आधीच्या आठवड्याचं समालोचन वाचण्यासाठी इथे क्लिक करा
**** हे समालोचन ‘मार्केट आणि मी’ (www.marketaanime.com) या ब्लॉग वर भाग्यश्री फाटक यांनी प्रकाशित केलेलं आहे. जर तुम्ही इतर माध्यमात हि माहिती share करत असाल तर मूळ लेखक आणि ब्लॉग यांची नोंद करून share करा ***
मार्केटचे प्रगतीपुस्तक – २३ एप्रिल २०१८ ते २७ एप्रिल २०१८
पंतप्रधान नरेंद्र मोदींचा चीनचा दौरा सुरु आहे. मारुती लिमिटेड या कंपनीचा चौथ्या तिमाहीचा निकाल चांगला आला. पण मानेसर येथील जमिनीचा वाद, येनच्या वाढलेल्या किमतीमुळे रॉयल्टीची वाढलेली रक्कम, तसेच कच्च्या मालाच्या वाढलेल्या किमती यामुळे नक्त नफा कमी झाला. कंपनीचा मार्केट शेअर आणी विक्री दोन्ही वाढली. कंपनीने Rs ८० प्रती शेअर लाभांश जाहीर केला. पण मार्केटच्या अपेक्षा पूर्ण झाल्या नाहीत. याउलट AXIS बँकेचा चौथ्या तिमाहीचा निकाल सर्वतोपरी असमाधानकारक होता. NPA आणी त्यावर कराव्या लागणार्या प्रोविजनमध्ये वाढ यामुळे बँकेला Rs २१८९ कोटी तोटा झाला. पण ‘उद्धवा अजब तुझे सरकार’ या न्यांयाने AXIS बँकेचा शेअर जवळजवळ Rs १०० वाढला तर मारुतीचा शेअर Rs ४०० पडला.
या आठवड्यात बॉंड यील्ड ३% झाले क्रूड प्रती BARREL US $ ७५ झाले, US $ आणी भारतीय रुपयाचा विनिमयदर १ US $ = Rs ६६ झाला. या सर्व घडामोडींना दाद न देता मार्केट आपल्या तालात आणी डौलात चालत राहिले. बुल्स आणी बेअर्सच्या लढाईत बुल्सची सरशी झाली.
आंतरराष्ट्रीय घडामोडी

• उत्तर कोरियाने जाहीर केले की तूर्तास तरी ते नवीन मिसाईल किंवा न्युक्लीअर परीक्षण करणार नाहीत.
  USA १ मे पासून स्टील आणी अल्युमिनियमवर ड्युटी वाढवण्याची शक्यता आहे.

सरकारी अन्नौंसमेंट

• इथेनॉलवर GST ५% करण्याचा विचार करत आहे. आंतरराष्ट्रीय बाजारात साखरेची किमत पडत आहे. त्यामुळे साखरेची निर्यात करणे फायदेशीर होत नाही. पुरवठा आणी मागणी यांच्यात तफावत आहे. साखरेची किंमत
• आंतरराष्ट्रीय स्तरावर ९ वर्षांच्या किमान स्तरावर तर भारतातील २८ महिन्यांच्या किमान स्तरावर आहे. सरकार साखरेवर प्रती किलो Rs १ ते Rs १.५० शुगर सेस लावण्याच्या विचारात आहे.
• तागाची MSP सरकारने Rs ३५०० प्रती क्विंटल वरून Rs ३७०० केली. याचा परिणाम ज्युटशी संबंधीत असलेल्या शेअर्सवर झाला. उदा. लुडलो, ग्लॉसस्टर, CHEVIOT.
• सरकारने जाहीर केले की खत उत्पादक कंपन्यांच्या खात्यांमध्ये DBT योजनेअंतर्गत १५ दिवसांच्या आत सबसिडीची रक्कम जमा केली जाईल. ही योजना FY १८ मध्ये टप्प्याटप्प्याने लागू केली जाईल. या बातमीचा अनुकूल परिणाम खत उत्पादन करणार्या कंपन्यांच्या शेअर्स वर दिसला. उदा FACT, चंबळ, RCF, मद्रास फरटीलायझर्स
• आता ज्या लोकांनी बिल्डर कंपनीकडून FLAT खरेदी केले असतील त्यांना या कंपनीचे क्रेडीटर समजण्यात येईल.
  सरकारने बँकांना त्या ज्या सेवा किमान रक्कम जमा ठेवणाऱ्या खातेदारांना फ्री ऑफ चार्ज पुरवतात त्या सेवांच्या रकमेवर कर भरण्यास सांगितले आहे. कोटक महिंद्र बँक, ICICI बँक, AXIS बँक, HDFC बँक याना हा कर भरण्यासाठी नोटीसा पाठविण्यात आल्या आहेत.
• सरकार नफ्यात चालत असलेले १५ विमानतळांचे खाजगीकरण करण्याच्या विचारात आहे. याचा उद्देश भारतातील एव्हीएशन इन्फ्रास्ट्रक्चरमध्ये सुधारणा करण्याचा आहे.
• सरकार तेल विहिरीतून काढण्यात येणार्या क्रूडचे प्रमाण वाढावे म्हणून जर क्रूड US $ ८० प्रती BARREL या भावाच्या खाली राहिले तर ऑईल इंडस्ट्री डेव्हलपमेंट सेसमध्ये ऑफशोअर आणी ऑनशोअर फिल्डसाठी १० वर्षापर्यंत ५०% सूट देईल. याचा फायदा ONGC, ऑईल इंडिया आणी रिलायंस इंडस्ट्रीज, वेदांत, अबन ऑफ शोअर, GOL ऑफ शोअर यांना होईल.

RBI SEBI आणी इतर प्रशासनिक संस्था

• CCI ने टाटा स्टील या कंपनीने भूषण स्टील्स ही कंपनी टेक ओव्हर करायला मंजुरी दिली.
  एस्सार स्टील या NCLT मध्ये पोहोचलेल्या कंपनीच्या खरेदीसाठी NUMETAL या कंपनीच्या कनसॉरशियमने Rs ३२००० कोटींची ऑफर दिली. या कंपनीने आर्सेलर मित्तल या कंपनीच्या बरोबरीने ऑफर देण्यासाठी आपली ऑफर ७५% ने सुधारली.

खाजगी कंपन्यांच्या घडामोडी

• भारती इन्फ्राटेल आणी इंडस टॉवर यांचे मर्जर होणार आहे. एका इंडस टॉवरच्या शेअरमागे १५६५ भारती इन्फ्राटेलचे शेअर्स मिळतील.या कंपनीचे व्यवस्थापन भारती एअरटेल आणी वोडाफोन मिळून करणार आहेत. आयडिया त्याचा स्टेक ठेवू शकते किंवा विकू शकते. भारती एअरटेल आणी वोडाफोन त्यांचा ६६.६% स्टेक विकण्याच्या प्रयत्नात आहेत.
• इंडियन ह्यूम पाईप या कंपनीला Rs ५७८ कोटींची ऑर्डर मिळाली.
• युनिकेम labच्या गाझियाबाद युनिटची USFDAने तपासणी केली. त्यात कोणत्याही त्रुटी आढळल्या नाहीत.
  सिप्लाच्या पिठमपूर युनिटच्या USFDA केलेल्या तपासणीत ३ त्रुटी आढळल्या.
• सुवेन लाईफ सायन्सेस या कंपनीच्या मेडक येथील युनिटच्या तपासणीत USFDA ने ७ त्रुटी दाखवल्या.
  मान्सून सामान्य असेल तर टेक्स्टाईलचे उत्पादन आणी मागणी चांगली येईल. याचा फायदा रेमंड अरविंद या कंपन्यांना होईल.
• आयलंड स्टारने फिनिक्स मिल्सची जमीन Rs ६७८ कोटींना खरेदी केली.
• मोरपेन LAB ही कंपनी २०१९ मध्ये कर्जमुक्त होईल असा अंदाज व्यक्त केला जात आहे.
  CDSL, चोलामंडलम फायनांस, भारती एअरटेल, ओबेरॉय रिअल्टी, GIC हौसिंग, HDFC बँक, सुप्रीम इंडस्ट्रीज, इंडिया बुल्स रिअल इस्टेट,येस बँक, हैदराबाद इंडस्ट्रीज,SBI लाईफ, महिंद्र लाईफस्पेस, अतुल ऑटो, AU स्माल फायनान्स बँक, बंधन बँक या कंपन्यांचे चौथ्या तिमाहीचे निकाल चांगले आले.
• विप्रो (२०१९ साठी गायडंस कमी), ICICI प्रुडन्स, पर्सिस्टंट सिस्टम्स, IDFC बँक, यांचे चौथ्या तिमाहीचे निकाल अपेक्षाभंग करणारे होते.
• BPCL ला रोहटक या शहरातील GAS डीस्ट्रीब्युशनचे अधिकार मिळाले.
• नारायणा हृदयालय या कंपनीने नियमातील बदल प्रतिकूल असल्यामुळे आपली मलेशियातील हॉस्पिटल्स बंद करण्याचा निर्णय घेतला.
• फोर्टिस हेल्थकेअर ही कंपनी खरेदी करण्यासाठी गर्दी वाढत आहे. आता IHH हेल्थकेअर या कंपनीने बाइंडीन्ग ऑफर देऊन ताबडतोब Rs ६५० कोटी गुंतवण्याची तयारी दाखवली आहे. तर रेडीयंट या कंपनीने Rs १२५० कोटीचे फोर्टिसचे शेअर्स घेण्यासाठी बाइंडीन्ग ऑफर दिली आहे. मणिपाल हॉस्पिटल्सने आपली ऑफर Rs १६० पती शेअर एवढी सुधारली आहे. याबरोबरच मुंजाल आणी बर्मन यांनी दिलेली ऑफर आहेच.
• टी सी एस ही भारतातील US $ १०० बिलियन मार्केट कॅपिटलायझेशन असलेली दुसरी कंपनी झाली. पहिली कंपनी २००७ मध्ये रिलायंस इंडस्ट्रीज झाली.
• IDFC आपला ASSET MANAGEMENT आणी स्टॉक ब्रोकिंग, आणी म्युच्युअल फंड कारभार विकण्यासाठी येस बँक, इंडस इंड बँक आणी काही खाजगी इक्विटी फंडाबरोबर बोलणी करीत आहे. या दोन बिझिनेसच्या विक्रीचे IDFCला Rs ६००० कोटी मिळण्याची शक्यता आहे.
• रिलायंस नावल १ जून पासून वायदेबाजारातून बाहेर पडेल.

