही OFS किरकोळ गुंतवणूकदारांसाठी ओपन होईल.

कॉर्पोरेट एक्शन 

• स्टर्लिंग टूल्स आपले शेअर्स स्प्लिट करणार आहे.
• आरती इंडस्ट्रीज आपल्या शेअर्सपैकी १२ लाख शेअर्स Rs ८०० प्रती शेअर या भावाने BUYBACK करणार आहे. या BUYBACK ची RECORD डेट २ नोव्हेंबर आहे.

या आठवड्यात मार्केटनी आपल्याला काय शिकवलं
कोणतेही मोठे डील झाले की त्या गोष्टीची चर्चा पेपरला, दूरदर्शनच्या विविध लाइव्ह शेअरमार्केट दाखवणाऱ्या वाहिन्यांवर होते. त्यावेळी ती ऐकावी. मला काय करायचं? माझा काय संबंध ? असे म्हणू नये. एस्सार ऑईलचे डील झाले. त्यातला जो पैसा उरणार आहे तो पैसा एस्सार स्टीलमध्ये गुंतवणार का ? खरे पाहता एस्सार स्टीलला बँकांनी दिलेले कर्ज ARC (ASSET RECONSTRUCTION COMPANY) ला विकले आहे. ते EDELWEISSने घेतले आहे. त्यामुळे EDELWEISS ला फायदा होईल. त्यामुळे EDELWEISS या शेअरची किंमत वाढत आहे.
IT क्षेत्रातील कंपन्यांच्या निकालांवर फेडच्या निर्णयाचा आणी ब्रेक्झीट तसेच क्षेत्रांत होणार्या इनोव्हेशंस मुळे विपरीत परिणाम होईल असा अंदाज होता. याचे प्रतिबिंब इन्फोसिसचा गायडंस आणी TCS च्या निकालात दिसले पण CYIENT या IT क्षेत्रातील कंपनीचे निकाल त्यांचा बिझिनेस एरोस्पेस या क्षेत्रांत असल्यामुळे आणी GBP मध्ये व्यवहार असल्यामुळे चांगला आला.
ताधाकिशन दमाणी यांनी प्रोझोन या कंपनीचे १९ लाख शेअर्स विकार घेतले अशी न्यूज आली अशावेळी आपण डेट्रेड साठी खरेदी केल्यास निश्चित यश येते.
तिमाही निकाल येण्यास सुरुवात झाली की अनेक कोडी पडतात. विचार केल्यास त्याची उत्तरे मिळतात. काही वेळा निकाल खूप छान आला तरी शेअरच्या भावावर काहीच परिणाम दिसत नाहीच पण कधी कधी तर शेअरचा भाव कमी होतो. याच्या उलट निकाल फारसा चांगला दिसत नसला तरी शेअरचा भाव वाढतो. एखादा मुलगा खूप हुशार आहे चांगले मार्क मिळणारच हे माहीतच असते. तशी अपेक्षाही असते. पण त्या मुलाची प्रगती अपेक्षेपेक्षा किंचित कमी दिसल्यास जास्त वाईट वाटते. पण एखादा मुलगा पास होण्याची शक्यता नसते अशावेळी तो मुलगा ३५%मार्क मिळवून पास झाला तरी दिवाळी साजरी होते अशाप्रकारे कंपन्यांच्या निकालांचे निरीक्षण आणी आकलन केल्यास कोडी उलगडतात.
BSE निर्देशांक सेन्सेक्स २८०७३ वर तर NSE निर्देशांक NIFTY ८६९३ वर बंद झाला .

