आधीच्या आठवड्याचं समालोचन वाचण्यासाठी इथे क्लिक करा

काही नवीन घटना घडतात. अपेक्षेपेक्षा विपरीत परिणाम होतात. त्यामुळे नवे नवे शब्द जन्मास येतात. सध्या आपण ८ नोव्हेंबरपासून ज्याचे परिणाम भोगत आहोत, अनुभवत आहोत किंवा दूरदर्शनवरील वाहिन्यांवर जे कार्यक्रम होतात त्यातून प्रत्येक कंपनीच्या माणसाला विचारणा केली जाते की तुमच्या कंपनीवर डीमॉनेटायझेशनचा काय परीणाम झाला ? ट्रेडर्सनी नवीन घडामोडीमुळे नवे शेअर्स शोधले, या घटनेचे वर्णन निश्चलनीकरण असे मराठीत केले गेले. रीमॉनेटायझेशनचे वर्णन विमुद्रीकरण या शब्दाने केले गेले. ‘दोघांचे भांडण आणी तिसऱ्याचे मरण’ ही नवी म्हण प्रचारात आली. सरकार आणी त्यांच्या काळ्या पैशाबरोबरच्या भांडणामुळे सामान्य माणूस मात्र स्वतःचा कष्टाने कमावलेला पैसा खर्च करताना जेरीस आला.
सध्या मार्केट एका पातळीवर काम करते आहे. डीमॉनेटायझेशनमध्ये रद्द केलेल्या चलनापैकी किती पैसा परत येणार आहे. किती नोटा छापल्या जाणार आहेत. डीमॉनेटायझेशनचा परिणाम कमी होईल का आणी किती वेळात हा महत्त्वाचा प्रश्न आहे. प्रधानमंत्री गरीब कल्याण योजनेला किती पाठींबा मिळेल?यामुळे मार्केटमध्ये किती फंड फ्लो येईल हे समजत नाही. GSTचे भिजत घोंगडे किती वेळपर्यंत चालू राहील हे समजत नाही.
आंतररराष्ट्रीय घडामोडी :-
बँक ऑफ जपानने आपल्या व्याजदरात कोणताही बदल केला नाही.
सरकारी अन्नौंसमेंट ;-

• मायक्रो फायनान्स उद्योगाची SIT (SPECIAL INVESTIGATION TEAM) मार्फत चौकशी करणार आहेत असे समजते.
• सरकारने पेमेंट ऑफ वेजेस कायद्यामध्ये बदल करण्यासाठी वटहुकुम पास केला. पगार थेट बँक खात्यात जमा करण्यासाठी सरकार प्रयत्नशील आहे.
• सरकार सोन्यावरील आयात ड्युटी १०% वरून ६% करणार आहे.
• सरकारने फेज III केबल टी व्ही डिजिटलायझेशनची सीमा ३१ जानेवारी २०१७ पर्यंत वाढवली. तसेच फेज IV केबल टी व्ही डीजीटलायझेशन सीमा ३१ मार्च २०१७ पर्यंत वाढवली आहे.
• सरकारने योग्य पार्किंग प्रमाणपत्र असल्याखेरीज नवीन गाड्यांचे रजिस्ट्रेशन करू नये असा नियम केला आहे.
• क्रूडची वाढती किंमत आणी क्रेडीट कार्ड्सवर दिली जाणारी सूट यांचा विचार करून साधारणपणे प्रती लिटर Rs २ पेट्रोल आणी डीझेलच्या किमतीत वाढ केली.
• अंदाजपत्रकात INFRASTRUCTURE सेक्टरवर जोर असेल त्यामुळे बिल्डींग मटेरीअल बनवणार्या कंपन्यांना फायदा होईल उदा :- मुरुडेश्वर सेरामिक्स, NITKO, NCL, कजारिया

RBI SEBI आणी इतर प्रशासनिक संस्था :-

• RBI ने ३० डिसेंबरपर्यंत प्रत्येक माणसाच्या खात्यात फक्त एकदाच Rs ५००० पेक्षा जास्त रक्कम बंदी घातलेल्या Rs ५०० आणी Rs १००० च्या नोटांच्या स्वरूपात जमा करता येतील. दोन बँक अधिकाऱ्यांनी चौकशी करून जर OK केले तरच जमा केलेली रक्कम खात्यात जमा होईल. असे जाहीर केले. NON-KYC कॉम्प्लायंट खात्यात एकावेळीच आणी जास्तीतजास्त Rs ५०००० जमा करता येतील. या RBI च्या घोषणेनंतर बर्याच लोकांनी प्रक्षोभ व्यक्त केल्यानंतर सरकारने मध्ये पडून KYC कॉम्प्लायंट खात्यामध्ये कोठलीही चौकशी करण्याची जरूर नाही असे जाहीर केले.
• रुपयाचा US $ बरोबरचा विनिमय दर कमी होत आहे. हा दर १ US $ =Rs ६८ पर्यंत खाली आला.

खाजगी कंपन्यांच्या घडामोडी :-

• ‘CEAT’ ही कंपनी टायर उत्पादनक्षमता वाढविण्यासाठी Rs २८०० कोटीची गुंतवणूक करणार आहे.
• अबन ऑफशोअर ही कंपनी अबन ड्रीलिंग या कंपनीत ४०% स्टेक खरेदी करणार आहे.
• झी लर्न आणी ट्री हाउस यांच्या मर्जर मध्ये झी लर्न फसते आहे असे गुंतवणूकदारांचे मत झाले होते. झी लर्न ने हा करार रद्द केला.
• एक्सीस बँकेने आपल्या काही शाखांत झालेल्या घोटाळ्यांचा मागोवा घेण्यासाठी KPMGला ऑडीटर म्हणून नेमले. गुंतवणूकदारांचा विश्वास संपादन करण्यासाठी स्थितीचा आढावा घेतला.
• हिंदुस्थान झिंक ‘BUY BACK’ करेल किंवा खास लाभांश देईल असा अंदाज असल्यामुळे शेअरची किंमत वाढली.
• विप्रोने SEC (SECURITIES AND EXCHANGE COMMISSION) बरोबर करार केला. Rs ५ लाख पेनल्टी भरायचे मान्य केले. ही ६ वर्षांची जुनी केस होती.
• अल्केम LABच्या दमन युनिटला USFDA कडून क्लीन चीट मिळाली.
• रिलायंस होम फायनांसच्या NCD (NON CONVERTIBLE DEBENTURES) इशुला चांगला प्रतिसाद मिळाला. Rs १००० कोटींच्या इशुला Rs ४००० कोटींची मागणी आली.
• ‘DELOITTE’ ह्या ऑडीट फर्मने NSE चे ऑडीट सुरु केले असल्याने NSE चा IPO हे ऑडीट पुरे होईपर्यंत पुढे ढकलला आहे.
• ‘CIPLA’ या कंपनीला UK कडून जनरिक औषधे LAUNCH करण्याची परवानगी मिळाली.
• रबराच्या किमती १ डिसेंबर पासून ७ % वाढल्या. स्वस्त चीनी टायर्सचे ‘DUMPING’ चालूच आहे.
• डिविज LAB च्या विझाग प्लांटच्या USFDA ने केलेल्या निरीक्षणात असे आढळून आले की कॉम्प्युटर सिस्टीमवर योग्य असे कंट्रोल नाही. फॉर्म नंबर ४८३ मध्ये ५ त्रुटी दाखवल्या गेल्या आहेत. त्यामुळे शेअरची किंमत खूप कमी झाली.
• टाटा ग्रूपमधील युद्ध आता ग्रूपच्या सीमा ओलांडून REGISTRAR ऑफ कंपनीज पर्यंत पोहोचले. यातील कटुता वाढतच आहे. त्याचबरोबर हे युद्ध पुष्कळ कालपर्यंत चालू राहील असे वाटते. मिस्त्रीनी टाटा ग्रुपला टाटा करून लढाई कोर्टात नेली. आतातरी टाटाग्रुपच्या शेअरमधील पडझड थांबेल अशी आशा करायला हरकत नाही.

