Monthly Archives: September 2018

आजचं मार्केट – १२ सप्टेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – १२ सप्टेंबर २०१८

आर्थीक परिस्थितीची समीक्षा लवकरात लवकर केली जाईल. पंतप्रधान स्वतः समीक्षा करतील आणि ताबडतोब निर्णय घेतला जाईल असे समजताच रुपया सावरला रुपयांचा रेट जो US $१= Rs ७३ पर्यंत पोहोचला होता तो मार्केटची वेळ संपता संपता US $ १= Rs ७१.९४ झाला . US $ निर्देशांक ९५.१९ आणि क्रूड US $ ७९.३६ प्रती बॅरेल होते.जसा जसा रुपया सुधारत गेला तसे तसे मार्केटही सुधारले. दिवसाच्या शेवटी मार्केट ३०० पाईंट वधारले. ठरल्याप्रमाणे आज मंत्रिमंडळाची बैठक झाली त्यामध्ये इथेनॉलचे दर २५% ने वाढवण्यात आले.ही बातमी साखर उत्पादक कंपन्यांच्या दृष्टीने सकारात्मक तर मद्यार्क उत्पादन करणाऱ्या कंपन्यांसाठी नकारात्मक आहे.

क्रॉप प्रोक्युअरमेंट पॉलिसीची घोषणा केली. या पॉलिसीनुसार सरकार व्यतिरिक्त कोणीही व्यक्ती MSP च्या दराने अन्नधान्य खरेदी करू शकतात. केंद्र सरकारच्या वतीने राज्य सरकार खरेदी करू शकते. तसेच मध्यप्रदेशात चालू असलेल्या भावांतर योजनेप्रमाणे संपूर्ण देशात योजना राबवली जाईल. 

महिंद्रा आणि महिंद्राच्या ‘JEET’ पेटंट प्रकरणात जी तक्रार आली त्या अनुषंगाने US रेग्युलेटर तपासणी करेल. 

IL&FS ला ICRA ने डाउनग्रेड केले आहे. JUNK असे रेटिंग दिले आहे. त्यामुळे IL&FS ला ज्या बँकांनी कर्ज दिले आहे त्या बँकांवर परिणाम होईल. या मध्ये PNB, BOB आणि युनियन बँक यांच्यावर जास्त परिणाम होईल तर थोडासा परिणाम SBI,ऍक्सिस बँक आणि येस बँक यांच्यावर होईल.

दिलीप बिल्डकॉनच्या कन्सॉरशियमला कोल माईन डेव्हलपमेंटसाठी Rs ३२१६० कोटींची ऑर्डर मिळाली. सरकारने ३२८ औषधांना मनाई केली. याचा परिणाम सन फार्मा सिप्ला आणि वोखार्ट यांच्यावर होईल.TVS मोटर्सने नेपाळमध्ये NTORG नावाची १२५ CC पॉवरची स्कुटर लाँच केली. भारताची निर्यात १९.२१% ने वाढली तर आयात २५.४% ने वाढली त्यामुळे व्यापार घाटा US $ १७४० कोटी झाला. मारुतीने हरयाणा सरकारकडे १२०० एकर जागा मागितली आहे. या ठिकाणी ते आपला प्लँट शिफ्ट करणार आहेत. गार्डन रिच शिपबिल्डर्सचा IPO येत आहे त्याचा प्राईस बँड Rs ११५ ते Rs ११८ असेल. 

विशेष लक्षवेधी 

रिलायंस कॅपिटलचा निकाल चांगला आला. कंपनी टर्नअराउंड झाली रेंडिंग्टन या कंपनीची शेअर BUY बॅक वर विचार करण्यासाठी १७ सप्टेंबर २०१८ रोजी बोर्ड ऑफ डायरेक्टर्सची बैठक आहे.APPLE ही कंपनी भारतात ३ I फोन लाँच करत आहे. या I फोनचे डिस्ट्रिब्युशन रेडिंग्टनकडे असल्यामुळे या कंपनीकडे सगळ्यांचे लक्ष होते.

अलेम्बिक लिमिटेड रिअलिटी आणि पॉवर बिझिनेस वेगळा करणार आहेत.

गोदरेज अग्रोव्हेटची १४ सप्टेंबर २०१८ रोजी ASTEC लाईफ सायन्सेसचे गोदरेज अग्रोव्हेटमध्ये मर्जरविषयी विचार करण्यासाठी बैठक आहे. 

वेध उद्याचा 

  • १४ तारखेपासून सेबी ASM मार्जिन लावणार आहे. याच दिवशी REC चे तिमाही निकाल आणि WPI चे आकडे येतील. 
BSE निर्देशांक सेन्सेक्स ३७७१७ NSE निर्देशांक निफ्टी ११३७० आणि बँक निफ्टी २६८१९ वर बंद झाले.

