आधीच्या आठवड्याचं समालोचन वाचण्यासाठी इथे क्लिक करा
मूडीने रचला पाया S & P होईल का कळस? – २० नोव्हेंबर २०१७ ते २४ नोव्हेंबर २०१७
आपण आंतरराष्ट्रीय रेटिंग एजन्सीजना संतांची उपमा दिली पाहिजे.  बिचारे प्रत्येक गोष्टीचे रेटिंग करण्यासाठी परिमाणे, स्तर गोळा करत असतात. प्रत्येक देशाला, देशातील कंपन्यांना त्यांच्या प्रगतीचा मार्ग सुचवत असतात. अधोगतीची कारणे शोधायला मदत करतात. संतांची वचने लोक कान देऊन ऐकत असतात पण आचरणात आणताना कच खातात आणि जे आचरणात आणतात ते स्वतःच संत होतात.
या तीन महिन्यात अशा दोन संतांची पहिली वर्ल्ड बँकआणी दुसरी मुडीजची भारतावर कृपा झाली. एकाने भारताला ‘ईज ऑफ डूइंग बिझिनेस’ मध्ये वरचे रेटिंग दिले तर मुडजने भारताचे रेटिंग वाढवले. अर्थात ही कृपा होण्यासाठी ‘चणे खावे लोखंडाचे तेव्हा ब्रह्मपदी नाचे’ या उक्ती प्रमाणे GST लागू करणे, डीमॉनेटायझेशन,, बँकिंग सेक्टरची सफाई, IBC असे लोखंडाचे चणे पचवावे लागले.
या दोन अपग्रेडेशनमुळे भारताची जगात पत वाढली. भारतीय कंपन्यांना बॉंडद्वारे तसेच आंतरराष्ट्रीय बँका आणी संस्थाकडून कर्ज मिळणे सुलभ आणी स्वस्त झाले. BSE आणी NSE या दोन्ही स्टॉक एक्स्चेंजच्या निर्देशांकांनी गेल्या आठवड्यात उच्चतम स्तर गाठला. कितीतरी लोकांचे शेअर्समध्ये अडकून पडलेले पैसे सुटे झाले.
आता मार्केट वाट पाहत आहे ‘इजा बिजा तिजा’ या म्हणण्याप्रमाणे आठवड्याच्या शेवटी S & P च्या ही रेटिंगमध्ये सुधारणा झाली तर आख्खे शेअर मार्केट्च ‘ब्लू स्काय टेरिटरित’ जाईल. मार्केटमधील गुंतवणूकदार, ट्रेडर्स, उद्योगपती, भारत सरकार, सर्व आनंदोत्सव साजरा करतील
आंतरराष्ट्रीय घडामोडी

• फेडच्या मीटिंग मध्ये आता जरी रेटमध्ये कोठलीही वाढ केलेली नसली तरी डिसेंबरमध्ये रेट वाढण्याची शक्यता वर्तवली आहे.

सरकारी अन्नौसमेंट

• सरकारने लॉजिस्टिक सेक्टरला INFRASTRUCTURE चा दर्जा दिला. त्यामुळे लॉजिस्टिक कंपन्यांना स्वस्त दराने कर्ज मिळेल. उदा :- स्नोमन लॉजिस्टिक, गती, पटेल इंटिग्रेटेड, अलकार्गो, महिंद्र लॉजिस्टिक,.
• खाद्यतेलावरील इम्पोर्ट ड्युटी ३०% वरून ४५% पर्यंत वाढवली. त्यामुळे आयात तेलाचे प्रमाण कमी होईल. याचा परिणाम अडानी एन्टरप्राईझेसवर होईल.
• सरकारने रबर केमिकल PX13 वर ANTIDUMPING ड्युटी बसवली.
• सरकारने पेट कोकच्या आयातीला मनाई केली. SAND माईनिंग वर बंदी घातली. याचा परिणाम सिमेंट कंपन्यांवर होईल.
• सरकार लेदर सेक्टरला काही सोयीसुविधांचे PACKAGE देण्याच्या विचारात आहे. त्याचा परिणाम बाटा, लिबर्टी सुपर लेदर, मिर्झा TANNERS, खादीम’s या कंपन्यांवर होईल.
• सरकार बायो इथनोलसाठी Rs ५००० कोटीची गुंतवणूक करणार आहे. याचा परिणाम प्राज इंडस्ट्रीज आणी सर्व साखर उत्पादन करणाऱ्या कंपन्यांच्या शेअर्स वर झाला.
• सरकार प्रवासी SVC चार्जेस ३८% ने वाढवण्याचा विचार करत आहे. याचा परिणाम प्रवासी वाहतूक करणाऱ्या विमान कंपन्यांवर होईल.
• NPA अकौंटची मालमत्ता रेझोल्युशन प्रक्रीयेद्वारे पुन्हा ज्या प्रमोटर्सनी कर्ज बुडवले आहे त्यांच्या ताब्यात जाऊ नये म्हणून सरकारने वटहुकुमाद्वारे IBC मध्ये सुधारणा केली यात अशी तरतूद केली आहे की खालील व्यक्ती रेझोल्युशनच्या प्रक्रियेमध्ये भाग घेऊ शकत नाहीत. (१) विलफुल DEFAULTERS ज्यांनी हेतुपुरस्सर कर्ज भरण्यासारखी परिस्थिती असताना कर्ज भरले नाही. (२) UNDISCHARGED INSOLVENT (३) अपात्र डायरेक्टर्स  (३) प्रमोटर किंवा त्यांना हमी दिलेले इसम  (४) ज्या इसमाला सेबीने सिक्युरिटीज मार्केटमध्ये व्यवहार करायला बंदी केली आहे, किंवा त्याला दोन वर्षापेक्षा जास्त तुरुंगवासाची शिक्षा झाली आहे, त्या इसमाचा कोणत्याही प्रकारचा अकौंट १ वर्षापेक्षा अधिक काल NPA आहे , त्याला IBC खाली फ्राड्यूलट व्यवहारासाठी बंदी घातली आहे.किंवा कोणत्याही परदेशी कायद्याखाली बंदी घातली आहे, किंवा ज्या इसमाचा वरील निर्देश केलेल्या इसमांशी संबंध आहे. सरकारने काढलेल्या या वटहुकुमाला राष्ट्रपतींनी २२.११ २०१७ रोजी संमती दिली. रेझोल्युशन ऑथारिटी  या तरतुदी वाढवू शकतात.
• मंत्रीमंडळाने १५ व्या वित्तीय आयोगाची स्थापना करण्यास मंजुरी दिली. हा आयोग १ एप्रिल २०२० ते ३१ मार्च २०२५पर्यंत केंद्र आणी राज्ये यांच्यात रेव्हेन्यूची कोणत्या तत्वावर विभागणी करायची ते ठरवेल. हा आयोग GST अमलात आल्यावरचा पहिला वित्तीय आयोग आहे आणी GST च्या अंमलबजावणीत आलेले अनुभव लक्षात घेऊन आपल्या शिफारशी करेल.
• सरकारने प्रत्यक्ष करांच्या कोडमध्ये बदल सुचविण्यासाठी आणी नवीन प्रत्यक्ष कर कोड तयार करण्यासाठी एक ७ सदस्यांची उच्च स्तरीय समिती नेमली आहे ही समिती आपला अहवाल सहा महिन्यात सदर करेल.
• सरकारने तामिळनाडू राज्यात Rs १,००,००० कोटी रकमेच्या हायवे शिपिंग प्रोजेक्टसाठी मंजुरी दिली.
• सरकारने EPFO मध्ये ८५% रक्कम त्यात्या वेळी असलेल्या व्याजासकट परत दिली जाईल पण १५% रकम इक्विटीमध्ये गुतवून होणार्या सर्व फायाद्यांसकट ती रक्कम रिटायरमेंटच्या वेळी दिली जाईल अशी सुधारणा केली आहे.
• सरकारने ज्या ज्या वस्तूंवरील GST कमी केला आहे त्या त्या वस्तूंचे दर कमी करण्यासाठी संबंधीत कंपन्यांना सुचना दिली आहे. GST कमी होण्याआधीची MRP आणी GST कमी झाल्यावरची MRP ह्या दोन्ही वस्तूंवर दाखवल्या पाहिजेत असे सुचवले आहे. सरकारच्या आवाहनाला प्रतिसाद देऊन नेस्लेनी त्यांच्या चॉकलेट, MAGGI आणी इतर उत्पादनाच्या किंमती कमी केल्या

अर्थव्यवस्थेच्या गोष्टी

• निफ्टीमधून सिपला आणी ल्युपिन बाहेर पडतील आणी इंडसइंद बँक आणी येस बँकेचा समावेश होईल.
• इंडो कौंट २९ जानेवारी २०१८ पासून F & O मधून बाहेर पडेल.
• MSCI स्माल कॅप इंडेक्समध्ये येस बँकेला समाविष्ट केले.

