आधीच्या आठवड्याचं समालोचन वाचण्यासाठी इथे क्लिक करा
रात्र थोडी सोंगे फार – २६ मार्च २०१८ ते ३० मार्च २०१८
हा आठवडा ट्रंकेटेड होता म्हणजेच या आठवड्यात मार्केट दोन दिवस बंद होते. आधीच वर्षातला शेवटचा आठवडा सर्वजणांची वेगवेगळे कर भरण्याची, अकौंटमधील सर्व adjustments करून फायनल अकौंट बनवायची घाई चालू असते. या आठवड्यात मार्केटला दोन दिवस सुट्टी होती. या आठवड्यात चीन USA मधील ट्रेडवॉरमध्ये तडजोडीसाठी बोलणी सुरु झाली. सरकारने त्यांचा कर्ज उभारणीचा कार्यक्रम जाहीर केला. निवडणूक आयोगाने कर्नाटक राज्य विधानसभेसाठी १२ मे २०१८ रोजी मतदान होईल आणी १५ मे २०१८ रोजी निकाल जाहीर होतील असे जाहीर केले. त्यात आनंदाची बातमी म्हणजे सरकार एप्रिल २०१८ ते सप्टेंबर २०१८ या काळात Rs २.८८ लाख कोटी कर्ज उभारेल गेल्या वर्षी ही रक्कम ३.७२ लाख कोटी होती. म्हणजेच सरकारी BORROWING कमी झाले. याचा परिणाम म्हणजे BOND YIELD २९ बेसिस पाईंटने कमी होऊन ७.३३% झाले. कदाचित बॅंका व्याजाचे दर कमी करतील. बँकांचे ‘मार्क टू मार्केट’ लॉस कमी होतील. सोमवारची RALLY जागतिक स्तरावरील बातमीमुळे होती, मंगळवारची RALLY स्वदेशी आणी बुधवारची RALLY एक्सपायरीची होती. म्हणजेच थोडक्यात काय तीन दिवसाचा आठवडा आणी त्यात अनेक घटनांचा भडीमार !
सोमवारच्या RALLYचे वैशिष्ट म्हणजे बँकांचे शेअर्स वाढले. त्यात कॅनरा बँक आणी येस बँक खूप वाढली. कॅनरा बँक कॅनफिना होम्स मधील स्टेक विकणार आहे. फोर्टिस हेल्थकेअरचे डील होण्याचा संभव आणी त्यात येस बँकेचा असलेला १५% स्टेक. ICICI बँक मात्र वाढली नाही.
सरकारी अनौंसमेंट

• तेलंगणा राज्य सरकार हैदराबाद येथे एव्हीएशन HUB व्हावा असा प्रयत्न करत आहे. त्यामुळे विमानाला लागणाऱ्या इंधनावरील VAT त्यांनी १६% वरून १% इतका कमी केला. एव्हीएशन क्षेत्रात इंधनाचा खर्च ४०% असतो. त्यामुळे सर्व विमाने इंधनासाठी तेलंगणात येतील असा त्यांचा कयास आहे. GMR इन्फ्राकडे या विमानतळाचे व्यवस्थापन आहे. ही कंपनी दिल्ली विमानतळाचे व्यवस्थापनही पहाते. नोइडामध्ये आणखी एक विमानतळ बनत आहे. त्याचेही काम GMR इंफ्राला मिळण्याची शक्यता आहे.
• सरकार ECB विषयीचे (EXTERNAL COMMERCIAL BORROWING) नियम शिथिल करणार आहे याचा फायदा विमान कंपन्यांना अधिक होईल.
• आयकर विभागाने आधार PAN लिंक करण्यासाठीची मुदत तारीख ३० जून २०१८ पर्यंत वाढवली आहे.
• खाद्य मंत्रालयाने साखरेवर ५% सेस लागू करण्याची शिफारस केली आहे. आगामी GST कौन्सिलच्या बैठकीत यावर विचार केला जाईल.
• सरकार एअर इंडियामधील ७६% स्टेक ओपन बिडिंगच्या प्रक्रियेतून विकणार आहे.

RBI SEBI आणी इतर प्रशासनिक संस्था

• RBI ने ICICI बँकेला Rs ५९ कोटी दंड ठोठावला आहे.
• सेबीने आपल्या २८ मार्च २०१८ ला झालेल्या बैठकीत पुढीलप्रमाणे निर्णय घेतले.
• कंपन्यांनी एप्रिल २०२० पासून CHAIRMAN आणी MANAGING डायरेक्टर ही दोन पदे वेगळी करावीत.
• QIP / PREFERENTIAL इशूच्या प्रोसीड्सचा उपयोग कसा केला जाईल याची माहिती शेअरहोल्डरना द्यावी
• टॉप ५०० कम्पनीच्या बोर्ड ऑफ डायरेक्टर्स मध्ये एप्रिल २०१९ पासुन एक तरी स्वतंत्र महिला डायरेक्टर असावी. टॉप १००० कंपनीच्या बोर्ड ऑफ डायरेक्टर्स मध्ये किमान ६ डायरेक्टर्स असावेत.
• एक व्यक्ती एकावेळी ८ लिस्टेड कंपन्यांचा डायरेक्टर राहू शकतो.
• कंपनीने ऑडीटर्स नेमताना त्यांची गुणवत्ता, अनुभव, त्यांना देण्यात येणारी फी आणी जर एखाद्या ऑडीटरने राजीनामा दिला असेल तर त्याची कारणे सांगितली पाहिजेत.
• टॉप १०० लिस्टेड कंपन्यांनी आपल्या वार्षिक सर्वसाधारण सभेचे वेबकास्ट करावे.
• म्युच्युअल फंड चार्ज करत असलेला ADDITIONAL EXPENSES चा दर आता ५ बेसिक पाईंट एवढा केला.
• वायदा बाजारात स्टॉक डेरिव्हेटीवजमध्ये हळू हळू फिझीकल सेटलमेंट केली जाईल.
• इलेक्ट्रो स्टील स्टील्स या कंपनीच्या रेझोल्युशनसाठी कर्ज देणाऱ्या बँकांनी वेदांत या कंपनीला हायेस्ट बीडर म्हणून मान्यता दिली आहे.

खाजगी कंपन्यांच्या घडामोडी

• IDBI मध्ये पुन्हा Rs २२७ कोटींचा घोटाळा उघडकीस आला आहे. RBI ने अर्थ मंत्रालयाला IDBI बँकेची आर्थिक स्थिती चिंताजनक असल्याचे कळवले आहे
• GRANULES च्या गागलापूर आणी हैदराबाद युनिटमध्ये USFDA ने त्रुटी दाखवल्या.
• सिपलाने ALOXI इंजेक्शन मार्केटमध्ये आणले.
• अडानीला IOC बरोबर करार केल्याने सिटी GAS डीस्ट्रीब्युशनसाठी परवानगी मिळाली.
• पुढील सार्वजनिक क्षेत्रातील सरकारी कंपन्यांनी त्यांच्या आर्थिक परिस्थितीमुळे यावर्षी सरकारला आपण लाभांश देऊ शकणार नाही असे कळवले. (१) शिपिंग कॉर्पोरेशन ऑफ इंडिया (२) SAIL (३) ड्रेजिंग कॉर्पोरेशन (४) EIL (५) हिंदुस्थान पेस्टीसाईड (६) स्टेट ट्रेडिंग कॉर्पोरेशन (७) डेडीकेटेड फ्रेट कॅरिअर
• पर्सिस्टंट या IT क्षेत्रातील कंपनीने आपले INTELLECTUAL प्रॉपर्टीपासून येणारे उत्पन्न कमी होईल अशी प्रॉफीट वार्निंग दिली.
• अल्केम LAB च्या दमन युनिटचे USFDA ने १९ मार्च ते २७ मार्च २०१८ मध्ये केलेल्या इन्स्पेक्शनमध्ये १३ त्रुटी दाखवून फॉर्म नंबर ४८३ इशू केला.
• गोव्यामध्ये कॅसिनो चालवणाऱ्या कंपनीच्या लायसेन्स फीमध्ये तसेच इतर फीमध्ये गोवा राज्य सरकार वाढ करणार आहे. त्यामुळे डेल्टा कॉर्प या कंपनीचा शेअर पडला. कंपनी ही दरवाढ त्यांच्या ग्राहकांकडे पास ऑन करू शकते का?  हे बघायचे.
• JSW स्टील USA मधील ACERO ही कंपनी US $ ८१ मिलियनला खरेदी करणार आहे.

कॉर्पोरेट एक्शन

• सरकार स्कूटर्स इंडिया मधील आपला ९३.७४ % स्टेक विकणार आहे. सरकारने त्यासाठी बोली मागवल्या आहेत.
• GAIL आणी ऑईल इंडिया या दोन्ही कंपन्यांच्या बोनस इशुची २७ मार्च २०१८ ही एक्स DATE होती.
• STC आणी MMTC याच्या होणार्या मर्जरच्या बातमीने पुन्हा एकदा पकड घेतली आहे. पण सरकार कधी कधी अचानक बेत रहित करते त्यामुळे अशा शेअर्समध्ये गुंतवणूक करण्याच्या भानगडीत न पडता ट्रेडिंग करणेच श्रेयस्कर.
• इंडिया बुल्स हाउसिंग आणी इंडिया बुल्स रिअल या दोन्ही कंपन्यांनी BLACK STONE ला हिस्सेदारी विकली. त्यातून Rs ४८५० कोटी मिळतील.
• टाटा पॉवरनी टाटा सन्सला ५९ कोटी शेअर्स Rs ४८५० कोटींना विकले.
• गोदरेज एग्रोव्हेट रुची सोयाचे अधिग्रहण करण्याची शक्यता आहे अशी बातमी आहे.
• सॉफट बँक, तमासेक होल्डिंग आणी मोर्गन STANLEY चा PE फंड FINO (फायनांसियल इनफॉरमेशन एंड नेटवर्क ऑपरेशन) या पेमेंटबँक आणी टेक्नोलॉजी कंपनीमध्ये २६% स्टेक घेण्याचा विचार करत आहेत.
• अल्ट्राटेक सिमेंटला बिनानी सिमेंटचे ASSET विकत घेण्यासाठी CCI ने मंजुरी दिली.

या आठवड्यात येणारे IPO 

• ICICI सिक्युरिटीजच्या IPO ची साईझ IPO ला थंडा प्रतिसाद (८८%) मिळाल्यामुळे कमी करावी लागेल.
• लेमन ट्री हॉटेल्स या कंपनीचा IPO १.१९ वेळा भरला.

