Monthly Archives: June 2018

आजचं मार्केट – १८ जून  २०१८

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – १८ जून  २०१८

USA आणि चीन यांच्या मध्ये जणू काही महा ट्रेड वॉर सुरु झाले आहे. स्वतःची इच्छा असो वा नसो बाकीचे देशही यात गुरफटले जाणार आहेत. भारतही यापासून अलग राहू शकला नाही. त्यांने USA मधून येणार्या हाय रेंज मोटार सायकल, बदाम आदी सुक्या मेव्यावरील ड्युटी वाढवली.  ट्रेड वॉर मुळे  तांदळाच्या निर्यातीवर परिणाम होईल.
Dr रेड्डीजच्या २ जनरिक औषधांवर USA मध्ये निर्बंध लावले. OPEC देश २० आणि २१जून २०१८ रोजी व्हिएन्नामध्ये ७ वे आंतरराष्ट्रीय सेमिनार घेणार आहे. या सेमिनारमध्ये क्रूडचे  उत्पादन वाढवण्याचा निर्णय होईल अशा अपेक्षेने आज क्रूडचे दर घटले. याचा परिणाम HPCL, BPCL, IOC या ऑइल मार्केटिंग कंपन्यांवर झाला.
अडाणी एंटरप्रायझेस  मधून डीमर्ज झालेली अडाणी ग्रीन या कंपनीचे लिस्टिंग आज Rs ३० ला झाले. १००० अडाणी एंटरप्रायझेसचे शेअर्स असतील तर तुम्हाला ७६१ शेअर्स अदानी ग्रीन एनर्जीचे मिळाले. या हिशोबानुसार Rs २५ ला लिस्टिंग व्हायला पाहिजे होते. हा शेअर NSE वर  कमाल Rs ३१.५०  च्या भावाला गेला होता.
DCM श्रीराम या कंपनीच्या बोर्ड ऑफ डायरेक्टर्सने ५५ लाख शेअर्स Rs ४५० प्रती शेअर्स या भावाने BUY BACK करेल अशी घोषणा केली. RITES ( रेल इंडिया टेक्निकल अँड इकोनॉमिकल सर्व्हिसेस) हा IPO  २० जून ते २२जून २०१८ या काळात ओपन राहील. प्राईस बँड  Rs १८० ते Rs १८५ ( दर्शनी किंमत Rs  १०) असेल. लॉट साईझ ८०ची असेल.
फाईन ऑरगॅनिक इंडस्ट्री ही ४८ वर्ष जुनी कंपनी  Rs  ६०० कोटींचा IPO आणत  असून प्राईस बँड Rs ७८० ते Rs  ७८३ असून मिनिमम लॉट १९ शेअर चा आहे. ही कंपनी स्पेशालिटी केमिकल्सच्या उद्योगात आहे. कंपनीच्या विक्रिपैकी ६५% विक्री परदेशात आहे. कंपनी आता आपल्या विविध प्लांटचा विस्तार तसेच परदेशी कंपन्यांबरोबर जॉईंट व्हेंचर करत आहे.
सरकार कोल  इंडियामधील आपला हिस्सा विकण्याचा विचार करत आहे. मेटने  सांगितले की २४ जून २०१८ पासून मान्सून जोर पकडेल. स्पाईसजेट ने १४ नवीन घरगुती उड्डाणाची घोषणा केली. प्रीकोल या कंपनीच्या हरिभक्ती आणि कंपनी या स्टॅटयूटरी ऑडिटर्सनी आपला वार्षिक ऑडिट रिपोर्ट सादर केल्यावर राजीनामा दिला आहे.
लोकांनी पावसाळ्यासाठी चप्पल, बूट, यांची खरेदी पुष्कळ केलेली दिसत आहे. त्यामुळे आज पादत्राणांशी संबंधित BATA, रिलॅक्सो, लिबर्टी, खादिम’स हे शेअर वाढले. ब्ल्यू डार्ट, फ्युचर सप्लाय चेन, महिंद्रा लॉजिस्टिक्स हे लॉजिस्टिक  क्षेत्रातील शेअर्स वाढले.
ICICI बँकेच्या टॉप मॅनेजमेंट मध्ये बरेच मोठे बदल होत आहेत अशी बातमी आल्यामुळे ICICI बँक वाढली.
या आठवड्याची सुरुवात फारशी चांगली झाली नाही त्याचप्रमाणे हा पूर्ण आठवडा क्रिटिकल असेल असे वाटते.
BSE निर्देशांक सेन्सेक्स ३५५४८ NSE निर्देशांक निफ्टी १०७९९ बँक निफ्टी २६४०९  वर बंद झाले.

