आधीच्या आठवड्याचं समालोचन वाचण्यासाठी इथे क्लिक करा
निरोप समारंभ २०१७ चा आणी स्वागत समारंभ २०१८ चा –  २५ डिसेंबर २०१७ ते २९ डिसेंबर २०१७
मार्केटमध्ये परिणाम होणारे दोन प्रकारचे factor असतात. (१) MACRO (२) MICRO. फिस्कल डेफिसिट वाढते  आहे. GST कलेक्शन कमी, झाले, ADVANCE TAX कलेक्शन कमी झाले आणी सरकारला आपला खर्च कमी करायचा नाही त्यामुळे सरकारला ही कमी पडणारी रक्कम कर्ज काढून उभारावी लागेल. फक्त त्यातल्या त्यात चांगली गोष्ट एकच! विकास योजना सुरु ठेवाव्यात त्यात कुठलीही कपात न करता पैसा कर्जाच्या रुपात उभा करावा असा सरकारचा विचार दिसतो आहे. BOND यील्ड वाढते आहे यामुळे बँकांचे उत्पन्न कमी होईल. त्यामुळे रेटिंग एजन्सी वर्षभर तरी देशाच्या रेटिंगमध्ये सुधारणा करणार नाहीत. क्रूडचे दर वाढू लागल्यामुळे पेट्रोल, डीझेलचे दर वाढतील महागाई वाढेल. फक्त लिक्विडीटी आहे, पैसा येतो आहे म्हणून मार्केट तेजीत आहे. साध्या टाचणीनेही हा तेजीचा फुगा फुटेल. RBI सुद्धा पुढील ५ ते ६ महिन्यात रेटकट करणार नाही. उलट RBI रेट वाढवण्याची शक्यता आहे बँकानी मुदत ठेवीवरील व्याज दर वाढवायला सुरुवात केली आहे
RBI सेबी आणी इतर प्रशासनिक संस्था

• RBI आणी अर्थमंत्रालयाने असे जाहीर केले की ते कोणतीही सार्वजनिक क्षेत्रातील सरकारी बँक बंद करण्याच्या विचारात नाहीत ज्या बँका PCA खाली ठेवल्या आहेत त्यांच्या वर RBI चे अधिक लक्ष राहील.
• सेबीने AXIS बँकेला त्यांची अंतर्गत प्रोसेस आणी सिस्टिम्स सुधारण्याचा सल्ला दिला. AXIS बँकेचे तिमाही निकाल बँकेने हे निकाल अधिकृतरीत्या जाहीर करण्याआधी WHATSAPP वर जाहीर झाले होते सेबीने याच संबंधात काही शेअर ब्रोकर्स आणी शेअरमार्केटच्या तज्ञांच्या ऑफिसवर छापे टाकले
• सरकारने असे जाहीर केले की सरकार युनायटेड बँक,ऑफ इंडिया, देना बँक, बँक ऑफ महाराष्ट्र, बँक ऑफ इंडिया, IOB, कॉर्पोरेशन बँक या सर्वाजनिक क्षेत्रातील सरकारी बँकांमध्ये इंद्रधनुष योजनेखाली Rs १०,००० कोटी भांडवल पुरवेल.
• प्रायव्हेट इक्विटी फर्म KKR ला RBI ने पहिली विदेशी मालकीची ARC (ASSET RECONSTRUCTION COMPANY) सुरु करायला मंजुरी दिली.
• सेबीने सर्व कमोडीटी एक्स्चेंज आणी BSE, NSE ही इक्विटी एक्स्चेंज १८ ऑक्टोबर २०१८ पासून इंटिग्रेटेड एक्स्चेंज म्हणून काम करतील असे सांगितले. म्हणजेच कमोडिटी मार्केट इक्विटी मध्ये आणी NSE,(कारण NSE चे लिस्टिंग २०१८ मध्ये होईल.) BSE ही इक्विटी एक्स्चेंज कमोडीटी मध्ये ट्रेड करू लागतील. याचा फायदा NSE ला होईल(कारण NSE चे लिस्टिंग २०१८ मध्ये होईल).
• AION कॅपिटल आणी JSW स्टील यांच्या कन्सोर्शियमने मॉनेट इस्पात आणी एनर्जी या कंपनीसाठी रेझोल्युशन प्लान सादर केला. यात Rs २५०० कोटी कर्जफेड आणी Rs १००० कोटी इक्विटी असेल. कर्जदार ७५% हेअरकट घेतील.
• SBI ने कॅस्टेकस या कंपनी विरुद्ध NCLT मध्ये INSOLVENCY प्रोसीडीग दाखल केले.
• DGCA (डायरेकटोरेट जनरल ऑफ सिविल एव्हिएशन) ने एअर डेक्कन ला ३४ मार्गांवर उडान योजनेखाली फ्लायिंग परमीट दिले.

सरकारी अनौंसमेंट

• उत्तरप्रदेशात राज्य सरकार स्टेट एक्साईज पोलीसी आणणार आहे. मद्यार्कावरील एक्साईज ड्युटी कमी करण्याच्या विचारात राज्य सरकार आहे. याचा परिणाम ग्लोबस स्पिरीट, पायोनिअर डीस्टिलरी, युनायटेड ब्रुअरीज, J M ब्रुअरीज, युनायटेड स्पिरीट या कंपन्यांवर होईल.
• सरकारने त्यांच्या सर्व बचत योजनांवरचा व्याजाचा दर ०.२०% ने कमी केला.
• सरकारने Rs ५०००० कोटी जास्त कर्ज उभारण्याचे ठरवले आहे.

खाजगी कंपन्यांच्या घडामोडी

• स्टार सिमेंट या कंपनीला सरकारकडून Rs १५.९ कोटी मिळाले.
• कॉपरच्या किमती ३ वर्षाच्या उच्चतम स्तरावर होत्या. याचा परिणाम हिंदुस्थान कॉपरवर होईल.
• लोकांची दिशाभूल करून इन्शुरन्स पॉलिसी विकल्या असा ठपका ICICI बँक आणी ICICI प्रू यांच्यावर ठेवला.
• हेइंकेन ही कंपनी युनायटेड ब्रुअरीजमध्ये स्टेक खरेदी करण्याची शक्यता आहे.
• EDEL WEISSला IRDA कडून जनरल इन्शुरन्सच्या बिझिनेससाठी परवानगी मिळाली.
• डॉल्फिन ऑफशोअर ला ONGC कडून मोठी ऑर्डर मिळाली.
• EID PARRY त्यांचा बायोपेस्टीसाईड बिझिनेस कॉरोमोन्डेल फरटीलायझर या कंपनीला विकणार आहे.
• TCS ला निएलसन कंपनीकडून Rs १४५०० कोटींची ऑर्डर मिळाली.
• GAIL या कंपनीला घेण्यासाठी IOC आणी BPCL उत्सुक आहेत.
• ‘टायगर जिंदा है’ हा चित्रपट नाताळला रिलीज झाला. हा चित्रपट तुफान गर्दीत चालू आहे याचा फायदा PVR, आयनॉक्स,लीजर आणी इतर कंपन्यांना होईल.
• IT क्षेत्रातील कंपन्यांचे दिवस फारसे चांगले सुरु नाहीत. टी सी एस मधील एका कर्मचाऱ्यांने मला भेदभावाची वागणूक मिळते आहे अशी तक्रार २०१५मध्ये केली. ही केस काढून घ्यावी म्हणून टी सी एसने अर्ज केला. पण ही केस काढून घेणे तर दूरच पण जे इतर अमेरीकन या कंपनीत काम करत होते त्यांचा समावेश या दाव्यात केला गेला. म्हणजेच क्लास एक्शन सूट दाखल करण्यात आली. या प्रकारची क्लास एक्शन सूट इन्फोसिस विरुद्ध दाखल केली गेली आहे.
• ऑरोबिंदो फार्माला USFDA कडून झोपेच्या औषधासाठी मान्यता मिळाली
• उसाच्या किमती वाढल्यामुळे साखर उद्योगावर परिणाम होईल.
• हवाई इंधन GST खाली आणण्यासाठी आणी इनपुट TAX बेनिफिट देण्यासाठी अर्थमंत्र्यांकडे मागणी केली. याचा फायदा जेटएअर वेज, स्पाईस जेट आणी इंटरग्लोब याना होईल.
• RCOM या ADAG ग्रूप कंपनीने असे जाहीर केले की त्यांचे टेलिकॉम ASSETS (स्पेक्ट्रम, टॉवर्स, फायबर) विकून Rs २५००० कोटी उभारेल. सर्व कर्जदारांचे कर्ज मुदतीआधी फेडले जाईल. कंपनी मार्च २०१८ मध्ये SDR बाहेर येईल. कंपनीने चीन डेव्हलपमेंट बँकेबरोबर ऑऊट ऑफ कोर्ट सेटलमेंट केली. या बँकेने त्यांचे Rs ११४६० कोटींचे कर्ज वसूल करण्यासाठी IBC खाली RCOM वर INSOLVENCY साठी अर्ज केला होता. RCOM त्यांचा वायरलेस बिझिनेस बंद करतील. फक्त ते त्यांचा एन्टरप्राईज बिझिनेस चालू ठेवतील. RCOMने हा प्लान जाहीर केल्यावर पुन्हा एकदा ADAG ग्रूपच्या शेअरमध्ये संजीवनी आली. पण पूर्वी एकदा अशीच योजना सादर केली होती पण ती प्रत्यक्षात येऊ शकली नाही हे गुंतवणूकदार विसरलेले नाहीत.
• JP इन्फ्रास्ट्रक्चरच्या २२०० VAT च्या ASSET खरेदीसाठी ब्रूकफिल्डने Rs ३५०० ची बोली पाठवली आहे.
• कमर्शियल GAS सिलिंडरचे भाव वाढणार आहेत.
• अमूल्य लीजिंगची (AP अपोलो TUBES) ९% हिस्सेदारी प्रमोटर्सनी प्रती शेअर Rs ५६० या भावाने विकली. हे शेअर्स चांगल्या म्युचुअल फण्डानी खरेदी केले.
• अस्टॉन पेपरचे शुक्रवारी Rs ११४ /- लिस्टिंग झाले. एशियन GRANITO कडे याचा मोठा स्टेक आहे.शेअरची किंमत Rs १२०.७५ पर्यंत वाढली. हा शेअर IPO मध्ये Rs ५० ला दिला होता.

