Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३१ मार्च २०२०

आज क्रूड US $ २२.८७ प्रती बॅरल ते US $ २३.५३ प्रती बॅरल या दरम्यान तर रुपया US $१=Rs ७५.३५ ते US $१=Rs ७५..५९ या दरम्यान होते. US $ निर्देशांक ९९.७० तर VIX ६५ होता.

USA मध्ये सोशल डिस्टंसिंग ३० एप्रिलपर्यंत वाढवले. प्रगत देशातील कोरोनाच्या वाढणाऱ्या प्रादुर्भावाच्या तुलनेत भारतात वाढणारा प्रादुर्भाव तुलनात्मक रित्या कमी आहे. स्वास्थ्य मंत्रालयाने सांगितले की भारतात अजून कोरोनाचे कम्युनिटी ट्रान्समिशन झालेले नाही. याची मार्केटने नोंद घेतली म्हणून मार्केटमध्ये तेजी आली. कमी होत असलेला क्रूडचा दर ही भारतासाठी जमेची बाजू आहे.चीनमधील कोरोनाच्या केसेस किमान स्तरावर आहेत. चीनमध्ये PMI ५२ वर आहे. याचा अर्थ चीनमध्ये औद्योगिक गतिविधी चालू झाल्या आहेत. याचा परिणाम धातूंशी संबंधित कंपन्यांच्या शेअर्सवर झाला. उदा टाटा स्टील, हिंदाल्को, जिंदाल saw, मान इंडस्ट्रीज.

ज्या शेअर्सनी १३ मार्चचा लो तोडला नाही अशा शेअर्समध्ये तेजी येत आहे असे दिसते.आज VIX कमी झाल्यामुळे दिलासा मिळाला. NSE ने F & O मार्केटमध्ये ऍडिशनल एक्स्पोजर मार्जिन वाढवले त्यामुळे शॉर्र्टिंगचे प्रमाण कमी होईल. रकारने युनिफॉर्म स्टॅम्प ड्युटी ऑन ट्रान्स्फर ऑफ कॅपिटल मार्केट इन्स्ट्रुमेंटची अमलबाजावणी १ जुलै २०२० पर्यंत पुढे ढकलली.

लॉजिस्टिक सर्व्हिसेस, टेक्सटाईल्स, मरीन, मोबाईल उत्पादन आणि विक्री या क्षेत्रातील उद्योगांना सरकार सवलती जाहीर करेल या अपेक्षेने या क्षेत्रातील कंपन्यांचे शेअर्स वाढले.यापैकी लॉजिस्टिक आणि मोबाईल विक्री आणि उत्पादन क्षेत्र ह्यांचा समावेश आवश्यक सेवा क्षेत्र म्हणून जाहीर होण्याची शक्यता आहे. त्यामुळे या क्षेत्रातील शेअर्स तेजीत होते उदा स्नोमॅन लॉजिस्टिक, VRL लॉजिस्टिक, ट्रान्सपोर्ट कॉर्पोरेशन ऑफ इंडिया, ब्ल्यू डार्ट, महिंद्रा लॉजिस्टिक्स, डिक्सन टेक्नॉलॉजी, रेंडिंग्टन, ITI, अंबर एंटरप्रायझेस, हनीवेल ऑटोमेशन

शाळांनी पुढील वर्षांसाठी फी भरायला सांगितले आहे. ऑन लाईन प्रवेश प्रक्रिया केली जाईल. ऑन लाईन कोर्स सुरु केले आहेत. त्यामुळे नवनीत सारख्या शेअरवर कोरोनाचा वाईट परिणाम दिसला नाही. NIIT, APTECH ह्या कंपन्यांचे शेअर्स वाढले.

या वर्षी होणाऱ्या ऑलिम्पिक स्पर्धा जुलै २३ २०२१ ते ऑगस्ट ८ २०२१ रोजी होतील.

जॉन्सन आणि जॉन्सन ही कंपनी कोरोना व्हायरससाठी प्रतिबंधक लस बनवण्यात जवळजवळ यशस्वी झाली आहे. ही लस मार्केटमध्ये जानेवारी २०२१ मध्ये येण्याची आशा आहे.

१ एप्रिल २०२० ला ओपेक+चा उत्पादन कपातीचा करार संपत आहे. आज क्रूड १८ वर्षांच्या किमान स्तरावर आहे. जर लॉकडाऊन आणखी काही काळ चालू राहिले तर क्रूडचा दर US $ १० पर्यंत होण्याची शक्यता आहे असे तद्न्यांचे मत आहे

फ्युचर रिटेल या कंपनीचे तारण म्हणून ठेवलेले शेअर्स IDBI ट्रस्ट आणि UBS ट्रस्टने विकण्यास कोर्टाने मनाई केली आहे.
FFSL च्या राईट्स इशूमध्ये फेडरल बँक Rs १४८ कोटी गुंतवेल.

हिरो मोटो ग्रुप ग्रामीण भागात टू व्हीलर अँब्युलन्स तसेच व्हेंटिलेटर आणि मास्क पुरवेल.

USFDA ने इप्का लॅबच्या HYDROXY CHLOROQUINE या मलेरियाच्या औषधाला मंजुरी दिली.

साखर उत्पादकांनी एथिल अल्कोहोल, एक्स्ट्रा न्यूट्रल अल्कोहोल, आणि इथेनॉल यांचा प्राधान्याने पुरवठा करावा. असे सरकारने सांगितले ह्या गोष्टी हॅन्ड सॅनिटायझर बनवण्यासाठी उपयोगात येतात.

ITC ही कंपनी आपण १.२५ लाख लिटर सॅनिटायझर बनवेल. या कंपनीने त्यांच्या सावलॉन या सॅनिटायझरची किंमत कमी केली.

JSW एनर्जीच्या प्रमोटर्सनी तारण म्हणून ठेवलेले ९० लाख शेअर्स सोडवले.

IOC आसाममध्ये २१ नवीन तेलविहिरी खोदण्यासाठी Rs ८५० कोटी गुंतवेल. .

सध्या एक गोष्ट लक्षात घ्या. ‘प्रथम असे होईल’ अशी बातमी येते आणि सर्किट लागते. अफवेचे बातमीत रूपांतर होते तशी विक्री सुरू होते. त्यामुळे लोकल ट्रेनमध्ये जसे चढणे आणि उतरणे म्हणजेच एन्ट्री आणि एक्झिट सध्याच्या मार्केटमध्ये घाईघाईने केले पाहिजे. कारण जेव्हा स्माल कॅप, मिडकॅप शेअर्समध्ये मंदी येते तेव्हा ओळीने ३-४ दिवस लोअर सर्किट लागतात. विकण्याची संधी मिळत नाही.

‘कठीण समय येता कोण कामास येतो’ तर FMCG आणि फार्मा. लोकांच्या खर्चाचा पॅटर्न लक्षात घेता गरजेच्या गोष्टींना आपण प्रथम प्राधान्य देतो नंतर चैनीची खरेदी करतो. आजारपणाचा खर्च सर्वप्रथम करतो त्यामुळे या क्षेत्रातल्या कंपन्या चांगल्या चालतात.

BSE निर्देशांक सेन्सेक्स २९४६८ NSE निर्देशांक निफ्टी ८५९७ बँक निफ्टी १९१४४ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३० मार्च २०२०

आज क्रूड US $ २२.६५ प्रती बॅरल ते US $ २३.६४ प्रती बॅरल या दरम्यान, रुपया US $१=Rs ७५.१५ ते US $१=Rs ७५.५६ या दरम्यान होते. US $ निर्देशांक ९८.७० VIX ७२ वर होते.

