Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ३१ जानेवारी २०१९

आज क्रूड US $ ६२.०७ प्रती बॅरल ते US $ ६२.२६ प्रती बॅरल या दरम्यान तर रुपया US $१= Rs ७०.९२ ते US $१=Rs ७१.१७ या दरम्यान होते. US$निर्देशांक ९५.२३ होता.

आज मार्केटमध्ये शानदार रॅली होती. ‘प्रि बजेट रॅली’ असेच म्हणावे लागेल. लॉन्ग टर्म कॅपिटल गेन्स कर, किंवा STT रद्द होईल अशी मार्केटची धारणा आहे. मार्केटला खुश करण्याचा अर्थमंत्री नक्कीच प्रयत्न करतील असे वाटल्यामुळे मार्केटमध्ये तेजी सुरु झाली. ती टिकली त्यामुळे ‘शॉर्ट कव्हरिंग’ करावे लागले आणि त्यातच आजपासून सुरु झालेले अंदाजपत्रकीय सत्र आणी F &O ची एक्स्पायरी यामुळे तेजी वाढली आणि मार्केटने (सेंसेक्सने) ६५० पाईंट मुसंडी मारली. हे अंदाजपत्रकीय सत्र १३ फेब्रुवारी २०१९ पर्यंत चालणार आहे.

फेडच्या FOMC च्या दोन दिवस चाललेल्या मीटिंग मध्ये रेट न वाढवण्याचा निर्णय घेण्यात आला. तसेच या पुढचे निर्णय सारासार विचार करून घेतले जातील असे सांगितले. फेडच्या धोरणात थोडा सौम्यपणा आला असे वाटते.
‘APPLE’ च्या कामगाराची केस उघडकीस आली आहे. हा कामगार चायनीज होता आणि संवेदनाशील म्हणता येईल असे फोटो काढत होता. ही बाब चीन आणि USA मधील चर्चा गढूळ करू शकते.

व्हेनिझुएला पाठोपाठ आता लिबियाच्या क्रूड पुरवठ्यातही अडचणी येत आहेत. त्यामुळे क्रूडचा रेट वाढत आहे.इराणकडून क्रूड आयात कारण्यासाठी USA ने जो अवधी दिला होता तो वाढवून मिळावा म्हणून सरकार प्रयत्नशील आहे.
उद्या पासून TRAI चे नवीन टॅरीफ नियम लागू होतील. या नियमाविरुद्ध दाखल केलेली याचिका कोलकाता कोर्टांत रद्द झाली .

RBI च्या १२ फेब्रूवारी २०१८ च्या परिपत्रकाविरुद्ध दाखल केलेल्या अर्जाची सुनावणी १९ फेब्रुवारी २०१९ पर्यंत पुढे गेली. (कोणत्याही लोनच्या परतफेडीला १ दिवस जरी उशीर झाला तरी ते खाते NPA करावे अशा सूचना RBI ने बँकांना दिल्या होत्या)

M. D. रंगनाथ यांची आज HDFC बँकेचे ऍडिशनल इंडिपेन्डन्ट डायरेक्टर म्हणून नेमणूक झाली.

जेट एअरवेज मध्ये आपला ग्रुप स्टेक घेणार आहे या बातमीचा अडानी ग्रुपने इन्कार केला.

कोब्रा पोस्टने DHFL वर जे आरोप केले आहेत त्याची सरकारतर्फे चौकशी करण्यात येईल असे सरकारने जाहीर केले. त्यामुळे DHFL चा शेअर पडला.

मोहित मल्होत्रा यांची डाबरचे CEO म्हणून नियुक्ती झाली.

L &T टेक्निकल सर्व्हिसेसच्या OFS ला थंडा प्रतिसाद मिळाला.

SQS इंडियाच्या बोर्ड ऑफ डायरेक्टर्स ची शेअर BUY BACK वर विचार करण्यासाठी आज मीटिंग आहे.
काल मार्केट संपल्यावर ICICI बँकेचे तिसर्या तिमाहीचे निकाल आले. बँकेचे निकाल चांगले आले. ICICI बँकेने तुमच्याजवळ जर १० शेअर्स असतील तर १ बोनस शेअर जाहीर केला.

इंडिया बुल्स हाऊसिंग फायनान्स या कंपनीचे तिसऱ्या तिमाहीचे निकाल ठीक आले. कंपनीने Rs १० प्रती शेअर अंतरिम लाभांश जाहीर केला.

इझ्राएल एरोस्पेस बरोबर कोची शिपयार्डने US $ ९३ मिलियनचे काँट्रॅक्ट केले.

BEL, जमना ऑटो, IFB इंडस्ट्रीज, शेमारू, LG बाळकृष्ण, सोलारा एक्टीव्ह फार्मा, सुंदरम फायनान्स( Rs ५ प्रती शेअर अंतरिम लाभांश) , पेट्रोनेट एल एन जी, पॉवर ग्रीड, कॅस्ट्रॉल, रत्नमणी मेटल, EIH, इंटरनॅशनल पेपर यांचे तिसर्या तिमाहीचे निकाल चांगले आले.

इमामी, V गार्ड, कलाहस्ती पाईप्स यांचे निकाल असमाधानकारक होते.

देना बँकेचे निकाल घाटा, आणि NPA कमी झाल्यामूळे ठीकच म्हणावे लागतील.

अजंता फार्माचे तिसऱ्या तिमाहीचे निकाल असमाधानकारक आले. कंपनीने Rs १३०० प्रती शेअऱ या भावाने शेअर BUY बॅक जाहीर केला.

BSE निर्देशांक सेन्सेक्स ३६२५७ NSE निर्देशांक निफ्टी १०८३१ बँक निफ्टी २७२९५ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ३० जानेवारी २०१९

आज क्रूड US $ ६१.४६ प्रती बॅरल ते US $ ६१.७१ प्रति बॅरल या दरम्यान तर रुपया US $१=Rs ७१.२३ ते US $१=Rs ७१.३२ या दरम्यान होते. US $ निर्देशांक ९५.७४ होता.

USA ने व्हेनिझुएलावर घातलेल्या निर्बंधामुळे आणि सौदी अरेबियाने पुढच्या ओपेक मीटिंगमध्ये उत्पादनात कपात करण्याचा निर्णय घेण्याची शक्यता आहे असे सांगितल्यामुळे क्रूडचे भाव वाढले. चीन आणि USA यांच्यात वॉशिंग्टन येथे वाटाघाटी सुरु झाल्या.

सरकारने आज घोषणा केली की जे अंदाजपत्रक १ फेब्रुवारीला सादर केले जाईल ते अंतरिम अंदाजपत्रक नसून सर्वसाधारण अंदाजपत्रक असेल. याच अर्थ हे अंदाजपत्रक सर्वस्पर्शी आणी सर्व विषयांवर तरतुदी करू शकेल. त्यामुळे सर्वजण आपापल्या पोझिशन क्लोज करण्याच्या तयारीत आहेत असे जाणवत आहे.

कोल्ड स्टोरेज चेन, वेअरहॉऊसींग, यांच्यासाठी सप्लाय लिंकेज फंड तयार केला जाईल. बॅकवर्ड आणि फॉरवर्ड लिंकेजसाठी या फंडाचा उपयोग केला जाईल.

सरकारने असे जाहीर केले की बँक ऑफ इंडिया, OBC, फेब्रुवारी २०१९ मध्ये तर कॉर्पोरेशन बँक आणि अलाहाबाद बँक मे २०१९ मध्ये आणि बँक ऑफ महाराष्ट्र योग्य वेळेला PCA मधून बाहेर येण्याची शक्यता आहे.

