आधीच्या आठवड्याचं समालोचन वाचण्यासाठी इथे क्लिक करा
या आठवड्यात मार्केटमध्ये खूप मजा आली. VERTICAL RALLY सुरु झाली. प्रथम HDFC बँक, आणी ICICI बँक यांनी नंबर लावला. त्यानंतर ONGC रिलायंस इंडस्ट्रीज यांनी नंबर लावला. त्यानंतर मेटल आणी IT क्षेत्रातील शेअर्स वाढू लागले. म्हणजे एकाने ‘BATTON’ दुसर्याकडे द्यायचा आणी दुसर्याने दुसरा टप्पा पुरा केल्यावर तिसर्याकडे देत ‘RELAY’ पुरा करायचा. त्यामुळे सेन्सेक्सने ३६००० च्या वर निफ्टीने १११०० च्या वर तर बँक निफ्टीने २७००० च्या वर बस्तान बसवले. त्यातच भारताचे पंतप्रधान नरेंद्र मोदी यांनी आपल्या डावोस येथील ‘वर्ल्ड इकॉनॉमिक फोरम’ च्या उद्घाटनाच्या भाषणात परदेशी उद्योजकांना भारतात गुंतवणूक करण्यासाठी आपण ‘रेड टेप’ काढून त्यांच्या साठी ‘रेड कार्पेट’ घातले आहे आणी भारतामध्ये त्यांना ‘वेल्थ विथ वेलनेस’ , ‘हेल्थ विथ WHOLENESS’ आणी ‘प्रॉस्पेरीटी विथ PEACE’ मिळेल असे आश्वासन देत भारताच्या आर्थिक परिस्थितीचे,  प्रगतीचे सुंदर चित्र रेखाटले. भारताने जवळ जवळ सर्व औद्योगिक क्षेत्रांमध्ये ऑटोमटीक रूटने FDI ला परवानगी दिली आहे असे सांगितले.
सरकारी अन्नौंसमेंट

• सरकारने आपण एकूण Rs ८८००० कोटी (Rs ८०००० कोटींचे रीकॅपिटलायझेशन BONDS आणी Rs ८१३९ कोटी अंदाजपत्रकातील तरतूद) २० सरकारी बँकाना देऊ असे जाहीर केले. सरकारने या बँकांना Rs १०३१२ कोटी मार्केटमधून उभारायला सांगितले. यात PCA (प्रॉम्प्ट करेकटीव एक्शन) खाली असलेल्या ११ बँकांना Rs ५२३११ कोटी तर ९ नॉन PCA बँकांना ३५८२८ कोटी प्रगतीसाठी भांडवल पुरविण्याची घोषणा केली. PCA खाली असलेल्या बँकांमध्ये IDBI ला सगळ्यात जास्त (Rs १०६१० कोटी) तर नॉन PCA बँकांमध्ये स्टेट बँक ऑफ इंडियाला Rs ८८०० कोटी भांडवल पुरवले जाईल.
• याबरोबरच सरकारने भांडवल दिलेल्या बँकांना एक ३० कलमी कार्यक्रम राबवण्यास सांगितले आहे. यामध्ये ग्राहकांप्रती प्रतिसाद, जबाबदार बँकिंग, क्रेडीटमध्ये वाढ, उद्योगांबरोबर मैत्री आणी सौहार्दपूर्ण नाती, सर्वसमावेशक आणी डिजिटल टेक्नोलॉजी समवेत बँकिंग सेवांची अपेक्षा सरकारने प्रगट केली आहे. याबरोबरच अशी सेवा देणारा कर्मचारी वर्ग तयार करून स्वतःची ‘BRAND VALUE’ प्रत्येक सरकारी बँक तयार करेल असे सुचविले आहे याबरोबरच Rs २५० कोटीपेक्षा जास्त कर्जांचे परिचालन करण्यासाठी आणी NPA साठी वेगळा विभाग उघडण्यास सांगितले.
• बँकांनी आपले नॉनकोअर ASSET विकावेत आणी परदेशी शाखांच्या बाबतीत साकल्याने विचार करून निर्णय घ्यावा. कनसॉर्शियममध्ये प्रत्येक बँकेने किमान १०% कर्ज द्यावे असे सुचवले.
• हे भांडवल सरकारने पुरविल्यामुळे सरकारी बँका आता Rs ५ लाख कोटी अधिक कर्ज देऊ शकतील असे सरकारने जाहीर केले.
• या सर्व उपायांमुळे सरकारी बँका आता खाजगी बँकांशी स्पर्धा करू शकतील अशी सरकारला आशा आहे. त्यामुळे तात्पुरते सरकारी बँकांचे शेअर्स वाढले आणी खाजगी बँकांचे शेअर्स कमी झाले.
• आशा करू या की आता आपल्यासारख्या सामान्य ग्राहकाला हसतमुख नाहीतरी सर्व सेवा समाधानकारकरीत्या सरकारी बँकेत मिळतील.
• सरकारने राज्य सरकारांना इंडस्ट्रीयल डीस्प्यूट कायद्यात काही सुधारणा करण्यास सांगितले आहे. त्यात फिक्स्ड लेबर कॉन्ट्रकट आणी कारखाना बंद करण्याच्या काही तरतुदी सोप्या करायला सांगितले आहे. केंद्र सरकारचे म्हणणे आहे की यामुळे ‘EASE OF DOING BUSINESS’ मध्ये सुधारणा होईल.
• सरकारने डायव्हेस्टमेंटचे लक्ष्य Rs ९२००० कोटी केले.
• सरकार IFCI ला Rs १०० कोटी देईल. IFCIने त्यांचा ड्रेजिंग कॉर्पोरेशनमधील स्टेक विकण्यासाठी बोली मागविल्या आहेत.
• सरकार कोल इंडियाला आणखी ११ खाणी देणार आहे.
• GST मधून अपेक्षित पैसा गोळा होण्याची शक्यता कमी असल्यामुळे सरकार इम्पोर्ट ड्युटीचे अस्त्र बाहेर काढण्याची शक्यता आहे. यामुळे स्वदेशी कंपन्याना सरंक्षण मिळेल असे वाटते.
• सरकार बॉयलरवर ‘ANTI DUMPING DUTY’ लावण्याच्या विचारात आहे. याचा परिणाम L& T, भारत बिजली, थर्मक्स, भेल, त्रिवेणी टर्बाईन्स, ABB, EMKO या कंपन्यांवर होईल.
• सरकार प्लास्टिक बनवण्यासाठी लागणार्या केमिकल्सवर ‘ANTI DUMPING’ ड्युटी लावण्याच्या विचारात आहे. याचा परिणाम नौसिल, टाटा केमिकल्स यांच्यावर होईल.
• ‘उडान’ या योजनेतून दरभंगा, हरिद्वार, कारगिल, झ्लाहाबाद आणी इतर अनेक मध्यम आणी छोट्या शहरांना विमान सेवेने जोडण्याचा सरकारचा विचार आहे. यात विमान सेवेबरोबरच हेलिकॉप्टर सेवेचाही समावेश आहे.
• अंदाजपत्रकीय अधिवेशनात इलेक्ट्रिसिटी संशोधन विधेयक येण्याची शक्यता आहे.
• बालाजी अमाइन्स या कंपनीला लागणारे केमिकल्स चीन, सौदी अरेबिया, जर्मनी येथून ‘DUMP’ होत असल्याची दखल सरकारने घेतली आहे.
• सरकारने निर्यातीला उत्तेजन देण्यासाठी १०२ वस्तूंवरील ड्युटी DRAWBACK चे दर वाढवले. यात चामडे, मच्छी, धागा, लोकर, टायर यांचा समावेश आहे.
• सरकारने आता जर तुमच्या कंपनीचे ऑथोराईजड कॅपिटल Rs १० लाखांपेक्षा कमी असेल तर कंपनी इन्कॉर्पोरेट करण्यासाठी फी आकारली जाणार नाही. तसेच तुम्ही तुमच्या कंपनीसाठी नाव राखून ठेवू शकता असे सांगितले.

SEBI, RBI आणी इतर प्रशासनिक संस्था

• GST कौन्सिलने २५ जानेवारी २०१८ पासून अफोर्डेबल हौसिंग वरील GSTच्या दरात १२% वरून ४% कपात करून ८% केला.
• NSE ने असे जाहीर केले आहे की मार्केटमध्ये पोझिशन लिमिट वापराविषयी वेगवेगळ्या पातळ्यांवर (उदा ७५% ८०%) गुंतवणूकदारांना आणी ट्रेडर्सना माहिती देऊन सावध केले पाहिजे म्हणजे ते बेसावध न राहता सेबीने किंवा एक्स्चेंज ने आपली REGULATORY आणी SURVEILLANCE एक्शन सुरु करण्याआधी आपल्या पोझिशन विषयी माहितीपूर्ण निर्णय घेऊ शकतील. पोझिशन लिमिट्ससाठी मार्जिन वाढवले. ९०% लिमिट युटीलायझेशन असेल तर ३००% मार्जीन ठेवावे लागेल असे जाहीर केले. F & O मार्केट मधील VOLATILITY कमी करण्यासाठी NSE ने हे पाउल उचलले आहे.
• RBI ने बीटकॉईन आणी इतर CRYPTO CURRENCY मध्ये व्यवहार करणार्या कंपन्यांशी व्यवहार करणार्या बँकांना सावधानतेचा इशारा दिला आहे. उदा ZEBPAY, UNOCOIN, COINSECURE, BCTX इंडिया

खाजगी कंपन्यांच्या घडामोडी

• इंटरग्लोब, फायझर, OMAX ऑटो (ही कंपनी टर्न अराउंड झाली), फोर्स मोटार, पिडीलाईट, GNFC, वक्रांगी, मारुती, EDELWIESS. मोतीलाल ओसवाल, FACT, अव्हेन्यू सुपरमार्केट यांचे निकाल चांगले आले.
• कॅनरा बँक, आयडीया सेल्युलर,बायोकॉन,KPIT, युनायटेड स्पिरीट यांचे तिमाही निकाल असमाधानकारक होते
• जे पी असोसिएट्सने कोर्टात Rs १२५ कोटी जमा केले.
• प्रीकॉल या कंपनीने इलेक्ट्रिक WATER पाईप साठी चीनच्या कंपनी बरोबर करार केला.
• इन्फोसिसने A S WATSON या कंपनीबरोबर डिजिटल ट्रान्सफॉर्मेशनसाठी करार केला.
• बजाज कॉर्पने ‘जस्मिन हेअर ऑईल’ हे नवीन प्रोडक्ट बाजारात आणले.
• कल्पतरू पॉवरला Rs ८७० कोटींची मिळाली.
• M मेटलनी जमिनीचां एक वाद सोडवला
• NHAI च्या ओडिशामधील प्रोजेक्टसाठी दिलीप बिल्डकॉनने Rs १८५२ कोटीची बोली लावली.