आधीच्या आठवड्याचं समालोचन वाचण्यासाठी इथे क्लिक करा

शेअरमार्केटचे दोन आधारस्तंभ, मी याला 2C म्हणते. क्रूड आणी करन्सी. ओपेक देशांत झालेली एकी आणी ओपेकचे  रशिया आणी इतर ऑईल उत्पादक देशांचे क्रूड उत्पादन गोठवण्यावर  झालेले एकमत, त्यामुळे क्रूडच्या किंमतीत झालेली सुधारणा. US डॉलरमध्ये येणारी मजबुती, घसरणारा GBP, USA मधील अध्यक्षीय निवडणुका, अमेरिकेची सतत सुधारणारी अर्थव्यवस्था आणी त्यामुळे फेड रेट वाढवण्याची वाढती शक्यता या सर्व गोष्टी मार्केटमधील अनिश्चीतता वाढवण्यास कारणीभूत ठरल्या. त्यामुळे मार्केट पडले.
आंतरराष्ट्रीय घडामोडी

• रशिया आणी अल्जीरिया यांनी ओपेक सदस्य असलेल्या देशांबरोबरीने क्रूड उत्पादन गोठवण्याचे मान्य केल्यामुळे क्रूडच्या किंमतीत ३% वाढ झाली. अल्जीरियाने सांगितले की राहिलेले क्रूडउत्पादक देशही यांत सामील होण्याची शक्यता आहे.
• US$ चा विनिमय दर वाढत आहे, त्यामुळे फेड डिसेंबर २०१६ मध्ये रेट वाढवण्याची शक्यता आहे.
• चीनमधील सप्टेंबर २०१६ ट्रेड डाटा (निर्यात १०% कमी झाली.) निराशाजनक आला. चीनच्या चलनामध्ये सतत घट होत आहे. त्यामुळे निर्यातदारांचा फायदा होत असला तरी चीनी कंपन्यांना त्यांनी US$ मध्ये काढलेली कर्ज फेडण्यांत अडचणी येत आहेत.

सरकारी announcements

• सरकारने आज ‘इथनॉल पॉलिसी’ जाहीर केली.इथनॉलविषयी पॉलिसी येणार म्हटल्यावर प्रथम साखर उत्पादन करणाऱ्या कंपन्यांच्या शेअर्सचे भाव वाढले. पण नंतर पॉलिसीचा अभ्यास केल्यावर असे आढळले की साखरेचे उत्पादन सोडून देऊन साखर कंपन्या इथनॉल उत्पादन करणार नाहीतच. इथनॉल हे साखरेचे  BY-PRODUCT आहे. सरकारने याचा भाव Rs ३९ ठरवला. पूर्वी हा भाव Rs ४२ होता. इथनॉल तयार करण्यासाठी जो खर्च येईल त्यानुसार ही किंमत ठरवली जाईल असे सरकारचे म्हणणे आहे. साखर उद्योगाचे असे म्हणणे आहे की इथनॉलची किंमत Rs ४४ निश्चित करायला हवी होती.याचा फायदा ऑईल मार्केटिंग कंपन्यांना होईल हे समजताच सर्व चित्रच पालटले

अर्थव्यवस्थेच्या गोष्टी

• सोमवार दिनांक १० ऑक्टोबर रोजी IIP चे आकडे आले. औद्योगिक उत्पादनांत ऑगस्ट महिन्यामध्ये ०.७ % ( जुलै २०१६ २,५ ) घट झाली. कॅपिटल गुड्सचे उत्पादन -२२.७% ( जुलै २०१६ -२९.७ %) झाले. कंझ्युमर्स ड्यूरेबल्सचे उत्पादन २.३% ने वाढले. जरी अगदी थोड्या प्रमाणावर भांडवली गुंतवणूक व्हायला सुरुवात झाली असली तरी अजून मोठ्या प्रमाणावर मोठ्या गुंतवणुकी व्हायला सुरुवात झाली नाही असेच यावरून दिसते. तसेच पावसाने केलेली मेहेरबानी आणी सरकारची पे कमिशनच्या स्वरूपांत झालेली मेहेरबानी यामुळे येत्या दोन तिमाहीत ग्रामीण आणी शहरी भागांत मागणी वाढून भांडवली गुंतवणुकीला प्रोत्साहन मिळेल.
• प्रत्यक्ष कर आणी अप्रत्यक्ष करांची वसुली वर्षाच्या पहिल्या अर्ध्या भागांत समाधानकारक झाली. अप्रत्यक्ष कराची वसुली २५.९% ने वाढून Rs ४.०८ लाख कोटी तर प्रत्यक्ष कराची वसुली ८.९५% वाढून ३.२७ लाख कोटी झाली.
• गुरुवार तारीख १३ ऑक्टोबर रोजी CPI ( CONSUMER PRICE INDEX) चे आकडे आले. हा निर्देशांक महागाईचा दर्शक असतो . सप्टेंबर २०१६ साठी CPI ४.३१% ( ऑगस्ट ५.०५ ) झाला. यांत फूड CPI ३.८८% (ऑगस्ट ५.९१%) झाला. शहरी CPI ३.६४ % ( ऑगस्ट ४.२२%) तर ग्रामीण CPI ४.९६%( ऑगस्ट ५.८७%) झाला या आकड्यावरून असे दिसते की वरूण राजाची कृपा होऊन खरीप पिक चांगले आल्यामुळे अन्नधान्याची महागाई कमी झाली. एकूणच महागाई या महिन्यांत कमी झाली असे या माहितीवरून दिसते.
• WPI (होलसेल प्राईस इंडेक्स) सप्टेंबर २०१६ मध्ये ३.५७% ( ऑगस्ट २०१६ ३.७४%) झाला. याचा अर्थ किरकोळ आणी घाऊक दोन्ही बाजारातील महागाई कमी झाली.