 
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!
 

आजचं मार्केट – १४ जून २०१८

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – १४ जून २०१८
आजचा दिवस इन्फोसिसच्या नावाने इतिहासात कोरला गेला. इन्फोसिसचे स्टॉकएक्स्चेंज वर लिस्टिंग होऊन २५ वर्षे झाली. फेब्रुवारी १९९३ मध्ये इन्फोसिसचा IPO आला होता. तेव्हा त्याची किंमत Rs ९५ प्रती शेअर होती. १९९९ मध्ये शेअरचे विभाजन झाले. यानंतर ७ वेळेला बोनस दिला. ज्यांच्या जवळ एक शेअर होता त्याचे ३८४ शेअर्स झाले. ज्यांनी त्यावेळेला Rs ९५०० गुंतवले किंवा १००शेअर्स खरेदी केले त्यांची गुंतवणूक आज Rs ५ कोटीपर्यंत वाढली. इन्फोसिसने सामान्य माणसाला शेअरमार्केट विषयी विश्वास उत्पन्न करून शेअरमार्केट कडे आकर्षित केले.
आज फिफा वर्ड कप रशियामध्ये सुरु होत आहे. त्यामुळे COX AND KINGS आणि थॉमस कूक या शेअरकडे लक्ष दिले पाहिजे. फेडने अंदाजाप्रमाणे ०.२५% रेट वाढवला. म्हणजेच पूर्वी १.७५% होता तो आता २% झाला. ग्रोथ २.८% आणि महागाई २% राहील असा फेडचा अंदाज आहे.एका दृष्टीने व्याज दर वाढणे हे त्या अर्थव्यवस्थेच्या दृष्टीने प्रगतीचे दर्शक असते.
ECB ने आपले व्याजाचे दर कायम ठेवले आणि बॉण्ड खरेदी डिसेंबर २०१८ पर्यंत बंद करू असे सांगितले. ICICI बँक आपली ICICI प्रु मधील ८०% हिस्सेदारी आहे यापैकी २% हिस्सेदारी OFS च्या माध्यमातून विकणार आहे. ही OFS २ दिवस चालू राहील. अशावेळी ICICI बँक खरेदी करणे आणि ICICI PRU विकणे असा PAIR ट्रेंड होऊ शकतो. ICICI बँकेने पुंज लॉईड विरुद्ध इंसॉल्वन्सीची याचिका NCLT मध्ये दाखल केली. ओबेरॉय रिएलिटी आणि हिंदुस्थान कॉपर QIP इशू आणत आहेत.
जागरण प्रकाशनची आज ‘शेअर BUY BACK ‘ साठी एक्स डेट होती ( OFS QIP शेअर BUY BACK आणि इतर कॉर्पोरेट एक्शन यांच्या विषयी माझ्या ‘मार्केट आणि मी’ या पुस्तकात सविस्तर माहिती दिली आहे ) रबराच्या किमती ५% ने कमी झाल्या आहेत. पुढील पंधरा दिवसात आणखी ५% कमी होतील ही गोष्ट टायर उत्पादन करणाऱ्या कंपन्यांना फायदेशीर आहे.
HDFC बँकेची विदेशी गुंतवणुकीची मर्यादा ७४% केली.Rs २४००० कोटींच्या विदेशी गुंतवणुकीला परवानगी मिळाली.
मारुतीने डिझेल गाड्या विकणे बंद करायचे ठरवले आहे. रिलायन्स पॉवर ने ७% पेक्षा जास्त शेअर्स तारण ठेवले.
हिंदुजा LEYLAND फायनांस या अशोक लेलँड ग्रुपच्या कंपनीने Rs ५०० कोटींचा IPO आणण्याचे ठरवले आहे. अशोक LEYLAND चा या कंपनीमध्ये ६२% हिस्सा आहे. टाटा स्टीलने युरोपमध्ये पास्को बरोबर करार केला. कन्साई नेरोलॅकच्या गुजरात प्लांटमध्ये उत्पादन सुरु झाले. मान इंडस्ट्रीज त्यांचा मरिनो सेंटर PVT LTD मधला स्टेक विकणार आहेत.
WPI मे २०१८ चा ४.४३% ( एप्रिल २०१८ मधील ३.१८ वरून वाढला ) यावेळी WPI च्या सर्व पोट निर्देशांकात वाढ झाली.
मार्केट प्रत्येक धक्का पचवते आहे. थोडीशी नाराजी दाखवते आहे. २ पाऊले मागे ४ पाऊले पुढे अशा रीतींने मार्केट पुढे वाटचाल करत आहे. आता बँक ऑफ जपान काय करते हे पाहू या.
BSE निर्देशांक सेन्सेक्स ३५५९९ NSE निर्देशांक निफ्टी १०८०८ आणि बँक निफ्टी २६५६२ वर बंद झाले.
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!
 

