Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २९ नोव्हेंबर २०१९

आज क्रूड US $ ६३.४४ प्रति बॅरल ते US $ ६३.७८ प्रती बॅरल या दरम्यान तर रुपया US $१=Rs ७१.६६ ते US $१=Rs ७१.७२ या दरम्यान होते. US $ निर्देशांक ९८.२८ VIX १३.७५ होते.

आज CDSL या कंपनीचा OFS सुरु झाला. या OFS साठी फ्लोअर प्राईस Rs २०५ होती.

फोर्टिस हेल्थकेअर या कंपनीची रेटिंग देणे रेटिंग एजन्सीजने बंद केले.

भारती एअरटेलने रिलायन्स कम्युनिकेशन्ससाठी Rs ९५०० कोटींची बीड दिली.

झारखंड राज्यामध्ये उद्या विधानसभेसाठी मतदानाची पहिली फेरी होईल.

उद्या RBL बँकेच्या बोर्ड ऑफ डायरेक्टर्सची भांडवल उभारणीवर विचार करण्यासाठी बैठक आहे.

GDP ग्रोथ FY २०१९-२०२० च्या दुसऱ्या तिमाहीत ४.५% अपेक्षेपेक्षा कमी राहिली. त्यामुळे RBI त्यांच्या द्विमासिक वित्तीय धोरणात रेटकट करून अर्थव्यवस्थेला चालना देण्याचा प्रयत्न करेल.

अशोका बिल्डकॉन या कंपनीला Rs १०२५ कोटींचे कॉन्ट्रॅक्ट मिळाले.

ज्या कंपन्यांचे सरकारी खात्याच्या कामासंबंधातील आर्बिट्रेशन अवॉर्ड मंजूर झाली आहेत त्यांना अवॉर्डची ७५% रक्कम देण्याची प्रक्रिया सुरु झाली आहे.

सरकारने BPCL मधील आपला स्टेक विकण्यासाठी डेलॉइट या ऑडिट कंपनीला सल्लागार म्हणून नेमले आहे.

ग्रॅन्युअल्सच्या युनिटच्या USFDA ने केलेल्या ऑगस्ट २०१९ मध्ये केलेल्या तपासणीत दोन त्रुटी दाखवल्या आणि ईआयआर (एस्टॅब्लिशमेंट इन्स्पेक्शन रिपोर्ट) दिला.

आज दिल्ली हायकोर्टाने इंडियाबुल्स व्हिसलब्लोअर खटल्यात सुनावणी तारीख २८ फेब्रुवारी २०२० पर्यंत पुढे ढकलली.

आज या खटल्यात IBHF ग्रुपला क्लीन चिट मिळेल या अपेक्षेने वाढत असलेले या ग्रुपचे शेअर्स ही बातमी येताच पडायला लागले.

टोटल होल्डिंग एस ए एस या फ्रेंच कंपनीला अडानी गॅसमध्ये ३७% स्टेक खरेदी करण्यासाठी

सी सी आय ने (कॉम्पिटिशन कमिशन ऑफ इंडिया) परवानगी दिली. अडानी ग्रुपमधल्या बहुतेक कंपन्यांनी ट्रेडर्सना, गुतंवणूकदारांना चांगले रिटर्न्स मिळवू दिले आहेत.

BSE निर्देशांक सेन्सेक्स ४०९७३ NSE निर्देशांक निफ्टी १२०५६ बँक निफ्टी ३१९४६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २८ नोव्हेंबर २०१९

आज क्रूड US $ ६३.६२ प्रति बॅरल ते US $ ६३.८८ प्रती बॅरल या दरम्यान तर रुपया US $१=Rs ७१.३५ ते US $१= Rs ७१.६५ या दरम्यान होते. US $ निर्देशांक ९८.३६ तर VIX १३.८० होते.

USA च्या संसदेने हाँगकाँगच्या संदर्भात निंदाव्यंजक ठराव पास केल्याबद्दल चीनने आपली नाराजी जाहीर केली. त्यामुळे आता चीन आणि USA यांच्या ट्रेड वाटाघाटीत पुन्हा विलंब होण्याची शक्यता आहे.

आज सेन्सेक्स, निफ्टी, बँक निफ्टी रेकॉर्ड स्तरावर क्लोज झाले. आज रिलायन्स इंडस्ट्रीजने Rs १० लाख कोटींची मार्केट कॅप पार केली. ही मर्यादा पार करणारी रिलायन्स इंडस्ट्रीज ही भारतातील पहिली कंपनी आहे.

सरकार पुन्हा एकदा बँकिंग क्षेत्रात मोठा बदल करण्याचा विचार करत आहे. आर. बी. आय (रिझर्व्ह बँक ऑफ इंडिया) सर्व बँकांचे स्ट्रेस्स्ड ऍसेट खरेदी करण्यासाठी एक फंड सुरु करेल.या फंडासाठी रिझर्व्ह बँक भांडवल पुरवेल आणि त्याचे संचालनही रिझर्व्ह बँक करेल. हा फंड सार्वजनिक क्षेत्रातील सरकारी बँकांचे स्ट्रेस्ड ऍसेट खरेदी करेल. नंतर या सर्व स्ट्रेस्ड ऍसेटचे मोनेटायझेशन हा फंडच करेल. यामुळे सरकारी बँकांची कर्ज देण्याची क्षमता वाढेल आणी ज्यांना क्रेडिटची गरज आहे त्यांना सहज कर्ज उपलब्ध होईल. तसेच स्ट्रेस्ड ऍसेटसाठी वापरली जाणारी शक्ती वेळ आणि पैसा सरकारी बँका क्रेडिट एक्स्पान्शनसाठी वापरू शकतील. त्यामुळे अर्थव्यवस्थेवर पडलेले मंदीचे सावट दूर व्हायला मदत होईल.ही बातमी आल्यावर बँक निफ्टी आज कमाल स्तरावर बंद झाला. सर्व सरकारी बँकांच्या शेअर्समध्ये तेजी आली. २००८ मध्ये USA मध्ये ट्र’बल्ड ऍसेट्स रिलीफ प्रोग्रॅम’च्या धर्तीवर हा फन्ड काम करण्याची शक्यता आहे

NBFC साठी असलेले स्ट्रेस्ड अकौन्टच्या नियमात एक वर्ष सवलत देण्याचा सरकार विचार करत आहे. त्यामुळे सर्व NBFC मध्येही तेजी आली.

