आधीच्या आठवड्याचं समालोचन वाचण्यासाठी इथे क्लिक करा
आनंदी आनंद गडे – २३ ऑक्टोबर २०१७ ते २७ ऑक्टोबर २०१७
या आठवड्यात खूपच मजा आली. सरकार सांगत होते बँकांची स्थिती फारशी चांगली नाही. म्हणून बँकांमध्ये काही प्रमाणात भांडवल घालण्याची गरज आहे. प्रत्यक्षात काहीच घडत नव्हते. पण मंगळवारी अर्थमंत्र्यांनी प्रेस कॉन्फरन्स घेऊन जाहीर केले की आम्ही सरकारी बँकांमध्ये Rs २.११ लाख कोटी २ वर्षाच्या कालावधीत घालू. त्यांनी या योजनेचा आराखडा सादर केला. त्यामुळे बुधवार तारीख २५ ऑक्टोबर २०१७ रोजी सर्व सार्वजनिक क्षेत्रातील सरकारी बँकांचे शेअर्स वधारले. काही बँकांचे शेअर्स तर ३०% ते ४०% ने वाढले. त्यामुळे ज्या गुंतवणूकदारांचे विशेषतः सामान्य लोकांचे पैसे या बँकांच्या शेअर्समध्ये अडकले होते त्यांना ते फायद्यात विकायला मिळाले. त्यामुळे खुशीची, आनंदाची लहर पसरली. BSE आणी NSE या दोन्ही स्टॉक एक्स्चेंजच्या निर्देशांकानी नवीन उच्चांक प्रस्थापित केला. शेअर मार्केटमध्ये नवीन इतिहास रचला गेला.
सरकारी अनौन्समेंट

• सरकारने असे जाहीर केले की येत्या दोन वर्षात सरकार सार्वजनिक क्षेत्रातील सरकारी बँकांना Rs २.११ लाख कोटी एवढे भांडवल पूरवेल. इंद्रधनुष योजनेखाली Rs १८००० कोटी देणार. तसेच Rs १३५ कोटी बॉंडसच्या माध्यमातून तर Rs ०.५८ लाख कोटी इक्विटी कॅपिटलच्या माध्यमातून भांडवल म्हणून पुरवले जाईल. हे भांडवल पुरवले गेल्यामुळे सरकारी बॅंका अधिक कर्ज देऊ शकतील. यात MSME (मेडियम आणी स्माल एन्टरप्रायझेस) सेक्टरला कर्ज देण्यावर भर असेल. सरकारने सांगितले की ते बँकांच्या कार्यक्षमतेवर बारकाईने लक्ष ठेवतील आणी कार्यक्षमतेप्रमाणे बँकांना भांडवल पुरवले जाईल.
• तसेच हे सरकार येत्या पांच वर्षात रस्ते बांधणीसाठी Rs ६.९२ लाख कोटी खर्च करून ८३६७७ किलोमीटर्स रस्ते बांधेल. यात भारतमाला प्रोजेक्ट अंतर्गत बांधण्यात येणाऱ्या ३४८०० किलोमीटर्सचा समावेश असेल. या दुहेरी उपायांमुळे रोजगार आणी बँक क्रेडीट यात लक्षणीय वाढ होईल
• सरकारने रब्बी पिकाच्या MSP (मिनिमम सपोर्ट प्राईस) जाहीर केल्या.
• सरकारने साखरेसाठी ठरवलेल्या स्टॉक लिमिटची मर्यादा ६ महिन्यांनी वाढवली ही कालमर्यादा २८ ऑक्टोबरला संपत होती
• सरकारने ‘भारत नेट फेज एक’ डिसेंबर २०१७ मध्ये पूर्ण होईल असे सांगितले.
• सरकारने BEMLमधील स्टेक विकण्याचा विचार संरक्षण मंत्रालयाने विचार करण्यासाठी वेळ मागितल्यामुळे पुढे ढकलला. तसेच NBCC मधील डायव्हेस्टमेंटचा विचार पुढे ढकलला.
• सरकारच्या एअरइंडियामधील विनिवेशासाठी सात बोली मिळाल्या.
• सरकारने NLC मधील ३% ते ५% स्टेक ऑफर फॉर सेलच्या माध्यमातून डायव्हेस्ट केला ऑफरसाठी किमत प्रती शेअर Rs ९४ ठरवली. रिटेल इन्व्हेस्टरला ३.५% डीस्काउंट दिला ही ऑफर फॉर सेल तारीख २५ ऑक्टोबर (नॉन रिटेल कोटा) आणी २6 ऑक्टोबरला (रिटेल कोटा) झाली दोन्ही प्रकारच्या गुंतवणूकदारांनी भरभरून प्रतिसाद दिला.
• महाराष्ट्र सरकारने GVKMIAL ला Rs १६००० कोटींचे नवी मुबई विमानतळाचे काम दिले.
• सरकारने असे जाहीर केले की १ जानेवारी २०१८ पासून सर्व देशात डायरेक्ट फरटीलायझर सबसिडी योजना लागू केली जाईल.
• गुजरात सरकारने ड्रीप इरिगेशन पद्धतीने शेती करणाऱ्या शेतकऱ्यांना GST माफ केले आहे. या ड्रीप यंत्रणेवरचा GST राज्य सरकार भरेल.
• गुजरात राज्यात विधानसभेच्या निवडणुकांसाठी ९ डिसेंबर आणी १४ डिसेंबरला मिळून एकूण १८२ जागांसाठी मतदान होणार आहे. त्यामुळे गुजरातशी संबंधीत कंपन्या GNFC, GSFC, GHCL, GICPL, गुजरात अल्कली, गुजरात GAS या कंपन्यांनी शेअरमार्केटचे लक्ष वेधले आहे.
• खाण मंत्रालयाने नाल्कोमध्ये ९.३% स्टेकची डायव्हेस्टमेंट करायची ठरवली आहे.
• आता GST खाली सेवा क्षेत्रातील कंपन्या कॉम्पोझिशन योजनेचा फायदा घेऊ शकतील. त्याना आता ५% GST भरावा लागेल. कॉम्पोझिशन योजनेत सामील होण्याची मर्यादा Rs १ कोटी करण्याचा सरकार विचार करत आहे.
• मोठ्या बिझिनेसनी छोट्या बिझिनेस कडून केलेल्या खरेदीवर इनपुट TAX क्रेडीट मिळेल.
• नोव्हेंबर महिन्यात सरकार भारत ETF चा दुसरा हप्ता आणण्याची शक्यता आहे. सरकार Rs १०००० कोटी उभारेल.

RBI SEBI आणी इतर प्रशासनिक संस्था

• भारत सरकारने बँकांच्या रीकॅपिटलायझेशनसाठी केलेल्या उपाययोजनांचे RBI ने स्वागत केले. AXIS बँकेने जिंदाल स्टील आणी पॉवर या कंपनीला दिलेले कर्ज NPA म्हणून जाहीर करावे असे RBI ने सांगितले. तसेच HDFC बँकेला एक प्रोजेक्टसाठी दिलेले कर्ज NPA करायला सांगितले.
• सुप्रीम कोर्टाने जे पी ग्रुपला कोर्टात Rs २००० कोटी भरण्यासाठी ५ नोव्हेबरपर्यंत मुदतवाढ दिली. जे पी ग्रुपने आपण यमुना एक्सप्रेस हायवे विकून हे पैसे भरू असे सांगितले.
• सुप्रीम कोर्टाने घर खरेदीदारांना रिफंड देण्यासाठी युनिटेकचे प्रमोटर संजय चंद्रा यांच्या मालमत्तेचा लिलाव करण्याचे आदेश दिले. तसेच त्यांना Rs १००० कोटी कोर्टात जमा करण्याचे आदेश दिले.

