Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ३१ ऑक्टोबर २०१९

आज क्रूड US $ ६०.७५ प्रती बॅरल ते US $ ६०.८६ प्रती बॅरल या दरम्यान तर रुपया US $ १=Rs ७०.७३ ते US $१=Rs ७०.८० या दरम्यान होती. US $ निर्देशांक ९७.२८ होता. VIX १६ होते. फेडने ०.२५% रेटकट केला आता हे रेट १.५०% ते १.७५% या मर्यादेत असतील. ग्लोबलायझेशनमुळे जग जवळ आल्यामुळे भारतातही बँकांच्या शेअर्समध्ये तेजी आली.
USA आणि चीन यांच्या प्रतिनिधींमध्ये टेलीफोनवरून ट्रेड आणि टॅरिफ यांच्यावर चर्चा होईल

भारताचे माननीय पंतप्रधान नरेंद्र मोदी २ नोव्हेंबर ते ४ नोव्हेंबर दरम्यान बँकॉक दौऱ्यावर जाणार आहेत. तेथे ते ASEAN ( असोसिएशन ऑफ साऊथ ईस्ट एशियन नेशन्स ) समिटमध्ये भाग घेतील . आणि RECP समिटमधे भाग घेतील.
दक्षिणपूर्व अरबी सागरात ‘महा ‘ नावाचे तुफान केरळ किनारपट्टीपासून ३०० किलोमीटर अंतरावर आकार घेत आहे. या तुफानामुळे केरळ, तामिळनाडू, कर्नाटक, गोवा आणि कोंकण किनारपट्टीवर जोराचे वारे आणि पाऊस होण्याची शक्यता आहे.

आज मार्केटने ४ जून २०१९ नंतर BSE निर्देशांक सेन्सेक्स ४०३९२ या कमाल स्तरावर होता. बँक निफ्टीनेही ३०००० वर बरीच मजल मारली. निफ्टी जुनियर कालच ऑल टाइम हाय पाईंटला पोहोचला. त्यामुळे IIरन शेअर्समध्ये तेजी होत आहे. ऑटो आणि ऑटो पार्ट्स आणि अँसिलियरी शेअर्समध्ये तेजीला सुरुवात झाली आहे.

सरकार लवकरच गृह कर्जावरील Rs ५००००० पर्यंतच्या व्याजावर आयकरामध्ये १०% सूट देण्याचा विचार करत आहे. यासाठी १ एप्रिल २०२० ते ३१ मार्च २०२१ या कालावधीत तुम्ही घर घेतले पाहिजे. ही सवलत सरकार तीन वर्षापर्यंत देण्याचा विचार करत आहे.

सर्व रिअल इस्टेट प्रोजेक्ट्सला इन्फ्रास्टक्चरचा दर्जा देण्याची शक्यता आहे. आतापर्यंत अफोर्डेबल हौसिंगलाच इंफ्राचा दर्जा होता. यामुळे रिअल इस्टेट क्षेत्रातले कंपन्यांच्या शेअर्समध्ये तेजी येण्याची शक्यता आहे.

COAI ने आज सांगितले की भारती एअरटेल आणि वोडाफोन आयडिया या कंपन्यांना पुढील दोन वर्षांसाठी स्पेक्ट्रम फी चार्जेस माफ करावी. कारण या कंपन्यांना सुप्रीम कोर्टाच्या आदेशाप्रमाणे मोठी रक्कम AGR म्हणून सरकारला भरायची आहे. या COAI च्या पत्रावर रिलायन्स इंडस्ट्रीज लिमिटेड यांनी हरकत घेतली. या कंपन्यांना हे माहीत असूनही की जर सुप्रीम कोर्टाचा निर्णय आपल्याविरुद्ध गेला तर आपल्याला हे पैसे भरावे लागतील,तरी या कंपन्यांनी २०११ पर्यंत या खर्चासाठी कोणत्याही प्रकारची प्रोव्हिजन केली नाही. या दोन कंपन्यांची हे चार्जेस भरण्याची क्षमता आहे. त्यामुळे त्यांना हे पेमेंट करण्यासाठी कोणत्याही प्रकारची सवलत देण्याची गरज नाही.असे रिलायन्स इंडस्ट्रीज यांनी सांगितले.

कॅडिला हेल्थकेअरच्या बडडी युनिटच्या १५ सप्टेंबर २०१९ ते २३ सप्टेंबर २०१९ या दरम्यान केलेल्या तपासणीत USFDA ने क्लीन चिट दिली.

येस बँकेला हाँगकाँगच्या SPGP होल्डिंग या कंपनीकडून US $ १२० कोटी येस बँकेच्या शेअर्समध्ये गुंतवणूक करण्यासाठी बाइंडिंग ऑफर मिळाली आहे. येस बँकेचे उद्या दसऱ्या तिमाहीचे निकाल आहेत. येस बँकेचे बोर्ड ऑफ डायरेक्टर्स या गुंतवणुकीविषयी उद्या विचार करतील . ही गुंतवणूक करण्यासाठी RBI ची मंजुरी घ्यावी लागेल. या बातमीमुळे येस बँकेच्या शेअरमध्ये तेजी आली. ही गुंतवणूक बँक नवीन शेअर्स अलॉट करून करेल.

थंगमाईल ज्युवेलर्स, ट्यूब इन्व्हेस्टमेंट, सिंडिकेट बँक ( तोट्यातून फायद्यात आली, ऍसेट गुणवत्तेत किंचित सुधारणा) धनलक्ष्मी बँक ( NII वाढले, फायदा वाढला. ऍसेट गुणवत्तेत सुधारणा) यांचे दुसऱ्या तिमाहीचे निकाल चांगले आले.
JBM ऑटो या कंपनीचे निकाल साधारण आले.

IOC (इंडियन ऑइल कॉर्पोरेशन) चे दुसऱ्या तिमाहीचे निकाल असमाधानकारक आले. प्रॉफिटमध्ये ८३% घट झाली रेव्हेन्यू १३% ने कमी झाले. हा इन्व्हेन्टरी लॉसेसचा परिणाम आहे. GRM US $ ८.४५ प्रती बॅरल वरून US $ २.६९ प्रती बॅरल एवढे कमी झाले. (YOY).

हे निकाल मार्केटची वेळ संपताना आल्यामुळे याचा परिणाम IOC च्या शेअरवर उद्या दिसेल. उद्या ऑटो विक्रीचे आकडे येतील हे सणासुदीच्या काळातील आकडे असल्यामुळे विक्रीचे आकडे चांगले येण्याची शक्यता आहे. त्यामुळे उद्या ऑटो क्षेत्रातील कंपन्यांच्या शेअर्सकडे लक्ष ठेवावे.

BSE निर्देशांक सेन्सेक्स ४०१२९ NSE निर्देशांक निफ्टी ११८७७ बँक निफ्टी ३००६६ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ३० ऑक्टोबर २०१९

आज क्रूड US $ ६१.३८ प्रती बॅरल ते US $ ६१.५६ प्रती बॅरल या दरम्यान तर रुपया US $१=Rs ७०.९१ ते US $१=Rs ७१.०२ या दरम्यान होते. US $ निर्देशांक ९७.५७ होते तर VIX १६.६७ होते.

भारताचे माननीय पंतप्रधान नरेंद्र मोदी हे सौदी अरेबियाच्या दौऱ्यावर आहेत. ते रियाध येथे होणाऱ्या FII ( फ्युचर इन्व्हेस्टमेंट इनिशिएटिव्ह) या परिषदेला हजर राहतील.या परिषदेत ऊर्जा, संरक्षण, नागरी विमानसेवा या क्षेत्रात बरेच करार होण्याची शक्यता आहे. या क्षेत्रांशी संबंधित असणाऱ्या शेअर्समध्ये उद्या हालचाल असण्याची शक्यता आहे.

आज BSE निर्देशांक सेन्सेक्सने ४००००चा तर बँक निफ्टीने ३०००० चा टप्पा ओलांडला. लवकरच निफ्टी १२००० चा टप्पा ओलांडण्याची शक्यता आहे. भारतात पैशाची आवक वाढावी, परदेशी गुंतवणुकीला उत्तेजन मिळावे म्हणून सरकार वेगवेगळ्या सुधारणा करत आहे. याचाच हा परिणाम आहे.

