like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – ३१ जुलै २०१८

जशा जशा निवडणुका जवळ येऊ लागल्या आहेत तशी तशी सरकारला जाग येऊ लागली आहे. लोकांकडे एकच हत्यार असते ते म्हणजे मतपेटी. या मतपेटीकडे लक्ष ठेवून सरकार शैक्षणिक धोरणांचा नव्याने विचार करत आहे. यामध्ये गुणवत्ता, रिनोव्हेशन, संशोधन आणि रोजगार यावर भर दिला जाईल. शिक्षण व्यवसायाभिमुख असावे असा दृष्टिकोन असेल. यासाठी कौशल्य विकास आणि IT चा समावेश शैक्षणिक धोरणात केला जाणार आहे. यामुळे शैक्षणिक क्षेत्रातील M T एज्युकेअर. NIIT, APTECH, करिअर पॉईंट, झी लर्न हे शेअर वाढले.

सरकार ITDC आणि एअर इंडिया यातील आपल्या स्टेकची डायव्हेस्टमेन्ट करणार होते पण यात यश आले नाही. म्हणून धोरणात ढिलाई द्यावी असा विचार चालू आहे. बोली लावणाऱयांची नेट वर्थची मर्यादा कमी करावी आणि त्याचप्रमाणे करात सूट द्यावी असा विचार आहे. त्यामुळे ITDC चा शेअर वाढला.

संरक्षणासंबधीत डील चालू झाली आहेत. संरक्षण क्षेत्रातील कंपन्यांचे शेअर्स रिझनेबल भावाला उपलब्ध आहेत. त्यामुळे या क्षेत्रातील हिंदुस्थान ऐरोनॉटीक्स, BEML, कोची शिपयार्ड, वालचंदनगर, रोलटा, हे शेअर वाढले.

CPSE एक्स्चेंज ट्रेडेड फंडमध्ये नव्या सरकारी कंपन्या येतील किंवा वर्तमान कंपन्यातील सरकारचा स्टेक ५२% पर्यंत कमी केला जाईल या सर्वामुळे गेले दोन दिवस सरकारी कंपन्यांचे शेअर्स तेजीत आहेत.

७५ वर्षाच्या वर इंडिपेन्डन्ट डायरेक्टर म्हणून काम करायचे असल्यास कम्पनीला स्पेशल रेझोल्यूशन पास करावे लागेल. दीपक पारेख HDFC चे चेअरमन राहू नये असे २२% शेअरहोल्डर्सचे मत पडले. त्यामुळे HDFC चा शेअर Rs ६० पडला.

ब्रँड आणि तंत्रज्ञान वापरण्यासाठी जी रक्कम परदेशातील किंवा देशातील कंपनीला द्यावी लागते तिला रॉयल्टी असे म्हणतात. ही रॉयल्टी किती द्यावी यासंबंधी कायदा केला जाणार आहे. ही रॉयल्टीची रक्कम कालानुसार कमी होत गेली पाहिजे असे सरकारचे मत आहे. त्यामुळे हनीवेल, ABBOT, नेस्ले, ३M इंडिया, मारुती, HUL अशा MNC कंपन्यांचे शेअर वाढले.

बँक ऑफ जपानने दरांमध्ये कोणताहि बदल केला नाही. -०.१% व्याजाचा दर कायम केला. दरवर्षी ८० लाख येन किमतीचे बॉण्ड्स खरेदी केले जातील असे जाहीर केले.वित्तीय घाटा Rs ४.२९ लाख कोटी ( या पूर्वी हा Rs ४.४२ लाख कोटी होता ) आणि राजस्व घाटा Rs ३.८३ लाख कोटी आहे ( गेल्यावेळी हा Rs ३.५२ लाख कोटी होता.)

विशेष लक्षवेधी

• UPL, अजंता फार्मा, BASF, डाबर, गुजरात गॅस, BEL, ओबेरॉय रिअल्टी, सुप्रीम इंडस्ट्रीज, ब्ल्यू डार्ट यांचे निकाल चांगले आले.
• रेमंड, आणि स्नोमॅन लॉजिस्टिक या दोन कंपन्या टर्न अराउंड झाल्या.
• बँक ऑफ इंडियाचा निकाल असमाधानकारक होता.
• रिलायन्स इंडस्ट्रीज ही भारतातील सर्वात जास्त मार्केट कॅप असलेली कंपनी झाली.
• टाटा मोटर्सचा तोटा JLR मुळे वाढला आणि हा गेल्या ९ वर्षातील कमाल तोटा आहे.

वेध उदयाचा

• १ ऑगस्ट २०१८ रोजी RBI उद्या दुपारी २-३० वाजता आपले वित्तीय धोरण जाहीर करेल.

BSE निर्देशांक सेन्सेक्स ३७६०६ NSE निर्देशांक निफ्टी ११३५६ आणि बँक निफ्टी २७७६४ वर बंद झाले.

भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – ३० जुलै २०१८

आज नवीन आठवड्याची सुरुवात धडाकेबाज झाली. चांगलेच फटाके फुटले. खरे पाहता इतकी चांगली सुरुवात होईल असे वाटले नव्हते. वायदेबाजार आणि तांत्रिक विश्लेषण दोन्हीही दृष्टिकोनातून मार्केट ओव्हरबॉट स्थितीत होते. १.७ पूट /कॉल रेशियो होता. मार्केट ताणलेले आहे हे समजत होते. पण तरीही बँक ऑफ बरोडाच्या पहिल्या तिमाहीच्या निकालांमुळे धमाल आली. सार्वजनिक क्षेत्रातील सरकारी बँकिंग क्षेत्रात थोडे आशादायक वातावरण निर्माण झाले. सुरुवातीला मार्केटने आपला थोडासा रंग दाखवला खरा पण बुल्सनी रिलायन्सच्या साथीने किल्ला लढवला सर्व आंतरराष्ट्रीय आणि आर्थीक अडचणी झुगारून देऊन बुल्सनी आपल्या नैसर्गिक प्रवृत्तीप्रमाणे मार्केटमध्ये मुसंडी मारली.आणि मार्केट ब्ल्यू स्काय टेरिटरीत नेले.मार्केटने नवीन शिखरे पार केली. सेन्सेक्स, निफ्टी, बँक निफ्टी ब्ल्यू स्काय टेरिटरीत गेले. याला भारती एअरटेल, ICICI बँक यांनीही हातभार लावला हे विसरता येणार नाही. .

