आधीच्या आठवड्याचं समालोचन वाचण्यासाठी इथे क्लिक करा
कठीण समय येता कोण कामास येतो – १९ फेब्रुवारी २०१८ ते २३ फेब्रुवारी २०१८
संकटे येऊ लागली की चोहोबाजूंनी येतात. US $ मजबूत होऊ लागला आहे त्यामुळे अर्थातच रुपया कमजोर होऊ लागला आहे. परदेशी गुंतवणूकदारांनी गुंतवणूक काढून घेण्याचे प्रमाण वाढले आहे. रोटोMAC, PNB, वक्रांगी, फोर्टिस असे एकामागून एक घोटाळे उघडकीस येत आहेत. त्यातच NPPA ने असा दावा केला की हॉस्पिटल्स नॉन शेड्युल्ड औषधे घ्या अशी त्यांच्या रुग्णावर सक्ती करत आहेत तसेच औषधाच्या किमती अव्वाच्या सव्वा लावत आहेत. रुपया पडतो आहे म्हणून मार्केटमध्ये IT सेक्टरमध्ये तेजी आली तर शुक्रवारी बातमी आली की USA H1B व्हिसाचे नियम कडक करत आहे. घोटाळे होतात म्हणून बँकांनी आपले नियम कडक केले त्याचाही फटका जेम्स आणी ज्युवेलरी तसेच इतर क्षेत्रांना बसत आहे. याचा परिणाम भारताच्या निर्यातीवर होईल.
आंतरराष्ट्रीय घडामोडी
USA च्या सेन्ट्रल बँक FED ची मार्च २०-२१ २०१८ ला बैठक आहे यात फेड आपले व्याजाचे दर वाढवील असा एकंदरीत अंदाज आहे. USA मध्ये H1B व्हिसाचे नियम अधिक कडक करणार आहे. आता परदेशी कंपन्यांना व्हिसासाठी आपण आपला माणूस स्पेशालिटी जोब साठी पाठवत आहोत हे व्हिसा ऑथोरिटीजना पटवावे लागेल. जे H1B व्हिसा होल्डर कंपनीत बेंचवर असतील (जादा कर्मचारी) त्यांचा व्हिसा आपोआप रिन्यू होणार नाही. जेवढा काळ H1B व्हिसा होल्डर कंपनीच्या कामावर असेल तेवढ्याच काळाकरता H1B व्हिसा रिन्यू होईल. पूर्वी हा व्हिसा ३ वर्षाकरता दिला जात होता  या H1B व्हिसाच्या नियमामधील  बदलांचा परिणाम IT क्षेत्रातील कंपन्यांवर होईल.
सरकारी अनौंसमेंट

• सरकारने कोळशाच्या खाणीचे वाटप करण्याचे नियम अधिक सोपे आणी पारदर्शक केले. तसेच हे वाटप खाजगी क्षेत्रातील खाण उद्योगांना खुले केले. याचा फायदा खते, धातू या क्षेत्रात काम करणाऱ्या कंपन्यांना होईल. सरकारच्या या निर्णयामुळे कोळसा क्षेत्रातील कोल इंडियाची एकाधिकारशाही संपेल.
• मंत्रिमंडळाने अनियंत्रित ठेवी योजना रद्द होतील असे जाहीर केले. आता अस्तिवात असलेल्या योजनांसाठी सरकारला कायदा करावा लागेल अन्यथा त्या सर्व रद्द होतील. नवीन डीपॉझीट योजना बिलाला मंजुरी दिली. तसेच सरकारने चीटफंड कायद्यात बदल करायला मंजुरी दिली.
• सरकारने स्वस्त घर योजनेसाठी Rs ६०००० कोटी मंजूर केले.
• मंत्रिमंडळाने अतिरिक्त अंदाजपत्रकास मंजुरी दिली.
• सरकार CNG च्या डीस्ट्रीब्युशनसाठी रोड शो करणार आहे. हे रोड शो मुंबई, दिल्ली आणी इतर मोठ्या शहरात करण्यात येतील. याचा फायदा जिंदाल SAW,महाराष्ट्र सीमलेस यासारख्या पाईप उत्पादन करणाऱ्या कंपन्यांना IGL, MGL, गुजरात GAS या कंपन्यांना तसेच EKC या कंपन्यांना होईल.
• पुढील महिन्यात टेलिकॉम मंत्रालयाची बैठक आहे त्यात टेलिकॉम सेक्टरसाठी काही सवलती जाहीर होण्याची शक्यता आहे.
• सरकारने PF वरील व्याजाचा दर Rs ८.६५% वरून ८.५५% केला. पण PF कायदा आता १० कर्मचारी काम करत असलेल्या आस्थापनाला लागू होईल.
• IDBI बँकेचे खाजगीकरण होईल अशी शक्यता वर्तवली जात आहे.
• ड्रेजिंग कॉर्पोरेशनसाठी त्यातील कामगार Rs १८००० कोटींची बोली लावतील अशी शक्यता आहे.
• NHAI आपल्या ७०० किलोमीटर लांबीच्या ९ NATIONAL HIGHWAYS चा ३० वर्षासाठी आपल्या TOT –(टोल ऑपरेट ट्रान्स्फर) योजनेखाली लिलाव करणार आहे.यातून NHI ला कमीतकमी Rs ६०००० कोटी मिळतील असा अंदाज आहे.
• MTNL, BSNL, TCIL, आणी ITI या कंपन्यांनी आपापसात MOU केले.

अर्थव्यवस्थेच्या गोष्टी

• २ एप्रिल २०१८ पासून निफ्टीमध्ये RBL बंक, ग्रासिम, बजाज फिनसर्व, टायटन हे शेअर्स सामील होतील तर अंबुजा सिमेंट, कॅनरा बँक, ऑरोबिंदो फार्मा, BOSCH हे शेअर्स बाहेर पडतील.
• भारतातही ‘BOND YIELD’ वाढत आहेत. २०२८ च्या BOND वरील YIELD ७.१७% वरून ७.६७ वर तर २०२७ BOND YIELD ७’८४% झाले.
• रुपया सतत पडत आहे. गुरुवारी रुपयाचा दर १US $ = ६५.०५ होता. ‘BOND YIELD’ ७.९२% पर्यंत वाढेल आणी रुपयाचा दर १US $ = Rs ६६ होईल असा अंदाज वर्तवला जात आहे.

खाजगी कंपन्यांच्या घडामोडी

• SAIL या कंपनीने आपल्या स्टील सळ्या, बार, आणी शीट यांच्या किमती वाढवल्या.
• वेदान्ता आणी हिंदाल्को या कंपन्यांनी अल्युमिनियमच्या किंमती वाढवल्या.
• MCX ला क्रॉस करन्सी डेरिव्हेटीव सुरु करायला मंजुरी मिळाली हे एक्स्चेंज संध्याकाळी ७-३० पर्यंत उघडे राहील.
• रिलायंस इंडस्ट्रीज एरॉस INT च्या सबसिडीअरीमध्ये ५% स्टेक घेणार आहे.
• इंडियन हॉटेल भोपालमध्ये नवीन हॉटेल सुरु करणार आहे.
• बायोकॉन रेमिडीजच्या मलेशियातील प्लांटचे USFDA ने इन्स्पेक्शन केले आणी ६ त्रुटी दाखवून फॉर्म ४८३ इशू केला. या युनिटमधून कंपनीला फारसे उत्पन्न होत नाही. या युनिटला युरोपिअन ऑथोरिटीजने परवानगी दिली आहे. ह्या युनिटमधून इन्शुलीनचा पुरवठा केला जाणार होता. त्यामुळे USFDA ने हे युनिट चालू होण्याच्याआधी हे इन्स्पेक्शन केले.
• महिंद्र लॉजिस्टिकने चाकण मध्ये मोठा इंडस्ट्रीयल पार्क उघडला.
• NTPC अंदमानमध्ये 50MW चा प्लांट लावणार आहे.
• HDFC म्युच्युअल फंडाने SKF, अतुल ऑटो आणी TEXMACO रेल या कंपनीच्या शेअर्सची खरेदी केली.
• नवी मुंबई येथे एक नवा विमानतळ होत आहे या विमानतळाच्या जवळपास जय कॉर्पची बरीच मोठी जमीन आहे.
• ऑरोबिंदो फार्माच्या युनिट ४ च्या इन्स्पेक्शनमध्ये USFDA ने काही त्रुटी दाखवून फॉर्म नंबर ४८३ दिला. पण या त्रुटी डाटाशी संबंधीत नाहीत.
• सन फार्माच्या हलोल प्लांटचे १२ फेब्रुवारी ते २३ फेब्रुवारी २०१८ या दरम्यान USFDAने इन्स्पेक्शन केले. ३ त्रुटी दाखवल्या. कंपनीला १५ दिवसात रिपोर्ट देण्यास सांगितले आहे. सन फार्माच्या हलोल प्लांटमधून २० उत्पादने USAमध्ये पाठवली जातात.
• रोटोMAC या कंपनीची पांच बँकांकडे Rs ३६९५ कोटी कर्जाची बाकी आहे. यात युनियन बँक, बँक ऑफ बरोडा अलाहाबाद बँक यांनी दिलेली कर्जे सामील आहेत.
• फोर्टिस हेल्थकेअर या कंपनीने आपल्या दुसऱ्या आणी तिसऱ्या तिमाहीचे निकाल २८ मार्चपर्यंत जाहीर केले नाहीत तर त्याच्या कंपनीचा शेअर वायदे बाजारातून वगळला जाईल असे NSEने जाहीर केले.