RBI SEBI आणी इतर प्रशासनिक संस्था

• युपी आणी महाराष्ट्रामध्ये साखरेचे उत्पादन चांगले झाले आहे. त्यामुळे साखर उत्पादक कंपन्यांवर बसवलेले स्टॉक लिमिट उठवावे अशी मागणी ISMA या सरकारी संस्थेने केली.
• ऑरोबिंदो फार्माच्या युनिट १६ च्या पोर्तुगाल ड्रग रेग्युलेटरी औथोरिटीने १५ सप्टेंबर २०१७ रोजी केलेल्या तपासणीत क्लीन चीट दिली
• NPPA(NATIONAL PHARMA PRICING AUTHORITY) ने प्राईस कंट्रोलच्याअंतर्गत ५१ औषधांच्या किंमती निश्चित केल्या.
• J M फायनांसियलला NATIONAL हौसिंग बँकेकडून हौसिंग फायनान्स बिझिनेससाठी लायन्सेस मिळाले. JM फायनंसियल होम लोन्स या युनिटला परवानगी मिळाली.
• NGT(NATIONAL GREEN TRIBUNAL) ने दिल्ली विमानतळावर फक्त CNG वाहनेच जाऊ शकतील असा नियम केला आहे. वाहनांना CNG ENABLE करण्यासाठी ६ महिन्यांची मुदत दिली आहे.

खाजगी कंपन्यांच्या घडामोडी

• IFCI ने व्हीडीओकॉनमधील २२.५ लाख शेअर्स विकले.
• ADLAB या कंपनीने आपले खोपोली येथील ५ स्टार हॉटेल राधाकिशन दमाणी यांना विकले.
• पटेल इंजिनीअरिंगने ५ एकर जमीन लोढा ग्रूपला Rs ३७६ कोटींना विकली.
• HOEC च्या आसाममधील दिरलोक GAS फिल्डमध्ये कमर्शियल उत्पादन सुरु झाले.
• RCOMची दिल्ली आणी चेन्नई येथील मालमत्ता ब्रूकफिल्ड कोटील खरेदी करणार आहे.
• मर्क इलेक्ट्रॉनिक त्यांचा इलेक्ट्रोनिक इक्विपमेंटचा कारभार विकण्याच्या तयारीत आहेत. कंपनीचा दुसऱ्या तिमाहीचा निकाल चांगला आला. कंपनी टर्नअराउंड झाली.
• लार्सेन AND टुब्रो CONSTRUCTION या कंपनीला ट्रान्सहार्बर लिंक प्रोजेक्टसाठी Rs ८६५० कोटींची ऑर्डर मिळाली. हा प्रोजेक्ट शिवडी ते न्हावाशेवापर्यंत आहे. ही कनेक्टीव्हिटी झाली तर जय कॉर्प, AD LAB, अशा कंपन्यांवर होईल.
• मारुती लिमिटेडने टोयोटा या कंपनीबरोबर इलेक्ट्रिक व्हेईकल साठी करार केला.
• ACC आणी अंबुजा सिमेंट यांनी सिमेंटचे दर पोत्यामागे Rs २० ने कमी केले. याचा परिणाम बांधकाम क्षेत्रातील  कंपन्यांना होईल.
• दक्षिण कोरियाची कंपनी LOTTE कन्फेकशनरीने अहमदाबादची कंपनी HAVMOR Rs १०२० कोटींना खरेदी केली. हा HAVMOR BRAND आता क्वालिटी डेअरी LOTTE कडून खरेदी करणार आहे
• कॉपीराईट ट्रान्स्फर करताना सर्विस कर देण्याची गरज नाही. याचा फायदा मल्टीफ्लेक्सला होईल.

कॉर्पोरेट एक्शन

• करुर वैश्य बँकेने राईट्स इशूद्वारा ११.७ कोटी शेअर्स इशू केले.
• बँक ऑफ इंडियाला Rs ३००० कोटीचा, युनायटेड बँकेला Rs १००० कोटीचा, आणी इडीयन बँकेला QIP इशुद्वारे भांडवल उभारण्यास सरकारने मंजुरी दिली.
• स्टेट बँक ऑफ इंडियाने Rs १२०९ रकमेचे ६ NPA तर बँक ऑफ बरोडाने Rs १०९० कोटी रकमेचे NPA विकण्यासाठी बोली मागवली आहे. स्टेट बँक ऑफ इंडिया मुंबईत आणी इतरत्र झोपडपट्टी पुनर्वसनासाठी पुनर्वसन करणाऱ्या डेव्हलपरला कर्ज देण्याची शक्यता आहे.
• भारती एअरटेल मधील ३% हिसा भारती फौंडेशनला देत असल्याची घोषणा केली. हे फौंडेशन शिक्षण क्षेत्रात काम करेल. आणी सत्य भारती विश्वविद्यालयाची स्थापना करेल.
• झुआरी अग्रो Rs ४०० कोटींचा QIP आणणार आहे.
• जेट एअरवेज आणी एअर फ्रान्स मध्ये करार होण्याची शक्यता आहे. यात एअर फ्रान्स जेटमध्ये स्टेक घेईल. या करारामुळे जेट एअरवेज युरोपात जास्त ठिकाणी पोहोचू शकेल. तसेच कार्गो आणी इंजिनिअरिंग सेवेसाठी करार होण्याची शक्यता आहे. यासंबंधात जेट एअरवेजने २९ नोव्हेंबरला प्रेस कॉन्फरन्स बोलावली आहे.
• टाटा बिझिनेस सपोर्ट सर्विसेस या कंपनीतील ५१% स्टेक क्वेस कॉर्पोरेशन या कंपनीने Rs १५३ कोटींना खरेदी केला.
• मयूर युनिकोटर ही कंपनी Rs ५५० प्रती शेअर या भावाने ४.५ लाख शेअर्स BUY BACK करणार आहे.
• विप्रो २९ नोव्हेंबर ते १३ डिसेंबर २०१७ याकाळात तर इन्फोसिस ही कंपनी ३० नोव्हेंबर ते १४ डिसेंबर या कालावधीत जाहीर केलेया योजनेनुसार शेअर ‘BUY BACK’ करेल .आपल्याला कंपनीने पाठवलेला ‘BUY BACK’ चा फॉर्म वेळेवर मिळाला नाहीतर कंपनीशी संपर्क साधावा नाहीतर कंपनीच्या साईटवरून  डाऊनलोड करून घ्यावा.
• स्ट्राईड शसून या कंपनीचा भारतातील जनरिक बिझिनेस ERIS लाईफसायन्सेस  ही कंपनी Rs ५०० कोटींना विकत घेणार आहे.
• HSIL ही SANITARYWEAR मध्ये कार्यरत असणारी कंपनी कन्झ्युमर प्रोडक्ट्स, डीस्ट्रीब्यूशन आणी मार्केटिंग बिझिनेस डीमर्ज करून सोमानी होम इनोव्हेशन ह्या नवीन कंपनीकडे सोपवणार आहेत.
• २८ नोव्हेंबरला स्वराज्य इंजिनची ‘BUY BACK’ वर विचार करण्यासाठी बोर्ड ऑफ डायरेक्टर्सची बैठक आहे.
• सिमेन्स या कंपनीने Rs ७ प्रती शेअर अंतरिम लाभांश जाहीर केला.
• JSPLच्या प्रमोटर्सनी कंपनीमधला आपला स्टेक वाढवला.
• EDELWEISS ने QIP द्वारा Rs १५२८ कोटी उभारले.
• DB रिअल्टीच्या ४ मालमत्ता बँक ऑफ इंडियाने Rs ३५० कोटी कर्जाच्या वसुलीसाठी ताब्यात घेतल्या. या कंपनीला हमी दिलेल्या लोकांचीही संपत्ती जप्त केली.
• लक्ष्मी विलास बँक Rs १२२ प्रती शेअर या भावाने राईट्स इशू आणणार आहे. बँक या इशू द्वारे Rs ७८७ कोटी भांडवल उभे करेल (राईट्स इशूविषयी खुलासेवार माहिती माझ्या ‘मार्केट आणी मी’ या पुस्तकात दिली आहे).

