Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपला पुढचा कोर्स २६-२७ जानेवारीला आहे. हा कोर्से १० जणांसाठी आहे आणि आता फक्त ८ सीट्स उरलेल्या आहेत .  तुम्हाला अधिक माहिती या ब्लॉग पोस्ट मध्ये मिळेल 

आजचं मार्केट – 3१ डिसेंबर २०१८

आज क्रूड US $ ५३.३२ प्रती बॅरल ते US $ ५४.४६ प्रती बॅरल या दरम्यान तर रुपया US $१=Rs ६९.७७ ते US $१= ६९.९४ या दरम्यान होते. US $ निर्देशांक ९६.३३ वर होता.

आज कोरिया चीन आणि जपान यांची शेअर मार्केट बंद होती. लोकांची सुट्टी अजूनही संपलेली नाही. २०१८ ची वर्षअखेर आणि २०१९ चे स्वागत करण्यासाठी पार्टीचा मूड असल्यामुळे मार्केटमध्ये व्हॉल्युम अतिशय कमी होते. ज्याचा शेवट गोड ते सारे गोड या हिशेबाने ट्रम्प साहेबांनी ट्रेड वॉरची तीव्रता कमी झाली असे सांगितले. चीन आणि USA यांच्यातील बोलणी सलोख्याने चालू आहेत प्रगतीपथावर आहेत. तोडगा दृष्टीपथात आहे असे सांगितले. त्यामुळे हाही धोका नव्हता. पण तरीही व्हॉल्युम कमी आहेत हे सातत्याने जाणवत होते.

मेरिको या कंपनीचा खोबरं हा कच्चा माल आहे. खोबऱ्याची MSP ( मिनिमम सपोर्ट प्राईस) Rs ७५११ प्रती क्विंटलवरून Rs ९५२१ केली. त्यामुळे मार्जिनवर परिणाम होईल. मेरिको ही वाढ ग्राहकांकडे पास ऑन करू शकली तर मार्जिन वर परिणाम होणार नाही.

स्टेट बँक ऑफ इंडिया आपल्या परदेशी असलेल्या १० आणि बँक ऑफ बरोडा आपल्या परदेशी असलेल्या शाखा बंद करण्याचा विचार करत आहे.

कोटक महिंद्रा बँकेच्या प्रमोटर्सची त्यांचे शेअरहोल्डिंग २०% पेक्षा कमी करण्याची RBI ने दिलेली मुदत ३१ डिसेम्बरला संपत आहे. या विरुद्ध कोटक बँकेने कोर्टात अपील केले आहे. RBIने आपण कोर्टाचा निर्णय येईपर्यंत थांबायला तयार आहे असे सांगितले.

श्री अमिताव चौधरी हे ऍक्सिस बँकेची चेअरमन आणि CEO म्हणून १ जानेवारी २०१९ पासून कार्यभार सांभाळतील.
RBI अनरिअलाइझ्ड गेन्स या हेडींग खाली जी रक्कम असेल ती रक्कम सरकारला लाभांश देण्यासाठी विचारात घेणार नाही असे सांगितले.

विशेष लक्षवेधी

• KIOCL( कुद्रेमुख आयर्न ओअर) चा FPO ( फॉलोऑन पब्लिक इशू) येत आहे हे समजताच शेअर १०% वाढला. त्याच बरोबर सरकार ६ कंपन्यांचे IPO आणत आहे. THDCIL ( टेहरी हायड्रो डेव्हलपमेंट कॉर्पोरेशन), TCIL (टेलिकम्युनिकेशन कन्सल्टन्ट ऑफ इंडिया) , RAILTEL,NSC,( नॅशनल सीड कॉर्पोरेशन) WAPCOS ( वॉटर अँड पॉवर कन्सल्टन्सी सर्व्हिसेस) , FAGMIL (FCI अरवली जिप्सम मिनरल्स)
• टेक महिंद्राच्या Rs ८२२ कोटीच्या FD जप्त करण्याच्या ED च्या ऑर्डरला हैदराबाद हाय कोर्टाने स्थगिती दिली.
  म्युझिक ब्रॉडकास्ट या कंपनीच्या बोर्ड ऑफ डायरेक्टर्स ने कंपनीच्या १ शेअरचे ५ शेअर्स मध्ये स्प्लिट करण्यासाठी मंजुरी दिली.
• RBI ने NBFC आणी HFC ना सवलतीच्या दरात कर्ज मिळण्याची मुदत तीन महिन्यांनी वाढवली.
  जेट एअरवेजची SBI बरोबर वर्किंग कॅपिटल आणि पेमेंट ऑब्लिगेशन साठी Rs १५०० कोटी कर्जासाठी बोलणी चालू आहेत. त्यामुळे जेट एअरवेज चा शेअर वाढला.
• सेलन एक्स्प्लोरेशन ही कंपनी Rs ३०० प्रती शेअर या दराने शेअर BUY BACK करेल. या साठी Rs २५ कोटी खर्च करेल.
  सरकार ७ सार्वजनिक क्षेत्रातील सरकारी बँकांमध्ये Rs २८६१५ कोटीच्या रिकॅपिटलायझेशन बॉण्ड्सच्या रूपात भांडवल घालणार आहे . सेंट्रल बँक ऑफ इंडिया,बँक ऑफ महाराष्ट्र, सिंडिकेट बँक, युनायटेड बँक, यूको बँक, OBC या त्या बँका आहेत.
• बँक ऑफ इंडिया, बँक ऑफ महाराष्ट्र आणि OBC या PCA मधून बाहेर येतील अशी अपेक्षा वर्तवली जात आहे.

वेध उद्याचा

• १ जानेवारी २०१९ रोजी ऑटो विक्रीचे आकडे येतील.
• ओपेक आपले उत्पादनातील कपातीचे धोरण १ जानेवारी २०१९ रोजी जाहीर करून अमलात आणेल.
  कतार ओपेक मधून १ जानेवारी २०१९ पासून बाहेर पडेल.

