आधीच्या आठवड्याचं समालोचन वाचण्यासाठी इथे क्लिक करा
हा एक्सपायरीचा आठवडा होता. गुरुवार २४ नोव्हेंबर २०१६ रोजी नोव्हेंबर सिरीजची एक्सपायरी होती. कधी एकदा नोव्हेंबर सिरीज संपते असे झाले होते. संपली एकदाची ! सर्वांनी सुस्कारा सोडला. चला आता शुक्रवार तारीख २५ नोव्हेंबर २०१६ पासून नव्या दमाने सुरुवात करू असे सर्वांनी ठरवले. याचे कारण काय हा विचार आला असणारच ? ही सिरीज फार ‘VOLATILE’ होती. FII नी बराच पैसा काढून घेतला. डीमॉनेटायझेशनचा परिणाम झाला. सगळ्या आघाडयांवर लढता लढता ट्रेडर्स थकून गेले. पण आशेचा किरण एकच, मार्केट ओवरसोल्ड झाले. सध्याच्या मार्केटच्या परिस्थीतीत ट्रेडर्स आणी गुंतवणूकदार यांचे दृष्टीकोन वेगवेगळे आहेत. ट्रेडर्ससाठी विकणे म्हणजेच शॉर्ट करणे योग्य तर गुंतवणूकदारांनी संधी मिळेल तशी पडत जाणारया मार्केटमध्ये गुंतवणूक करणे योग्य.
आंतरराष्ट्रीय घडामोडी

• ट्रम्प निवडून आल्यापासून US $ मजबूत होतो आहे. इमर्जिंग मार्केटमधील चलन कमजोर होत आहे. त्यामुळे USA मधून परदेशांत पैसा जाणे कमी होईल. फेड २०१८ मध्ये २ वेळा आणी २०१९ मध्ये २ वेळा रेट वाढ करण्याची शक्यता आहे. फेडच्या मीटिंगमधील निर्णयांचा फंड फ्लोवर परिणाम होतो. त्यामानाने  RBI च्या पॉलिसीचा परिणाम होत नाही. डिसेंबर महिन्यांत दोन्ही घटना असल्यामुळे सर्वांचे लक्ष फेडच्या मीटिंगकडे आहे.
• पुढील आठवडयांत व्हिएन्नामध्ये OPECची बैठक आहे. तेव्हा जर सदस्यांची उत्पादन कमी करण्यावर सहमती झाली तर क्रूडचे दर वाढतील. त्याचा फायदा ओईल एक्स्प्लोरेशन कंपन्यांना होईल.

सरकारी announcements

• डीमॉनेटायझेशनच्याविषयी घोषणाचा ओघ थांबत नाही. सरकारने २४ नोव्हेंबरच्या रात्रीपासून Rs १००० च्या नोटा कुठेही बिल पेमेंट करण्यासाठी चालणार नाही, त्या फक्त तुमच्या बँक खात्यांत जमा करता येतील असे जाहीर केले. Rs ५०० च्या नोटा  सरकारने घोषित केलेल्या कारणांसाठी १५ डिसेंबरपर्यंत चालतील असे जाहीर केले. बँकांच्या कौंटरवर जुन्या Rs १००० आणी Rs ५००च्या  नोटांच्या बदली नव्या नोटा देणे बंद केले.
• मंत्रिमंडळाच्या बैठकीत आयकर कायदयाच्या कलम ११५ BBE प्रमाणे खुलासा न केलेल्या उत्पन्नावर ३०% कर लावण्याची तरतूद आहे. हा कराचा रेट ६०% करण्यासाठी कायदयांत बदल केला जाणार आहे. सर्व जनधन खात्यांत ८ नोव्हेंबर २०१६ नंतर जमा केलेली रोख रक्कम आय कराच्या कक्षेत आणण्याचा सरकारचा प्रयत्न आहे.
• टोल फ्रीची मर्यादा प्रथम १४ नोव्हेंबर होती ती वाढवून ही तारीख २४ नोव्हेंबर केली. याचा फायदा लॉजिस्टिक कंपन्याना होईल. कारण टोल वाचतोच पण वेळही वाचतो. पेट्रोल, डीझेलही वाचते त्यामुळे एका फेरीच्या जागी दोन फेऱ्या करता येतात. कारण वाहतुकीच्या कोंडीमुळे होणारा त्रास कमी होतो.
• सरकारने काही राष्ट्रीय महामार्गांचे मॉनेटायझेशन केले. याचा फायदा NCC आणी HCC या कंपन्यांना होईल. टोलमध्ये दिलेल्या सवलतीचा फटका बसू नये म्हणून ऑपरेटर ट्रान्स्फर ही मेथड वापरण्यात  येणार आहे.
• सरकारने काही स्टील प्रोडक्टस् वर २२ मे २०१९ पर्यंत सेफगार्ड डयुटी लावली.
• सरकारने NHAI आणी कोल खात्यांच्या सचिवांची बदली केली.
• व्हिएतनाममध्ये भारतांत बनलेल्या कोणत्याही औषधांवर बंदी घातलेली नाही. व्हिएतनाममध्ये US $ १ लाखाची औषधे विकली जातात.

RBI SEBI आणी इतर प्रशासनिक संस्था

• सध्या बँकेकडे रोख रक्कम सर्वत्र भरली जात असल्यामुळे ठेवींचा ओघ भरपूर आहे. हा जादा जमा झालेला पैसा बँका RBI कडे रिव्हर्स रेपो मनी म्हणून जमा करतात. हा पैसा कसा उपयोगांत आणावा यासाठी सरकारकडे योजना नाही. ह्या RBI कडे जमा केलेल्या  पैशांच्या बदली RBI बॅंकांना BONDS इशू करते. RBI कडे BONDSचा तुटवडा आहे. त्यामुळे मार्केट STABILIZATION योजनेअंतर्गत BONDS इशू करावेत असे RBI ने सुचवले आहे.
• MSS (MARKET STABILIZATION SCHEME) ची लिमिट वाढवावी अशी शिफारस केली.
• ७ डिसेंबर २०१६ रोजी RBI ची बैठक आहे. यावेळी रेटकट होण्याची शक्यता आहे.

