Monthly Archives: August 2019

आजचं मार्केट – २० ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २० ऑगस्ट २०१९

आज क्रूड US $ ५९.७३ प्रती बॅरल ते US $ ६०.१६ प्रती बॅरल या दरम्यान रुपया US $१=Rs ७१.५१ ते US $ १= Rs ७१.७५ या दरम्यान होते. US $ निर्देशांक ९८.३४ तर VIX १६.८० होता.

USA मध्ये क्रूडचा साठा १९ लाख बॅरल कमी झाला. तसेच USA चे अध्यक्ष ट्रम्प यांचा US चीन ट्रेड वॉरविषयी पवित्रा सौम्य झाला. त्यामुळे क्रूडच्या भावात वाढ होण्याची शक्यता आहे. आज रुपया ६ महिन्यांच्या किमान स्तरावर होता. यामुळे IT क्षेत्रातील शेअर्स तेजीत होते.

US $ मजबूत होत आहे, US $ निर्देशांक तीन महिन्याच्या उच्च स्तरावर असल्याने सोने आज घसरले.
MGL मध्ये ब्रिटिश गॅसचा स्टेक आहे. हा स्टेक ब्रिटिश गॅस अधून मधून कमी करत असे. या शेअरवर हा स्टेक म्हणजे टांगती तलवार होती. आज ब्लॉक डीलच्या सहाय्याने MGL मधील आपला १०% स्टेक Rs ७८० प्रती शेअर या भावाने ब्रिटिश गॅसने विकला.या शेअर्स साठी असलेला ३ वर्षांचा लॉकइन पिरियड १ जुलै २०१९ रोजी संपला. त्यात ब्रिटिश गॅस प्रमोटर होते त्यामुळे त्यांच्या साठी ह्या शेअर्ससाठी ३ वर्षांचा लॉकइन पिरियड होता. महानगर गॅसचे लिस्टिंग जून २०१६ मध्ये झाले. या नंतर ३ वर्षांनी हा लॉकइन पिरियड संपला. हे शेअर्स खरेदी करण्याचा अधिकार GAIL ला होता पण त्यांनी शेअर्स खरेदी करण्यासाठी नकार दिल्यामुळे ब्रिटिश गॅसने हा स्टेक ओपन मार्केटमध्ये विकला. या स्टेक विक्रीमुळे MGL च्या शेअरमध्ये तेजी होती.

HDFC AMC आणि HDFC लाईफ यांना एस्सेल ग्रुपकडून रक्कम मिळणार आहे. बुधवारी स्टॅंडर्ड लाईफने HDFC लाईफमधला ३.३३% स्टेक विकला.

L I C ने क्रॉम्प्टन कन्झ्युमर मधील स्टेक ५.२% वरून ३.१% इतका कमी केला. तर हिंदाल्को मधील आपला स्टेक ८.३२% वरून १०.३९% पर्यंत वाढवला.

M & M फायनान्सियल्सने IDEAL फायनान्स मध्ये ५८.२% स्टेक Rs ८०.६ कोटींना विकत घेतला.

DHFL ने आज पुम्हा Rs १५७१ कोटीच्या पेमेंटमध्ये डिफॉल्ट केला.

GAIL येत्या ५ वर्षात गॅस पाईप लाईन वर Rs ४८००० कोटींची गुंतवणूक करेल.

आज स्टर्लिंग & विल्सनचे Rs ७०६ प्रती शेअर या भावावर लिस्टिंग झाले म्हणजे इशू प्राईसच्या ९% डिस्काउंटवर झाले. या IPO चा प्राईस बँड Rs ७७५ ते Rs ७८० होता. IPO ची साईझ कमी केली होती. त्यामुळे लिस्टिंग इशू प्राईसपेक्षा कमी प्राईसवर होईल असा अंदाज होताच.

ONGC ३ कोलंबियन ब्लॉकमधून बाहेर पडणार आहे.

ओबेराय रिअल्टीज आणि CAPACITE इन्फ्रा या कंपन्यांचा आयकर विभागाने सर्व्हे केल्यामुळे हे दोन्ही शेअर पडले.
C G पॉवर मध्ये कॉर्पोरेट गव्हर्नन्सचा प्रश्न उपस्थित झाला आहे. या कंपनीने तारण म्हणून ठेवलेले शेअर्स येस बँकेने जप्त केले होते. त्यामुळे आता या कंपनीत येस बँकेचा १२.७९% स्टेक आहे. त्यामुळे C G पॉवर आणि येस बँक या दोन्ही कंपन्यांचे शेअर पडले.

SBI ने सणासुदीच्या दिवसांसाठी ऑटोलोन वरील प्रोसेसिंग चार्जेस रद्द केले आहेत. कारसाठी

८.७० % दराने कर्ज देणार आहे. जर तुम्ही कर्जासाठी ऑनलाईन अर्ज केला तर तुम्हाला व्याज दरात ०.२५% ची सूट मिळेल.

जम्मू आणि काश्मीरमध्ये NHPC आणि JKSPDC हे संयुक्तरीत्या हायड्रोप्रोजेक्ट तयार करणार आहेत. यात NHPC चा ५१% स्टेक असेल. हा एकूण Rs ५२८१ कोटींचा प्रकल्प आहे.यामुळे NHPC च्या शेअरमध्ये तेजी आली.
हुंदाईने आज आपली GRAND i १० NIOS ही कार लाँच केली.

कर्नाटक राज्य सरकारने दोनीमलाई मायनिंगचा अधिकार NMDC कडून परत घेतला.

NMDC च्या छत्तीसगढमधील खाणींसाठी असलेले मायनिंग लायसेन्स २०२० मध्ये संपत आहे. त्यामुळे NMDC च्या शेअर्सच्या प्राईसमध्ये घट झाली.

BSE चा शेअर बायबॅक ३० ऑगस्ट ते १६ सप्टेंबर या मुदतीत ओपन राहील.

BSE निर्देशांक सेन्सेक्स ३७३२८ NSE निर्देशांक निफ्टी ११०१७ बँक निफ्टी २७९८२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १९ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १९ ऑगस्ट २०१९

आज क्रूड US $५९.०७ प्रती बॅरल ते US $ ५९.५७ प्रती बॅरल या दरम्यान तर रुपया US $ १=Rs ७१.१६ ते US $ १=Rs ७१.४५ या दरम्यान होते. US $ निर्देशांक ९८.२० तर VIX १६.२४ होते.

आज प्रत्यक्ष कर रिफॉर्म्स टास्क फोर्स आपला अहवाल अर्थमंत्र्यांना सादर करेल. या अहवालात DDT (डिव्हिडंड डिस्ट्रीब्यूशन टॅक्स) पूर्णपणे हटवण्याची शिफारस आहे. जेव्हा डिव्हिडंड दिला जातो तेव्हा हा टॅक्स कंपनीने पेड करावा लागतो. या टॅक्सचा रेट १५% असून १२% सरचार्ज +३%शिक्षण सेस धरुन एकंदर इफेक्टिव्ह कराचा दर २०.३५% आहे. तसेच MAT (मिनिमम आल्टर्नेट टॅक्स) ही पूर्णपणे रद्द करावा अशी शिफारस केली आहे. हा कर बुक प्रॉफिट्स वर १८.५% नी लागतो. तसेच कॉर्पोरेट टॅक्सचा रेट २५% करावा. तसेच आयकराच्या विविध स्लॅब आणि कराचे दर यांच्यात बदल करावा अशी शिफारस केली आहे.

RBI चे गव्हर्नर शक्तिकांता दास यांनी FICCI बरोबरच्या मीटिंग मध्ये सांगितले की वित्तीय स्थैर्य आणि ग्रोथ हे RBI चे मुख्य फोकस एरिया असतील.

आज BSE वर आधीच लिस्टेड असलेल्या कंपन्या NSE वर लिस्ट झाल्या. त्या पुढीलप्रमाणे :- स्पाईस जेट, फोर्स मोटर्स, केन्नामेटल, वेस्टलाइफ, विशाल फॅब्रिक्स, वॉटरबेस, BC पॉवर कंट्रोल, जिया इको प्रॉडक्ट्स, जम्प नेटवर्क्स, दिग्विजय सिमेंट, दोलत इन्व्हेस्टमेंट, विकास PROPPANT, विकास WSP आणि हिंदुस्थान फूड्स. या पैकी काही कंपन्यांच्या शेअर्स मध्ये तेजी करून मार्केटने या लिस्टिंगचे स्वागत केले. उदा :- स्पाईस जेट, फोर्स मोटर्स.