दिल्ली हाय कोर्टात इंडिया बुल्स हौसिंगच्या केसमध्ये कॉर्पोरेट अफेयर्स मंत्रालयाने कोर्टात ऍफिडेव्हिट सादर केले की त्यांना इंडिया बुल्स हौसिंग आणि इंडिया बुल्स व्हेंचर यांच्याविषयी केलेल्या चौकशीचा रिपोर्ट मिळाला आणि त्या रिपोर्टमध्ये कोणतीही गडबड झाली नाही असे नमूद केले आहे. सिटीझन व्हिसलब्लोअर फोरमने अशी तक्रार केली होती की येस बँकेने IBHF चे प्रमोटर समीर गेहलोत यांच्या ग्रुप कंपन्या (या कंपन्यांची नेट वर्थ निगेटिव्ह असताना) Rs ५६९८ कोटींचे कर्ज दिले. समीर गेहलोत हे यासाठी गॅरंटर राहिले होते. येस बँकेने सांगितले की आम्ही कर्ज नियमानुसार दिली आहेत. समीर गेहलोत यांची नेट वर्थ Rs १५००० कोटींपेक्षा जास्त आहे. इंडिया बुल्स ग्रुपने येस बँकेचे भूतपूर्व सीइओ राणा कपूर यांच्याशी संबंधित कंपन्यांना आणि व्यक्तींना Rs २६३८ कोटीची कर्ज दिली. ही सर्व कर्ज नियमानुसार दिली आहेत असे सांगितले.  या सर्व कर्ज देण्यात इंडिया बुल्स हौसिंग आणि इंडिया बुल्स व्हेंचर यांची चौकशी एका समितीने केली होती.ही बातमी आल्यावर इंडिया बुल्स ग्रुपच्या सर्व शेअर्समध्ये तेजी आली .

स्टेट बँक ऑफ इंडियाने आपल्याजवळील जनधन खात्यांमध्ये Rs ८०००० कोटी आहेत असे सांगितले.

आज सरकारने संसदेत Rs १८८९५ कोटींच्या पूरक मागण्यासाठीं विधेयक सादर केले. यात IDBI बँकेसाठी Rs ४५०० कोटी आणि इन्शुअरन्स कंपन्यांसाठी Rs २५०० कोटींच्या मागणीचा समावेश आहे.

शिवा सिमेंटला नवीन लाइमस्टोनची खाण अलॉट झाली. ही खाण त्यांच्या प्लॅंटजवळ असल्यामुळे त्यांना सोयीची होईल. यामुळे शिवा सिमेंटची उत्पादन क्षमता १४ mpt वरून २५ mpt होईल.

बालाजी अमाईन्स या कंपनीच्या चिंचोली युनिटला ग्रीन मंजुरी मिळाली.

येस बँकेच्या बोर्ड ऑफ डायरेक्टर्सची भांडवल उभारणीवर विचार करण्यासाठी बैठक आहे.
इ-सिगारेटवर बंदी घालण्यासाठी संसदेत विधेयक मंजूर झाले. याचा फायदा गॉडफ्रे फिलिप्सला झाला.

आज सरकारने जाहीर केले की येत्या तीन महिन्यात Rs ५०००० कोटींची रोड प्रोजेक्ट्स जाहीर करेल.

आज ऑक्टोबर २०१९ ची एक्सपायरी होती. ए सी सी, अंबुजा सिमेंट, मॅक्स फायनान्सियल, बाळकृष्ण इंडस्ट्रीज, टी सी एस,

एल एन्ड टी फायनान्सियल होल्डिंग, युनायटेड ब्रुअरीज, ऍक्सिस बँक, पी एन बी , आय सी आय सी आय बँक, बर्गर पेंट्स, या शेअर्समध्ये ७५% च्यापेक्षा जास्त रोलओव्हर झाले.

उद्या Q २ साठी जी डी पी चे आकडे येतील.

१ डिसेम्बरला ऑटो विक्रीचे आकडे येतील. तसेच टेलिकॉम कंपन्या आपले सेवा दर वाढवतील.

४ डिसेंबर २०१९ रोजी CSB बँकेचे लिस्टिंग होईल. ५ डिसेंबर रोजी रिझर्व्ह बँक त्यांचे द्विमासिक वित्तीय धोरण जाहीर करेल. ११ डिसेंबर २०१९ रोजी आरामकोचे लिस्टिंग होईल.

१२ डिसेम्बरला UK मध्ये सार्वत्रिक मतदान होईल.ब्रेक्झिटवर निर्णय होण्याची शक्यता आहे

२२ डिसेंबर २०१९ अखेर सेन्सेक्समधील बदल अमलात आणण्यात येतील.

२६ डिसेंबर २०१९ च्या एक्स्पायरी पासून हेक्झावेअर, टाटा एलेक्सि, युनियन बँक हे शेअर्स F &O मधून बाहेर पडतील. .

BSE निर्देशांक सेन्सेक्स ४११३० NSE निर्देशांक निफ्टी १२१५१ बँक निफ्टी ३२१२२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २७ नोव्हेंबर २०१९

आज क्रूड US $ ६४.१८ प्रती बॅरल ते US $ ६४.४० प्रती बॅरल या दरम्यान तर रुपया US $१=Rs ७१.३४ ते US $१=Rs ७१.३७ या दरम्यान तर US $ निर्देशांक ९८.३५ आणि VIX १४.६० होते.

‘CARTOSAT’३ हा उपग्रह लाँच केला. २७ मिनिटात १४ सॅटॅलाइट लाँच होतील. हा सैन्यासाठी खूप उपयोगी आहे. अतिशय जवळून साधारण १ फुटाच्या अंतरावरून फोटो घेऊ शकतील. यामुळे संरक्षण खात्याशी संबंधीत शेअर्स वाढले. उदा HAL.

१५ व्या वित्त आयोगाची मुदत ३० नोव्हेंबर २०१९ रोजी संपत आहे. ही मुदत १ वर्षांसाठी वाढवली जाईल. फिस्कल डेफिसिटचे टार्गेट पूर्ण होण्यासाठी थोडा जास्त अवधी मिळेल.

धान्याच्या पॅकिंगसाठी १००% ज्यूटचा वापर तर साखरेच्या पॅकिंगसाठी २०% ज्यूटचा वापर करावा लागेल. याचा फायदा ग्लॉस्टर, CHEVIOT, LUDLOW ज्यूट या कंपन्यांना होईल.

एव्हिएशन मंत्रालयाने सांगितले की एअर इंडिया ही कंपनी विकली गेली नाही तर बंद करावी लागेल. याचा फायदा स्पाईस जेट आणि इंडिगो या कंपन्यांच्या शेअर्सना झाला

BPCL मधील स्टेक विकण्यासाठी उद्या सरकारची बँकर्सबरोबर बैठक आहे. यासाठी सल्लागार नेमला जाण्याची जरूर आहे.

उज्जीवन स्मॉल फायनान्स बँकेचा IPO २ डिसेंबर २०१९ पासून ओपन होईल आणि ४ डिसेम्बरला क्लोज होईल. मिनिमम लॉट ४०० शेअर्सचा असेल. उज्जीवन फायनान्सियल सर्व्हिसेसच्या वर्तमान शेअरहोल्डर्स साठी Rs ७५ कोटीचे शेअर्स राखीव ठेवण्यात आले असून त्यांना Rs २ प्रती शेअर डिस्काउंट असेल. प्राईस बँड Rs ३६ ते Rs ३७ असेल. हा IPO आल्यानंतर आता लिस्टेड असलेली कंपनी होल्डिंग कंपनी होईल.

IOC ही OMC आता आपला विस्तार कार्यक्रम दक्षिण आशिया, आफ्रिका, MIDDLE ईस्ट, या सर्व ठिकाणी करील. IOC चे पेट्रोल पंप मियांमार, श्री लंका, बांगला देश, या देशात दिसतील. पारादीप रिफायनरीतुन या पेट्रोल पंपांना पुरवठा केला जाईल. यासाठी Rs १०००० ते Rs १५००० कोटी गुंतवणूक करण्यात येईल.