कॉर्पोरेट एक्शन

• झेन्सार टेक्नोलॉजी या कंपनीने एका शेअरचे ५ शेअर्समध्ये विभाजन केले. (स्प्लीट लाभांश, शेअर ‘BUY BACK’ राईट्स इशू इत्यादी सर्व कॉर्पोरेट एक्शनविषयी माझ्या ‘मार्केट आणी मी’ या पुस्तकात दिली आहे.)
• हिंदुस्थान झिंक त्यांचा चांदी उत्पादनाचा कारभार अलग करणार आहेत. चांदी ही झिंकचे बायप्रोडक्ट आहे. या कंपनीत सरकारचा २९% स्टेक असल्यामुळे या कॉर्पोरेट एक्शनसाठी सरकारची परवानगी घ्यावी लागेल.
  HDFC बँकेने ने Rs १३ प्रती शेअर तर इंडिया बुल्स हौसिंग फायनान्स या कंपनीने Rs १० प्रती शेअर लाभांश जाहीर केला.
• इमामी या कंपनीची ३ मे रोजी चौथ्या तिमाहीच्या निकालासाठी बैठक आहे याच बैठकीत बोनसवर विचार करण्यात येईल.
• एसेल PROPACK या कंपनीने १;१ असा बोनस जाहीर केला.

नजीकच्या काळात येणारे IPO

• लोढा ग्रूप ही रिअल्टी क्षेत्रातील कंपनी Rs ५००० कोटींचा IPO येत्या तीन ते चार महिन्यात आणणार आहे. या कंपनीने २००९मध्ये आणलेला IPO गुंतवणूकदारांच्या थंड्या प्रतिसादामुळे मागे घ्यावा लागला होता.

मार्केटने काय शिकवले

• ज्यावेळी भारताची करन्सी विदेशी करन्सीच्या तुलनेत ‘WEAK’ होते त्यावेळी ज्या कंपन्यांचं कर्ज परदेशी चलनात असेल त्याना त्रास होतो. उदा:- GMR इन्फ्रा, HPCL, अदानी पोर्ट, रिलायंस नाव्हल.
  तसेच ज्या कंपन्यांना त्यांच्या विक्रीचे पैसे परदेशी चलनात मिळतात विशेषतः निर्यात क्षेत्रातील कंपन्यांना फायदा होतो. उदा IT क्षेत्र, फार्मा क्षेत्र
• एक्सपायरीच्या वेळी दिसणाऱ्या आकडेवारीवरून पोझिशन घेताना सावध राहावे. FIIची खरेदी दिसली तरी हुरळून जाण्याचे कारण नाही.
• या आठवड्यात दोन वेळा HANGING MAN PATTERN तयार झाला. वरच्या स्तरावर विक्री होत असली तरी खालच्या स्तरावर खरेदी होत होती.
• आताचा येणारा महिना चौथ्या तिमाहीच्या निकालांचा आहे. त्यात बँकेचे निकालही येऊ लागतील. यावेळच्या बँकांच्या निकालात आपणास बँकांनी जाहीर केलेले NPA आणी RBI ऑडीट मध्ये RBI ऑडीटरनी निश्चित केलेले NPA यांच्या रकमेतील फरक तसेच या NPA साठी बँकेने केलेली प्रोविजन आणी RBIच्या नियमानुसार करावी लागणारी प्रोविजन यांच्या रकमेत फरक आहे का ? हे पहावे लागेल. नियमांपासून दूर जाणे म्हणजेच डायव्हर्जन्स या कडे लक्ष द्यावे लागेल. आतापर्यंत जाहीर झालेल्या येस बँक ( NPA डायव्हर्जंस Rs ६३५५ कोटी आणी प्रोविजन डायव्हर्जन्स ( Rs १५३६ कोटी) आणी कोटक महिंद्र बँक याच्या निकालात असे डायव्हरजन्स दिसून आले आहेत. याचा अर्थ असा होतो की बँका NPA आणी त्याकरता कराव्या लागणाऱ्या प्रोविजन्साठी RBI ने घालून दिलेल्या मार्गदर्शक तत्वांचे पालन करीत नाहीत. त्यामुळे बँकांची आर्थिक स्थिती आहे त्यापेक्षा चांगली दाखवण्याचा प्रयत्न व्यवस्थापनाकडून केला जातो.
• आठवडा संपता रिलायंस इंडस्ट्रीजच्या निकालाने सुखद धक्का दिला. रिलायंस इंडस्ट्रीजचे एकूण उत्पन्न Rs १.१७ लाख कोटी, PAT Rs ९४३५ कोटी, EBITDA Rs १८४६९ कोटी, EBITDA मार्जिन १५.८% आणी GRM US $ ११ PER BARREL होते. कंपनीने Rs ६ प्रती शेअर लाभांश जाहीर केला. डिजिटल बिझिनेसचे उत्पन्न Rs ८४२१ कोटी, रिलायंस ‘जीओ’ चे PAT Rs ५१० कोटी झाले. तर ARPUs Rs १३७.१० होते (AVERAGE REVENUE पर USER) पेटकेम आणी रिफायनिंग मध्ये सर्वात जास्त EBIT आहे.
• पुढील आठवड्यात १ आणी २ मे रोजी फेडची बैठक, १२ मे रोजी होणार्या कर्नाटक राज्यातील निवडणुका आणी १५ मे रोजी त्यांचे येणारे निकाल, आणी एप्रिल २०१८ साठी ऑटो विक्रीचे आकडे, हिरो मोटो कॉर्प्स, HDFC इत्यादी कंपन्यांच्या निकालांवर लक्ष ठेवावे.
• तांत्रिकदृष्ट्या महत्वाची असलेली निफ्टी १०६०० ची लक्ष्मण रेषा मार्केटने लीलया पार केली. सेन्सेक्सही ३५००० च्यावर पोहोचला. त्यामुळे पुन्हा एकदा मार्केट ११००० चा टप्पा गाठेल की काय अशी आशा गुंतवणूकदारांना वाटू लागली. जर कर्नाटकच्या निवडणुकीतील निकालांमुळे उत्साहाचे वातावरण निर्माण झाले तर निफ्टीला ११००० चा टप्पा गाठणे कठीण नाही.