कॉर्पोरेट एक्शन
पिडीलाईट या कंपनीने Rs १००० प्रती शेअर या भावाने  ‘BUY BACK’ जाहीर केला पण या ‘BUY BACK’ चा ACCEPTANCE  रेशियोही फारच कमी आहे. त्यामुळे ही ‘BUY BACK’ ऑफर शेअरहोल्डर्सना किंवा गुंतवणूकदारांना पसंद पडली नाही. कंपनी ‘BUY BACK’ वर Rs ५०० कोटी खर्च करणार आहे.(BUY BACK आणी शेअर्सच्या लिस्टिंग बद्दल माझ्या ‘मार्केट आणी मी’ या पुस्तकात सविस्तर माहिती दिली आहे.)
मार्केटने काय शिकवले
मंगळवारी तारीख २६ डिसेंबर २०१७ रोजी किर्लोस्कर ऑईल आणी किर्लोस्कर ग्रूपच्या इतर कंपन्याच्या शेअर्सची किमत वाढत होती. याचे कारण शोधता असे आढळले की CUMMINS ही कंपनी किर्लोस्कर घेते आहे अशी बातमी आहे. दुपारी CUMMINSने या बातमीचे खंडन केले. अशावेळी ज्यांनी कोणी या बातमीच्या आधारावर ट्रेड केला असेल त्यांनी तो ताबडतोब क्लोज करणे जरुरीचे असते.
इंडोटेक या कंपनीच्या CEO पदी आल्फ्रेड या  M /A(मर्जर आणी अक्विझिशन) आणी टर्न अराउंड तज्ञाची नेमणूक झाल्यामुळे या कंपनीच्या शेअरवर परिणाम झाला. कधी कधी लीडर बदलल्यामुळे एखादी कंपनी आपल्या प्रगतीचा वेग वाढवू शकते.
शुक्रवारी संयमाची परीक्षा होती. STRESSED कंपन्यांच्या शेअर्समध्ये खरेदी होत होती. चांगले शेअर्स बाजूला सरकले होते किंबहुना चांगले शेअर्स पडत होते. अशावेळी जर STRESSED  कंपनीचे शेअर्स पदरात आले तर हा भाव पुन्हा दिसतो की नाही हे त्या विधात्याला माहिती त्यामुळे सतर्क राहणे योग्य! मार्जिन फंडिंगमुले ३०% ते ३५% ची हालचाल या शेअर्समध्ये दिसत होती.
या आठवड्याच्या सुरुवातीपासूनच क्रूड वाढत होते. भारताची अर्थव्यवस्था क्रूडवर अवलंबून हे सर्वांना माहित आहे. क्रूड वाढले की अर्थव्यवस्थेवरील ताण वाढतो  आयात बिल वाढते. GST कलेक्शन कमी झाले आहे. पण लिक्विडीटी आहे पैसा येतो आहे त्यामुळे मार्केटमध्ये तेजी आहे. पण स्टॉपलॉसवर ध्यान ठेवून ट्रेडिंग करावे.ह्या आठवड्यात धोक्याची घंटी वाजायला सुरुवात झाली आहे. त्यामुळे २०१८ चे पहिले सहा महिने यथातथा तर पुढील सहा महिने चांगले जातील असा अंदाज आहे. ८ राज्यातल्या निवडणुका आणी जानेवारीत लागणारे तिसर्या तिमाहीचे निकाल, ADVANCE  TAX चे आकडे आणी १ फेब्रुवारी सादर होणारे  अंदाजपत्रक  याकडे लक्ष ठेवावे. या ब्लॉगच्या सर्व वाचकांना नवीन वर्ष समृद्धीचे,यशाचे,समाधानाचे आणी आरोग्यपूर्ण जावो ही हार्दिक शुभेच्छा
BSE निर्देशांक सेन्सेक्स ३४०५७ वर तर NSE निर्देशांक निफ्टी १०५३१ वर आणी बँक निफ्टी २५५३९ वर बंद झाले.
 

आधीच्या आठवड्याचं समालोचन वाचण्यासाठी इथे क्लिक करा
भावनेचा खेळ पण बसत नाही मेळ – १८ डिसेंबर २०१७ ते २२ डिसेंबर २०१७
गुजराथ आणी हिमाचल प्रदेशच्या विधानसभेसाठी झालेल्या निवडणुकांचे निकाल जाहीर झाले. BJPने गुजराथ राखले तर हिमाचल प्रदेशमध्ये सत्ता काबीज केली. जरी BJPला गुजराथमध्ये अपेक्षेपेक्षा कमी यश मिळाले असले तरी आज BJPचे गुजराथमध्ये २२ वर्षे राज्य आहे याचा विचार करता ANTI- INCUMBANCY वर BRAND मोदीचा विजय झाला असे तज्ञांचे मत आहे. गुजराथमध्ये ग्रामीण भागात BJP ला कमी जागा मिळाल्या आणी आता राजस्थान आणी मध्यप्रदेशमध्ये येणार्या वर्षात निवडणुका होणार आहेत. त्यामुळे या वर्षीच्या अंदाज पत्रकात शेती आणी ग्रामीण उद्योग यावर भर असण्याची शक्यता आहे. BJP च्या या विजयामुळे सरकार करीत असलेल्या सर्व सुधारणांमध्ये स्थैर्य आणी सातत्य तसेच आणखी लोकाभिमुखता येईल असे वाटते.त्यामुळे लोकाना आवडेल असे अंदाजपत्रक बनेल का अशी भीती कमी झाली आणी मार्केट कमाल स्तरावर पोहोचले. पण तेथे टिकाव धरू शकले नाही. USA मध्ये TAX रीफॉर्म बिल पास झाले. त्यामुळे ज्या अमेरिकन कंपन्या भारतात कारभार करतात त्यांना भारतात व्यवसाय करणे फायदेशीर ठरणार नाही. किंवा भारतातही TAX कमी करावे लागतील. सतत वाढणारे क्रूडचे भाव हा मात्र चिंतेचा विषय ठरणार आहे.
आंतरराष्ट्रीय घडामोडी
USA मध्ये H1B व्हिसा होल्डर्स च्या जोडीदाराला आता USA मध्ये नोकरी करता येणार नाही. USA मध्ये TAX रीफॉर्मवरील मतदानाच्या प्रक्रियेत गडबड झाल्यामुळे या TAX रीफॉर्मवर पुन्हा मतदान घेतले गेले.तेव्हा हे TAX रीफॉर्म मंजूर झाले. कॉर्पोरेट TAX ३५% वरून २१ % वर आणला.
सरकारी अनौंसमेंट

• सरकारने इलेक्ट्रिक आणी इलेक्ट्रोनिक उत्पादनांवर लागणाऱ्या इम्पोर्ट ड्युटी मध्ये ५% ते १०% वाढ केली. ही वाढ मेक-इन-इंडिया या कार्यक्रमाला उतेजन देण्यासाठी केली. यात मायक्रोवेव्ह ओव्हन, मोबाईल फोन्स, VCR/DVD प्लेयर्स, टीव्ही/VIDEO /डिजिटल कॅमेरा, LED दिवे, इलेक्ट्रिसिटी मीटर्स, सेट टॉप बॉक्स, पेट्रोलियम कोक, आणी LED/ LCD/ OLED टी व्ही PANEL आणी दिवे आणी लाईट फिटिंग यांचा समावेश आहे.
• सरकार बँकांना Rs २००० पर्यंतच्या डेबिट कार्डच्या मदतीने केलेल्या व्यवहारावरील MDR (मर्चंट डीस्कौंट रेट) बँकांना REIMBURSE  करेल. यात भीम, UPI आणी AePS चा समावेश आहे.

• सरकार फेब्रुवारी २०१८ मध्ये बँकांच्या रीकॅपिटलायझेशनचा पहिला हप्ता म्हणून Rs ७०००० कोटी रीकॅपिटलायझेशन BONDS इशू करेल. सरकारने बँकांना ते करणार असलेल्या सुधारणांचा आराखडा सादर करायला सांगितला आहे. काही बँकांना कॅपिटल मार्केट मधून पैसा उभा करायला सांगितला आहे.
• सिगारेटच्या पाकिटावरील ८५% भाग हा ध्रुमपानाविरुद्ध इशाऱ्यासाठी असावा असा नियम होता तो भाग आता ४०% केला याचा परिणाम GODFREY फिलीप आणी ITC यांच्यावर होईल.
• पेट कोकवरील इम्पोर्ट ड्युटी २.५% वरून १०% केली.
• सरकारी उद्योगातील शिलकी पैसा आता त्यांच्या SBI मधील खात्यात जमा असतो. पण महापात्रा या IAS ऑफिसरच्या सुचनेवरून ही शिलकी रक्कम आता एक नवीन कंपनी उघडून तिच्याकडे किंवा PFC किंवा REC कडे जमा ठेवण्याचा सरकार विचार करीत आहे. या रकमेचा विनिमय सरकार उर्जा निर्माण करण्यासाठी करेल.
• साखरेचे विक्रमी उत्पादन झाल्यामुळे सरकारने साखरेवर ३१ डिसेंबरपर्यंत बसवलेली स्टॉक लिमिट मुदतीपूर्वी रद्द केली. याचा चांगला परिणाम साखर उत्पादन करणाऱ्या कंपन्यांवर होईल.
• ७००० रेल्वे स्टेशनवर LED लाईट्स लावले जातील. याचा परिणाम HAVELLS एव्हरेडी, सूर्या रोशनी यांच्यावर होईल.
• कोल इंडिया आता Rs ५० प्रती टन वाहतूक चार्ज लावेल यामुळे त्यांच्या उत्पन्नात Rs २५०० कोटींची वाढ होईल.
• सोमानी सिरामिक्समध्ये  NRI च्या गुंतवणुकीवरील बंदी उठवली.
• टाटा स्टील त्यांच्या कलिंगनगर प्लांटच्या विस्तारासाठी Rs २३५०० कोटी खर्च करील टाटा स्टील राईट्स इशू आणेल.
• सरकारने आतापर्यंत इंद्रधनुष योजनेखाली सरकारी बँकांना Rs ५१८५८ कोटी भांडवल पुरवले. २०१७ मध्ये सरकारने ७५% भांडवल पुरवले आहे. या पुढे सरकार सरकारी बँकांची आर्थिक स्थिती आणी त्यांचा PERFORMANCE बघूनच भांडवल पुरवेल.
• सरकारने टेक्स्टाईल सेक्टरसाठी Rs १३०० कोटींचे PACKAGE मंजूर केले. याचा परिणाम सेंच्युरी, अरविंद, सुमीत, डोनिअर, बन्सवारा, गार्डन, दिग्जाम, AB FASHION, VIP क्लोदिंग यांच्यावर होईल.
• सरकार Rs १२०० कोटी खर्च करून बायो टॉयलेट बनवणार आहे. याचा परिणाम स्टोन इंडियावर होईल.

RBI SEBI आणी इतर प्रशासनिक संस्था

• गंगेच्या किनार्यावर प्लास्टिक पिशव्या टाकल्यास Rs ५००० दंड लागेल; असे NGT ने (NATIONAL GREEN TRIBUNAL) जाहीर केले.
• CCI (COMPETITION COMMISSION ऑफ INDIA)ने इंडस इंड बँक आणी भारत फायनांसियल इन्क्ल्युजन यांच्या मर्जरला मंजुरी दिली.
• रुची सोया या कंपनीची IBC खाली INSOLVENCY प्रक्रिया सुरु झाली.
• 2G घोटाळ्याच्या बाबतीत कोर्टाने सर्व आरोपींना पुरेशा पुराव्याच्या अभावी निर्दोष म्हणून सोडून दिले. तसेच ज्या कंपन्यांच्या मालमत्ता या केससाठी जप्त केल्या होत्या त्याही मालकांना परत करायला सांगितल्या. याचा परिणाम युनिटेक, RCOM, सन टीव्ही नेट वर्क, आयडीया, DB रिअल्टी या कंपन्यांवर होईल.
• RBI ने बँक ऑफ इंडिया आणी युनायटेड बँक या दोन सार्वजनिक क्षेत्रातील सरकारी बँकाना PCA च्या तरतुदी लागू केल्या PCA खाली आतापर्यंत १० सरकारी बँकांना आणण्यात आले.