विशेष लक्षवेधी

• RBI च्या मॉनेटरी पॉलिसी कमिटीची तीन दिवसांची मीटिंग सुरु झाली.
• PNB मेटलाईफचा IPO येणार आहे. PNB आपला २४.६४% स्टेक विकणार आहे. यातून PNB ला Rs २००० ते २५०० कोटी मिळतील. मेट लाईफ हा त्यांचा परदेशी भागीदार आपला ०.३६ % स्टेक विकणार आहे.या IPO चे सर्व प्रोसिड्स प्रमोटर्सना मिळतील.
• निरमा ही कंपनी त्यांच्या सिमेंट डिव्हिजनचा IPO आणण्याच्या विचारात आहे. या युनिटचे लिस्टिंग २०१९ मार्चमध्ये होईल अशा बेतात IPO आणला जाईल.
• ज्युबिलण्ट लाईफ ज्युबिलण्ट फार्माचा IPO आणून आपला ५% स्टेक विकणार आहे. त्यामुळे ज्युबिलण्ट लाईफचे कर्ज कमी होईल आणि डेट/ इक्विटी रेशियो सुधारेल.
• HDFC IPO ची इशू प्राईस Rs ११०० ठरवली.
• TCNS या कंपनीचा शेअर Rs ७१५ वर लिस्ट झाला. लिस्टिंग नंतर Rs ६२६ पर्यंत भाव गडगडला. (IPO विषयी सर्व माहिती आणि IPO चा फार्म भरण्याविषयी सर्व माहिती माझ्या ‘मार्केट आणि मी’ या पुस्तकात दिली आहे.)
• गती या लॉजिस्टिक क्षेत्रातील कंपनीची चांगलीच घोडदौड चालू होती कारण TVS लॉजिस्टिक गती या कंपनीला Rs १५०० कोटींमध्ये खरेदी करणार आहे. त्यामुळे ओपन ऑफर येईल असा मार्केटचा अंदाज आहे.
• रिलायन्स इन्फ्रा त्यांचा मुंबईचा इलेक्टीसिटी बिझिनेस अडानी ट्रान्समिशनला विकणार आहे. त्यामुळे रिलायन्स इन्फ्रा डेट फ्री कंपनी होईल.
• ल्युपिन च्या मंडीदीप युनिटला यूरोपीयन रेग्युलेटरी ऑथॉरिटीची मंजुरी मिळाली.
• इंडीगोच्या काही विमानांच्या एंजिनात दुरुस्ती करायची असल्यामुळे त्यांची काही विमानांची सेवा उपलब्ध नसेल.
  बँक ऑफ बरोडा, NTPC , कोरोमंडल, गोदावरी पॉवर, लुमॅक्स ऑटो, रामकृष्ण फोर्जिंग्ज, गोदरेज कन्झ्युमर,HDFC, न्यू इंडिया अशुअरंस, सेंच्युरी टेक्सटाईल्स, RITES, चेन्नई पेट्रो, स्पार्क, एस्कॉर्टस, या कंपन्यांचे पहिल्या तिमाहीचे निकाल चांगले आले.
• टेक्स RAIL आणि शॉपर्स स्टॉप या कंपन्या टर्न अराउंड झाल्या.

वेध उदयाचा

• थायरो केअरची शेअर ‘ BUY BACK’वर विचार करण्यासाठी ४ ऑगस्ट रोजी बोर्ड ऑफ डायरेक्टर्सची बैठक आहे.
  गोदरेज कंझ्युमर प्रॉडक्टस या कंपनीने तुमच्या जवळ दोन शेअर्स असतील तर तुम्हाला एक बोनस शेअर मिळेल असे जाहीर केले.
• मार्केट संपल्यानंतर टेक महिंद्राचा पहिल्या तिमाहीचा निकाल चांगला आला. अव्हेन्यू सुपटमार्टचा निकाल चांगला आला.
• इंडीगो या विमान वाहतूक कंपनीचा पहिल्या तिमाहीचा निकाल मात्र तद्दन खराब आला.
  आयडिया सेल्युलरचा पहिल्या तिमाहीचा निकाल Rs ३३६४ कोटींचा(आयडिया सेल्युलर इन्फ्रा सर्व्हिसेसचे विक्री प्रोसिड्स ) एक मुश्त नफा होऊनही नक्त नफा फक्त Rs २५६ कोटी झाला.
• वरील सर्व निकाल मार्केटची वेळ संपल्यानंतर आल्यामुळे मंगळवारचे मार्केट याची दखल घेईल.

BSE निर्देशांक सेन्सेक्स ३७४९४ वर NSE निर्देशांक निफ्टी ११३१९ वर आणि बँक निफ्टी २७८४२ वर बंद झाला.

भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजच मार्केट – २७ जुलै २०१८

आज ऑगस्ट सिरीजच्या पहिल्या दिवशी सेन्सेक्स, निफ्टी, आणि बँक निफ्टी या तिन्ही निर्देशाकांनी ऑल टाइम उच्चांक गाठला. सर्व क्षेत्रातल्या कंपन्यांचे पहिल्या तिमाहीचे निकाल चांगले येत असल्यामुळे ट्रेडर्स आणि गुंतवणूकदारांनी खरेदी केली.

सध्याचे मार्केट फार गोंधळाचे आहे. एका बाजूला चांगला होत असलेला पाऊस, भारतात येत असणारा पैसा, कंपन्यांची होत असलेली प्रगती, पहिल्या तिमाहीचे येणारे चांगले कॉर्पोरेट निकाल, ह्या गोष्टी आहेत. तर ट्रेड वॉर, इंटरेस्ट रेट, निवडणुका, ट्रम्प साहेबांचे ट्विट या विरोधी गोष्टी सुरु आहेत. पूर्वीच्या बुल मार्केटचे शेअर्स आणि यावेळी वाढणारे शेअर्स भिन्न आहेत. मार्केटचे प्रतिबिंब पोर्टफोलिओमध्ये येण्यासाठी काळाप्रमाणे बदल करणे गरजेचे आहे. या मार्केटमध्ये युटिलिटी कंपन्याआणि कंझम्पशन कंपन्या, ऑइल गॅस आणि पेट्रोलियम कंपन्या हा थिम पुढील तीन वर्षांसाठी राहील असे वाटते.
चोलामंडलम फायनान्स, SBI लाईफ, बँक ऑफ बरोडा, QUESS कॉर्प, HCL टेक पेट्रोनेट, एस्सेल प्रोपॅक, प्रिसम जॉन्सन, JSW एनर्जी, रॉयल अर्चिड, बायोकॉन, नागार्जुना फर्टिलायझर, ज्युबीलीयंट लाईफ, M M फायनान्स कंपनी, फिलिप्स कार्बन, ITC, या कंपन्यांचे निकाल चांगले आले.