कॉर्पोरेट एक्शन :-

• वेलस्पन एन्टरप्रायझेस ने Rs ६२ प्रती शेअर ‘BUY BACK’ जाहीर केला. कंपनी या ‘BUY BACK’ वर Rs २६९ कोटी खर्च करेल.
• साऊथ इंडिअन बँकेने Rs १४ प्रती शेअर या भावाने आणी १:३ (तुमच्या जवळ ३ शेअर्स असल्यास एक राईट्स शेअर मिळेल) या प्रमाणात राईट्स शेअर्सचा इशू जाहीर केला.
• गोदरेज कन्झ्युमर या कंपनीने आपला ‘चार्म इंडस्ट्रीज’ मधील स्टेक ५०% वरून १००% पर्यंत वाढवला.
• ‘LAURAS LABS” या कंपनीची डिविज LAB शी तुलना केली जाते. या कंपनीच्या शेअर्सचे Rs ४९० ला लिस्टिंग झाले.
• S CHAND & CO. या प्रकाशन क्षेत्रात काम करणाऱ्या कंपनीने Rs ३०० कोटींच्या IPO साठी DRHP दाखल केले.

मार्केटने काय शिकवले :-
सध्या सर्व खाजगी बँकांची नावे बेनामी खात्यांच्या संदर्भात पुढे येत आहेत. पूर्वी आपण सरकारी बँकांना वाईट म्हणत होतो. अशावेळी आपण काय करायचे तर शेअर स्वस्त वाटला तर छोटया प्रमाणात घेऊन थोडासा फायदा घेऊन विकायचा हेच खरे.
डिसेंबरमध्ये नेहमीच ही स्थिती असते. परदेशात सर्वत्र नाताळच्या सणामुळे मार्केटला सुट्या असतात. युरोप, USA सणासुदीच्या मूडमध्ये असतात. मार्केटमध्ये VOLUME कमी असतो. सर्वजण १० जानेवारीनंतर नाताळची सुट्टी साजरी करून आल्यानंतर उत्साहाने ट्रेडिंग सुरु होईल. यावेळी अंदाजपत्रक १ फेब्रुवारी २०१७ ला सादर होईल त्यामुळे १० जानेवारीच्या आसपास त्याबाबतही अंदाज व्यक्त व्हायला लागतील.
सरकारचा डिजिटलायझेशनवरील जोर बघता आणी भारतीय अर्थव्यवस्था कॅशलेस करण्याचा त्यांचा दृढनिश्चय बघता SOFTWARE विकसित करणाऱ्या तसेच सायबर सिक्युरिटीच्या क्षेत्रात काम करणार्या कंपन्याच्या शेअर्सवर लक्ष ठेवणे फायदेशीर ठरेल.
तस्रच डीमॉनेटायझेशन आणी नंतर डिजिटलायझेशनमुळे ट्रेनिंगची जरुरत भासल्यामुळे संगणकाचे ट्रेनिंग देणाऱ्या तसेच STAFF भरती करणाऱ्य कंपन्यांकडे लक्ष ठेवावे. उदा :- NIIT, क्वेस कॉर्प, टीम लीज
‘काळा पैसा’ शोधण्यासाठी ‘डीमॉनेटायझेशन’चे अस्त्र बाहेर काढले खरे पण याचे काही दृश्य तर काही अदृश्य परिणाम झाले काही समजले काही अजूनही समजले नाहीत. चोर शोधण्याच्या प्रयत्नात संन्याशांना फाशी होते अशी शक्यता नाकारता येत नाही. कारण एका धोरणाच्या विरोधात करोडो लोकांची बुद्धी कार्य करीत असते. राजकारण, समाजकारण, अर्थकारण सर्व भानगडी चालू असतात, कोणतीही स्थिती तशीच राहात नाही योग्य संधीची वाट पहा शिकार टप्प्यात येताच फासा टाका. आणि आपला फायदा मिळविण्याचा उद्देश साध्य करा
BSE निर्देशांक सेन्सेक्स २६०४० वर तर NSE निर्देशांक निफ्टी ७९८५ वर बंद झाला.

आधीच्या आठवड्याचं समालोचन वाचण्यासाठी इथे क्लिक करा
फेडच्या मीटिंगचे दळण एकदाचे संपले. कटकट संपली. सर्वांना हायसे वाटले. किती दिवसापासून चालू होती फेडच्या मीटिंगची चर्चा! सगळे कंटाळले होते. दरवेळी जर परीक्षेची तारीख पुढे ढकलली गेली तर विद्यार्थी कंटाळतात. नंतर म्हणतात काय व्हायचे ते होऊ दे एकदाचे, पण परीक्षा होऊन जाऊ दे. तसेच झाले होते. ग्रहण सुटले आणि गुंतवणूकदार निर्णय घेण्यास मोकळे झाले.
 
आंतरराष्ट्रीय घटना

• फेडने यावेळी आपला व्याजाचा दर २५ बेसिस पॉइन्ट वाढवला. त्याचबरोबर २०१७ या आर्थिक वर्षांत फेड ३ वेळेला दर वाढवेल असे जाहीर केले. USA मधील महागाईतील वाढ २ % पर्यंत पोहोचली आहे, बेकारी कमी झाली आहे,
• अध्यक्ष म्हणून निवडून आलेल्या ट्रम्प यांनी करांत सवलती आणी INFRASTRUCTUREमध्ये सरकार जास्त गुंतवणूक करेल असे जाहीर केल्यामुळे फेडने आपले दीर्घ मुदतीचे व्याजदराचे लक्ष्य वाढवले आहे.
• USA मधील १९ राज्यसरकारांनी सहा जनरिक औषध निर्मात्यांविरुद्ध (त्यांत MYLANNV, ऑरोबिंदो फार्मा आणी चार इतर कंपन्या याचा समावेश आहे) कोर्टात केस दाखल केली आहे.
• चीनमध्ये रबराचा STOCK कमी आहे रबराच्या किंमती ७८% वाढल्या आहेत. याचा परिणाम टायर उत्पादन करणाऱ्या कंपन्यांवर होईल.