 

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ११ सप्टेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – ११ सप्टेंबर २०१८

आज रुपयाने US $१= Rs ७२.७३ चा नवा निच्चांक गाठला. त्यातच क्रूडनेही भर टाकली. क्रूड US $ ७८.०० प्रती बॅरेल वर गेले. याचा परिणाम म्हणून मार्केटमध्ये जोरदार मंदी आली. या मंदीचे एक वैशिष्ट्य दिसते ते म्हणजे सेन्सेक्सच्या प्रमाणात निफ्टी जोरदार पडत आहे. याचा मागोवा घेतला असता असे आढळते की इमर्जिंग मार्केट म्युच्युअल फंडांनी विक्री केली. काही विक्री ऍडव्हान्स आयकर भरण्यासाठी झाली. यावेळेला नेहेमीप्रमाणे स्माल कॅप आणि मिडकॅपच्या किमती तेवढ्या प्रमाणात कमी झाल्या नाहीत. या शेअर्सना रोज खालची सर्किट लागत आहेत असे दिसत नाही. कदाचित स्माल कॅप, मिडकॅप शेअर्स आताच्या तेजी मध्ये वाढत नव्हते याला अपवाद फार्मा आणि टेक्नॉलॉजी आणि निर्यातीशी संबंधित शेअर्सचा आहे.

ड्रेजिंग कॉर्पोरेशनमधील सरकारचा ७३% स्टेक सरकार पारादीप पोर्ट ट्रस्ट, विशाखापट्टणम पोर्ट ट्रस्ट, आणि मंगलोर पोर्ट ट्रस्ट यांना विकणार आहे. या पोर्टट्रस्टकडे ज्या प्रमाणात सरप्लस फंड्स असतील त्या प्रमाणात हा स्टेक विकला जाईल.

इंडस इंड बँकेचा परफॉर्मन्स कमी झाला आहे. कारण इंडस इंड बँकेचे चेअरमन सोबती यांचा कार्यकाळ आता फारसा शिल्लक राहिलेला नाही. सोबती निवृत्त झाल्यानंतर बँकेचे प्रमोटर्स अंतर्गतच कोणाची तरी नेमणूक या पदावर करतील अशा विचाराने लोक या शेअरमधून बाहेर पडून RBL मध्ये गुंतवणूक करत आहेत. इंडसइंड बँक २९.५४ च्या P /E रेशियोवर तर ४.६७ एवढ्या P /B रेशियोवर आहे . मार्केट पडू लागले की लोकांच्या डोक्यात बरेच विचार येतात. त्यामध्ये मार्जिन ऑफ सेफ्टी हा विचार प्रामुख्याने येतो. त्या दृष्टीने RBL बँक ३.८२ P /B आणि P /E रेशियो ३७.३३ वर आहे म्हणजे RBL बँक फार स्वस्त नाही पण या इंडस इंड बँकेतून RBL बँकेत शिफ्ट होण्यामध्ये भीती हा घटक असावा.

सुप्रीम कोर्टाने पॉवर, शिपिंग आणि साखर या क्षेत्रातील कंपन्यांच्या बाबतीत RBIने  १२ फेब्रुवारीला
काढलेल्या ऑर्डरवर स्टे दिला. विविध हायकोर्टांमध्ये चालू असलेले खटले सुप्रीम कोर्टाकडे ट्रान्स्फर होतील. आता या क्षेत्रातील कंपन्यांच्या विरुद्ध कर्ज देणारे NCLT मध्ये जाऊ शकणार नाहीत. याची सुनावणी नोव्हेंबरमध्ये होईल.

एथॅनॉलच्या किमती २५% ने वाढविण्याचा सरकार विचार करत आहे. त्याचा फायदा प्राज इंडस्ट्रीज आणि इंडिया ग्लायकोल यांना होईल

विशेष लक्षवेधी

  • रिलायन्स होम फायनांस. टुरिझम फायनान्स कॉर्पोरेशन, REC, PFC यांचे निकाल चांगले आले पण मार्केट पडत आल्याने हे शेअर पडत राहीले.

वेध उदयाचा

  • १८ सप्टेंबरला HCL टेकचा BUY बॅक सुरु होईल. BUY बॅक प्राईस Rs ११०० प्रती शेअर असेल. ५ ऑक्टोबर २०१८ हा शेवटचा दिवस असून १२ ऑक्टोबर २०१८ पर्यंत BUY BACK केलेल्या शेअर्सची सेटलमेंट होऊन त्यानंतर पैसे आपल्या खात्यात जमा होतील.

BSE निर्देशांक सेन्सेक्स ३७४१३ NSE निर्देशांक निफ्टी ११२८७ आणि बँक निफ्टी२६८०७ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – १० सप्टेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – १० सप्टेंबर २०१८

