आधीच्या आठवड्याचं समालोचन वाचण्यासाठी इथे क्लिक करा
या आठवड्यात मार्केटने (निफ्टी) ने ८९०० चा टप्पा गाठला. बँक निफ्टीने सुद्धा नवी पातळी गाठली. HDFC बँकेची मार्केट कॅप वाढली. त्यामुळे रिलायंसला मागे टाकत HDFC बँक २ रया क्रमांकावर पोहोचली. प्रथम क्रमांकावर टीसीएस आहे एवढे जरी असले तरी बाकीच्या शेअर्सनी RALLY मध्ये भाग घेतला नाही. HDFC बँकेची ओव्हर ऑल FII लिमिट (७४% ऑफ पेड अप कॅपिटल) ओलांडली त्यामुळे आता FPI (Foreign Portfolio Investor) हा शेअर खरेदी करू शकणार नाहीत. ही गोष्ट HDFC बँकेची जागतिक बाजारातील पत किती चांगली आहे हे दाखवते.
 
आंतरराष्ट्रीय घडामोडी
USA चे अध्यक्ष ट्रम्प यांनी जाहीर केले की सरकार आपले पब्लिक स्पेन्डिंग वाढवेल आणी करांमध्ये सवलती जाहीर करेल या त्यांच्या घोषणेनंतर USA मधील सर्व शेअर मार्केट निर्देशांक वधारले. त्याचबरोबर फेडने आपण लवकरच आपल्या व्याजदरात वाढ करू असे जाहीर केले. जगातील सर्व  निर्देशांकात वाढ झाली.
सरकारी अन्नौंसमेंट

• सरकारने असे सांगितले की विडी सोडून इतर सर्व तंबाखू आणी तंबाखूजन्य पदार्थांवर GST अंतर्गत जास्तीतजास्त म्हणजे २८%+ जादाचा सेस या दराने GST बसवावा. विड्यांवर मात्र सरकार १२% कर लावणार आहे.
• केंद्रीय मंत्रीमंडळाने स्टेट बँक ऑफ इंडिया मध्ये स्टेट बँकेच्या सबसिडीअरिज आणी महिला बँकेच्या मर्जरला मंजुरी दिली. स्टेट बँकेने सांगितले की हे मर्जर एप्रिल २०१७ च्या पहिल्या दोन आठवड्यात पुरे होण्याची शक्यता आहे.
• सरकार आपला पब्लिक सेक्टर बँकांमधील स्टेक लवकरच डायव्हेस्ट करेल. यासाठी नियमांत काही बदल होण्याची शक्यता आहे.
• सरकार POTASH वरची सबसिडी १७% ने कमी करणार आहे.

RBI SEBI आणी इतर प्रशासनिक संस्था
श्री अजय त्यागी यांची सेबीचे प्रमुख म्हणून नेमणूक करण्यात आली. ते १ मार्च २०१७ पासून आपला  कार्यभार  सांभाळतील.
अर्थव्यवस्थेच्या गोष्टी

• IIP (इंडेक्स ऑफ इंडस्ट्रीअल प्रॉडक्शन) डिसेंबर २०१६ मध्ये -०.४% (नोव्हेंबर २०१६ ५.७ %) झाला, वस्तूंचे उत्पादन मागणी कमी झाल्यामुळे कमी झाले. या वेळी कॅपिटल गुड्स (-३%) आणी ग्राहकोपयोगी वस्तूंचे (-६.०८%) उत्पादन कमी झाले. डीमॉनेटायझेशनमुळे मागणी कमी झाल्यामुळे IIP मध्ये घट झाली.
• CPI (कन्झ्युमर प्राईस इंडेक्स) जानेवारी २०१७ मध्ये ३.१७% झाले. अन्नधान्य, भाजीपाला यांची महागाई कमी झाली. हाही डीमॉनेटायझेशनचाच परिणाम म्हणावा का ?
• WPI (WHOLESALE PRICE INDEX) ३.३९% वरून ५.२५ % झाला, गेल्या चार महिन्यातील या निर्देशांकातील ही पहिलीच वाढ आहे. इंधनाच्या किंमतीत सगळ्यात जास्त वाढ झाली
• भारताच्या प्रगतीचे लक्ष्य ७.५ % वरून ६.५% ते ६.७५%पर्यंत कमी करण्यात आले.
• जानेवारी २०१७ या महिन्यासाठी आलेल्या ट्रेड डेटाप्रमाणे भारताची निर्यात सतत पाचव्या महिन्यात वाढली. USA, युरोपिअन युनियन आणी जपान या देशातील मागणी वाढल्यामुळे निर्यात वाढली. जानेवारीमध्ये निर्यात US$२२.१ बिलियन तर आयात US$ ३१.९ बिलियन झाली. अशा प्रकारे US $ ९.८ बिलियन ची व्यापारी तूट राहिली. क्रूडच्या आयातीमध्ये ६१% वाढ झाली.
• आयडिया सेल्युलर, आणी भेल हे दोन शेअर्स ३१ मार्च २०१७ पासून निफ्टीतून बाहेर पडतील आणी IOC आणी इंडियाबुल्स फायनान्स या कंपन्या निफ्टीमध्ये सामील होतील.

