Monthly Archives: June 2018

आजचं मार्केट – २९ जून २०१८

Leave a reply

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – २९ जून २०१८
आज मार्केट ४०० पाईंट वाढल्यामुळे आनंदी वातावरण होते. याला कारण म्हणजे
(१) रुपया US $ १ = Rs ६९.०९ वरून US $ १ =Rs ६८.४४ झाला. म्हणजे ६५ पैसे मजबूत झाला.
(२) आंतरराष्ट्रीय संकेत चांगले होते.
(३) क्रूडची किंमत कमी झाली.
(४) चीन आणि USA यांच्या ट्रेंड वॉर मध्ये चीनने शेतमाल, रसायने आणि धातू यावरील टॅरिफ कमी करायचे ठरवले.
(५) FII (फॉरीन इन्स्टिट्यूशनल इन्व्हेस्टर) ची विक्री कमी झाली
(६) VIX ६% कमी झाला
IDBI आणि एल आय सी यांच्यातील व्यवहाराला IRDA ची मंजुरी मिळेल अशी बातमी आहे. LIC IDBI बँकेमध्ये Rs १३००० कोटींची गुंतवणूक करणार आहे. टॉरंट फार्मा यांच्या कोलेस्टेरॉलवरील औषधाला USFDA ची मंजुरी मिळाली. ICICI बँकेचे चेअरमन म्हणून चतुर्वेदींची (IAS कॅडर १९७७ ) यांची नेमणूक झाली
विशेष लक्षवेधी

  • तळवलकर लाईफ स्टाइल्सचे लिस्टिंग Rs १३६.८० वर झाले.
  • प्रिझम सिमेंटचे नाव आता प्रिझम जॉन्सन असे झाले.
  • GALLANT इस्पात आपल्या एका शेअरचे १० शेअर्स मध्ये स्प्लिट करेल.
  • PNB ने आपला ‘ICRA’ मधील ३.३% स्टेक विकला.

आज मी तुम्हाला पेज इंडस्ट्रीचा चार्ट देत आहे. या चार्टवरून हेड आणि शोल्डर पॅटर्न समजतो. शेअरची किंमत तेजीचा ट्रेंड असताना एका विशिष्ट्य पातळीपर्यंत वाढते. आणि तिथून पडायला सुरुवात होते. हा डावा शोल्डर झाला पुन्हा वाढते तेव्हा पहिल्या पातळीच्यावर किंमत जाते. ते हेड फॉर्म होते. नंतर मार्केटमध्ये पुन्हा मंदी येते. किंमत घसरते तेव्हा व्हॉल्युम कमी असतो. तिथून पुन्हा किंमत वाढायला सुरुवात होते ती डाव्या शोल्डरच्या पातळीएवढीच किंमत वाढते. दोन्ही वेळच्या बॉटम मधून एक लाईन ड्रा केली तर तिला नेक लाईन म्हणतात. उजवा शोल्डर फॉर्म झाल्यानंतर किंमत नेक लाईनपर्यंत आल्यावर हा पॅटर्न पूर्ण होतो. तेथून पुन्हा किंमत वाढायला सुरुवात झाली तर झपाट्याने वाढते. किंमत नेक लाईनच्या पातळीच्या खाली गेली तर किंमत पडायला सुरुवात होते .
पुढील आठवड्यातील विशेष लक्षवेधी

  • रविवार १ जुलै पासून ऑटो विक्रीचे आकडे यायला सुरुवात होईल. बजाज ऑटो आणि मारुतीचे ऑटो विक्रीचे आकडे चांगले येतील असा अंदाज आहे.
  • २ जुलै २०१८ रोजी RITES आणि फाईन केमिकल्स यांच्या शेअर्सचे लिस्टिंग आहे.
  • ५ जुलै २०१८ रोजी रिलायन्सची सर्वसाधारण वार्षिक सभा आहे. त्यामध्ये रिलायंस रिटेल आणि रिलायन्स जिओ यांच्या IPO विषयी घोषणा होण्याची शक्यता आहे.
  • ५ जुलै २०१८ ला गेल्या FOMC बैठकीचे मिनीट जाहीर केले जातील.
  • ६ जुलै रोजी VARROC इंजिनीअरिंगच्या शेअर्सचे लिस्टिंग होईल.
  • १८ जुलै २०१८ पासून संसदेचे पावसाळी अधिवेशन चालू होऊन १० ऑगस्ट २०१८ रोजी संपेल.
  • ट्रम्प आणि पुतीन यांची शिखर परिषद २१ जुलै रोजी होईल.
  • २१ जुलै २०१८ रोजी GST कॉऊन्सिलची बैठक आहे.

वरील सर्व ट्रिगर्समुळे जुलै महिन्यात मार्केटमध्ये चांगली आशादायी हालचाल असेल. BSE निर्देशांक सेन्सेक्स ३५४२३ NSE निर्देशांक निफ्टी १०७१४ आणि बँक निफ्टी २६३६४ वर बंद झाले.
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!
 