जूनमध्ये रिलायन्स जियोनी ८३ लाख ग्राहक जोडले तर भारती एअरटेलने ३०००० ग्राहक गमावले.

LNG च्या वापराला उत्तेजन देण्यासाठी LNG वर चालणाऱ्या बस आणि ट्रक यांच्यावरील GST सरकार कमी/रद्द करण्याची शक्यता आहे.

उज्जीवन स्माल फायनान्स बँकेच्या Rs १२ कोटी रुपयाच्या IPO साठी अर्ज दाखल केला. ही बँक लिस्ट झाल्यावर उज्जीवन फायनान्स ही होल्डिंग कंपनी बनेल. यामुळे या कंपनीच्या शेअरमध्ये ४०% पर्यंत घट होण्याची शक्यता आहे. या बँकेच्या IPO आधी Rs ३०० कोटीची अलॉटमेंट करेल.

सन फार्माच्या हलोल प्लाण्टला USFDA ने NAI (नो एक्शन इनिशिएटेड) प्रमाणपत्र दिले. सन फार्माने चीनमध्ये सात जनरिक औषधांच्या डेव्हलपमेंट आणि मार्केटिंगसाठी करार केला.

FPI वरील जादा सेस, ऑटोसेक्टरमधील मंदी, सतत कमी होणारी औद्योगिक गुंतवणूक या आणि इतर बाबतीत उद्योगांच्या निवेदनावर सरकार काही उपाय करेल अशी मार्केटला आशा आहे.त्यामुळे तेजीमंदीचा लपंडाव चालू आहे. तेजी टिकत नाही ट्रेडर्स सकाळी पोझिशन घेतात सरकारी घोषणेची दिवसभर वाट बघतात आणि जर दिवसभरात घोषणा झाली नाही तर मार्केट संपताना विक्री करतात. ही तेजी येते तेव्हा प्रथम लार्ज कॅप शेअर चालतात, दुसरे दिवशी मिडकॅप तर तिसरे दिवशी स्माल कॅप किंवा खूप पडलेले शेअर्स चालतात. चौथे दिवस मार्केट बेअर्सच्या ताब्यात जाते. आज काही शेअर्स त्यांचे NSE वर लिस्टिंग झाले म्हणून वाढले. हे काही मूलभूत कारण नव्हे. कंपन्यांचे उत्पन्न प्रॉफिट वाढले नाही कोणतीही ग्रोथ झालेली नाही तरी जर शेअर्सची किंमत वाढत असली तर सावध राहा. कारण तेजीत वरच्या किमतीला खरेदी केलेले शेअर्स मार्केट अनपेक्षितरित्या पडले तर तुमच्याकडे दीर्घ काळ ठेवावे लागतील.

आज स्पंदन स्फूर्ती या कंपनीचे Rs ८५६ वर लिस्टिंग झाले.

BSE निर्देशांक सेंसेक्स ३७४०२ NSE निर्देशांक निफ्टी ११०५४ बँक निफ्टी २८१८६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १६ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – १६ ऑगस्ट २०१९

आज क्रूड US $ ५८.९० प्रती बॅरल ते US $ ५९.०५ प्रती बॅरल या दरम्यान, रुपया US $१=Rs ७१.११ ते US $ ७१.४७ या दरम्यान होते. US $ निर्देशांक ९८.४० आणि VIX १७.३९ होता.

GE या आंतरराष्ट्रीय ख्यातीच्या कंपनीच्या ऑइल आणि गॅस युनिटमध्ये US $ ३८ बिलियन चा फ्रॉड झाला आहे असे हॅरी मार्कोपोलस या व्हिसलब्लोअरने सांगितले आहे. GE ही कंपनी जवळ जवळ सगळ्या IT कंपन्यांची ग्राहक आहे. यामुळे याचा IT क्षेत्रातील सर्व कंपन्यांवर परिणाम होईल.

चीनला हाँगकाँगमध्ये जे काही घडते आहे ते पसंत नाही. त्यामुळे चीन हाँगकाँगविरुद्ध मिलिटरी पर्याय अमलात आणण्याची शक्यता वर्तवली जात आहे.

येस बँकेने QIP दवारा Rs ८३.५५ प्रती शेअर (बँकेने Rs ८७.९० ही या इशूसाठी फ्लॉवर प्राईस ठेवली होती) या दराने Rs १९३० कोटी उभारले. ठरवलेल्या दरापेक्षा कमी दराने QIP करायला लागणे ही चांगली गोष्ट मानली जात नाही. ही रकम बँकेच्या बिझिनेसचा विस्तार करण्यासाठी उपयोगात आणली जाईल असे त्यांच्या CEO रावनीत गिल यांनी सांगितले.
KNR कन्स्ट्रक्शन ही कंपनी आपले SPV क्यूब हायवेजला Rs ९५.८ कोटींना विकेल. KNR कन्स्ट्रक्शन या कंपनीचा पहिल्या तिमाहीचा निकाल असमाधानकारक होता.

आता थोडे ‘अंडरवेअर’ निर्देशांकाविषयी!  – हा निर्देशांक फेडचे चेअरमन ग्रीनस्पॅन यांनी १९७० च्या दशकात सुरु केला. जेव्हा अंडरवेअरसारख्या अत्यावश्यक गोष्टीची विक्री कमी होऊ लागते तेव्हा अर्थव्यवस्थेवर मंदीचे सावट घोंगावत असते. भारतात अंडरवेअरचे उत्पादन पेज इंडस्ट्रीज, लक्स, VIP इंडस्ट्रीज, डॉलर इंडस्ट्रीज या कंपन्या करतात. त्यांच्या विक्रीमध्ये घट आहे किंवा वाढ असली तरी फार थोडी आहे. हाच मुद्दा ब्रिटानियाच्या व्यवस्थापनाने Rs ५ च्या पॅकेटची किंमत वाढवली तर विक्रीवर नको तितका परिणाम होत आहे. ग्राहक Rs ५ चे पॅकेट घेतानाही विचार करू लागला आहे. त्यामुळे मागणी कमी होऊन मंदी येण्याचा धोका आहे. असे सांगून स्पष्ट केला होता. .

आता थोडे ‘इन्व्हर्टेड( उलटा) बॉण्ड (DEBT इन्स्ट्रुमेंट) यिल्ड( बॉन्डवर मिळणारे उत्पन्न) ‘ विषयी :- आपण सामान्यतः बघतो की जशीजशी आपल्या ठेवीची किंवा ‘DEBT इन्स्ट्रुमेंट’ची मुदत वाढते तसे त्याच्यावरील यिल्ड वाढत जाते. केंद्र सरकार. राज्य सरकार, प्रत्येक देशातील सरकार आणि कंपन्यासुद्धा डिबेंचर्सच्या स्वरूपात बॉण्ड्स इशू करतात. USA सरकारने इशू केलेल्या अल्प मुदतीच्या बॉण्ड्स वरचे यिल्ड मध्यम मुदतीच्या आणि दीर्घ मुदतीच्या बॉण्ड्सवरील यिल्डपेक्ष जास्त झाले आहे.