क्रेडिट ग्रामीण ऍक्सेस ही कंपनी ‘मदुरा मायक्रो फायनान्स’ मध्ये ७६.२% स्टेक Rs ६७० कोटींमध्ये खरेदी करेल.
येस बँकेने रिलायन्स कॅपिटल चे १७ लाख शेअर्स Rs २.८० कोटींना विकले.येस बँक नवीन इक्विटी शेअर्स इशू करून भांडवल उभारणी करण्यावर शुक्रवारच्या बोर्ड ऑफ डायरेक्टर्सच्या बैठकीत विचार करेल.

एसेल ग्रुपने HDFC AMC ला Rs १६७ कोटी परत फेड केली. त्यामुळे HDFC AMC चा शेअर वाढला.

अशोक लेलँडला तामिळनाडू ट्रान्सपोर्ट ऑथॉरिटीकडून १७५० बससाठी ऑर्डर मिळाली. त्यांनी ऑटोफायनान्ससाठी ऍक्सिस बँकेबरोबर करार केला.

महाराष्ट्रात कालपासून महाविकास आघाडीचे सरकार स्थापन झाले. याचा फायदा हिंदुस्थान कन्स्ट्रक्शन कंपनीला होईल. लवासाच्या बाबतीत काही तोडगा निघेल. त्याचप्रमाणे शेतकऱयांची कर्ज माफ केली गेल्यामुळे फायनान्सियल्सवर ( बँका आणि सहकारी बँका) ताण येईल.

आज स्क्रॅपेज पॉलिसीच्या संदर्भात मंत्रिमंडळाची बैठक होणार होती. पण या पॉलिसीवर निर्णय झाला नाही. अजूनही काम बाकी आहे असे सांगण्यात आले.

आता AC आणि फ्रीझ मध्ये एनर्जी लेव्हलिंगसाठी फोम ऐवजी व्हॅक्युम पॅनल बसवण्याची सरकारने सूचना केली आहे. प्रथम ५ स्टार AC आणि फ्रीझमध्ये बसवण्यात येईल. त्यामूळे AC आणि फ्रीझ च्या किमती Rs ५००० ते Rs ६००० नी वाढतील..या बदलामुळे प्रदूषण कमी होईल.

प्राईस कंट्रोलखाली असलेल्या औषधासाठी ३०% पेक्षा जास्त मार्जिन ठेवता येणार नाही.त्यामुळे औषधांच्या किमती कमी होतील पण औषध उत्पादन करणाऱ्या कंपन्यांचा तोटा होईल.

BSE निर्देशांक सेन्सेक्स ४१०२० NSE निर्देशांक निफ्टी १२१०० बँक निफ्टी ३१८७५ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २६ नोव्हेंबर २०१९

आज क्रूड US $ ६३.५६ प्रती बॅरल ते US $ ६३.७८ प्रती बॅरल या दरम्यान तर रुपया US $१=Rs ७१.५३ ते US $१=Rs ७१.६४ या दरम्यान होत. US $ निर्देशांक ९८.३१ तर VIX १५ होते.

USA आणि चीनमधील ट्रेड वॉरमध्ये सकारात्मक प्रगती दिसून येत असल्यामुळे आज मार्केटमध्ये तेजी होती. त्यात काही शेअर्सचा MSCI निर्देशांकात समावेश झाला तर ICICI बँकेचे वेटेज वाढल्यामुळे याही शेअर्समध्ये तेजी आली. एकूणच मार्केटमध्ये तेजी होती. पण टेलिकॉम सेक्टरला सरकारने सवलतीसाठी सुप्रिम कोर्टाकडे निर्देश केल्यामुळे आणि सवलतींवर विचार करण्यासाठी नेमलेली समिती रद्द केल्यामुळे मंदी होती.

आज निफ्टी आणि बँक निफ्टी आणि सेन्सेक्स यांनी इंट्राडे ऑल टाइम हाय साजरे केले. पण त्यानंतर अजित पवारांनी उपमुख्यमंत्रीपदाचा राजीनामा दिला त्यामुळे अर्थातच देवेंद्र फडणवीसांकडे बहुमत राहिले नाही म्हणून तेही राजीनामा देणार हे निश्चित होताच मार्केट पडू लागले. त्यामुळे आज उलटसुलट येणाऱ्या बातम्यांमुळे तेजी मंदीचा खेळ मार्केटमध्ये पाहायला मिळाला.

इराण आणि इराकमध्ये अशांती असल्याने क्रुडमध्ये तेजी होती चीनचि क्रूडसाठी मागणी वाढली आहे. ५-६ डिसेंबर २०१९ रोजी ओपेक आणि इतर ऑइल उत्पादक देशांची मीटिंग होणार आहे

ज्योती लॅबच्या प्रमोटर्सनी तारण म्हणून ठेवलेले ६.१३% शेअर्स सोडवले.

गल्फ ऑइल ल्युब्रिकंट्सनी PIAGGIO बरोबर CV च्या मार्केटिंगसाठी करार केला.

स्पेक्ट्रम युसेज चार्जेस आणि लायसेन्स फीज या मध्ये आतां कोणतीही कपात होण्याची शक्यता मावळल्यामुळे टेलिकॉम सेक्टरमध्ये मंदी होती.

इंडियन रेल्वेज १००००० CCTV कॅमेराज स्टेशन मध्ये आणि गाड्यांमध्ये बसवण्याचा विचार करत आहे. त्यासाठी Rs १० बिलियन खर्च अपेक्षित आहे. यासाठी ९ कंपन्यांनी बीड केले आहे. यात BEL, ITI, HFCL TCIL या सरकारी कंपन्यांचा आणि खाजगी क्षेत्रातील स्टरलाईट, विंध्या,M२M या कंपन्यांचा समावेश आहे. यापैकी ५ कंपन्यांना काम दिले जाण्याची शक्यता आहे.

CSB बँकेचा IPO ८७ वेळा ओव्हरसब्सक्राइब झाला.

BSE निर्देशांक सेन्सेक्स ४०८२१ NSE निर्देशांक निफ्टी १२०३७ बँक निफ्टी ३१७१८ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २५ नोव्हेंबर २०१९

आज क्रूड US $ ६३.४७ प्रति बॅरल ते US $ ६३.५८ प्रती बॅरल या दरम्यान तर रुपया US $१=Rs ७१.६४ ते US $१=Rs ७१.७१ च्या दरम्यान होते. US $ निर्देशांक ९८.२० तर VIX १४.४० होते.

महाराष्ट्रात सरकार स्थापनेचे जे महानाट्य चालू आहे त्याकडे शेअरमार्केट बारकाईने लक्ष ठेवून आहे. कारण आंध्र प्रदेशात सरकार बदलल्यावर नवीन आलेल्या सरकारने आधीच्या सरकारने मंजूर केलेले सर्व प्रकल्प रद्द केले. याचा मोठा फटका NCC ला बसला. महाराष्ट्रात मेट्रो रेल आणि समृद्धी महामार्ग असे Rs १ लाख कोटीपेक्षा जास्तीचे प्रकल्प चालू आहेत. नवीन आलेल्या सरकारने हे प्रोजेक्ट रद्द केले तर स्थैर्य आणि सातत्य या दोन्ही गोष्टींवर त्याचा प्रतिकूल परिणाम होईल. या प्रोजेक्टचे काम मिळालेल्या कंपन्यांचे भारी नुकसान होईल.

