Monthly Archives: March 2019

आजचं मार्केट – १४ मार्च  २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १४ मार्च  २०१९

आज क्रूड US $ ६७.८० प्रती बॅरल ते US $ ६७.८८ प्रती बॅरल या दरम्यान तर रुपया US $१=Rs ६९.५४ ते US $१=Rs ६९.६६ या दरम्यान होता. US $ निर्देशांक ९६.५२ होता. पुट/कॉल रेशियो १.३८ होता.

USA मधील क्रूडच्या उत्पादनात ३९ लाख बॅरलची घट झाली. ओपेक ने क्रूड उत्पादनात कपात केल्यामुळे क्रूडचा भाव ४ महिन्याच्या कमाल स्तरावर होता. UK आता कोणत्याही डील किंवा कराराशिवाय (युरोपियन युनियन मधून बाहेर पडणार) ब्रेक्झिट करणार हे आता जवळजवळ निश्चित झाले.

FII आणि इतर विदेशी इन्व्हेस्टर भारतामध्ये गुंतवणूक (यात शेअरमार्केटमधील गुंतवणूक आली) करत असल्यामुळे परदेशी चलनाचा ओघ भारतात येत आहे. त्यामुळे रुपया मजबूत होत आहे. कार्यक्षमता कमी होते. आंतरराष्ट्रीय मार्केटमध्ये आपली स्पर्धा करण्याची क्षमता कमी होते. निर्यात कमी होऊ लागते.आणि आयात वाढते. रुपया आणखी मजबूत होऊ नये यासाठी RBI ने आज स्वॅप विंडो उघडली.

तांत्रिक विश्लेषणाविषयी

काल निफ्टीमध्ये हँगिंग मॅन पॅटर्न तयार झाला होता.या मध्ये एकच कँडल असते. हा रिव्हर्सल पॅटर्न आहे. हा पॅटर्न हातोड्यासारखा दिसतो. हा पॅटर्न मंदी नंतर तयार झाल्यास याला हॅमर म्हणतात. आणि तेजीनंतर तयार झाल्यास हँगिंग मॅन म्हणतात. १ मार्च २०१९ पासून १३ मार्च २०१९ पर्यंत मार्केट ४७९ पाईंट वाढली. त्यामुळे करेक्शन गरजेचे होते. काही काळ मार्केट याच ठिकाणी स्थिरावले पाहिजे. कालपासून मार्केटमधील तेजीला थोडा अटकाव झाला असे दिसत आहे. हेच हा पॅटर्न दाखवत आहे.

आज निफ्टी ऑप्शन, बँक निफ्टी ऑप्शन आणि निफ्टी IT ऑप्शन यांची साप्ताहिक एक्स्पायरी होती.

काल HDFC बँकेच्या शेअरने Rs ६ लाख कोटी मार्केट कॅपिटलायझेशनची मर्यादा पार केली. रिलायन्स आणि टी सी एस नंतर HDFC बँक ही अशी तिसरी कंपनी आहे.

आज WPI चे आकडे जाहीर झाले. फेब्रुवारी २०१९ साठी WPI ( होलसेल प्राईस इंडेक्स) २.९३% ( जानेवारी २०१९ मध्ये २.७६%) राहिला. किरकोळ महागाई बरोबरच घाऊक बाजारातली महागाईही वाढली. अन्नधान्य, ऊर्जा इंधन यांची महागाई वाढली.

आज ज्युबिलंट फूडच्या प्रमोटर्सनी ४० लाख शेअर्सच्या ब्लॉक डीलसाठी फ्लोअर प्राईस Rs १२७२ प्रती शेअर ठरवली होती. हे शेअर्स Rs १३१२ प्रती शेअर या भावाने विकले गेले. अशा मोठ्या ट्रेडला ब्लॉक डील किंवा बल्क डील असे म्हणतात. क्लोजिंग प्राईसच्या १%+ते १%- या रेंजमध्ये शेअरची किंमत ठरवलेली असते. ब्लॉक डीलचा व्यवहार पार्टली होत नाही. ५ लाख शेअर्स किंवा Rs ५ कोटी किंवा त्यापेक्षा जास्त रकमेच्या व्यवहाराला ब्लॉक डील असे म्हणतात.त्यासाठी स्पेशल ट्रेडिंग विंडो उघडली जाते. फक्त डिलिव्हरी ट्रेड होतो. ही विंडो सकाळी ९-१५ ते ९-५० या दरम्यान ओपन असते ५ लाखापेक्षा कमी संख्येच्या शेअरचा किंवा Rs ५ कोटीपेक्षा कमी रकमेच्या व्यवहाराला बल्क डील असे म्हणतात.

ल्युपिनच्या मन्डीदीप युनिटला USFDA ने वार्निंग दिली. ल्युपिनला ४%-५% उत्पन्न या युनिटमधून मिळते.

DCM श्रीरामचा एक पॉवर प्लांट (३० MW ) चा आज सुरु झाला.

स्टार सिमेंटला सबसिडी मिळाली.

मार्केटमध्ये एवढी तेजी आहे तर खरेदीविक्री वाढेल याचा फायदा ब्रोकर्सना होईल. ब्रोकिंगचा बिझिनेस असलेल्या शेअर्सकडे लक्ष ठेवावे. उदा :- एडेलवाईस, ICICI सिक्युरिटीज, JM फायनांशियल.

ब्ल्यू स्टार कंपनीने AC ची ७५ नवी मॉडेल बाजारात आणली. नवीन एअर प्युरिफायर ( किमतीची रेंज Rs ८९९० ते Rs Rs २३९९०) बाजारात लाँच केली.

दाइचीने सिंग बंधूंकडून (फोर्टिस हॉस्पिटलचे प्रमोटर्स) Rs ३५०० कोटी नुकसानभरपाई मागितली. कोर्टाने सिंग बंधूंना हे पेमेंट कसे करणार त्याची डिटेल्स सादर करावयास सांगितली.

BSE (बॉम्बे स्टॉक एक्स्चेंज) लिमिटेड च्या बोर्ड ऑफ डायरेक्टर्सची बैठक ७मे २०१९ रोजी आहे. या बैठकीत शेअर BUY बॅकवर विचार होईल.

पुट/कॉल रेशियो १.७५ च्या पेक्षा जास्त झाला तर ओव्हरबॉट पोझिशन होईल.

साखरेचे उत्पादन ७ लाख टन कमी होईल असा अंदाज व्यक्त केला जात आहे.

PNB यांचा CRIF मधला स्टेक विकणार आहे.( CREDIT INFORMATION)

कोल इंडियाने आपल्या अंतरिम लाभांशासाठी २५ मार्च २०१९ ही रेकॉर्ड डेट जाहीर केली. कोल इंडियाने Rs ५.८५ प्रती शेअर सेकंड अंतरिम लाभांश जाहीर केला. २९ मार्चपर्यंत हा लाभांश आपल्या खात्यात जमा होईल.

टाइड वॉटर ऑइल या कंपनीने Rs ८५ प्रती शेअर दुसरा अंतरिम लाभांश जाहीर केला.या अंतरिम लाभांशाची एक्स डेट २२ मार्च २०१९ आहे.

BSE निर्देशांक सेन्सेक्स ३७७५५ NSE निर्देशांक निफ्टी ११३४३ बँक निफ्टी २८९२३, निफ्टी IT १५२६० वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

 

आजचं मार्केट – १३ मार्च  २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १३ मार्च  २०१९

आज क्रूड US $६६.८० प्रती बॅरल ते US $६६.९८ प्रती बॅरल या दरम्यान तर रुपया US $१=Rs ६९.४४ ते US $१=Rs ६९.७२ या दरम्यान होते. US $ निर्देशांक ९७.०१ होता. फिअर आणि ग्रीड मीटर ६० वर होते.

मार्केटने आता भारतात स्थिर आणि सक्षम सरकार या निवडणुकीत निवडून येईल याची खूणगाठ मनाशी बांधली. सर्व प्रकारचे स्थैर्य (आर्थीक,सामाजिक, राजकीय) मार्केटला आवडते. त्यामुळे आज सेन्सेक्स, बँक निफ्टी ह्या निर्देशांकांनी ऑल टाइम हायपर्यंत मजल मारली आणि ब्ल्यू स्काय टेरिटरीत प्रवेश केला.