खाजगी कंपन्यांच्या घडामोडी

• MAX व्हेंचर्स त्यांचा MAX स्पेशालिटी फिल्म मधील ४९% स्टेक जपानी कंपनीला विकणार आहेत.
• टाटाचा गोंधळ संपल्यावर आता इन्फोसिसमधील संस्थापक त्रयी आणी व्यवस्थापन यांच्यात  कलगी तुरा सुरु झाला. वर्तमानपत्राची पानेच्यापाने भरून कंपनीला प्रसिद्धी मिळाली आता ही इष्ट की अनिष्ट हे आपणच ठरवायचे.
• या आठवड्यात BEML, SJVN, HPCL, MMTC, अडाणी पोर्ट, वेदांत, नाटको फार्मा, फोर्टिस हेल्थकेअर. सद्भभाव इंजीनीअर्स, मदरसन सुमी, AIA इंजीनीअर्स, हिंदाल्को, NMDC, NBCC, ब्रिटानिया, इंफिबीम, KEI इंडस्ट्रीज, नेक्टर लाईफ सायंसेस या कंपन्यांचे तिमाही निकाल चांगले आले.
• पेट्रोनेट एल एन जी, DLF, HDIL, प्रेस्टीज इस्टेट या कंपन्यांचे तिमाही निकाल असमाधानकारक होते
• GVK इन्फ्रास्ट्रक्चर या कंपनीच्या कन्सोर्शियमला नवी मुंबई विमानतळाचे CONTRACT मिळाले.
• कॅनरा बँकेने आपला कॅनफिना होम्स मधील स्टेक विकण्यासाठी मर्चंट बंकर्सची नियुक्ती केली.
• कॅडिला हेल्थकेअर या कंपनीच्या मोरेय्या उत्पादन युनिट साठी USFDA ने फोरम नो. ४८३ इशू केला नाही. कंपनीची पुष्कळ उत्पादने याच उत्पादन युनिट्मधून उत्पादन केली जातात.
• PNB आपले नॉनकोअर ASSETS आपले कॅपिटल वाढवण्यासाठी विकणार आहे.
• बायोकॉन या कंपनीच्या प्रस्तावित ‘बायोसिमिलर’ला USFDA ने मान्यता दिली.
• रुची सोया या कंपनीने पतंजली या कंपनीबरोबर ३ वर्षासाठी करार केला.
• बजाज ऑटो या कंपनीने आपण BS4 नॉर्म्स साठी सज्ज आहोत असे सांगितले.
• MCX हे कमोडीटी EXCHANGE सिंगापूर डायमंड इन्व्हेस्टमेंट EXCHANGE बरोबर करार करणार आहे MCX लवकरच डायमंड CONTRAT लॉनच करणार आहे.
• टाटा मोटर्स या कंपनीचा तिमाही निकाल खुच असमाधानकारक आला. प्रवासी वाहनांच्या व्यापारामध्ये बर्यापैकी प्रगती असली तरी कमर्शियल वाहनांचा व्यापार सुधारणे जरुरीचे आहे. हेजिंग पॉलिसीमुळे तोटा वाढला आहे असे दिसते. व्यवस्थापनाने दिलेला भविष्यासाठी गायडंसही आशादायक नाही.
• HAVELLS ही कंपनी Lloyds इलेक्ट्रिक या कंपनीचा कन्झ्युमर ड्यूरेबल्सचा बिझिनेस खरेदी करण्याच्या विचारात आहे.

कॉर्पोरेट एक्शन

• कॉनकॉर या सार्वजनिक क्षेत्रातील सरकारी कंपनीने १:४ या प्रमाणात बोनस जाहीर केला. तुमच्याजवळ ४ शेअर्स असतील तर तुम्हाला १ शेअर बोनस मिळेल.
• टीसीएस या IT क्षेत्रातील दिग्गज कंपनीने शेअर्स ‘BUY BACK ‘ वर विचार करण्यासाठी २० फेब्रुवारी २०१७ रोजी बोर्ड ऑफ डायरेक्टर्सची बैठक बोलावली आहे. या पाठोपाठ इन्फोसिस, विप्रो, HCL TECH या कंपन्या शेअर ‘BUY BACK’ जाहीर करतील असा गुंतवणूकदारांचा होरा आहे.
• SJVN या सार्वजनिक क्षेत्रातील कंपनीने प्रती शेअर Rs २.२५ अंतरिम लाभांश जाहीर केला. या शेअरर्ची किंमत आता Rs ३४ च्या आसपास आहे म्हणजे हा लाभांश ६.७५% झाला. या लाभांशावर आयकर लागत नाही. त्यामुळे तुम्हाला १ महिन्यात तुमच्या गुंतवणुकीवर ७.५ % एवढा रिटर्न मिळतो. हा लाभांश अंतरिम असल्याने १ महिन्याच्या  आंत तुमच्या बचत खात्याला जमा होतो.
• REC (RURAL ELECTRIFICATION CORPORATION) या कंपनीने Rs ७ प्रती शेअर लाभांश जाहीर केला आहे. याची रेकोर्ड डेट २८ फेब्रुवारी २०१७ आहे.
• सरकार त्यांचा BEL मधील ५%स्टेक संस्थागत गुंतवणूकदारांना विकणार आहे.
• नाल्कोमधील आपला १०% स्टेक OFS च्या माध्यमातून डायव्हेस्ट करणार आहे. यासाठी EDELWEISS ची बंकर म्हणून नियुक्ती केली आहे.
• सरकार आपला ‘IRCON’मधील १०% स्टेक IPO द्वारा ३० सप्टेंबर २०१७ पर्यंत विकणार आहे.
• सुंदरम फायनान्समध्ये इन्शुरन्स, ब्रोकिंग, इनफ्रेट लोंजिस्टिकचा विलय होईल. नंतर सुंदरम फायनान्स इन्व्हेस्टमेंट लिमिटेडचे लिस्टिंग होईल. मर्जर झाल्यावर १:१ शेअर फ्री मिळेल.
• J &K बँक जम्मू आणी काश्मीर सरकार बरोबर ARC बनवणार आहे. या कम्पनीचे भांडवल Rs १०० कोटी असेल. J &K  सरकारचा स्टेक  ५१% असेल. J & K बँकेच्या NPA मध्ये सुधारणा व्हावी हा हेतू आहे.