खाजगी कंपन्यांच्या घडामोडी

• SBI ने TRACTOR फायनान्ससाठी एस्कॉर्टस लिमिटेड या कंपनीबरोबर करार केला.
• RAMCO सिस्टिम्स या कंपनीला पे रोल ट्रान्सफॉर्मेशनसाठी मोठी ऑर्डर मिळाली.
• ITNL ला NHAI नी ‘बांसकोपा टोल प्लाझा’ वर टोल वसूल करण्याची परवानगी दिली.
• डेल्टा कॉर्पने नेपाळमध्ये कॅसिनो चालू करण्यासाठी एवरेस्ट HOSPITALITY बरोबर करार केला.
• KEC INTERNATIONALला Rs १९३१ कोटींची ऑर्डर मिळाली.
• L & T इन्फोटेक ने APTIUS बरोबर डिजिटल सोल्युशन्ससाठी करार केला.
• एका दिवसात सर्वात जास्त गाड्या विकण्याचे रेकॉर्ड हिरो मोटोचे झाले. त्यांनी एका दिवसात ३ लाख गाड्या विकल्या.
• श्री लंकेमध्ये थ्री व्हीलरवर बंदी येण्याची शक्यता आहे. अपघातांचे प्रमाण वाढले आहे. सेफ्टी STANDARDS राखली जात नाहीत असे श्री लंकेचे म्हणणे आहे. कारण तिथे रिक्षांचा स्कूटर्ससारखा वापर केला जातो. म्हणून ३५ वर्षावरील नागरिकांनाच परवाना द्यावा असा विंचार श्री लंकेचे सरकार करीत आहे. याचा परिणाम बजाज ऑटो आणी टी व्ही एस मोटर्स या कंपन्यांवर होईल.
• आर्सेलर मित्तल ही जगातली सर्वात मोठी स्टील कंपनी भारतातील आजारी स्टील कंपन्या घेण्यामध्ये रुची दाखवत आहे. या मध्ये भूषण स्टील, मॉनेट इस्पात, विसा स्टील यांचा समावेश आहे. पूर्वी अशा कंपन्या विकत घेताना किंवा ट्रान्स्फर होताना विकल्या जाणार्या कंपनीच्या शेअरहोल्डर्सच्या मंजुरीची जरुरी होती आता अशी मंजुरी लागणार नाही.
• USAचे संरक्षणमंत्री टीलर्सन हे भारताच्या दौर्यावर येत आहेत. त्यावेळी संरक्षण आणी तत्संबंधित काही करार होण्याची शक्यता आहे. याचा फायदा संरक्षण सामुग्री उत्पादन करणाऱ्या कंपन्यांना होईल. उदा BEL, BEML, वालचंदनगर इंडस्ट्रीज, ASTRA MICROWAVE.
• गायत्री प्रोजेक्ट्स आपल्या ७ रोड टोल प्रोजेक्ट वेगळ्या करून नवीन कंपनी बनवण्याच्या विचारात आहे.
• भेलला तेलंगाना सरकारकडून 4000MW थर्मल पॉवर प्रोजेक्टसाठी Rs २०००० कोटींची ऑर्डर मिळाली.
• आर कॉम ही कंपनी आपला 2G आणी 3G बिझिनेस ३० नोव्हेंबर २०१७ पर्यंत बंद करणार आहे. सर्व कर्मचाऱ्यांना राजीनामा द्यावयास सांगितले आहे. सर्व 2G आणी 3G ग्राहकांचे 4G मध्ये रुपांतर करण्यात येईल. २१ नोव्हेंबर २०१७ पासून ते त्यांचा DTH बिझिनेस बंद करणार आहेत.
• WOCKHARDT, ल्युपिन, अल्केम LAB, GRANULES इंडिया, ऑरोबिंदो फार्मा या कंपन्यांच्या वेगवेगळ्या औषधांना USFDA ने मंजुरी दिली.
• ONGCने IOC आणी GAIL यांच्यातील स्टेक विकण्याचा आपला निर्णय पुढे ढकलला. तसेच HPCL चे अधिग्रहण डिसेंबरमध्ये पूर्ण होण्याच्या ऐवजी मार्च २०१८ पर्यंत पूर्ण होईल असे सांगितले.
• मारुती सुझुकीचा तिमाही निकाल अपेक्षेपेक्षा चांगला आला. विक्री, PAT EBITDA वाढली.
• इन्फोसिसचा निकाल चांगला आला. इन्फोसिसने Rs १३ प्रती शेअर लाभांश जाहीर केला. इन्फोसिसने जाहीर केले की पनाया आणी इतर डीलमध्ये काहीही चुकीचे झाले नाही.
• ITC ची सिगारेट्सची विक्री ४०% ने कमी झाली. त्यांचे इन्कम, नफा यांच्यात वाढ झाली.
• GIC हौसिंग, PNB हौसिंग, CROMPTON, इंडिया बुल्स व्हेन्चर, ज्युबिलंट फूड्स, सारेगम, विजया बँक, क्वेस कॉर्पोरेशन, मास्टेक, v गार्ड इंडस्ट्रीज, इमामी, RBL BANK, अंबुजा सिमेंट, RALLIS इंडिया, कॉरोमोन्डेल INT, रेडिको खेतान, HUL, नोसील, HAVELLS, झुआरी अग्रो, हिंदुस्थान झिंक, टीन प्लेट, इंडिया बुल्स हौसिंग, ग्राफाईट इंडिया, HDFC बँक, युनायटेड स्पिरीट, श्री कलाहस्ती पाईप्स यांचे तिमाही निकाल चांगले आले.
• येस बँक, कॅनरा बँक, बायोकॉन, इक्विटास, टाटा कम्युनिकेशन, GHCL, यांचे निकाल असमाधानकारक होते.

कॉर्पोरेट एक्शन

• कॅस्ट्रोल इंडियाने बोनसवर विचार करण्यासाठी बोर्ड ऑफ डायरेक्टर्सची मीटिंग ७ नोव्हेंबरला बोलावली आहे.
• पॉवर सेक्टरसाठी एक मोठी युनिव्हर्सल कंपनी स्थापन केली जाईल. या अंतर्गत NTPC ही NHPC आणी SJVN मध्ये मोठा स्टेक घेईल.
• पोलारीस कन्सल्टिंग या कंपनीने ३१ ऑक्टोबरला डीलिस्टिंग वर विचार करण्यासाठी बोर्ड ऑफ डायरेक्टर्सची मीटिंग बोलावली आहे.

नजीकच्या भविष्यकाळात येणारे IPO

• महिंद्र लॉजिस्टीक या महिंद्र ग्रूपमधील कंपनीचा IPO २८ ऑक्टोबर ते २ नोव्हेंबर २०१७ या कालावधीत ओपन राहील. प्राईस BAND Rs ४२५ ते Rs ४२९ आहे. मिनिमम लॉट ३४ शेअर्सचा आहे.
• श्रेय इक्वीपमेंट फायनान्स या कंपनीच्या Rs २००० कोटींच्या IPO ला बोर्ड ऑफ डायरेक्टर्सनी मंजुरी दिली.
• HDFC लाईफ चा IPO ७ नोव्हेंबरला ओपन होऊन ९ नोव्हेंबरला बंद होईल प्राईस BAND Rs २७५ ते Rs २९० आहे.
• द न्यू इंडिया अशुअरंस कंपनी लिमिटेडचा IPO १ नोव्हेंबर २०१७ ला ओपन होऊन ३ नोव्हेंबर २०१७ ला बंद होईल. प्राईस BAND Rs ७७० ते Rs ८०० आहे. मिनिमम लॉट १८ शेअर्सचा आहे.
• खादीम ही रिटेल फुटवेअर क्षेत्रातील कंपनी Rs ५४३ कोटींचा IPO २ नोव्हेंबर २०१७ ते ६ नोव्हेंबर २०१७ या दरम्यान आणत आहे. प्राईस BAND Rs ७४५ ते Rs ७५० आहे. मिनिमम लोट २० शेअर्सचा आहे

या आठवड्यातील लिस्टिंग

• इंडिया एनर्जी एक्स्चेंजचे लिस्टिंग Rs १५०० ला झाले या कंपनीने IPO मध्ये Rs १६२५ला शेअर्स दिले होते
• जनरल इन्शुरन्स कॉर्पोरेशन ऑफ इंडिया चे लिस्टिंग Rs ८५० वर झाले. IPOमध्ये Rs ८६७ ना शेअर्स दिले होते.