BSE निर्देशांक ३६०६८ वर NSE निर्देशांक निफ्टी १०८६२ वर तर बँक निफ्टी २७१६० वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपला पुढचा कोर्स २६-२७ जानेवारीला आहे. हा कोर्से १० जणांसाठी आहे आणि आता फक्त ८ सीट्स उरलेल्या आहेत .  तुम्हाला अधिक माहिती या ब्लॉग पोस्ट मध्ये मिळेल 

आजचं मार्केट – २१ डिसेंबर २०१८

आज क्रूड US $ ५४.६४ प्रती बॅरल ते US $ ५५.१६ प्रती बॅरल या दरम्यान तर रुपया US $ १= Rs ६९.७० ते US $ १= Rs ७०.२८ या दरम्यान होते. US $ निर्देशांक ९६.४२ होता.

गेले सात दिवस मार्केटमध्ये सातत्याने तेजी सुरु होती. ११ डिसेम्बरला जेव्हा निवडणुकीचे निकाल हाती आले तेव्हा मार्केट (निफ्टी ) १०३३३ होते. तेथुन निफ्टीने १०९६७ पर्यंत मजल मारली. करेक्शन येणे अपेक्षीत होते. सर्वच्या सर्व बातम्या येऊन गेल्या. त्यामुळे आता तिसऱ्या तिमाहीचे निकाल सुरु होईस्तोपर्यंत मार्केटला ट्रिगर नाही. त्याच बरोबर USA चे सरकार पैशाअभावी बंद होण्याची भीती होती. जागतिक पातळीवर २०१९ मध्ये ग्रोथ कमी राहील असा अंदाज व्यक्त केला जात आहे. आणि काही प्रमाणात प्रॉफिट बुकिंग होणार याचा अंदाज होता. कारण निफ्टी ११००० च्या जवळपास आला होता.

निफ्टी ११००० चा टप्पा ओलांडणार नाही असे चिन्ह दिसताच आणि नजीकच्या भविष्यात असलेली नाताळची सुट्टी आणि लो व्हॉल्युम हे सर्व लक्षात घेऊन मार्केटने प्रॉफिट बुकिंगला प्राधान्य दिले. त्यातच क्रूड ढासळू लागल्यामुळे रुपया वधारला. आणि IT क्षेत्रातील शेअर्स पडू लागले. उद्या होणाऱ्या GST कौन्सिलच्या मीटिंग मध्ये GST चे दर २८% च्या स्लॅबवरून १८% किंवा १२% करावेत असा दबाव आहे. पण त्याचवेळी सिगारेट आणि मद्यार्क यावरील GST चे दर वाढवले जातील का अशी शंका आल्याने ITC, गॉडफ्रे फिलिप्स, VST आणि युनायटेड स्पिरिट्स, रॅडिको खेतान या कंपन्यांचे शेअर्स पडले. आणि सरतेशेवटी सेन्सेक्स ७०० बेसिस पाईंट पडला .

भारताला क्रूड नेहेमी प्रीमियम देऊन खरेदी करायला लागत असे. पूर्वी हा प्रीमियम US $ ६ होता. भारताने सांगितले की आम्ही आता प्रीमियम देऊन क्रूड खरेदी करणार नाही. आम्ही ग्राहक आहोत भरपूर प्रमाणात क्रूड खरेदी करतो या न्यायाने आम्हाला डिस्काउंट मिळायला हवा.

बँकांचा कॅपिटल/ रिस्क वेटेड ऍसेट रेशियो हा ९% असायला हवा. १८ सप्टेंबर २०१८ रोजी २१ पैकी ५ बँकांनी TIER १ कॅपिटल ७% पेक्षा कमी आहे असे सांगितले. यामुळे जोपर्यंत बँका नियमाप्रमाणे TIER १ बॉण्ड्स इशू करू शकत नाहीत तो पर्यंत त्यांना भांडवल पुरवण्याशिवाय सरकारपुढे दुसरा पर्याय नाही.

विशेष लक्षवेधी

• HCL TECH आणि बजाज फायनान्स हे शेअर्स २४ डिसेम्बरपासून सेन्सेक्स मध्ये समाविष्ट होतील तर विप्रो आणि अडानी पोर्ट हे शेअर्स २४ डिसेंबर पासून सेन्सेक्स मध्ये असणार नाहीत. बंधन बँक गृह फायनान्स ही कंपनी आपल्यात मर्ज करण्यासाठी HDFC बरोबर बोलणी करत आहे. या मर्जरमुळे बंधन बँकेच्या प्रमोटर्सचा स्टेक २०% पेक्षा कमी होईल असे बंधन बँकेचे म्हणणे आहे.
• कोल इंडिया या कंपनीने Rs ७.२५ प्रती शेअर्स अंतरिम लाभांश जाहीर केला. याची रेकॉर्ड डेट ३१ डिसेंबर २०१८ ही असेल. ५ जानेवारी २०१८ पासून लाभांश देण्यास सुरुवात होईल. सरकारला यातून Rs ३५०० कोटी मिळतील.
• धनुका ऍग्रीटेक ही कंपनी प्रती शेअर Rs ५५० या भावाने १५ लाख शेअर्स BUY BACK करण्यासाठी Rs ८२.५० कोटी खर्च करेल. हा BUY बॅक १३.१२% आहे. या BUY बॅक साठी २ जानेवारी २०१९ ही रेकॉर्ड डेट ठरवली आहे.
• HUL ने ‘लाईफ बॉय’ साबणाच्या किमतीत २१% ‘लिप्टन’ चहाच्या किमतीत १५% तर फेअर आणि लव्हली च्या किमतीत सुमारे ५% वाढ केली. यामुळे HUL च्या मार्जिनमध्ये वाढ होईल.