सरकारने सरकारी बँकांनी जी जादा Rs ५१००० कोटीची मागणी केले त्यावर विचार करण्याचे आश्वासन दिले. पण यासाठी सरकार दोन तिमाहीच्या निकालांचे निरीक्षण आणि परीक्षण करेल आणि मगच निर्णय घेईल.

सरकारने इलेक्ट्रिक वाहनांना उत्तेजन देण्यासाठी आवश्यक असणाऱ्या बॅटरीवरील आणि पार्टसवरील इम्पोर्ट ड्युटी कमी केली. याचा फायदा एक्झाईड, अमर राजा बॅटरी, HBL इलेक्ट्रिक यांना होईल.

DHFL च्या CEO यांनी कालच्या कोब्रा पोस्ट मधील विधानांना उत्तरे दिली. आमची कंपनी सुप्रस्थापीत असून कंपनीने आतापर्यंत कोणत्याही कर्जाच्या परतफेडीत डिफाल्ट केलेला नाही असे सांगितले.

NTPC या ऊर्जा क्षेत्रातील सरकारी कंपनीने तुमच्याजवळ जर ५ शेअर्स असतील तर १ बोनस शेअर जाहीर केला.

कोल इंडिया ही कंपनी ४ फेब्रुवारी २०१९ बोर्ड ऑफ डायरेक्टर्सच्या बैठकीत शेअर BUY BACK वर विचार करेल.

CYIENT ही IT क्षेत्रातील कंपनी १ फेब्रुवारी २०१९ रोजी बोर्ड ऑफ डायरेक्टर्सच्या बैठकीत शेअर्स BUY बॅकवर विचार करेल.

मिंडा इंडस्ट्रीज KPIT इंजिनीअरिंगचा टेलिमॅटिक बिझिनेस Rs २५ कोटींना खरेदी करेल.

कपुर कुंटुंबामध्ये समझोता होऊन प्रत्येक गटाने येस बँकेच्या बोर्ड ऑफ डायरेक्टर्स वर आपला एक प्रतिनिधी डायरेक्टर म्हणून नेमावा असे ठरले. या प्रमाणे शगुन कपूर यांची डायरेक्टर म्हणून निवड झाली

L &T टेक्नॉलॉजिकल सर्व्हिसेसच्या OFS चा नॉनरिटेल कोटा ४४% भरला.

BSE ग्वार सीड आणि ग्वार गम या दोन ऍग्री कमोडिटीजमध्ये वायदा सुरु करण्यासाठी सेबीने परवानगी दिली..

टॉरंट फार्मा आणि विनंती ऑरग्यानिक्स यांचे निकाल खूपच चांगले आले.

हेरिटेज फूड्स, महिंद्रा लॉजिस्टिक्स, JSW एनर्जी, अशोक बिल्डकॉन, BF युटिलिटीज, MAS फायनान्सियल, एल आय सी हाऊसिंग फायनान्स, KEC इंटरनॅशनल, ALKYLI AMINES, गुजरात पिपावाव, यांचे तिसर्या तिमाहीचे निकाल चांगले आले.

हेक्झावेअरची चौथ्या तिमाहीचे निकाल सर्वसाधारण आले.

बजाज ऑटोचे निकाल चांगले आले. मात्र यात Rs ४७० कोटी इतर उत्पन्नाचा समावेश आहे. मार्जिन कमी झाले.

ज्युबिलंट फूड्सचा तिसऱ्या तिमाहीचा निकाल आला. सेम स्टोर्स ग्रोथ चांगली झाली.

डंकिन डोनट्सची प्रगती झाली. ३५ नवीन स्टोर्स उघडले. 

IOC चा तिसऱ्या तिमाहीचा निकाल आला. उत्पन्न, नफा, GRM या सर्व आघाड्यांवर पीछेहाट झाली. कंपनीबरोबर केलेल्या क्रूड सप्लायच्या करारांचे इराण बरोबर रिन्यूवल करण्यासाठी बोलणी चालू आहेत असे सांगितले.

BSE निर्देशांक सेन्सेक्स ३५५९१ NSE निर्देशांक निफ्टी १०६५१ बँक निफ्टी २६८२५ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २९ जानेवारी २०१९

आज क्रूड US $५९.९६ प्रती बॅरल ते US $६०.०४ प्रति बॅरल या दरम्यान तर रुपया US १=Rs ७१.०५ ते US $१= Rs ७१.१४ या दरम्यान होते.

ओळीने तिसर्या दिवशीसुद्धा मार्केट मंदितच होते. याला कारण म्हणजे सगळीकडे पसरलेली अनिश्चितता ! हे लोकलुभावन अंदाजपत्रक असेल त्यामुळे डेफिसिट वाढेल आणि मूलभूत गोष्टींसाठी पैसा उरणार नाही. म्हणजेच सोप्या भाषेत सांगायचे झाली तर अनावश्यक बाबींवर खर्च वाढेल. इन्फ्रास्ट्रक्चरसाठी फारसा पैसा उपलब्ध होणार नाही. त्यातूनच गुरुवारी असलेली एक्स्पायरी, फेडची पॉलिसी यामुळे अनिश्चिततेत झालेली वाढ आणि कंपन्यांच्या तिसर्या तिमाहीच्या निकालांमुळे बसणारे धक्के ही सर्व कारणे मार्केटमधील मंदीमागे आहेत. ‘कोब्रा पोस्ट ‘ ची प्रेस कान्फरन्स दुपारी झाली. त्यांनी DHFL बद्दल बरीच चांगली वाईट विधाने केली. त्यामुळे शेअर पडला. दिवसाच्या अखेरीस मात्र मार्केटने आपला लॉस भरून काढला.

आजपासून फेडच्या FOMC ची दोन दिवसांची मीटिंग चालू झाली.

सरकारने आज एक मोठी घोषणा केली. सरकार अंदाजपत्रकात ‘युनिव्हर्सल बेसिक इन्कम स्कीम’ आणेल. यात दर महिन्याला योजनेत दिलेल्या निकषांमध्ये बसणार्या नागरिकाला एक विशिष्ट रक्कम बेसिक इन्कम म्हणून दिली जाईल. हे निकष चल संपत्ती, अचल संपत्ती, इन्कम तसेच त्या माणसाचा व्यवसाय या संबंधी असू शकतात. ही योजना अमलात आल्यावर सरकार हळू हळू सर्व प्रकारच्या सबसिडी देणे बंद करेल. सध्या तरी दोन्ही योजना समांतर चालू राहतील.
ONGC ची शेअर बाय बॅक ऑफर २९/०१/२०१९ पासून सुरु झाली. ती ११/०२/२०१९ ला संपेल. आपल्याजवळ जर ONGC चे शेअर असतील तर आपल्याला आपले किती शेअर्स कंपनी बाय बॅक करेल या संदर्भात कंपनीकडून लेटर येईल. आपण आपल्याजवळ असलेल्यापैकी काही किंवा सर्व शेअर्स बाय बॅक साठी देऊ शकता. पण कंपनी लेटरमध्ये असलेल्या संख्येवढेच शेअर्स बाय बॅक करते. जर कंपनीकडे बाय बॅक साठी कमी शेअर्स आले तर कंपनी तुम्ही देऊ केलेले जादा शेयर्स बाय बॅक करू शकते. शेअर बाय बॅक या कॉर्पोरेट एक्शनविषयी आणि त्याच्या प्रक्रियेविषयी खुलासेवार माहिती माझ्या ‘मार्केट आणि मी’ या पुस्तकात दिली आहे

पर्सिस्टंट सिस्टिमचा तिसर्या तिमाहीचे निकाल चांगले आले. कंपनी Rs ७५० प्रती शेअर या भावाने ३० लाख शेअर्स ओपन मार्केटमध्ये बाय बॅक करेल.