मार्केटने काय शिकवले
खरे पाहता बँकांना प्रत्यक्षात पैसा मिळाला कां ? तर नाही हेच उत्तर द्यावे लागेल. कोणत्या वेळेला, कोणत्या बँकेला, किती आणी कोणत्या प्रमाणात पैसा, कोणत्या अटींवर मिळेल हे ही स्पष्ट झाले नाही. जे भांडवल देणार ते दोन वर्षांच्या कालावधीत देणार. दिलेला पैसा पुरेश्या प्रमाणात देणार कां? आणी एवढा पैसा दिल्यावर बँकांच्या परिस्थितीत समाधानकारक सुधारणा होईल कां?  या सर्व प्रश्नाचे उत्तर लोकांचे लोकांनीच स्वतःचे स्वतःला दिले. आणी या एका बातमीच्या आधारावर सार्वजनिक क्षेत्रातल्या सरकारी बँकांचे शेअर्स दिवसभर चढ्या भावात खरेदी केले. आणी नंतर निराश होऊन तिसरे दिवशी विकले सुद्धा! सरकारच्या हातून कोणतेही पैसे लवकर सुटत नाही हेच खरे
सर्व सरकारी बँका तोट्यात आहेत. NPA वाढत आहेत स्लीपेजीस आणी त्यांच्याकरता लागणारी प्रोविजन वाढत आहे. त्यामुळे मार्केट वाढत असले तरी बँकिंग सेक्टर मंदीत आहे. त्याला थोडा अपवाद खाजगी बँकांचा आहे. त्यामुळे सार्वजनिक क्षेत्रातील सरकारी बँकांच्या शेअर्समध्ये ट्रेडर्सनी भरभरून SHORTING  केले होते. ते SHORTS  कव्हर करावे लागले असे दिसते. त्याचबरोबर खाजगी बँका आणी नॉन-बँकिंग फायनांशियल कंपन्या मंदीत होत्या. हाव आणी भीतीचे विचित्र समीकरण तयार झाले. त्यात भीती जणू काही हद्दपार झाली होती.
या आठवड्यात लागलेले बरेचसे निकाल काही समाधानकारक तर काही चांगले लागले. सरकारी घोषणा, डायव्हेस्टमेंट चालू आहे. मार्केटला आवश्यक असलेले ट्रिगर किंवा खुराक सरकार पुरवत आहे. सरकारी धोरणांमुळे कंपन्यांच्या बिझिनेसवर विपरीत परिणाम होईल, किंवा होतो आहे ही भीती आलेल्या चांगल्या निकालांमुळे कमी होत आहे. सरकारच्या उद्योगाशी सतत चालू असलेल्या संवादामुळे उद्योग जगतात सरकारविषयी एक प्रकारचा विश्वास निर्माण होत आहे. सरकार आपला खर्च, गुंतवणूक निरनिराळ्या क्षेत्रात विशेषतः इन्फ्रास्ट्रक्चर, कृषी, उर्जा या क्षेत्रात वाढवीत आहे. त्यामुळे प्रत्येक क्षेत्रात आशादायी वातावरण निर्माण होत आहे. आणी त्या त्या क्षेत्रातील कंपन्यांच्या शेअर्समध्ये तेजी होताना दिसत आहे.
ज्यांनी कधी काळी शेअर्समध्ये गुंतवणूक केली पण त्यात घाटा झाला, वेळ मिळेना, मार्केटमध्ये यशस्वी आणी फायदेशीर व्यवहार करणे जमेना, अशा अनेक कारणांनी मार्केटला राम राम ठोकला होता त्यांनी मार्केटकडे थोडेसे लक्ष देऊन त्यांचे खरेदी केलेले जुने शेअर्स फायद्यात असतील तर आलेल्या संधीचा फायदा घ्यावा. चार दिवस सासूचे तर चार दिवस सुनेचे असतात. खूप काळ प्रतीक्षा केल्याचे चांगले फळ त्याना मिळू शकते.
BSE निर्देशांक सेन्सेक्स ३३१५७, NSE निर्देशांक निफ्टी १०३२३ तर बँक निफ्टी २४८४० वर बंद झाले.

आधीच्या आठवड्याचं समालोचन वाचण्यासाठी इथे क्लिक करा
हा लेख आपल्याला वाचायला मिळेल तेव्हा नुकतीच भाऊबीज झालेली असेल! फार गोड दिवस ! लहानपणीच्या बर्याच आठवणी ताज्या करणारा दिवस! अर्थात ओवाळणी आलीच ही ओवाळणी आपण चांगल्या शेअर्सच्या स्वरूपात घालू शकता. जर या शेअर्सची किंमत वाढत राहिली तर वर्षानुवर्षे बहिणीच्या मनात ही भावाने दिलेली एक गोड आठवण राहील. बहिणीला चिडवता येईल यावर्षी ओवाळणी नाही असे सांगत तिच्या नावावर शेअर्स घेवून तिच्या खात्यात टाकून तिला सरप्राईज देता येईल. अडचणीच्या वेळी ही ओवाळणी हा एक भक्कम आधार सिद्ध होऊ शकते. म्युच्युअल फंडांकडे येणार्या पैशात लक्षणीय वाढ झाली आहे फक्त पैसेच नाही तर म्युच्युअल फंडांचे ग्राहकही वाढत आहेत. त्यामुळे शेअरमार्केटमध्ये येणारा लीक्विडीटीचा ओघ काही काल नियमितपणे येत राहील.
सरकारी अन्नौंसमेंट

• सरकारने चीन आणी EU मधून आयात होणाऱ्या कोटेड flat स्टीलवर ANTI DUMPING ड्युटी लावली.
• मॉनसनटोवर आंध्र प्रदेश राज्य सरकार क्रिमिनल केस दाखल करण्याची शक्यता आहे.
• सरकारने NTPC चा दिल्लीचा कोल प्लांट पर्यावरणाच्या कारणासाठी बंद केला.
• NCLT ने निक्को कॉर्पोरेशन या कंपनीचे लिक्विडेशन करण्याची ऑर्डर दिली.

अर्थव्यवस्थेच्या गोष्टी

• सप्टेंबर महिन्यासाठी WPI निर्देशांक ३.२४% वरून कमी होऊन २.६०% झाला फूड WPI ४.४१ वरून १.९९ % इतका कमी झाला.
• सप्टेंबर महिन्यात भारताची निर्यात २५.६७% ने वाढून US $ २८.६ बिलियन झाली. भारताची आयात १८.१% ने वाढून US$ ३७.८ बिलियन झाली. ट्रेड डेफिसीट US $ ८.९८ बिलियनएवढी झाली.

खाजगी कंपन्यांच्या घडामोडी

• ‘NEXIUM’ हे औषध ऑरोबिंदो फार्माच्या दृष्टीने महत्वाचे आहे. या औषधाला USFDA कडून परवागी मिळाली. युनिट ७ मध्ये हे औषध बनवले जाते. पोटदुखीसाठी हे औषध वापरले जाते.
• क्लारीस लाईफ सायन्सेसची FPI लिमिट २४% वरून ४९% केली. NRI ची सीमा १०% वरून २४% केली.
• ASTRAZENCA ला त्यांचे मधुमेहावरचे औषध भारतात विकायला परवानगी मिळाली.
• AXIS बँकेचे दुसऱ्या तिमाहीचे निकाल असमाधानकारक होते.बँकेने भविष्यात दोन तिमाहीमध्ये पॉवर क्षेत्रातील NPA वाढतील असे सांगितले.
• पेनिन्सुला LAND या कंपनीला गोदरेजकडून जमिनीचे Rs २०० कोटी मिळाले.
• डी बी रिअल्टी आणी एल आय सी हौसिंग फायनान्स मधील वाद मिटला.
• १७ ऑक्टोबर २०१७ पासून MCX वर सोन्यामध्ये ऑप्शन ट्रेडिंग सुरु झाले. किमान लॉट  १ किलोचा असेल. हे ट्रेडिंग सकाळी १० वाजल्यापासून रात्री ११-३० पर्यंत चालेल. MCX चा दुसऱ्या तिमाहीचा निकाल चांगला आला. टर्नओव्हर १७% आणी मार्जीन २१% वरून ३०% झाले.
• एल आय सी ने आपला अडाणी पोर्टमधील स्टेक २.४३% वरून ७ % पर्यंत वाढवला.
• JSPL त्यांचा एक प्लांट विकणार आहेत. आलेल्या पैशातून ते OBC चे कर्ज फेडू शकतील.
• इंटलेक्ट डिझाईन एरेना ही कंपनी बँकॉकच्या एका बँकेसाठी सॉफटवेअर बनवणार आहे.
• प्रताप SNACKS ची FPI लिमिट २४% अरुण १००% केली.
• भूषण स्टील आणी मॉनेट इस्पात खरेदी करण्यामध्ये JSW स्टील आणी एडलवेस यांनी रस दाखवला.
• नेपालमध्ये पूल बनवण्यासाठी टीटाघर WAGANला US$ ६० कोटींची ऑर्डर मिळाली.
• जैन इरिगेशन या कंपनीने २६३ कोटींचे FCCB फेडले.
• बजाज फायनान्स, कन्साई नेरोलाक, कोलगेट, गृह फायनान्स, स्टरलाईट टेक्नोलॉजी, फेडरल बँक,ACC,बजाज ऑटो या कंपन्यांचे दुसऱ्या तिमाहीचे निकाल चांगले आले.
• विप्रोचे दुसऱ्या तिमाहीचे निकाल असमाधानकारक होते.
• रिलायंस जीओ ने आपले काही प्लान महाग केले. त्यामुळे टेलिकॉम क्षेत्रातील इतर कंपन्यांना दिलासा मिळेल.
• रिलायंस इंडस्ट्रीजने KG D-६ या बंगालच्या खाडीतील फिल्ड्समधून ७ मिलियन क्युबिक मीटर्स प्रती दिवस उत्पादन करण्याची आपली US$ १.४ बिलीयन्सची योजना सादर कली.
• अल्ट्रा टेक सिमेंट या कंपनीच्या ऑपरेटिंग कार्यक्षमतेमध्ये चांगली वाढ झाली. इन्कम(Rs ६९३६ कोटी) ७% ने तर EBITDA ( Rs १५५० कोटी) १३% ने वाढले. पण J P ग्रूपकडून अक्वायर केलेल्या प्लांटचा अक्विझिशन करताना  केलेला खर्च आणी ते प्लांट कंपनीच्या गुणवत्तेपर्यंत आणण्याच्या खर्चामुळे PAT (Rs ४२३ कोटी) ३१% ने कमी झाले.
• ‘हिरो’ ग्रूप भिलवारा ग्रुपचा ८३.५ MW विंड पॉवर प्रोजेक्ट खरेदी करणार आहे.