BSE निर्देशांक सेन्सेक्स ३४९६९ वर NSE निर्देशांक निफ्टी १०६९२ वर तर बँक निफ्टी २५३९४ वर बंद झाले.
**** हे समालोचन ‘मार्केट आणि मी’ (www.marketaanime.com) या ब्लॉग वर भाग्यश्री फाटक यांनी प्रकाशित केलेलं आहे. जर तुम्ही इतर माध्यमात हि माहिती share करत असाल तर मूळ लेखक आणि ब्लॉग यांची नोंद करून share करा ***

आधीच्या आठवड्याचं समालोचन वाचण्यासाठी इथे क्लिक करा
सुवर्ण महोत्सव टी सी एस चा आणी गुंतवणूकदारांचा – १६ एप्रिल २०१८ ते २० एप्रिल २०१८
टी सी एस या कंपनीने MULTI-BAGGER शेअर आणी इन्व्हेस्टर फ्रेंडली कंपनी म्हणजे काय याचा आदर्श घालून दिला.  टी सी एस ही मार्केट कॅप US $ १०० बिलियन असलेली भारतातली पहिल्या नंबरची लिस्टेड कंपनी झाली. कंपनीच्या शेअर्सचा भाव सतत वाढत असल्यामुळे  डे ट्रेडर्स, अल्प मध्यम आणी दीर्घ कालावधीसाठी गुंतवणूक करणाऱ्या सर्वांना कंपनीने लाभ करून दिला. कंपनीने IPO आल्यापासून चौथ्या वेळी एकास एक बोनस आणी Rs २९ च्या लाभांशाची घोषणा केली. ‘सबका साथ सबका लाभ’ या म्हणण्याप्रमाणे आपल्या कर्तुत्वामुळे झालेला फायदा शेअरहोल्डर्समध्ये वाटून सगळ्यांना आनंदित केले. यावेळी आतापर्यंत आलेले चौथ्या तिमाहीचे सर्व निकाल चांगले आले.
आंतरराष्ट्रीय घडामोडी
पंतप्रधान नरेंद्र मोदी स्वीडन, UK च्या दौऱ्यावर जात आहेत. त्यामुळे या देशांबरोबर काही व्यापारी क्षेत्रात करार होण्याची शक्यता आहे.
USA ने रशियावर आणखी निर्बंध घालण्याचा तसेच सिरीयावरील हल्ला अधिक तीव्र करण्याचा आपला विचात तूर्तास तरी पुढे ढकलला आहे.
USA ने ‘रुसोया’ या धातू क्षेत्रातील रशियन सरकारी कंपनीवर घातलेले निर्बंध या कंपनीला लागू होऊ नयेत म्हणून आपण ह्या सरकारी कंपनीचे खाजगीकरण करू असे रशियन सरकारने जाहीर केल्यावर मेटल क्षेत्रातील सर्व शेअर्स पडले.
आंतरराष्ट्रीय मॉनेटरी फंड या संस्थेने भारताच्या अर्थव्यवस्थेच्या प्रगतीचे अनुमान वित्तीय वर्ष २०१९ साठी ७.४% तर वित्तीय वर्ष २०२० साठी ७.८ % केले आहे.
चीन कोळसा उत्पादनात १५ कोटी टनाची कपात करणार आहे. याचा परिणाम कोल इंडियावर होईल.
सरकारी अनौंसमेंट
सोडा ASH वर लावलेली ANTI DUMPING ड्युटी सरकारने १ वर्षासाठी वाढवली याचा फायदा DCW, कनोरिया केमिकल्स, टाटा केमिकल्स, दीपक नायट्रेट, नोसिल, GHCL या कंपन्यांना होईल.
एअर इंडियासाठी सरकारने EOL १४ मे २०१८ पर्यंत देण्यास सांगितले आहे. जेट एअर वेज, टाटा, इंडिगो आणी काही परदेशी विमानवाहतूक करणाऱ्या कंपन्यांनी आणी २ ते तीन फंडानी रुची दाखवली आहे.
RBI SEBI आणी इतर प्रशासनिक संस्था
GST कौन्सिलने २० एप्रिलपासून  आणखी ६ राज्यांमध्ये E WAY बिल प्रणाली लागू करण्याचे ठरवले आहे.
IMD ने सुद्धा सामान्य मान्सूनचा अंदाज वर्तवला आहे. सरासरी ९७% पाउस पडेल असा अंदाज वर्तवला. पावसाची भारतभर विभागणीही समाधानकारक असेल असे अनुमान सांगितले. जुलै ते सप्टेंबर या काळात अनावृष्टी किंवा अतिवृष्टी न होता सामान्य मान्सून राहील असा अंदाज वर्तवला. या अनुमानामुळे खरीप पीक चांगले येऊन ग्रामीण भागातील उत्पन्न वाढल्यामुळे ऑटो, TRACTOR , खते बीबियाणे, सोने आणी जवाहीर, आणी FMCG सेक्टरमधील कंपन्यांना फायदा होईल.
RBI ने ठरवलेले अकौंट NPA होण्याचे नियम शिथिल करण्याची शक्यता आहे. यामध्ये कर्ज/व्याज परतीच्यामधील DEFAULT चा काल वाढवणे तसेच रेझोल्युशन प्लान मंजूर करण्यासाठी लागणार्या कर्जदारांच्या सहमतीची अट ( १००% वरून ७५%) याचा समावेश असू शकतो. हे नियम शिथिल करण्यास RBI ने आपली असमर्थता जाहीर केली.
एव्हरेडी बॅंट्री या कंपनीला CCI ने Rs १७१ कोटी दंड ठोठावला.
अर्थव्यवस्थेच्या गोष्टी

• भारताची निर्यात मार्च २०१८ या महिन्यात  US $ २९.१ बिलियन इतकी तर आयात US $ ४२.८ बिलियन झाली. त्यामुळे ट्रेड डेफिसिट US $ १३.७ बिलियन झाली.
• मार्च २०१८ मध्ये WPI २.४७% होता (फेब्रुवारी २.४८% होता.) अन्नधान्य, भाज्या यांचे भाव कमी झाले. तर क्रूडचा भाव वाढला.
• रुपयाचा US $ बरोबरचा विनिमय दर ७ महिन्याच्या किमान स्तरावर पोहोचला. हा दर US$ १ = Rs ६६.०० इतका होता.
• कारडा कन्स्ट्रकशन या कंपनीचा शेअर ‘T टू T’ ग्रूप मधून ‘B’ ग्रूप मध्ये गेला. त्याच्या सर्किटचे लिमिट २०% केले.

खाजगी कंपन्यांच्या घडामोडी

• सुट्यांचा मोसम जवळ आल्याने ऑक्युपन्सी रेट आणी रूमचे भाडे वाढेल असा अंदाज असल्याने सर्व हॉटेल्स कंपन्यांच्या शेअर्सचे भाव वाढत आहेत.
• अल्युमिनियम आणी अल्युमिना यांच्या किमती वाढत आहेत. याचा फायदा नाल्को आणी हिंदाल्को यांना होईल.
• जीनस पॉवर ही कंपनी लाईटची मीटर्स बनवते. सरकारच्या नव्या पॉलिसीचा फायदा या कंपनीला होईल.
• टाटा स्पॉंज ( Rs २० प्रती शेअरलाभांश), ICICI सिक्युरिटीज, भन्साली इंजिनिअरिंग, DCB, टी सि एस, इंडस इंड बँक, HDFC STANDARD लाईफ, ACC या कंपन्यांचे चौथ्या तिमाहीचे निकाल चांगले आले.
• सिप्लाच्या इंदोर युनिटसाठी केलेल्या तपासणीत USFDA ने क्लीन चीट दिली.
• टाटा मोटर्स UK मधील १००० कर्मचाऱ्यांना काढून टाकणार आहे.
• ANDREW YULE या कंपनीने आपला सर्वात उत्तम चहा रेकॉर्ड किमतीला विकला.
• GAIL या कंपनीला पाईप लाईन टाकण्यासाठी Rs ७८० कोटींची ऑर्डर मिळाली.
• मध्यांचल विद्युत निगमकडून बजाज इलेक्ट्रिकल्सला Rs ३५७७ कोटींचे काम मिळाले.
• गोवा कार्बन च्या पारादीप युनिटचे काम पुन्हा सुरु झाले.
• २०२१ या वर्षापर्यंत ‘ओला’ही कंपनी M & M कडून १० लाख इलेक्ट्रिकल वाहने विकत घेईल.
• अदानी पोर्टने RIGASIFIKETION साठी IOC बरोबर २० वर्षांसाठी करार केला.
• PNB, पंजाब आणी सिंध बँक या बँकानमध्ये कर्ज देण्याच्या बाबतीत अनियमिततेचे घोटाळे उघडकीस आले आहेत.
• सरकारला बुलेटप्रूफ JACKETची मोठी आवश्यकता असल्याने यासाठी लागणारे स्पेशल स्टील, हाय VALUए अलॉय बनवणाऱ्या मिश्र धातू निगम या कंपनीला सरकारकडून मोठी ऑर्डर मिळण्याची शक्यता असल्याने या कंपनीचा शेअर ५०%ने वधारला.
• J B केमिकल्स या कंपनीला त्यांचे दमण युनिट बंद करायला सांगितले आहे.

