Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २८ फेब्रुवारी २०१९

आज क्रूड US $६६.१३ प्रती बॅरल ते US$६६.२० प्रती बॅरल या दरम्यान तर रुपया US $१=Rs ७१.१० ते US $१=Rs ७१.२६ या दरम्यान होते. US $ निर्देशांक ९६ तर VIX १८.१८ होते.

USA आणि चीन यांच्या टॅरिफ वॉरमध्ये अजून काही समस्या आहेत. त्या मिटल्याशिवाय USA माघार घेईल असे वाटत नाही US $३०००० बिलियन एवढा ऍग्री इम्पोर्ट आम्ही करू असे चीनने सांगितले. पण USA चा प्रश्न तंत्रज्ञानाच्या बाबतीत आहे. तंत्रज्ञानाचा गैरवापर आणि पेटंट, चलनाच्या किमतीमध्ये वारंवार केले जाणारे बदल हे मुख्य विषय आहेत. USA चे अध्यक्ष डोनाल्ड ट्रम्प आणि उत्तर कोरियाचे किम जॉन्ग यांच्यातील बैठक अनिर्णीतावस्थेत संपली.

USA मध्ये क्रूडचे उत्पादन वाढत असल्यामुळे क्रूडची किंमत स्थिरावली आहे.

चीनच्या अर्थव्यवस्थेविषयीचा डाटा खराब आल्यामुळे मेटल्ससंबंधीत शेअर्स पडले.

बँक ऑफ जपान आणि RBI यांनी करन्सी स्वॅपसाठी करार केला आहे. यामुळे भारतीय मार्केट्समध्ये US $ची मागणी कमी होईल आणि रुपयावरील दबाव कमी होईल.

PEACE डेच्या निमित्ताने तैवानची मार्केट्स बंद होती.

भारताने केलेल्या आवाहनाला प्रतिसाद देऊन USA, फ़्रान्स, आणि UK या राष्ट्रांनी मसूद अझहर याला ब्लॅक लिस्ट मध्ये टाकण्याचा प्रस्ताव दिला. जवळजवळ बर्याच राष्ट्रांनी पाकिस्तानवर दबाव वाढवला जिनेवा कराराचे पालन करण्यास सांगितले. त्यामुळे पाकिस्तान पकडलेल्या भारतीय वैमानिकाला बिनशर्त भारताकडे सुपूर्द करण्यास तयार झाले.

आज GDP चे आकडे आले. तिसऱ्या तिमाहीत GDP ग्रोथरेट ६.६% राहिला.पहिल्या तिमाहीचा सुधारित GDP ग्रोथरेट ८% तर दुसऱ्या तिमाहीचा सुधारित GDP ग्रोथरेट ७% राहिला. वित्तीय वर्ष २०१९ साठी GDP ग्रोथरेट ७% ची लक्ष्य निश्चित केले आहे.

आज मंत्रिमंडळाच्या बैठकीत खालील योजना/ धोरण मंजूर होण्याची शक्यता आहे

(१) नॅशनल मिनरल पॉलिसी
(२) FAME २ कार्यक्रमाअंतर्गत इलेक्ट्रिक व्हेईकल साठी सबसिडी दिलि जाईल. ६०,००० EV वर Rs २,५०,००० प्रती EV कार, आणि हायब्रीड कार साठी Rs २०,००० सबसिडी दिली जाईल. सरकार या सबसिडीसाठी Rs १०,००० कोटींची तरतूद करणार आहे.
(3) सॉफ्टवेअर प्रॉडक्टसाठी नॅशनल पॉलिसी मंजूर केली जाईल.
(4) वोडाफोन आयडियामध्ये FDI (US $ ४८९०) ला मंजुरी मिळेल.

थंडी कमी होऊन उन्हाळा सुरु झाला आहे याची नोंद मार्केटने घेतली. हॅवेल्स,ब्लु स्टार, सिम्फनी आणि वोल्टास या कंपन्या आज तेजीत होत्या.

SREI इन्फ्रा आणि R COM हे वायदा मार्केटमधून बाहेर पडतील.

उद्यापासून रावनीत गिल येस बँकेत रिझ्युम होतील आणि कारभाराची सूत्रे सांभाळतीत.

फ्युचर रिटेल आणि ‘7ELEVEN’ मध्ये फ्रॅंचाइज स्टोर्स उघडण्यासाठी करार झाला.

१ मार्च २०१९ रोजी होणाऱ्या सेबी च्या बैठकीत रेटिंग एजन्सीजच्या कामात पारदर्शकता यावी म्हणून काही नियम बदलले जातील तर काही नवीन नियम केले जातील. एका कंपनीचे रेटिंग आळीपाळीने वेगवेगळ्या रेटिंग एजन्सीजना द्यावे. IPO जर Rs १०० कोटींचा असेल तर २ आणि ५०० कोटी किंवा जास्त रकमेचा असेल तर ३ रेटिंग एजन्सीजचे रेटिंग लागेल. रेटिंग एजन्सीजनी योग्य वेळेला धोक्याचा इशारा न दिल्यामुळे त्यांची उपयोगिताच संपुष्टात येती.आणि ज्या हेतूने रेटिंग केलेले असते तो हेतू साध्य न झाल्यामूळे गुंतवणूकदारांचे नुकसान होते.

एस्सार स्टील या कंपनीच्या रेझोल्यूशन बद्दल ३ मार्चपर्यंत निर्णय घ्या असे NCLAT ने NCLT ला सांगितले. NCLAT मध्ये या केसची सुनावणी १४ मार्चला होईल.

इराण भारताकडून रॉ शुगर खरेदी करणार आहे.

क्विक हील या कंपनीची ५ मार्च २०१९ रोजी शेअर BUY BACK वर विचार करण्यासाठी बोर्ड ऑफ डायरेक्टर्सची बैठक आहे.

PANACEA बायोटेक ही कंपनी आपला रिअल इस्टेट व्यवसाय वेगळा करणार आहे. कंपनीची व्हॅल्यू Rs १२०० कोटी आहे पण त्यापैकी रिअल इस्टेटीचे व्हॅल्यूएशन Rs ७००कोटींचे आहे. ही कंपनी ‘ NO DEBT’ कंपनी होईल.

मार्च महिन्यातील महत्वाच्या घटना

(१) १ मार्च रोजी ऑटो विक्रीचे आकडे येतील.
(२) १२ मार्चला IIP आणि CPI चे आकडे येतील.
(३) फेडची FOMC ची मीटिंग १९ आणि २० मार्चला होईल.
(४) २९ मार्च २०१९ या दिवशी ब्रेक्झिट होईल. म्हणजे UK युरोपियन युनियन मधून बाहेर पडेल.
(५) ५ मार्च रोजी राममंदिरासंबंधात सुप्रीम कोर्टात सुनावणी होईल.