२३ डिसेंबर २०१९ पासून BSE निर्देशांक सेन्सेक्समधून टाटा मोटर्स, टाटा मोटर्स DVR, येस बँक आणि वेदांता ह्या कंपन्या बाहेर पडतील तर टायटन, अल्ट्राटेकसिमेंट, आणि नेस्ले या कंपन्यांचा समावेश होईल.

कारवी स्टॉक ब्रोकिंग या शेअरमार्केटमधील जुन्या आणि प्रस्थापित ब्रोकिंग कंपनीमध्ये Rs २१०० कोटींचा घोटाळा झाल्यामुळे सेबीने त्यांना नोटीस बजावली आहे. हा घोटाळा मुख्यतः डॉरमन्ट डिमॅट अकौंट्सही संबंधित आहे. सेबीने कार्वी स्टॉकब्रोकिंगला नवीन ग्राहक जोडण्याची, तसेच वर्तमान ग्राहकांचे सौदे घालायला मनाई केली आहे. याचा परिणाम म्हणून ग्राहक ब्रोकरकडून डिमॅट अकाउंट ओपन करण्यासाठी बँकांकडे जातील. उदा कोटक महिंद्र, ऍक्सिस बँक, HDFC बँक, ICICI बँक, (या सर्वांचे ब्रोकिंग चा बिझिनेस आहे)

कार्व्हीच्या केसमध्ये POA चा गैरवापर करून ग्राहकांच्या डिमॅट अकौंट मधून शेअर ट्रान्स्फर करून हे शेअर कर्जासाठी तारण म्हणून ठेवण्यात आले किंवा विकून टाकण्यात आले.

कारवी स्टॉक ब्रोकिंगला ज्या बँकांनी कर्ज दिले आहे त्यांच्याही शेअर्समध्ये मंदी आली – ICICI बँक, DCB बँक.
मी POA चा गैरवापर आणि त्याबद्दल घ्यायची काळजी या बाबत ब्लॉगमधून अनेक वेळेला सावधानतेचा इशारा दिलेला आहे.  माझी वहिनी या मासिकासाठी लिहिलेला लेख नंबर ५ ‘पॉवर ऑफ अटॉर्नी’ या विषयावर ‘चक्रव्यूह पॉवर ऑफ अटॉर्नीचा’ हा लेख आहे.

RITES या कंपनीचा OFS आज रिटेल गुंतवणूकदारांसाठी ओपन होता. नॉन रिटेल इन्व्हेस्टरसाठी असलेला कोटा पूर्णपणे भरला.

युनिकेम लॅबला USFDA कडून रक्तदाबाच्या औषधासाठी परवानगी दिली.

आंध्रमध्ये मद्यार्क पुरवणाऱ्या बार्सची संख्या ४०% ने कमी केली जाणार आहे. याचा परिणाम मद्यार्क उत्पादक कंपन्यांवर होईल.

ऍपल भारतात I फोन XR हे मॉडेल बनवणार आहे. याचा फायदा रेड्डींग्टन या कंपनीला होईल.

मुथूट फायनान्स या कंपनीने IDBI बँकेचा AMC बिझिनेस Rs ११५ कोटींना खरेदी करणार आहे.

CSB बँकेचा IPO आज ४.२८ पट ओव्हरसब्सक्राइब झाला.

आज BSE निर्देशांक सेन्सेक्स ४०८८९ NSE निर्देशांक निफ्टी १२०७३ बँक निफ्टी ३१५५५ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २२ नोव्हेंबर २०१९

आज क्रूड US $ ६३.५२ प्रति बॅरल ते US $ ६३.९२ प्रती बॅरल या दरम्यान तर रुपया US $१=Rs ७१.७० ते US $१=Rs ७१.८५ या दरम्यान होते. US $ निर्देशांक ९७.८३ तर VIX १४.५० होते.

आज USA च्या DHS (डिपार्टमेंट ऑफ होमलँड सिक्युरिटीज) ने H १B व्हिसाच्या स्पेशालिटी ऑक्युपेशनच्या व्याख्येत बदल केला. यामुळे सगळ्यात हुशार आणि कर्तृत्ववान परदेशी नागरिकांनाच H १ B व्हिसा मिळणे शक्य होईल. त्यामुळे सरसकट H१B व्हिसामिळणे कठीण होईल. USA मध्ये H १ B व्हिसाहोल्डर्सच्या स्पॉउसला नोकरी करण्यावर बंदी घातली जाण्याची शक्यता आहे ती मार्च २०२० पासून अमलात आणण्यात येईल. H १B व्हिसाचे नियम कडक करून त्यांना योग्य तो पगार द्यावा लागेल यासाठी नियमात बदल करण्यात येतील.तसेच इंट्रा कंपनी ट्रान्स्फरसाठी उपयोगात येणाऱ्या L १ व्हिसाच्या नियमात बदल करण्यात येतील. गोल्डमन साक्सनी IT सेक्टरमधील दिग्गज कंपन्यांना डाऊनग्रेड केले. त्यामुळे आज IT सेक्टरमधील कंपन्यांच्या शेअर्समध्ये मंदी होती. IT सेक्टरमधील कंपन्यांचे शेअर्स प्रीमियमवर ट्रेड होत आहेत. सायक्लिकल ट्रेंडमध्ये येणाऱ्या अडचणींचा IT सेक्टरला सामना करावा लागेल. परिणामी TCS, इन्फोसिस, HCLTEK, ,माइंडट्री, विप्रो, टेक महिन्द्रा यां कंपन्यांचे शेअर पडले

RITES या कंपनीचा OFS ( ऑफर फॉर सेल) २२ नोव्हेंबर २०१९ पासून सुरु झाला. आज नॉन रिटेलसाठी होता. २५ नोव्हेंबर २०१९ ला हा रिटेल इन्व्हेस्टर्ससाठी ओपन होऊन २५ नोव्हेम्बरलाच बंद होईल. याची फ्लोअर प्राईस Rs २९३.५० आहे.

आटा, साखर खाद्यतेल यांच्या किमती वाढल्याने ब्रिटानिया इंडस्ट्रीज आपल्या प्रॉडक्ट्सच्या किमती वाढवणार आहे.
RBI ने आज DHFL ऍडमिनिस्ट्रेशनसाठी तीन सदस्यांची समिती नियुक्त केली. यात राजीव लाल, N. S. कन्नन आणी N.S. वेंकटेश यांचा समावेश असेल.

पेट्रोनेट LNG ने BPCL च्या कृष्णपट्टणम येथील LNG टर्मिनस खरेदी करण्याची डील केले होते. आता या डीलविषयी BPCL च्या विनिवेशामुळे थोडी अनिश्चितता निर्माण झाली आहे.

M & M ने नवीन मिनिट्रक Rs ३.८७ लाखना लाँच केला.

आज २२ नोव्हेंबर २०१९ रोजी CSB बँकेचा IPO ओपन झाला. पहिल्या दिवशीच हा IPO पूर्णपणे भरला. रिटेल इंव्हेस्टरचा चांगला प्रतिसाद मिळाला . २६ नोव्हेंबर २०१९ रोजी CSB बँकेचा IPO बंद होईल.