खाजगी कंपन्यांच्या घडामोडी

• पिरामल एन्टरप्रायझेस या कंपनीने जानसेन कंपनीची ५ औषधे Rs ११६४ कोटींना विकत घेतली. यामुळे कंपनीच्या ‘क्रिटीकल ड्रग” च्या पोर्टफोलीओमध्ये वाढ होईल.
• DR रेड्डीज या कंपनीने कोलंबियाच्या मार्केटमध्ये प्रवेश केला. ही कंपनी कॅन्सरसाठी लागणारी काही औषधे विकणार आहे.
• अजंता फार्मा गोहाटीमधील प्लांट मार्च २०१७ मध्ये बंद करणार आहे.
• शिव सिमेंट आपला ओडीसामधील प्लांट विकण्यासाठी OCL इंडिया बरोबर बोलणी करत आहे.
• टेक महिंद्रचा बहुतांशी बिझिनेस युरोपमध्ये आहे. GBP चा विमिमय दर सतत कमी होत असल्यामुळे या कंपनीला तोटा होत आहे.
• किंग मेकर मार्केटिंग मधला आपला स्टेक ITC ने US$ 24 लाखांना विकला.
• ASHOK LEYLAND या कंपनीने तेलंगाणा राज्य सरकारच्या बरोबर Rs ५०० कोटीचे बॉडी बिल्डींग युनिट बांधण्यासाठी MOU केले.
• गृह फायनान्स या हौसिंग लोन क्षेत्रातील कंपनीचा निकाल चांगला आला.
• अदानी ग्रूपच्या ऑस्ट्रेलियातील कारमायकेल प्रोजेक्टला ‘क्रिटीकल INFRASTRUCTURE’ प्रोजेक्टचा दर्जा मिळाला. त्यामुळे आता या प्रोजेक्टसाठी लागणार्या सर्व मंजुरी जलद होतील.
• R COM चा टॉवर बिझिनेस ‘ब्रूकफिल्ड A. M. ला Rs १९००० ते २१००० कोटींना विकायचा व्यवहार पूर्ण झाला आहे. ब्रूकफिल्ड A. M. RCOMला Rs ११००० कोटींचे पहिले पेमेंट करील.
• ग्रासिम कंपनीची FII लिमिट 24% वरून ३०% केली. ग्रासिम आपल्या शेअर्सचे २ शेअर्समध्ये स्प्लीट करणार आहे.
• सिप्लाच्या ईदौर प्लांटसाठी USFDA कडून EIR ( ESTABLISHMENT INSPECTION REPORT) मिळाला. आता इन्स्पेक्शन पूर्ण झाले असे समजते.
• झी एन्टरटेनंमेंट ही कंपनी रिलायंस ब्रॉडकॉस्ट खरेदी करणार आहे.
• कुकिंग कोलच्या किंमती वाढत आहेत. याचा फायदा मरकेटरला होईल.
• इंडसइंड बँकेचे तिमाही निकाल अंदाजापेक्षा चांगले आले.
• KEC INTERNATIONAL या कंपनीला Rs १२०० कोटींची ऑर्डर मिळाली.
• जे & के बँकेने कमीतकमी २ वर्षे तरी लाभांश जाहीर करू शकणार नाही तसेच काही काळ बँकेला तोटा होण्याची शक्यता आहे असे जाहीर केल्याने जे & के बँकेचा शेअर १५% पडला.