मार्च महिन्याच्या उत्तरार्धात लोकसभेच्या सार्वत्रिक निवडणुकीची अधिसूचना जाहीर केली जाईल.

BSE निर्देशांक सेन्सेक्स ३५८६७ NSE निर्देशांक निफ्टी १०७९२ वर बँक निफ्टी २६७८९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २७ फेब्रुवारी २०१९

आज क्रूड US $ ६५.२१ प्रती बॅरल ते US$ ६५.६५ प्रती बॅरल या दरम्यान तर रुपया US $१=Rs ७०.९४ ते US $१=Rs ७१.३२ होता. US $ निर्देशांक ९६.३४ होता. VIX १५.८१वरून १९.४५ होते.

आज मार्केटने भारत आणि पाकिस्तान यांच्यातील संघर्ष वाढेल ही भीती मागे टाकली.मात्र जेव्हा जेव्हा या संबंधातील माहिती आली तेव्हा मार्केटमध्ये प्रॉफिट बुकिंग झाले. आज VIX वोलॅटिलिटी निर्देशांक १५.८१ वरून १९.४५ झाला. भारत आणि पाकिस्तानमधील संघर्ष मोठे स्वरूप धारण करणार नाही असे तज्ञानी सांगितल्यावर मार्केट पुन्हा सावरत होते. ज्यांना एंट्री आणि एक्झिट पटापट करता येत असेल त्यांनी अशा मार्केटमध्ये ट्रेडिंग करावे.नाहीतर साईडलाईनला राहून फक्त अनुभव घ्यावा.

USA आता क्रूड निर्यात करत असल्याने क्रूडची किंमत कमी होण्यात त्यांना स्वारस्य नाही. ट्रम्प यांनी असे सांगितले चीनवरील निर्बंध लागू करण्याची तारीख पुढे ढकलण्याची शक्यता आहे. USA चे अध्यक्ष ट्रम्प आणि उत्तर कोरियाचे किम जॉन्ग यांची बैठक आहे.

अलाहाबाद बँक, कॉर्पोरेशन बँक, धनलक्षमी बँक या तीन बँका PCA ( प्रॉम्प्ट करेक्टिव्ह एक्शन) मधून बाहेर आल्या. आता या बँका त्यांच्या विस्तार योजना अमलात आणू शकतील, तसेच PCA खालील इतर निर्बंधही त्यांना लागू होणार नाहीत. त्यामुळे या बँकांच्या शेअर्स मध्ये तेजी आली.

मॅक्स (इंडिया) ही कंपनी मॅक्स बुपा मधील ५१% स्टेक विकणार आहे. याचा फायदा मॅक्स इंडिया आणि मॅक्स फायनान्सियल यांना होईल. या कंपनीचे Rs १००० कोटी व्हॅल्युएशन झाले त्यामुळे मॅक्स इंडियाला Rs ५०० कोटी मिळतील.

सरकार ४००० नवीन बसेसची ऑर्डर टाटा मोटर्स आणि अशोक लेलँड यांना देणार आहे.

केंद्र सरकारने सोलर पॅनलच्या ग्लासवर ५ वर्षांसाठी अँटी डम्पिंग ड्युटी US $११४.५८ प्रती टन लावली. याचा फायदा टेक्श्चरड आणि टेम्पर्ड ग्लास बनवणाऱ्या गुजरात बोरोसिल आणि ला ओपाला, बोरोसिल ग्लास यांना होईल.

P S .रेड्डी यांची MCX चे CEO म्हणून नेमणूक झाली आहे. P S रेड्डी यांना CDSL चा अनुभव आहे.

कॉन्फिडन्स पेट्रो आणि टाइम टेकनो यांनी LPG सिलेंडर संबंधात सरकारबरोबर करार केला.

ONGC ने CNG साठी जपान बरोबर करार केला. जपानमध्ये CNG चा खप खूप आहे.

HDFC AMC (Rs १२ प्रती शेअर लाभांश) आणि सनोफी (Rs ६६ प्रती शेअर लाभांश), मर्क ( Rs ४४० प्रती शेअर लाभांश ) यांचे निकाल चांगले आले.

रेन इंडस्ट्रीज चा निकाल असमाधानकारक होता. कंपनी फायद्यातून तोट्यात गेली.

BEML या सार्वजनिक क्षेत्रातील सरकारी कंपनीला मेट्रो ट्रेन साठी Rs ४०० कोटींची ऑर्डर मिळाली.

आंध्र प्रदेशातील भोगापूरम ग्रीनफिल्ड एअरपोर्ट पप्रोजेक्टसाठी GMR इंफ्रानी सर्वात जास्त बोली लावली.

BSE निर्देशांक सेन्सेक्स ३५९०५ NSE निर्देशांक निफ्टी १०८०६ बँक निफ्टी २६७९९ वर बंद झाले

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – २६ फेब्रुवारी २०१९

आज क्रूड US $६४.६२ प्रती बॅरल ते US $६४.८३ प्रती बॅरल या दरम्यान तर रुपया US $१=Rs ७१.०२ ते US $१=Rs ७१.११ या दरम्यान होते. US $ निर्देशांक ९६.३४ होता.

आज भारताच्या हवाई दलाने पाकिस्तानमधील दहशतवादी ठिकाणांवर हवाई हल्ले करून आपल्या हुतात्मा झालेल्या ४० मिलिटरीच्या सहकाऱ्यांना श्रद्धांजली वाहिली. जेव्हा ही बातमी आली तेव्हा मार्केटमध्ये घबराट पसरली आता युद्धजन्य परिस्थिती निर्माण होते की काय? ताणतणाव वाढतो की काय? अशी भीती वाटू लागली आणि मार्केट पडू लागले.जवळजवळ ४५० पाईंट सेन्सेक्स पडले परंतु जेव्हा संरक्षण तज्ञानी सांगितले की हा हल्ला ‘हल्ला’ नव्हता पाकिस्तानवर आक्रमण करण्याचा उद्देशही नव्हता. आम्हाला पाकिस्तानी नागरिकांना कोणत्याही प्रकारचा त्रास द्यायचा नव्हता. पण त्याच बरोबर आम्ही भ्याड नाही, काहीही गैर सहन करणार नाही, तोडीस तोड उत्तर देऊ आणि अतिरेकी कारवाया करणाऱ्यांना चांगलाच धडा शिकवू हे पटवून द्यायचे होते आणि ग्वाही दिली की भारत आणि पाकिस्तानमध्ये संघर्ष वाढणार नाही. तेव्हा मार्केट हळू हळू सावरले आणि पूर्वस्थितीवर आले.