कॉर्पोरेट एक्शन

• टाटा स्टील १४ फेब्रुवारी ते २८ फेब्रुवारी २९१८ दरम्यान Rs १२८०० कोटींचा Rs ५१० प्रती शेअर या भावाने राईट्स इशू आणत आहे.
• ONGC ही कंपनी HPCL मधील सरकारचा ५१.१२ % स्टेक Rs ४७३.९३ प्रती शेअर या भावाने Rs ३६९२० कोटीला खरेदी करणार आहे. हे डील या महिन्याच्या शेवटपर्यंत पुरे होईल. हा स्टेक खरेदी करण्यासाठी ONGC त्यांच्या BALANCESHEET मधील कॅश वापरेल आणी सात बँकांकडून कर्ज घेईल.
• बँक ऑफ बरोडा आपला NSE मधील स्टेक (४३.९ लाख शेअर्स) प्रती शेअर्स फ्लोअर प्राईस Rs ९०० भावाला विकणार आहे.
• IOC आपल्या बोर्ड ऑफ डायरेक्टर्सच्या ३० जानेवारीच्या बैठकीत बोनस इशूवर विचार करण्याची शक्यता आहे.
• LIC ने TCS मधील आपला स्टेक वाढवला.
• अलेम्बिक प्रती शेअर Rs ८० या भावाने १.०२ कोटी शेअर्स ‘BUY BACK’ करेल.
• सविता ऑईल Rs १६०५ प्रती या भावाने शेअर ‘BUY BACK’ करेल.
• BEL या कंपनीने ३० जानेवारी २०१८ रोजी शेअर ‘BUY BACK’ वर विचार करण्यासाठी बोर्ड ऑफ डायरेक्टर्सची बैठक बोलावली आहे. (माझ्या मार्केट आणी मी या पुस्तकामध्ये बोनस ‘BUY BACK’ राईट्स इशू बद्दल सविस्तर माहिती दिली आहे.)
• कॅनरा बँक आपला कॅनफिना होम्स मधील स्टेक विकणार आहे

नजीकच्या भविष्यकाळात येणारे IPO आणी लिस्टिंग

• NCC ने QIP Rs १२९.४७ प्रती शेअर या भावाने तर MAJESCO या कंपनीने Rs ५३२ प्रती शेअर या भावाने QIP आणला.
• भारत डायनामिक्सने IPO साठी अर्ज केला.
• न्यू जेनच्या शेअर्स चे लिस्टिंग सोमवार २९ जानेवारी २०१८ रोजी होईल.
• GALAXY SURFACTANTS लिमिटेड या कंपनीचा ६३३१६७० शेअर्स साठी IPO २९ जानेवारी ते ३१ जानेवारी दरम्यान ओपन राहील. प्राईस BAND Rs १४७० ते Rs १४८० आहे. मिनिमम लोट १० शेअर्सचा आहे.

तांत्रिक विश्लेषण
निफ्टीमध्ये गुरुवारी ‘HANGING MAN’ हा PATTERN तयार झाला. किमती वाढल्यावर पुरवठा आल्यामुळे विक्री होत होती पण भाव कमी झाल्यावर पुन्हा खरेदीही होत होती. त्यामुळे निफ्टी ११००० च्यावर राहिला. मार्केटच्या वाढीची दिशा आणी वेग याविषयी अनिश्चितता गुंतवणूकदारांच्या मनात आहे असे जाणवले.
मार्केटने काय शिकवले
VRL लॉजिस्टिक्सने अशोक LEYLAND या कंपनीला १२०० ट्रकसाठी Rs ३५० कोटींची ऑर्डर दिली, नेहेमी ज्या कंपनीला ऑर्डर मिळाली असेल त्या कंपनीचा शेअर वाढतो येथे मात्र VRL लॉजिस्टीक्सचा शेअर Rs २२ ने वाढला. कारण त्यांचा बिझिनेस फार वेगाने वाढतो आहे हे या ऑर्डरवरून स्पष्ट झाले
इंडेक्स फ्युचर्समध्ये विक्री पण स्टॉक फ्युचर्समध्ये खरेदी दिसते आहे. याचा अर्थ इंडेक्स वाढण्याचा वेग कमी होईल पण त्याचवेळी रिलायंस, TCS सारख्या शेअर्समध्ये खरेदी दिसते आहे.
बँक निफ्टीमध्ये रोलओव्हर जास्त आहे. त्यामानाने निफ्टी मध्ये रोल ओव्हर कमी आहे. बँक निफ्टी मध्ये तेजीची शक्यता दिसते आहे.
F & O ट्रेडिंग BAN मध्ये कोणते शेअर्स आहेत आणी BAN मधून कोणते शेअर्स बाहेर पडणार आहेत. हे पहावे लागते. जर शेअर्स ट्रेडिंग BAN मध्ये असतील तर फ्युचर्समध्ये शॉर्ट करता येत नाही.
बहुतेक कंपन्यांचे निकाल डीमॉनेटायझेशन आणी GST याचे परिणाम कमी झाल्यामुळे आणी गेल्या तिमाहीचे निकाल कमी असल्यामुळे तुलनात्मक चांगले दिसत आहेत. US $ १=Rs ६३.५२ हा विनिमय रेट असल्यामुळे रुपया मजबूत होत आहे. पण US$ कमजोर होत असल्यामुळे सोने चांदी महाग, क्रूड ३७ महिन्यांच्या उच्च स्तरावर आहे लॉंग वीक एंड आहे, पुढील आठवड्यात अंदाजपत्रकाची धामधूम असेल त्यामुळे मार्केट VOLATILE असेल. अशा मार्केटमध्ये खरी परीक्षा लागते ती ट्रेडर्सची. अशावेळी आपण कोणत्याही शेअर्समध्ये कमी प्रमाणात पोझिशन घ्यावी आणी निकृष्ट दर्जाच्या शेअर्समध्ये नफा होत असेल तर ते शेअर्स विकून नफा घरी आणावा.
BSE निर्देशांक सेन्सेक्स ३६०५० वर तर NSE निर्देशांक निफ्टी ११०७० वर आणी बँक निफ्टी २७४४५ वर बंद झाले.
 

आधीच्या आठवड्याचं समालोचन वाचण्यासाठी इथे क्लिक करा
शेअर मार्केटच्या पिचवर कसोटी क्रिकेट की एक दिवसाचा सामना! – १५ जानेवारी २०१८ ते १९ जानेवारी २०१८
हा आठवडा फार मजेशीर गेला. क्रिकेटच्या सामन्याप्रमाणेच जाणवले एकदा का वन डे किंवा २०-२० ची सवय लागली की माणूस आपण कसोटी सामना खेळत आहोत हेच विसरून जातो. त्यामुळे कसोटी सामन्याच्या शौकिनांनाही मजा येत नाही. आणी वन डेच्या प्रेक्षकांनाही मजा वाटत नाही. नुसता गोंधळ. मी तर म्हणेन ‘गाढवांचा  गोंधळ आणी लाथांचा सुकाळ’ यात ना बुल्सचा फायदा झाला ना बेअर्सचा क्षणात मार्केट वरती तर क्षणात खाली. त्यामुळे स्टॉप लॉस हिट होत होते. बघ्याची भूमिका घेणाऱ्यांनाही समजले नाही. या गाढवांच्या गोंधळातील लाथा मात्र किरकोळ गुंतवणूकदारांना मार्केट जेव्हा अचानक पडायला लागेल तेव्हा असह्य होतील. सार्वकालिक कमाल भावाला खरेदी केलेले शेअर्स आणखी वाढतील ही आशा, एकामागून एक लोअर सर्किट लागायला लागली की भयाण निराशेत रुपांतरीत होते. मार्केटमध्ये सर्वत्र महागाई असल्यामुळे रिटेल गुंतवणूकदार त्याला परवडेल असेच शेअर्स घेतो आणी नंतर तो भाव येण्यासाठी कमीतकमी ५ वर्षे तरी वाट बघत बसतो. आता शेअर्स खरेदी करायचे तर लवकरात लवकर विकून मोकळे व्हा. होत असलेला नफा घरी आणा. नाहीतर कमाल भावाला खरेदी केलेले शेअर्स किमान भावाला विकण्याची वेळ येईल. तेव्हा वन डे चा सामना चालू आहे कसोटी सारखे खेळू नका. आपला पवित्रा बदला हेच सांगणे.
आंतरराष्ट्रीय घडामोडी

• USA मधील कर कपातीचा फायदा घेण्यासाठी आता भारतीय आंतरराष्ट्रीय फार्मा कंपन्या USA मध्ये एकतर नवीन युनिट स्थापन करण्याचा विचार करत आहेत किंवा USA मधील फार्मा कंपन्या विकत घेण्याचा विचार करत आहेत. यामध्ये सन फार्मा, कॅडिला हेल्थकेअर, ऑरोबिंदो फार्मा आणी टॉरंट फार्मा आघाडीवर आहेत. यात टॉरंट फार्माने USA मधील BIO-PHARM ही जनरिक आणी OTC ड्रग्स बनवणारी कंपनी खरेदी केली.
• USA ने स्टील प्लेट आणी स्टील पाईप कॅप वर ANTI DUMPING ड्युटी बसवली ही बातमी भारतातून ह्या वस्तू निर्यात करणाऱ्या कंपन्यांसाठी प्रतिकूल आहे.