खाजगी कंपन्यांच्या घडामोडी

• USFDAने सन फार्माच्या मोहाली युनिटची तपासणी केली. त्यामध्ये दोनतीन त्रुटी आढळल्या. मोहालीचे युनिट RANBAXYचे होते. या युनिटसाठी २०१३ पासून इम्पोर्ट अलर्ट जारी आहे.
• सन फार्माने BIOSINTENZ या रशियन कंपनीतील ८५.१% स्टेक US$ २४ मिलीयनला  विकत घेतला. या बरोबरच सन फार्माने या रशियन कंपनीचे US $ ३५ मिलियन लोन टेकओव्हर केले. यामुळे सन फार्माचा रशियन फार्मा मार्केट मध्ये बिझिनेस वाढेल
• भारती एअरटेल या कंपनीने आपली पहिली पेमेंट बँक सुरू केली.
• LT फूड्स या कंपनीने जपानच्या KAMEDA SEIKA या कंपनी बरोबर US $ १० मिलियन ५१:४९ या प्रमाणांत गुंतवणुकीसाठी करार केला. हे जॉईट व्हेन्चर भारतांत तांदुळापासून बनवलेले पदार्थ विकेल.
• GE शिपिंग या कंपनीने सपोर्ट व्हेसल ‘ग्रेड शिप रागिणी’ विकले.
• पाउस चांगला झाला आहे. त्यामुळे NHPC, SJVN या कंपन्या चांगला लाभांश देतील. पॉवर क्षेत्रात काही सुधारणा होतील असा अंदाज आहे.
• मावाना शुगर ही कंपनी त्यांचे टीटावी युनिट ‘इंडिअन पोटाश’ या कंपनीला Rs ३५० कोटींना विकणार आहे. मावाना शुगरची मार्केट कॅप Rs १७० कोटी आहे. म्हणजे आख्या कंपनीच्या मार्केटकॅपपेक्षा जास्त पैसा एक युनिट विकून मिळतो आहे. ही बातमी मार्केटला पूर्वीपासून होती असे वाटते. कारण मार्केट पडत असून हा शेअर २०% वाढला.
• हिवाळ्यांत परदेशी पर्यटक भारतात येतात. या वर्षी नोटांच्या गोंधळामुळे परदेशी पर्यटकांची संख्या कमी आहे. याचा परीणाम शॉर्ट टर्ममध्ये होईल. हॉटेल्स, टुरिस्ट कंपन्या  (उदा. THOMAS COOK, COX AND KINGS यांच्यावर तसेच पर्यटनस्थळाच्या  आसपासच्या लोकांच्या उत्पन्नावर होईल. स्थानिक पर्यटक या संधीचा फायदा कसा उठवतात यावर या कंपन्यांचा फायदा आणी तोटयाचे गणित अवलंबून राहील.
• आठवड्याच्या सुरुवातीला कच्च्या रबराच्या किंमती अचानक वाढल्या. याचा परिणाम टायर उत्पादन करणाऱ्या कंपन्यांवर होईल.
• पेट्रोनेट एल एन जी  ‘एल एन जी’ च्या किमतीबाबत एकझान या कंपनीबरोबर वाटाघाटी करत आहे.
• NMDC त्यांचा नागरनाल स्टील प्लांट विकण्याची तयारी करीत आहे.. Rs २०,००० कोटींचा हा प्लांट आहे. यामुळे NMDC ची परीस्थिती सुधारेल.
• झी एन्टरटेनमेंट रिलायंस कॅपिटलचा ‘रिलायंस जनरल एन्टरटेनमेंट टी व्ही बिझिनेस’ Rs १९०० कोटींना विकत घेणार आहे.
• त्यामुळे रिलायंस कॅपिटलचे कर्ज Rs १९०० कोटींनी कमी होईल. त्याच प्रमाणे झी एन्टरटेनमेंटला हा बिझिनेस योग्य किंमतीला मिळत आहे.
• ‘बन्नारी अमान’ ही कंपनी तोटयातून फायदयांत आली. Rs ५ कोटी तोटा होतो तो Rs ५४ कोटी फायदा झाला.
• हायपर टेन्शनच्या औषधासाठी अलेम्बिक फार्मा आणी ल्युपिन या कंपन्यांना USFDA कडून परवानगी मिळाली.
• लार्सेन & टूब्रो चे दुसर्या तिमाहीचे निकाल अपेक्षेपेक्षा चांगले आले. तसेच सियाराम सिल्क मिल्स, इंडिया सिमेंट्स, गुजराथ GAS या कंपन्यांचे दुसऱ्या तिमाहीचे निकाल चांगले आले.

या आठवड्यातील कॉर्पोरेट एक्शन आणी लिस्टिंग

• तळवलकर’s त्यांचा जिम बिझिनेस तळवलकर’s लाईफ स्टाईलमध्ये डीमर्ज करणार आहेत.
• ऑइल इंडिया या कंपनीने बोनस शेअर इशूवर विचार करण्यासाठी २८ नोव्हेंबररोजी बोर्ड ऑफ डायरेक्टर्सची बैठक बोलावली आहे.
• स्टेट बँक सरकारला Rs २१ कोटींच्या प्रेफरन्स शेअर Rs २६९.५९ प्रती शेअर या भावाने इशू करणार आहे.
• सी एन बी सी टी व्ही १८ या वाहिनीवर सकाळी १०-१५ वाजता डाबरची बोर्डरूम ऐकली. त्यांनी त्यांत सांगितले की ह्या डीमॉनेटायझेशनच्या वातावरणांत आम्ही जाहिरातीवरील खर्च कमी करू. D-STOCKING चा IMPACT आहे. याचा परिणाम ताबडतोब झी एन्टरटेनमेंटच्या शेअर वर दिसला. म्हणजेच प्रत्येक गोष्टीचा अन्वयार्थ काढून ट्रेडिंग करता येते.
• FAIR FAX ही कंपनी ‘CAMLIN FINE SCIENCE’ ह्या कंपनीतला कंट्रोलिंग स्टेक Rs १२०० कोटींना  विकत घेणार आहे.
• वर्धमान टेक्स्टाईलनी ‘BUYBACK’ जाहीर केला आहे. कंपनी प्रती शेअर Rs ११७५ प्रती शेअर या भावाने Rs ७२० कोटींपर्यंत शेअर्स ‘BUYBACK’ करेल.
• इंडिया बुल्स रिअल Rs ९० प्रती शेअर या भावाने Rs ५४० कोटीचे शेअर्स  ‘BUY BACK’ करेल.
• DDT (DIVIDEND DISTRIBUTION TAX) वाचावा आणी शेअर्स च्या किंमतीला स्थैर्य यावे म्हणून शेअर ‘BUY BACK’चे पेव फुटले आहे असे वाटते.

नजीकच्या काळांत येणारे IPO

• जागरण प्रकाशन ही कंपनी आपल्या ‘म्युझिक ब्रॉडकास्टिंग’ या सबसिडीअरिचा  Rs ४०० कोटींचा IPO आणण्याच्या विचारांत आहे.

या आठवड्यात मार्केटनी आपल्याला काय शिकवलं
चलनातील नोटा रद्द होणे ही घटना प्रत्येक माणसाच्या दृष्टीने नवीनच. त्यामुळे या घटनेचा फायदा कोणाला आणी नुकसान कोणाचे आणी किती याचा चौफेर विचार प्रत्येकजण आपापल्या पद्धतीने आणी आपल्या  कुवतीनुसार करीत आहे. शेवटी ‘ज्याचं दुखतं त्यालाच कळते’ इतरांचे अंदाजच असतात डीमॉनेटायझेशनच्या परिणामांची चर्चा विविध क्षेत्रातील तज्ञांकडून आणी वेगवेगळ्या दृष्टीकोनातून सुरु आहे ती ऐकावी.प्रत्येक कंपनीचे व्यवस्थापन सांगते की आम्ही फक्त चेकने व्यवहार करतो त्यामुळे आमच्या कंपनीवर डीमॉनेटायझेशनचा फारसा परिणाम होणार नाही. ‘खायचे दात वेगळे आणी दाखवायचे दात वेगळे’ हे ऐकणाऱ्याला लगेच समजते.
निरीक्षणाने बर्याच गोष्टी समजतात. बुधवारी मार्केट थोडेसे तेजीत होते. तेजीत असणाऱ्या शेअर्सचे मंदीत असणाऱ्या शेअर्सशी असलेले प्रमाण ४ :१ होते. मला प्रथम वाटले गुरुवारी F&O एक्सपायरी आहे त्यामुळे वाढले असेल पण कोणते शेअर्स वाढले हे पाहिलं तेव्हा असे आढळले की जे शेअर्स डेरीव्हेटीवमध्ये नाहीत ते शेअर्स वाढले होते. यावरून खरेदी मिडकॅपमध्ये सुरु होती. वातावरण बदलले की आपण आपली विचार करण्याची दिशा बदलली पाहिजे. त्याचा शॉर्ट टर्मसाठी उपयोग होतो. सध्या रुपया कमजोर होतो आहे. रुपयाने त्याचा कमीतकमी किंमतीचा नवीन रेकॉर्ड प्रस्थापित केला आहे म्हणजेच US$ १ =Rs. ६८.८६  झाला. USA चे नवनिर्वाचित अध्यक्ष ट्रम्प यांची IT आणी फार्मा क्षेत्रातील कंपन्यांवर करडी नजर आहे. ही क्षेत्रे सोडून इतर अनेक कंपन्या निर्यात क्षेत्रांत आहेत त्यांना फायदा होऊ शकतो. पेमेंट बँकांना IT SOLUTIONS पुरवणार्या कंपन्यांकडे लक्ष ठेवावे.
सध्या बँकांच्या ठेवी वाढत आहेत कारण जमा केलेले पैसे काढण्यावर नियंत्रणे आहेत. पण ही नियंत्रणे उठवल्यावर या ठेवी कमी होतील असा बहुतेक बँकांचा अंदाज आहे.
एकूण मार्केट किती पडले आणी ठराविक शेअर्स किती पडले यावरून कोणते शेअर्स STRONG आहेत आणे कोणते शेअर्स WEAK आहेत ते समजते. सध्या मार्केट २०० दिवसांच्या मूव्हिंग AVERAGE जवळ गेले पण मेटल कंपन्या 20 दिवसांच्या मूव्हिंग AVERAGEच्या जवळ गेल्या म्हणजे हिंदाल्को, टाटा स्टील, मोईल, हिन्दुस्थान झिंक हे शेअर्स सध्याच्या  मार्केटमध्ये STRONG आहेत.
भारताची प्रगती व्हावी, अर्थव्यवस्था सुधारण्यास मदत व्हावी म्हणून  काही उपाययोजना केल्या जातात. उद्देश चांगलाच असतो पण त्याप्रमाणे परिणाम चांगले होतील असे मात्र सांगता येत नाही. करायला गेलो एक पण घडले तिसरेच अशी अवस्थासुद्धा होऊ शकते. सध्या काय होईल हे कोणालाच निट समजत नाही. म्हणून प्रत्येकजण सावधगिरी बाळगत आहे. कोणालाही शहाणा किंवा मूर्ख ठरवण्याच्या भानगडीत न पडता योग्य आणी आपल्याला अनुकूल असा निर्णय घेणे हेच उत्तम धोरण ठरेल.
आठवडाभर मार्केट तेजी मंदीचा लपंडाव खेळत होते. “आता तर तेजीत होते पुन्हा मंदीत कसं गेलं” असे लोक म्हणत होते. शुक्रवारी मात्र मार्केटने सर्वांना चकवले आणी मंदीला थारा दिला नाही.त्यामुळे आठवड्याचा शेवट सुखद झाला आणी बुल्सचा विजय झाला.
BSE  निर्देशांक सेन्सेक्स २६३१६ आणी NSE निर्देशांक निफ्टी ८११४ वर बंद झाला.
 