अर्थव्यवस्थेच्या गोष्टी
नोव्हबर २०१७ मध्ये भारताची निर्यात ३०.६ % ने वाढून US $ २६.२ बिलियन झाली तर आयात १९.६ % ने वाढून US $ ४० बिलियन झाली. त्यामुळे ट्रेड GAP US $ १३.८ बिलियन झाली. इंजिनीरिंग गुड्स आणी जेम्स आणी ज्युवेलरी यांच्या निर्यातीत लक्षणीय वाढ झाली.
खाजगी कंपन्यांच्या घडामोडी

• जेपी ग्रूपने आपली ५ हॉटेल्स Rs २५०० कोटींना विकायला काढली आहेत सुप्रीम कोर्टाने जेपी इन्फ्राटेक या कंपनीला Rs १२५ कोटी कोर्टात जमा करण्यासाठी २५ जानेवारी २०१८पर्यंत मुदत वाढ दिली आहे.
• GMR इन्फ्रास्ट्रक्चरच्या JV ला फिलिपिनमधील क्लार्क विमानतळ बनविण्यासाठी ऑर्डर मिळाली आहे
• भारती एअरटेल पेमेंट बँकेमध्ये ४.७ मिलियन खातेधारकांच्या खात्यात Rs १६७ कोटी कुकिंग GAS वरील सबसिडी जमा झाली. खातेधारकांचे असे म्हणणे आहे की त्यांच्या संमतीशिवाय त्यांचा अकौंट ‘ACTIVATE’ केला गेला आणी ही सबसिडी त्यात जमा केली गेली. आता कोणतेही खाते खातेधारकाच्या पूर्वपरवानगीशिवाय ‘ACTIVATE’ करता येणार नाही असा नियम सरकार करणार आहे. कंपनीने ग्राहकांच्या ते सांगतील त्या खात्यावर सबसिडी जमा करण्याचे जाहीर केले आहे. या सर्व प्रकारात भारती एअरटेलवर Rs २ कोटीपर्यंत दंड लावला जाण्याची शक्यता आहे.
• पुढील सुचना मिळेपर्यंत एअरटेल पेमेंट बँकेला E- KYC सेवा स्थगीत ठेवायला सांगितल्या आहेत तसेच पेमेंट बँकेसाठी असलेले लायसन्स रद्द केले.
• JSW होल्डिंगची FPI मर्यादा २४% वरून ४९% केली.
• निवडून आलो तर प्रत्येक घरात कुकिंग GAS उपलब्ध करून देऊ अशी BJP ने त्यांच्या जाहीरनाम्यात घोषणा केली होती. याचा परिणाम गुजरात GAS, अडानी GAS यांच्यावर होईल.
• टॉरंट फार्माच्या दाहेज युनिटला जर्मन रेग्युलेटरने मान्यता दिली आणी या युनिटमधून निर्यात करण्यास परवानगी दिली.
• स्ट्राईडस शसून ‘ट्रिनीटी फार्मा’ या साउथ आफ्रिकास्थित कंपनीमधील मोठा स्टेक Rs २८ कोटींना खरेदी करणार आहे
• LUMAX AUTO या कंपनीच्या ६ शहरातील १२ ठिकाणांवर आयकर विभागाने छापे घातले.

कॉर्पोरेट एक्शन

• शालीमार पेंट्स Rs १४० प्रती शेअर या भावाने राईट्स इशू आणणार आहे.
• क्लारीस लाईफला डीलिस्टिंगसाठी मंजुरी मिळाली.
• E-क्लर्क सर्विसेस ह्या कंपनीने प्रती शेअर Rs २००० या भावाने ‘BUY BACK’ करणार असे  २२ डिसेंबरला झालेल्या बोर्ड ऑफ डायरेक्टर्स ची बैठकीत ठरले.
• गांधी स्पेशल ट्युब्स या कंपनीने Rs ५०० प्रती शेअर या भावाने BUY BACK’ करायचे ठरवले आहे.
• LT फूड्स चा QIP Rs ७९ प्रती शेअर या भावाने उघडला.
• रेलीगेरेचा सिक्युरिटीज बिझिनेस EDELWEISS खरेदी करणार आहे.
• JP पॉवरच्या सबसिडीमधील स्टेक विकण्यासाठी SBI ने बोली मागवल्या. SBI ने JP इन्फ्रास्ट्रक्चरने गहाण ठेवलेले १० कोटी शेअर्स जप्त केले.
• पीडीलाईटने शेअर ‘BUY BACK’ वर विचार करण्यासाठी २६ डिसेंबर २०१७ रोजी बोर्ड ऑफ डायरेक्टर्सची मीटिंग बोलावली आहे.
• आरती इंडस्ट्रीज Rs १२०० प्रती शेअर या भावाने शेअर ‘BUY BACK’ करणार आहे.
• VIP क्लोदिंग Rs २६ प्रती शेअर या भावाने राईट्स इशू आणणार आहे. (राईट्स इशूबद्दलची सर्व माहिती माझ्या ‘मार्केट आणी मी’ या पुस्तकात दिली आहे)
• सणासुदीच्या काळात करमणुकीशी सलग्न असलेल्या शेअर्स वर परिणाम होतो. ENIL, PVR, सिनेलाईन, मुक्ता आर्ट्स, वांडरेला हॉलिडेज, इत्यादी.
• अडानी ट्रान्स्मिशन यांनी रिलायंस इन्फ्रास्ट्रक्चरचा मुंबईमधील पॉवर जनरेशन आणी डीस्ट्रीब्युशन बिझिनेस Rs १३२५१ कोटींना खरेदी कार्यसाठी करार केला. या पैशाचा उपयोग रिलायंस इन्फ्रास्ट्रक्चर कर्ज फेडण्यासाठी करील
• डालमिया भारत ही कंपनी मुरली इंडस्ट्रीज ही बँकरपट कंपनी Rs ४०० कोटींना विकत घेईल.
• सरकारने नवीन कन्झ्युमर प्रोटेक्शन बिल २०१७ हे बिल मंत्रिमंडळाच्या बैठकीत मंजूर केले.

 या आठवड्यातील लिस्टिंग
फ्युचर चेन सप्लाय या कंपनीचे NSE वर Rs ६६४ वर तर BSE वर Rs ६७४ वर लिस्टिंग झाले.
मार्केटने काय शिकवले
सिनेमा, नाटक, व्याख्यानाचा कार्यक्रम संपल्याबरोबर, दरवाजा उघडल्याबरोबर बाहेर पडण्याची घाई करू नये त्यामुळे चेंगराचेंगरी होते. थोडा वेळ थांबून बाहेर पडावे. हीच गोष्ट, हीच घाई ट्रेडर्सनी सोमवारी केली. जसजसे गुजराथमधील मतदानाचे कल कॉंग्रेसच्या बाजूने येऊ लागले असे पाहिल्याबरोबर सेन्सेक्स ८०० पाईंट पडले तर निफ्टी १००७५ पर्यंत पडला. जणू काही सर्व संपुष्टात आले असे समजून मंदी केली. परंतु जसजसे पुढील कल BJP च्या बाजूनेही येऊ लागले तसे मार्केट सुधारले, सुधारतच गेले. म्हणजे अपघात झालां या बातमीची पूर्ण माहिती न घेताच केवळ कल्पनेने एखाद्यास हृदयविकाराचा झटका येतो आणी अपघातात सापडलेल्या व्यक्तीस मात्र थोडे खरचटण्याशिवाय काही झालेले नसते. त्यामुळे रोजच्या आयुष्यात काय किंवा मार्केटमध्ये काय आपले डोके संकटाच्या काळात शांत ठेवणे नितांत गरजेचे आहे. भावनेच्या खेळामुळे अतोनात नुकसान होते आणी हे नुकसान का झाले याचे उत्तर मिळत नाही.यावेळी म्हणजेच सोमवारी तारीख १८ डिसेंबर रोजी  ‘HIGH WAVE CANDLE PATTERN’ डेली चार्टवर तयार झाला. हाय वेव्ह याचा अर्थ गोंधळ, अनिश्चितता, असामजस्य,  संशय असा होतो.  निफ्टीमध्ये १००७५ वर ट्रिपल बॉटम तयार झाला.
ओपनिंग प्राईस हीच दिवसाची हाय प्राईस आणी दिवसाच्या लो किंमतीला मार्केट बंद होते. मंदी करणार्यांचा वरचष्मा राहतो यालाच ‘बेअरीश बेल्टहोल्ड PATTERN’ असे म्हणतात. शॉर्ट टर्म ट्रेडर्ससाठी हा धोक्याचा इशारा असतो.
गुजराथमधील निकालात उद्योग आणी व्यापार क्षेत्रातील नाराजी डोकावते. त्याची दखल सरकार उद्योग आणी  व्यापार क्षेत्रातील येणाऱ्या अडचणी दूर करून ही नाराजी दूर करण्याचा प्रयत्न करेल. हे शेअरमार्केटच्या दृष्टीने चांगले आहे.
मंगळवार तारीख १९ डिसेंबर २०१७ सर्व ऑटो शेअर्स खूप वाढत होते. मार्केट नेहेमी सुतावरून स्वर्ग गाठते. गुजराथ विधानसभा निवडणुकीत BJPला ग्रामीण भागात कमी मते मिळाली. शेतकरी वर्ग नाराज आहे असे जाणवले. त्याचे उत्पन्न वाढवण्याकडे सरकार अंदाजपत्रकात लक्ष देईल. त्याचे उत्पन्न वाढले तर ते कशावर खर्च होईल? तर दुचाकी चारचाकी ऑटो खरेदी करण्यात. यामुळे ऑटो शेअर्समध्ये खरेदी झाली. आता पुढच्या तर्काप्रमाणे ऑटो कंपन्या वाढल्या की त्याना पार्टस पुरवणाऱ्या कंपन्यांमध्ये खरेदी होईल.
लॉंग वीक एंड आहे. नाताळमुळे फंड MANAGER सुट्टीवर असतात त्यामुळे पुढील आठवड्यात VOLUME कमी असतील. शुक्रवारी VIX १२.०८ आहे. हा १२ च्या खाली गेल्यास प्रॉफीट बुकिंग करा पुट कॉल रेशियो १.४९ होता.
मार्केट तेजीचे आहे नवनवीन उच्चांक गाठत आहे. घोडे आणी गाढव एकत्र धावत असतात तेव्हा घोडे कोणते आणी गाढव कोणते हे ओळखता आले पाहिजे.
BSE निर्देशांक सेन्सेक्स ३३९४० तर NSE निर्देशांक निफ्टी १०४९३ आणी बँक निफ्टी २५६४८ वर बंद झाले.
‘मार्केट आणी मी’ च्या सर्व हितचिंतकांना हा ख्रिसमस सुखाचा समृद्धीचा आरोग्याचा जावो हे शुभेच्छा आणी Santa पोतडीतून आपल्यावर असंख्य सुखांचा वर्षाव करो.
 