१० वर्ष मुदतीच्या बॉन्डवर १.५४% २ वर्षाच्या मुदतीच्या बॉण्ड्सवर १.५१% तर ३ महिने मुदतीच्या बॉण्ड्स वरील यिल्ड १.९१% आहे. याचा अर्थ असा होतो की गुंतवणूकदार मध्यम मुदतीच्या आणि दीर्घ मुदतीच्या काळातील ग्रोथविषयी साशंक आहेत त्यामुळे या मुदतीच्या बॉण्ड्स मध्ये पैसा गुंतवण्याची त्यांची तयारी नाही. याउलट अल्प मुदतीमध्ये असणाऱ्या आणि प्रत्यक्ष दिसत असणाऱ्या परिस्थितीत त्यांची पैसे गुंतवण्याची तयारी असल्यामुळे अल्प काळासाठी असलेल्या बॉण्ड्सवर यिल्ड जास्त मिळत आहे. जर असा ‘इन्व्हरटेड बॉण्ड यिल्ड कर्व्ह’ तयार झाला तर नजीकच्या काळात मंदी येते. याआधी सन २००० आणि सन २००७ मध्ये असा कर्व्ह तयार झाला होता. या कर्व्हचे भाकीत आता पर्यंत एकदाच चुकले आहे. पण हा कर्व्ह तयार झाल्यावर एक ते दीड वर्षांनंतर मंदी तीव्रतेने जाणवू लागते. हा कर्व्ह येणाऱ्या मंदीआधी तयार होत असल्याने हा मंदीचा लिडिंग इंडिकेटर आहे असे म्हणता येईल. जगातील सर्व देशांच्या सेंट्रल बँकांनी हे चिन्ह ओळखून मंदीचा सामना करण्यासाठी वेगवेगळ्या उपायांचा अवलंब करणे सुरु केले आहे. भारतातील स्थिती थोडी वेगळी आहे कारण भारतात कमी प्रमाणात का होईना ग्रोथ आहे.

सरकारने जल जीवन योजनेत मोठ्या प्रमाणावर गुंतवणूक केली जाईल असे घोषित केले. घर घरमे जल, प्रत्येक घरात पाईपद्वारे पाणीपुरवठा, या योजनांचा फायदा वॉटर ट्रीटमेंट करणाऱ्या कंपन्या पाईप उत्पादन करणाऱ्या कंपन्या यांना होईल. यामध्ये व्हा टेक, फिनोलेक्स इंडस्ट्रीज, प्राज इंडस्ट्रीज, ASTRAL पॉली, थरमॅक्स या कंपन्यांचा समाचवेश असेल.

सरकार IT क्षेत्रातील, टेलिकॉम क्षेत्रातील, आणि इलेक्ट्रॉनिक क्षेत्रातील कंपन्यांबरोबर ‘मेक इन इंडिया’ आणि डिजिटल इंडिया या सरकारी उपक्रमांचा उपयोग नोकऱ्या वाढवण्यासाठी कसा करता येईल यावर विचार करण्यासाठी बैठका घेत आहे.यामुळे आज सरकारी कंपन्यांमध्ये तेजी होती. उदा ड्रेजिंग, ITI, MMTC, REC, PFC, हिंदुस्थान कॉपर

पंतप्रधानांनी आपल्या १५ ऑगस्टच्या संदेशात वेल्थक्रिएटर्सना उत्तेजन आणि RBI ने केलेले रेटकट ग्राहकांपर्यंत पोहोचवणे यांचे महत्व विशद केले. त्यामुळे आता काहीतरी महत्वाचे घडेल या अपेक्षेने मार्केट सावरले.

BSE निर्देशांक सेन्सेक्स ३७३५० NSE निर्देशांक निफ्टी ११०४७ बँक निफ्टी २८२१७ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १४ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – १४ ऑगस्ट २०१९

उद्या असलेल्या स्वातंत्र्य दिनानिमित्त सर्व वाचकांना शुभेच्छा. टिपांपासून सर्वांनी स्वातंत्र्य मिळवावे आणि स्वावलंबी बनावे हीच प्रार्थना

आज क्रूड US $ ६०.६३ प्रती बॅरल ते US $ ६०.८० प्रती बॅरल या दरम्यान, रुपया US $१=Rs ७०.९७ ते US $ १= Rs ७१.३० या दरम्यान होते. US $ निर्देशांक ९७.७६, VIX १७.३० होते.

आज USA चे अध्यक्ष ट्रम्प यांनी चीनमधून आयात होणाऱ्या निवडक वस्तूंवर ड्युटी लावण्याचा निर्णय पुढे ढकलला १ सप्टेंबर २०१९ पासून जी १०% ड्युटी वाढणार होती ती आता १० डिसेम्बर २०१९ पर्यंत पुढे ढकलली. नाताळच्या सणासाठी ही सवलत दिली आहे.

हाँगकाँग विमानतळावर होत असलेल्या निर्दशनांमुळे सर्व उड्डाणे रद्द झाली.

चीनने युआनची किंमत US $१= ७.०३१२ युआन अशी ठरवली. .

स्टॅंडर्ड लाईफने त्यांचा HDFC लाईफ मधील ०.७% स्टेक Rs ४७७.८० ते Rs ४९३ या भावाने विकला .

आजपासून विप्रोचा Rs १०५०० कोटींचा शेअर बायबॅक Rs ३२५ प्रती शेअर या भावाने सुरु झाला.

सरकार ऑटो क्षेत्राच्या पुनरुज्जीवनासाठी आता वेगवेगळे उपाय योजण्यावर विचार करत आहे. NHB च्या धर्तीवर ऑटोक्षेत्रासाठी फायनान्सिंगसाठी एक फंड उभारला जाईल. NBFC ना ऑटो फायनान्ससाठी फंड्स पुरवले जातील. ऑटोफायनान्सिंगसाठी एक डेडिकेटेड विंडो उघडली जाईल.

BEML या कंपनीमधील आपला स्टेक ऑक्टोबर -डिसेंबर २०१९ या काळात विकून सरकार Rs १००० कोटी उभारेल.
SFIO (सिरीयस फ्रॉड इन्वेस्टीगेशन ऑफिस) ने J कुमार इन्फ्रा या कंपनीला ‘शेल’ कंपन्यांच्या यादीतून बाहेर काढले. त्यामुळे हा शेअर वाढला.

SBI ला त्यांचा SBI कार्ड्स मधील त्यांचा हिस्सा IPO दवारा विकण्यासाठी SBI ला मंजुरी मिळाली. SBI चा या कंपनीत ७४% हिस्सा आहे.

GST कौन्सिलची पुढील बैठक २० सप्टेंबर २०१९ रोजीने गोव्यात होईल. हेल्थकेअर क्षेत्रातील इनपुट टॅक्स क्रेडिट वर चर्चा अपेक्षित आहे. सध्यातरी ऑटो सेक्टरला GST मधून काही सवलत मिळण्याची शक्यता वाटत नाही.

DR रेडीज या कंपनीला USFDA ने त्यांच्या COPAXONE या औषधासाठी आणि NUVARING या महिला कॉन्ट्रासेप्टिव्ह च्या मार्केटिंगसाठी COMPLETE RESPONSE लेटर दिले. DR रेड्डीज या औषधांची जनरिक व्हर्जन लाँच करण्यासाठी अर्ज करणार होती. आता हे लेटर इशू केल्यामुळे त्यांचा अर्ज मंजूर होणार नाही. यामुळे DR रेडीजचा शेअर पडला. आता ही औषधे लाँच करण्यासाठी DR रेडीज ला २०२० च्या मध्यापर्यंत थांबावे लागेल.

सन फार्माचा पहिल्या तिमाहीचा निकाल चांगला आला. पण व्यवस्थापनाने सांगितले की त्यांच्या सोरायसिस या रोगावरच्या औषधाची विक्री चांगली नाही. मार्केटच्या या औषधाबद्दल खूप अपेक्षा होत्या. त्यामुळे सन फार्माचा मार्केट शेअर कमी होत आहे. त्यामुळे शेअर पडला.

ब्रिटानियाने असे सांगितले की Rs ५ किंमत असलेल्या पाकिटाची किंमत Rs ०.५० ने वाढवली तर त्याचा २१% परिणाम विक्रीवर होत आहे. या वरून सामान्य माणूस Rs ५ चा पुडा घेण्यासाठी एवढा विचार करतो आहे. यावरून अर्थव्यवस्थे मध्ये येऊ घातलेल्या मंदीची कल्पना येते.