मार्केटने काय शिकवले     
जर दोन शेअर्स एकत्र वाढत असतील किंवा कमी होत असतील तर ते परस्परांशी संबंधीत आहेत का याचा शोध घ्या. VLS फायनान्स आणी रीलाक्सो या कंपन्यांचे शेअर्स असेच एकत्र वाढतात आणी एकत्र कमी होतात कारण VLS फायनान्स चा रीलाक्सोमध्ये स्टेक आहे.
DB रिअल्टीच्या ४ मालमत्ता बँक ऑफ इंडियाने Rs ३५० कोटी कर्जाच्या वसुलीसाठी ताब्यात घेतल्या. या कंपनीला  हमी दिलेल्या लोकांचीही संपत्ती जप्त केली. ही बातमी बँक ऑफ इंडियाच्या दृष्टीने चांगली तर DB रिअल्टीचे दृष्टीने वाईट म्हणावी लागेल.
मार्केटमध्ये सतत एका कंपनीतील प्रमोटरनी स्टेक वाढवला तर दुसर्या कंपनीतून प्रमोटर आपला स्टेक विकून टाकत आहे.अशा बातम्या येत असतात. कॅम्लिन फाईनमध्ये SBI म्युच्युअल फंडाने स्टेक वाढवला. स्टेक घेतला किंवा प्रमोटर्सनी स्टेक वाढवला ही बातमी कंपनीच्या दृष्टीने चांगली पण किती चांगली हे स्टेक कोणी घेतला, किती भावावर घेतला यावर ठरवावे लागते. नाहीतर कर्ज दिलेल्या बँकांनी ५१% स्टेक एखाद्या कंपनीत घेतला ही बातमी  कंपनीच्या शेवटाची नांदी ठरू शकते. जर प्रमोटर्स किंवा व्हेन्चर कॅपिटल फर्म्सनी स्टेक कमी केला असेल तो कोणी विकत घेतला ते पहावे.
मुडीज च्या रेटिंगनंतर S & P च्या रेटिंगकडे सर्वांचे लक्ष आहे अजून गुजराथच्या निवडणुकांचे निकाल यायला वेळ आहे. कंपन्यांचे तिमाही निकाल होऊन गेले आहेत. बरेच IPO येऊन गेले आहेत. ETF २२ चा NFO ही येऊन गेला.पुढील पंधरा दिवसात RBI ची वित्तीय पॉलिसी जाहीर होईल,  त्यामुळे सध्या तेजीसाठी किंवा मंदी करण्यासाठी काहीही ट्रिगर नाही. त्यामुळे मार्केट एका छोट्याशा रेंजमध्ये आराम करत आहे.
बघू या S & P च्या रेटिंगची वाट !
BSE चा निर्देशांक सेन्सेक्स ३३६७९ तर NSE निर्देशांक निफ्टी १०३८९ वर आणी बँक निफ्टी २५७७९ वर बंद झाले.
***************
S & P ने आपले रेटिंग ‘BBB’ आणी  ऑउटलूक  ‘STABLE’  कायम ठेवला. या दोन्हीहीमध्ये काहीही बदल केला नाही. २०१८ ते २०२० या दोन वर्षात भारताची प्रगती ‘STRONG’ राहील असे अनुमान जाहीर केले.
रेटिंग न सुधारण्याची काही कारणे अशी

• प्रॉब्लेम्स ओंन सप्लाय साईड आणी डिमांड साईड ऑफ लेंडिंग
• हाय फिस्कल डेफिसिट आणी हाय डोमेस्टिक DEBT
• WEAKER GROWTH IN CONSUMPTION

************************

आधीच्या आठवड्याचं समालोचन वाचण्यासाठी इथे क्लिक करा
नाताळच्या आधी नाताळची भेट – १३ नोव्हेंबर २०१७ ते १७ नोव्हेंबर २०१७
मुडी’ज ही आंतरराष्ट्रीय एजन्सी भारत आणी भारतातील शेअरमार्केटसाठी ‘सांताक्लाज’ सिद्ध झाली. या एजन्सीने १३ वर्षानंतर भारताचे रेटिंग वाढवले. नाताळच्या एक महिना आधी नाताळची भेट दिली. यावर्षी दिवाळी आधी तुम्हीआम्ही शेअरमार्केटमध्ये दिवाळी साजरी केली. आता नाताळ आधी नाताळ साजरा करु या. मुडीजने भारतीय सरकारच्या कर्जरोख्यांचे रेटिंग Baa3 वरून वाढवून Baa2 केले. अविकसित देशात भारत सर्वात वरच्या स्तरावर असेल आणी भारताचा प्रगतीचा रेट FY १८ साठी ६.७% FY 19 साठी ७.५% आणी FY २० नंतर प्रगतीचा वेग वाढेल असे अनुमान केले. यामुळे रुपया मजबूत होईल. परदेशी गुंतवणूकदारांचा भारताविषयी विश्वास वाढेल. या रेटिंगमध्ये सुधारणा केल्यामुळे भारतीय कंपन्यांना परदेशात स्वस्त दराने कर्ज मिळेल. म्युच्युअल फंडांची भागीदारी वाढेल. हे ग्रेडिंगमध्ये Upgradation  म्हणजे आर्थिक प्रगतीचे आणी सुबत्तेचे द्योतक आहे.
परदेशी गुंतवणूकदार गेले काही दिवस सतत विक्री करत होते. त्यामुळे गुंतवणूकदार चिंतेत होते. आता आंतरराष्ट्रीय स्तरावर भारताचे क्रेडीट वाढल्यामुळे भारताकडे पाठ फिरवलेले परदेशी गुंतवणूकदार परत आपली गुंतवणूक भारतात आणतील. भारतीय सरकार निरनिराळ्या क्षेत्रात सुधारणा करत आहे. त्या सुधारणांना मिळालेली ही पावती मानावी लागेल. ‘इज ऑफ डूइंग बिझिनेस’ निर्देशांकात सुधारणेनंतर सरकारच्या सुधारणांना मिळालेली ही दुसरी पावती.
मार्केटने त्वरीत या सुधारीत रेटिंगची दखल घेतली आणी मार्केट शुक्रवार तारीख १७ नोव्हेंबर २०१७ रोजी नव्या स्तरावर पोहोचले याचा फायदा HDFC STANDARD लाइफच्या लिस्टिंगलाही झाला.
आंतरराष्ट्रीय घडामोडी

• चीनने असे जाहीर केले की बँका आणी ASSET MANAGEMENT कंपन्यातील परदेशी मालकीवरील मर्यादा काढली जाईल. तसेच परदेशी कंपन्यांना स्थानीय सिक्युरिटीजमध्ये व्यवहार करणाऱ्या कंपन्या आणी विमा कंपन्या याच्यात मेजॉरीटी स्टेक घेण्यास परवानगी दिली जाईल. या प्रकारे चीन हळू हळू आपली अर्थव्यवस्था परदेशी भांडवलास खुली करत आहे. चीनमध्ये धातुंसाठी असलेली मागणी कमी झाल्यामुळे झिंक. निकेल, स्टील यांचे भाव गडगडले. त्याबरोबरच या धातूंमध्ये ट्रेडिंग करणाऱ्या कंपन्यांचे शेअर गडगडले.
• UK ने असे जाहीर केले की ते मार्च २९ २०१९ रोजी युरोपिअन युनियन मधून बाहेर पडतील. या प्रकारे त्या दिवशी ब्रेकझीटची प्रक्रिया पुरी होईल.
• व्हेनिझुएला या देशाच्या चलनाची किंमत फारच कमी झाल्यामुळे तो देश दिवाळखोर देश म्हणून जाहीर होण्याची शक्यता आहे. व्हेनिझुएलाची सरकारी कंपनी PDUSA ने ONGC ला देणे असलेली रक्कम दिली नाही.