आज रुपयाने नवा निच्चांक गाठला. रुपया US $ १= ७२.६६ या स्तरावर पोहोचला. क्रूड US $ ७७.७१ प्रती बॅरेल या भावावर तर बॉण्ड यिल्ड ८.१४% वर पोहोचले. यामुळे मार्केटमध्ये जवळ जवळ ५०० पाईंटची (सेन्सेक्स) घसरण झाली. बॉण्ड यिल्ड वाढल्यामुळे सर्व NBFC चे शेअर्स पडले. चोलामंडळम, बजाज फायनान्स कॅनफिन होम्स
ट्रम्प चीनमधून आयात होणाऱ्या आणखी US $ २६६ कोटी मालावर ड्युटी लावणार आहेत त्यामुळे USA आणि चीनमधील ट्रेड वॉर चिघळले. USA चा जॉब डेटा चांगला आला त्यामुळे US $ निर्देशांक सुधारला. अशावेळी US $ मार्केटमध्ये विकणे अशा तात्पुरत्या उपायांचा उपयोग होताना दिसत नाही. त्यासाठी काही धोरणात्मक बदल झाले पाहिजेत. NRI ( नॉन रेसिडंट इंडियन) साठी विशेष डिपॉझिट योजना आणण्याचा सरकार विचार करत आहे. यात सगळ्यात एकच सुखावह बातमी म्हणजे आता रुपया घसरण्याचा वेग कमी होईल असे जाणकारांचे मत आहे.

ग्राफाइट महाग पडते याकडे स्टील कंपन्यांनी सरकारचे लक्ष वेधले होते. म्हणून ग्राफाइटवरची ANTI DUMPING ड्युटी सरकारने काढून टाकली. त्याउलट USA ने कर लावल्यामुळे स्टीलचे DUMPING भारतात होईल आणि याचा फटका भारतीय स्टील उद्योगाला बसू नये म्हणून ५ वर्षांसाठी स्टिलवर ANTI DUMPING ड्युटी लावण्याच्या विचारात सरकार आहे. याचा फायदा JSW स्टील, टाटा स्टील, कल्याणी स्टील अशा मोठ्या कंपन्यांना तर उषा मार्टिन, सनफ्लॅग आयर्न, मुकंद अशा छोट्या कंपन्यांनाही होईल

टर्न अराउंड तज्ज्ञ म्हणून प्रसिद्ध असलेल्या आणि HDFC स्टॅंडर्ड लाईफ मध्ये MD आणि CEO कार्य करीत असणाऱ्या अमिताव चौधरी यांची ऍक्सिस बँकेच्या MD आणि CEO या पदावर ३ वर्षांसाठी नेमणूक केली. यामुळे ऍक्सिस बँकेच्या बाबतीतील अनिश्चितता संपली म्हणून शेअर वाढला तर HDFC स्टॅंडर्ड लाईफच्या बाबतीत अनिश्चितता सुरु झाली त्यामुळे हा शेअर पडला. ICICI बँकेचीही हीच अवस्था आहे. चंदा कोचर यांचे जाणे जवळ जवळ निश्चित झाले आहे असे समजते. ऍक्सिस बँक (२.६४) आणि ICICI बँक(२.११) यांची तुलना केली असता प्राईस/ बुक VALUE या दृष्टिकोनातून ICICI चा शेअर स्वस्त आहे. हीच कथा येस बँकेची(२.८९) पण आहे.

फ्रॉडची खबर उशिरा दिल्यामुळे RBI ने युनियन बँक आणि इतर दोन बँकांवर प्रत्येकी एक कोटी दंड लावला.

विशेष लक्षवेधी

  • थायरोकेअर या कंपनीच्या ‘BUY BACK’ला प्रती शेअर Rs ७३० या दराने मंजुरी मिळाली.
  • JP असोसिएटनी ICICI बँकेला Rs १५०० कोटी द्यायचे आहेत. म्हणून बँकेनी इन्सॉव्हन्सी याचिका दाखल केली.
  • इंडियन ह्यूम पाईपने पुण्यातील जमीन डेव्हलप करण्यासाठी कल्पतरू गार्डन बरोबर करार केला.
    IFCI चा निकाल खूपच वाईट आला.

वेध उद्याचा

  • २८ सप्टेंबर रोजी GST कॉऊन्सिल ची मीटिंग होईल. या मध्ये नैसर्गिक गॅसच्या किमतीचा विचार केला जाईल. पण ATF च्या किमतीचा विचार केला जाणार नाही असे सांगण्यात आले.
  • अर्थमंत्रालयाने सर्व राष्ट्रीयीकृत बँकांची मीटिंग बोलावली आहे. या बैठकीत NPA आणि बँकांचे मर्जर याबाबतीत चर्चा होईल. पण पेट्रोल आणि डिझेल यांच्यावरील VAT कमी करण्याची कोणतीही योजना विचाराधीन नाही.

BSE निर्देशांक सेन्सेक्स ३७९२२ NSE निर्देशांक निफ्टी ११४३८ आणि बँक निफ्टी २७२०१ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ०७ सप्टेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – ०७ सप्टेंबर २०१८

शेअर मार्केटचा ढासळणारा बुरुज रुपयामुळे सावरला गेला. आणि रुपयाचा ढासळणारा बुरुज RBI च्या हस्तक्षेपामुळे सावरला. जागतिक पातळीवर निर्माण झालेले वादळ आज थोडेसे शांत झाले. ब्रेंट क्रूड US $ ७६.५४ प्रती बॅरेल पर्यंत आले, US $ निर्देशांक ९४.९४ वर झाला त्यामुळे RBI ने करन्सी मार्केटमध्ये केलेल्या हस्तक्षेपाचा उपयोग झाला आणि शुक्रवारी दिवसभर रुपया US $ १ = Rs ७१.७५ च्या जवळपास राहिला. त्यामुळे शेअर मार्केटमध्येही स्थिरता आली. आणि मार्केटमधल्या मंदीने थोडी माघार घेतली, ट्रेडर्सना हायसे वाटले.