कॉर्पोरेट एक्शन

• फेडरल बँक EQUIRUS कॅपिटल या इन्व्हेस्टमेंट बँकेमध्ये २६% स्टेक घेणार आहे.
• सनोफी या कंपनीने प्रती शेअर Rs ५३ तर मर्कने Rs १५ लाभांश दिला.
• सिमेन्स त्यांचा मोबिलिटी आणी मेकॅनिकल बिझिनेस अलग करणार आहेत.
• २७ फेब्रुवारी २०१८ रोजी अंतरिम लाभांशावर विचार करण्यासाठी ONGC ची बोर्ड बैठक बोलावली आहे.
• ASTER DM हेल्थकेअर या कंपनीच्या शेअरचे लिस्टिंग सोमवारी २५ फेब्रुवारी २०१८ रोजी होईल.

मार्केटने काय शिकवले
जसे आपले शारिरीक आरोग्य माणसाने जपले पाहिजे तसेच आपल्या गुंतवणुकीचे आरोग्यही जपले पाहिजे. माणूस आजारी पडल्यावर काही पथ्ये पाळतो, औषधपाणी करतो तसेच आपल्या पोर्टफोलियोचे सिंहावलोकन करून जर काही शेअर्समधील गुंतवणूकीचे आरोग्य संशयास्पद वाटत असेल तर असे शेअर्स प्रथम होत असेल तो फायदा घेवून विकून टाकावेत हे उत्तम. पण काही शेअर्स असे असतात की त्यांची किमत पडत्या मार्केटमध्येही पडत नाही. अशा शेअर्सवर लक्ष ठेवावे. या शेअर्समध्ये प्रतिकारशक्ती जास्त असते. त्यामुळे असे शेअर्स आपल्या पोर्टफोलीओचीही प्रतिकारशक्ती वाढवतात. कठीण समयी कामास येतात. एखादा आजार झाल्यावर माणसाला उपचार केल्यानंतर, हॉस्पिटलमधून डीसचार्ज मिळाल्यावर त्याची तब्येत लगेच सुधारत नाही तसेच मार्केटमध्येही आहे. एखाद्या शेअरच्या बाबतीत सतत चांगल्या वाईट बातम्या येऊ लागल्या की त्याच्या किमतीमध्ये अस्थिरता येते. त्यामुळे फोर्टिस हेल्थकेअर, वक्रांगी, गीतांजली, आणी PNB, अलाहाबाद, युनियन बँक अशा शेअर्स पासून काही काळ दूर राहावे. तसेच मार्केटमधील टीपापासून दूर राहण्याचे पथ्य पाळावे. ह्या टिपा आपल्या मोबाईलवर SMS करून आपल्याला एखाद्या कंपनीचे  १००० ते २००० शेअर्स घ्यावयाची शिफारस करतात आणी नंतर या शेअर्सची किंमत खूप पडते. तसेच आपण शेअर्स घेताना ते आपल्याला परवडतील अशा संख्येतच घ्या, वेगवेगळ्या शेअर्स मध्ये छोट्या प्रमाणात शेअर्स घ्या म्हणजे धोका वाटला जाईल. नाहीतर रोग बरा पण औषध नको असे म्हणायची पाळी यायला नको. शक्यतो आपल्या पैशाने शेअर्स घ्या म्हणजे त्यांच्या विक्रीविषयी आपल्याला स्वातंत्र्य राहील.
PNB घोटाळा निर्यात क्षेत्रात असल्यामुळे परदेशी गुंतवणूकदारांनी आपली गुंतवणूक आवरती घेतली, बँकांनी लेटर ऑफ क्रेडीटचे नियम आणी सामान्यतः आयात निर्यात क्षेत्रात अधिक सावधगिरी बाळगायला सुरुवात केली, त्यामुळे अर्थव्यवस्थेच्या महत्वाच्या क्षेत्रावर विपरीत परिणाम झाला. रुपया पडत असल्यामुळे आपले क्रूडचे आयात बिल वाढत आहे, USA मध्ये H1B व्हिसाचे नियम अधिक कडक करण्यात येत आहेत.
२०-२१ मार्च २०१८ फेडची नव्या अध्यक्षांच्या अध्यक्षतेखाली बैठक आहे. मार्च महिन्यात टेलीकॉम क्षेत्रासाठी नवे PACKAGE जाहीर होईल. मुंबईसाठी DCR प्लान जाहीर करणार आहेत. यामध्ये FSI वाढवला जाईल अशी अटकळ आहे. NCLT मध्ये ज्या NPA च्या केसेस पोहोचल्या आहेत त्यांच्या रेझोल्युशंसाठी बोली येऊ लागल्या आहेत उदा एस्सार स्टील, भूषण स्टील, मॉनेट इस्पात, इलेक्ट्रो स्टील स्टील्स या कंपन्यांचे समाधानकारक रेझोल्युशन झाली तर बँकांना त्यांनी केलेल्या काही प्रोविजन रिव्हर्स करता येतील. त्यामुळे बँकिंग क्षेत्राचे आरोग्य काही प्रमाणात सुधारेल. ADVANCE TAXचे आकडे येतील
मार्च महिन्यात एक्सपायरी ५ आठवड्यांची असते. जर आतापर्यंतचा इतिहास पाहिला तर १० पैकी ६ वेळा मार्केट मध्ये तेजी राहिली आहे. त्यामुळे आशा करू या की मार्च २०१८ मध्ये मार्केट सुधारेल.
BSE निर्देशांक सेन्सेक्स 34142 वर तर NSE निर्देशांक निफ्टी 10491 आणी बँक निफ्टी 25302 वर बंद झाले

आधीच्या आठवड्याचं समालोचन वाचण्यासाठी इथे क्लिक करा
आधीच उल्हास त्यात फाल्गुनमास – १२ फेब्रुवारी २०१८ ते १६ फेब्रुवारी २०१८
मार्केटला ग्रहण लागले की साडेसाती आली म्हणायची की दृष्ट लागली म्हणायची हे कळेनासे झाले आहे. पण होते ते भल्यासाठीच! २०११ या वर्षात सुरु झालेला PNB मधील घोटाळा उघडकीस यायला बरोबर साडेसात वर्षे लागली. याला साडेसाती संपली असेच म्हणावे लागेल. नाहीतर असे सांगितले जाते की हा घोटाळा आणखी कित्येक वर्षे बिनबोभाट चालूच राहिला असता. बँकेच्या विदेशविनिमय विभागातील एकूण प्रक्रिया फक्त ग्रहतारेनक्षत्र यांच्या भरोश्यावर चालते असेच म्हणावे लागेल. यातून PNB चे व्यवस्थापन काही शिकते कां ? ते पहाणे सोयीस्कर होईल.  गुंतवणूकदारांसाठी बँकिंग आणी फायनांसियल क्षेत्रामध्ये किती अभ्यासपूर्वक आणी काळजीपूर्वक गुंतवणूक करायला हवी आणी आपले मन कोणत्याही गोष्टीसाठी किती तयार पाहिजे,ह्यासाठी हा धडा आहे. येथे एका क्षणात Rs ११००० कोटी गेले अशी बातमी येऊ शकते. आपल्या शेअरची किमत प्रती शेअर Rs ४० इतकी खाली येऊ शकते. काहीवेळा साक्षात्कार आल्हाददायक असतो तर काही वेळेला भीतीदायक असतो. कारण ईश्वर कोणत्या स्वरूपात प्रकट होईल हे सांगता येत नाही. फक्त एकाच दिलासा म्हणजे LIC ने असे जाहीर केले की त्यांचा PNB मधील ११% स्टेक ते  कमी करणार नाहीत किंवा वाढवणारही नाहीत.
सरकारी अन्नौंसमेंट