सरकारी अन्नौंसमेंट

• सरकारने Strategic विक्री करण्यासाठी १८ कंपन्यांची यादी बनवली आहे. या कंपन्यांकडे असलेली अनावश्यक जमीनही सरकार विकणार आहे. यात ड्रेजिंग कॉर्पोरेशन, सेन्ट्रल इलेक्ट्रॉनिक, स्कूटर्स इंडिया, हिंदुस्थान prefab आणी पवन हंस या कंपन्यांचा समावेश आहे.
• भारत नेट फेज II सोमवारपासून सुरु झाली. यासाठी सरकारने Rs ३४००० कोटींचे टेंडर मागवले आहे.
• EPFवर दिले जाणारे व्याज ८.६५% वरून ८.५०% करण्याचा सरकार विचार करत आहे.
• सरकारने भारत ETF २२ हा एक्स्चेंज ट्रेडेड फंड मार्केटमध्ये आणला. या फंडात ६ सेक्टर मधील २२ कंपन्याचे शेअर्स असतील यापैकी १९ कंपन्या सरकारी तर ३ खाजगी क्षेत्रातील आहेत. किरकोळ गुंतवणूकदारांसाठी २०% कोटा आरक्षित ठेवण्यात आला होता. सर्व प्रकारच्या गुंतवणूकदारांना ३% डीस्कॉउंट देण्यात आला. हा NFO (न्यू फंड ऑफर) किरकोळ गुंतवणूकदारांसाठी १५ नोव्हेंबर ते १७ नोव्हेंबर २०१७ पर्यंत ओपन राहीला. या फडाद्वारे सरकार Rs ८००० कोटी उभारेल.
• दिल्ली NCR एरिआमध्ये वातावरणातील प्रदुशणाचे प्रमाण खूपच वाढले आहे. हे प्रदूषण डीझेल वापरणाऱ्या गाड्यांमुळे होते असा अंदाज आहे. त्यामुळे सुप्रीम कोर्ट या गाड्यांच्या किमतीच्या एक निश्चित % पर्यावरण सेस लावण्याची शक्यता आहे. सरकारने BSVI इंधन वापरण्याचा कालावधी दिल्लीसाठी २०२० साला ऐवजी एप्रिल २०१८ पासून सुरु करण्याचा निर्णय घेतला आहे. याचा परिणाम म्हणजे हे पेट्रोल आताच्या पेट्रोलपेक्षा महाग असेल. तसेच हे पेट्रोल वापरल्यावर गाडीचे ‘माईलेज’ कमी होईल. तसेच कार्सच्या किमतीही वाढतील.
• सरकार सरकारी बँकांच्या रीकॅपीटलायझेशनबद्दल डिसेंबर २०१७ पर्यंत निर्णय घेईल.
• सरकार आयात कमी करण्याचा प्रयत्न करत आहे. इलेक्ट्रोनिक वस्तू मोठ्या प्रमाणावर आयात होतात. त्यासंबंधीचे धोरण सरकार लवकरच जाहीर करेल. याचा परिणाम मर्क आणी BPL यांच्यावर होईल.
• सरकारने दिल्ली NCR मधील बांधकामावर असलेली बंदी उठवली
• सरकारने सर्व प्रकारच्या डाळी आणी पल्सेस यांच्या निर्यातीवरील निर्बंध उठवले.
• सरकारने ‘FPI’ च्या निवेशाची मर्यादा ४९% केली. याचा फायदा पेट्रोनेट LNG( ४०% वरून ४९%) आणी ICICI लोम्बार्डला (२४% वरून ४९%) होईल.
• सरकारने आपण जर डेबिट कार्ड, क्रेडीट कार्ड PAYtm यांच्या माध्यमातून पेमेंट करत असाल तर GST मध्ये २% सूट दिली जाईल असे जाहीर केले. याचा फायदा TVS इलेक्ट्रॉनिकला होईल.
• सरकारने प्रधानमंत्री आवास योजनेअंतर्गत कार्पेट एरिआ १२० वर्गमीटर एवढा केला आता या घरानांही सवलत मिळेल. याचा फायदा रिअल एस्टेट सेक्टर, हौसिंग फायनान्स आणी सिमेंट या सेक्टर्सना होईल.

RBI SEBI आणी इतर प्रशासनिक संस्था

• सेबीने जानेवारी २०१८ पासून IPO ची प्रक्रिया T+३ करण्याचे ठरवले आहे, या प्रक्रियेप्रमाणे IPO बंद होण्याच्या दिवसापासून ३ दिवसांच्या आत शेअर्सचे लिस्टिंग होईल.

अर्थव्यवस्थेच्या गोष्टी

• ‘IIP’ आकडे आले. सप्टेंबर २०१७ साठी IIP निर्देशांकात ३.८% (ऑगस्ट मध्ये ४.५%) वाढ झाली. एकूण वाढ कमी  झाली असली तरी कॅपिटल गुड्स चे उत्पादन ७.४% ,इलेक्ट्रिसिटी, उत्पादन यांच्या निर्देशांकात लक्षणीय वाढ झाली. तसेच रोज वापरातील वस्तूंचे उत्पादन १०% ने वाढले ही वाढ ग्रामीण मागणी वाढली असल्याचे दाखवते.
• ऑक्टोबर महिन्यात WPI (होलसेल प्राईस इंडेक्स) ३.५९% ने वाढला. (सप्टेंबर महिन्यात २.६०% वाढला होता.) ही वाढ मुख्यतः अन्न धान्य आणी भाजीपाला, इंधन आणी उर्जा यांच्या किंमतीत झाली.
• CPI (कन्झ्युमर प्राईस इंडेक्स) ऑक्टोबर २०१७ या महिन्यात ३.५८% ने वाढले. ही गेल्या सात महिन्यातली कमाल वाढ आहे. अन्नधान्य आणी भाजीपाला, इंधन उर्जा यांच्या बाबतीत जास्त वाढ दिसून आली.
• MSCI निर्देशांकात काही बदल करण्यात आले. या निर्देशांकात ३० शेअर्सचा समावेश करण्यात आला तर १० शेअर्स वगळण्यात आले.
• ऑक्टोबर २०१७ मध्ये भारताची निर्यात US $२३.१ बिलियन तर आयात US $ ३७.१ बिलियन झाली. ऑक्टोबर महिन्यासाठी ट्रेड डेफिसिट US $ १४ बिलियन एवढी झाली. GSTच्या बाबतीत असलेल्या अनिश्चिततेमुळे निर्यात कमी झाली.
• ट्यूब इन्व्हेस्टमेंट हा शेअर ‘T’ ग्रूप मधून ‘B’ ग्रूप मध्ये आला आणी सर्किट वाढवून २०% केले.

खाजगी कंपनांच्या घडमोडी

• AXIS बँकेत BAIN, CAPITAL INTERNATIONAL, (दोन्ही मिळून US $ १.६ बिलियन) आणी LIC US $२ मिलियनची गुंतवणूक शेअर्स आणी शेअर वारंटच्या स्वरूपात करेल. यामुळे बँकेची कॅपिटल ADEQUACY १८.६६% इतकी होईल. या व्यवहारातून बँक Rs ११६२६ कोटी भांडवल उभारेल.
• JP ग्रूपची कंपनी जे पी इन्फ्राटेक पूर्ण किंवा अंशतः खरेदी करण्यात JSW ग्रूप. वेदान्ता,लोढाग्रूप आणी डच बँक यांनी रस दाखवला.
• RCOM चा मुंबईतील पॉवर व्यवसाय अडाणी ट्रान्समिशन खरेदी करेल. हा सौदा Rs १६००० ते Rs १७००० कोटीमध्ये होईल.
• लारसन आणी टुब्रो या कंपनीचा तिमाही निकाल चांगला आला. पण त्यांनी भविष्यातील ऑर्डर फ्लो चा गायडंस कमी केला.
• आयडीया आपला टॉवर बिझिनेस ATC टेलिकॉम ला Rs ३८५० कोटींना विकेल. हा सौदा २०१८ च्या पहिल्या तिमाहीत पुरा होईल. तसेच वोडाफोनही आपला टॉवर बिझिनेस ATC टेलिकॉमला Rs ४००० कोटींना विकणार आहे.
• अलाहाबाद बँक डिसेंबर २०१७ पर्यंत Rs १२६१ कोटीचे ६१ NPA अकौंट विकेल.
• महिंद्र आणी महिंद्र आणी फोर्ड याच्यामध्ये इलेक्ट्रिकल सेदान कारसाठी JOINT वेंचर होईल. ही कंपनी मेक्सिकोच्या मार्केटमध्ये EV आणण्याची तयारी करत आहे.
• इंडिया बुल्स हौसिंगने ओक नॉर्थ बँकेतील १०% हिस्सा Rs ७७० कोटीना विकला
• USFDAने ल्युपिनच्या गोवा प्लांटसाठी वार्निंग लेटर इशु केले.
• RECने ‘पतरातु’ प्रोजेक्टसाठी Rs १४००० कोटीचे कर्ज मंजूर केले.
• ABBOT LAB, क्विक हिल, नेकटर लाईफसायन्सेस, गोदरेज फिलिप्स, न्यू इंडिया अशुअरंस, GIC, टेस्टी बाईट्स, मार्कसंस फार्मा यांचे तिमाही निकाल चांगले आले.
• अडानी पॉवर, BASF, TSL, TD पॉवर या कंपन्या टर्नअराउंड झाल्या. कोल इडिया, आणी NCC चे निकाल असमाधानकारक आले.
• पडबिद्री ब्लेड प्लांट सुझलोंनने संपामुळे बंद केला
• जस्टीस लीग आणी तुम्हारी सुलू हे चित्रपट रिलीज होणार आहेत. याचा फायदा INOX आणी PVR यांना होईल.