सरकारी अन्नौंसमेंट

• सरकारने १५ डिसेंबर पासून Rs५०० आणी Rs १००० च्या नोटा व्यवहारातून संपूर्ण बंद केल्या. आता ३० डिसेंबर २०१६ पर्यंत तुम्ही तुमच्या बँक खात्यात तुमच्याजवळ असलेल्या नोटा भरू शकता.
• सरकारने डीजीटल पेमेंटसाठी निरनिराळ्या योजनांखाली सूट आणी बक्षिसे जाहीर केली.
• नीती आयोगाच्या ‘लकी ग्राहक योजना’ आणि ‘दिगी-धन व्यापार योजना’ २५ डिसेंबरला सुरु होतील. या योजना पेमेंट कॉर्पोरेशन ऑफ इंडिया १०० दिवासापर्यंत चालवेल. या योजनांवर सरकार Rs ३४० कोटी खर्च करेल.
• सेफगार्ड PANELने UNWROUGHT ALUMINIUM वर सेफगार्ड ड्युटी लावायची गरज नाही अशी शिफारस केली.
• सरकार आजारी सार्वजनिक क्षेत्रातील सरकारी कंपन्यांची जमीन NBCC आणी EIL या सरकारी कंपन्यांच्या ताब्यात देईल. कोठल्याही खाजगी क्षेत्रातील कंपन्यांना विकणार नाही. सरकार ‘स्कूटर इंडिया’ या कंपनीचे Rs ५०० कोटी खर्च करून पुनरुज्जीवन करणार आहे. हाल या कंपनीचा एक प्लांट खरेदी करणार आहे.
• सरकार कोचीन शिपयार्ड, HUDCO, HAL या सरकारी कंपन्यांमधील आपला स्टेक कमी करून (IPO आणी OFS च्या माध्यमातून) Rs १२००० कोटी गोळा करणार आहे
• सरकारने पोर्ट ऑथारीटी बिल मंजूर केले. यामुळे आता पोर्ट ऑथारीटीची जमीन ४० वर्षापर्यंत लीजवर देता येईल.
  सरकार डिजिटल यूज वाढवण्यासाठी इंधन खरेदीसाठी, रेल्वेला पेमेंट करण्यासाठी, टोल पेमेंट, अपघात विमा यांत सूट जाहीर करत आहे.
• राजस्थान सरकारने पर्यावरणाच्या संरक्षणासाठी BOSCH या कंपनीला आपला जयपूर येथील प्लांट बंद करण्यासाठी घेतलेला निर्णय रद्द केला.

अर्थव्यवस्थेच्या गोष्टी

• भारताची ट्रेड डेफिसिट US $१३.०१ बिलीयान एवढी झाली. नोव्हेंबर २०१६ महिन्यात निर्यात US $ २०.०१ आणि आयात US $ ३३.०१ बिलियन एवढी होती.
• अप्रत्यक्ष कराचा भरणा वाढला आहे. इन्कम डिक्लरेशन योजनेचा उपयोग होत आहे.
• नोव्हेंबरमध्ये CPI (CONSUMER PRICE INDEX) ३.१५ % आणि WPI ( WHOLESALE PRICE INDEX) ३.६ % दोन्ही ५ महिन्यांच्या कमीतकमी स्तरावर होती. त्यामुळे महागाई कमी होत असल्याचा दिलासा मिळाला.
• IIP चे आकडे या वेळेला ऑक्टोबरमध्ये -१.९% आले. चांगला पाउस होऊन आणी सणासुदीचा मोसम असूनही IIP निगेटिव्ह आल्यामुळे जरा निराशेचे वातावरण निर्माण झाले.

RBI सेबी आणी इतर प्रशासनिक संस्था

• RBI ने ज्या जनधन खात्यांमध्ये Rs ५ लाख ज्ञमा आहेत आणी जर त्या खात्यामध्ये ८ नोव्हेंबर नंतर Rs २००००० जमा केले असतील तर त्या खात्यामध्ये PAN कार्ड किंवा फॉर्म न. ६० भरल्याशिवाय या खात्यातून पैसे काढता किंवा या खात्यात पैसे भरता येणार नाहीत.
• सुप्रीम कोर्टाने सर्व हायवेजवर दारूबंदीचा आदेश दिला.

खाजगी कंपन्यांच्या घडामोडी

• साउथ इंडिअन बँकेने २१ डिसेंबरला राईट्स इशूवर विचार करण्यासाठी बोर्ड ऑफ डायरेक्टर्सची मीटिंग बोलावली आहे.
• ओंकार स्पेशालिटी या कंपनीला ‘BETA KETOSTAR’ हे चौथे पेटंट मिळाले .
• WOCKHARDT या कंपनीच्या दमण, शेंद्र, चिखलठाणा L1 येथील युनिटसाठी UK ने परवानगी दिली. येथून २५ लाखाची विक्री होते.
• फोर्टिस हेल्थकेअरच्या प्रमोटर्सनी १२ डिसेंबर रोजी ९६.७ लाख शेअर्स सोडवले. तर रेलिगेअरच्या प्रमोटर्स नी १९ लाख शेअर्स सोडवले.
• ट्री हाउस या शिक्षण क्षेत्रात काम करणाऱ्या कंपनीने कॅश क्रंच मुळे आपल्या ११९ शाखा बंद केल्या.
• बजाज ऑटो या कंपनीने ‘DOMINOR’ 400CC हे नवीन बाईकचे मॉडेल Rs १,३६ ते Rs १.५० लाख किमतीला बाजारात आणले. कंपनीची प्रत्येकवर्षी २००००० युनिट विकण्याची योजना आहे.
• BAXTER या कंपनीने ( USA बेस्ड) CLARIS लाइफसायन्स या कंपनीची १०० % सबसिडीअरी CLARIS INJECTIBLES Rs ४२३८ कोटींना खरेदी केली परंतु क्लारीस लाईफसायन्स या कंपनीला USFDAने फॉर्म न,. ४८३ इशू केल्यामुळे शेअरची किमत खूप वाढली नाही.
• येस बँक, HDFC बँक, NMDC या कंपन्यांनी ADVANCE कर पूर्वीच्या वर्षापेक्षा जास्त भरला.
  J & K बँक, कोल इंडिया या कंपन्यांचे निकाल असमाधानकारक होते.
• दिलीप बिल्डकॉनला आंध्र सरकारकडून Rs २६० कोटींची ऑर्डर मिळाली.
• BHELला रेल्वेकडून Rs २०० कोटींची ऑर्डर मिळाली.
• AZZ इन्फ्राला दिल्ली मेट्रो कडून Rs ३९.३ कोटींची ऑर्डर मिळाली.