आजचं मार्केट – १३ जून २०१८

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – १३ जून २०१८
मार्केट आज फेडच्या निर्णयाची वाट बघत होते . मार्केटमध्ये आज थकावटही जाणवत होती. महागाई वाढली होती. पण ग्रोथ समाधानकारक होती. आज मार्केट बरेचसे  दोलायमान होते.
पेज इंडस्ट्रीजने जॉकी या कंपनीबरोबरचा करार वाढवला. भारत २२ ETF चा फॉलो- ऑन- इशू  येणार आहे. यावेळी एक्सिस बँक, ITC, लार्सन अँड टुब्रो यातील सरकारचा हिस्सा विकला जाणार आहे. १९ तारखेला अँकर इन्व्हेस्टरसाठी हा इशू  ओपन आहे. २० जून २०१८ ते २२ जून २०१८ हे तीन दिवस इतरांसाठी ओपन राहील. या इशूद्वारे सरकारला Rs ६००० कोटी  मिळतील. BPCL आणि पॉवर ग्रीडमध्ये एल आय सी ने स्टेक  वाढवला. EIH  मधील पोझिशन एल आय सी ने कमी केली.
TCS ने पुन्हा एकदा १५ जून २०१८ ला ‘शेअर BUY BACK’ वर विचार करण्यासाठी बोर्ड ऑफ डायरेक्टर्स ची बैठक बोलावली आहे. BUY BACK वर Rs १०००० ते Rs १५००० कोटी  खर्च करेल. BUY BACK ऑफ शेअर्सविषयी माझ्या ब्लॉगवर आणि  ‘ मार्केट आणि मी’  या पुस्तकात सविस्तर माहिती दिली आहे. रिलायन्स जिओने  पुन्हा एक ऑफर आणली. स्पर्धा जास्त तीव्र  झाली. याचा नकारात्मक परिणाम आयडिया आणि  भारती एअरटेलवर  झाला.
आज फेड, उद्या युरोपियन बँक आणि बंक ऑफ जपान या तीन सेंट्रल बँका आपली वित्तीय पॉलिसी जाहीर करतील .
अदानी एंटरप्राईझेसनी रुची सोयासाठी  Rs ६००० कोटीची बोली लावली. जय बालाजी वर SBI चे Rs ९०० कोटींचे कर्ज आहे. SBI ने कंपनीविरुद्ध इंसॉल्व्हंसी याचिका जाहीर केली. फेड ०.२५% दर वाढवील हे मार्केटने एक्सेप्ट केले आहे. यापेक्षा जास्त दर वाढले किंवा दर वाढलेच नाहीत  तर मार्केट वर परिणाम होईल..
BSE निर्देशांक सेन्सेक्स ३५७४९ NSE निर्देशांक निफ्टी १०८५६  बँक निफ्टी २६६४२ वर बंद झाले

 
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!
 