CPSE कडे असलेली शिलकी जमीन विकण्याचा विचार करत आहे. या CPSE च्या बोर्ड ऑफ डायरेक्टर्सची मंजुरी या जमीन विक्रीकरता घ्यावी लागेल.

BALMER LAWRIE या कंपनीची ११ नोव्हेंबर २०१९ रोजी बोर्ड ऑफ डायरेक्टर्सची बैठक आहे. या बैठकीत बोनस शेअर्स इशू करण्यावर विचार होण्याची शक्यता आहे. गेल्यावेळी काही तांत्रिक कारणांमुळे या कंपनीला बोनस इशू रद्द करावा लागला होता.

सरकार लवकरच गोल्ड AMNESTY योजना जाहीर कारण्याचीए शक्यता आहे. आपल्याजवळ सरकारने ठरवलेल्या किमान गोल्डहोल्डींग मर्यादेपेक्षा जास्त पावत्या नसलेले सोने असेल तर आपल्याला ते ही योजना चालू असेपर्यंत जाहीर करावे लागेल. ह्या सोन्याचे सरकारी व्हॅल्युएशन केंद्रातून व्हॅल्युएशन करून घ्यावे लागेल. जी किंमत ठरेल त्या किमतीवर आपल्याला एक विशिष्ट दराने कर भरावा लागेल. ह्या कराचे पेमेंट केल्यावर आपण हे सोने आपल्याजवळ बाळगू शकता. जर ह्या योजनेची मुदत संपल्यावर आपल्याजवळ अघोषित आणी पावत्या नसलेले सोने असले तर आपल्यावर दंडात्मक कारवाई होऊ शकेल.

स्टॅंडर्ड लाइफने HDFC लाईफचे १० कोटी शेअर्स Rs ५७५.१५ प्रती शेअर या भावाने विकले. फेडच्या रेट कट विषयी उद्या माहिती मिळेल.

F & O मार्केटमधील स्ट्राईड फार्माचा उद्याचा शेवटचा दिवस. उद्या F & O मार्केटमध्ये ऑक्टोबर काँट्रॅक्टसची एक्स्पायरी आहे. १ नोव्हेंबर २०१९ पासून नोव्हेंबर महीन्याच्या काँट्रॅक्टसला सुरुवात होईल. F & O मधील शेअर्सच्या लॉटसाइझमध्ये बदल केला जाण्याची शक्यता आहे.

सरकार आपल्या BEML मधील ५४.५०% स्टेकपैकी २६% स्टेक विकणार आहे त्याबरोबरच व्यवस्थापनेचे अधिकारही ट्रान्स्फर करणार आहे. त्यामुळे BEMLच्या शेअरमधी तेजी आली. IDBI बँकेने आपल्याजवळील NSE मधील १.५०% स्टेक पैकी ०.७२% स्टेक विकला.

CAPLIN पॉईंट, रेमको सिमेंट, इंडोको रेमिडीज ( ही कम्पनी तोट्यातून फायद्यात आली) या कंपन्यांचे दुसऱ्या तिमाहीचे निकाल चांगले आले.

फिलिप कार्बन, टाटा केमीकल्स, हेरिटेज फूड्स, युनायटेड बँन्क ( ही बँक तोट्यातून फायद्यात आली.) या कंपन्यांचे दुसऱ्या तिमाहीचे निकाल चांगले आले.

आज BSE निर्देशांक सेंसेक्स ४००५१ NSE निर्देशांक निफ्टी ११८४४ बँक निफ्टी २९९८७ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २९ ऑक्टोबर २०१९

आज क्रूड US $ ६१.०८प्रती बॅरल ते US $ ६१.५२ प्रती बॅरल या दरम्यान तर रुपया US $ १=Rs ७०.६९ ते Rs ७०.८३ या दरम्यान होते. US $ निर्देशांक ९७.५५ होता तर VIX १५ .९० होते.

आज जागतिक आणि स्थानिक चांगल्या संकेतांमुळे मार्केटमध्ये तेजी होती. आज USA ने चीनमधून आयात होणाऱ्या १००० उत्पादनांवर टॅरिफ कन्सेशन्सची मुदत वाढवली. त्यामुळे आता चीन आणि USA यांच्यात दोघांनाही रुचेल आणि पटेल असे टॅरिफ अग्रीमेंट होईल ही आशा वाढीस लागली. युरोपियन युनियनने ब्रेक्झिटसाठी मुदत वाढ देण्याचे मान्य केल्यामुळे. आता ३१ ऑक्टोबर २०१९ ला डील शिवाय ब्रेक्झिट होण्याची शक्यता कमी झाली. यामुळे धातूसंबंधीत शेअर्समध्ये तेजी आली.

टाटा मोटर्सचे दुसऱ्या तिमाहीचे निकाल गेल्या तिमाहीपेक्षा चांगले आले. टाटा ग्रुप या कंपनीमध्ये इक्विटीद्वारे भांडवल घालणार आहे. या मुळे टाटा मोटर्सचा शेअर वधारला. तसेच दिवाळीच्या मुहूर्तावर दुचाकी वाहने, कार्स याचा खप वाढल्यामुळे ऑटो क्षेत्रातील शेअर्समधील मंदी थोडी कमी झाली.टाटा मोटर्सच्या शेअरची बुक व्हॅल्यू Rs १८० आहे. हा शेअर आपल्या बुक व्हॅल्यूच्या पेक्षा कमी CMP वर ट्रेड होत होता.

सरकार इक्विटी, DEBT आणी कमोडिटी मार्केटशी संबंधित असलेल्या LTCG ( लॉन्ग टर्म कॅपिटल गेन्स टॅक्स), STT( सिक्युरिटी ट्रॅन्झॅक्शन टॅक्स), DDT ( डिव्हिडंड डिस्ट्रिब्युशन टॅक्स) या टॅक्समध्ये सुधारणा करण्यावर विचार करत आहे. हे टॅक्स जागतिक स्तरावर असलेल्या टॅक्स च्या स्तरावर आणण्याचा विचार चालू आहे. LTCG मुळे अपेक्षित रेव्हेन्यू मिळत नाही, DDT मुळे आंतरराष्ट्रीय पेन्शन फंड भारतात गुंतवणूक करण्याची टाळाटाळ करतात. त्यामुळे DDT पूर्णपणे रद्द करण्याचा सरकार विचार करत आहे. या सर्व टॅक्सना पर्याय म्हणून एकच इक्विटी टॅक्स आणण्याचा सरकार विचार करत आहे. या सुधारणा वरवर नसून त्यामुळे या कर रचनेमध्ये आमूलाग्र बदल होईल अशी शक्यता आहे. या बातमीमुळे एकंदरीतच शेअरमार्केटमध्ये उत्साहाचे वातावरण पसरले आणि मार्केटमध्ये सार्वत्रिक तेजी आली.

या तेजीला अपवाद होता टेलिकॉम क्षेत्रातील कंपन्यांचा. भारती एअरटेल, भारती इंफ्राटेल, व्होडाफोनआयडिया, या कंपन्यांना सरकारला तीन महिन्यात Rs १३३ लाख कोटी सुप्रीम कोर्टाच्या २००५ सालापासून चालू असलेल्या खटल्याच्या निकाला प्रमाणे भरायचे आहेत. या घडामोडीमुळे भारती एअरटेलने दुसऱ्या तिमाहीचे निकाल जे आज जाहीर होणार होते ते १४ नोव्हेंबर २०१९ पर्यंत पुढे ढकलले.या कंपन्यांनी या बाबतीत कोणतीही प्रोव्हिजन केलेली नाही. या तिन्ही शेअरमध्ये खूपच मंदी आली. या कंपन्यांवरील आर्थीक ताण कमी करण्यासाठी एक समिती नेमण्यात आली आहे. या कंपन्यांना स्पेक्ट्रम युसेज चार्जेसमध्ये सरकार सवलत देऊ शकते. या कंपन्यांना कर्ज देणार्या सरकारी उदा स्टेट बँक ऑफ इंडिया, PNB, तसेच खाजगी बँका उदा. ऍक्सिस बँक, HDFC बँक, कोटक महिंद्रा बँक या बँकांवरही या खात्यांसाठी प्रोव्हिजन करावी लागेल.

NMDC च्या नागरनार युनिटचे डीमर्जर आता या वर्षात पुरे होऊ शकणार नाही. कारण या प्रक्रियेला कमीत कमी सात महिने लागतील.