BSE निर्देशांक सेन्सेक्स ३५७४२ NSE निर्देशांक निफ्टी १०७५४ बँक निफ्टी २६८६९ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपला पुढचा कोर्स २६-२७ जानेवारीला आहे. हा कोर्से १० जणांसाठी आहे आणि आता फक्त ८ सीट्स उरलेल्या आहेत .  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल 

आजचं मार्केट – २० डिसेंबर २०१८

आज क्रूड US $ ५४.८३ प्रती बॅरल ते US $ ५६.६१ प्रती बॅरल या दरम्यान तर रुपया US १=Rs६९.८५ ते US $१= Rs ७०.६६ या दरम्यान होते. US $ निर्देशांक ९६.६४ होता. VIX १४.५८ होता.पुट/कॉल रेशियो १.५६ होता.

खरे पाहता सकाळी SGX निफ्टी भारतातील मार्केट खूप पडेल असे दर्शवत होता. कारण फेडने ट्रम्पच्या दबावाला न जुमानता ०.२५ % रेट वाढवला. पूर्वीचा रेट २.२५% होता तो आता २.५०% होईल. २०१९ या वर्षात पूर्वी ठरल्याप्रमाणे तीन वेळेला रेट वाढवण्याच्या ऐवजी दोन वेळेला रेट वाढवले जातील पण रेट वाढवण्याआधी डाटा लक्षात घेतला जाईल. पण USA मध्ये रेट वाढवणे ही गोष्ट भारताच्या दृष्टीने चांगली आहे USA मधून पैसा भारतात येईल. FII ची खरेदी वाढेल. आणि या विरुद्ध भारतात मात्र रेट कटची मागणी जोर धरत आहे. त्यामुळे मार्केट जेवढे पडेल असे वाटत होते तेवढे पडले नाही. उलटपक्षी रुपया वधारला US $१=Rs ७० च्याही खाली गेला. क्रूड १६ महिन्यांच्या किमान स्तरावर पोहोचले. सरकारी बॉण्ड्स यिल्ड ११ बेसिस पाईंट्स कमी होऊन ७.२३% ला पोहोचले. या सगळ्या चांगल्या गोष्टींमुळे मार्केट सुधारले आणि दिवस अखेरीला मार्केटमध्ये मामुली मंदी होती.

सरकारने खर्चासाठी पूरक मागणी संसदेत केली. त्यातून Rs ४१००० कोटी बँकांना रिकॅपिटलायझेशनसाठी देण्यात येणार आहेत . PNB आणि SBI या दोन बँकांचा यात वाटा नाही. IFCI मध्ये सरकार Rs २०० कोटी टाकणार आहे. एअर इंडियाला Rs २३४५ कोटी देणार आहे मनरेगा योजनेसाठी Rs ६०४८ कोटी खर्च करणार. PFC आणि REC च्या बॉण्ड्सच्या व्याजासाठी अनुक्रमे Rs २६.४ कोटी आणि Rs ३२३ कोटी देईल. ऑइल इंडिया आणि IOC ला सबसिडीचा भार उचलावा लागला म्हणून Rs २५० कोटी देणार. ज्या बँकांनी गेल्या तिमाहीत प्रॉफिट दाखवले आहे आणि आर्थीक परिस्थितीत सुधारणा दाखवली आहे अशा ५ बँकांना PCA मधून बाहेर काढण्यात येईल. त्यामध्ये बँक ऑफ महाराष्ट्र, बँक ऑफ इंडिया, OBC, कॉर्पोरेशन बँक, अलाहाबाद बँक यांचा समावेश असेल असा अंदाज आहे.

DERC (दिल्ली इलेक्ट्रिसिटी रेग्युलेटरी कमिशन) ने नियमामध्ये काही बदल केले. जर न कळवताच दोन तास लाईट गेले तर Rs ५० आणि दोन तासापेक्षा जास्त वेळ लाईट गेले तर Rs १०० प्रती तास नुकसान भरपाई कंपनीने ग्राहकांना दिली पाहिजे. ही नुकसान भरपाईची रक्कम Rs ५००० पर्यंत वाढू शकते. ही बातमी ग्राहकांसाठी चांगली असली तरी पॉवर क्षेत्रातील कंपन्यांसाठी चांगली नाही. त्यामुळे पॉवर क्षेत्रातील कंपन्यांचे शेअर्स पडले. याचा परिणाम रिलायन्स इन्फ्रा, टाटा पॉवर, यांच्यावर होईल.

मारुतीच्या व्यवस्थापनाने असे सांगितले की कंपनीचा सेल्स व्हॉल्युम २% ने कमी होईल. पूर्वी ९% होईल असा अंदाज होता ते आता ७% होईल. यामुळे मारुतीचा शेअर पडला.

विशेष लक्षवेधी

गुजरात गॅस या कंपनीच्या शेअर स्प्लिटसाठी रेकॉर्ड डेट १६ जानेवारी २०१९ जाहीर झाली. शेअर स्प्लिट झाल्यानंतर शेअरची दर्शनी किंमत Rs २ होईल

CONCOR या कंपनीने ४ शेअर्समागे १ बोनस शेअर जाहीर केला. तुमच्याजवळ जर CONCOR चे ४ शेअर्स असले तर १ बोनस शेअर मिळेल. ( BUY BACK, बोनस शेअर, शेअर स्प्लिट इत्यादी कॉर्पोरेट एक्शन विषयी माझ्या ‘मार्केट आणि मी’ या पुस्तकात सविस्तर माहिती दिलेली आहे)

ONGC ने Rs १५९ प्रती शेअर या किमतीला २५.२९ कोटी किंवा १.९७% इक्विटी शेअर्सचे BUY बॅक जाहीर केले. या BUY BACK साठी कंपनी Rs ४०२२ कोटी खर्च करेल. या BUY बॅक साठी ४ जानेवारी २०१९ ही रेकॉर्ड डेट ठरवली आहे.

संसदेने ग्राहक संरक्षण बिल २०१८ मंजूर केले.

वेध उद्याचा

२१ डिसेंबर पासून निफ्टी ५० ची सात विकली ऑप्शन्स ओपन होतील या ऑप्शनची एक्स्पायरी दर गुरुवारी आणि गुरुवारी सुट्टी असली तर त्या आठवड्यात बुधवारी होईल.