शॉपर्स स्टॉप,प्राज इंडस्ट्रीज, सेरा सॅनिटरी वेअर, इन्फो एज, रामको सिमेंट, OBC, HDFC, बजाज फायनान्स, बजाज फिनसर्व, एक्सिस बँक, ‘HCL TECH’ यांचे तिसऱ्या तिमाहीचे निकाल चांगले आले.

FACT या कंपनीचा तिसऱ्या तिमाहीचा निकाल अत्यंत निराशाजनक आला. त्यात त्यांच्या ऑडिटर्सनी कंपनीची नेट वर्थ निगेटिव्ह झाली असा शेरा लिहिल्यामुळे कंपनीच्या सॉल्व्हन्सी विषयी प्रश्नचिन्ह निर्माण झाले.

स्ट्राइड्स फार्मा, कन्साई नेरोलॅक, सिएट टायर्स, बँक ऑफ बरोडा यांचे निकाल असमाधानकारक होते.

२ सिटी गॅस नेट वर्क संदर्भातील केसमध्ये सुप्रीम कोर्टाने अडानी गॅसच्या बाजूने निकाल दिले.

इक्विटास स्माल फायनान्स बँकेच्या लिस्टिंगची योजना आहे.

जर जेट एअरवेजच्या कर्जाचे शेअर्स मध्ये रूपांतर करायचा निर्णय झाला तर SBIचा त्यात १५% स्टेक असेल.

BSE निर्देशांक सेन्सेक्स ३५५९२ NSE निर्देशांक निफ्टी १०६५२ बँक निफ्टी २६५७३ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २८ जानेवारी २०१९

आज क्रूड US $ ६०.९४ प्रती बॅरल ते US $ ६१.०४ प्रती बॅरल तर रुपया US $१=Rs ७१.०७ ते US $१=Rs ७१.१६ या दरम्यान होते. US $ निर्देशांक ९५.८७ होता. VIX १८.६४ ते १९.४१ यादरम्यान होते.

चीनमध्ये या आठवड्यात सुट्टी आहे. USA मधील शट डाऊन संपुष्टात आले. पण आज भारतीय मार्केट मात्र मंदीत होते. कारण हा एक्स्पायरीचा आठवडा आहे आणि येऊ घातलेल्या अंदाजपत्रकामुळे अनिश्चितता आहे. त्यामुळे सेन्सेक्स ४०० पाईंट मंदीत होते फक्त IT क्षेत्रातील शेअर्स तेजीत होते.लोअर हाय आणि लोअर लो सुरु झाल्यामुळे मंदीचा ट्रेण्ड दिसतो आहे. २० दिवसांचे ५० दिवसांचे १००दिवसांचे, २०० दिवसांचे SMA मार्केटने तोडले त्यामुळे मार्केट मध्ये वीकनेस आला. आज VIX ६.४% ने वाढला.

सोन्याचा भाव गेल्या पांच वर्षातील कमाल स्तरावर होता.

आज काळजीवाहू अर्थमंत्री पियुष गोयल यांची सार्वजनिक क्षेत्रातील सरकारी बँकांच्या प्रमुखांबरोबर बैठक झाली. FY २० च्या पहिल्या भागात द्यावयाच्या भांडवलाची गरज या बैठकीत या बँकांनी व्यक्त केली. सरकार या विषयावर १ फेब्रुवारी २०१९ रोजी निर्णय घेईल. बँकांनी आपल्या अडचणी आणि उपलब्धी या बैठकीत व्यक्त केल्या.

सरकार इलेक्ट्रॉनिक मीडियावर केल्या जाणार्या जाहिरातींचे दर वाढवण्याची शक्यता आहे. त्यामुळे सन टीव्ही, झी एंटरटेनमेंट यांच्या शेअर्स वाढले

RBI ने ओपन मार्केट ऑपरेशन करून बॉण्ड यिल्ड कंट्रोलमध्ये ठेवले आहे.

जी औषधे डॉक्टरच्या प्रिस्क्रिप्शन शिवाय मेडिकल शॉपमध्ये सहजगत्या उपलब्ध असतात त्यांचे वर्गीकरण करण्यासाठी सरकार आता या औषधांसाठी निकष ठरवणार आहे. ही औषधे आता विमानतळ , रेल्वे स्टेशन्स आणि इतर ठिकाणी मिळू शकतील. जर या निकष ठरवण्यामुळे ‘ओव्हर द कौंटर’ औषधांची संख्या वाढली तर सर्वसाधारणच फार्मा कंपन्यांसाठी मार्केटची व्याप्ती वाढेल. फार्मा कंपन्यांना त्यांच्या OTC औषधांची प्रिंट मेडिया आणि इलेक्ट्रॉनिक मीडियावर जाहिरात करायला परवानगी दिली जाईल.अशी शक्यता आहे.

NIIT टेकच्या प्रमोटर्सनी २२ जानेवारी २०१९ रोजी आपले २५ लाख शेअर्स गहाण ठेवले. कंपनीचे प्रमोटर्स आपले शेअर्स जेव्हा कंपनीला गरज असेल तेव्हा गहाण ठेवतात आणि कंपनीची अडचण संपल्यावर ते सोडवतात. पण हे प्रमाण काहीवेळा सुज्ञतेची मर्यादा ओलांडते तेव्हा मार्केटला ते पसंत पडत नाही. अशा काही कंपन्या पुढीलप्रमाणे :- CG पॉवर, रिलायन्स नाव्हल, झी लर्न, स्टरलाईट टेक्नॉलॉजी, अपोलो हॉस्पिटल्स, GRANUALS.

IDBI ऑफिसर्स असोसिएशनने एल आय सी आणि IDBI यांच्यातील डीलच्या विरुद्ध सुप्रीम कोर्टात केलेल्या अर्जाची सुनावणी ४ फेब्रुवारी २०१९ रोजी होईल.

आज सिटी युनियन बँक, TTK प्रेस्टिज, गोदरेज प्रॉपर्टीज ( कंपनी तोट्यातून फायद्यात आली ) सेंच्युरी टेक्सटाईल, KPR मिल्स, एस्कॉर्टस, श्रीराम ट्रान्सपोर्ट, पिरामल इंटरप्रायझेस ( इतर इन्कम Rs १०३ कोटी ), RBL बँक, कॅनरा बँक या कंपन्यांचे तिसऱ्या तिमाहीचे निकाल चांगले आले.

M M फायनान्स, महिंद्रा लाईफ स्पेस, काँकॉर, यांचे तिसर्या तिमाहीचे निकाल ठीक आले.

राणे ब्रेक्स, बँक ऑफ इंडिया, वोकहार्ड, यांचे तिसऱ्या तिमाहीचे निकाल असमाधानकारक होते.

जेट एअरवेज त्यांना असलेल्या कर्जाचे शेअर्सचे रूपांतर करण्यासाठी २१ फेब्रुवारी २०१९ रोजी होणाऱ्या EGM ( एक्सट्राऑर्डिनरी जनरल मीटिंग) मध्ये शेअरहोल्डर्सकडून परवानगी मागेल.