कॉर्पोरेट एक्शन

• गृह फायनान्स या कंपनीने १:१ बोनस जाहीर केला. कंपनीचा चौथ्या तिमाहीचा निकाल चांगला आला.
• युनायटेड स्पिरीट या कंपनीने आपल्या एका शेअरचे ५ शेअर्समध्ये स्प्लिट केले.
• ONGC त्यांचा पवन हंस या कंपनीमधील आपला स्टेक विकणार आहे.
• सिक्का CEO असताना इन्फोसिसने खरेदी केलेली पनाया ही कंपनी विकण्याचा निर्णय इन्फोसिसच्या बोर्ड ऑफ डायरेक्टर्सने घेतला आहे.
• NCLTने इलेक्ट्रोस्टील्स स्टील या इनसॉलवन्सीमध्ये गेलेल्या कंपनीसाठी वेदान्ता लिमिटेड यांची बोली मंजूर केली. यामुळे वेदान्ता या आंतरराष्ट्रीय कंपनीचा झिंक अल्युमिनियम सिल्व्हर आयर्न ओअर या बरोबरच स्टील उत्पादनात प्रवेश झाला. या कंपनीत ९०% स्टेक वेदांताचा असेल. वेदान्ता या कंपनीत Rs ३०० ते Rs ४०० कोटींची गुंतवणूक करेल.
• जागरण प्रकाशन या कंपनीने ‘BUY BACK’ ऑफ शेअर्स विचार करण्यासाठी बोर्ड ऑफ डायरेक्टर्सची बैठक २७ एप्रिल रोजी बोलावली आहे.
• लक्षद्वीप PVT लिमिटेड या कंपनीने जेपी असोसिएट आणी जे पी इन्फ्रा या कंपन्यांसाठी Rs ७३५० कोटींची बोली दिली आहे.
• फोर्टिस हेल्थकेअर ही कंपनी खरेदी करण्यासाठी आता चीनमधील ‘फोसून’ या कंपनीने Rs १५६ प्रती शेअर या भावाने शेअर खरेदी करण्यासाठी ऑफर दिली आहे. याआधी मणिपाल हॉस्पिटल्स, IHH हेल्थकेअर, आणी मुंजाल आणी बर्मन याची संयुक्त ऑफर या कंपनीसाठी आलेली आहे. फोर्टीस हेल्थकेअर च्या बोर्ड ऑफ डायरेक्टर्स ने IHH हेल्थकेअरची ऑफर नाकारली आहे. फोर्टिसच्या बोर्ड ऑफ डायरेक्टर्सने २५ एप्रिलपर्यंत येणार्या बाइंडीग ऑफरवर विचार केला जाईल असे सांगितले.
• KPIT टेक्नोलॉजी ही कंपनी Rs १८६ प्रती शेअर्स या भावाने ओपन ऑफर आणत आहे. ही ऑफर २७ एप्रिलला बंद होईल.
• टी सि एस या IT क्षेत्रातील दिग्गज कंपनीचा चौथ्या तिमाहीचा निकाल अपेक्षेपेक्षा चांगला आला. कंपनीने, कंपनीच्या ५० साव्या वाढदिवशी शेअरहोल्डरना १:१ बोनस दिला आणी Rs २९ लाभांश जाहीर केला.
• कंटेनर कॉर्पोरेशन ऑफ इंडिया या कंपनीने ३० एप्रिल २०१८ रोजी स्टॉक स्प्लिटवर विचार करण्यासाठी बोर्ड ओड डायरेक्टर्स ची बैठक बोलावली आहे.
• किर्लोस्कर ऑईलसाठी BLACKSTONE ने बोली लावली आहे अशी बातमी आहे.
• युनिलिव्हर मे महिन्यात ६०० कोटी युरो इतकी रक्कम शेअर ‘BUY BACK’ साठी खर्च करेल.
• अवंती फीड्स या कंपनीने ९मे २०१८ रोजी बोनसवर विचार करण्यासाठी बैठक बोलावली आहे.

मार्केटने काय शिकवले.
 
शेअरमार्केट हे असे कोडे आहे की ते कितीही उलगडून सांगण्याचा प्रयत्न केला तरी पूर्णपणे उलगडा होणे अशक्य आहे. शेअरमार्केटमध्ये राजकीय, सामाजिक. आर्थिक. जागतिक. एत्ततदेशीय, वर्तमान तसेच भविष्यात ज्या घटनांचा वेध घेऊ शकतो अशा घटनांचे प्रतिबिंब, परिणाम इतक्या वेगाने होत असतो की शेअरमार्केटचे रूप क्षणाक्षणाला बदलत असते असे म्हटले तर सत्यापासून फार दूर असणार नाही. या वेगाने सामान्य गुंतवणूकदार गोंधळून जातो. माझ्याकडे प्रशिक्षण वर्गाला येणाऱ्या लोकांची गोंधळाची मनःस्थिती असते. यासाठी योग्य वेळी योग्य निर्णय घेवून तो कार्यान्वित करण्याची जरुरी आहे. पांच मिनिटात दिसणारे Rs ५००० चे प्रॉफीट नाहीसे होऊन त्या जागी Rs २००० चा लॉस दिसू लागतो. यासाठी मार्केटचे निरीक्षण करा, कोणत्या सेक्टरमध्ये ट्रेडिंग/गुंतवणूक करायचे ते ठरवा, करेक्शन संपण्याच्या वेळी  विकत घ्या आणी RALLY संपण्याच्या वेळी विका. आपल्याला किती फायदा हवा आहे याचा अंदाज बांधा तसेच आपण किती लॉस सोसू शकतो याचा अंदाज घ्या आणी आपापले टार्गेट आणी स्टॉप लॉस ठरवा. मार्केटचा अंदाज घेत घेत थोड्या थोड्या प्रमाणात खरेदी आणी विक्री करा. स्वतःवरचा, स्वतःच्या अभ्यासावरचा विश्वास डळमळीत होऊ देऊ नका. दुसर्याने सरी बांधली म्हणून आपल्या गळ्याला दोरी लावून घेऊ नका. मार्केटमधील चढ उतार आणी त्यांचा वेग यांचे आकलन होत नसेल तर काही काल स्वस्थ बसा.
उन्हाळा, पावसाळा, हिवाळा कधी येणार हे आपल्याला माहीत असते. बालपण, तारुण्य वार्धक्य हे शारिरीक बदलानुसार जाणवते. पण मार्केटमध्ये बदलणारे हवामान समजायला वेळ लागतो. यावर्षी तर मार्केट्च्या  हवेत आमुलाग्र बदल होताहेत. जग जवळ आले त्याचे काही फायदे तर काही तोटे होत आहेत. या आठवड्यात तर क्रूड, करन्सी,मेटल, USA आणी चीन यांच्यामधील ट्रेड वॉर, ट्रंप साहेबांचे विजेच्या गतीने बदलणारे निर्णय, सरकारी बँकांमधील घोटाळे, विविध राज्यातील निवडणुका असे विविध प्रकारचे आणी विविध तीव्रतेचे धक्के मार्केटने पचवले.
या सर्व अतिशय व्होलटाईल मार्केटमध्ये आपले एक सुरक्षित आणी फायदेशीर घरटे (पोर्टफोलियो) कसे बांधायचे ते हळूहळू अनुभवाने आणी अभ्यासाने येणार्या शहाणपणाने समजते.
BSE निर्देशांक सेन्सेक्स ३४४१५ NSE निर्देशांक निफ्टी १०५६४ आणी बँक निफ्टी २४९४३ वर बंद झाले.