सरकारी अनौंसमेंट

• सरकारने INTERNATIONAL टर्मिनेशन चार्ज Rs ०.५३ वरून ०.३० पैसे केला ग्रे रूट तर्फे केल्या जाणार्या आंतरराष्ट्रीय CALLS ना आळा घालण्यासाठी सरकारने हे पाउल उचलले.
• सरकार प्रत्येक नागरिकाला Rs ८ लाखाची विमा पॉलिसी द्यावी असा विचार करत आहे.
• सरकारने आपण Rs ५०००० कोटी अतिरिक्त कर्ज घेण्याऐवजी फक्त Rs २०००० कोटी अतिरिक्त कर्ज घेऊ अशी घोषणा केली यामुळे BOND YIELD कमी झाले त्यामुळे बँकांची स्थिती सुधारली.
• सरकार आपले वित्तीय वर्ष २०१९ चे डायव्हेस्टमेंटचे लक्ष्य वाढवणार आहे. सरकार ३६ पब्लिक सेक्टर अंडरटेकिंगमध्ये डायव्हेस्टमेंट (यात एअर इंडिया, द्रेजिंग कॉर्पो, पवन हंस) करणार आहे तर ६ कंपन्यांचा IPO आणणार आहे. सरकार भारत -२२ ETF चा दुसरा हप्ता आणण्याची शक्यता आहे.
• सरकार सार्वजनिक क्षेत्रातील सरकारी बँकांमधील FDI मर्यादा २०% वरून ४९% वर् तर खाजगी बँकांमधील FDI मर्यादा ७४% वरून १००% करण्याच्या विचारात आहे.

अर्थव्यवस्थेच्या गोष्टी

• नोव्हेंबर २०१८ साठी IIP चे आकडे आले. या महिन्यात FACTORY उत्पादन ८.४% ने वाढले. ही गेल्या २५ महिन्यातील कमाल वाढ आहे. मुख्यत्वे कॅपिटल गुड्स, इंटरमिजीअरी गुड्स, CONSTRUCTION गुड्स, टिकाऊ ग्राहकोपयोगी वस्तू यांच्या उत्पादनात लक्षणीय वाढ झाली. २३ पैकी १५ उद्योगात वाढ दिसली. त्यामुळे वर्षाच्या उत्तरार्धात औद्योगिक वाढीला चालना मिळेल अशी लक्षणे दिसत आहेत.
• डिसेंबर २०१८ या महिन्यात CPI (कन्झ्युमर प्राईस इंडेक्स) ५.२% ने (नोव्हेंबर मध्ये ४.८८%) वाढले ही १७ महिन्यातील कमाल वाढ आहे. अन्नधान्याची महागाई ४.९६% तर इंधनाची महागाई ७.९% तर हौसिंग महागाई ८.२५% वाढली या CPI मधील वाढीमुळे (जी RBI च्या ४% अंदाजापेक्षा) जास्त आहे आता RBI रेट कट करण्याची शक्यता दुरावली आहे. तसेच सरकारला फिस्कल डेफिसिट मर्यादेत ठेवण्यासही  कठीण जाईल.
• डिसेंबर २०१७ या महिन्यात WPI (होलसेल प्राईस इंडेक्स) ३.५८% ने वाढला (नोव्हेंबर २०१७ मध्ये ३.९३% ने वाढला होता.) अन्न धान्य भाजीपाला इंधन यांच्या किमती स्थिरावल्यामुळे यावेळी WPI मध्ये कमी वाढ झाली.
• डिसेंबर २०१७ मध्ये भारताची निर्यात १२.३% ने वाढून US $४२७ बिलियन झाली. परंतु सोने आणी क्रूड यांची आयात वाढल्यामुळे आयात २१.१% ने वाढून US $४ ४१.९ बिलियन झाली. ट्रेड डेफिसिट US $ १४.८८ बिलियन झाली. इंजिनिअरिंग गुड्स, जेम्स & ज्युवेलरीज, केमिकल्स ड्रग्स आणी फार्मास्युटिकल यांच्या निर्यातीत वाढ झाली.

RBI, SEBI आणी इतर प्रशासनिक संस्था

• BANKRUPTCY कोर्टाच्या कोलकाता बेंचने आधुनिक ग्रूपच्या कंपन्यांना ९० दिवसाची मुदतवाढ दिली
• GST कौन्सिल ने आपल्या १८ जानेवारी २०१८ च्या बैठकीत २९ गुड्सवरील GST कमी केला आणी ५३ सेवांवरील GST करात कपात केली. या मध्ये जुन्या आणी वापरलेल्या मोटार कार्स, बायोडिझेल आणी बायोपेस्टीसाइद्स, ड्रीप इर्रीगेशन सिस्टिम्स,मेकॅनिकल स्प्रेयर्स, सायंटीफिक आणी टेक्निकल INSTRUMENTS, हळद आणी मेहेन्दिची पावडर, हिअरिंग एड्स, हिरे आणी मौल्यवान खडे, प्रायव्हेट LPG यांच्यावरील GST कमी केला. तर सिगारेट्स फिल्टर्स आणी राईस bran,  वरील GST वाढवला. तर शिंपीकाम, चर्मोद्योगातील जॉब वर्क, संगीत नृत्य नाटक यांचे थींएटर कार्यक्रम, ऑन लाईन शैक्षणिक संस्थाच्या नियतकालीकांची वर्गणी., स्वस्त घरबांधणी, शुगर कॅन्डी यावरील GST मध्ये कपात केली. तसेच आणखी कोणत्या गुड्स आणी सेवां GSTच्या परिघात आणता येतील तसेच GST रिटर्न भरण्याची प्रक्रिया सोपी कशी करता येईल इत्यादी गोष्टींवर चर्चा झाली.
• इंडियन फार्मास्युटिकल कंपन्या आपला कच्चा माल चीन आणी इतर देशातून आयात करतात. हा कच्चा माल अपेक्षित मानकांप्रमाणे नसल्यामुळे आता या कंपन्यांच्या उत्पादन युनिट्सची तपासणी केली जाईल.
• SAT (SECURITIES APPELLATE TRIBUNAL) ने PWCवर सेबीने घातलेली बंदी उठवण्यास नकार दिला.

खाजगी कंपन्यांच्या घडामोडी

• टी सि एस या कंपनीने US$ २ बिलियनपेक्षा जास्त रकमेच्या सिस्टीम सोल्युशन्स पुरवण्यासाठी ट्रान्सअमेरिका या कंपनी बरोबर करार केला. या कराराद्वारे TCS ने अतिशय स्पेसिअलाइझ्ड थर्ड पार्टी इन्शुरन्स प्रशासन बिझिनेसमध्ये पदार्पण केले. तसेच टी सी एस ने डीजीटल सर्विस पुरवण्यासाठी  मार्क स्पेन्सर PLC बरोबर करार केला.
• ब्राझीलच्या REAL या चलनाची किमत कमी झाल्यामुळे UPL या कंपनीच्या उत्पन्नात लक्षणीय घट होईल. कारण UPL चा २०% बिझिनेस ब्राझील बरोबर आहे.
• सुझलॉन या कंपनीने तारण ठेवलेले १६ कोटी शेअर्स सोडवले.
• YAARAA ASA या नॉर्वेजियन कंपनीने टाटा केमिकल्सच्या युरिया बिझिनेसचे अक्विझिशन पूर्ण केले.
• सेलने चार शहरांमध्ये लोखंडी सळ्यांचे भाव वाढवले.
• ICICI बँकेला मॉर्गन स्टेनलेने आपल्या मॉडेल बँक पोर्टफोलीओमध्ये सामील केले. HDFC बँकेच्या बोर्ड ऑफ डायरेक्टर्सने QIP आणी प्रेफरन्स इशूला मंजुरी दिली.
• फेडरल बँकेचा नफा वाढला पण NPA वाढले.
• ‘MAIN LAND CHINA’ या नावाने स्पेशालिटी रेस्टॉरंटने नवीन हॉटेल सुरु केले.
• GNFC च्या दाहेज प्लांट मध्ये GAS लिकेज असल्यामुळे हा प्लांट काही काळासाठी बंद करावा लागला.
• HUL ने आयुष आणी इंदुलेखा हे ब्रांड भारतभर लागू केले. HUL चे तिमाही निकाल चांगले आले.HUL चे VOLUME खूप वाढले. परंतु त्यांनी या प्रगतीच्या स्थिरावण्यासाठी आम्हाला आणखी दोन तिमाही वाट पहावी लागेल असे सांगितले.
• बंगालमध्ये ‘SEA PLANE’ उत्पादन सुरु करण्याची स्पाईस जेटची योजना आहे.
• झेन्सार टेक्नोलॉजी, हिंदुस्थान झिंक, अडाणी पोर्ट यांचे निकाल समाधानकारक आले.
• अल्ट्राटेक सिमेंटचे निकाल पेटकोक वरील बंदी आणी कच्च्या मालाच्या भावातील वाढ यामुळे अपेक्षेपेक्षा कमी आले परंतु त्यांनी चौथ्या तिमाहीसाठी चांगला गायडंस दिला आहे.
• USA मधील पेटंटचा वाद सन फार्माने सोडवला.
• सिम्फनीच्या एअरकुलरच्या ‘CLOUD’ मॉडेलला दक्षिण आफ्रिकेत पेटंट मिळाले.
• पिट्टी LAMINATION या कंपनीने औरंगाबाद येथे कमर्शियल उत्पादन सुरु केले.
• 5 पैसा कॅपिटलला कमोडीटी ट्रेडिंगसाठी सेबी आणी MCX ची परवानगी मिळाली.
• हेल्थकेअर ग्लोबलची FDI मर्यादा २४% वरून १००% केली.
• दिलीप बिल्डकॉन ला NHAI कडून Rs ७३० कोटीची ऑर्डर मिळाली.
• भारती एअरटेल या कंपनीचे निकाल असमाधानकारक लागले. टेलिकॉम क्षेत्रातील स्पर्धा आणी इंटरकनेक्शन चार्जेस मधील कपात ही कारणे दिली. IDFC बँकेचा, विप्रोचा तिमाही निकाल असमाधानकारक आला.
• HDFC बँक आणी ITC, HCL टेक, कोटक महिंद्र बँक, ज्युबिलंट फूड्स, येस बँक, यांचे तिमाही निकाल त्यांच्या लौकिकाला साजेसे आले. रिलायंस इंडस्ट्रीजचा नफा २५% ने वाढला आणी रिलायंस JIO टर्नअरौन्ड झाली.
• A TO Z या कंपनीला कर्जाचे शेअर्समध्ये रुपांतर करण्याची परवानगी मिळाली. अलाहाबाद बँक कर्ज वसुलीसाठी CHEMROK इंडस्ट्रीची तर IDBI बँक लूप मोबाईल्सची मालमत्ता विक्रीस काढणार आहे.
• भेलला महाराष्ट्रामध्ये 660MV स्टेशनसाठी Rs २८०० कोटींची ऑर्डर मिळाली.