BSVI च्या निकषामुळे ऑटो सेक्टरच्या अडचणी वाढतील. सेफ्टी नॉर्म्सचे पालन करण्यासाठी येणारा उत्पादन खर्च १०% ते २०% वाढेल. २ व्हिलर्सला त्रासहोईल. जुनी इंजिन दुरुस्त करण्याऐवजी नवीन इंजिन बसवणे योग्य होईल. कार सेगमेंटमध्ये डिझेल कारचा उत्पादन खर्च Rs १लाखापर्यंत वाढेल. ट्रक्सवर परिणाम होईल.अशोक लेलँड वर परिणाम होईल.

झी ग्रूपचे CEO सुभाष चंद्र यांनी आपल्या काही चुका झाल्या तसेच काही निर्णय चुकीचे सिद्ध झाले याची गुंतवणूकदार, शेअरहोल्डर्स, आणि कर्ज देणार्या बँका यांच्याकडे दिलगिरी व्यक्त करत कल्पना दिली. त्याच बरोबर मी आमचा ग्रुपमधला स्टेक विकण्याचा प्रयत्न करत आहे. हे डील झाल्यावर आमच्या ग्रुपची स्थिती सुधारेल असा विश्वास व्यक्त केला. भारताच्या कॉर्पोरेट इतिहासातील अशा प्रकारची ही पहिली घटना आहे. सुभाष चंद्र यांनी कॉर्पोरेट गव्हर्नन्सचा सुंदर इतिहास रचला त्यांच्या ग्रुपला कर्ज देण्याऱ्या बँकांनी त्यांना त्यांचा स्टेक विकण्याचे डील पूर्ण करण्यासाठी तीन महिन्यांची मुदत दिली त्यामुळे या ग्रूपचे पडत असलेले शेअर्स काही प्रमाणात सावरले.

श्री सिद्धार्थ यांना त्यांचा माईंड ट्री मधील स्टेक विकण्यास मनाई केली. याचा परिणाम कॅफे कॉफी डेच्या शेअर वर झाला.
ल्युपिनच्या पिथमपूर युनिटची USFDA कडून दुसऱ्या वेळेला तपासणी झाली. यात ६ त्रुटी दाखवल्या.

इंडोको रेमिडीज च्या गोवा युनिटमध्ये USFDA ने काही त्रुटी दाखवल्या.

DR रेड्डीज च्या मिर्यालगुडा याची तपासणी २८ जानेवारी २०१९ लापूर्ण झाली त्यात १ त्रुटी दाखवली

अल्ट्राटेक सिमेंटने जे बिनानी सिमेंटचे अक्विझिशन केले त्याची फिक्स्ड कॉस्ट त्यांना भारी पडते आहे. सरकारी निर्बंधांमुळे ते सिमेंटच्या किमती वाढवू शकत नाहीत.

आज अडानी ग्रुप आणि अनिल अंबानी ग्रुपचे शेअर्स पडले. हा काही राजकीय कारणांचा परिणाम आहे.

BSE निर्देशांक सेन्सेक्स ३५६५६ NSE निर्देशांक निफ्टी १०६६१ बँक निफ्टी २६६५३ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २५ जानेवारी २०१९

आज क्रूड US $६१.५८ प्रती बॅरल ते US $ ६१.७७ या दरम्यान तर रुपया US $१=Rs ७१.०७ ते US $ =Rs ७१.२१ या दरम्यान होते. US $ निर्देशांक ९६.४१ होता.

USA आता व्हेनिझुएलावर आर्थीक निर्बंध घालणार आहे. इराणनंतर व्हेनिझुएला हा दुसरा देश आहे ज्यावर USA आर्थीक निर्बध घालणार आहे.

आज गुड फ्रायडे होईल असे वाटलं होतं पण बॅड फ्रायडे म्हणायची वेळ मार्केटने आणली. आज झी एंटर प्रायझेस ने पहिला धक्का दिला. Rs ४३८ ला ओपन झालेला झी चा भाव दुपारी Rs २९० होता. डिमॉनेटायझेशनच्या काळात झीच्या अकौंटवर कोणीतरी रक्कम जमा केली अशी अफवा होती. त्याचबरोबर आता केबल ग्राहकांसाठी जी पॅकेजची योजना आणली आहे त्याचा परिणाम दर्शकांच्या संख्येवर आणि जाहिरातींपासून मिळणाऱ्या उत्पन्नावर होईल. या बातमीचा परिणाम सन टी व्ही, झी मेडिया, झी लर्न, यांच्या शेअरवर झाला. झी एंटरटेनमेंटचा शेअर पडायला सुरुवात झाली आणि मार्केटची वेळ संपेपर्यंत पडतच राहिला.

सुप्रीम कोर्टाने इंसॉल्व्हंसी कोड तसेच ठेवले.IBC ला आव्हान देणार्या सर्व याचिका रद्द केल्या.रेझोल्यूशन प्रक्रियेत प्रमोटर्स भाग घेऊ शकणार नाहीत हे निश्चित झाले.

SAIL आणि आर्सेलर मित्तल यांच्यात जॉईंट व्हेंचर होणार आहे.

लिंडे इंडियाचा डीलीस्टिंग प्लॅन रद्द झाला. लिंडे इंडियाची डिस्कव्हर्ड प्राईस Rs २०२५ झाली.हे प्रमोटर्सना पटले नाही म्हणून कंपनीने डीलीस्टिंग प्लॅन रद्द केला.

सवर्ण वर्गातील आर्थीक दुर्बल घटकांना दिल्या गेलेल्या आरक्षणाला स्थगिती देण्यास सुप्रीम कोर्टाने नकार दिला.

HUL आणि GSK कन्झ्युमर यांच्या मर्जरला CCI ची परवानगी मिळाली.

कोपरानला त्यांच्या मदाड युनिटसाठी क्लीन चिट मिळाली.

मारुतीचे तिसऱ्या तिमाहीचे निकाल निराशाजनक होते. प्रॉफिट Rs १४८९ कोटी ( यात Rs ९१७ कोटी इतर उत्पन्नाचा समावेश आहे.) उत्पन्न Rs १९६६८ कोटी तर EEBITDA मार्जिन ९.८% होते.

कच्चा माल आणि इतर ACCESORIES चा भाव वाढल्यामुळे मार्जिनवर ताण आला. फॉरेक्स उत्पन्नही कमी झाले. मारुतीची विक्रीही थोड्या प्रमाणात कमी झाली. त्यामुळे शेअर १०% ने पडला.

आज स्पेन्सरचे Rs २२५ वर लिस्टिंग झाले. CESC व्हेंचरचे लिस्टिंग Rs ५४५ वर लिस्टिंग झाले

फायझर, PNB हौसिंग, जिंदाल सॉ, बायोकॉन, NELCO, कोपरान, MPHASIS , हट्सन ऍग्रो, किर्लोस्कर ऑइल या कंपन्यांचे तिसऱ्या तिमाहीचे निकाल चांगले आले. रिलायन्स पॉवर, ICRA, कोकियो कॅम्लिन, सँटेक रिअल्टी, GSFC , राणे एंजिन यांचे तिसर्या तिमाहीचे निकाल असमाधानकारक आले.