आज पासून दोन दिवसांसाठी ग्लोबल मोबिलिटी समिट सुरु झाले. यांच्यामध्ये E व्हेईकल विषयी चर्चा होईल. इथेनॉल, मिथेनॉल त्याचप्रमाणे उसाच्या रसापासून थेट इथेनॉल तयार करणे, विजेवर किंवा बायोफ्युएलवर चालणार्या वाहनांना उत्तेजन देणे या संबंधात सरकार एक धोरण ठरवण्याच्या तयारीत आहे. E व्हेईकलसाठी आता लायसेंसची गरज असणार नाही असे सांगण्यात आले. याच थिमला अनुसरून असणारे शेअर्स काही दिवस लोकांच्या नजरेत असतील. बजाज ऑटो. अतुल ऑटो, ग्रीव्हज कॉटन, हिमाद्री केमिकल्स, प्राज इंडस्ट्रीज, इंडिया ग्लायकॉल, एवरेस्ट कांटो, ABB , सिमेन्स, इलेक्ट्रो थर्म, इऑन इलेक्ट्रिक L &T.

सरकार तेरा पब्लिक सेक्टर एंटरप्राईझेस मध्ये BUY BACK करणार आहे. NHPC, SJVN, KIOCL (कुद्रेमुख आयर्न ओअर कंपनी लिमिटेड), ONGC , ऑइल इंडिया, IOC, BHEL NTPC, NLC, NMDC, नालको, HAL, NBCC…

चीनमधून येणाऱ्या २०० अब्ज US $ च्या मालावर USA ड्युटी लावणार आहे. पण भारताने मात्र चीनमधून येणाऱ्या ग्राफाइट इलेक्ट्रोडवरील ANTI DUMPING ड्युटी हटवली. त्यामुळे आज हिंदुस्थान ग्राफाइट आणि ग्रॅफाइट इंडिया या दोन्ही शेअर्स मध्ये मंदी होती.

सन फार्माच्या हलोल प्लांटला USFDA ने ६ त्रुटी दाखवल्या तर ३० ऑगस्ट ते ६ सप्टेंबर २०१८ या कालावधीत झालेल्या तपासणीत कॅप्लिन पॉईंटच्या चेन्नई युनिटला क्लीन चिट मिळाली.

L & T टेक ही कंपनी ग्राफिन सेमीकंडक्टर या कंपनीचे अधिग्रहण Rs ९१ कोटींना करणार आहे.

महाराष्ट्र सरकारने टोल कलेक्शनचा अवधी डिसेम्बर २०१८ पर्यंत वाढवला. याचा परिणाम IRB इन्फ्रा, दिलीप बिल्डकॉन या कंपन्यांवर होईल.

विशेष लक्षवेधी

  • ‘IRCON’ इंटरनॅशनल लिमिटेड या कंपनीचा IPO १७ सप्टेंबर ते १९ सप्टेंबर २०१८ या कालावधीत ओपन राहील. या IPO चा प्राईस बँड Rs ४७० ते Rs ४७५ आणि दर्शनी किंमत Rs १० राहील, मिनिमम लॉट ३० शेअर्चा असेल. या IPO ची अलॉटमेंट २५ सप्टेंबरला होईल, २६ सप्टेंबरला रिफंड मिळेल आणी DEMAT अकौंटला अलॉट झालेले शेअर्स जमा होतील. या शेअरचे २८ सप्टेंबर रोजी लिस्टिंग होईल. ही कंपनी INFRASTRUCTURE क्षेत्रात असून रेल्वे,पूल इत्यादी बांधण्याचे काम करते.
  • मदर्सन सुमी या कंपनीने २:१ या प्रमाणात बोनस दिला. तुमच्या जवळ असलेल्या २ शेअर्सला १ शेअर बोनस दिला जाईल.
  • १४ सप्टेंबर २०१८ पासून BSE लँको इन्फ्रा या कंपनीच्या शेअर्स मधील ट्रेडिंग सस्पेंड करणार आहे.

वेध उद्याचा

  • ८ सप्टेंबरला २०१८ ला क्रॉम्प्टन कंझ्युमर, १० सप्टेंबरला रिलायन्स होम, IFCI, ११ सप्टेंबरला PFC आणि रिलायन्स
  • कॅपिटल १४ सप्टेंबरला REC यांचे पहिल्या तिमाहीचे निकाल जाहीर होतील.
  • ११ सप्टेंबरला CPI आणि IIP चे आकडे जाहीर होतील. १४ सप्टेंबरला WPI चे आकडे जाहीर होतील.
  • १३ सप्टेंबरला मार्केटला रोजी गणेश चतुर्थीची सुट्टी आहे

BSE निर्देशांक सेन्सेक्स ३८३८९ NSE निर्देशांक ११५८९ आणि बँक निफ्टी २७४८१ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ०६ सप्टेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – ०६ सप्टेंबर २०१८