२६ नोव्हेंबर २०१९ रोजी MSCI निर्देशांकाचे रीबॅलन्सिंग होईल. २७ नोव्हेंबर २०१९ पासून काही नवीन शेअर या निर्देशांकात समाविष्ट केले जातील तर काही शेअर्स या निर्देशांकातून बाहेर पडतील.

२९ नोव्हेंबर २०१९ रोजी, (२८ नोव्हेंबरच्या एक्स्पायरीनंतर) F & O मार्केटमधून बँक ऑफ इंडियाचा शेअर बाहेर पडेल

२९ नोव्हेंबर २०१९ रोजी NMDC च्या डीमर्जर विषयी निर्णय येईल तसेच GDP चे आकडे येतील.

MRO ( मेंटेनन्स, रिपेअर्स आणि ओव्हरहालिंग) वरील GST १८% वरून ५% केला जाण्याची शक्यता आहे. याचा फायदा स्पाईस जेट, तनेजा एअरोस्पेस या कंपन्यांना होईल.

BSE निर्देशांक सेन्सेक्स ४०३५९ NSE निर्देशांक निफ्टी ११९१४ बँक निफ्टी ३११११ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २१ नोव्हेंबर २०१९

आज क्रूड US $ ६२.०२ प्रती बॅरल ते US $ ६२.३३ प्रती बॅरल या दरम्यान तर रुपया US $१=Rs ७१.७६ ते US $१=Rs ७१.८४ या दरम्यान होते. US $ निर्देशांक ९७.८६ आणि VIX १५.२० होते.

USA आणि चीन यांच्या ट्रेड वाटाघाटीचा फेज १ आता २०१९ या वर्षात पूर्ण होईल की नाही या बाबत शंका व्यक्त केली जात आहे. चीनच्या वाणिज्य मंत्र्यांनी सांगितले की आम्ही आमच्याकडून फेज १ पूर्ण करण्याचा आमचा प्रयत्न राहिल. यासाठी USA बरोबर आम्ही चर्चा चालू ठेवू.

सरकारने आपला उद्योगाच्या मागण्यांना सकारात्मक प्रतिसाद देणारे सरकार हा लौकिक कायम केला. आज मंत्रिमंडळाने BPCL, CONCOR, आणि शिपिंग कॉर्पोरेशन ऑफ इंडिया या तीन कंपन्यांमधील सरकारचा स्टेक विकायला मंजुरी दिली. BPCL कंपनीच्या नुमालीगढ रिफायनरी वगळता सरकार ही कंपनी विकून टाकेल. (कारण नुमालीगढ रिफायनरी ही BPCLच्या एका सबसिडीअरीच्या मालकीची असून त्यात सरकारचा डायरेक्ट स्टेक नाही) काँकॉर मधला ३०% स्टेक आणि शिपिंग कॉर्पोरेशन ऑफ इंडियामधील आपला संपूर्ण स्टेक सरकार विकेल. या तिन्हीही कंपन्यांची व्यवस्थापनही खरेदी करणार्याच्या हातात सोपवले जाईल.

मार्केट कितीही अनिश्चित, कितीही हेलकावे खाणारे ( वोलटाइल) असले तरी काही नियम अनुभवसिद्ध असतात. त्यापैकी ‘बाय ऑन रुमर एन्ड सेल ऑन न्युज’ हा एक महत्वाचा नियम आहे. त्याचे सटीक दर्शन आपल्याला आजच्या मार्केटमध्ये घडले. जोपर्यंत विनिवेशाबद्दल वेगवेगळे अंदाज व्यक्त केले जात होते तोपर्यंत या कंपन्यांच्या शेअर्समध्ये तेजी होती. पण आज निश्चित बातमी येताच लोकांनी विक्री केली त्यामुळे BPCL, शिपिंग कॉर्पोरेशन ऑफ इंडिया, आणि काँकॉर या शेअरचे भाव बरेच खाली आले. या बरोबरच THDC आणि निपको या अनलिस्टेड कंपन्यांमधील आपला स्टेक सरकार विकेल.
SAIL या कंपनीमधील ( तीन लॉसमेकिंग प्लांट्स) आपला स्टेक विकण्याची प्रक्रिया सरकार हळूहळू सुरु करील. पण व्यवस्थापन मात्र आपल्याकडेच ठेवेल.

KIOCL च्या मंगलोर युनिटच्या विस्तारासाठी सरकारने मंजुरी दिली.

RBI ने DHFL या कंपनीचे बोर्ड ऑफ डायरेक्टर्स रद्द करून त्यासाठी ऍडमिनिस्ट्रेटर नेमला. IBC खाली या कंपनीचे रेझोल्यूशन करण्यात येईल. या कंपनीचे रिटेल आणी होलसेल बुक खरेदी करण्यात अडानी ग्रुप, पिरामल ग्रुप आणि अपोलो यांनी स्वारस्य दाखवले. या बातमीनंतर DHFL च्या शेअरला अपर सर्किट लागले.

रोड सेक्टरमध्ये खाजगी कंपन्या येत नव्हत्या. कारण त्यांना या प्रोजेक्ट्ससाठी बँकांकडून सहजासहजी कर्ज उपलब्ध होत नव्हते. आता NHAI बँकांना टोल कलेक्शनची पावती दाखवून त्याच्या तारणावर कर्ज घेऊ शकेल. याला टोल सेक्युरायटीझेशन म्हणण्यात येईल. पूर्वी २ वर्षे टोल कलेक्ट केल्यावर प्रोजेक्टचे मोनेटायझेशन करता येत होते. आता ही मुदत १ वर्ष केली. टोल कलेक्शन पिरियड किमान ३० वर्षांवरून १५ ते ३० वर्षे केला.

सरकार आणि इन्फ्रा कंपन्यांमध्ये आर्बिट्रेशनची प्रक्रिया पुरी होऊन जर कंपनीच्या बाजूने आर्बिट्रेशन अवॉर्ड ग्रांट झाले असेल तर अशा अवॉर्डची ७५% रक्कम सरकार ताबडतोब देईल. या सरकारच्या निर्णयाचा फायदा PNC इन्फ्राटेक, अशोक बिल्डकॉन IRB इन्फ्रा, जयकुमार इन्फ्रा, KNR कन्स्ट्रक्शन, L & T, NCC, HCC, सदभाव इंजिनीअरिंग, सिम्प्लेक्स मान इंडस्ट्रीज, पुंज लॉईड, गॅमन इंडिया, दिलीप बिल्डकॉन या कंपन्यांना होईल.

सरकारने टेलिकॉम क्षेत्रातील कंपन्यांसाठी स्पेक्ट्रम चार्जेसचे पेमेंट करण्यासाठी २ वर्षांचे मोरॅटोरियम जाहीर केले. मात्र हे चार्जेस माफ केले जाऊ शकत नाहीत हे स्पष्ट केले. २०२१ आणि २०२२ या दोन वर्षांसाठी ही सूट दिली जाणार आहे पण या बाकी रकमेवर व्याज मात्र आकारले जाईल. तसेच AGR ड्यूजवर सुप्रीम कोर्टच निर्णय घेऊ शकेल असे सांगितले.