• TCS चा दुसऱ्या तिमाहीचा निकाल आला. निकाल समाधानकारक नव्हता. BFSI आणी रिटेल सेक्टरमध्ये प्रोजेक्ट आणी त्यावरील खर्च क्लायंटनी पुढे ढकलले. त्यामुळे उत्पन्न आणी प्रॉफीटमध्ये कमी वाढ झाली. सप्टेंबर २०१६ तिमाहीसाठी रेव्हेन्यू Rs २९२८४ कोटी ( ०.१% कमी ) तर नेट प्रॉफीट Rs ६५८६( ४.३% वाढ) कोटी झाले. मार्जीन २६.१% राहिले. कंपनीने सांगितले की तिसऱ्या तिमाहीचे आणी चौथ्या तिमाहीचे निकाल चांगले असतील. कंपनीने Rs ६.५० प्रती शेअर अंतरिम लाभांश जाहीर केला.
• इन्फोसिसचा दुसऱ्या तिमाहीचा निकाल चांगला आला. रेव्हेन्यू Rs १७३१० कोटी तर प्रॉफीट Rs ३६०६ कोटी आणी मार्जिन २४.९ % झाले. कंपनीने आपला रेव्हेन्यू गायडंस ८% ते ९% पर्यंत कमी केला. ATTRITION रेट वाढला. कंपनीने Rs ११ प्रती शेअर अंतरिम लाभांश जाहीर केला. कंपनीने भविष्यातील गायडंस कमी केल्यामुळे शेअर पडला.
• Unileverने आपला भारताविषयीचा गायडंस कमी केला. सध्याच्या परिस्थितीत इतर कंपन्यांकडून असणारी स्पर्धा लक्षांत घेता किंमती वाढवणे शक्य होणार नाही त्यामुळे रेव्हेन्युत वाढ होणे कठीण आहे. तसेच volume मध्ये वाढ होणेही कठीण वाटते. Unilever च्या उत्पन्नापैकी फक्त ७%हिस्सा भारतीय मार्केटमधून येतो.
• ROSNEFT आणी TRAFIGURA या रशियन कंपन्यांनी एस्सार ऑईलमधील ९८% स्टेक US$१३ बिलियनला खरेदी केला. याचबरोबर ही कंपनी एस्सार ओईलचे Rs ३०००० कोटींचे कर्जही टेक ओव्हर करणार आहे. याचा फायदा ICICI आणी AXIS आणी स्टेट बँक या बँकांना होईल.

Corporate Action

• आरती इंडस्ट्रीज ने ‘शेअर BUYBACK’साठी १७ ऑक्टोबरला बोर्ड ऑफ डायरेक्टर्स ची मीटिंग बोलावली आहे.
  JSW स्टील या कंपनीने शेअर स्प्लीटवर विचार करण्यासाठी २७ ऑक्टोबरला बोर्ड ऑफ डायरेक्टर्सची बैठक बोलावली आहे.
• सुनील हायटेकने १:१ बोनस दिला.
• GNA AXLES हा शेअर २६ सप्टेंबरला लिस्ट झाला. त्यानंतर १० दिवस नव्याने लिस्टेड झालेला शेअर T TO T गटांत असतो. त्यावेळी याला ५%चे सर्किट असते. १० ऑक्टोबरपासून हा शेअर T TO T ग्रूपमधून बाहेर पडत आहे. ५%चे सर्किट लीमिट काढून टाकले आहे.
• रिलायंस कॅपिटल त्यांच्या होम फायनान्स बिझीनेस्चे लिस्टिंग करणार आहे. कमर्शियल फायनांस बिझिनेसही अलग करणार आहे.
• PNB हौसिंग कंपनीच्या Rs २५०० कोटींच्या IPO ला सेबीने परवानगी दिली.