आज US $ निर्देशांक ९५.१६, रुपया US $१= Rs ७२.१० आणि क्रूड US $ ७७.७१ प्रती बॅरेल झाले. रुपयांचा US $ बरोबरचा विनिमय दार US १ = Rs ७० ते Rs ७५ या रेंजमध्ये राहील असा अंदाज वर्तवला जात आहे. आज मार्केटमध्ये खूपच अस्थिरता होती. त्यातच बँक निफ्टीची साप्ताहिक एक्स्पायरी होती. त्यामुळे दुपारी २-३० वाजल्यानंतर मार्केटमध्ये जान आली. साधारण याच सुमारास भारत आणि USA यांच्यामध्ये COMCASA ( कॉम्पॅटिबिलिटी एन्ड सिक्युरिटी अग्रीमेंट) हे अग्रीमेंट होत आहे असे समजले. या नुसार भारताला सरंक्षणासाठी आवश्यक असलेली प्रगत एन्क्रिप्टेड टेक्नॉलॉजि मिळू शकेल. भारताला UNO च्या NSG ( न्यूक्लिअर सप्लायर्स ग्रुप)ची सदस्यता मिळावी म्हणून USA प्रयत्न करेल.

आज औरोबिंदो फार्माने सॅन्डोज कंपनीची तीन युनिट Rs ९० कोटींना खरेदी केली. या युनीट मध्ये ORAL SOLID आणि डर्मिटालॉजि हा व्यवसाय चालतो या खरेदीमुळे ऑरोबिंदो फर्मावर कर्जाचा फारसा भार न पडता प्रगतीची शक्यता वाढेल. त्यामुळे शेअरमध्ये चांगली तेजी होती.

वोडाफोन आणि आयडिया यांच्या मर्जरचा विपरीत परिणाम भारती इन्फ्राटेल या कंपनीवर होईल. २७४७७ टॉवर्स आता आम्ही वापरणार नाही असे भारती इंफ्राटेलला कळवण्यात आले. त्यामुळे Rs ७८० कोटींचे नुकसान होईल. म्हणून हा शेअर पडला.

GST चे दर कमी केल्याचा फायदा ग्राहकांना पोहचवला नाही असा HUL वर आरोप केला आहे. त्यातून Rs ४९५ कोटींचा फायदा HUL ला झाला. म्हणून शेअर पडला.

अपोलो हॉस्पिटलही अवाच्या सव्वा सेवा दर लावत आहे म्हणून त्यांना CCI ने नोटीस पाठवली. म्हणून शेअर पडला.

महाराष्ट्र आणि उत्तराखंड यांच्यामध्ये बांधकामासाठी जे निर्बंध लावले होते सुप्रीम कोर्टाने ते रद्द केले.

BEL चे मार्जिन १२.५% वरून ७.५% वर येईल असे व्यवस्थापनाने सांगितल्यामुळे शेअर पडला.

USA मध्ये क्लास ८ या ट्रकची विक्री १५७% वाढली याचा फायदा MM फोर्जिंग्स, भारत फोर्ज आणि GNA अक्सल्स यांना होईल

विशेष लक्षवेधी

  • SREI इन्फ्रा आणि हुडको यांचे पहिल्या तिमाहीचे निकाल चांगले आले.
  • अडानी एंटरप्राईझचा गॅस डिस्ट्रिब्युशन बिझिनेस डीमर्ज केला. या कॉर्पोरेट एक्शन नंतर अडानी एंटरप्रायझेसचा शेअर Rs १५० वर स्थिर झाला. या गँस डिस्ट्रिब्युशन बिझिनेसचे यथावकाश लिस्टिंग होईल.
  • एस्कॉर्टसने पहिला ऑटोमॅटिक ट्रॅक्टर बाजारात आणला.

BSE निर्देशांक सेन्सेक्स ३८२४२ NSE निर्देशांक निफ्टी ११५३६ आणि बँक निफ्टी २७४६८ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ०५ सप्टेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – ०५ सप्टेंबर २०१८

आज रुपया US $१=Rs ७२ या स्तरावर तर बॉण्ड यिल्ड ८.०६२ तर US $ निर्देशांक ९५.४३ वर पोहोचले. तर क्रूड US $ ७७.६० प्रती बॅरेल या भावाला होते कारण USA मध्ये ट्रॉपिकल वादळ येणार होते त्याचा जेवढा वाईट परिणाम अपेक्षित होता तेवढा अपेक्षित वाईट परिणाम झाला नाही.

USA चीन मधून आयात होणाऱ्या मालावर २५% ड्युटी लावणार की नाही हे आज USA चे अध्यक्ष ट्रम्प जाहीर करतील.
आज USA आणि भारत यांची महत्वाची बैठक आहे. त्यात इराणकडून क्रूड आयात करण्यासाठी USA ने घातलेल्या निर्बंधातून भारत USA कडून काही सवलत मागेल असा अंदाज आहे. USA ने ४ नोव्हेंबर २०१८ पासून इराणकडून क्रूड आयात करण्यावर बंदी घातली आहे आणि यात जगातील इतर देशांनी सहकार्य करावे अशी त्यांची अपेक्षा आहे. भारतात इराणकडून क्रूड आयात करणे स्वस्त पडते तसेच इराणकडून भारतात आयात केलेले क्रूड भारतातील रिफायनरीज मध्ये रीफाईन करणे सोपे जाते. जर USA याला तयार झाले नाही तर भारत हळू हळू इराणबरोबरचे व्यापारी संबंध कमी करेल असे आश्वासन भारत देईल.