ITC चे सिगारेट्सचे व्हॉल्युम चांगले होते, याचा परिणाम गॉडफ्रे फिलिप्स, VST इंडस्ट्रीज यावर झाला. शॉपर्स स्टॉप, वेस्टसाईड डेव्हलपर्स या कंपन्या टर्न अराउंड झाल्या. IOB चा निकाल अतिशय निराशाजनक आला. ICICI बँकेचे NPA कमी झाले पण प्रोव्हिजन जास्त करायला लागल्यामुळे पहिल्या तिमाहीसाठी लॉस दाखवला. अडाणी पोर्टने धामरा पोर्टसाठी गेल बरोबर करार केला. हे पोर्ट २०३१ पर्यंत तयार होईल. हा करार ३० वर्षांसाठी आहे. या पोर्टचे काम लार्सन & टुब्रोने सुरु केले आहे. ‘युज आणि पे’ या तत्वावर हा करार आहे. अजंता फार्माच्या दहेज युनिटच्या USFDA ने २३ जुलै ते २७ जुलै दरम्यान झालेल्या इन्स्पेक्शन मध्ये कोणतीही त्रुटी दाखवली नाही. ITNL ही कंपनी Rs ३००० कोटींचा राईट्स इशू आणणार आहे.

सरकार आता फ्रीज, एअरकंडिशनर आणि लार्ज स्क्रीन टी वी यांच्या वरचा GST २८% वरून १८% करणार आहे. आता फक्त चैनीच्या वस्तूवरच २८% GST लावण्यात येईल.सॅमसंग या कंपनीने आपल्या उत्पादनांचे दर ७.८% ने कमी केले आहेत.

विशेष लक्षवेधी

• HDFC AMC चा IPO शेवटच्या दिवशी ८३ वेळा ओव्हरसबस्क्राईब झाला.
• आज मार्केट बंद झाल्यावर रिलायन्स इंडस्ट्रीज चे निकाल अपेक्षेप्रमाणे आले.

वेध पुढील आठवड्याचा

पुढील आठवड्यात पुढीलप्रमाणे महत्त्वाच्या घटना आहेत.

• २८ जुलै २०१८ NTPC चे निकाल
• ३० जुलै २०१८ HDFC, ऍक्सिस बँक, यांचे निकाल तसेच TCNS या कंपनीच्या शेअर्सचे लिस्टिंग होईल.
• ३१ जुलै २०१८ UPL, टाटा मोटर्स, वेदांता यांचे निकाल
• १ ऑगस्ट २०१८ RBI आपले वित्तीय धोरण जाहीर करेल. याच दरम्यान फेड आपले धोरण ठरवेल.
• २ ऑगस्ट २०१८ ONGC चे निकाल
• ३ ऑगस्ट २०१८ टायटन चे निकाल

BSE निर्देशांक सेन्सेक्स ३७३३६ NSE निर्देशांक निफ्टी ११२७८ वर आणि बँक निफ्टी २७६३४ वर बंद झाले.

भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजच मार्केट – २६ जुलै २०१८

मार्केटचा उच्चांक म्हणजे आमच्या दृष्टीने एव्हरेस्ट शिखर. कोणत्या बाजूने चढून शिखर गाठायचे पश्चिम पूर्व का उत्तर दक्षिणेच्या. कोणत्याही बाजूने गाठा पण शिखरावर पोहोचून झेंडा फडकवणे महत्वाचे.असाच आज निफ्टीने २९ जानेवारी २०१८ नंतर १२८ ट्रेडिंग सेशननंतर १११७०च्या वर जाऊन नवीन उच्चांक प्रस्थापित केला.पण त्याला एकच गालबोट म्हणजे मार्केट त्या ठिकाणी टिकू शकले नाही. २०१८ च्या सात महिन्यात निफ्टीने १४ वेळा कमाल स्तर पार केला आहे, आज बँक निफ्टीने निफ्टीला सुंदर साथ दिली.

आज जवळजवळ सर्व कंपन्यांचे पहिल्या तिमाहीचे निकाल चांगले आले. त्यामुळे अच्छे दिन निदान या कंपन्यांबाबतीत तरी आले असे म्हणावे लागेल. सरकार ATF(एव्हिएशन टर्बाईन फ्युएल) येत्या दोन महिन्यात GST च्या अमलाखाली आणेल. ATF वर १८% GST लावावा अशी सरकारने शिफारस केली आहे. यामुळे ATF वर होणारा विमान वाहतूक कंपन्यांचा खर्च कमी होईल अशी अपेक्षा आहे. पण आज मात्र विमान वाहतूक करणाया कंपन्यांच्या शेअर्सवर याचा परिणाम दिसला नाही.

वोडाफोन आणि आयडिया यांच्या मर्जरला DOT ने मंजुरी दिली. MMRDA या कायद्याच्या २५व्या कलमामध्ये मायनिंग उद्योगाला काही सूट देण्याचा विचार माननीय मंत्री नितीन गडकरी यांच्या अध्यक्षतेखालील समितीच्या ७ ऑगस्ट रोजी होणाऱ्या बैठकीत केला जाईल. याचा फायदा गोव्यातील मायनिंग उद्योगाला म्हणजेच पर्यायाने वेदांताला होईल.

आज हिंदाल्कोची १००% सबसिडी असलेल्या नॉवेलीसने ‘अलेरीस’ या कंपनीचे US $ २६८ कोटींमध्ये अधिग्रहण केले. हे ऑल कॅश डील असेल. ३४३ औषधांची तपासणी करण्यात आली होती त्या तपासणीत ही औषधे घेण्यास अयोग्य आहेत असे आढळून आले याचा परिणाम सिप्ला,व्होकार्ट सन फार्मा यांच्यावर होईल.