आजचं मार्केट – ७ जून २०१८

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – ७ जून २०१८
आजच्या तेजीचा हिरो सर्किट फिल्टर आणि त्यात केलेले बदल होते.
आज ४४७ शेअर्सचे सर्किट फिल्टर वाढवले. FACT आणि मद्रास फर्टिलायझर्सचे सर्किट १०% वरून २०% केले. थंगमायल ज्युवेलरी आणि HOV यांचे सर्किट १०% वरून २०% केले. चहा उत्पादन करणाऱ्या कंपन्यांचे सर्किट वाढवले उदा :- जयश्री टी, हॅरिसन मलायलम. मिश्र धातू निगम आणि फिलिप्स कार्बन यांचे सर्किट ५% वरून २०% केले.
ASM च्या अमलाखाली येणाऱ्या शेअर्सची संख्या वाढतच आहे. ASM आणि सर्किट फिल्टर वाढवणार या बातम्या मार्केट मध्ये आधीच माहित झाल्या होत्या अशी तक्रार आहे. सेबीने या बाबतीत चौकशीचे आदेश दिले आहेत
UK रेग्युलेटर्सनी कॅनरा बँकेविरुद्ध मनीलॉन्डरिंगच्या बाबतीत दोषी ठरवून US $ १२ लाख दंड ठोठावला आणि ५ महिनेपर्यंत ठेवी घेण्यास बंदी केली.
महाराष्ट्रातील राज्य सरकार केमिकल फर्टिलायझर्सवर बंदी घालण्याची शक्यता आहे. त्यामुळे ऑरगॅनिक केमिकल्सवर लक्ष ठेवावे उदा :- टाटा केमिकल्स याचा तोटा तर HOEC ला फायदा होईल. HOEC चे सर्किट १०% चा २०% केले.
TCS आणि इंटेल मिळून पुण्याला एक डेटा अनॅलिटीकल सेंटर चालू करणार आहेत. बाहरीनच्या बँकेने बँकिंग सॉफ्टवेअरसाठी TCS ची निवड केली.
MAX ग्रुप ने IDBI फेडरल इन्शुरन्स या कंपनीला खरेदी करण्यासाठी इच्छा दाखवली. पण काही अटींवर एकमत न झाल्यामुळे हे शक्य झाले नाही.
टाटा मोटर्सची स्थिती सुधारत आहे असे दिसते. १ जूनला आलेले घरगुती विक्रीचे आकडे आणि आज आलेले परदेशातील विक्रीचे आकडे चांगले आले . JLR ची विक्री ६.१% ने वाढली जरी UK आणि USA मध्ये JLR ची विक्री वाढली तरी चीन आणि युरोप मध्ये मात्र कमी झाली
उद्या आठड्याचा शेवटचा दिवस. शुक्रवारी कोणते चित्रपट रिलीज होत आहेत त्या कंपन्यांकडे ट्रेडर्सचे लक्ष असते.
BSE निर्देशांक सेन्सेक्स ३५४६३ NSE निर्देशांक निफ्टी १०७६८ आणि बँक निफ्टी २६५१७ वर बंद झाले
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!
 