BSE निर्देशांक सेन्सेक्स ३६४३१ NSE निर्देशांक निफ्टी १०९५१ बँक निफ्टी २७२७५ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १८ डिसेंबर २०१८

आज क्रूड US $ ५७.४१ प्रती बॅरल ते US $ ६०.३३ प्रती बॅरल या दरम्यान तर रुपया US $१=Rs ७०.८० ते US $१= Rs ७१.८० या दरम्यान होते. US $ निर्देशांक ९६.९३ होता.

आज क्रूडचा भाव कमी झाला आणि रुपया वधारला आणि तीन आठवड्यातील कमाल स्तरावर पोहोचला. USA आणि रशिया या देशातील क्रूडचे उत्पादन वाढले आहे. त्याचबरोबर USA मध्ये शेल गॅसचे उत्पादन वाढत आहे. त्यामुळे ओपेक देशांनी उत्पादनात कपात करण्याचा निर्णय घेतल्यावरही क्रूडचा भाव खाली येत आहे फेडचे नरमाईचे धोरण या तीन गोष्टींमुळे सुरुवातीला मंदीत असलेले मार्केट सुधारले. बँक निफ्टीने हातभार लावला

स्टरलाईट टेक्नॉलॉजीने जेपी मॉर्गनकडेकडे तारण म्हणून ठेवलेले २० कोटी शेअर्स सोडवले म्हणून शेअर वाढला.

IL & FS ने त्यांचे रोड प्रोजेक्ट विकण्यासाठी उपलब्ध केले आणि त्यातून कर्ज फेडले जाईल असे सांगितले त्यामुळे IL&FS ग्रुपचे शेअर्स वाढले. IL&FS च्या नवीन बोर्ड ऑफ डायरेक्टर्सने रोड ASSETS विकण्याची प्रक्रिया सुरु केली. सेबीने IL&FS च्या संदर्भात ३ रेटिंग एजन्सीजना कारणे दाखवा नोटिसा पाठवल्या. त्यामुळे या रेटिंग एजन्सीजचे म्हणजे CARE, CRISIL आणि ICRA हे शेअर पडले.

NSE च्या संबंधातील को लोकेशन केसचा तपास पुरा झाला आहे.या केसची प्रक्रिया पूर्ण झाल्यावर NSE आपला IPO आणेल. सेबीने मंजुरी दिल्यावरही NSE ला आपला Rs ६०००० कोटींचा IPO आणायला उशीर होत आहे याबद्दल चिंता व्यक्त केली होती.

माईंड ट्रीने BBC ( ब्रिटिश ब्रॉडकास्टिंग कॉर्पोरेशन) बरोबर डिजिटल टेस्टिंग सर्व्हिस साठी केलेल्या कराराची मुदत २ वर्षांनी वाढवली.

नीती आयोगाने असे प्रतिपादन केले की जर इथेनॉलच्या ऐवजी मेथॅनॉलचे ब्लेंडींग असलेल्या पेट्रोलवर वाहने चालवली तर पेट्रोल Rs ८ ते Rs १० स्वस्त उपलब्ध होऊ शकेल.कारण इथेनॉलचा भाव Rs ४० प्रती लिटर तर मेथॅनॉलचा भाव Rs २० प्रती लिटर आहे पुण्यात मारुती आणि हुंडाई या कंपन्यांच्या कार्स १५% मेथॅनॉल ब्लेंडींग असलेल्या पेट्रोलवर चालवण्याचा प्रयोग चालू आहे. RCF, GNFC, आसाम CO हे मेथॅनॉलचे उत्पादन करतात. हे प्रयोग येत्या तीन महिन्यात पूर्ण होऊन त्या प्रयोगाचे निकाल येतील.

ज्योती लॅब ही कंपनी आता आयुर्वेदप्रणित फेस वॉश आणि हॅन्ड वॉश मार्केटमध्ये आणणार आहे. नीम टूथ पेस्ट आणि हेअर केअर आणि हेअर ऑइल मार्केटमध्ये आणणार आहे तसेच नव्या प्रकारची मच्छर अगरबत्ती मार्केटमध्ये आणणार आहे.

शांती गिअर्स या कंपनीची २६ डिसेम्बर २०१८ रोजी शेअर BUY बॅकवर विचार करण्यासाठी बोर्ड ऑफ डायरेक्टर्स ची मीटिंग बोलावली आहे.

IOC च्या शेअर BUYBACK विषयी

IOC Rs ६.७५ अंतरिम लाभांश आणि BUY बॅक अशा दोन्ही गोष्टी देत आहे. दोन वर्षातील किमान स्तरावर IOC च्या शेअरची किंमत म्हणजे Rs १०५ ऑक्टोबर २०१८ मध्ये होती.या कंपनीचे LIC कडे ६० कोटी तर ONGC कडे १३३ कोटी आणि किरकोळ गुंतवणूकदारांकडे २८ कोटी शेअर्स आहेत. त्यामुळे ACCEPTANCE रेशियो किरकोळ गुंतवणूकदारांसाठी ८७ % राहण्याची शक्यता आहे. कारण एकूण २९.७७ कोटी शेअर BUY बॅक करणार आहेत आणि यातील १५% शेअर्स किरकोळ गुंतवणूकदारांसाठी राखीव ठेवण्यात आले आहेत. त्यामुळे हा BUY बॅक किरकोळ गुंतवणूकदारांसाठी फायदेशीर ठरत आहे.

वेध उद्याचा

फेडच्या मीटिंग मध्ये काय निर्णय झाला तसेच त्यांच्या नजीकच्या भविष्याविषयी भाष्याकडे मार्केटचे लक्ष असेल

BSE निर्देशांक सेन्सेक्स ३६३४७ NSE निर्देशांक निफ्टी १०९०८ बँक निफ्टी २७१७४ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १७ डिसेंबर २०१८

आज क्रूड US $ ६०.१७ प्रती बॅरल ते US $ ६०.३८ प्रती बॅरल  या दरम्यान तर रुपया US $१=Rs ७१.५४ ते US $१= Rs ७१.७७ या दरम्यान होते. US $ निर्देशांक ९७.४२ होता.