आधीच्या आठवड्याचं समालोचन वाचण्यासाठी इथे क्लिक करा
मार्केटमध्ये तेजी – दांडीयावाली कां सांताक्लाजवाली – ११ डिसेंबर २०१७ ते १५ डिसेंबर २०१७
शुक्रवारी मार्केटचा मूड एकदम बदलला. मार्केटमध्ये तेजी आली. करन्सी मार्केटची सुरुवात दमदार झाली. रुपयाचा US$ बरोबरचा विनिमय दर ०.१९ नी सुधारला. गुरुवारी आलेल्या एक्झिट पोलचा हा परिणाम असावा असे दिसते. या पोलप्रमाणे गुजरात BJP स्वतःकडे राखील तर हिमाचल प्रदेशमध्ये BJP ला बहुमत मिळेल. कोणतीही नवी गोष्ट करायला घेतली की काही चुका होतातच, काही नुकसान होते, काही लोकांना विनाकारण त्रास होतो पण उद्देश चांगला असेल तर जनता हा त्रास सहन करायला तयार असते. GST आणी डीमॉनेटायझेशन याचा त्रास गुजरातमधील लोकांना खूप झाला. परंतु GST मध्ये ज्या अडचणी आल्या त्या सोडविण्याची तयारी सरकारने दाखवली एवढेच नव्हे तर त्यापैकी काही अडचणी दूरही केल्या. याचा सकारात्मक परिणाम मतदानावर झाला असे एक्झिट पोलने दाखवले आणी मार्केटने तेजीची सलामी दिली. मतदार राजाही सुज्ञ झाला आहे आणी मार्केटही सुज्ञ झाले आहे हे जाणवते.
आंतरराष्ट्रीय घडामोडी

• मंगळवार १२ डिसेंबर २०१७ पासून अचानक क्रूडचे दर वाढू लागले. त्यामुळे एक्सप्लोरेशन कंपन्यांवर परिणाम होईल. ONGC ऑईल इंडिया, रिलायंस. सरकारने ज्यांच्याजवळ ऑईल ब्लॉक्स आहेत त्यांनी शेल GAS शोधावा असे सुचवले आहे. क्रूड आणी डीझेलची मागणी वाढत आहे.
• एशियन डेव्हलपमेंट बँकेने भारताच्या या फिस्कल वर्षीचा ग्रोथरेट ६.७% एवढा केला तर २०१९ या फिस्कल वर्षासाठी ७.३ % केला.
• US फेडरल रिझर्वने १३ डिसेम्बर २०१७ पासून आपले रेट ०.२५% ने वाढवले. तसेच आपण २०१८ आणी २०१९ मध्ये प्रत्येकी तीन वेळा रेट वाढवू असे जाहीर केले.
• बँक ऑफ इंग्लंड ने आपल्या प्रमुख व्याज दरात (०.५० %) कोणताही बदल केला नाही

सरकारी अन्नौंसमेंट

• सरकारने पुन्हा १८०० शेल कंपन्यांची यादी तपासणी करण्यासाठी एजन्सीजकडे सोपवली.
• सरकारने सर्व बँक खाती आणी इतर गुंतवणूक आधार बरोबर लिंक करण्यासाठीची मुदत ३१ मार्च २०१८ पर्यंत वाढवली. मात्र आपला मोबाईल नंबर आधार बरोबर लिंक करण्याची तारीख कायम ठेवली. यावर गुरुवारी तारीख १४ डिसेंबर २०१७ला सुप्रीम कोर्टाने शिक्कामोर्तब केले.
• सरकारने सिमेंट कंपन्याना पेट कोक वापरण्यासाठी बंदी घातली होती. ती सुप्रीम कोर्टाने रद्द केली. पेट कोकचा वापर करण्याऐवजी कोळशाचा उपयोग केला तर पॉवरखर्चात २५% वाढ झाली असती. यामुळे सिमेंट सेक्टर तेजीत होता. उदा प्रिझम, JK लक्ष्मी, अल्ट्राटेक, ग्रासीम, ककातीया, आंध्र, अंबुजा,श्री सिमेंट ACC, हैडलबर्ग.
• LNG ला कमर्शियल फ्युएल चा दर्जा मिळेल असे वाटते. दुचाकी वाहने LNG वर चालवावीत असा विचार चालू आहे.
• सरकारने चर्मउद्योगाला Rs २६०० कोटींचे PACKAGE मंजूर केले. याचा परिणाम त्या सेक्टर च्या शेअर्स वर होईल – खादीम’S, बाटा, लिबर्टी, मिर्झा
• १५% मेथेनॉल ब्लेंडीगला परवानगी देण्यासाठी या अंदाजपत्रकांत नोटिफिकेशन आणण्याची शक्यता आहे. RCFचा मेथेनॉल बनवण्याचा कारखाना बंद पडला आहे. दीपक फरटीलायझर मेथेनोल बनवते.
• मोबाईल फोनवर कस्टम ड्युटी ५% ने वाढवली. BPL आणी डिक्सन टेक्नोलॉजीला तसेच रेडिंगटनवर परिणाम होईल.

RBI SEBI आणी इतर प्रशासनिक संस्था

• सेबीने ज्या सरकारी कंपन्यात ५% पब्लिक शेअरहोल्डिंग आहे त्या कंपन्यात सरकारला डायव्हेस्टमेंट सूरु करायला सांगितले.
• कॉर्पोरेट गव्हरनन्ससाठी नेमलेल्या समितीने केलेल्या शिफारशींवर विचार चालू आहे.
• ‘WHATAPP’ वर काही कंपन्यांचे तिमाही निकाल उपलब्ध कसे झाले याबाबत कंपनी बरोबर चौकशी चालू आहे.
• IPO साठी दिलेली समय सीमा कमी करण्यासाठीही प्रयत्न चालू आहेत.
• युनिटेकचे बोर्ड ऑफ डायरेक्टर्स तहकूब करून त्याजागी सरकारने नेमलेले बोर्ड ऑफ डायरेक्टर्स नेमण्यासाठी दिलेल्या NCLT च्या आदेशावर सुप्रीम कोर्टाने स्थगिती दिली.
• CCI(COMPETITION COMMISSION ऑफ INDIA) या सरकारी संस्थेने ABBOTT LAB, नोवार्तीस, EMCURE फार्मा आणी USV या फार्मा कंपन्यांना मधुमेहाच्या औषधांच्या प्राईसफिक्सिंगसाठी नोटीस दिली.
• RBI ने कॉर्पोरेशन बँकेला PCA (PROMPT CORRECTIVE ACTION) च्या तरतुदी लागू केल्या. कॉर्पोरेशन बँक ही PCA खाली येणारी ८ वी बँक आहे.
• सुप्रीम कोर्टाने कर्नाटक राज्यात आयर्न ओअर काढण्याची सीमा 3० मेट्रिक टन वरून ३५ मेट्रीक टन केली.

अर्थव्यवस्थेच्या गोष्टी

• नोव्हेंबर २०१७ मध्ये CPI ४.८८% (ऑक्टोबरमध्ये ३.५८%) वाढले. ही १५ महिन्यातील कमाल वाढ आहे.
• IIP ऑक्टोबर मध्ये २.२% ने (सप्टेंबरमध्ये ४.१%) वाढली. यात कॅपिटल गुड्स, FMCG उत्पादनात आणी INFRASTRUCTURE क्षेत्रात वाढ झाली.
• WPI (घाऊक महागाई निर्देशांक) नोव्हेंबर २०१७ मध्ये ३.९३% होता. हा गेल्या ८ महिन्यातील कमाल स्तरावर आहे. अन्नधान्य भाजीपाला यांच्या किंमती वाढल्या.
• सोमवार १८ डिसेंबर पासून सिप्ला आणी ल्युपिन हे सेन्सेक्स मधून बाहेर पडतील तर इंडस इंड बँक येस बँक सेन्सेक्स मध्ये सामील होतील.

खाजगी कंपन्यांच्या घडामोडी

• DR रेड्डी’जच्या आंध्र प्रदेशामधील बाचुपल्ली युनिटची तपासणी एप्रिलमध्ये झाली होती USFDA कडून या युनिटला EIR मिळाला.
• एशियन पेंट्सने मोड्युलर किचन बनवणाऱ्या ‘SLICK’ या कंपनीमध्ये स्टेक घेतला. या कंपनीचे हे डायव्हरसिफिकेशन आहे.
• स्टेट बँक ऑफ इडियाने आपले Rs १३२६ कोटींचे ११ NPA विकण्यासाठी बोली मागवली.
• २०१८ या वर्षात सुट्या अशा तर्हेने आल्या आहेत की ‘लॉंग वीक एंड’ भरपूर आले आहेत हे हॉटेल इंडस्ट्री पर्यटन उद्योग यांच्यावर चांगला परिणाम करतील. रुपया जर असाच वधारत राहला तर परदेश वारीची सुसंधी.
• टाटा केमिकल्स फॉस्फेटिक फरटीलायझर बिझिनेस विकण्यासाठी शेअरहोल्डर्सची मंजुरी घेईल.
• भारती एअरटेलने लडाखमध्ये 4G सर्विस सुरु केली.
• IDBI ने NEGIL मधील ३०% स्टेक म्हणजे १.२ कोटी शेअर्स विकेल.
• भेल इंडोनेशियात ५४ MV चा पॉवर प्लांट लावणार.
• पुंज लॉइड या कंपनीला GAIL आणी NHAI कडून Rs १४५० कोटींच्या ऑर्डर्स मिळाल्या.
• GODFREY फिलिप्स या कंपनीने आपल्या मार्लबरो, रेड & व्हाईट, कॅवेंडर या सिगारेट BRAND ची किंमत ७% ट८% ने वाढवली.
• ल्युपिनच्या (बर्थ कंट्रोलच्या औषधाला) ‘SALYRAL’ला USFDA ने मंजुरी दिली.
• आंतरराष्ट्रीय विमान प्रवासात माल पुरवण्यासाठी पराग मिल्कप्रोडक्टने ताजग्रूप बरोबर करार केला
• थायरोकेअर, युकल फ्युएल, अटलांटा याचे तिमाही निकाल चांगले आले.
• इन्फोसिसने सेबीकडे पनाया आणी CFO ला दिलेल्या SEVARANCE PACKAGE बाबत प्रकरण मिटवण्यासाठी अर्ज केला होता. पण NSE आणी इफोसीस यात फरक करू नये. तसेच मागील दरवाजाने कोणतेही सेटलमेंट करणे योग्य नाही असे कळवले आहे.
• भेलला तामिळनाडू राज्य सरकारकडून १३२० MW प्रोजेक्टकरता Rs ७३०० कोटींची ऑर्डर मिळाली.

कॉर्पोरेट एक्शन

• टाटा कम्युनिकेशन या कंपनीच्या बोर्ड ऑफ डायरेक्टर्स ने ७७३ एकर अतिरिक्त जमीन हेमिस्फींअर प्रॉपर्टीज इंडिया या कंपनीला ट्रान्स्फर करण्यास मंजुरी दिली. ही कंपनी टाटा कम्युनिकेशनच्या शेअरहोल्डर्सना १:१ या प्रमाणात आपले शेअर्स देईल. या जमीनीची किंमत Rs १०००० ते Rs १५००० कोटी दरम्यान असेल. ही जमीन विकल्यावर जो पैसा येईल त्या पैशातून टाटा कम्युनिकेशन आपल्याला स्पेशल लाभांश देईल अशी शेअरहोल्डर्सची अपेक्षा आहे. या सर्व व्यवहारासाठी सेबी, NCLT ची मंजुरी लागेल. ही सर्व प्रक्रिया पूर्ण होण्यास ५ ते ६ महिने लागतील.
• शालीमार पेंट्स राईट्स इशू आणणार आहे.