मार्केटने काय शिकवले
सुप्रीम कोर्टाने तामिळनाडूमधील AIDMK ची सर्वे सर्वा असलेल्या शशीकलाच्या विरोधात निकाल दिला.  तिला ४ वर्ष जेलमध्ये पाठवले. तुम्ही म्हणाल ही घटना पूर्णपणे राजकीय आहे त्याचा शेअरमार्केटशी काय संबंध? शेअरमार्केटवर लहानातल्या लहान घटनेचा परिणाम होतो. कोणत्याही प्रकारची अस्थिरता (राजकीय आर्थिक अगदी सामाजिकसुद्धा) शेअरमार्केटला अपायकारक असते. कारण गुंतवणूकदार आपापल्या परीने या अस्थिरतेच्या परिणामांचा विचार करून खरेदी किंवा विक्री करायला सुरुवात करतात. म्हणजेच ही अस्थिरता हळू हळू शेअरमार्केटमध्ये दाखल होते. या घटनेचा त्वरीत परिणाम म्हणजे सन टी व्ही  आणि राज टी  व्ही चा शेअर वधारला.
सर्वांचे लक्ष उत्तर प्रदेश, पंजाब गोवा उत्तराखंड या राज्यातील निवडणुकांच्या निकालाकडे आहे. पंजाब गोवा. उत्तराखंड राज्यातील मतदान पूर्ण झाले आहे
तर उत्तर प्रदेशातील मतदानाचे दोन टप्पे पूर्ण झाले आहेत या निवडणुकीत मायावतीचे सरकार आले तर JP असोसिएशट, JP  इन्फ्रा, JP पॉवर या कंपन्यांना फायदा होईल असे ट्रेडर्सना वाटले असावे त्यामुळे हे शेअर्स वधारले. मार्केटमध्ये डीस्ट्रीब्युशन आढळते आहे अशावेळी प्रॉफीट बुकिंग करणे योग्य आहे. सध्या स्माल कॅप आणि  मिड कॅप ची rally सुरु आहे. त्याकडे लक्ष ठेवा. २०% ते २५% गुंतवणूक काढून घेवून कॅशमध्ये रहा. म्हणजे चांगली संधी आल्यास चांगल्या शेअर्समध्ये कमी पैशात गुंतवणूक करता येईल भारतीय अर्थव्यवस्थेशी निगडीत शेअर्समध्ये गुंतवणूक करावी. ग्लोबल शेअर्समध्ये गुंतवणूक करताना जास्त काळजी घेणे जरुरीचे आहे.
BSE निर्देशांक सेन्सेक्स २८४६८ वर आणी NSE निर्देशांक निफ्टी ८८२१ वर बंद झाले.

आधीच्या आठवड्याचं समालोचन वाचण्यासाठी इथे क्लिक करा
गेल्या महिनाभर कंपन्यांचे तिमाही निकाल येत आहेत. या निकालातून एक गोष्ट प्रकर्षाने जाणवते. अपेक्षा आणि वास्तव या दोन्ही गोष्टी एकमेकांच्या विरोधात कार्य करीत असतात. आणी हेच दुःखाचे आणि आनंदाचे कारण असते.
यावेळी तिमाही निकाल चांगले लागतील अशी अपेक्षा अजिबात नव्हती. डीमॉनेटायझेशनमुळे कंपन्यांच्या विक्रीवर परिणाम झाला असण्याची शक्यता वर्तवली जात होती. पण बहुतेक कंपन्यांचे तिमाही निकाल चांगले आले. मार्केटने कौतुकाची थाप दिली आणि निफ्टी ८८०० पर्यंत गेला.
आंतरराष्ट्रीय घडामोडी

• USA मध्ये उद्योग, सामान्य जनता यांनी अध्यक्ष ट्रम्प यांच्या इमिग्रेशन पोलीसीचा विरोध करण्यास सुरुवात केली. त्यातच कोर्टाने या निर्बंधांवर स्टे दिल्याने गोंधळ वाढला.
• USA मधील क्रूडचे साठे वाढल्यामुळे क्रूडच्या किमतीच्या वाढीचा वेग कमी होईल.
• टोयोटा आणी सुझुकी या दोन ऑटो क्षेत्रातील दिग्गज कंपन्या मर्जर करण्याच्या विचारात आहेत. यामुळे टोयोटाची हायब्रीड, इलेक्ट्रिकल आणी विनाड्रायव्हर कारच्या बाबतीत असलेली तांत्रिक क्षमता आणी सुझुकीचे जगभर पसरलेले मार्केट यांचा परस्परांना फायदा होईल. टोयोटाला भारतात आपले R &D सेंटर उघडता येईल.