डिश टीव्ही ची ओपन ऑफर चालू असल्यामुळे शेअरच्या किमतीला सपोर्ट मिळत होता. काल ओपन ऑफर पूर्ण झाली .

विशेष लक्षवेधी

कंपन्या आपले पहिल्या तिमाहीचे निकाल जाहीर करत आहेत.
अंबुजा सिमेंट, भारती इंफ्राटेल, गृह फायनान्स, कोलगेट, श्रीराम ट्रान्सपोर्ट, KPIT टेक, हायडलबर्ग सिमेंट, येस बँक ( उत्पन्न आणि प्रॉफिट वाढले पण NPA आणि प्रोव्हिजन वाढली), कॅनरा बँक, DR रेडीज, बेयर क्रॉप, एफबी इंडस्ट्रीज, एव्हरेड़ी, टाटा पॉवर ( यात गुंतवणुकीसंबंधात झालेला नफा Rs १८७१ कोटी आहे) या कंपन्यांचे निकाल चांगले आले.

यावेळी मार्केटच्या पॅटर्नमध्ये एक गोष्ट लक्षात आली. आता गुंतवणूकदार किंवा ट्रेडर्स कोणत्याही शेअर्समध्ये जास्त वेळ थांबायला तयार नाहीत. अपेक्षित निकाल लक्षात घेऊन शेअरची खरेदी करायची आणि अपेक्षित निकाल कितीही चांगला असला तरी ताबडतोब आपल्याला होत असलेले प्रॉफिट घरी घेऊन जायचे. हा त्यांचा गेले काही दिवस असलेल्या मार्केटच्या पॅटर्नला प्रतिसाद आहे असे वाटते. आज याची उदाहरणे म्हणजे लार्सन आणि टुब्रो, DR रेडीज, आणि मारुती होय. मारुतीचा निकाल असमाधानकारक म्हणता येणार नाही पण ज्या अपेक्षेने शेअरचा भाव वाढला होता ती अपेक्षा पुरी न झाल्याने शेअर पडला.

सर्व कंपन्यांचे निकाल चांगले येत आहेत. याचा अर्थ कमीतकमी काही क्षेत्रात आपली प्रगती होत आहेत असा घ्यावयास हरकत नाही. बँकाही हळू हळू NPA च्या काळ्या सावलीतून बाहेर येत आहेत असे वाटते.

वेध उद्याचा

• उद्या HDFC AMC च्या IPO चा शेवटचा दिवस आहे. ग्रे मार्केटमध्ये याचा भाव Rs १५०० पर्यंत चालू आहे. ग्रे मार्केट विषयी माझ्या ‘मार्केट आणि मी ‘या पुस्तकात सविस्तर माहिती दिली आहे.
• गोदरेज कंझ्युमर प्रॉडक्टसच्या बोर्ड ऑफ डायरेक्टर्सची बोनस इशू वर विचार करण्यासाठी बोलावली आहे.
• उद्या F & O ची ऑगस्ट सिरीज सुरु होईल. त्यामुळे उद्याच्या मार्केटचा रंग थोडा वेगळा असेल

मार्केटचा हा चालू असलेला बुल रन ३ वर्ष तरी टिकेल. पण या काळात जेव्हा वेळोवेळी करेक्शन येईल त्या त्या वेळेला आपल्या पोर्ट फोलिओ मध्ये योग्य ते बदल करावे लागतील. सध्या IT आणि FMCG THEME चालू आहे. पण ही थिम बुल मार्केटच्या पुढच्या फेजमध्ये बदलू शकते . या क्षेत्रातलया कंपन्यांच्या शेअर्सच्या किमती अवास्तव वाढतील. त्यावेळी नवीन थिम जन्माला येईल. सध्या मिडकॅप आणि स्माल कॅपमध्ये करेक्शन आले आहे. मार्केटमध्ये काही निवडक शेअर वाढत आहेत त्यामुळे बहुसंख्य गुंतवणूकदारांना कमी फायदा किंवा तोटा होत आहे.जसे दोनतीन खेळाडूंनी शतके केली तरी संघ समतोल असल्याशिवाय सामना जिंकता येत नाही. आणि सर्वांना आनंदात सहभागी होता येत नाही. त्यामुळे मार्केट शिखरावर असले तरी प्रत्येक ट्रेडर गुंतवणूकदार आनंदी नाही हे मला जाणवते आहे. पण आपल्याही शेअरला चांगला भाव मिळेल अशी इच्छा करू.

BSE निर्देशांक सेन्सेक्स ३६९८४ वर NSE निर्देशांक निफ्टी १११६७ वर आणि बँक निफ्टी २७४०६ वर बंद झाले.

भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – २५ जुलै २०१८

ट्रम्पच्या ट्रेड वॉरमुळे निर्माण झालेल्या परिस्थितीवर BRICS च्या बैठकीत उपाय काढण्याचा प्रयत्न केला जाईल. यात ब्राझील, रशिया, इंडिया, चीन, साऊथ आफ्रिका या देशांचा समावेश आहे. जगातील सर्व देशांमध्ये व्यापारी संबंधांचा तोल राखण्याचे आवाहन केले जाईल. आंतरराष्ट्रीय मॉनेटरी फंडाने इंडियाला इशारा दिला आहे की CAD सावरण्यासाठी जागतिक अर्थ साहाय्यावर अवलंबून राहणे कमी करावे.अशा वातावरणात आजचे मार्केट सुरु झाले. त्यातच USA मध्ये क्रूडचा साठा कमी झाल्यामुळे आज क्रूड थोडेसे वाढले तरी रुपया बराच सुधारल्यामुळे त्याचा परिणाम मार्केटला जाणवला नाही. त्यातच उद्या असणारी एक्स्पायरी आणि अनेक कंपन्यांचे येत असलेले पहिल्या तिमाहीचे निकाल त्यामुळे मार्केट डोलायमान अवस्थेत होते.

हिरो मोटो च्या बाबतीत प्रॉब्लेम आहे की कमोडिटीच्या किमती वाढत आहेत तसेच त्यांच्या हरिद्वार प्लाण्टला मिळणारे टॅक्स बेनिफिट बंद झाले आहेत. बजाज ऑटोने आपल्या बाईकच्या किमती कमी करण्याचा निर्णय घेतला आहे त्याचा परिणाम हिरो मोटोवर होईल. या कंपनीचा शेअर ५२ आठवड्यातील किमान स्तरावर आहे आणि ऑटो क्षेत्रातील इतर कंपन्यांशी तुलना करता P/E रेशियोप्रमाणे स्वस्त आहे. त्यांचे निकाल चांगले आले तर शेअरवर चांगला परिणाम दिसेल.