आजचं मार्केट – ६ जून २०१८

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – ६ जून २०१८
साखर उत्पादकांसाठी सरकारी पॅकेज मंजूर होणार अशी अनेक दिवस गर्जना चालू होती. कधी मंत्रिमंडळाची बैठक रद्द होत होती तर कधी बैठकीच्या अजेंड्यावर हा विषय नसायचा. आज अखेरीस पॅकेज मंजूर झाले. ऊस उत्पादक शेतकऱ्यांसाठी सरकारने Rs ८००० कोटीचे पॅकेज मंजूर केले. साखरेची किमान किंमत Rs २९ प्रती किलो ठरवली. ३० लाख टन साखरेच्या बफर स्टॉकसाठी मंजुरी दिली. यासाठी Rs १२०० कोटींचा फंड स्थापन केला जाईल. इथनॉल ब्लेंडींग साठी परवानगी दिली. साखर उत्पादकांनी इथेनॉलची उत्पादनक्षमता वाढवल्यास त्यांना Rs ४५०० कोटीचे कर्ज मंजूर केले जाईल. इथेनॉलची किंमत प्रती लिटर Rs ६ ते Rs ७ पर्यंत वाढवण्यास मंजुरी दिली. पण बुडत्याचा पाय खोलात या न्यायाने साखरेशी संबंधित शेअर्स थोडे वाढले पण नंतर पुन्हा पडले.
RBI ने आपले वित्तीय धोरण जारी केले. यात त्यांनी आपला व्हू ‘न्यूट्रल ‘ ठेवला. RBI ने रेपो रेट ( ६% वरून ६.२५% ) आणि रिव्हर्स रेपो रेट मध्ये (५.७५% वरून ६%) ०.२५% वाढ केली. CRR ४% आणि SLR १९.५% वर कायम ठेवला. याचाच अर्थ ठेवींवरील आणि कर्जावरील व्याजाचे दर वाढतील. भारताच्या प्रगतीच्या वाढीतील दराचे अनुमान ७.४% कायम ठेवले. पहिल्या सहामाहीत हे अनुमान ७.५% ते ७.६% तर दुसर्या सहामाहीत ७.३% ते ७.४ % ठेवले आहे. RBI ने आपण या दराबद्दल जास्त आश्वस्त नाही असे सांगितले. त्यांनी वाढती महागाई ( ४.९% पहिल्या सहामाहीत आणि ४.७% दुसऱ्या सहामाहीत), क्रूडचे वाढते दर, आंतरराष्ट्रीय जिओपॉलिटिकल ताणतणाव, ट्रेड वार यांच्या विषयी चिंता व्यक्त केली. घरासाठीच्या कर्जाच्या वर्गीकरणात बदल जाहीर केले. बँकांना त्यांचे पहिल्या तिमाहीतील मार्क टू मार्केट लॉसेससाठी वर्षभरात प्रोव्हिजन करण्यास परवानगी दिली.
कॅडीला हेल्थकेअरच्या अहमदाबाद युनिटला USFDA ने क्लीन चिट दिली. HCC या कंपनीच्या मॅक्स ग्रुप बरोबरच्या जाईंट व्हेंचरला बांगलादेशात एकूण Rs ७४० कोटींचे न्युक्लीअर प्लांटचे काम मिळाले. यात HCC चा हिस्सा Rs २९५ कोटींचा असेल. इलेक्ट्रो स्टील स्टील या कंपनीने आपल्या कर्जदारांना Rs ७३९९ कोटींचे शेअर्स दिले. औरोबिंदो फार्माच्या मेहबूबनगर प्लांटच्या २६ एप्रिल ते ४ मे दरम्यान केलेल्या तपासणीत USFDA ने फॉर्म नंबर ४८३ देऊन तीन त्रुटी दाखवल्या. कॅपिटल १st आणी IDFC बँकेच्या मर्जरला RBI ने मंजुरी दिली. त्याबरोबरच कॅपिटल १st होम फायनान्सच्या कॅपिटल १st मध्ये मर्जरला ही मंजुरी दिली.
बहुतेक उद्या दुपारपर्यंत बँक निफ्टी मध्ये तेजी राहील. कारण १२ जून २०१८ रोजी फेड काय करेल याचा विचार ट्रेडर्स करतील.
BSE निर्देशांक सेन्सेक्स ३५१७८ NSE निर्देशांक निफ्टी १०६८४ आणि बँक निफ्टी २६३६७ वर बंद झाले
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!
 