कॉर्पोरेट एक्शन

• बियाणी ग्रुपची कॅपिटल फर्स्ट आणी IDFC बँक यांनी आपल्या मर्जरची घोषणा केली. यामुळे कॅपिटल फर्स्टला बँकिंग सेक्टरमध्ये प्रवेश करता येईल आणी IDFC बँकेकडे असलेले लो कॉस्ट डीपॉझीट आणी शाखा कॅपिटल फर्स्टला उपलब्ध होतील. तर IDFC बँकेला कॅपिटल फर्स्टच्या SME सेक्टर, ग्राहक लोन क्षेत्राचा फायदा होईल. यामुळे मर्जड कंपनीला IDFC BANK आणी कॅपिटल फर्स्ट यांच्यातील सिनर्जीचा फायदा होईल. म्हणजेच ही दोघांच्याही दृष्टीने ‘WIN WIN SITUATION’ आहे.   IDFC बँकेच्या १३९ शेअर्सच्या बदल्यात कॅपिटल फर्स्टचे १० शेअर्स मिळतील. हे मर्जर १ एप्रिल २०१८ पासून लागू होईल. नवीन कंपनीचा भार वैद्यनाथन संभाळणार आहेत.
• BSE (बॉम्बे स्टॉक एक्स्चेंज)च्या बोर्ड ऑफ डायरेक्टर्सनी १५.०९ लाख शेअर्स Rs ११०० प्रती शेअर या किमतीपर्यंत BUY BACK करण्यास मंजुरी दिली. कंपनी एकूण Rs १६६ कोटी ‘BUY BACK’ वर खर्च करेल.
• ला ओपाला ह्या कंपनीने बोनस शेअर्स इशुवर विचार करण्यासाठी ५ फेब्रुवारी २०१८ रोजी बैठक बोलावली आहे.
• IDBI बँक सरकारला Rs २७३० कोटींचे शेअर्स अलॉट करील.
• आलेम्बिक फर्माने शेअर्स ‘BUY BACK’ वर विचार करण्यासाठी बोर्ड ऑफ डायरेक्टर्स बैठक बोलावली आहे.
• सविता ऑईल या कंपनीची ‘BUY BACK’वर विचार करण्यासाठी बोर्ड ऑफ डायरेक्टर्सची मंगळवार २३ जानेवारी २०१८ रोजी मीटिंग आहे.

IPO

• रेल इंडिया टेक्निकल आणी इकॉनॉमिक सर्विसेस LTD या कंपनीने IPO साठी सेबीकडे अर्ज दिला.
• अंबर एन्टरप्रायझेस या AC आणे AC चे पार्टस आणी इतर व्हाईट गुड्सचे पार्टस बनवणाऱ्या कंपनीचा IPO १७ जानेवारी २०१८ ते १९ जानेवारी २०१८ दरम्यान ओपन होता. प्राईस BAND Rs ८५५ ते Rs ८५९ होता. मिनिमम लॉट १७ शेअर्सचा होता. हा IPO १६५ वेळा ओव्हर सबस्क्राईब झाला.
• अपोलो मायक्रोसिस्टीमचा IPO २४८ वेळा ओव्हर सबस्क्राईब झाला तर रिटेल कोटा ४० वेळा ओव्हरसबस्क्राईब झाला या कंपनीच्या शेअर्सचे लिस्टिंग २२ जानेवारी २०१८ रोजी होईल.
• टाटा स्टील्सच्या Rs १२८०० कोटीच्या राईट्स इशुला परवानगी मिळाली.
• अडानी GAS ही कंपनी BSE आणी NSE वर लिस्ट होईल अडाणी GAS डीस्ट्रीब्युशनचा कारभार पुन्हा सुरु करत आहेत.

मार्केटने काय शिकवले
मंगळवार तारीख १६ ०१ २०१८ रोजी PUT/CALL रेशियो १,७८ झाला. या रीशियोचा कमाल स्तर १.८२ आहे अशा परिस्थितीत VOLATALITY वाढते. VIX वाढत आहे सावध राहावे. बँक निफ्टी Rs २५ डीसकौंट वर ट्रेड होतो आहे. याचा अर्थ वरील स्तरावर विक्री होत आहे. ट्रेड डाटा खराब आल्यामुळे रुपया घसरला. क्रूड US $ ७० च्या पातळीवर राहिले. इतके दिवस रुपयाची किमत कमी होत नव्हती त्यामुळे क्रूडचा परिणाम दिसत नव्हता. रुपया घसरायला लागल्या बरोबर मार्केटही घसरू लागले. आणी सर्वात जास्त मिडकॅप निर्देशांक ४०० पाईंट पडला. यात नवीन काहीच नाही मार्केट पडू लागले की मिडकॅप निर्देशांक पडण्याचे प्रमाण जास्त असते. बर्याच मिडकॅप शेअर्सला लोअर सर्किट लागते. आज फिअर आणी ग्रीड मीटर ४३ होते.
बुल्स आणी बेअरची लढाई फार सुंदर रंगली. सरशी झाली बुल्ल्स्ची. काही शेअर्समध्ये कॉन्फिडन्स तर काही शेअर्स मध्ये ओव्हर कॉन्फिडन्स दिसून आला. सरकारच्या अतिरिक्त कर्ज कमी घेण्याच्या निर्णयामुळे मार्केटला गती आली आणी मार्केटने नव्या दमाने जोराची उसळी मारली.
नेहेमी चांगला निकाल लागला की त्या शेअरची किमत वाढते तसेच जर निकाल असमाधानकारक असला की कमी होते. पण यावेळी मात्र असे आढळले नाही. निकाल लागल्यानंतर बहुतेकवेळा शेअर पडले. ‘पळा पळा कोण पुढे पळे तो’ या शर्यतीत खरच आपण शेअर्सचे भाव इतके वाढवून बसलो की आता चांगला निकाल, ‘BUY BACK’ असो नाहीतर बोनसची घोषणा होवो शेअर्सची किंमत कमी होते. वाढलेली किंमत जास्त काळ टिकत माही.
आपण मात्र सावध रहा. चांगल्या कंपनीचे शेअर्सच (भले शेअर्सची संख्या कमी असो) खरेदी करा. येणाऱ्या SMS वर अवलंबून किंवा कोणाच्या दबावाखाली येऊन आपला कष्टाने कमावलेला पैसा गुंतवू नका. शक्य असल्यास मार्केट मधून वेळीच होत असलेला फायदा घेवून बाहेर पडा. सध्याचे मार्केट ट्रेडिंग मार्केट आहे गुंतवणुकीसाठी  योग्य नव्हे.
अंदाजपत्रकाचा बिगुल वाजतो आहे. फार्म प्रोडक्ट्सची आयात वाढली आहे आणी निर्यात कमी झाली आहे. त्यामुळे अंदाजपत्रकात या सबंधी एखादी योजना येईल असे वाटते. पण यावेळी अनिश्चितता आहे GST च्या रेटमध्ये सातत्याने बदल होत आहेत. राज्य सरकारांना नुकसान भरपाई द्यावी लागेल. आणी GSTचे कलेक्शन किती असेल हे सांगता येत नाही. त्यामुळे सरकार दरबारीही निश्चितता नाही. गोलंदाज, फलंदाज, यष्टीरक्षक याची बरोबर निवड केली तरी गोलंदाज फलंदाजासारखा आणी फलंदाज गोलंदाजासारखा कधी खेळेल हे माहीत नाही. शेवटी सामना जिंकतो की हरतो याच्याशी मतलब!
आज BSE सेन्सेक्स, NSE निफ्टी आणी बँक निफ्टी इंट्राडे कमाल स्तरावर होते. शेवटी सामना जिंकलाच! यशासारखे दुसरे सुख नाही हेच खरे!
BSE निर्देशांक सेन्सेक्स ३५५११ NSE निर्देशांक निफ्टी १०८९४ तर बँक निफ्टी २६९०९ वर बंद झाले.
 

आधीच्या आठवड्याचं समालोचन वाचण्यासाठी इथे क्लिक करा
घोडदौड तेजीची परीक्षा संयमाची  – ८ जानेवारी २०१८ ते १२ जानेवारी २०१८
क्रूडने वाढता वाढता US$ ७० प्रती BARREL(तीन वर्षातील कमाल भाव) ची पातळी गाठली. USA मध्ये थंडीचे प्रमाण खूपच वाढले आहे. नायगारा धबधबा गोठला असल्याची बातमी तुम्ही वाचली असेलच. मार्केट प्रत्येक बातमीची नाळ आर्थिक बाबींशी जोडते. आणी अर्थव्यवस्थेवर प्रत्येक घटनेचा काय परिणाम होईल आणी कोणत्या कंपन्यांवर किती आणी कसा परिणाम होईल, हे पहाते आणी आपणही स्वतःच्या पोर्टफोलीओवर काय परिणाम होईल हे पहाणे गरजेचे असते.
सध्याच्या मार्केटचे वर्णन ‘गंगा आली रे अंगणी’ या शब्दात करता येईल. घरात लग्न कार्य आले की लोक खूप, गरज असो वा नसो खरेदीवर खर्च करतात त्यात हौस, प्रतिष्ठा, व्यवहार शास्त्र स्पर्धा या सर्व गोष्टी येतात. विचार बाजूलाच राहतात. ‘केलाच पाहिजे खर्च, आयुष्यात एकेकदाच होतात या गोष्टी’ असे म्हणत ऋण काढून खरेदी करतात. पैशाची आवक वाढली की विचार खुंटतो. योग्य अयोग्य सर्वच गोष्टींना मागणी येते. एखाद्याने टोकले तर सर्वांनाच त्याचा राग येतो. याचाच प्रत्यय सध्या येतो आहे. सर्व निगेटिव्ह गोष्टी दिसत असूनही त्याच्याकडे दुर्लक्ष करून मार्केट वाढतेच आहे. हीच खरी परीक्षेची वेळ आहे.
डावोसला होणाऱ्या मीटिंगच्या आधी FDI चे नियम सरळ सोपे आणी गुंतवणुकीसाठी आकर्षक करण्याचा सरकारने प्रयत्न केला आहे.
या अंदाजपत्रकात STANDARD DEDUCTION आणी कॅपिटल गेन्स कर पुनरागमन करण्याची शक्यता आहे.
आंतरराष्ट्रीय घडामोडी

• USA मध्ये पडलेल्या कडाक्याच्या थंडीमुळे नैसर्गीक वायुसाठी मागणी वाढली. पाईप मधून केला जाणारा नैसर्गिक वायूचा पुरवठा गोठून गेला आहे
• ट्रम्प प्रशासनाने H1B व्हिसाच्या नियमात बदल करणे रद्द केले आहे. फक्त आता दरवर्षी H1B व्हिसाचा रिव्यू घेतला जाईल.
• चीनने USA ट्रेजरी BONDS ची खरेदी नजीकच्या भविष्यात कमी करण्याची किंवा थांबवण्याची शिफारस केली आहे.