आजचं मार्केट – २८ जून २०१८

2 Replies

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – २८ जून २०१८

आज मार्केटची तब्येत जास्तच बिघडली. ब्रेंट क्रूड US $ ७८ वर पोहोचले. त्यातच रुपया सुद्धा US $ १ =  Rs ६९.०९ पर्यंत पोहोचला. याला कारण म्हणजे FII म्हणजेच फॉरीन इंडीव्हिजुअल इन्व्हेस्टर्स त्यांची भारतातील गुंतवणूक काढून घेत आहेत. त्यातच दुष्काळात तेरावा महिना असल्याप्रमाणे सेबीने १९ कंपन्यांवर २९जून २०१८ ते २६ जुलै २०१८ या कालावधीसाठी एक्स्पोजर मार्जिन वाढवले आहे. ASM लिस्ट मध्ये रोज दोन तीन शेअर्स समाविष्ट केले जात आहेत. अशा वेळी आयात करणाऱ्या कंपन्यांना तोटा तर निर्यात करणाऱ्या कंपन्यांना फायदा होतो. ज्या कंपन्यांनी विदेशी चलनामध्ये कर्ज घेतले आहे त्या कंपन्यांची स्थिती बिकट होते. त्या विरुद्ध ज्यांना परदेशी चलनात पेमेंट मिळते त्यांचा फायदा होतो. उदा :- गुजरात पिपावाव आणि दीपक नायट्रेट.
मर्केटर लाईन्स या कंपनीला गुजरात सरकारकडून २० वर्षांसाठी मायनिंग लीज मिळाली. UPL या कंपनीचा मोठा बिझिनेस ब्राझीलशी संबंधित आहे. ब्राझीलची करन्सी कमजोर झाल्यामुळे UPL च्या शेअरवर परिणाम होतो. RBL  बँकेने स्वाधार फिनसर्वमध्ये १००% स्टेक  खरेदी केल्यामुळे आता ही कंपनी RBL बँकेची सबसिडीअरी झाली. महाराष्ट्रात छोट्या किरकोळ व्यापाऱ्यांना प्लास्टिकबंदीतून तीन महिन्यासाठी सूट दिली.
DR रेड्डीजच्या मेडक युनिटला USFDA ने क्लीनचिट  दिली. पराग मिल्क या कंपनीने स्वीडनच्या कंपनीकडून  पेटंट राईट्स खरेदी करण्यावर विचार करण्यासाठी येत्या सोमवारी बोर्ड ऑफ डायरेक्टर्सची  बैठक  बोलावली आहे. श्री सिमेंटने कर्नाटकातील कोंडला येथे वार्षिक ३० मेट्रिक टन क्षमतेचा प्लांट सुरु केला.
रिलायांस इन्फ्रा चा मुंबईला पॉवर सप्लाय करण्याचा बिझिनेस अडाणी ट्रान्समिशनला विकण्यासाठी MERC ने ( महाराष्ट्र इलेक्ट्रिसिटी रेग्युलेटरी कमिशन)  मंजुरी दिली. रिलायन्स इंफ्राने सांगितले की यातून मिळालेला पैसा कर्ज फेडण्यासाठी वापरला जाईल.
विशेष लक्षवेधी
  • उद्या तारीख २९ जून २०१८ रोजी तळवलकर लाईफस्टाईल या कंपनीचे लिस्टिंग होणार आहे. ही कंपनी जिम्नॅशियमच्या बिझिनेसमध्ये आहे.
  • इंडियन बँक या सार्वजनिक क्षेत्रातील सरकारी बँकेने जाहीर केलेला ६% लाभांश RBI ने दिलेल्या ऑर्डरनुसार रद्द केला.
  • ज्योती लॅब या कंपनीच्या १:१ बोनसची आज एक्स डेट होती .
  • VARROC इंजिनीअरिंगचा IPO १.१७ वेळा ओव्हर सबस्क्राईब झाला.
  • रुपया आणि क्रूड दोन्ही सुधारल्याशिवाय मार्केटचे पडणे थांबेल असे वाटत नाही.
  • ओव्हरसोल्ड  झोन नंतर रिलीफ रॅली येईल. पण ट्रेडर सेल ऑन रॅलीज ही पद्धत अवलंबतील. जुलै महिन्यात पहिल्या तिमाहीचे निकाल सुरु झाले की मार्केटला नवीन ट्रिगर मिळेल.
BSE निर्देशांक सेन्सेक्स ३५०३७ NSE निर्देशांक निफ्टी १०५८९ तर बँक निफ्टी २६३२४ वर बंद झाले.

 
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!
 