कॉर्पोरेट एक्शन

• ALCARGO Rs १९५ प्रती शेअर या भावाने १२४.८ शेअर्स BUY BACK करणार आहे.
• TCI या कंपनीमधून डीमर्ज झालेल्या TCI एक्स्प्रेसचे लिस्टिंग झाले.
• LAURENCE LAB चे १९ डिसेंबरला लिस्टिंग आहे हा IPO ४ ते ५ वेळेला ओवर सबस्क्राईब झाला होता. इशू प्राईस Rs ४२८ आहे ग्रे मार्केटमध्ये Rs २५ प्रीमियम चालू आहे. लिस्टिंग झाल्यावर शेअर कोणत्या ग्रूपमध्ये टाकला आहे हे बघूनच ट्रेडिंग करावे.
• गीतांजली जेम्स ‘नक्षत्र वर्ल्ड’ या नावाने IPO आणत आहे.
• म्युच्युअल फंड्स आपल्या फंड ALLOCATION पोलिसी बदलत आहेत GST, अंदाजपत्रकातील तरतुदी यांचा विचार करून पोलिसी ठरवू. आतापर्यंत कमोडीटीज, मेटल्स यावर अंडरवेट होते. कॅश क्रंच मुळे ग्रामीण आणि अर्धशहरी भागातील मागणी कमी होण्याची शक्यता आहे. रीमॉनेटायझेशन होऊन परिस्थिती पूर्ववत व्हायला सहा महिने वर्ष तरी लागेल. FII विकत आहेत आणी DII परिस्थितीचा अंदाज घेत आहेत
• ‘DOXYCLINE’ हे ड्रग हिक्मा कंपनीने विकणे बंद केले. त्यामुळे या औषधाचे शॉरटेज निर्माण झाले. त्यामुळे सन फार्माच्या ‘TARO’ या कंपनीने या औषधाची किंमत वाढवून खूप नफा मिळवला. सम फार्माला या औषधातून झालेल्या फायद्याची रक्कम सरकारला द्यावी लागणार आहे.

मार्केटने काय शिकवले
गेले जवळ जवळ दोन महिने काही मुलभूत गोष्टींकडे मार्केटचे लक्ष होते. २ दिवसापूर्वीची HPCL BPCL IOC या OMC कंपन्यांच्या शेअरची हालचाल पाहिली तर समजते की ऑईलच्या किमती वाढणार म्हणून शेअर वाढले नंतर सरकार मध्ये पडले आणी ऑईल आणि Gasच्या किमती वाढवू नयेत असे सुचवले. नंतर पुन्हा भविष्यात या किंमती वाढणार आहेत असे कळल्यावर शेअर्सच्या किमती पुन्हा वाढल्या. म्हणजेच मुलभूत गोष्टींकडे लक्ष देणे गरजेचे आहे.
मार्केटने फेड २५ बेसिस पाईंट वाढवणार हे गृहीत धरले होते. . दर अपेक्षेप्रमाणेच वाढले त्यामुळे मार्केट्ची प्रतिक्रिया अपेक्षित अशीच झाली. जर फेडने रेट वाढवले नसते किंवा ५० बेसिस पाईंट रेट वाढवले असते तर मार्केट्ची वेगळी प्रतिक्रिया दिसली असती. हिवाळी अधिवेशन कोणतेही कामकाज न होताच संपले आता मार्केटला पुढील ट्रिगर म्हणजे १ फेबृआरीला सादर होणारे अंदाजपत्रक होय
BSE सेन्सेक्स .२६४८९ आणी NSE निफ्टी ८१३९ वर बंद झाले.
 

आधीच्या आठवड्याचं समालोचन वाचण्यासाठी इथे क्लिक करा
भारतात राजकीय स्थैर्य आहे. पण जगातील घटनांकडेसुद्धा लक्ष द्यावे लागते. इटलीमध्ये लोकांच्या सार्वमताचा कौल पंतप्रधानांच्या मताविरुद्ध गेल्यामुळे त्यानी राजीनामा दिला. इटलीमध्ये पुन्हा सार्वत्रिक निवडणुका होण्याची शक्यता आहे. युरोचा विनिमय दर २० महिन्यांच्या कमीतकमी स्तरावर आहे तर क्रूडची किंमत सन २०११ नंतर वाढून US $ ५४ वर पोहोचली. गेल्या दोन वर्षांत युरोझोनमध्ये फाटाफूट होताना दिसते आहे, सदस्य देशांमध्ये युरोझोन मधून बाहेर पडावे असा विचार जोर धरत आहे. याचा प्रभाव २०१७ च्या सुरुवातीला सदस्य देशांमधील निवडणुकांत दिसून येईल. राजकीय अस्थिरतेचा परिणाम बँकिंग उदयोगावर आणी शेअर मार्केटवर होतो. या दोन्ही क्षेत्रात ‘kneejerk reaction’ होण्याची शक्यता असते. परंतु येथे हे लक्षांत ठेवले पाहिजे की सगळया देशांमध्ये होणाऱ्या सगळया घटनांचा परिणाम शेअर्सच्या किंमतीवर होतो असेच नाही,
आंतरराष्ट्रीय घडामोडी

• इटलीमध्ये काही वैधानिक सुधारणा कराव्यात की नाही यावर घेतलेले सार्वमत ‘नो’ (म्हणजेच सुधारणा करू नये) आले त्यामुळे इटलीच्या पंतप्रधानांनी राजीनामा दिला. यामुळे इटलीमधील बँकिंग उदयोग अडचणीत येईल असा अंदाज वर्तवला जात आहे.
• ओपेक आणी रशिया यांच्यात क्रूडचे उत्पादन नियंत्रित करण्याचा करार झाल्यामुळे आणि US$ WEAK झाल्यामुळे आणि USA मधील क्रूडचा साठा कमी झाल्यामुळे आंतरराष्ट्रीय बाजारांत क्रूडचे भाव वाढण्यास सुरूवात झाली.
  ८ डिसेंबरला ECB ची मीटिंग आहे. या मीटिंगमध्ये Q.E. (QUANTITATIVE EASING) चालू ठेवण्याची शक्यता वाटत आहे.
• USAचे निवडून आलेले प्रेसिडेंट ट्रम्प आपल्या मंत्रिमंडळातील निरनिराळया खात्यांसाठी मंत्री निवडत आहेत. त्याकडेही मार्केटचे लक्ष आहे. त्यामुळे USAच्या भावी धोरणांचा अंदाज येतो.
• USA मध्ये प्रिस्क्रिप्शन ड्रगच्या  किंमती कमी करणार आहेत.
• FOMC ची १३ आणि १४ डिसेंबर २०१६ ला मीटिंग आहे यात दर वाढीचा फेड विचार करेल.