• सरकार PCB (प्रिंटेड सर्किट बोर्ड्स) कॅमेरा मोड्यूल्स, आणी कनेक्टर्स या मोबाईल्सच्या सुट्या भांगांवर बेसिक कस्टम्स ड्युटी १ एप्रिल २०१८ पासून बसवण्याच्या विचारात आहे.

RBI SEBI आणी इतर प्रशासनिक संस्था

• RBI ने PNB ला Rs ११३०० कोटींच्या LOU (लेटर ऑफ अंडरटेकिंग) च्या हमीवर इतर बँकांनी दिलेली कर्ज विनाअट परत करायला सांगितली. यात AXIS बँक, येस बँक, बँक ऑफ बरोडा, युनियन बँक, स्टेट बँक ऑफ इंडिया, अलाहाबाद बँक यांचा समावेश आहे. त्यामुळे इतर बँकांविषयी लोकांच्या विश्वासाला तडा जाणार नाही असे सांगितले.
• हा घोटाळा जेम्स आणी ज्युवेलरी क्षेत्राशी संबंधीत असल्यामुळे या क्षेत्रावर प्रतिकूल परिणाम होईल. RBI, SEBI ची करडी नजर या क्षेत्रातील कंपन्यांवर राहील
• RBI ने आतापर्यंत प्रचलीत असलेले सर्व RESTRUCTURING प्लान्स रद्द केले आणी BANKRUPTCY कोर्ट ही याबाबतीत एकमेव आणी अंतिम ऑथोरिटी असेल असे सांगितले. या सर्व कर्जांना NPA  जाहीर केल्यामुळे Rs २ लाख कोटींची NPA BANKRUPTCY कोर्टात दाखल होतील. यासाठी बँकांना जादा प्रोविजन करावी लागेल. याचा परिणाम सरकारी बँकांच्या प्रॉफीटवर आणी त्यांच्या कर्ज देण्याच्या क्षमतेवर होईल याचा फायदा NBFC सेक्टरला होईल. जर NPA ची रक्कम १ मार्च २०१८ रोजी Rs २००० कोटींवर असेल तर त्या NPA चे रेझोल्युशन १८० दिवसात झाले नाहीतर BANKRUPTCY कोर्टात अर्ज दाखल करावा लागेल. Rs ५ कोटींपेक्षा जास्त कर्जाची थकबाकी असेल तर अशा कर्जांबाबत दर आठवड्याला RBI ला रिपोर्ट पाठवावा लागेल.
• सेबीने असे जाहीर केले की चुकीचे फायनल अकौंट सादर करणाऱ्या कंपन्यांवर आणी हे चुकीचे अकौंट बरोबर म्हणून प्रमाणित करणाऱ्या ऑडीटरवर कारवाई केली जाईल. काही का असेना काही प्रमाणात का होईना स्वच्छता मोहीम सुरु होईल हे नक्की

अर्थव्यवस्थेच्या गोष्टी

• USA चे CPI जानेवारीत ०.५% ने वाढले. १० वर्षाच्या ट्रेजरी BONDS वरील ‘YIELD’ २.८६% ने वाढली. या सर्वांचा एकत्रित परिणाम म्हणजे फेड आपले व्याज दर अपेक्षेपेक्षा वेगाने वाढवील. त्यामुळे USA चे मार्केट पडले.
• भारत सरकारने असे जाहीर केले की GDP (ग्रॉस डोमेस्टिक प्रॉडक्ट) आणी IIP निश्चित करण्यासाठी पायाभूत वर्ष (बेस इअर) २०१७- २०१८ असेल तर CPI (कन्झ्युमर प्राईस इंडेक्स) साठी बेस इअर २०१८ असेल.
• जानेवारी २०१८ साठी WPI (होलसेल प्राईस इंडेक्स) सहा महिन्यातील किमान स्तरावर म्हणजे २.८४% (डिसेंबर २०१७ मध्ये ३.५८%) वर होता. घाऊक मार्केटमधील अन्नधान्य, भाजीपाला आणी इंधन यांच्या बाबतीत महागाई कमी झाली.
• जानेवारी २०१८ मध्ये ट्रेड डेफिसिट ५६ महिन्यांच्या कमाल स्तरावर होती. भारताची निर्यात ९% ने वाढून US $ २४.३ बिलियन झाली. भारताची आयात २६% ने वाढून US$ ४०.६ बिलियन झाली. जानेवारी २०१८ साठी ट्रेड GAP US $ १६.३ बिलियन झाली. पेट्रोलियम, क्रूड, आणी जेम्स आणी ज्युवेलरी यांचे आयात वाढली तर सोन्याची आयात कमी झाली.
• जानेवारी २०१८ साठी CPI (कन्झ्युमर प्राईस इंडेक्स) ५.०७% ने वाढले (डिसेंबरमध्ये ५.२१%) होती. अन्नधान्य, भाजीपाला यांच्या किमती कमी झाल्या.
• भारतातील IIP (FACTORY उत्पादन) ७.१ % ने वाढले. नोव्हेंबर मध्ये ८.८% होती. धातू आणी उर्जा यांचे उत्पादन कमी झाले.
• BSE आणी NSE आणी MCX या तीन्ही स्टॉक एक्स्चेंजनी सिंगापूर स्टॉक एक्स्चेंजला कळवले की सेन्सेक्स आणी निफ्टी या निर्देशांकाबद्दल कोणताही डाटा घेऊ शकणार नाहीत. या निर्णयामुळे लिक्विडीटी वाढेल.

खाजगी कंपन्यांच्या घडामोडी

• इंडोको रेमिडीजच्या गोवा प्लांटचे USFDA ने इन्स्पेक्शन केले. त्यांनी या इन्स्पेक्शनमध्ये ८ त्रुटी दाखवल्या. पण हंगेरीच्या रेग्युलेटरी ऑथोरीटीने इंडोको रेमिडीजच्या गोवा प्लांटला क्लीन चीट दिली.
• अजंता फार्माच्या दाहेज प्लांटचे इन्स्पेक्शन ५ फेब्रुवारी ते ९ फेब्रुवारी २०१८ या दरम्यान USFDA ने केले. कोणत्याही त्रुटी दाखवल्या नाहीत.
• कॅडिला हेल्थकेअर च्या मोरया प्लांटचे इन्स्पेक्शन केले कोणत्याही त्रुटी दाखवल्या नाहीत.
• क्रूड आणी खोबरे यांचे दर वाढल्यामुळे मार्जिनवर परिणाम झाला असे मेरिकोच्या व्यवस्थापनाने सांगितलं.
• फ्युचर एन्टरप्रायझेस, ब्रिटानिया इंडस्ट्रीज, GSK कंझ्युमर्स, टाटा स्टील, महिंद्र आणी महिंद्र, GAIL यांचे निकाल चांगले आले.
• प्रिझम सिमेंट, ITI या कंपन्या टर्न अराउंड झाल्या.
• स्टेट बँक ऑफ इंडिया, बँक ऑफ बरोडा, BPCL बँक ऑफ इंडिया, युनायटेड बँक ऑफ इंडिया, UCO बँक जेट एअरवेज, अलाहाबाद बँक सन फार्मा यांचे निकाल खराब आले.
• बँक ऑफ इंडिया आणी बँक ऑफ बरोडा यांनी आपल्या परदेशातील काही शाखा बंद करण्याचा निर्णय घेतला.
• AXIS बँक येस बँक आणी RBL बँक फोर्टीज हेल्थकेअरने गहाण ठेवलेले शेअर्स विकू शकतील.
• अक्झो नोबेल या कंपनीने ठाण्याला पॉवडर कोटिंग प्लांट सुरु केला.
• झी लर्न या कंपनीने MT EDUCARE या कंपनीमधील ४४.५% स्टेक प्रती शेअर Rs ६२.५७ भावाने खरेदी केला.