आजचं मार्केट – २७ जून २०१८

Leave a reply

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – २७ जून २०१८
गेले दोन आठवडे मार्केट निफ्टी १०७०० ते १०८०० या मर्यादेत फिरत होते. कोणत्यातरी बाजूने मार्केट सरकणार हे निश्चित होते रुपया US $ १ = ६८.५३ वर पोहोचला. हा रुपयांचा १९ महिन्यातील किमान दर आहे. क्रूड US $ ७६.५६ वर पोहोचले. USA ने अपील केले आहे की इराणकडून क्रूड खरेदी करू नका. वाढलेली क्रूड ची किंमत तसेच रुपयांचा कमी झालेला विनिमय दर यामुळे आज मार्केट निफ्टी १०० पाईंट पडले. आज करन्सी फ्युचर्सची एक्स्पायरी होती. RBI ने कोणतीही कारवाई न केल्यामुळे रुपया पडतच राहिला.
आज सरकारने साखर उत्पादकांवर दुहेरी सवलतींचा वर्षाव केली. Rs ५.५० प्रती क्विंटल ऊस सबसिडी जाहीर केली. यासाठी ठेवलेल्या सर्व अटी रद्द केल्या. तसेच इथेनॉलची किंमत Rs ३ प्रती लिटर वाढवण्यास मंजुरी दिली. सी ग्रेड मोलासिस आणि बी ग्रेड मोलासिस पासून काढलेल्या इथेनॉलवर किंमत वाढ जाहीर केली.
ITC च्या नॉन एक्झिक्युटिव्ह चेअरमनची मुदत दोन वर्षांनी वाढवली. तसेच कंपनी नॉन सिगारेट बिझिनेसमध्ये Rs २५००० कोटींची गुंतवणूक करेल. FMGC बिझिनेससाठी २० जादा युनिट लावेल. कंपनीचा हॉटेल कारभार वाढवण्यावर भर असेल. HCL TECH ही कंपनी जर्मनीमधील H & D इंटरनॅशनल ला ३ कोटी युरो किमतीला खरेदी करेल. हा व्यवहार ऑगस्ट महिन्यात पुरा होईल. यामुळे कंपनीच्या जर्मनीमधील IT आणि इंजिनीअरिंग सर्व्हिसेसच्या बिझिनेसमध्ये वाढ होईल. NCALTने इलेक्ट्रो स्टील स्टीलस कंपनीच्या शेअर्सचे डीलीस्टिंग थांबवण्यास नकार दिला. सरकारच्या ६३ मुन्स या कंपनीला टेकओव्हर करण्याच्या निर्णयावर स्टे देण्यास नकार दिला. गेटवे डिस्ट्रीपार्क ही कंपनी गेटवे रेल मधील ब्लॅकस्टोनचा स्टेक Rs ८१० कोटींना खरेदी करणार आहे. कॉक्स आणि किंग्स ऑस्ट्रियामध्ये नवीन हॉटेल काढणार आहे. फोर्टिस हेल्थकेअरचे तिमाही आणि वार्षिक निकाल निराशाजनक होते. तर मनपसंद बिव्हरेजीसचे निकाल समाधानकारक होते. एल आय सी जरी IDBI बँकेत स्टेक खरेदी करणार असली तरी व्यवस्थापन मात्र स्वतंत्रच राहील. IDBI बँक एल आय सी मध्ये मर्ज न होता एल आय सी ची सब्सिडीयरी म्हणून राहील.
विशेष लक्षवेधी

  • सेबीने HDFC AMC च्या IPO ला मंजुरी दिली.
  • GALANT इस्पात ची स्टॉक स्प्लिटवर विचार करण्यासाठी २९ जून २०१८ रोजी बोर्ड ऑफ डायरेक्टर्सची बैठक बोलावली आहे.
  • सोलारा एक्टिव फार्मा चे आज लिस्टिंग निराशाजनक झाले.
  • टाटा ग्रुपने खुलासा केला की वोल्टास मध्ये विनिवेश करण्याचा विचार नाही.
  • विश्वप्रधान कमर्शियल PVT LTD ही कंपनी ४५ दिवसात NDTV मध्ये ओपन ऑफर आणण्याची शक्यता आहे. कर्जाच्या वसुलीसाठी NDTV चे शेअर्स इशू केल्यामुळे ही ऑफर आणली जाईल. ही ऑफर २६ जुन २०१८ पासून ४५ दिवसाच्या आत आणावी लागेल. त्यामुळे NDTV चा शेअर वाढण्याची शक्यता आहे.