कॉर्पोरेट एक्शन

• इंडसइंड बँक आणी भारत फायनांसियल यांच्या मर्जरला परवानगी मिळाली. तुमच्या जवळ भारत फायनांशियलचे १००० शेअर्स असतील तर तुम्हाला इंडसइंड बँकेचे ६३९ शेअर्स मिळतील. हे मर्जर पूर्ण व्हायला १५ महिने लागतील. RBI, CCI आणी सेबी यांच्याकडून परवानगी मिळवावी लागेल.
• गॉड फ्रे फिलिप्स या कंपनीने आपला चहाचा कारभार गुडरिक ला Rs २० कोटींना विकला. नेहेमी ज्या कंपनीकडे पैसे येणार असतात त्या कंपनीचा शेअर वाढतो पण यावेळी गुडरिकचा शेअर वाढला कारण त्याना चहाचा कारभार स्वस्त्यात मिळाला.
• जे पी ग्रूप हे त्यांची जे पी पॉवर ही कंपनी Rs १०००० कोटीना विकणार आहेत.
• IRB इफ्राच्या सबसिडीअरीला ‘CG टोल ‘ ला परवानगी मिळाली. SBI या कंपनीला Rs १४०० कोटी कर्ज देणार  आहे.
• SAIL या सरकारी कंपनीला बोनस किंवा लाभांश देण्यासाठी स्टील मंत्रालयाने परवानगी नाकारली. INS क्लींसटन या कंपनीला काही स्पेशल प्रोडक्ट्स विकणार आहे.
• टाटा टेलिसर्विसेस (महाराष्ट्र) ही आपल्या प्रमोटर्सना प्रेफरन्स शेअर्स किंवा डीबेन्चर्स इशू करून Rs २०००० कोटी भांडवल उभे करेल. हे पैसे कंपनीवर असलेले कर्ज फेडन्याकार्ता वापरले जातील.
• भारती एअरटेल आणी टाटा ग्रूपमध्ये DTH बिझिनेससाठी बोलणी चालू आहेत.
• M & M फायनांसियल त्यांच्या ब्रोकिंग आणी इन्शुरन्स बिझिनेसमधील ५% स्टेक XL ग्रुपला विकणार आहेत.
• TCPL या BSE वर लिस्टिंग असलेल्या कंपनीचे NSE वरही लिस्टिंग झाले.
• फ्लिपकार्ट फ्युचर लाईफस्टाईलमधला ८% ते १०% स्टेक घेणार आहे.
• नीला इन्फ्रास्ट्रक्चर ही कंपनी आपला रिअल इस्टेट बिझिनेस वेगळा काढून इन्फ्रास्ट्रक्चर बिझिनेसवर लक्ष केंद्रित करार आहे.नव्या कंपनीचे शेअर्स १:१ या प्रमाणात मिळतील

या आठवड्यात येणारे IPO
पुढील आठवड्यात रिलायंस नीपपॉन लाईफ इन्शुरन्सचा IPO येणार आहे. हा IPO २५ ऑक्टोबर ते २७ ऑक्टोबर २०१७ या दरम्यान ओपन राहील आणी याचा प्राईस BAND Rs २४७ ते Rs २५२ आहे. मिनिमम लॉट ५९ शेअर्सचा आहे.
या आठवड्यातील लिस्टिंग

• १६ ऑक्टोबर २०१७ रोजी गोदरेज अग्रोव्हेटचे Rs ६२१ वर लिस्टिंग झाले. हे शेअर्स IPO मध्ये Rs ४६० प्रती शेअर्स या भावाने दिले होते.
• १८ ऑक्टोबर २०१७ रोजी MAAS चे Rs ६६० वर लिस्टिंग झाले. IPO मध्ये Rs ४५९ प्रती शेअर या भावाने शेअर्स दिले होते.

मार्केट काय शिकवले
यावेळी आपण कंपन्यांचे तिमाही निकाल जाहीर झाल्यावर काय अनुभव घेतलात? निकाल चांगला आल्यास शेअर Rs २ वाढतो आणी नंतर पडतो. पण ज्या क्षेत्राकडून फारशी अपेक्षा नव्हती अशा क्षेत्रातील कर्नाटक बँक फेडरल बँक यांचे निकाल सुंदर आल्याबरोबर मार्केटने खूपच चांगले स्वागत केले. याचाच अर्थ असा की निकाल जरी चांगले आले तरी मार्केट प्राईस आणी EPS यांची तुलना करता असे आढळते की शेअर खूप महाग झाला आहे. त्यामुळे निकालाचे कौतुक करून ट्रेडर्स किवा गुंतवणूकदार शेअर्स विकायला सुरुवात करतात. यालाच सेल ऑन न्यूज असे म्हणतात.
कोणताही सणवार साजरा करत असताना आपण प्रथम सुरुवात साफसफाईने करतो. भांडणे विसरण्याचा प्रयत्न करतो. सर्व कटू आठवणी बाजूला सारून नव्या वर्षाला सामोरे जायला तयार होतो. काही वेळा आपले निर्णय चुकतात, काही वेळा कंपन्यांचे निर्णय चुकतात. त्यामुळे आपल्या पोर्टफोलीओत WEAK शेअर्स जमा होतात. अशा WEAK शेअर्समधली गुतंवणूक फायद्याची ठरत नाही. जुन्या गुंतवणूकदारांनी आपल्या पोर्टफोलिओमधील weak शेअर्स आताच्या तेजीत विकून आपल्या पोर्टफोलीओची साफसफाई करावी. तर नव्याने  व्यवहार करणाऱ्यानी  आपल्या पोर्टफोलिओत weak शेअर्स जमाच होणार नाहीत याची काळजी घ्यावी. बदललेल्या परिस्थितीत विचारांच्या दिव्याच्या प्रकाशात पोर्टफोलिओमध्ये आवश्यक ते बदल करून नव्या वर्षाचे स्वागत करा. मार्केट नवीन नवीन शिखरे सर करत आहे त्यामुळे तुम्हीसुद्धा योग्य गुतंवणूक करून फायद्याची नवीन शिखरे सर करा.
BSE निर्देशांक सेन्सेक्स ३२३९० वर तर NSE निर्देशांक १०१४६ तर बँक निफ्टी २४००९ वर बंद झाले.
 

आधीच्या आठवड्याचं समालोचन वाचण्यासाठी इथे क्लिक करा
 
लक्ष्मी आली घरा तोची दिवाळी दसरा – ९ ऑक्टोबर २०१७ ते १३ ऑक्टोबर २०१७
दिवाळीच्या आधी दिवाळी साजरी करायला सुरुवात झाली. सर्व गुंतवणूकदारांना आणी ट्रेडर्सना शेअरमार्केटने दिवाळी बोनस दिला असेच म्हणावे लागेल. लक्ष्मीशिवाय काहीच साध्य होत नाही हेच खरे ! आम्हा गृहिणींना तर सगळ्यांच्या सर्व मागण्या पुऱ्या कराव्या लागतात. लक्ष्मी असेल तर मुलांचे हट्ट पुरवता येतात. त्या मुलांच्या चेहऱ्यावर जो आनंद दिसतो तीच माझ्या दृष्टीने दिवाळी ! पैशाचे सोंग आणता येत नाही. पण मला मार्केटचे आभार मानले पाहिजेत. कोणताही पक्षपात न करता मार्केटने सर्वांना खुश केलं, मार्केट जणु म्हणालं ‘ज्याला जेवढे दोन हातांनी कमवता येईल तेवढे कमवा. मी माझ्या अनंतहस्तांनी तुमच्यासाठी पैशांची आणी आनंदाची बरसात करत आहे.’
तुमचा शेअरमार्केटचा अभ्यास वाढवा, एक उद्योग असे स्वरूप न ठेवता त्याला व्यासंगाचे स्वरूप द्या. जनी मनी, स्वप्नी  तसेच विचारात लक्ष्मीचे स्वरूप ठेवून सातत्याने शेअरमार्केटचा व्यवसाय करा. म्हणजे जेथून परत येण्याचा मार्ग संपतो असे घर लक्ष्मीला मिळेल आणी ती तिथे निरंतर वास करेल. आणी ते घर तुमचेच असेल हा विश्वास बाळगा. नाहीतरी कृष्णाने सांगितले आहे माझा हो, माझी पूजा (श्रमांनी विश्वासाने) कर म्हणजे माझे घर म्हणजेच लक्ष्मीचे घर म्हणजे तुमचेच घर होईल.
या दिवाळीच्या निमित्ताने शेअर मार्केट मधील छोट्यामोठ्या, तज्ञ आणी नवख्या गुंतवणूकदाराना आणी ट्रेडर्सना आणी माझ्या शेअरमार्केट प्रशिक्षण वर्गातील विद्यार्थ्यांना विशेषतः नवीन सुरुवात केलेल्या माझ्या ब्लॉगच्या, पुस्तकांच्या वाचकांना लक्ष्मीने भरपूर अभ्यास, श्रम करण्याची ताकत देवो आणी त्यांच्या घरी निरंतर आणी वाढत्या प्रमाणात वास करो हीच माझी शुभेच्छा.
आंतरराष्ट्रीय घडामोडी        