या आठवड्यात मार्केटनी आपल्याला काय शिकवलं
TCS आणी इन्फोसिस या IT क्षेत्रातील दिग्गज कंपन्यांचे दुसऱ्या तिमाहीचे निकाल आले. निकाल आल्याबरोबर TCS चा शेअर पडला आणी इन्फोसिस वाढला. पण नजीकच्या भविष्यातील कंपनीच्या बिझीनेस विषयी कंपनीने वर्तविलेले अंदाज (गायडंस) ऐकल्यावर बरोबर विरुद्ध झाले. कारण काय बरे ? तर TCSचे व्यवस्थापन तिसऱ्या आणी चौथ्या तिमाहीविषयी आश्वस्त आहे असे जाणवले पण इन्फोसिसने आपला या दोन तिमाहीसाठीचा गायडंस कमी केला. गुंतवणूक नेहेमी पुढील कालखंडाचा विचार करूनच केली जाते हेच लक्षांत येते.
गोव्यामध्ये BRICS( ब्राझील, रशिया इंडिया, चीन आणी साउथ आफ्रिका) देशांचे व्यापारी अधिवेशन चालू आहे. यांत BRICS ची रेटिंग एजेन्सी स्थापन करणार आहे.
मार्केट लीडर्सनी गुंतवणूकदारांना निराश केले. पाउस चांगला झाला. उत्पादन वाढले, खरीप पीक चांगले येईल. पण याचे पर्यवसान मागणी वाढण्यात झाले नाही तर त्याचा उपयोग नाही. याची सरकारलाही जाणीव आहे त्यामुळे सरकार INFRASTRUCTURE क्षेत्रांत सार्वजनिक SPENDING वाढवण्याच्या विचारांत आहे. मार्केटमध्ये अनिश्चितता आहे. बुल्स आणी बेअर्स दोघेही नाराज आहेत कारण मार्केटला ट्रिगर नाही. दिशा मिळत नाही. प्रत्येक जण चाचपडतो आहे कोण वाट दाखवतो ते बघू.
BSE निर्देशांक सेन्सेक्स २७६७३ आणी NSE निर्देशांक निफ्टी ८५८४ वर बंद झाले

आधीच्या आठवड्याचं समालोचन वाचण्यासाठी इथे क्लिक करा
भारत सरकारने ‘उरी ‘पुंछ’ आणी ‘पठाणकोट’ येथील लश्करी तळांवर केलेल्या अतिरेकी हल्ल्यांना ‘सर्जिकल स्ट्राईक’ करून सडेतोड उत्तर दिले.आणी अतिरेकी हल्ले आम्ही खपवून घेणार नाही हे स्पष्ट केले. शेअरमार्केटमध्येही सर्वजण करेक्शन येण्याची वाट बघत होते. पण करेक्शन होत नव्हते आणी शेअर्सच्या किमती ‘ब्लू स्काय’ टेरिटरीमध्ये जात होत्या. जे अज्ञानी किरकोळ गुंतवणूकदार होते ते फसण्याची शक्यता निर्माण झाली होती. अशावेळी ‘सर्जिकल स्ट्राईक ऑपरेशन’ ही इष्टापत्तीच ठरली. यातून सावरेपर्यंत शेअर्सच्या किंमती योग्य पातळीला येतील असा अंदाज आहे.
या ‘सर्जिकल स्ट्राईक ऑपरेशन’ मुळे नजीकच्या भविष्यकाळांत दोन देशांत युद्धजन्य परिस्थिती निर्माण होईल या भीतीमुळे मार्केट कोसळले. मिडकॅप शेअर्स कोसळले. ‘oil & gas’ सेक्टरचे शेअर्स कोसळले नाहीत. जे शेअर्स अव्वाच्या सव्वा वाढले होते ते आपटले. ‘करन्सी मार्केटवर’ फारसा परिणाम झाला नाही. त्यातून हा ‘एक्सपायरी’ चा आठवडा असल्यामूळेही मार्केटमध्ये अस्थिरता होती. त्यामुळे मार्केट ५०० पाईंट पडले.
आंतरराष्ट्रीय घडामोडी