RBI कडे असलेल्या सरप्लसच्या संबंधात जालान समिती आपला अहवाल सरकारला लवकरच सादर करेल.
जुलै २०१९ साठी WPI (होलसेल प्राईस इंडेक्स) १.०८% ( जूनमध्ये ३.१०%) या २५ महिन्यातील किमान स्तरावर आहे.
NEULAND लॅब, कावेरी सीड्स, गेटवे डिस्ट्रिपार्क, CESC, ग्रासिम (कंपनीला वन टाइम लॉस Rs २९० कोटी पेमेंट बँक बंद करण्याच्या संबंधात झाला.) नेक्टर लाईफ सायन्सेस, WOCKHARDT ( तुलनात्मक दृष्ट्या लॉस कमी झाला तर EBITDA आणि मार्जिन वाढले), भारत रसायन, जॉन्सन हिताची, यांचे पहिल्या तिमाहीचे निकाल चांगले आले.
CESC व्हेंचर (फायद्यातून तोट्यात) , एडलवेस ( प्रॉफिट उत्पन्न कमी परंतु या कंपनीमध्ये कोरा मास्तर फंड गुंतवणूक करणार आहे या बातमीमुळे शेअर वाढला.) KNR कन्स्ट्रक्शन, WABCO या कंपन्यांचे पहिल्या तिमाहिचे निकाल असमाधानकारक होते.

JSPL या कंपनीचे निकाल ठीक होते.

BSE निर्देशांक सेन्सेक्स ३७३११ NSE निर्देशांक निफ्टी ११०२९ बँक निफ्टी २८०१९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १३ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – १३ ऑगस्ट २०१९

आज क्रूड US $ ५८.२८ प्रती बॅरल ते US $ ५८.५७ प्रती बॅरल या दरम्यान तर रुपया US $ १=Rs ७१.०३ ते US $१=Rs ७१.२७ या दरम्यान होते. US $ निर्देशांक ९७.५६ तर VIX १७.८० होता.

USA मध्ये क्रूडचे उत्पादन वाढले. चीनची क्रूडसाठी मागणी कमी झाली. ओपेकने उत्पादनातील कपात चालू ठेवली आहे. त्यामुळे क्रूडचे दर नजीकच्या भविष्यकाळात कमीच राहतील.

करन्सी वॉरचा परिणाम आज रुपयावर झाला आणि रुपया US $१= Rs ७१ च्या स्तरावर पोहोचला. परंतु याचा परिणाम IT आणि फार्मा सेक्टरवर दिसला नाही

USA च्या १० वर्षाच्या बॉण्ड्स यिल्ड कमी होत आहेत, USA चीन ट्रेड वॉर अधिक गंभीर स्वरूप धारण करत आहे. आणि जागतिक अर्थव्यवस्थेत मंदी येत आहे. त्यामुळे सोने आज तेजीत होते. अर्जेंटिना, हाँगकाँग येथील राजकीय अस्थिरता वाढत आहे.

दिलीप बिल्डकॉनला झारखंडमध्ये Rs ४७० कोटींचे धरणाचे काम मिळाले.

इंडिया बुल्स ग्रुपच्या व्हिसल ब्लोअरने आज वर्तमानपत्रातून जाहीर माफी प्रसिद्ध केल्यामुळे इंडिया बुल्स ग्रुपच्या सर्व कंपन्यांच्या शेअर्समध्ये तेजी आली.

HUL हैदराबाद जवळची २५.४ एकर जमीन विकणार आहे. ३ सप्टेंबरपर्यंत बोली मागवल्या आहेत.

रिलायन्सच्या AGM मध्ये मुकेश अंबानी यांनी काही महत्वाच्या घोषणा केल्या.

५ सप्टेंबर २०१९ पासून जिओ फायबर लाँच करणार. जियो फायबर प्लॅन्स Rs ७०० पासून सुरु होतील. फ्युएल रिटेलिंग मध्ये BP Rs ७००० कोटींची गुंतवणूक करणार. तसेच सौदी आरामको ही आंतरराष्ट्रीय ख्यातीची कंपनी रिलायन्सच्या केमिकल डिव्हिजनमध्ये US $ १५ बिलियनची गुंतवणूक करणार आहे. रिलायन्स जियो आणि रिलायन्स रिटेल मध्ये गुंतवणूक करण्यासाठी गुंतवणूकदारांचा शोध केला जाईल. रिलायन्स जियो आणि रिलायन्स रिटेल यांचे IPO येत्या ५ वर्षात येतील. क्लाऊड कॉम्पुटिंगसाठी मायक्रोसॉफ्टबरोबर करार करणार. १८ महिन्यात रिलायन्स इंडस्ट्रीज मार्च २०२१ DEBT-FREE कंपनी होईल. रिलायन्सच्या AGM मधील या घोषणांनंतर आज रिलायन्सच्या शेअर मध्ये खूप तेजी आली. तसेच मुकेश अंबानी रिलायन्स ग्रुपच्या कंपन्यांच्या शेअर्स तेजी आली. TV १८ ब्रॉडकास्ट, रिलायन्स इंडस्ट्रियल इन्फ्रा, डेन नेटवर्क्स, हाथवे केबल या कंपन्यांच्या शेअरमध्ये तेजी आली. रिलायन्सच्या AGM मधील घोषणांनंतर रिलायन्सचा शेअर १०% ने वाढला तरीही मार्केट ६०० पाईंट पडले यावरून मार्केटमधील मंदीची कल्पना येते.

ज्या कंपन्यांच्या बिझिनेसवर या घोषणांचा प्रतिकूल परिणाम होईल त्या कंपन्यांचे शेअर्स पडले. उदा मेडिया कंपन्या, टेलिकॉम क्षेत्रातील कंपन्या,

भारतामध्ये सर्व राज्यांमध्ये बिकट पूर परिस्थिती आहे. या पुरामध्ये प्राण आणि वित्तहानी खूप झाली आहे. त्यामुळे नव्याने घर बांधणी, वाहून गेलेले रस्ते, पुल नव्याने बांधणे आणि सामान्यतः पुरग्रस्ताचे पुनर्वसन करण्यासाठी आवश्यक वस्तू उत्पादन करणाऱ्या कंपन्यांच्या शेअर्समध्ये तेजी येईल. त्यामुळे बिल्डिंग मटेरियल, सिमेंट,पत्रे तसेच इतर आवश्यक वस्तू म्हणजेच FMCG सेक्टरमधील कंपन्यांमध्ये तेजी येईल.

आज मंत्रिमंडळाने ‘हर घर जल’ या योजनेला मंजुरी दिली.

जुलै २०१९ महिन्यासाठी CPI ( कंझ्युमर प्राईस इंडेक्स) ३.१५% होता.

गायत्री प्रोजेक्ट या कंपनीला त्यांच्या नागालँड प्रोजेक्टसाठी केलेल्या आर्बिट्रेशनमध्ये कंपनीला ९१४.३० कोटी क्लेम मिळाला.

सिम्फनी या कंपनीने MOVICOOL या नावाने एअरकूलर लाँच केला.

भारत फोर्ज, ओरिएंट पेपर, एक्सेल इंडस्ट्रीज, ब्ल्यू स्टार, शिल्पा मेडिकेअर, इन्फो एज, BOSCH, बोडल केमिकल्स, गॅब्रिएल इंडिया, मावाना शुगर, BHEL. सन टी व्ही, SAIL ग्लेनमार्क फार्मा, या कंपन्यांचे पहिल्या तिमाहीचे निकाल असमाधानकारक होते.

इंडोको रेमिडीज ( तोट्यातून फायद्यात), JB केमिकल्स, बजाज हिंदुस्थान (तोटा खूपच कमी झाला), CHALET हॉटेल्स, DCW (कंपनी तोट्यातून फायद्यात आली.), IPCA लॅब, सन फार्मा, लाल पाथ लॅब, PFC, PNC इंफ्राटेक, नारायण हृदयालय, APL अपोलो ट्यूब्स, कॅपलीन पाईंट, गॉडफ्रे फिलिप्स, HAL,, NHPC, ऑइल इंडिया, सोलारा ऍक्टिव्ह, गोदरेज इंडस्ट्रीज, ONGC (प्रॉफिट, मार्जिन वाढले), कोल इंडिया (प्रॉफिट, उत्पन्न,मार्जिन वाढले), NMDC, RITES, युनायटेड ब्रुअरीज, आरती इंडस्ट्रीज या कंपन्यांचे पहिल्या तिमाहीचे निकाल चांगले आले.