• क्रूडचे भाव वाढण्याची शक्यता आहे. कारण सौदीमध्ये US$ १०० बिलीयनचा एक इशू येत आहे. त्यासाठी त्याना क्रूडचा भाव तेजीत ठेवावा लागेल.
• सौदी EMIRATES भारतात मोठी गुंतवणूक करण्याची शक्यता आहे. त्यामुळे ऑईल एक्स्प्लोरेशन उद्योगात असणाऱ्या कंपन्यांना फायदा होईल. उदा. ABAN OFFSHORE, डॉल्फिन
• सोमवारी पंतप्रधानांनी ऑईल आणी GAS सेक्टरमधील कंपन्यांच्या CEO ची मीटिंग बोलावली. या बैठकीत पंतप्रधानांनी उर्जाक्षेत्रासाठी व्यापक धोरण ठरवण्यासाठी ठराव मागवले. ऑईल, GAS आणी इलेक्ट्रिसिटी ह्या गोष्टी GST अंतर्गत आणण्याची मागणी झाली. पंतप्रधानानी GAS च्या किंमती कमी करण्याचा आणी GAS HUB स्थापन करण्याचे आवाहन केले.
• सरकारने सांगितले की सोने आणी जडजवाहीर खरेदी करण्यासाठी KYC आवश्यक असण्याची मर्यादा आता Rs २ लाख ठेवली आहे. तसेच ज्युवेलर्सना आता Rs ५०००० पेक्षा जास्त खरेदी करणार्यांची माहिती PMLA ला देण्याची जरुरी नाही. यामुळे सणासुदीच्या दिवसात KYC नियम Rs ५०००० साठी आवश्यक केल्यामुळे कमी झालेली विक्री आता वाढेल. यामुळे जवाहिरे आणी सोन्याचे दागिने बनवणार्यांची एक मागणी सरकारने पुरी केली आहे.
• सरकारने आता PPF आणी NSC, आणी KVC मध्ये गुंतवणूक करण्यासाठी आधार सक्तीचे केले आहे.
• ज्या कंपन्यांनी डीमॉनेटायझेशन नंतर मोठी रोकड जमा करून नंतर काढून घेतली त्यांच्यावर आता सरकार आपला रोख वळवणार आहे. अशा खात्यांची संख्या IDBI बँक, कॅनरा बँक आणी बँक ऑफ बरोडामध्ये सगळ्यात जास्त आहे.
• सरकारने चीनमधून आयात होणार्या अलॉय आणी नॉन अलॉय स्टील वायर आणी रॉडसवर US $ ५३६ ते US $ ५४६ इतकी ANTI DUMPING ड्युटी लावली
• महाराष्ट्र आणी गुजरात सरकारने पेट्रोल आणी डीझेल वरील VAT कमी केल्यामुळे पेट्रोल आणी डीझेल च्या किंमती कमी होतील.
• GAILने GAS खरेदीसाठी बऱ्याच दीर्घ काळाकरता करार केले होते त्यामुळे GAS ची खरेदीची किंमत US $ १३ पडत होती. त्यामुळे GAS खरेदी महाग पडत होती. म्हणून GAS SWAPING करायला ‘GAIL’ला परवानगी दिली. जपानमधून स्वस्त  ‘GAS’ आयात करण्यासाठी परवानगी मिळाली. वाहतूक खर्चात बचत हा GAS SWAPING चा उद्देश आहे. प्रथम ‘GAIL’USA मधून GAS खरेदी करत होते. आता USA कडून GAS जपान घेईल. आणी भारत जपानकडून ‘GAS’ घेइल. हे समजावून घ्यायचे असेल तर जे लोक नोकरीला घेतले जातात त्याना त्यांच्या राहत्या घराच्या ५ किलोमिटरच्या परिघात पोस्टिंग देण्याचा प्रयत्न केला गेल्यास ज्या पद्धतीने असे पोस्टिंग दिल्यामुळे वाहतुकीत जाणारा वेळ खर्च आणी शक्ती यांचा अपव्यय टळतो तीच पद्धत GAS च्या बाबतीत वापरली आहे. जो देश ज्या देशाच्या जवळ असेल त्याने तेथून GAS घ्यावा असे ठरले. त्यामुळे वाहतुकीचा खर्च वाचेल.
• सरकार NATIONAL PROJECT CONSTRUCTION विकणार आहे. यासाठी ८ नोव्हेंबर पर्यंत बोली मागवल्या आहेत.

अर्थव्यवस्थेच्या गोष्टी

• ऑगस्ट महिन्यासाठी IIPचे आकडे चांगले आले IIP ४.३% झाले.
• सप्टेंबर महिन्यासाठी CPI ३.२८% झाला.

RBI सेबी आणी इतर प्रशासनिक संस्था

• GST कौन्सिलची मीटिंग ६ ऑक्टोबर २०१७ ला झाली. या मीटिंग मध्ये छोट्या व्यापाऱ्यांनी आणी SME नी व्यक्त केलेल्या अडचणी तसेच निर्यात करण्यात GST मुळे येणार्या अडचणी आणी त्यावरच्या उपायांबद्दल चर्चा आणी कारवाई झाली. ती खालीलप्रमाणे
  • GST कौन्सिलने २७ वस्तूंवरील GSTचे दर कमी केले. पंपासाठी जे स्पेअरपार्ट लागतात त्यांच्यावरील GST कमी केला त्याचा फायदा रोटो पंप, शक्ती पंप, तसेच KSB पंप्स आणी किर्लोस्कर BROS या कंपन्यांना फायदा होईल.
  • कॉम्पोझिशन स्कीम लागू होण्याची मर्यादा Rs ७५ लाखापासून Rs १ कोटी केली. आणी या योजनेखाली येणार्या छोट्या व्यापाऱ्यांना, उद्योजकांना रिटर्न भरण्यासाठी जास्त वेळ दिला.या योजनेत व्यापारी उद्योग आणी रेस्टॉरंट हे त्यांच्या टर्नओव्हरवर अनुक्रमे १% २% आणी ५% GST भरू शकतात.
  • ज्या उद्योगांचा टर्नओव्हर Rs १ कोटीपर्यंत आहे त्याना आता तिमाही रिटर्न भरावा लागेल.
  • E कॉमर्स कंपन्यांना त्यांच्या पुरवठादारांना पेमेंट करताना TCS (TAX COLLECTED AT SOURCE) आणी TDS (TAX DEDUCTED AT SOURCE) वजा करण्याची तरतूद १ एप्रिल २०१८ पर्यंत तहकूब ठेवली,
  • सेवा पुरविणाऱ्या कंपन्याना आता त्यांचा टर्नओव्हर जर Rs २० लाखांपेक्षा कमी असेल तर जरी त्या इंटरस्टेट स्तरावर सेवा पुरवत असल्या तरी GST खाली रजिस्ट्रेशन करण्याची जरुरी नाही.
  • मर्चंट एक्स्पोर्टर्सला निर्यातीसाठी खरेदी केलेया देशांतर्गत मालावर ०.१% GST भरावा लागेल.
  • एक्स्पोर्टर्ससाठी E WALLET ची सोय एप्रिल २०१८ पासून उपलब्ध केली जाईल. सरकारने उपलब्ध केलेल्या वेगवेगळ्या योजनाखाली जे निर्यातदार निर्यात करीत आहेत त्यांना GST भरावा लागणार नाही.
  • GST रोल ऑऊट होण्याच्या पूर्वी वाहन लीजवर घेतले असेल तर ६५% लीज VALUE वर आताच्या GST दराप्रमाणे कर आकारला जाईल. ही सुट लीजवर घेतलेले वाहन विकले असले तरी उपलब्ध असेल.
  • अर्थमंत्र्यांनी सांगितले की आम्ही उद्योगाच्या मागणीचा विचार करत आहोत आणी त्यावर विचार करण्यासाठी एक GOM (GROUP OF MINISTERS)ची नेमणूक केली जाईल. हा GOM  दोन आठवड्यात त्यांचा रिपोर्ट देईल.
• सेबीने म्युच्युअल फंडांचे खालील पाच प्रकारात वर्गीकरण केले. (१) इक्विटी (२) DEBT (३) हायब्रीड (४) सोल्युशनओरिएनटेड (५) अन्य योजना. सेबीने याचे पुढे इक्विटीचे १० प्रकारात, DEBTचे १६ प्रकारात आणी हायब्रीडचे ६ प्रकारात वर्गीकरण केले आहे.यासाठी सेबीने BSE वरील ग्रेडिंगप्रमाणे पहिल्या १०० शेअर्सचे लार्जकॅप, नंतरचे १०१ ते २५० पर्यंत मिडकॅप तर बाकीचे सर्व शेअर्स स्माल कॅप म्हणून ठरवले आहेत. म्युच्युअल फंडांच्या या प्रत्येक प्रकाराप्रमाणे एक योजना आणावी असे सांगितले आहे. म्युच्युअल फंडाना यासाठी ३ महिन्यांची मुदत दिली आहे. यामुळे ग्राहकांना म्युच्युअल फंडांची त्यांना हवी तशी योजना निवडणे सोपे जाईल.
• सेबीने बऱ्याच कंपन्यांचे सर्किट फिल्टर १०% वरून २०% केले.
• RBI ने OBC वर PCA (PROMPT CORRECTIVE ACTION) अंतर्गत कारवाई केली.या कारवाईमुळे बँकेच्या स्वायत्ततेवर बरेच निर्बंध येतात.
• MCX वर दिवाळीपर्यंत सोन्यामध्ये ऑप्शन ट्रेडिंग सुरु होईल.
• कोची शिपयार्डला इंडियन नेव्हीकडून Rs ५४०० कोटींची ऑर्डर मिळाली.
• सदभाव इंजिनिअरिंगला गुजरात सरकारकडून कांडला बंदराच्या संदर्भात Rs १७० कोटीचे काम मिळाले.
• PSP प्रोजेक्टला Rs १५७० कोटींची मोठी ऑर्डर मिळाली.
• सरकार इथनॉलचे दर Rs २ नी वाढवणार आहे. याचा फायदा साखर कारखान्यांना होईल. ८ लाख साखरेचे उत्पादन व्हायला पाहिजे होते ते यावेळी फक्त ३.५ लाख तन झाले. सणासुदीच्या दिवसात साखरेसाठी मागणी असल्यामुळे साखरेच्या किमती वाढत आहेत. या उत्पादनात उत्तर प्रदेशात रेकॉर्ड उत्पादन होईल.
• सिम्बायोमिक्स थेरांप्यूटिक्स एल एल सी या कंपनीचे अधिग्रहण ल्युपिन ने US $ १५ कोटींमध्ये केले.