आज सेबीने आपल्या पोर्टफोलिओ मॅनेजमेंट सर्व्हिसेस विषयीच्या नियमांत बदल केले. राईट्स इशूसाठी आता तुम्ही फक्त ASBA च्या पद्धतीनेच अर्ज करू शकाल. तसेच राईट्स इशूची मुदत ३१ दिवस केली. लिस्टेड कंपन्यांनी जर कर्जावरील व्याज किंवा मुद्दलाच्या परतफेडीत डिफाल्ट केला तर त्याची माहिती स्टॉक एक्सचेंजला ३० दिवस उलटल्यावर २४ तासात दिली पाहिजे

भारतातून चीनमध्ये PYRIDINE निर्यात होते. यावर चीनने लावलेली १७.५% ऍन्टीडम्पिंग ड्युटी चीनने काढून टाकली. याचा फायदा ज्युबिलांट लाईफला मिळेल.

एस्सेल ग्रुपने आपला झी एंटरटेनमेंट मधील १६.५% ( १५ कोटी शेअर्स) विकला. या विक्रीच्या प्रोसिड्सचा उपयोग कर्ज फेडीसाठी करण्यात येईल.

आदित्य बिर्ला कॅपिटल ने एसेल ग्रुपला दिलेल्या Rs ८०० कोटी कर्जाची वसूली होईल. म्हणून हा शेअर वाढला.
पुराणिक बिल्डर्स ही रिअल्टी क्षित्रतील कंपनी लवकरच आपला Rs १००० कोटींचा IPO आणणार आहे.
सोनी कॉर्प ही कंपनी मुकेश अंबानींच्या इंडियन टेलिव्हिजन नेटवर्क या कंपनीतील स्टेक विकत घेणार आहे.

SBI आपला SBI कार्ड मधील ७४% स्टेक पैकी १४% स्टेक या कंपनीच्या IPO द्वारा विकणार आहे. ही भारतातील नम्बर २ ची क्रेडिट कार्ड कंपनी असून १८% मार्केट शेअर आहे. या कंपनीचे ९५ लाख ग्राहक असून व्हॅल्युएशन Rs ५७००० कोटी आहे. ह्या IPO तुन SBI Rs ८००० कोटी उभारेल. आज SBI कार्ड नी या IPO साठी DRHP दाखल केले. ही बातमी येताच SBI च्या शेअरमध्ये चांगली वाढ झाली.

इन्फोसिसने WM PROM या कंपनी बरोबर ऑटोमेशन सर्व्हिसेससाठी करार केला.

BSE निर्देशांक सेन्सेक्स ४०५७५ NSE निर्देशांक निफ्टी ११९६८ बँक निफ्टी ३१३४९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २० नोव्हेंबर २०१९

\आज क्रूड US $ ६०.६९ प्रती बॅरल ते US $ ६०.९५ प्रती बॅरल या दरम्यान तर रूपया US $१=Rs ७१.६८ तर US $ ७१.८६ या दरम्यान होते. US $ निर्देशांक ९७.९० तर VIX १५.२० होते.

USA आणि चीन यांच्यातील ट्रेड वाटाघाटीची फेज १ यशस्वीरीत्या पुरी होण्यात अडचणी येत आहेत. USA च्या सिनेटने हाँगकाँग संबंधात चीनची निंदा करणारा ठराव मंजूर केल्यामुळे या अडचणीत भर पडली आहे. ट्रम्प यांनी असे सांगितले की जर ट्रेड डीलवर सहया झाल्या नाहीत तर USA पुन्हा टॅरिफ वाढवण्याचा विचार करेल.

आजच्या मंत्रिमंडळाच्या बैठकीत BPCL, शिपिंग कॉर्पोरेशन ऑफ इंडिया, आणि काँकॉर या तीन PSU मधील स्टेक विकण्याला मंजुरी दिली जाईल अशी शक्यता आहे. सरकार लवकरच BEL, BEML, NALCO, GAIL, NTPC, IOC, HPCL, PFC, SAIL (तीन लॉसमेकिंग युनिट्स), पॉवर ग्रीड, NMDC, स्कुटर्स इंडिया, ITDC, ड्रेजिंग कॉर्पोरेशन, पवन हंस, या PSU मधील आपला स्टेक ५१% पेक्षा कमी करण्यावर निर्णय घेईल. प्रत्येक PSU चे व्यवस्थापन मालकीबरोबर ट्रान्स्फर करायचे की नाही हे प्रत्येक PSU ची स्थिती बघून ठरवेल.

सेबी PMS (पोर्टफोलिओ मॅनेजमेंट सर्व्हिसेस) च्या बाबतीत काही नियमात बदल करण्याचा विचार करत आहे. PMS ची नेट वर्थ किमान Rs ५ कोटी असली पाहिजे. PMS मध्ये किमान गुंतवणूक Rs ५० लाख असली पाहिजे. तसेच सेबी राईट्स ईशूची मुदत ५९ दिवसांवरून ३१ दिवस करण्याचा विचार करत आहे.

महाराष्ट्र, कर्नाटक या राज्यात पडलेल्या ओल्या दुष्काळामुळे उसाच्या पिकाचे अतोनात नुकसान झाले आहे. त्यामुळे नोव्हेंबर अर्धा झाला तरी अजूनही या राज्यात साखर उत्पादक कारखान्यांचा गळीत हंगाम सुरु झाला नाही. उसाच्या कमी उत्पादनामुळे सर्व साखर कारखान्यांना पुरेल एवढा ऊस उपलब्ध होण्याची शक्यता कमी आहे. ISMA ने साखर उत्पादनाचा अंदाज २६ MT होईल असा अंदाज व्यक्त केला आहे.

येस बँकेतून राणा कपूर यांनी पूर्णपणे एक्झिट घेतला आहे. आज RBI ने पुन्हा येस बँकेला NPA डायव्हर्जन्स आहे असे कळवले.

स्पाईस जेटने गल्फ एअर बरोबर नेटवर्किंग साठी करार केला आहे. लवकरच म्हणजे डिसेंबर अखेरपर्यंत ७३७-MX साठी सेफ्टी सर्टिफिकेट मिळेल.

महिंद्रा आणि महिंद्रा BSIV छोट्या कमर्शियल वाहनांवर Rs ८००० डिस्काउंट देत आहे.

टाटा मोटर्सनी देशभरात २१ नोव्हेंबर २०१९ ते ३० नोव्हेंबर २०१९ पर्यंत मोफत वाहन चेकिंग ऑफर केले आहे. तसेच स्पेअर पार्ट्सवर १०% डिकाउंट देऊ केला आहे.

JSW स्टीलने सोमवारी ७२.७ कोटी तारण म्हणून ठेवलेले शेअर्स सोडवले.

भारती एअरटेल, वोडाफोन, आणि MTNL या कंपन्यांनी सरकारला अनुक्रमे Rs १३९०४ कोटी, Rs १७९८४ कोटी, आणि Rs ५८५ कोटी स्पेक्ट्रम युसेज चार्जेस देणे बाकी आहेत.

सनफ्लॅग आयर्न या कंपनीमध्ये प्रमोटर्सनी ० .८८% स्टेक खरेदी केला.