कॉर्पोरेट एक्शन   

• NBCC आणी अमृतांजन हेल्थकेअर या दोन कंपन्यांनी आपल्या एका शेअरचे दोन शेअर्समध्ये विभाजन करणार असे जाहीर केले.
• सोना कोयो या कंपनीने आपले नाव ‘JTEKT’ असे बदलायचे ठरवले आहे.
• GAIL या कंपनीने आपल्या जवळ तीन शेअर्स असतील तर १ बोनस शेअरची घोषणा केली.
• ONGC विदेश Rs ६० कोटींना अबुधाबी ऑईलफिल्ड मधला १०% हिस्सा घेणार आहेत.
• ऑईल इंडिया या कंपनीने २ शेअर्सला १ शेअर बोनस दिला आणी Rs १४ लाभांश दिला.

या आठवड्यातील IPO

• टाटा स्टीलचा राईट्स इशू १४ फेब्रुवारी २०१८ला ओपन झाला . कंपनीने आपल्याकडे असलेल्या २५ शेअर्स मागे आपल्याला Rs ५१० प्रती शेअर्स या भावाने ४ फूलली पेड शेअर्स आणी प्रती शेअर Rs ६१५ या भावाने २ पार्टली पेड शेअर्स ऑफर केले आहेत. आपल्याला पार्टली पेड शेअर्सकरता प्रथम Rs १५४ प्रती शेअर भरायचे आहेत. आपल्याला आपल्याला घरी फॉर्म आले पाहिजेत. आपण ते २८ फेब्रुवारी २०१८ पर्यंत भरून द्यायचे आहेत. (राईट्स इशू, स्प्लीट, बोनस इशू आणी IPO याबद्दल सविस्तर माहिती माझ्या ‘मार्केट आणी मी’ या पुस्तकात दिली आहे)
• HG इन्फ्रा इंजिनिअरिंग हा IPO २६ फेब्रुवारी २०१८ ते २८ फेब्रुवारी २०१८ या कालावधीत ओपन असेल. प्राईस BAND Rs २६३ ते Rs २७० असेल हा इशू Rs ४६२ कोटींचा असेल. त्याच्या प्रोसिडमधून कॅपिटल इक्विपमेंट कर्जफेड आणी इतर कॉर्पोरेट खर्चासाठी रक्कम वापरली जाईल. हा शेअर BSE आणी NSE यु दोन्हीवरही लिस्ट होईल.
• या आठवड्यात बंद झालेला ASTER DM हेल्थकेअरचा इशू एकूण १.३३ वेळा ओव्हरसबस्क्राईब झाला रिटेल कोटा १.१९ वेळा ओव्हर सबस्क्राईब झाला.
• संरक्षण क्षेत्रात कार्यरत असलेल्या सरकारी मालकीच्या भारत डायनामिक्स या कंपनीचा IPO मार्चमध्ये येईल.

मार्केटने काय शिकवले
आर्थिक अपघातांची संख्या वाढली आहे. वक्रांगीचे ढग दूर होतात न होतात तोच फोर्टिस हेल्थकेअरचे ढग जमा झाले त्यानंतर PNB च्या काळ्याकुट्ट ढगांनी शेअर मार्केटचे आकाश वेढून टाकले. आपण एक निरीक्षण केले असेल तर वक्रांगीला प्रथम २०% नंतर १०% आणी नंतर ५% चे खालचे सर्किट लागले. शेअर त्याच्या किमान स्तरावर आल्यावर ‘BUY BACK’ मंजूर झाले अशी घोषणा  झाल्याबरोबर सतत वरची सर्किट लागायला सुरुवात झाली. अशा घटनांपासून काही शिकता आल्यास उत्तम! असे शेअर आपल्याजवळ असल्यास प्रथम विकून मोकळे व्हावे. वादळ थांबल्यावर पुन्हा विकत घ्यावेत. यामध्ये तोटा कमी होतो. साडेसाती आली असे समजा. साडेसाती माणसाला आयुष्यातील चुका समजावून देते, त्या सुधारण्यासाठी उपाययोजना काय कराव्यात हे शिकवते आणी पुढील काळात येणार्या धोक्यांची कल्पना देऊन सावध करते. ही मार्केट्ची साडेसातीच समजा.
या आठवड्यात मार्केटमध्ये किती नुकसान होईल याचा अंदाज आला आहे. मार्केट मध्ये धोका कोठे आहे याचाही साधारण अंदाज आला आहे. RBI ने ‘BOND YIELD’ ७.६०% वरून ७.५६% वर आले आहे असे सांगीतल्रे आहे. बँकिंग आणी विशेषतः सरकारी राष्ट्रीयकृत बँकांची नॉन पर्फोर्मिंग फरफट मात्र संपता संपत नाही. RBI च्या अलीकडील आदेशानुसार RECONSTRUCTION योजनांचा ढालीसारखा उपयोग करून NPA अकौंट नजरेआड करणे आता शक्य होणार नाही. RBI ने १८० दिवसांची मुदतही ठरवली आहे. बँक निफ्टी 200 DMA ( डे मूव्हिंग AVERAGE) २४६०० वर आहे बँक निफ्टी येथपर्यंत खाली जाण्याची शक्यता आहे.
शुक्रवारी तारीख १६ फेब्रुवारी २०१८ रोजी VIX निर्देशांक १७ होता. याचा अर्थ असा की मार्केटमध्ये सतत आणी मोठ्या प्रमाणावर चढ उतार होताहेत आणी सामान्यतः मार्केटमध्ये चिंतेचे आणी द्विधा मनस्थितीचे वातावरण आहे.
USA आणी युरोपमधील मार्केट वाढत आहेत. एवढा मोठा हबका बसूनही मार्केटमध्ये खालच्या स्तरावर खरेदी सुरु आहे. काळ हे सर्व दुखः, सर्व व्याधी, सर्व चिंता यावर रामबाण औषध आहे कालाचा महिमा अगाध आहे माणसाच्या मनातली आशा काळावरही कधी कधी मात करते. रात्र संपून पुन्हा नव्या उमेदीने माणूस दिवसाला सुरवात करत असतो.
‘कालाय तस्मै नमः’ असे म्हणून पडत्या काळात जो तरतो तोच चढत्या काळात उची गाठू शकतो हे लक्षात ठेवून मार्केटमध्ये राहणे, आपले फायद्यात असलेले शेअर्स विकून फायदा घरी आणणे. आणी स्वस्त आणी उच्च प्रतीचे शेअर खरेदी करणे हाच ‘अशुभस्य काल हरणं’ याचा मंत्र आहे.
BSE निर्देशांक सेन्सेक्स ३४०१० वर NSE निर्देशांक निफ्टी १०४५१ तर बँक निफ्टी २५१६३ वर बंद
 