सौदी आरामको या ऑइल आणि गॅस क्षेत्रातील दिग्गज आंतरराष्ट्रीय कंपनीच्या IPO ची घोषणा ३ नोव्हेम्बर २०१९ ला होईल आणि या IPO चा प्राईस बँड १७ नोव्हेम्बरला जाहीर होण्याची शक्यता आहे.

DHFL या कंपनीविरुद्ध फंड डायव्हर्जनसंबंधात कॉर्पोरेट मंत्रालय SFIO (सिरीयस फ्रॉड इन्व्हेस्टिगेशन ऑफिस) तर्फे चौकशी सुरु करण्याची शक्यता आहे. कंपनीविरुद्ध या संबंधात पुरावे मिळाले आहेत. ROC (रजिस्ट्रार ऑफ कंपनीज) मुंबई यांनी आपला रिपोर्ट २ दिवसांपुर्वी सादर केला. DHFL ने कंपनी कायद्याचे उल्लंघन केले असा आरोप आहे.
फायझर,, हिंदुस्थान झिंक( टॅक्स खर्चात Rs ४६४ कोटींची घट), यांचे दुसर्या तिमाहीचे निकाल चांगले आले.

DCM श्रीराम या कंपनीचे निकाल ठीक आले.

उद्या टाटा ग्लोबल बिव्हरेजीस, PTC, टाटा केमिकल्स, JK टायर्स त्यांचे दुसऱ्या तिमाहीचे निकाल जाहीर करतील.

BSE निर्देशांक सेन्सेक्स ३९८३१ NSE निर्देशांक निफ्टी ११७८६ वर बँक निफ्टी २९८७३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २५ ऑक्टोबर २०१९

आज क्रूड US $ ६१.३० प्रती बॅरल ते US $ ६१.४१ प्रती बॅरल या दरम्यान तर रुपया US $१= Rs ७०.९५ ते US $१= Rs ७१.०४ या दरम्यान होते. US $ निर्देशांक ९७.६० तर VIX १५.५० होते.

आज दिवाळीचा मोठा आनंदाचा सण सुरु झाला. आपल्याला हि दिवाळी आनंदाची, समृद्धीची, आरोग्याची, समाधानाची, आणि संपन्नतेची जावो ही सदिच्छा आणि ईश्वरचरणी प्रार्थना. तसेच दिवाळीच्या पाडव्यापासून सुरु होणारे संवत २०७६ आपल्याला भरभराटीचे आणि यशाची जावो ही शुभेच्छा.

आज संवत २०७५ चा शेवटचा दिवस. गेल्या संवत्सरात निफ्टीने ९.५०% तर सेन्सेक्सने १०% रिटर्न दिले.

F & O मार्केटमध्ये ट्रेड होणाऱ्या शेअर्सची संख्या दिवसेंदिवस कमी होत आहे. हेक्झावेअर, टाटा एलेक्सि, युनियन बँक ऑफ इंडिया हे शेअर F & O मार्केटमधून बाहेर पडतील. आता ७२ कंपन्यांचे शेअर्स वायदे बाजारात ट्रेड होतात. जर कंपनीचे २५% पेक्षा जास्त शेअर्स तारण म्हणून ठेवले असतील किंवा शेअरची मार्केट कॅप जर Rs १००० कोटींपेक्षा जास्त असेल तर अशा शेअर्ससाठी ३५% मार्जिन ठेवावे लागेल.

युनायटेड स्पिरिट्सच्या मद्यार्कासाठी असलेली मागणी कमी होत आहे आणि काही ब्रॅण्डच्या बाबतीत सप्लाय साईडवर अडचणी येत आहेत.

IDFC फर्स्ट बँकेचे दुसऱ्या तिमाहीचे निकाल वरवर दिसायला खराब असले तरी CASA रेशियो, NIM आणि रिटेल लोन बुकमध्ये चांगली सुधारणा दिसत आहे.

दीपक नायट्रेट, ASTRAL पॉली, PNB हौसिंग, दालमिया भारत, हैडलबर्ग सिमेंट, आवास हाऊसिंग यांचे दुसऱ्या तिमाहीचे निकाल चांगले आले.

स्ट्राइड्स फार्मा ही कंपनी तोट्यातून फायद्यात आली.Rs १२ कोटी तोट्याचा Rs १४.३ कोटी फायदा झाला. कंपनीचे उत्पन्न, ऑपरेटिंग मार्जिन, आणि प्रॉफिट यांच्यात वाढ झाली.

हुतामाकी PPL हे कंपनी तोट्यातून फायद्यात आली.

अतुल लिमिटेड, कॉर्बोरंडमचे दुसऱ्या तिमाहीचे निकाल ठीक आले.

अरविंद, इन्फिबीम, टिमकीन या कंपन्यांचे दुसर्या तिमाहीचे निकाल असमाधानकारक होते.

आज स्टेट बँक ऑफ इंडिया चे दुसऱ्या तिमाहीचे निकाल आले. बँकेची प्रॉफिट Rs ९४५ कोटींवरून Rs ३०१२ कोटी(YOY) तर NII Rs २०९०६ कोटींवरून २४६०० कोटी(YOY) झाले. ग्रॉस NPA ७.१९% तर नेट NPA २.७९ होते. ऍसेट गुणवत्तेत सुधारणा झाली. स्लीपेजिस Rs ८८०० कोटी होते. प्रोव्हिजन Rs १३१३९ कोटी होती. बँकेला SBI लाईफ मधला स्टेक विकल्यामुळे Rs ३४८४ कोटी उत्पन्न झाले. NIM वाढून ३.११ % झाले. स्टेट बँकेचा हा निकाल सार्वजनिक क्षेत्रातील सरकारी बँकांची तब्येत सुधारत आहे असा दिलासा देणारा होता. या निकालांनंतर स्टेट बँकेच्या शेअरमध्ये चांगलीच तेजी आली. पण बाकीच्या सरकारी बॅँकांचे शेअर्सही वाढले.

मार्केट बंद झाल्यावर टाटा मोटर्सचे निकाल आले. कंपनीला Rs २१७ कोटी तोटा झाला. हा तोटा पूर्वीपेक्षा खूपच कमी झाला. उत्पन्न Rs ६५४३२ कोटी झाले.ऑपरेटिंग मार्जिन १०.८% राहिले. टाटा मोटर्स टाटा सन्सला Rs १५१ प्रती भावाने Rs ३०२० कोटींचे शेअर्स जारी करणार. JLR ला PBT Rs १५.६ कोटी झाले तर उत्पन्न Rs ६०८ कोटी झाले. JLR चे ऑपरेटिंग मार्जिन १३.८% राहिले.

२८ ऑक्टोबरला विनिवेश कारभाराची समीक्षा कारण्यासाठी मीटिंग होईल.

DR रेड्डीज आणि येस बँक १ नोव्हेंबर २०१९ रोजी आपले दुसऱ्या तिमाहीचे निकाल जाहीर करतील.

BSE निर्देशांक सेन्सेक्स ३९०५८ NSE निर्देशांक निफ्टी ११५८३ बँक निफ्टी २९३९५ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २४ ऑक्टोबर २०१९

आज क्रूड US $ ६०.७५ प्रती बॅरल ते US $ ६०.९९ प्रती बॅरल या दरम्यान तर रुपया US $१=Rs ७०.८० ते US $१=Rs ७१.०५ या दरम्यान होते. US $ निर्देशांक ९७.३५ होता तर VIX १५.५० होते.

आज महाराष्ट्र आणि हरयाणा या राज्यातील निवडणुकांचे निकाल जाहीर झाले. दिवसभर मतमोजणीच्या बातम्या येत असल्यामुळे मार्केटमध्ये तेजी आणि मंदीचा लपंडाव चालू होता. अखेरीस महाराष्ट्रामध्ये NDA चे सरकार सहजपणे आणि थोड्या प्रयत्नांती हरयाणामध्ये NDA चे सरकार येईल असा निष्कर्ष सर्व निकाल जाहीर झाल्यावर निघतो आहे. मार्केटमधील गुंतवणूकदारांना आणि ट्रेडर्सना स्थैर्य जास्त पसंत असते.

वर्ल्ड बँकेने ‘इज ऑफ डुईंग बिझिनेस’ च्या निर्देशांकात भारताला ६३ वे स्थान दिले. आधी भारत ७७ व्या स्थानावर होता.
बँक ऑफ बरोडाने सरकारला Rs ७००० कोटींच्या शेअर्सची अलॉटमेंट केली.

