आजचं मार्केट – ६ सप्टेंबर २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ६ सप्टेंबर २०१९

आज क्रूड US $ ६०.८५ प्रती बॅरल ते US $ ६१.०८ प्रती बॅरल या दरम्यान तर रुपया US $१=Rs ७१.६४ ते US $१=Rs ७१.८४ या दरम्यान होते. US $ निर्देशांक ९८.३१ होता. VIX १६ .५० होते.

USA च्या अर्थव्यवस्थेचे आकडे चांगले आले, USA आणि चीन दोघांनीही ट्रेड संबंधातील वाटाघाटींबद्दल समंजस भूमिका घेतली. त्यामुळे सोन्याचा भाव कमी झाला. शेअरमार्केटमधील मरगळ जाऊन थोडीशी तेजी आली. .

आज चींनने १६ सप्टेंबर २०१९ पासून CRR मध्ये ०.५% कपात केली.यामुळे चीनच्या अर्थव्यवस्थेला स्टिम्युलस मिळेल. याचा परिणाम कमोडिटी मार्केट, मेटल्सशी संबंधित शेअर्समध्ये जाणवेल.

FY २०१६-१७ आणि FY २०१७-२०१८ या दोन वर्षांसाठी सन फार्माचे फोरेन्सिक ऑडिट केले जाईल.

इंडिया बुल्स हौसिंग या कंपनीच्या प्रमोटर्स बद्दल पुन्हा PIL दाखल केली. या कंपनीच्या लक्ष्मी विलास बँकेबरोबर होणाऱ्या मर्जरवर याचा परिणाम होईल.

आज सरकारने १५ सप्टेबर २०१९ पासून सिंगल यूज प्लास्टिक वापरण्यावर बंदी घातली. याचा फायदा ज्यूट आणि पेपर उत्पादन करणाऱ्या कंपन्यांना होईल. उदा LUDLOW ज्यूट, CHEVIOT. JK पेपर, ओरिएंट पेपर, हुतामाकी PPL, JK पेपर, वेस्टकोस्ट पेपर, शेषशायी पेपर आणि इंटरनॅशनल पेपर यांना होईल.

मुथूट फायनान्स ही कंपनी आपल्या ५०० शाखा बंद करणार आहे.

अशोक लेलँड चेन्नईजवळचा एन्नोर येथील प्लांट ५ दिवसांसाठी बंद ठेवणार आहे. गेल्या महिन्यातही हा प्लांट १० दिवस बंद ठेवला होता.

युनिकेमच्या पीठमपुर प्लाण्टला USFDA ने क्लीन चिट दिली.

BHEL ला NSPCL कडून Rs ४५० कोटींचे कॉन्ट्रॅक्ट मिळाले.

निर्यात वाढवण्यासाठी विविध उद्योगांना GST मध्ये सवलत देण्यावर सरकार विचार करत आहे. पॉलिश्ड डायमंड्स, जेम्स स्टोन यांच्यावरील ड्युटी ७.५% वरून २.५% करणार. चांदी आणि प्लॅटिनम ला IGST मधून सूट देणार. देशी वॅगन उत्पादन करणाऱ्या कंपन्यांना GST मधून सूट (याचा फायदा टिटाघर वॅगन, काँकॉर यांना होईल.), टेक्सटाईल सेक्टरचा कच्चा माल, ऑटो कॉम्पोनंट्स, EV च्या बॅटरी पॅकवर GST मध्ये सूट देण्यावर GST कौन्सिल विचार करील.

प्रभात डेअरी ह्या कंपनीने आपल्या बोर्ड ऑफ डायरेक्टर्सची बैठक कंपनीचे शेअर्स व्हालंटरीली डीलीस्टिंग करण्यावर विचार करण्यासाठी बोलावली आहे.

BSE निर्देशांक सेन्सेक्स ३६९८१ NSE निर्देशांक निफ्टी १०९४६ बँक निफ्टी २७२४७ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

4 thoughts on “आजचं मार्केट – ६ सप्टेंबर २०१९

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.