सरकारी घोषणा

• सरकारची डीमॉनेटायझेशनची मोहीम जोरांत चालू आहे. हळू हळू पण निश्चीतपणे Rs ५०० आणी Rs १००० च्या नोटा व्यवहारातून  रद्द करत आहे. आता तुम्ही फक्त आपल्या बचत किंवा चालू खात्यांत ३० डिसेंबर २०१६ पर्यंत या नोटा  भरू शकता.
• डीमॉनेटायझेशनचा परिणाम म्हणून  ज्युवेलरी, जडजवाहीरात, यांची मागणी लग्नसराई असूनही ८०% घटली आहे
• सरकारने खतासाठी दिली जाणारी सबसिडी चालू ठेवण्याची घोषणा केली.
• सरकार गव्हावर लावली जाणारी आयात ड्युटी रद्द करणार आहे.
• सरकारने १००० EVM (इलेक्ट्रोनिक व्होटिंग मशीन) खरेदी करण्यासाठी मजुरी दिली. ही मशीन फक्त BEL ( भारत इलेक्ट्रोनिक लिमिटेड) तयार करते. त्यामुळे या सरकारी निर्णयाचा फायदा ‘BEL’ ला होईल.
• १ फेबृआरी २०१७ ला अंदाजपत्रक सादर केले जाणार आहे. यांत सरकारी आजारी कंपन्यांची कर्जे माफ केली जाण्याची आणी त्यांचे पुनरुज्जीवन केले जाण्याची शक्यता आहे. उदा. HMT ITI
• सरकार लोकल डिफेन्स गीयर मेकर्सना Rs ८६३५० कोटींची ऑर्डर देणार आहे. यावेळी भारत गिअर, शांती गिअर अशा कंपन्यांच्या शेअर्स ची किंमत वाढली. पण ही वाढ टिकाऊ आहे का? हा विचार करायला पाहिजे. कोणत्याही कंपनीला ऑर्डर मिळाली हे समजल्याशिवाय खरेदी करू नका. यापैकी कोणत्याही कंपनीचे शेअर्स पडून असतील आणी चांगला भाव येत असेल तर विकून टाकायची हि चांगली संधी आहे.
• वेस्ट बेंगाल, बिहार ओरिसा या राज्यांत सिमेंटच्या किंमती कमी केल्या.

RBI SEBI आणी इतर प्रशासनिक संस्था

• RBI ने आपल्या कोणत्याही दरांत तसेच CRR मध्ये बदल केला नाही. बँकांसाठी जो सप्टेंबर १६ पासून नोव्हेंबरला  ११ पर्यंत आलेल्या कॅश वर १००% CRR लावला होता तो १० डिसेंबर पासून रद्द केला जाईल असे जाहीर केले. भारताच्या प्रगतीचे लक्ष्य ७.६ % वरून ७.१ % केले. RBI ने जर रेट कट केला तर अर्थव्यवस्थेला RBI च्या सपोर्टची गरज आहे असा संकेत बाहेर जावा असे RBI ला वाटत नाही. ज्या चलनी नोटा ३० डिसेंबरला रद्द केल्या जातील त्यांची रक्कम लाभांश म्हणून सरकारला  दिली जाणार नाही.
• कोर्टाने जन धन खात्यांत पैसे काढण्यावर जी मासिक Rs १०००० ची मर्यादा घातली आहे तिच्याविरुद्ध केलेला अर्ज कोर्टाने फेटाळून लावला. हा धोरणात्मक निर्णय असल्यामुळे कोर्ट यांत ढवळाढवळ करू शकत नाही असा निर्णय दिला. सुप्रीम कोर्टांत आज डीमॉनेटायझेशन विषयक केसच्या सुनावणी मध्ये कोर्टाने सरकारला तीन बाबींविषयी माहिती विचारली. रीमॉनेटायझेशन करण्यासाठी अजून किती वेळ लागेल. बँकांना कॅशमध्ये  नियंत्रित (RATION) रक्कम का दिली जात आहे. आणी सरकार सहकारी बँकेतील ठेवीविषयी काय उपाय करीत आहे. सरकारने कोर्टाच्या करविषयक आणी अर्थविषयक धोरणात्मक बाबतीत निर्णय देण्याच्या अधिकारावर प्रश्न उपस्थित केला,

खाजगी कंपन्यांच्या घडामोडी

• CROMPTONने पॉवेल स्पेंको बरोबर केलेला शेअर्स खरेदी करण्याचा करार रद्द केला. CROMPTONचे दुसऱ्या तिमाहीचे निकाल चांगले आले.
• हिंदुस्थान झिंक ही वेदांत ग्रुपची कंपनी आता सोलार बिझिनेसमध्ये Rs ६८० कोटींची गुंतवणूक करणार आहे.
• DIVI’s LAB या कंपनीच्या विशाखापट्टणम युनिटची USFDA ने तपासणी केली.या कंपनीचे ७०% उत्पन्न या युनिटमधून येते.
• टाटा स्टील च्या UK मधील युनियन बरोबरची बोलणी यशस्वी झाली. टाटा स्टील मधील वर्तमान पेन्शन योजना बंद करून दुसरी COMPETITIVE DEFINED CONTRIBUTION SCHEME सुरु करणार आहे.
• M &M AGRI नेदरलँड्स स्थित OID होल्डिंग मधील ६०% स्टेक खरेदी करणार आहे.
• टाटा  मोटर्सला आर्मीकडून मोठी ऑर्डर मिळाली.
• Dr REDDY’s ने ANTI FUNGAL क्रीम USA मार्केटमध्ये लोंच केले आहे.
• रिको या कंपनीच्या शेअर्समधील ट्रेडिंग १३ डिसेंबर २०१६ सस्पेंड करण्यांत आले आहे.
• KEC INTERNATIONAL या कंपनीला Rs ८४० कोटींची ऑर्डर मिळाली.
• १ डीसेंबर २०१६ रोजी सन फार्मा या कंपनीच्या हलोल येथील उत्पादन युनिटचे USFDA ने इन्स्पेकशन केले. USFDA ने १४ पानी 483 नम्बरचा रिपोर्ट दिला.
• सागर सिमेंट या कंपनीने ६.१ लाख शेअर्स प्रेफरनशिअल बेसिसवर Rs ८०० प्रती शेअर या भावाने इशू केले.
• ONGC विदेशने असे सांगितले की भारत आणी रशिया, चीन आणी म्यानमारमार्गे पाईप लाईन टाकण्याचा विचार करीत आहेत.
• M & M ने ‘NO PRODUCTION’ दिवस जाहीर केले. त्यांनी सांगितले की आम्ही ‘PULL’ बेसिसवर काम करतो.