मुथूट फायनान्स आणि वरॉक इंजिनिअरींग आणि सफारी इंडस्ट्रीज यांचे निकाल चांगले आले . केरळमधील पुराचा परिणाम मुथूट फायनान्स या कंपनीच्या निकालावर होईल असे वाटले होते तेवढा परिणाम निकालावर दिसला नाही. कंपनीने ६ महिन्यात म्युच्युअल फंडाचा व्यवसाय सुरु करू असे सांगितले.

रिलायन्स इंफ्राने त्यांचा मुंबईतील पॉवर बिझिनेस विकून जे पैसे आले होते त्यातून NCD (नॉन कॉन्व्हर्टिबल डिबेंचर्स) चे रिपेमेंट केले. त्यामुळे त्यांना क्रिसिलने दिलेले ‘D ‘ रेटिंग काढून टाकले. त्यामुळे शेअर वाढला.

थॉमस कूक या कंपनीने Rs ६७ कोटीच्या NCD चे रिपेमेंट केले. यामुळे स्टॅन्डअलोन बेसिस वर कंपनी DEBT FREE होईल.

आज BEL च्या शेअरने मार्केटमध्ये चांगलाच गोंधळ झाला. प्रथम एक मोठे ब्लॉक डील झाल्यामुळे शेअर पडला तर मार्केट संपता संपता Rs ९२०० कोटींचा इक्विपमेंट सप्लाय साठी माझगाव डॉक बरोबर करार केला अशी बातमी आली. यासरशी शेअर काही प्रमाणात सुधारला

आज टाटा मोटर्सच्या विक्रीचे आकडे आले. USA मध्ये लँडरोव्हर ची विक्री १४%ने वाढली तर जग्वारची विक्री २०% ने कमी झाली. एकूण JLR ची विक्री २% ने वाढली.

विशेष लक्षवेधी

  • एंजल ब्रोकिंग चा IPO येणार आहे. त्याच बरोबर व्हेक्टस इंडस्ट्रीज या वॉटर स्टोअरेज आणि पाईपिंग सोल्युशन क्षेत्रातील आणि MILLTECH मशिनरी या शेतीचा माल प्रोसेसिंग साठी मशीनरी बनवणार्या कंपन्यांना IPO आणण्यासाठी सेबीने मंजुरी दिली.

वेध उद्याचा

  • रेलिगेअर फायनांस या कंपनीचे निकाल उद्या जाहीर होतील.
  • L & T फायनान्सियल होल्डिंगने आपला फायनान्सियल ऑपरेशन चेन बिझिनेस सेन्ट्रम कॅपिटल या कंपनीला विकला.
  • कॉर्पोरेट अफेयर्स मंत्रालयाने L & T फायनान्स होल्डिंग, ट्री हाऊस एज्यूकेशन, DB रिअल्टी
    या कंपन्यांविरुद्ध प्रॉस्पेक्टस मध्ये उल्लेखिलेल्या हेतूंसाठी IPO ची प्रोसिड्स वापरली की नाही
    या संबंधात चौकशी सुरु केली.

BSE निर्देशांक सेन्सेक्स ३८०१८ NSE निर्देशांक निफ्टी ११४७६ आणि बँक निफ्टी २७३७६ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ०४ सप्टेंबर २०१८

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – ०४ सप्टेंबर २०१८

सेबीने एप्रिल २०१८ मध्ये एक सर्क्युलर काढले होते. त्या सर्क्युलरप्रमाणे FPI ना ( FOREIGN PORTFOLIO इन्वेस्टर्स) ३१ डिसेम्बर २०१८ पर्यंत KYC नॉर्म्स पूर्ण करायला सांगितले होते. सप्टेंबर उगवला तरी या कामामध्ये फारशी गती सेबीला आढळली नाही. सेबीच्या या नियमातील बदलामुळे OCI ( OVERSEAS सिटिझन्स ऑफ इंडिया), PIO ( PERSONS ऑफ इंडियन ओरिजिन) आणि NRI हे मॅनेज करीत असलेली US $ ७५ बिलियनची गुंतवणूक अवैध ठरेल. कारण OCI, PIO आणि NRI ही गुंतवणूक करण्यास अपात्र ठरतील. त्यामुळे त्यांना ही गुंतवणूक अल्पावधीत काढून घ्यावी लागेल किंवा भारताबाहेर न्यावी लागेल.याचा शेअरच्या किमतीवर आणि रुपयाच्या विनिमय दरावर परिणाम होईल असा इशारा या गुंतवणूकदारांच्या असोसिएशनने दिला आहे. सेबीने मात्र नियमात बदल केल्यामुळे असे काही होण्याची शक्यता फेटाळून लावली आहे.