कोरोनामुळे जगातील सर्व देशांमध्ये कोरोनाचा प्रादुर्भाव आणि कोरोनामुळे होणाऱ्या मृत्यूंची संख्या वाढत आहे. चांगली गोष्ट अशी आहे की भारतामध्ये आता प्रादुर्भाव कमी वेगाने होत आहे. सरकारने कोरोनाचा सामना करण्यासाठी ११ प्रिव्हिलेज्ड ग्रुप स्थापन केले आहेत.

मारुती, M & M, भेल, बेल या कंपन्या आता व्हेंटीलेटर्स तयार करण्याच्या तयारीत आहेत.

ABBOTT लॅबने USA मध्ये ५ मिनिटात कोरोनाचे निदान करता येईल असे किट तयार केले आहे. त्याला USFDA ने मान्यता दिली आहे. यामुळे हा शेअर तेजीत होता.

मद्यार्क उत्पादन करणाऱ्या कंपन्यांनी सॅनिटायझर्स उत्पादन करण्याची तयारी दाखवली आहे. यामध्ये ग्लोबस स्पिरिट्स, G M बृवरीज, रेडीको खैतान, यांचा समावेश आहे. या शेअर्समध्ये काही काळ तेजी होती.

त्याचप्रमाणे साखर उत्पादक कंपन्यांनी इथेनॉल पासून सॅनिटायझर्स बनवण्याची तयारी दाखवली आहे. बलरामपूर चीनी, EID पॅरी, DCM श्रीराम, धामपूर शुगर, प्राज इंडस्ट्रीज, इंडिया ग्लायकोल यांचा यात समावेश आहे.या शेअर्समध्ये काही काळ तेजी होती.

वेलस्पन इंडियाने आपण हॅन्ड मास्क आणि फेस मास्क यांचे उत्पादन सुरु केले आहे असे एक्स्चेंजला कळवले आहे. या शेअर्समध्ये तेजी होती

ICICI लोम्बार्डने दुकानदारांसाठी एक नवीन प्रॉडक्ट तयार केले आहे.

मोठे उद्योग समूह, शिरडी सारखी देवस्थाने, अनेक सेलब्रिटीज हे कोरोनाशी लढण्यासाठी स्थापन केलेल्या पंतप्रधानांच्या फंडाला हातभार लावत आहे. USA चे अध्यक्ष आणि ADB ( एशियन डेव्हलपमेंट बँक US $ १ अब्ज) यांनीही कोरोनाशी लढण्यासाठी भरीव मदत देऊ केली आहे.

सरकारने सर्व अतिआवश्यक असलेल्या वस्तूंचे उत्पादन सुरुवात करण्याची परवानगी दिली आहे मात्र हे उत्पादन युनिटमध्ये कामावर असलेल्या मजुरांच्या ५०% मजूर करतील.

IMD चे असे अनुमान आहे की एप्रील ०२० ते जून २०२० ह्या तिमाहीत उन्हाळा सामान्य उन्हाळ्यापेक्षा जास्त असेल. नेहमीपेक्षा गरम वारे वाहतील.

सरकारने असे जाहीर केले आहे की लॉक डाऊनची मुदत १४ एप्रिलनंतर वाढवण्याचा सरकारचा कोणताही इरादा नाही.
सेबीने रेटिंग नियमात कोरोना बाधीत उद्योगांसाठी सूट दिली आहि कोरोनाच्या दरम्यान जर कोणताही डिफाल्ट झाला तर त्याचा विचार रेटिंग करताना होणार नाही असे सांगितले

उद्या भारत सरकार आपल्या FY २०-२१ च्या पहिल्या सहामाहीतील कर्जउभारणीवर विचार करेल.

काँकॉर आणि शिपिंग कॉर्पोरेशन ऑफ इंडिया या कंपन्यांचे विनिवेश आता उशीरा होतील.

क्रूडचा भाव पडतच आहे. देशोदेशी सुरु असलेल्या लॉकडाऊनमुळे क्रूडसाठी असलेली मागणी २०% ने घटली आहे. त्यात सौदी अरेबिया आणि रशिया यांच्यात सुरु असलेल्या प्राईसवॉर ची भर पडत आहे. तद्न्यांचे असे मत आहे की हा भाव US $२० प्रती बॅरलच्याही खाली जाण्याची शक्यता आहे.

आज हिरो होंडा या कंपनीने जाहीर केले की कोरोनामुळे उद्भवणाऱ्या परिस्थितीत सुधारणा होईपर्यंत कंपनीने आपल्या सप्लायर्सना पेमेंट करणे स्थगित केले आहे.

सन फार्माच्या ३ डिसेंबर २०१९ ते ५ डिसेंबर २०१९ या दरम्यान केलेल्या तपासणीत USFDA ने OAI ( ऑफिशिअल एक्शन इनिशिएटेड) रिपोर्ट दिला.

डेल्टा कॉर्प ही कंपनी Rs १०० प्रती शेअर या भावाने शेअर्स बायबॅक करेल.

गोदरेज ऍग्रोव्हेटने गोदरेज प्रॉपर्टीजला ३२ एकर जमीन विकली.

ल्युपिनच्या फ्लोरिडा युनिटला USFDA ने EIR दिला.

सरकार लवकरच उद्योग आणि MSME मध्ये काम करणाऱ्या कामगारांसाठी एक पॅकेज जाहीर करण्याची शक्यता आहे.
आता थोडे शेअर्स खरेदीविक्रीच्या सेटलमेंट बद्द्दल

बँकांची वार्षिक खातेबंदी लक्षात घेऊन एक्सचेंजीसने कळवले आहे की ३० मार्च २०२० रोजी झालेल्या ट्रेड्सची सेटलमेंट ३ एप्रील २०२० रोजी तर ३१ मार्च २०२० आणि १ एप्रिल २०२० रोजी झालेल्या ट्रेड्सची सेटलमेंट ७ एप्रिल २०२० रोजी होईल.
मार्केटमध्ये आलेली तेजी टिकत नाही. पुन्हा पुन्हा मंदीचे सावट मार्केटवर पडत आहे. कोरोनाच्या संकटाचे परिणाम दीर्घ मुदतीपर्यंत अर्थव्यवस्थेवर होत राहतील. जर आपल्याला या सर्व गोष्टींचे आणि त्यात समाविष्ट असलेल्या धोक्यांचे योग्य मूल्यमापन करता येत असेल, जर झटपट निर्णय घेऊन तो अमलात आणण्याची आपल्यात क्षमता असेल तरच आपण आताच्या मार्केटमध्ये व्यवहार करावेत. कारण आता तेजी आणि त्याच्यापाठोपाठ येणाऱ्या मंदीसाठी काहीही ट्रिगर दिसत नाहीत. पण मुख्य अंतःप्रवाह मंदीचाच आहे तेव्हा सावध राहा आणि आपल्या क्षमतेनुसार धोका पत्करा.

आज रोजच्या जीवनाला आवश्यक असणाऱ्या वस्तू उत्पादन करणाऱ्या कंपन्यांच्या शेअर्समध्ये तेजी होती. लोक घाबरून जाऊन येत्या महिन्या दोन महिन्यांसाठी या वस्तूंची खरेदी करत आहे. याउलट लोक व्हाइट गुड्स आणि चैनीच्या गोष्टींची खरेदी पुढे ढकलत आहेत. आज FMCG ( तांदूळ,साखर) HUL ब्रिटानिया,डाबर नेस्ले) , फार्मा आणि पॉवर सेक्टर ( PFC, NHPC, REC, SJVN ) सोडून सर्व क्षेत्रात मंदी होती.