BSE निर्देशांक सेन्सेक्स ३६९५८ NSE निर्देशांक निफ्टी १०९२५ बँक निफ्टी २७७२९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ९ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ९ ऑगस्ट २०१९

आज क्रूड US $ ५७.३१ प्रती बॅरल ते US $ ५७.८० प्रती बॅरल या दरम्यान रुपया US $ १= Rs ७०.५० ते US $ १= Rs ७०.८० या दरम्यान होते. US $ निर्देशांक ९७.४० होता VIX १५.८४ होता.

मार्केट सतत पडत असल्यामुळे सरकार खडबडून जागे झाले आहे. RBI ने रेट कट करून तसेच इतर बाबतीत काही सुधारणा करून आपल्या वित्तीय धोरणात NBFC, आणि बँका यांना क्रेडिट ग्रोथ करण्याचा मार्ग सुकर केला. कदाचित कलम ३७० रद्द करण्याच्या कामात सरकार व्यस्त असल्याने अर्थव्यवस्थेच्या प्रश्नांकडे लक्ष देता आले नसावे. पण गेले ३ दिवस अर्थ मंत्रालय, पंतप्रधानांचे कार्यालय, नीती आयोग कॅपिटल मार्केट का पडत आहे?, FPI का नाराज आहेत?, त्यांची नाराजी घालवण्यासाठी कोणते उपाय योजता येतील, ग्रोथ रेट आणि कन्झ्युमर डिमांड का कमी होत आहे ? आणि त्यामुळे अर्थव्यवस्थेमध्ये मंदीचा शिरकाव होत आहे का ? कोणत्या औद्योगिक क्षेत्राना उत्तेजन, सवलती सोयी देण्याची /वाढवण्याची गरज आहे या सर्व प्रश्नांचा उहापोह करत आहे. अर्थमंत्री उद्योगपती, फायनान्सियल मार्केटमधील प्रमुख व्यक्ती, तसेच FPI चे प्रतिनिधी यांच्या बरोबरच्या मीटिंगमध्ये त्यांना भेडसावत असलेले प्रश्न आणि त्यावर करता येण्यासारखे उपाय यावर चर्चा करत आहेत. या सर्व समुद्रमंथनातून काहीतरी चांगले निर्णय होतील अशी मार्केटची अपेक्षा आहे. ‘पी हळद आणि हो गोरी’ असा ताबडतोब निर्णय झाला नाही तरी ८-१० दिवसात का होईना पण यावरती तोडगा निघेल असे मार्केटला वाटत आहे. ऑटो इंडस्ट्री आणि रिअल्टी उद्योगामध्ये खूपच इन्व्हेन्टरी जमा झाली आहे. म्हणजेच न विकला गेलेला माल आहे. १०-१० दिवस कारखाना बंद ठेवण्याची वेळ येत आहे. त्यामुळे अनेक उपायांवर चर्चा चालू आहे. अशा परिस्थितीत ज्यांनी शॉर्ट पोझिशन घेतली होती त्यांना ती क्लोज करावी लागली. म्हणून गेले तीन दिवस मार्केट सतत वाढत आहे.त्यामुळे हा आठवडा आशेचा किरण दाखवणारा होता असे म्हणणे योग्य ठरेल.

IBC अंतर्गत घर /फ्लॅट खरेदी करणाऱ्याना फायनान्सियल क्रेडिटरचा दर्जा देण्याविरुद्ध बिल्डर्सनी केलेला अर्ज सुप्रीम कोर्टाने रद्द केला.

DR रेडीजच्या USA मधील SHREVEPORT युनिटला USFDA नी क्लीन चिट दिली.

महिंद्रा आणि महिंद्राने सांगितले की दुसऱ्या तिमाहीत त्यांचे उत्पादन ८ ते १४ दिवसपर्यंत बंद ठेवले जाईल.

स्ट्राइड्स फार्माच्या ALATHUR युनिटला ५ ऑगस्ट २०१९ ते ९ ऑगस्ट २०१९ या दरम्यान केलेल्या तपासणीत क्लीन चिट दिली.

मारुतीने XL६ ही मल्टिपर्पज व्हेईकल लाँच केली.

इमामीच्या प्रमोटर्सनी २ ऑगस्ट २०१९ ला ३८ लाख शेअर्स तारण म्हणून ठेवले.

ऑटो इंडस्ट्रीला GST मध्ये सवलत मिळण्याची शक्यता आहे.

ब्रिटानियाचे पहिल्या तिमाहीचे प्रॉफिट कमी, उत्पन्न वाढले, मार्जिन कमी झाले. कंपनीला Rs १५.६ कोटींचा वन टाइम लॉस झाला. कंपनीचे इतर उत्पन्न Rs ६७ कोटी होते. मागणी कमी होत असूनही कंपनीचे निकाल समाधानकारक म्हणता येतील.
फायझर, स्पाईस जेट ( तोट्यातून फायद्यात), श्री सिमेंट, MRF, गेल, शोभा, सुब्रोस, सीमेक, सॅटिन क्रेडिटकेअर, या कंपन्यांचे पहिल्या तिमाहीचे निकाल चांगले आले.

किर्लोस्कर इंडस्ट्रीज, PSP प्रोजेक्ट्स, मार्कसन्स फार्मा, युनिव्हर्सल केबल, यांचे पहिल्या तिमाहीचे निकाल ठीक आले.
हिंदाल्को, पंजाब केमिकल्स, VST टिलर्स, नाटको फार्मा, NCC, जमना ऑटो, कॅडीला, प्रकाश इंडस्ट्रीज,BHEL यांचे पहिल्या तिमाहीचे निकाल असमाधानकारक होते.

पुढील आठवड्यात सोमवार १२ ऑगस्ट २०१९ आणि गुरुवार १५ ऑगस्ट २०१९ रोजी अनुक्रमे ईद आणि स्वातंत्र्यदिनाची सुट्टी असल्याने दोन दिवस मार्केट बंद राहील.म्हणून या आठवड्याची एक्सपायरी बुधवारी होईल. RIL ची AGM १२ ऑगस्टला आहे. तसेच BPCL आणि NTPC या कंपन्या आपले निकाल जाहीर करतील. अर्थमंत्र्यानी उद्योग फायनान्सियल मार्केट्स आणि FPI ना दिलेल्या सकारात्मक प्रतिसादातील प्रगतीही कळून येईल. त्यामुळे मंगळवारी जेव्हा मार्केट उघडेल तेव्हा या सर्व गोष्टींना मार्केट काय प्रतिसाद देईल याचे कुतूहल राहील.

BSE निर्देशांक सेन्सेक्स ३७५८१ NSE निर्देशांक निफ्टी १११०९ बँक निफ्टी २८४३१ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ८ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ८ ऑगस्ट २०१९

आज क्रूड US $ ५७.४१ प्रती बॅरल ते US $ ५८ प्रती बॅरल या दरम्यान तर रुपया US $१=Rs ७०.५७ ते US $ १= Rs ७०.९५ या दरम्यान होते. US $ निर्देशांक ९७.५४ तर VIX १६.७२ होता.

कलम ३७० आणि ३५-A रद्द करण्याच्या निर्णयावर पाकिस्तानने तिखट आणि कडवट प्रतिक्रिया दिली. पाकिस्तानातील भारताच्या राजदूतांना परत पाठवले. भारतात निर्माण झालेल्या चित्रपटांवर बंदी घातली. समझोता एक्स्प्रेस काही काळ बंद केली. आम्ही भारताच्या या निर्णयाला योग्य उत्तर देऊ असे सांगितले.

पडणारा रुपया सावरण्यासाठी RBI ने फॉरेक्स मार्केटमध्ये ओपनमार्केट ऑपरेशन केले. त्यामुळे रुपया सुधारला.फारशी मागणी नसल्यामुळे क्रूडचा दर कमी झाला.