सरकारी अनौंसमेंट

• सरकारने नेमलेल्या कमिटी ऑफ सेक्रेटरीजने १५ वर्षापेक्षा जास्त जुनी असणारी वाहने ( ट्रक्स, बसेस आणी इतर कर्मर्षियल वाहने) स्वेच्छेने मोडीत काढण्यासाठी तयार केलेल्या योजनेला मंत्रिमंडळाने तत्वतः मान्यता दिली. यासाठी खालीलप्रमाने तीन फायदे दिले जातील. (१) नव्या वाहनांवर रोड कर आणी एक्साईज ड्युटीमध्ये ५०% सुट मिळेल. (२) जुन्या वाहनातील SCRAP ला योग्य किंमत (३) आणी वाहन उत्पादकांकडून किंमतीत सुट दिली जाईल.
• सरकारने आपला ITC मधील ‘SUUTI’ (SPECIFIED UNDERTAKING ऑफ UTI) योजनेखाली असलेला २% स्टेक Rs ६७०० कोटींना विकला. यापैकी बहुतांशी शेअर्स LIC ने खरेदी केले. सरकारने या ‘SUUTI’तर्फे होणार्या शेअर्सच्या विक्रीसाठी सर्व क्लीअरंस घेऊन ठेवले आहेत. मार्केटचा मूड बघून सरकार हे शेअर्स विकेल. SUUTI ची स्थापना २००३ मध्ये झाली. SUUTI योजनेखाली एक्सिस बँकेचा ११.६६, ITC चा ११.७७ आणी  L&T मध्ये ८.१८% स्टेक आहे. ज्या कंपन्यांना ‘BAIL OUT’ PACKAGE द्यावे लागते त्या कंपन्यांची मालमत्ता आणि देणी सरकारने ‘SUUTI’ मार्फत खरेदी केली.
• सरकारने ‘ पंतप्रधान ग्रामीण डिजिटल साक्षरता अभियान’ या योजनेला परवानगी दिली. या योजनेचा फायदा HCL INFO, मेगा SOFT, EDUCOM या कंपन्यांना होईल.
• सरकारने हिंदुस्थान झिंक मधील सरकारचा स्टेक डायव्हेस्ट करण्यावर विचार करण्यासाठी एक समिती नेमली.

RBI , SEBI आणी इतर प्रशासनीक संस्था

• RBI ने आपले वित्तीय धोरण ८ फेबृआरी रोजी जाहीर केले . RBI ने आपल्या रेपो रेट, रिव्हर्स रेपो रेट किंवा CRR, SLR यामध्ये कोणताही बदल केला नाही. RBI ने बँकांना सांगितले की बँकांनी RBI ने पूर्वी केलेला रेट कट पूर्णपणे कर्जदारांना द्यावा. यापुढील काळात रेट कट होण्याची शक्यता कमी असल्याचेही जाहीर केले. ‘BAD बँक’ स्थापन करण्याचा विचार चालू असल्याचे सांगितले. सायबर सिक्युरिटी साठी STANDING COMMITTEE स्थापन केली. RBI ने सायबर सिक्युरिटीसाठी १ एप्रिल २०१७ पासून एन्फोर्समेंट विभाग चालू करणार असे सांगितले.
• डीमॉनेटायझेशनच्या वेळी बचत खात्यातून पैसे काढण्यावर घातलेले  निर्बंध RBI ने हळूहळू उठवायला सुरुवात केली. फेब्रुवारी २० पासून दर आठवड्याला Rs ५०,०००, तर मार्च १३, २०१७ पासून हे निर्बंध पूर्णपणे उठवण्यात येतील असे जाहीर केले.
• सुप्रीम कोर्टाने ऐअरसेल MAXIS केसमध्ये मारन बंधूंना निर्दोष ठरवण्याविरुद्ध केलेली याचिका रद्द केली. त्यामुळे सन टी व्ही च्या शेअर्सची किंमत वाढली.
• टेलिकॉम कमिशनने TRAI ने टेलिकॉम कंपन्यांवर लावलेल्या Rs ३०५० कोटी दंडासाठी आणी PIO देण्यासाठी ९० दिवसांच्या मुदतीसाठी स्पष्टीकरण मागितले.
• CCI ने रिलायंस एअरोस्पेस आणी DASSALLTS जॉइंट व्हेन्चरला मंजुरी दिली.
• HPCL या कंपनीला त्यांच्या मुंबईतील Rs ३२०० कोटींच्या विस्तार योजनेला पर्यावरणाची मंजुरी मिळाली.
• MSCI निर्देशांकात ग्रासिम या कंपनीचा समावेश करण्यात आला आहे. तसेच टेक महिंद्र या कंपनीचे वेटेज वाढवण्यात आले आहे.

खाजगी कंपन्यांच्या घडामोडी

• टाटा टेलीसर्विसेस ‘VIOM’मधील आपला ३२% स्टेक अमेरिकन टॉवर कंपनीला विकणार आहे. जर हा व्यवहार एप्रिलपर्यंत पुरा झाला तर टाटा टेलीसर्विसेस या कंपनीला Rs ४५०० कोटी मिळतील.
• वेलस्पन इंडिया ही कंपनी इजीप्सिअन कॉटन असोसिएशन बरोबर करार करणार आहे आणी US $३ मिलियनची गुंतवणूक करणार आहे.
• टाटा एलेक्सी ही कंपनी M स्टार बरोबर सेट टॉप बॉक्स सोल्युशन्स साठी करार करणार आहे.
• ITC ही कंपनी सिगारेटच्या किमतीत १४% वाढ करण्याची शक्यता आहे.
• बाटा, बॉम्बे डाईंग, हिरो मोटो, कल्याणी स्टील, व्येंकीज, ल्युपिन, युनायटेड बँक, एस्कॉर्टस, इप्का labs, सिम्फोनी, स्टेट बँक ऑफ इंडिया,देना बँक, हिन्दुस्थान झिंक अल्केम LAB, सोना कोयो, महाराष्ट्र\ सीमलेस ट्यूब, CESC या कंपन्यांचे निकाल चांगले आले.
• युनियन बँक ऑफ इंडिया, M & M, यांचे निकाल अपेक्षेपेक्षा कमी होते.