आज BSE निर्देशांक सेन्सेक्स २८४४० NSE निर्देशांक निफ्टी ८२८१ बँक निफ्टी १८७८२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २७ मार्च २०२०

आज US $ ७४.३० प्रती बॅरल ते US $ ७५.३८ प्रती बॅरल या दरम्यान तर रुपया US $१=Rs २६.२५ ते US $१=Rs २६.६६ या दरम्यान होते. US $ निर्देशांक ९९.०६ तर VIX ६६.६० ते ७१.२५ दरम्यान होते.

कोरोनाचा प्रादुर्भाव सगळ्या जगात वाढत आहे, भारतही त्याला अपवाद नाही. भारताने पंतप्रधानांच्या नेतृत्वाखाली योग्य कारवाई केल्याने ही संख्या कमी आहे.

मूडीज या रेटिंग एजन्सीने भारताच्या FY २० मधील GDP ग्रोथ चे अनुमान २.५% तर २०२१ मधील GDP ग्रोथचे अनुमान ५.८% केले. G -२० देशांसाठी FY २० साठी GDP ग्रोथचे अनुमान -०.५% आणि FY २०२१ साठी ३.८% केले.
USA मध्ये बेरोजगारी मोठ्या प्रमाणावर वाढली आहे. सध्या हा आकडा ३० लाखांवर आहे.

सध्या सर्वजण बहुतेक सर्व व्यवहार डिजिटल फॉर्ममध्ये करत आहेत. लोकांना डिजिटल व्यवहाराचे महत्व पटलेले आहे. त्यामुळे APTECH, NIIT LTD, हे शेअर्स तेजीत होते. कोरोना व्हायरसचा उपाय आणि प्रतिबंधक लस शोधण्यासाठी जगातील सर्व फार्मास्युटिकल कंपन्या आटोकाट प्रयत्न करत आहेत. USA मध्येही फार्मा शेअर्स तेजीत होते. काळात भारतातही फार्मा शेअर्सना मागणी आहे कोरोनाच्या उपचारात उपयोगी किट्स BOSCH ने तयार केला आहे. त्यामुळे कोरोनाच्या तपासणीचा निकाल सॅम्पल्स लॅबमध्ये न पाठवता २.३० तासात कळेल. BEL सुद्धा मेडिकल उपकरणे तयार करणार आहे.सिमेन्सही कंपनीसुद्धा ही उपकरणे तयार करण्याच्या विचारात आहे. त्यामुळे आज फार्मा आणि हायजिन क्षेत्रातील कंपन्यांमध्ये तेजी होतीउदा P &G हायजिन . SIS या कंपनीच्या शेअरमध्येही लक्षणीय वाढ झाली.

ऑरोबिंदो फार्माच्या हैदराबाद येथील युनिट नंबर ८ ला USFDA ने क्लीन चिट दिली.

१४ एप्रिल २०२० रोजी रात्री १२ वाजल्यापासून ज्या रेलगाड्या सुटतील त्या गाड्यांसाठी ऍडव्हान्स बुकिंग सुरु झाले आहे. त्यामुळे IRCTC तसेच रेल्वेशी संबंधित इतर शेअर्समध्ये (RVNL राईट्स,) तेजी होती.

मजेस्को ही कंपनी विमा कंपन्यांसाठी IT संबंधित काम करते या कंपनीच्या शेअर्समध्ये तेजी होती.

स्टॅंडर्ड लाईफने HDFC लाईफ मधील १.७५% स्टेक (३.५३ कोटी शेअर्स) Rs ४३१ ते Rs ४४८ दरम्यान विकले. त्यामुळे HDFC लाईफमध्ये किंचित मंदी आली

WABCO या कंपनीचे ZF बरोबर मर्जर होणार आहे. या मर्जरमध्ये WABCO च्या शेअर्स साठी Rs ७००० प्रती शेअर या भावाने ओपन ऑफर आणली जाईल. हे मर्जर जून २०२० पर्यंत पूर्ण होईल असा अंदाज आहे.

टाटा स्टील आणि JSW स्टीलचे उत्पादन ७०% ने कमी झाले आहे.

NTPC ही सरकारी कंपनी THDC मधील ७५% स्टेक खरेदी करणार आहे.

१ एप्रिलला गॅस किमतीचा रिव्ह्यू घेतला जातो. तसेच BSVI अनेबल्ड कार्सची सुरुवात होईल.

अरविंद फॅशन या कंपनीने आपला राईट्स इशू पुढे ढकलला.

कोरोनाच्या संकटकाळात FMCG, फार्मा, हेल्थकेअर या क्षेत्रात तेजी होती.

टाटा मोटर्स आपला EV बिझिनेस वेगळ्या सबसिडीअरीत ट्रान्स्फर करेल. शैलेशचंद्र यांची EV आणि PV डिव्हिजनचे प्रेसिडंट म्हणून नेमणूक केली आहे.

आज RBI ने एक आठवडा आधी आपले द्विमासिक वित्तीय धोरण जाहीर केले. त्यातील बाबी पुढील प्रमाणे :-
रेपोरेट ०.७५% ने कमी करून ४.४०% तर रिव्हर्स रेपोरेट ०.९०% ने कमी करून ४% केला.
लिक्विडीटी अडजस्टमेन्ट फॅसिलिटी रेट ४% केला.

२८ मार्च २०२० पासून सर्व बँकांकरता एक वर्षांकरता CRR ४% वरून ३% केला. यामुळे बँकांकडे Rs १.४७ लाख कोटी रिलीज होतील.

MSF ( मार्जिन स्टँडिंग फॅसिलिटी) २% ऑफ SLR वरून ३% ऑफ SLR केली. त्यामुळे Rs १.३७ लाख कोटी फंड्स रिलीज होतील.

लिक्विडीटी वाढवण्यासाठी येत्या ३ वर्षेपर्यंत RBI Rs १.०० लाख कोटींचे LTRO करेल.

१ मार्च २०२० रोजी बाकी असलेल्या आणि कोणत्याही प्रकारच्या लेन्डिंग इन्स्टिटयूटने दिलेल्या ( यात बँका, NBFC, हौसिंग फायनान्स कंपन्या, स्मॉल फायनान्स बँका, मायक्रो फायनान्स कंपन्या यांचा समावेश असेल) कोणत्याही मुदतीच्या (टर्म लोन) कर्जाचे मासिक हप्ते फेडण्यासाठी ३ महिन्यांची मुदतवाढ दिली जाईल.

१ मार्च २०२० रोजी बाकी असलेल्या वर्किंग कॅपिटल लोनवरील व्याजाच्या पेमेंटसाठी ३ महिने मुदतवाढ दिली जाईल.
वर्किंग कॅपिटल क्रेडिट फॅसिलिटी ‘कॅश क्रेडिट’साठी कर्ज देणाऱ्या संस्था मार्जिन रिक्वायरमेंट कमी करून जास्त ड्रॉईंग पॉवर कर्जदारांना उपलब्ध करून देऊ शकतात.

या सर्व सवलती घेतल्या तरी याचा ऍसेट वर्गीकरण आणि क्रेडिट स्कोअर ( हिस्टरी) वर परिणाम होणार नाही. या सर्व सवलतींमुळे आता GDP च्या ३.२% एवढ्या रकमेचे रिलीफ पॅकेज RBI आणि सरकारने मिळून रिलीज केले.