आज मार्केट तेजीच्या लाटेवर सवार होते. खरे पाहता ‘फेथाई’ नावाच्या चक्री वादळाची बातमी दुपारी १२ च्या आसपास येऊन थडकली. वाऱ्याचा वेग खूप असेल मुसळधार पाऊस पडेल पिके खराब होतील. याचा परिणाम ओडिशा आंध्र प्रदेश काकीनाडा विशाखापट्टणम येथे जाणवेल. ही बातमी आल्यावर अगदी थोडे मार्केट पडले पण लगेचच सावरले. आणि ३०० पाईंटची रॅली सेन्सेक्सने दिली.

आज तेजीमध्ये असलेल्या कंपन्यात सरकारी कंपन्यांचा भरणा खूप होता. कारण कोणत्या कंपनीत BUY बॅक तर कोणत्या कंपनीत लाभांश मिळण्याची शक्यता आहे.

आज पॉवर क्षेत्रातील शेअर्सही तेजीत होते. कारण CERC (सेंट्रल इलेक्ट्रिसिटी रेग्युलेटरी कमिशन) ने टॅरिफ रेट वाढवायला परवानगी दिली पण जे प्लांट्स २५ वर्षाच्या पूर्वीचे आहेत त्यावरील उत्पादनावर टॅरीफ रेट वाढवता येणार नाहीत. कारण जुन्या प्लांटमुळे प्रदूषण वाढत आहे. या प्लांटमध्ये जर प्रदूषणाचे प्रमाण कमी होते आहे असे दिसले तर टॅरिफ रेट वाढवता येतील.

USA आणि चीनमधील टॅरीफ वॉरने पुढचा टप्पा गाठला चीन मधून आयात होणाऱ्या मालावरील टॅरिफ मध्ये १०% वरून २५% पर्यंत वाढ करण्याची मुदत २ मार्चपर्यंत वाढवली. पूर्वी US $ ५० बिलियन मालावर २५% ड्युटी होतीच. ती आता US $ २०० बिलियन एवढ्या मालावर लागेल

SBI ने जेट एअरवेजचे अकौंट्स तपासण्यासाठी अर्न्स्ट आणि यंग या कंपनीची नेमणूक केली. म्हणून जेट एअरवेजचा शेअर पडला.

विशेष लक्षवेधी

• जर तुम्ही सिक्युरिटी खरेदी करण्यासाठी ब्रोकरकडे असलेल्या अकौन्टमध्ये पैसे ट्रांसफर केले असतील आणि त्याचा उपयोग केला नसेल तर सावधगिरी बाळगा. ब्रोकर या रकमेचा गैर वापर करू शकतो. स्टॉक ब्रोकिंगचे नियम पाळले नाहीत म्हणून सेबीने एका ब्रोकरला Rs १ लाख तर दुसऱ्या ब्रोकरला Rs ११लाख दंड केला. आणि नवीन नियम केला. ३० दिवसांनी किंवा ९० दिवसानंतर न वापरलेली रक्कम क्लायंटला परत केली पाहिजे.
• हिंदुस्थान झिंक या कंपनीने ‘नॉर्मेट’ बरोबर ६ कोटी युरोचा सर्व्हिससाठी करार केला.
• IL & FSची NCLAT मधील सुनावणी २० डिसेम्बरला होईल.
• मुंबई हायकोर्टाने कोटक महिंद्रा बँकेला RBI ने प्रमोटरचा स्टेक २०% पर्यंत कमी करण्यासाठी दिलेली ३ डिसेम्बरची मुदत वाढवून द्यायला नकार दिला.
• दोनी मलाई खाणी संदर्भात NMDC ने केलेल्या अर्जावर १० जानेवारी २०१९ ला सुनावणी होईल.
• टाटा मोटर्स त्यांच्या JLR प्लांट मध्ये कामगार कपात करणार आहे. हा कंपनीच्या टर्न अराउंड प्लानचा एक भाग आहे.
• NGT ने वेदांताला त्यांचा तुतिकोरिन प्लांट सुरु करायला परवानगी दिली आहे. कोर्टाने राज्य सरकारच्या या कंपनीचे काम बंद करण्याच्या ऑर्डरवर स्टे दिला आहे.
• फोर्टिस कंपनीच्या शेअर होल्डरसाठी येणारी ओपन ऑफर ( जी उद्यापासून येणार होती) ती आता यायला वेळ लागेल.

वेध उद्याचा

• फेथाई या वादळाचा परिणाम कोठल्या प्रदेशात आणि किती झाला यावर उद्या कोणत्या कंपन्यांच्या शेअर्सवर लक्ष ठेवायचे हे ठरवावे लागेल.
• RITES या कंपनीने Rs ४.७५ प्रती शेअर्स अंतरिम लाभांश जाहीर केला. या लाभांशासाठी २८ डिसेंबर २०१८ ही ठरवली आहे.

BSE निर्देशांक सेन्सेक्स ३६२७० NSE निर्देशांक निफ्टी १०८८८ बँक निफ्टी २७०१५ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपला शेअर मार्केट चा दुसरा कोर्से १५-१६ डिसेंबर ला organise  केला आहे ..हा कोर्स फक्त ५ जणांसाठीच आहे आणि रजिस्टर करायची शेवटची तारीख  १३ डिसेंबर आहे. तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Ke

आजचं मार्केट – १४ डिसेंबर २०१८

आज क्रूड US $ ६०.९५ प्रती बॅरल ते US $ ६१.०६ प्रती बॅरल या दरम्यान तर रुपया US $१=Rs ७१.७९ ते US $१=Rs ७१.९२ या दरम्यान होते. US $ निर्देशांक ९७.५६ होता.