आधीच्या आठवड्याचं समालोचन वाचण्यासाठी इथे क्लिक करा
हा आठवडा वादळी गेला. जग जवळ आले आहे याचे काही फायदे तर काही तोटे आहेत. शेजारच्या इमारतीत आग लागल्यावर आपल्यालाही धग लागतेच. पूर्णपणे होरपळले गेलो नाही तरी थोडाफार परिणाम होतोच. तसे सध्या झाले आहे.USA मधील मार्केटमध्ये मंदी आहे. ‘BOND YIELD’ वाढते आहे त्यामुळे व्याजाचे दर वाढतील, महागाई वाढेल ही कारणे मंदीसाठी दिली जात आहेत. भारताच्या दृष्टीने क्रूडचा दर कमी होत आहे ही जमेची बाजू आहे.पण याकडे सध्या तरी कोणाचेही फारसे लक्ष नाही. २०० Day Moving Average निफ्टी १००४० आहे. या ठिकाणी मार्केट स्थिर होईल असे वाटते. म्युच्युअल फंडवाले सायकल चालवतील आणी शेतकरी फेरारी घेऊन फिरतील असे दृष्य दिसण्याची शक्यता अंदाजपत्रकाच्या स्वरूपावरून जाणवत आहे. भारतात निवेशक पैसे गुंतवत आहेत आणी अमेरिकन निवेशक बाहेर पडत आहेत. ‘Fear’ खूप आहे अशावेळी भीतीवर मात करून आपण चांगल्या शेअर्सच्या बाबतीत ‘greedy’ झाले पाहिजे.
आंतरराष्ट्रीय घडामोडी

• ५ फेब्रुवारी २०१८ रोजी USA ची मार्केट ११७५ पाईंट पडली. CBOE VOLATILITY निर्देशांक एका दिवसात २८% वाढला. जागतिक मार्केटमध्ये ‘BOND YIELD’ सतत वाढत आहे. BOND YIELD ८% ने वाढले याचा अर्थ BOND च्या किमती कमी झाल्या. कॉस्ट ऑफ बॉरोइंग वाढली. बँका आणी NBFC यांना  ट्रेजरी लॉस होतील.
• सतत वाढणारी ‘BOND YIELD’, आणी महागाई आणी व्याजाच्या दरात होणारी संभाव्य वाढ यामुळे USA मधील मार्केट्स गुरुवारी पुन्हा ६०० पाईंट पडली.
• SPENDING बिल USA कॉंग्रेसमध्ये मंजूर न होऊ शकल्यामुळे पुन्हा एकदा ‘गवर्नमेंट शट डाऊन’ ची आफत ओढवली होती. पण उशिरा हे बिल मंजूर झाल्यामुळे आता हे संकट टळले आहे.
• चीनच्या युआन या चलनाच्या विनिमय दरात झालेली १,२% घट यामुळे चीनच्या मार्केटमध्येही सेलऑफ झाला.

सरकारी अन्नौंसमेंट

• आज सरकारने ‘DISCOVERED SMALL FIELDS पॉलिसी जाहीर केली. ONGC आणी ऑईल इंडिया या कंपन्यांकडे काही ऑईल ब्लॉक्स आहेत ते वापरात नाहीत कारण त्यातून ओईल काढणे या दोन कंपन्यांना फायदेशीर वाटत नाही. ह्या ऑईल ब्लॉक मधील ६० विहिरी विकणार आहेत
• सरकारने साखरेवरील इम्पोर्ट ड्युटी १००% केली आणी साखर कारखान्यांसाठी स्टॉक लिमिट बसवली.
• सरकारने नैसर्गिक रबराच्या आयातीवरील ड्युटी १०% वाढवून २७.५% केली.
• ऑईल आणी GAS क्षेत्रातील सरकारी कंपन्या २०१८-२०१९ या वर्षात Rs ८९००० कोटींची गुंतवणूक करतील. यातील Rs ४८००० कोटी ऑईल शोधण्यासाठी आणी ऑईलचे उत्पादन करण्यासाठी गुंतवले जातील.

RBI SEBI आणी इतर प्रशासनिक संस्था

• सुप्रीम कोर्टाने गोव्यामध्ये आयर्न ओअरच्या खाणींवर बंदी घातली. गोवा राज्य सरकारला या खाणींसाठी पुन्हा लिलाव करायला सांगितला. या खाणींमध्ये १५ मार्चपर्यंत मायनिंगला परवानगी दिली आहे.
• RBI ने आपल्या वित्तीय पॉलिसीत रेपोरेटमध्ये, रिव्हर्स रेपो रेटमध्ये आणी CRR मध्ये काहीही बदल केला नाही.
• RBI ने बँकांना त्यांचा बेस रेट MCLR बरोबर लिंक करायला सांगितला. तसेच ATM साठी दिली जाणारी सबसिडी रद्द केली. RBI ने महागाई वाढीचे लक्ष्य २०१८-२०१९ च्या पहिल्या सहामाहीसाठी ५.१% ती ५.६% केले. यासाठी त्यांनी फिस्कल स्लीपेज, वाढणाऱ्या अनधान्याच्या किमती ही कारणे दिली. गुंतवणुकीवर LTCG कर लावल्यामुळे विपरीत परिणाम होईल अशी भीती व्यक्त केली. सध्या गुंतवणुकीवर ५ प्रकारचे कर आकारले जातात. कॉर्पोरेट कर, DDT, STT, LTCG, GST असे ५ प्रकारचे कर लागतात. RBI ने Rs २५ कोटींपेक्षा कमी लोन घेतलेल्या आणी GSTसाठी रजिस्टर केलेल्या MSMEना (मेडियम आणी स्माल एन्टरप्रायझेस) कर्जफेडीसाठी १८० दिवस जादा वेळ देण्याचे जाहीर केले. तसेच MSME ना दिलेली सर्व लोन ‘PRIORITY’ क्षेत्र म्हणून घोषित केली. MSMEसाठी मर्यादा Rs २५० कोटी केली.
• सेबीने वक्रांगी सॉफटवेअर या कंपनीने २२ संबंधीत कंपन्यांच्या मदतीने जानेवारी २०१६ ते जून २०१६ या काळात वक्रांगी सॉफटवेअर या कंपनीच्या शेअरचे VOLUME आणी पर्यायाने किमत वाढवण्याचा प्रयत्न केल्याच्या बाबतीत कारवाईची सुरुवात केली. वक्रांगी सॉफटवेअर या कंपनीने P C ज्युवेलर्स या कंपनीचे २० लाख शेअर्स ओपन मार्केटमधून खरेदी करण्याचा सपाटा लावला. वक्रांगी सॉफटवेअर या कंपनीने PC ज्युवेलर्स हे आमचे पार्टनर्स आहेत असे सांगितले, PC ज्युवेलर्सच्या प्रमोटर्सनी या गोष्टीचा साफ इन्कार केला. हा सर्व कॉर्पोरेट गव्हर्नन्स चा प्रश्न असल्यामुळे वक्रांगी सॉफटवेअर चा शेअर वेगाने पडू लागला आणी त्याला ४ ते ५ दिवस सतत लोअर सर्किट लागली.