RBI गव्हर्नरनी सांगितले की भारताची अर्थव्यवस्था मजबूत आहे. तसेच भारतीय बँकिंग सिस्टिम सुरक्षित आणि साऊंड आहे. भारताची फिस्कल पोझिशन ठीक आहे. पण कोरोना व्हायरसच्या अचानक उद्भवलेल्या आणि अर्थव्यवस्थेवर अनिश्चित कालपर्यंत परिणाम करणाऱ्या संकटामुळे परिस्थिती अस्थिर झाली आहे. त्यामुळे RBI ने GDP ग्रोथ, महागाईचा दर या विषयीचे अनुमान केलेले नाही. RBI चा आऊटलुक अकोमोडेटिव्ह असून जरूर भासल्यास रेटकटसकट इतर उपायांचा अवलंब करू शकेल. RBI च्या या वित्तीय धोरणाच्या घोषणेनंतर बँका, आणि फायनान्सियल्स मध्ये तेजी आली. क्रेडिट ग्रोथसाठी उपलब्ध असलेल्या पैशात वाढ आणि तीन महिन्यांसाठी NPA च्या फ्रेश स्लीपेजिस पासून मुक्तता असा बँकांचा दुहेरी फायदा होणार आहे. कॅश क्रेडिट लोनवरील मार्जिन रिकवायरमेंट कमी करायला परवानगी दिल्यामुळे MSME ना आता जास्त वर्किंग कॅपिटल उपलब्ध होईल.

आता बँकांनी आपल्या कर्जावरील दर कमी करून RBI च्या या पॅकेजला प्रतिसाद दिला पाहिजे. तसेच क्रेडिट ग्रोथ मध्ये सहभागी झाले पाहिजे. कर्जासाठी आपण होऊन मागणी येत नसली तर बँकांनी संशोधन करून ती तयार केली पाहिजे.
कालच्या आणि आजच्या पॅकेजीस मुळे बँकांकडे लिक्विडीटी भरपूर उपलब्ध असेल. फक्त अर्थव्यवस्थेला उपकारक होईल अशा रीतीने तिचा वापर बँका आणि इतर कर्ज देणार्या संस्थानीं केला पाहिजे.

मार्केटने या पॅकेजचे स्वागत केले. नंतर थोडे प्रॉफिट बुकिंग झाले. पण आज मार्केटमध्ये एकूण तेजी होती. फार्मा, FMCG, PSU, बँका यांच्या शेअर्समध्ये तेजी होती.

आता सर्व कोरोनाच्या प्रादुर्भावावर अवलंबून आहे . त्यासाठी औषध, प्रतिबंधक लस मिळाली तर उत्तमच पण त्याच्या प्रादुर्भावाचे प्रमाण तरी कमी व्हायला पाहिजे. तरच मार्केटमधील ही तेजी टिकून वाढत जाईल.

BSE निर्देशांक सेन्सेक्स २९८१५ NSE निर्दशांक निफ्टी ८६६० बँक निफ्टी १९९६९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २६ मार्च २०२०

आज क्रूड US $ २६.४२ प्रती बॅरल ते US $ २७.२८ प्रती बॅरल या दरम्यान, रुपया US $१=Rs ७५ .१८ ते US $ १=Rs ७५.४६ या दरम्यान होते. US # निर्देशांक १००.०५ तर VIX ६९ वर होते.

ओळीने तीन दिवस मार्केटमध्ये तेजी आहे. बुल्सचा पगडा भारी आहे. वस्तुस्थितीमध्ये काही बदल आहे का ? तर उत्तर नाही असेच आहे . ज्या कारणामुळे मार्केट पडू लागले ते कारण नाहींसे झाले किंवा त्यामध्ये काही सुधारणा झाली आहे का ? तर उत्तर नाही असेच आहे. पण वरवर केलेल्या मलमपट्टीचा हा परिणाम ! कोरोना या नैसर्गिक संकटाचा मुकाबला करण्याचा प्रत्येक देश प्रयत्न करत आहे. होणाऱ्या नुकसानीची झळ कमी पोहोचावी, देशवासीयांच्या दुःखावर फुंकर घालावी म्हणून प्रत्येक देश अर्थव्यवस्थेमधील पैशाच्या पुरवठ्यात वाढ करून अर्थव्यवस्थेतील लिक्विडीटी वाढवत आहे. अनेक सवलती देत आहे. त्याचाच परिणाम म्हणजे तीन दिवस आलेली तेजी. सेबीने शॉर्ट पोझिशन घेण्यासाठी असलेले नियम कडक केले त्यामुळे ट्रेडर्सना त्यांच्या शॉर्ट पोझिशन्स कव्हर कराव्या लागल्या आपले मार्केट आणि USA चे मार्केट २५% पडले. आपल्याकडे मार्केटमधील व्यवहार बंद केले नव्हते ही गोष्ट लक्षात घेतली पाहिजे.

आज F & O ची मासिक एक्स्पायरी होती त्यामध्ये खालीलप्रमाणे रोलओव्हर झाले. ९०% एक्सिस बँक, ८९% बजाज फायनान्स, M & M. ८७% JSW स्टील, IDFC I ST बँक,८६% एशियन पेंट्स, वेदांता, ब्रिटानिया ८५% पेट्रोनेट LNG, HDFC लाईफ, ICICI बँक, HDFC बँक.