आजचे मार्केट – ५ जून २०१८

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचे मार्केट – ५ जून २०१८
मार्केटमध्ये मिडकॅप आणि स्मॉल कॅप शेअर्सवर चांगलीच गदा आली आहे. सुरुवात झाली म्युच्युअल फंडांच्या ‘PLAN RESTRUCTURING’ पासून त्यानंतर ‘ASM’ कॅटेगरीची भीती यामुळे मिडकॅप शेअर्सच्या किमती सातत्याने ढासळत आहेत. याचा फटका किरकोळ गुंतवणूकदारांना बसतो आहे.
सिमेंट क्षेत्रातील कंपन्यांमध्ये मूलभूत विश्लेषणाच्या दृष्टीने पाहिले तर काही खराबी नाही. सिमेंट कंपन्यांकडे प्राइसिंग पॉवर नाही. सरकार स्वतःच्या भावाने कंपन्यांकडून सिमेंट खरेदी करत असते . सिमेंट क्षेत्राच्या बाबतीत मूलभूत आणि तांत्रिक विश्लेषणामध्ये परस्पर विरोध दिसतो आहे. सेक्टरमध्ये काहीही खराबी नसताना या क्षेत्रातील कंपन्यांच्या शेअर्सचे भाव पडत आहेत.
WEISMAN फॉरेक्स ही कंपनी आपले शेअर्स Rs ७०२ प्रती शेअर या भावाने शेअर BUY बॅक करणार आहे. या शेअरचा भाव Rs १६५० प्रती शेअरवरून सध्या Rs ५६२ प्रति शेअर झालेला आहे. हा ‘BUY BACK’ केवळ शेअर्सची प्राईस टिकावी या हेतूने केलेला दिसतो आहे. या शेअरलाही ASM मध्ये घातला आहे.
BSE आणि NSE मध्ये मिळून एकूण १०९ शेअर्स ‘ASM’ कॅटेगरी मध्ये घातले आहेत. हे सर्व शेअर्स मार्जिनसाठी ब्रोकरकडे ठेवले जात होते. हे शेअर्स ABNORMAL स्तरावर म्हणजेच ब्ल्यू स्काय टेरिटरीमध्ये चालले होते. ही शेअर्स मध्ये झालेली वाढ अवाजवी वाटत होती. या शेअर्समधील ट्रेडिंगमध्ये किरकोळ गुंतवणूकदार फसतील आणि त्यांना जबर तोटा सहन करावा लागेल ही शक्यता ध्यानात घेऊन हे शेअर्स सेबीने आणि स्टॉक एक्स्चेंजनी ASM कॅटेगरी मध्ये टाकले. हे शेअर आता ‘टी टू टी’मध्ये घातले जातील. या शेअर्समध्ये ट्रेडिंग करण्यासाठी आता १००% मार्जिन ठेवावे लागेल. या शेअर्सचे सर्किट ५% चे केले आहे. ASM कॅटेगरीत टाकल्यामुळे कंपनीच्या आर्थीक परिस्थितीत किंवा कार्यक्षमतेमध्ये काहीच फरक पडलेला नाही. या शेअर्सच्या किमतीत झालेली अवाजवी वाढ गुंतवणूकदारांच्या लक्षात आणून द्यावी आणि त्यांना सावध करावे हा सेबी आणि स्टॉक एक्स्चेंजचा हेतू आहे. वेंकी’ज आणि गोदरेज अग्रोव्हेट यामध्ये वेंकी’ज या कंपनीला ( हा शेअर Rs ४०० प्रती शेअर पासून Rs ४००० प्रती शेअर पर्यंत वाढला होता) ASM मध्ये टाकला आहे. गोदरेज ऍग्रोव्हेटचा समावेश ASM मध्ये केला गेला नाही.
‘PEGFILGRASTIM’ ह्या बायोकॉन कंपनीच्या कर्क रोगावरील औषधाला USFDA कडून मंजुरी मिळाली. IDEA या कंपनीमध्ये FDI मर्यादा १००% केली. HUL आपल्या फूड आणि रिफ्रेशमेंट डिव्हिजनचा विलय करणार आहेत. युनिकेम लॅबच्या गाझियाबाद युनिटलाUSFDA ने मंजुरी दिली. या युनिट चे एप्रिल २०१८ मध्ये USFDA ने तपासणी केली होती.

मी आपल्या अभ्यासासाठी एक चार्ट देत आहे. ह्या चार्टमध्ये ‘BEARISH ENGULFING PATTERN’ आढळतो. शुक्रवार तारीख १ जूनची कँडल सोमवार तारीख ५ जूनच्या कँडलमुळे पूर्णपणे झाकली जाते. सोमवारची कँडल बेअरींश आहे त्यामुळे मंदी येणार असे हा पॅटर्न दाखवतो आहे म्हणून आपल्याला मंगळवार तारीख ५ जून २०१८ रोजी मंदी आढळली. उद्या दुपारी २ वाजून ३० मिनिटांनी RBI आपले वित्तीय धोरण जाहीर करेल. भीती काही ट्रेडर्सची पाठ सोडताना दिसत नाही.
 
BSE निर्देशांक सेन्सेक्स ३४९०३ NSE निर्देशांक निफ्टी १०५९३ आणि बँक निफ्टी २६२५१ वर बंद झाले
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ४ जून २०१८