खाजगी कंपन्यांच्या घडामोडी 

• BOSCH, कोलगेट, HEG, ACC, गुजरात अल्कली,HERO मोटो CORP, रिलायन्स होम फायनान्स, फर्स्ट सोर्स इनफॉरमेशन, टॉरंट पॉवर, ACC, पराग मिल्क, SAIL, पेट्रोनेट LNG, SKF, टी व्ही टुडे, HPCL, टाटा स्टील, ONGC ( मार्जिन आणी प्रॉफीट कमी झाले) या कंपन्यांचा तिमाही निकाल चांगला आला.
• हायडलबर्ग सिमेंट, हॉटेल लीला या कंपन्या तोट्यातून फायद्यात आल्या.
• REC, ल्युपिन, डिश टी व्ही बलरामपुर चीनी,ग्लेनमार्क, ड्रेजिंग कॉर्प या कंपन्यांचे तीमाही निकाल खराब आले.
• PNB चे तिमाही निकाल चांगले आले. PNB मधील मुंबईतील Rs २८० कोटीच्या फसवणूकीची चौकशी सुरु झाली.
• फोर्टिस हेल्थकेअर च्या बोर्ड ऑफ डायरेक्टर्स मधून मलविंदर आणी शिविंदर सिंग यांनी राजीनामा दिला.
• स्टेट बँक ऑफ इंडिया चे तिमाही निकाल काल असमाधानकारक आले. ग्रॉस NPA आणी नेट NPA मध्ये वाढ, Rs २४३६ कोटी तोटा ही कामगिरी खचितच समाधानकारक म्हणता येणार नाही.
• MACNALLY भारत या कंपनीला Rs ६८ कोटींची ऑर्डर मिळाली. कंपनीच्या साईझच्या मानाने ही ऑर्डर मोठी आहे.
• बँक ऑफ इंडिया Rs २१६६ कोटींचे NPA विकणार आहे.
• KEC INTERNATIONAL या कंपनीला Rs २०३५ कोटींची ऑर्डर मिळाली.
• आजपासून ऑटो एक्स्पो सुरु झाला. मला काय करायचं ‘AUTO एक्स्पो’ ची खबर ठेवून असा विचार न करता कोणती ऑटो क्षेत्रातील कंपनी कोणकोणती नवीन मॉडेल्स बाजारात आणत आहेत हे बघावं. यावरून प्रत्येक कंपनी किती नवीन गुंतवणूक करणार आहे याचा अंदाज येतो. उदा. महिंद्र & महिंद्र १ वर्षाच्या आत इलेक्ट्रिक बस बाजारात आणत आहे. कंपनीने THREE WHEELER वाहन या प्रदर्शनात शोकेस केली आहे. मारुतीने आपण भारतात Rs २०००० कोटींची गुंतवणूक करू असे जाहीर केले. अशोक LEYLAND या कंपनीने इलेक्ट्रिक बस शोकेस केली.
• एल आय सी ने आपला एशियन पेंटसमधील स्टेक २% ने वाढवला. ५% वरून ७% केला.
• हरयाणातील कर्नालमध्ये IGL ला GAS डीस्ट्रीब्यूशनसाठीचे काम मिळाले.
• AXIS  बँकेला ‘NSDL’ चे शेअर्स विकून Rs १६५ कोटी मिळतील.
• ‘महिंद्र सन्यो’ या कंपनीतील महिंद्र आणी महिंद्र या कंपनीचा स्टेक ५०% वरून २९% होईल. कंपनीचे २६ लाख शेअर्स Rs १४६ कोटींना विकणार.
• सिंगापूरची सिंगटेल ही कंपनी आपला भारती टेलिकॉममधील स्टेक वाढवण्यासाठी Rs २६५० कोटी गुंतवणार आहे.
• ITC ही FMCG क्षेत्रातील दिग्गज कंपनी आता दुग्ध व्यवसायात उतरण्याची तयारी करत आहे.

कॉर्पोरेट एक्शन

• HEG ह्या कंपनीने ‘BUY BACK’ वर विचार करण्यासाठी बोर्ड ऑफ डायरेक्टर्सची बैठक बोलावली होती कंपनीने Rs ३० अंतरिम लाभांश जाहीर केला.
• MOIL या कंपनीने Rs २४० प्रती शेअर या भावाने ८८ लाख शेअर्स ‘BUY BACK’ जाहीर केले.
• HERO MOTO कॉर्प ने Rs ५५ प्रती शेअर अंतरिम लाभांश दिला.
• FDC ही कंपनी Rs ३५० प्रती शेअर या भावाने ३४ लाख शेअर्स ‘BUY BACK’ करणार आहे.
• १२ फेब्रुवारी २०१८ रोजी GAIL या कंपनीने बोनसवर विचार करण्यासाठी बोर्ड ऑफ डायरेक्टर्सची बैठक बोलावली आहे.
• NBCC या कंपनीने १३ फेब्रुवारी २०१८ रोजी स्टॉक स्प्लिटवर विचार करण्यासाठी बोर्ड ऑफ डायरेक्टर्सची बैठक बोलावली आहे.
• बलरामपुर चीनी या कंपनीने ‘BUY BACK’ वर विचार करण्यासाठी २१ फेब्रुवारी २०१८ रोजी बोर्ड ऑफ डायरेक्टर्सची बैठक बोलावली आहे.
• HPCL ने Rs १४.५० प्रती शेअर लाभांश दिला. (स्प्लिट बोनस, लाभांश BUY बक्क इत्यादी कॉर्पोरेट एक्शनविषयी  ‘माझ्या मार्केट आणी मी’ या पुस्तकात सविस्तर माहिती दिली आहे.)

या आठवड्यातील लिस्टिंग

• GALAXY SARFECTANT या कंपनीचा शेअर Rs १५२५ ला लिस्ट झाला. (IPO मध्ये Rs १४८० ला शेअर्स दिले होते)

या आठवड्यात येणारे IPO

• ASTER DM ही हॉस्पिटल्स क्षेत्रातील आपला IPO १२ फेब्रुवारी ते १८ फेब्रुवारी या दरम्यान आणून Rs ९८० कोटी भांडवल उभारेल. प्राईस BAND Rs १८० ते Rs १९० असेल. या कंपनीची मध्यपूर्वेतील देश, भारत आणी थायलंड या देशात हॉस्पिटल्स आहेत.

मार्केटने काय शिकवले
मंगळवार तारीख ६ फेब्रुवारी २०१८ रोजी तुम्ही निरीक्षण केले असेल तर बऱ्याच शेअर्सची किमत अशी होती की ‘DEATH CROSS’ ची स्थिती दिसत होती. ५० दिवसाच्या MOVING AVERAGE ची रेषा २०० दिवसांच्या MOVING AVERAGE च्या रेषेला DOWNWARD छेदते तेव्हा DEATH CROSS होतो. अशा वेळेला शेअरमध्ये मंदी येण्याची शक्यता असते  ५० दिवसांच्या MOVING AVERAGEची रेषा २०० दिवसांच्या MOVING  AVERAGE च्या रेषेला UPWARD छेदते तेव्हा ‘गोल्डन क्रॉस’ होतो. अशा वेळी या शेअर्सचा भाव वाढतो.
बुधवार तारीख ७ फेब्रुवारी २०१८ रोजी मार्केटमध्ये तेजी होती. याला ‘टेक्निकल बाउंस’ म्हणता येईल. पण सलग तीन दिवस एखादा ट्रेण्ड चालू राहिला तरच ट्रेंड बदलला असे म्हणता येते. अशा तेजीमध्ये न फसता जर आपण आपल्याकडील कमी गुणवत्ता असलेले शेअर्स विकून चांगल्या शेअर्समध्ये प्रवेश करण्यासा/ठी रक्कम गोळा केली तर ती योग्य त्या वेळेला गुंतवता येते.
‘CONTRA ट्रेड’ घेण्याचा जमाना सुरु झाला आहे. ‘GAP UP’ आणी ‘GAP DOWN’ मार्केट उघडते आहे. तेजी आणी मंदीमधील ‘GAP’ खूप आहे. अशावेळी ‘GAP DOWN’ मार्केट उघडले तर कमी झालेल्या किमतीला चांगले शेअर्स खरेदी करावेत आणी ‘GAP UP’ उघडताच विकून टाकावेत असा ट्रेडच काही दिवस फायदा देईल असे दिसते. LTCG, GST, STT लागत असल्यामुळे इंट्राडे किंवा दीर्घ मुदतीच्या ट्रेडपेक्षा शॉर्ट टर्म ट्रेड करून फायदा मिळवावा असा मार्केटचा कल दिसतो आहे. मार्केटमधील सध्याची VOLATALITY बघता ज्या ट्रेडर्सना आर्थिक आणी अनुभवाच्या दृष्टीने ट्रेड करता येईल त्यांनीच या मार्केटमध्ये ट्रेड करावा. ही मार्केटमधील स्थिती सुधारणार नाही कारण मार्केट तेजीत येताच गुंतवणूकदार १ एप्रिल २०१८ पर्यंत प्रॉफीट  बुक करत राहतील. कारण हे  प्रॉफीट LTCG कराच्या कक्षेतून बाहेर ठेवले आहे.
जणू काही ‘रात्रंदिन आम्हा युद्धाचा प्रसंग’ असे मार्केटमधील काही मोठे ट्रेडर्स म्हणत असतील. कारण ते रात्री ‘USA’ मधील मार्केट्ची खबर ठेवतात आणी दिवसा भारतीय शेअर मार्केटमध्ये ट्रेडिंग करतात. या आठवड्यात ‘अवघे विश्वची माझे घर’ याची प्रचीती भारतीय शेअर मार्केटमध्ये व्यवहार करणाऱ्या ट्रेडर्स आणी गुंतवणूकदार यांना आली. पुढील आठवड्यात काय पान वाढून ठेवले आहे कोणास ठाऊक !
BSE निर्देशांक सेन्सेक्स ३४००५ वर, NSE निर्देशांक निफ्टी १०४५५ वर आणी बँक निफ्टी २५४६३ वर बंद झाले.