USA ने कोरोना संकटाचा मुकाबला करण्यासाठी US $ २ लाख कोटींचे पॅकेज जाहीर केले. आज आपल्या माननीय अर्थमंत्री निर्मला सीतारामन यांनी पंतप्रधान गरीब कल्याण योजना जाहीर केली. त्यातील काही बाबी आणी ज्या सेक्टरवर किंवा शेअर्सवर त्याचा परिणाम होईल ते खालील प्रमाणे हे रिलीफ पॅकेज Rs १.७० लाख कोटींचे असेल.या पॅकेजचे नाव पंतप्रधान गरीब कल्याण योजना असे ठेवले आहे.
(१) तीन महिन्यासाठी ८० कोटी लोकांना ५ किलो तांदूळ किंवा गहू आणि १ किलो डाळ मोफत दिली जाईल. ही तांदूळ आणि डाळ त्यांना दर महिन्याला नियमित मिळणाऱ्या ५ किलो बरोबर दिले जाईल.
(२) जे शेतकरी Rs ६००० (PM किसान सम्मान योजनीअंतर्गत) मिळण्यास पात्र आहेत अशा ८.६९ शेतकऱ्यांच्या खात्यामध्ये एप्रिलच्या पहिल्या आठवड्यात Rs २००० DBT ( डायरेक्ट बेनिफिट ट्रान्सफर) मार्फत जमा होतील.
(२) रोजगार हमी योजनेखाली मिळणारी मजुरी Rs १८२ वरून Rs २०२ केली याचा फायदा ५ कोटी कुटुंबांना होईल.
(३) विधवा, गरीब वृद्ध, (६० वर्षांवरील माणसांना) तसेच दिव्यांगांना वन टाइम एक्सग्रेशिया Rs १००० दोन हप्त्यात दिले जातील.
(४) २० कोटी महिलांच्या जनधन खात्यात दर महिना Rs ५०० तीन महिने जमा होतील.
(५) उज्वला योजनेखाली ज्या गरिबी रेषेच्या खाली असलेल्या ८.३० कोटी महिलांना फायदा मिळाला आहे त्यांना या तीन महिन्यात मोफत गॅस सिलिंडर पुरवला जाईल.
(६) दीन दयाळ योजने खाली असलेल्या ६३ लाख सेल्फ हेल्प ग्रुपना ( ह्यात ७ कोटी कुटुंब समाविष्ट आहेत) कोणत्याही सिक्युरिटी शिवाय मिळणाऱ्या लोनची रक्कम Rs १० लाखांवरून Rs २० लाख केली.
(७) ऑर्गनाईझ्ड सेक्टरमधील १०० पेक्षा कमी कर्मचारी असलेल्या आणि त्यातील ९०% कर्मचारी जर Rs १५००० प्रती महिना या पेक्षा कमी पगारावर असतील तर अशा कंपनीच्या कर्मचाऱ्याचे तसेच कंपनीचे EPF काँट्रीब्युशन (१२% +१२%) पुढील तीन महिन्यांसाठी सरकार भरेल.
(८) आता कर्मचारी त्याच्या EPF मध्ये जमा असलेल्या काँट्रीब्युशनच्या ७५% किंवा त्याचा तीन महिन्याचा पगार यापैकी जे कमी असेल तेवढ्या रकमेचा नॉनरिफंडबल ऍडव्हान्स घेऊ शकतील . या करता EPF कायद्यात सुधारणा केली जाईल.
(९) बांधकाम मजूर फंडात सध्या Rs ३१००० कोटी जमा आहेत. या सेक्टर मध्ये ३.५ कोटी रजिस्टर्ड कामगार आहेत. या फंडातील रकमेचा उपयोग राज्य सरकारने बांधकाम मजुरांच्या कल्याणासाठी या तीन महिन्यात करावा अशा सूचना राज्य सरकारला देण्यात येणार आहेत.
(१०) डिस्ट्रिक्ट मिनरल फंडाचा उपयोग राज्य सरकारांनी कोरोनाच्या विविध टेस्ट्स, प्रतिबंधक उपाय तसेच कोरोनाग्रस्त व्यक्तींवर उपचार यासाठी करावा अशा सूचना राज्य सरकारांना देण्यात येतील.
(११ ) जे डॉक्टर्स, नर्सेस, पॅरामेडिकल स्टाफ. स्वच्छता कर्मचारी, वॉर्ड बॉईज, विविध कोरोना टेस्ट्स करणारे कर्मचारी या सर्वांसाठी प्रत्येकी Rs ५०,००,००० चा विमा उतरवला जाईल. या बातमीमुळे ICICI PRU, ICICI लोम्बार्ड, HDFC लाईफ, SBI लाईफ या कंपन्यांच्या शेअर्स मध्ये तेजी आली.

या सर्व सवलतीं मध्ये DBT योजनेअंतर्गत हा सर्व पैसा जनधन खात्यात जमा होणार असल्याने बँकांच्या डिपॉझिटमध्ये लक्षणीय वाढ होईल. तसेच सेल्फहेल्प ग्रुपला देण्यात येणाऱ्या लोनमध्ये वाढ झाल्याने स्माल फायनान्स बँकांच्या शेअर्स मध्ये वाढ अपेक्षित आहे. त्यामुळे आणि RBI च्या द्विमासिक धोरणात अपेक्षित रेटकट मुळे बँक निफ्टीमध्ये लक्षणीय वाढ झाली. RBI ने LTRO या योजनेखाली असलेली रेपो ऑक्शनची रक्कम Rs २५००० कोटींवरून Rs ५०००० कोटी केली. आज RBI ने पहिले LTRO केले. पुढील LTRO ठरल्याप्रमाणे ३१मार्च २०२० रोजी होईल.

गॅस सिलिंडरचा पुरवठा वाढणार असल्यामुळे MGL, IGL, गुजरात गॅस, अडानी गॅस यांच्या शेअरमध्ये तेजी आली.
आजच्या सवलती गरीब विशेषतः ग्रामीण आणि अर्धशहरी भागातील गरिबांना अन्न मिळावे आणि त्याबरोबरच त्यांच्याकडे थोडा पैसाही असावा या अपेक्षेने केलेल्या आहेत. या सवलतींमुळे ग्रामीण नागरिकांच्याकडे असलेल्या पैशात वाढ होईल. त्यामुळे FMCG कंपन्यांच्या शेअर्समध्ये तेजी आली. उदा ब्रिटानिया, HUL, NESLE, ITC, डाबर, इमामी आणि खत उत्पादन करणाया कंपन्या इत्यादी.

MCX ने आपला ट्रेडिंगचा वेळ १४ तासांऐवजी ३० मार्च २०२० ते १४ एप्रिल २०२० या काळात कमी करून ८ तास ( सकाळी ९ ते संध्याकाळी ५) केला. क्रूड आणि सोने आणि किमती धातूंमुळे एक्शचेंजच्या टर्नओव्हरवर परिणाम होईल. यामुळे MCX चा शेअर पडला

स्ट्राइड्स फार्माच्या बंगलोर युनिटला USFDA ने EIR दिला.

आज पासून सन फार्मा या कंपनीचा Rs १७०० कोटींचा बायबॅक सुरु झाला.

प्राज इंडस्ट्री, इंडिया ग्लायकॉल, युनायटेड स्पिरिट्स, युनायटेड ब्रुअरीज या कंपन्यांना सॅनिटायझर उत्पादन करण्याचा परवाना मिळण्याची शक्यता असल्यामुळे या शेअर्समध्ये तेजी आली.

चीनच्या वूहान प्रांतातील केमिकल्सचे उत्पादन कमी झाल्यामुळे आंतरराष्ट्रीय तसेच भारतात या केमिकल्सची मागणी वाढल्यामुळे मागणी आणि पुरवठा यांच्यात असमतोल झाला आहे.केमिकल उत्पादन करणाऱ्या खालील कंपन्यांच्या शेअर्सकडे लक्ष ठेवा. आरती इंडस्ट्रीज, दीपक नायट्रेट, अल्कली अमाईन्स, फेअरकेम स्पेशालिटी, फाईन ऑर्गनिक्स, विनंती ऑर्गनिक्स, SRF, सुदर्शन केमिकल्स, नवीन फ्ल्युओरीन

कॅपलिन पाईंट या कंपनीच्या ‘VERAPAMIL HYDROCHLORIDE इंजेकशन ला USFDA ची मान्यता मिळाली. त्यामुळे शेअर १३% वाढला.

अपोलो हॉस्पिटल्सला ICMR कडून कोरोनासंबंधीत विविध टेस्ट करण्यासाठी परवानगी मिळाली. हे हॉस्पिटल ५ शहरात आयसोलेशन वॉर्ड सुरु करणार आहे. ह्या बातमीनंतर अपोलो हॉस्पिटल्सच्या शेअरमध्ये लक्षणीय वाढ झाली.

मार्केट सरकारकडे मोठ्या अपेक्षेने प्रत्येक उद्योगासाठी पॅकेजिसची अपेक्षा करत आहे. यामुळे एव्हिएशन, हॉटेल आणि टुरिझम, रिअल्टी, ऑटो सेक्टरमधील शेअर्समध्ये आज तेजी होती.

सरकारही टप्प्याटप्प्याने आपल्या पॅकेजिसचे एक एक पान उलगडत आहे. जर या बाबतीत निराशा झाली तर पुन्हा मार्केट पडायला सुरुवात होईल. पुढचा आठवडा ट्रँकेटेड आठवडा असेल २ एप्रिल २०२० रोजी रामनवमीची मार्केटला सुट्टी आहे.
सरकारने कंपन्यांना वार्षिक सर्वसाधारण बैठक ( AGM) बोलावण्याची मुदत ३१ ऑगस्ट २०२० ऐवजी ३० सप्टेंबर २०२० केली.