कॉर्पोरेट एक्शन

• वक्रांगी सॉफटवेअरने १:१ असा बोनस जाहीर केला
• या आठवड्यातील लिस्टिंग न्यू इंडिया अशुअरन्स या कंपनीचे शेअर्स Rs७५० वर झाले. हा शेअर IPO मध्ये Rs ७७० ला किरकोळ अर्जदारांना दिला होता.
• एअरटेल या कंपनीने त्यांचा भारती इन्फ्राटेलमधील ४.४९% स्टेक Rs ३३२५ कोटींना विकला
• EDELWEISS ही कंपनी Rs २८५ प्रती शेअर या भावाने QIP आणणार आहे.
• नोव्हेंबर डिसेंबर या महिन्यात लोक देशी परदेशी प्रवासास जातात. आता पुन्हा क्रूडचे भाव कमी होऊ लागले आहेत. त्यामुळे प्रवासी वाहतूक करणाऱ्या विमान कंपन्यांना फायदा होईल.
• RBL बँकेने स्वाधार फिनसर्वमध्ये २% हिस्सेदारी वाढवली. आता RBL ची हिस्सेदारी ६०% झाली.
• क्रिसिलने PRAGMATIKS मध्ये १००% हिस्सेदारी खरेदी केली.

या आठवड्यातील लिस्टिंग
न्यू इंडिया अशुअरंसचे Rs ७५० वर लिस्टिंग झाले. हा शेअर IPO मध्ये Rs ८०० ला दिला होता. किरकोळ गुंतवणूकदारांना Rs ७७० ला दिला होता.
खादीम इंडिया या काम्पानीच्या शेअर्सचे लिस्टिंग Rs ७३० (IPO किंमत Rs ७५०) वर झाले.
इंडिया इनफोलाईनमधून डीमर्ज झालेली कंपनी ५ पैसा.कॉम या कंपनीचे NSE वर Rs ४०० वर लिस्टिंग झाले.
(डीमर्जर या कॉर्पोरेट एक्शन विषयी सविस्तर माहिती ‘मार्केट आणी मी’ या माझ्या पुस्तकात दिली आहे)
मार्केटने काय शिकवले
९ दिवसांपासून मार्केटमध्ये ‘लोअर हाय लोअर लो’ होत आहे. बहुतेक वेळा ८ दिवसानंतर मार्केटचा ट्रेंड बदलतो. एखाद्या शेअरमध्ये रेकॉर्ड VOLUME असले तर तो शेअर काही दिवसांकरता कनसॉलिडेट होतो. घरातल्या एखाद्या व्यक्तीने काही चांगले काम केले तर घरातून त्याचे कौतुक होते. पण बाहेरच्या कुणी शाबासकी दिली बक्षीस दिले किंवा त्या कामाची दाखल घेतली, वर्तमान पत्रातून छापुन आले की त्याला अधिक महत्व प्राप्त होते. अशीच स्थिती मुडीजने रेटिंग वाढवल्यामुळे झाली.
भारतात मात्र सरकारला त्यांनी केलेल्या सुधारणासाठी टीकेला तोंड द्यावे लागत आहे. सामान्य जनतेला फक्त महागाई कमी झाली तरच सुधारणा झाली असे वाटते. पण सरकारच्या सुधारणांची आंतरराष्ट्रीय रेटिंग एजन्सीने दखल घेतली हे कौतुकास्पदच आहे. मार्केटनेही सलामी दिली. या सलामीचा फायदा मार्केट पडू लागल्यानंतर मार्केट पासून दूर गेलेल्या लोकांना झाला नाही.
मला मार्केट्ची तुलना बॉक्सिंगच्या खेळाशी करावीशी वाटते. बॉक्सिंगमध्ये खेळाडू पडतो पण पुन्हा उठतो पण मैदान सोडून पळत नाही. खेळात सुधारणा करतो त्याचवेळी यशस्वी होतो. हेच तत्व मार्केट मध्ये आचरणात आणल्यास तेजीचा आनंद लुटता येईल.
या आठवड्याचा शेवट आनंदात झाला. मार्केटने नवा उच्चांक प्रस्थापित केला.
BSE निर्देशांक सेन्सेक्स ३३३४२, NSE निर्देशांक निफ्टी १०२८३ वर तर बँक निफ्टी २५७२८ वर बंद झाला.

आधीच्या आठवड्याचं समालोचन वाचण्यासाठी इथे क्लिक करा
चाहूल लागली बदलाची – ६ नोव्हेंबर २०१७ ते १० नोव्हेंबर २०१७
शेअरमार्केट ज्या प्रमुख गोष्टींवर अवलंबून असतो. त्यात चलन, क्रूड, व्याजाचा दर आणी सोने यांचा समावेश असतो. गेल्या तीन वर्षात क्रूडचा दर कमी होत होता. त्यामुळे अर्थव्यवस्थेवरील ताण कमी झाला आणी चलनाचा विनिमय सुधारला. पण २०१७ मध्ये हळूहळू क्रूड वाढत जात आहे. क्रूडचा भाव US$ ६० पर्यंत पोहोचला. त्यामुळे रुपयाचा इतर चलनाबरोबरचा विनिमय दर कमी कमी होत गेला. रुपयाचा विन्मय दर US $1 =Rs ६३ वरून  US$1=Rs ६५ इतका हा दर कमी झाला. त्यामुळे रथाची चाके पुन्हा उलटी फिरणार काय अशी शंका येऊ लागली. काही प्रमाणात मार्केटमध्ये प्रॉफीट बुकिंग सुरु झाले आणी फार्मा, IT तसेच सरकारी बँकांच्या शेअर्सची खरेदी सुरु झाली. एकंदरीतच मार्केटची चाल बदलली.
गेल्या तीनचार वर्षांचा काळ क्रूडचा भाव पडण्याचा होता. पण आता मुलभूत बदल होत आहे. क्रूडचा भाव US $ ६४ पर्यंत झाला आहे. हा भाव US$ ७० पर्यंत जाण्याची शक्यता आहे.
आंतरराष्ट्रीय घडामोडी

• सौदी अरेबियातील राजकीय घडामोडींमुळे आणी त्यांच्या इराणबरोबरील संबंधातील ताणतणावामुळे क्रूडची किंमत २ वर्षातील कमाल स्तरावर वाढली.
• जपानच्या अध्यक्षांनी सांगितले की आम्ही loose मॉनेटरी पॉलिसी चालू ठेवू.

सरकारी अनौंसमेंट

• कोल इंडियाची सबसिडीअरी महानदी कोल फिल्ड्स या कंपनीला ओडिशा सरकारने Rs २१ कोटी दंड ठोठावला.
• MMTC आणी STC या दोन्ही कंपन्यांचे मर्जर होण्याची शक्यता आहे. या दोन्ही कंपन्यांमध्ये सरकारची हिस्सेदारी ९०% आहे. त्याशिवाय LIC कडे ५% हिस्सेदारीआहे. ५% शेअर्स पब्लिककडे आहेत. VRS साठी सरकारला कमी पैसा (STC च्या कर्मचाऱ्यांच्या VRS साठी Rs २५० कोटी) खर्च करावा लागेल

RBI SEBI आणी इतर प्रशासनिक संस्था
9 ते १० नोव्हेंबरला GST कौन्सिलची बैठक झाली. या बैठकीत पुढीलप्रमाणे निर्णय घेतले गेले.

• GST कौन्सिलने १७८ वस्तूंवरचा GST २८% वरून १८ % केला. १३ वस्तूंवरील GST १८% वरून १२% केला. २ वस्तूंवरचा GST २८% वरून १२% केला. रेस्टॉरंट आणी हॉटेल्सवरचा GST ५% केला. ६ वस्तुंवरील GST ५% वरून ०% केला. ८ वस्तूंवरचा GST १२% वरून ५% केला. रेस्टॉरंट आणी हॉटेल यांना इनपुट क्रेडीट मिळणार नाही. GST कौन्सिलच्या या बैठकीत रिअल इस्टेटवर चर्चा होऊ शकली नाही.