ब्रिटानिया कंपनीने असे सांगितले की ग्रामीण भागात कमी होत असलेल्या मागणीमुळे, लोकांच्या हाती असलेले उत्पन्न कमी झाल्यामुळे, आणि लिक्विडीटी कमी झाल्यामुळे कंपनीने आपली नवीन प्रॉडक्ट्स मार्केटमध्ये लाँच करणे एक वर्षभर पुढे ढकलले आहि. ता त्यांच्या निवेदनानंतर ब्रिटानियाच्या शेअरमध्ये मंदी आली.

RBI ने DHFL चे बोर्ड ऑफ डायरेक्टर्स भंग करून IOB च्या MD आणि CEO सुब्रमण्यम कुमारना ऍडमिनिस्ट्रेटर म्हणून नेमले. आता DHFLची केस IBC अंतर्गत रेझोल्यूशनसाठी जाईल.

BSE निर्देशांक सेन्सेक्स ४०६५१ NSE निर्देशांक निफ्टी ११९९९ बँक निफ्टी ३१३५३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १९ नोव्हेंबर २०१९

\आज क्रूड US $ ६१.८६ प्रती बॅरल ते US $ ६२.५० प्रती बॅरल या दरम्यान तर रुपया US $१=Rs ७१.८२ ते US $ १= Rs ७१.९९ या दरम्यान होते. US $ निर्देशांक ९७.८४ तर VIX १५.४२ होते.

आज रिलायन्स इंडस्ट्रीजची मार्केट कॅप ९.५ लाख कोटींपिक्षा जास्त झाल्यामुळे सगळ्यात जास्त मार्केट कॅप असलेला पहिलया क्रमांकाचा शेअर झाला. आज रिलायन्स इंडस्ट्रीजचा शेअर लाईफ टाइम कमाल किमतीवर होता. मॉर्गन स्टॅन्ले या कंपनीने रिलायन्स इंडस्ट्रीजचे रिफायनिंग मार्जिन चांगले असेल त्यामुळे टार्गेट अपग्रेड केले. १ डिसेम्बर २०१९ पासून भारती एअरटेल आणी वोडाफोन आपल्या किमती/दर वाढवत आहे त्याचा फायदा रिलायन्स जियोला होईल.इतर ब्रोकर फर्मनीही रिलायन्स इंडस्ट्रीजचे टार्गेट अपग्रेड केले आहे.

अलाइड डिजिटलला औरंगाबाद स्मार्टसिटीसाठी ऑर्डर मिळाली.

काल ग्लेनमार्क फार्मा ३०% वाढला होता. पण त्यात फक्त ६% डिलिव्हरी व्हॉल्युम होते. बाकी सर्व ट्रेडिंग व्हॉल्युम होता.अशावेळी शेअरच्या किमतीत झालेली वाढ टिकाऊ नसते किंवा कंपनीत मूलभूत असा कोणताही बदल घडलेला नसतो.

क्रूडसाठी मागणी कमी होत आहे. सौदी अरेबियाची क्रूड निर्यात कमी झाली आहे. USA मध्ये क्रूडचा साठा ११ लाख बॅरल्सने वाढला. क्रुडमध्ये होणारी वाढ आणि प्रत्यक्ष परिस्थिती यांचा मेळ बसत नाही कारण सौदी आरामको या कंपनिच्या IPO साठी क्रूडचे दर मॅनेज केले जात आहेत. क्रूडचे भाव कमी होण्याऐवजी वाढत आहेत.

आज स्टीलचे भाव कमी करण्यात आले आणी कर्मचारी वर्गही कमी करण्यात आला. हाय कॉस्ट आणी लो डिमांड हे कारण सांगण्यात आले. याचा फायदा ऑटो अँसिलिअरीजला होईल.

कार्लाइल ग्रुपने Rs ५१५ प्रती शेअर या किमतीने SBI लाईफमध्ये ८ महिन्यापूर्वी स्टेक खरेदी केला होता. त्यातील ३% हिस्सा आज विकला. Rs ९३० ते Rs ९७० प्रती शेअर या किमतीदरम्यान हे डील झाले.

CSB ( कॅथॉलिक सीरियन बँक) २२ नोव्हेंबर ते २६ नोव्हेंबर २०१९ दरम्यान IPO आणेल.प्राईस बँड Rs १९३ ते Rs १९५ असेल. फेअरफॅक्सचा ५१% स्टेक असेल HDFC लाईफ, ICICI प्रु,फेडरल बँक, ICICI लोम्बार्ड, आणि इतर प्रमोटर्स ऑफर फॉर सेलच्या माध्यमातून बाहेर पडणार आहेत.या बँकेचा केरळ मध्ये मुख्य प्रसार असून तामिळनाडू, कर्नाटक आणि महाराष्ट्र राज्यात ही बँक कार्यरत आहे. मार्केट लॉट ७५ शेअर्सचा असून दर्शनी किंमत Rs १० आहे. या IPO मधील अलॉटमेंट २ डिसेंबर रोजी होईल. या शेअर्सचे ४ डिसेंबर २०१९ रोजी लिस्टिंग होईल.

वोडाफोन आयडिया आणि एअरटेल आपापल्या सेवांच्या किमतीत/दरात वाढ करण्यात आली. याचा फायदा ग्रासिमलाही होईल. ग्रासिमला आता कमी भांडवल पुरवावे लागेल.

UPL नी चायनिज अग्रोकेम फर्म Rs ९५ कोटीला खरेदी केली.

कॉर्पोरेशन बँकेचे व्हिडीओकॉन ग्रुपला Rs २५०० कोटी तर भूषण पॉवरला Rs १५० कोटींचे एक्स्पोजर आहे. FY २० साठी बँकेने Rs ६००० कोटींचे वसुलीचे लक्ष्य ठरवले आहे. रिटेल क्षेत्रामध्ये Rs ४०० कोटींची ग्रोथ अपेक्षित आहे. बँकेची बुक व्हॅल्यू Rs २६.५२ आहे. NCLT सेटलमेंटमधून Rs ८००० कोटींची वसुली अपेक्षित आहे या बँकेचे युनियन बँकेत होणारे मर्जर मार्च २०२० पर्यंत पूर्ण होण्याची शक्यता आहे. एस्सार स्टीलच्या केसमध्ये आलेल्या सुप्रीम कोर्टाच्या निर्णयानंतर या बँकेच्या शेअरमध्ये खूपच तेजी आली.

FADA ( फेडरेशन ऑफ ऑटोमोबाईल डीलर्स असोसिएशन) ने आज वाहनांच्या रजिस्ट्रेशनची आकडेवारी जाहीर केली. यात एकूण वाहन रजिस्ट्रेशनमध्ये ४% वाढ तर २ व्हिलर्स मध्ये ५% वाढ, ३ व्हीलर वाहनांमध्ये ४% वाढ, पॅसेंजर वाहनांमध्ये ११% वाढ तर कमर्शियल वाहनांच्या रजिस्ट्रेशनमध्ये २३% घट झाली.

दिल्ली आंतरराष्ट्रीय एअरपोर्टला २ कमर्शियल प्रोजेक्टसाठी मंजुरी मिळाली.

ऍडव्हान्स एन्झाईम ही कंपनी आपले मलेशियातील युनिट ३० जून २०२० पूर्वी बंद करणार आहे.