बजाज अलायन्झने ‘आयुष्मान भारत’ योजनेखाली पश्चिम बंगाल राज्यासाठी बोली जिंकली. ४.८७ लाख टन रूळ खरेदी करण्यासाठी रेल्वेनी ग्लोबल टेंडर काढले आहे. JSPL ला १ लाख टन रूळ पुरवण्याचे काम मिळेल असा अंदाज आहे. PVR लवकरच म्हैसूर मध्ये ४ स्क्रीन मल्टिप्लेक्स चालू करणार आहे.ऑडिटोरियम मध्ये खाद्य पदार्थ न्यायला परवानगी देण्याच्या महाराष्ट्र राज्य सरकारच्या निर्णयाविरुद्ध केलेलया अपीलाची सुनावणी मुंबई हायकोर्टाने १५ दिवस पुढे ढकलली. CCI ने सिमेंट कंपन्यांना Rs ६३०० कोटी दंड ठोठावला होता. या दंडाविरुद्ध NCLAT कडे केलेले अपील NCLAT ने फेटाळले. त्यामुळे सिमेंट क्षेत्रातील कंपन्यांचे शेअर्स पडले.

सरकार लवकरच नवीन औद्योगिक धोरण जाहीर करेल. यात आजारी उद्योगांना मदत करून त्यांना आपल्या पायावर उभे करण्यावर भर असेल. प्रत्येक कंपनीला आयडेंटिफिकेशनसाठी एक युनिक नंबर दिला जाईल. कंपनीला मिळणारी विजेसाठी सबसिडी कंपनीच्या खात्यात जमा केली जाईल. सरकार एक इंडस्ट्रियल हेल्थ क्लिनिक स्थापन करेल. या संस्थेकडून आजारी उद्योगांना सर्व प्रकारची मदत आणि सल्ला मिळेल.

विशेष लक्षवेधी

• म्युझिक ब्रॉडकास्टचे निकाल चांगले आले. ही कंपनी आपले १५ लाख शेअर्स प्रती शेअर Rs ३८५ या भावाने BUY बॅक करेल. यासाठी कंपनी Rs ५७ कोटी खर्च करेल.
• SKF, नोसिल, क्रॉम्प्टन कंझ्युमर, ज्युबिलंट फूड्स, वेलस्पन एंटरप्राईझेस, एवरेस्ट इंडस्ट्रीज, JSW स्टील, KSB पंप्स, JSPL,BHEL, ICICI प्रु ( प्रीमियम इन्कम वाढले) यांचे निकाल चांगले आले.
• सिम्फनीचे निकाल असमाधानकारक होते.
• सरकार आपला NHPC मधील स्टेक NTPC या कंपनीला ट्रान्स्फर करणार आहे. यासाठी NTPC कडे असलेली कॅश वापरली जाईल आवश्यकता वाटल्यास सरकार यासाठी कर्ज काढेल.
• सरकार BEL या कंपनीतील आपला ५% स्टेक OFS द्वारे विकणार आहे.
• इंडिगो या विमान वाहतूक करणाऱ्या कंपनीची A ३२० NEO या जातीची पांच विमाने एंजिनात बिघाड असल्यामुळे दिल्ली विमानतळावर थांबवली. यामुळे इंडिगोचा शेअर पडला.
• मारुतीने १२७९ नवीन स्विफ्ट आणि DZIRE गाड्या परत मागवल्या. त्यामुळे मारुतीचा शेअर पडला.
• PC ज्युवेलर्स च्या कमर्शियल पेपरचे रेटिंग कमी केले. शेअर जबरदस्त पडला.

वेध उद्याचा

• लार्सन & टुब्रोचा निकाल चांगला आला. प्रॉफिट, विक्री, ऑर्डर इनफ्लो, तसेच ऑर्डर बुक यांच्यात लक्षणीय वाढ झाली. त्यामुळे या शेअरकडे लक्ष ठेवावे.
• हिरो मोटो या कंपनीचे फायदा उत्पन्न मार्जिन अपेक्षेच्या मानाने कमी आले. हिरो मोटो कॉर्पच्या बोर्ड ऑफ डायरेक्टर्सनी अथर एनर्जी मध्ये Rs १३० कोटी गुंतवणुकीला मंजुरी दिली
• उद्या F & O मार्केटची जुलै महिन्याची एक्स्पायरी आहे. त्यामुळे मार्केट व्होलटाइल राहण्याची शक्यता आहे.

BSE निर्देशांक सेन्सेक्स ३६८५८ NSE निर्देशांक निफ्टी १११३२ आणि बँक निफ्टी २७०३१ वर बंद झाले

भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – २४ जुलै २०१८

आज सेन्सेक्स आणि निफ्टी हे दोन्हीही निर्देशांक नव्या उच्चांकावर पोहोचले. लोकांना गुंतवणुकीच्या चांगल्या संधी उपलब्ध नाहीत त्यामुळे पैसा मार्केटकडे येत आहे आणि निवडक लार्जकॅप शेअर्स मध्ये रॅली येत आहे. आज F&O मार्केट मध्ये ४६ शेअर्स मधील पोझिशन क्लोज करायला सांगितल्या मुळे अनपेक्षित शेअर वाढत होते. मिडकॅप आणि स्माल कॅप शेअर्स कोणत्याही मूलभूत कारणांमुळे पडत नसून ट्रेडिंगवरील निर्बंध, ASM, म्युच्युअल फंडांना करावी लागणारी अडजस्टमेन्ट, मार्जिन रिक्वायरमेंटमध्ये केलेली वाढ, आणि ४६ शेअर्स मध्ये अनिवार्य केलेली फिझिकल सेटलमेंट यामुळे पडत होते. विक्री वाढत गेली आणि किरकोळ गुंतवणूकदार घाबरल्यामुळे खरेदी थांबली. त्यामुळे अजूनही निफ्टी ज्युनियर मध्ये चांगले शेअर किफायती भावात उपलब्ध आहेत.