कॉर्पोरेट एक्शन

• कॅनरा बँक तुमच्याजवळ असलेल्या १० शेअरला ३ राईट्स शेअर Rs २०७ प्रती शेअर या भावाने देणार आहे. बँकेला यामुळे Rs ११२४ कोटी मिळतील.
• NHPC ही १०% शेअर्स Rs ३२.२५ प्रती शेअर या भावाने STOCK EXCHANGE च्या माध्यमातून ‘BUY BACK’ करणार आहे.
• त्रिवेणी इंजिनीअरिंग ह्या कंपनीने शुगर आणी टर्बाईन बिझीनेस वेगळा काढण्याचा  निर्णय रद्द केला.
• व्होडाफोन आणी आयडीया या कंपन्यांच्या मर्जरसाठी मॉर्गन स्टेनले यांना बँकर म्हणुन नियुक्त केले.
• कॉंकार ही सार्वजनिक क्षेत्रातील सरकारी कंपनीने बोनस इशू करण्यावर विचार करण्यासाठी फेब्रुवारी १३ २०१७ रोजी बोर्ड ऑफ डायरेक्टर्सची बैठक बोलावली आहे.
• पॉली मेडीक्युअर या कंपनीने १:१ बोनस शेअर जाहीर केला.
• प्रकाश इंडस्ट्रीजने PVC पाईप बिझिनेस डीमर्ज करण्यावर विचार करण्यासाठी फेब्रुवारी १४ २०१७ रोजी बोर्ड ऑफ डायरेक्टर्सची बैठक बोलावली आहे
• लाफार्ज होलीसेम ही कंपनी ACC आणी अंबुजा सिमेंट या कंपन्यांचे मर्जर करणात आहे. ACC ही अंबुजा सिमेंटची सबसिडीअरी आहे. या मर्जरमुळे सिनर्जीचे फायदे आणी कॉस्ट कटींग होईल असा अंदाज आहे. ACC ची उत्पादन क्षमता ३४.६ MT तर अम्बुजाची ३० MT आहे. हे मर्जर होणार होणार म्हणून  २०१३ पासून गाजतय . या मधून १+१ =२ का १+१=३ होणार ते पहावे लागेल.
• ICRA ही रेटिंग क्षेत्रातील कंपनी Rs ४५०० प्रती शेअर Rs ४० कोटीपर्यंत ‘buy back’ करणार आहे.
• इन्फोसिस शेअर्स ‘BUY BACK’ करण्याची शक्यता आहे. कंपनी ‘BUY BACK” वर Rs १२००० कोटीपर्यंत खर्च करेल. यामुळे ROE (रिटर्न ऑन इक्विटी) सुधारतो आणी BALANCE SHEET सुधारायला मदत होते.
• DR रेड्डीज चा निकाल ठीक होता पण बहुतेक नव्या प्रोडक्ट्स FY १८ मध्ये लॉनच होणार असल्याने चौथ्या तिमाहीच्या निकालावर परिणाम होण्याची शक्यता आहे. कंपनीच्या श्रीकाकुलम उत्पादन युनिटला कॅनडा हेल्थ आणी जपानी ऑडीटने क्लीन चीट दिली.
• टाटा स्टील्सने स्पेशालिटी स्टील बिझिनेस लिबर्टी हाउस ग्रुपला Rs ६३९ कोटीला विकण्यासाठी करार केला आहे. टाटा स्टील्सचे तिसऱ्या तिमाहीचे निकाल चांगले आले. कंपनी तोट्यातून फायद्यात आली.
• इन्फोसिसची संस्थापक त्रयी आणी व्यवस्थापन यांच्यातील गंभीर मतभेद प्रथमच उघड झाले आहेत. त्यामुळे आता टाटा ग्रूपप्रमाणेच इन्फोसिसमध्येही काही महत्वाचे बदल होतात का ? याकडे सर्वांचे लक्ष आहे. पण एक मात्र खरे की मार्केटच्या हातात कोलीत देऊ नये.आपापसातील भांडणे सर्वांपर्यंत पोहोचली की शेअरची किंमत कमी होते आणी शेअरहोल्डर्सचे नुकसान होते.

नजीकच्या काळात येणारे IPO

• D-MART या कंपनीचा IPO २२ फेब्रुवारी उघडून २७ फेब्रुवारी २०१७ ला बंद होईल, या IPO चा प्राईस BAND Rs २९० ते Rs २९९ आहे. मिनिमम लॉट ५० शेअर्सचा असेल. या IPO द्वारा ६.२४ कोटी शेअर्स कंपनी ऑफर करत आहे.