खाजगी कंपन्यांच्या घडामोडी

• RIL आलोक इंडस्ट्रीज चे पॉलिएस्टर युनिट खरेदी करण्याचा विचार करत आहे.
• REC (रुरल इलेक्ट्रिफिकेशन कॉर्पोरेशन) रेल्वेला इलेक्ट्रिफिकेशनच्या महत्वाकांक्षी कार्यक्रमासाठी ४ ते ५ वर्षात Rs ३०००० कोटींचे कर्ज वार्षिक ९% व्याजाने देणार आहे.
• SCHNEIDAR ही फ्रेंच कंपनी आणी TAMASEK हे लार्सेन & टूब्रो चा इलेक्ट्रिक आणी ऑटोमेशन बिझिनेस Rs १५००० कोटी ते Rs १७००० कोटीना विकत घेणार आहेत.
• USFDA ने ल्युपिन या कंपनीला त्यांच्या गोवा आणी पिठमपूर प्लांटसाठी वार्निंग लेटर इशू केले आहे. त्याचप्रमाणे ३ फॉर्म नंबर 483 इशू केले आहेत. यामुळे कंपनीचे नवीन प्रोडक्ट USA मध्ये लॉनच करण्यास उशीर होण्याची शक्यता आहे. याचा परिणाम म्हणून ल्युपिनचा शेअर १६% पडला.
• आय फोन १० मॉडेलला चांगला प्रतिसाद मिळाला याचा फायदा HCL इन्फोसिस्टीमला होईल.
• RCOMया कंपनीचा टॉवर बिझिनेस घेण्यासाठी जी ब्रूकफिल्ड बरोबर बोलणी चालू होती ती फिसकटली.
• OMRU हॉस्पिटलमध्ये नाटको फर्माने स्टेक घेतला.
• NHAI ने HCC, लार्सन आणी टूब्रोला नोटीस पाठवली
• युनिकेम LABची मार्केट कॅप Rs २६०० कोटी आहे पण त्यांना १२० BRAND विकून Rs ३६०० कोटी मिळाले. म्हणजे Rs १००० कोटींचा फायदा झाला. त्यामुळे शेअरहोल्डर्सना स्पेशल लाभांश मिळेल अशी अपेक्षा आहे.
• पनामा पेपरप्रमाणेच ‘PARADISE’पेपरचा धमाका झाला आहे. ७१४ लोकांच्या नावांचा, यात काही आंतरराष्ट्रीय तसेच राजकीय नेत्यांचा, उद्योग जगतातील लोकांचा, सिनेजगतातील लोकांचा, तसेच काही कंपन्यांचा समावेश आहे.
• सदभाव इंजिनिअरिंग या कंपनीला महाराष्ट्र राज्यात Rs ६७५ कोटींचे काम मिळाले.
• HDFC लाईफचा इशू येतो आहे. त्यांची इंद्रप्रस्थ मेडिकलमध्ये हिस्सेदारी आहे त्यामुळे या IPO ला जर चांगला प्रतिसाद मिळाला तर इंद्रप्रस्थ मेडिकलच्या शेअरची किंमतीवर परिणाम होईल.
• महिंद्र लाईफ स्पेस २ औद्योगिक प्रोजेक्टमध्ये Rs ६०० कोटींची गुंतवणूक करेल.
• ज्योती LAB चा हेन्केल या कंपनीबरोबरचा करार रिन्यू होऊ शकला नाही.
• मंचरमध्ये मेगा प्रोजेक्टसाठी पराग मिल्क प्रोडक्ट या कंपनीला महाराष्ट्र सरकारकडून Rs २८० कोटी उत्तेजनार्थ मिळाले.
• अडानी पॉवरने 1496MW क्षमतेचा पॉवर परचेस करार बांगलादेशबरोबर केला.
• आसाम आणी केनयामध्ये उत्पादन कमी झाल्यामुळे चहाचे दर ५% ते 11% ने वाढले. त्यामुळे चहा कॉफी उत्पादक कंपन्यांचे शेअर्स वाढण्याची शक्यता आहे.
• ड्रेजिंग कॉर्पोरेशन ही कंपनी तोट्यातून नफ्यात आली. (टर्नअराउंड झाली). Rs १४ कोटी नफ्याएवजी Rs १९ कोटी फायदा झाला.
• स्टेट बँक ऑफ इंडियाचा निकाल चांगला झाला. NII (नेट इंटरेस्ट इन्कम) वाढले, NPA कमी झाले. PCR (प्रोविजन कव्हरेज रेशियो सुधारला. कासा रेशियो (करंट अंड सेविंग डीपॉझीट/ एकूण डीपॉझीट) सुधारला.
• MRF, बँक ऑफ महाराष्ट्र, बँक ऑफ इंडिया, चेन्नाई पेट्रो, युनायटेड ब्रुअरीज, महानगर GAS, टायटन, सौराष्ट्र सिमेंट, GIPCL, KEC, सिप्ला, महानगर GAS ALLSEC टेक्नॉलॉजी, IRB इन्फ्रा, वाबको, पेट्रोनेट LNG, बॉम्बे डायींग, व्होल्टास, ऑरोबिंदो फार्मा यांचे तिमाही निकाल चांगले आले
• ‘JUST DIAL’ , कॅस्ट्रोल या कंपन्यांचे निकाल ठीक आले.
• टाटा पॉवर, REC, OBC, SRFचा निकाल असमाधानकारक आले.
• नागार्जुन फरटीलायझर, फ्युचर कन्झ्युमर, V MART, डेन नेटवर्क, हाथवे, ट्रेनट या कंपन्या तोट्यातून फायद्यात आल्या.

कॉर्पोरेट एक्शन

• अरविंद लिमिटेड या कंपनीने आपले ब्रांडेड APPAREL आणी इंजिनीअरिंग बिझिनेस डीमर्ज केले. कंपनी तिच्या Rs १० दर्शनी किमत असलेल्या ५ शेअर्समागे अरविद FASHION चे Rs ४ दर्शनी किमतीचा १ शेअर आणी जर तुमच्याकडे २७ शेअर्स असतील तर अनुप (इंजिनीअरिंग बिझिनेस) चा Rs १० दर्शनी किमतीचा एक शेअर तुमच्याकडे अरविंद चे २७ शेअर्स असतील तर देण्यात येईल. ही डीमर्जरची प्रक्रिया ८ ते ९ महिन्यात पूर्ण होईल. त्यानंतर हे शेअर्स लिस्ट होतील.
• प्रायव्हेट इक्विटी फर्म एव्हरस्टोन व्हीडीओकॉनचा ’केनस्टार’ हा किचन आणी होम अप्लायन्सेस ब्रांड विकत घेणार आहे.
• ICICI बँकेने ICICI सिक्युरिटीज या त्यांच्या सबसिडीआरीचा IPO आणण्यासाठी मंजुरी दिली आहे. ही
• सबसिडीअरी इन्व्हेस्टमेंट बँकिंग आणे ब्रोकिंगच्या क्षेत्रात कार्यरत आहे.
• MAX लाईफ ही कंपनी लक्ष्मी विलास बँकेत १०% स्टेक घेण्याची शक्यता आहे.
• टाटा केमिकल्सचा हल्दिया येथील फॉस्फेट फर्टिलायझर प्लांट इंडोरामा ग्रूप Rs ३७५ कोटींना विकत घेणार आहे.
• कॅस्ट्रोल या कंपनीने १:१ बोनस दिला.
• महिंद्र आणी महिंद्र या कंपनीने १:१ बोनस जाहीर केला. महिंद्र आणी महिंद्र या कंपनीचा तिमाही निकाल चांगला लागला. मर्जीन १३% वरून १६% झाले.

या आठवड्यातील लिस्टिंग

• रिलायंस नीपपॉन लाईफ या कंपनीच्या शेअर्सचे Rs २९४ ला लिस्टिंग झाले. हा शेअर IPO मध्ये २५२ ला दिला होता
• महिंद्र लॉजीस्टिक्सचा शेअर Rs ४२९ वर लिस्ट झाला.