इंडियन बँक, IOB यांचे तिसऱ्या तिमाहीचे निकाल निकाल सर्व साधारण होते. DHFL चे तिसऱ्या तिमाहीचे निकाल खराब होते. लिक्विडिटीची समस्या आहे. DLF च्या ऑफिसवर आज CBI ने छापे टाकले. म्हणून शेअर ५% पडला.

लार्सन आणि टुब्रोचे तिसऱ्या तिमाहीचे निकाल चांगले आले. प्रॉफिट Rs २०४२ कोटी,( YOY ३७% वाढ झाली). उत्पन्न २४% ने वाढून Rs ३५७०८ कोटी झाले. नव्या ऑर्डर्स Rs ४२२३३ कोटींच्या मिळाल्या. टोटल ऑर्डर बुक २.८४लाख कोटींचे झाले. EBITDA Rs ३९९७ कोटी, इतर उत्पन्न Rs ६०६ कोटी झाले.

IPO

CHALET या रहेजा ग्रुपच्या कंपनीचा IPO २९ जानेवारी ते ३१ जानेवारी ते ३१जानेवारी २०१९ या कालावधीत ओपन राहील. प्राईस बँड Rs २७५ ते Rs २८० असून मिनिमम लॉट ५३ शेअर्सचा आहे. दर्शनी किंमत Rs १० आहे. ५ फेब्रुवारीला अलॉटमेंट केली जाईल आणि ८ फेब्रुवारीला लिस्टिंग होईल.

वेध उद्याचा

• मार्केटची वेळ संपल्यानंतर लार्सन & टुब्रो चे निकाल चांगले आले. या शेअरवर लक्ष ठेवा.
• जानेवारी २९ HCLTECH , बजाज फायनान्स, बजाज फिनसर्व, ऍक्सिस बँक यांचे तिसऱ्या तिमाहीचे निकाल जाहीर होतील. तसेच CHALET हॉटेलचा IPO ओपन होईल.
• जानेवारी ३० ला IOC,NTPC, ICICI बँक, बजाज ऑटो यांचे तिसऱ्या तिमाहीचे निकाल जाहीर होतील.
• १ फेब्रुवारी SBI टायटन याचे तिसऱ्या तिमाहीचे निकाल जाहीर होतील. तसेच संसदेत सरकार अंतरिम अंदाजपत्रक सादर करेल

BSE निर्देशांक सेन्सेक्स ३६०२५ NSE निर्देशांक १०७८० बँक निफ्टी २७११५ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

तुमच्यापकी कोणी नवीन वर्षात काही नवीन शिकायचं ठरवलं असेल तर आपला पुढचा कोर्स २६-२७ जानेवारीला आहे. तुम्हाला अधिक माहिती या ब्लॉग पोस्ट मध्ये मिळेल 

आजचं मार्केट – २४ जानेवारी २०१९

आज क्रूड US $ ६०.८१ प्रती बॅरल ते US $ ६१ प्रती बॅरल तर रुपया US $१=Rs ७१.२३ ते US १= Rs. ७१.२८ या दरम्यान होते. US $ निर्देशांक ९६.१२ होते.

USA मधील शट डाऊन आणि UK चे ब्रेक्झिट डील हे प्रश्न आता दिवसेंदिवस चिघळत आहेत. अरुण जेटली वैद्यकीय उपचारासाठी USA ला गेले. त्यांच्या जागी आता पियुष गोयल हे रेल्वेमंत्रालयाबरोबरच तात्पुरता अर्थमंत्रालयाचा कारभार सांभाळतील. अंतरिम अंदाजपत्रकही पियुष गोयलच संसदेत सादर करतील. लागलीच मार्केटने लॉन्ग टर्म कॅपिटल गेन्स कर रद्द व्हावा म्हणून मागणी केली आहे.

व्हिडिओकॉन न्यू पॉवरच्या केसच्या संदर्भात CBI ने व्हिडिओकॉनच्या औरंगाबाद, मुंबई येथील ऑफिसवर छापे टाकले. चंदा कोचर, दीपक कोचर, आणि वेणुगोपाल धूत यांच्याविरुद्ध FIR ( फर्स्ट इन्फॉर्मेशन रिपोर्ट) दाखल केला.

येस बँकेच्या CEO पदाची सूत्रे रावनीत गिल हे १ मार्च २०१९ पासून स्वीकारतील. रावनीत गिल हे सध्या डच बँकेचे CEO आहेत. त्यांना बँकिंग क्षेत्रातील ३३ वर्षांचा अनुभव आहे. मार्केटला येस बॅंकेतला बदल पसंत पडला पण त्याचवेळी येस बँकेचे तिसर्या तिमाहीचे निकाल चांगले आले नाहीत. पण एक अनिश्चितता संपली. त्यामुळे येस बँकेच्या शेअरची किंमत Rs २५ ने वाढली. येस बँकेने आपले तिसर्या तिमाहीचे निकाल जाहीर केले. बँकेला Rs १००० कोटी प्रॉफिट, NII ( नेट इंटरेस्ट इनकम) Rs २६६७ कोटी झाले. बँकेचे ग्रॉस NPA २.१०% तर नेट NPA १.१८% होते. YES बँकेचा IL & FS ला Rs २५३० कोटीचा एक्स्पोजर आहे.

DR रेड्डीज या कंपनीने USA मध्ये जनरिक इंजेक्शन लाँच केले. त्याबरोबर त्यांनी बेशुद्धी वरचे ‘DIPRIVAN’ हे औषध USA मध्ये लाँच केले.

भारती एअरटेल आणि TTML यांच्या मर्जरला NCLT ने मान्यता दिली.

CESC या कंपनीमधून स्पिन ऑफ केलेल्या स्पेन्सर रिटेलचे २५ जानेवारी २०१९ रोजी लिस्टिंग होईल..

झी इंटरप्राइझेस या कंपनीत स्टेक घेण्यात TENCENT. अलीबाबा, अमेझॉन आणि सोनी यांनी स्वारस्य दाखवले.
ज्योती लॅब, VST इंडस्ट्रीज, कोलगेट, स्टरलाईट टेक्नॉलॉजीज, अल्ट्राटेक सिमेंट, एडेलवाईस फायनान्सियल, NIIT, शारदा क्रॉपकेम यांचे तिसऱ्या तिमाहीचे निकाल चांगले आले. सुप्रीम इंडस्ट्रीजचे तिसऱ्या तिमाहीचे निकाल ठीक आले.

डच कोर्टाने टाटा स्टील विरुद्ध ग्रॅफाइट एमिशन च्या तक्रारीचा शोध घेणे सुरु केले.

BSE निर्देशांक सेन्सेक्स ३६१९५ NSE निर्देशांक निफ्टी १०८४९ आणि बँक निफ्टी २७२६६ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

तुमच्यापकी कोणी नवीन वर्षात काही नवीन शिकायचं ठरवलं असेल तर आपला पुढचा कोर्स २६-२७ जानेवारीला आहे. तुम्हाला अधिक माहिती या ब्लॉग पोस्ट मध्ये मिळेल 

आजचं मार्केट – २३ जानेवारी २०१९

क्रूड US $ ६१.५५ प्रती बॅरल ते US $ ६१.७० प्रती बॅरल तर रुपया US $१=Rs ७१.१९ ते US $१=Rs ७१.३३ या दरम्यान होते. US $ निर्देशांक ९६.३४ होता. इंडिया NIX १८.१४ होते.