मार्केटने आपल्याला काय शिकवले
सध्या मार्केट वाढते आहे. पण ते असेच वाढत राहील अशी शाश्वती कोणीही  देऊ शकत नाही. सगळे ठीक चालले आहे असे म्हणून हाताची घडी घालून बसू शकत नाही. अशावेळी आपण rally ची गुणवत्ता पहावी असे मला वाटते. सध्या लार्ज कॅप शेअरपेक्षा मिडकॅप आणी स्माल कॅप शेअर्सच्या किंमती जास्त वाढल्या आहेत. अशा शेअर्सला एकदा लोअर सर्किट लागायला लागले की विकणे कठीण जाते त्यामुळे वेळेवर प्रॉफीट बुक करावे.
कोणताही राईट्स इशू आपल्याला फायदेशीर आहे का? हे पाहूनच शेअर्स खरेदी करावेत. उदा :- सध्या कॅनरा बँकेचा राईट्स इशू आला आहे. कॅनरा बँकेच्या शेअर्सचा भाव Rs 309 आसपास आहे. राईट्स शेअर्स Rs १०० कमी भावाने म्हणजे Rs २०७ प्रती शेअर या भावाने मिळत आहेत. हे राईट्स शेअर्स तुमच्याकडे १० शेअर्स असतील तर ३ राईट्स शेअर मिळणार. म्हणजे Rs ३०० चा फायदा १० शेअर्समध्ये विभागला जाईल.राईट्स इशू झाल्यानंतर शेअर्सची संख्या वाढते आणी शेअर पडतो. त्यामुळे हा राईट्स इशू फायदेशीर नाही.
 
सध्या रिस्क रिवार्ड रेशियो गुंतवणूकदारांच्या बाजूने नाही. कधी वाजंत्री थांबेल सांगता येत नाही. पैशाचा प्रवाह आहे. बाहेर सगळीकडे व्याजाचे दर कमी झाले आहेत. त्यामुळे  लोक इक्विटीकडे वळू लागले आहेत. लोकांचा कल सध्या शेअर्स विकण्याकडे नाही किंवा खरेदी करण्याकडेही नाही. पण निफ्टी ९००० होईल अशी चाहूल लागली आहे म्हणून आहे त्याच पातळीवर मार्केट झोके घेत आहे. पुढील ट्रिगरची मार्केट वाट पहाते आहे आपणही पाहु या.
 
BSE निर्देशांक सेन्सेक्स २८३२५ आणी NSE निर्देशांक निफ्टी ८७९३ वर बंद झाली.
 

आधीच्या आठवड्याचं समालोचन वाचण्यासाठी इथे क्लिक करा

२४ ऑक्टोबर २०१६ नंतर मार्केटने बुधवारी पुन्हा एकदा निफ्टी ८७०० चा टप्पा गाठला. बजेटमध्ये काय असेल, बजेटच्या पेटीत कोणता जादूचा पेटारा असेल हे माहित नव्हते. सगळेजण आपापल्या परीने अंदाज व्यक्त करीत होते. डीमॉनेटायझेशनच्या त्रासाला कंटाळलेल्या गुंतवणूकदारांना काहीतरी उत्तेजन हवे होते. USA चे अध्यक्ष ट्रम्प यांच्या नवीन धोरणात्मक घोषणांचे संकट दारात उभे ठाकले आहे. त्यामुळे बजेटकडे सर्वजण आशाळभूतपणे पाहत होते. नेहमीपणे खते, अवजारे, सिंचनाच्या योजना, शिक्षण, संरक्षण याकडे सर्वांचे लक्ष होते. पण सर्वांचे जास्तीतजास्त समाधान होईल असे बजेट आल्यामुळे जणू जोकरच हाती आला डाव मस्त रंगला आणी आनंदात पूर्ण झाला.
 
आंतरराष्ट्रीय घडामोडी :-

• USA चे अध्यक्ष डोनाल्ड ट्रम्प यांनी आपल्या निवडणुकीच्या वेळी दिलेल्या आश्वासनपूर्तीसाठी धोरणात्मक निर्णय घेण्यास सुरुवात केली आहे. त्यामुळे सर्व USA आणी पर्यायाने जग ढवळून निघत आहे. त्यांनी सांगितले आहे “BUY अमेरिकन , MAKE अमेरिकन and USE अमेरिकन”
• त्यांनी विशिष्ट देशातून येणाऱ्या त्या त्या देशातील नागरिकांवर USA मध्ये तीन महिन्यांसाठी प्रवेश बंदी जाहीर केली आहे.
• USA मध्ये आयात होणार्या वस्तूंवर २०% आयात ड्युटी लावली आहे. त्यामुळे आता USA मध्ये आयात होणार्या सर्व वस्तू २०% महाग होतील. त्यांचा आग्रह असा आहे की या वस्तू जर USA मध्ये बनवल्या तर स्वस्त पडतील आणी USA च्या नागरिकांना रोजगार उपलब्ध होईल. पण याचा परिणाम मागणीवर आणी पर्यायाने विक्रीवर होईल. अर्थव्यवस्थेसाठी असे संरक्षण योग्य आहे की अयोग्य? याची चर्चा रंगली आहे.
• USA च्या संसदेमध्ये H1B व्हिसासाठी परदेशी नागरिकांना कमीतकमी US $ १३००००(सध्या US $ ६०, ०००) पगार हवा. तसेच शिक्षण पूर्ण केल्यावर जो व्हिसा मिळतो तोही रद्द करावा अशी सुधारणा सुचविली आहे. तसेच USA मध्ये काम करणार्या विदेशी नागरिकांच्या जोडीदाराला वर्किंग व्हीसा मिळतो तोही रद्द व्हावा अशी सुधारणा सुचविली आहे. याचा फटका IT  क्षेत्रातील कंपन्या विशेषतः इन्फोसिस आणी टीसीएस याना बसेल  तसेच आता USA मध्ये काम करणारे लोक नाईलाजाने भारतात परतण्याची शक्यता निर्माण झाली आहे. USA मधील क्रुडऑइलच्या साठ्यात वाढ झाल्यामुळे क्रूड पुन्हा स्वस्त होत आहे.
• USA च्या सेन्ट्रल बँक फेडने आपल्या रेट्समध्ये कोणताही बदल केला नाही.
• UK च्या संसदेने पंतप्रधान थेरेसा मे यांना ब्रेक्झीटची प्रक्रिया पूर्ण करण्यासाठी EU बरोबर वाटाघाटी करण्यासाठी मंजुरी दिली.
• बँक ऑफ जपाननेही (जपानची सेन्ट्रल बँक) आपल्या रेट मध्ये काही बदल केले नाहीत.