सध्या मार्केटचे फिबोनासी रिट्रेसमेंट लेव्हल १०९१५ (निफ्टी) आहे.काल मार्केटने ५०, १००, २०० DMA चा स्तर आरामात पार केला. १०९१५ च्यावर जेव्हा मार्केट(निफ्टी) आरामात ट्रेड करू लागेल तेव्हाच ते टिकाऊ होईल आणि निफ्टी ११००० ला पोहोचेल. नाहि तर पुन्हा एकदा बेअर्सना संधी मिळेल.

स्कायमेट या संस्थेने यावर्षी सामान्य पाऊस पडेल असे सांगितले. अलनिनो चा प्रभाव फारसा पडणार नाही. त्यामुळे दुष्काळाचा धोका कमी होईल.

सेबीने आनंद राठी आणि जिओजित सिक्युरिटीज यांच्यावरही ‘फिट एन्ड प्रॉपर’ नसल्याबद्दल कारवाई केली.

ब्लिस जी व्ही एस फार्मा या कंपनीने FPI आणि FII याची लिमिट ७५% पर्यंत वाढवली.

कोटक महिंद्रा बँकेने आपली FPI ची मर्यादा ४३% वरून ४५% केली.

फ्युचर रिटेल ही कंपनी ‘7 ELEVEN’ बरोबर टाय अप करण्याचा विचार करत आहे. २८ फेब्रुवारी २०१९ रोजी होणाऱ्या फ्युचर रिटेलच्या बोर्ड ऑफ डायरेक्टर्सच्या बैठकीत यावर विचार होईल.

ब्रिटानिया इंडस्ट्रीजचा निफ्टी ५० मध्ये समावेश होईल आणि HPCL ला वगळले जाईल.

शेवटी मात्र ओव्हरनाईट पोझीशन ठेवायला ट्रेडर्स धजावले नाहीत. त्यामुळे सावरलेले मार्केट पुन्हा पडू लागले. अशा मार्केटमध्ये चांगले शेअर्स स्वस्तात खरेदी करावेत आणि थोडे धैर्य धरावे चांगले उत्पन्न मिळेल.

BSE निर्देशांक सेन्सेक्स ३५९७३ NSE निर्देशांक निफ्टी १०८३५ बँक निफ्टी २६९५२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – २५ फेब्रुवारी २०१९

आज क्रूड US $ ६६.९१ प्रती बॅरल ते US $६७.४० प्रती बॅरल या दरम्यान तर रुपया US$१=Rs ७०.९७ ते US $१=Rs ७१.१४ या दरम्यान होते. US $ निर्देशांक ९६.४८ होता.

आज चीनमधील मार्केट्स तेजीत होते. त्यामुळे आपल्या मार्केटमधील मेटल क्षेत्रातील शेअर्स तेजीत होते. एकूणच रिअल्टी, रिअल्टीची संबंधित कंपन्या, NBFC आणि होम फायनान्स कंपन्या, धातुक्षेत्राशी संबंधित आणि IT क्षेत्रातील शेअर्स तेजीत होते.

सध्या मार्केटमध्ये तेजी किंवा मंदीचा क्लिअर ट्रेंड दिसत नाही. श्रावणात पडणाऱ्या पावसासारखे त्यांचे उनपावसाच्या खेळासारखे दर्शन होते. पण हे मार्केट एका विशिष्ट रेंजमध्ये चढउतार दाखवत आहे. आपणही हा मार्केटचा ट्रेंड योग्यवेळी आणि योग्य ठिकाणी पकडला तर आपल्याला प्रॉफिट होऊ शकतो. या रेंजच्या लोअर लिमिटला खरेदी करायची आणि अपर रेंजला विक्री करायची असे करून प्रॉफिट मिळवावे लागेल.

NSEL खटल्यात मोतीलाल ओसवाल आणि IIFL या दोन मोठ्या ब्रोकिंग कंपन्यांचा व्यवहार ‘फिट आणि प्रॉपर’ असा नव्हता असे सांगून सेबीने या कंपन्यांच्या कमोडिटी आर्मला कमोडिटीज आणि कमोडिटी डेरिव्हेटीव्ह मध्ये ट्रेडिंग करण्यावर बंदी घातली. या कंपन्यांनी असे सांगितले की आम्ही सेबीच्या या ऑर्डरचा अभ्यास करून त्याविरुद्ध कोर्टात अपील करू. तसेच इक्विटी आणि कमोडिटीचे एकत्र ट्रेडिंग दुसऱ्या आर्म तर्फे चालू असल्यामुळे ग्राहकांना तोशीश पडणार नाही.

रविवारच्या GST कौन्सिलच्या बैठकीत GST कौन्सिलने अंडरकन्सट्रक्शन फ्लॅटवरील GST १२% वरून ५% केला ITC (इनपुट टॅक्स क्रेडिट) शिवाय. अफोर्डेबल होम्ससाठी GST ८%वरून १% केला. अफोर्डेबल होम्सची व्याख्या मेट्रोपॉलिटन सिटीज मध्ये ६० SQUARE मीटरपर्यंत क्षेत्रफळ आणि किंमत Rs ४५ लाखपर्यंत आणि नॉनमेट्रो मध्ये ९० SQUARE मीटरपर्यंत क्षेत्रफळ आणि किंमत Rs ४५ लाखपर्यंत असेल. सरकारच्या या घोषणेमुळे घर खरेदी करणार्याचा उत्साह वाढेल आणि त्यामुळे घरांची विक्री वाढेल.या घरांसाठी बिल्डिंग मटेरियल पुरवणाऱ्या कंपन्यांचा आणि या घरांसाठी गृह कर्ज देणार्या बँका आणि NBFC यांचाही बिझिनेस वाढेल या हिशेबाने आज रिअल्टी, रिअल्टीशी संबंधित, आणि गृह कर्ज देणार्या कंपन्यांच्या शेअर्समध्ये चांगली वाढ दिसून आली. उदा :- मंगलम टिम्बर, कजारिया सिरॅमिक्स, निटको टाईल्स, मुरुडेश्वर, ओरिएंट बेल, अरो ग्रॅनाईट, हैदराबाद इंडस्ट्रीज, बजाज इलेक्ट्रिकल्स, शंकरा बिल्डिंग, फिनोलेक्स,
पूर्वानकारा बिल्डर्स, शोभा, अजमेरा, ओबेराय, कोलते पाटील, DB रिअल्टी, HDIL, प्रेस्टीज इस्टेट, अन्सल प्रॉपर्टिज, DLF, गोदरेज इत्यादी

BEL या सार्वजनिक क्षेत्रातील सरकारी कंपनीला इझरेल मधील कंपनीकडून US $३.३ कोटींची एक्स्पोर्ट ऑर्डर मिळाली.
अडानी एंटरप्रायझेस या अडाणी ग्रुपच्या कंपनीने अहमदाबाद, जयपूर, लखनौ, मंगलोर, आणि तिरुवअनंतपूरम या ५ विमानतळांसाठी बोली जिंकली. उद्या गुवाहाटी विमानतळासाठी बोली लागेल.