मल्टिब्रँड रिटेलमध्ये ४९% पेक्षा जास्त FDI ला परवानगी नाही.

सरकारने NAFRA ( नॅशनल फायनान्सियल रिपोर्टींग ऑथोरिटी) ला इन्फोसिसची चौकशी करायला सांगितले आहे.
या तिमाहीत सरकारनी केलेल्या कॉर्पोरेट टॅक्समधील सुधारणांचा सर्व कंपन्यांनी फायदा घेतला आहे. त्यामुळे आपण कंपनीचे निकाल बघताना टॅक्स राईट बॅक किंवा टॅक्स खर्च किती कमी झाला याकडे लक्ष द्यावे.

आज बंधन बँकेचे दुसऱ्या तिमाहीचे निकाल आले. प्रॉफिट Rs ९७२ कोटी तर NII Rs १५२९ कोटी होते. ग्रॉस NPA १.७६% तर नेट NPA ०.५६% होते. NIM ८.२% होते. प्रोव्हिजन Rs १४६ कोटी होती. हे निकाल चांगले लागले.
आज ऑटो क्षेत्रातील मारुतीने आपले दुसऱ्या तिमाहीचे निकाल जाहीर केले. कंपनीचे उत्पन्न Rs १६९८५ कोटी तर प्रॉफिट Rs Rs १३५९ कोटी झाले . इतर उत्पन्न Rs ५२७ कोटींवरून Rs ९२० कोटी झाले. कंपनीचा टॅक्स खर्च Rs ९७१ कोटीवरून Rs २१३ कोटी झाला. मार्जिन ९.५% होती. मार्जिनमध्ये वाढ टॅक्स खर्च कमी झाल्यामुळे दिसते.

ITC या कंपनीचे दुसऱ्या तिमाहीचे निकाल चांगले आले. प्रॉफीटमध्ये ३६% वाढ होऊन ते Rs ४०२३ कोटी झाले. सिगारेट व्हॉल्युम ६% ने वाढले. उत्पन्न Rs ११८७१ कोटी झाले.

इंडिगोने Rs १०६२ कोटी लॉस दाखवले. गेल्या वर्षीच्या मानाने हा लॉस खूपच वाढला. कंपनीने वाढती मेंटेनन्स कॉस्ट, फॉरेक्स लॉसेस ही कारणे दाखवली.

कोलगेट या कंपनीचे दुसऱ्या तिमाहीचे निकाल आले. प्रॉफिट २४%( YOY ) वाढून म्हणजेच Rs १९६ कोटींवरून Rs २४४ कोटी झाले. उत्पन्न Rs ११६० कोटी वरून Rs १२१३ कोटी झाले.

अलेम्बिक फार्माचे दुसऱ्या तिमाहीचे निकाल चांगले आले.

कमिन्स, किर्लोस्कर ऑइल, बायोकॉन, रिलायन्स NIPON लाईफ, गुजरात पिपावावचे निकाल ठीक आले.

जॉन्सन हिताची ही कंपनी फायद्यातून तोट्यात गेली. कंपनीचे उत्पन्न वाढले. Rs ४९ लाख फायद्याऐवजी Rs ६४ लाख कोटी तोटा झाला.

DCM श्रीराम या कंपनीचे उत्पन्न वाढले प्रॉफिट. मात्र कमी झाले.

NIIT चा निकाल वरकरणी चांगला दिसत असला तरी टॅक्स राईट बॅक Rs १७४ कोटी असल्याने शेअरचा भाव कमी झाला.
आज सुप्रीम कोर्टाने २०१६ च्या केसमध्ये AGR (ऍडजस्टेड ग्रॉस रेव्हेन्यू अग्रीमेंट) मध्ये कोणत्या गोष्टींचा समावेश व्हावा यावर निकाल दिला. टेलिकॉम क्षेत्रातील कंपन्यांनी सरकारला Rs १३३ लाख कोटी ( यात लायसेन्स फी, स्पेक्ट्रम युसेज चार्जेस, मुद्दल त्यावरील दंड, व्याज यांचा समावेश असेल.). द्यायचे आहेत भारती एअरटेलला Rs २६००० कोटी, व्होडाफोन आयडियाला Rs १९००० कोटी, तर RCOM कंपनीला Rs १६००० कोटी द्यावे लागतील. रिलायन्स जिओने हल्लीच टेलिकॉम क्षेत्रात पदार्पण केल्यामुळे त्यांचे नाव या यादीत नाही. ज्या कंपन्यांचे किंवा ग्रुपचे टेलिकॉम क्षेत्राला एक्स्पोजर आहे त्या कंपन्यांच्या शेअर्समध्ये मंदी आली

हा सुप्रीम कोर्टाचा निकाल आल्यावर ज्या कंपन्यांना या निकालानुसार मोठी रक्कम भरावी लागेल त्यांचे शेअर तर पडलेच पण ज्या बँकांनी या कंपन्यांना कर्ज दिले होते त्या बँकांच्या शेअर्समध्येही मंदी आली. यात स्टेट बँक ऑफ इंडिया, HDFC बँक, एक्सिस बँक यांचा समावेश आहे. या टेलिकॉम क्षेत्रातील कंपन्यांनी सरकारकडे सहा महिन्यांची मुदत मागितली आहे.
२५ ऑक्टोबर २०१९ रोजी HDFC AMC, स्टेट बँक ऑफ इंडिया, मॅरिको, टाटा मोटर्स, V २ रिटेल तर २६ ऑक्टोबर २०१९ रोजी ICICI बँक, फायझर दुसऱ्या तिमाहीचे निकाल जाहीर करतील. भारती एअरटेल, हिंदुस्थान झिंक, पेट्रोनेट LNG, २९ ऑक्टोबर २०१९ रोजी दुसऱ्या तिमाहीचे निकाल जाहीर करतील.

BSE निर्देशांक सेन्सेक्स ३९०२० NSE निर्देशांक निफ्टी ११५८३ बँक निफ्टी २९१०८ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २३ ऑक्टोबर २०१९

आज क्रूड US $ ५९.०९ प्रती बॅरल ते US $ ५९.५३ प्रती बॅरल या दरम्यान तर रुपया US $१=Rs ७०.९० ते US $ १= Rs ७१.०१ या दरम्यान होते. US $ निर्देशांक ९७.६१ तर VIX १६ होते.

ब्रेक्झिटचा प्रश्न कोणत्या पद्धतीने आणि कसा सुटेल हे आता ३१ऑक्टोबर २०१९ ला जेव्हा प्रत्यक्ष कृती होईल तेव्हाच कळेल असे म्हणावे लागेल. USA मध्ये क्रूडचे भांडार वाढल्यामुळे क्रूडच्या किमती एका विशिष्ट रेंज मध्ये राहिल्या.

दिवाळी आणि नवीन वर्ष ( दिवाळीच्या पाडव्यापासून सुरु होणारे) जवळ येत असल्यामुळे मार्केटमध्ये खरेदीचे वातावरण आहे. त्यातून दुसर्या तिमाहीचे निकाल चांगले येत आहेत. मार्केटमध्ये कंझम्पशन, चहा, साखर या क्षेत्रातील कंपन्यांच्या शेअर्समध्ये खरेदी दिसत आहे. वेंकीज, ज्युबिलंट फूड्स, वेस्ट लाईफ डेव्हलपमेंट, V २ रिटेल, मिर्झा, लिबर्टी शूज, खादीम, सुपर हाऊस, KCP, उगार शुगर, गॉडफ्रे फिलिप्स, कोलगेट, मेरिको, TBZ, थंगमाईल ज्यूविलरीज, डाबर, पेंट्स कंपन्या ( एशियन, बर्गर) MCX, आणि इन्शुअरन्स सेक्टरमधील कंपन्यांच्या शेअर्समध्ये तेजी होती.