आधीच्या आठवड्याचं समालोचन वाचण्यासाठी इथे क्लिक करा
शेअर मार्केट एक ‘अक्षय पात्र’  – ९ एप्रिल २०१८ ते १३ एप्रिल २०१८
ट्रंप साहेबाची सिरीयाबरोबर युद्धाची गोष्ट म्हणजे आता तरी ट्वीटर युद्धच ठरले आहे. मार्केटने आता ट्रंप साहेबांच्या गर्जना, वल्गना यांना आपल्या शेअर्सच्या किमतीत सामावून घेतले आहे. त्यामुळे आता गुंतवणूकदार आणी ट्रेडर्स यांनी या सर्वांकडे कमी लक्ष द्यावे असे ठरवले आहे असे वाटते. आंतरराष्ट्रीय उर्जा फोरममध्ये चीन काय भाष्य करते यावर सगळ्यांचे लक्ष आहे.
USA चे अध्यक्ष ट्रंप यांनी अल्युमिनियम उत्पादनात अग्रेसर असलेली रशियन कंपनी ‘RUSOYA’ वर SANCTION लागू केल्यामुळे अल्युमिनियमचे भाव ४.५ % वाढले. याचा फायदा हिंदाल्को, नाल्को, वेदान्ताला होईल. USA चे अध्यक्ष ट्रंप यांनी रशियाला त्याचा मित्र सिरीयावर आपण करणार असलेल्या क्षेपणास्त्र हल्ल्यासाठी तयार राहण्यास सांगितले होते. पण आता आपण याचा पुनर्विचार करू तसेच चीन बरोबरच्या ट्रेडवॉरचाही शांततेने विचार करू असे सांगितले.
सौदी अरेबियाच्या ‘AARAMCO’ या  कंपनीचा IPO येणार आहे. तो इशू येऊन जाईपर्यंत क्रूडचा दर US $ ८० प्रती BARREL पर्यंत जाईल असा अंदाज व्यक्त केला जात आहे. खरे पाहता क्रूडचा साठा आणी उत्पादन खूप आहे. पण ओपेक आणी इतर ऑईल उत्पादन करणाऱ्या कंपन्यांनी एकत्र येऊन क्रूडचे उत्पादन कमी करण्याचा करार केला आहे. RBI च्या पॉलिसी मध्ये महागाईचा अंदाज व्यक्त करण्यासाठी क्रूडचा भाव कमाल US $ ६८ प्रती BARREL होईल असे गृहीत धरले आहे. जर क्रूडचा भाव US $ ६८ च्या पेक्षा जास्त झाला तर RBIच्या अनुमानापेक्षा महागाई वाढेल. महाराष्ट्रातील रीफायनरीमध्ये ‘AARAMCO’  सर्व सरकारी कंपन्यान बरोबर स्टेक घेण्याची शक्यता आहे.
सरकार कोल आणी ऑईल ब्लॉक्सच्या लिलावाची प्रक्रिया सोपी करणार आहे. याचा फायदा ‘कोल इंडिया’ आणी ‘ONGC’ या कंपन्यांना होईल.
सरकारी अनौंसमेंट

• सरकार लवकरच विजेसाठी प्रीपेड मीटर्स लावण्याचा विचार करत आहे. यासाठी तुमच्याकडे आधार कार्ड असणे जरुरी आहे. तुम्ही वापरलेल्या विजेवर सरकार देत असलेली सबसिडी सरकार वीज कंपनीला देण्याऐवजी थेट तुमच्या (ग्राहकाच्या) खात्यात जमा केली जाईल. त्यामुळे विजेची चोरी थांबेल आणी सबसिडीचा दुरुपयोग थांबेल.
• सरकार यावर्षी शेती आणी संबंधीत उद्योग या क्षेत्रावर लक्ष केंद्रित करेल.
• सरकार उस उत्पादक शेतकर्यांना Rs ५५ प्रती टन सबसिडी देणार आहे.
• OMC(ऑईल मार्केटिंग कंपन्यांनी) क्रूडच्या भावात झालेली दरवाढ ग्राहकांकडे पास ऑन करू नये. ही दरवाढ आपल्या प्रॉफीट मार्जिनमध्ये सोसावी असे सरकारने सुचवले.

अर्थव्यवस्थेच्या गोष्टी

• फेब्रुवारी २०१८ या महिन्यात IIP ७.१% ने ( जानेवारी २०१८मध्ये ही वाढ ७.४% होती) वाढले. यावेळी कॅपिटल गुड्स, उर्जा, इन्फ्रा, कन्झ्युमर द्युरेबल्स याचे उत्पादन वाढले. ही वाढ गेले चार महिने ७% च्या वर राहिली आहे.
• मार्च २०१८ मध्ये CPI मार्च २०१८ मध्ये ४.२८ % (फेब्रुवारी २०१८मध्ये ४.४४% होते). ही CPI मधील वाढ गेल्या ५ महिन्यातील किमान वाढ आहे. याचा अर्थ महागाई कमी झाली आहे त्यामुळे RBI रेट वाढवण्याची शक्यता कमी झाली.

रिझर्व्ह बँक,सेबी आणी इतर प्रशासनिक संस्था

• AXIS बँकेच्या CEO श्री शिखा शर्मा यांनी बँकेला मिळालेल्या सूचनेवरून आपण डिसेंबर २०१८ मध्ये आपले पद सोडू असे सांगितले. बोर्ड ऑफ डायरेक्टर्सने त्यांना ५ वर्षाची मुदतवाढ दिली होती.
• सेबीने CDSL बोर्ड ऑफ डायरेक्टर्सला CEO MR. रेड्डी याना दिलेली ५ वर्षांची मुदतवाढ १ वर्षाची करायला सांगितले. स्टॉक एक्स्चेंज तसेच क्लीअरिंग हाउसेसच्या व्यवहारात पारदर्शकता यावी म्हणून हा निर्णय घेतला असे सांगितले.
• NCLT मध्ये मॉनेट इस्पात या कंपनीसाठी बोली JSW स्टीलच्या कन्सोर्शियमने जिंकली. मॉनेट इस्पातच्या क्रेडिटर्स नी सुद्धा ही बोली स्वीकारली आहे.
• सुप्रीम कोर्टाने बिनानी सिमेंटच्या मालमत्तेबद्दल ऑउट कोर्ट ऑफ सेटलमेंट करायला परवानगी देण्यास नकार दिला. ही प्रक्रिया IBC अंतर्गत NCLT मध्येच पुरी करावी असे सांगितले. याप्रकारे सुप्रीम कोर्टाने NCLT ची स्वायत्तता अबाधित ठेवली.
• TRAI ही टेलिकॉम क्षेत्रातील रेग्युलेटरी संस्था आपल्या वेगवेगळ्या प्रकारच्या चार्जेससाठी आयडिया आणी वोडाफोन यानी US $ ३ बिलियन (Rs १८८७० कोटी) दिल्यावरच त्यांच्या मर्जरला मंजुरी देऊ असे सांगण्याची शक्यता आहे.
• FSSAI या भारतातील संस्थेने भारतात FAT, साखर आणी मीठ  यांचे प्रमाण जास्त असलेल्या ‘JUNK फूड्स’ ची जाहिरात लहान मुलांसाठी असलेल्या वाहिन्यांवर किंवा कार्यक्रमात करण्यावर बंदी घातली आहे.
• सेबी लवकरच वायदा बाजारात फिझीकल डिलिव्हरी आणण्याच्या विचारात आहे. जर कंपन्यांनी काही अटी पूर्ण केल्या नाहीत तर त्यांच्या शेअर्सची वायदा बाजारात फिझीकल डिलिव्हरी करावी लागेल. आता वायदा बाजारात शेअर्सची प्रत्यक्ष डिलिव्हरी न होता वायदे कॅशबेसिसवर सेटल केले जातात.