कॉर्पोरेट एक्शन

• पोलारीस या कंपनीचा OFS Rs १३० प्रती शेअर या भावाने येत आहे. या कंपनीत प्रमोटरचा स्टेक ७८% आहे तो कमी करण्यासाठी OFS आणत आहेत. मार्केटमध्ये या शेअरचा भाव Rs १५५च्या आसपास आहे.
• लौरेल LABS या कंपनीच्या IPO ची रक्कम कर्ज फेडण्यासाठी वापरण्यांत येणार असल्यामुळे IPO ला थंडा प्रतिसाद मिळाला.
• गुरुवार ८ डिसेंबर रोजी मार्केट खूप आशादायी होतं. आतापर्यंत ज्या ज्या वेळी RALLY आली त्या त्या वेळी VOLUME नव्हते जे शेअर वाढत होते त्या शेअर्समध्ये VOLUME ही चढे होते. जे शेअर  पडत होते त्यांत VOLUME मध्ये कमी वाढ होत होती. कॅशलेस अर्थव्यवस्थेचा सरकारतर्फे जोराचा प्रचार चालू आहे. याचा फायदा टी व्ही एस इलेक्ट्रोनिक्स, आर. एस. सॉफटवेअर, न्युक्लीअस सॉफटवेअर, क्विक हील. डीलिंक, एच सी एल इन्फो, ORIONPRO, तानला सोल्युशन्स, रामको सॉफटवेअर इत्यादी कंपन्यांना होईल.

मार्केटने काय शिकविले
“ऐकावे जनाचे आणि करावे मनाचे’ या उक्तीचा प्रत्यय RBI च्या वित्तीय पॉलिसीच्या वेळेस आला. दूरदर्शन वाहिन्यांमुळे RBI च्या पोलीसीचा गाजावाजा प्रमाणाबाहेर होतो. लोकांची, तज्ञांची, विश्लेषकांची मते सांगितली जातात. प्रत्येकाने .२५ बेसिस पॉइंट रेट  कट होईल असे भाकीत केले होते. पण ६५% लोक ५० बेसिस पॉईण्ट रेट कट केला जाईल असे म्हणत होते. पण घडले भलतेच! RBIने बिलकुल रेट कट केला नाही त्यामुळे आपला आपणच सारासार विचार करून निर्णय घ्यावा.
शीला फोम या ‘स्लीप वेल’ ब्रांड MATTRESS  बनवणार्या कंपनीचे लिस्टिंग आज इशू प्राईसच्या वर Rs ३०० झाले. हा शेअर Rs ८८१ ला लिस्ट झाला आणी Rs १०३२ पर्यंत वाढला. सर्व तज्ञ विश्लेषक यांनी इशू प्राईस महाग आहे सबस्क्राईब करताना सावधगिरीचा इशारा दिला होता. मग हे लिस्टिंग ‘कन्झ्युमर व्हीजीबिलीटी’ ला एक प्रकारे गुंतवणूकदारांनी दिलेली सलामी मानावयाची की निसर्गाचे, सरकारचे, आणी आता शेअर मार्केटचे मन कोणी जाणू शकत नाही असे म्हणायचे!
फिस्कल स्टीमुलस वाढत आहे. मॉनेटरी पॉलिसीतून सपोर्ट देणे बंद केले आहे. याचा परिणाम broader मार्केटवर होईल. रस्ते पूल बंदरे धरणे म्हणजेच इन्फ्रास्ट्रक्चरवर भर दिला जाईल. म्हणजे BSE 500 मधील शेअर्स वाढतील. पण त्यामानाने निफ्टी मधील शेअर्स कमी प्रमाणांत वाढतील. कारण सर्वांच्या लक्षांत आले आहे की मॉनेटरी पॉलिसीतून लिक्विडीटी दिली तरी पैसा परदेशांत जातो. त्यामुळे आपल्या अर्थव्यवस्थेला फायदा होत नाही.
जागतिक स्तरावर आढावा घेतल्यास असे आढळते की सध्या कमोडीटी बेस शेअर्स चालत आहेत. मेटलच्या किंमती वाढत आहेत. चीनची आयात वाढत आहे. नॉन ओपेक देश ओपेकचा निर्णय मानायला तयार दिसत नाहीत. पण IT आणि फार्मा क्षेत्रातील शेअर्स मागे पडले आहेत. अर्थातच दुसरी बाजू म्हणजे क्वालिटी कंपन्यांचे शेअर्स योग्य भावांत घेण्याची संधी मिळणार असे वाटते. शेवटी निर्णय तुमचा. ट्रम्प  निवडून येणं, RBI ने रेट कट न करणे हे दोन धक्के मार्केटने पचवले. आता पुढील आठवड्यांत FED च्या निर्णयाचा धक्का मार्केटला सोसेल का ? बघू काय होतं

आधीचा भाग वाचण्यासाठी इथे क्लिक करा
डीमॉनेटायझेशनचे किर्तन सुरु होऊन तीन आठवडे झाले. तरी गोंधळाची स्थिती संपत नाही. डीमॉनेटायझेशनमुळे जी अनिश्चितता निर्माण झाली आहे त्यामुळे ट्रेडर्स किंवा गुंतवणूकदार ही अनिश्चितता संपण्याची वाट पाहत आहेत. धोरणामध्ये निश्चितता नाही पण ध्येय मात्र निश्चित आहे . ध्येयाच्या दिशेने जाण्यासाठी जे जे बदल करावे लागत आहेत ते ते सरकार आणी RBI करीत आहे. रोज आज काय निर्णय घेतला हे पाहावे लागत आहे.
 
आंतरराष्ट्रीय घडामोडी
OPEC च्या  मीटिंगमध्ये असे ठरले की सर्व सदस्य राष्ट्रांनी Jan २०१७ पासून त्यांच्या क्रूड उत्पादनांत ठरावाप्रमाणे कपात करावी. यावेळी या मीटिंगमध्ये रशियाही सामील झाला होता. या उत्पादन कपातीत इंडोनेशिया, लायबेरीआ, आणी नायजेरिया भाग घेणार नाहीत. या मीटिंगमध्ये झालेल्या ठरावाप्रमाणे रशिया ३ लाख BPD  (BARRELS PER DAY), इराक २ लाख BPD, उत्पादन कमी करेल पण  इराणला मात्र सरासरी तत्वावर उत्पादन वाढवायला परवानगी दिली. जर हा उत्पादन कपातीचा निर्णय OPEC सदस्यांनी आणी रशियाने काटेकोर रीत्या पाळला तर क्रूडची किंमत वाढेल. OPEC च्या या निर्णयाचा फायदा ONGC, ऑईल इंडिया, केर्न इंडिया, सेलन एक्स्प्लोरेशन, अबन ऑफशोअर, GAIL, या ओईल आणी GAS क्षेत्रातील कंपन्यांना होईल. विमान वाहतूक कंपन्या आणी ऑईल मार्केटिंग कंपन्यांच्या(HP, BP IOC), पेंट उत्पादन करणाऱ्या कंपन्यांच्या  मार्जिनवर या निर्णयामुळे परिणाम होईल.क्रुद्ची प्राईस जी US $ ४० ते US$ ५० होती ती आता US $ ५० ते US $ ६० होईल असा अंदाज आहे. आता  वाढणारा क्रूडचा दर आणी रुपयाचा कमी होणारा विनिमय दर याची सांगड घालूनच निर्णय घ्यावा लागेल. क्रूडची किंमत US $ ५५ प्रती BARREL आणी रुपयाचा US $ बरोबरचा विनिमय दर १ US $ =Rs ७० ही लक्ष्मण रेषा समजावी. ओपेक कराराची अंमलबजावणी कशी होते याकडे पाहवे लागेल
सरकारी अन्नौंसमेंट