सरकारी अन्नौंसमेंट :-

• सरकारने FIPB ( FOREIGN INVESTMENT PROMOTION BOARD) बंद करण्याचा निर्णय घेतला आहे.
• LONG TERM कॅपिटल गेन्स तसेच आयकराच्या SLAB मध्ये बदल केला नाही. FDI चा अर्ज ऑन लाईन भरता येईल. अचल संपतीवरील (immovable property) कॅपिटल गेन्सला पात्र होण्यासाठीची मर्यादा ३ वर्षावरून २ वर्ष केली. तसेच इंडेक्सेशन साठी वर्ष १९८१ वरून २००१ पर्यंत पुढे आणले
• डीमॉनेटायझेशनमुळे FY २०१८ च्या ग्रोथमध्ये ०.५% घट होईल असा अंदाज आहे त्यामुळे FY २०१८ मध्ये ग्रोथ रेट ६.७५ ते ७.५० राहील असा अंदाज आहे. यावेळी गरीब कल्याण योजनेमधून बराच कर मिळेल पण क्रूडच्या रेट मधील घटी मुळे मिळणारा आयातीतील फायदा असणार नाही.
• कर्जावरील व्याजाचे दर कमी झाल्यामुळे अर्थव्यवस्थेच्या सुधारणेस जोर मिळेल. GST पासून किती कर मिळेल याचाही अंदाज करणे कठीण आहे.
• ज्यांचे करपात्र उत्पन्न Rs २.५० लाख ते Rs ५.०० लाख असेल त्यांच्या उत्पन्नावरील आयकराचा दर १०% वरून ५% केला. ज्यांचे करपात्र उत्पन्न Rs ५० लाख ते Rs १ कोटी असेल त्यांच्यावर 10% सरचार्ज लावणार
• ३,००,००० ( तीन लाख) च्यावर व्यवहार कॅश मध्ये करता येणार नाही
• IRCTC तर्फे बुकिंग केले तर त्या बुकिंगवरचा सेवा कर काढून टाकला.
• LNG वरची कस्टम ड्युटी ५% वरून २.५ % केली.
• राजकीय पक्षांना आता देणग्या कॅशमध्ये फक्त Rs २००० पर्यंत स्वीकारता येतील. सरकार इलेक्टोरल BONDS काढण्याच्या विचारात आहे.
• सरकार रेल्वेशी संबंधीत IRCTC, IRCON आणी IRFC या कंपन्यांचे लिस्टिंग करेल. एकंदर १६ कंपन्यांमध्ये विनिवेश करेल.
• सर्व ऑईल प्रोड्युसिंग आणी ओईल मार्केटिंग कंपन्या एकत्र करून एक मोठी कंपनी स्थापन करण्याचा आपला मानस सरकारने जाहीर केला.
• फिस्कल डेफिसिट चे लक्ष्य (फिस्कल डेफिसिट / GDP) २०१७-२०१८ साठी ३.२% तर २०१८ ते २०१९ साठी ३% निर्धारित केले.
• अफोर्डेबल हौसिंगला इन्फ्रास्ट्रक्चर चा दर्जा दिला. Rs ५० कोटी पेक्षा कमी टर्न ओव्हर असलेल्या कंपन्यांना कॉर्पोरेट करामध्ये सवलत दिली. या कंपन्यांना २५% कॉर्पोरेट कर लावला जाईल.
• जर तुम्हाला Rs ५०००० पेक्षा जास्त भाडे द्यायचे असेल तर तुम्हाला त्यातून ५% TDS वजा करून भरावा लागेल.
• MAT योजनेखालील क्रेडीट आता १० वर्षाऐवजी १५ वर्षापर्यंत कॅर्री फॉरवर्ड करता येईल.
• अंदाजपत्रकात ‘BAD BANK’ स्थापन करण्यासाठी विचार करण्यात आला आहे ‘BAD BANK’ नंतर ‘पब्लिक सेक्टर ASSET REHABILITETION कंपनी स्थापन करेल. ही कंपनी विकत घेतलेले, त्यांच्याकडे TRANSFER केलेले ‘BAD ASSETS’ विकण्याचा /देणी वसुल करण्याचा सर्व प्रकारे प्रयत्न करेल. ‘BAD BANK’ ही संकल्पना जर्मनी, स्वीडन,फ्रान्स या देशात यशस्वी झाली आहे. BAD बँकेच्या या बातर्मीमुळे बँकांच्या शेअर्स मध्ये वाढ झाली.
• ग्रामीण भागात १००% विद्युतीकरण मे २०१८ पर्यंत पुरे होईल.
• ३ फेबृआरी २०१७ रोजी BSE (BOMBAY STOCK EXCHANGE) च्या शेअर्सचे NSE वर Rs १०८५ वर लिस्टिंग झाले. IPO मध्ये अर्ज केलेल्या आणि शेअर्स मिळालेल्या अर्जदारांना चांगला लिस्टिंग गेन्स झाला. शानदार लिस्टिंग झाले. तसेच आणखी एक गोष्ट आपल्या EXCHANGE वर हजारो कंपन्या लिस्टिंग करणाऱ्या BSE च्या स्वतःच्या शेअर्सचे लिस्टिंग मात्र NSE वर झाले
• टाटा कम्युनिकेशन म्हणजेच VSNL ची जमीन सरकार विकणार आहे याचा फायदा सरकार आणी इतर MINORITY शेअरहोल्डर्सना होईल. यावर कॅपिटल गेन्स कर लागणार नाही. प्रत्येक शेअरहोल्डरला प्रत्येक शेअर पाठीमागे Rs ४०० फायदा होईल.