SCI (शिपिंग कॉर्पोरेशन ऑफ इंडिया) आता इराणला जहाज पाठवून क्रूड आणू शकणार नाही. कारण त्यासाठी त्यांना इन्शुअरन्स कव्हर मिळणार नाही. आणि याचा परिणाम चेन्नई पेट्रो आणि MRPL यांच्यावर होईल. कारण SCI यांना क्रूड पुरवते

टाटा मोटर्सचा जॅग्वारचा IPO येण्याची शक्यता आहे. दोन महिन्यामध्ये टाटा मोटर्स इलेक्ट्रिकल व्हेईकल बाजारात आणणार आहे. ऑगस्ट महिन्यामध्ये टाटा मोटर्सच्या कमर्शियल व्हेइकल्सचा परफॉर्मन्स चांगला आहे. मार्च ते डिसेंबर २०१७ या काळात कंपनीने विकलेल्या ‘TIGOR’ गाड्यांपैकी काही गाड्या परत बोलवाव्या लागल्या.

US $ मध्ये ज्या कंपन्यांना उत्पन्न मिळते त्यांना सध्याची स्थिती फायदेशीर आहे. या मध्ये ऍपेक्स फ्रोझन फूड्स, वॉटरबेस आणि अवंती फीड्स या कंपन्यांचा समावेश आहे. ह्या कंपन्या झिंगे आणि झिंग्याचें खाद्य यांची USAला निर्यात करतात.
OMC ( ऑइल मार्केटिंग कंपन्या ) ना सध्या खूप मोठा तोटा सोसावा लागत आहे. या कंपन्यांना LPG वर Rs २५५ प्रती सिलिंडर आणि रॉकेलवर प्रती लिटर Rs १२ तोटा होतो आहे.त्यामुळे HPCL BPCL IOC हे शेअर पडले.
ल्युपिनच्या तारापूर प्लांटची USFDA ने तपासणी केली होती. या API युनिटमध्ये एक त्रुटी दाखवण्यात आली.
बाळकृष्ण इंडस्ट्रीजने जो कॅपेक्स प्लॅन सांगितला तो मार्केटच्या पसंतीस उतरला नाही. यामध्ये जास्त गुंतवणूक परदेशात केली जाणार आहे. आणि त्यामुळे कंपनीचे फायनान्सियलस कमजोर होतील.

NBCCने आपण आम्रपाली प्रोजेक्टसाठी कोणतीही आर्थीक मदत करणार नाही किंवा आम्रपालीची मालमत्ता विकूनही प्रोजेक्ट पुरी करता येणार नाही असे सुप्रीम कोर्टात सांगितले.

अडानी एंटरप्राइझेस कॉर्पोरेट एक्शन करीत आहे. गॅस डिस्ट्रिब्युशन बिझिनेस वेगळा काढणार आहेत आणि शेअर होल्डर्सना नव्या कंपनीचे शेअर्स १:१ या प्रमाणात देणार आहेत. याची एक्स डेट सप्टेंबर ६ आहे. F & O मार्केट मधील २७ सप्टेंबर, २५ ऑक्टोबर, आणि २९ नोव्हेंबर २०१८ ह्या तारखांना एक्स्पायरी होणारे करार आता सप्टेंबर ५ ला एक्स्पायर होतील. हे करार ६ सप्टेंबर ला पुन्हा ओपन होतील. प्री ओपन कॉल ऑप्शन सेशन ६ सप्टेंबर २०१८ रोजी सकाळी ९ ते १० या वेळात होईल. आणि त्यानुसार अडाणी एंटरप्रायझेसची ओपनिंग प्राईस ठरवली जाईल.

VST टिलर्स आणि ट्रॅक्टर्सची ५०% ने कमी झाली. फोर्स मोटर्सचे उत्पादन आणि विक्री कमी झाली.

विशेष लक्षवेधी

  • टी सी एस ही Rs ८ लाख कोटी मार्केट कॅप असणारी दुसरी कंपनी झाली
  • आज रुपयाने US $ १ = Rs ७१.५३ ही लेव्हल गाठली. त्यामुळे बॉण्ड यिल्ड ८.०४७ झाले तर क्रूड US $ ७९ प्रती बॅरेलच्या पातळीला पोहोचले.
    मुथूट आणि ईशान डाईज चे निकाल चांगले आले.