आज अर्थमंत्र्यांनी उद्योगपतींबरोबर झालेल्या बैठकीत अर्थव्यवस्थेत आलेल्या मंदीचा सामना कसा करावा याची चर्चा केली. ऑटो क्षेत्रातील कंपन्यांनी पेट्रोलवर चालणाऱ्या दुचाकी वाहनांवर आणि तीनचाकी वाहनांवर बंदी आणण्याची मुदत अनुक्रमे २०२३ आणि २०२५ यांच्यात वाढ करण्याची विनंती केली. त्यांनी अशीही सूचना केली की एकाच वेळेला बंदी घालण्यापेक्षा टप्प्याने टप्प्याने बंदी घातली तर ऑटो क्षेत्रातली मंदी कमी होईल. फक्त जेथे प्रदूषण जास्त आहे तेथे ही बंदी ठेवावी असे सांगितले. EV (इलेक्ट्रिकल व्हेहिकल) चे उत्पादन आणि त्यासाठी लागत असलेले इन्फ्रास्ट्रक्चर पूर्ण होण्याआधी जर ही बंदी घातली तर ग्राहकांना आणि ऑटो उत्पादकांनाही गैरसोयीचे होईल. सरकारने आश्वासन दिले की आम्ही यात लक्ष घालू आणि योग्य त्या सवलती आणि सोयी देण्यावर विचार करू. या अर्थमंत्र्याच्या आश्वासनानंतर ऑटो क्षेत्रातील शेअर्समध्ये तेजी आली. या बैठकीत FPI ना जादा सेसच्या कक्षेतून बाहेर काढण्याविषयी चर्चा झाली नाही.

अर्थमंत्र्यानी सांगितले की FPI वरती लावलेल्या जादा सेसमुळे होणाऱ्या त्रासाविषयी सरकार विचार करत आहे आणि लवकरच यातून मार्ग काढला जाईल. या आश्वासनानंतर मार्केट सुधारले. सरकार नोटिफिकेशन किंवा वटहुकूमाद्वारे FPI ना या जादा सेसच्या कक्षेतून बाहेर काढून टाकु शकेल. . भारतीय HNI वरील हा सरचार्ज कायम राहील.

लॉन्ग टर्म कॅपिटल गेन्स कराबाबतही सरकार ठोस पाऊले उचलत आहे. गुंतवणूक केलेले शेअर्स ३ वर्षांनंतर विकल्यास लॉन्ग टर्म कॅपिटल गेन्स टॅक्स लावू नये असा विचार चालू आहे.

आज AFFLE चा शेअर Rs ९३० प्रति शेअर या भावाने लिस्ट झाला. IPO मध्ये हा शेअर Rs ७४५ ला दिला असल्याने ज्यांना शेअर्स अलॉट झाले त्यांना लिस्टिंग गेन झाला.

येस बँकेचा US ३०० मिलियनचा QIP १.४ पट सबस्क्राईब झाला.

कोर्टाने निर्णय दिला की HPCL मध्ये ONGC चे स्टॅटस प्रमोटर म्हणून असेल. HPCL ने २५ दिवस उत्पादन बंद ठेवले होते. HPCL ला सरकारने EV साठी चार्जिंग स्टेशन त्यांच्या पेट्रोल पंपाशेजारी लावायला सांगितले आहे.त्यामुळे मोठ्या प्रमाणावर भांडवली गुंतवणूक करावी लागेल असे सांगितले.

पेट्रोनेट LNG या कंपनीची सर्व कॉन्ट्रॅक्ट US ८ प्रती MMBTU या दराने केलेली आहेत. आता दर चालू आहे US $ ४ प्रती MMBTU. कंपनीवर दबाव आहे की नवीन कॉन्ट्रॅक्ट करा. सध्या लॉन्ग टर्म कॉन्ट्रॅक्ट US $ २ प्रती MMBTU या दराने होत आहेत.

JSPLने पेमेंट डिफॉल्ट केला अशी बातमी आल्यामुळे शेअर पडला. व्यवस्थापनाने बातमीचे खंडन केले तरी शेअर वाढला नाही.

MTNL आणि BSNL यांच्या मर्जरला मंजुरी मिळाली. ५० वर्षांवरील लोकांना स्वेच्छा निवृत्ती दिली जाईल. निवृत्तीचे वय ५८ केले.

रिन्यूएबल एनर्जी प्रॉडक्टवरील इम्पोर्ट ड्युटी वाढवली जाणार आहे.

ABBOT लॅब, इमामी (अन्य उत्पन्न Rs ३० कोटींनी वाढले), ऍडव्हान्स एन्झाईम, अपार इंडस्ट्रीज, रेल विकास निगम, अल्ट्राटेक सिमेंट, थरमॅक्स, मिश्र धातू निगम, वॉन्डरेला हॉलिडेज, टेक्स रेल, अडानी एंटरप्रायझेस ( Rs ३२८ कोटी वन टाइम गेन आणि टॅक्स खर्चात वाढ),करिअर पाईंट, EIL या कंपन्यांचे पहिल्या तिमाहीचे निकाल चांगले आले.
सिटी युनियन बँक,ग्रीव्हज कॉटन, गोदरेज प्रॉपर्टीज ( उत्पन्न कमी झाले.), गुजरात पिपावाव, कॅपॅसिटे इन्फ्रा, GE शिपिंग यांचे पहिल्या तिमाहीचे निकाल ठीक आले.

यूको बँक, नोव्हार्टीसचे निकाल असमाधानकारक होते.

पेज इंडस्ट्रीजने Rs ५१ प्रती शेअर अंतरिम लाभांश जाहीर केला.

BSE निर्देशांक सेन्सेक्स ३७३२७ NSE निर्देशांक निफ्टी ११०३२ बँक निफ्टी २८११० वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ७ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ७ ऑगस्ट २०१९

आज क्रूड US $ ५८.७० प्रती बॅरल ते US $ ५८.८८ प्रती बॅरल या दरम्यान तर रुपया US $ १= Rs ७०.६४ ते US $१= Rs ७०.९१ या दरम्यान होते. US $ निर्देशांक ९७.७० तर VIX १६.२१ होता.

आज RBI ने अपेक्षेनुसार रेट कट केला तरी मार्केटला फारसा आनंद झालेला आढळला नाही. कारण FPI वर लावलेला सरचार्ज लवकरच काढला जाईल असे घाटते आहे पण प्रत्यक्षात फारसे काही घडत नाही. त्यामुळे ट्रेडर्सनी जी पोझिशन घेतली होती ती सोडून दिली असावी असे जाणवले. फायनान्स बिल पास झाले असल्यामुळे आता कोणत्या वेगळ्या मार्गाने FPI ना सरचार्जमध्ये सवलत देता येईल या बाबत ठोस निर्णय होत नाही तोपर्यंत मार्केटची अवस्था दोलायमान राहील. रेट कट करूनही लोन ग्रोथ होत नाही हे आता लक्षात आले आहे.

आज I R B इंफ्राचा शेअर ११% वाढला. GIC या सिंगापूर सॉव्हरिन वेल्थ फंडाने कंपनीच्या रोड प्लॅटफॉर्ममध्ये Rs ४४०० कोटींची गुंतवणूक केली.

सरकार इलेक्ट्रिक व्हेहिकल साठी लागणाऱ्या लिथियम आयन बॅटरी उत्पादनासाठी सबसिडी देण्याची आणि यासाठी लागणाऱ्या कच्च्या मालावरची आयात ड्युटी रद्द करण्याची शक्यता आहे.

येस बँकेने US $ ५०० मिलियनचा QIP आणण्यासाठी मोतीलाल ओसवाल, JM फायनान्सियल यांची बँकर म्हणून नेमणूक केली आहे. या QIP मध्ये भाग घेण्यासाठी GIC सिंगापूर, वेस्टब्रिज, सारखे PE प्लेयर्स आणि HDFC AMC सारखे संस्थागत निवेशक उत्सुक आहेत.

कलम ३७० रद्द झाल्यामुळे ITI चा फायदा होईल. ITI ला आपला J & K मधील श्रीनगर येथील प्लांट बंद करावा लागला होता. तो आता पुन्हा सुरु होण्याची शक्यता आहे.

वोल्टासचे पहिल्या तिमाहीचे निकाल ठीक होते. कंपनीचे उत्पन्न वाढले , प्रॉफिट कमी झाले, आणि मार्जिन पूर्वीच्या स्तरावर राहिले.