सरकार व्हाईट गुड्स( फ्रिज वाशिंग मशीन इत्यादी) वर २०% इम्पोर्ट ड्युटी बसवण्याचा विचार करत आहे. त्यामुळे मर्क, वोल्टास, गोदरेज, व्हर्लपूल, सिम्फनी याचे शेअर्स वाढले

यावर्षी जेष्ठ अधिक महिना असल्यामुळे सगळे सणवार Q३ मध्ये येत आहेत त्यामुळे सर्व निकाल Q३ मध्ये येतील. दरवर्षी सणवार Q२ मध्ये येत असल्यामुळे दरवर्षी Q२ चे निकाल चांगले यायचे. आता ते सर्व निकाल Q३ मध्ये येतील.

आज आपण बजाज ऑटो या ऑटो क्षेत्रातील कंपनीची थोडी माहिती घेऊ. बजाज ऑटो आपला मार्केट शेअर वाढवण्यासाठी प्राईस कट करणार आहे. ही स्पर्धा HEALTHY म्हणता येणार नाही. यामुळे पुढील तीन वर्षे ऑपरेटिंग मार्जिन कमी होईल. प्राईस वार सुरु होईल. त्यामुळे गुंतवणूकदार दुचाकी वाहनक्षेत्रातील कंपन्यातुन बाहेर पडून चारचाकी वाहनांमध्ये घुसत आहेत.

विशेष लक्षवेधी

• GSK फार्माचे निकाल चांगले आले कंपनीने १:१ बोनस जाहीर केला.
  रॅडिको खैतान, हेक्झावेअर, सेंच्युरी प्लायवूड, डेल्टा कॉर्प, इंडिया बुल व्हेंचर, L & T इन्फोटेक, L & T टेक्नॉलॉजी, टी व्ही १८ ब्रॉडकास्टींग,तेजस नेटवर्क, एशियन पेंट्स( डेकोरेटिव्ह पेंट्समध्ये डबल डिजिट ग्रोथ दिसली) यांचे निकाल चांगले आले.
• ACC चे निकाल चांगले आले. सिमेंट वरील GST कमी होईल या अपेक्षेने सिमेंट क्षेत्रात तेजी दिसली.
  आता कमर्शियल वाहनांचे वर्किंग लाईफ सरकार ठरवेल. हे लाईफ २० वर्षापर्यंत असून त्यापेक्षा जुनी असलेली वाहने २०२० सालाट स्क्रॅप केली जातील.
• NHPC मधली आपला स्टेक सरकार NTPC ला विकणार आहे.
• आयडिया आणि व्होडाफोन यांच्या मर्जर साठी आवश्यक असलेली Rs ७३०० कोटींची बँक गॅरंटी सरकारला केल्यामुळे या मर्जरला आता सरकारची मंजुरी मिळेल.

वेध उद्याचा

सेबीने ज्या F & O मधील ४६ शेअर्सची एक्स्पायरी डेटला फिझिकल डिलिव्हरी देऊन/घेऊन सेटलमेंट करावी लागेल असे जाहीर केले आहे त्याची यादी खाली देत आहे.

अडाणी पॉवर, अजंता फार्मा, अलाहाबाद बँक, आंध्र बँक ,बलरामपूर चिनी, BEML , बर्जर पेंट्स, कॅन फिना होम्स, CG पॉवर & इंडस्ट्रियल सोल्युशन्स, चेन्नई पेट्रो DCB बँक, गॉडफ्रे फिलिप्स, गोदरेज इंडस्ट्रीज, GRANULES, GSFC HCC, हेक्सावेअर , IDBI बँक, IFCI जयप्रकाश अस्सोसिएट्स, जस्ट डायल, कावेरी सीड्स, KPIT टेकनॉलॉजीज, महानगर गॅस, MRPL, NHPC, NIIT टेक, ऑइल इंडिया, ओरॅकल फायनान्स, ओरिएंटल बँक PTC, PVR, R COM रिलायन्स नावल, रिलायन्स पॉवर, रेपको होम फायनांस, रामको सिमेंट, SREI इन्फ्रा, सिण्डिकेट बँक, SRF , टॉरंट पॉवर, TV १८ ब्रॉडकास्ट, युनायटेड ब्रुअरीज, व्ही गार्ड इंडस्ट्रीज, WOCKHARDT .

या ४६ शेअर्स मध्ये F & O मधील हालचालींप्रमाणे पुढील दोन दिवसात तेजी किंवा मंदी होऊ शकते. या शेअर्सवर लक्ष ठेवले तर आपण चांगले शेअर्स कमी किमतीत घेऊ शकाल किंवा आपल्याकडील पडीक शेअर्स त्यांची किंमत वाढली तर विकू शकता.

उद्यापासून HDFC AMC चा IPO ओपन होत आहे. ही कंपनी HDFC ग्रूपमधली कंपनी असून HDFC म्युच्युअल फंडाचे व्यवस्थापन करते. या IPO मध्ये अर्ज करण्याचा विचार अवश्य करावा.

BSE निर्देशांक सेन्सेक्स ३६८२५ NSE निर्देशांक निफ्टी १११३४ आणि बँक निफ्टी २६९७४ वर बंद झाले.

भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – २३ जुलै २०१८

• ग्रॅनाईट -पोकर्ण
• हॉटेल -रॉयल  ऑर्चिड, लेमन ट्री, इंडियन  हॉटेल्स,
•  हिटर आणि इस्त्री -बजाज इलेक्ट्रिकल्स V-गार्ड हॅवेल्स,
• फूटवेअर- बाटा, लिबर्टी, खादिम, रिलॅक्सो
• इथेनॉल – प्राज इंडस्ट्रीज, HPCL , इंडियन ग्लायकॉल ,
• सॅनिटरी नॅपकिन – प्रॉक्टर अँड गॅम्बल
• पेंट्स-एशियन पेंट्स बर्जर पेंट्स कन्साई नेरोलॅक
•  टी व्ही- मर्क, BPL ,लील इलेक्ट्रिकल्स

याप्रमाणे GST चे दर कमी केल्याचा फायदा होईल.पुढील GST च्या बैठकीत बिल्डिंग साठी लागणाऱ्या सिमेंटवरचा GST कमी करण्याबाबत विचार केला जाईल.