१०७९१ हे निफ्टीचे २०० डेज मुविंग एव्हरेज आहे. गेले दोन दिवस तरी निफ्टी अगदी मर्यादित रेंजमध्ये फिरत आहे. आणि RBI च्या बूस्टर डोस ची वाट पाहात आहे. कारण या पाईंटवरून मार्केटला वाढण्यासाठी ट्रीगर आवश्यक आहे. मार्केट खाली जाण्याची शक्यता कमी झाली आहे कारण बर्याच गोष्टींची अनिश्चितता संपली आहे. उदा :- निवडणुका, ओपेकची मीटिंग आणि सुधारलेले CPI, WPI आणि IIP चे आकडे. जर RBI ने केलेल्या सुधारणा मार्केटला आवडल्या तर मार्केट वेगाने सुधारेल. मेक ऑर ब्रेक लेव्हलवर मार्केट उभे आहे.

बिहार मध्ये २४ ऑक्टबर २०१८ पासून प्लास्टिक बॅन लागू होणार होता. पण लोकांनी विनंती केल्यामुळे हा प्रोग्रॅम रद्द झाला होता. आता ३१ डिसेंबर २०१८ पासून प्लास्टिक बॅन लागू केला जाणार आहे. त्यामुळे आज सर्व कागद उत्पादन करणाऱ्या कंपन्यांचे शेअर्स तेजीत होते.

सुप्रीम कोर्टाने राफेल डील मध्ये काहीही चूक झालेली नाही. संशयास्पद असे काहीही दिसत नाही असे सांगितले. यामुळे अनिल अंबानी ग्रुपचे सर्व शेअर्स वाढले. उदा :- रिलायन्स इन्फ्रा, रिलायन्स NAVAL आणि रिलायन्स कॅपिटल.
मदर्सन सुमी ही कंपनी जर्मनी स्थित ‘ LEONI’ ही कंपनी ACQUIRE करणार आहे. ही कंपनी ऑटोमोटिव्ह केबल या क्षेत्राशी संबंधित आहे. त्यामुळे या कंपनीचा शेअर वाढला.

इन्फोसिस डिजिटल सर्व्हिसेस साठी हिताची, पॅनासॉनिक आणि PASONA यांच्या बरोबर जाईंट व्हेंचर करणार आहे.

विशेष लक्षवेधी

IOC या OMC ने Rs १४९ प्रती शेअर या भावाने ७९.७६ कोटी शेअर्स (३.०६%) BUY बॅक करणार असे जाहीर केले आहे. यात सरकारचा स्टेक ५४.०६% आहे. कंपनीने Rs ६.७५ प्रती शेअर अंतरीम लाभांश जाहीर केला. कंपनी शेअर BUY बॅकसाठी Rs ४४३५ कोटी खर्च करेल. या BUY बॅकसाठी २५ डिसेंबर ही रेकॉर्ड डेट ठरवली आहे.

सुप्रीम कोर्टाने फोर्टिस हेल्थकेअरच्या विक्रीवर स्टे दिला. डाईची या जपानी कंपनीने रॅनबॅक्सी ही कंपनी खरेदी केली होती. या व्यवहारातले Rs ३५०० कोटी देणे फोर्टिस हेल्थकेअरचे प्रमोटर शिविंदर सिंग आणि मलविंदरसिंग यांच्याकडे बाकी आहे.डाईची या कंपनीने केलेल्या अर्जावर सुप्रीम कोर्टाने स्टे दिला. त्यामुळे IHH ही मलेशियन खरेदीदार कंपनी आणि फोर्टिस हेल्थ केअर च्या शेअर होल्डर्सना काही काळ तरी वाट पाहावी लागेल. IHH ही कंपनी फोर्टिस हेल्थ केअरमध्ये १८ डिसेंबर पासून २६% शेअर्स साठी Rs १७० प्रती शेअर या भावाने ओपन ऑफर आणणार होती.

दिलीप बिल्डकॉनचे रेटिंग ‘CARE’ या रेटिंग एजन्सीने कमी केले. म्हणून शेअर पडला.

नोव्हेंबर २०१८ मध्ये WPI ४.६४% ( ऑक्टोबर साठी ५.२८%) होता.

RBI च्या आजच्या बोर्ड ऑफ डायरेक्टर्स च्या मीटिंग मध्ये PCA चे नियम सोपे करणे तसेच NBFC ना लिक्विडीटी पुरवणे या बाबतीत कोणताही निर्णय झाला नाही.

सेबी साईप्रसाद ग्रुपच्या १६२ मालमत्ता विकण्यासाठी SBI कॅपिटलला मदत करणार आहे. आतापर्यंत सेबीने इतर १५० मालमत्ता विकायला SBI कॅपिटलला मदत केली आहे.

वेध उद्याचा

• पुढील आठवड्यात १८ डिसेंबर २०१८ आणि १९ डिसेंबर २०१८ ला FOMC ची मीटिंग आहे. या मीटिंग मध्ये फेड रेट वाढवणार किंवा नाही तसेच फेडच्या नजीकच्या भविष्यावरील भाष्याकडे मार्केटचे लक्ष असेल.
• २० डिसेंबर २०१८ रोजी CONCOR या कंपनीची बोनसवर विचार करण्यासाठी बोर्ड ऑफ डायरेक्टर्स ची मीटिंग आहे.
• २० डिसेंबर २०१८ रोजी ONGC च्या बोर्ड ऑफ डायरेक्टर्स ची शेअर BUY BACK वर विचार करण्यासाठी मीटिंग आहे.
• IEX( इंडियन एनर्जी एक्स्चेंज) या कंपनीची २० डिसेंबर रोजी शेअर BUY BACK वर विचार करण्यासाठी बोर्ड ऑफ डायरेक्टर्सची मीटिंग आहे.
• २२ डिसेंबर रोजी GST कौन्सिलची मीटिंग आहे. या मीटिंग मध्ये सिमेंट आणि इतर बिल्डिंग मटेरियल्स वरील GST कमी होण्याची शक्यता वर्तवली जात आहे. नोकऱ्या उत्पन्न करण्यासाठी रिअल्टी सेक्टर महत्वाचा आहे. कारण यात वेगवेगळे कौशल्य असलेल्या माणसांची मोठ्या प्रमाणात गरज असते . तसेच सरकारचा अफोर्डेबल हौसिंग वरील जोर बघता सिमेंट, ग्लास, लाकूड, प्लायवूड आणि स्टील यांची मागणी वाढेल. या सर्व बिल्डिंगसाठी आवश्यक असलेल्या वस्तूंवरील GST कमी करण्यावर विचार केला जाईल.फक्त ‘वाईट’ BAD( मद्यार्क सिगारेट्स, तंबाखू आणि तंबाखूची उत्पादने) गोष्टींवरील GST २८% ठेवून बाकीच्या गोष्टींवर १८% GST आकारावा असा विचार प्रवाह आहे.