सरकारी अनौंसमेट

• रेल्वे ८५०० स्टेशन्सवर WI-FI सुविधा देणार आहे. याचा परिणाम डी-लिंक, तेजस नेटवर्क या कंपन्यांवर होईल.
• रेल्वे WI –FI वर Rs ७०० कोटी खर्च करेल.
• १८ जानेवारीला GST कौन्सिलची बैठक आहे. यात निर्यातीला उत्तेजन मिळण्याची शक्यता आहे. अंदाजपत्रकात सरकार पर्यटन आणी पर्यटनाशी संबंधी उद्योगांना उत्तेजन देण्याची शक्यता आहे. याचा परिणाम TFCIL सारख्या पर्यटनाशी संबंधीत कंपन्यांवर होईल.
• भारत नेटचा कार्यक्रम पुढे नेण्यासाठी सरकार Rs ३४००० कोटी खर्च करणार आहे याचा परिणाम नेल्को वर होईल.
• IRCTC रेल्वेमध्ये रेडी-टू-इट खाद्यपदार्थांसाठी टेंडर मागवत आहे. याचा परिणाम कोहिनूर फूड्स, नेस्ले आणी ITC यांच्यावर होईल.
• सोलर सेलवर ७०% सेफगार्ड आयात ड्युटी लावण्याचा सरकार विचार करत आहे याचा परिणाम WEBSOL एनर्जी, इंडोसोलर आणी सुझलॉन या कंपन्यांवर होईल.
• सरकार नवीन ‘GOLD POLICY’ आणणार आहे या पॉलिसीची घोषणा मार्च २०१८ पर्यंत होईल. सरकार सोन्यावरील. आयात ड्युटी कमी करण्याचा विचार करत आहे. PNB ने बुलियन बँक चालू करण्याचा प्रस्ताव मांडला आहे. या पॉलिसी मध्ये GOLD बोर्ड तसेच गोल्ड स्पॉट एक्स्चेंज वरही विचार केला जाईल.
• सरकारने GDP मधील वाढीचे अनुमान वित्तीय वर्ष २०१८ साठी ६.५ % केले.
• सरकारने आपल्या FDI पॉलिसीमध्ये बदल केले.
• सिंगल ब्रांड रिटेलमध्ये १००% FDI ऑटोमटिक रूटने परवानगी दिली. याचा परिणाम इंडियन टेरेन FASHION, VMART रिटेल, शॉपर्स स्टॉप, TRENT, ZODIAC क्लोथिंग कंपनी यांच्यावर होईल
• रिअल इस्टेट ब्रोकिंगमध्ये १००% FDI ला परवानगी दिली.
• वैद्यकीय उपकरणांचे वर्णन आता FDI पॉलिसीमध्ये केल्याप्रमाणे होईल.
• FII /FPIज आता पॉवर एक्स्चेंजच्या IPO मध्ये गुंतवणूक करु शकतील
• परदेशी रिटेलर्ससाठी ३०% स्थानिक सोर्सिंगची अट आता ५ वर्षे पुढे ढकलली.
• सरकारने आता एअर इंडियामध्ये ४९% FDI ला काही अटींवर परवानगी दिली
• नौकानयन मंत्रालयाने सांगितल्याप्रमाणे ड्रेजिंग कॉर्पोरेशन खाजगी क्षेत्राला विकण्याचा विचार सरकारने स्थगित ठेवला आहे.
• सरकारने स्पेक्ट्रमवर असलेली कॅप वाढवली आहे. याचा फायदा या सेक्टरमधील मर्जर आणी अक्विझिशन मध्ये होईल. IDEA आणी व्होडाफोन मर्जरमध्ये याचा फायदा होईल.

अर्थव्यवस्थेच्या गोष्टी
वर्ल्ड बँकेने भारताची अर्थव्यवस्था वित्तीय वर्ष १९ मध्ये ७.३% ने तर पुढील दोन वित्तीय वर्षात ७.५ % ने वाढेल असे भाकीत केले आहे.
RBI SEBI आणी इतर प्रशासनिक संस्था

• तंबाखू प्रॉड्क्टसाठी सुप्रीम कोर्टाने हायकोर्टाचा निर्णय डावलून ८५ % वेष्टनावर pictorial WARNING असली पाहिजे असे जाहीर केले.
• सेबीने नवीन जिंदाल यांना लाच आणी भ्रष्टाचार या दोन्ही प्रकरणात दोषी ठरवले आहे.
• सेबीने सत्यम केसमध्ये PRICE WATERHOUSE या ग्लोबल ऑडीटिंग फर्मला लिस्टिंग कंपनीचे ऑडीट करण्यास किंवा कोणत्याही प्रकारचे ऑडीट सर्टिफिकेट देण्यावर २ वर्षेपर्यंत बंदी घातली. तसेच Rs १३ कोटी परत द्यायला सांगितले.
• सुप्रीम कोर्टाने JP ASSOCIATES ची संपत्ती विकण्यावर स्थगिती दिली. तसेच या केसमध्ये तिसऱ्या पार्टीला समाविष्ट करून घेण्यास नकार दिला. घर खरेदीदारांसाठी वेगळे पोर्टल बनेल असे सांगितले.
• आयडीया आणी वोडाफोन यांच्या मर्जरला NCLT ने मंजुरी दिली.

खाजगी कंपन्यांच्या घडामोडी

• सन फार्माच्या हलोल येथील प्लांटची नोव्हेंबरमध्ये तपासणी झाली होती. त्यावेळी ९ त्रुटी दाखवल्या होत्या. आता USFDA फेब्रुवारी २०१८मध्ये तपासणी करणार आहे.
• HCC ला मेट्रोसंबंधीत Rs ४८४ कोटींची ऑर्डर मिळाली.
• NBCC ला कोटद्वार ते रामनगर रोडसाठी Rs २००० कोटींची ऑर्डर मिळाली
• ABAN ऑफशोअर या कंपनीने कर्ज देणाऱ्या बँकांना Rs ६० कोटी देण्याची तयारी दाखवली
• शोभा डेव्हलपर्सचे तिसऱ्या तिमाहीचे निकाल चांगले आले. याचा परिणाम प्रेस्टीज इस्टेट आणी ब्रिगेड एन्टरप्रायझेस या दक्षिण भारतातील कंपन्यांवर होईल.
• जे पी इन्फ्राटेकच्या रिअल इस्टेटमध्ये टाटा आणी लोढा यांनी रुची दाखवल
• कोल इंडियाने कोळशाच्या भावात ९% वाढ केली. ह्या बातमीचा अनुकूल परिणाम कोलइंडियावर आणी प्रतिकूल परिणाम सिमेंट आणी पॉवर, फरटीलायझर सेक्टरवर होईल.
• वेलस्पन इंडिया ने आपली सबसिडीअरी इंडोस्पन नेक्स्टजेनचे युनिट USA मध्ये सुरु केले.
• ‘धनुका अग्रीटेक’ या कंपनीने आपले गुरूग्राम युनिट पूर्णपणे बंद करून उत्पादन राजस्थान मध्ये सुरु केले.
• साउथ इंडियन बँकेचे NPA कमी झाले.
• IOB आपल्याजवळील सरप्लस फंडाचा उपयोग घाटा काढून टाकण्यासाठी करू शकते. बँकेजवळ Rs ७६५० कोटी शेअर प्रीमियम अकौंटमध्ये आहेत कंपनी कायद्याप्रमाणे याचा उपयोग बोनस शेअर्स, लाभांश यासाठी किंवा इतर विशीष्ट कारणांसाठी करणे कंपनीवर बंधनकारक असते. पण IOB ही बँकिंग रेग्युलेशन कायद्याअंतर्गत येत असल्यामुळे IOB वर ही बंधने नाहीत कंपनी आपला Rs ६९७८ कोटींचा घाटा काढून टाकण्यासाठी हे सरप्लस वापरू शकते.
• चीन डेव्हलपमेंट बँकेने RCOM च्या INSOLVENCY साठी केलेला अर्ज मागे घेतला
• GMR इन्फ्रास्ट्रक्चर या कंपनीचा छत्तीसगढ मधील 1370MW पॉवर प्लांट मध्ये कंट्रोलिंग स्टेक खरेदी करण्यासाठी अडानी पॉवर, JSW एनर्जी आणी टाटा पॉवर यांनी बीड सादर केल्या.
• बलासोर ALLOYS ही कंपनी झिम्बाब्वे ALLOYS या कंपनीमध्ये ७०% स्टेक खरेदी करणार आहे. यासाठी कंपनी US $ ९०.73 मिलियन एवढे पेमेंट करेल.
• एव्हररेडी ही कंपनी कन्फेक्सनरी बिझिनेसमध्ये उतरणार आहे. जेलीची TROPHY बनवणार आहे.
• अपोलो टायर्स ही कंपनी आंध्र प्रदेशात Rs १८०० कोटी खर्च करून नवीन युनिट सुरु करणार आहे.
• कोची शिपयार्ड मुंबई येथील शिपयार्ड भाड्याने घेणार आहे.
• मुंबईमध्ये बीअरच्या किमती ८% ती ९% ने वाढल्या. याचा परिणाम युनायटेड ब्रुअरीजवर होईल.
• सिमेंटवर इम्पोर्ट ड्युटी लावावी अशी मागणी सिमेंट सेक्टरमधील कंपन्या करत आहेत. JK सिमेंट, JK लक्ष्मी सिमेंट, RAMKO, क्कातीया, सागर, ग्रासिम , अंबुजा, ACC, श्री सिमेंट, अल्ट्राटेक, हैडलबर्ग सिमेंट
• इंडसइंड बँकेचा तिमाही निकाल चांगला म्हणता येणार नाही. NPA वाढले. भरवश्याच्या म्हशीला अशी गत झाली. मार्केट अशावेळी दया दाखवत नाही.
• श्री सिमेंट, H T मेडीया व्हेन्चर यांचे निकाल चांगले आले. श्री सिमेंटने Rs २० प्रती शेअर लाभांश दिला.
• टी सी एस ने Rs ७ प्रती शेअर लाभांश दिला.