USA मध्ये क्रूडसाठी मागणी आणि पुरवठा दोन्हीही वाढत आहे. सौदी अरेबिया आपले क्रूडचे उत्पादन १ एप्रिल पासून ७० लाख बॅरलपर्यंत मर्यादित करेल.

मार्च २९ २०१९ ही ब्रेक्झिट अमलात आणण्याची तारीख आहे. UKची संसद या बाबतीत कोणताही निश्चित निर्णय घेत नसल्यामुळे या तारखेनंतर UK मध्ये सर्व प्रकारची अस्थिरता येण्याची शक्यता आहे.

आंतरराष्ट्रीय मार्केटमध्ये रबराचा भाव कमी होत आहे कारण थायलंडमध्ये रबराचे प्लँटेशन खूप वाढले. त्या प्लांटेशनमधून आता रबराचे उत्पादन होऊ लागले आहे. उत्पादन वाढल्यामुळे रबराच्या किमती ३ आठवड्याच्या किमान स्तरावर आहेत. याचा फायदा टायर उत्पादन करणाऱ्या कंपन्यांना होईल. उन्हाळा, सार्वत्रिक निवडणुकामध्ये मोटारसायकल आणि कार्स यांची वाढणारी मागणी, आणि रिप्लेसमेंट मागणी या सर्व अनुकूल परिस्थितीमुळे टायर उत्पादन करणाऱ्या कंपन्यांचे शेअर्स तेजीत होते. उदा गुडईअर, JK टायर्स, बाळकृष्ण इंडस्ट्रीज, केसोराम, CEAT, अपोलो टायर्स, TVS श्रीचक्र.
NMDC ने Rs ५.५२ प्रती शेअर्स अंतरिम लाभांश जाहीर केला. याची रेकॉर्ड डेट २५/०३/२०१९ आहे.

IOC या कंपनीच्या बोर्ड ऑफ डायरेक्टर्सची अंतरिम लाभांशावर विचार करण्यासाठी १९ मार्च २०१९ रोजी बैठक होईल.

MSTC या सार्वजनिक क्षेत्रातील सरकारी कंपनीचा IPO १३ मार्च २०१९ ते १५ मार्च २०१९ या दरम्यान ओपन राहील. पहिल्या दिवशी IPO ३% सबस्क्राईब झाला.

टेक महिंद्राचा शेअर BUY BACK २५ मार्च २०१९ ते ५ एप्रिल २०१९ या दरम्यान ओपन राहील.

माईंड ट्रीमधील सिद्धार्थ यांचा स्टेक लार्सन आणि टुब्रो इन्फोटेक खरेदी करील. Rs ९५० ते १००० प्रती शेअर्स या भावाने हा स्टेक खरेदी केला जाईल अशी शक्यता आहे.

सार्वत्रिक निवडणुकांसाठी आचारसंहिता जाहीर झाल्यामुळे GST किंवा RBI चा रेट कट अशा धोरणात्मक निर्णयांसाठी निवडणूक आयोगाची पूर्व परवानगी काढावी लागेल. GST कॉन्सिलच्या १९ मार्च रोजी होणाऱ्या बैठकीसाठी निवडणूक आयोगाने परवानगी दिली

IIP मध्ये विशेषतः कॅपिटल गुड्स आणि मॅन्युफॅक्चरिंग क्षेत्रात स्लो डाउन आणि CPI म्हणजेच महागाईत वाढ झाल्यामुळे आपल्या ४ एप्रिलच्या द्विमासिक वित्तीय धोरणात RBI कमीकमी ०.२५% रेट कट करेल अशी शक्यता वर्तवली जात आहे.
बजाज कन्झ्युमर केअर ( पूर्वीची बजाज कॉर्प) या कंपनीच्या प्रमोटर्सनी ६.८५% स्टेक ICICI PRU या कंपनीला विकला. ही कंपनी एक किंवा दोन ब्रॅण्डवर अवलंबून आहे. डाबर LTD या कंपनीकडून स्पर्धा वाढते आहे. कंपनी आपले बिझिनेस स्ट्रक्चर बदलत नाही.

TCI एक्स्प्रेस या कंपनीने UKETORU या जपानी कंपनीतील ७.७% स्टेक २ कोटी येनना खरेदी केला.
१९ मार्च २०१९ पासून २२ मार्च २०१९ या दरम्यान CPSE ( सेंट्रल पब्लिक सेक्टर एंटरप्रायझेस) ETF चा Rs १०००० कोटींचा इशू ओपन राहील. यात ऑइल इंडिया, NTPC, NLC,ONGC, कोल इंडिया, IOC, BEL, SJVN, PFC, REC आणि NBCC या सरकारी कंपन्यांच्या शेअर्समध्ये गुंतवणूक केली जाईल. यात कोणत्याही सरकारी बँकेचा समावेश नाही.
बोईंग ७३७ मॅक्स ह्या विमानांचा पुढील सूचनेपर्यंत उड्डाणासाठी वापर करू नये असे DGCA ने परिपत्रक काढले आहे. याचा फटका जेट एअरवेज (५ विमाने) आणि स्पाईस जेट(१३ विमाने ) या दोन कंपन्यांना बसेल. स्पाईस जेटने याच प्रकारच्या १०० विमानांसाठी कंपनीकडे ऑर्डर केली आहे. या परिस्थितीचा फायदा इंडिगो या कंपनीला होईल. जेटची बहुसंख्य विमाने आर्थीक अडचणींमुळे आधीच ग्राउंड झाली आहेत.

झायडस कॅडीला या कंपनीला पोटॅशिअम क्लोराईड कॅप्सूल विकण्यासाठी USFDA ची परवानगी मिळाली.
युनिकेम लॅबच्या झायलोप्रिम, आणि ALLOPURINOL या औषधांना USFDA ची मंजुरी मिळाली.

यात्रा ही कंपनी अबेक्स खरेदी करणार आहे. त्यासाठी यात्राचे व्हॅल्युएशन करण्याचे काम चालू आहे. यामुळे कॉक्स अँड किंग्स, थॉमस कूक याही कंपन्यांच्या व्हॅल्युएशनचा अंदाज येईल.

आता थोडे मार्केटमध्ये ट्रेडिंग किंवा गुंतवणूक करण्याविषयी.

कोणत्याही शेअरची खरेदी करण्याआधी आपण तो ट्रेडिंगसाठी खरेदी करतो आहे का गुंतवणुकीसाठी हे निश्चित करावे. ट्रेडिंग हे शेअरच्या किमतीमध्ये अल्प मुदतीच्या चढउताराचा फायदा घेण्यासाठी केले जाते . तर गुंतवणूक ही दीर्घ मुदतीसाठी सुप्रस्थापित प्रगतीशील कंपन्यांच्या शेअरमध्ये कंपनीचे फंडामेंटल विश्लेषण करून केले जाते. आपण ट्रेडिंग करत असलेल्या शेअरच्या किमतीतील चढ उताराचे तात्कालिक कारणांचा प्रभाव संपल्यामुळे शेअरच्या किमतीतील चढउतार कमी होतात. त्यामुळे ट्रेडिंगसाठी घेतलेला शेअर जर आपल्या बाजूने ट्रेड फायदेशीर झाला नाही तर जो स्टॉप लॉस तुम्ही ठरवला असेल त्या किमतीला विकून टाकावेत. ट्रेडिंगचे रूपांतर गुंतवणुकीमध्ये करण्याचे शक्यतो टाळावे. तसेच ट्रेडिंग किंवा गुंतवणूक करताना तुमचा राजकीय, सामाजिक, नीतिमत्ता याविषयी कोणताही व्हू ट्रेडच्या आड येउ देऊ नका. तुमच्या आवडीनिवडीला थारा देऊ नका फक्त शेअरची नफा मिळवून द्यायची क्षमता लक्षात घ्या.

BSE निर्देशांक सेन्सेक्स ३७७५२ NSE निर्देशांक निफ्टी ११३४२ बँक निफ्टी २८८८४ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

 

आजचं मार्केट – १२ मार्च  २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १२ मार्च  २०१९

आज क्रूड US $ ६६.६५ प्रती बॅरल ते US $६७.२१ प्रती बॅरल या दरम्यान तर रुपया US $१=Rs ६९.५१ ते US $१=Rs ६९.८८ या दरम्यान होते. US $निर्देशांक ९७.०९ होता. VIX १४.९१ होता. फीअर आणि ग्रीड मीटर ७८ होते. हे रिडींग लोकांची मार्केटविषयीची अनिश्चितता आणि भीती नाहीशी होऊन तेजीची चिंन्हे दर्शवते. 