NMDC च्या नागरनार ह्या युनिटचे डीमर्जर आणि विनिवेश करण्याचे घाटत होते. पण स्टील मंत्रालयाने असे करू नये अशी शिफारस केली आहे.

मारुती सुझुकी या कंपनीने असे जाहीर केले आहे की त्यांच्याकडे आता BSIV वाहनांची कोणतीही इन्व्हेन्टरी नाही. जानेवारी २० ते मार्च २० या तिमाहीत कंपनी BREZZA आणि S -क्रॉस चे पेट्रोल व्हर्शन लाँच करेल. ऑक्टोबरमध्ये विक्री चांगली झाल्यामुळे कंपनी आता आशावादी आहे.

IDBI बँक त्यांची IDBI ऍसेट मॅनेजमेंट कंपनी मुथूट फायनान्स या कंपनीला विकणार आहे.

१ डिसेंबर २०१९ पासून भारती एअरटेल आणि वोडाफोन आपल्या किमती/दरामध्ये वाढ करणार आहे.

धामपूर शुगरने त्यांच्या इथेनॉल उत्पादन क्षमतेत १लाख टन वाढ केली आहे. तसें त्यांनी देशी मद्यार्काचा ब्रँड लाँच केला आहे.

१३-१४ नोव्हेंबर २०१९ दरम्यान येस बँकेच्या प्रमोटर्स म्हणजे मॉर्गन क्रेडिट, राणा कपूर, आणि येस कॅप यांनी येस बँकेचे २.०४ कोटी शेअर्स विकले. येस बँकेची वोलतालीटी १४५% आहे. बँकेत सतत काही ना काही घडामोडी घडत असतात. इतर कंपन्यातील प्रमोटर्स जेव्हा शेअर्स विकतात तेव्हा शेअर पडतो पण येस बँकेच्या बाबतीत मात्र प्रमोटर्सनी शेअर्स विकले हे उत्तम झाले असे मार्केटला वाटते. त्यामुळे शेअर वाढतो.

ज्या कंपन्यात सरकार आपला स्टेक ५१% पेक्षा कमी करू इच्छित आहे अशा कंपन्यांची यादी सरकार बनवत आहे.
आज निफ्टीने आणी बँक निफ्टीने आपापले सेकंड हायेस्ट क्लोजिंग रजिस्टर केले.

BSE निर्देशांक सेन्सेक्स ४०४६९ NSE निर्देशांक निफ्टी ११९४० आणी बँक निफ्टी ३१२३६ वर बंद झाले.
भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १८ नोव्हेंबर २०१९

आज क्रूड US $ ६३.०९ प्रती बॅरल ते US $ ६३.४१ प्रती बॅरल या दरम्यान तर रुपया US $१=Rs ७१.६६ ते US $ १ =Rs ७१.८० या दरम्यान तर US $ निर्देशांक ९७.९४ आणि VIX १४.५० होते.

चीनची सेंट्रल बँक PBOC ने (पीपल्स बँक ऑफ चीन) आपला रेपोरेट २.५५% वरून २.५% केला.

इंडियन नेव्हीने ४ कंपन्यांना शॉर्टलिस्ट केली. त्यात भारत फोर्जचा समावेश आहे.

१७ नोव्हेंबर २०१९ पासून गोवा कार्बनच्या गोवा युनिटचे कामकाज सुरु झाले.

ICRA ने बजाज इलेक्ट्रिकल्सचे रेटिंग A १ वरून A २+ पर्यंत कमी केले.

HIL ने आपल्या हैदराबाद युनिटची उत्पादनक्षमता वाढवली.

सरकारने सोने आणि चांदीच्या ज्युवेलरीच्या निर्यातीवरील ड्युटी ड्रॉबॅकचे दर वाढवले यामुळे ज्युवेलरी निर्यातीला प्रोत्साहन मिळेल.

टाटा मोटर्सनी लिथियम अर्बन टेक्नॉलॉजीस बरोबर ५०० पॅसेंजर आणि कमर्शियल इलेक्ट्रिक वाहने पुरवण्यासाठी जॉईंट व्हेंचर केले आहे. ते प्रथम ‘टिगॊर सेडन’ ही इलेक्ट्रिक कार डेव्हेलप करतील.

आज संसदेचे शीतकाळीं सत्र सुरु झाले. माननीय अर्थमंत्री निर्मला सीतारामन यांनी FY २० साठी ३.३% फिस्कल डेफिसिटचे लक्ष्य ठेवले आहे.

मंत्रिमंडळाने २८ PSU च्या विनिवेशाला मंजुरी दिली आहे. BPCL खरेदी करण्यासाठी सरकारकडे काही अर्ज आले आहेत. डिसेम्बर २०१९ अखेरपर्यंत अर्ज मागवले आहेत. मंत्रीमंडळाच्या पुढील बैठकीत BPCL आणि इतर ४ PSU कंपन्यांमधील विनिवेशाला मंजुरी मिळण्याची शक्यता आहे. यात काँकॉर आणी शिपिंग कॉर्पोरेशन ऑफ इंडिया चा समावेश असण्याची शक्यता आहे. BPCL च्या विक्रीतून Rs ६०००० कोटी मिळतील अशी अपेक्षा आहे. आतापर्यंत विनिवेशातून Rs १७३६४ कोटी जमा झाले आहेत.

PFC ने जाहीर केले की ज्या DISCOM चे कर्ज थकबाकी झाले आहे अशा DISCOM ना नवीन कर्ज दिले जाणार नाही. या त्यांच्या घोषणेनंतर PFC च्या शेअरमध्ये तेजी आली.

USAच्या डिपार्टमेंट ऑफ कॉमर्सने ग्रॅनाईटवरील प्रिलिमिनरी काउंटरव्हेलिंग ड्युटी ४.३२% वरून ८३.७९% केली.याचा परिणाम PESL(पोकर्णा इंजिनीअर्ड स्टोन लिमिटेड) या १००% पोकरणाच्या सबसिडीअरीवर होईल पोकर्णा या कंपनीचा ६८% बिझिनेस USA च्या निर्यातीवर अवलंबून असल्यामुळे हा शेअर पडला.

VOKHARDTचा बिझिनेस खरेदी करण्यासाठी आम्ही योग्य संधीची वाट बघत आहोत असे DR रेड्डीजने सांगितले. या DR रेड्डीजच्या घोषणेनंतर VOKHARDT चा शेअर पडला.

मारुती वॅगन-R पेट्रोल आता BSVI झाली. या गाड्यांच्या सर्व मॉडेल्सच्या किमती कंपनी वाढवणार आहे.

CLSA ने ग्लेनमार्कचा शेअर अपग्रेड केला. टार्गेट वाढवून Rs ४१० केले. सेल स्टॅटस अपग्रेड करून बाय केले. गेल्या तीन वर्षांशी तुलना करता कंपनीची सर्व GEOGRAPHY मध्ये ग्रोथ दिसली.

आज मार्केट रेंज बाउंड होते. काहीतरी ट्रिगरची वाट बघत आहे असे वाटत होते. BSE निर्देशांक सेन्सेक्स ४०२८४ NSE निर्देशांक निफ्टी ११८८४ बँक निफ्टी ३०९९२ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!