खाजगी कंपन्यांच्या घडामोडी

• टाटा समुहाने सरकारला कळविले आहे की त्यांची गेली २१ वर्षे सुरु असलेली टाटा टेलीसर्विसेस ही कंपनी बंद करण्याचा मानस आहे. कंपनीजवळ असलेले स्पेक्ट्रम विकण्यासाठी किंवा सरकारला सरेंडर करण्यासाठी प्रक्रिया कळवण्याची विनंती सरकारला केली आहे. भारती एअरटेल टाटा टेलीसर्विसेसचा मोबाईल कारभार खरेदी करणार आहे. त्याचबरोबर टाटा टेलीसर्विसेसचे स्पेक्ट्रम तसेच ४० मिलियन ग्राहक भारती एअरटेलकडे ट्रान्स्फर होतील. हे एक नॉनकॅश आणी नॉन DEBT अग्रीमेंट आहे. टाटा टेलीचा फिक्स्ड लाईन आणी BROADBAND बिझिनेस टाटा स्काय कडे तर एन्टरप्राईझ टाटा कम्युनिकेशन कडे सोपवला जाईल.
• रिलायंस इंडस्ट्रीज आपला USA मधील शेल GAS मालमत्तेचा काही भाग US$ १२६ मिलियनला विकणार आहे.
• IOC ने असे जाहीर केले की GAIL आणी ऑईल इंडिया या कंपन्यातील सरकारी हिस्सा विकत घेण्यास ते तयार आहेत. ही कंपनी म्यानमार आणी बांगलादेशमध्ये ऑफिस उघडणार आहे एन्नोरे येथे LNG टर्मिनस बांधून ते डिसेंबर २०१८ पर्यंत कार्यान्वित करणार.
• सरकारने आर्बिट्रेशन अवार्डमध्ये मंजूर झालेली रकम कंपन्यांना द्यावी असे सांगितल्यामुळे JMC प्रोजेक्ट्स, पटेल इंजिनिअरिंग, मान इन्फ्रा, अशा कंपन्यांना आर्बिट्रेशन अवार्ड प्रमाणे पैसा मिळेल.
• जिंदाल स्टील एंड पॉवर ही कंपनी आपले रायगढ आणी अंशुल येथील ऑक्सिजन प्लांट श्रेय इन्फ्रास्ट्रक्चरला Rs ११२० कोटींना विकणार आहे.
• मार्कसंस फार्मा या कंपनीच्या गोवा युनिटच्या ३ एप्रिल ते ७ एप्रिल २०१७ दरम्यान USFDA ने केलेल्या इन्स्पेक्शनमध्ये क्लीन चीट दिली
• टाटा पॉवर आपला इंडियन एनर्जी एक्स्चेंज मधील स्टेक विकणार आहे.
• साउथ इंडियन बँकेचे तसेच लक्ष्मी विलास बँकेचे दुसर्या तिमाहीचे निकाल असमाधानकारक आले. जास्त प्रोविजन करायला लागल्यामुळे नफा ८०% ते ९०% ने कमी झाला.NPA ची स्थिती काहीशी स्थिर आहे
• पेपर PACKAGING कंपन्यांना GST मुळे फायदा होतो आहे उदा हुतात्माकी PPL
• MCX वर दिवाळीच्या आसपास सोन्यामध्ये ऑप्शन ट्रेडिंग सुरु होत आहे. याचा फायदा EDELWEISS, मोतिलाल ओसवाल, जे एम फायनांसियल, जीओजित, रेलीगेरे यांना होईल. MCX चा दुसऱ्या तिमाहीचा निकाल असमाधानकारक होता.
• T I फायनान्स या शेअरला टी टू टी ग्रूप A ग्रूप मध्ये आणून या कंपनीचे सर्किट २०% चे केले.
• केमिकल बनवणाऱ्या किंवा या उद्योगाशी संबंधीत असणार्या कंपन्यांवर लक्ष ठेवले पाहिजे. या कंपन्यांचे दुसऱ्या तिमाहीचे निकाल चांगले लागतील असे वाटते. उदा. हिमाद्री केमिकल्स, बोडल केमिकल्स, कनोरिया, GNFC, एस एच केळकर.
• मर्केटर या कंपनीने आपले एक जहाज विकले.
• लार्सन आणी टुब्रो या कंपनीला मीटर्ससाठी मोठी ऑर्डर मिळाली. लार्सेन एन्ड टुब्रो आपले नॉन कोअर ASSET विकण्याच्या विचारात आहे.
• सुवेन लाईफ सायन्सेस या कंपनीला नसांच्या आजारावरील औषधासाठी न्यूझीलंडकडून सन २०३४ पर्यंत पेटंट मिळाले.
• MOODY’ज नी GMR इंफ्राच्या हैदराबाद विमानतळाला Ba1 ग्रेड दिली याचा अर्थ काही गोष्टी चिंताजनक आहेत.
• दिल्लीत वर्ल्ड ट्रेड सेंटर बनवण्यासाठी NBCC ला Rs २००० कोटींचे काम मिळाले.
• USFDA कडून दादरा युनिटला क्लीन चीट मिळाल्यामुळे आता हलोल प्लान्टलाही क्लीन चीट मिळेल असे वाटते
• मॉनसंटो आणी कावेरी सीड्स यांच्यातील वाद मिटण्याची चिन्हे दिसत आहेत.
• STC, MMTC आणी PFC याना लाभांश देण्यातून सूट मिळाली.
• बजाज कॉर्प, CYIENT, इंडसइंद बँक, GM ब्रुअरीज, गोवा कार्बन, कर्नाटक बॅंक, रिलायन्स इंडस्ट्रीज यांचे दुसर्या तीमाहीचे निकाल चांगले आले टी सी एस चे निकाल चांगले आले. प्रॉफीट ८.५% ने वाढले. प्रॉफीट Rs ६४५० कोटी तर इन्कम Rs ३०५४१ आणी EBITDA Rs ७६६० कोटी झाला. टी सी एस ने प्रती शेअर Rs ७ अंतरिम लाभांश जाहीर केला.
• रिलायंस इंडस्ट्रीजच्या शेअरच्या मार्केट कॅपने Rs ५५० लाख कोटींचे लक्ष्य ओलांडून एक विक्रम केला.
• मान इंडस्ट्रीजला ‘GAIL’ कडून Rs ९३० कोटींची ऑर्डर मिळाली. या कंपनीची मार्केट कॅप Rs ६०० कोटींची आहे. त्यामुळे ही ऑर्डर मोठीच म्हणावी लागेल.
• इंडिया बुल्स रिअल इस्टेट ही कंपनी सिंगापूरमधील सबसिडीअरी डीलिस्ट करणार आहे. तसेच आपला रेसिडेनशियल आणी कमर्शियल बिझिनेस वेगळे करणार आहेत.
• कोची शिपयार्डला इंडियन नेव्हीकडून Rs ५४०० कोटींची ऑर्डर मिळाली.
• डिक्सन या कंपनीला फ्लिपकार्टकडून मोठी ऑर्डर मिळाली.
• DCW तामिळनाडूमध्ये नवीन प्लांट चालू करणार आहे.