या आठवड्यातील IPO OFS QIP

• इंटरग्लोब एव्हिएशन Rs ११३० प्रती शेअर्स या भावाने OFS आणत आहे.
• युनियन बँक प्रती शेअर Rs १५४.६५, नात्को फार्मा प्रती शेअर Rs ९३७.६३, PNB प्रती शेअर Rs १७६.३५, NCL इंडस्ट्रीज Rs २३७.५० प्रती शेअर या भावाने QIP आणत आहेत.
• सिंडीकेट बँकेने प्रती शेअर Rs ८४.१५ प्रती शेअर या भावाने QIP द्वारा Rs ११५१ कोटी उभारले.
• या आठवड्यात ASTRON पेपर या कंपनीचा IPO १५ डिसेंबर ते २० डिसेंबर दरम्यान ओपन राहील. प्राईस BAND Rs ४५ ते Rs ५० आहे मिनिमम लॉट २८० शेअर्सचा आहे. कंपनी या IPO द्वारा Rs ७० कोटी भांडवल उभारेल. ही कंपनी PACKING इंडस्ट्रीमध्ये वापरण्यात येणारा क्राफ्ट पेपर बनवते. कंपनीने गेल्या काही वर्षात चांगली प्रगती केली आहे. IPO प्रोसीड्सचा उपयोग अंशतः उत्पादन क्षमता वाढवण्यासाठी आणी कर्जफेडीसाठी केला जाईल
• IRDAने NATIONAL इन्शुरन्स कंपनीच्या IPO ला मंजुरी दिली.

या आठवड्यातील लिस्टिंग

• SHALBY हॉस्पिटलचे लिस्टिंग Rs २३९ आणी Rs २३७ ला अनुक्रमे NSE आणी BSE वर झाले.
• फ्युचर चेन सप्लाय या कंपनीच्या शेअर्सचे लिस्टिंग सोमवार १८ डिसेंबर २०१७ रोजी होईल.

मार्केटने काय शिकवले
मार्केट जेव्हा अशा स्तरावर पोहोचते की ट्रेडर्सना आपल्याला होणार्या नुकसानीच्या भीतीपेक्षा होणाऱ्या फायद्याची शक्यता जास्त वाटते तेथे ट्रेडर्स खरेदी करायला सुरुवात करतात. येथे मार्केट्चा किमानस्तर म्हणजे बॉटम तयार होतो.
कोणता शेअर वाढणार किंवा कोणता शेअर पडणार हे समजले नाही तरी चालेल पण या तेजीत आपण आपले जे शेअर्स फायद्यात असतील ते विकून फायदा घरी आणावा. कोणता शेअर वाढणार किंवा कोणता शेअर पडणार हे समजत नसेल पण वातावरण तेजीचे आहे किंवा मंदीचे आहे हे जाणवत असेल तर त्यानुसार निफ्टीमध्ये खरेदी विक्री करावी.
सोमवारी संध्याकाळपर्यंत गुजराथ विधानसभेचे निकाल येऊन गुजरात विधानसभेचे चित्र स्पष्ट होईल. BJP ला १०० पेक्षा कमी जागा मिळाल्या तर मार्केट निराश होईल आणी जर १२० पेक्षा जास्त जागा मिळाल्या तर मार्केट खूष होईल आणी तेजीची घोडदौड सुरु राहील. पण आयकराची मर्यादा, शेतकऱ्यांना कर्जमाफी, बँकांचे रीकॅपिटलायझेशन, या गोष्टी प्रमुख असतील. बघु या १८ तारीख काय दृश्य दाखवते!
BSE निर्देशांक सेन्सेक्स ३३४६३ NSE निर्देशांक निफ्टी १०३३३ तर बँक निफ्टी २५४४० वर बंद झाले

आधीच्या आठवड्याचं समालोचन वाचण्यासाठी इथे क्लिक करा
मार्केटमधील पौर्णिमा अमावास्या म्हणजेच तेजी किंवा मंदी – ४ डिसेंबर ते ८ डिसेंबर २०१७
हा आठवडा निराशेचा गेला. ओखी वादळाचा प्रलय. रुद्रप्रयाग येथे झालेला भूकंप, USA मधील करविषयक धोरणात झालेला बदल आणी त्यासाठी मंजूर झालेले विधेयक, RBI ची पॉलिसी, ख्रिसमस जवळ आल्यामुळे FII ची सुरु असलेली विक्री, गुजरातच्या निवडणुकांच्या निकालाविषयी व्यक्त होणारे उलटसुलट अंदाज या सगळ्या गोंधळातच संपला. ९७०० हे निफ्टीचे २०० दिवसांचे MOVING AVERAGE आहे. जर गुरुवार तारीख ७ डिसेंबर रोजी आलेली तेजी ही टिकाऊ नसेल तर हि RALLY ‘PULLBACK RALLY’ किंवा ‘रिलीफ RALLY’ समजावी. ह्याच्या नंतर जेव्हा मार्केट पडू लागेल तेव्हां त्याला ९७०० वर सपोर्ट मिळेल असं एकू येतंय
आंतरराष्ट्रीय घटना

• चीनमध्ये प्रदुषणाच्या कारणासाठी रद्दीपासून पल्प बनवण्यावर बंदी घातली. त्यामुळे चीनच्या पेपर उद्योगावर विपरीत परिणाम होईल. याच कारणामुळे भारतातील पेपर उद्योगाला चांगली संधी उपलब्ध होईल – उदा स्टार पेपर, J K पेपर, वेस्ट कोस्ट पेपर
• USA मध्ये अध्यक्ष ट्रम्प यांनी वचन दिल्याप्रमाणे कर सुधारणा विधेयक USA च्या सिनेट मध्ये पास झाले. तसेच ट्रम्प यांना विशिष्ट देशाच्या नागरिकांना USA मध्ये प्रवेश करण्यास बंदी घालणारा कायदा करण्यास USA च्या सुप्रीम कोर्टाने परवानगी दिली
• USA मधील JOBLESS CLAIM कमी कमी होत असल्यामुळे या गोष्टीचा परिणाम फेडच्या पुढील आठवड्यात होणाऱ्या मीटिंग मधील निर्णयावर होईल. फेड या मीटिंगमध्ये दर वाढविण्याचा निर्णय घेईल.

सरकारी अन्नौंसमेंट

• वित्तीय वर्ष २०१८ साठी वार्षिक अंदाजपत्रक १ फेब्रुवारी २०१८ रोजी सादर केले जाईल.
• ३१ डिसेंबरनंतर साखरेवरील स्टॉक लिमिट उठवले जाणार आहे तसेच साखरेवर इम्पोर्ट ड्युटी बसवणार आहे.
• सरकारने निर्यातदारांसाठी Rs ८४५० कोटींचे PACKAGE जाहीर केले. यात मुख्यतः LABOUR INTENSIVE उद्योगांचा समावेश आहे. यात शेती, चर्म उद्योग, मच्छी आणी इतर समुद्री पदार्थ, टेलिकॉम आणी इलेक्ट्रॉनिक उत्पादने,वैद्यकीय आणी सर्जिकल साधने, गारमेंट्स आणी मेडप्स आणी विविध सेवांचा समावेश आहे. सरकारने MEIS (MERCHANT EXPORTER INCENTIVE SCHEME) या योजनेखाली चर्म उद्योग, अग्रो प्रोडक्टस्, टेक्स्टाईल, आणी कार्पेट उद्योगांसाठी दिली जाणारी इंसेनटिव्ह २% वरून ४% केली.. याचा परिणाम हाटसन अग्रो, अपेक्स फ्रोझन फूड्स, अवंती फूड्स
• खत उत्पादन करणाऱ्या कंपन्यांना DBT योजने खाली उरलेली रक्कम (सुमारे Rs २३००० कोटी) सबसिडीच्या स्वरूपात दिली जाणार आहे.
• सरकारने ताग आणी तागापासून उत्पादन करणाऱ्या कंपन्यांसाठी Rs ९२५ कोटी राखून ठेवले आहेत. याचा परिणाम CHEVIOT, GLOSTER, LUDLOW या ताग उद्योगात कार्यरत असणाऱ्या कंपन्यांवर होईल.
• सरकारचे २०२० सालापर्यंत निर्यात दुप्पट करण्याचे उद्दिष्ट आहे. याचा परिणाम वेळोवेळी निर्यात क्षेत्रात कार्यरत असणार्या कंपन्यांना होईल. उदा गुजरात अंबुजा export, गोकुळदास export
• DGFT ने फॉरीन ट्रेड पोलीसीचा आढावा घेताना इम्पोर्ट आणी एकसपोर्ट कोड मिळण्यासाठी असलेले नियम शिथिल केले.
• GST कौन्सिलची पुढील मीटिंग जानेवारी २०१८ मध्ये होईल. सरकार सोन्यावरील GST ३% वरून ९% करणार आहे आणी इम्पोर्ट ड्युटी कमी करणार आहे.
• केरळ राज्य सरकार मद्यार्क सेवनासाठी मर्यादा २१ वर्षावरून २३ वर्ष करण्याचा विचार करत आहे.
• सरकार नागरिकाला २४ तास अविरत विजेचा पुरवठा होणे हा एक मुलभूत हक्क करण्याच्या विचारात आहे. सर्व राज्य सरकारांनी त्यांच्या राज्यातील नागरिकांना असा अविरत २४ तास वीज पुरवठा मार्च २०१९ पासुन करावा असे केंद्र सरकारने स्पष्ट केले.
• सरकार ‘युनिटेक’ या रिअल्टी क्षेत्रातील अडचणीत असलेल्या कंपनीला जनहितार्थ ताब्यात घेण्याचा विचार करत आहे. सरकारने या आशयाचा विनंती अर्ज NCLT मध्ये दाखल केला आहे. जर सरकारने ही कंपनी ताब्यात घेतली तर तो FLAT बुक केलेल्या ग्राहकांना, डीपॉझीट होल्डर्स तसेच भाग धारकांना दिलासा ठरेल.