BSE निर्देशांक सेन्सेक्स २९९४६ NSE निर्देशांक निफ्टी ८६४१ बँक निफ्टी १९६१३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २५ मार्च २०२०

आज क्रूड US $ २७.६८ प्रती बॅरल ते US $ २७.९९ प्रती बॅरल, आज करन्सी मार्केट बंद असल्यामुळे रुपयाचा विनिमय दर US $१=Rs ७५.८८ वर स्थिर होता. US $ निर्देशांक १०१.५२ आणि VIX ७८ ते ८० च्या दरम्यान होता.

आज USA च्या काँग्रेसने US $ २ लाख कोटींचे पॅकेज जाहीर केले. ऑस्ट्रेलिया जर्मनीने आपण बाजारातून बॉण्ड्स खरेदी करू असे जाहीर केले. आज भारत सरकारनेही कोरोना व्हायरसमुळे जाहीर केलेल्या लॉकडाऊनचा ज्या उद्योगांवर परिणाम होणार आहे त्या उद्योगांसाठी स्टिम्युलस पॅकेज जाहीर करण्याची शक्यता होती. उद्या मंथली किंवा २०१९ -२०२० या वर्षातील शेवटची एक्स्पायरी असल्यामुळे शॉर्ट कव्हरिंगची सुरुवात, रिलायन्स इंडस्ट्रीजच्या शेअरमध्ये झालेली ब्लॉक डील यामुळे आजतरी मार्केटमध्ये सुंदर तेजी होती. अशा प्रकारे मार्केटने नवीन वर्षांचा प्रारंभ तेजीची उंच गुढी उभारून वर्षातील साडे तीन शुभमुहूर्तांपैकी एक असलेला गुढी पाडवा दिमाखात साजरा केला. मुहूर्त तरी चांगला झाला.

लॉन्ग टर्म ऍव्हरेजच्या खाली व्हॅल्युएशन गेले की लॉन्ग टर्म इन्व्हेस्टर्स मार्केट मध्ये शिरतात. भूतकाळात ग्लोबल फायनान्सियल क्रायसिस मध्ये मार्केटकॅप /GDP रेशियो जेवढा होता त्यापेक्षाही हा रेशियो खालच्या स्तरावर गेला होता. मार्केट ओव्हरव्हॅल्यूड आहे का अंडरव्हॅल्यूड आहे हे समजण्यासाठी या रेशियोचा उपयोग होतो.

क्रूडसाठी असलेली मागणी कमी होत आहे. त्यामुळे यांच्याशीसंबंधी शेअर्सवर परिणाम झाला. भारतात जाहीर झालेल्या २१ दिवसांच्या लॉकडाऊन मुळे भारताच्या GDP वर ६०% परिणाम होईल. एप्रिल २०२०-जून २०२० या पहिल्या तिमाहीत हे परिणाम प्रकर्षाने जाणवतील.

येस बँक, वोडाफोन, PVR, NCC, अडाणी एंटरप्रायझेस आणि PNB आज F &O बॅनमध्ये होते.

फेडरल बँकेच्या CEO श्रीनिवासन यांनी १९.१० लाख शेअर्स विकले. ही शेअर्सची विक्री ESOP लोनच्या संबंधित होती.

२० मार्च २०२० रोजी JSPL च्या प्रमोटर्सनी १५ लाख शेअर्स तारण ठेवले.

केंद्र सरकारने राज्य सरकारला फूड प्रोसेसिंग युनिट्स बंद करू नका अशी सूचना केली.

लॉकडाऊनच्या काळात डिस्क्रिशनरी स्पेंडिंग ( ऐच्छिक खर्च) कमी होईल. त्यामुळे बाटा, एशियन पेंट्स, ITC, इनॉक्स लिजर, PVR, पीडिलाइट, शॉपर्स स्टॉप, वोल्टास यांच्या विक्रीवर परिणाम होईल.

सरकारने हैड्रॉक्सी क्लोरोकवीन या औषधाच्या निर्यातीवर बंदी घातली. याचा परिणाम इप्का लॅब्स, नाटको फार्मा, कॅडीला हेल्थकेअर या कंपन्यांवर होईल.

दिल्ली मध्ये इथेनॉलबेस्ड सॅनिटायझर बनवण्यास ३० जूनपर्यंत परवानगी दिली. प्राज इंडस्ट्रीज, इंडिया ग्लायकॉल
गारमेंट निर्यातीवर मिळणाऱ्या टॅक्स सुटीची मर्यादा वाढवली ही सूट आता १ एप्रिल २०२० नंतरही सुरु राहील.उदा रेमंड, बॉम्बे डाईंग, अरविंद, सेंच्युरी

भारत सरकारने एव्हिएशन उद्योगाला एव्हीएशन इन्फ्रा हे पॅकेज जाहीर करण्याची शक्यता आहे .त्यामुळे इंडिगो आणि स्पाईस जेटच्या शेअर्समध्ये तेजी आली. आज हॉटेल आणि पर्यटन उद्योगाला काही सवलती मिळतील अशी मार्केटची आशा असल्याने हॉटेल्सचे शेअर्स वाढत होते. उदा ताज GVK, EIH, रॉयल ऑर्चिड इंडियन हॉटेल्स

फेसबुक रिलायन्स JIOमध्ये १०% स्टेक घेणार आहे रिलायन्स इंडस्ट्रीजमध्ये १.१६ कोटी शेअर्सचे ब्लॉक डील झाले. रिलायन्सच्या शेअरमध्ये लक्षणीय तेजी आली.

आज फार्मा रिटेल, IT, बँकाच्या शेअरमध्ये खरेदी होती. आज मार्केटमध्ये आलेली तेजी टिकाऊ आहे की क्षणभंगुर आहे हे उद्याच कळेल. मार्केटमधील ट्रेण्ड कन्फर्म झाल्याशिवाय मार्केटमध्ये काही व्यवहार फार काळजीपूर्वक आणि सावधानतेने करावेत.

BSE निर्देशांक सेन्सेक्स २८५३५ NSE निर्देशांक निफ्टी ८३१७ बँक निफ्टी १८४८१ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २४ मार्च २०२०

वाचकांना गुढी पाडव्याच्या शुभेच्छा! आपण सर्वजण यादिवशी करोनाचा सामना जिद्दीने करण्याचा संकल्प करूया!!

आज क्रूड US $ २७.८१ प्रती बॅरल ते US $ २८.५० प्रती बॅरल या दरम्यान तर रुपया US $१=Rs ७६.१५ ते US $१=Rs ७६.२० या दरम्यान होते. US $ निर्देशांक १०१.९३ तर VIX त्याच्या उच्च स्तरावर म्हणजे ८४.२७ वर होते.

जगात सगळीकडे कोरोना व्हायरसचा प्रादुर्भाव वाढत आहे. त्याच बरोबर शास्त्रीय आघाडीवर यांच्यावरचे उपाय तसेच प्रतिबंधक लस शोधण्या बरोबरच याचे जे आर्थिक परिणाम होतील त्याला सामोरे जाण्याची तयारी सर्व देश करत आहेत. USA ची सेंट्रल बँक फेडने जाहीर केले की ते आता बॉण्ड्स खरेदी करतील. या बातमीनंतर USA च्या मार्केटमध्ये तेजी आली.