कॉर्पोरेट एक्शन

• झी एन्टरटेनमेंट एन्टरप्राईझेस या कंपनीने 9X MEDIA आणी INX MUSIC ह्या अनुक्रमे हिंदी आणी पंजाबी दूरदर्शनवाहिन्या Rs १६० कोटींना खरेदी केल्या.
• IPO गोदरेज अग्रोचेट चा IPO एकूण ९५.३ वेळा तर रिटेल कोटा ७.५ वेळेला आणी HNI कोटा २३६ वेळेला ओव्हर सबस्क्राईब झाला. या कंपनीच्या शेअर्सचे १६ ऑक्टोबर २०१७ रोजी लिस्टिंग आहे.
• HCL इन्फो ही कंपनी Rs ५०० कोटींचा राईट्स इशू आणत आहे. या कंपनीचा पोस्ट खात्याबरोबर वाद चालला होता तो पुढील आठवड्यात मिटेल.
• इन्फोसिसच्या ‘BUY BACK’ योजनेची रेकोर्ड डेट १ नोव्हेंबर २०१७ ही ठरवली.
• रिलायंस इंफ्राचा मुंबईमधील ट्रान्समिशन बिझिनेस ‘अडाणी ट्रान्समिशन’ Rs १००० कोटीना खरेदी करणार आहे. हा पैसा कर्ज कमी करण्यासाठी वापरण्यात येईल.
• रिलायंस निपॉन या AMC(ASSET MANAGEMENT COMPANY) चा IPO २५ ऑक्टोबर ते २७ ऑक्टोबर या दरम्यान ओपन राहील. प्राईस BAND Rs २४७ ते Rs २५२ आहे. या शेअर्सचे लिस्टिंग ६ नोव्हेंबर रोजी होईल.
• चेन्नई पेट्रो या कंपनीत इराणची भागीदारी असल्यामुळे IOC ने चेन्नई पेट्रो बरोबरचे मर्जर रद्द केले.
• BASF इंडिया BAYERS इंडियाचा बिझिनेस खरेदी करणार आहे.
• एस्कॉर्टस ही कंपनी रेलटेक ही कंपनी खरेदी करणार आहे.
• NBCC ही सरकारी कंपनी इंजिनीअरिंग प्रोजेक्ट इंडिया लिमिटेड, HSCC आणी NPCC या तीन सार्वजनिक क्षेत्रातील कंपन्या अक्वायर करण्याची शक्यता आहे.

मार्केटने काय शिकवले
CLSA ने मारुतीचे रेटिंग कमी करून महिंद्र आणी महिंद्रचे रेटिंग वाढवले. याचा अर्थ काहीतरी बातमी येऊ घातली आहे. आपण आपला प्रॉफीट बुक करावा आणी महिंद्र आणी महिंद्र मध्ये काय घडते यावर लक्ष ठेवून या कंपनीतील गुंतवणूक वाढवावी कां याचा विचार करावा.
T I फायनान्स या शेअरला टी टू टी ग्रूप मधून काढून A ग्रूप मध्ये घालून त्याचे सर्किट २०% चे केले. म्हणजेच पेशंटमध्ये सुधारणा दिसते आहे म्हणून डॉक्टरनी डायेट बदलले पथ्य कमी केले अशापैकीच आहे.
मार्केटमध्ये येणाऱ्या बातम्या, आकडेवारी, अर्थव्यवस्थेची स्थिती, आणी मानसिकता यांचा परिणाम मार्केटवर होतो हे पुन्हा एकदा सिद्ध झाले. बुधवार तारीख ११ ऑक्टोबर २०१७ रोजी घडलेली घटना तेच दर्शविते. USA ची ‘वॉरशिप’ चीनच्या समुद्रात आली अशी बातमी आल्याबरोबर ट्रेडर्सनी विक्री सुरु केली. जवळ जवळ ३०० पॉइंट मार्केट पडले. म्हणजे बातमी तेवढी भीतीदायक नव्हती. पण प्रतिक्रिया मात्र फार तीव्र झाली. अशा वेळी एक गोष्ट पक्की की शेअर्स स्वस्तही मिळतात आणी चढ्या भावाला विकले जातात. पण सबुरी आणी निरीक्षण हवे. तेजीच्या मार्केटचा फायदा उठवण्यासाठी ज्ञान हवे त्याचवेळी समृद्धीची ज्योत उजळेल.
BSE निर्देशांक सेन्सेक्स ३२४३२, NSE निर्देशांक निफ्टी १०१६७ वर तर बॅंक निफ्टी २४६८९ वर बंद झाले.

आधीच्या आठवड्याचं समालोचन वाचण्यासाठी इथे क्लिक करा
 
हा आठवडा एकंदरीतच शांततेत गेला सोन्रे ढासळले, डॉलर सुधारला, क्रूडही खाली आले. सोन्याच्या बाबतीत मागणी कमी झाली. GST लागू झाल्यामुळे आणी Rs ५०००० च्या खरेदीसाठी KYC सक्तीचे केल्यामुळे, आधार आणी PAN कार्ड असणे जरुरीचे केल्यामुळेही सोन्याच्या मागणीवर परिणाम झाला. बहुतेक बँकांनी बचत आणी मुदत ठेवींवरील व्याजदरात कपात केली. मंदीचे ढग थोडेसे धूसर झाले असे म्हंटले तर वावगे ठरणार नाही.
आंतरराष्ट्रीय घडामोडी

• USA मध्ये पुन्हा H1B विसाची प्रक्रिया सुरु झाली.
• USA मध्ये क्रूडचे उत्पादन वाढल्यामुळे क्रूडचे भाव खाली आले.

सरकारी अन्नौंसमेंट

• सरकारने पेट्रोल आणी डीझेल वरची एक्साईज ड्युटी Rs २ ने कमी केली.
• NHPC आणी SJVN यांना रामपूर प्रोजेक्टसाठी Rs २१०० कोटी जास्त मिळण्याची शक्यता आहे.
• GST चा फायदा घेवून ज्या कंपन्या किमती वाढवतील त्यांच्या विरुद्ध कारवाई करण्यासाठी सरकारने ANTI PROFITEERING ऑथोरिटी ची स्थापना केली. यात १ चेअरमन आणी ४ सदस्य असतील.

RBI SEBI आणी इतर प्रशासनिक संस्था

• RBIने FII आणी FPI ची मर्यादा २४% वरून ४०% केली.
• RBI ने आपल्या दरात कोणतेही बदल केले नाहीत. SLR मात्र ०.५ % ने कमी करून १९.५% केला. RBI ने वाढती महागाई आणी वाढत्या फिस्कल तुटीविषयी चिंता व्यक्त केली. RBI ने काही अटींवर P2P कंपन्यांना NBFC चा दर्जा दिला. RBI ने आपल्या भारताच्या प्रगतीचा अंदाज ७.३% वरून ६.७ % केला. RBI ने सांगितले की होम लोन आणी पर्सनल लोन यांच्यावरील व्याजदर आता T-बिल (ट्रेजरी बिल्स) किंवा सरटीफिकेट ऑफ डीपॉझीट, किंवा RBI च्या रेपो रेट प्रमाणे ठरवले जातील.
• सेबीने उदय कोटक यांच्या अध्यक्षतेखाली नेमलेल्या समितीने शिफारस केली आहे की प्रमोटर्स आणी २५% पेक्षा जास्त शेअरहोल्डिंग असलेल्या शेअरहोल्डर्सबरोबर कंपनी ‘unpublished price sensitive information’ देण्यासाठी एक करार करू शकते. पण या कराराद्वारे पुरवली गेलेली माहिती या शेअरहोल्डर्सनी आणी प्रमोटर्सनी गुप्त ठेवली पाहिजे.
• महिला डायरेक्टर नेमायची असेल तर ती प्रमोटर्सची नातेवाईक असता कामा नये.
• या समितीने शिफारस केली आहे की एप्रिल २०२० पासून ज्या कंपनीत पब्लिक शेअरहोल्डिंग ४०% च्या वर आहे त्या कंपनीने चेअरमन आणी व्यवस्थापकीय संचालक अशी दोन पदे वेगळी करून प्रत्येक पदाचे अधिकार आणी जबाबदारी निश्चित केली पाहिजे.
• तसेच या समितीने इंडिपेंडंट डायरेक्टर्स, वर्षातील किमान बोर्ड मीटिंग, एक व्यक्ती किती कंपनीत डायरेक्टर राहू शकते, कंपनीत किती किमान डायरेक्टर्स असावेत, कंपनीचे ऑडीटर्स, तसेच कंपनीने प्रकाशित करायची माहिती आणी त्याचे वेळापत्रक याबाबतीत सुचना केल्या आहेत. समितीच्या मते हे बदल घडले तर कॉर्पोरेट गव्हेनन्सवर चांगला परिणाम होईल. सेबीने या रिपोर्ट वर लोकांचे म्हणणे आणी सुचना मागवल्या आहेत. लोकांच्या सूचनांचा विचार करून मग या शिफारसी अमलात आणल्या जातील.