कॉर्पोरेट एक्शन

• नवीन फ़्लुओरिनने नोसिल मधील १% स्टेक (१६ लाख शेअर्स) विकला.
• JSPL ही १००० कोटींचा QIP आणत आहे. (QIP विषयी सविस्तर माहिती माझ्या ‘ मार्केट आणी मी ‘या पुस्तकात दिलेली आहे).’ओमानमधील बिझिनेसचे लिस्टिंग करणार आहे यातून Rs २००० कोटी मिळतील.
• युनिकेम LAB Rs ४३० प्रती शेअर या भावाने २.०६ कोटी शेअर्सचा BUY BACK करेल.
• आरती ड्रग्ज ही कंपनी Rs ८७५ प्रती शेअर या भावाने २.७५ कोटी शेअर्स BUY BACK करेल.
• IDFC बँक आणी फर्स्ट कॅपिटल याचे मर्जर होईल अशी वदंता आहे.
• TCS या IT क्षेत्रातील कम्पनीचे निकाल अपेक्षेप्रमाणे आले. कंपनीचा रेव्हेन्यू Rs ३०९०४ कोटी तर नफा Rs ६५३१ कोटी झाला. कंपनीचे ऑपरेटिंग मार्जिन २५.२% राहिले. कंपनीने फ्युचर गायडंस आशादायी दिला. कंपनीला आशा आहे की बिझिनेस ENVIRONMENT सुधारेल, USA मध्ये करकपात जाहीर झाल्यामुळे IT सेक्टरवरचा खर्च वाढेल, रिटेल सेक्टरमध्ये प्रगती होईल आणी एकूण ऑपरेटिंग मार्जिन २६% ते २८% राहील
• इन्फोसिसया कंपनीला तिसर्या तिमाहीसाठी Rs ३७२६ कोटी नेट प्रॉफीट झाले रेव्हेन्यू Rs१७७९४ कोटी झाला.
• ऑपरेटिंग मार्जिन २४.३%. ऑपरेटिंग मार्जिनविषयी गायडंस २३% ते २५% दिला.

या आठवड्यात येणारी IPO आणी OFS

• NMDC या सार्वजनिक क्षेत्रातील सरकारी कंपनीतील आपला स्टेक सरकारने OFS च्या माध्यमातून स्टेक विकला. याची सपोर्ट प्राईस Rs १५३.५० होती किरकोळ गुंतवणुकीसाठी ५% डीस्कॉउंट ठेवला होता. मंगळवार तारीख ९ जानेवारी २०१८ पासून संस्थागत गुंतवणूकदारांसाठ्री तर बुधवारी तारीख १० जानेवारी २०१८ रोजी किरकोळ गुंतवणूकदारांसाठी ओपन होता. OFSमधील संस्थागत इन्व्हेस्टरसाठी असलेला कोटा १.६८ वेळा तर रिटेल इंव्हेस्टरसाठी असलेला कोटा ५.४ वेळा ओव्हरसबस्क्राइब झाला. या OFS मधून सरकारला Rs १२०० कोटी मिळाले.
• एअर एशिया इंडिया ही प्रवासी वाहतूक क्षेत्रातील कंपनी IPO आणण्याचा विचार करत आहे.
• JSPL ही कंपनी Rs १००० कोटींचा QIP करणार आहे. (QIP विषयी सविस्तर माहिती मी माझ्या ‘मार्केट आणी मी’ पुस्तकात दिली आहे) ओमानमधील बिझिनेसचे लिस्टिंग करणार आहे. यातून कंपनीला Rs २००० कोटी मिळतील.
• अपोलो मायक्रो सिस्टिम्स ह्या सरंक्षण क्षेत्रात (इलेक्ट्रोनिक सिस्टीम आणी डिझाईन उत्पादन) काम करणाऱ्या आणी एव्हीयॉनिक सिस्टम, मिसाईल उपग्रह सिस्टिम्सना हार्डवेअर पुरवणार्या कंपनीने  आपला IPO १० जानेवारी ते १२ जानेवारी या काळात आणला. प्राईस BAND Rs २७० ते २७५ चा होता मिनिमम लॉट ५० शेअर्सचा होता. IPO  Rs १५६ कोटीचा होता. कंपनीचा गेल्या पांच वर्षातील परफॉर्मन्स चांगला आहे. पण IPO माहाग आहे असे तज्ञाचे मत आहे. हा IPO १३ वेळा ओव्हरसबस्क्राईब झाला
• NEWGEN SOFTWEAR हा Rs ४२४ कोटींचा IPO १६ जानेवारी ते १८ जानेवारी या काळात ओपन असेल. याचा प्राईस BAND Rs २४० ते Rs २४५ आहे. ही कंपनी BSE आणी NSE वर लिस्ट होईल. ही कंपनी आपले बिझिनेस प्रोसेस MANAGEMENT SOFTWARE, बँकांसाठी, सरकारी संस्थांसाठी बनवते आणी ६० देशात विकते. ही कंपनी १९९२ साली स्थापन झाली.
• SREI इन्फ्रा त्यांच्या इक्विपमेंट फायनान्सच्या व्यवसायासाठी IPO आणणार आहेत.

मार्केटने काय शिकवले
सरकार ‘SCRAPING POLICY’ आणण्याचा विचार करत आहे. १५ ते २५ वर्षे जुनी असलेली वाह्ने चालवायला परवानगी असणार नाही. जर ही पॉलिसी अमलात आणली तर प्रदूषण कमी होईल, अपघातांचे प्रमाण कमी होईल आणी सगळ्यात महत्वाची गोष्ट म्हणजे रद्द झालेल्या वाहनाच्या संख्येइतकी वाहनांची मागणी वाढेल. याचा परिणाम ASHOK LEYLAND, आणी इतर ऑटो उत्पादन करणाऱ्या कंपन्यांवर होईल.
प्रमोटर्सने जर एखाद्या कंपनीत आपला स्टेक वाढवला तर त्या कंपन्यांच्या शेअर्समध्ये तेजी येते. कारण प्रमोटर्सच्या स्टेकमधील वाढीत त्यांचा कंपनीच्या उज्वल भविष्यावर विश्वास दिसतो. तर प्रमोटर्सनी स्टेक विकला तर कंपनीच्या चांगल्या भविष्याबद्दल त्यांना विश्वास नाही असे दिसते.
जेट एअरवेजच्या विमानात काम करणाऱ्या कर्मचाऱ्यांजवळ बेकायदेशीररीत्या ठेवलेले परदेशी चलन सापडले. यामुळे कंपनीच्या प्रतिष्ठेवर परिणाम होतो त्या एअरहोस्टेसवर कंपनीने योग्य ती कारवाई केली या प्रकरणाचा कंपनीच्या आर्थिक बाबींशी काहीही संबंध नाही. शेअर्सचा भाव तात्पुरता कमी झाला. कारण शेवटी शेअरमार्केट हे गुंतवणूकदार आणी ट्रेडर्सच्या अपेक्षांचे आशा निराशेचे प्रतिबिंब असते.
शुक्रवार तारीख १२-०१-२०१८ रोजी PUT /CALL रेशियो १.६६ वरून १.७५ वर गेला. ओव्हर बॉट स्थिती झाली होती FIIची इंडेक्स फ्युचरमध्ये विक्री सुरु आहे. अंदाजपत्रकाची तारीख जवळ जवळ येत असल्यामुळे कॅश मार्केटमध्ये विक्री दिसत नाही. थोडा थोडा फायदा घेत घेत ट्रेड करावा. ज्यावेळी तेजीचे म्युझिक थांबेल तेव्हा तुम्ही खुर्चीत बसलेले असले पाहिजेत आणी धावता धावता पडणार नाही याची काळजी घेतली पाहिजे.
मार्केट कधीही पडेल अशी स्थिती निर्माण झाली आहे पण त्यासाठी तात्कालिक कारण कोणते असेल याचा नेम नाही. सुप्रीम कोर्टाच्या चार वर्तमान न्यायाधीशांनी प्रेस कॉनफरंस घेऊन काही गोष्टी सांगितल्या याचा शेअर मार्केटशी काहीही संबंध नसतानाही मार्केट ३०० पाईंट पडले. त्यामुळे सावध रहा संयम ठेवा एवढेच सुचवावेसे वाटते.
BSE निर्देशांक सेन्सेक्स ३४५९२ NSEचा निर्देशांक निफ्टी १०६८१ तर बँक निफ्टी २५७४९ वर बंद झाले.
 

आधीच्या आठवड्याचं समालोचन वाचण्यासाठी इथे क्लिक करा
बदलते वारे बजेटचे – १ जानेवारी २०१८ ते ५ जानेवारी २०१८
शुक्रवारी सेन्सेक्स, निफ्टी आणी त्यांच्या क्षेत्रीय निर्देशांकांनी (उदा मिडकॅप,स्मालकॅप) उच्चांक प्रस्थापित केला. सध्या प्रीबजेट RALLY सुरु आहे. २०१९ मधील सार्वत्रिक निवडणुका डोळ्यांसमोर ठेवून लोकाभिमुख आणी लोकप्रिय अंदाजपत्रक सादर केले जाईल असा मार्केटचा अंदाज आहे. आर्थिक प्रगतीच्या दृष्टीकोनातून किंवा ग्रामीण भागाला खुश करण्यासाठी शेती आणी इतर ग्रामीण क्षेत्राना प्राधान्य देऊन सरकार आपल्या अंदाजपत्रकाची आखणी करेल. प्रत्येकजण आपापला अंदाज व्यक्त करत आहे. सरकारने जाहीर केले आहे की शेती, सिंचाई, इन्फ्रास्ट्रक्चर, निर्यात, लघुउद्योग, मेक इन-इंडिया, आणी रोजगारनिर्माण यावर सरकारचा भर असेल. शुक्रवारी तारीख ५ जानेवारी २०१८ रोजी संसदेचे शीतकालीन अधिवेशन संपले  आता थेट संसदेचे अंदाजपत्रकीय अधिवेशन चालू होईल. मार्केटमध्ये अंदाजपत्रकात कोणत्या क्षेत्राना उत्तेजन दिले जाईल, सरकार आपला पब्लिक एक्स्पेन्डीचर कोणत्या क्षेत्रात जास्तीतजास्त करेल. याच्या अंदाजावर निरनिराळ्या क्षेत्रातील कंपन्यांच्या शेअर्सच्या भावात चढ उतार होत आहेत.
आंतरराष्ट्रीय घडामोडी