आज GOOGLE DOODLE वर्ल्ड वाईड वेबचा ३०वा वाढदिवस साजरा करत आहे. आपणही हॅपी बर्थडे WWW म्हणू या कारण हल्ली आपले प्रत्येक मिनिट त्यावरच अवलंबून आहे.

फेब्रुवारी २०१९ साठी CPI २.५७% ९ (जानेवारीमध्ये २.०५%) म्हणजेच महागाई वाढली आणि उत्पादन कमी झाले. त्यामुळे RBI आणखी एकदा रेट कट करण्याची शक्यता निर्माण झाली. आज बँक निफ्टीनेआणि सेन्सेक्सने ऑल टाइम हायचे रेकॉर्ड करून ब्ल्यू स्काय टेरिटरीत प्रवेश केला. निफ्टी PSU बॅंक्स आणि बँक निफ्टी मध्ये खूप फरक पडला. म्हणून PSU बँक निर्देशांकात CATCH UP रॅली आहे. FII ने काल खूपच खरेदी केली.

ब्रेक्झिटविषयी काही सकारात्मक हालचाल होत आहे.

१९ मार्च २०१९ रोजी GST कौन्सिलची बैठक आहे. या बैठकीत सामान्य माणसापर्यंत GST कौन्सिलच्या निर्णयांचा फायदा कसा पोहोचवता येईल यावर प्रामुख्याने विचार होईल.

जानेवारी २०१९ साठी IIP १.७% ( डिसेंबर २०१८ मध्ये २.४%) झाले. अनुमान २.२% चे होते.

आज गुजरात बेस असलेल्या कंपन्यांकडे मार्केटचे लक्ष होते. उदा GMDC, GSFC,GNFC, गुजरात गॅस, गुजरात पेट्रोनेट, PSP प्रोजेक्ट्स, अडानी ग्रुपचे शेअर्स.

स्टॅंडर्ड लाईफ आपला HDFC स्टॅंडर्ड लाईफ मधला ३.४७% स्टेक १२ मार्च २०१९ आणि १३ मार्च २०१९ रोजी विकणार आहे. फ्लोअर प्राईस Rs ३५७ ठरली आहे. जर OFS ला चांगला प्रतिसाद मिळाला तर स्टॅंडर्ड लाईफ आणखी २.९५ कोटी शेअर्स म्हणजेच १.४६% शेअर OFS मधून विकेल.

नाल्कोच्या अंतरिम लाभांशाची रेकॉर्ड डेट १२ मार्च २०१९ आहे. हा अंतरिम लाभांश ३१ मार्च २०१९ पर्यंत खात्यात जमा होईल.

सुंदरम क्लेटन या TVS ग्रुपच्या कंपनीने Rs १६ प्रती शेअर अंतरिम लाभांशाची घोषणा केली. या अंतरिम लाभांशासाठी १९ मार्च २०१९ ही रेकॉर्ड डेट आहे. मार्च २२ २०१९ पर्यंत लाभांश खात्यात जमा होईल.

पिरामलने मिटोगो इंजेक्शन बाजारात आणले.

PNB ने त्यांची बँक जेट एअरवेज या कंपनीला Rs २०८० कोटी कर्ज देणार आहे या बातमीबाबत असे स्पष्टीकरण दिले की जेट एअरवेजला कर्ज देणार्या कन्सॉरशियमची लीड बँक स्टेट बँक ऑफ इंडिया आहे. त्यामुळे आम्ही जेट एअरवेजला कर्ज देण्याचा प्रश्नच उद्भवत नाही. प्रमोटर्स बाहेर पडल्याशिवाय जेटच्या बाबतीत काही प्रगती होणार नाही असे मार्केटला वाटते. जेट एअरवेजने एतिहादकडे Rs ७५० कोटींसाठी विनंती केली आहे. DGCA च्या आदेशानुसार सर्व बोईंग ७३७ ग्राउंड झाली. इथिओपियात या विमानाला झालेल्या अपघातानंतर DGCA ने ही कार्यवाही केली.

KEC इंटरनॅशनल या कंपनीला Rs १३२३ कोटीची ऑर्डर मिळाली.

ऑरोबिंदो फार्माच्या हैदराबाद येथील युनिट नंबर ४ ला क्लीन चिट दिली.

नालंदा इंडिया इक्विटी फंड नेहेमी मोठा स्टेक दीर्घ मुदतीकरता घेतात. आज या फंडाने मॅट्रिमोनी डॉटकॉम मध्ये खरेदी केली.

NIIT आणि माईंड ट्री या दोन कंपन्यात मोठे डील होण्याची शक्यता आहे.

मॉन्सॅन्टोला भारतीय कंपन्यांनी द्यायची रॉयल्टी चार वर्षांतुन तीनवेळा कमी केली. आज ही रॉयल्टी ४९%नं कमी केली. ही रॉयल्टी Rs ३९ वरून Rs २० केली.

भारती एअरटेलचा भारती इंफ्राटेलमधील ३२% स्टेक NITTLE इन्फ्रा खरेदी करणार आहे

टायटननी FTS USA बरोबर घड्याळे बनवण्यासाठी करार केला.

महिंद्रा CIE ऑटोच्या औरंगाबाद इलेक्ट्रिकल्सच्या खरेदीसाठी बोर्ड ऑफ डायरेक्टर्सनी मंजुरी दिली.

नजीकच्या भविष्यात येणारे IPO

MSTC (मेटल स्क्रॅप ट्रेडिंग कॉर्पोरेशन) या सार्वजनिक क्षेत्रातील सरकारी कंपनीचा IPO
(प्राईस बँड Rs १२१ ते Rs १२८) १३मार्च ते १५ मार्चच्या दरम्यान ओपन राहील. या IPO द्वारे Rs २२६ कोटी जमा होतील. मिनिमम लॉट ९० शेअर्सचा असून किरकोळ गुंतवणूकदारांना Rs ५.५०डिस्कॉउंट आहे

BSE निर्देशांक सेन्सेक्स ३७५३५ NSE निर्देशांक निफ्टी ११३०१ बँक निफ्टी २८४४३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

 

आजचं मार्केट – ११ मार्च  २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ११ मार्च  २०१९

आज क्रूड US $ ६६.०१ प्रती बॅरल ते US $६६.४१ प्रती बॅरल या दरम्यान तर रुपया US $१=Rs ६९.८४ ते US $१=Rs ७०.०० या दरम्यान होता. US $ निर्देशांक ९७.३५ होता.

जागतिक अर्थव्यवस्था मंदीच्या फेऱ्यात सापडण्याची शक्यता आहे. USA मध्ये जॉब डेटा खराब आला. चीन आणि USA मध्ये क्रूडला वाढती मागणी आहे. क्रूडचा दर US $६५ प्रती बॅरल ते US $६६ प्रती बॅरल या दरम्यान आहे.
आज निफ्टी आणि बँक निफ्टीच्या साप्ताहिक एक्स्पायरी बरोबर निफ्टी IT ची साप्ताहिक एक्स्पायरी सुरु झाली. या तिन्ही निर्देशांकांची साप्ताहिक एक्स्पायरी या आठवड्यात १४ मार्च २०१९ रोजी असेल.

निवडणूक आयोगाने लोकसभेच्या निवडणुकांतील वेगवेगळ्या राज्यातील मतदानाच्या तारखा जाहीर केल्या. ११ एप्रिल २०१९ ला मतदान सुरु होऊन ते सात फेऱ्यांनंतर १९ मे २०१९ रोजी शेवटची मतदानाची फेरी संपल्यावर संपेल. २३ मे २०१९ रोजी मतमोजणी होईल. उमेदवारी अर्ज दाखल झाल्यापासून निकाल जाहीर होईपर्यंत ३८ दिवस लागणार आहेत या तारखा जाहीर झाल्यावर मार्केटमध्ये निवडणूक रॅली सुरु झाली. निफ्टी मध्ये कन्सॉलिडेशन आहे पण बँक निफ्टी मात्र स्ट्रॉंग आहे. निफ्टी ११५०० पर्यंत निवडणुका संपेपर्यंत जाऊ शकेल अशी शक्यता मार्केट मधील तज्ज्ञ वर्तवत आहेत. बँक निफ्टी २८००० ओलांडेल असा अंदाज आहे.