आधीच्या आठवड्याचं समालोचन वाचण्यासाठी इथे क्लिक करा
अंदाजपत्रकाची सुनामी ( २९ जानेवारी २०१८ ते २ फेब्रुवारी २०१८)
येणार येणार म्हणून गाजत असलेले २०१८-१९चे अंदाजपत्रक अर्थमंत्र्यांनी ‘सर्वजन सुखाय,सर्वजन हिताय, सर्वजन कल्याणाय’ असे अंदाजपत्रक सादर करीत आहे असे सांगत सादर केले. आयकरात काही बदल केले नाहीत. लोकांच्या अपेक्षा पूर्ण झाल्या नाहीत असे दिसते. पगारदार वर्गाची निराशा झाली. गुंतवणूकदारांची LTCG  (LONG TERM CAPITAL GAINS) कर लावला आणी STT सुद्धा सुरु ठेवला यामुळे नाराजी दिसते. परदेशातून येणारा पैशाचा ओघ कमी होईल असे वाटते. शेती आणी शेतीसंबंधीत उद्योगात असलेल्या कंपन्यांना फायदा होईल असे वाटते. मिनिमम सपोर्ट प्राईसचा फायदा शेतकर्याला व्यक्तीशः मिळतो की अडत्यांच्या सहकारी संस्था याचा फायदा उठवतात याविषयी शंका उपस्थित केल्या जात आहेत. सरकारी खर्चामुळे महागाई वाढेल, ‘BOND YIELD’ वाढल्यामुळे व्याजाचे दर वाढतील आणी मार्केटला लिक्विडीटीचा तुटवडा भासण्याची शक्यता आहे. हे कोडे अर्थमंत्री आणी सरकार कसे उलगडते ते पाहावे लागे.
आंतरराष्ट्रीय घडामोडी

• जगभरातील मार्केटमध्ये ‘BOND YIELD’ वाढत आहे. त्यामुळे व्याजाचे दर वाढतील. याचा परिणाम लिक्विडीटीवर होईल. पर्यायाने मार्केटमधील तेजीवर होईल. कारण भारतीय मार्केटमधील तेजी परदेशातून येणार्या पैशावर आधारलेली आहे. या बरोबरच F & O सेक्टरसाठी सेबीने मार्जिन वाढवले आहे. म्युच्युअल फंडांची ADJUSTMENT सुरु आहे.
• फेडने आपल्या व्याज दरात कोणतेही बदल केले नाहीत.

सरकारी अन्नौंसमेंट

• चीन, युरोप, USA येथून कोटेड पेपरचे ‘DUMPING’ होत आहे. जर या प्रकारच्या म्हणण्यात तथ्य आढळले तर इम्पोर्ट ड्युटी लावली जाईल. याचा परिणाम इमामी पेपर, स्टार पेपर JK पेपर यांच्यावर होईल.
• सरकारनी NCLT मधून युनिटेक टेकओव्हर करण्यासाठी केलेला अर्ज मागे घेतला.
• पाकिस्तानमध्ये साखर उत्पादन खूप झाले आहे. ही साखर भारतात DUMP होण्याची शक्यता आहे. खाद्य मंत्रालयाने साखरेवरील ड्युटी ५०% वरून ८०% ते ९०% करावी अशी शिफारस केली आहे.
• महाराष्ट्र एक्साईजकडून सोम डीस्टीलिअरीच्या तीन नवीन बीअर BRANDला मंजुरी मिळाली.
• सोमवारपासून अंदाजपत्रकीय अधिवेशन सुरु झाले. सोमवारी अर्थमंत्र्यांनी इकॉनॉमिक सर्व्हे सादर केल्यावर अधिवेशन गुरुवारी तारीख १ फेब्रुवारी २०१८ पर्यंत स्थगीत ठेवण्यात आले. यामध्ये GDP दर वित्तीय वर्ष २०१८ साठी ६.७५% आणी वित्तीय वर्ष २०१९ साठी ७% ते ७.५% राहील असा अंदाज करण्यात आला. कृषी २.१% ने उद्योग ४.४% तर सेवा क्षेत्र ८.३ % ने वाढेल असा अंदाज व्यक्त करण्यात आला. क्रूडची वाढती किंमत हा चिंतेचा विषय आहे. तसेच निर्यातीत वाढ आणी GST ची कार्यवाही स्थिर होणे अशा काही विषयांना स्पर्श केला गेला.
• सरकारने LTCG शेअर्स आणी म्युच्युअल फंडातून मिळालेल्या उत्पन्नावर लावला. या मध्ये एक सवलत अशी ठेवलेली आहे की ३१ जानेवारी २०१८ च्या आधी झालेल्या LTCG ला हे नियम लागू होणार नाहीत. नवीन नियम १ एप्रिल २०१८ पासून अमलात येतील. म्हणजे आपल्याला १ फेब्रुवारी ते ३१ मार्च या दोन महिन्यात झालेल्या LTCG वर कर भरावा लागणार नाही. तिसरी गोष्ट म्हणजे आपल्याला जर Rs १ लाखापेक्षा जास्त LTCG झाला तर एक लाखाच्यावर असलेल्या रकमेवर १०% LTCG कर भरावा लागेल. उदा.  ५ जानेवारी २०१७ रोजी अशोक LEYLAND चे Rs १०० प्रती शेअर या भावाने १००० शेअर्स आणी टाटा स्टील चे २०० शेअर्स Rs ५०० प्रती शेअर या भावाने घेतले. हे शेअर्स ३१ मार्च 2018 च्या आधी कधीही विकले आणी यात Rs १,४०,००० फायदा झाला तरीही याला LTCG  कर लागणार नाही कारण तो १ एप्रिल २०१८ पासून लागू होणार आहे. पण हे शेअर जर ३ एप्रिल २०१८ ला विकले तर Rs १००००० वरील फायद्यासाठी म्हणजेच Rs ४०००० वर १०% LTCG TAX लागेल. पण जर हेच शेअर्स ३१ जानेवारी २०१८ रोजी जी मार्केट प्राईस होती त्या किमतीला विकले असते तर Rs १,२०,००० ला विकले गेले असते त्यात फायदा फक्त Rs २०००० (Rs १४०००० वजा Rs १,२००००) झाला असता असे गृहीत धरून उरलेल्या Rs २०००० वर १०% LTCG कर लागेल. यालाच अर्थमंत्र्यांनी ३१ जानेवारी २०१८ पर्यंतचे कॅपिटल गेन्स ‘GRANDFATHERED’ केले असे म्हटले आहे. (म्हणजेच ३१ जानेवारी २०१८ रोजी असलेली शेअर्सची मार्केट प्राईस  LTGC ची रक्कम ठरवताना विचारात घेतली जाईल.) पण हेच शेअर्स जर ३ जून २०१८ ला विकले आणी मला Rs ९२००० फायदा झाला तर मला LTCG कर लागणार नाही. (कारण फायदा Rs १००००० पेक्षा कमी आहे).२ फेब्रुवारी २०१८ ला घेऊन जुलै २०१८ मध्ये विकले तर फायद्यावर १५% शॉर्ट टर्म कॅपिटल गेन्स कर लागेल
• ज्या कंपन्यांचा टर्नओव्हर Rs २५० कोटींपेक्षा कमी आहे त्यांना वित्तीय वर्ष २०१९ मध्ये आता ३०% ऐवजी २५ % कॉर्पोरेट कर भरावा लागेल.
• NIC, OIC UNI या तीन सरकारी जनरल इन्शुरन्स कंपन्या एक करून त्या कंपनीचे लिस्टिंग केले जाईल.
• 14 CPSE चे लिस्टिंग केले जाईल.