आता USA मध्ये चालू असलेल्या ‘शट डाऊन’ ची चिंता सगळ्यांना वाटू लागली आहे. जागतिक अर्थव्यवस्था स्लो डाऊन होत आहे असे मत DAVOS इकॉनॉमिक फोरम मध्ये व्यक्त केले गेले. त्यातच भारतात येऊ घातलेल्या निवडणुका आणि त्यामुळे लोकांना खुश करणाऱ्या अंदाजपत्रकामुळे अर्थव्यवस्थेवरचा ताण वाढेल. आज मार्केटमध्ये व्हॉल्युम कमी होते. याला मार्केटच्या भाषेत ड्राय मार्केट म्हणतात. त्यामुळे सुरुवातीला २०ते २५ बेसिस पाईंट्सच्या रेंज मध्ये मार्केट फिरत राहिले. पण शेवटच्या तासात ITC मुळे मार्केट कोसळले.

कर्नाटक हायकोर्टाची NMDC च्या दोनामलाई माईन्स संबंधातील सुनावणी २८ जानेवारी २०१९ पर्यंत पुढे ढकलली.
भेलला महाराष्ट्रात ६६० MW ची Rs ३७५ कोटीचे भुसावळ युनिटची ऑर्डर मिळाली.

सरकारने GST अपीलेट ट्रायब्युनल बनवायला मंजुरी दिली.

आज विप्रोच्या शेअरची किंमत Rs ३५५.८० या आपल्या १९ वर्षाच्या हायवर होती .

वेगवेगळ्या कंपन्या त्यांचे तिसऱ्या तिमाहीचे निकाल जाहीर करत आहे. यातील डिशमन फार्मा, रेडीको खेतान, ओरिएंट पेपर, DB कॉर्प, रेमंड्स, प्रीमियर एक्स्प्लोझिव्ज, ITC, कॅनफिना होम्स, एस्सेल प्रोपॅक, या कंपन्यांचे निकाल चांगले आले.  BASF ही कंपनी फायद्यातून तोट्यात गेली. विजया बँकेचे प्रॉफिट, आणि NII वाढले पण ग्रॉस NPA आणि नेट NPA मध्ये वाढ झाली. बँक ऑफ महाराष्ट्रला Rs ३७६४ कोटी तोटा झाला. Rs ४४२२ कोटींची प्रोव्हिजन करावी लागली. त्यांच्या ग्रॉस NPA आणि नेट NPA मध्ये थोडी सुधारणा झाली आहे.

कोटक महिंद्रा बँक RBI बरोबर स्टेक कमी करण्याच्या बाबतीत आऊट ऑफ कोर्ट सेटलमेंट करण्याच्या प्रयत्नात आहे.

ICICI PRU चे CEO संदीप बक्षी यांची ICICI बँकेचे CEO म्हणून नेमणूक झाल्यामुळे तसेच कंपनीचा तिसऱ्या तिमाहीचे निकाल अपेक्षेप्रमाणे नसल्यामुळे ICICI PRU हा शेअर पडला.

आज मारुतीने न्यू जनरेशन WAGNOR R आणि टाटा मोटर्सने ‘HARRIER’ ही दोन नवीन मॉडेल्स लाँच केली.

ब्रिटानिया निफ्टीमध्ये समाविष्ट होणार आनि HPCL किंवा भारती इन्फ्रा टेल निफ्टीमधून बाहेर पडेल.

BSE निर्देशांक सेन्सेक्स ३६१०८ NSE निर्देशांक निफ्टी १०८३१ बँक निफ्टी २७२५० वर बंद झाले

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

तुमच्यापकी कोणी नवीन वर्षात काही नवीन शिकायचं ठरवलं असेल तर आपला पुढचा कोर्स २६-२७ जानेवारीला आहे. तुम्हाला अधिक माहिती या ब्लॉग पोस्ट मध्ये मिळेल 

आजचं मार्केट – २२ जानेवारी २०१९

आज क्रूड US $ ६२.०४ प्रती बॅरल ते US $६२.७४ प्रती बॅरल या दरम्यान तर रुपया US १=Rs७१.२७ ते US १=Rs ७१.४४ या दरम्यान होते.

डावोस मध्ये आजपासून वर्ल्ड इकॉनॉमिक फोरम सुरु झाली.  सध्या चीनची आर्थीक स्थिती बिघडते आहे असे दिसते. त्यामुळे राजकीय अस्थिरतासुद्धा आली आहे. युआनचे पुन्हा एकदा डिव्हॅल्युएशन केले जाण्याची शक्यता वर्तवली जात आहे.

मलेशियाहुन ग्लासेसचे डम्पिंग होते आहे. हे ग्लास सोलर पॅनेलसाठी वापरले जातात.यावर US $११४.५८ प्रती टन एवढी ANTIDUMPING ड्युटी लावणार आहेत असे समजते. DGTR (डायरेक्टर जनरल ऑफ ट्रेड अँड रेमिडीज) यांनी परवानगी दिली की ही ड्युटी लागू होईल. याचा फायदा गुजरात बोरोसिल, आणि बोरोसिल ग्लास यांना होईल.
कोटक महिंद्र बँक RBI बरोबर समझोता करण्याची शक्यता आहे. स्टेक कमी करण्यासाठी वेळ मागून घेतला जाण्याची शक्यता आहे.

मेडिकल इक्विपमेंटवरची ड्युटी १०% वरून २.५% केली जाणार आहे. याचा फायदा BPL, इंद्रप्रस्थ मेडिकल यांना होईल.
टेक्सटाईल क्षेत्रालाही काही सवलती मिळण्याची शक्यता आहे.

प्रभात डेअरी त्यांचा दुग्ध व्यवसाय एका फ्रेंच कंपनीला Rs १७०० कोटींना विकणार आहे. या कंपनीची मार्केट कॅप Rs ९०० कोटी आहे. यामुळे हा शेअर प्रथम अपर सर्किटला होता. Rs १११.६५ भाव होता. पण दुग्ध व्यवसाय या कंपनीच्या उत्पन्नापैकी ९८% उत्पन्न मिळवून देतो. या विक्रीचा मायनॉरिटी शेअर होल्डर्सला काय फायदा होईल हे कंपनीने स्पष्ट केले नाही तसेच शेअर होल्डर्ससाठी ओपन ऑफर येणार नाही. दूरदर्शनच्या वाहिन्यांवर कॉर्पोरेट गव्हर्नन्सचा प्रश्नआहे असे सांगितले. त्यामुळे हळू हळू हा शेअर आपल्या किमान भाव पातळीवर पोहोचला.

सन फार्माने त्यांच्याविषयी केलेल्या तक्रारीचे स्पष्टीकरण दिल्यावर सन फार्मा आणि स्पार्क हे दोन्ही शेअर्स वाढले.

३० जानेवारी २०१९ रोजी NTPC ही पॉवर क्षेत्रातील सरकारी कंपनी आपल्या बोर्ड ऑफ डायरेक्टर्सच्या मीटिंगमध्ये बोनस शेअर्स इशू करण्याविषयी विचार करेल.

सरकारने असे सांगितले की IL & FS चा प्रश्न येत्या तीन ते चार महिन्यात सुटेल. IL & FS च्या सब्सिडियरींज तीन भागात वर्गीकृत केल्या आहेत. ज्या सबसिडीअरी रेड म्हणून वर्गीकृत केल्या आहेत त्या विकून टाकल्या जातील. राहिलेल्या सबसिडीअरीज साठी सरकार RBI कडून विशेष मंजुरी घेईल.

रिलायंस कॅपिटलने त्यांचा GIC हौसिंग मधील ३.९% स्टेक विकला.