खाजगी कंपन्यांच्या घडामोडी

• टाटा मोटर्सला १०००० इलेक्ट्रिक व्हेहिकलची ऑर्डर मिळाली.
• ऑटो विक्रीचे आकडे आले. त्यात मारुती, महिंद्र आणी महिंद्र, अशोक LEYLAND, TVS मोटर्स, बजाज ऑटो, हिरो मोटो यांच्या विक्रीचे आकडे वाढले.
• टी सी एस ला एपिक केस मध्ये USA कोर्टाने केलेल्या दंडाची रकम US$ ९४ मिलियन वरून US$४२ मिलियन पर्यंत कमी केली.
• गोदरेज प्रॉपर्टीज पुण्यामध्ये नवीन प्रोजेक्ट सुरु करत आहे.
• MOILने मंगेनीज ओअरचे भाव ७.२५% ने वाढवले
• BASF इंडस्ट्रीजच्या होल्डिंग कंपनीने आपला लेदर केमिकलचा बिझिनेस Rs १९७ कोटींना विकला.
• महिंद्र आणी महिंद्र या कंपनीला १५० इलेक्ट्रिक व्हेइकलची ऑर्डर मिळाली.
• अजूनही पाऊस चालू आहे. अशावेळी शेतात पाणी असते. त्यामुळे उस तोडणीचे काम दिवाळीनंतरच सुरु होईल. त्यानंतर उसाचे गाळप सुरु होईल. त्यामुळे साखरेचे उत्पादन कमी होईल असा अंदाज आहे. ज्या साखर उत्पादक कंपन्यांकडे साखरेचा साठी आहे त्या कंपन्यांना फायदा होईल.
• अशोका बिल्डकॉन या कंपनीला Rs १२४ कोटींचे आर्बिट्रेशन अवार्ड मिळाले.

कॉर्पोरेट एक्शन

• इंद्रप्रस्थ GAS LTD. च्या शेअर स्प्लिटला मंजुरी मिळाली.
• इंडिया बुल्स व्हेन्चर ही कंपनी Rs २००० कोटींचा राईट्स इशू आणणार आहे.
• RCOM आणी एअरसेल या कंपन्यांचे मर्जर रेग्युलेटरी आणी कायदेशीर अडचणींमुळे रद्द झाले. याचा परिणाम ज्या बँकांनी RCOM ला कर्ज दिले आहे त्यांच्यावर होईल.
• लिप्सा जेम्स या कंपनीला Rs१७.५ कोटींची ऑर्डर मिळाली.
• विप्रोने यूजर एक्सपिरीयंस कन्सल्टंशी कंपनी ‘कुपर’ खरेदी केली.
• स्टरलाईट टेक्नोलॉजीला ऑपटीकल फायबर केबल बनवण्यासाठी ३ वर्षासाठी ऑर्डर मिळाली.
• CROMPTON GREAVES ही कंपनी व्हिडीओकॉन कंपनीचा किचन आणी होम अप्लायन्सेस ब्रांड केनस्टार Rs १४०० कोटींना विकत घेण्याच्या विचारात आहे.
• फ्युचर रिटेल या कंपनीने हायपरसिटी मॉल्स Rs ६५५ कोटींना विकत घेतला. या कंपनीची १९ हायपर मॉल्स मुंबई हैदराबाद आणी बंगलोर येथे आहेत. या अक्विझिशनमुले फ्युचर रिटेलच्या स्टोअर्सची संख्या ९०० वर जाईल.

या आठवड्यातील लिस्टिंग

• या आठवड्यात SBI लाईफच्या शेअर्स चे Rs ७३६ वर लिस्टिंग झाले. शेअर IPO मध्ये Rs ७०० ला दिला होता. SBI लाईफ नोव्हेंबर २०१७ मध्ये बहारीनमध्ये त्यांची शाखा उघडेल
• प्रताप SNACKS या कंपनीचे लिस्टिंग Rs १२७० वर झाले. या कंपनीने IPO मध्ये Rs ९३८ ला शेअर दिला होता. ज्यांना शेअर मिळाले त्यांना चांगला लिस्टिंग गेन झाला.

नजीकच्या काळातील IPO

• HAL (हिंदुस्थान एअरोनॉटिक्स लिमिटेड) चा IPO आणून सरकार आपला १०% स्टेक विकणार आहे
• MAS फायनानसियल या अह्मदाबाद स्थित कंपनीचा IPO ६ ऑक्टोबर ते १० ऑक्टोबर दरम्यान ओपन राहील. या IPOचा प्राईस band Rs ४५६ ते Rs ४५९ असून मिनिमम लॉट ३२ शेअरचा आहे. कंपनी मायक्रो आणी लहान युनीट्सना लोन देते. कंपनीचे TRACK रेकोर्ड चांगले आहे. या कंपनीच्या १२१ शाखा आहेत.
• GIC Re ही कंपनी IPO द्वारा Rs ११३७० कोटी उभारेल. कंपनीचा IPO ११ ऑक्टोबर ते १३ ऑक्टोबर या कालावधीत ओपन राहील प्राईस band Rs ८५५ ते Rs ९१२ राहील कंपनी रिटेल गुंतवणूकदाराना Rs ४५ डीसकौंट देणार आहे. मिनिमम लॉट १६ शेअर्सचा असेल. या कंपनीच्या शेअर्सचे लिस्टिंग २५ ऑक्टोबर २०१७ रोजी होईल. ही सरकारी कंपनी असून रिइन्शुअरंसच्या क्षेत्रात काम करते.
• INTERNATIONAL एनर्जी एक्स्चेंज या कंपनीचा IPO ९ ऑक्टोबर ते ११ ऑक्टोबर या दरम्यान ओपन असेल. या IPOचा प्राईस BAND Rs १६४५ ते १६५० असून मिनिमम लॉट ९ शेअर्सचा आहे.

 
मार्केटने काय शिकवले
शेअरमार्केट आणी आपण एकमेकांपासून दूर नाही. आपल्या आयुष्यात घडणाऱ्या प्रत्येक घटनेचा आरसा मार्केट असते. नवरात्रात बहुतेकजण उपवास करतात उपवासाचे पदार्थ विकणाऱ्या कंपनीचा शेअर असता तर तोसुद्धा वाढला असता. दसरा आल्याबरोबर PC ज्युवेलर्स सारखा शेअर पडत्या मार्केटमध्ये वाढला. पण नवरात्रात दारू आणी मांसाहार याचे सेवन करीत नाहीत पण नवरात्र संपले दसराही संपला त्याच बरोबर वेंकि’ज आणी मद्यार्कासम्बंधी कंपन्यांचे शेअर्स वाढले. यावरून वाचकांनी काय समजायचे ते समजावे.  शेअर मार्केटचे निरीक्षण करता करता मजा वाटली इतकेच.
पुढील आठवड्यासाठी तर चांगले संकेत आहेत. शुक्रवारी GST कौन्सिलची बैठक आहे. यामध्ये GST संबंधीत  जनतेच्या अडचणी दूर केल्या जातील अशी अपेक्षा आहे वातानुकुलित उपहारगृह, हॉटेल्स उदा कामत हॉटेल्स, स्पेशालिटी रेस्टॉरंट टेक्स्टाईल उदा अरविंद रेमंड्स प्लायवूड उदा. ग्रीन प्लायवूड, आर्चीड प्लायवूड या उद्योगांवर आकारला  जाणारा GSTचा दर कमी होण्याची शक्यता आहे.
निर्यातदारांना IGST मध्ये सूट मिळण्याची शक्यता आहे. ३१ मार्च पर्यंत रिव्हर्स चार्ज हटेल.GST मध्ये होणाऱ्या सुधारणांचा सुगावा मार्केटला लागला आहे असे जाणवले शेवटच्या १५ मिनीटामध्ये मार्केटने चांगलीच उसळी घेतली. दिवाळीच्या आधीच दिवाळी साजरी करू असा मार्केटचा इरादा जाणवला. १२ ऑक्टोबरला टी सी एस, आणी इंडस इंद चे दुसऱ्या तीमाहीचे निकाल येतील., तसेच IIP आणी CPI चे आकडे येतील.
BSE निर्देशांक सेंसेक्स ३१८१४ NSE निर्देशांक निफ्टी ९९८० तर बँक निफ्टी २४१९० वर बंद झाले