• USA आपल्या व्हिसासंबंधीत नियमांमध्ये बदल करणार आहे. जर USA मध्ये ६ वर्ष राहत असलेल्या आणी ग्रीन कार्डासाठी अर्ज केलेया H1B व्हिसा धारकांना त्यांच्या अर्जाविषयी USA सरकारने काही उत्तर दिले नसले तर ग्रीन कार्ड विषयावर अंतिम निर्णय होईपर्यंत अशा H1B व्हिसाधारकांना USA मध्ये राहण्याची मुभा दिलेली होती. पण आता मात्र ज्या H1B व्हिसा धारकांच्या ग्रीन कार्डाविषयी अंतिम निर्णय सहा वर्षानंतर झाला नसेल अशा H1B व्हिसा धारकांना आपल्या देशात ताबडतोब परतावे लागेल. त्यांच्या ग्रीन कार्डासंबंधात अंतिम निर्णय झाल्यावर त्यांना परत व्हिसा काढून USA मध्ये जाता येईल. USA मधील ग्रीन कार्ड मंजुरीची प्रक्रिया खूप वेळ घेते. त्यामुळे या बाबतीत अंतिम निर्णय होईपर्यंत सहा वर्षानंतरचा काल H1B व्हिसा धारकांना आपल्या देशात व्यतीत करावा लागेल. या घडीला अंदाजे ५ लाख भारतीय H1B व्हिसा धारक ग्रीन कार्डासंबंधीत अंतिम निर्णयाच्या प्रतीक्षेत आहेत. त्यांना ग्रीन कार्डवर अंतिम निर्णय होईपर्यंत भारतात परत यावे लागेल. तसेच त्यांच्या व्हिसावर डीपेंडट व्हिसा असणाऱ्या त्यांच्या कुटुंबियांना त्यांच्या बरोबर भारतात परतावे लागेल. याचा परिणाम पर्यायाने IT क्षेत्रातील कंपन्यांवर होईल. या नियमातील बदलांचा ORACLE या कंपनीवर कमीतकमी परिणाम होईल.
• USA मध्ये क्लास 8 TRUCK ची विक्री ७७% ने वाढली. याचा फायदा भारत फोर्जला होईल.

सरकारी अनौंसमेंट

• सरकारने जून २०१८ पासून PACKINGमध्ये तागाचा उपयोग केला पाहिजे अशी सुचना केल्यामुले LUDLOW , CHEVIOT आणी GLOSTER या ताग उत्पादन करणाऱ्या कंपन्यांवर परिणाम झाला.
• टेलिकॉम सेक्टरमधील कंपन्यांना काही सवलती देण्याचा सरकार विचार करत आहे. स्पेक्ट्रमवर असलेली कॅप काढून टाकण्याचा सरकार विचार करत आहे. यामुळे टेलीकॉमक्षेत्रात मर्जर आणी अक्विझिशनची प्रक्रिया सोपी होण्यास मदत होईल. तसेच सरकार टेलिकॉम क्षेत्रात ऑटोमटिक रुटने १००% FDI आणण्यासाठी मंजुरी देण्यावर विचार करत आहे.
• तसेच TRAI (टेलिकॉम रेग्युलेटरी ऑथोरिटी ऑफ इंडिया) १ फेब्रुवारीपासून इंटरकनेक्शनविषयी नवीन नियम जारी करेल. या नियमानुसार अर्ज केल्यापासून ३० दिवसांच्या आत करार केला पाहिजे.
• सरकारने UCO बँकेत Rs १३७५ कोटी तर IDBI बँकेत Rs २७२९ कोटी भांडवल दिले.
• क्रुडऑइलच्या वाढत्या किमती लक्षात घेवून राज्य सरकारांनी आपल्या VAT चा दर कमी करावा असे पेट्रोलियम मंत्र्यांनी राज्य सरकारांना आवाहन केले. या आधीच महाराष्ट्र गुजरात आणी उत्तराखंड या राज्यांनी आपले VAT चे दर कमी केले आहेत.
• अर्थमंत्र्यांनी असे सांगितले की २०१८ मध्ये खेड्यांचा विकास करण्यावर आणी खेडी रस्त्यांद्वारे शहरांना जोडण्यावर भर दिला जाईल. प्रत्येक खेड्यातील प्रत्येक घरात वीज पोहोचवण्याचे काम अग्रक्रमाने हाती घेतले जाईल. ग्रामीण क्षेत्रात इन्फ्रास्ट्रक्चर सुधारण्यासाठी अग्रक्रम दिला जाईल. याचा परिणाम पॉवर सेक्टरवर आणी इन्फ्रास्ट्रक्चर सेक्टरवर होईल
• सरकारने फरटीलायझर उत्पादन करणाऱ्या कंपन्यांना DBT योजनेखाली सबसिडी द्यायला सुरुवात केली.
• तसेच सरकारने कस्टमाइझ्ड फरटीलायझर बनवण्यासाठी टाटा केमिकल आणी इंडोगल्फ फरटीलायझर या कंपन्यांना ऑर्डर दिली. त्यामुळे सरकारला सबसिडी द्यावी लागणार नाही. ‘जशी जमीन जसे पीक तसे खत बनवावे’ अशी सरकारची ऑर्डर आहे. टाटा केमिकल्सने ‘पारस’ या नावाने खत बनवून विकण्यास सुरुवात केली आहे. हे खत मार्केट प्राईसला विकता येईल.
• सरकार ITI (इंडिअन टेलिफोन इंडस्ट्रीज) मध्ये दोन टप्प्यात डायव्हेस्टमेंट करणार आहे. पहिल्या टप्प्यात सरकार FPO च्या माध्यमातून १८ कोटी नवे शेअर्स इशू करेल. तर दुसर्या टप्प्यात OFS च्या माध्यमातून ९ कोटी शेअर्स डायव्हेस्ट करेल. या सर्व प्रक्रीयेनंतर ITI मध्ये सरकारचा ७४.८६ % स्टेक राहील.
• सरकार पोर्ट कंपन्यांना पोर्ट वापरण्यासाठी त्यांना आकारल्या जाणार्या फीमध्ये सवलत देण्याचा सरकार विचार करत आहे. मॉडेल कन्सेशन कराराचा रिव्हू घेतला जाईल. मोठ्या पोर्टमध्ये PPP योजनेअंतर्गत सूट दिली जाईल.
• सरकारने जनरल PROVIDENT फंडावरील व्याजाचा दर ०.२०% ने कमी केला.
• सरकार एअरइंडियाच्या ३३ मालमत्ता विकणार आहे.
• दिल्ली राज्य सरकारने दुचाकी इलेक्ट्रीक व्हेईकलसाठी Rs ३०००० सबसिडी देण्याची घोषणा केली.
• सरकारने जोझीला टनेलसाठी Rs ६९०० कोटी मंजूर केले. या टनेलचे काम ITNL या कंपनीला मिळाले.
• ‘मीडडे मील’ या योजनेखाली दिल्या जाणार्या आहारात आता दुधाचा समावेश केल्यामुळे डेअरी कंपन्यांवर परिणाम होईल – प्रभात डेअरी, पराग मिल्क, क्वालिटी
• ज्या कंपन्यांनी GST चे दर कमी केल्यानंतर त्यांच्या उत्पादनाचे दर त्या प्रमाणात कमी केले नाहीत म्हणजेच GST कमी केल्याचा फायदा अंतिम ग्राहकापर्यंत पोहोचवला नाही अशा कंपन्यांवर कडक कारवाई करण्यात येईल असे सरकारने कळवले आहे. उदा HUL ज्युबिलंट फूड्स, वेस्ट लाईफ, स्पेशालिटी रेस्टॉरंट
• सरकार सहा आर्थिकदृष्ट्या दुर्बल बँकामध्ये Rs ७५७७ कोटी भांडवल घालणार आहे ते या प्रकारे बँक ऑफ इंडिया Rs २२५७ कोटी, बँक ऑफ महाराष्ट्र Rs ६५० कोटी, देना बँक २४३ कोटी, सेन्ट्रल बँक Rs ३२३ कोटी.
• सरकारने Rs ८०००० कोटींचे रीकॅपिटलायझेशन BONDS इशू करण्यासाठीच्या विधेयकाला संसदेमध्ये मंजुरी मिळाली. सरकारने असेही सांगितले की या रीकॅपिटलायझेशन BONDच्या इशूमुळे सरकारच्या वित्तीय घाट्यावर परिणाम होणार नाही.
• ONGC आणी HPCL या कंपन्यांच्या मर्जरमध्ये अडचणी येत आहेत.हे मर्जर मार्च २०१८ पर्यंत पुरे होईल असा अंदाज आहे.
• सरकार GAILचे दोन विभागात विभाजन करण्याच्या विचारात आहे. एक भाग मार्केटिंग बघेल तर दुसरा GAS च्या उत्पादन आणी संबंधीत बाबींकडे लक्ष देईल.
• संरक्षण मंत्रालयाने Rs २४०० कोटींच्या योजनांना मंजुरी दिली या योजनांचा परिणाम .ASTRA मायक्रोवेव्ह, वालचंदनगर इंडस्ट्रीज सारख्या कंपन्यांवर होईल.
• सरकारने ग्राहक संरक्षण कायद्यासाठी नवीन बिल लोकसभेत सादर केले.

अर्थव्यवस्थेच्या गोष्टी

• ८ कोअर सेक्टरमध्ये प्रगतीचे आकडे खूप चांगले आले. सरकारचा भर इन्फ्रास्ट्रक्चरवर आहे. सिमेंट स्टील पॉवर या कोअर सेक्टरमधील आकडे चांगले आले.

RBI SEBI आणी इतर प्रशासनिक संस्था

• इरिगेशनसाठी जी साधने लागतात त्यावरील GST १२% वरून ५% करणार आहेत. याचा परिणाम जैन इरिगेशन , EPC आणी PI इंडस्ट्रीज या कंपन्यांवर होइल
• RBI कडे सरकारने Rs १३००० कोटी अतिरिक्त लाभांश मागितला होता. RBI ने हा लाभांश देण्याची तयारी दाखवली आहे.
• RBI ने अलाहाबाद बँकेला PCA (PROMPT CORRECTIVE ACTION) च्या तरतुदी लागू केल्या.