या आठवड्यातील IPO
HDFC लाईफचा IPO एकूण ४.९ वेळा ओव्हरसबस्क्राईब झाला. QIP १६.६ वेळा, HNI कोटा २.२८ वेळा तर रिटेल कोटा ०.९ वेळेला सबस्क्राईब झाला.
मार्केटने काय शिकवले
NHAI ने काही कंपन्यांवर प्रतिबंध घातले आणी या कंपन्यांना ऑर्डर्स दिल्या जाणार नाहीत असे जाहीर केले. यात HCC तसेच लार्सन एंड टुब्रो यांचा समावेश होता. पण वाहतूकमंत्री नितीन गडकरींनी NHAI ला काळजीपूर्वक पूर्ण चौकशी करा असा सल्ला दिला.
गुगल ही कंपनी ‘JUST DIAL’  ही कंपनी विकत घेणार आहे अशी बातमी होती. त्यामुळे ‘JUST DIAL’ चा शेअर बर्यापैकी वाढला. शुक्रवारी कंपनीने स्पष्टीकरण दिले की अशी कोणतीही बोलणी चालू नाहीत. पूर्वी ‘JUST DIAL’ ह्या कंपनीला अमाझोन ही कंपनी विकत घेणार आहे अशी बातमी होती
USFDA ने DIVI’ज LAB ला दिलेले WARNING लेटर परत घेतले.
इंडिगोच्या बाबतीत त्यांनी एका प्रवाश्या बरोबर अशोभनीय वर्तन केले अशी बातमी आली पण याचा कंपनीच्या बिझिनेसवर कोणताही आर्थिक परिणाम होणार नसल्यामुळे मार्केटने या बातमीकडे दुर्लक्ष केले.
राधाकृष्ण दमाणी एक मोठे गुंतवणूकदार आहेत त्यांनी  ADLAB च्या मालकीचे एक हॉटेल विकत घेतले. यामुळे ADLAB चा शेअरची किंमत वाढली.
या अशा परस्पर विरोधी बातम्या सतत मार्केटमध्ये येत असतात जर तुम्ही बातमींवर आधारीत ट्रेड करत असाल तर फार सावध आणी चपळ राहिले पाहिजे. बातमीचा आणी त्याच्याविरुद्ध आलेली बातमी दोन्हींचा फायदा करून घेतला पाहिजे. त्या वेळेवर त्या शेअरबाबत त्वरीत निर्णय घेता आला पाहिजे. नाहीतर म्हणलेच आहे ‘थांबला तो संपला’
शेअरमार्केट म्हणजे क्रिकेट सामन्याप्रमाणेच असते. क्रिकेटमध्ये  २०-२०, वन डे, कसोटी सामना, खेळले जातात. त्याचप्रमाणे मार्केटमध्येसुद्धा लोक विविध प्रकारच्या म्हणजे इंट्राडे, अल्प मुदतीसाठी, मध्यम मुदतीसाठी, आणी दीर्घ मुदतीसाठी गुंतवणूक/ट्रेड करत असतात. कधी कधी असे होती की सामन्याचा रंग दर तासागणिक बदलत असतो. दोन्ही बाजूच्या लोकांची उत्सुकता ताणली जाते. पण  शेवटी सामना अनिर्णीत अवस्थेत संपतो. तसेच काहीसे या आठवड्यात झाले कधी मार्केट बेअर्सच्या बाजूने तर कधी बुल्सच्या बाजूने झुकले. पण शेवटी काहीच  निर्णय लागला नाही. बुल्स किंवा बेअर्स कोणीही चांगला व्यवहार करू शकले नाहीत. आठवडा गोंधळाचा गेला.
GST कौन्सिलने ज्या वस्तूंवर GST कमी केला आहे त्या वस्तूंशी संबंधीत कंपन्यांच्या शेअर्सच्या किंमती वाढतील. तरी अशा कंपन्यांच्या शेअर्सवर पुढील आठवड्यात लक्ष ठेवा.
BSE निर्देशांक सेन्सेक्स ३३३१४ वर तर NSE निर्देशांक निफ्टी १०३२१ वर तर बँक निफ्टी २५४९८ वर बंद झाले
 

आधीच्या आठवड्याचं समालोचन वाचण्यासाठी इथे क्लिक करा
प्रत्येक भारतीयाला अभिमान वाटावा अशी गोष्ट या आठवड्यात ३१ ऑक्टोबर २०१७ या दिवशी घडली. “EASE OF DOING BUSINESS” या निर्देशांकात भारताची स्थिती ३० अंकांनी सुधारली. तुम्ही म्हणाल आम्हाला यात चांगलं काय? वाईट काय? काही कळले नाही. कोणताही उद्योग करायचा म्हणजे अनेक परवानग्या, अनेक सरकारी खात्यांकडून विविध कारणांसाठी मंजुरी, वीज,पाणी, जमीन,यंत्रसामुग्री, कच्चा माल.पर्यावरण आणी वाहतूक या सर्वांची जमवाजमव करावी लागते. या सर्व प्रक्रियेत वेळ, पैसा, आणी त्रास खूप होतो. परदेशातील लोक उद्योग सुरु करण्यासाठी आपल्या देशात येतात, त्यामुळे आपल्या देशात परदेशातून पैशाचा ओघ सुरु राहतो. पण परदेशातील लोकांना उद्योग सुरु करताना अडचणी आल्या, प्रत्येक ठिकाणी अडवणूक झाली तर ते भारतात येण्यास फारसे उत्सुक नसतात. यासाठी WORLD बँकेने काही निकष ठरवले आहेत. त्यानुसार या निकषांवर आधारीत माहिती संकलीत करून ही बँक रेटिंग देते. आपला या यादीत १३० वा नंबर होता तो आता १०० वा झाला भारतात ज्या सुधारणा केल्या गेल्या त्यामुळे भारतात बिझिनेस सुरु करणे आणी तो सुरळीतपणे चालू ठेवणे अधिक सोपे, सुलभ आणी फायदेशीर झाले. भारतात केल्या गेलेल्या या सुधारणांचे जागतिक पातळीवर कौतुक झाले.
आंतरराष्ट्रीय घडामोडी

• चीनमध्ये प्रदूषणाच्या कारणास्तव उद्योगांवर बरीच नियंत्रणे घातली आहेत. त्यामुळे भारतीय कंपन्यांकडे केमिकल्सची मागणी वाढली. केमिकल कंपन्यांचे तिमाही निकाल चांगले आले. उदा बालाजी अमाईनस, इंडिया ग्लायकॉल, नवीन फ्लूओरिन, नोसील, मेघमणी ओर्गानिक्स,हिकल केमिकल्स, सुदर्शन केमिकल्स, विनती ओर्गनिक्स
• बँक ऑफ इंग्लंड ने आपले रेट वाढवले.
• FEDने आपल्या रेटमध्ये कोणतेही बदल केले नाहीत.
• USA मध्ये औषधांच्या किंमती १३% ने कमी होण्याची शक्यता आहे.

सरकारी अन्नौंसमेंट

• इथेनॉलची किंमत Rs ३९ वरून Rs ४०.८५ केली. ही किंमत २०१७-२०१८ साठी ठरवली. नेहेमी मार्केटमध्ये एकाचा फायदा तर दुसर्याचे नुकसान असते. ऑईल मार्केटिंग कंपन्या इथेनॉल खरेदी करतात इथेनॉलची किंमत वाढवली की साखर उत्पादन करणाऱ्या कंपन्यांचे शेअर्स वाढतात तर HPCL, BPCL IOC यांचे शेअर पडतात. ओईल मार्केटिंग कंपन्यावर वाईट परिणाम होतो.
• फरटीलायझर कंपन्यांसाठी Rs १०००० कोटींच्या सबसिडीला मंत्रीमंडळाने मंजुरी दिली.
• नाल्कोची ऑफर फोर सेल Rs ६९ प्रती शेअर या भावाने येणार आहे. सध्या नाल्कोचा भाव Rs ९५ च्या आसपास आहे.

RBI SEBI आणी इतर प्रशासनिक संस्था

• इन्डोकाउंट इंडस्ट्रीजच्या दोन डायरेक्टर्सना शेल कंपन्यांशी संबंधीत असल्यामुळे कॉर्पोरेट मंत्रालयाने अपात्र घोषित केले.
• फर्जी इमेल संबंधात सेबीने सुप्रीम टेक्सपोर्ट LTD च्या प्रमोटर्सवर आणी त्यांच्याशी संबंधीत १० कंपन्यांवर कारवाई केली. त्यांना स्टॉक एक्स्चेंजशी संबंधीत कोणतेही कामकाज करण्यावर बंदी घालण्यात आली.

खाजगी कंपन्यांच्या घडामोडी 

• IDFC बँक आणी श्रीराम कॅपिटल यांच्यात मर्जरचे प्लान सुरु होते. VALUATION विषयी एकमत झाले नाही त्यामुळे हे मर्जर रद्द झाले.
• अल्केम LABच्या LT LOUIS या युनिटला USFDA क्लीन चीट मिळाली
• रेल्वेने रूळ मोठ्या प्रमाणावर खरेदी करण्यासाठी टेंडर मागवले. याचा फायदा ‘SAIL’ होईल.
• TCS या कंपनीने मलेशियन एअरलाईन्ससाठी ‘कलाउड सर्विस, चालू केली.
• ऑरीकोन एनटरप्रायझेस या कंपनीने RESTRUCTURING चा मोठा प्लान सोमवार ३०/१०/ २०१७ रोजी सादर केला
• सोलार इंडस्ट्रीजला Rs ११४३ कोटींची ऑर्डर कोल इंडिया या कंपनीकडून मिळाली.
• टाटा ग्लोबल बिव्हरेजीस या कंपनीने बंगलोरमध्ये आपला पहिला टी कॅफे सुरु केला.
• टाटा टेलीमधील डोकोमो चा हिस्सा टाटा सन्सला ट्रान्स्फर केला.
• खादिम या कंपनीचा IPO येत आहे. त्यामुळे बाटा, लिबर्टी, मिर्झा या शेअर्सकडे लक्ष ठेवावे
• सेन्ट्रम कॅपिटल या कंपनीला मायक्रोफायनान्समध्ये व्यवहार करण्यासाठी मंजुरी मिळाली.
• कोलगेट या कंपनीत LICने आपला स्टेक वाढवला.
• NTPC च्या रायबरेली प्लांटमध्ये दुर्घटना झाल्यामुळे उंचाहारमधील युनिट नंबर ६ बंद केले.
• नेलकास्ट सारख्या कंपन्या TRACTORSचे स्पेअर पार्टस् पुरवतात.
• DIVI’S LAB या कंपनीच्या विशाखापट्टणम युनिट II वर USFDA ने लावलेला IMPORT ALERT उठवला