जे शेअर्स काही बाह्य परस्थितीजन्य कारणांमुळे पडतात पण इंटर्नल फॅक्टर्स इंटॅक्ट असतात आणि कॉर्पोरेट गव्हर्नन्सविषयी प्रश्न नसतील असे शेअर्स दीर्घ मुदतीच्या गुंतवणुकीसाठी योग्य असतात.
अजून उद्या जून महिन्यासाठीची F & O एक्स्पायरी आहे त्यामुळे मार्केट उद्याही व्होलटाइल राहण्याची शक्यता आहे. BSE निर्देशांक सेन्सेक्स ३५२१७ NSE निर्देशांक निफ्टी १०६७१ आणि बँक निफ्टी २६४२३ वर बंद झाले.
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – २६ जून २०१८

1 Reply

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – २६ जून २०१८
१ जुलै २०१७ ला GST लागू झाला. १ जुलै २०१८ ला GST लागू होऊन एक वर्ष होईल. हा GST चा वाढदिवस साजरा करत असताना सरकार काही वस्तूंवरचा GST कमी करणार आहे. या मध्ये सिमेंट. पेंट्स, डिजिटल कॅमेरा, सिनेमा तिकीट यावरचा GST कमी करणार आहे. त्यामुळे या क्षेत्रातील शेअर्स वाढले.
SEQUENT सायंटिफिक आणि स्ट्राइड्स शासून यांनी API व्यवसाय अलग केला आणि त्यातून सोलारा ऍक्टिव फार्मा सायन्सेस लिमिटेड ही कंपनी २३ फेब्रुवारी २०१७ मध्ये स्थापन केली. ज्यांच्याजवळ स्ट्राइड्स चे ६ शेअर्स होते त्यांना सोलाराचा Rs १० दर्शनी किमतीचा एक शेअर मिळाला. आणि SEQUENT सायंटिफिक चे २५ शेअर असतील तर सोलाराचा Rs १० दर्शनी किमतीचा १ शेअर मिळाला. सोलारा ऍक्टिव्ह या कंपनीच्या शेअर्सचे उद्या लिस्टिंग आहे. हा शेअर लिस्टिंग नंतर १० दिवस ‘टी टू टी’ मध्ये राहील.
टाटा ग्रुप वोल्टास मधील ९% स्टेक विकून संरक्षण आणि एअरोस्पेस या क्षेत्रात गुंतवणूक करणार आहे. युनायटेड स्पिरिट्सने ‘हिप बार’ या ऑन लाईन पेमेंट सिस्टीम मधला २६% स्टेक विकत घेतला. यामुळे त्यांची विक्री वाढेल. SBI या वर्षाच्या अखेरीपर्यंत चांगला नफा मिळवेल. SBI लाईफ मधला स्टेक विकणार आहे SBI कॅपिटल मध्ये कोणीतरी भागीदार आणणार आहे. UTI मधील स्टेक कमी करणार. तीन सब्सिडीयरीचा IPO आणणार. या तिमाहीपासून NPA कमी करणार असे SBI च्या व्यस्थापकीय संचालकांनी सांगितले. DTC ४०० नॉन AC आणि १०० AC बसेसची ऑर्डर अशोक लेलँड आणि टाटा मोटर्सना देणार आहे. IOB ने सांगितले की त्यांनी Rs ३८१८० कोटी NPA पैकी Rs १५००० कोटींची वसुली केली. त्यामुळे लवकरच PCA मधून बाहेर पडेल.
सेबी ICICI बँक आणि चंदा कोचर यांच्या विरुद्ध कारवाई करणार आहे. ICICI बँकेला ३० कोटी पर्यंत दंड करण्याची शक्यता आहे.
विशेष लक्षवेधी

  • वराक इंजिनीरिंग IPO आज पासून ओपन झाला. प्राईस बँड Rs ९६५ ते Rs ९६७ असा आहे. मार्केट लॉट १५ शेअर्सचा आहे. हा IPO २८ जून २०१८ रोजी बंद होईल. हा OFS आहे त्यामुळे या IPO तुन मिळणारा पैसा कंपनीकडे जाणार नाही. तर प्रमोटर्सकडे जाईल.
  • करूर वैश्य बँकेने १० शेअर्सवर १ शेअर बोनस जाहीर केला.
  • अवंती फीड्स आज एक्स बोनस आणि एक्स स्प्लिट झाला.

BSE निर्देशांक सेन्सेक्स ३५४९० NSE निर्देशांक निफ्टी १०७६९ आणि बँक निफ्टी २६६०१ वर बंद झाले.
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!
 