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचं मार्केट – ४ जून २०१८
आज मार्केट दिवसभर मंदीत होते. याचे भागीदार म्हणजे सेबी आणि HDFC बँक.
सेबीने ASM कॅटेगरीमध्ये काही शेअर्सना ADDITIONAL SURVEILLANCE CATEGORY करून त्यांच्यासाठी ADDITIONAL SURVEILLANCE मेजर्स जाहीर केली. ही कॅटेगरी PRICE VARIATION आणि VOLATILITY यावर आधारित आहे. या प्रकारात सध्या BSE ने २० तर NSE ने १६ शेअर्सची नावे टाकली आहेत. गोवा कार्बन ग्राफाइट इंडिया, HEG, वेंकी’ज या कंपनीच्या शेअर्सची लोकांनी विक्री केली .
HDFC बँकेच्या FPI कॅटेगरी मध्ये मंजूर असलेले पर्सेंटेज वाढल्यामुळे सेबी च्या नियमानुसार हे पर्सेंटेज मंजूर पर्सेंटेजच्या आत आणण्यासाठी FPI ला ५ दिवसाच्या आत खरेदी केलेले शेअर्स विकण्याची परवानगी होती. FPI ने FPI मर्यादेपेक्षा जास्त खरेदी केलेले शेअर्स विकल्यामुळे HDFC चा शेअर पडला
DR रेड्डीजच्या श्रीकाकुलम प्लाण्टला USFDA ने क्लीन चिट दिली. त्यामुळे शेअर वाढला.  बँक ऑफ बरोडामध्ये तोट्यात चालणार्या लहान आणि मध्यम आकाराच्या चार सरकारी बँकांचे मर्जर होणार असल्याच्या बातमीमुळे बँक ऑफ बरोडाचा शेअर कोसळला. टाटा मोटर्सची ‘JLR’ ची विक्री ७% ने वाढली. त्यामुळे शेअर वाढला.  ‘एलिका’ मध्ये WHIRLPOOL ४९% स्टेक खरेदी करणार आहे.
UP मधील साखर उत्पादकांनी आपल्या अडचणींकडे सरकारचे लक्ष वेधून सरकारला इशारा दिला की पुढील क्रशिंग हंगाम पुष्कळच अडचणींचा असेल. उसाच्या किमतीबद्दल काहीच निश्चितता नाही. सिमेंट आणि कार्बाइड उत्पादन करणाऱ्या कंपन्यांना सरकारने पेट कोक आयात करण्यासंबंधीच्या निर्णयात बदल केल्यामुळे दिलासा मिळाला. आता या कंपन्या तसेच त्यांच्याशी संबंधित एजन्सीज प्रदूषण नियंत्रण बोर्डात स्वतःचे रजिस्ट्रेशन करून पेट कोक आयात करू शकतील.
अल्ट्राटेक सिमेंट आणि दालमिया भारत या कंपन्यात बिनानी सिमेंटच्या साठी चालू असलेल्या चढाओढीत एक फेरी दालमिया भारतने जिंकली. दालमिया भारतची याचिका सुप्रीम कोर्टाने मंजूर केली. आणि कर्जदार बँकांना अंतिम बोलीसाठी स्टे दिला.
HDIL या कंपनीने IDBI बँकेबरोबर OTS केली त्याच्यामुळे कंपनीची वसईची जमीन विकण्याचा निर्णय पुढे गेला.
वाढणारी महागाई लक्षात घेता RBI आपल्या दरात ०.२५% वाढ करेल अशी अपेक्षा व्यक्त केली जात आहे. RBI च्या मॉनेटरी पॉलिसी कमिटीची बैठक चालू आहे. ६ जून २०१८ रोजी RBI आपले तिमाही वित्तीय धोरण जाहीर करेल
RBI च्या १२ फेब्रुवारी २०१८ च्या डिफॉल्ट अकौंट साठीच्या नियमांविरुद्ध बँक अधिकाऱयांच्या असोसिएशनने केलेल्या याचिके संदर्भात दिल्ली हायकोर्टाने केंद्र सरकार आणी RBI ला नोटीस पाठवली. HDFC बँकेच्या शेअरमध्ये Rs ७६८ कोटींची ब्लॉक डील झाले.  विमानाने प्रवास करणाऱ्या अंतर्देशीय प्रवाशांची वाहतूक २५% ने वाढली.
अशा प्रकारे काही अपवाद वगळता आजचा दिवस बेअर्सनी गाजवला.
BSE चा निर्देशांक सेन्सेक्स ३५०११ NSE चा निर्देशांक निफ्टी १०६२८ आणि बँक निफ्टी २६२५७ वर बंद झाले.
 