या आठवड्यातील लिस्टिंग

• बंधन बँकेचे लिस्टिंग Rs ४८७ ला झाले. हा शेअर IPO मध्ये Rs ३७५ ला दिला होता. त्यामुळे गुंतवणूकदारांना चांगला लिस्टिंग गेन्स झाला.
• हिंदुस्थान एअरोनॉटिक्सचे लिस्टिंग Rs ११७० ला झाले. ही कंपनी चांगली असूनही ट्रेडर्स आणी गुंतवणूकदारानी फारच थंडा प्रतिसाद दिला. हा शेअर किरकोळ गुंतवणूकदाराना Rs १२१५ ला दिला होता.

मार्केटने काय शिकवले
या आठवड्यात दोन लक्षवेधी बातम्यांनी ट्रेडर्स आणी गुंतवणूकदारांचे लक्ष वेधले.

• पहिली बातमी होती GSK कन्झ्युमर हेल्थकेअर या प्रस्थापित कंपनीने NOVARTIS इंडियाचा जागतिक कन्झ्युमर हेल्थकेअर बिझिनेस US$ १३०० बिलियनला विकत घेतला. हे पैसे कंपनी आपले हॉरलिक्स आणी इतर ब्रांड विकून उभे करेल अशी बातमी आली. जर कंपनीने भारतीय सबसिडीअरी मधील ७२.५% स्टेक विकला तर CMP पेक्षा वरच्या लेव्हलला स्टेक विकला जाईल आणी ओपन ऑफर येईल. जर फक्त हॉरलिक्स आणी इतर ब्रांड विकले तर कंपनीकडे बर्याच मोठ्या प्रमाणात कॅश येईल. दोन्ही पर्यायात रिटेल शेअरहोल्डर्सना फायदा होईल. नोव्हार्तीसचा बिझिनेस GSK खरेदी करेल अशी बातमी आली तेव्हा शेअर्सची किमत वाढली पण हॉर्लीक्स आणी बूस्ट यासारखे इतर ब्रांड विकून पैसे उभारण्यात येतील ही बातमी आल्यावर शेअर सपाटून पडला. हे ब्रांड विकत घेण्यात ITC, नेस्ले, युनिलीवर, पेप्सी कंपनी यांनी रस दाखवला आहे. कदाचित ट्रेडर्सना आणी गुंतवणूकदारांना कंपनीचे धोरण ‘हातचे सोडून पळत्याच्या पाठीमागे’ असे वाटले असेल. कंपनी आता OVER THE COUNTER आणी ORAL हेल्थकेअर प्रोडक्ट्सवर आपले लक्ष केंद्रित करेल. उदा SENSODYNE, INO. OTRIVIN आणी CROCIN
• दुसरी बातमी होती फोर्टिस हेल्थकेअरमधील हॉस्पिटल डिविजन आणी फोर्टिस मलार आणी SLR डायग्नोस्टीक्स या कंपन्यात मणिपाल हॉस्पिटल्स मेजॉरीटी स्टेक घेण्याची होती. फोर्टिस हेल्थकेअर आपली हॉस्पिटलची साखळी डीमर्ज करून ती मणिपाल हॉस्पिटल्स मध्ये विलीन करेल. फोर्टिस हेल्थकेअर ब्रांड सुद्धा मणिपाल हॉस्पिटल्सकडे ट्रान्स्फर होईल. मणिपाल हॉस्पिटल SRL मध्ये मेजॉरीटी स्टेक घेईल.

या कॉर्पोरेट एक्शननंतर मणिपाल हॉस्पिटल्सचे लिस्टिंग होईल. आणी ती भारतातील सर्वात जास्त रेव्हेन्यू असलेली हॉस्पिटल सेवा पुरवणारी कंपनी होईल. फोर्टिस हेल्थकेअरच्या प्रत्येक शेअरहोल्डरला त्याच्या जवळ असलेल्या १०० फोर्टिस हेल्थकेअरच्या शेअर्स ऐवजी मणिपाल हॉस्पिटल्सचे १०.८३ शेअर्स मिळतील. हे डील पूर्ण झाल्यावर SRL ही मणिपाल हॉस्पिटल्सची सबसिडीअरी होईल. शेअर SWAP रेशियो फोर्टिसच्या शेअरहोल्डर्सना फायदेशीर नाही. म्हणून फोर्टिस हेल्थकेअरचा शेअर पडला. मणिपाल हॉस्पिटल्सचे प्रमोटर कंपनीमध्ये Rs ३९०० कोटी भांडवल आणतील. फोर्टिस हेल्थकेअर ही कंपनी त्यांच्यात आणी दाईइच्छी या जपानी कंपनी सोबत त्यांच्या असलेल्या विवादाने गाजत होती. मणिपाल हॉस्पिटल्सने फोर्टिस मलारच्या २६% स्टेकसाठी प्रती शेअर Rs ६४.४५ या भावाने ओपन ऑफर आणली आहे.
NCLT मध्ये गेलेल्या कंपन्यांच्या शेअर्समध्ये फायदा मिळेल अशी अपेक्षा धरू नका. या केसेसमध्ये ओपन ऑफर येत नाही. नेहेमी ज्या कंपनीचा उद्योग पूर्णतः किंवा अंशतः विकला जातो तो शेअर वाढतो कारण त्या कंपनीला पैसा मिळतो. पण NCLTमध्ये गेलेल्या कंपन्यांच्या बाबतीत मात्र जी कंपनी खरेदी करेल तिच्यात प्रगती  होण्याची  शक्यता असते. नेहेमीपेक्षा या केसेसमध्ये उलटा विचार करावा.
पुढील आठवड्यात पुढीलप्रमाणे प्रसंग लक्ष ठेवण्यासारखे आहेत.

• ५ एप्रिल रोजी RBI आपली द्विमासिक वित्तीय पॉलिसी जाहीर करेल.
• २ एप्रिल रोजी करडा कनस्ट्रकशन, संधार टेक्नोलॉजी याच्या शेअर्सचे लिस्टिंग होईल.
• ५ एप्रिल रोजी ICICI सिक्युरिटीजच्या शेअर्सचे लिस्टिंग होईल.

अर्थशास्त्र आणी गुंतवणूकदारांची भावना यांचा मेळ यावेळच्या IPO मध्ये बसला नाही त्यामुळे चांगले IPO येउनही ऑफर प्राईस जास्त असल्यामुळे फारसा प्रतिसाद मिळाला नाही.
बुधवारी वायदा एक्सपायरी होती. महिन्याची आणी आठवड्याची एक्सपायरी होती. टेक्निकल विश्लेषणाच्या दृष्टीने बुधवारचे क्लोजिंग महत्वाचे ठरेल. लॉंग वीक एंड आहे. त्यामुळे ट्रेडर्स पोझिशन कॅरी करणार नाहीत. कारण मार्केट सोमवारी कसे असेल हे माहीत नाही. नवीन पोझिशन कोणी घेत नाही. याला LACK ऑफ BUYING असे म्हणतात. १०१५० आणी १०२५० वर PUT रायटिंग दिसत आहे. पुट/ कॉल रेशियो १.१५ आहे.
२०१७-२०१८ हे साल हे काही अपवाद वगळता ट्रेडर्स आणी गुंतवणूकदारांना अमाप फायदा देऊन गेले. इतका फायदा की सरकारचे त्याकडे लक्ष जाऊन सरकारने लॉंग टर्म कॅपिटल गेन्स कर परत आणला. त्यामुळे शेअर मार्केटमध्ये मिळणाऱ्या फायद्यातील सरकारचा वाटा वाढला. 2018-२०१९ मध्ये आपल्याला शॉर्ट टर्म कॅपिटल गेन्स कराबरोबर LTCG वरही लक्ष ठेवावे लागेल. परंतु आपण आशा करू या की आपल्याला हा कर देऊनही पुरेसे प्रॉफीट मिळेल. तेव्हा या सर्व गोष्टींचा आपल्या शेअरमार्केटवरील व्यवहारावर परिणाम न होऊ देता लक्ष केंद्रित केले तर लक्ष्मी आपल्यावर प्रसन्न होईल. तेव्हा नवी विटी नवे राज्य नवे नियम सर्व लक्षात घेऊन आपण शेअर मार्केटमध्ये व्यवहार करू या. आणी यशस्वी होऊ या.
BSE निर्देशांक सेन्सेक्स ३२९६८ वर NSE निर्देशांक निफ्टी १०११३ वर आणी बँक निफ्टी २४२६३ वर बंद झाले.
 

आधीच्या आठवड्याचं समालोचन वाचण्यासाठी इथे क्लिक करा
मांजराचा होतो खेळ उंदराचा जातो जीव  – १९ मार्च २०१८ ते २३ मार्च २०१८
ज्या संकटाची भीती होती तेच संकट दत्त म्हणून समोर उभे ठाकले. काय होईल? काय होईल? हा विचार सतावत होता. त्याचवेळी वाईट बातम्यांची मालिका जणू काही सुरु झाली आहे. त्यामुळे मार्केटमधील पडझड थांबली नाही. पण ही पडझड कधीतरी थांबणार हे नक्की. यावेळी लोकसभेच्या अधिवेशनात काही निर्णय होतील असे वाटत होते. पण अधिवेशन आले तसेच संपले. आता ५१ राज्यसभेच्या जागांच्या निवडणुका आहेत. हवामानाच्या आणी मान्सून विषयीच्या अंदाजाकडे सर्वांचे लक्ष आहे. USA आणी चीनमध्ये ट्रेड वॉर छेडले गेले आहे. यामध्ये भारतीय अर्थव्यवस्थेची फरफट होण्याची शक्यता आहे.  त्यामुळे कमोडीटी मार्केटमध्ये ही प्रचंड VOLATILITY आहे. क्रूडचे दर सतत वाढत आहेत. रुपया सतत WEAK होत आहे.
आंतरराष्ट्रीय घडामोडी