१५ मार्च २०१९ ही ऍडव्हान्स आयकर भरण्याची शेवटची तारीख आहे. त्यामुळे १५ तारखेच्या जवळपास मार्केटमध्ये विक्री होण्याची शक्यता आहे.DII आणि FII मार्केटमधून पैसे काढतील. त्या नंतर पुन्हा मार्केटमध्ये पैसा यायला सुरुवात होईल.
मार्केट गोल्ड पॉलिसीची वाट पहात होते. पण ११ मार्च २०१९ पासून निवडणुकीसाठी आचार संहिता लागू झाल्यामुळे आता नवीन सरकार स्थापन होईपर्यंत वाट पाहावी लागेल

टाटा मोटर्सचा भाव काही दिवस Rs १७५ प्रती शेअर ते Rs २०० प्रती शेअर या रेंजमध्ये राहील असा अंदाज आहे.

स्टेट बँक ऑफ इंडियाने १ मे २०१९ पासून आपल्या Rs १.०० लाख आणि त्यापेक्षा जास्त रकमेच्या डिपॉझिट आणि ओव्हरड्राफ्टवरील व्याजाचा दर रेपोरेट वर आधारित असेल असे सांगितले. सध्या रेपोरेट ६.२५% आहे. SBI च्या या निर्णयामुळे त्यांचा मार्केट शेअर वाढेल अशी शक्यता वर्तवली जात आहे.

चितोडगढच्या एरियामध्ये NGT ने मायनिंग बॅन केले आहे. याचा परिणाम बिर्ला कॉर्पवर होईल.

मंगलम टिम्बर आणि मंगलम सिमेंट यांचे मर्जर होणार आहे.

शारदा मोटर्स आपला शिपिंग कारभार डीमर्ज करणार आहे.

IDBI बँक ही लाईफ इन्शुअरन्स आणि AMC मधील आपला स्टेक विकणार आहे.

एस्सार स्टीलसाठीची बोली आर्सेलर मित्तल यांनी जिंकली. याचा फायदा या कंपनीला कर्ज देणाऱ्या एडेलवाईस, कॅनरा बँक, IDBI आणि कन्सॉरशियममधील इतर कर्ज देणाऱ्यांना होईल.

जेट एअरवेजला PNB कडून Rs २०८० कोटी कर्ज मिळण्याची शक्यता आहे.

मॅकलाईड रसेल ही चहाच्या व्यवसायात असलेली कंपनी आसाममधील बोराई टी इस्टेटमधील पूर्ण स्टेक विकून टाकणार आहे. जरी या विक्रीमधून कंपनीला पैसे मिळणार असले तरी उत्पन्नाचा मुख्य स्रोत नाहीसा झाल्यावर कंपनीचे पुढे काय होणार हा प्रश्नच आहे.

नीती आयोगाने सरकारला MTNL ही सार्वजनिक क्षेत्रातील सरकारी कंपनी पुनर्जीवित करण्याची शक्यता नसल्यामुळे बंद करण्याची शिफारस केली आहे. तसेच या कंपनीची मालमत्ता विकण्याची शिफारस केली आहे.

सरकारने ड्रेजिंग कॉर्पोरेशनमधील आपला स्टेक चार पोर्ट ट्रस्टना Rs ५३० प्रती शेअर या भावाने विकून टाकला.

तांत्रिक विश्लेषणाविषयी

गोल्डन क्रॉस :- हा कँडलस्टिक पॅटर्न आहे आणि तेजीचा संकेत देतो. शॉर्ट टर्म मूव्हिंग एवरेजसची रेषा लॉन्ग टर्म DMA च्या रेषेला छेदून वरच्या दिशेला जाते. याला बुलिश क्रॉसओव्हर असे म्हणतात. पण ज्यावेळी या रेषा एकमेकीला छेदतात तेव्हा व्हॉल्युम जास्त असले पाहिजेत. आज असे युनियन बँकेच्या शेअरच्या बाबतीत घडले. युनियन बँकेचा २०० DMA ८०.८३ आणि ५० DMA ८१ आहे. त्यामुळे ५० DMA च्या रेषेने २०० DMA च्या रेषेला वरच्या दिशेने क्रॉस केले. यामुळे गोल्डन क्रॉस तयार झाला. बाकी सर्व गोष्टी सारख्या राहिल्या तर गोल्डन क्रॉसच्या सिद्धांताप्रमाणे तेजीची शक्यता नाकारता येत नाही. शेअर मध्ये किंवा निर्देशांकांत गोल्डन क्रॉस झाल्यास बेअर मार्केट संपून बुल मार्केट सुरु होण्याची चिन्हे दिसतात.

BSE निर्देशांक सेन्सेक्स ३७०५४ NSE निर्देशांक निफ्टी १११६८ बँक निफ्टी २७९६६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

 

आजचं मार्केट – ८ मार्च  २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ८ मार्च  २०१९

आज क्रूड US $६५.२४ प्रती बॅरल ते US $ ६५.५३ प्रती बॅरल या दरम्यान तर रुपया US $१=Rs ६९.८२ ते US $१=७०.२१ या दरम्यान होते. US $ निर्देशांक ९७.३७ होता.

खरे पाहता आज ग्लोबल मार्केट्स मंदीतच होती. ECB ने आपला ग्रोथबद्दल असलेला अंदाज कमी केला. आणि मंदीची शक्यता वर्तवली. पण भारताच्या दृष्टीने वधारलेला रुपया आणि क्रूडच्या भावामध्ये आलेले स्थैर्य यामुळे मार्केटमध्ये खूप किंवा जाणवण्यासारखी मंदी आली नाही. पण ११००० चा टप्पा गाठताना आलेली मार्केटची थकावट दूर व्हायला थोडा वेळ लागेलच. थोडे टाईम करेक्शन झाल्यावर मार्केट आपली दिशा ठरवेल. FII चा पैसा मार्केटमध्ये येतो आहे. मार्केटमध्ये वातावरण सकारात्मक आहे. निफ्टीमधील तेजी थांबली असली तरी मिडकॅप, स्माल कॅप मध्ये तेजी आहे. आज हॉटेल क्षेत्रातील शेअर्समध्ये तेजी होती काल निफ्टीमध्ये तयार झालेला हँगिंग मॅन पॅटर्न हीच स्थिती दर्शवतो आहे.

अजीज प्रेमजी यांनी विप्रोचे २.६७ कोटी शेअर्स विकले. त्यामुळे विप्रोचा शेअर मंदीत होता.

जेट एअरवेजची परिस्थिती दिवसेंदिवस बिघडतच आहे. त्यांच्या ११९ विमानांपैकी ५२ विमाने ग्राउंड झाली आहेत. एतिहादने स्टेक घेण्याबाबत पुन्हा माघार घेतली. ११ फेब्रुवारी २०१९ रोजी जेट एअरवेज ची एतिहाद बरोबर बैठक आहे. त्यात काहीतरी तोडगा निघेल अशा आशेवर मार्केट आहे.

ONGC ला राजस्थानमधील ‘चिंनेवाला तिब्बा’ गॅस फिल्ड मिळाले.

लक्ष्मी विलास बँकेचा QIP Rs ६५.९६ प्रती शेअर या भावाने झाला.

अरविंद फॅशन ही अरविंद लिमिटेड मधून डीमर्ज झालेल्या कंपनीचे आज Rs ५९१ ला लिस्टिंग झाले.

ग्रॅनुअल्स या कंपनीच्या प्रमोटरनी ५० लाख शेअर्स विकले.

RBI ने UCO बँकेला स्विफ्ट नियमांचे उल्लंघन केल्याबद्दल Rs ३ कोटी दंड केला.

ED (एन्फोर्समेंट डायरेकटोरेट) ने गॉडफ्रे फिलिप्स ची तपासणी सुरु केली. फिलिप मॉरिस यांनी नियमांकडे दुर्लक्ष केले म्हणून ही कारवाई चालू आहे.