अडानी लॉजिस्टिक्स(अडानी पोर्टची सबसिडीअरी) या कंपनीने अडाणी ऍग्री लॉजिस्टिक्स हि कंपनी अक्वायर केली हे डील Rs १६६२ कोटींमध्ये झाले. हे डील मार्च २०१९ पर्यंत पूर्ण होईल. हे डील पूर्णतः कॅश मध्ये होईल. मार्केटच्या मते हे डील महागात पडले म्हणून अडाणी पोर्टचा शेअर पडला.

टाटा एलेक्सी या कंपनीने NOS बरोबर ऑटोमेशन सर्व्हिसेससाठी करार केला.

BDC डिजिफोटो या कंपनीत थॉमस कूक ५१% स्टेक खरेदी करेल.

सरकार इलेक्ट्रिक व्हेइकल साठी सबसिडी देते. या सब्सिडीसाठी सरकारने Rs १०,००० कोटींची तरतूद केली. सरकारचा भर मुख्यत्वे TWO व्हीलर, ३ व्हिलर्स, पब्लिक ट्रान्सपोर्ट बसेस यावर असेल. EV साठी सरकार रजिस्ट्रेशन फी आणि करात सूट देण्याचा विचार करत आहे.

मॅकलॉइड रसेल ही कंपनी त्यांच्या रवांडा सबसिडीअरीमधील स्टेक विकणार आहे.

उद्या ऊर्जा मंत्रालयाची बैठक आहे. त्यात ऊर्जा क्षेत्राशी संबंधित महत्वाचे निर्णय घेतले जातील.

वेध उद्याचा

या गुरुवारी निफ्टी आणि बँक निफ्टीची मासिक आणि साप्ताहिक एक्स्पायरी आहे. निर्देशांक व्यवस्थापनात तुमच्याकडे असलेल्या शेअर्सची किंमत वाढू शकते किंवा काही शेअर्स तुम्हाला खूपच स्वस्तात मिळू शकतात त्याकडे लक्ष ठेवावे. सध्या मिडकॅप शेअर्समध्ये तेजी आहे. तुमच्याकडे असलेल्या मिडकॅप शेअर्समध्ये तुम्हाला अपेक्षित प्रॉफिट मिळत असेल तर प्रॉफीटबुकिंग करायला हरकत नाही.

BSE निर्देशांक सेन्सेक्स ३६२१३ NSE निर्देशांक निफ्टी १०८८० बँक निफ्टी २७१५९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – २२ फेब्रुवारी २०१९

आज क्रूड US $६७.०१ प्रती बॅरल ते US $ ६७.२७ प्रती बॅरल या दरम्यान तर रुपया US $१=Rs ७१.१० ते US $१=Rs ७१.२० या दरम्यान होते. US $ निर्देशांक ९६.६४ होता.

USA मध्ये क्रूडचे रेकॉर्ड स्तरावर म्हणजे १२० लाख बॅरल प्रती दिवस उत्पादन होत आहे. उद्या चीनच्या शिष्टमंडळाबरोबर USA च्या प्रतिनिधींच्या ट्रेड वॉर संबंधात वाटाघाटी होणार आहेत. या वाटाघाटीतुन चांगले निर्णय अपेक्षित आहेत.

२४ फेब्रुवारी २०१९ पासून पंतप्रधानांच्या हस्ते गोरखपूर येथून १ कोटी २० लाख शेतकऱयांच्या खात्यात किसान सम्मान निधीचा Rs २००० चा पहिला हप्ता जमा केला जाईल.

ल्युपिनच्या मधुमेहावरील औषधावर असलेली बंदी हायकोर्टाने उठवली.

रिलायन्स कॅपिटल या ADAG ग्रुपच्या कंपनीने कर्जावरचे व्याज पूर्णतः भरले.

DR रेड्डीजच्या SOUISIANA प्लँटचे ऑडिट पूर्ण झाले आणि USFDA ने क्लीन चिट दिली.

JSW स्टील या कंपनीने प्रमोटर्सचे ५८ लाख शेअर्स गहाण ठेवले.

अडाणी ग्रुपला सरंक्षण खात्याकडून US $ २ बिलियन रकमेची UVA (UNMANNED AIR VECHICLE) साठी ऑर्डर मिळाली.त्यामुळे अडाणी एंटरप्रायझेस चा शेअर वाढला.

BEML या कंपनीने लॉकहीड मार्टिन एरोनॉटिक्स या USA मधील कंपनीबरोबर एरो इंडिया २०१९ या समारंभात करार केला. एरोस्पेस क्षेत्रात जी साधन सामुग्री लागते ती बनवण्यासाठी करार केला.

ING ग्रुपने कोटक महिंद्रा बँकेमधील ३% स्टेक म्हणजे ५.८७ कोटी शेअर्स सरासरी Rs १२३२ प्रती शेअर्स या भावाने विकले. या विक्रीमुळे कोटक महिंद्रा बँकेचा शेअर Rs ५० ने पडला

अडानी मुंबई एअरपोर्टमधील दोन दक्षिण आफ्रिकन कंपन्यांकडे असलेला स्टेक खरेदी करण्यासाठी उत्सुक आहेत. त्यामुळे अडानी ग्रुपचे शेअर्स तेजीत होते.

जेट एअरवेज इमर्जन्सी फंडिंगसाठी Rs ५५० कोटी देण्यास स्टेट बँक ऑफ इंडिया आणि PNB ने तयारी दाखवली. म्हणून जेट एअरवेजचा शेअर वाढला.

वेध उद्याचा

• या आठ्वड्यात USA आणि चीनमध्ये चालू असलेल्या ट्रेड वॉर संबंधित वाटाघाटींमध्ये सकारात्मक निर्णय येणे अपेक्षित आहे.
  
• २४ फेब्रुवारी २०१९ रोजी GST कौन्सिलची मीटिंग होणार आहे.
  
• २८ फेब्रुवारी २०१९ रोजी निफ्टी आणि बँक निफ्टी यांची मासिक आणि साप्ताहिक एक्स्पायरी आहे
  
• १ मार्च २०१९ रोजी ऑटो विक्रीचे आकडे येतील.
  