खाजगी कंपन्यांच्या घडामोडी

• बँक ऑफ इंडिया आपली UAE मधील आपली शाखा बंद करणार आहे.
• ICICI बँकेच्या अडचणी वाढतच आहेत. आता NCLTने ICICI बँकेने JP असोसिएटला दिलेल्या कर्जामध्ये खूप मोठा घोटाळा आहे. बँकेने ७ दिवसाच्या आत NCLT ला स्पष्टीकरण द्यावे असा आदेश दिला आहे. ICICI बँकेने जे पी इन्फ्राची ८५८ एकर जमीन तारण ठेवून जे पी असोसिएटला कर्ज दिले. या जमिनीची किमत Rs ५००० ते ६००० आहे.
• युरोपियन पेटंट ऑफिसकडून ऑईल इंडियाला पेटंट मिळाले.
• रिलायंस इन्फ्रास्ट्रक्चरला तामिळनाडूमध्ये Rs १०८० कोटींची ऑर्डर मिळाली.
• ITC आणी पेप्सिको या दोन्ही कंपन्यांमध्ये जाहिरातींवरून वाद चालू आहे. ITC आता ‘ट्रापिकाना’ची जाहिरात बदलण्यास तयार आहे.
• फ्युचर सप्लाय चेनमध्ये परदेशी गुंतवणुकीची मर्यादा २४% वरून ४९% केली.
• एअरसेल ही आपला एक महत्वाचा ग्राहक असलेली कंपनी NCLT मध्ये गेल्यामुळे विप्रो या IT क्षेत्रातील दिग्गज कंपनीने आपला प्रॉफीट गायडंस कमी केला आहे.
• क्रुडऑइल, अल्युमिनियम, आयर्न ओअर यांचे भाव वाढल्यामुळे वेदान्ता या कंपनीला फायदा होईल.
• GRAVITA या कंपनीने आंध्रप्रदेशातील युनिटमधून GRANUALS चे उत्पादन सुरु केले.
• झेन टेक ही कंपनी सिम्युलेशन सर्विसेस देण्याचे तसेच ‘DRONE’ पुरवण्याचे काम करते. सरकारला ४६० DRONची जरुरी आहे.
• मारुतीने गुजराथमधून स्विफ्ट गाड्यांची निर्यात सुरु केली.
• WATER प्रोजेक्ट साठी वेलस्पन कॉर्पला Rs ९५४४ कोटींची मोठी ऑर्डर मिळाली.
• DR रेड्डीज या कंपनीला त्यांच्या मेक्सिकोमधील प्लांटसाठी USFDA कडून EIR मिळाला.
• बोईंग कंपनी, HAL(हिंदुस्थान एअरोनॉटिक्स LTD) आणी महिंद्र डिफेन्स सिस्टम्स यांनी F/A -१८ ही लढाऊ विमाने बनवण्यासाठी करार केला.
• ITI या कंपनीचा निकाल चांगला आला. पुष्कळ वर्षानी कंपनी प्रॉफीट मध्ये आली.
• इन्फोसिस या IT क्षेत्रातील दिग्गज कंपनीचे निकाल आले एकूण उत्पन्न Rs १८०८३ कोटी , EBITD Rs ४४७२ कोटी, एकूण नफा Rs ३६९० कोटी, तर ऑपरेटिंग मार्जिन २४.७% होते. कंपनीने FY २०१९ साठी CONSTANT करन्सी गायडंसमध्ये ६% -८%, डॉलर्स टर्ममध्ये ७% -९%  आणी मार्जिन  गायडंस २२% ते २४% दिला. कंपनीने Rs २०.५० प्रती  शेअर फायनल लाभांश आणी Rs १० प्रती शेअर स्पेशल लाभांश जाहीर केला. इन्फोसिस या कंपनीचे  निकाल अपेक्षेप्रमाणे लागले.

कॉर्पोरेट एक्शन

• स्मार्ट लिंक या कंपनीने Rs १२० प्रती शेअर या भावाने ‘शेअर BUY BACK’ जाहीर केला. (‘BUY BACK’ या कॉर्पोरेट एक्शनविषयी सविस्तर माहिती माझ्या ‘मार्केट आणी मी’या पुस्तकात दिली आहे)
• फेडरल बँक फेडरल इन्शुरन्स या कंपनीमधील आपला ४८% स्टेक विकणार आहे.
• सेंट्रल बँकेने आपला होम फायनान्स बिझिनेस विकण्याची योजना रद्द केली. सेन्ट्रल बँकेने ARSS इन्फ्रा विरुद्ध ६२.८३ कोटी घोटाळा केल्याचा गुन्हा दाखल केला.
• फोर्टिस हेल्थकेअर ही कंपनी विकत घेण्यासाठी मणिपाल हॉस्पिटल्सने आपली योजना जाहीर केल्यावर काही मायनॉरिटी शेअरहोल्डर्सनी आपली नाराजी व्यक्त केली होती. यावर उपाय म्हणून मणिपाल हॉस्पिटल्सने आपली सुधारीत ऑफर जाहीर केली. आता या स्पर्धेत मलेशियाची कंपनी IHH हेल्थकेअरने प्रती शेअर Rs १६० भावाने शेअर्स खरेदी करण्याची एक आठवड्याची मुदत दिली. आता हिरो ग्रूपचे मुंजाल आणी डाबर ग्रुपचे बर्मन यांनी Rs १२५० कोटी फोर्टिसमध्ये गुंतवण्याची ऑफर दिली आहे. यातील Rs ५०० कोटी लगेच तर Rs ७५० कोटी ड्यू डीलीजन्स केल्यानंतर ऑफर केले आहेत.
• MAX इंडिया चा प्रमोटर अनालजितसिंग MAX हेल्थकेअर मधील मधील ४७.५% स्टेक लाईफ हेल्थकेअर ग्रूप कडून US $ ४५० ते ५४० मिलियनला विकत घेण्याचा विचार करत आहे.

या आठवड्यात झालेली लिस्टिंग

• लेमन ट्री हॉटेल्सच्या शेअर्सचे लिस्टिंग चांगले झाले. ज्यांना शेअर्स अलॉट झाले त्याना Rs १० प्रती शेअर लिस्टिंग गेन झाला.

मार्केटने काय शिकवले
गुंतवणूक करत असताना एखाद्या कंपनीचा शेअर केवळ स्वस्त मिळतो आहे म्हणून विकत घेऊ नये. नेहेमी कंपनीने आपले कार्यक्षेत्र, व्यवस्थापन, ध्येयधोरणे, विस्तारयोजना असे काही बदल केले आहेत कां ? ज्यायोगे कंपनीची प्रगती होईल याचा आढावा घ्यावा जर शेअरची किमत खूपच कमी झाली असेल तर त्यामागच्या कारणांची माहिती करून घेऊन मगच असा शेअर खरेदी करणे योग्य ठरते. आपली धोका पत्करण्याची तयारी आणी दीर्घ मुदतीसाठी थांबण्याची तयारी यांचाही विचार करावा.
जेव्हा एखादा सेक्टर प्रकाशात असतो तेव्हा विविध वर्तमानपत्रात, दूरदर्शनच्या वाहिन्यांवरून या क्षेत्रातील कंपन्यांची माहिती आपल्या संग्रही ठेवावी. हा सेक्टर जोपर्यंत प्रगतीच्या प्रकाशात असतो तोपर्यंत आपल्याला फायदा होऊ शकतो.  उदा. आता होजीयरी सेक्टर प्रकाशात आहे यामध्ये LUX, VIP क्लोदिंग, बॉम्बे डाईंग, पेज इंडस्ट्रीज.
PC ज्युवेलर्सच्या शेअरमध्ये ‘डेड कॅट बाउन्स’ ची लक्षणे आढळत आहेत. हा शेअर कोणताही विशिष्ट ‘PATTERN’ नसताना वाढत आहे. सिंडीकेट बँकेचे बरेच NPA अकौंट NCLT मध्ये गेले. त्यामुळे बँकेच्या शेअर्सचा भाव ३०% ने पडला. जसजशी या अकौंटविषयी  NCLTमध्ये रेझोल्युशन होतील तसा हळू हळू या शेअर चा भाव सुधारत जाईल.
आता भारताच्या कॉर्पोरेट जगतात वार्षिक निकाल जाहीर होण्याचा काळ आहे.गोवा कार्बन, GM ब्रुवरीज आणी VST इंडस्ट्रीज यांचे वार्षिक निकाल चांगले आले. VST इंडस्ट्रीज ने Rs ७७.५० प्रती शेअर लाभांश दिला. आपल्याला वेगवेगळ्या कंपन्या त्यांचे वार्षिक निकाल कधी जाहिर करतील याची माहिती BSE किंवा NSE च्या साईटवर जाऊन रिझल्ट कॅलेंडरमध्ये मिळू शकते. मार्केट या वर्षी कॉर्पोरेट रिझल्ट्सच्या बाबतीत आशावादी आहे. आपण कंपनीचे गेल्या तीन तीमाहींचे निकाल तसेच अग्रिम आयकराचे आकडे बघून निकालाच्या आधी शॉर्ट टर्म ट्रेड करू शकता.
अक्षय तृतीयेच्या निमित्ताने अक्षय पात्राची आठवण होते. या पात्रातील अन्न असो संपत्ती असो नाहीशी कधीच होत नाही. आपण ठेवलेल्या अन्न किंवा धनाच्या कितीतरी पट हे पात्र आपल्याला देते. शेअर मार्केट जवळ जवळ असेच अक्षय पात्र आहे. यातील संपत्ती प्रत्येकासाठी त्याला झेपेल त्या त्या प्रमाणात उपलब्ध आहे अर्थात अभ्यास, व्यासंग याची गुंतवणूक आपणाला करावीच लागते. प्रत्येकाला त्याच्या गुंतवणुकीच्या, अभ्यासाच्या आणी व्यासंगाच्या प्रमाणात शेअर मार्केट देते. पडले तरी वाढते, पडले तरी देते आणी वाढले तर देतेच देते. आपण अक्षय तृतीयेला ज्या कंपन्यांचे शेअर्स पिढ्यांनपिढ्या गुंतवणूकदारांच्या आणी ट्रेडर्सच्या संपत्तीमध्ये वाढ करीत आहेत अशा शेअर्समध्ये गुंतवणूक करावी. म्हणजे या साडेतीन मुहूर्तापैकी एक असलेल्या मुहूर्तावर सुरु केलेली आपली संपती आणी समृद्धीची वाढ अक्षय टिकेल. आणी पुढील पिढ्यांसाठी एक अक्षय ठेवा होईल.
BSE निर्देशांक सेन्सेक्स ३४१९२ वर NSE निर्देशांक निफ्टी १०४८० वर आणी बँक निफ्टी २५२०० वर बंद झाले