CERC ने FY २०२० ते FY २०२४ या वर्षांसाठी पॉवर टॅरिफ रेग्युलेशन जाहीर केले. ‘PEEK HOURS’ मध्ये पॉवर कंपन्यांसाठीचे इन्सेन्टिव्ह वाढवले. थर्मल पॉवरसाठी ROE रेट १५.५% कायम ठेवला.

अशोक लेलँड या कंपनीला गुजरात रोडवेज कडून १२९० बससाठी ऑर्डर मिळाली.

ज्युबिलण्ट लाइफला रुरकी युनिटसाठी चेतावणी पत्र जारी केले.

वरुण बिव्हरेजीसच्या पंजाब युनिटमध्ये ट्रायल प्रॉडक्शन सुरु झाले.

सरकार SUUTI मधील L &T चे शेअर्स विकणार आहे.

आता थोडे शेअरमार्केटमध्ये भावनेचा परिणाम कसा होतो ते बघू. हिंदुस्थान लिव्हर या मल्टिनॅशनल कंपनीने आपली ब्रूक बॉण्ड रेड लेबल चहासाठी जाहिरात दिली. त्यात एक तरुण आपल्या वृद्ध बापाला कुंभ मेळ्यात कायमचा सोडून देण्यासाठी येतो. काही वेळाने त्याला पश्चात्ताप झाल्यावर तो बापाला शोधतो आणि दोघेजण ब्रूक बॉण्ड रेड लेबल चहाचा आस्वाद घेऊन आपले पुनर्मीलन साजरे करतात. या जाहिरातीत कुंभमेळ्यामध्ये वृद्ध माणसे आणि लहान मुले यांना सोडून देतात असे सूचित केल्यामुळे HUL विरुद्ध एकच गदारोळ माजला. HUL ने नंतर मुलगा आणि बाप यांच्यातील संवाद (कॅप्शन) बदलला. पण म्हणतात नं! ‘बूंदसे गयी वो हौदसे नही आती’ असा काहीसा प्रकार झाला. बर्याच लोकांनी सोशल मीडियावर HUL च्या प्रॉडक्टवर बहिष्कार घाला असे आवाहन केले आहे. हे जाहिरातीचे प्रकरण कोठपर्यंत ताणले जाईल हे माहीत नसल्यामुळे ट्रेडर्सनी शेअर्स विकून टाकले असावेत. शेअरमार्केटने हा लोकभावनेचा धागा पकडला आणि HUL चा शेअर पडायला सुरुवात झाली.आणि पडत राहिला. म्हणजेच शेअरचा भाव हा आर्थीक, राजकीय, भौगोलिक, सामाजिक अशा सर्व गोष्टींवर अवलंबून असतो. पण भाव वाढला किंवा कमी झाला तर आपण त्याचे कारण शोधले पाहिजे.

BSE निर्देशांक सेन्सेक्स ३६६७१ NSE निर्देशांक निफ्टी ११०३५ बँक निफ्टी २७७६१ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

 

आजचं मार्केट – ७ मार्च  २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ७ मार्च  २०१९

आज क्रूड US $ ६६.१३ प्रती बॅरल प्रती बॅरल ते US $ ६६.२१ या दरम्यान तर रुपया US $१=Rs ७०.०० ते Rs ७०.०६ या दरम्यान होते. US $ निर्देशांक ९६.८८ होता.

भारतात निवडणुका असल्यामुळे नियमांमध्ये थोडी ढिलाई दिली जात आहे सवलतींची बरसात केली जात आहे .गेले तीन ते चार दिवस मार्केट तेजीत असल्यामुळे रिस्क रिवॉर्ड रेशियो योग्य नव्हता म्हणून बुल्सची पकडसुद्धा ढिली झाली. आज मार्केट निफ्टी ११०७८ ला तेजीत उघडले आणि ११०५८ ला बंद झाले.

ट्रम्प आता निवडणुकीच्या तयारीला लागले आहेत असे दिसते. २०२० मध्ये USA मध्ये निवडणुका आहेत. ट्रम्प ‘मार्केट कसे चालले आहे’ याची चौकशी करत आहेत. म्हणजे आता मार्केट पडेल असे निर्णय ते घेणार नाहीत असे वाटते. युरोपियन सेंट्रल बँकेची पण आज बैठक आहे. फेडनेसुद्धा रेट वाढवण्यात पॉज घेतला आहे. ग्लोबल ग्रोथ मंदावत आहे. त्यामुळे अर्थव्यवस्थेत पैसे टाकले पाहिजेत. आता जगातील सेंट्रल बँक थोडे नरमाईचे धोरण स्वीकारतील. USA ची ट्रेड डेफिसिट १० वर्षांच्या कमाल स्तरावर आहे. ब्रेक्झिटची प्रक्रिया तीन आठवड्यावर येऊन ठेपली आहे.

आज मंत्रिमंडळाची महत्वाची आणि शेवटची बैठक होती. निवडणूक आयोग लवकरच निवडणुकांचा कार्यक्रम जाहीर करेल. त्यानंतर आचार संहिता लागू होईल. आचार संहिता लागू झाल्यानंतर सरकार धोरणात्मक निर्णय घेऊ शकणार नाही.

आजच्या मंत्रिमंडळाच्या बैठकीत सरकारने काही महत्वाचे निर्णय घेतले

(१) इथेनॉल उत्पादन, प्लांट उभारणी या करता सॉफ्ट लोन देण्यासाठी सरकारने Rs १५००० कोटींची तरतूद केली . या सॉफ्ट लोनवर कमाल ५% व्याज आकारले जाईल.
(२) सरकारने तोट्यात चालणाऱ्या थर्मल पॉवर प्रोजेक्टना काही सवलती दिल्या.
(३) हैड्रो पॉवर प्रोजेक्टना रिन्यूएबल एनर्जी सेक्टरचा दर्जा दिला. त्यामुळे त्यांना कर्ज उभारणे सोपे जाईल.
(४) इलेट्रीकल व्हेहिकलसाठी इलेक्ट्रिक मोबिलिटी मंजूर केली. याचा फायदा एक्साईड, अमर राजा बॅटरी, यांना होईल.
(५) चिनार व्हॅली प्रोजेक्ट साठी NHPC ला तर बक्सार येथे १३२० MV थर्मल प्रोजेक्टसाठी NTPC ला मंजुरी दिली.

टेक्सटाईल सबसिडी योजनेची मुदत Rs ६३०० कोटी गुंतवणुकीसकट ३ वर्षे वाढवली. तसेच या सब्सिडीसाठी योग्य अशा वस्तूंची संख्या वाढवली. त्यामुळे आता टेक्सटाईल आणि गारमेंट सेक्टरची बर्याच करातून सुटका होईल.याचा फायदा लक्स, रूपा, डॉलर, अरविंद ,सेंच्युरी आणि रेमंड या कंपन्यांना होईल

नॅशनल ग्रीन ट्रायब्युनलने आज फॉक्सवॅगन या कंपनीला कमी प्रदूषण दाखवणारी सिस्टिम कारमध्ये बसवण्याबाबतीत Rs ५०० कोटी दंड केला. दोन आठवड्यात हा दंड भरण्यास सांगितले.

USFDA ची कमिशनर श्री SCOTT GOTTLIEB यांनी आज दोन वर्षांनंतर अचानक राजीनामा दिला. त्यांनी राजीनामा दिल्यामुळे भारतीय फार्मा क्षेत्रात अनिश्चितता निर्माण झाली. नव्या येणाऱ्या कमिशनरचा जनरिक ड्रग प्राइसिंग,औषधाना मंजुरी देण्याची गती, आणि रेग्युलेटरी इन्स्पेक्शन या बाबतीत काय पवित्रा असेल याबाबत अंदाज येत नाही म्हणून फार्मा क्षेत्रातील शेअर्स आज मंदीत होते.

बायोकॉनच्या बंगलोर प्लांटची तपासणी USFDA ने केली. त्यात ६ त्रुटी दाखवल्या. या प्लांटमध्ये ओरल इन्शुलिन बनवतात.
मार्कसन फार्माच्या गोवा युनिटचे USFDA ने इन्स्पेक्शन केले. त्यांनी ८ त्रुटी दाखवल्या. अरविंदमधून ज्या कंपन्या बाहेर पडल्या त्यापैकी अनूप इंजिनीअरिंगचे लिस्टिंग झाले. उद्या अरविंद फॅशनचे लिस्टिंग होणार आहे.