• फेडने (USA ची सेन्ट्रल बँक) आपले दर ०.२५ बेसिस पाईंटने वाढवून १.५०% – १.७५% या मर्यादेत असतील असे जाहीर केले. तसेच २०१८ सालात व्याजदर आणखी तीनदा वाढवू असे जाहीर केले. त्याने USA च्या GDP तील वाढीविषयी आशादायक वक्तव्य केले आहे. तसेच २०१८च्या शेवटपर्यंत व्याजाचा दर २.९०% असेल असे जाहीर केले.
• USA चे अध्यक्ष ट्रंप यांनी चीनमधून आयात होणाऱ्या १३०० वस्तूंवर इम्पोर्ट ड्युटी लावली जाईल असे घोषित केले. चीनमधून US $ ६० बिलीयनची आयात होते त्यावर हे कर बसवले जातील. त्यामुळे USA मध्ये चीनमधून होणारी आयात कमी होईल. चीनने आपणही USA मधून आयात होणाऱ्या वस्तूंवर इम्पोर्ट ड्युटी बसवू असे सांगितले. USA च्या अध्यक्षांच्या या घोषणेनंतर जगातील सर्व मार्केट्स पडली.
• USA ने सुरु केलेल्या ट्रेड वॉरमुळे काही वस्तूंचे भारतात DUMPIMG होईल अशी भीती होती. पण चीनने आपल्या उत्पादनात कपात जाहीर केल्यामुळे ही भीती आता कमी झाली.
• USA मध्ये २ एप्रिलपासून ते १० सप्टेंबरपर्यंत H1B व्हिसा साठी अर्ज स्वीकारण्यात येतील असे जाहीर केले.
• कॉल सेंटर मधील लोकांना त्यांचे लोकेशन सांगावे लागेल असे बिल USA मध्ये येण्याची शक्यता आहे.
• ऑस्ट्रेलिया आणी जपानमधून जो भारतीय मान्सूनविषयी अंदाज व्यक्त केला जात आहे त्यामुळे घाबरण्याचे कारण नाही. या तज्ञांचे मत मान्सून सरासरीपेक्षा कमी पडेल असे होते. पण स्कायमेटच्या अंदाजानुसार मान्सून ठीकठाक असेल.

सरकारी अन्नौसमेंट

• मंत्रीमंडळाने ‘आयुष्मान भारत’ योजनेला मंजुरी दिली. याचा फायदा आयुर्विमा कंपन्यांना होईल.
• इराणमध्ये बासमती तांदळाची मागणी वाढल्यामुळे FY १८ मध्ये Rs २६००० कोटीची निर्यात होईल. याचा फायदा कोहिनूर फूड्स, दावत या कंपन्यांना होईल.
• सरकारने साखरेवरील एक्स्पोर्ट ड्युटी रद्द केली. याचा फायदा साखर उत्पादन करणाऱ्या कंपन्यांना होईल असे वाटले होते. पण आंतरराष्ट्रीय बाजारात साखरेचे दर किमान स्तरावर असल्यामुळे साखर निर्यात करणे फायदेशीर होणार नाही असे साखर उत्पादकांचे म्हणणे आहे.
• सरकारी हॉस्पिटल्सनी त्यांना लागणारी उपकरणे २५% ते ५०% पर्यंत भारतीय उत्पादक कंपन्यांकडून घेतली पाहिजेत असे सरकारने सांगितले. याचा परिणाम BPL, इंद्रप्रस्थ मेडिकल य़ा कंपन्यांवर होईल.
• ‘मेटा फिनाईन डायमाईन’ वरील ANTI DUMPING ड्युटी १ वर्षासाठी वाढवली. याचा फायदा सुमीत इंडस्ट्रीज आणी इतर फायबर उत्पादक कंपन्यांना होईल.
• सरकार लवकरच आपली हायड्रोपॉवर पॉलिसी जाहीर करेल. कंपनीने २०२७ पर्यंत प्लांट लावला तर सरकार Rs १६००० कोटी सबसिडी देईल. सरकार २०२२ पर्यंत २५ MV प्रोजेक्ट सुरु करेल.

RBI SEBI आणी इतर प्रशासनिक संस्था

• AXIS बँक कोणतीही GURANTEE ऑनर करीत नाही त्यामुळे टेलिकॉम क्षेत्रातील कंपन्यांनी AXIS बँकेची guarantee देऊ नये असे टेलिकॉम विभागाने कळवले आहे. टेलिकॉम विभागाच्या या ऑर्डर विरुद्ध बँकेने APPELLATE ऑथोरिटीचे दरवाजे ठोठावले.
• बिनानी सिमेंटसाठी डालमिया भारत आणी अल्ट्राटेक सिमेंट यांच्यात तणातणी निर्माण झाली आहे. दालमिया भारतच्या बाजूने बँकांनी आपला निर्णय घेतल्यावर अल्ट्राटेक सिमेंटने आपली ऑफर वाढवली आणी आम्ही बँकांचे सर्व कर्ज १००% फेडू असे सांगितले. पण यासाठी सेटलमेंट ऑऊट ऑफ NCLT व्हावी अशी इच्छा व्यक्त केली.
• सुप्रीम कोर्टाने जे पी असोसिएट्सला कोर्टात Rs २०० कोटी भरायला सांगितले आहेत. यातील Rs १०० कोटी ५ एप्रिलपर्यंत तर राहिलेले Rs १०० कोटी १५ मे २०१८ पर्यंत भरायचे आहेत.
• मिथेनॉलचे उत्पादन फक्त RCF आणी GNFC सारख्या कंपन्या करतात. सरकार मिथेनॉलच्या वापरासाठी उत्तेजन देत आहे.
• NCLT मध्ये ज्या कंपन्या गेल्या आहेत त्या कंपन्यांच्या शेअर्समधील ट्रेडिंगवर सेबी बंदी घालण्याचा विचार करत आहे. कारण NCLT मध्ये जी केस चालते त्याप्रमाणे शेअर्समध्ये खूप VOLATILITY आढळते.

खाजगी कंपन्यांच्या घडामोडी

• युनियन बँकेत Rs १३९४ कोटींचा घोटाळा उघडकीस आला.
• MCX मध्ये पितळ या धातूमध्ये वायदा सुरु झाला.
• शिल्पा मेडिकेअरच्या तेलंगणामधील प्लांटला USFDA ने EIR रिपोर्ट मिळाला.
• NBCC रस्ते बांधणीच्या क्षेत्रात पदार्पण करणार आहे
• इंडिगो या प्रवासी वाहतूक कंपनीच्या विमानाच्या इंजिनात बिघाड झाला असल्यामुळे कंपनीला त्यांची उड्डाणे रद्द करावी लागत आहेत.
• ITC ला दिल्ली येथील ‘हॉटेल पार्क हयात’ विकायला परवानगी मिळाली.
• कॅनरा बँकेत Rs ६८ कोटींचा घोटाळा उघडकीस आला म्हणून FIR दाखल केला.
• JSPL या कंपनीने १.०८ कोटी शेअर्स गहाण ठेवले.
• PNB ने हनुंग टॉइजच्या Rs २००० कोटींचे कर्जासाठी NCLT मध्ये केस दाखल केली.
• HOCL ही कंपनी आपली रसायनी येथील जमीन BPCL ला विकणार आहे.
• फ्युचर रिटेलमधील विदेशी निवेशाची मर्यादा २४% वरून ४९% केली.
• फेसबुकवरचा ५ कोटी लोकांचा डाटा लिक झाला.
• सिप्लाच्या गोवा युनिटची तपासणी USFDA ने 22 ते २५ जानेवारी २०१८ या काळात केली. त्यात त्रुटी आढळल्या. मुख्यत्वे औषधांच्या SAMPLE ची दरवर्षी तपासणी केली गेली नाही.
• १३ एप्रिल २०१८ रोजी इन्फोसिस आपले चौथी तीमाहि आणी वार्षिक निकाल जाहीर करेल.
• अशोक LEYLAND ला २१०० इलेक्ट्रिक बस बनवण्यासाठी तामिळनाडू ट्रान्सपोर्ट ऑथोरीटीज कडून Rs ३२१ कोटींची ऑर्डर मिळाली.
• टाटा मोटर्स ला FAME अंतर्गत १९० बसेसची ऑर्डर मिळाली.
• दिलीप बिल्डकोनला UP मधून Rs ८७१ कोटींची ऑर्डर मिळाली.

कॉर्पोरेट एक्शन

• IOC आणी BPCL या कंपन्या गेल मधील सरकारी ५४% स्टेक खरेदी करतील. यातून सरकारला Rs ४०००० कोटी मिळतील.
• MMTC चे २ शेअर्स आपल्याकडे असतील तर आपल्याला १ बोनस शेअर मिळेल.
• सरकार स्कूटर्स इंडिया मधील आपली हिस्सेदारी लवकरच विक्रीस काढील.
• सोना कोयो (फ्लोअर प्राईस Rs १०२) आणी आयनॉक्स विंड (फ्लोअर प्राईस Rs ११५) याची OFS सुरु झाली.
• JSPL ने QIP Rs २२७ प्रती शेअर या भावाने आणला. (QIP, OFS यांची सविस्तर माहिती माझ्या ‘मार्केट आणी मी’ या पुस्तकात दिली आहे.)
• ITI मधील सरकारचा २५% स्टेक विकण्याची परवानगी मिळाली.

या आठवड्यातील लिस्टिंग

• भारत डायनामिक्सचे लिस्टिंग Rs ३७० वर झाले. हा शेअर IPO मध्ये Rs ४१८ ला दिला होता.
• बंधन बँकेच्या शेअर्सचे लिस्टिंग २७ मार्च २०१८ रोजी होईल.
• हिंदुस्थान एअरोनॉटिक्सचा IPO LIC ने ऐनवेळी शेअर्ससाठी अर्ज केल्यामुळे कसाबसा पूर्ण सबस्क्राईब झाला.
• मिश्र धातू निगमचा IPO पूर्णपणे सबस्क्राईब झाला.