आधीच्या आठवड्याचं समालोचन वाचण्यासाठी इथे क्लिक करा
साप शिडीचा खेळ – २ एप्रिल २०१८ ते ६ एप्रिल २०१८
हा आठवडा चांगला गेला असेच म्हणावे लागेल. ट्रेडवॉरमुळे मार्केट पडले आणी ट्रेड वॉर हटते आहे असे कळल्यावर सुधारले. RBI च्या वित्तीय पॉलिसीला मार्केटने सुंदर सलामी दिली. सरकारचे कॉर्पोरेट सेक्टरमध्ये स्वच्छता अभियान चालूच आहे. PNB, ICICI बँक, AXIS बँक या पाठोपाठ L & T लाही फटका बसतो काय असे वाटते आहे. आता भारतातील बातम्या पाहण्यापेक्षा ट्रेडर्स आणी गुंतवणूकदार रात्री जागून ट्रंप यांचा पुढील पवित्रा काय असेल आणी त्याचा शेअर मार्केटवर काय परिणाम होईल याचा अंदाज घेत असतात. त्यामुळे USA चे अध्यक्ष ट्रंप काय म्हणतात किंवा कोणता विचार करतात हेच आतातरी ‘ट्रंप कार्ड’ बनून राहिले आहे. चांगल्या बातमीची शिडी बघितली की हुरळून मार्केट सरासर वर चढते आणी वाईट बातमीचा साप दिसला की घाबरून तेवढ्याच वेगाने खाली येते. त्यामुळे ट्रेडिंग करणे कठीण जात आहे.
आंतरराष्ट्रीय घडामोडी
USA चे अध्यक्ष डोनाल्ड ट्रंप यांनी चीनमधून आयात होणार्या १३०० प्रोडक्ट्सवर इम्पोर्ट ड्युटी लागू केल्यावर चीनने USA मधून आयात होणार्या १०६ वस्तूंवर २५% अतिरिक्त ड्युटी लावली. यात प्रामुख्याने सोयाबीन, कार्स, आणी वेगवेगळ्या केमिकल्स चा समावेश आहे. ट्रंप यांनी आपण चीनमधून येणाऱ्या वस्तूंवर नव्याने ड्युटी लावू असे सांगितल्याने जगभरातील शेअरमार्केट पडली.
सरकारी अनौंसमेंट

• साखर उत्पादन करणाऱ्या कंपन्या ३० सप्टेंबर २०१८ पर्यंत साखरेची निर्यात करू शकतात.
• सरकारने १ एप्रिल २०१८ पासून E WAY बिल प्रणाली सुरु केली.
• सरकारने CNG आणी PNG च्या किमती वाढवल्या.
• बॉंड यील्ड वाढल्यामुळे बँकांना २०१७ मध्ये जे ‘मार्क टू मार्केट’ लॉसेस झाले ते लॉसेस येत्या ४ तिमाहीत विभागून दाखवलेले चालतील अशी सवलत दिली.
• CBI, ED, आणी इतर ऑथोरिटीजने जप्त केलेली मालमत्ता डेव्हलप करण्यासाठी NBCC या सरकारी कंपनीकडे सोपवली जाणार आहे.
• १ सप्टेंबर २०१८ पासून सिगारेट उत्पादन करणार्या कंपन्यांनी सिगारेटच्या पाकिटावर मोठ्या अक्षरात ‘सिगारेटमुळे कॅन्सर होतो सिगारेट सोडा’ असे लिहिले पाहिजे आणी त्यांच्या कॉल सेंटरचा टेलिफोन नंबर दिला पाहिजे अशी तरतूद केली.

 
RBI SEBI आणी इतर प्रशासनिक संस्था

• स्कायमेट या सरकारी संस्थेने सामान्य मान्सूनचे अनुमान केले. जोरदार पावसाचे अनुमान ५% तर सरासरीपेक्षा जास्त मान्सूनची शक्यता २०% तर दुष्काळाची शक्यता नाही असे सांगितले. जून २०१८ मध्ये जास्त पाउस पडेल असे सांगितले. यामुळे मार्केट आश्वस्त होऊन मार्केटमध्ये आशादायक वातावरण निर्माण झाले. चांगल्या मान्सूनच्या अनुमानामुळे ग्रामीण भागातील मागणी वाढेल आणी FMCG, ऑटो, आणी कंझ्युमर क्षेत्रातील कंपन्यांना फायदा होईल. पावसाचे प्रमाण चांगले झाले तर NHPC SJVN या हायड्रोपॉवर कंपन्यांवर अनुकूल परिणाम होईल.
• बिनानी इंडस्ट्रीजचा सिमेंट कारभार अल्ट्राटेक सिमेंट या कंपनीला मिळणार आहे. यामध्ये सर्व कर्जदार बँकांना त्यांची कर्जबाकी १००% मिळेल असे सांगितले.
• USA कोर्टाने PNB ला नीरव मोदीच्या केस मध्ये पार्टी करून घ्यायला नकार दिला. नीरव मोदीची मालमता विकण्यासाठी या कोर्टाने बोली मागवली आहे.
• SFIO (सिरीयस फ्राड इन्व्हेस्टिगेशन ऑफिस) ने ICICI च्या केसची चौकशी करण्यासाठी कंपनी मंत्रालयाकडे मंजुरीसाठी मागणी केली आहे.
• RBI ने ५ एप्रिल २०१८ रोजी आपली वित्तीय पॉलिसी जाहीर केली. ही वर्षाच्या सुरुवातीची पॉलिसी असल्यामुळे या पॉलिसीच्या डॉक्युमेंटमध्ये भावी वर्षांविषयी भाष्य केलेले असते. RBI ने CRR, रेपो रेट, रिव्हर्स रेपो रेट, SLR यामध्ये कोणताही बदल केला नाही. त्यांनी असे सांगितले की महागाई कमी होईल. महागाईचे अनुमान वर्षभरात ४.७% ते ५.१% राहील तसेच एप्रिल २०१८ ते सप्टेंबर २०१८ या काळात महागाई ४.७% ते ५.१% एवढी तर ऑक्टोबर २०१८ ते मार्च २०१९ दरम्यान ४.४% राहील असे सांगितले. CPI मध्ये HRA चा समावेश नसावा अशी सुचना केली. RBI ने वित्तीय वर्ष २०१८- २०१९ साठी GDP ७.४ % ने वाढेल असा अंदाज व्यक्त केला.
• RBI ने IND–AS (INDIAN ACCOUNTING STANDARD) ची अंमलबजावणी १ वर्ष पुढे ढकलली.
• AMTEK ऑटोला लिबर्टी ग्रूपकडे सोपवण्याचा निर्णय NCLT ने घेतला.
• सेबीने काही शेअर्सच्या सर्किट लिमिटमध्ये बदल केले.
• अलेम्बिक फार्माच्या गुजरातमधील पानेलाव युनिटची USFDA ने १२ मार्च ते २० मार्च २०१८ या काळात तपासणी केली. त्यात ३ त्रुटी आढळल्या. कर्मचाऱ्यांना देण्यात येणाऱ्या प्रशिक्षणात आणी प्रोडक्शन प्रोसेस मध्ये त्रुटी आढळल्या.
• सिक्वेंट सायंटीफिक आणी स्ट्राईडस शासून या दोन्ही कंपन्यांचा APM बिझिनेस एकत्र करून त्याचे लिस्टिंग केले जाईल.