रिलायन्स कॅपिटल Rs १२००० चे कर्ज दोन ते तीन महिन्यात फेडेल. सध्या कंपनीवर Rs १८००० कोटींचे कर्ज आहे. कर्ज फेडण्यासाठी रिलायन्स NIPONमधील ४३% आणि रिलायन्स जनरल इन्शुअरन्समधील स्टेक विकणार आहे.
टेक सोल्युशन या कंपनीला BSE ने ‘B’ ग्रुपमधून ‘A’ ग्रुप मध्ये टाकले.

पॉवर ग्रिडने Rs ५.८३ प्रती शेअर तर HDFC STANDARD लाईफ ने Rs १.६३ प्रती शेअर अंतरिम लाभांश जाहीर केला.
टाटा मोटर्सच्या व्यवस्थापनाने पुढील दोन वर्षांसाठी चांगले संकेत दिले. एकदा चार्ज झाल्यावर ३०० किलो मीटर जाऊ शकेल अशा इलेक्ट्रिक बसेस मार्केटमध्ये आणणार आहेत. ७ सीटरची SUV बाजारात आणणार आहेत. तसेच आपला JLR मधील स्टेक विकण्याचा विचार नाही असे सांगितले.

महिंद्रा लाईफ स्पेस ने पुण्यामध्ये रेसिडेन्शियल प्रोजेक्ट लाँच केली.

होंडाने आज आपली ‘CIVIC’ ही नवी कार लाँच केली.

BSE निर्देशांक सेन्सेक्स ३६७२५ NSE निर्देशांक निफ्टी ११०५८ वर बँक निफ्टी २७७६४ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

 

आजचं मार्केट – ६ मार्च  २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ६ मार्च  २०१९

आज क्रूड US $६५.३२ प्रती बॅरल ते US $ ६५.५७ प्रती बॅरल या दरम्यान तर रुपया US $१=Rs ७०.५० ते US $१=Rs ७०.५४ या दरम्यान होते. US $निर्देशांक ९६.९५ होता.

काल USA चे अध्यक्ष ट्रम्प भारत आणि तुर्कस्थानवर मोर्चा वळवला होता. आता ट्रम्पचे लक्ष जपानकडे गेले आहे. जपानने आपल्या येन या करन्सीमध्ये हवा तसा बदल करणे ट्रम्पना मान्य नाही. ट्रम्प यांनी असेही सांगितले की जर उत्तर कोरियाने डिन्यूक्लिअरायझेशनचा कार्यक्रम पार पाडला नाही तर उत्तर कोरियावर निर्बंध घालावे लागतील.कोणाच्याही धमक्यांना न घाबरता आज बुल्सनी उत्तम चढाई केली.बुल्सना क्रूड, रुपया आणि VIX या तिघांनीही साथ दिली. ७ फेब्रुवारी २०१९ नंतर निफ्टीने प्रथमच ११००० चा टप्पा पार केला एवढेच नाहीतर ११००० च्या वर निफ्टी आज क्लोज झाला.

आज मार्केटमध्ये चहा,साखर, आणि पेपर उद्योगातील शेअर्स तेजीत होते. तर IT क्षेत्रातील शेअर्समध्ये किंचित मंदी होती. काल प्रथम मार्केट पडले होते त्यामुळे’ रिस्क रिवॉर्ड रेशियो’ चांगला होता. क्रिकेटच्या भाषेत फुलटॉस होता त्यामुळे मार्केटने सिक्सर मारली. आज नव्याने एन्ट्री करणे योग्य नव्हते. सर्वांनी थोडे थोडे प्रॉफिट बुकिंग करावे, ‘TRAILING स्टॉप लॉसेस’ चा उपयोग करावा. सध्या Rs ५० पेक्षा कमी CMP असलेल्या शेअर्समध्ये तेजी सुरु झाली आहे.. त्यामुळे ट्रेडर्सनी ‘हुरळली मेंढी लागली लांडग्याच्या पाठी’ असे करू नये कारण सध्या चालू असलेल्या तेजीच्या संगीत खुर्चीचे संगीत कधी थांबेल हे सांगता येत नाही.

११ मार्चला सुरु होणाऱ्या आठवड्यात निवडणूक आयोग सार्वत्रिक निवडणुकांचा कार्यक्रम जाहीर करणार आहे. त्यामुळे उद्या होणारी मंत्रिमंडळाची बैठक ही या मंत्रिमंडळाची शेवटची बैठक असेल. या मंत्रिमंडळाच्या बैठकीत इथेनॉल ब्लेंडींग, साखर कारखान्यांना इथेनॉल साठी दिल्या जाणार्या सॉफ्ट लोन मध्ये वाढ आणि कर्जावरील व्याजाच्या दरात सबसिडी देण्याचा विचार होण्याची शक्यता आहे.

सरकारचा ड्रेजिंग कॉर्पोरेशनमधील ७३.४७% स्टेक Rs ५१० प्रती शेअर या भावाने विशाखापट्टणम, दिन दयाळ उपाध्याय, जवाहरलाल नेहरू, पारादीप पोर्ट ट्रस्ट हे चार पोर्ट ट्रस्ट खरेदी करतील. आता या शेअरमध्ये ओपन ऑफर आणण्याची गरज नाही.

एन्ड्युरन्स टेक्नॉलॉजीची ऑफर फॉर सेल QIB साठी आजपासून सुरु झाली.उद्या ही ऑफर रिटेल इन्व्हेस्टर्स साठी ओपन होईल. फ्लोअर प्राईस Rs ११०० आहे. प्रमोटर्सचा स्टेक ८२.४% आहे. ते आपल्या या स्टेकपैकी ७.५% स्टेक विकणार आहेत. सेबीच्या नियमानुसार प्रमोटर्सचा स्टेक जास्तीतजास्त ७५% राहू शकतो त्यामुळे कंपनीला OFS आणणे भाग पडले. ( OFS या कॉर्पोरेट एक्शनविषयी सविस्तर माहिती माझ्या ‘मार्केट आणि मी’ या पुस्तकात दिली आहे.

क्विक हिल ही कंपनी Rs २७५ प्रती शेअर या भावाने ६३.६० लाख शेअर्सचा BUY बॅक करण्यासाठी Rs १७५ कोटी खर्च करेल.

ग्रासिम ही कंपनी एक होल्डिंग कंपनी असली तरी तिचे स्वतःचे व्यवसाय आहेत. ह्या कंपनीने ‘सोकटास इंडिया’ ही कंपनी Rs १६५ कोटींना खरेदी केली.

HDFC म्युच्युअल फंडाने अशोका बिल्डकॉन या कंपनीत २.०५ % स्टेक खरेदी केला.

मारुती लिमिटेड चे फेब्रुवारी २०१९ या महिन्यात उत्पादन ८.३% कमी होऊन १.४८लाख युनिट एवढे झाले. मारुती लिमिटेडने आपली नवी ‘S -CNG WAGON R’ ही कार बाजारात आणली.

DHFL या NBFC च्या बाबतीत कोब्रा पोस्टने जे आरोप केले होते ते रद्द झाले.

किरण अग्रवाल यांची हिंदुस्थान झिंक या कंपनीच्या चेअरमनपदी नियुक्ती करण्यात आली.

टाटा कम्युनिकेशन ही कंपनी 5G सपोर्टसाठी IPX नेटवर्क लाँच करत आहे.

आपला माल निर्यात करणाऱ्या कंपन्यांना त्यांच्या ऍग्री एक्स्पोर्टसाठी होणारा वाहतुकीचा खर्च सरकार करेल याचा फायदा गुजराथ अंबुजा एक्स्पोर्ट या कंपनीला होईल.

एडेलवाईस या NBFC मध्ये पेन्शन फंड Rs १८०० कोटींची गुंतवणूक करणार आहे. पेन्शन फंड दीर्घ मुदतीसाठी गुंतवणूक करतात. एडेलवाईजच्या दृष्टीने हे चांगले आहे.त्यामुळे एडेलवाईसचा शेअर वधारला.

