आजचं मार्केट – ३० सप्टेंबर २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १२ – १३ऑक्टोबर आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ३० सप्टेंबर २०१९

आज क्रूड US ६१.५६ प्रती बॅरल ते US $ ६१.९५ प्रती बॅरल या दरम्यान तर रुपया US $१=Rs ७०.४५ ते US $ ७०.७५ या दरम्यान होते. US $ निर्देशांक ९९.१६ VIX १६.२५ होते.

आज RBI ने लक्ष्मी विलास बँकेला PCA ( प्रॉम्प्ट करेक्टिव्ह एक्शन) लागू केले. या तरतुदीनुसार बॅन्केवर नवीन शाखा उघडणे, नवीन कर्ज देणे यासारख्या गोष्टींवर निर्बंध येतात. त्यामुळे लक्ष्मी विलास बँक आणि इंडिया बुल्स हाऊसिंग फायनान्स या दोन्ही कंपन्यांचे शेअर्स पडले.

सिप्लाच्या गोवा प्लॅन्टचे USFDA ने केलेल्या तपासणीत १२ त्रुटी दाखवल्या. म्हणून हा शेअर पडला.

ग्लेनमार्क फार्माच्या गोवा येथील असलेल्या प्लांटच्या तपासणीत USFDA ने २ त्रुटी दाखवल्या.

हिरो मोटो कॉर्पने बाईक्सच्या काही मॉडेल्सवर Rs २००० पर्यंत डिस्काउंट जाहीर केला.

PAYTMने पेमेंट केले तर Rs १००००च्या व्हाउचर्सची घोषणा केली.

TVS मोटर्सने काही मॉडेल्सवर Rs ७००० पर्यंत सूट जाहीर केली.

ICRA ने इन्फिबीमचे रेटिंग कमी केले म्हणजे ‘A’ रेटिंग बदलून ‘A -‘ केले.

चीनमधून आयात होणाऱ्या डक्टाईल आयर्न पाइप्सवरची इम्पोर्ट ड्युटी वाढवली.यामुळे जिंदाल SAW या कंपनीचा शेअर वाढला.

APTEL ने प्रयागराज पॉवर च्या शेअर ट्रान्सफरला मंजुरी दिली. रिलायन्स कॅपिटलने २७-३० सप्टेंबर दरम्यान Rs ७२.६५ कोटी कर्ज भरले. कंपनी कर्जाची पूर्णपणे परतफेड करत आहे. कंपनी तारण म्हणून ठेवलेले सर्व शेअर्स सोडवेल.
मारुतीच्या XL या मल्टिपर्पज व्हेइकलसाठी ६ महिन्यांचा वेटिंग पिरियड लागेल. आतापर्यंत ८००० गाड्यांसाठी बुकिंग झाले.

नोव्हेंबर २०१९ च्या अखेरपर्यंत BPCL मधले विनिवेश सरकार पूर्ण करेल.

सरकार कर्जबाजारी झालेल्या इन्फ्रा कंपन्यांचे पॉवर प्लांट खरेदी करू शकते. IL & FS चा CUDALUR येथील प्लांट खरेदी करण्यात NTPC ,अडाणी ग्रुप सकट १३ कंपन्यांनी स्वारस्य दाखवले आहे.

आज IRCTCचा IPO ओपन झाला. जवळ जवळ सर्व ब्रोकरेज हाऊसेसनी या IPO मध्ये सबस्क्राईब करा असा सल्ला दिला होता. आज पहिल्या दिवशीच IPO पूर्णपणे भरला.

आज इंडिया बुल्स हौसिंग फायनान्सचा शेअर सपाटून पडला. त्यांचेबरोबर ज्या सात बँकांनी या ग्रुपला कर्ज दिली आहेत त्या बँकांचे शेअर्सहि मंदीत होते.

BSE निर्देशांक सेन्सेक्स ३८६६७ NSE निर्देशांक निफ्टी ११४७४ बँक निफ्टी २९१०३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.