BSE निर्देशांक सेन्सेक्स ३५९६२ NSE निर्देशांक निफ्टी १०८०५ बँक निफ्टी २६८२६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपला शेअर मार्केट चा दुसरा कोर्से १५-१६ डिसेंबर ला organise  केला आहे ..हा कोर्स फक्त ५ जणांसाठीच आहे आणि रजिस्टर करायची शेवटची तारीख  १३ डिसेंबर आहे. तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Ke

आजचं मार्केट – १३ डिसेंबर २०१८

आज क्रूड US $ ६०.४५ प्रती बॅरल ते US $ ६१ प्रती बॅरल या दरम्यान तर रुपया US $१= Rs ७१.३२ ते US $१= Rs ७१.७१ या दरम्यान होते. US $ निर्देशांक ९७.०९ आणि VIX १५.२९ होता.

UK च्या संसदेत पंतप्रधान थेरेसा मे यांच्या विरोधात आणलेला अविश्वासाचा ठराव फेटाळून लावला गेला. चीनने ट्रेड वॉर जास्त चिघळू नये म्हणून चीनमधील मार्केट ओपन करण्यासाठी बर्याच सुधारणा केल्या.

दोन दिवस सुरु असलेली तेजी आजसुद्धा चालू राहिली. मार्केट सतत काही ट्रिगर्स शोधत असते. त्यानुसार ट्रेडर्स ट्रेडिंग चालू ठेवतात. सध्याचे ट्रेडिंग हे चालू असलेले हिवाळी अधिवेशन आणि दोन महिन्यांनी येऊ घातलेले अंदाजपत्रक या दोन गोष्टी डोळ्यासमोर ठेवून सुरु आहे. मार्केट बराच काळ मंदीत असल्यामुळे मिडकॅप मधील शेअर्स कमी भावात उपलब्ध आहेत.

MTNL च्या कर्मचाऱ्यांसाठी ऐच्छिक सेवा निवृत्ती, टॉवर भाड्याने देणे, आणि नॉनकोअर असेट्स मॉनेटाईझ संबंधीची योजना टेलिकॉम मंत्रालयाने सरकारला सुपूर्द केली.

यूको बँकेला हॉन्गकॉन्ग सरकारने वार्निंग दिली की यूको बँकेने त्यांचे लिक्विड असेट्स गहाण ठेवू नयेत.

बंधन बँकेला RBI ने ४० नवीन शाखा उघडण्यासाठी परवानगी दिली.

टाटा कम्युनिकेशनने सिंगापूरच्या ‘विवो हब’ या कंपनीबरोबर मोबाईल सेवा पुरवण्यासाठी करार कला.

सुप्रीम कोर्टाने एरिक्सन खटल्यात Rs ५५० कोटी १५ डिसेंबर पर्यंत भरण्यासाठी मुदत वाढ देण्यास नकार दिला.

बाबा रामदेवने सांगितले की पातंजलीची IPO आणण्यासाठी तयारी झाली आहे. महिन्याभरात आपल्याला चांगली बातमी मिळेल.

IDFC बँक आणि कॅपिटल फर्स्ट यांच्या मर्जरला NCLT ने परवानगी दिली.

येस बँकेने तात्पुरत्या काळासाठी एक तात्पुरता नॉनएक्झिक्युटिव्ह चेअरमनचे नाव RBI ला कळवले. कायम तत्वावर येस बँकेचा MD आणि CEO निवडण्यासासाठी येसबँकेच्या बोर्ड ऑफ डायरेक्टर्सची बैठक ९ जानेवारी २०१९ ला बोलावली आहे.

L &T च्या BUY BACK मध्ये SUUTI २.८९ कोटी शेअर BUY BACK मध्ये देईल यामुळे SUUTI ला Rs ७५० कोटी मिळतील.

डाबरने ने आपल्या लाल दन्त मंजन, सरसो आवळा तेल, ओडोनील आणि इतर उत्पादनांचे भाव वाढवले.

MAX इंडिया हेल्थ इन्शुअरन्स बिझिनेसमधून बाहेर पडणार आहे . या कंपनीची मॅक्स बुपामधील स्टेक नॉर्थ ला विकणार आहे.

विशेष लक्षवेधी

• नोव्हेंबर २०१८ साठी CPI २.३३% (ऑक्टोबरमध्ये ३.३१%) आणि ऑक्टोबर २०१८ साठी IIP ८.१ ( सप्टेंबरमध्ये ४.५) होती. हे दोन्ही आकडे मार्केटला पसंत पडले असल्यामुळे तेजी बरकरार राहिली.
• रेमंड ही कंपनी आपल्या २० एकर जमिनीवर अफोर्डेबल हौसिंग प्रोजेक्ट तयार करणार आहे. कंपनी त्यांचा ऑटो अँसिलरी बिझिनेस विकणार आहेत. शेअर होल्डरसाठी व्हॅल्यू अनलॉक होईल असे निर्णय कंपनी घेत आहे.

वेध उद्याचा

RBI चे नवीन गव्हर्नर PCA मधील बँका आणि NBFC ना लिक्विडीटी पुरवण्यासाठी उद्याच्या RBI च्या बोर्ड ऑफ डायरेक्टर्सच्या मीटिंग मध्ये काय पवित्रा घेतात याकडे मार्केटचे बारकाईने लक्ष असेल.