• विजया बँक, HOEC, हिंदुस्थान झिंक, L & T इन्फोटेक यांचे निकाल समाधानकारक होते.
• MCX आणि साऊथ इंडियन बँक याचे निकाल असमाधानकारक होते.
• मारुतीने त्यांच्या मानेसर प्लांटमध्ये २ कोटी कार्सचे उत्पादन केल्यामुळे मारुतेचा शेअर वाढला.

भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – २० जुलै २०१८

आज निफ्टीने पुन्हा ११००० चा स्तर पार केला. पण पूर्वीच्या आणि आजच्या रचनेमध्ये फरक होता. आज ब्रॉडबेस्ड खरेदी दिसली. मिडकॅप स्मॉल कॅप शेअर्सही काही प्रमाणात वधारले त्याच बरोबर बजाज ऑटो सारख्या कंपनीचे निकाल पसंतीस उतरले नाहीत म्हणून मार्केटने या शेअर्सना शासनही केले. आतापर्यंत आलेले निकाल बहुतांशी चांगले आले. क्रूड US $ ७३ च्या खालीच आहे, पण करंसीचे अवमूल्यन होते आहे. त्यामुळे जेवढा परिणाम दिसायला हवा तेवढा दिसत नाही. एक US$ ची किंमत Rs ७० होण्याची शक्यता आहे तर चीनी युवानची किंमत कमी होत आहे म्हणजेच युवान वीक होत आहे. ही खरी पाहता पोर्टफोलिओ नव्याने तयार करण्याची वेळ आहे. ‘A’ ग्रुप मधले ५ शेअर्स ५२ आठवड्यातील कमाल स्तरावर तर ४७ शेअर्स ५२ आठवड्यातील किमान स्तरावर आहेत.

हिंदाल्कोच्या व्यवस्थापनाने स्पष्टीकरण दिले की ‘अलेरीस’ कंपनी अक्वायर करण्याबाबत कोणतीही बोलणी चालू नाहीत. पण अजून ही गोष्ट गुंतवणूकदारांच्या पचनी पडलेली नाही. कोणतेही अक्विझिशन केल्यानंतर ती कंपनी टर्न अराउंड करण्याबाबत हिंडाल्कोचा इतिहास चांगला नाही. नोव्हालीसच्या अक्विझिशननंतर त्या कंपनीला टर्न अराउंड करायला ८ वर्ष लागली. त्यामुळे नवीन अक्विझिशनच्या बातमीने गुंतवणूकदारांत घबराट होऊन शेअर पडला.
बजाज फायनान्स आणि बजाज फिनसर्व यांच्या निकालाचे गुंतवणूकदारांना आकलन झाले नव्हते. सुधारित अकौंटिंग स्टॅंडर्डप्रमाणे या कंपन्यांचे निकाल आले. या निकालाप्रमाणे चांगली ग्रोथ होईल असे जाणवताच गुंतवणूकदारांनी सपाटून खरेदी केली.

JSW स्टील या कंपनीला NCLT मध्ये गेलेली मॉनेट इस्पात ही कंपनी मिळते आहे असे दिसते. गुंतवणूकदारांनी दोन्ही कंपन्यांपासून काही काळ दूर राहावे. या रेझोल्यूशन प्लॅन प्रमाणे कर्ज देणार्या बँकांना तसेच गुंतवणूकदारांना फारसा फायदा होईल असे दिसत नाही. इलेकट्रोस्टील स्टिल्स चा अनुभव हेच दर्शवतो. इलेक्ट्रोस्टील स्टील्स चे ५० शेअर असलेल्या शेअरहोल्डर्सना भांडवल कमी करण्याच्या योजनेनुसार एक शेअर दिला जाणार आहे. ७५% ते ८०% हेअरकट घेतला जातो. शेअर कॅपिटलही कमी केले जाते म्हणजे कोणाचाच फायदा होत नाही. जो कंपनी घेतो आहे त्याच्या शिरावरही कर्जाचा बोजा वाढतो. बँकांना जेवढे पैसे मिळतात त्याच्यावर समाधान मानावे लागते.

सुप्रीम कोर्टाने असा निर्णय दिला की आता थर्ड पार्टी इन्शुअरन्स अनिवार्य असेल. चार चाकी वाहनांसाठी ३ वर्षांचा आणि दुचाकी वाहनांसाठी ५ वर्षांचा थर्ड पार्टी इन्शुअरन्स काढणे वाहन खरेदी बरोबर अनिवार्य असेल. हा नियम १ सप्टेंबर २०१८ नंतर विकल्या जाणाऱ्या वाहनांना लागू होईल. त्यामुळे जनरल इन्शुअरन्स कंपन्यांचे शेअर्स वाढले. उदा न्यू इंडिया अशुअरन्स कंपनी , ICICI लोम्बार्ड

विशेष लक्षवेधी

• फोर्टीज हेल्थ केअर साठी IHH ७ सप्टेंबर २०१८ ते २४ सप्टेंबर २०१८ या काळात ओपन ऑफर आणेल.
• अलेम्बिक फार्माच्या काराखाडी युनिटला USFDA कडून मंजुरी मिळाली. त्यामुळे शेअर वाढला.
• सिएट या कंपनीचा निकाल फारच चांगला आला. तोट्याऐवजी चांगला नफा झाला. यामुळे MRF, अपोलो टायर्स या आणि इतर टायर कंपन्यांचे निकाल समाधानकारक असतील असा अंदाज आहे. अतुल ऑटो या कंपनीचा निकाल चांगला आला.
• TCNS क्लोदिंगचा IPO शेवटच्या दिवसपर्यंत ५.२ पट भरला होता.

वेध उद्याचा

पुढील आठवड्यात खालीलप्रमाणे कंपन्यांच्या पहिल्या तिमाहीचे निकाल जाहीर होतील.

• २३ जुलै २०१८ ग्रॅनुअल्स, HOEC, हिंदुस्थान झिंक, तेजस नेटवर्क, युनायटेड स्पिरिट्स, विजया बँक
• २४ जुलै २०१८ एशियन पेंट्स, हेक्झावेअर, ICICI प्रु .
• २५ जुलै २०१८ PVR, SKF, टाटा एलेक्सि, ज्युबिलंट फूड्स
• २६ जुलै २०१८ भारती, कोलगेट, ग्राईंडवेल नॉर्टन, ITC, जम्मू अँड काश्मीर बँक, येस बँक .
• २७ जुलै २०१८ बँक ऑफ बरोडा, ICICI बँक, HCL टेक

वरील वेळापत्रक लक्षात ठेवून आपण पहिल्या तिमाही निकाल जाहीर करणाऱ्या कंपन्यांच्या अपेक्षित निकालाप्रमाणे ट्रेडिंग/ गुंतवणूक करू शकता. दूरदर्शनवरील वाहिन्या वेळोवेळी या कंपन्यांचे निकाल कसे येतील याविषयीचा अंदाज व्यक्त करत असतात. त्याचीही मदत घ्यावी.