आज सरकारने रब्बी पिंकांची MSP ( मिनिमम सपोर्ट प्राईस) ५% ने वाढवली. गव्हाची MSP Rs १८४० वरून Rs १९२५ केली त्याचबरोबर बाजरीची MSP वाढवली. शेतकऱ्यांच्या हातात आता बराच पैसा येणार असल्यामुळे ग्रामीण भागात कंझम्पशनमध्ये वाढ होईल

BSNL आणी MTNL या दोन टेलिकॉम क्षेत्रातील सरकारी कंपन्यांच्या मर्जरला मंत्रिमंडळाच्या बैठकीत मंजुरी मिळाली. या दोन कंपन्यांच्या Rs ३८००० कोटी किमतीच्या मालमत्तेचे मोनॅटायझेशन केले जाईल. BSNL आणि MTNL यांच्या मर्जरसाठी Rs १४००० कोटीची तरतूद केली. या कंपन्यांतील कर्मचाऱ्यांसाठी सरकारने VRS जाहीर केली. सरकारच्या मते ही अत्यंत फायदेशीर अशी VRS आहे. त्याचप्रमाणे सरकार त्यांना Rs २०००० कोटींची 4 G स्पेक्ट्रम अलॉट करेल.आणि या स्पेक्ट्रमचे सर्व्हिसिंग सरकार करेल. या मर्जरला आणि VRS ची प्रक्रिया पूर्ण व्हायला दोन वर्षे लागतील असा अंदाज आहे. या मर्जरसाठी सरकार सॉव्हरिन बॉण्ड्स इशू करणार आहे.

सरकारने CNG, LNG, पेट्रोलियम, एव्हिएशन टरबाइन फ्युएल, डिझेल यांचे रिटेलिंग राईट्सचे नियम सोपे केले. यात मुख्य अट अशी अशी की ५% पेट्रोल आउटलेट ग्रामीण भागात काढले पाहिजेत. आता नेट वर्थ Rs २५० कोटी असलेल्या कोणत्याही कंपनीला हे रिटेलिंग राईट्स मिळू शकतील.

AFFLE या कंपनीने ८ नवी पेटंट फाईल केले. म्हणून आज शेअरमध्ये खूप तेजी होती.

बजाज ऑटोचे दुसऱ्या तिमाही उत्पन्न Rs ७७०७ कोटी प्रॉफिट Rs १४०२ कोटी टॅक्स खर्च Rs Rs २०६ कोटी होता. ऑपरेटींग मार्जिन १६.६% होते. व्हॉल्युम ११.७३% ने वाढली. ऑटो क्षेत्रातील मंदी लक्षात घेता हे निकाल समाधामकारक म्हणता येतील.

हिरो मोटो कॉर्प या कंपनीचा नफा Rs ८७० कोटी झाला उत्पन्न Rs ७५७० कोटी झाले. यात कंपनीला झालेल्या वन टाइम लॉस Rs ६० कोटींचा समावेश आहे. ऑपरेटिंग मार्जिन १४.५% राहिले. एकंदरीतच ऑटो क्षेत्रातील मंदीची थोडी झळ या कंपनीला बसली.

HCL टेक या IT क्षेत्रातील दिग्गज कंपनीचा नफा Rs २७१० कोटी राहिला. उत्पन्न Rs १७५३० कोटी होती. US $ उत्पन्न Rs २४८ कोटी राहिले. कंपनीने १शेअरला १बोनस शेअर जाहीर केला आणी Rs २ प्रति शेअर अंतरिम लाभांश जाहीर केला . कंपनीने मार्जिन गायडन्स १८.५% ते १९.५% दिला.

लार्सन अँड टुब्रो या कंपनीने आपले दुसऱ्या तिमाहीचे निकाल जाहीर केले. कंपनीला उत्पन्न Rs ३५३२८ कोटी झाले. फायदा Rs २५२७ कोटी होता. इतर उत्पन्न Rs Rs ५९६ कोटी होते. टॅक्सचा फायदा Rs २०१ कोटी झाला. ऑर्डर बुक Rs ४८००० कोटी होते. ऑपरेटिंग मार्जिन ११.४% होते.

HDFC लाईफ या कंपनीच्या प्रॉफिट आणि उत्पन्नामध्ये चांगली वाढ झाली.

इंडियन बँकेचे दुसऱ्या तिमाहीचे निकाल चांगले आले. प्रॉफिट Rs ३६० कोटी झाले. ऍसेट गुणवत्ता ग्रॉस NPA ७.२०% आणि नेट NPA ३.५४% राहिले.NPA थोडे कमी झाले. एकंदरच पाहता सार्वजनिक क्षेत्रातील सरकारी बँकांतील तसेच खाजगी बँकांतील NPA चा प्रश्न हळू हळू सुटतो आहे असे वाटते

क्रॉम्प्टन ग्रीव्हज, NIIT TECH ( Rs १० अंतरिम लाभांश) , आरती ड्रग्ज, PI इंडस्ट्रीज, एशियन पेंट्स ( डेकोरेटिव्ह पेंटमधील ग्रोथ चांगली) ,कोरोमांडेल, टिनप्लेट, इनॉक्स लिजर, कजरिया सिरॅमिक्स, प्राज इंडस्ट्रीज, IRB इन्फ्रा, OBC, बजाज फिनसर्व, हेक्झावेअर ( Rs २ अंतरिम लाभांश ) डिशमन फार्मा, GHCL, कॅस्ट्रॉल, टॉरंट फार्मा या कंपन्यांचे दुसऱ्या तिमाहीचे निकाल चांगले आले.

टेक्सरेल, हॅवेल्स इंडिया, M & M फायनान्स या कंपन्यांचे दुसऱ्या तिमाहीचे निकाल साधारण आले. अरविंद फॅशन, RBL बँक यांचे निकाल असमाधानकारक होते.

उद्यापासून PVR या कंपनीचा QIP इशू Rs १८०९.५३ प्रती शेअर या किमतीवर सुरु होईल.

उद्या मारुती, ITC, कोलगेट, इंडिगो यांचे निकाल येतील.

BSE निर्देशांक सेन्सेक्स ३९०५८ NSE निर्देशांक निफ्टी ११६०४ बँक निफ्टी २९४५९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २२ ऑक्टोबर २०१९

आज क्रूड US $ ५८.८६ प्रती बॅरल ते US $ ५९.२१ प्रती बॅरल या दरम्यान तर रुपया US $१=Rs ७०.८५ ते US $१=Rs ७०.९७ या दरम्यान होते. US $ निर्देशांक ९७.३५ होते. VIX १५.८५ होते.

इन्फोसिसच्या CEO सलील पारेख आणि CFO नीलांजन रॉय यांनी UNETHICAL व्यवहार केले असा एका व्हिसलब्लोअरने आरोप केल्यामुळे इन्फोसिसचा शेअर १६.२१% पडला आणी Rs ७६७.७५ वरून Rs ६४३.३० ला बंद झाला. १२ एप्रिल २०१३ रोजी हा शेअर २१% पडला होता. कंपनीने ह्या पत्रातील आरोपांची चौकशी करण्यासाठी एका समितीची नेमणूक केली आहे. तसेच शार्दूल अमरचंद मंगलदास ही व्यक्ती स्वतंत्रपणे तपास करेल. असे नंदन निलेकणी यांनी सांगितले.

राणे ब्रेक्स, ग्रॅनुल्स इंडिया ( या कंपनीचा दुसऱ्या तिमाहीचा निकाल खूप चांगला आला. उत्पन्न प्रॉफिट मार्जिन सर्व वाढले.), वेलस्पन इंडिया, ज्युबिलण्ट फूड्स, इंडिया बुल्स व्हेंचर, या कंपन्यांचे दुसऱ्या तिमाहीचे निकाल चांगले आले.
GSK फार्माचे दुसऱ्या तिमाहीचे निकाल चांगले आले पण वन टाइम प्रॉफिटचा मोठा वाटा होता

न्यू जेन सॉफ्टवेअर, रॅलीज या कंपन्यांचे निकाल ठीक आले.

सिएट, RBL बँक, यांचे दुसऱ्या तिमाहीचे निकाल असमाधानकारक होते.

आज एक्सिस बँकेने आपले दुसऱ्या तिमाहीचे निकाल जाहीर केले. बँकेने Rs ११२ कोटी तोटा दाखवला. टॅक्स खर्च वाढल्यामुळे ( Rs ३७७ कोटी वरून Rs २५४५ कोटी झाला) प्रॉफिट Rs २४३३ कोटी होऊनही बँकेला आफ्टर टॅक्स Rs ११२ कोटी तोटा दाखवावा लागला. NII Rs ६१०२ कोटी NIM (नेट इंटरेस्ट मार्जिन) ३.५१% होते. ग्रॉस NPA ५.०३% तर नेट NPA १.९९% पर्यंत कमी झाले. स्लीपेजिस वाढले तर प्रोव्हिजन कमी झाली. टॅक्स खर्च वगळता निकाल समाधानकारक म्हणता येतील.