वेध उद्याचा

  • हुडको, SREI इन्फ्रा, वर्रोक इंजिनीअरिंग यांचे निकाल उद्या जाहीर होतील.
  • एल आय सीने IDBI च्या शेअर होल्डर्ससाठी ओपन ऑफर आणण्याच्या शक्यतेवर विचार केला.
  • निफ्टीचे २० दिवसांचे मूव्हिंग ऍव्हरेज ११५२० वर आहे येथे जर मार्केट सावरले नाही तर निफ्टी ११३०० पर्यंत पडण्याची शक्यता आहे.
  • BSE निर्देशांक सेन्सेक्स ३८१५७ NSE निर्देशांक निफ्टी ११५२० आणि बँक निफ्टी २७४३० वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ०३ सप्टेंबर २०१८

like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि page like करायला विसरू नका

आजचं मार्केट – ०३ सप्टेंबर २०१८

शुक्रवारी मार्केटची वेळ संपल्यानंतर GDPचे आकडे आले. २०१८-१९ च्या पहिल्या तिमाहीत GDP ८.२% ने वाढले. पूर्वीचा हा आकडा ६.६६ % होता. खरे पाहता लो बेस चा हा परिणाम होता पण शेतीमालाची ग्रोथ चांगली होती.आज रुपया US $ १ = Rs ७१ पर्यंत घसरला. रुपयाच्या या पडण्यामुळे चीन मधून होणारे डम्पिंग कमी होण्याची आणि भारताच्या निर्यातीत सुधारणा होण्याची शक्यता आहे म्हणून सोमवारी मार्केट उघडताच मार्केटने सलामी दिली. पण हळू हळू स्ट्रॉंग शेअर्स मंदीत जाऊ लागले. बँक निफ्टी पडू लागला. बाजाराचे अवसान गळाले. मुख्य लेव्हल तुटताच मार्केट जोरदार पडू लागले. दिवसाअखेरीस मार्केट जवळ जवळ ३०० पाईंट्स मंदीत होते.

मी आपल्याला २९ ऑगस्ट २०१८ च्या ब्लॉग मध्ये सांगितल्याप्रमाणे ३ सप्टेंबरला ऑटो विक्रीचे आकडे जाहीर झाले. अशोक लेलँड, बजाज ऑटो, यांची विक्री चांगली तर हिरोमोटोच्या विक्रीत फारसा बदल नाही, मारुती आणि एस्कॉर्ट याची विक्री असमाधानकारक, आयशर मोटर्स चे आकडे वरकरणी चांगले दिसत असले तरी रॉयल एन्फिल्डची विक्री ७०,००० च्या वर गेलेली नाही.

महाराष्ट्र, मध्य प्रदेश, राजस्थान,चंडीगढ आणि छत्तीसगढ येथे सुप्रीम कोर्टाने बांधकामास मनाई केली आहे. बांधकामामुळे निर्माण होणाऱ्या राबिटच्या व्यवस्थापनाचा आराखडा सादर केला जात नाही तोपर्यंत बांधकाम करता येणार नाही असे कोर्टाने सांगितले.त्याच बरोबर DLF ने गुरुग्राममध्ये जी खरेदी विक्री केली त्याबाबत FIR दाखल केला गेला. या दोन्हीही बातम्यांमुळे रिअल इस्टेट क्षेत्रातील शेअर्स मंदीत होते.

ऑक्टोबरपासून नैसर्गीक गॅसच्या किमती ३.५ MMBTU ( सुमारे १४% वाढ होईल ) होणार त्यामुळे CNG आणि PNG च्या किमतीही वाढल्या

विप्रोला US$ १ .५ बिलियन किमतीचे मोठे कॉन्ट्रक्ट १० वर्षांसाठी मिळाले.

‘भारत २२ ETF’ चा समावेश तारीख ३ सप्टेंबर २०१८ पासून F & O मध्ये होईल..

किर्लोस्कर, TNPL, अमृतांजन, फायझर,बोरोसिल, JK पेपर, VIP इंडस्ट्रीज, रेडीको खेतान या कंपन्या सप्टेंबर २०१८ मध्ये ASM लिस्ट मधून बाहेर येतील.

F &O मध्ये १४ सप्टेंबर पासून हळूहळू टप्प्या टप्प्याने ASM मार्जिन सर्व ओपन असलेल्या सौद्यांवर आकारले जाईल. यामध्ये इंडेक्स ऑप्शन्स, इंडेक्स फ्युचर्स, आणि स्टॉक F & O चा समावेश आहे. इंडेक्स ऑप्शनवर १% पासून ४% पर्यंत तर इंडेक्स फ्युचर्स वर ०.५ % ते २% पर्यंत तर स्टॉक F & O वर १.२५% पासून ५ % पर्यंत १४ सप्टेंबर ते ३० नोव्हेंबर या काळात हे मार्जिन वाढवले जाईल. पण एकंदरीतच किरकोळ गुंतवणूकदारांचे नुकसान होऊ नये हाच यामागे उद्देश आहे.

विशेष लक्षवेधी

  • L & T इन्फोटेक या कंपनीची OFS आज ( किरकोळ गुंतवणूकदारांशिवाय इतर गुंतवणूकदारांसाठी) आणि ४ सप्टेंबर रोजी किरकोळ गुंतवणूकदारांसाठी ओपन राहील. या OFS ची फ्लोअर प्राईस Rs १७०० ठेवली आहे.
    बर्याच बँकांनी आपले MCLR ( कर्जावरील व्याजाचे दर) वाढवले.

वेध उद्याचा

  • मुथूट उद्या पहिल्या तिमाहीचे निकाल जाहीर करेल. . .

BSE निर्देशांक सेन्सेक्स ३८३१२ NSE निर्देशांक ११५८२ आणि बँक निफ्टी २७८१९ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!