• सरकारने ‘प्रधानमंत्री गरीब कल्याण योजना ‘ या नावाने अघोषित धन जाहीर करण्याची योजना आणली. या योजनेप्रमाणे उत्पन्न जाहीर करणार्याला अघोषित उत्पन्नाच्या २५% रक्कम जमा करावी लागेल. अघोषित उत्पन्नावर ३० % आयकर + कराच्या ३३% प्रधानमंत्री गरीब योजना सेस + १०% पेनल्टी भरावी लागेल. या योजनेद्वारे जमा झालेली रक्कम हौसिंग, जलसिंचन, शिक्षण आणी इन्फ्रास्ट्रक्चर प्रोजेक्ट्ससाठी वापरली जाईल.
• सरकारने BRANDED सोन्याच्या कॉईन वरील एक्साईज ड्युटी रद्द केली. याचा फायदा TBZ, PC  ज्युवेलर्स, TITAN इत्यादी कंपन्यांना होईल.
• ओडिशा राज्य सरकारने ‘मेक इन ओडिशा’ हा कार्यक्रम जाहीर केला आहे. यामध्ये सर्वांत जास्त गुंतवणूक ‘वेदान्ता’ ग्रुपने केली आहे. JSW स्टील ही कंपनी सुद्धा या योजनेत गुंतवणूक करणार आहे.

RBI सेबी आणी इतर प्रशासनिक संस्था

• RBI ने बँकांना १६ सप्टेंबर ते ११ नोव्हेंबर २०१६ या मुदतींत ठेवींमध्ये जमा झालेली १००% कॅश CRR ( CASH RESERVE RATIO) खाली ट्रान्स्फर करावयास सांगितली. या निर्णयाचा फेरविचार ९ डिसेंबरला केला जाईल असे RBI ने कळवले आहे. RBI च्या या निर्णयाचा परिणाम म्हणून सर्व बँकांनी मुदत ठेवींवरचे व्याजदर कमी करायला सुरुवात केली.
• RBI ने प्रधान मंत्री जन धन योजनेखाली उघडलेल्या आणी KYC( KNOW YOUR CUSTOMER)  प्रक्रिया पूर्ण झालेल्या खात्यांमध्ये Rs १०००० प्रती महिना आणी ज्या जन धन खात्यांमध्ये KYC प्रक्रिया पूर्ण झालेली नसेल त्या खात्यांत प्रती महिना Rs ५००० काढायला परवानगी दिली. त्या त्या बँक शाखेचा व्यवस्थापक परिस्थितीचे सत्यापन करून खातेदाराला जास्त रक्कम काढण्याची परवानगी देऊ शकतो.
• RBI ने MSS (MARKET STABILIZATION SCHEME) च्या लीमिटमध्ये वाढ केली. पण ती फक्त २८ दिवसांपुरती असेल असे जाहीर केले. या अवधीत RBI २८ दिवसांच्या मुदतीची कॅश MANAGEMENT बिल्स इशू करेल.
• आपल्याकडे जमा झालेले पैसे कुणी बँकेत भरायला ( जुन्या Rs ५०० आणी Rs १००० च्या नोटा सोडून) जात नव्हते. हे ओळखून  RBI ने सर्व सामान्य खात्यातून रक्कम काढण्यावर घातलेली मर्यादा काढून टाकली त्यामुळे आता लोक बँकेमध्ये पैसे भरू लागतील. त्यामुळे कॅशचे सर्क्युलेशन वाढेल.
• दिल्ली हायकोर्टाने ३४४ FDC ( FIXED DRUGS COMBINATION) औषधांवर बंदी घालणारे मार्च १० २०१६ चे सरकारी नोटिफिकेशन रहित केले. याचा फार्मा कंपन्यांना होईल.

अर्थव्यवस्थेच्या गोष्टी

• शेती आणी शेतीशी संलग्न उद्योग आणी सरकारी खर्च या मुळे  जुलें ते सप्टेंबर २०१६ या तिमाहीमध्ये आर्थिक प्रगतीचा वेग ७.३% राहिला. हा प्रगतीच्या वाढीचा दर डीमॉनेटायझेशनमुले तिसऱ्या तिमाहीत कमी होण्याची शक्यता आहे.
• नॉनटँक्स रेव्हेन्यूमध्ये वाढ झाल्यामुळे फिस्कल डेफीसीट कमी झाले.

खाजगी कंपन्यांच्या घडामोडी

• सिप्ला या कंपनीचा ‘सिप्ला वेट’ या नावाने animal हेल्थ बिझिनेस आहे. हा बिझिनेस १०० देशांत आहे. हा विकण्याची ‘सिप्ला’ ची योजना आहे. ‘सिक्वेंट सायंटीफिक’ या कंपनी बरोबर याबद्दल बोलणी चालू आहेत.
• राजश्री शुगर त्यांची सबसिडीअरी ‘ट्रायडूंट शुगर’ विकणार आहे.
• ‘सेंच्युरी प्लाय’ या कंपनीचा शेअर २०१४ मध्ये Rs २० होता . तो Rs २५० झाला होता. २८ नोव्हेंबर २०१६ रोजी तो Rs १८२ आहे. म्हणजे त्याची किंमत ३०% ने कमी झाली. म्हणजे तो खरेदीला योग्य आहे का? कंपनीची प्रगती योग्य प्रमाणांत झाली की आणखी काही कारण असावे याचा प्रत्येकाने विचार करून कारणांचा शोध घ्यावा.
• फायझर ही कंपनी ‘कोरेक्स’ या ब्रांडखाली बरीच उत्पादने मार्केटमध्ये आणणार आहे.
• HCC या कंपनीला येत्या ३ ते ४ आठवड्यांत आरबीट्रेशनमुळे Rs २००० कोटी मिळतील.या प्रमाणेच ही कंपनी आपल्या कर्जदारांना शेअर्सचा प्रेफेरंशियल इशू करण्याचा विचार करीत आहे.
• ‘रिलायंस ज्ञीओ’ या रिलायंस ग्रुपच्या कंपनीने आपली वेलकम ऑफर (फ्री वॉइस आणी डेटा) सर्व नव्या आणी जुन्या ग्राहकांसाठी ३१ मार्च २०१७ पर्यंत वाढवली. या नव्या ऑफरला ‘HAPPY न्यू ईअर ऑफर’असे नवे नाव दिले.
• रिलायंस जीओ एक डिजिटल रिटेल इकोसिस्टीम ‘जीओमनी मर्चंट सोल्युशन्स’ या नावाने आणीत आहे. ही सिस्टीम १७००० शहरे आणी ४ लाख खेडेगावातील १९ मिलीयन  रिटेलर्सला लागू होईल
• COMPAT (APPELLETE AUTHORITY)ने  रामको cement वर CCI ( COMPETITION COMMISION ऑफ इंडिया) ने लावलेली Rs २५८ कोटींची पेनल्टी स्थगीत ठेवली.
• मारुतीसारख्या ऑटो क्षेत्रातील दिग्गज कंपनीने त्यांच्या महागड्या मॉडेल्सवर Rs १५००० ते Rs २०००० ची सूट जाहीर केली आहे. त्यामुळे डीमॉनेटायझेशनमुले मागणी कमी झाली आहे यात शंकेला वाव नाही.