अर्थव्यवस्थेच्या गोष्टी

• NSE चा निर्देशांक निफ्टीमधून २ एप्रिल २०१८ पासून अंबुजा, बॉश आणी ऑरोबिंदो फार्मा या कंपन्या बाहेर पडल्या तर टायटन, ग्रासिम, आणी बजाज फिनसर्व यांचा समावेश झाला.

खाजगी कंपन्यांच्या घडामोडी

• वेदांता या कंपनीने इलेक्ट्रो स्टील स्टील्स या IBC खाली गेलेल्या कंपनीच्या खरेदीची बोली जिंकली.
• कॅन फिना होम्स या कंपनीतील आपला स्टेक विकण्याचा आपला निर्णय कॅनरा बँकेने तूर्तास रहित केला आहे.
• कॅडिला हेल्थकेअर या कंपनीच्या अहमदाबाद येथील चन्गोदार प्लांटच्या USFDA ने केलेल्या तपासणीत कोणत्याही त्रुटी दाखवल्या नाहीत.
• ऑटो विक्रीचे मार्च २०१८ चे आकडे आले यात मारुती, अशोक LEYLAND, महिंद्र आणी महिंद्र, बजाज ऑटो यांच्या विक्रीचे आकडे चांगले आले.
• GALAXY SURFACTANT या कंपनीच्या प्लांटच्या USFDA ने केलेल्या तपासणीत १४ त्रुटी दाखवल्या.
• अस्कॉन JV कडून ITI या कंपनीला Rs १२०० कोटींची ऑर्डर मिळाली. ITI चे ऑर्डर बुक Rs १०००० कोटी झाले.
• रिलायंस जियोने स्टेट बँक ऑफ इंडिया बरोबर JV करून ३ एप्रिल २०१८ पासून पेमेंट बँक सुरु केली.
• कर्नाटक मध्यप्रदेश राजस्थान या राज्यात विधानसभेच्या निवडणुका होणार असल्याने जाहिरातींचा भडीमार होईल. याचा फायदा जागरण, HT मेडीया, टी व्ही टूडे या कंपन्यांना होईल.
• महिंद्र लाइफस्टाइलने पालघरला जे ८०० घरांचे प्रोजेक्ट सुरु केले होते त्याची विक्री चांगली झाली आहे. यातील ४०० घरे विकली गेली.
• कन्साई NEROLAC ही कंपनी एक ‘पॉवडर कोटिंग’ करणारी कंपनी विकत घेणार आहे.
• क्रूडचे वाढते भाव आणी सबसिडीचा ऑईल इंडियावर जास्त भार पडेल.
• AU SMALL फायनान्स बँकेने इन्शुरन्स प्रोडक्ट विकण्यासाठी जनराली इन्शुरन्स कंपनीबरोबर करार केला.
• NCC या कंपनीला मार्च २०१८ या महिन्यात Rs १०८५ कोटींच्या ऑर्डर्स मिळाल्या.
• सन दियाजीयो या शहरातून झेन्सार टेक्नॉलॉजी या कंपनीला US $ ७.९ कोटींची ऑर्डर मिळाली.
• सलमानखान याला हरणाची शिकार केल्याच्या केसमध्ये ५ वर्ष शिक्षा झाली. त्याच्याशी संबंधीत धर्मादाय ट्रस्ट ‘BEING HUMAN’ याच्याशी संबंधीत असलेली टेक्स्टाईल क्षेत्रातील कंपनी MANDHAANAA रिटेल या कंपनीचा शेअर १५% पडला.
• मदरसन सुमी या कंपनीने REYDEL ऑटो ग्रूप US $ २०१ मिलियनला विकत घेतला

कॉर्पोरेट एक्शन     

• स्मार्ट लिंक या कंपनीने शेअर ‘BUY BACK’ वर विचार करण्यासाठी बोर्ड ऑफ डायरेक्टर्सची बैठक शनिवार ७ एप्रिल २०१८ रोजी बोलावली आहे.
• इंडस इंड बँकेने ILFS सिक्युरिटीज सर्विसेसच्या केलेल्या अधिग्रहणाला मंजुरी मिळाली.
• GM ब्रुअरीज या कंपनीच्या चौथ्या तिमाहीचे आणी वार्षिक निकाल चांगले आले. कंपनीने तुमच्याजवळ ४ शेअर्स असतील तर १ बोनस शेअर देण्याची घोषणा केली. Rs ३ प्रती शेअर लाभांश जाहीर केला.
• MAGMA फिनकॉर्प या कंपनीचा QIP इशू ओपन झाला. याचा भाव प्रती शेअर Rs १५४.४७ आहे. (QIP विषयी खुलासेवार माहिती माझ्या ‘मार्केट आणी मी’ या पुस्तकात दिली आहे.)
• एप्रिल १४ २०१८ रोजी ICICI सिक्युरिटीज लाभांश देण्यावर विचार करेल.
• अक्झो नोबेल ही कंपनी Rs २१०० प्रती शेअर या भावाने ११ लाख शेअर्स Rs २३५.२० कोटीना ‘BUY BACK’ करेल.

नजीकच्या भविष्यकाळात येणारे IPO

• क्रिस्टल क्रॉप प्रोटेक्शन या कंपनीचा IPO लवकरच येईल.

या आठवड्यातील लिस्टिंग

• करडा कन्स्ट्रक्शन या कंपनीच्या शेअर्सचे Rs १३६ वर तर संधार टेक्नॉलॉजी या कंपनीच्या शेअर्सचे लिस्टिंग Rs ३४५ वर झाले.
• ICICI सिक्युरिटीज या कंपनीच्या शेअर्स चे लिस्टिंग Rs ४३५ वर झाले. या कंपनीने IPO मध्ये Rs ५२० प्रती शेअर्स या भावाने शेअर्स दिले होते.
• मिश्र धातू निगम या सरकारी कंपनीच्या शेअर्सचे लिस्टिंग Rs ८७ वर झाले. या कंपनीने आपले शेअर्स Rs ९० प्रती शेअर या भावाने IPO मध्ये दिले होते.

टेक्निकल विश्लेषण
गुरुवारी निफ्टी ५० चा कॅण्डल स्टीक चार्ट पाहिला तर ‘बुलीश मारुबोझू’ कॅन्डल तयार झाली या दिवसावर पूर्ण दिवस बुल्स चे नियंत्रण होते. अपर किंवा लोअर WICKS नव्हत्या. लो आणी हाय हेच ओपन आणी क्लोज होते.
मार्केटने काय शिकवले
मार्केटमध्ये VOLATILITY भरपूर आहे. मार्केट सतत पडते आहे किंवा वाढते आहे. पडताना ट्रेडिंग VOLUME कमी तर वाढताना ट्रेडिंग VOLUME जास्त असतो म्हणजेच मार्केटचा ट्रेंड बदलत आहे असे वाटते.
मार्केटमधील अस्थिरता सहन होत नसेल किंवा तिच्याशी जुळवून घेता येत नसेल तर स्वस्थ बसा. पण मार्केटमधील घडामोडींवर लक्ष ठेवा म्हणजे परत जेव्हा अशी अस्थिरता येईल तेव्हा तिला तोंड द्यावयाचे उपाय शोधता येतील. आणी होणारे नुकसान टाळता येईल किंवा किमान नुकसान सोसून मार्केटमधून तात्पुरते बाहेर येता येईल.
मार्केटमधून तुम्ही तात्पुरते बाहेर या पण मार्केटला तुमच्या मनातून बाहेर काढू नका. कारण मार्केटमधील स्थितीचा अंदाज यायचा असेल तर मार्केटला आपल्या मनाच्या अंतरी आणी जवळी बसवावे लागते.
आयुष्यात जशा आकस्मिक येणाऱ्या घटनांना, संकटाना, प्रतिकूल प्रसंगांना तोंड द्यावे लागते. तीच बाब मार्केटची  आहे.या प्रसंगातून, संकटातून, घटनातून शक्यतो सुरक्षित आणी फायदेशीररीत्या बाहेर पडण्याच्या वाटा शोधण्याची सवय ठेवा. नाईलाज झाला तर किमान नुकसान सोसून वेळीच बाहेर पडण्याची सवय अंगी बाणवून घ्या. पण मार्केट्ची साथ सोडू नका, त्याच्या वेगाबरोबर आपला वेग जमवण्याचा प्रयत्न करा. कारण ‘थांबला तो संपला धावत्याला शक्ती येई आणी रस्ता सापडे’. हेच खरे.
BSE निर्देशांक सेन्सेक्स ३३६२६ वर तर NSE निर्देशांक निफ्टी १०३३१ वर तर बँक निफ्टी २४८७३ वर बंद झाले