मार्केटने काय शिकवले
हनुंग टॉइजचा घोटाळा १० वर्षांनी उघडकीस आला. कॅनरा बँक, आंध्र आणी युनियन बँकेतील घोटाळे उघडकीस आले. त्यामुळे बँकिंग विशेषतः सरकारी बँकिंग क्षेत्रात घबराट निर्माण झाली. त्याचा परिणाम बँक निफ्टीवर झाला. अशा वातावरणात घोटाळा किती मोठा आहे याला महत्व उरत नाही.
क्रूडचा भाव US $ ६७ वर पोहोचला. मार्केट ओव्हरसोल्ड झोन मध्ये पोहोचले. ट्रेडर्स आणी गुंतवणूकदारांना खात्री नाही पण मार्केट थोडावेळ या स्तरावर घालवेल असे वाटते आहे. मार्केट खालच्या लेव्हलवर उघडले तर खरेदी करणे, वरच्या लेव्हलवर उघडले तर विक्री करणे आणी मार्केट सपाट उघडले तर काहीच करू नये. मार्केटमधील बदलाची दिशा समजेपर्यंत थांबणे इष्ट. निफ्टीसाठी १०००० ची लेव्हल महत्वाची आहे. निफ्टीची ही लेव्हल तुटली तर ९७०० पर्यंत खाली जाईल.
FMCG आणी CONSUMPTION क्षेत्राकडे लक्ष ठेवा. या क्षेत्रातील कंपन्यांचे तिमाही आणी वार्षिक निकाल चांगले येतील. त्यामुळे बाटा, इमामी, GSK कन्झ्युमर, गोद्ररेज कन्झ्युमर,नेस्ले, ब्रिटानिया, कोलगेट, ज्युबिलीयंट फूड्स, D मार्ट,मारुती, बजाज ऑटो या कंपन्यांच्या शेअर्सवर परिणाम होईल.
अलेम्बिक फार्माच्या गुजरातमधील ‘पानेलाव’ युनिटला USFDA ने फॉर्म नंबर ४८३ इशू केला. ३ त्रुटी आढळल्या. डाटा इंटिग्रीटीविषयी एकही त्रुटी आढळली नाही. या बातमीचा परिणाम म्हणून ट्रेडर्सनी शॉर्ट केले. पण शेअर पाहिजे तेवढा पडत नाही हे बघितल्यावर पोझिशन रिव्हर्स केल्या. त्यामुळे बातमी नुसती ऐकून किंवा वाचून नाहीतर चांगली समजावून घेवून आणी फंडामेंटल आणी तांत्रिक विश्लेषण लक्षात घेवून मगच निर्णय घ्यावा. त्याचबरोबर सपोर्ट आणी रेझिस्टन्सचाही विचार करावा.
फिअर आणी ग्रीड मीटरचा  उपयोग कसा करावा तर जर हे मीटर ३०-३२ च्या आसपास असेल तर ओव्हरसोल्ड झोन समझावा.  अशा ठिकाणी शॉर्ट करू नये. शॉर्ट केले असल्यास कव्हर करावे. हे मीटर ७० च्या पुढे असल्यास ओव्हरबॉट झोन समजावा म्हणजेच आता लवकरच करेक्शन होईल असे समजावे.
माझे आपल्याला सांगणे एवढेच की ज्या लोकांनी तेजीच्या वातावरणात मार्केटमध्ये प्रवेश केला त्याना हे करेक्शन पाहून भीती वाटते पण मार्केटच्या बाबतीत हे सर्व नैसर्गिक आहे. आपल्या पोर्टफोलीओमध्ये लॉस आहे म्हणून त्रास करत बसण्यापेक्षा मार्केटमधला बदल आपल्या बाजूने वळवा.जर पैशाची सवड असेल तर चांगले शेअर्स स्वस्तात विकत घेण्याची संधी आली त्याचा फायदा घ्या. मार्केटमध्ये चांगल्या भावाला विकण्याची संधी आली की विकावे आणी चांगल्या भावाला चांगले शेअर्स विकत घेण्याची संधी आली की विकत घ्या. एकूण काय संधीसाधू होणे फायद्याचे !
तसेच आपण आता आलेल्या काही सरकारी आणी बंधन बँक या IPO मध्ये अर्ज केला असेल तर लिस्टिंग जरी  खालच्या स्तरावर झाले तरी शक्य असले तर आपण काही दिवस थांबा मार्केटचा मूड सुधारला तर ह्या शेअर्सलाही चांगली किमत येईल.
सोमवार तारीख २६ मार्चपर्यंत विकल्यासच  LONG TERM CAPITAL गेन्स वरील करापासून सुटका होणार आहे  त्यानंतर ही विक्री थांबेल. यावेळचे तिमाही आणी वार्षिक निकाल चांगले येण्याची अपेक्षा आहे त्यामुळे मार्केट २७ मार्च २०१८ पासून हळूहळू सुधारेल अशी अशा करू या.
BSE निर्देशांक सेन्सेक्स ३२५९६ वर तर NSE चा निर्देशांक निफ्टी ९९९८ वर आणी बँक निफ्टी २३६७० वर बंद झाले.

आधीच्या आठवड्याचं समालोचन वाचण्यासाठी इथे क्लिक करा
नवा आरंभ नवा विश्वास हाच गुढीपाडव्याचा मंत्र खास – १२ मार्च ते १६ मार्च २०१८
मार्केटमध्ये अशांतता आहे, गोंधळाचे वातावरण आहे. दर दिवशी कोणती नवीन बातमी येऊन धडकेल हे सांगता येत नाही. जागतिक आणी राजकीय अशा दोन्ही तऱ्हेच्या बातम्यांचा मार्केटवर परिणाम होत आहे. मार्केट महाग झाले होते त्यामुळे आज ना उद्या  पडणार हे सर्वानांच माहीत होते. येऊ घातलेले ट्रेड वॉर, गोरखपूर आणी फुलपूर येथील निकाल, TDP ने NDA तून बाहेर पडण याचा घेतलेला निर्णय त्यामुळे राजकारण चांगले तापले आहे. गेली तीन वर्षे राजकारणात शांती होती. २०१९ च्या सार्वत्रिक निवडणुका जशा जशा जवळ येऊ लागल्या, तसतसे रणशिंग फुंकले जाऊ लागले आहे. मान्सून विषयीचे अनुमानही फारसे चांगले  नाही. त्यामुळे गुंतवणूकदार जपून पाऊले टाकत आहेत. त्याच बरोबर नोंनलीस्टेड शेअर्सवर LTCG करात काही सवलती दिल्यामुळे त्यांचा फायदा घेण्यासाठी IPO. QIP ची रांग लागली आहे.
आंतरराष्ट्रीय घडामोडी
USA ने झीन्ग्यांवर ANTI DUMPING ड्युटी वाढवली याचा परिणाम APEX फ्रोझन फूड्स, वॉटरबेस या कंपन्यांवर होईल. ट्रंप यांनी भारत आणी चीनला असा इशारा दिला की त्यांनी जर USA च्या मालावर ड्युटी बसवली तर USA तेवढीच जवाबी ड्युटी त्यांच्याकडून येणार्या मालावर बसवेल.
सरकारी अनौंसमेंट

• सरकार युरिया साठी DBT योजनेमार्फत सबसिडी चालू ठेवील. Rs १लाख ६४ हजार कोटी दिले जातील.
• वाहतुकीच्या कोंडीवर उपाय म्हणून सरकार CONJESTION चार्ज आकारणार आहे. ‘यातायात जाम शुल्क’असे याचे नाव असेल.

अर्थव्यवस्थेच्या गोष्टी

• जानेवारी २०१८ साठी IIP ७.५% झाला (डिसेंबर २०१७ साठी ७.१ % होता)
• फेब्रुवारी २०१८ मध्ये CPI मध्ये घट झाली. CPI ४.४४ % झाला.(जानेवारीत ५.०७ % होता.)
• WPI फेब्रुवारी २०१८ या महिन्यासाठी २.४८ % झाले.(जानेवारी २०१८ साठी २.८४% होते).
• भारताची निर्यात US $ २५.८ बिलियन झाली तर भारताची आयात US $ ३७.८ बिलियन झाली. त्यामुळे ट्रेड
• डेफिसीट US $ १२ बिलियन झाली. सोने आणी ऑटो यांची आयात कमी झाली.
• सेन्सेक्समधील ३० शेअर्सवर १९ मार्च २०१८ या तारखेपासून TRANSACTION चार्ज लागणार नाही.

RBI SEBI आणी इतर प्रशासनिक संस्था

• GST कौन्सिलची शनिवारी बैठक झाली. या बैठकीत निर्यातदारांना अनेक सवलती देण्यात आल्या. त्याच बरोबर मद्यार्कावरील GST वाढवला नाही. लायसेन्ससाठी GST ची गरज नाही असे सांगितले. GSTच्या बैठकीत १ एप्रिल २०१८ पासून EWAY बिल लागू करण्याचा निर्णय घेण्यात आला. रिअल इस्टेटला GST च्या कक्षेत आणण्याचा निर्णय तीन महिने पुढे ढकलण्यात आला. रीव्हर्स चार्ज यंत्रणा सुद्धा लागू करण्याचा निर्णय १ जुलै २०१८ पर्यंत पुढे ढकलला. सिगारेटवरील GST वाढवला नाही.
• RBI ने ज्या ज्या बँकांनी LOU आणी LOC दिले होते. अशा सर्व LOU आणी LOC चे स्पेशल ऑडीट करायला सांगितले. RBI ने बँकांवर LOU आणी LOC इशू करण्यावर बंदी घातली.
• RBI ने इंडसइंड बँक आणी भारत फायनांसियल इन्क्लुजन यांच्या मर्जरला परवानगी दिली.
• IBC अंतर्गत घर खरेदीदारांना UNSECURED CREDITORS चा दर्जा मिळेल.

 
खाजगी कंपन्यांच्या घडामोडी

• ट्रायडटची मध्यप्रदेशात Rs ७२०० कोटी खर्च करून विस्तार करण्याची योजना आहे.
• जेट एअरवेज एअर इंडियासाठी बोली लावण्याची शक्यता आहे.
• ऑरोबिंदो फार्माच्या प्लांटची USFDA ने १२ फेब्रुवारी २०१८ पासून तपासणी केली. यात डास आढळले. USFDA ने १२ त्रुटी दाखवल्या.
• आंध्र बँकेत स्टर्लिंग बायोटेक् या कंपनीच्या संबंधीत Rs ५००० कोटींचा घोटाळा उघडकीला आला.
• PNB मधील घोटाळा आता Rs १३००० कोटींवर पोहोचला.
• स्पाईस जेटने SAFRAN या कंपनीबरोबर इंजिन बनवण्यासाठी आणी इतर सर्व्हिसेससाठी करार केला.
• स्टेट बँक ऑफ इंडिया ने मिनिमम AVAREGE BALANCE साठी चार्ज लावण्याच्या दरात ७५% कपात केली.
• BPCL ने सरकारला असे सांगितले की ‘GAIL’ बरोबर त्यांचे मर्जर अधिक सोयीस्कर होईल.