• IEF (‘आंतरराष्ट्रीय उर्जा फोरम’) ची अल्जीरियामध्ये बैठक आहे.
• ब्राझीलमध्ये साखरेच्या उत्पादनावर परिणाम झाला आहे. त्यामुळे आंतरराष्ट्रीय बाजारांत साखरेच्या किंमती वाढत आहेत. याचा फायदा ज्या साखर उत्पादकांकडे इन्व्हेटरी उपलब्ध आहे अशा कंपन्यांना होईल.
• “OPEC’ देशांमध्ये क्रूडचे उत्पादन घटवण्यावर सहमती झाली आहे. सौदी अरेबिया ३.५ लाख BARREL उत्पादन कमी करेल. इराण.नायजेरिया, आणी लिबिया उत्पादन स्थिर ठेवतील. सध्या ३.३५लाख BARREL उत्पादन होते ते ३.२५ लाख BARREL पर्यंत येईल. याचा परिणाम क्रूडची किंमत वाढण्यांत होईल. यांत महत्वाचे म्हणजे ‘OPEC’ देशांत एकी होत आहे. गेल्या चार वर्षातील ही महत्वाची घटना आहे.

सरकारी announcements

• सरकारने गव्हावरील आयात ड्युटी १५%ने कमी केली. त्यामुळे गव्हाची आयात करणाऱ्या ADF फुड्स, हेरीटेज फूड्स, ब्रिटानिया, या सारख्या कंपन्यांचा फायदा होईल.
• ‘NHPC’ २६ सप्टेंबर रोजी OFS आणणार होती पण काही तांत्रिक कारणांमुळे तो स्थगीत केला गेला.
• केरळ सरकार दारूबंदी उठवण्याच्या विचारांत आहे. दारूबंदीमुळे पर्यटनावर विपरीत परिणाम होत आहे असे राज्य सरकारने कारण दिले आहे.
• महाराष्ट्र सरकारने मुंबईमधल्या ज्या जमिनी ५० वर्षापूर्वी लीजवर दिल्या आहेत त्या जमिनी अगदीच छोट्या आहेत,चिंचोळ्या पट्ट्या आहेत.त्यामुळे महाराष्ट्र राज्य सरकारने त्या जमिनी एकत्रित करून डेव्हलप करण्यास परवानगी देण्याचा निर्णय घेतला आहे.
• सरकारने GAS च्या किंमती रिवाईज करण्याचा विचार केला आहे. GAS च्या किंमती २१% कमी करणार आहेत.
• सरकारने अग्री कमोडिटी आणी साखर यांचे PACKING ज्यूटमध्येच केले पाहिजे असा नियम केला. याचा फायदा LUDLOW ज्यूट, GLOSTER, CHEVIOT या ज्यूट इंडस्ट्रीमधील कंपन्यांना होईल.
• सरकार चीनमधून आयात होणाऱ्या आणी औषध बनविण्यासाठी उपयोगांत येणाऱ्या केमिकल्सवर ANTI DUMPING ड्युटी लावण्याच्या विचारांत आहे.

सेबी, RBI आणी इतर प्रशासनिक संस्था

• RBIचे नवीन गव्हर्नर उर्जित पटेल आपली पहीली वित्तीय पॉलिसी ४ ऑक्टोबर २०१६ रोजी दुपारी अडीच वाजता सादर करतील. यावेळी त्यांच्या निर्णयावर MPC (मॉनेटरी पॉलिसी कमिटी) चा प्रभाव दिसेल. RBIचे प्राथमिक ध्येय महागाई ताब्यांत ठेवण्याचे असेल. पण याबरोबरच ग्रोथचे ही भान ठेवणे आवश्यक आहे.
• पटना हायकोर्टाने बिहार राज्य सरकारचे दारूबंदीविषयक धोरण आणी ते अमलांत आणण्याची पद्धत चुकीची आणी बेकायदेशीर आहे असा निर्णय दिला. हा निर्णय आणी केरळ राज्य सरकार दारूबंदी उठवण्याचा विचार करीत आहे या बातम्यांमुळे मद्यार्काचे उत्पादन करणार्या कंपन्यांच्या शेअर्सचे भाव वाढले उदा :- युनायटेड स्पिरीट, ग्लोबस स्पिरीट, GM ब्रूअरीज.