सेबीने सन फार्माकडे आदित्य मेडिसेल्सच्या माध्यमातून Rs ४२००० कोटी ट्रान्स्फर करण्याविषयी स्पष्टीकरण मागवले.

इंडियम ह्यूम पाईप या कंपनीला रायपूर नगर निगम कडून Rs २५५ कोटींच्या दोन ऑर्डर मिळाल्या.

उत्तर अमेरिकेत क्लास 8 ट्रकची विक्री ५८% ने कमी झाली. ट्रकसाठी ऑर्डर ४०२०० ट्रक्स वरून १६७०० ट्रक्स इतकी झाली. याचा परिणाम भारत फोर्जच्या शेअरवर झाला. .

कोल इंडिया या सार्वजनिक क्षेत्रातील सरकारी कंपनीच्या बोर्ड ऑफ डायरेक्टर्सची लाभांशावर विचार करण्यासाठी १४ फेब्रुवारी २०१९ रोजी बैठक आहे. कोल इंडियाच्या लाभांशाची रेकॉर्ड डेट २५ मार्च २०१९ असेल. NMDC या कंपनीची लाभांशावर विचार करण्यासाठी १२ मार्च २०१९ रोजी बोर्ड ऑफ डायरेक्टर्सची बैठक आहे

BSE निर्देशांक सेन्सेक्स ३६६३६ NSE निर्देशांक निफ्टी ११०५३ बँक निफ्टी २७६२६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

 

आजचं मार्केट – ५ मार्च  २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ५ मार्च  २०१९

आज क्रूड US $६५.०५ प्रती बॅरल ते US $६५.३९ प्रती बॅरल या दरम्यान रुपया US $१= ७०.४७ ते US $१=७०.९४ या दरम्यान होते. US $निर्देशांक ९६.७१ होता.

भारत आणि पाकिस्तान यांच्यातील परिस्थिती थोडीशी निवळू लागली आहे. ही वादळापूर्वीची शांतता की वादळानंतरची शांतता हे मात्र माहीत नाही. सर्व राजकीय पक्ष्याची मोट बांधली जाणे दृष्टीपथात नाही. त्यामुळे तिहेरी लढती होतील थोड्या अधिक जागा मोदींना मिळतील आणि पंतप्रधानपदाच्या दुसर्या मुदतीसाटी पुन्हा नरेंद्र मोदी यशस्वी होतील असा मार्केटने अंदाज केला. त्यातच रुपया वधारला क्रूडचे दर कमी झाले. सोन्याचा दर हे Rs ३००ने कमी झाला आणि बुल्सना जोर आला.

USA आणि चीन यांच्यातील ट्रेड वॉरचे भिजत घोंगडे तसेच आहे. पण ट्रम्पनी मात्र आपला मोर्चा भारताकडे वळवला. भारत आमच्या मालावर ड्युटी जास्त लावत आहे. येत्या ६० दिवसांत भारताने ही ड्युटी कमी केली नाही तर त्यांना GSP मधून बाहेर काढले जाईल.असा इशारा दिला. ट्रम्पच्या या विधानाकडे मार्केटने फारसे लक्ष दिले नाही. आज लार्जकॅप शेअरमधून बाहेर पडून स्वस्त्यात मिळणाऱ्या निवडक मिडकॅप आणि स्माल कॅप शेअर्सकडे मार्केटने मोर्चा वळवला असे जाणवले.

सेबीने कॉर्पोरेट DEBT रिस्ट्रक्चरिंगचे नियम कडक केले. जेट एअरवेजबाबतीत असे वाटले होते की ओपन ऑफर आणण्यापासून सुटका झाली. पण तसे नाही. फक्त लेंडर्सची सुटका ओपन ऑफरच्या नियमातून झाली. बाकीच्याना ओपन ऑफर आणावी लागेल.

११ मार्च २०१९ पासून निफ्टी IT ऑप्शनची साप्ताहिक एक्सपायरी सुरु होईल. निफ्टी IT मध्ये व्हॉल्युम कमी असतात. या साप्ताहिक ऑप्शनमुळे निफ्टी IT मध्ये लिक्विडीटी वाढेल.

शेल इंडिया सिटी गॅस डिस्ट्रिब्युशन मधून बाहेर पडणार आहे. शेल इंडियाची हिस्सेदारी कोण खरेदी करणार आणि कोणत्या भावाला खरेदी करायची ह्यावर MGL ची पुढील हालचाल अवलंबून आहे.

USA चे अध्यक्ष ट्रम्प यांनी काल असे सांगितले की भारत USA मधून आयात होणाऱ्या मालावर खूप ड्युटी लावतो. त्यामुळे भारताला (जनरलाईज्ड सिस्टिम ऑफ प्रेफरन्सेस) मधून बाहेर केले जाईल याची दखल भारताने घ्यावी. या योजनेखाली काही भारतीय प्रॉडक्ट्स फ्री ऑफ ड्युटी USA मध्ये निर्यात होतात. भारत मुख्यतः ऍग्री प्रॉडक्ट्स, मसाले, पादत्राणे, झिंगे, ज्युवेलरी, गारमेंट्स आणि क्लोदिंग USA ला निर्यात करतो. भारताच्या अर्थसचिवांनी सांगितले की जरी असे झाले तरी भारताच्या अर्थव्यवस्थेवर फारसा परिणाम होणार नाही. मार्केट थोडा वेळ मंदीत होते पण अर्थसचिवांच्या या खुलाश्यानंतर मार्केटवरील मळप दूर झाले आणि तेजी परत आली.

केंद्र सरकारनी वेदांताच्या बारमेर क्षेत्रात जो गॅस मिळतो तो GAIL या कंपनीने खरेदी करावा असे सांगितले.

आज टाटा मोटारीची विक्री USA मध्ये लँड रोव्हर ची विक्री १९%नी तर USA मध्ये जाग्वारची विक्री २९% आणि युरोप मध्येही विक्री वाढल्यामुळे टाटा मोटर्स आणि टाटा मोटर्स DVR हे शेअर्स तेजीत होते.

रिलायन्स इन्फ्राला AAI ( एअरपोर्ट ऑथॉरिटी ऑफ इंडिया) कडून राजकोट विमानतळासाठी Rs ६४८ कोटींची ऑर्डर दिली.

ITC ने आपल्या विविध ब्रॅण्ड्स च्या सिगारेटचे भाव वाढवले.

RBI ने नियमांचा भंग केला म्हणून अलाहाबाद बँकेला Rs २ कोटी दंड केला.

IDBI बँकेच्या ‘टर्न अराउंड’ साठी LIC ने योजना सादर केली. यासाठी LIC ला IDBI फेडरलमधील आपला स्टेक १०% ने कमी करावा लागेल.

आंध्रच्या राज्य सरकारने २० सिमेंट उत्पादन करणाऱ्या कंपन्यांची बैठक घेतली. या कंपन्यांनी सिमेंटच्या किमतीत Rs २० वाढ केली आहे.

गती या कंपनीचे प्रमोटर्स गतीमधील २४% स्टेक TVS लॉजिस्टीक्सला विकणार आहे.

MSTC (मेटल स्क्रॅप ट्रेडिंग कॉर्पोरेशन) या नवरत्न कंपनीचा IPO येण्याची शक्यता आहे.

नॅशनल हौसिंग बँकेने हौसिंग फायनान्स कंपन्यांसाठी CAD ( कॅपिटल ADEQUACY) रेशिओ वाढवावा अशी सूचना केली.

BSE निर्देशांक सेन्सेक्स ३६४४२ NSE निर्देशांक निफ्टी १०९८७ बँक निफ्टी २७५५४ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

 

आजचं मार्केट – १ मार्च  २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch ९-१० मार्चला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – १ मार्च  २०१९

आज क्रूड US $६६.५१प्रती बॅरल ते US $६६.७९ प्रती बॅरल या दरम्यान तर रुपया US $१=Rs ७०.७६ ते US $१=Rs ७०.९७ या दरम्यान होते. US $ निर्देशांक ९६.२४ होता. आज मार्केटमधील मार्च सिरीजचा पहिला दिवस होता. मिडकॅपमध्ये तसेच सिमेंट,खते,मेडिया, IT या क्षेत्रात चांगले रोलओव्हर झाले. फेब्रुवारीचा रोलओव्हर ६१% झाला. मार्च सिरीजविषयी ट्रेडर्स आशादायी आहेत. या सिरीजमध्ये रिस्क रिवॉर्ड रेशियो चांगला असेल.