खाजगी कंपन्यांच्या घडामोडी

• लार्सेन एंड टुब्रो ला हायड्रोकार्बन बिझिनेस साठी Rs २१०० कोटींची ऑर्डर मिळाली.
• सबमिलरचे ASSET ब्रिगेड एन्टरप्रायझेसने खरेदी केले.
• मुकेश अंबानींच्या ‘इंडस्ट्रीयल सिटी प्रोजेक्टला’ CIDCO ने मंजुरी दिली.
• NTPCने कुडगी प्रोजेक्ट II सुरु केला
• डिसेंबर महिन्यात मारुतीची कार विक्री वाढली. पण निर्यात कमी झाली.
• बजाज ऑटोच्या तीनचाकी वाहनांच्या विक्रीत लक्षणीय वाढ झाली. निर्यातही वाढली.
• टी व्ही एस मोटर्स आणी एस्कॉर्टस यांची निर्यात वाढली.
• युनियन बँक Rs १२८७ कोटींचे १७ NPA विकण्यासाठी बोली मागवल्या.
• कॅनरा बँकेने Rs १००० कोटींचे २० NPA विकण्यासाठी बोली मागवली
• JSW एनर्जीने JP पॉवरचा बिना प्रोजेक्ट विकत घेण्यासाठी २०१६ साली केलेला करार रद्द केला.
• शेअर मार्केट मध्ये तेजी आहे IPO ना गुंतवणूकदार भरभरून प्रतिसाद देत आहेत या सर्वामुळे ब्रोकर आणी इन्व्हेस्टमेंट बँकर आणी रजिस्ट्रार टू इशू अशा विविध फिल्डमध्ये काम करणाऱ्या EDELWEISS, मोतीलाल ओसवाल, जे एम फायनांसियल्स, A B मनी या कंपन्यांवर परिणाम होईल.
• कॉक्स एंड किंग्स या कंपनीच्या प्रमोटर्सनी आपले शेअर्स विकले.
• PNB त्यांच्या म्युच्युअल फंडातील स्टेक विकणार आहे.
• टाटा केमिकल्सचा टाटा ग्लोबल आणी RALLIS मध्ये स्टेक आहे तो विकून त्यांना Rs ५००० कोटी मिळतील.
• प्रभात डेअरीने २३ लाख शेअर्स तारण म्हणून ठेवले.
• D B रिअल्टीजने त्यांचे १ कोटी शेअर्स गहाण ठेवले.
• हिमाद्री केमिकल्स ही लिथीयम BATTERY साठी लागणारा ADVANCE कार्बन बनवणारी भारतातील एकमेव कंपनी आहे. सरकारचे धोरण इलेक्ट्रीक वाहनांना उत्तेजन देण्याचे धोरण आहे. त्यामुळे या वाहनांसाठी वापरण्यात येणाऱ्या BATTERY साठीची मागणी वाढण्याची शक्यता आहे. याचा परिणाम हिमाद्री केमिकल्सवर होईल.
• रिलायंस इंडस्ट्रीजने जामनगरमध्ये GAS CRACKER चे उत्पादन सुरु केले.
• मारुतीने आपल्या कार्सच्या वेगवेगळ्या मॉडेलवर Rs २०००० ते Rs ३०००० पर्यंत डीस्कौंट जाहीर केल्यामुळे शेअरच्या किमतीवर परिणाम झाला
• देना बँक त्यांचा NSDL मधील १.५६% स्टेक विकणार आहे
• GM ब्रुअरीज चा निकाल खूप चांगला आला
• वरूण बिव्हरेजीसने पेप्सी कंपनीबरोबर मार्केटिंग आणी डीस्ट्रीब्यूशनसाठी करार केला
• संघी इंडस्ट्रीज उत्पादन क्षमतेचा विस्तार करण्यासाठी Rs १२५० कोटी खर्च करणार आहेत.
• GRAVITA इंडस्ट्रीजने आपल्या जयपूर येथील प्लांटमध्ये लेड टेट्रा ऑक्साईडचे उत्पादन सुरु केले.
• इलेक्ट्रो स्टील्स ही कंपनी खरेदी करण्यात टाटा स्टील, EDELWEISS, आणी वेदांता या कंपन्यांनी रुची दाखवली.
• पराग मिल्क या कंपनीने दिल्ली मध्ये ‘गोवर्धन’ BRAND दही launch केले

नजीकच्या काळात येणारे IPO

• सरकार हिंदुस्थान एअरोनॉटिक्स या कंपनीचा Rs ४००० कोटींचा IPO आणत आहे.

कॉर्पोरेट एक्शन

• SJVN, युनिकेम LAB, आरती ड्रग्स या कंपन्यांनी शेअर्स ‘BUY BACK’ विचार करण्यासाठी ८ जानेवारी २०१८ रोजी आपापल्या बोर्ड ऑफ डायरेक्टर्सची बैठक बोलावली आहे.
• लव्हेबल लोंन्जरीचा Rs २५० प्रती शेअर या भावाने २० लाख शेअर्ससाठी ‘BUY BACK’ ८ जानेवारीपासून सुरु होईल.
• साउथ इंडियन बँकेने ९ जानेवारी २०१८ रोजी २० कोटी भांडवल उभारण्यासाठी बोर्ड ऑफ डायरेक्टर्स ची बैठक बोलावली आहे.
• ऑरबीट एक्स्पोर्ट Rs १८० प्रती शेअर या भावाने ४.४४ लाख शेअर्स ‘BUY BACK’ करेल.
• BSE (बॉम्बे स्टॉक एक्स्चेंज) ने शेअर ‘BUY BACK’ वर विचार करण्यासाठी १५ जानेवारी २०१८ रोजी बोर्ड ऑफ डायरेक्टर्सची बैठक बोलावली आहे.

मार्केटने काय शिकवले
शेअरमार्केटचे पीच बदलले आहे. षटकार,चौकार मारले तर झेल जाण्याचा धोका २०१८ मध्ये आहे. करेक्शन आले तरी थोडेसे येईल पण पुन्हा मार्केट वर जाईल असे जे ट्रेडर धरून चालले होते तसे घडेल असे दिसत नाही. प्रत्येक वर्षी ३०% वाढ होत नाही, पण गुंतवणूकदारांना मार्केटमध्ये करेक्शन असताना २०१८ हे वर्ष गुंतवणूक करण्याची संधी देईल असे वाटते.
आपल्या रोजच्या आयुष्यात आपण एखाद्या खास घटनेसाठी खास वस्तूंची खरेदी करतो. पण घटना घडून गेल्यावर त्या वस्तू विकत नाही तर त्या समारंभाची आठवण म्हणून जपून ठेवतो. पण शेअरमार्केटमध्ये तसे नाही. कारण दैनंदिन आयुष्यात आपण वस्तू वापरण्यासाठी खरेदी करतो म्हणजेच उपभोगासाठी खरेदी करतो. ती विकून फायदा मिळवण्यासाठी नाही पण शेअरमार्केटमध्ये मात्र आपण खरेदी करतो ती विकून फायदा मिळवण्यासाठीचं!! आता पहा नाताळ आल्याबरोबर मद्यार्क उत्पादन करणाऱ्या कंपन्यांच्या  शेअर्सच्या किमतीत वाढ होते. नाताळ संपल्याबरोबर ते शेअर पडू लागले. मद्यार्काची मागणी वाढेल या अपेक्षेने नाताळच्या आधी शेअर्सची खरेदी केली आता मद्यार्काची मागणी कमी होईल म्हणून ह्या शेअर्सची विक्री वाढत आहे म्हणजेच ट्रेडर्स शेअर्स ‘शॉर्ट’ करत आहे. म्हणजेच मार्केटमध्ये दोन्हीही प्रकारचा ट्रेड करून फायदा मिळवता येतो.
सोमवारी १ जानेवारी रोजी PUT /CALL रेशियो १.६२ आणी फिअर ग्रीड मीटर ७३ होते. या परिस्थितीत मार्केट टिकत नाही. VOLUME खूप कमी होते. त्यामुळे अचानक मार्केट पडू लागले. 2018चे दर्शन मार्केटने दिले. २०१८चे संपूर्ण वर्ष मार्केट सरसकट तेजीत राहील असे दिसत नाही गाढव आणी घोडे यात गुंतवणूकदार फरक करतील, किंबहुना तो करावा लागेल जर कळत नसेल तर शिकून घ्यावे लागेल. हे ट्रेडर्स मार्केट आहे इन्व्हेस्टरचे नव्हे. सातत्याने सेक्टरमध्ये शेअर्समध्ये रोटेशन करावे लागेल. PASSIVE इन्व्हेस्टर राहून चालणार नाही. आपल्या पोर्टफोलिओचे सतत परीक्षण आणी निरीक्षण करून त्याची मार्केटच्या चालीबरोबर सांगड घालता आली पाहिजे.
सध्या निफ्टीमध्ये फारशी हालचाल नाही. निफ्टी एका छोट्याशा रेंजमध्ये फिरत आहे. मार्केट लहरी सुलतानाप्रमाणे वागत आहे. सकाळची मार्केटची भूमिका वेगळी असते तर दुपारची भूमिका वेगळी असते. मिड्कॅप आणी स्मालकॅपमध्ये हालचाल आहे. चांगले मिडकॅप शोधा. पण सावधगिरी बाळगा. कारण मिडकॅप शेअर्सना एकदा लोअर सर्किट लागायला लागली की विकायला कठीण होऊन बसते. पार्टी चालू आहे पण आपल्याला किती पचते आणी किती रुचते याचा विचार करायला हवा नाहीतर डॉक्टरकडे जावे लागते. ज्याप्रमाणे आपण आपले आरोग्य सांभाळतो त्याप्रमाणेच गुंतवणुकीचे आरोग्यही सांभाळावे लागते. क्रुडचा दर वाढत आहे पण त्याचबरोबर रुपयाचे मूल्य वाढत आहे., त्यामुळे क्रूडच्या दरवाढीचा परिणाम थोड्या प्रमाणात कमी होत आहे. ज्यावेळी रुपयाचे अवमूल्यन होईल तेव्हा क्रुडचे  चटके बसू लागतील.
पुढील आठवड्यात कंपन्यांचे तिसऱ्या तिमाहीचे निकाल येण्यास सुरुवात होईल. त्याप्रमाणे जे बदल होतील त्याकडे लक्ष द्या
BSE निर्देशांक सेन्सेक्स ३४१५३ वर NSE निर्देशांक निफ्टी १०५५८ वर आणी बँक निफ्टी २५६०१ वर बंद झाले.