RBI SEBI आणी इतर प्रशासनिक संस्था
RBI ने आपले द्विमासिक वित्तीय धोरण ६ डिसेंबर रोजी जाहीर केले.RBI ने रेपो रेट, रिव्हर्स रेपो रेट, MSF या महत्वाच्या रेटमध्ये कोणताही बदल केला नाही RBI ने महागाई वर्षाच्या दुसऱ्या सहामाहीत वाढेल अशी भीती व्यक्त केली. त्यांनी सार्वजनिक क्षेत्रातील सरकारी बँकांना इशारा दिला की त्यांनी आपल्यात विविध प्रकारचे रीफॉर्म्स केले पाहिजेत. त्यांच्या कारभारातील आणी कर्ज देण्याच्या पद्धतीतील सुधारणा बघूनच त्यांना देण्यात येणारी रीकॅपिटलायझेशनची मर्यादा ठरवली जाईल.
RBI ने डिजिटल व्यवहाराला उत्तेजन देण्यासाठी MDR (‘मर्चंट डीसकौंट रेट’) ची कमाल मर्यादा ठरवली. यासाठी RBI ने  Rs २० लाखांपेक्षा कमी टर्नओव्हर म्हणजे स्माल मर्चंट आणी Rs २० लाखांपेक्षा जास्त टर्न ओव्हर असलेले लार्जर मर्चंट अशी विभागणी केली. तसेच फिझीकल POS वापरणारे आणी QR कोड वापरणारे अशी विभागणी केली.
स्माल मर्चंट जे फिझीकल POS वापरतात त्यासाठी MDR @ ०.४०%असा रेट ठरवला आणी Rs २०० ही कमाल मर्यादा ठरवली. QR कोड बेस्ड व्यवहारासाठी MDR @ ०.३०% आणी कमाल अर्यादा Rs २०० ठेवली. लार्जर मर्चंट्ससाठी फिझीकल POS व्यवहारासाठी MDR @ ०.९०% तर कमाल मर्यादा Rs १००० ठेवली. QR कोड बेस्ड व्यवहारासाठी MDR @ ०.३०% तर कमाल मर्यादा Rs १००० ठरवली. MDR म्हणजे डिजिटल व्यवहारासाठी मर्चंट ग्राहकांना जे चार्जेस लावतात ते चार्ज.
RBI ने परदेशातील भारतीय बँकांच्या युनिट्सला AAA रेटेड सार्वजनिक आणी खाजगी क्षेत्रातील कंपन्यांच्या ‘ EXTERNAL COMMERCIAL BORROWING’ चे रीफायनांस करण्याची परवानगी दिली.
ISMA ने असा अंदाज व्यक्त केला आहे की OMCना ओईल मध्ये ब्लेन्डीग करण्यासाठी केल्या जाणाऱ्या इथनॉल च्या पुरवठ्यात वित्तीय वर्ष २०१७-१८ मध्ये ७१% वाढ होईल. त्यामुळे साखर उत्पादन करणाऱ्या कंपन्यांच्या उत्पन्नात Rs ४५०० कोटींची वाढ होईल. त्यांनी यासाठी वाढलेली इथनॉलची किमत आणी उसाची वाढती लागवड ही कारणे दिली आहेत.
सेबी ने प्रकाश इंडस्ट्रीज,  जे कुमार इन्फ्रा आणी SQS इंडिया या कंपन्यांना शेल कंपन्यांच्या बाबतीत क्लीन चीट दिली. ARSS इन्फ्रा या कंपनीचे फोरेन्सिक ऑडीट करायला सांगितले.
खाजगी कंपन्यांच्या घडामोडी

• बायोकॉन मायलॉन यांच्या ‘ओगीवरी’ या पोटाच्या आणी ब्रेस्ट कॅन्सरवरील औषधासाठी USFDAची मंजुरी मिळाली.
• इन्फोसिसचा CEO साठी चालू असलेला शोध पूर्ण झाला. आता ‘कॅपजेमिनी’ या कंपनीतून आलेले श्री सलील पारेख हे १ जानेवारी २०१८ पासून CEO म्हणून इन्फोसिसमध्ये सूत्रे हातात घेतील.
• ABBOT LAB या कंपनीला एका औषधाची किंमत एका वर्षांच्याआत ३०% ते ३५% वाढवण्याच्या बाबतीत NPPA नोटीस देणार आहे. एका वर्षात फक्त १०% पर्यंत किमत वाढवता येते.
• पेटकोक आणी SANDवरील बंदीमुळे सिमेंट कंपन्यांच्या मार्जीनवर परिणाम होईल.
• मद्रास फरटीलायझर या कंपनीवर असलेल्या कर्जाचे रुपांतर इक्विटीमध्ये केले जाणार आहे.
• DR रेडी’जच्या हेंदराबाद येथील मियापूर प्लांटसाठी USFDA कडून EIR मिळाला.
• टाटा प्रोजेक्ट JV ला मुंबईमध्ये ट्रान्सहार्बर प्रोजेक्टसाठी Rs ५६०० कोटींची ऑर्डर मिळाली.
• ज्युबिलीयंट फूड्स या कंपनीला गुजराथमध्ये Rs २५० कोटींचा कीटकनाशक औषधे बनवणाऱ्या प्लांटसाठी पर्यावरणाची मंजुरी मिळाली
• FIEM इंडस्ट्रीजने एशियन इंडस्ट्रीज आणी टोयोटा T SUSHO या कंपन्यांबरोबर JVसाठी करार केला.
• भारती एअरटेलने जगरनॉट बुक्स मध्ये स्टेक खरेदी केला.
• विप्रो विरुद्ध ‘NATIONAL GRID’ ने USA मधील कोर्टात US $ १४ कोटींचा दावा दाखल केला.
• गोदरेजने आपला फर्निचरचा नवा BRAND ‘स्क्रिप्ट’ मार्केट मध्ये आणला. ही कंपनी ३ शहरात ३ नवीन स्टोअर्स उघडेल.
• बालाजी अमाईन्स या कंपनीला महाराष्ट्र सरकारने मेगा प्रोजेक्ट योजनेखाली ६५ एकर जमीन दिली. या जमिनीचा उपयोग कंपनी आपल्या विस्तार प्रकल्पासाठी करेल.
• HPCL BPCL यांनी ५ वर्षासाठी चार्टर्ड शिपसाठी टेंडर मागवले.
• USA मध्ये सतत ५व्या महिन्यात क्लास 8 ट्रकची विक्री वाढली. भारत फोर्ज या कंपनीचे ४०% उत्पन्न यावर अवलंबून आहे.
• स्टील कॉपर, निकेल या धातूंच्या किंमती कमी होत आहेत. याचा परिणाम वेदान्ता, टाटा स्टील, हिंदाल्को यांच्यावर होईल. पाईप बनवणाऱ्या कंपन्यांच्या रॉ मटेरीअलची किंमत कमी झाल्यामुळे त्यांना फायदा होईल.
• रबराच्या किंमती कमी झाल्या आहेत याचा फायदा टायर कंपन्यांना होईल. अपोलो टायर्स, सीएट, MRF याना होईल.
• लेडच्या किंमती कमी होत आहेत. याचा फायदा कारसाठी BATTERY बनवणार्या कंपन्यांना होईल – अमर राजा, एक्झाईड
• शिल्पा मेडिकेअरच्या तेलंगणातील युनिटच्या तपासणीत USFDA ने १० त्रुटी दाखवल्या.
• गुजरात अल्कली या कंपनीला ANTITRUST बॉडीने Rs १.८८ कोटी दंड ठोठावला होता APELLATE औथोरीटीने या साठी स्टे दिला.
• गोदरेज एअरोस्पेस या कंपनीला ब्राह्मोस मिसाईल्सच्या ११० एअरफ्रेम बनवण्याचे काम मिळाले.
• IDBI NSDL मधील ७% स्टेक विकणार आहे.
• IRB इन्फ्रा या कंपनीवर CBI ने चार्जशीट दाखल केली
• ‘प्रदूषण’ या थीम वर बरेच संशोधन होण्याची शक्यता आहे. इलेक्ट्रिसिटी किंवा GAS वर चालणारी वाहने उपयोगात आणणे हा एक प्रदूषण टाळण्याचा उपाय म्हणून पुढे येऊ शकतो. याचा परिणाम ‘EKC’ ‘IGL’ ‘MGL’ , पेट्रोनेट LNG आणी गेल या कंपन्यांवर होईल
• L&T हायड्रोकार्बन या कंपनीला Rs १६०० कोटींची ऑर्डर मिळाली.
• बँक खाते तसेच मोबाईल बरोबर आधार लिंक करण्यासाठी आता सरकारने ३१ मार्च २०१८ ही तारीख निश्चित केली.
• इन्फोसिसच्या पूर्व CFO च्या सेव्हरंस PACKAGEचा विवाद सोडवणार आहे. त्यांनी तसे सेबीला कळवले आहे. ते चूक मान्यही करत नाहीत किंवा नकारही देत नाहीत. पण गाठ सुटावी अशी इच्छा व्यक्त करीत आहेत. नवीन CEOना जुनी गाठोडी खांदयावर वाहायची नाहीत असे दिसते.
• श्रीराम EPC या कंपनीचा निकाल चांगला आला. तर जेट एअरवेजचा निकाल असमाधानकारक आला.
• पडबिद्री येथील प्लांटमध्ये समझौता झाल्यामुळे आता सुझलॉन तेथे पुन्हा काम सुरु करेल.
• युनियन बंकेने Rs १६२.७९ प्रती शेअर तर बँक ऑफ महाराष्ट्रने Rs २२.५५ प्रती शेअर आर NCLने Rs २४९.६३ या दराने QIP इशू आणले.
• SAIL या सार्वजनीक क्षेत्रातील सरकारी कंपनीने आर्सेलर मित्तल या कम्पनीबरोबर ऑटोमोटिव्ह स्टील उत्पादन करण्यासाठी US $ १ बिलियन JV करण्यावर विचार करण्यासाठी बोर्ड ऑफ डायरेक्टर्सची तातडीने बैठक बोलावली आहे.

कॉर्पोरेट एक्शन

• PNB ने PNB हौसिंग फायनांस कंपनीचे ९८००० शेअर्स Rs १३२० कोटींना विकले.
• इन्फोसिस आणी विप्रो या IT क्षेत्रातील दिग्गज कंपन्यांचा BUYBACK अनुक्रमे १४ डिसेंबर २०१७ आणी १३ डिसेंबरपर्यंत चालू राहील. आपल्याकडे या कंपन्यांचे शेअर्स असतील तर कंपनी आपल्याकडील किती शेअर्स कंपनी जाहीर केलेल्या रेटला BUYBACK करील हे टेंडर फॉर्म पाठवून आपल्याला कळवेल. आपल्याला हा फॉर्म मिळाला नाहीतर आपण कंपनीच्या वेबसाईटवरून डाऊनलोड करू शकता. आपल्याजवळील सर्व शेअर्स सुद्धा आपण BUYBACK साठी कंपनीला ऑफर करू शकता. आपल्याला आपला जिथे DEMAT अकौंट असेल तेथे DIS भरून हे शेअर्स क्लीअरिंग कॉर्पोरेशनने दिलेल्या अकौंटमध्ये आणी SETTLEMENT नंबरमध्ये ट्रान्स्फर करावे लागतील. हे दोन्ही नंबर आपला ब्रोकर आपल्याला देऊ शकेल. हे शेअर्स ट्रान्स्फर झाल्यावर आपला ब्रोकर ते कंपनीला BUYBACK साठी ऑफर करू शकेल. आपले शेअर्स वर दिलेल्या तारखेच्या आत कंपनीला BUYBACK साठी ऑफर व्हायला पाहिजेत. BUYBACK ची रक्कम आपल्या बचत खात्यात थेट जमा केली जाईल.
• हाटसन अग्रोच्या बोर्ड ऑफ डायरेक्टर्सने Rs ९०० कोटींच्या राईट्स इशुला मंजुरी दिली.
• क्लारीस लाईफसायन्सेसचा शेअर डीलिस्ट होणार आहे. यासाठी IDFCची नेमणूक केली आहे. कंपनीजवळ Rs ३८१ प्रती शेअर कॅश आहे. ‘रिव्हर्स बुक बिल्डींग’ पद्धतीने डीलिस्टिंग केले जाईल. म्हणजेच शेअरहोल्डर किती रुपयाला शेअर्स द्यायला तयार आहेत ते त्यांनी कळवायचे असते. जी किंमत ठरेल त्या किमतीला डीलिस्टिंग होते (डीलिस्टिंगच्या प्रक्रीयेविषयी माझ्या ‘मार्केट आणी मी’ या पुस्तकात खुलासेवार माहिती दिली आहे.)