काल सरकारने मंत्रिमंडळाच्या बैठकीत घेतलेल्या विविध निर्णयामुळे साखर, EV उत्पादन करणाऱ्या कंपन्या, मायनिंग कंपन्या, इलेक्ट्रिक बॅटरी बनवणार्या कंपन्या तसेच अंतरिम लाभांश चांगला मिळेल म्हणून काही PSU कंपन्यांच्या शेअर्सचे भाव वाढले.

ल्युपिनला त्यांची बोनमॅरोसाठी उपयोगात येणाऱ्या औषधाला USFDA ने परवानगी दिली. पण या औषधासाठीचे मार्केट खूप मोठे नाही US $ १० कोटी एवढेच आहे.

ऑरोबिंदो फार्माच्या हैदराबाद युनिट IV च्या USFDA ने ३ डिसेंबर २०१८ ते १४ डिसेंबर २०१८ या काळात केलेल्या इन्स्पेक्शन मध्ये २ त्रुटी दाखवल्या.

CA EMARLD ने SBI लाईफ इन्शुअरन्सचे ९ कोटी शेअर्स खरेदी केले.

कॅस्ट्रोल इंडियाने फोर्ड बरोबर ऑईल इंजिन पुरवण्याचा करार केला.

REC या सार्वजनिक क्षेत्रातील सरकारी कंपनीने Rs ११ प्रती शेअर अंतरिम लाभांश जाहीर केला. यासाठी रेकॉर्ड डेट १२ मार्च २०१९ आहे.

अजंता फार्मा या कंपनीची शेअर BUY BACK २८ फेब्रुवारी २०१९ पासून १४ मार्च २०१९ पर्यंत ओपन राहील.

RITES या कंपनीच्या बोर्ड ऑफ डायरेक्टर्सची ११ मार्च २०१९ रोजी अंतरिम लाभांशावर विचार करण्यासाठी बैठक बोलावली आहे

भारती एअरटेल ही टेलिकॉम क्षेत्रातील कंपनी प्रती शेअर Rs २२० या भावाने राईट्स इशू आणणार आहे. आपल्याजवळ जर कंपनीचे ६७ शेअर्स असतील तर आपल्याला राईट्स इशूमध्ये १९ शेअर्स मिळू शकतील.

EPC इंडस्ट्रीजचे नाव बदलून महिंद्र EPC इंडस्ट्रीज असे ठेवले.

HDFC म्युच्युअल फंडाने सोनाटा सॉफ्टवेअरमध्ये २% स्टेक खरेदी केला.

SBI म्युच्युअल फंडाने टाटा मोटर्सचे ३८ लाख DVR शेअर्स खरेदी केले.

CEAT मध्ये आमंता होल्डिंगने स्टेक वाढवली.

मायनिंग पॉलिसी मध्ये मायनिंग उद्योगाला इन्फ्रास्ट्रक्चरचा दर्जा दिला. याचा फायदा हिंदुस्थान कॉपर, वेदांता, डेक्कन गोल्ड आणि धातू क्षेत्रातील कंपन्यांना होईल.

वेदांताला २०१४ या वर्षी गोव्यामध्ये एक झिंकची खान मिळाली होती. ती आता ऑपरेशनला होत आहे.

साखर उत्पादक कंपन्यांना त्यांच्या जवळ जेवढा साखरेचा स्टॉक असेल त्याचे व्हॅल्युएशन करून तेवढे कर्ज या कंपन्यांना मिळेल.

अरुण ३ प्रोजेक्ट मध्ये सरकार गुंतवणूक करणार आहे. याचा फायदा SJVN ला होईल.

अरविंद लिमिटेडमधून अनूप इंजिनीअरिंग ही कंपनी डीमर्ज झाली. आज या कंपनीचे BSE आणि NSE या स्टॉक एक्स्चेंजवर झाले. लिस्टिंग Rs ४७०च्या जवळपास झाले.

जेट एअरवेजची एकूण १३ विमाने विमानांचे भाडे न दिल्यामुळे ग्राउंड झाली. या कंपनीचे प्रमोटर हे कंपनीची मालकी सोडायला आणि त्यांचा या पुढे व्यवस्थापनात कोणताही सहभाग असणार नाही या दोन अटींना कबुल झाले. आता एतिहाद ही कंपनी जेट एअरवेजमधील स्टेक वाढवेल. ATF या विमानासाठी लागणाऱ्या इंधनाच्या किमतीमध्ये ८.२% वाढ झाल्यामुळे विमानकंपन्यांची कॉस्ट वाढेल. आता एतिहाद ला ओपन ऑफर आण्याची गरज राहणार नाही

आज ऑटो विक्रीचे आकडे आले. मारुतीची देशांतर्गत विक्री १.३६ लाख युनिट तर एकूण विक्री १.४८ लाख युनिट झाली.
अशोक लेलँड ची विक्री १८२४५ युनिट्स झाली. देशांतर्गत विक्री १७३५२ झाली. M &HC वाहनांची विक्री १३२९१ युनिट्स झाली.

एस्कॉर्टसची विक्री १२% ने वाढली तर एक्स्पोर्ट्स ९२.८% ने वाढले. बजाज ऑटोची विक्री १०% आणि निर्यात १९% ने वाढली. महिंद्रा आणि महिंद्रा ची विक्री १०% ने वाढली. आयचर मोटर्सची विक्री ६.७%ने कमी झाली. SML ISUZU ची विक्री ३२.८% ने वाढून १२८१ युनिट एवढी झाली. अतुल ऑटो या कंपनीची विक्री १३.४% ने वाढून ११०६ युनिट झाली. यांच्या परिणामस्वरूप मारुती आणि अशोक लेलँड आणि आयचर मोटर्सचे शेअर्स पडले. याउलट एस्कॉर्टस, बजाज ऑटो, SML इसुझू, महिंद्रा आणि महिंन्द्रा, आणि अतुल ऑटो या कंपन्यांचे शेअर्स वधारले.

रामको सिमेंट या कंपनीच्या प्रमोटर्सनी २१ लाख शेअर्स गहाण ठेवले.

आज सेबीच्या बैठकीत म्युच्युअल फंडांना कमोडिटी वायडामध्ये ट्रेडिंग करण्यासाठी परवानगी दिली गेली.

REITS InvITS मध्ये कोणत्याही प्रोजेक्टमध्ये ७०% पर्यंत गुंतवणूक करू शकते.

IBC मध्ये गेलेल्या कंपन्या विकत घेण्याच्या वेळी ओपन ऑफर आणण्याचे नियम बदलले. आता खरेदी करणाऱयांना ओपन ऑफर आणण्याची गरज नाही.

१ कोटीच्या व्यवहारावर Rs १० ब्रोकर फी मध्ये सूट मिळेल. आणि स्टॉक एक्स्चेंजच्या रेग्युलेटरी फी मध्ये ८०% ची सूट मिळेल.

BEL ही सार्वजनिक क्षेत्रातील सरकारी कंपनीने ९ मार्च रोजी अंतरिम लाभांशावर विचार करण्यासाठी आपल्या बोर्ड ऑफ डायरेक्टर्सची बैठक बोलावली आहे.

ABB या कंपनीचा चौथ्या तिमाहीचा निकाल चांगला आला. कंपनीने Rs ४.८० प्रती शेअर लाभांश दिला.

JBM ऑटो ही कंपनी इलेक्ट्रिक बस बनवते सरकार कडून या कंपनीला सबसिडी मिळेल.

ADVANCE (अग्रीम) आयकर भरण्यासाठी शेअर मार्केटमध्ये ११ ते १२ मार्च पर्यंत विक्री करतात. त्यामुळे मार्केट पडण्याची शक्यता असते.

MRSS या मदर्सन सुमीच्या फुल्ली ओन्ड सबसिडीअरीने BOMBARDIER ट्रान्सपोर्टेशन ही मोबाईल सोल्युशन पुरवणारी कंपनी खरेदी केली

आज BSE निर्देशांक सेन्सेक्स ३६०६३ NSE निर्देशांक निफ्टी १०८६३, बँक निफ्टी २७०४३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!