झेनसार टेक्नॉलॉजी आपला नॉनकोअर बिझिनेसमधील स्टेक विकणार आहे. ही कंपनी आपला ऑस्ट्रेलिया, मिडल ईस्ट आणि भारतातील नॉनकोअर बिझिनेसमधील स्टेक विकेल.

TVS मोटर्सचा तिसऱ्या तिमाहीचा निकाल चांगला आला. प्रॉफिट Rs १७८ कोटी, उत्पन्न Rs ४६६४ कोटी, EEBITDA मार्जिन ८.१% होते. विक्री २०% ने वाढली. कंपनीने ९.८९ लाख युनिट विकली

काल HDFC AMC या कंपनीचे तिसऱ्या तिमाहीचे निकाल चांगले आले.

हॅवेल्स चे प्रॉफिट Rs १९६ कोटी, उत्पन्न Rs २५१८ कोटी, EBITDA मार्जिन ११.७% होते.या कंपनीला Rs २१ कोटी ONE TIME गेन आहे.

श्री सिमेंट या कंपनीचा तिसर्या तिमाहीचा निकाल चांगला आला. कंपनीने Rs २५ प्रती शेअर अंतरिम लाभांश जाहीर केला.
अलेम्बिक फार्मा, रिलायन्स निपोंन या कंपन्यांचे तिसऱ्या तिमाहीचे निकाल चांगले आले. रिलायन्स निपोनने Rs ३ प्रती शेअर अंतरिम लाभांश जाहीर केला.

एशियन पेंट्स या कंपनीचे प्रॉफीटस Rs ६४७ कोटी तर उत्पन्न Rs ५२९४ कोटी झाले. मार्जिन १९.७ % होते.

राणे मद्रास या कंपनीचे तिसऱ्या तिमाहीचे निकाल असमाधानकारक होते. कंपनी फायद्यातून तोट्यात गेली.

मूडीजने ऑइल इंडियाचे रेटिंग B aa २ कायम केले.

वेध उद्याचा

• उद्या ITC, रेमंड्स, भारती इंफ्राटेल, युनायटेड स्पिरिट्स, उज्जीवन, इंडिगो, आणि R कॉम नवीन फ्लोरिन, रेडीको खेतान आपले तिसऱ्या तिमाहीचे निकाल जाहीर करतील.

BSE निर्देशांक सेन्सेक्स ३६४४४ NSE निर्देशांक निफ्टी १०९२२ बँक निफ्टी २७४८२ वर बंद झाले..

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

तुमच्यापकी कोणी नवीन वर्षात काही नवीन शिकायचं ठरवलं असेल तर आपला पुढचा कोर्स २६-२७ जानेवारीला आहे. हा कोर्से १० जणांसाठी आहे आणि आता फक्त ६ सीट्स उरलेल्या आहेत .  तुम्हाला अधिक माहिती या ब्लॉग पोस्ट मध्ये मिळेल 

आजचं मार्केट – २१ जानेवारी २०१९

आज क्रूड US $ ६२.४२ प्रती बॅरल आणि US $६२.९२ प्रती बॅरल तर रुपया US $१=Rs ७१.२४ ते US १=Rs ७१.४४ या दरम्यान होते. US $ निर्देशांक ९६.३५ होता.

आज मार्टिन ल्युथर किंग डे USA मध्ये साजरा होत असल्यामुळे USA मधील मार्केट्स बंद होती. चीन आणि USA यांच्यातील टॅरीफ बसवण्याला तीन महिन्यांची स्थगिती दिली असल्यामुळे चीन मधील व्यापाऱ्यांनी निर्यातीचे प्रमाण वाढवले. त्यामुळे चीनचा IIP ५.७ आणि GDP ६.६% होता. चीन आणि USA मधील टॅरीफ वॉरचे प्रमुख कारण म्हणजे आयात आणि निर्यातीमध्ये असलेला फरक, पण चीन आता USA मधून करण्यात येणारी आयात वाढवणार आहे. USA लाही आता कळून चुकले आहे की टॅरिफ वॉर मुळे आपलेही नुकसान होत आहे त्यामुळे दोघांनकडूनही थोडे नरमाईचे धोरण अवलंबले जात आहे.

मार्केट मध्ये तेजी येते पण ती टिकाव धरत नाही. कारण हाताच्या बोटावर मोजता येतील एवढ्या शेअर्समध्ये ही तेजी येते. HDFC HDFC बँक TCS अशा मोजक्या शेअर्समध्ये तेजी होती त्यामुळे ब्रेकआऊट टिकत नाही.

L &T चा शेअर BUY बॅक तांत्रिक बाबींमुळे रद्द झाला. सेबीने शेअर BUY बॅक ला परवानगी दिली नाही. BUY बॅक केल्यानंतर डेट इक्विटी रेशियो २ पेक्षा जास्त असता कामा नये असा नियम आहे. सेबीने यासाठी कन्सॉलिडिटेड फायनान्सियल्स विचारात घेतले. यामध्ये L & T फायनान्स या कंपनीचाही समावेश आहे. फायनान्स कंपन्यांचा हा रेशियो नेहेमीच जास्त असतो . शेअर BUY बॅक करण्याच्या बाबतीत कन्सॉलिडिटेड फायनान्सियल्स बघावेत की स्टॅन्डअलोन बेसिस वरचे फायनान्सियलस बघावेत याविषयी नियमात कोठेंही उल्लेख नाही असे L & T चे म्हणणे आहे. मार्केटला मात्र शेअर BUY बॅक आणताना एवढ्या मोठ्या आणि सुप्रस्थापित कंपनीकडून अशी चूक कशी झाली हे समजणे कठीण झाले. त्यामुळे सुरुवातीला शेअर पडला.पण L & T Rs ५३ प्रती शेअर लाभांश जाहीर करण्याची शक्यता आहे असे CLSA ने सांगितल्यावर शेअर वाढला

कोटक महिंद्रा बँकेचे तिसऱ्या तिमाहीचे निकाल जाहीर झाले. प्रॉफिट Rs १२९० कोटी, NII Rs २९३९ कोटी, GNPA २.०७% तर NNPA ०.७१%, लोन ग्रोथ ४३%, NIM ४.३३% होते. हा कोटक बँकेचा तिमाही निकाल अपेक्षेप्रमाणेच आहे.
हुडकोचे तिसऱ्या तिमाहीचे निकाल चांगले आले. हिंदुस्थान झिंक या कंपनीचे तिसऱ्या तिमाहीचे निकाल अपेक्षेप्रमाणे असले तरी Q ON Q कमी झाले. इतर आय Rs ५५० कोटी होते.

युनियन बँकेचे तिसऱ्या तिमाहीचे निकाल ( तोट्यातून फायद्यात आली) चांगले आले पण फ्रेश स्लीपेजिस(NPA) वाढल्यामुळे शेअर पडला. सौथ इंडियन बँकेचे तिसऱ्या तिमाहीचे निकाल असमाधानकारक होते.HDFC बँक, SBI लाईफ आणि ICICI लोंबार्ड यांचे तिसऱ्या तिमाहीचे निकाल चांगले आले.

LICने IDBI बँकेचे अधिग्रहण पुरे केले. यामुळे आता LIC ला IDBI बँकेच्या प्रमोटरचा दर्जा मिळाला.

रिलायन्स पॉवरने आंध्र डिस्कॉम विरुद्धचा Rs ३०० कोटींचा दावा सुप्रीम कोटातून मागे घेतला. आता याबाबतीत CERC निर्णय घेईल.