महिंद्रा आणि महिंद्राच्या पहिल्या तिमाहीत प्रॉफिट Rs २२६० कोटी (यात Rs १३६७ वन टाइम गेन आहे) उत्पन्न Rs Rs १२८०६ कोटी तर मार्जिन कमी होऊन १३.६% राहिले.

इंडिया सिमेंट, रामको सीमेन्ट, ASTRA झेनका, सीमेन्स, अलकार्गो, सिप्ला, इंडिया बुल्स व्हेंचर, अडाणी पोर्ट,जे कुमार, पेट्रोनेट LNG, ल्युपिन, वेलस्पन कॉर्प, होंडा सीएल पॉवर प्लान्ट, बजाज इलेक्ट्रिकल(उत्पन्न वाढले प्रॉफिट कमी झाले), HPCL ( उत्पन्न वाढले, प्रॉफिट कमी, सरकारकडून केरोसीन सबसिडी Rs १५० कोटी मिळाली) या कंपन्यांचे पहिल्या तिमाहीचे निकाल चांगले आले.

HCL टेक या IT क्षेत्रातील कंपनीचे प्रॉफिट ७.६०% कमी होऊन Rs २२२० कोटी होते. रेव्हेन्यू १८.४०% ने वाढून Rs १६४२५ कोटी झाला. कंपनीने FY २०२० साठी कॉन्स्टन्ट करन्सीमध्ये १४% ते १६ % गायडन्स तर EBIT मार्जिनसाठी १६.५०% ते १८.५०% चा गायडन्स दिला. कंपनीने Rs २ प्रती शेअर अंतरिम लाभांश जाहीर केला.

टाटा स्टीलचे पहिल्या तिमाहीचे निकाल ठीक आले. रेव्हेन्यू Rs ३५९४७.१० कोटी तर प्रॉफिट Rs ६९३.१० कोटी होते. EBITDA मार्जिन १५% होते. EBITDA Rs ५३७६.८० कोटी होते.

महाराष्ट्र सिमलेस पाइप्स, डॉलर इंडस्ट्रीज, सोनाटा सॉफ्टवेअर यांचे पहिल्या तिमाहीचे निकाल ठीक होते.

इंडियन मेटल्स, बलरामपूर चिनी, ऍस्टर DM यांचे निकाल असमाधानकारक होते.

लेमन ट्री हॉटेल ही कंपनी फायद्यातून तोट्यात गेली.

आज RBI ने आपल्या द्विमासिक वित्तीय धोरणात ACCOMMODATIVE स्टान्स कायम ठेवत रेपो रेट आणि रिव्हर्स रेपो रेट ३५ बेसिस पाईंटने कमी केला. त्यामुळे आता रेपो रेट ५.४०% तर रिव्हर्स रेपो ५.१५ % झाला. CRR ४% वर कायम ठेवला. कमी होणारी महागाई, चांगला पाऊस आणि मंदावणारी ग्रोथ ही यामागची कारणे आहेत.

RBI ने FY २०२० साठी ग्रोथ रेट ६.९% केला. H १ FY २०२० साठी ग्रोथ रेट ५.८% ते ६.६% तर H २ FY २०२० साठी ग्रोथ रेट ७.३% ते ७.५% तर इन्फ्लेशन ३.५% तो ३.७% राहील असे अनुमान केले .FY २० Q १ मध्ये ग्रोथ रेट ७.४% तर महागाई ३.६% राहील.

डिसेंबर २०१९ पासून NEFT सेवा चोवीस तास सुरु राहील. कन्झ्युमर कर्जासाठी रिस्क वेटेज १२५% वरून १००% केले. बँकांचे एका NBFC साठी एक्स्पोजर लिमिट १५% वरून २०% केले. MSME कर्जासाठी Rs २० लाखापर्यंतच्या कर्जाला प्राथमिकता दिली जाईल. 

BSE निर्देशांक सेन्सेक्स ३६६९० NSE निर्देशांक निफ्टी १०८५५ तर बँक निफ्टी २७७०२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ६ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ६ ऑगस्ट २०१९

आज क्रूड US $ ५९.८९ प्रती बॅरल ते US $ ६०.४५ प्रती बॅरल या दरम्यान तर रुपया US $१=Rs ७०.६१ ते US $१=Rs ७०.७८ या दरम्यान होते. US $ निर्देशांक ९७.५६ तर VIX १६.६६ होता.

USA आणि चीनमधील ट्रेड वॉर आणखीनच तीव्र झाले. चीनने जाहीर केले की चीनी कंपन्या USA मधून ऍग्री प्रॉडक्ट्स खरेदी करणार नाहीत. USA ने हॉन्गकॉन्गच्या प्रश्नांत लक्ष घालायला सुरुवात केली हे चीनला पटलेले नाही. हाँगकाँग आणि आमचा आपसी मामला आहे आणि त्यात USA ने मध्यस्थी करू नये असे चीनचे म्हणणे आहे. चीन हाँगकॉन्गमध्ये ३००० कोटी युआन विकेल. USA च्या ट्रेजरी विभागाने चीनला करन्सी मेनिप्युलेटर असे संबोधले. पण चीनच्या सेंट्रल बँकेने सांगितले की करंसीचा उपयोग आम्ही ट्रेड वॉरमध्ये हत्यार म्हणून करणार नाही.चीनच्या सेंट्रल बँकेच्या या आश्वासनानंतर मार्केट सावरले. चीनच्या युआन पाठोपाठ इमर्जिंग मार्केटमधील करन्सी घसरू लागल्या. क्रूड US $ ६० प्रती बॅरलच्या खाली जाऊ लागले,सोने वाढू लागले, रुपया घसरू लागला ही सर्व परिस्थिती आर्थिक मंदीची लक्षणे दाखवू लागली.

१७ जून २०१९ रोजी सुरु झालेले संसदेचे अधिवेशन आज संपले. या अधिवेशनात ३७० आणि ३५-A कलम रद्द करणे, जम्मू आणि काश्मीरमधून लडाख वेगळा काढणे, जम्मू आणि काश्मीर हा विधानसभा असलेला केंद्रशासित प्रदेश आणि लडाख हा विधानसभेशीवाय केंद्रशासित प्रदेश करण्यासाठी प्रस्ताव पास झाले. त्याच बरोबर शेअर मार्केटच्या दृष्टीने अनिश्चितताही संपली. कोणते विधेयक मंजूर होईल आणि त्याचा कोणत्या उद्योगावर परिणाम होईल या बाबतची अनिश्चितता संपली.

DHFL या अडचणीत असलेल्या NBFC ने आज स्टॉक एक्सचेन्जला कळवले की त्यांनी एक स्पेशल DEBT रेझोल्यूशन प्लान कमिटी आणि ERNST आणि YOUNG यांच्या बरोबर सल्लामसलतीने आणि त्यांच्या संमतीने तयार केला आहे. या रेझोल्यूशन प्लान अंतर्गत क्रेडिटर्सना फारसा हेअरकट घ्यावा लागला नाही. रिटेल फंडिंग सुरु ठेवण्यासाठी NHB ( नॅशनल हौसिंग बँक) आणि इतर बँकांकडून कर्ज मिळण्याची शक्यता आहे.

जम्मू आणि काश्मीर बँक, कलम ३७० रद्द झाल्यावर काश्मीरमध्ये राज्यपालांच्या नियंत्रणाखाली येईल कारण या बँकेत ६५% स्टेक जम्मू आणि काश्मीर राज्य सरकारचा आहे. या बँकेच्या व्यवस्थापनात आणि कामकाजातही सुधारणा होईल अशी शक्यता आहे.

२ ऑगस्ट २०१९ रोजी ASTRAL पॉली या कंपनीने बोनस जाहीर केला. तुमच्याजवळ कंपनीचे ४ शेअर्स असतील तर तुम्हाला एक बोनस शेअर मिळेल.

काल मार्केट बंद झाल्यावर SRF चे पहिल्या तिमाहीचे निकाल खूपच चांगले आले.