आधीच्या आठवड्याचं समालोचन वाचण्यासाठी इथे क्लिक करा

आठवडाभरांत डीमॉनेटायझेशनचा परिणाम चांगलाच जाणवू लागला. बिझिनेस ACTIVITY थंडावली. अर्थव्यवस्थेतील पैसा कमी झाला. ‘दुकानांत माशा मारीत बसण्यापेक्षा गावी गेलेले बरे’असे संवाद ऐकू येऊ  लागले. शेतकीविषयक क्षेत्रावर परिणाम जाणवला. रबी फार्मिंग आणी खरीप हार्वेस्टिंगवर परिणाम झाला. सध्या लोकांकडे कॅश कमी आहे त्यामुळे खरेदीचा निर्णय एकतर रद्द केला जात आहे किंवा पुढे ढकलला जात आहे. जाणत्या लोकांचा अंदाज असा आहे की परिस्थिती  पूर्व पदावर येण्यासाठी वर्षं सहा महिन्यांचा काळ लागेल.
आंतरराष्ट्रीय घडामोडी

• USA मधील अध्यक्षीय निवडणुकीत डोनाल्ड ट्रम्प निवडून आले. त्या देशाच्या नियमाप्रमाणे ते २० जानेवारी २०१७ पासून अध्यक्ष म्हणून कार्यभार सांभाळतील. US सिनेटमध्ये ट्रम्प यांच्याच पक्षाला बहुमत असल्यामुळे त्यांना आपली धोरणे राबविणे सोपे जाईल. साऱ्या जगातील शेअर मार्केट्स ट्रम्प काय धोरणात्मक निर्णय घेतात याच्याकडे काळजीपूर्वक लक्ष ठेवून आहे.
• USA मधील फेडच्या अध्यक्षा जेनेट येलेन यांनी जाहीर केले की रेटमध्ये वाढ  करण्यासाठी USA मध्ये  अधिकाधिक पोषक वातावरण तयार होत आहे. लेबर मार्केट सुधारत आहे. त्यामुळे डिसेंबरमध्ये फेड रेट वाढवण्याची शक्यता आहे आणी बरेच दिवस रेट स्थिर ठेवणे बरोबर नाही.

सरकारी announcements

• केंद्र सरकारने चलनांत प्रचलित असलेल्या Rs. १००० आणी Rs. ५०० च्या नोटा रद्द करण्याचा निर्णय घेतला. सरकारने हा निर्णय घेण्यांत थोडी घाई केली आणी पूर्णपणे तयारी होण्याआधीच निर्णय घोषित केला असे सर्वांचे मत आहे.  Rs ५०० आणी Rs १००० च्या नोटा मुख्यतः ATM मधून पैसे काढल्यामुळे मिळत असल्यामुळे आणी गोरगरीब जनताही या नोटांचा सोय आणी सुरक्षितता या दोन्ही गोष्टी लक्षांत घेवून शिलकी पैसा ठेवण्यासाठी उपयोग करीत होती. त्यामुळे सरकारच्या निर्णयामुळे गरीब, मध्यम वर्ग आणी श्रीमंत लोकांनी दैनिक खर्च भागविण्यासाठी ATM समोर रांगा लावल्या. Rs ५०० आणी Rs १००० च्या नोटा बदलून घेण्यासाठी बँकांच्या शाखांमध्ये लांबचलांब रांगा लागल्या. आपल्याजवळ असलेल्या जुन्या नोटा आपल्या खात्यामध्ये भरण्यासाठी ३१ डिसेंबर २०१६ ही शेवटची तारीख असूनही लोकांनी बँकांत गर्दी केली. त्यातच नवीन छापलेल्या नोटा ATM च्या ऑपरेशनसाठी सोयीस्कर नसल्यामुळे गोंधळ वाढला. त्यामुळे जनप्रक्षोभ लक्षांत घेवून सरकारने ज्यांच्या घरांत लग्न आहे अशा कुटुंबांना एकाच खात्यातून Rs २,५०,००० काढण्यासाठी परवानगी दिली. सरकारने शेतकरी आणी व्यापारी यांना आठवड्यात रोख पैसे काढायची मर्यादा ठरवली. केंद्र सरकारी कर्मचार्यांना Rs १०००० रुपये ‘ADVANCE SALARY’ घेण्यास परवानगी दिली. एकदा नोटा बदलल्यानंतर त्या माणसाच्या बोटावर खूण म्हणून INDELIBLE शाई वापरण्याचे ठरवले. पेट्रोल पंपावर Rs २५०० रोख मिळण्याची व्यवस्था केली. काही काळापर्यंत रस्त्यांवरील टोल कलेक्शन थांबवले.
• सरकारने याबरोबरच हे ही जाहीर केले की ज्या व्यक्तींनी वर्षभरांत Rs २,५०,००० ची रोख जमा केली असेल त्यांच्यावर आयकर खाते लक्ष ठेवून असेल.तसेच जेम्स आणी ज्युवेलरी कंपन्यांकडून त्यांच्या रोजच्या व्यवहाराची माहिती मागवत आहे.
• याचा परिणाम ज्या ज्या सेक्टरमध्ये रोखींत व्यवहार चालत असे त्या सेक्टरवर झाला. ऑटो, रिअल्टी, सिमेंट, खते, बीबियाणे, मॉल्सच्या विक्रीवर झाला. त्यामुळे या सेक्टरमधील कंपन्याच्या बिझिनेसवर विपरीत परिणाम होईल अशी भीती वाटल्यामुळे या सेक्टरमधील कंपन्यांचे शेअर्स पडले. ग्रामीण क्षेत्रामधील असणाऱ्या लोकांच्या उत्पन्नावर आणी त्यांच्या क्रय शक्तीवर परिणाम झाला. त्यामुळे ‘दैव देते, आणी सरकार नेते’ अशी परिस्थिती झाली. याचा एकंदर परिणाम FMCG, AC, टीव्ही, आणी इतर घरगुती मशीन उत्पादन करणार्या कंपन्यांच्या बिझीनेसवर झाला.
• लोकांनी सर्व बचत खात्यातून पैसे जमा करायला सुरुवात केल्यामुळे बँकांच्या ठेवींमध्ये अचानक आणी खूप प्रमाणांत वाढ झाली. त्यामुळे बँकांनी त्यांच्या मुदत ठेवींवरील व्याजाचे दर कमी करायला सुरुवात केली. लोकांनी आपले पैसे फुकट जाण्याऐवजी आपल्या कर्ज खात्यांत जमा करण्यास सुरुवात केल्यामुळे बँकांकडे असलेली थकबाकी आणी NPA ची परिस्थिती सुधारण्यास थोडी मदत झाली.  तसेच वीज बिल्स, टेलिफोन बिल्स, मालमता कर, विक्रीकर, सेवाकर इत्यादी सर्व करभरणा वाढल्यामुळे पॉवर क्षेत्र, तसेच स्थानीय संस्था, राज्य सरकारे आणी केंद्र सरकारच्या उत्पन्नांत वाढ झाली. या सर्वाचा एकत्रित परिणाम म्हणजे शेअर मार्केटचे दोन्ही निर्देशांक BSE सेन्सेक्स आणी NSE निफ्टी पडावयास सुरुवात झाली.आणी रुपयाच्या US $ बरोबरच्या विनिमय दरांत घट झाली. त्यामुळे निर्यातीवर ज्यांचे उत्पन्न अवलंबून आहे अशा IT, फार्मा, आणी व्यापार क्षेत्रातील कंपन्यांना फायदा होईल.
• याचा परिणाम म्हणून मनीसप्लाय कमी होईल, PURCHASING पॉवर कमी होईल. मागणी आणी खप दोन्ही कमी होतील. देशाचे GDP कमी होईल. तसेच करापासून मिळणारे उत्पन्न वाढेल.
• याचा परिणाम म्हणजे लोकांच्या घरी, बँक लॉकरमध्ये असलेला रोख पैसा एकतर सिस्टीममध्ये येईल किंवा रद्द होईल. त्यामुळे चलनातील पैसा कमी होऊन ATM, क्रेडीट कार्ड आणी इतर रोखीशिवाय उपलब्ध असणाऱ्या CHANNELS च्या वापरात वाढ होईल. उदा :- PAYTM , WALLET मनी  इत्यादी. त्यामुळे बँकांचे इतर उपन्न वाढेल.
• काळ्या पैशाविरुद्ध चाललेली लढाई पूर्ण यशस्वी होईल असे नाही. काळा पैसा पूर्णपणे बाहेर पडेल असेही नाही.ज्या कंपन्यांचा व्यवहार रोखीत चालतो त्या कंपन्यांवर परिणाम झाला. जे बिझिनेस क्रेडिटवर चालतात त्यांच्यावर कमी परिणाम झाला. नियंत्रित आणी फिक्स उत्पन्न असणारे तसेच सरकारबरोबर व्यवहार असलेल्या कंपन्यांचे शेअर्स वाढले
• सरकारने जाहीर केले की २०१७ या वर्षासाठी अंदाजपत्रक १ फेबृआरी २०१७ रोजी सादर करेल.