खाजगी कंपन्यांच्या घडामोडी :-

• बजाज फायनांस, विजया बँक, ONGC, SREI INFRA, ग्लेनमार्क फार्म, महिंद्र हौसिंग मारुती ltd यांचे निकाल चांगले आले.
• मारुती LTD ने आपल्या सर्व वाहनांवर Rs ५००००पर्यंत सूट जाहीर केली.
• सोना कोयो या कंपनीचे प्रमोटर्स त्यांचा ३५% स्टेक Rs ८४ प्रती शेअर या दराने JKEKT या जपानी कंपनीला विकला.
• ग्लोबल ऑफशोअर या कंपनीने घेतलेली कर्जे SBI ने NPA म्हणून घोषित केली.

कॉर्पोरेट एक्शन :-

• NHPC या सार्वजनिक क्षेत्रातील सरकारी कंपनीने १०% शेअर्स ‘BUY BACK OF SHARES’ वर विचार करण्यासाठी बोर्ड ऑफ डायरेक्टर्स ची बैठक बोलावली आहे.
• ADVANCE ENZYMEने १४ फेबृआरी २०१७ रोजी शेअर्स स्प्लिट करण्यासाठी बोर्ड ऑफ डायरेक्टर्सची बैठक बोलावली आहे.
• सासकेन कम्युनिकेशन ही कंपनी ३ फेबृआरी ते १६ फेबृआरी या दरम्यान शेअर ‘BUY BACK’ करेल.
• HOCL (हिंदुस्तान ऑर्गनिक केमिकल्स) ही कंपनी त्यांचा HFL मधील आपला ५७% स्टेक विकणार आहे HFL ची मार्केट कॅप ३० कोटी आहे. HOCL ही लॉस मेकिंग कंपनी आहे.
• कोर्टाने दयानिधी आणि कलानीथी मारन बंधुना निर्दोष घोषित केल्यामुळे त्यांची असलेली सन टी व्ही ह्या कंपनीच्या शेअर्सची किंमत वधारली.
• वोडाफोन आणी आयडीया या दोन टेलिकॉम क्षेत्रातील कंपन्यांचे मर्जर होणार आहे.
• इंडस इंड बँक आणी भारत फायनांसियल इन्क्लुजन या फायनान्स क्षेत्रातील दोन कंपन्यांचेही मर्जर होणार आहे.
• स्ट्राईडस शसून त्यांचा API कारभार सिक्वेंट सायंटीफिकमध्ये विलय करणार आहे. १ ऑक्टोबर २०१७ ही मर्जर साठी तारीख ठरली आहे. सिक्वेंट सायंटीफिक आपला वूमेन हेल्थकेअर कारभार बाजूला काढणार स्वाप रेशियो ठरवून नवी कंपनी बनवून तिचे लिस्टिंग करणार.

मार्केटने काय शिकवले :-
‘कनसॉलिडेशन’ चे मोठे हत्यार सरकारने शेअरमार्केटच्या हातात दिले. शेअरमार्केटवाले यालाच ट्रिगर म्हणतात. एखाद्या बातमीच्या संबंधीत कंपन्यांच्या शेअर्समध्ये खरेदी विक्री होते. ज्या शेअरमध्ये फायदा होत असेल कंपनीची प्रगती होत असेल ते खरेदी करणे आणि ज्या कंपन्यांना तोटा होत असेल त्यांचे शेअर्स विकणे. अशा कंपन्या शोधून काढण्याचे काम सुरु होते. आणी बातमीचे कृतीमध्ये रुपांतर झाले की  त्या शेअर्सचा नाद सोडणे हेच मार्केटचे तंत्र. यालाच ‘BUY ON  RUMOUR AND SELL ON NEWS’ असे म्हणतात.
गुंतवणूकदारांच्या हातातल्या बजेटच्या बातमीची हवा आता निघून गेली. आता नवीन खेळणे म्हणजे RBI ची पॉलिसी. RBI रेट कट करेल की नाही याची चर्चा सुरु झाली. आपणही पाहु या काय होते ते !
यावेळेला प्रथमच सरकारने लोकांना ‘खर्च करा’ असा संदेश दिला. प्रत्येक करदात्यांना Rs १२०००पर्यंत आयकरात सुट दिली. सरकार स्वतःसुद्धा सार्वजनिक खर्चात लक्षणीय वाढ करणार आहे. सेव्हिंग अर्थव्यवस्थेतून स्पेंडीग अर्थव्यवस्थेकडे वाटचालीचे या अंदापत्रकात सुतोवाच केले. यामुळे मार्केटमध्ये तेजी येईल.
BSE निर्देशांक सेन्सेक्स २८२४० आणी NSE निर्देशांक निफ्टी ८७४० वर बंद झाले.