आजचे मार्केट – १ जून २०१८

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका
आजचे मार्केट – १ जून २०१८
३१ मे रोजी ४०० पाईंटची लांबलचक उडी मारल्यामुळे मार्केट थकले, थोडेसे सुस्तावले सुद्धा! मागचा पुढचा अंदाज घेत पाऊले टाकू लागले. युरोप कॅनडा ,मेक्सिको येथून USA मध्ये आयात होणाऱ्या अल्युमिनियमवर १०% आणि स्टील वर २५% इम्पोर्ट ड्युटी लावली म्हणजे USA ने सुरु केलेले ट्रेड वॉर पुरते ओसरले नाही.
व्हेनिझुएलाकडे बाकी असलेली ONGC विदेशचे पेमेंट या देशाने केले नाही. ONGC चा ONGC विदेशमध्ये ४०% स्टेक आहे. त्यामुळे ONGC चा शेअर पडला. सरकार त्यांचा SUTTI योजनेतील मारुती लिमिटेड, ITC, लार्सन अँड टुब्रो तसेच ऍक्सिस बँकेमधील स्टेक विकायचा विचार करत आहे. जानेवारी ते मार्च २०१८ या वित्तीय वर्षाच्या शेवटच्या तिमाहीत भारताची GDP ग्रोथ ७.७% झाली.
१ जून रोजी मे महिन्याच्या ऑटो विक्रीचे आकडे आले. बजाज ऑटोची विक्री ३०% ने वाढली तसेच निर्यातही वाढली. अशोक लेलँडची विक्री ५१% ने वाढली. एस्कॉर्टसची ट्रॅक्टर विक्री वाढली. मारुतीची विक्री ३०% ने वाढली. आयशर मोटर्सची विक्री थोड्या कमी प्रमाणात वाढली. जून १२ २०१८ पर्यंत अधिक महिना असल्यामुळे या महिन्यात कार्स आणि इतर वाहनांची खरेदी शुभ मानत नसल्यामुळे ऑटो विक्रीचे आकडे थोडे कमी प्रमाणावर आले. टाटा मोटर्स ची कमर्शियल आणि घरगुती वाहनविक्रीचे आकडे चांगले आले. TVS मोटर्सची विक्री १०% वाढली.
IGL ने पेट्रोनेट LNG बरोबर LNG व्हेईकल साठी करार केला. फॉस्फेटिक व्यवसाय विकून टाटा केमिकल्सला Rs ८७३ कोटी मिळाले.  पंजाब नॅशनल बँक त्यांचे भिकाजी कामा रोड वरील हेड ऑफिस Rs १३०० कोटींना विकणार आहे. तसेच ही बँक त्यांचा PNB हौसिंग मधील स्टेक विकणार आहे. पॉवर जनरेटिंग आणि डिस्ट्रिब्युशन कंपन्यांचे सरकारकडून येणे असलेले पैसे लक्षात घेऊन RBI च्या नव्या नियमाप्रमाणे त्यांना NPA घोषित करू नये असा निर्णय हायकोर्टाने दिला. यांचा या कंपन्यांना कर्ज दिलेल्या बँकांवर नकारात्मक तर या कंपन्यांवर सकारात्मक परिणाम होईल. दिलीप बिल्डकॉन या कंपनीच्या ऑडिटर्सने राजीनामा दिला ही शेवटी अफवाच निघाली. टी व्ही वाहिनीवर कंपनीने सांगितले की आमच्या ऑडिटरने राजीनामा दिलेला नाही आणि कंपनीचे रस्ते बांधणीचे काम व्यवस्थित चालू आहे.
विशेष लक्षवेधी

  • पुढील आठवड्यात RBI आपले तिमाही वित्तीय धोरण जाहीर करेल.
  • USA ची सेंट्रल बँक फेडची मीटिंग १२ आणि १३ जूनला होईल. या मीटिंग मध्ये व्याजाच्या दरवाढीविषयी फेड निर्णय घेईल. फेड यावेळी व्याजाचा दर वाढवेल ही जवळ जवळ निश्चिती आहे.
  • १४ जून च्या आसपास किरकोळ महागाई, थोक महागाई आणि IIP चे आकडे येतील.

आज कंपन्यांच्या वार्षिक निकालांविषयी असणारे तर्क वितर्क आशा निराशा निकाल जाहीर झाल्यामुळे संपले आणि वास्तव समोर आले.
BSE निर्देशांक सेन्सेक्स ३५२२७ NSE निर्देशांक निफ्टी १०६९६ आणि बँक निफ्टी २६६९२ वर बंद झाले.
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!