अर्थव्यवस्थेच्या गोष्टी :-

• ऑक्टोबर २०१६ साठी CPI (CONSUMER PRICE INDEX) ४.२%( ४.३९% सप्टेंबर २०१६) आणी WPI (WHOLESALE PRICE INDEX) ३.३९%(३.५७% सप्टेंबर २०१६) एवढे झाले. अन्नधान्य आणी संबंधीत वस्तूंच्या किंमती कमी झाल्यामुळे या दोन्ही निर्देशांकांत घट झाली.
• ऑक्टोबर महिन्यांत निर्यात ९.६ % वाढून Rs.१५९००० कोटी एवढी झाली. तर आयात ८.१ % वाढून Rs २,२८,००० कोटी झाली. सोन्याची आयात दुप्पट झाली. सेवा क्षेत्रातील निर्यात US $१३.७ बिलियन तर आयात US $ ८.३ बिलियन झाली.

खाजगी कंपन्यांच्या घडामोडी

• झी BLACKSTONE ग्रूप आणी कॅनेडियन इन्व्हेस्टर ब्रूकफिल्ड हे भारती इन्फ्राटेल या कंपनीतील ४०% स्टेक घेण्याच्या विचारांत आहे.
• टाटा सन्समधील बोर्डरूम लढाईने आता टाटा ग्रुपच्या साऱ्या कंपन्यांना ग्रासले. TCS, टाटा केमिकल्स, इंडिअन हॉटेल्स, टाटा स्टील, टाटा मोटर्स, टाटा ग्लोबल बिव्हरेजीस आणी इतर टाटा ग्रूपमधील कंपन्यांच्या डायरेक्टरपदावरून सायरस मिस्त्री यांना हटविण्यासाठी टाटा ग्रूपने आपल्या शेअरहोल्डर्सच्या EGM ( EXTRA ORDINARY GENERAL MEETING) बोलावल्या आहेत. या मीटिंग मधून सायरस मिस्त्री यांना डायरेक्टर पदावरून हटविण्यासाठी ठराव मांडून पास करून घेतला जाईल असा अंदाज आहे.
• अपोलो टायर्स ही कंपनी  दक्षिण कोरियातील KUMHO TIRE ही २ नंबरची टायर उत्पादन करणारी   कंपनी US $ ९०० मिलियनला खरेदी करण्याचा विचार करीत आहे.
• स्विस सिमेंट कंपनी लाफार्जहोल्सिम या कंपनीने अंबुजा सिमेंट आणी ACC मधील आपला स्टेक वाढवला.
• PNB हौसिंग, बलरामपुर चीनी,EIL, पेट्रोनेट LNG या कंपन्यांचे तिमाही निकाल चांगले आले.
• GAIL, व्होल्टास या कंपन्यांचे तिमाही निकाल असमाधानकारक होते.
• दिलीप बिल्डकोन या कंपनीला मध्यप्रदेश सरकारकडून Rs १४७० कोटींची ऑर्डर मिळाली.
• भारत फोर्ज नॉर्थ अमेरिकेतील ऑटोमोटीव कंपनी घेण्याच्या विचारांत आहे.
• अवन्था ग्रूप BILT (बल्लारपूर इंडस्ट्रीज लिमिटेड)ची अवस्था सुधारण्यासाठी AION कॅपिटल बरोबर बोलणी करीत आहे. AION कॅपिटल Rs १००० कोटी अवन्था ग्रुपला देईल. हा पैसा BILT चे कर्ज कमी करण्यासाठी आणी बिझिनेस चांगल्या प्रकारे करण्यासाठी वापरेल.
• GST चा दर TITAN या कंपनीसाठी ४% पडणार आहे. सध्या हा दर २% आहे. त्याच प्रमाणे डीमॉनेटायझेशनचा परिणाम झाल्याने हा शेअर २०१४च्या लेव्हलला आला.
• IIFL होल्डिंग ही समस्ता MANUFACTURING ही मायक्रो फायनांस कंपनी खरेदी करणार आहे…

कॉर्पोरेट एक्शन

• इंजिनिअरस इंडिया या कंपनीने १:१ बोनस जाहीर केला
• बलरामपूर चीनी या कंपनीने Rs १७५ प्रती शेअर १ कोटी शेअर्स टेंडर पद्धतीने buyback करणार आहेत ACCEPTANCE रेशिओ ४.८% आहे.