जगातील बहुसंख्य देशात लॉकडाऊन असल्यामुळे डिझेल, पेट्रोल, ATF ( एअर टरबाइन फ्युएल) शिपिंग फ्युएल यासाठी मागणी खूपच कमी झाली आहे. त्यामुळे क्रूडचे दर खूपच कमी झाले आहेत. याचा परिणाम OMC (ऑइल मार्केटिंग कंपन्या), ऑइल सोर्सिंग कंपन्या, यांच्यावर होईल आणि त्यांच्या शेअर्सचे भाव कमी झाले.

भारतामध्ये लॉक डाऊन सुरु आहे. त्यानुसार शॉपर्स स्टॉपने आपली सगळी दुकाने ३१ मार्च २०२० पर्यंत बंद ठेवण्याचा निर्णय घेतला. GHCL ने आपले यार्न उत्पादन युनिट बंद केले. पेज इंडस्ट्रीजने आपले उत्पादन युनिट बंद केले. वेलस्पन कॉर्पने सर्व उत्पादक युनिट बंद केली. कोलगेटने आपले ऑफिस तर बजाज ऑटोने आपले चाकण आणि पंतनगर येथील प्लांट बंद केले.

HUL ने ग्लेनमार्क फार्माचा ‘V WASH’ हा ब्रँड खरेदी केला. त्यामुळे HUL चा शेअर वाढला.

स्टरलाईट टेक्नॉलॉजीज ने जास्तीतजास्त Rs १५० प्रती शेअर या भावाने Rs १४५ कोटींचा बायबॅक जाहीर केला. या बायबॅकच्या बातमीनंतर स्टरलाईट टेक्नॉलॉजीजच्या शेअरमध्ये तेजी आली.

इन्फोसिस विरुद्ध व्हिसलब्लोअरने केलेल्या तक्रारीत इन्फोसिसला नो ऑब्जेक्शन सर्टिफिकेट मिळाले. त्यामुळे इन्फोसिसच्या शेअरमध्ये तेजी आली.

आज दोन बातम्या आल्या. एक म्हणजे माननीय पंतप्रधान नरेंद्र मोदी रात्री ८ वाजता देशाला संबोधित करतील. दुसरी बातमी म्हणजे माननीय अर्थमंत्री निर्मला सीतारामन ह्या २ वाजता पत्रकार परिषद घेतील. आर्थिक सवलतींच्या पॅकेजची अपेक्षा करणाऱ्या मार्केटने ह्या बातमीचा आधार घेतला आणि उघडल्यापासून पडत असलेले मार्केट सावरले.

माननीय अर्थमंत्री निर्मला सीतारामन यांनी आज बहुतेक सुधारणा जाहीर केल्या त्या कोरोनाच्या कारणामुळे प्रक्रियेत निर्माण झालेल्या अडचणी दूर करणाऱ्या होत्या. FY २०१८ -१९ चा इन्कम टॅक्स रिटर्न भरण्याची तारीख आता जून ३० २०२० पर्यंत वाढवली.उशीर झाल्यामुळे आता पूर्वी आकारण्यात येणाऱ्या १२% ऐवजी ९% नी व्याज आकारले जाईल. उशीरा डिपॉझिट केलेल्या टीडीएस साठीही १२% ऐवजी ९% व्याज आकारले जाईल. आधार कार्डाबरोबर पॅन लिंक करण्याची मुदतही ३० जून पर्यंत वाढवली. मार्च एप्रिल मे २०२० साठी चे GST रिटर्न भरण्यासाठी मुदत जून २०२० पर्यंत वाढवली. ‘विवादसे विश्वास’ आणि ‘सबका विश्वास’ या दोन्ही स्कीमची मुदत ३० जून २०२० पर्यंत वाढवली. बोर्ड ऑफ डायरेक्टर्सची मीटिंग बोलावण्यासाठीच्या मुदतीत ६० दिवसाची मुदतवाढ पुढील दोन तिमाहीसाठी दिली.

नवीन कंपन्यांना कमेन्समेंट ऑफ बिझिनेसचे डिक्लरेशन सादर करण्यासाठी मुदत ६ महिन्यांवरून १ वर्ष केली .३० जून २०२० पर्यंत कस्टम क्लिअरन्स २४X ७ चालू राहील. कंपनी डिपॉझीटच्या २०% रकमेची प्रोव्हिजन करण्याची तसेच मॅच्युअर होणाऱ्या डिबेंचर्सच्या रकमेची १५% रकम गुंतवणूक करण्याची तारीख ३० जून २०२० पर्यंत वाढवली.

IBC लागू करण्यासाठी कंपनीने केलेल्या डिफाल्ट ची मर्यादा Rs १ लाखापासून Rs १ कोटी केली. त्यामुळे MSME ला काहीसा रिलीफ मिळेल.

मच्छीमार व्यवसायासाठी SIP ( सॅनिटरी इंपोर्टस परमिट) SHRIMP ब्रूड आणि इतर अक्वाकलचर यांच्या आयातीसाठी लागते) ची मुदत ३० जून २०२० पर्यंत वाढवली.

डेबिट कार्ड होल्डरने दुसर्या बँकेच्या ATM मधून पैसे काढल्यास ३० जून २०२० पर्यंत चार्जेस लागणार नाहीत. तसेच पुढील तीन महिन्यांसाठी किमान बॅलन्स ठेवण्याची अट राहणार नाही आणि त्यासाठी चार्जेसही लागणार नाहीत. तसेच माननीय अर्थमंत्रयांनी जाहीर केले की कोणत्याही योजनेची प्रक्रिया आणि त्यासाठी असलेली पात्रता यात बदल केले जातील. पण योजनेत बदल करणार नाही. माननीय अर्थमंत्र्यान्च्या प्रेस कॉन्फरन्सनंतर रिलीफ पॅकेजच्या खूपच अपेक्षा बाळगणाऱ्या मार्केटमध्ये याबाबतीत निराशा झाल्याने पुन्हा प्रॉफिट बुकिंग झाले.

आज मार्केटमध्ये VIX ८४ वर पोहोचला. मार्केटमध्ये मंदीचे आणि तेजीचे स्विंग पाठोपाठ येत होते. निवडक शेअर्स उदा ब्रिटानिया, रिलायन्स सारख्या शेअरमध्ये परिस्थिती थोडी सुधारली.

लॉक डाऊन किती वेळापर्यंत चालू राहिल आणि त्याचे आर्थिक परिणाम पुढे किती काळापर्यंत अर्थव्यवस्थेवर होत राहतील याचा अंदाज येत नाही. त्यामुळे सध्यातरी थांबा आणि वाट पहा हेच धोरण योग्य ठरेल. सावधानतेने आपल्या आर्थीक परिस्थितिच्या तब्येतीला रुचेल पचेल एवढीच गुंतवणुक सध्या शेअरमार्केटमध्ये करावी.

सर्व मार्केट आजच्या ८ वाजता होणाऱ्या पंतप्रधानांच्या आवाहनाकडे मोठ्या अपेक्षेने पाहत आहे.  BSE निर्देशांक सेन्सेक्स २६६७४ NSE निर्देशांक निफ्टी ७८०१ बँक निफ्टी १७१०७ वर बंद झाली.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २३ मार्च २०२०

आज क्रूड US $ २५.४४ प्रती बॅरल ते US $ २६.२९ प्रती बॅरल या दरम्यान, रुपया US $१= Rs ७५.१८ ते US $१=Rs ७६.०९ या दरम्यान होते. US $ निर्देशांक १०२.३७ तर VIX ७२.६० होते.