कोटक महिंद्रा बँकेचे स्टॅण्ड अलोन प्रॉफिट Rs १७२५ कोटी NII Rs ३३५० कोटी होते. ग्रॉस NPA २.३२% तर नेट NPA ०.८५% होते. NIM ४.६१% होते. निकाल समाधानकारक होते.CASA रेशियो ५३.६% होते.

बजाज फायनान्सचे प्रॉफिट Rs १५०६ कोटी, NII Rs ३९९९ कोटी, ग्रॉस NPA १.६१% तर नेट NPA ०.६५% होते. AUM ( ऍसेट अंडर मॅनेजमेंट) Rs १३५ लाख कोटी होते.

उद्या बजाज ऑटो, हिरो मोटो कॉर्प, L & T, HCL TECH, JSW स्टील या कंपन्या आपले दुसर्या तिमाहीचे निकाल जाहीर करतील.

सरकार NBFC चे पुल्ड ऍसेट सरकारी बँकांनी खरेदी करण्याचे नियम बदलण्याची शक्यता आहे. AA पेक्षा कमी रेटिंग असलेल्या NBFC चे चांगले रेटिंग असलेले ऍसेट आता सरकारी बँका खरेदी करू शकतील.

पॉवर निर्माण करणाऱ्या कंपन्यांना थर्मल प्लांटचे मॉडर्नायझेशन करण्यासाठी १० सरकारी बँका कर्ज देतील. पर्यावणाच्या नियमांच्या पूर्तीसाठी हे मॉडर्नायझेशन आवश्यक आहे. हे मॉडर्नायझेशन २०२२ पर्यंत पूर्ण करायचे आहे..कंपनीकडे (१) PPA (पॉवर परचेस ऍग्रीमेंट), (२) कोळशाचा आवश्यक पुरवठा पाहिजे आणि कंपनीचे खाते NPA असता कामा नये.
या नियमांचा फायदा अडानी पॉवर, JSPL, टाटा पॉवर, GMR इन्फ्रा या कंपन्यांना होईल.

HUL ने आपल्या काही ब्रॅण्डच्या किमती बदलल्या आहेत. फेअर आणि लव्हली क्रिमची किंमत १०% ने कमी केली आहे तर टी व्हेरिएन्टसची किंमत ४.४% ने वाढवली आहे.

ग्रासिम ही कंपनी जर्मन कंपनीबरोबर JV करून हलोल येथे प्लान्ट उभारणार आहे.

ONGC त्यांच्या नोव्हेंबरच्या मीटिंगमध्ये ‘ONGC विदेश’ या कंपनीचा IPO आणण्यावर विचार करेल.

MCX च्या प्लॅटफॉर्मवरून तुम्ही आता १ ग्राम सोने खरेदी करू शकता. त्याची डिलिव्हरी घेऊन सेटलमेंट करता येईल.

कॉइन मेकिंग चार्ज Rs १०० असेल. हे कमोडिटी एक्स्चेंजवर करता येईल. त्यामुळे MCX च्या शेअरमध्ये तेजी आली.
बजाज फायनान्स, अल्ट्राटेक सिमेंट, अंबुजा सिमेंट यांचे निकाल चांगले येऊनही व्हॉल्युम ग्रोथ कमी असल्यामुळे शेअर्स पडले. एशियन पेंट्स, इंडिगो, हे शेअर्सही खालीच होते .

ICICI प्रु, SBI लाईफ, सिमेन्स हे शेअर MSCI निर्देशांकात सामील होण्याची शक्यता आहे. ICICI बँकेचे वेटेज MSCI निर्देशांकात ५.७% होईल. इंडिया बुल्स हौसिंग फायनान्स, आणि ग्लेनमार्क फार्मा MSCI निर्देशांकातून बाहेर पडतील.

BSE निर्देशांक सेन्सेक्स ३८९६३ NSE निर्देशांक निफ्टी ११५८८ बँक निफ्टी २९४११ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १८ ऑक्टोबर २०१९

आज क्रूड US $ ५८.९० प्रती बॅरल ते US $ ५९.७० प्रती बॅरल या दरम्यान तर रुपया US $१=Rs ७१.०७ ते US $ १=७१.१६ या दरम्यान होते. US $ निर्देशांक ९७.६० तर VIX १५.५० होते.

USA ने US $ ७५०० कोटींच्या युरोपियन प्रॉडक्ट्सवर टॅरिफ लावली.

इंडिया बुल्स हाऊसिंग फायनान्स या कंपनीने त्यांच्या नोव्हेम्बर २०१९ आणि डिसेंबर २०१९ मध्ये मॅच्युअर होणाऱ्या NCD चे मुदतपूर्व पेमेंट केले. म्हणून शेअरमध्ये तेजी आली.

सुंदरम क्लेटन या कंपनीचा फायदा वाढला पण उत्पन्न कमी झाले.

ल्युपिनच्या नागपूर प्लाण्टला USFDA ने ५ ऑगस्ट २०१९ ते ८ ऑगस्ट २०१९ या दरम्यान केलेल्या तपासणीत क्लीन चिट दिली.

FPI नी निफ्टी शॉर्ट क्लोज केले आणि कॅशमध्ये पोझिशन घेतली.

होल्डिंग कंपनीचे शेअर्स NAV च्या ३० पटीत चालतात. पण टाटा इन्व्हेस्टमेंटचा शेअर मात्र १३च्या पटीत चालत आहे. ब्रेक्झिटचा या शेअरवर अनुकूल परिणाम होण्याची शक्यता आहे.

आज रिलायन्स इंडस्ट्रीजने आपल्या दुसर्या तिमाहीचे निकाल जाहीर केले. रिलायन्सला दुसर्या तिमाहीत आतापर्यंतचे कमाल प्रॉफिट म्हणजे Rs ११२६२ कोटी प्रॉफिट झाले ही ११.४६% वाढ (Q O Q)आणि १८.३४% YOY वाढ झाली. . GRM US $ ९.४/bbl होते. जिओने २४ मिलियन सबस्क्राइबर्स वाढवले. RIL चे एकूण उत्पन्न Rs १४८५२६ कोटी झाले. रिलायन्स जिओ आता भारतातील सर्वात मोठी मोबिलिटी सर्व्हिस पुरवणारी कंपनी झाली. ARPU Rs १२० होते तर कंपनीच्या एकूण ग्राहकांची संख्या ३५.५० कोटी झाली. रिलायन्स रिटेल बिझिनेसमध्ये रेव्हेन्यू, प्रॉफिट, मार्जिन यांच्यात वाढ झाली. जिओ फोन दिवाळी २०१९ प्लानला चांगला प्रतिसाद मिळाला.RIL चे ऑपरेटिंग मार्जिन १४.९१% राहिले. रीफाईनिंग आणि पेट्रोकेम बिझिनेस मध्ये चांगली ग्रोथ झाली. एकंदर पाहता कंपनीने अपेक्षेपेक्षा चांगले निकाल दिले. आज चांगल्या निकालांच्या अपेक्षेने रिलायन्स इंडस्ट्रीजच्या शेअरमध्ये तेजी आली.

पुढील आठवड्यात २१ ऑक्टोबर २०१९ रोजी महाराष्ट्रात मतदान होत असल्यामुळे मार्केट बंद राहील. मंगळवारी सार्वजनिक क्षेत्रातल्या सरकारी बँकांच्या कर्मचाऱ्यांनी संप जाहीर केला.पुढील आठवड्यात १९ ऑक्टोबर २०१९ रोजी HDFC २१ ऑक्टोबर २०१९ रोजी भारती इन्फ्राटेक, अल्ट्राटेक सिमेंट,ऍक्सिस बँक २२ ऑक्टोबर २०१९ रोजी एशियन पेंट्स, २४ ऑक्टोबर २०१९ रोजी ITC आणि मारुती, २५ ऑक्टोबर २०१९ रोजी स्टेट बँक ऑफ इंडिया या कंपन्या आपले दुसऱ्या तिमाहीचे निकाल जाहीर करतील.

ICICI लोम्बार्डचे आणि अंबुजा सिमेंटचे दुसऱ्या तिमाहीचे निकाल चांगले आले.