या आठवड्यात मार्केटनी आपल्याला काय शिकवलं
पूर्वी FII विकत होते, DII खरेदी करीत होते.पण सध्या डोमेस्टिक फंडसुद्धा विक्री करीत आहेत ही चिंतेची बाब आहे. इंडेक्स फ्युचर्स, STOCK फ्युचर्स आणी CALL ऑप्शन्समध्ये विक्री चालू आहे. पुट काल रेशिओ ०.७३ आहे मार्केट ओव्हरसोल्ड झोनमध्ये आहे. निफ्टी ८२०० पॉइंटच्यावर १ तास राहिला तर short कवरिंग येण्याची शक्यता आहे. सध्या ट्रेडिंग करणे धोक्याचे आहे. मार्केट कधी पडेल आणी कधी वाढेल याबाबतीत अनिश्चितता आहे अशावेळी शेअरची निवड करून पोर्टफोलीओ तयार करून थोडया थोडया प्रमाणांत केलेली खरेदी फायदयाची आहे. सध्याच्या मार्केटमध्ये थोडा थोडा फायदा घेण्याची सवय लावून घ्यावी लागेल. विकत रहा घेत रहा फायदयाचे कण वेचत रहा.
मार्केट पडू लागले की सर्वजण खालची पातळी सांगू लागतात. त्याविरुद्ध मार्केट वाढू लागले की वरील टार्गेट दिली जातात. आपण सुवर्णमध्य पकडायचा प्रयत्न करावा. प्रत्येक गोष्टीचा अतिरेक दिसतो कारण वाटणारी प्रमाणाबाहेरची भीती किंवा हाव. यात न फसता आपण थोडी थोडी खरेदी किंवा थोडी थोडी विक्री करावी.
चार वर्षांच्या दुष्काळानंतर यावर्षी पाउस पुरेसा आणी व्यवस्थित पडलेला असल्यामुळे ग्रामीण भागांत आनंदीआनंद होता परंतु डीमॉनेटायझेशनने सर्व ग्रामीण भागातील आनंदाला ग्रहण लागल्यासारखे झाले.
BSE  निर्देशांक २६१५० वर तर NSE निर्देशांक ८०७४ वर बंद झाले.

आधीच्या आठवड्याचं समालोचन वाचण्यासाठी इथे क्लिक करा

 
 
 
 
 
 
गेला आठवडाभर मार्केट USA मधील अध्यक्षीय निवडणुकींत काय होणार याचा विचार करण्यातच रमले.
सोमवारी मतदान आणी मंगळवारी निवडणुकीचा निकाल ! आता कसे होणार !आता काय होणार ! मार्केट पडणार की वाढणार ! असे वारे घोंगावत होते. त्यातच PNB हौसिंगचे लिस्टिंग सोमवारी होते. आणी त्यातच मोदीनी काळा पैसा, भ्रष्टाचार वं महागाई यासाठी केलेले सर्जिकल स्ट्राईकस ( Rs ५०० आणी Rs १००० च्या चलनांत असणार्या नोटा ताबडतोब रद्द करणे) याची भर पडली. त्यामुळे वेगवेगळ्या घटनांनी भरलेला हा आठवडा होता..
आंतरराष्ट्रीय घडामोडी

• USA च्या अध्यक्षीय निवडणुकीत ‘डोनाल्ड ट्रम्प’ निवडून आले. ट्रम्प यांच्या कोल माईन्स आहेत. म्हणून ‘कोल इंडिया’ला फायदा होईल. ट्रम्पचा ‘INFRASTRUCTURE’ डेव्हलपमेंट करण्यावर भर असल्याने त्यासाठी मेटल लागते म्हणून धातूचा भाव वाढला ते शेअर वाढले. हे झाले अमेरिकन ‘ट्रम्पकार्ड’ च्या बाबतीत.माणूस खुर्चीवर बसण्याआधी वेगळे बोलतो आणी खुर्चीवर बसायचे म्हणल्यावर त्याचा नूर बदलतो. ‘ट्रम्प’ यांनी निवडून आल्यानंतर केलेल्या भाषणांत कुठेतरी समन्वय साधण्याची तयारी दाखवल्यामुळे लोकांना हायसे वाटले. मार्केट ट्रम्प यांच्या  विजयाची बातमी आल्यावर १६०० पाईंट पडले आणी लगेच १३०० पाईंट सुधारले. ब्रेकझीट च्या वेळी जी गोष्ट घडली तसेच याहीवेळी घडले, ब्रेकझीटच्या भीतीने मार्केट पडले पण ब्रेकझीटच्या बाजूने मतदान झाले अशी बातमी आली तेव्हा मार्केट प्रथम पडले पण लगेचच सावरले.
• ‘USA’ मध्ये काही काल अस्थिरता वाढेल त्यामुळे डिसेंबर २०१६ मध्ये फेड ठरलेली दर वाढ करणार नाही असे गुंतवणूकदारांना वाटले त्यामुळे सर्व इमर्जिंग मार्केट्स वाढली

सरकारी announcements

• भारतीय पंतप्रधान मोदींनी जे ‘ट्रम्प कार्ड’ काढले ते सामान्य लोकांनाही थोडेसे कठीण गेले. सगळ्यांचाच डाव कोलमडला. कारण महागाई एवढी आहे की Rs १०० च्या नोटेंत काहीच खरेदी होत नाही. त्यामुळे Rs ५०० तसेच Rs १००० च्या नोटा बाळगाव्या लागतात. ATM मधूनही Rs ५०० आणी Rs 1000 च्या नोटाच मिळतात. हल्ली विभक्त कुटुंबपद्धतीमुळे कोणी घरी जास्त पैसे ठेवत नाहीच.लागतील तेवढे ATM मधून काढतात. सरकारच्या या निर्णयाचा लोकांना त्रास होऊ नये म्हणून अनेक उपाय केले. पण काही अडचणी आल्याच. पण लोकांना मनोमन आनंद झाला कारण काळ्या पैशाचा नायनाट करण्यासाठी हे पाउल उचलले होते. बेनामी आणी हवाला व्यवहारांना लगाम घातला जावा हा हेतू आहे. पण विचार केल्यास असे आढळले की आधी जंनधन खाती उघडली गेली त्यामध्ये जुन्या नोटा जमा करायला सांगितले. त्यामुळे बँकांचे ‘CASA’ डीपोझीट वाढेल पण लोकांच्या हातांत खर्च करायला पैसे नसल्याने मागणीवर परिणाम होईल.
• या आर्थिक ‘सर्जिकल स्ट्राईक’ची वेळ म्युचुअल फंडांच्या दृष्टीने फार चांगली होती. १ तारीख ते ७ तारीख पगार होतात त्यामुळे SIP तून येणारा पैसा जमा झाला होता.
• बुधवारी मार्केट पडले तेव्हा म्युचुअल फंडांना गुंतवणूक करायला चांगली संधी मिळाली. काळ्या पैशाचा वापर जेथे होतो त्या क्षेत्रावर म्हणजे रिअल्टी, सिनेमा, हॉटेल जडजवाहिरे, सोनेचांदी, यावर परिणाम होईल. काही काळे धन गोरे करण्याची धडपड नक्कीच होईल. सरकारला VAT, EXCISE, यातून उत्पन्न मिळेल. यामुळे सरकारची ‘BALANCE SHEET’ सुधारेल. . ‘ATM’, क्रेडीट कार्ड यांच्या माध्यमातील व्यवहार वाढेल.खाती जास्त उघडली जातील. समांतर अर्थव्यवस्थेला लगाम बसेल. बँकांना फायदा होईल. या सगळ्यामुळे बॅंकाचे शेअर्स वाढले.पण मायक्रो फायनान्स कंपन्यांचं शेअर्स, हौसिंग फायनांस कंपन्यांचे शेअर्स पडले. याला ‘HDFC’ हाही अपवाद नव्हता.
• उत्तर प्रदेशांत विधानसभेच्या निवडणुका आहेत या निवडणुकींत पुष्कळ काळा पैसा खर्च होण्याचे प्रमाण कमी होईल आणी BJP ची बाजू मजबूत होईल. मोठ्या धोरणीपणाने आणी हुशारीने हा निर्णय घेण्यांत आला असे जाणवले.