RBI ने असे सांगितले की ‘PCA ‘ चे नियम सोपे करणे आणि CRR आणि CRAR ( कॅपिटल टू रिस्क वेटेड असेट्स ) याचे नियम सोपे करणे यावर अर्थ मंत्रालय आणि RBI यांच्यात एकमत झाले आहे. .RBI लवकरच या संदर्भात आपली भूमिका स्पष्ट करेल. हे नियम सोपे केल्यावर ज्या बँकांनी NPA च्या वसुली मध्ये भरीव कामगिरी केली आहे त्यांना PCA मधून बाहेर काढता येईल.

आज सन फार्माने सेबीला पत्र लिहून कळवले आहे की त्यांनी WHISTLEBLOWER ने केले ल्या तक्रारीची पूर्ण चौकशी करावी. त्यांनी असेही सांगितले की कंपनी आदित्य मेडिसेल्स या सबसिडीअरी कंपनीचे पुनर्गठन करेल.

SFIO (सिरीयस फ्रॉड इन्व्हेस्टीगेशन ऑफिस) ने आज जाहीर केले की NSEL घोटाळ्यात DCB बँकेचाही सहभाग होता. बँकेच्या व्यवस्थापनाने ताबडतोब याचा इन्कार केला. पण शेअर पडायचा तो पडलाच !

विशेष लक्षवेधी

खालील मिडकॅप शेअर्स ३१ डिसेंबर २०१८ ला संपलेल्या सहा महिन्याच्या एव्हरेज मार्केट कॅपिटलायझेशनच्या आधारावर लार्जकॅपमध्ये वर्गीकृत झाल्या.

(१) इंडिया बुल्स व्हेंचर्स
(२) पेज इंडस्ट्रीज
(३) डिव्हीज लॅब
(४) L &T इन्फोटेक
(५) बर्गर पेंट्स
(६) युनायटेड ब्रुअरीज
(७) GSK कन्झ्युमर हेल्थकेअर

खालील कंपन्या लार्जकॅप मधून मिडकॅपमध्ये वर्गीकृत झाल्या

(१) BEL
(२) BHEL
(३) भारत फोर्ज
(४) सन टी व्ही
(५) AB कॅपिटल
(६) हिंदुस्थान एरोनॉटिक्स
(७) श्रीराम ट्रान्सपोर्ट फायनान्स
(८) टी व्ही एस मोटर्स.

वेध उद्याचा

• उद्या एशियन पेंट्स, श्री सिमेंट्स, हॅवेल्स, ICICI प्रु, HDFC लाईफ, ICICI बँकेचे तिसऱ्या तिमाहीचे निकाल जाहीर होतील. याकडे लक्ष ठेवावे.
  तसेच उद्यापासून डावोस येथे मीटिंग चालू होणार आहे
• BSE निर्देशांक सेन्सेक्स ३६५७८ NSE निर्देशांक निफ्टी १०९६२ आणि बँक निफ्टी २७५३३ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

तुमच्यापकी कोणी नवीन वर्षात काही नवीन शिकायचं ठरवलं असेल तर आपला पुढचा कोर्स २६-२७ जानेवारीला आहे. हा कोर्से १० जणांसाठी आहे आणि आता फक्त ६ सीट्स उरलेल्या आहेत .  तुम्हाला अधिक माहिती या ब्लॉग पोस्ट मध्ये मिळेल 

आजचं मार्केट – १८ जानेवारी २०१९

आज क्रूड US $६१.७० प्रती बॅरल ते US $६१.८२ प्रती बॅरल या दरम्यान तर रुपया US $१=Rs ७१.०७ ते US $१=Rs ७१.२१ यादरम्यान होते. US $ निर्देशांक ९६.०५ होता. VIX १६.६३ होते.

अतुल लिमिटेड, धनलक्ष्मी बँक ( ही बँक तोट्यातून फायद्यात आली), कजारिया सिरॅमिक्स, NIIT TECH, L &T इन्फोटेक, मुथूट कॅपिटल सर्व्हिसेस या कंपन्यांचे तिसऱ्या तिमाहीचे निकाल चांगले आले.

खाद्य मंत्रालयाने ८० औषधांवर ( यात मुख्यतः ताप, पोटदुखी यासारख्या आजारांसाठी असलेली) बंदी घातली. यात ग्लेनमार्क फार्मा, ALKEM लॅब, ABBOT लॅब, WOCHKARDT, सिप्ला या कंपन्यांनी बनवलेल्या औषधांचा समावेश आहे. या औषधांची मार्केट कॅप Rs ११५० कोटींची आहे.

वोडाफोनने Rs ४८०० कोटी करपरताव्यासाठी अर्ज केला होता. दिल्ली हायकोर्टाने हा अर्ज रद्दबातल ठरवला होता. सुप्रीम कोर्टाने केंद्र सरकारला नोटीस पाठवून सरकारचे स्पष्टीकरण मागवले आहे.

सरकारने चीन, बांगलादेश, इंडोनेशिया, मलेशिया या देशात साखरेची निर्यात करण्याची शक्यता अजमावण्यासाठी एक टीम पाठवली होती. इंडोनेशिया आणि मलेशिया यांनी साखर आयात करण्यासाठी आपला होकार कळवला आहे.
ऑरोबिंदो फार्मा या कंपनीने ७ ऑन्कोलॉजी औषधांचे ( कॅन्सर ट्रीटमेंट) हक्क US $३०० मिलियन ला विकत घेतले. त्यांच्यापैकी US $१६०मिलियन लगेच द्यायचे आहेत.

अडानी BASF या केमिकल क्षेत्रातील दिग्गज कंपनीबरोबर मुंद्रा येथे Rs १४००० कोटी खर्च करून पेट्रो केमिकल प्लांट उभा करणार आहे. सध्या जी केमिकल्स आयात करावी लागतात ती आता या प्लांट मध्ये उत्पादित केली जातील.

सन फार्मा या कंपनीविरुद्ध मनिलाईफ या विसलब्लोअरने १७२ पानांची कॉर्पोरेट गव्हर्नन्ससंबंधात सेबीकडे तक्रार केली होती. सन फार्माची औषधे भारतात मेडिसेल्स ही कंपनी वितरीत करते.ही कंपनी आणि सन फार्मा यांच्यात मोठ्या रकमांचे व्यवहार होतात. हे व्यवहार अपारदर्शक रीतीने होतात. तरी सन फार्माने या व्यवहारांविषयी माहिती द्यावी असे तक्रार करणाऱ्याचे म्हणणे आहे. सन फार्माने अशी काही तक्रार आपल्याला मिळाली नाही असे जाहीर केले.

विप्रोने आपल्याजवळ ३ शेअर्स असतील तर त्यावर १ बोनस शेअर जाहीर केला. तसेच Rs १ प्रती शेअर अंतरिम लाभांश जाहीर केला. रेव्हेन्यू २%ने वाढला. मार्जिन १९.८% राहिले. EBIT १२.५% ने वाढले. फायदा Rs ३२ % वाढ झाली. फायदा Rs २५४५ कोटी झाले.विप्रोचे तिसऱ्या तिमाहीचे निकाल चांगले आले. निकाल अपेक्षेपेक्षा चांगले आले.

BSE निर्देशांक सेन्सेक्स ३६३८३ NSE निर्देशांक निफ्टी १०९०६ बँक निफ्टी २७४५६ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!