कॉर्पोरेट एक्शन

• रेणुका शुगरमध्ये विल्मर शुगर २६% स्टेक घेत आहे. २६% स्टेक साठी प्रती शेअर Rs १६.२९ या भावाने ओपन ऑफर येईल.
• कोल इंडियाने Rs १६.५० प्रती शेअर तर वेदांताने प्रती शेअर Rs २१.५० आणी हिंदुस्थान झिंकने प्रती शेअर Rs ६ प्रती शेअर अंतरिम लाभांश जाहीर केला.
• टाटा सन्स ने टी सी एस मधील १.०८% स्टेक Rs २८७२ ते Rs २९२५ प्रती शेअर या भावाने विकला.
• MMTC ची बोनस इशू वर विचार करण्यासाठी १९ मार्च २०१८ रोजी बोर्ड ऑफ डायरेक्टर्स ची बैठक बोलावली आहे.
• येस बँक फोर्टिस हेल्थकेअर या कंपनीमध्ये १७.३१% स्टेक होल्ड करत आहे. हे शेअर्स कंपनीने बँकेकडे गहाण ठेवले होते.

या आठवड्यात येणारे IPO

• भारत डायनामिक्सचा IPO एकूण १.३० वेळा तर रिटेल पोर्शन १.४१ वेळा ओव्हरसबस्क्राईब झाला.
• हिंदुस्थान एअरोनॉटिक्स या सार्वजनिक क्षेत्रातील सरकारी कंपनीचा IPO तारीख १६ मार्च ते २० मार्च २०१८ या दरम्यान ओपन राहील. याचा प्राईस BAND Rs १२१५ ती Rs १२४० असून मिनिमम लॉट १२ शेअर्सचा असून किरकोळ गुंतवणूकदारांसाठी Rs २५ सूट ठेवली आहे.
• ICICI सिक्युरिटीज या कंपनीचा IPO पुढील आठवड्यात येणार आहे. प्राईस BAND Rs ५१९- Rs ५२० ठेवला आहे. २२ मार्च २०१८ ला ओपन होऊन २६ मार्च २०१८ला बंद होईल. मिनिमम लॉट २८ शेअर्सचा आहे.
• मिश्र धातू निगमचा IPO येत आहे. प्राईस BAND Rs ८७ ते Rs ९० आहे. किरकोळ गुंतवणूकदारांना Rs ३ सूट ठेवली आहे. मिनिमम लॉट १५० चा आहे.
• HDFC AMCने IPO साठी अर्ज केला.
• संधार टेक्नोलॉजी हा IPO १९ मार्च २०१८ पासून ते २१ मार्च २०१८ दक़्र्म्यान ओपन राहील. याचा प्राईस BAND Rs ३२७ ते Rs ३३२ आहे. मिनिमम लॉट ४५ शेअर्सचा आहे.

मार्केटने काय शिकवले
अडचणींचे गुऱ्हाळ आहे त्यातून मार्ग काढला पाहिजे. ज्या शेअर्सचा संबंध राजकारण किंवा जागतिक अर्थकारणाशी कमी आहे असे शेअर्स शोधता येतील. किंवा चांगल्या गुणवत्तेचे शेअर्स योग्य भावात मिळत असतील तर ते विकत घेण्याची संधी आहे. हे लक्षात घेऊन थोड्या थोड्या प्रमाणात खरेदी करावी. मंगळवारी मार्केटमध्ये प्रत्यक्षात खूपच volatility होती पण VIX मध्ये फरक नव्हता. FII आणी DII ची खरेदी दिसली पण आकडेवारीचा विचार करता असे दिसले की टाटा सन्सने टी सी एस चे जे शेअर्स विकले ते मार्केटने खरेदी केले.म्हणून VOLATILITY असूनही VIX मध्ये फरक पडला नव्हता. गुढीपाडवा हा साडेतीन मुहूर्तापैकी एक जवळ आल्याने लोक ह्या मुहूर्तावर खरेदी करतात. यावर्षी ‘ट्रेडर्स’ बनावे लागेल. कारण मार्केटमध्ये स्पष्ट असा ट्रेंड नाही, फायद्याचे प्रमाण कमी ठेवावे लागेल. कोणतीही फिक्स्ड पोझिशन धरून ट्रेड होणार नाही, लवचिकता ठेवली पाहिजे.‘पुढच्यास ठेच मागचा शहाणा’ या म्हणीनुसार गोरखपूर आणी फुलपूर च्या निकालांवरून काही निरीक्षण करून त्याच चुकांची पुनरावृती होणार नाही अशा प्रकारचे धोरणात बदल केले जातील. अधिक सावधगिरीने पावले उचलली जातील अशी मार्केट्ची अपेक्षा आहे. या पोटनिवडणुकांचा प्रत्यक्ष परिणाम दिसत नसला तरी तरी मार्केटने ५०० पाईंट पडून लाल बावटा दाखवला आहे. बघू या मार्केट पुढे पुढे कसे वळण घेते ते ! कितीही नागमोडी वळणे असली तरी आपले ध्येय लक्ष्मीला घेऊन येणे हेच आहे. शेवटी यशाची गुढीच माणसाला सुख समाधान समृद्धी देते. सर्व वाचकांना आणी हितचिन्तकांना गुढीपाडव्याच्या शुभेच्छा
BSE निर्देशांक सेन्सेक्स ३३१७६ NSE निर्देशांक निफ्टी १०१९५ वर तर बँक निफ्टी २४४८९ वर बंद झाले.
 
 

आधीच्या आठवड्याचं समालोचन वाचण्यासाठी इथे क्लिक करा
स्वच्छता अभियान शेअर मार्केटमध्ये – ५ मार्च ते ९ मार्च २०१८
ब्राझील, मेक्सिको, युरोप हे देश USA ला स्टील आणी अल्युमिनियम पुरवतात. USA चे अध्यक्ष ट्रम्प यांनी स्टीलवर २५% आणी अल्युमिनियमवर १०% इम्पोर्ट ड्युटी लावली. यामधून मेक्सिको आणी कॅनडा यांना सूट दिली’ .याचा सर्वात जास्त परिणाम चीनवर होईल असे दिसते. यामुळे जगात सर्वत्र ट्रेड वॉर छेडले जाईल अशी भीती व्यक्त केली जात आहे. पण त्याचवेळी क्रूडचे भाव कमी होऊ लागले. पुट/कॉल रेशियो १.३८ वरून १.२९ झाला. त्याच बरोबर BJP चा त्रिपुरा, मेघालय,आणी NAGALAND मधील विजय महत्वाचा आहे. रुपया १९ पैसे मजबूत झाला. सध्या मार्केट PNB घोटाळ्याच्या छायेखाली असल्यामुळे कोणत्याही सकारात्मक गोष्टीला फारसा प्रतिसाद देत नाही.
आंतरराष्ट्रीय घडामोडी

• भारतातून USA ला २% स्टील निर्यात होते. त्यामुळे ट्रंप यांनी लावलेल्या इम्पोर्ट ड्युटीच्या परिणामाची काळजी नाही. पण चीन, जपान येथून USA मध्ये जाऊ न शकलेले स्टील आणी अल्युमिनियम यांचे भारतात ‘DUMPING’ होण्याची शक्यता आहे. जर NAFTA (नॉर्थ अमेरिकन फ्री ट्रेड AGREEMENT) झाले तर ट्रंप आपल्या इम्पोर्ट ड्युटी बसवण्याच्या निर्णयाचा फेरविचार करण्याची शक्यता आहे
• चीनने आपल्या GDP वाढीचे लक्ष्य वर्ष २०१८ साठी ६.५% निश्चित केले.
• आंतरराष्ट्रीय मार्केटमध्ये तांदुळाच्या किमती US $ ३ ते US $ ५ ने वाढल्या आहेत. थायलंड, फिलिपाईन्स, येथे तांदुळाचे उत्पादन फारसे चांगले झाले नाही. याचा फायदा KRBL,कोहिनूर फूड्स, चमनलाल सेठी, आणी LT फूड्स यांना होईल. GST कौन्सिल निर्यातदारांच्या अडचणी सोडवणार आहे.

सरकारी अनौंसमेंट 

• चण्यावर इम्पोर्ट ड्युटी ४०% वरून ६०% केली. याचा परिणाम अडाणी एन्टरप्राईझेस आणी गोदरेज अग्रोव्हेट कंपन्यांवर होईल.
• रिफाईनड पाम ऑईलवर ३०% असलेली इम्पोर्ट ड्युटी  वाढवून  ४४% केली .याचा परिणाम ब्रिटानिया कंपनीवर होईल. त्यामुळे कच्च्या मालावरचा खर्च वाढेल.
• IDBI बँक ‘टर्नअराउंड’ करण्याचे प्रयत्न चालू आहेत. IDBI ही राष्ट्रीयीकृत बँकेच्या अंतर्गत येत नाही. IDBI ACT या वेगळ्या कायद्याखाली तिचे गठन झाले आहे. या ACT च्या नियमांतर्गत तिचे काम चालते. प्रोजेक्ट ‘निश्चल’ च्या अंतर्गत सर्व NPA  PE फर्म्सना विकले जातील. काही मालमत्तेचे मॉनेटायझेशन केले जाईल. ही सर्व प्रक्रिया पूर्ण झाल्यावर सरकारी स्टेक विकताना सरकारला चांगला भाव प्रती शेअर मिळेल.
• सरकारने Rs ५० कोटीपेक्षा जास्त कर्जासाठी अर्ज करायचा असेल तर पासपोर्ट असणे अनिवार्य केले.
• PNB आपले नॉनकोअर ASSET विकू शकते. PNB चे आर्थिक फंडामेंटल मजबूत आहेत अशी ग्वाही अर्थमंत्र्यांनी दिली.
• सरकार साखरेवरील एक्स्पोर्ट ड्युटी रद्द करण्याच्या विचारात आहे. तसेच साखरेवर सेस लावण्याचा सरकार विचार करत आहे.
• स्पेक्ट्रम कॅप २५% वरून ३५% करणार आहेत. याचा फायदा आयडीया आणी वोडाफोन यांच्या मर्जरमध्ये होईल. स्पेक्ट्रम पेमेंटचा अवधी १० वर्षावरून १६ वर्षे केला.
• सरकारकडून १०००० EV बसेसची ऑर्डर दिली जाणार आहे. याचा फायदा अशोक LEYLAND, महिंद्र & महिंद्र यांना होईल.
• सरकार नवीन आरबिट्रेशन सेंटर आणी आरबीट्रेशन प्रमोशन कौन्सिल बनवण्याचा विचार करत आहे.
• २३ मार्च २०१८ पासून राज्यसभेच्या निवडणुकांना सुरुवात होईल. जर राज्यसभेत NDA च्या जागा वाढल्या तर राज्यसभेत बहुमत नसल्यामुळे जे ठराव पास होऊ शकत नव्हते ते आता मार्गी लागतील असे वाटते.
• सरकार आणखी १० राष्ट्रीय महामार्ग TOT योजनेखाली खाजगी क्षेत्राला देऊन Rs ६६०० कोटी उभारण्याचा विचार करत आहे.
• सरकारने FITCH या आंतरराष्ट्रीय रेटिंग एजन्सीला भारताचे सॉवरीन रेटिंग वाढवण्याची विनंती केली आहे. देशाचे सुधारलेले ‘MACROECONOMIC INDICATORS’ आणी देशात केलेले STRUCTURAL रीफोर्म्स यासाठी लक्षात घेण्याची विनंती केली आहे.