RBI सेबी आणी इतर प्रशासनिक संस्था

• RBI ने नियमांत थोडी ढिलाई केली ज्या कंपन्या NPA झाल्या होत्या त्यांची ऑपरेशन्स सुधारली असतील तर त्यांना NPA मधून काढून ‘ STANDARD ASSETS’ असे घोषित करायला परवानगी दिली. त्यामुळे NPA साठी करावी लागणारी तरतूद कमी करावी लागेल.
• मद्रास हायकोर्टाने सांगितले की ‘EVERONN EDUCATION’या कंपनीसाठी लिक्विडेटर नेमावा.
• दिल्ली हायकोर्टाने हॉटेल लीला या कंपनीने ‘एअरपोर्ट ऑथारिटी ऑफ इंडिया’ या संस्थेला Rs २५८ कोटी द्यावे असे सांगितले.

खाजगी कंपन्यांच्या घडामोडी

• ल्युपिनला USFDA कडून त्यांच्या गोंवा प्लांटसाठी EIR ( ESTABLISHMENT INSPECTION REPORT) मिळाला .ल्युपिन या कंपनीची अशी ख्याती आहे की ती अर्जातील त्रुटींवर त्वरीत सुधारणा करते.
• ‘NTPC’ ने त्यांचा दिल्लीतील प्लांट प्रदुषणाच्या कारणामुळे बंद केला.
• NHAI च्या प्रोजेक्ट्समध्ये एल आय सी Rs २५००० कोटींची गुंतवणूक करणार आहे.
• ब्रीटानियाचा तिमाही निकाल MIX आला. ‘POTASSIUM BROMATE’च्या इशूमुळे गेल्या तिमाहीत ब्रेडच्या विक्रीवर परिणाम झाला असे कंपनीने कळवले.
• भारत फोर्जचा निकाल चांगला आला नाही. प्रत्येक व्हरटिकलमध्ये मंदी जाणवली. निर्यातीतून मिळणारे उत्पन्न कमी झाले.
• भेलचा निकाल अपेक्षेपेक्षा चांगला आला.
• VHOLTEMP TRANSFORMER, धामपूर शुगर, HONEYWELL, मदरसन सुमी, पिडीलाईट, यांचे तिमाही निकाल चांगले आले.
• HCL-TECH ने सांगितले की त्यांनी विसामधून जवळजवळ मुक्ती मिळवली आहे. आता स्थानिक लोकांमधून भरती केली जाते. स्थानिक आणी व्हिसावर काम करणारे यांच्या पगारांत फारसा फरक नाही. त्यामुळे निवडणुकीच्या निकालावर आमचे भविष्य अवलंबून नव्हते.
• युनायटेड ब्रुवरीजचा निकाल खराब आला. बार्ली आणी साखर यांच्या किंमती वाढल्यामुळे मार्जींनवर परिणाम झाला.
• यावेळी पेपर कंपन्यांचे निकाल चांगले आले. त्यातल्यात्यांत शेषशायी पेपरचा निकाल लक्षांत येण्यासारखा होता.

कॉर्पोरेट एक्शन 

• ‘BALMER LAWRIE’ या कंपनीने १:३ या प्रमाणांत बोनस जाहीर केला. म्हणजेच तुमच्याजवळ जवळ तीन शेअर्स असतील तर तुम्हाला एक बोनस शेअर मिळेल.
• इंडिया बुल्स रियल इस्टेट या कंपनीने २७ नोव्हेंबरला ‘BUYBACK OF SHARES’ साठी बोर्ड ऑफ डायरेक्टर्सची मीटिंग बोलावली आहे.
• बलरामपुर चीनी सुद्धा शेअर्स ‘BUYBACK’ करण्याच्या विचारांत आहे.
• ‘नवनीत पब्लिकेशन’ या कंपनीने १६ नोव्हेंबरला शेअर्स ‘BUYBACK’ करण्यावर विचार करण्यासाठी बोर्ड ऑफ डायरेक्टर्सची मीटिंग बोलावली आहे.
• OCL, दालमिया भारत आणी दालमिया भारत सिमेंट यांच्या ‘AMALGAMATION’ ला परवानगी मिळाली. ज्या शेअरहोल्डरकडे OCL INDIA चे २ शेअर्स असतील त्यांना ‘दालमिया भारत’या कंपनीचा एक शेअर मिळेल.
• ‘CYIENT’ ही IT क्षेत्रातील कंपनी UK बेस्ड ‘DIOM AEROFILM’ या कंपनीचे अक्विझिशन करणार आहे.
• सिप्ला क्वालिटी केमिकल्स चा IPO आणण्याचा विचार करीत आहे.
• फ्युचर ग्रूप ‘हेरीटेज फूड्स’ या कंपनीचा रिटेल बिझिनेस खरेदी करणार आहे.

IPO

• PNB हौसिंग चा IPO २५ वेळा सबस्क्राईब झाला होता.ग्रे मार्केट प्रीमियम Rs ६५ होता. PNB हौसिंगच्या शेअरने पहिल्या दिवशीच Rs ९०० ची पातळी गाठली. IPO मध्ये शेअर Rs ७७५ च्या भावाने दिला होता. त्यामुळे लिस्टिंग गेन चांगला झाला.
• वरुण बिवरेजीसचे ८ नोव्हेंबरला लिस्टिंग झाले. लिस्टिंग चांगले झाले नाही. पण नंतर शेअर सुधारला तेव्हा लोकांना Rs २० प्रती शेअर फायदा झाला.

या आठवड्यात मार्केटनी आपल्याला काय शिकवलं
ज्याप्रमाणे परिस्थिती असेल त्याप्रमाणे प्रत्येक घटनेकडे पहिले पाहिजे. कोणतीही गोष्ट कायमस्वरूपी चांगली किंवा वाईट नसते. कोणत्याही बदलाला सामोरे जाताना आपल्यालाही अनेक बदल करावे लागतात. DEMONETISATION आणी GST हे मुलभूत रीफोर्म्स आहेत याचे वेगवेगळे परिणाम आहेत. जो पैसा ठेवींच्या स्वरूपांत येईल तो तेवढ्याच वेगाने निघून जाईल. त्याचवेळी दुचाकी आणी चारचाकी वाहनांच्या विक्रीवर परिणाम झाला आहे त्यामुळे बजाज ऑटो, मारुती, हिरो हे शेअर्स पडले.
शुक्रवारच्या मार्केटने अनेक रंग दाखवले. बँकांचे उत्पन्न वाढेल या आशेने बँकांचे शेअर्स वाढले पण नोटा बद्लण्याच्या घटनेमुळे रिअल्टी क्षेत्रावर परिणाम होईल असे वाटल्याने हौसिंग फायनान्स कंपन्यांवर झाला. त्यामुळे सिमेंट कंपन्याचे शेअर्सही पडले.
जवळजवळ २ वर्षे धातूंच्या किंमती कमी होत होत्या त्यामुळे कोणी साठा वाढवला नव्हता. त्यामुळे असणारा साठा संपत आला आहे. त्याचबरोबर धातूंच्या किंमती वाढायला सुरुवात झाली हे लक्षांत येताच मागणी वाढली आहे. आयर्न ओअर आणी कुकिंग कोलला खरोखरी मागणी आली आणी त्यांचे भाव वाढले.
हवामान बदलत असले की आहार, कपडे, यामध्ये जसा बदल करतो त्याच पद्धतीने मार्केटमध्येही बदलाचे वारे वाहू लागले की कंपन्यांचेही नशीब बदलते आणी त्याप्रमाणे शेअरच्या किंमतीही बदलतात. त्यानुसार आपण आपले निर्णय घ्यावेत किंवा बदलावेत. शेअर मार्केटमध्ये ज्यांना व्यवहार करायचा असेल त्यांना ही मार्केट्ची लवचिकता ध्यानांत ठेवून जसा पाउस पडेल तशी छत्री धरावी लागते.
BSE निर्देशांक सेन्सेक्स २६८१८ वर आणी NSE निर्देशांक निफ्टी ८२९६ वर बंद झाली.