BSE निर्देशांक सेन्सेक्स ३६४९६ NSE निर्देशांक निफ्टी ११०१० आणि बँक निफ्टी २६८७३ वर बंद झाले.

भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – १९ जुलै २०१८

मार्केटचा ट्रेंड अजूनही निश्चित झालेला नाही. सर्व कंपन्यांचे पहिल्या तिमाहीचे निकाल येईपर्यंत तो निश्चित होण्याची शक्यता नाही. आज रुपया US $ १ = Rs ६९ च्या पुढे गेला. ( रुपयांची किंमत कमी झाली ) त्यातच कालपासून लोकसभेचे पावसाळी अधिवेशन चालू झाले. यातच अविश्वासाचा ठराव मंजूर झाला अशी बातमी दाखवण्यात आली. खरे म्हणजे अविश्वासाचा ठराव लोकसभेत दाखल करून घ्यायला परवानगी दिली अशी बातमी पाहिजे होती. विरोधी पक्षाकडे आवश्यक ते संख्याबळ नसल्यामुळं अविश्वासाचा ठराव पास होणे शक्य नाही ही काळ्या दगडावरची रेघ! पण सत्तारूढ पक्ष आणि विरोधी पक्ष या दोघांनाही आपापली बाजू मांडण्याची ही एक सुवर्ण संधी मिळाली. उद्या यावर मतदान अपेक्षित आहे.

ऑइल इंडिया आणि ONGC यांना सरकारला रॉयल्टी कमी द्यावी लागेल. प्रॉडक्शन शेअरिंग कॉन्ट्रँक्टला मंजुरी मिळाली.नवीन ब्लॉकमधून जे एक्स्प्लोरेशन केले जाईल त्याची किंमत ठरवण्याची मुभा कंपन्यांना दिली जाणार आहे. ONGC त्यांचा ‘पवन हंस’ मधील स्टेक विकणार आहे. ‘पवन हंस’ मध्ये सरकारचा ५१% आणि ONGC चा ४९% स्टेक आहे.या कारणामुळे ऑइल इंडिया, ONGC, सेलन एक्स्प्लोरेशन, गेल हे शेअर्स वाढले.

आघाडीवर असणारा ब्रिटानिया आणि अशोक लेलँड हे दोन्ही शेअर्स पडत आहेत. सरकारनी वाढवलेली MSP, FRP, वाढलेले गव्हाचे, दुधाचे, ड्राय फ्रूटचे भाव या सर्वांमुळे प्रॉडक्शन कॉस्ट वाढत आहे. म्हणून ब्रिटानियाच्या शेअर मध्ये प्रॉफिट बुकिंग चालू आहे.अशोक लेलँड च्या व्यवस्थापनाने स्पष्टीकरण दिले की सरकारने वर्तमान वाहनातून वजन वाहून नेण्याच्या क्षमतेमध्ये वाढ केल्यामुळे अशोक लेलँडची विक्री कमी होईल अशी भीती व्यक्त करण्यात येत होती. पण वाहतूक करणारे या आधीच जास्त वजन वाहून नेत होते त्यामुळे सरकारने आता हे कायदेशीर केले इतकेच. त्यामुळे वाहनांना असणाऱ्या मागणीत फरक पडणार नाही. या स्पष्टीकरणानंतर थोडा वेळ सावरलेला हा शेअर पुन्हा पडायला लागला. ह्या शेअरची किंमत Rs १०० च्या आसपास स्थिरावेल अशी अपेक्षा आहे.

महाराष्ट्रामध्ये Rs ३८३० कोटीच्या सिंचाई योजनेला परवानगी मिळाली. याचा फायदा शक्ती पम्प, रोटो पम्प, जैन इरिगेशन, फिनोलेक्स पाईप आणि इतर पाईप बनवणार्या कंपन्या यांना होईल. सचिन तेंडुलकरच्या ‘SMAAASH ENTERTAINMENT’ या कंपनीने IPO ला परवानगी मिळावी म्हणून सेबीकडे अर्ज केला आहे. P.N गाडगीळ अँड सन्स यांना IPO आणण्यासाठी सेबीने परवानगी दिली. ही कम्पनी जेम्स आणि ज्युवेलरी क्षेत्रात कार्यरत असून महाराष्ट्र गुजरात आणि कर्नाटक या तीन राज्यात याचा बिझिनेस चालतो. ‘ALERIS’ ही कम्पनी हिंडाल्कोने US $ २५० कोटींना विकत घेतली.

विशेष लक्षवेधी

माईंड ट्रीचा निकाल सर्वसाधारण आला ऑपरेटिंग मार्जिन कमी झाले. J K टायर्स तोट्यातून फायद्यात आली. महिंद्रा CIE, बजाज फायनान्स , RBL बँक , कोटक महिंद्रा बँक सरलाईट टेक्नॉलॉजीज, GNA ऍक्सेल्स, यांचे निकाल चांगले आले.

वेध उद्याचा

• उद्या विप्रो, बजाज ऑटो, हॅवेल्स, HDFC स्टॅंडर्ड लाईफ यांचे निकाल येणार आहेत. तेव्हा या शेअर्सवर लक्ष ठेवावे. यातील बजाज ऑटो, HDFC स्टॅंडर्ड लाईफ याचे निकाल चांगले लागतील असा अंदाज आहे.
• उद्या ‘जस्ट डायल’ या कंपनीने शेअर ‘BUY BACK ‘ वर विचार करण्यासाठी बोर्ड ऑफ डायरेक्टर्सची बैठक बोलावली आहे.

BSE निर्देशांक सेन्सेक्स ३६३५१ NSE निर्देशांक निफ्टी १०९५७ आणि बँक निफ्टी २६७८९ वर बंद झाले.

भाग्यश्री फाटक
www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!