BSE निर्देशांक सेन्सेक्स ३५८७१ NSE निर्देशांक निफ्टी १०७९१ बँक निफ्टी २६८६७ वर बंद झाले. www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – २१ फेब्रुवारी २०१९

आज क्रूड US $ ६७.०८ प्रती बॅरल ते US $६७.२१ प्रती बॅरल या दरम्यान तर रुपया US $१=Rs ७०.९९ ते US $१=Rs ७१.२४ होते. US $ निर्देशांक ९६.५२ होता.

बँकांना भांडवल पुरवण्याचा निर्णय मार्केट बंद झाल्यानंतर घेतला गेला त्यामुळे त्याचा परिणाम आजच्या मार्केटवर दिसून आला. बँका आणि NBFC चे शेअर्स तेजीत होते. ट्रेंड वॉरची तीव्रता कमी झाल्यामुळे धातूसंबंधीत शेअर्स तेजीत होते. आणि सरकार अनेक कल्याणकारी योजनांच्या माध्यमातून लोकांच्या हातात पैसा उपलब्ध करीत आहे त्यामुळे FMCG क्षेत्रातील शेअर्स तेजीत होते.

USA कडून लावलेल्या निर्बंधांमुळे किंवा फ्री ट्रेड करारामुळे काही उत्पादनांची निर्यात फायदेशीर होत नाही या ऐवजी ज्या उत्पादनांची निर्यात फायदेशीर होईल अशा उत्पादनांचा या लिस्टमध्ये समावेश करून उत्पादनांची संख्या वाढवली जाईल आणि त्यातून रोजगार निर्माण करण्याचा प्रयत्न केला जाईल.

टाटा मोटर्स बंगाल मध्ये ८० इलेक्ट्रिक बसेस पुरवणार आहे.

दार्जिलिंग चहाच्या किमती आज ४३% ने वाढल्या त्यामुळे चहा उत्पादन करणाऱ्या कंपन्यांमध्ये तेजी आली.
कंपनीचे प्रमोटर्स जेव्हा मार्केटमधून आपल्या कंपनीचे शेअर्स खरेदी करतात तेव्हा त्यांचा आपल्या कंपनीत असलेला विश्वास दिसून येतो. खालीलप्रमाणे काही कंपन्यांचे प्रमोटर्स पडत्या मार्केटमध्ये आपल्या कंपनीचे शेअर्स खरेदी करत आहेत.

(१) टाटा मोटर्स च्या प्रमोटर्सनी १कोटी १८लाख शेअर्स खरेदी केले तर श्री कलाहस्ती पाईप्स या कंपनीच्या प्रमोटर्सनी १५ लाख शेअर्स खरेदी केले.
(२) बजाज होल्डिंग, बजाज ऑटो, बजाज फायनान्स
(३) रेमण्ड (४) थायरो केअर (५) व्होल्टेम्प ट्रान्सफॉर्मर्स

ही फक्त काही ठळक उदाहरणे आहेत.

टेक महिंद्रा ही IT क्षेत्रातील दिग्गज कंपनी टेंडर ऑफर पद्धतीने Rs ९५० प्रती शेअर (CMP वर १७% प्रीमियम) या भावाने २.०५ कोटी शेअर्स BUY BACK करेल. कंपनी या BUY BACK वर Rs १९५६ कोटी खर्च करेल. या बाय बॅक साठी रेकॉर्ड डेट ६ मार्च २०१९ आहे.

१४, १८, २२, कॅरेट सोन्याच्या दागिन्यांवर हॉलमार्किंग अनिवार्य करणार. ही तरतूद एप्रिल २०१९ पासून अमलात येण्याची शक्यता आहे. ज्युवेलरी उद्योगाबरोबर २८ फेब्रुवारी २०१९ रोजी संबंधित मंत्र्यांची बैठक आहे.

रिलायन्स कॅपिटलचा ऍसेट मॅनेजमेंट JV मध्ये ४२.८८ % स्टेक आहे. हा स्टेक रिलायन्स  निपॉन लाईफ ऍसेट मॅनेजमेंटनी घ्यावा असे सांगितले.

MTNL च्या रिव्हायव्हल प्लॅनबाबत DCC ( डिजिटल कम्युनिकेशन कमिशन) चर्चा करणार आहे. MTNL आणि BSNL च्या कर्मचाऱयांसाठी VRS आणण्याचा विचार करत आहे.

२१ ते २५ फेब्रुवारी २०१९ या काळामध्ये बुकिंग केलेल्या आंतरराष्ट्रीय आणि स्थानिक उड्डाणांच्या बुकिंगवर जेट एअरवेज ५०% सूट देणार आहे.

रविवार २४ फेब्रुवारी २०१९ रोजी होणाऱ्या GST च्या बैठकीत मेट्रोसिटीमध्ये Rs ४५ लाख किमतीचे तर नॉनमेट्रो एरियात Rs ३० लाख किमतीच्या घरांचा अफोर्डेबल हौसिंग मध्ये समावेश केला जाईल अशी शक्यता आहे. यामुळे हौसिंग आणि हौसिंग फायनान्स क्षेत्रातील कंपन्यांचे शेअर्स तेजीत होते. उदा. LIC हौसिंग फायनान्स, कॅनफिना होम्स, कोलते पाटील, अशोक बिल्डकॉन

EPFO ने २०१८ ते २०१९ या वर्षांसाठी PF वरील व्याजाचा दर ८.५५% वरुं ८.६५ % वाढवला. किमान निवृत्ती वेतन वाढवण्यावर चर्चा झाली पण निर्णय होऊ शकला नाही.

उद्यापासून शेतकऱयांच्या खात्यात Rs २००० जमा व्हायला सुरुवात होईल.

DHFL मधील प्रमोटर्स आपला कंट्रोलींग स्टिक विकणाऱ्याची शक्यता आहे.

BSE निर्देशांक सेन्सेक्स ३५८९८ NSE निर्देशांक निफ्टी १०७८९ बँक निफ्टी २७०५२ वर बंद झाले. भाग्यश्री फाटक 

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – २० फेब्रुवारी २०१९

आज क्रूड US $ ६६.३६ प्रती बॅरल ते US $६६.६१ प्रती बॅरल या दरम्यान तर रुपया US $१=Rs ७१.१० ते US $१=Rs ७१.३४ या दरम्यान होते. US $ निर्देशांक ९६.५२ होता.

गेल्या ८ दिवस सुरु असलेली मंदी झुगारून देऊन आज मार्केटने तेजीचा झेंडा रोवला. याला कारण (१) रुपया वधारला, (२) चीन आणि USA यांच्यामधील ट्रेड वॉर संपुष्टात चिन्हे दिसू लागली आणि (३) सरकार सार्वजनिक क्षेत्रातील सरकारी बँकांमध्ये भांडवल घालणार आहे याचा लागलेला सुगावा ही होय. 