आजचं मार्केट – २५ जून २०१८

Leave a reply

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – २५ जून २०१८
गेल्या आठवड्याप्रमाणे या आठवड्यातही मार्केटमध्ये तेजी मंदीच्या खेळाची सुरुवात झाली असे वाटते. आज पूर्ण दिवस मार्केटमध्ये मंदीचे साम्राज्य होते. ओपेकची मीटिंग म्हणजे मार्केटच्या दृष्टीने ‘बडा घर पोकळ वासा ‘ठरली. १० लाख बॅरेल प्रती दिवस उत्पादन वाढवले जाईल असे सांगण्यात आले. याचा फारसा फायदा होईल असे दिसले नाही. त्यामुळे ऑइल मार्केटिंग कंपन्यांचे आणि एव्हिएशन कंपन्यांचे शेअर्स मंदीत होते.
कॉर्पोरेट गव्हर्नन्सच्या बाबतीत काही गैर घडले असल्यास मार्केट शासन करते. कंपनीने कितीही खुलासा केला तरी मार्केटच्या पचनी पडायला वेळ लागतो असे जाणवते. KRBL चे डायरेक्टर ऑगस्टा वेस्टलँड हेलिकॉप्टर स्कॅम मध्ये सामील आहेत म्हणून ED ने त्यांना पकडलेअशी बातमी आली. हे डायरेक्टर इंडिपेन्डन्ट डायरेक्टर म्हणून २००७ ते २०१३ या दरम्यान काम करत होते. ते आता डायरेक्टर नाहीत असा कंपनीने खुलासा केला तरी शेअर पडतच राहिला.
हीच अवस्था ICICI बँकेची. ICICI बँकेने दिलेल्या ३१ कर्ज खात्यात घोटाळा आहे अशी बातमी होती. बँकेने खुलासा केला की या बाबतीत आम्ही योग्य ती खबरदारी घेतली आहे, प्रोव्हिजन केली आहे, आणि संबंधित ऑथॉरिटीजना कळवले आहे तरी हाही शेअर पडतच राहिला.
सरकारने सर्व बँकांना नॉन कोअर मालमत्ता विकून पैसे गोळा करायला सांगितले आहे. या अंतर्गत PNB ने PNB हौसिंगमधील स्टेक विक्रीसाठी ठेवला. हा स्टेक घेण्यासाठी कोटक महिंद्रा बँक आणि HDFC उत्सुक आहेत.
महाराष्ट्रामध्ये प्लास्टिकबंदीचा निर्णय जोरकसपणे अमलांत आणला जात आहे. याचा फायदा CHEVIOT, LUDLOW या सारख्या तागाचे उत्पादन करणाऱ्या कंपन्यांना होईल. टाटा मोटर्सच्या इन्व्हेस्टर समिट मध्ये कंपनीने जी योजना मांडली ती गुंतवणूकदारांच्या पसंतीस आली नाही. त्यामुळे टाटा मोटर्सचा शेअर पडला. DR रेड्डीज या कंपनीला USA मध्ये कॅन्सर विषयी असलेल्या औषधाविषयीच्या पेटंटच्या केसमध्ये अपयश आले. ALI LILLY या कंपनीला हे पेटंट मिळाले. त्यामुळे २०२२ पर्यंत DR रेड्डीज हे औषध बाजारात आणू शकणार नाहीत. टाटा सन्स ची बोर्ड ऑफ डायरेक्टर्सची बैठक आहे. या मध्ये टाटा टेली सर्विसेस आणि एअरटेल यांच्या मर्जरविषयी तसेच भूषण स्टील आणि भूषण स्टील आणि पॉवर खरेदी करण्याचे फायदे तसेच टाटा ग्रुप मधील विविध कंपन्यांचे M & A याविषयी माहिती दिली जाईल.
USA ने त्यांच्याकडे आयात होणाऱ्या वस्तूंवर आणि विशेषतः चीन मधून येणाऱ्या वस्तूंवर ड्युटी बसवली. त्याचा परिणाम भारतातून तांदूळ निर्यात करणाऱ्या कंपन्यांवर झाला.
विशेष लक्षवेधी
व्हील्स इंडिया या कंपनीने १:१ बोनस जाहीर केला.
झुआरी ऍग्रोची राईट्स इशू आणि FCCB वर विचार करण्यासाठी बैठक बोलावली आहे. व्होल्टास ही कंपनी वाशिंग मशीन, फ्रिज, माइक्रोवेव्ह ओव्हन्स, आणि डिश वाशर्स या व्यवसायात उतरत आहेत. यासाठी कंपनी Rs १००० कोटींची गुंतवणूक करून १०% मार्केट शेअर मिळवण्याचा प्रयत्न करेल .
BSE निर्देशांक सेन्सेक्स ३५४७० NSE निर्देशांक निफ्टी १०७६२ आणि बँक निफ्टी २६६०९ वर बंद झाले.
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!
 