खाजगी कंपन्यांच्या घडामोडी

• रेन इंडस्ट्रीज ही कंपनी WASTE MANAGEMENT करून पॉवर बनविण्याच्या विचारांत आहे.
• मंगलं टिंबर या कंपनीला GST चा फायदा होईल. कारण प्लायवूडला GST मध्ये बराच फायदा आहे.
• MAX फायनान्स आणी HDFC लाईफ यांच्या मर्जरबद्दल शंका उपस्थित केल्या गेल्या. NON COMPETITION फी प्रमोटर्सला देण्याबाबत एकमत होत नव्हते. त्यामुळे मतदान घेण्यांत आले. KKR, गोल्डमन, कोटक या तिघांचा स्टेक असल्याने NON COMPETITION फीच्या बाजूने मतदान झाले आणी मर्जरमधील एक अडथळा दूर झाला.
• MMTC बरोबर सोन्याचे शिक्के बनवण्यासाठी स्टेट बँक ऑफ इंडिया बोलणी करीत आहे.
• युनायटेड स्पिरिट ‘SILK’ या नावाने पहिली व्हिस्की भारतीय बाजारांत आणीत आहे.
• MCX नी त्यांचे सर्व रेट वाढवले. त्याचबरोबर MCX वर ऑप्शनमध्ये ट्रेडिंगला परवानगी मिळणार आहे. हिरे, चहा, कॉफी,कोको, तांबे, पिग आयर्न या सारख्या वस्तुंचे कमोडीटी मार्केटमध्ये ट्रेडिंग सुरु होणार आहे.
• ‘USFDA’ने सिप्लाच्या गोव्यातील ३ उत्पादन युनीट्स वर ४ निरीक्षणे दिली. सिप्लाने सांगितले ही निरीक्षणे प्रोसिजरल आहेत.
• अल्केम LAB च्या दमण उत्पादन युनिटवर USFDAने फॉर्म नंबर ४८३ ( १३ निरीक्षणे) इशू केला. त्यामुळे हा शेअर पडला.

कॉर्पोरेट एक्शन

• KNR कन्स्ट्रक्शन ही कंपनी आपल्या शेअर्सचे ५ शेअरमध्ये स्प्लीट करणार आहे.
• वर्धमान टेक्स्टाईल ही कंपनी Rs. ११७५ ला शेअर्स BUYBACK करणार आहे. कंपनी एकूण Rs ७२० कोटीं शेअर्स BUYBACK साठी खर्च करेल.
• BNP PARIBA या कंपनीने शेरखान या ब्रोकिंग कंपनीचे अधिग्रहण केले.
• मुक्ता आर्ट्स त्यांचा मल्टीफ्लेक्स बिझिनेस अलग करणार आहेत
• ओरीएंट पेपर त्यांचा इलेक्ट्रिसीटी बिझिनेस वेगळा करणार आहेत.
• REC २८ सप्टेंबर २०१६ रोजी एक्स बोनस झाला

नजीकच्या काळांत येणारे IPO

• D-MARTचा IPO येण्याची शक्यता आहे.
• हिंदुस्थान कॉपर ही कंपनी ३० तारखेला किरकोळ गुंतवणूकदारांसाठी Rs ६२ प्रती शेअर या दराने ओपन ऑफर आणीत आहे.
• सिंटेक्सचा CUSTOM मोल्डिंग बिझिनेस आणी PREEFAB बिझिनेस अलग करण्याला मंजुरी मिळाली. सिंटेक्स प्लास्टिक ही कंपनी नंतर लिस्ट होईल.
• GNA AXLES या कंपनीचे Rs २६० वर लिस्टिंग झाले. गुंतवणूकदारांना Rs ५० पर्यंत लिस्टिंग गेन झाला.
• ICICI PRUDENTIALचे लिस्टिंग निराशाजनक झाले. कंपनीच्या शेअरचे लिस्टिंग Rs ३३० वर IPO च्या किंमतीपेक्षा कमी किंमतीला झाले. नंतर तो Rs 297 पर्यंत खाली आला.