या आठवड्यात आलेले IPO
SHALBY हॉस्पिटल्सचा IPO ५ डिसेंबरला ओपन होऊन ७ डिसेंबरला बंद झाला. प्राईस BAND Rs २४५ ते २४८ असून मिनिमम लॉट ६० शेअर्सचा आहे. या कंपनीची ११ हॉस्पिटल्स आहेत. आणी नजीकच्या भविष्यात इंदोर जयपूर आणी मुंबई येथे हॉस्पिटल्स चालू करण्याचा इरादा आहे. इशू साईझ Rs ५०४ कोटींची असून यापैकी Rs ४८० कोटींचे नवीन शेअर्स इशू केले जातीलया IPOचा पैसा कंपनीकडे येणार असला तरी कंपनीकडे ग्रोथ प्लान नाही. कंपनी IPOचे प्रोसीड्स कर्ज फेडण्यासाठी वापरेल. तसेच हे स्पेशालिटी हॉस्पिटल आहे, मल्टी स्पेशालिटी नव्हे. हल्ली सरकारचे लक्ष हॉस्पिटल क्षेत्रातील प्रॉफीट मार्जिनकडे वेधल्यामुळे सरकार विविध शस्त्रक्रियांचे कमाल दर ठरवण्याची शक्यता आहे. हा इशू २.८२ वेळा ओव्हर सबस्क्राईब झाला.
‘फ्युचर सप्लाय चेन सोल्युशन्स’ या कंपनीचा IPO डिसेंबर ६ ला ओपन होऊन ८ डिसेंबरला बंद झाला. ही कंपनी. प्राईस BAND Rs ६६० ते Rs ६६४ चा होता. मिनिमम लोट २२ शेअर्सचा आहे. इशू साईझ Rs ६४६ ते Rs ६५० कोटींची होती. ही कंपनी लोजिस्टिकच्या तीन सेगमेंटमध्ये काम करते. CONTRACT, एक्स्प्रेस, TEMPERATURE CONTROLLED लॉजिस्टिक्स. या कंपनीचे शेअर्स काहीसे महाग ऑफर केले आहेत. या सेक्टरला इन्फ्रास्ट्रक्चरचा दर्जा दिल्यामुळे GST चा फायदा मिळेल.
मार्केटने काय शिकवले
एल आय सी हा शेअर मार्केटमधील काही मोठ्या गुंतवणूकदारांपैकी एक आहे. बँकेत ठेवलेल्या मुदतीच्या जमा ठेवींवरील तसेच इतर गुंतवणुकीवरील व्याजाचा दर कमी झाल्यामुळे आता LIC ला आपल्या शेअरमार्केटमधील गुंतवणुकीला लगाम घालावा लागेल. एवढेच नाहीतर वेळोवेळी शेअर्स विकून प्रॉफीट बुकिंग करावे लागेल. शेअरमार्केट मधून योग्यवेळी एन्ट्री करून योग्य वेळेला एक्झिट करू पण मार्केटमध्ये गुंतवणूक करत राहू असे LIC ने सांगितले. नाहीतर शेअर्समध्ये केलेल्या गुंतवणुकीचा परिणाम त्यांच्या पॉलिसीधारकांना द्यायच्या बोनसवर होईल अशी त्यांना भीती वाटते. यावरून आपण शेअरमार्केटमध्ये गुंतवणूक करताना आपल्याजवळील पैसा आणी आपण त्यातील आपल्या इतर खर्चांवर परिणाम न होता किती पैसा शेअर्समध्ये गुंतवणूक करू शकतो याचे भान असणे  अत्यावश्यक आहे. तसेच आपल्या गुंतवणुक सुरक्षित आहे की नाही हे बघणेही आवश्यक आहे. जर आपल्याला सतत तोटा होत असेल तर त्याची कारणे शोधून ती दूर केली पाहिजेत. रिस्क रिवार्ड रेशियो लक्षात घेवूनच शेअर्समध्ये व्यवहार करावेत.
मार्केटमध्ये पुढील गोष्टी लक्षात ठेवाव्यात. असे म्हणतात “BOOKING THE PROFIT IS MORE IMPORTANT THAN PROFIT IN BOOKS”
(१)आपल्या गुंतवणुकीचे रक्षण करणे.
(२)शक्यतो तोटा होऊ न देणे
(३)वेळेवर प्रॉफीट बुक करणे
(४)वेळेवर आणी कमीतकमी नुकसान आणी जास्तीतजास्त फायदा होईल असा निर्णय घेण्याची क्षमता आपल्या अंगी बाणवणे
लोक मार्केट पडू लागले की एकच निर्णय घेतात पुन्हा मार्केटमध्ये घुसायचे नाही. आपल्याला जमणार नाही. त्याऐवजी प्रॉफीट बुक करणे, स्वस्तात काही चांगल्या शेअर्सची खरेदी करणे आपल्या पोर्टफोलिओचे सिंहावलोकन करून त्यातील तोट्यात चालणारे शेअर्स विक्रीसाठी निश्चित करणे तसेच आपल्याला फायदेशीर वाटणार्या कंपन्यांचे शेअर्स खरेदीसाठी निश्चित करणे. आणी सर्व धैर्य गोळा करून मार्केट सुधारण्याची ‘अशुभस्य काल हरणं’ म्हणत वाट पहाणे. जगबुडी झाल्याप्रमाणे हातपाय गाळून बसू नये किंवा घाईघाईने सर्व शेअर्स येईल त्या भावाला विकून टाकू नयेत अशावेळी सर्व गोष्टींचा साकल्याने विचार करून कृती केल्यास वरील चार गोष्टी आपण अमलात आणू शकतो.
मार्केट पडत असेल तेव्हा कॅश सेगमेंट आणी वायदे बाजारात दोन्हीकडे VOLUME आणी ओपन इंटरेस्ट वाढत असेल तर मंदी येणार हे निश्चित होते.
गुजरात निवडणुकांचा एक्झिट पोल १४ डिसेंबरला येईल. तसेच ADVANCE आयकर भरण्यासाठी सुरु असलेली विक्री थांबेल, येते ४ ते ५ दिवस सावध पवित्रा घेतल्यास उरलेला डिसेंबर महिना चांगला जाण्यास हरकत नाही.
BSE निर्देशांक सेसेक्स ३३२५० NSE निर्देशांक निफ्टी १०२६५ बँक निफ्टी २५३२१ वर बंद झाले.
 

आधीच्या आठवड्याचं समालोचन वाचण्यासाठी इथे क्लिक करा
अती परिचयात अवज्ञा – २७ नोव्हेंबर २०१७ ते १ डिसेंबर २०१७
S & P या आंतरराष्ट्रीय रेटिंग एजन्सीने आपल्या रेटिंगमध्ये काहीही बदल केला नाही. त्यामुळे थोड्याश्या हिरमुसल्या अवस्थेत मार्केट्ची सुरुवात झाली. पण मार्केट नेहेमी भविष्यात येणार्या घटनांची चाहूल घेत असते. त्याप्रमाणे मार्केटने अंदाजपत्रक आणी गुजरातच्या निवडणुकावर लक्ष केंद्रित करायला सुरुवात केली. गुरुवारी नोव्हेंबरच्या एक्सपायरीच्या दिवशी मार्केट ५०० पॉईंट पडले. चांगलाच दणका मिळाला. सर्वजण बेसावध होते. त्यामुळे दणका जास्त जाणवला. स्टेट बँकेने बल्क डीपॉझीटवर वाढवलेल्या १% दरामुळे अर्थव्यवस्थेमध्ये लीक्विडीटीचा अभाव जाणवू लागला आहे की काय अशी आशंका मार्केटच्या मनात आली. त्यात जाहीर झालेला वित्तीय घाटा, फिस्कल डेफिसिट यामुळे मार्केट वेगाने पडू लागले. मार्केटने ‘सावधान, सावधान’ असा इशारा दिला.
आंतरराष्ट्रीय घडामोडी

• USA मध्ये DR रेड्डी’ज वर क्लास एक्शन सूट दाखल केली. कंपनीने सांगितले की आम्ही या एक्शन सूटला आव्हान देऊ.
• ADB (एशियन डीव्हलपमेंट बँक) ५ राज्यांना रस्ते बनवण्यासाठी Rs ५० कोटी कर्ज देईल.
• USA मध्ये क्रूडचे उत्पादन वाढले आहे. त्यामुळे क्रूडच्या दराचा फायदा USA ला होईल. रशियाचा मार्केटशेअर कमी होत आहे.
• OPEC देशांनी ३१ डिसेंबर २०१८ पर्यंत उत्पादनात कपात करण्याचा निर्णय घेतला आहे. यामुळे ऑफशोअर कंपन्यांचा फायदा होईल.

सरकारी अन्नौंसमेंट

• गारमेंट निर्यातदारांना मिळणार्या सवलती २% वरून ४% वाढवल्या. याचा परिणाम गोकुळदास एक्स्पोर्ट,A B FASHION, गार्डन सिल्क, इंडोरामा सिंथेटिक, बन्सवारा सिंटेक्स, इंडोकौंट इंडस्ट्रीज, GHCL,डोनिअर इंडस्ट्रीज यांच्या शेअर्सवर होईल.
• रेलवे ७००० किलोमीटर लोहमार्गाचे इलेक्ट्रिफिकेशन करणार आहे. याचा परिणाम कल्पतरू पॉवरवर होईल. तसेच रेल्वे फार मोठ्या प्रमाणार लोहमार्ग टाकण्याचे काम करण्यासाठी टेंडर मागवणार आहे. जास्त लांबीचे लोहमार्ग टाकण्याचे काम ‘SAIL’ आणी JSPL या दोन कंपन्या करतात.
• लोकसभेचे हिवाळी अधिवेशन १५ डिसेंबर २०१७ ते ५ जानेवारी २०१८ या कालावधीत भरेल.
• लवकरच सरकार जेम्स आणी ज्युवेलरी क्षेत्रासाठी एक PACKAGE जाहीर करेल असा अंदाज आहे. यात आयात ड्युटी १०% वरून हळूहळू ८% आणी ६% केली जाईल. मजुरांच्या बाबतीत कायदे बदलले जातील त्यांना संघटीत केले जाईल.
• सरकारने ITDC मधील रांची येथील अशोल विहार या हॉटेलमधील स्टेक विकण्यासाठी बँकांची नियुक्ती केली आहे. हॉटेल पोन्डिचेरी अशोक लीजवर देण्यासाठी टेंडर मागवले आह.
• NCR, राजस्थान, उत्तर प्रदेश, आणी हरयाणा या राज्यसरकारांनी पेटकोकच्या वापरावर बंदी घातली आहे. नैसर्गिक GASसाठी मागणी वाढल्यामुळे याचा परिणाम पेट्रोनेट LNG, IGL गेल यांच्या शेअरवर होईल.
• सरकारने ‘क्वाड्रीसायकल’ साठी तत्वतः मंजुरी दिली. बजाज ऑटोच्या ‘QUTE’ ला मंजुरी मिळू शकते. याचा परिणाम बजाज ऑटोवर होईल.
• सरकारने सार्वजनिक क्षेत्रातील सरकारी बँकांसाठी रीकॅपिटलायझेशन योजनेचा आराखडा पूर्ण करत आणला आहे. सरकार रीकॅपिटलायझेशन बॉंडसाठी संसदेची मंजुरी घेतल्यावर थेट सरकारी बंकाना हे बॉंड इशू करेल. तसेच सरकारने असे जाहीर केले की २०१८ या वित्तीय वर्षात कोणत्याही बँकांचे मर्जर होणार नाही.
• दिल्ली राज्य सरकार १०,००० ऑटोसाठी लायसन्सेस इशू करणार आहे.
• मद्रास फर्तीलायझर या कंपनीत सरकार सुधारणा करणार आहे. सरकार आपल्या स्टेकचे डायव्हेस्टमेंट करणार आहे.