चीन आणि USA मधील मुख्य मुद्दा आहे चलनाचा. चीन आपले युआनचे डिव्हॅल्युएशन करून ट्रेंड वॉर चालू ठेवते. आता मात्र चीनने आश्वासन दिले आहे की आता आम्ही आमची करन्सी स्थिर ठेवू. ट्रम्पनी निर्बंध लावण्याची तारीख पुढे ढकलण्याचे संकेत दिले.

UK मध्ये ब्रेक्झिट डील त्यांची संसद मंजूर करत नसल्यामुळे २९ मार्च २०१९ रोजी UK ला कोणत्याही निश्चित डीलशिवाय युरोपियन युनियन मधून बाहेर पडायला लागण्याची शक्यता आहे. यामुळे गोंधळाचे,अनिश्चिततेचे आणि काहीसे असुरक्षिततेचे वातावरण UK मध्ये तयार होईल अशी भीती त्या देशातील उदयोगांना वाटत आहे.

आज होणारी GST कॉऊन्सिलची मीटिंग सर्व राज्यांचे अर्थमंत्री हे प्रत्यक्ष हजर असताना चर्चा होऊन झाली पाहिजे असे बर्याच राज्यांच्या अर्थमंत्र्याचें म्हणणे असल्यामुळे आज होणारी GST कौन्सिलची मीटिंग आता २४ फेब्रुवारी २०१९ रविवार रोजी होईल. आजच्या मीटिंगमध्ये काही अर्थमंत्र्याचे असे म्हणणे होते की बिल्डर GST मधील दरातील कट घर खरेदी करणाऱयांपर्यंत पोहोचवणार नाहीत त्यामुळे घरांच्या किमती कमी होणार नाहीत पण राज्य सरकारांचा रेव्हेन्यू मात्र कमी होईल. रिअल्टी क्षेत्रावरील GST कमी होण्याचा निर्णय आजच्या GST कौन्सिल मीटिंग मध्ये झाला नाही त्यामुळे तेजीत असलेले रिअल्टी क्षेत्रातील शेअर्स पडले.

सरकार लवकरच १२ पब्लिक सेक्टर बँकात सुमारे Rs ४८२३९ कोटी भांडवल घालेल.

PNB ला Rs ५९०८ कोटी. अलाहाबाद बँकेत Rs ६८९६ कोटी, युनियन बँकेला Rs ४११२ कोटी, बँक ऑफ इंडिया मध्ये Rs ४६३८ कोटी, बँक ऑफ महाराष्ट्रला Rs २०५ कोटी. कॉर्पोरेशन बँकेला Rs ९०८६ कोटी, आंध्र बँकेला Rs ३२५६ कोटी, सिंडिकेट बँकेला Rs १६०३ कोटी, सेंट्रल बँकेला Rs २५६० कोटी, IOB ला Rs ३८०६ कोटी, युनायटेड बँकेला Rs २८३९ कोटी, UCO बँकेला Rs ३३३० कोटी भांडवल सरकार पुरवेल.

आंध्र बँक, सेंट्रल बँक, देना बँक,आणि अलाहाबाद बँक या बँका PCA मधून बाहेर पडण्याची शक्यता आहे.

अनिल अंबानी यांना सुप्रीम कोर्टाची अवमानना केल्याबद्दल एरिक्सन विरुद्धच्या खटल्यात दोषी ठरवले. त्यामुळे ADAG ग्रुपचे शेअर्स खूपच पडले.

भूषण पॉवर या कंपनीचे रिजोल्यूशन झाल्यामुळे PNB ला Rs ३००० कोटी वसुलीच्या स्वरूपात मिळतील. PNB आपला

PNB हौसिंग मधील स्टेक विकण्याच्या प्रयत्नात आहे. तसेच PNB मेट लाईफ इन्शुअरन्स मधील आपला स्टेक विकण्यासाठी PNB ने बोली मागवल्या आहेत.

DR रेडीज, येस बँक, टाटा मोटर्स, झी एंटरप्रायझेस हे शेअर्स जुलै एक्स्पायरी पासून फिझिकल सेटलमेंटमध्ये जाणार होते पण आता नव्या व्यवस्थेप्रमाणे ते मे २०१९ एक्स्पायरी पासून फिझीकल सेटलमेंटमध्ये जातील.

आंध्र बँक इंडिया फर्स्ट लाईफ इन्शुअरन्स कंपनीमधील पूर्ण स्टेक किंवा ३०% स्टेक विकून Rs ९०० कोटी उभारेल.

ICICI PRU या कंपनीने EIL आणि NALCO मध्ये स्टेक घेतला.

काल झालेल्या मंत्रिमंडळाच्या बैठकीत खालील निर्णय झाले.

कॅप्टिव्ह कोल माईन्सच्या बाबतीत नियम सोपे केले. आता कंपनीने जरी कॅप्टिव्ह वापरासाठी कोल माईन घेतली असली तरी उत्पादनाच्या २५% कोळसा ते विकू शकतील. यामुळे आता कोल इंडियाची या क्षेत्रातील मक्तेदारी कमी होईल.

ऑइल आणि गॅस धोरणातील बदल मंजूर केले. याचा फायदा जिंदाल ड्रिलिंग, ऑइल कंट्री टॅब्यूलर, डॉल्फिन ऑफशोअर, आणि सेलन एक्स्प्लोरेशन यांना होईल.

सरकारने नवीन इलेक्ट्रॉनिक पॉलिसीला मंजुरी दिली. याचा फायदा BEL, डिक्सन, BPL, ITI, PG इलेकट्रो, या आणि इतर कंपन्यांना होईल.

सरकारने ग्रिड कनेक्टेड रुफटॉप सोलर पॉवर कार्यक्रमाला मंजुरी दिली.

IL &FS चे प्रकरण थोडक्यात आटपत नाही असे वाटते. यामध्ये Rs ३०,००० कोटी NPA होण्याची शक्यता आहे. त्यामुळे बँक ऑफ बरोडा चा शेअर पडला.

BJP ने AIDMK बरोबर गठबंधन केले त्याचा फायदा राज टी व्ही ला होईल.

वेध उद्याचा

• उद्या निफ्टीची आणि बँक निफ्टीची साप्ताहिक एक्स्पायरी असेल. २१ फेब्रुवारी २०१९ ला RBI आणि त्यांच्या कंट्रोल खाली असलेल्या बँकांची बैठक आहे. यामध्ये RBI ने केलेला रेट कट आपल्या कर्ज घेणाऱ्या ग्राहकांच्या कर्जावरील व्याजाच्या
• दरामध्ये पास ऑन करण्याविषयी RBI बँकांबरोबर चर्चा करेल.
• उद्या टेक महिंद्राची शेअर BUY BACK वर विचार करण्यासाठी बैठक आहे.