BSE निर्देशांक सेन्सेक्स ३५९२९ NSE निर्देशांक निफ्टी १०७९१ तर बँक निफ्टी २६८१६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपला शेअर मार्केट चा दुसरा कोर्से १५-१६ डिसेंबर ला organise  केला आहे ..हा कोर्स फक्त ५ जणांसाठीच आहे आणि रजिस्टर करायची शेवटची तारीख  १३ डिसेंबर आहे. तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Ke

आजचं मार्केट – १२ डिसेंबर २०१८

आज क्रूड US $६०.८४ प्रती बॅरल ते US $६१.३४ प्रती बॅरल या दरम्यान तर रुपया US $१=Rs ७१ .९४ ते US $१=Rs ७२.०३ या दरम्यान होता. US $ निर्देशांक ९७.४७ होता.

शक्तीकांता दास यांची २५ वे RBI चे गव्हर्नर म्हणून नेमणूक झाली. मार्केट संपल्यानंतर त्यांची प्रेस कॉन्फरन्स सुद्धा झाली. ग्रोथ, इन्फ्लेशन, बँकांची नाजूक स्थिती, लिक्विडीटी, जबाबदारी( अकाऊंटॅबिलिटी) आणि स्वायत्तता ( ऑटोनॉमी) या सर्व गोष्टी अवश्य नमूद केल्या. प्रत्येक समस्या चर्चेतून सोडवता येते. पुस्तकी ज्ञान आणि व्यवहारज्ञान यांची सांगड घालून प्रत्येक वेळेची गरज लक्षात घेऊन निर्णय घेणे गरजेचे असते. सर्व स्टेक होल्डरच्या हिताचा विचार करावा लागेल, RBI ची विश्वसनीयता टिकवून सरकार बरोबर एकमताने देशाची प्रगती साधावी लागेल. अर्थव्यवस्थेचे आरोग्य उत्तम राखणे गरजेचे आहे. असे सांगून पत्रकारांच्या प्रश्नांना उत्तरेही दिली. RBI च्या रिझर्व्हच्या संबंधात ताबडतोब समिती स्थापन केली जाईल असे सांगितले. मार्केटनेही त्यांचे स्वागत तेजीच्या सलामीने केले. मार्केटला अनिश्चितता कधीही आवडत नाही हे पुन्हा एकदा सिद्ध झाले.

कॅनडाने अटक केलेल्या हुवेई या चिनी कंपनीच्या CFO ला जामीन मिळाला. त्याचवेळी USA च्या एका डिप्लोमॅटला चीनने अटक केली. म्हणजेच सरसोवरशी चालू आहे.

क्रिसिलने टायटनचे दीर्घ मुदतीसाठीचे रेटिंग पॉझिटिव्ह केले. त्यामुळे टायटनचा शेअर वाढला.

USA तील कोर्टाने SUBOXONE हे औषध USA मध्ये लाँच करण्यासाठी DR रेड्डीजने केलेला अर्ज रद्दबातल ठरवला. म्हणून DR रेड्डीजचा शेअर Rs १५० ने पडला.

उषा मार्टिनचा स्टील बिझिनेस टाटा स्पॉन्ज खरेदी करणार आहे म्हणून टाटा स्पॉन्ज या कंपनीचा शेअर वाढला.
डॉइश(DEUTSCHE) बँकेने आपल्या मॉडेल पोर्टफोलिओमधून ज्युबिलॅन्ट फूड या कंपनीचा शेअर काढून टाकला . म्हणून ज्युबिलन्ट फूडचा शेअर पडला.

फेब्रुवारी २०१९ अखेर भारत २२ ETF च्या दुसऱ्या चरणाची सुरुवात होईल. सरकार यातून Rs १०००० कोटी गोळा करेल.
‘BHEL’ चा शेअर BUY बॅक १३ डिसेंबर २०१८ पासून सुरु होईल. आपल्याकडे या कंपनीचे शेअर्स असल्यास आपल्यास BUY बॅक साठी एकदोन दिवसात फॉर्म येईल तसा न आल्यास आपण हा फॉर्म ऑन लाईन घेऊ शकता किंवा आपल्या ब्रोकरला विनंती करू शकता. ह्या BUYबॅकसाठी शेवटची तारीख २७ डिसेंबर २०१८ ही आहे. (शेअर BUY बॅक या कॉर्पोरेट एक्शन विषयी माझ्या ‘मार्केट आणि मी ‘ या पुस्तकात सविस्तर माहिती दिली आहे

येस बँकेच्या चेअरमन आणि CEO पदासाठी कोणाची नेमणूक करावी हे येस बँकेने RBI ला कळवायचे आहे. यावर विचार करण्यासाठी येस बँकेच्या बोर्ड ऑफ डायरेक्टर्स ची बैठक १३ डिसेंबर २०१८ रोजी होणार आहे. मोगा. प्रलय मंडल हे अंतर्गत,तर श्री श्रीनिवासन आणि श्री सुखटणकर यांची नावे चर्चेत आहेत. वर्तमान चेअरमन श्री राणा कपूर हे बोर्ड ऑफ डायरेक्टर मध्ये असावे म्हणून प्रयत्न करत आहेत.

सेबी ची आज मीटिंग होती. या मीटिंगमध्ये पुढीलप्रमाणे निर्णय घेण्यात आले. म्युच्युअल फंडांना कमोडिटी डेरिव्हेटीव्ह मार्केटमध्ये गुंतवणूक करता येईल. स्टार्टअप च्या लिस्टिंगचे नियम सोपे केले. OFS चे नियम ही सोपे केले. कस्टोडियन ऑफ सिक्युरिटीज चे संशोधन बिल मंजूर केले. या सेबीच्या मीटिंगचा अंदाज असल्यामुळे BSE आणि MCX चे शेअर वाढले.

सन फार्मावर कारवाई करण्याच्या आधी पूर्णपणे चौकशी केली जाईल असे सेबीने सांगितले

BSE निर्देशांक सेन्सेक्स ३५७७९ NSE निर्देशांक निफ्टी १०७३७ बँक निफ्टी २६६४३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!