महाराष्ट्र आणि हरयाणातील निवडणुकांचे निकाल २४ ऑक्टोबर रोजी जाहीर होतील. या निकालांचा परिणाम मार्केटवर नक्की होईल. २४ ऑक्टोबर रोजी F & O ची साप्ताहिक एक्स्पायरी असेल.

पुढचा आठवड्यात दिवाळी हा मोठा सण सुरु होत आहे. त्यामुळे मार्केटमध्ये आशादायी आणि काहीसे तेजीचे वातावरण आहे. महागाईच्या भावात शेअर्स खरेदीने केले तर ते आपल्याजवळ मार्केट पडायला सुरुवात होईतोपर्यंत ठेवू नका. जर तुम्हाला या आठवड्यात किमान भावात खरेदी आणि कमाल भावात विक्री हे तंत्र जमले तर फायदा होईल. पण जास्त भाव वाढतील म्हणून थांबलात तर दिवाळीनंतर फेस्टिव्ह वातावरण ओसरल्यावर मार्केट करेक्ट होण्याची शक्यता असते.
प्रत्येक शेअर खरेदी करताना त्याच्या विषयीच्या बातमीचे मर्म जाणून घ्या. तेवढा वेळ तुम्हाला शेअर ठेवता येणार असेल तर थांबा अन्यथा जेवढे प्रॉफिट मिळत असेल तेवढे प्रॉफिट घ्या. उदा सरकारच्या डायव्हेस्टमेन्टला कमीतकमी ( BPCL, BHEL,) ५ महिने लागतील असं सांगितले जाते.या पांच महिन्याच्या काळात ह्या शेअर्सची किंमत कमी होण्याची शक्यता असते. सरकार जेव्हा काही सवलती जाहीर करते त्यांचा फायदा कोणत्या क्षेत्राला आणि कोणत्या कंपन्यांना होईल हे समजावून घ्या. त्यामुळे सरकारी कंपन्यांचे शेअर खरेदी करताना आपण ते का खरेदी करतो आणि त्यातून आपण कधी विक्री करून बाहेर पडायचे ते ठरवा. त्याप्रमाणे निर्णयाची कारवाई करा.

योग्य वेळेला योग्य भावात खरेदी आणि योग्य भावात विक्री हा मंत्र लक्षात ठेवा. आणि पुढील आठवड्यात येणाऱ्या तेजीचा फायदा घ्या आणि आपली दिवाळी आनंदाची आणि संपन्नतेची करा.

आज BSE निर्देशांक सेन्सेक्स ३९२९८ NSE निर्देशांक निफ्टी ११६६१ बँक निफ्टी २९१२० वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १७ ऑक्टोबर २०१९

आज क्रूड US $ ५८.९४ प्रती बॅरल ते US $ ५९.०६ प्रति बॅरल या दरम्यान तर रुपया US $१=Rs ७१.३९ ते US $१=Rs ७१.४६ या दरम्यान होते. US $ निर्देशांक ९७.७० आणि VIX १५.४९ वर होते.

आजची सगळ्यात महत्वाची बातमी म्हणजे EU समिट मध्ये ब्रेक्झिट डील पूर्ण झाले. EU आणि UK चे पंतप्रधानांनी याची पुष्टी केली. शनिवार तारीख १९ ऑक्टोबर २०१९ रोजी ब्रिटिश संसदेच्या मंजुरीसाठी हे डील ठेवले जाईल. याचा परिणाम टाटा मोटर्स, टाटा स्टील, मास्टेक, मजेस्को या UK मध्ये बिझिनेस करणाऱ्या कंपन्यांच्या शेअर्सवर होऊन या शेअरमध्ये तेजी आली.

आज USA मधील क्रूडचे भांडार १.०५ कोटी बॅरेलने वाढल्यामुळेआणि जागतिक मागणी कमी झाल्यामुळे क्रूडच्या भावात नरमी होती. बंधन बँकेच्या शेअरचा MSCI निर्देशांकातझालेल्या समावेशानंतर या शेअरमध्ये झालेली ब्लॉक डील्स आणि काल ICICI लोम्बार्ड मध्ये झालेली डील पाहता विदेशातून पैसा येत आहे असे जाणवते. त्यामुळे मार्केटमधील वातावरण सुधारते आहे. USA हा चीनच्या हाँगकाँग संबंधित विषयात लक्ष घालीत होते. चीनने USA ला बजावले की आमच्या भानगडीत पडू नका आम्ही बदला घेऊ. आता USA आणि चीन मधील बैठक चिली या देशात होईल. सध्या ट्रेड डील चे डॉक्युमेंटेशन चालू आहे असे समजते. USA सीरियातुन सैन्य परत घेण्यात व्यस्त आहे. आज बँक निफ्टी आणि निफ्टीची साप्ताहिक एक्स्पायरी होती. सतत येणाऱ्या तिमाही निकालांचाही मार्केट मधील वातावरणावर परिणाम होत होता.
मार्केटमधील शॉर्ट कव्हरिंग रॅली कधीही टिकाऊ नसते. शॉर्ट टर्म चांगला असेल, पण मिडीयम टर्म चार्ट कमजोरी दाखवत असेल, मार्केट व्होलटाइल असेल तेव्हा असे शेअर्स अव्हॉइड करावेत.

सरकारचा भेल या हेवी इलेक्ट्रिकल क्षेत्रात असणाऱ्या कंपनीत ६३.१८% स्टेक आहे हा स्टेक २६% वर आणण्याचा सरकार विचार करत आहे.येत्या वर्षभरात या कंपनीची नॉनकोअर युनिट्स खाजगी क्षेत्रातील कंपन्यांना विकली जातील. ही कंपनी पॉवर प्लांट बनवते. या कंपनीच्या शेअरमध्ये मार्केट बंद झाल्यावर क्लोजिंग भावात तेजी आली कारण ही बातमी मार्केट बंद झाल्यावर आली. उद्या या शेअरकडे लक्ष द्यावे.

‘कोरा’ हा फंड एडलवाईजमध्ये १०% स्टेक खरेदी करणार आहे. साधारण Rs ५०० कोटी ते Rs ५५० कोटी कंपनीला मिळतील.

नाल्को या कंपनीला कोळशाची खूप अडचण जाणवत आहे. कोळसा सहजगत्या उपलब्ध होत नाही. अल्युमिनियमसाठी मागणी कमी झाली आहे. असे अल्कोवाने सांगितले स्मेल्टर प्लांट मध्ये अल्युमिनियम रिफाईन केले जाते. यासाठी कोळसा लागतो. या स्मेल्टर प्लांट मधील ८० युनिट आणी कॅप्टिव्ह प्लांट मधील ३ युनिट बंद करावी लागली आहेत.

टाटा कम्युनिकेशनने आज RAH इंफ्राटेक बरोबर क्लाउड सोल्युशन्ससाठी करार केला.

सरकार मेगा रिन्यूएबल पार्क बनवत आहे. पॉवर क्षेत्रातील १० कंपन्या या प्रोजेक्ट मध्ये भाग घेणार आहेत. त्यात NTPC, NHPC,, पॉवर ग्रीड यांचा समावेश आहे. यापैकी ६ कंपन्यांनी जमीन अकवायर केली आहे. या मेगा पार्कची क्षमता २०००० MW असेल. आता यासाठी खाजगी कंपन्या बिडिंग करतील. पहिल्या फेरीत ४००० MW च्या प्रोजेक्टसाठी ब्रीडिंग तीन महिन्यात पुरी होईल.

सरकारने प्राईम मिनिस्टर इकॉनॉमिक अड्वायजरी कौन्सिलमध्ये नीलकंठ मिश्रा, नीलेश शहा, आणि V अनंत नागेश्वरन यांचा समावेश केला.

PVR या कंपनीचा दुसऱ्या तिमाहीचा निकाल चांगला आला. प्रॉफिट,उत्पन्न , मार्जिन यांच्यात चांगली वाढ झाली.

TVS मोटर्सचा दुसऱ्या तिमाहीचा निकाल चांगला आला.

झी एंटरटेनमेंटच्या प्रॉफिटमध्ये ७ % वाढ झाली.

फोर्स मोटर्स, मास्टेक या कंपन्यांचे दुसऱ्या तिमाहीचे निकाल असमाधानकारक होते.