RBI,सेबी आणी इतर प्रशासनिक संस्था.

• RBI ने AXIS बँकेने NPA च्या नियमांचे काटेकोर पालन केले नाही म्हणून Rs ३ कोटी दंड केला.
• RBI अर्थव्यवस्थेमध्ये Rs १ लाख कोटी टाकणार आहे यामुळे बँकिंग क्षेत्रात लिक्विडीटी वाढेल.
• SFIO ने (SERIOUS FRAUD INVESTIGATION OFFICE) AXIS बँक आणी ICICI बँकेच्या CEO अनुक्रमे शिखा शर्मा आणी चंदा कोचर यांना PNB घोटाळ्यात चौकशीसाठी बोलावले आहे. ICICI बँकेचे गीतांजली जेम्स मध्ये ८% एक्स्पोजर आहे. तर या घोटाळ्यातील पैशाचा माग काढण्यासाठी AXIS बँकेला बोलावले आहे.
• दिल्ली मेट्रोच्या बाबतीत Rs ३५०० कोटी रकमेची केस आरबीट्रेशन मध्ये रिलायंस इंफ्राने जिंकली. सुप्रीम कोर्टाने दिल्ली मेट्रोला एस्क्रो अकौंटमध्ये Rs ३५०० कोटी जमा करण्यास सांगितले.
• टाटा मोटर्सचे तिमाही निकाल अधिकृतरीत्या जाहीर होण्याच्या आधी WHATAPPS वर जाहीर झाले याबाबत चौकशी करण्यासाठी सेबीने कंपनीला नोटीस पाठवली आहे.
• RBI सरकारला १ एप्रिल २०१८ पर्यंत Rs १०००० कोटी लाभांश देईल.
• CCI (कॉम्पीटीशन कमीशन ऑफ इंडिया) ने जेट एअरवेजला Rs ३९ कोटी. स्पाईस जेटला Rs ५.१ कोटी तर इंटरग्लोबला ९.४ कोटी दंड लावला.
• रिलायंस जीओला त्यांचे टॉवर, स्पेक्ट्रम आणी टेलिकॉम इन्फ्राचे ASSET विकण्यासाठी CCI ने परवानगी दिली.
• भारती एअरटेल आणी टेलेनॉर यांच्या मर्जरला परवानगी मिळाली.
• RBI ने इक्विटासवर परवानगीशिवाय काही फायनांसियल प्रोडक्ट्स विकून लायसन्सच्या अटींचे उल्लंघन केल्याबद्दल Rs १० लाख दंड बसवला.
• हायकोर्टाची परवानगी घेतल्याशिवाय RCOM आपले ASSET विकू शकणार नाही.
• NPA च्या बाबतीत केलेल्या नव्या नियमांमुळे NPA मध्ये वाढ होईल असा अंदाज ‘ICRA’ ने वर्तवला आहे.
• ट्री हाउस या कंपनीमध्ये सेबीला काही घोटाळा आहे असा संशय आहे.
• कॅपिटल फर्स्ट आणी IDFC बँकेच्या मर्जरला परवानगी मिळाली.
• SEBI ने ALGO SCAM संबंधात NSE ने केलेला कन्सेंट अर्ज परत केला. या प्रकरणाची सखोल चौकशी करू असे सांगितले. यामुळे NSE ची IPO आणण्याची योजना लांबणीवर पडली.
• भूषण स्टील खरेदी करण्याच्या टाटा स्टीलच्या प्रस्तावाला आणी बिनानी सिमेंटच्या ASSET साठी दालमिया भारतच्या प्रस्तावाला कर्जदार बँकांनी संमती दिली. अर्थात त्यासाठी आवश्यक ती मंजुरी योग्य ऑथोरीटीजकडून घ्याव्या लागतील.
• IOC ची बोनससाठीची रेकोर्ड डेट १७ मार्च २०१८ आहे.

खाजगी कंपन्यांच्या घडामोडी

• USFDA ने ऑरोबिंदो फार्माच्या हैदराबाद येथील युनिट 4 चे इन्स्पेक्शन केले. ९ त्रुटी दाखवल्या. फॉर्म नंबर ४८३ इशू केला. या त्रुटी साफसफाई, मेंटेनन्स,ट्रेनिंग यांच्याशी संबंधीत आहेत.
• USFDA ने तेलंगणातील DR REDDI’S च्या मेडक युनिटसाठी फॉर्म ४८३ इशू केला आणी ५ त्रुटी दाखवल्या.
• लॉरेन्स LAB च्या युनिटच्या इन्स्पेक्शन मध्ये काहीही त्रुटी आढळल्या नाहीत.
• नोव्हार्तीस या कंपनीला Rs १९८२ कोटी कर परतावा मिळाला.
• सरकारने फोर्टिस रेलीगेरे प्रकरणात कडक कारवाई करण्याचे ठरवले आहे. SFIO ने ९ मार्च २०१८ पर्यंत सर्व कागदपत्रे सादर करण्यास सांगितले आहे. ३० मार्च नंतर फोर्टिस चा शेअर F& O मध्ये असणार नाही असे कळवले.
• दिलीप बिल्डकॉन या कंपनीला कर्नाटक राज्यात Rs ४४८३ कोटींची ऑर्डर मिळाली.
• USFDA ने सन फार्माच्या हलोल प्लांटचे १२ फेब्रुवारी ते २३ फेब्रुवारी २०१८ या दरम्यान इन्स्पेक्शन केले. SAMPLING, क्लिनिंग, टेस्टिंग या बाबतीत त्रुटी आढळल्या आहेत. या दुरुस्त करण्यासाठी ४ ते ६ महिने लागतील. पुन्हा इन्स्पेक्शनची गरज नाही असे कळवले.
• USFDA ने WANBURY च्या आंध्र युनिट मध्ये ६ त्रुटी दाखवल्या.
• रिलायंस जियोला श्रीलंका, भारत, आणी बांगलादेश यातील T-20 सामने प्रसारित करण्याचे हक्क मिळाले.
• ज्युबिलियंट फूड्स या कंपनीने डॉमिनो’ज पिझ्झा विकण्यासाठी बांगला देशातील ‘ गोल्डन हार्वेष्ट’ या कंपनी बरोबर करार केला.
• युनियन बँक Rs ५९६४ कोटींचे तर IFCI Rs १३६६८ कोटींचे NPA विक्रीस काढत आहे.
• टाटा मोटर्सचे ऑटोविक्रीचे आकडे खराब आले.
• FACT या सरकारी क्षेत्रातील खत उत्पादन करणाऱ्या कंपनीला सरकार Rs १९१० कोटींचे PACKAGE देण्याची शक्यता आहे. या कंपनीची Rs १७१६ कोटींची मार्केट कॅप आहे. या कंपनीला असलेले कर्ज व्याजासकट माफ केले जाण्याची शक्यता वर्तवली जात आहे. ही कंपनी ६५१ एकर जमीन विकण्याची शक्यता आहे.
• अल्ट्राटेक सिमेंट आणी टीमलीज या कंपन्यातील विदेशी निवेशाची मर्यादा वाढवली.
• कोल इंडियाच्या कॅश प्राईस आणी फ्युचर मध्ये जो डीस्काउंट चालू आहे त्यावरून सर्वजण कंपनी Rs २० प्रती शेअर अंतरिम लाभांश जाहीर करेल असा अंदाज व्यक्त करत आहेत.
• NBCC सुद्धा अंतरिम लाभांश देण्याची शक्यता आहे.
• ONGC आंध्र प्रदेशात KGONN मध्ये ३ तेल विहिरी खणणार आहे.
• सन फार्माच्या पोंटा साहिब या युनिटला डच रेग्युलेटरी ऑथोरीटीने GMC (GOOD MANUFACTURING CERTIFICATE) दिले
• दालमिया भारत आणी अल्ट्राटेक दोघेही बिनानी इंडस्ट्रीजचे ASSET खरेदी करण्याच्या स्पर्धेत आहेत. त्यामुळे दालमिया भारत पुन्हा बोली वाढवेल असा अंदाज आहे. अल्ट्राटेकने आधीच आपली बोली वाढवली आहे.
• भेलला Rs ११७०० कोटींची 2400 MW पॉवर प्लांट उभारण्यासाठी EPC ऑर्डर मिळाली

 
कॉर्पोरेट एक्शन

• IOC ची बोनससाठीची रेकोर्ड डेट १७ मार्च २०१८ आहे.
• अलेम्बिक फार्मा ची ‘BUY BACK’वर विचार करण्यासाठी १२ मार्च २०१८ रोजी बोर्ड ऑफ डायरेक्टर्सची बैठक बोलावली आहे.
• वेदान्ता आणी ONGC या कंपन्यांनी अंतरिम लाभांश देण्यावर विचार करण्यासाठे १३ मार्च २०१८ रोजी बोर्ड ऑफ डायरेक्टर्स ची बैठक बोलावली आहे.
• BASF ही बायर इंडियाचा भाज्यांच्या बी बियाणांचा बिझिनेस खरेदी करणार आहे.
• HEINEKEN ही डच कंपनी विजय मल्ल्याने गहाण न ठेवलेले युनायटेड ब्रुअरीजचे ४.२७ कोटी शेअर्स प्रती शेअर Rs १०६० या भावाने Rs ४३३१ कोटींना खरेदी करणार आहे. यामुळे या कंपनीचा युनायटेड ब्रुअरीजमध्ये ५८.२% स्टेक होईल.

नजीकच्या भविष्यात येणारे IPO 

• बंधन बँकेचा IPO १५ मार्च २०१८ ते १९ मार्च २०१८ या दरम्यान येईल. य IPO चा प्राईस BAND Rs ३७० ते Rs ३७५ आहे. बँक या IPO द्वारा Rs ४५०० कोटी उभारेल.
• भारत डायनामिक्स या सरंक्षण क्षेत्रातील सरकारी कंपनीचा IPO १३ मार्च ते 15 मार्च पर्यंत ओपन असेल. या IPO चा प्राईस BAND Rs ४१३ ते Rs ४२८ असून मिनिमम लॉट ३५ शेअर्स चा आहे. किरकोळ गुंतवणूकदारांसाठी Rs १० सूट आहे. या कंपनीतील स्टेक विक्रीतून सरकारला Rs ९६० कोटी मिळतील.