आधीच्या आठवड्याचं समालोचन वाचण्यासाठी इथे क्लिक करा
दिवाळीच्या आठवड्यांत अर्थव्यवस्था सुधारल्याचे चित्र दिसेल असे वाटले होते. पण तसे दिसले नाही. जगभरातली शेअर मार्केट पडली. घरांच्या किंमती प्रमाणाबाहेर वाढल्यामुळे लोकांनी घरांकडे पाठ फिरवली. USA मध्ये अध्यक्षीय निवडणुकांचे वातावरण आहे त्याचा परिणाम सोन्यावर झाला. सोन्याची किंमत वाढली. त्यामुळे लोकांनी सोन्याकडे पाठ फिरवली. स्टेट बँकेने आणी इतर बँकांनी गृहकर्जावरील व्याजदर कमी करूनही कर्जदारांकडून फारसा चांगला प्रतिसाद मिळाला नाही. GST कौन्सिलने GSTचे पाच पदरी दर घोषित केले. याचा उद्योगातील विविध क्षेत्रांवर वेगवेगळा परिणाम होईल.
आंतरराष्ट्रीय घडामोडी

• ब्रेकझीटवर सार्वमत घेतले असले तरी त्यावर पुढील कारवाई करण्यासाठी ब्रिटीश संसदेची परवानगी घेणे जरुरी आहे असे ब्रिटनच्या हायकोर्टाने सांगितले. त्यामुळे पंतप्रधान मे यांनी मार्च २०१७ पर्यंत आर्टिकल ५० खाली युरोपिअन युनियनमधून ब्रिटन बाहेर पडेल असे कळवण्याचा घेतलेल्या निर्णयाला खीळ बसली. या कोटाच्या निर्णयामुळे GBP चा US$ बरोबरचा विनिमय दर वाढला.
• बँक ऑफ जपानने आपले इन्फ्लेशन टार्गेट पूर्ण करण्याची मुदत पुढे ढकलली.
• USA मध्ये अध्यक्षीय निवडणुकांचे वातावरण जसे तापत आहे त्यामध्ये TRUMP या उमेदवाराला मतदार आपली पसंती दाखवतील असा अंदाज व्यक्त केल्यामुळे जगातील सर्व शेअर मार्केट्सवर विपरीत परिणाम झाला.
• फेडने सांगितले की USAची अर्थव्यवस्था सुधारत असली तरी रेट आताच वाढवले जाणार नाहीत. FOMCच्या १३ -१४ डिसेंबर २०१६ ला होणाऱ्या मीटिंग मध्ये रेट वाढवण्याची शक्यता वाढली आहे.
• ANTI-DUMPING ड्युटीच्या विरोधांत चीन समवेत जपान, युक्रेन, कतार या देशांनी WHO कडे तक्रार केली आहे. WHO ने भारताकडे स्पष्टीकरण मागितले आहे.
• जागतिक पातळीवर ‘लिक्विडीटी ADJUSTMENT’ चालू आहे. प्रगत देशातील सेन्ट्रल बँक्स अर्थव्यवस्थेत पैसा टाकीत होत्या त्यामुळे व्याजाचे दर कमी किंवा काही देशांत –Ve आहेत. त्यामुळे भारतीय मार्केटमध्ये पैसा येत होता पण जर युरोप USA जपान आणी इतर प्रगत देशांत व्याजाचे दर वाढतील तर भारतांत येणारा पैशाचा ओघ कमी होईल.

सरकारी announcements

• GST कौन्सिलने GSTच्या दरांची पांचपदरी रचना जाहीर केली.
• CPI (CONSUMER PRICE INDEX) मध्ये असलेल्या वस्तूंपैकी ५०% वस्तूंवर GST लागणार नाही.
• सर्वसाधारण लोक वापरीत असलेल्या आणी खूप खप असलेल्या वस्तूंवर ५% GST लावला जाईल.
• १२% आणी १८% या प्रमाणे दोन STANDARD रेट ठरवलेले आहेत. बहुतेक सेवांवर १८% GST लागेल.
• पूर्वी ज्या वस्तूंवर VAT आणी उत्पादक शुल्कासह ३०% ते ३१% कर लावला जात होता त्यावर आता २८% GST लागेल.
• तंबाखू, शीत पेये, चैनीच्या गोष्टी, पान मसाला इत्यादींवर २८% अधिक सेस या प्रमाणे GST लावला जाईल.
  जरी बहुतेक वस्तूंच्या किंमती स्थिर राहिल्या तरी काही सेवांसाठी आकारण्यांत येणाऱ्या दरांमध्ये वाढ होण्याचे शक्यता आहे.
• GST ची ही कर रचना FMCG उदा :- HUL ITC डाबर, गोदरेज कन्झुमर्स यांना फायदेशीर आहे.
• आता एक सेक्रेटरीजची कमिटी कोणत्या वस्तूवर किती GST लावायचा हे ठरवेल. GST कायद्याचे बिल संसदेच्या हिवाळी अधिवेशनांत सदर केले जाईल आणी पास होऊन त्याचा कायदा बनेल अशी सरकारची योजना आहे. सोने आणी इतर मूल्यवान धातूंवर २% ते ४% GST लावला जाईल.
• याचे फायदे उद्योगांना प्रत्यक्षांत कमी लागणारा रेट, मालाच्या ने आण करताना येणारी सुलभता, आणी एकाच कायद्याची पूर्तता करायची असल्यामुळे त्यांच्या खर्चांत बरीच बचत होईल. कर चुकवेगिरीला आळा बसल्यामुळे सरकारच्या अप्रत्यक्ष करांच्या उत्पन्नात वाढ होईल.
• अर्थव्यवस्थेमध्ये एकाच राष्ट्रीय स्तरावरील मार्केट प्रस्थापित होईल.
• सरकार लवकरच नवीन मुलकी विमान वाहतूक धोरण जाहीर करणार आहे. पूर्वी विमान वाहतूक कंपनीत स्टेक खरेदी केला तरी व्यवस्थापनांत भाग घेणे शक्य होत नसे. FDI च्या नियमांत बदल केल्यामुळे आता हे शक्य होईल.
• सरकारने लार्सेन & टुब्रो मधील आपला सुटी स्टेक (१.६३%) Rs २१०० कोटींना विकला. सरकारचा असाच सुटी स्टेक AXIS बँक आणी ITC मध्ये आहे.
• आयर्न ओअर आणी अल्युमिनाच्या किंमती वाढल्या. याचा चांगला परिणाम वेदान्ता आणी हिंदाल्को या कंपन्यांच्या शेअर्स वर होईल. पण वाईट परिणाम नाल्को आणी NMDC वर होईल.

RBI सेबी आणी इतर प्रशासनिक संस्था

• रिलायंस इंडस्ट्रीजला  १.५५ बिलियन पेनल्टी ठोठावली (संदर्भ ONGC GAS MIGRATION ही २०१३ ची  केस)

अर्थव्यवस्थेच्या गोष्टी

• GDP चे आकडे असमाधानकारक आले. GDP ७.१% ( ७.९) GVA ( GROSS VALUE ADDED) ७.३% (७.४%) शेती १.८ उत्पादन ग्रोथ ९.१% (९.३%) औद्योगिक वाढ ६% ( ७.९%) सेवा ग्रोथ ९.६% (८.७%). कंसातील आकडे जानेवारी ते मार्च २०१६ या तिमाहीसाठी आहेत. वरील आकड्यांवरून असे आढळून येते की एक सेवा क्षेत्र सोडले तर आपली प्रगती गेल्या पांच तिमाहीपेक्षा कमी आहे.