या आठवड्यात मार्केटनी आपल्याला काय शिकवलं
भारत सरकारने केलेल्या ‘सर्जिकल स्ट्राईक ऑपरेशन’ मुळे मार्केट काय करते, गुंतवणूकदार काय करतात, ट्रेडर्स काय करतात, चलनाच्या विनिमय दरावर काय परिणाम होतो किंवा विश्लेषकांचे भूतकाळातील अशाच घटनांना मार्केटने दिलेल्या प्रतिसादाच्या अनुभवांचे विश्लेषण ऐकणे समजावून घेणे महत्वाचे ठरते. मार्केटचा ट्रेंड बदलतो आहे का तसाच राहतो आहे किंवा वेगवेगळ्या सेक्टरमध्ये चर्नींग होते आहे का याकडेही लक्ष द्यावे लागते.
अशा घटना घडतात तेव्हा मार्केटमध्ये अस्थिरता खूप असते. मार्केट काही काळ पडते आणी काहीवेळेला सुधारते. पण पडण्याचा वेग सुधारण्याच्या वेगापेक्षा जास्त असतो. तेजी मंदीच्या लाटावर लाटा मार्केटच्या किनाऱ्यावर आदळत असतात. चांगल्या शेअर्समध्ये इंट्राडे ट्रेड होतो. त्याचवेळी ‘Stoploss’चे महत्व समजते. तोटा मर्यादित रहातो आणी गुंतवणूकदारांना चांगले शेअर्स स्वस्त भावांत मिळतात.
प्रत्येकाला ज्याप्रमाणे धैर्य असेल त्याप्रमाणे ज्याचा त्याने निर्णय घ्यायचा, सारासार विचार करायचा. खरेदीसाठी यादी तयार असेल तर वर्षभरातील प्रत्येक शेअरची कमाल आणी किमान किंमत बघून अगदी थोड्या प्रमाणांत खरेदी करावी. मार्केट एका विशिष्ट लेव्हलला स्थिर झाले की फायदा होऊ शकतो. गुंतवणूकदारांसाठी ही इष्टापत्तीच असते. बर्याच ट्रेडर्सनी आणी अल्प मुदतीसाठी गुंतवणूक करणाऱ्यांनी ‘LONG POSITION’ घेतल्या आहेत. ते लोक या ‘POSITION CUT’ करतील त्यामुळे थोडे दिवस मार्केट पडत राहील.. ‘ब्लू चीप’ आणी चांगला बिझिनेस असणार्या कंपन्यांचे शेअर्स स्वस्तांत विकत घेण्याची चालून आलेली ही संधी समजावी. मात्र मार्केट वारंवार पडत असल्यास जेव्हा अधून मधून सुधारते तेव्हा आपण खरेदी केलेले शेअर्स विकून पुन्हा मार्केट पडते तेव्हा आणखी स्वस्त भावांत खरेदी करू शकता. मार्केटला पडायला आणी सावरायला खूप वेळ लागत नाही. मार्केट भूतकाळाचा फारसा विचार न करता वर्तमानकाळ आणी भविष्यकाळावर लक्ष देते. पुष्कळवेळेला अशा प्रसंगी केलेली खरेदी फलदायी ठरते.
ज्याचा शेवट गोड ते सर्व गोड याचा प्रत्यय आला, आलेले संकट मार्केटने तरी लीलया पचवले. शुक्रवारी मार्केट तेजीत बंद झाले.
पुढील महिन्याच्या दुसऱ्या आठवड्यापासून कंपन्यांचे दुसऱ्या तिमाहीचे निकाल येण्यास सुरुवात होईल. विचार करून खरेदी केल्यास अल्पावधीत फायदा मिळू शकेल.
BSE निर्देशांक सेन्सेक्स २७८६५ वर आणी NSE निर्देशांक निफ्टी ८६११ वर बंद झाले.