BSE निर्देशांक सेन्सेक्स ३५७५६ NSE निर्देशांक निफ्टी १०७३५ बँक निफ्टी २६९५५ वर बंद झाले.

भाग्यश्री फाटक 

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – १९ फेब्रुवारी २०१९

आज क्रूड US $ ६६.२२ प्रति बॅरल ते US $ ६६.६४ प्रती बॅरल या दरम्यान तर रुपया US $१=Rs ७१.३४ ते US $ १=Rs ७१.६४ या दरम्यान होते.US $ निर्देशांक ९७.१२ होता VIX १८.४६ होते.

मार्केटमधील पडझड आज थांबेल असा अंदाज होता. मार्केट ओव्हरसोल्ड झोनमध्ये होते. पण क्रूडमधील दरवाढ, रुपयांची घसरण, VIX मधील वाढ सुरूच राहिली. याला न जुमानता मार्केटने किल्ला लढवला काही काळ मार्केट २०० पाईण्टपेक्षा जास्त तेजीत होते. या तेजी मध्ये साखर उत्पादक कंपन्या आणि रिअल इस्टेट आणि सिमेंट क्षेत्रातील कंपन्यांचा समावेश होता. पण ही तेजी टिकू शकली नाही आणि मार्केट मंदीतच बंद झाले.

आज निफ्टीमध्ये इन्व्हर्टेड हॅमर हा पॅटर्न फॉर्म झाला. हा पॅटर्न डाउनट्रेंडमध्ये फॉर्म होतो. ट्रेंड बदलण्याची शक्यता दर्शवतो. या चार्टमध्ये हॅमर पॅटर्नच्या बरोबर उलट आकृती दिसते. हा पॅटर्न अपट्रेन्ड सुरु असताना झाला तर याला शूटिंग स्टार म्हणतात. अपर शॅडो रिअल बॉडीच्या दुप्पट असावी लागते. जर बुधवारी मार्केट तेजीत बंद झाले तर ट्रेंड बदलला असे समजता येईल. आज निफ्टी १०६६० ला ओपन झाला. इंट्राडे हाय १०७५५ झाला. तर इंट्राडे लो १०५९० तर क्लोज १०६१६ वर झाला. आज मार्केटने १०५८० ते १०६०० या सपोर्ट लेव्हलला रिस्पेक्ट दिला.

ग्राफाइट इंडियाचे बंगलोर युनिट २३ फेब्रुवारी २०१९ पासून पूर्णतः बंद करण्यात येईल. याची सूचना कंपनीने कर्नाटक राज्य सरकारला दिली आहे.

START UP क्षेत्राच्या बर्याच दिवसापासून काही मागण्या होत्या. आता सरकारने असे सांगितले की कंपनी बनल्यापासून १०वर्षे कंपनीला स्टार्टअपचा दर्जा दिला जाईल. मात्र कंपनीचा दरवर्षीचा बिझिनेस Rs १०० कोटीपेक्षा कमी असायला पाहिजे.जर कंपनी प्रायव्हेट लिमिटेड कंपनी म्हणून चालू केलेली असेल तर DPIIT( डिपार्टमेंट फोर प्रमोशन ऑफ इंडस्ट्री अँड इंटर्नल ट्रेड) ची मंजुरी लागेल. स्टार्टअप कंपनी आपली कंपनी स्टार्टअप असल्याचे डिक्लरेशन DPIIT ला देईल. नंतर ही ऑथॉरिटी CBDT ला त्याप्रमाणे कळवेल. स्टार्टअप मध्ये कोणत्या कंपन्यांनी गुंतवणूक केली तर कर आकारला जाईल आणि कोणत्या कंपन्यांनी गुंतवणूक केली तर कर आकारला जाणार नाही याची CLEAR व्याख्या केली. जर स्टार्टअपमध्ये गुंतवणुकी करणारी कंपनी डायमंड उद्योग किंवा रिअल इस्टेटमधील असेल तर एंजल टॅक्स लागेल.

रिलायन्स पॉवरमधील प्रमोटर्सचा १८% ते १९% स्टेक विकून Rs २५०० कोटी उभारले जातील.

२१ फेब्रुवारी २०१९ रोजी GST कौन्सिलची मीटिंग आहे. त्यात रिअल इस्टेट क्षेत्रासाठी GOM ( ग्रुप ऑफ मिनिस्टर्स) ने केलेल्या शिफारशींना अंतिम मंजुरी मिळण्याची शक्यता आहे. त्यामुळे आज रिअल स्टेट क्षेत्रातील शेअर्स च्या किमती वाढल्या.

डिव्हीज लॅब या कंपनीच्या हेडऑफिसवर आयकर विभागाने घातलेल्या धाडीत मोठ्या अनियमितता मिळाल्या नाहीत.

BOSCH या कंपनीचा शेअर BUY बॅक उद्या बंद होईल.

आज संध्याकाळी होणाऱ्या मंत्रीमंडळाच्या बैठकीत खालील योजनांवर चर्चा होऊन त्या मंजूर होण्याची शक्यता आहे
(१) KUSUM :- किसान सुरक्षा ऊर्जा उत्थान महाअभियान
(२) रुफटॉप सोलर ग्रीड फेज II
(३) कोल लिलावाचे नियम सोपे करणे.
(४) नॅशनल इलेक्ट्रॉनिक पॉलिसी
(५) सिंगल ब्रँड रिटेलसंबंधी नियम सोपे करणे

वेध उद्याचा

उद्या महिंद्र CIE आणि वरून बिव्हरेजीस या कंपन्यांचे निकाल येतील

BSE निर्देशांक सेन्सेक्स ३५३५२ NSE निर्देशांक निफ्टी १०६०४ बँक निफ्टी २६६८४ वर बंद झाले.

भाग्यश्री फाटक 

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – १८ फेब्रुवारी २०१९

आज क्रूड US $६६.२४ प्रती बॅरल ते US $ ६६.६० प्रती बॅरल या दरम्यान तर रुपया US $१=Rs ७१.३९ ते US $१=Rs ७१.५० या दरम्यान होते. US $ निर्देशांक ९६.७९ तर VIX १८.०९ होते.

USA आणि चीनमधील चर्चेची तिसरी फेरी सकारात्मक झाली आता या बोलण्यांची चौथी फेरी वॉशिंग्टनला होईल.सलग ८ सेशन मार्केटमध्ये मंदी आहे. त्यातच विक्स १०% ने वाढून १८च्या वर गेला. क्रुडमध्ये चालू झालेला बुलरन US $ ७५ प्रती बॅरलची पातळी गाठेल असे संकेत आहेत. त्यामुळे रुपयासुद्धा घसरेल. निफ्टीने १०६५० चा सपोर्ट तोडला असल्याने १०५५० पर्यंत निफ्टी जाईल असे तज्ञाचे मत आहे. जर निफ्टीची घसरण येथेही थांबली नाही तर १०२०० पर्यंतही निफ्टी जाऊ शकतो.