कॉर्पोरेट एक्शन

• ‘ऑईल इंडिया’ या सार्वजनिक क्षेत्रातील सरकारी कंपनीने ज्यांच्याकडे ३ शेअर्स असतील तर १ शेअर बोनस म्हणून देण्याची घोषणा केली. या कंपनीचा दुसऱ्या तिमाहीचा निकाल समाधानकारक नव्हता.
• ‘आयडिया सेल्युलर’ ही कंपनी त्यांचा टॉवर बिझिनेस US $ १ बिलियन ला विकणार आहेत.
• टाटा स्टील त्यांचा स्पेशालिटी स्टील बिझिनेस ‘लिबर्टी हाउस’ या कंपनीला US$ १०० मिलियन ला विकणार आहेत.
• टाटा स्टील ‘THYSSENKRUPP’ या जर्मन कंपनीबरोबर करार करणार आहे. ही कंपनी ५०% पेक्षा कमी स्टेक घेईल. हे डील UK मधील कामगार युनियन्सनी समती दिल्यावर होईल. कामगारांसाठी नवी पेन्शन योजना आणली जाईल. नवीन कंपनीचा IPO येईल.
• क्वेस कॉर्प ही कंपनी  ‘मणिपाल इंटिग्रेटेड सर्व्हिसेस’ मधील Rs २२० कोटी एवढा स्टेक खरेदी करणार आहे.
• वर्धमान टेक्स्टाईल या कंपनीने आपल्या शेअर  ‘BUY BACK’ साठी ९ डिसेंबर ही रेकॉर्ड डेट ठरवली.
• IFCI लीड बँक असलेल्या कॉन्सोर्शियम ने SRAVANTHI एनर्जी ही कंपनी विकण्यासाठी ब्लॉकवर टाकली आहे..या कंपनीला Rs १३२० कोटींचे कर्ज आहे.
• ३ आय इन्फोटेक त्यांचे IMS युनिट विकणार आहेत. त्यांनी यासाठी ‘SREI’ या कंपनी बरोबर बोलणी सुरु केली आहेत.
• विप्रो त्यांची इको एनर्जी डिव्हीजन US$७० मिलियन्सला विकणार आहे.
• ल्युपिन आणी ELI LILLY यांनी मधुमेहाच्या औषधासाठी भारतातील भागीदारी वाढवली .’EGLUCENT’ हे औषध एली लिली उत्पादन करून निर्यात करेल आणी ल्युपिन मार्केटिंग आणी विक्री करेल.
• शिल्पा मेडिकेअर ही कंपनी Rs ५६९ प्रती शेअर या भावाने प्रेफरन्स शेअर्स इशू करणार आहे. या कंपनीतील FII ची मर्यादा ३०% वरून ४०% पर्यंत वाढवली आहे.
• व्हीव्हीमेड LABS या कंपनीचे चेन्नई मधील FDF प्लांटचे इन्स्पेक्शन USFDA ने पूर्ण केले. त्यांत काहीही त्रुटी आढळल्या नाहीत.
• नोव्हेंबरमध्ये ऑटो सेल्स कमी झाले. मारुती, आईचर मोटर्स, या कंपन्या सोडल्या तर सर्व ऑटो कंपन्यांचे  सेल्स कमी झाले.
• स्पाईस जेट, मान इन्फ्रा, बालक्रिष्ण इंडस्ट्रीज, महानगर gas, त्रिवेणी इंजिनीरिंग या कंपन्यांचे दुसऱ्या तिमाहीचे निकाल चांगले आले.
• सदभाव एन्जिनीअरिन्ग, NFL टाटा पॉवर या कंपन्यांचे निकाल असमाधानकारक होते.
• FMCG क्षेत्रातील कंपन्या उदा. डाबर, मेरिको, TITAN यांच्या किंमती पडत आहेत.

या आठवड्यांत येणारे IPO

• ‘शीला फोम्स’ या कंपनीचा IPO २९ नोव्हेंबर पासून ओपन होत आहे. प्राईस BAND Rs ६८० ते Rs ७३० आहे. या कंपनीचे मार्जिन २०१३ मध्ये ७% होते ते आता १३ % झाले आहे. ‘स्लीपवेल’ हा कंपनीचा ब्रांड प्रसिद्ध आहे. GST मुळे  कंपनीला फायदा होईल. ही एक DEBT-FREE कंपनी आहे. प्रमोटर्स आपला स्टेक विकत आहेत.
• हैदराबादस्थित LAURUS LABS ही कंपनी Rs ४२६ ते Rs ४२८ या प्राईस BAND मध्ये डिसेंबर ६ २०१६ पासून IPO आणत आहे. ही कंपनी HIV आणी HEPATITIS ड्रग्सच्या  ACTIVE PHARMACEUTICAL INGREDIENTS चे उत्पादन करते.

मार्केटने काय शिकवले
एखादी बातमी आली तर एक भाग असतो तो म्हणजे (१) मला काय वाटतं आणी (२) मार्केट काय करतं त्यातील मार्केट काय करतं, मार्केट्ची प्रतिक्रिया काय आहे याला जास्त महत्व आहे तेव्हा हे समजून घेवून शॉर्ट टर्मसाठी निर्णय घ्यावेत.
सध्या ‘V’ SHAPED रिकव्हरी होते आहे. पण अशी सुधारणा टिकाऊ नसते. बेस तयार होत नाही. FOLLOW ON रिकव्हरी हवी. ज्यावेळी एखादी बातमी येते तेव्हा शेअर वाढावयास सुरुवात होते, पण त्या बातमीचा फायदा त्या कंपन्यांना होणार नाही हे समजताच शेअर पडतो.
कोणालाच सध्या माहीत नाही की उदया सरकार किंवा RBI कोणती घोषणा करेल. त्यामुळे कोणते शेअर्स खरेदी करावेत आणी कोणते विकावेत हे ठरवता येत नाही. त्यामुळे काही काळ गप्प बसावे आणी जे जे  होईल ते ते पहावे, संधी मिळताच फायदा घ्यावा हेच योग्य वाटते.
BSE निर्देशांक सेन्सेक्स २६२३० आणी NSE निर्देशांक निफ्टी ८०८८ वर बंद झाला.