सुनील मित्तल आणि सुनील मुंजाल यांनी येस बँकेत स्टेक घेण्यात स्वारस्य दाखवले अशी बातमी आल्यामुळे येस बँकेचा शेअर वाढला.

इंडिया बुल्स हाऊसिंग फायनान्सच्या रेटिंग मध्ये क्रिसिलने कोणताही बदल केला नाही म्हणून इंडिया बुल्स HSG चा शेअर वाढला.

एशियन पेंट्स हा शेअर Rs १८०० च्या भावावर चालू आहे. आणि बर्जर पेन्ट्सचा भाव Rs ४७१ वर चालू आहे. पण विश्लेषकांच्या मते एशियन पेन्ट्सचा शेअर बर्जर पेन्ट्सच्या शेअरपेक्षा स्वस्त आहे. शेअर मार्केटमध्ये शेअर स्वस्त आहे की महाग हे फायनान्सियल रेशियोवरून ठरते. बर्जर पेंट्सचा भाव Rs ४७१ धरला तर हा शेअर ८४ च्या P /E वर चालला आहे. EPS ५.६ आहे P /B २० आहे P /C ७८ आहे. एशियन पेंट्सचा भाव Rs १८०० धरला तर हा शेअर ८० च्या P /E वर चालला आहे EPS Rs २२ .५० आहे P /B १६ आहे P/C ६० आहे. म्हणून एशियन पेंट्स हा शेअर बर्जर पेंटच्या शेअर पेक्षा स्वस्त आहे.

आज ‘करवा चौथ’ असल्यामुळे भेटवस्तू बनवणाऱ्या कंपन्यांचे शेअर्स तेजीत होते.

विकली चार्टवर इव्हनिंग स्टार पॅटर्न दिसतो आहे उद्या आठवड्याचा शेवटचा दिवस आहे त्यामुळे आणि ब्रेक्झिटच्या भवितव्याविषयी अनिश्चितता असल्यामुळे, गेले पाच सहा दिवस मार्केटमध्ये तेजी सुरु आहे , पुढचा आठवडा ट्रँकेटेड वीक असल्यामुळे ट्रेडर्स आपली पोझिशन ठेवणार नाहीत .११६०० ला रेझिस्टन्स आहे त्यामुळे उद्या मार्केटमध्ये सावधगिरीने निर्णय घ्या.

BSE निर्देशांक सेन्सेक्स ३९०५२ NSE निर्देशांक निफ्टी ११५८६ बँक निफ्टी २८९८९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १६ ऑक्टोबर २०१९

आज क्रूड US $ ५८.६७ प्रती बॅरल ते US $ ५८.८३ प्रती बॅरल या दरम्यान तर रुपया US $१= Rs ७१.३८ ते US $ ७१.५९ या दरम्यान होते. US $ निर्देशांक ९८.२८ होते तर VIX १६.९२ होते.

आजपासुन UK आणि युरोपिअन युनियन यांच्या ब्रेक्झिटवर वाटाघाटी सुरु झाल्या. या वाटाघाटीतून काही निष्पन्न झाले नाहीतर UK EU मधून कोण्त्याही डील शिवाय ३१ ऑक्टोबर २०१९ रोजी एक्झिट करेल

बुधवार हा तेजीचा तिसरा दिवस होता. FII ची खरेदी सुरु आहे. काल पुट रायटिंग सुरु झालेली दिसते आहे. नवीन बेस निफ्टीचा ११३५० दिसतो आहे. निफ्टीची ११००० ते निफ्टी ११२५० ही रेंज आता मागे पडली आहे असे आज तरी दिसते.
बँक निफ्टीचा २८७८० वर १०० DMA आहे. लॉन्ग पोझिशनमधून बाहेर पडण्याऐवजी पूट राईट केले जात आहेत. याचाच अर्थ बेस तयार होत आहे. ज्या लोकांच्या डोक्यात मंदीने घर केले आहे त्यांनी सावध व्हावे. योग्य संधी मिळताच मंदीची पोझिशन क्लोज करावी . दुसऱ्या तिमाहीचे निकाल अपेक्षेच्या मानाने चांगले येत आहेत,. दिवाळीपर्यंत तरी तेजी राहील असे दिसते ‘बाय ऑन डिप्स’ मार्केट सुरु आहे. SBI लाईफचे निकाल चांगले आल्यामुळे आज इन्शुअरन्स सेक्टरमधील शेअर्समध्ये खरेदी झाली उदा HDFC लाईफ, ICICI प्रु, ICICI लोम्बार्ड, SBI लाईफ, GIC,

बजाज ऑटोने सप्टेंबर २०१९ पासून इलेक्ट्रिक व्हेईकलचे (स्कुटर्सचे) प्रॉडक्शन सुरु केले. बजाज ऑटोने ‘चेतक’ या नावाने पहिली इलेक्ट्रिक स्कुटर जानेवारी २०२० मध्ये लाँच करू. तसेच येत्या महिन्यात BSVI वाहने लाँच करु असे सांगितले. बजाज ऑटोने सांगितले की कॉर्पोरेट टॅक्समधील सवलतींमुळे कंपनीला Rs ४५० कोटी ते Rs ५०० कोटी फायदा झाला.
बजाज कन्झ्युमर या कंपनीच्या प्रमोटर्सनी आपला २२% स्टेक विकून तारण म्हणून ठेवलेले शेअर्स सोडवले. हा स्टेक म्युच्युअल फंडांनी विकत घेतला. कंपनीच्या प्रमोटर्सने उचललेल्या या पावलाने कंपनीच्या शेअरमध्ये तेजी आली.

एक्झाईडने इलेक्ट्रिक रिक्षा ‘एक्झाईड NEO’ या नावाने लाँच केली.

ONGC विदेशला कोलंबिया आणि ब्राझीलमध्ये प्रत्येकी एक भरपूर क्रूडचा साठा असलेल्या विहिरी मिळाल्या .

MCX चे दुसऱ्या तिमाहीचे निकाल चांगले आले. ज्यावेळी मार्केटमध्ये वोलटालीटी खूप असते आणि सोने आणि चांदी तेजीत असते तेव्हा MCX ला फायदा होतो. म्हणूनच MCX चे निकाल चांगले आले.

फेडरल बँकेचे NII, प्रॉफिट ( YOY) वाढले. त्याचबरोबर ग्रॉस NPA २.९९% वरून ३.०७% आणि नेट NPA १.४९% वरून १.५९% झाले. प्रोव्हिजन Rs २१२ कोटी तर नवीन स्लीपेजिस Rs ५४० कोटी होते. एकंदर निकाल ऍसेट गुणवत्तेच्या बाबतीत थोडा निराशाजनक असल्यामुळे निकालानंतर हा शेअर पडला.

मार्केट बंद झाल्यानंतर माइंडट्रीचे निकाल आले. L & T ने टेकओव्हर केल्यावर हे पहिलेच निकाल असल्यामुळे उत्सुकता होती. निकाल चांगले आले. नेट प्रॉफिट Rs १३५ कोटी, एकूण उत्पन्न Rs १९१४ कोटी, US $ उत्पन्न Rs २७.१कोटी, कॉन्स्टन्ट करन्सी ग्रोथ ३.२% होती. कंपनीने Rs ३ अंतरिम लाभांश जाहीर केला. मार्जिन ९.३% होते. एकंदर निकाल चांगले म्हणता येतील.

GST कलेक्शन कमी झाल्यामुळे सरकार तंबाखू आणि त्यापासून तयार केले जाणारे पदार्थ तसेच कोळसा आणि त्यापासून उत्पन्न होणारी प्रॉडक्टस यावर GST लावायचा /वाढवायचा विचार करत आहे. येत्या GST कौन्सिलच्या बैठकीत यावर निर्णय होण्याची शक्यता आहे. त्यामुळे ITC, गॉडफ्रे फिलिप्स, VST इंडस्ट्रीज या कंपन्यांच्या शेअर्स मंदी आली/तेजीचा वेग कमी झाला.

PVR, झी एंटरटेनमेंट, TVS मोटर्स L & T इन्फोटेक या कंपन्या आपले दुसऱ्या तिमाहीचे निकाल उद्या जाहीर करतील.

BSE निर्देशांक सेन्सेक्स ३८५९८ NSE निर्देशांक निफ्टी ११४६४ बँक निफ्टी २८५३८ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!