आजचं मार्केट – २१ जून २०१८

6 Replies

ike करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – २१ जून २०१८
मार्केट हल्ली फार अस्थिर आहे. वरच्या स्तरावर मार्केट टिकाव धरत नाही.पण खालच्या स्तरावर खरेदी होते. बुधवार दिनांक २०/०६/२०१८ जपानच्या आणि USA च्या हवामान तज्ञानी जून आणि ऑगस्ट २०१८ मध्ये भारतात सरासरीपेक्षा कमी पाऊस पडेल असे सांगितल्यामुळे थोडेफार चिंतेचे वातावरण होते.
२ जुलै २०१८ रोजी रिलायांस इंडस्ट्रीज ची वार्षिक सर्वसाधारण मीटिंग आहे. इतिहासात डोकावले असता रिलायन्स चा शेअर AGM च्या आधी वाढतो. असे चित्र यावर्षीही दिसते आहे.
OPEC च्या बैठकीवर सगळ्यांचे लक्ष आहे. उत्पादन वाढ होईल असा एकंदरीत अंदाज आहे. पण लिबियामध्ये दहशतवादामुळे क्रूडचे उत्पादन कमी झाले आहे. इराणवरून भारतात क्रूड येते पण इराणवर USA ने काही बंधने लादली आहेत. USA मध्ये ओबामाने पाईपलाईन टाकून दिली नाही. ही पाईपलाईन टाकायला किमान एक वर्षांचा कालावधी लागेल. त्यामुळे USA मधून इतर देशांना क्रूडचा पुरवठा होणार नाही. सौदी आणि रशिया हे देश मात्र उत्पादनवाढ करावी या मताचे आहेत. या सगळ्याचा परिणाम म्हणून की काय आज ब्रेंट क्रूड पुन्हा US $ ७३ वर आले. आणि HPCL BPCL IOC चेन्नई पेट्रो हे शेअर्स वाढले.
फेमाच्या कायद्याचे उल्लंघन केले म्हणून इंडिगोवर नोटीस बजावली अशी बातमी होती. म्हणून काल इंडिगो चा शेअर पडला होता आज कंपनीने कंपनीस अशी कोणतीही नोटीस मिळाली नाही असा खुलासा करताच पुन्हा शेअर वाढला.
बरेच फार्मा फंड येत आहेत. NFO ओपन होत आहेत. त्यामुळे फार्मा क्षेत्रामध्ये कोठे न कोठे खरेदी होत आहे. उदा ग्लेनमार्क फार्मा, लाल पाथ लॅब
सुंदरम फायनान्सच्या शेअरमध्ये विचित्र हालचाल होती. ५ मिनिटात Rs १०० शेअर वाढला पण त्याची कारणे मिळू शकली नाहीत . RITES या सरकारी क्षेत्रातील IPO ला बर्यापैकी प्रतिसाद मिळत आहे इमामी आणि ज्युबिलंट फूड्स हे दोन्ही शेअर्स आज एक्स बोनस झाले.
आंतरराष्ट्रीय मार्केमध्ये वेध घेत सध्या भारतीय शेअर मार्केट्सची वाटचाल चालू आहे.
BSE निर्देशांक सेन्सेक्स ३५४३२ NSE निर्देशांक निफ्टी १०७४१ आणि बँक निफ्टी २६४९६ वर बंद झाले
भाग्यश्री फाटक
http://www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – २२ जून २०१८

Leave a reply

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – २२ जुन २०१८
मार्केट मध्ये लपंडाव चालू आहे. एक दिवस तेजी तर एक दिवस मंदी !आज मार्केटने मंदीला बाय बाय करून मार्केट तेजीत ठेवून सुखद धक्का दिला. या श्रेयाचे वाटेकरी HDFC, HDFC बँक, बजाज फायनान्स, बजाज फिनसर्व, आणि ICICI बँक होते. मद्यार्क, सिगारेट उत्पादन करणाऱ्या कंपन्यांचे शेअर्स तेजीत होते.
सरकार २,५०,००० ग्रामपंचायती वायफायने जोडणार आहे. या साठी Rs १०,००० कोटींचे टेंडर काढले जाणार आहे. याचा फायदा तेजस नेटवर्क , D -लिंक, स्मार्ट लिंक या कंपन्यांना होईल.
सोम डिस्टीलरीजना कर्नाटकमधील हसन प्लांट मध्ये विदेशी मद्यार्क बनविण्यासाठी परवानगी मिळाली .
आज JLR चा इन्व्हेस्टर डे आहे . टाटा मोटर्सचे नवे CFO पी . बालाजी गुंतवणूकदारांना भेटून कंपनीच्या योजना सांगणार आहेत. बजाज फायनान्स ही हौसिंग फायनान्समध्ये Rs १००० कोटी गुंतवणार आहे.
OPEC देशांनी काही प्रमाणात का होईना उत्पादन वाढवायचे मान्य केले. सौदी अरेबिया आणि इराणने उत्पादन वाढवायच्या बाजूने संकेत दिले.
विशेष लक्षवेधी
फाईन ऑरगॅनिक चा IPO पूर्णपणे भरला. RITES चा IPO ६५ वेळा भरला. IDBI बँक LIC च्या स्वाधीन करण्याचा सरकारचा मानस आहे. सरकार आपला ४३% हिस्सा LIC ला विकणार आहे LIC च्या बोर्ड ऑफ डायरेक्टर्सनी हा हिस्सा खरेदी करायला मंजुरी दिली.सध्या LIC कडे १०.८२ % स्टेक आहे सरकारचा स्टेक ८०.९६ % आहे या विनिवेशातून सरकारला Rs १०,००० ते Rs ११००० कोटी मिळतील असा अंदाज आहे.त्यामुळे IDBI बँकेचे व्यवस्थापनही LIC च्या ताब्यात जाईल..
MTNL आणि BSNL यांचे पुनरुज्जीवन करण्यावर PMO मध्ये विचारविनिमय चालू आहे MTNL ला ४G स्पेक्ट्रम देऊन त्यांची मालमत्ता विकायला सरकार परवानगी देण्याची शक्यता आहे.
पुढील आठवडा एक्स्पायरी वीक आहे.
BSE निर्देशांक सेन्सेक्स ३५६८९ NSE निर्देशांक निफ्टी १०८२१ आणि बँक निफ्टी २६७६६ वर बंद झाले
भाग्यश्री फाटक
http://www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – २० जून २०१८