HT कॉटन सीडचा बेकायदेशीर उपयोग केल्याबद्दल आंध्र प्रदेश राज्य सरकारने कावेरी सीड्स या कंपनीला नोटीस पाठवली. सीड सॅम्पलमध्ये अवैध जीनचा वापर केला. त्यामुळे आंध्र प्रदेश राज्य सरकारने कावेरी सीड्स या कंपनीचे लायसेन्स १ वर्षाकरिता रद्द केले. कंपनीने असे सांगितले की या लायसेन्स रद्द करण्याचा कंपनीच्या कारभारावर जास्त परिणाम होणार नाही. रद्द केलेलं लायन्सस दोन ते तीन महिन्यात रिन्यू केले जाईल.

सुप्रीम कोर्टाने NGT (नॅशनल ग्रीन ट्रिब्युनल) च्या वेदांताचा तुतिकोरीन प्लांट पुन्हा चालू करण्याच्या आदेशाला स्थगिती दिली.

JSPL या कंपनीला रेल्वेकडून ३०००० टन स्टीलची ऑर्डर मिळाली.

IOC ने USA बरोबर FY २० मध्ये US $ १५० कोटींचे ३० लाख टन क्रूड आयातीसाठी करार केला.

रिलायन्स इंफ्राच्या DMRC च्या Rs ५८०० कोटींच्या आर्बिट्रेशन खटल्यात दिल्ली HC च्या आदेशाविरुद्ध सुप्रीम कोर्टामध्ये अपील केले. सुप्रीम कोर्ट ह्या अर्जाची सुनावणी करण्यास तयार झाले.

दक्षिण आणि पश्चिम भारतात पेप्सिकोचे विक्री आणि डिस्ट्रिब्युशनसाठी फ्रँचाइज राईट्स विकत घेण्यासाठी वरूण बिव्हरेजीस या कंपनीच्या बोर्ड ऑफ डायरेक्टर्सने परवानगी दिली. BSE वर कॉटनमध्ये वायदा सुरु झाला.
अनिल अंबानी ग्रुपने रिलायन्स पॉवरमधील ३०% स्टेक विकण्यासाठी बोली मागवल्या. रिलायन्स पॉवर या कंपनीमध्ये रिलायन्स इन्फ्रा या ग्रुपकंपनीचा ४३% स्टेक आहे. अनिल अंबानी ग्रुपने कर्ज देणार्या बॅंका आणि इतर कर्ज देणार्या संस्थांबरोबर करार केला. या करारानुसार त्यांना अनिल अंबानी ग्रुपने कर्जासाठी गहाण ठेवलेले शेअर्स सप्टेंबर २०१९ पर्यंत विकता येणार नाहीत त्यामुळे अनिल अंबानी ग्रुपचे सर्व शेअर्स चांगलेच तेजीत होते .

RBI च्या १२ फेब्रुवारी च्या NPA संबंधातील सर्क्युलरविरुद्ध केलेल्या अर्जाची सुनावणी आता ६ मार्च २०१९ ला होईल.
टिटाघर वॅगनला इटालीमधील सबसिडीअरीमार्फत Rs १७४१ कोटीची ऑर्डर मिळाली.

चीन, दक्षिण कोरिया, जपानमधून आयात होणाऱ्या स्वस्त स्टीलवर सरकार (१) मिनिमम इम्पोर्ट प्राईस (२) सेफगार्ड ड्युटी (३) ऍन्टीडम्पिंग ड्युटी ( काही काळाकरता तात्पुरती) आकारून यापैकी काही किंवा सर्व उपाय योजून ही आयात बंद/कमी करण्याची शक्यता आहे.

टेक महिंद्राची शेअर BUY बॅक वर विचार करण्यासाठी २१ फेब्रुवारी २०१९ रोजी बोर्ड ऑफ डायरेक्टर्सची बैठक आहे.

टाटा स्टीलच्या जाईंट व्हेंचरवर युरोपियन कमिशनने त्रुटी /हरकती नोंदवल्या.

CAREने वोडाफोन आयडिया चे रेटिंग AA वरून AA – केले.

इमामीच्या ३.९ कोटी शेअरमध्ये Rs ३५५ प्रती शेअर किमतीवर दोन ब्लॉक डील झाली.

जेट एअरवेजला त्यांच्या बिकट परिस्थिती मधून बाहेर काढण्यासाठी SBI च्या अधिपत्याखालील कन्सॉरशियम त्यांनी दिलेल्या Rs ६०० कोटीच्या कर्जाचे इक्विटीमध्ये Rs १ प्रती शेअर किमतीच्या शेअर्स मध्ये रूपांतर करणार. त्यामुळे या कन्सॉरशियमचा रिस्ट्रक्चर्ड जेट एअरवेजमध्ये ३२% स्टेक असेल. NIIF ( नॅशनल इन्व्हेस्टमेंट अँड इन्फ्रास्ट्रक्चर फंड) हा १९.५% स्टेक घेणार आणि Rs १४०० कोटी गुंतवणार. अशाप्रकारे ५१.५% कंट्रोल सरकारच्या हाती येईल. अबुधाबी स्थित ऐतिहाद या कंपनीकडे २४% स्टेक आहे. ही कंपनी Rs १४०० कोटी इन्व्हेस्ट करणार आणी स्वतःचा स्टेक २४.९% करणार. जेट एअरवेज मध्ये Rs १५० प्रती शेअर प्रमाणे शेअर्स खरेदी करून एतिहाद त्यांचा स्टेक वाढवेल. तसेच जेट एअरवेज Rs १५० प्रती शेअर या भावाने राईट्स इशू आणणार. ह्या सर्व व्यवस्थापनानंतरही जे Rs ६००० कोटींचे कर्ज शिल्लक राहील त्याचे १० वर्षाच्या दीर्घ मुदतीच्या कर्जात रूपांतर करणार. यामुळे ओपन ऑफर येणार नाही. नरेश गोयल यांचा स्टेक ५१%वरून २०% वर येईल. नरेश गोयल प्रमोटर म्हणून राहतील पण त्यांना बोर्ड ऑफ डायरेक्टर वर प्रतिनिधित्व राहणार नाही तसेच कंपनीच्या व्यवस्थापनात त्यांचा कोणताही सहभाग नसेल.

BSE चा निर्देशांक सेन्सेक्स ३५४९८ NSE निर्देशांक निफ्टी १०६४१ बँक निफ्टी २६६५४ वर बंद झाले.

भाग्यश्री फाटक 

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!