या आठवड्यातील लिस्टिंग

• HG इन्फ्रा या कंपनीच्या शेअरचे Rs २७० ला लिस्टिंग झाले.
• ताराचंद लॉजिस्टिक्स चा IPO १३ मार्च ते १५ मार्चच्या दरम्यान ओपन होईल.

मार्केटने काय शिकवले
काही काही बातम्यांचा परिणाम तात्पुरता असतो. किंवा भावनिक असतो. ती शेअर्स खालच्या भावाला खरेदी करण्यासाठी आलेली संधी असते. USA च्या अध्यक्षांच्या सर्वच योजना त्यांच्याच पक्षात त्याना पाठींबा मिळाला नाही तर मागे घेतल्या जातात त्याच प्रमाणे मद्यार्क आणी सिगारेट यांच्या सेवनावर बंदी आणली तरी त्याचा फारसा परिणाम संबंधीत शेअर्सवर होत नाही. कारण लोकांचे व्यसन सहजासहजी सुटत नाही किंवा त्यांना सोडायचे नसते. हरयाणा सरकारने मद्यार्कावरील एक्साईज ड्युटी वाढवली, १८ वर्षाखाली वय असणाऱ्या व्यक्तीला मद्यार्काची विक्री करू नये असाही संकेत आहे. या सगळ्याचा परिणाम म्हणून शेअर्स पडतात पण तात्पुरते.
मंगळवार तारीख ६/०३/२०१८ रोजी जी पडझड मार्केट मध्ये झाली त्यानंतर US $ कमजोर झाला. त्यामुळे अर्थातच रुपया मजबूत झाला. पुट/कॉल रेशियो १.१४ झाला.
२०१७ चे संपूर्ण वर्ष मार्केटच्या दृष्टीने ‘पोलिटिकल इअर’ म्हणावे लागेल. विधानसभांचे निकाल, २०१९ च्या निवडणुकीच्या आधी कोण पक्षात राहतो. कोण पक्षातून जातो, कोण कोणत्या आघाडीत राहतो कोण बाहेर पडतो यातूनच मार्केटला ट्रिगर मिळत आहेत. सध्या कर्नाटक राज्यातील निवडणुकांची हवा आहे. त्याचबरोबर USA च्या अध्यक्ष ट्रंप यांच्या धोरणात्मक घोषणा आणी त्यांना जगभरातील देशांतून मिळणारा प्रतिसाद यांचे पडघम आंतरराष्ट्रीय स्तरावर खूपच हालचाल निर्माण करीत आहेत. गारुड्याची पोतडी उघडली की एक एक अनोळखी आणी विस्मयकारक गोष्टी बाहेर येतात त्याप्रमाणे एका मागून एक FRAUD चे मामले बँकिंग क्षेत्रातून बाहेर येत आहेत. असे वाटते की एकदाच काय ते सर्व घोटाळे बाहेर येऊ देत म्हणजे बँकिंग क्षेत्र किती तकलादू पायावर उभे आहे ते कळेल. विना घोटाळा कंपन्यांचे शेअर्स स्वस्त मिळाले तर गुंतवणूकदार ते पटकन खरेदी करतील.
BSE निर्देशांक सेन्सेक्स ३३३०७ वर तर NSE निर्देशांक निफ्टी १०२२६ वर तर बँक निफ्टी २४२९६ वर बंद झाले.
 

आधीच्या आठवड्याचं समालोचन वाचण्यासाठी इथे क्लिक करा
होलीकोत्सवातून वसंतोत्सवाकडे शेअर मार्केट – 26 फेब्रुवारी २०१८ ते २ मार्च २०१८
हा आठवडा होळीचा, वेगवेगळ्या रंगात न्हाऊन निघण्याचा पण मार्केटला लाल रंग पसंतीला आला असे दिसते. लाल रंगाला हिरव्या रंगाची किनार असे दृश दिसते. एकटा हरतो तेव्हा  दुसरा जिंकतो. जो जिंकतो त्याला उत्तेजन मिळते. केलेल्या प्रयत्नाला यश मिळाले असे वाटते. जो हारतो त्याने आत्मपरीक्षण करण्याची ही वेळ असते. मार्केट लाल रंगात आल्याशिवाय लोकांना शेअर्स स्वस्तात कसे मिळतील मार्केट तेजीत असते तेव्हा करेक्शनची वाट बघतात. करेक्शन आले की दुःखी होतात. पण दुःखामुळे सुखाची किमत कळते.
आंतरराष्ट्रीय घडामोडी

• USA मध्ये BOND YIELD २.८७% झाले. थोडी नरमी आली. फेडचे नवीन अध्यक्ष जेरोम पॉवेल यांनी पुढील वर्षात तीन वेळा रेट वाढवू असे जाहीर केले. चौथ्या वेळेला रेट वाढवण्याची गरज आहे का ? हे ही विचारात घेऊ आणी जरूर वाटली तरच रेट वाढवू असे सांगितले. पॉवेल यांच्या या भाषणानंतर BOND YIELD २.९२ झाले.
• सौदी अरेबियाच्या पंतप्रधानांबरोबर रीफायनरीजमध्ये स्टेक घेण्याविषयी चर्चा झाली याचा फायदा TNPL, मनाली पेट्रो यांना होईल. सौदी आरामको या ऑईल आणी GAS क्षेत्रातील सौदी अरेबियन कंपनीचा IPO येणार आहे.
• मूडी’जने २०१८ या आर्थिक वर्षात भारताच्या GDP ग्रोथचे ७.६% अनुमान केले आहे.
• ऑस्ट्रेलियन एजन्सीने केलेले भारतातील मान्सून विषयी चांगले अनुमान केले आहे.

सरकारी अन्नौंसमेंट

• GAS डीस्ट्रीब्युशनसाठी ८६ क्षेत्रांचा लिलाव होणार आहे. याचा परिणाम IGL, MGL, GAIL, गुजराथ GAS या कंपन्यांवर होईल.
• बायोफ्युएल विषयी सरकार विचार करत आहे याचा फायदा प्राज इंडस्ट्रीज, इंडियन ग्लायकोल या कंपन्यांवर होईल.
• सरकारने सेवा क्षेत्रातील १२ सेवांना उत्तेजन देण्याचे ठरवले असून त्यासाठी Rs ५००० कोटींची तरतूद केली आहे.
• भारताची २०१७ -२०१८ च्या तिसर्या तिमाही मध्ये ७.२% GDP ग्रोथ झाली. शेती आणी बांधकाम क्षेत्रात समाधानकारक प्रगती झाली. उत्पादनात १२% ग्रोथ झाली.
• भारताची फिस्कल डेफीसीट २०१७-२०१८ च्या लक्ष्यापेक्षा ११३.७% झाली.एप्रिल ते जानेवारी या काळासाठी फिस्कल डेफीसीट Rs ६.७७ लाख कोटी झाली.
• ऑस्ट्रेलियातील सिडनेस्थित MACQUARIE या कंपनीने NHAIच्या आधिपत्याखालील ९ हायवेज TOT योजने खाली Rs ९६८१ कोटींना घेण्याची ऑफर दिली.

RBI सेबी आणी इतर प्रशासनिक संस्था

• फायनांसियल इंटेलिजन्स युनिटने ९४९१ हाय रिस्क NBFCची यादी जाहीर केली.
• बँकांच्या नॉस्ट्रो अकौंटची माहिती सरकारने अलाहाबाद बँक, कॅनरा बँक यांच्याकडून मागवली आहे. बँकांच्या परदेशात असणाऱ्या शाखांविषयी माहिती मागवली आहे.सरकारने बँकांच्या परदेशातील ३५ शाखा बंद करण्याचा तर ६९ शाखाची तपासणी करण्याचा आदेश दिला आहे. ५० कोटींपेक्षा जास्त रक्कम असलेल्या NPA ची चौकशी घोटाळा असण्याच्या शक्यतेसाठी करायला सांगितली आहे. यामध्ये IBC मध्ये केस दाखल केलेल्या NPA  अकौंटचा समावेश असेल. यात RBI ने NPAच्या रिस्क व्यवस्थापनाविषयी १५ दिवसात बँकेने निर्णय घ्यावा असे सांगितले आहे. जर कोणत्याही NPAच्या बाबतीत प्रमोटर्स वा बँकेचे वरिष्ठ व्यवस्थापन सामील आहे असे दिसले तर त्याची माहिती CBI, ED आणी DRI यांना दिली पाहिजे. तसेच बँकेच्या वरिष्ठ व्यवस्थापनाची जबाबदारी या बाबतीत निश्चित करायला सांगितली आहे. ह्या सर्व कारवाईमुळे रिझोल्युशन प्रोसेसला बाधा न येता ती पुढे चालू राहील. याच बाबतीत पुढची पायरी म्हणून मंत्रिमंडळाने फ्युजीटीव्ह ऑफेंडर बिलास मंजुरी दिली.
• एअरसेल या मोबाईल क्षेत्रातील कंपनीने IBC कडे INSOLVENCY साठी अर्ज दाखल केला. SBIने या कंपनीला Rs ५००० कोटींचे कर्ज दिले आहे.
• सेबीने HDFC बँकेला त्यांच्या WHATSAPP वर बँकेचे निकाल जाहीर होण्यापूर्वी दिलेल्या बँकेच्या निकालाविषयी चौकशी करण्याचे आदेश दिले तसेच जे दोषी आढळतील त्यांच्याविरुद्ध कारवाई करण्यास आणी भविष्यात असे प्रकार टाळण्यासाठी सिस्टीममध्ये योग्य ते बदल करायला सांगितले.
• RIL आणी BP यांच्या JV ला डायरेक्टर ऑफ जनरल हायड्रोकार्बन या सरकारी संस्थेने KG बेसिनमध्ये तीन नैसर्गिक वायू डीसकव्हरीच्या सेटमध्ये US $ ४ बिलियन गुंतवणूक करायला मंजुरी दिली