Leave a reply

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – २० जून २०१८

आज विदेशी बाजार सुधारल्यामुळे स्थानिक शेअरमार्केटमध्येही तेजी आली. आज बुल्स नी चांगलीच मुसंडी मारली. स्वतःचा मार्केटवरील ताबा सुटू दिला नाही. मार्केट थोडे पडले तरी खरेदी होत होती. आणि दिवसअखेरी पर्यंत  तेजीचा किल्ला लढवला. यामुळे बुलिश हरामी कॅंडलस्टिक पॅटर्न तयार झाला. १९ जून २०१८ ची कँडल मोठी पण मंदीची होती पण आजची कँडल मात्र तेजीची आणि कालच्या कँडलमध्ये मावणारी अशी होती. हरामी याचा अर्थ जापनीज भाषेत गरोदर स्त्री असा होतो. हा रिव्हर्सल पॅटर्न आहे.   
आता ट्रेंड वॉरमध्ये यूरोपीय देशही सामील झाले.  USA मधून आयात होणाऱ्या युरो २००० बिलियन किमतीच्या मालावर आपण ड्युटी लावू असे त्यांनी  जाहीर केले.
या वर्षभरात सरकार MMTC (१०%), NHPC (१०% ), NTPC (५%), कोल इंडिया (५%) या प्रमाणे विनिवेश करेल.  IPO विषयीच्या नियमात बदल करण्यावर विचार विनिमय करण्यासाठी उद्या सेबीची बैठक आहे. वेदांताने तुतिकोरिन येथील प्लांटवरील  बंदी उठवण्यासाठी मद्रास हायकोर्टात अर्ज दिला. कोर्टाने २५ जून २०१८ रोजी या अर्जावर सुनावणी ठेवली आहे. सिप्ला या कंपनीच्या HIV वरील औषधासाठी मंजुरी मिळाली.
सरकारने इंटरनेट टेलिफोनीला मंजुरी दिली. आणि टेलिकॉम कंपन्यांना सरकारने जरुरी आदेश दिले आहेत.  टेलिकॉम कंपन्यां एप्सच्या सहाय्याने टेलिफोनी सेवा देतील. यामुळे आता तुम्हाला  सिमकार्ड शिवाय कॉल करता येतात.
ज्वेलरी क्षेत्रात हॉलमार्किंग सक्तीचे केले. यासाठी सरकारने ज्वेलर्सना सहा महिने ते एक वर्ष मुदत दिली आहे.
एव्हिएशन सेक्टर मध्ये गेल्या  मे  महिन्यात  गेल्या चार वर्षातील किमान संख्येपेक्षा प्रवाश्याची संख्या कमी होती. इंडिगोचा मार्केट शेअर  ४०.९% झाला. येत्या डिसेंबरपर्यंत १४ विमानतळ उडाण योजनेअंतर्गत तयार केले जातील.
पॉवर सेक्टरमधील NPA वर विचार करण्यासाठी DFS ने संबंधित पार्टिजची बैठक बोलावली आहे. यात ऊर्जा मंत्रालय, PFC, REC, पॉवर कंपन्या आणि त्यांना कर्ज देणार्या बँकांचे प्रतिनिधी समाविष्ट असतील.
सरकारने पब्लिक प्रॉक्युअरमेंट योजनेखाली संरक्षण खात्यासकट सर्व खात्यांना स्थानिक लेदर प्रोडक्टसचा समावेश करण्यासाठी आदेश दिले आहेत. पादत्राणांमध्ये ७०% तर लेदर वस्त्रप्रावरणा मध्ये ६०% स्थानिक लेदर प्रोडक्टस खरेदी करावेत असे आदेश दिले. या सरकारच्या निर्णयामुळे बाटा, खादिम’s, तसेच मिर्जा इंटरनॅशनल या शेअर्स वर अनुकूल परिणाम झाला.
BOSCH ही कंपनी येत्या ३ वर्षात Rs  ७०० कोटींची गुंतवणूक करेल. JSW स्टिल्स च्या प्रमोटर्सनी आज ३२ लाख शेअर्स गहाण ठेवले.
ज्या ४८३८ कंपन्यांच्या कर्ज घेण्यावर मर्यादा घालण्यात आली होती त्या कंपन्यांना आता सरकार काही सवलती देण्याचा विचार करत आहे. आजच्या मार्केटचे अवलोकन करताना बुल्सची सरशी झाली असे आढळते. हरामी पॅटर्न बघताना ट्रेंड बदलला पाहिजे असे वाटते. पण मूलभूत काही बदल झाले तर काही सांगता येत नाही.
BSE निर्देशांक सेन्सेक्स ३५५४७ वर  NSE  निर्देशांक निफ्टी १०७७२ वर तर बँक निफ्टी २६५५७ वर बंद झाले

भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!
 