RBI SEBI आणी इतर प्रशासनिक संस्था

• RBI आपली वित्तीय पोलिसी ६ डिसेंबर रोजी जाहीर करेल.
• NCLT मध्ये चायना डेव्हलपमेंट बँकेने RCOMला दिलेले Rs ९००० कोटींचे कर्ज परत न केल्याबद्दल BANKRUPTCY साठी केस दाखल केली. RCOM आपला DTH बिझिनेस ‘BIG टीव्ही’ पेन्टेक आणी विकन मिडीया या कंपन्यांना विकणार आहे.
• शाहजाहापूर कोर्टाने नेस्लेला फेल झालेल्या MAGI SAMPLEसाठी Rs ६२ लाख दंड ठोठावला.
• IRDA P. E. गुंतवणूकदारांना SPV (स्पेशल पर्पज व्हेहिकल) द्वारा इन्शुरन्स कंपन्यात गुंतवणूक करायला सांगू शकते. या गुंतवणूकदारांसाठी १०% मर्यादा आणी ५ वर्षांचा लॉक-इन पिरीयड असू शकतो.
• रहेजा ग्रूपवर आयकरखात्याने छापे टाकले. या ग्रूपची शॉपर स्टॉप ही कंपनी लिस्टेड आहे

अर्थव्यवस्थेच्या गोष्टी

• इंडियाबुल्स रिअल इस्टेट F & O मधून २९ नोव्हेंबरला बाहेर पडेल. नार्वेच्या बँकेने डेन नेटवर्क्समध्ये मोठी गुंतवणूक केली. याचा परिणाम मुक्ता आर्ट्स, टीव्ही टुडे, टीव्ही 18, हाथवे केबल या कंपन्यांवर होईल.
• क्रिसिलने इंडिया बुल्स हौसिंग चे लॉंग टर्म रेटिंग ‘AAA’ केले.
• ऑक्टोबर महिन्यासाठी फिस्कल डेफीसिटचे आकडे आले. सरकार आपल्यासाठी प्रत्येक क्षेत्रात एक लक्ष्य निर्धारित करत असते.उदा :- सरकारचे करांपासून उत्पन्न, सरकारचे करांशिवाय इतर स्त्रोतांपासून उत्पन्न, फिस्कल डेफिसीट, सरकार करणार असलेला भांडवली खर्च आणी रेव्हेन्यू खर्च
• जून २०१७ ते सप्टेंबर २०१७ या दुसऱ्या तिमाहीत भारताच्या प्रगतीचा दर ६.३% राहिला (मार्च २०१७ ते जून २०१हा दर ५.७% होता. त्यामुळे आता असे वाटते आहे की GST आणी डीमॉनेटायझेशण यामुळे GDP च्या वाढीला बसलेली खीळ दूर झाली असून आता अर्थव्यवस्था नॉर्मल वेगाने प्रगती करेल.
• अर्थव्यवस्थेच्या कोअर क्षेत्रातील वाढ ४.७% झाली. स्टील उत्पादन रिफायनरी प्रोडक्ट्सच्या उत्पादनात चांगली वाढ झाली.
• यावर्षी एप्रिल ते ऑक्टोबर या सात महिन्यांच्या काळात फिस्कल डेफिसीट Rs ५.२५ लाख कोटी एवढी आली आहे. ही वित्तीय वर्ष २०१८च्या फिस्कल डेफिसीटच्या टार्गेटच्या ९६% आहे. भीती अशी वर्तवली जात आहे की वर्षअखेर फिस्कल डेफिसीट सरकारने ठरवलेल्या टार्गेटपेक्षा खूपच जास्त असेल.

 
खाजगी कंपन्यांच्या घडामोडी

• अशोक LEYLANDने हीनो मोटर्स या जपानी कंपनीबरोबरचा युरो VI इंजिनच्या संबंधात केलेला करार रिन्यू केला. तसेच अशोक LEYLAND ने आपल्या UK मधील सबसिडीअरीतील स्टेक वाढवला.
• ग्लेनमार्क फार्माच्या बद्दी युनिटच्या ६ नोव्हेंबर ते ११ नोव्हेंबर २०१७ या काळात केलेया तपासणीत ७ त्रुटी दाखवल्या.
• सन फार्माने आपले ‘RIOMET’ हे औषध देशभरातून परत मागवले.
• जिंदाल ड्रीलिंगला ONGC कडून ३ वर्षासाठी ऑफशोअर ड्रिलिंगसाठी ऑर्डर मिळाली.
• इन्फोसिस ऱ्होड आयलंड मध्ये इनोव्हेटिव हब उभारणार आहे.
• L&T ला Rs ३५७० कोटींची ऑर्डर मिळाली. L&T ला बांगलादेशमध्ये US $२५ कोटींची EPC ऑर्डर मिळाली.
• भेलने मिझोराममध्ये ३० MW हायड्रो पॉवर युनिट लावले.
• पार्श्वनाथ डेव्हलपर्स या कंपनीला Rs १०३० कोटींचे आर्बिट्रेशन अवार्ड मिळाले.
• पेट्रोनेट LNG राजस्थानमध्ये GAS लीक्विफिकेशन युनिट लावणार आहे.
• ओडिशामध्ये आयर्न ओअरच्या किंमती वाढवल्या. याचा परिणाम NMDC आणी JSPL यांच्यावर होईल.
• स्टेट बँक ऑफ इंडिया ने बल्क डीपॉझीटवरचे दर ५.२५% ते ५.७५% केले. या SBI च्या दर वाढवण्यामुळे मार्केटमध्ये लिक्वीडीटी कमी झाली कां! असे वाटल्यामुळे रुपयाचा विनिमय दर १ US $ = Rs ६४. वरून १US$=R६४.५४ इतका कमी झाला. यावर SBIने असे स्पष्टीकरण दिले आम्ही रेट १.९०% डीमॉनेटायझेशननंतर आलेल्या भरपूर कॅशमुळे रेट १.९०% कमी केला होता.
• थंडीच्या दिवसात दुधाचा पुरवठा जास्त होतो. त्यामुळे डेअरी कंपन्यांचे मार्जिन वाढते. याचा परिणाम प्रभात डेअरी, क्वालिटी डेअरी यांच्यावर होईल.
• ऑटोविक्रीचे आकडे आले. त्यामध्ये अशोक LEYLAND, मारुती, बजाज ऑटो यांची विक्री चांगली झाली. एस्कॉर्टस या कंपनीचे विक्रीचे आकडे चांगले आले नाहीत
• ककातिया सिमेंटचा निकाल चांगला तर TBZ चे निकाल असमाधानकारक आले. मुक्ता आर्ट्स टर्न अराउंड झाली.

कॉर्पोरेट एक्शन

• IDBI च्या बोर्ड ऑफ डायरेक्टर्सने NSE मधील १.५ % स्टेक म्हणजे ७४ लाख शेअर्स विकायला परवानगी दिली.

नजीकच्या भविष्यकाळात येणारे IPO

• स्वराज इंजिन ह्या कंपनीला Rs २४०० प्रती शेअर या भावाने ३००००० शेअर्स ‘BUY BACK’ करण्यास बोर्ड ऑफ डायरेक्टर्सनी मंजुरी दिली.
• M&M फायनांस ही कंपनी महिंद्र एंड महिंद्र या कंपनीला प्रती शेअर Rs ४२२ या भावाने २.५ कोटी शेअर्स इशू करणार आहे.

नजीकच्या भविष्यकाळात येणारे IPO

• फ्युचर सप्लाय चेनचा Rs ६००० कोटींचा IPO ६ डिसेंबर ते ८ डिसेंबर २०१७ या काळात चालू राहील या IPOचा प्राईस BAND Rs ६६० ते Rs ६६४ असेल. त्यामुळे फ्युचर ग्रूपच्या शेअर्सकडे मार्केटचे लक्ष असेल.
• PNB हौसिंग फायनान्स ही कंपनी OFSच्या माध्यमातून १ कोटी शेअर्स विकणार आहे. या OFS ची फ्लोअर प्रेस Rs १३२५ आहे.
• भारत इटीफ 22 हा एक्स्चेंज ट्रेडेड फंड Rs ३७.३३ प्रती युनिट लिस्टिंग झाला. याची NFOमध्ये प्रेस Rs ३५.८७ होती.
• IDBI NSDLमधील २३.८३ % स्टेक विकणार आहे

 
मार्केटने काय शिकवले
F & O मध्ये एखाद्या शेअरमध्ये वाढणारी ओपन इंटरेस्ट पोझिशन, रोलओव्हर बघून १ महिन्यासाठी खरेदी करता येते.
एकूण VOLUME पैकी डेट्रेडचा VOLUME आणी डिलिव्हरीतील VOLUME यांच्याकडे लक्ष ठेवावे. जर डिलिव्हरीबेस्ड खरेदी जास्त असेल तर नजीकच्या भविष्यकाळात शेअरची किंमत वाढण्याची शक्यता असते. ट्रेडेड VOLUME जास्त असतील तर तो एखाद्या घटनेला, सरकारच्या धोरणाला मिळालेला तीव्र प्रतिसाद समजावा. पण हा अत्यंत अल्प कालीन असतो.
थंडीमध्ये हॉटेल क्षेत्र, विमानवाहतूक क्षेत्र, पर्यटन क्षेत्र, आदी क्षेत्रात काम करणाऱ्या कंपन्यांचा फायदा होतो.
ADVANCE TAX कलेक्शन, RBI ची वित्तीय पॉलिसी, गुजराथमधील निवडणुकांचे तसेच युपी मधील निवडणुकांचे निकाल, म्युच्युअल फंडांची बोनस देण्यासाठी केलेली शेअर्सची विक्री, आणी अंदाजपत्रकाविषयी मार्केट तज्ञांचे अंदाज याकडे डिसेंबरमध्ये लक्ष ठेवावे.
BSE निर्देशांक सेन्सेक्स ३२८३३ वर, NSE निर्देशांक निफ्टी १०१२३ वर आणी बँक निफ्टी २५१९२ वर क्लोज झाले.