रिअल्टी आणि ऑटो या दोन्ही क्षेत्रात मंदी असताना पेन्ट उत्पादक कंपन्यांचे पहिल्या तिमाहीचे निकाल चांगले येत आहेत. एशियन पेंट्स, बर्जर पेंट्स कन्साई नेरोलॅक या तिन्ही कंपन्यांचे निकाल चांगले आले. ऑटो पेंट्सच्या क्षेत्रात ग्रोथ कमी असली तरी डेकोरेटिव्ह पेंट्सच्या क्षेत्रात या कंपन्यांनी चांगली प्रगती दाखवली आहे

A B फॅशन & रिटेल ( प्रॉफिट,उत्पन्न, मार्जिन वाढले), हॉकिन्स, सतलज टेक्सटाईल्स, पीडिलाइट , टायटन, REC यांचे पहिल्या तिमाहीचे निकाल चांगले आले.

BASF, JSW एनर्जी, ASHAHI इंडिया यांचे पहिल्या तिमाहीचे निकाल ठीक होते.

अरविंद लिमिटेडचे पहिल्या तिमाहीचे निकाल असमाधानकारक होते.

HCL टेकला त्यांचा HCL इन्फोमधला स्टेक विकण्यासाठी मंजुरी मिळाली

सरकार SUUTI मधील L &T मधील ०.५% स्टेक ब्लॉक डीलच्या माध्यमातून विकण्याची शक्यता आहे.

USA मधील क्लास ८ ट्रकसाठी मागणी कमी झाली आहे. याचा परिणाम GNA अक्सल्स आणि भारत फोर्ज या कंपन्यांवर होईल.

इंडियन हॉटेल्सचा पहिल्या तिमाहीचा निकाल खूपच चांगला आला. पण हॉस्पिटॅलिटी सेक्टरला E-कॉमर्स कंपन्यांकडून होत असलेल्या स्पर्धेला तोंड द्यावे लागत आहे.

रिलायन्स इंडस्ट्रीजची AGM तोंडावर आली आहे. कंपनीने कोणत्या नव्या क्षेत्रात प्रवेश केला आहे ही मार्केटमध्ये उत्सुकता आहे.

KEI इंडस्ट्रीजचे पहिल्या तिमाहीचे निकाल चांगले आले. इंडिया आणि वेस्ट इंडिज मधील क्रिकेट सामन्याच्या मालिकेसाठी ब्रँड अँबेसेडॉर असल्याचा फायदा कंपनीला होईल. कंपनीच्या व्यवस्थापनाने भविष्यकाळासाठी चांगला गायडन्स दिला.

BSE निर्देशांक सेन्सेक्स ३६९७६ NSE निर्देशांक निफ्टी १०९४८ वर बँक निफ्टी २८०२२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ५ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ५ ऑगस्ट २०१९

आज क्रूड US $ ६०.९५ प्रति बॅरल ते US $ ६१.४५ प्रती बॅरल या दरम्यान तर रुपया US $१=Rs ७०.३२ ते US $ १= Rs ७० .५८ या दरम्यान होते. US $ निर्देशांक ९७.९० होता. VIX १६.४८ होता.

जम्मू काश्मीर मध्ये सुरक्षा व्यवस्था वाढवली. जम्मू काश्मीरच्या बाबतीत काही महत्वाचे निर्णय आजच्या मंत्रीमंडळाच्या बैठकीत घेतले जातील असा अंदाज होता. त्यामुळे मार्केट सुरुवातीला ६५० पाईंट पडले. लोकसभा सुरु होताच सरकारने आपले तीन निर्णय जाहीर केले.
(१) कलम ३७० आणि त्याच्या अंतर्गत असलेली ३५-A ही कलमे रद्द केली. जम्मू आणि काश्मीर हा आता विधानसभा असलेला केंद्रशासित प्रदेश असेल. (२) जम्मू काश्मीर मधून लडाख वेगळा काढून विधानसभा नसलेला केंद्रशासित प्रदेश म्हणून घोषित केला. (३) जम्मू काश्मीरच्या भौगोलिक सीमा नव्याने ठरवण्यात येतील. या निर्णयाला राष्ट्रपतींनी संमती दिली. हा निर्णय घोषित झाल्यावर मार्केट जोरदार पडेल असे वाटले होते पण मार्केटने आश्चर्याचा धक्का दिला. मार्केट सावरले आणि ३०० पाईंट सुधारले सुद्धा. यामुळे १०८०० च्या जवळपास शॉर्ट टर्म बॉटम बनण्याची शक्यता वाटू लागली.
आज अर्थमंत्र्यांनी FPI च्या तक्रारी ऐकून घेण्याचे आश्वासन दिले.

आज इराणने पुन्हा इराकचे एक तेलवाहू जहाज पकडून ठेवले. इराण आणि USA आणि युरोप यांच्यातील ताणतणाव वाढत आहे.

ल्युपिनच्या औरंगाबाद युनिटला USFDA ने क्लीन चिट दिली.

ट्रेड वॉरमुळे युआन या चीनच्या करन्सीच्या मूल्यात बदल झाल्यामुळे आता US $१= चिनी युआन ७.०८ असा विनिमय दर झाला.येन,फ्रॅंक या करन्सीज स्ट्रॉंग झाल्या तर रुपया आणि युआन या करन्सीज कमजोर झाल्या. रुपयाचा US $ बरोबरचा विनिमय दर US $१= ७०.५० पर्यंत घसरला. RBI योग्य वेळी ओपनमार्केट ऑपरेशन करेल.

RBI आपले द्वैमासिक वित्तीय धोरण बुधवार ७ ऑगस्ट २०१९ रोजी जाहीर करेल. RBI या वित्तीय धोरणात ०.२५% रेट कट करेल अशी मार्केटची अपेक्षा आहे. या आधी ५ ऑगस्ट पासून मॉनेटरी पॉलिसी कमिटीची बैठक होईल. ETF मध्ये ऑऊटफ्लो खूप आहे. FII नी IT, फार्मा आणि FMCG मध्ये थोडीशी खरेदी सुरु केली आहे.

भेलने ११६ MV चे पंपिंग स्टेशन सुरु केले.

वेंकीजचे प्रॉफिट कमी झाले. उत्पन्न वाढले. मार्जिनमध्ये घट झाली कारण इनपुट कॉस्ट वाढली. AB कॅपिटल, टॉरेन्ट पॉवर, बॉम्बे डाईंग (तोट्यातून फायद्यात आली), बर्जर पेंट्स या कंपन्यांचे पहिल्या तिमाहीचे निकाल चांगले आले.

युनायटेड इंडिया इन्शुअरन्स, नॅशनल इन्शुरन्स, ओरिएंटल इन्शुरन्स या तीन सरकारी विमा कंपन्यांचे मर्जर केले जाईल. सरकार या कंपन्यात सॉल्व्हन्सी रेशियोसाठी Rs ३००० कोटी गुंतवणूक करेल. नंतर IRDA मर्जरला आवश्यक ती परवानगी देईल.

DHFL चे ऑडिटर डेलॉइटने काम करणे बंद केले. म्हणून DHFL चा शेअर पडला.

५ ऑगस्ट २०१९ पासून स्पंदन या मायक्रोफायनान्स कंपनीचा IPO ओपन झाला. ही कंपनी Rs २५००० ते Rs ६५००० या रेंजमध्ये लोन देते. प्राईस बँड Rs ८५३ ते Rs ८५६ असून मिनिमम लॉट १७ शेअर्सचा आहे. ही कंपनी महिलांच्या गटांना कर्ज देते. या कंपनीचे ओरिसात खूप एक्स्पोजर आहे. या कंपनीला स्माल फायनान्स बँक्स, मायक्रो फायनान्स कंपन्या यांच्या स्पर्धेला तोंड द्यावे लागेल.

द्वारिकेश शुगरचे पहिल्या तिमाहीचे निकाल असमाधानकारक होते. प्रॉफिट आणि ऑपरेटिंग मार्जिन कमी झाले.
कामत हॉटेल या कंपनीचे पहिल्या तिमाहीचे निकाल ठीक आले.

इंडियन बँकेचे प्रॉफिट वाढले. पण ऍसेट गुणवत्ता कमी झाली.

BSE निर्देशांक सेन्सेक्स ३६६९९ NSE निर्देशांक १०८६२ बँक निफ्टी २७६४८ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!