खाजगी कंपन्यांच्या घडामोडी

• ग्रासिम या कंपनीच्या भरूच येथील प्लांट आणी त्याच्या विस्ताराला पर्यावरणाची मंजुरी मिळाली.
• आयकर विभागाने SPARC या कंपनीला २०१४-२९१५ या वर्षासाठी Rs २३ कोटींची नोटीस पाठवली.
• ए टू झेड या कंपनीने STANDARD CHARTERED बरोबरची केस Rs ३४५ कोटींऐवजी Rs १८५ कोटी देऊन मिटवली.
• स्टरलाईट टेक्नोलॉजी या कंपनीला नौसेनेकडून Rs ३५०० कोटींची ऑर्डर मिळाली.
• EION आणी JSW स्टीलने मॉनेट इस्पात ही कंपनी खरेदी केली. त्यासाठी आवश्यक असलेल्यी मजुरी मिळाल्यावर ते डील फायनल होईल.
• PFC ने UP पॉवर कंपनीबरोबर Rs ५०२०० कोटी रुपयाच्या कर्जासाठी करार केला.
• रेड्डीजच्या श्रीकाकुलम प्लांटचे इन्स्पेक्शन USFDA ने केले होते. त्यातही क्लीन चीट मिळाली नाही.
• द्वारकाची ज्युवेलरी कंपनीने Rs ३९० कोटी OBC बँके बरोबर आणी सिम्भावली शुगर या कंपनीने घोटाळा केला आहे अशी बातमी आहे.
• ONGC गुजराथमध्ये Rs ३७० कोटी खर्च करून शेल GAS साठी विहिरी खोदण्याचे काम करणार आहे. तसेच त्रिपुरा प्रोजेक्टमध्ये Rs ७६० कोटी खर्च करून ९ विहिरी खोदेल आणी ५४ किलोमीटरची पाईपलाईन टाकेल.
• SBIने किरकोळ ठेवीदारांच्या व्याज दारात ०.१० ते ०.५० वाढ केली. तसेच आपल्या MCLR मध्येही वाढ केली.
• रिलायंस इन्फ्राने आंरबिट्रेशन केस जिंकली त्यासाठी त्यांना गोवा सरकार कडून Rs ३८५ कोटी मिळाले.
• दिलीप बिल्डकॉन या कंपनीला NHAI या सरकारी कंपनीकडून Rs ५३९० कोटींची ऑर्डर मिळाली.
• फोर्टिस हेल्थकेअर या कंपनीचे दुसऱ्या आणी तिसऱ्या तिमाहीचे निकाल बराच गाजावाजा झाल्यावर जाहीर झाले. ऑडीटर समाधानी नाहीत. ऑडीटर्सनीही हात झटकून टाकले पण पूर्वीच्या प्रमोटर्सचा स्टेक आता फक्त ०.७७% उरला आहे फोर्टिस हेल्थकेअर विकायची असेल तर सोपे जाईल. प्रमोटर्समुळे कंपनी वाढली पाहिजे, प्रमोटर्स हे कंपनीचे ASSET असले पाहिजेत. पण या कंपनीच्या बाबतीत मात्र उलट सिद्ध झाले. कंपनीने आपले तिमाही निकाल १५ मार्चच्या आतच जाहीर केले. याचा अर्थ प्रमोटर्सना कंपनीचा शेअर F&O  मधून बाहेर पडू नये अशी त्यांची इच्छा दिसत आहे.या शेअरमध्ये बरीच खरेदी चालू आहे. त्यांचा उद्देश काय ते समजून घेतले पाहिजे पण कोणीही मोठ्या लोकांचे अंधानुकरण करायला जाऊ नये आपले अंथरून पाहून पाय पसरावेत. कंपनी विक्रीची प्रक्रिया खूप लांबलचक असते. आपले पैसे किती दिवस अडकून पडतील हे सांगणे कठीण आहे.
• CERC ने टाटा पॉवरला दर वाढवायला परवानगी दिली.
• सोया आणी मका यांचे चांगले पीक आल्याचा फायदा गोदरेज AGROVHEET या कंपनीलाही झाला. त्यांच्या कच्च्या मालाच्या किमतीत घट झाली.
• बजाज ऑटोची विक्री ३१% वाढली त्यामध्ये टू व्हीलर्सची विक्री १११% ने तर निर्यात २६%वाढली. एस्कॉर्टसची विक्री ५२% ने वाढली. मारुतीची विक्री १५% तर निर्यात २४.९% वाढली. टाटा मोटर्सची विक्री ३३.५% ने वाढली. अशोक LEYLANDची विक्री २९%ने वाढली. सामान्यतः या तिमाहीमध्ये ऑटो विक्रीचे आकडे चांगले आले.
• NCC या कंपनीला Rs २९८० कोटीच्या ७ ऑर्डर मिळाल्या.
• फूटसी मध्ये जे बदल केले त्यामुळे IIFL होल्डिंग आणी ICICI लोम्बार्ड या कंपन्यांच्या शेअर्सची किमत वाढली.
• दालमिया भारत सिमेंट आणी इतर कंपन्यांनी सादर केलेली बिनानी सिमेंटच्या ASSET साठीची Rs ६७०० कोटींची ऑफर या कंपनीला कर्ज दिलेल्या बँकांनी मंजूर केली.या रेझोल्युशनमध्ये बँकांना त्यांचे सर्व पैसे परत मिळणार आहेत. दालमिया भारतने मुरली सिमेंट आणी कल्याणपूर सिमेंट नंतर ही तिसरी कंपनी विकत घेतली आहे.

कॉर्पोरेट एक्शन

• वीडीओकॉनचा D2H बिझिनेसमधील २६% स्टेक डीश टीव्ही घेणार आहे.
• ACC आणी अंबुजा सिमेंटचे मर्जर तूर्तास तरी रद्द झाले.
• सिल्व्हर व्हू इन्व्हेस्टमेंट ला ९२.७ लाख शेअर्स Rs १७२६ प्रती शेअर या भावाने HDFC इशू करणार आहे.
• जैन इरिगेशन इनोव्हाफूड्स मध्ये १०० % स्टेक घेणार आहे .
• सिम्भावली शुगर्सच्या सिलवारी युनिटला रिकव्हरी सरटीफिकेट मिळाले.
• KKR मॉरीशसने कॅफे कॉफी डे मधील ६% स्टेक विकला.
• PFC ने Rs १.८० प्रती शेअर अंतरिम लाभांश जाहीर केला.
• PVR ने INOX बरोबर करार केला.
• पांच राज्यातील निवडणुका जवळ येत असल्यामुळे मद्यार्क उत्पादन करणाऱ्या शेअर्सकडे लक्ष ठेवले पाहिजे. अल्युमिनियमच्या किमती ३% ने वाढल्या.

या आठवड्यातील IPO

• HG इन्फ्रा इंजिनिअरिंग या कंपनीचा IPO २६ फेब्रुवारी २०१८ पासून ओपन झाला.

या आठवड्यातील लिस्टिंग

• या आठवड्यात ASTER DM हेल्थकेअर या कंपनीच्या शेअर्सचे लिस्टिंग Rs १८३ ला झाले

मार्केटने काय शिकवले.
गुरुवारी तारीख १ मार्च २०१८ रोजी होळी साजरी झाली. थंडी संपून हळूहळू उन्हाळा सुरु होतो. त्यामुळे AC, कूलर बनवणार्या कंपन्या, आईसक्रिम, शीत पेये, सरबत बनवणार्या कंपन्या, पेंट बनवणार्या कंपन्या, इलेक्ट्रिक व्हेईकल, कमर्शिएल व्हेईकल बनवणाऱ्या कंपन्या, रोड बांधणार्या कंपन्या, तसेच बांधकाम क्षेत्रातील कंपन्या, कॅपिटल गुड्स कंपन्या, मोठी आणी सरंक्षण क्षेत्रात इंजिनिअरिंगची कामे करणाऱ्या कंपन्यांच्या ऑर्डर बुकवर लक्ष ठेवावे. सरकार विशेषतः सरंक्षण आणी दळणवळण क्षेत्रात मोठी गुंतवणूक करत आहे. अन्नधान्य आणी डाळी यांचे विक्रमी उत्पादन होण्याची शक्यता वर्तवली जात आहे. त्यामुळे FMCG क्षेत्रातील कंपन्यांवर लक्ष ठेवावे. NAV वाढावा म्हणून म्युच्युअल फंड खरेदी करत आहेत.
आता आपण VENKY’ज या गेल्या काही महिन्यात MULTIBAGGER आलेल्या कंपनीविषयी विचार करू ही कंपनी अंडी आणी एक वर्षाची पिले, पूर्ण वाढ झालेली कोंबडी, पशुखाद्य, रिफाईनड ऑईल, डीऑईल्ड केक इत्यादी मुख्यतः पोल्ट्री क्षेत्रात काम करते. मध्यंतरी अंड्याचे, विविध प्रकारच्या चिकनचे भाव वाढले. नंतर सोया आणी मका यांचे अमाप पिक आल्यामुळे पशुखाद्य स्वस्त झाले. पण यांनी आपल्या प्रोडक्ट्सच्या किमती कमी केल्या नाहीत. यात एक विचार असाही आहे की तरुण पिढी मद्यार्क आणी प्रोटीन भरपूर असलेले खाद्यपदार्थ यावर भर देत असल्यामुळे पोल्ट्री प्रोडक्ट्सची मागणी वाढली आहे. यामुळे कंपनीला चांगला फायदा झाला. शेअरची किमत Rs 400 वरून Rs ४००० प्रती शेअर झाली. कंपनी आता तीन नवीन उत्पादन युनिट सुरु करत आहे.
होळी झाल्यानंतर वसंतोत्सवास सुरुवात होते. वसंत ऋतूचे आगमन होते. याप्रमाणे आपल्या गुंतवणुकीच्या आयुष्यात वसंताचे आगमन होईल. या करेक्शनमध्ये गुणवत्ता असलेले शेअर्स खरेदी करा, PULL BACK RALLI मध्ये किंवा रिलीफ RALLI मध्ये कमी गुणवत्तेचे शेअर्स विका. थोडा थोडा फायदा घेत ट्रेडिंग करा. दोष जाळून गुणाचा संचय करा म्हणजे खराब शेअर विकून ग्रोथ असणार्या कंपन्यांच्या  शेअर्सचा संचय करा. घाबरून न जाता प्रत्येक क्षण आपल्या बाजूने कसा वळवता येईल ते पहा.
BSE निर्देशांक सेन्सेक्स ३४०४६ NSE निर्देशांक निफ्टी १०४५८ आणी बँक निफ्टी २४९०२ वर बंद झाले.