कॉर्पोरेट एक्शन

• इन्फोसिसने आपल्या शेअर BUYBACK Rs ११५० प्रती शेअर या भावाने Rs १३००० कोटींचा BUYBACK जाहीर केला. आपल्याला इन्फोसिस एक फॉर्म पाठवील. त्या फॉर्मवर तुमचा DEMAT अकौंट नंबर तुमच्या नावावर असलेल्या शेअर्सची संख्या आणी BUYBACK मध्ये इन्फोसिस किती शेअर्स BUYBACK करेल ते लिहिलेले असेल. ठराविक मुदतीत जेवढे शेअर्स तुम्हाला BUYBACK साठी द्यायचे असतील (तुम्ही तुमच्याजवळ असलेले सर्व शेअर्स BUYBACK साठी ऑफर करू शकता कंपनी मात्र त्यांच्या नियमानुसारच शेअर्स BUY BACK करेल.) त्या शेअर्स साठी DIS भरून जेथे तुमचा DEMAT अकौंट असेल तेथे द्यावी. तुम्हाला जेवढे शेअर्स BUYBACK साठी द्यावयाचे असतील ते कंपनीने दिलेल्या DEMAT अकौंटमध्ये जमा होतील. आपण BUYBACK साठी दिलेलं शेअर्स या अकौंटमध्ये जमा झाले की नाही त्याची चौकशी करावी. जेवढे शेअर्स तुम्ही ऑफर केले असतील त्यातून कंपनीने BUYBACK केलेले शेअर वजा जाता बाकीचे शेअर्स तुमच्या DEMAT अकौंटला पुन्हा जमा होतील. तसेच जेवढे शेअर्स कंपनीने BUY BACK केले असतील तेवढ्या शेअर्सचे Rs ११५० प्रती शेअर या भावाने पैसे आपल्या बचत खात्यात जमा होतील.
• अलेम्बिक फार्मा या कंपनीने ‘ORILL’ या कंपनीचे अधिग्रहण पुरे केले.
• ड्रेजिंग कॉर्पोरेशन मधली सरकारची हिस्सीदारी पूर्णपणे विकण्यासाठी केंद्र सरकारला मंजुरी मिळाली.
• रिलायंस इन्फ्राने RSSS ट्रान्स्मिशनमधील स्टेक अडाणी पॉवरला विकला.
• मर्केटर लाईन्स त्यांची इंडोनेशियामधील कोळशाची खाण विकणार आहे.
• IDFC आणी पर्यायाने IDFC बँकेच्या व्यवस्थापनात मोठा बदल होणार आहे या बातमीचे IDFC ने खंडन केले.
• MAX लाईफ ही कंपनी लक्ष्मी विलास बँकेमध्ये १०% स्टेक घेणार आहे. सरकारी बँकेमध्ये सरकार भांडवल घालते पण खाजगी बँकांमध्ये कोण भांडवल घालणार हा प्रश्न असतो. खाजगी बँकांना खाजगी रित्याच भांडवल गोळा करावे लागते.
• टॉरेंट फार्मा ह्या कंपनीने  युनिकेम LAB चा BRANDED  फॉर्म्युलेशंस चा भारत आणी नेपाल मधील बिझिनेस Rs ३६०० कोटींला विकत घेतला.
• भारत फोर्ज ही कंपनी AMTEK ऑटो ही कंपनी खरेदी करणार आहे. USA मध्ये क्लास 8 ट्रकची विक्री वाढली याचा फायदा भारत फोर्जला होईल.
• UFO मुवीजनी क्युबा सिनेमाबरोबर मर्जर केले. त्यामुळे एकंदर ७३०० स्क्रीनचा फायदा घेता येईल.
• UCO बँक स्टील ASSET मधील ५१% हिस्सा विकणार आहे.
• डी-लिंक ही कंपनी तोट्यातून फायद्यात आली.
• DEVONSHIRE कॅपिटल रुची सोया या कंपनीमध्ये ५१% स्टेक Rs ४००० कोटीला खरेदी करणार आहे.
• हेक्झावेअर, इंटर ग्लोब एविएशन, DR रेड्डीज, HDFC सिम्फनी, DHFL, अजंता फार्मा, ल्युपिन, मेरोको सिंडीकेट बँक, सुप्रीम इंडस्ट्रीज, KPIT, UPL BEL कॅपिटल फर्स्ट, कॉनकॉर टाटा पॉवर, GE T&D, टायटन चे निकाल चांगले आले
• CDSL सेन्चुरी प्लायवूड, कजारीया, हिरो मोटो यांचे निकाल समाधानकारक आले.
• महिंद्र लाईफ, WOCKHARDT, सेन्ट्रल बँक, IDBI, स्ट्राईड शासून, आंध्र बँक या कंपन्यांचे निकाल असमाधानकारक आले.
• टी सिरीज, सोनी म्युझिक, आणी सारेगम यांच्यावर ED ने मनी लॉनडरिंगसाठी केस दाखल केली.
• ऑक्टोबर महिन्यात ऑटो विक्रीचे आकडे चांगले आले. मारुती, आयचर मोटर्स, बजाज ऑटो, टी व्ही एस मोटर्स, या कंपन्यांची विक्री वाढली.
• RCOM या कंपनीने आपल्या जवळील स्पेक्ट्रम आणी टॉवर बिझिनेस विकण्याची तयारी दाखविली आहे. त्याचे त्यांना Rs १७००० कोटी मिळतील असा अंदाज आहे. त्यांनी LENDAR फोरममधील बँकांना ५१% कॅपिटलमध्ये हिस्सा देऊ केला आहे.

या आठवड्यातील लिस्टिंग

• पुढील आठवड्यात नोव्हेंबर ६ २०१७ रोजी रिलायंस नीपॉन ASSET MANAGEMENT कंपनीच्या शेअर्सचे लिस्टिंग होईल.

मार्केटने काय शिकवले
आपण जेव्हा शेअर्स खरेदी करतो तेव्हा आपल्याला किती रुपये किती दिवसांत मिळतील याचा अंदाज येण्यासाठी जर तो शेअर वायदेबाजारात असेल तर अंदाज घेता इतो. पुट रायटर कोणत्या भावाला खडे आहेत ते पाहावे आणी कॉल रायटर कितीवर आहे हे पहा त्यातून अंदाज येतो किती रुपयांच्या खाली शेअरची किंमत जाणार नाही आणी कोणत्या किंमतीला रेझिस्टन्स येईल हे समजते.
गेल्या गुरुवारी २६ ऑक्टोबर २०१७ रोजी  एक्सपायरी झाली सोमवार नोव्हेंबर सिरीजचा पहिला दिवस. अशा दिवशी वायदा बाजाराचे निरीक्षण केल्यास असे दिसले की  १०३०० चा पुट आहे. ११००० चा CALL घेतलेला दिसत आहे. म्हणजे लोकांना अजूनही तेजी अपेक्षित आहे असे जाणवते. पुट CALL रेशियो सुद्धा १.४५ वरून १.३८ झाला आहे.हे सर्व  पाहता मार्केट वाढेल पण वाढण्याचा वेग कमी होईल असे जाणवते.
एखादे डील होणार या अपेक्षेने शेअरमध्ये ट्रेडिंग करणार असाल तर बातम्यांकडे लक्ष द्या. जर ते डील रद्द होणार अशी कुणकुण लागली तर शेअर्स विकून टाका. ज्याप्रमाणे IDFC आणी श्रीराम ग्रूप यांच्यातील डील रद्द झाले
यावेळी शेअर मार्केटने EASE OF DOING बिझिनेसमध्ये मिळालेल्या चांगल्या रेटिंगची दखल घेतली. लागणार्या तिमाही निकालांकडेही मार्केटचे लक्ष होते. तिमाही निकालांनी फारशी निराशा केली नाही. बँकांच्या तिमाही निकालात जी कसर असते ती सरकार बँकांचे रीकॅपिटलायझेशन करणार आहे या बातमीने भरून काढली. त्यामुळे मार्केट (निफ्टी आणी सेन्सेक्स) ऑल टाईम हायला बंद झाले.
BSE निर्देशांक सेन्सेक्स ३३६८५, NSE निर्देशांक निफ्टी १०४५२ वर तर बँक निफ्टी २५६५० वर बंद झाले.