खाजगी कंपन्यांच्या घडामोडी

• ऑरोबिंदो फार्मा ही कंपनी ‘GENERIS FARMACEUTICA’ ही पोर्तुगीज कंपनी US$ २०० मिलियन ला विकत घेण्याचा विचार करत आहे. ही कंपनी ANTIINFECTIVE. RESPIRATORY, ANTI –DIABATES आणी DERMATOLOGY संबंधी औषधांचे उत्पादन करते आणी विकते.
• जे पी असोसिएट या कंपनीने NCD ( NONCONVERTIBLE DEBENTURES) वरील तीन महिन्यांचे व्याज भरले नाही.
• भारती एअरटेल या कंपनीला ‘ZAIN’ या कंपनीकडून US$१२९ मिलियन (Rs ८५० कोटी) नायजेरियातील कर आणी इतर बाबी SETTLE करण्याकरता मिळतील.
• GNFC या कंपनीच्या दाहेज प्लांटमध्ये लीकेज झाल्यामुळे ५ दिवस हा प्लांट बंद राहील. GNFC चे ६०% उत्पन्न या प्लांटमधून येते.
• मुक्ता आर्ट्स त्यांचा सिनेबिझीनेस त्यांच्या सबसिडीअरीला १० नोव्हेंबर पासून भाड्याने देणार आहेत.
• मोईलने आपल्या प्रोडक्ट्सच्या किंमती तिसऱ्यांदा वाढवल्या. धातू क्षेत्रांत तेजी आहे.
• झिंकच्या किंमती वाढत आहेत तसेच हिंदुस्थान झिंक या कंपनीतील आपला स्टेक विकण्याची सरकारने तयारी दर्शवल्यामुळे हिंदुस्थान झिंक या कंपनीच्या शेअरची किंमत वाढली. ग्लेनकोर ही कंपनी आपली झिंक आणी लेडची खाण ‘DEPLETION ऑफ RESERVES’ या कारणामुळे बंद करणार आहे.
• डाबर निर्यात वाढवण्याच्या दृष्टीने प्रयत्न करत आहे. आफ्रिकेत अक्विझिशन करीत आहे. CTL ग्रुपचे हेअरकेअर आणी क्रीमचा बिझिनेस विकत घेणार आहे.
• NON-AGRI कमोडीटीजमध्ये ऑप्शन ट्रेडींग सुरु करणार आहे हे कळताच MCX च्या शेअरची किंमत वाढली.
• गव्हाच्या किंमती Rs २००० प्रती क्विंटल झाल्या. याचा परिणाम ब्रिटानिया, ITC आणी इतर कन्फेशनरी उत्पादकांवर होईल.
• PINCON SPIRITS या कंपनीने त्यांच्या IMFL ( INDIAN MADE FOREIGN LIQUOR) च्या किंमती वाढवल्या.
• रेमंड ही कंपनी ‘मेक इन इंडिया’ या मोहिमेअंतर्गत अमरावती येथे उत्पादन युनिट सुरु करीत आहे.
• इंडो अमाइन्स या कंपनीला त्यांची १० औषधे USAमध्ये विकण्यासाठी USEPA ( UNITED STATES ENVIRONMENT PROTECTION AGENCY) कडून परवानगी मिळाली.
• श्री पुष्कर केमिकल्स या कंपनीने कमर्शियल उत्पादन सुरु केले.
• जेट एअरवेजने ५० उड्डाणे रद्द केली. वैमानिकांची कमी हे कारण दिले.
• TTK प्रेस्टीज चा निकाल खराब नव्हता तरी शेअर Rs ५०० पडला. कारण अनिश्चितता. हा शेअर आधीच पुष्कळ वाढला होता. जो काही फायदा होतो तो बुक करावा. उद्या काय होईल कुणास ठाऊक !ही वाटणारी भीती याला कारण आहे.
• PE फंड ABG शिपयार्डमधला स्टेक घेण्याची शक्यता आहे.
• हेरीटेज फुड्स ही कंपनी रिलायंस रिटेलचा डेअरी बिझिनेस विकत घेणार आहे.
• VSNL ची जमीन डेव्हलप करण्याचे आणी १० र्रेल्वे स्थानके सुशोभित करण्याचे काम NBCC ला दिले जाणार आहे.
• ‘ABACAVIR’ या HIV प्रतिबंधक औषधासाठी स्ट्राईडस शसून या कंपनीला USFDA कडून परवानगी मिळाली आहे.
• झेन्सार या कंपनीने UK तील ‘FOOLPROOF’ ही चांगला कस्टमर बेस असलेली डिजिटल मार्केटिंग कंपनी विकत घेतली.
• कॅपलीन पाईंट या कंपनीच्या इंजेकटेबल बिझिनेसच्या तामिळनाडूमधील युनिटच्या इन्स्पेक्शन साठी USFDA ऑक्टोबरमध्ये येणार आहे. हे इन्स्पेक्शन झाल्यावर कॅप्लीन पाईंट चा USA च्या मार्केटमध्ये प्रवेश होईल.
• बी जी आर एनर्जीला Rs २६०० कोटींची ऑर्डर मिळाली.
• जे के सिमेंट या कंपनीचे तिमाही निकाल चांगले आले.
• टाटा ग्रूपची अवस्था आता ‘झाकली मुठ सव्वा लाखाची’ ह्या म्हणीप्रमाणे झाली आहे. काढून टाकलेल्या चेअरमनने उघड केलेया विविध गोष्टीमुळे आता सेबी, टाटा ग्रुपला कर्ज दिलेल्या बँका आणी इतर प्रशासनिक संस्थांनी टाटा ग्रुपकडे स्पष्टीकरण मागायला सुरुवात केली आहे. टाटा ग्रुपने आता DOKOMO या जपानी कंपनीशी ११ नोव्हेंबरपर्यंत OUT ऑफ कोर्ट सेटलमेंट करण्याची तयारी चालवली आहे.LIC सकट बर्याच सार्वजनिक संस्थानी या ग्रुपच्या शेअर्स मध्ये गुंतवणूक केली असल्यामुळे आता सामान्य लोकांनाही यांत लक्ष घालण्याची आवश्यकता भासू लागली आहे.

IPO

• पी एन बी हौसिंग फायनांस या कंपनीच्या शेअर्सचे पुढील आठवड्यांत लिस्टिंग होईल.
• अलकार्गो या कंपनीची ७ नोव्हेंबरला BUYBACK ऑफ शेअर्ससंबंधी विचार करण्यासाठी बोर्ड ऑफ डायरेक्टर्सची बैठक आहे.

या आठवड्यात मार्केटनी आपल्याला काय शिकवलं
STRENGTH आणी WEAKNESS कसा ओळखावा ? मंदीच्या काळांत जे शेअर्स कमी प्रमाणांत पडतात आणी वाढताना जास्त प्रमाणांत वाढतात असे शेअर मजबूत समजावेत. याउलट ट्रेंड पेक्षा जास्त पडतात आणी तेजीच्या मार्केटमध्येही शेअरची किंमत वाढण्याचे प्रमाण कमी असते ते शेअर्स ‘WEAK’ समजावेत.
तसेच शेअर्सची विक्री आणी खरेदी याविषयीचा डेटा पाहण्याची सवय ठेवावी. सध्या असे आढळते आहे की विक्रीचा वेग कमी होत आहे पण खरेदीमध्ये वाढ नाही आपण याला ‘GRINDING LOWER’ म्हणू शकतो. मार्केट पडत असताना जे शेअर्स फारसे पडत नाहीत ते मार्केट सावरल्यावर पुन्हा वाढू लागतात.
गेल्या रविवारी संध्याकाळी मुहूर्त ट्रेडिंग झाले. मुहूर्त चांगला झाला की वाईट झाला म्हणायचे कळत नाही.ज्यांना विकायचे होते त्यांच्या दृष्टीने वाईट तर ज्यांना खरेदी करायची होती त्यांच्या दृष्टीने हा आठवडा चांगला होता. कारण मुख्य कल तेजीचा असताना ही एक छोटीशी मंदीची लाट आहे. USA मधील निवडणुका ही मोठी घटना डोळ्यासमोर असल्याने ज्यांना जिथे प्रॉफीट होत आहे ते तो प्रॉफीट बुक करीत आहेत. घाबरण्याचे कारण नाही. पुढील आठवड्यांत सर्व चित्र साफ होईल. व योग्य निर्णय घेणे सोपे जाईल.
BSE निर्देशांक सेन्सेक्स २७२७४ आणी NSE निर्देशांक निफ्टी ८४३३ वर बंद झाले.