खाजगी कंपन्यांच्या घडामोडी

• इंडोको रेमिडीज या कंपनीच्या गोवा प्लांटसाठी USFDAने ८ त्रुटी दाखवल्या.
• शिल्पा मेडिकेअर च्या रायचूर प्लांटसाठी ३ त्रुटी दाखवल्या फॉर्म ४८३ इशू केला.
• टाटा कॉफी, APL अपोलो ट्युब्स, सेंच्युरी टेक्स्टाईल, गोदरेज कंझ्युमर, चोलामंडलम फायनान्स, GIC हौसिंग फायनान्स, EIL, L&T, भारत फायनांसियल इन्क्लुजन, HDFC, टेक महिंद्र, TVS मोटर्स, सुंदरम फासनर्स, JSW स्टील, डाबर, ओबेराय रिअल्टी, HCC, हिंदाल्को, बजाज ऑटो, बायर क्रॉप याचे निकाल चांगले आले
• ICICI बँकेचा तिसर्या तिमाहीचा निकाल असमाधानकारक आला.
• मार्कसन फार्माने ग्लोवा प्लांटमध्ये बनवलेली औषधे परत मागवली.
• EID PARRY ही कंपनी SYNTHALITE या कंपनीबरोबर JV मध्ये तामिळनाडूमध्ये प्लांट लावण्यासाठी Rs ११ कोटींची गुंतवणूक करेल.
• कोची शिपयार्डला १६ मच्छीमार जहाजांसाठी ऑर्डर मिळाली.
• TVS मोटर्स (३१%), आयशर मोटर्स (५०%), M & M (३८%), टाटा मोटर्स (४५%) आणी अशोक leyland याची विक्री वाढली.

कॉर्पोरेट एक्शन

• MOIL या कंपनीने शेअर ‘BUY BACK’ वर विचार करण्यासाठी ५ फेब्रुवारी २०१८ रोजी बोर्ड ऑफ डायरेक्टर्सची बैठक बोलावली आहे.
• IOC या ऑईल आणी GAS क्षेत्रातील कंपनीचे तिमाही निकाल चांगले आले कंपनीने प्रती शेअर Rs १९ लाभांश आणी १:१ या प्रमाणात बोनस जाहीर केला.
• KPIT टेक्नोलॉजी ही कंपनी आपला सॉफटवेअर बिझिनेस बिर्ला सॉफटवेअर या कंपनीबरोबर मर्ज करेल. आपला इंजिनीअरिंग बिझिनेस अलग करून दोम्ही कंपन्यांचे लिस्टिंग करेल. कंपनी २०% स्टेकसाठी प्रती शेअर Rs १८२ प्रती शेअर या भावाने ओपन ऑफर आणणार आहे.
• BEL या कंपनीने शेअर ‘BUY BACK’ वर विचार करण्यासाठी बोर्ड ऑफ डायरेक्टर्सची बैठक बोलावली. या बैठकीत Rs १८२ प्रती शेअर या भावाने BUY BACK जाहीर केले.
• युनियन बँक, बँक ऑफ महाराष्ट्रने भांडवल उभारण्यासाठी बोर्ड ऑफ डायरेक्टर्स ची बैठक बोलावली आहे.
• फिलीप कार्बन या कंपनीने भांडवल उभारणीसाठी आणी शेअर स्प्लिटवर विचार करण्यासाठी बोर्ड ऑफ डायरेक्टर्सची बैठक बोलावली आहे.
• IOB च्या शेअर प्रीमियमचा उपयोग IOB ला झालेला तोटा भरून काढण्यासाठी वापरण्यासाठी शेअरहोल्डर्सची मंजुरी मिळाली.
• JM फायनांसियल ही कंपनी Rs १६१.२४ प्रती शेअर आणी दीपक नायट्रेट ही कंपनी Rs २६४ प्रती शेअर या भावाने या भावाने QIP करीत आहे.
• LICने आपला बँक ऑफ बरोडामधील स्टेक २%ने कमी केला.
• बँक ऑफ बरोडा आपल्या BOB कॅपिटल मार्केट, BOB फायनांसियल सोल्युशन्स, बरोडा पायोनिअर ASSET MGM, आणी नैनिताल बँक या सबसिडीतील स्टेक विकून भांडवल उभारण्याची शक्यता आहे.
• IDBI आपला IDBI FEDERAL इन्शुरन्स मधील ४८% स्टेक विकून Rs २२०० कोटी उभारण्याची शक्यता आहे.

या आठवड्यातील लिस्टिंग

• अंबर एन्टरप्राईझेस या कंपनीच्या शेअर्सचे Rs ११७५ ला झाले. गुंतवणूकदारांना चांगला लिस्टिंग गेन झाला.
• न्यू जेन सॉफटवेअर या कंपनीच्या शेअर्सचे २५४ वर लिस्टिंग झाले.

मार्केटने काय शिकवले
मार्केट म्हणल्यानंतर तेजी आणी मंदी असणारच. सतत मार्केट वाढणे शक्य नाही त्यामुळे आपण खरेदी केलेल्या शेअर्सचा भाव कमी होतो आहे हे दुःखं पचवायला शिकले पाहिजे. या दुःखामध्ये हरवून न जाता आपण करावयाच्या खरेदीची यादी समोर घ्या. आपणाजवळ किती रक्कम आहे ते पहा. आणी प्रत्येक वेळी थोडी थोडी खरेदी करा. मार्केटने उसळी मारल्यास खरेदी केलेल्या शेअर्समध्ये फायदा होत असेल तर ते शेअर्स विकून मोकळे व्हा. पुन्हा खालच्या किंमतीत खरेदी करण्यासाठी नंबर लावा. पण तेजी किंवा मंदी दोन्ही गोष्टी कायम टिकत नाहीत. जो शेअर मंदीत आहे तो तेजीत येणार आणी तेजीत असलेला शेअर मंदीत जाईल हा मार्केटचा अलिखित नियम आहे. अर्थात नियमाला नेहेमी अपवाद असतातच.
अंदाजपत्रकाच्या सुनामीमुळे मार्केटचे स्वरूप बदलेल. अंदाज पत्रकातील तरतुदीनुसार ज्या क्षेत्राला फायदा होईल त्या क्षेत्रातील कंपन्यांचे शेअर वाढतील. ज्या क्षेत्रांना या तरतुदींचा फटका बसेल त्या क्षेत्रातील कंपन्यांच्या शेअर्सचे भाव कमी होतील.सरकारने शेती आणी संबंधीत उद्योगांसाठी येणाऱ्या खर्चाच्या १५०% MSP (मिनिमम सपोर्ट  प्राईस) जाहीर केल्यामुळे M&M, ESCORTS, सर्वांना विमा दिल्यामुळे सर्व विमा कंपन्या, हेल्थ आणी वेलनेस केंद्र काढणार असल्यामुळे हॉस्पिटल्सचे शेअर्स, अग्रो कंपन्यांना उत्तेजन दिल्यामुळे गोद्ररेज अग्रोव्हेट, अवंती फीड्स, वेंकी’ज, आणी इन्फ्रास्ट्रक्चरमध्ये सरकार भांडवल घालणार असल्यामुळे अडानी पोर्ट L&T या कंपन्यांवर परिणाम होईल.
नवीन आलेल्या LTCG चा धसका न घेता त्यातील तरतुदी नीट समजावून घ्या नव्या वातावरणाला साजेसा आणी फायदेशीर असा आपला पोर्टफोलीओ तयार करा. एप्रिलमध्ये येणार्या कंपन्यांच्या वार्षिक निकालांकडे लक्ष ठेवा स्वतः बदललेल्या परीस्थितीत स्थिरस्थावर करा आणी मार्केटलाही स्थिरस्थावर होऊ द्या. नव्याने मार्केटमध्ये  येणाऱ्यानी बदललेल्या परिस्थितीचे निरीक्षण करून ती समजावून घ्यावी. मी तुम्हाला पूर्वीच्या दोनतीन भागात सांगितले होतेच की २०१८ या वित्तीय वर्षाचे पहिले सहा महिने थोडे कठीण असतील. वारंवार तेजीमंदीचा लपंडाव खेळावाच लागेल. अशा वेळी प्रथम भांडवल सुरक्षित ठेवून मगच फायद्याचा विचार करावा.
BSE निर्देशांक सेन्सेक्स ३५०६६ तर NSE निर्देशांक निफ्टी १०७६० तर बँक निफ्टी २६४५१ वर बंद झाले