आजचं मार्केट – १९ जून २०१८

Leave a reply

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – १९ जून २०१८

सोमवार आणि मंगळवार या दोन्ही दिवशी जो ओपनिंग ट्रेड झाला तोच  इंट्राडे हाय होता. त्यानंतर दिवसभर मार्केट पडतच राहिले. मार्केटने निफ्टी १०७०० चा स्तर  गाठला. या मध्ये सुधारणा होण्याची शक्यता धूसर आहे. बेअरीश बेल्ट होल्ड पॅटर्न तयार झाला.
USA  आणि चीन मधील ट्रेंड वॉर अधिकाधिक उग्र स्वरूप धारण करू लागले आहे. USA  चे अध्यक्ष  डोनाल्ड ट्रम्प यांनी चीन मधून आयात होणाऱ्या US $ २०० अब्ज  किमतीच्या मालावर  १०% अतिरिक्त ड्युटी लावण्याची घोषणा केली. याचा परिणाम म्हणजे चीनमध्ये रबराच्या किमती ७% कोसळल्या तर बेस मेटल २.५% पडले. त्यामुळे याचा परिणाम आंतरराष्ट्रीय कमोडिटी मार्केट आणि शेअर मार्केटवर दिसून आला. रुपया आणखी कमजोर झाला. US $१=Rs ६८.३८  इतका रुपयांचा डॉलर बरोबर विनिमयाचा दर झाला.
सरकार ऑइल इंडिया मधील १०% हिस्सेदारी  विकून Rs २४५० कोटी गोळा करण्याच्या विचारात आहे. सार्वजनिक  क्षेत्रातील सरकारी बँकांबरोबर अर्थमंत्र्याची आज महत्वाची बैठक होती. यात क्रेडिट विशेषतः SME आणि इतर प्रायोरिटी सेक्टर मधील क्रेडिट कसे वाढवता येईल यावर विचार  होणार होता. सरकारी बँकांपैकी ११ बँका RBI च्या PCA खाली असल्यामुळे त्यांच्यावर बरीच बंधने आहेत.
TCS या कंपनीच्या BUY बॅक मध्ये किरकोळ शेअर होल्डर म्हणून भाग घ्यायचा असेल तर आपल्याजवळ ९५ किंवा त्यापेक्षा कमी शेअर्स पाहिजेत. या BUY बॅक मध्ये एका PAN  नंबरवर  BUY BACK साठी  एकच अर्ज करता येईल.
गोवा कार्बनने आपला पारादीप प्लांट बंद ठेवण्याची मुदत वाढवली.
वेदांताने असे जाहीर केले की त्यांच्या तानजीगढ प्लांट मध्ये पूर्ववत  उत्पादन सुरु झाले. टाटा पॉवर आणि IDBI  बँक यांच्यात ऑटोमेटेड बिल पेमेंटसाठी करार झाला. मेटने जाहीर केले की २३ जून ते २५ जून २०१८ पर्यंत मान्सून बिहार आणि झारखंड मध्ये दस्तक  देईल. व्हील्स इंडिया या कंपनीच्या बोर्ड ऑफ डायरेक्टर्सची बैठक २२ जून रोजी बोलावली आहे. यात बोनस शेअर्स इशू करण्यावर विचार होईल.
२० जून ते २२ जून २०१८ या दरम्यान RITES( Rs ६ किरकोळ गुंतवणूकदारांसाठी सूट) आणि फाईन ऑरगॅनिक केमिकल्स यांचे IPO ओपन राहतील. भारत २२ ETF चा इशूही  किरकोळ  गुंतवणूकदारांसाठी ओपन होईल. यात २.५% डिस्काउंट असेल. VARROC इंजिनीरिंग या ऑटो अँसिलरी क्षेत्रात असणाऱ्या कंपनीचा US $ २८८ मिलियनचा IPO (याचा प्राईस बँड Rs ९६५ Rs ९६७ आहे) येत आहे. हा IPO २६ जून २०१८ पासून ओपन होईल. या आठवड्यात IPO ची धमाल आहे. त्यामुळे नाराज होण्याचे कारण नाही.
BSE निर्देशांक सेन्सेक्स ३५२८६ NSE  निर्देशांक निफ्टी १०७१० आणि बँक निफ्टी २६२६५ वर बंद झा

 
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!