USA मध्ये कोरोना व्हायरसची स्थिती दिवसेंदिवस बिघडत आहे. इटलीमध्ये तर चीनपेक्षा जास्त लोक मरण पावले आहेत. मुख्यतः युरोपातील देशात आणि UK या देशात याचा प्रादुर्भाव झपाट्याने वाढत आहे. USA मध्ये बेकारी ३०% वाढते आहे. USA मधील काही राज्यात आणीबाणी जाहीर केली आहे. USA ची मार्केट्स झपाट्याने पडत आहेत.

या पार्श्वभूमीवर कोरोनाचा प्रादुर्भाव रोखण्यासाठी भारत सरकारने आणि काही राज्य सरकारांनी लॉकडाऊन जाहीर केला आहे . जेथे जेथे म्हणून गर्दी होऊन कोरोनाचा प्रादुर्भाव वाढेल अशी स्थळे, ऍक्टिव्हिटी लॉक डाऊन करावयास सांगितल्या. अत्यावश्यक सेवा आणि आणि अत्यावश्यक वस्तूंची दुकाने उदा धान्य, दूध, बँका,सोडून इतर सर्व दुकाने, ऑफिसेस बंद ठेवायला सांगितली. रेल्वेच्या प्रवासी गाड्या रद्द केल्या. तसेच जे कर्मचारी रजेवर असतील त्यांचा पगार चालू ठेवायला सांगितले. कंपन्यांना त्यांच्या CSR ( कॉर्पोरेट सोशल रिस्पॉन्सिबिलिटी) च्या पैशातून कोरोनाच्या संकटाशी सामना करण्यासाठी खर्च करण्याची परवानगी दिली.

सरकारने काही खाजगी लॅब्सना उदा लाल पाथ लॅब, मेट्रोपोलीस हेल्थ केअर, थायरो केअर कोरोनासाठी चाचण्या करण्यास परवानगी दिली. या चाचण्यांसाठी Rs ४५०० ची मर्यादा ठरवली.

लोकांना आवाहन केले की हे संकट दूर होईपर्यंत आपल्या घरातच राहा. कंपन्यांना त्यांच्या कर्मचाऱ्यांना ‘वर्क फ्रॉम होम’ ची सुविधा देण्यास सांगितले. या आवाहनाला प्रतिसाद देऊन दुकानदार, मॉल्स, कंपन्या यांनी आणि सर्व साधारण जनतेने सरकारला चांगली साथ दिली.

आज M & M नी आपले भुवनेश्वर, नागपूर येथील कारखाने बंद केले. मारुतीने आपला मानेसर येथील प्लांट बंद केला. हिरो मोटो कॉर्प या कंपनीने त्यांचे जगातील सर्व प्लांट बंद केले. भारत फोर्जने आपली ऑपरेशन्स बंद केली. श्री सिमेंटने राजस्थानमधील कामकाज बंद केले. HUL आणि इतर उत्पादकांनी सॅनिटायझरच्या किमती कमी करण्याचे आश्वासन दिले आहे. रिलायन्स ट्रस्टनेही या संकटाशी मुकाबला करण्यासाठी हात पुढे केला आहे. टायटन २२ मार्च ते २९ मार्च २०२० पर्यंत आपली रिटेल स्टोअर्स बंद ठेवणार आहे.

USA मध्ये कोरोनाच्या ट्रीटमेंटसाठी क्लोरोक्वीन या औषधाचा उपयोग करण्यास परवानगी दिली आहे . इप्का लॅबच्या USA मधील दोन प्लांटवर USFDA ने बंदी घातली होती पण आता या प्लांटमध्ये या औषधाचे उत्पादन करायला परवानगी दिली. हे औषध कॅडीला, टॉरेन्ट फार्मा, मंगलम ड्रग्स या कंपन्याही बनवतात. .

स्टॉक एक्स्चेंज मात्र चालू आहेत. कोरोनाच्या अस्मानी संकटामुळे शेअरमार्केटमध्ये प्रॉफिट बुकिंग मोठ्या प्रमाणावर होत आहे. त्यामुळे सर्व शेअर्समध्ये मंदी होती. आज मार्केटला (सेन्सेक्स २६९२४ झाल्यामुळे ) लोअर सर्किट लागले. ४५ मिनिटे मार्केट बंद राहून प्रीओपन सेशन होऊन मार्केट सुरु झाले. ( मार्केट सर्किट फिल्टर तसेच स्टॉक सर्किट फिल्टर या विषयी सविस्तर माहिती ‘ माझ्या ‘मार्केट आणि मी’ या पुस्तकात दिली आहे ) पण पुन्हा मार्केट पडतच राहिले.! पडतच राहिले !

मार्केटला अनिश्चितता आवडत नाही. कोरोनाचे संकट किती वेळ चालू राहील याची काहीच निश्चिती नसल्याने मार्केटचा ताबा भीतीने घेतला.फिअर आणि ग्रीड मीटरने ४ चा स्तर गाठला. सतत आणि मोठ्या प्रमाणावर विक्री होत आहे. आज ज्या किमतीला शेअर मिळत आहे त्यापेक्षा उद्या जास्त स्वस्त मिळेल असे वाटल्याने खरेदी होत नाही. VIX हा वोलतालीटी निर्देशांक १२ वर्षाच्या उच्च स्तरावर म्हणजे ७३.३६ होता.  खाजगी बँका, NBFC, सरकारी बँका, ऑटो आणी ऑटो अँसिलिअरी या क्षेत्रात जबरदस्त मंदी होती .

आज संसदेत फायनान्स बिल पास झाले. संसदेचे काम अनिश्चित काळापर्यंत स्थगित ठेवले गेले.

रामकृष्ण फोर्जिंग ने Rs २५० प्रती शेअर, दालमिया भारतने Rs ७०० प्रती शेअर, तर मोतीलाल ओस्वालने Rs ६५० प्रती शेअर बायबॅक जाहीर केला.

उद्या स्टरलाईट टेक्नॉलॉजीज या कंपनीच्या बोर्ड ऑफ डायरेक्टर्सची शेअर बायबॅक करण्यावर विचार करण्यासाठी बैठक आहे.

आपण आपल्या जवळ शिल्लक कॅश असेल तर (सर्व गोष्टींसाठी प्रोव्हिजन करून) हळू हळू छोट्या छोट्या लॉटमध्ये ( ५, १०, १५ शेअर्स) खरेदी करायला सुरुवात करण्यास हरकत नाही, जे शेअर्स त्यांची किंमत जास्त असल्याने आपल्याला महाग वाटत होते असे ब्ल्यू चिप शेअर्स आता आपल्याला परवडणाऱ्या किमतीत उपलब्ध आहेत.पण मार्केट सुधारण्यासाठी किती वेळ लागेल हे सांगता येत नाही . तज्ज्ञांच्या मते जेवढा मार्केटच्या पडण्याचा वेग होता तेवढ्याच वेगाने मार्केट परत वर येईल. फक्त कोरोनाच्या संकटावर मात करण्याचा उपाय सापडला पाहिजे.

आज BSE निर्देशांक सेन्सेक्स २५९८१ NSE निर्देशांक निफ्टी ७६१० बँक निफ्टी १६९१७ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २० मार्च २०२०

आज क्रूड US $ २८.९७ प्रती बॅरल ते US $ २९.९२ प्रती बॅरल या दरम्यान रुपया US $१=Rs ७४.७५ ते US $१=Rs ७५.११ या दरम्यान होते. US $ निर्देशांक १०१.८२ तर VIX ६७.९३ होता.

USA आणि युरोपमध्ये कोरोना व्हायरसचा प्रादुर्भाव लक्षणीय प्रमाणात वाढत आहे. या उलट चीनमध्ये कोरोनाचा प्रादुर्भाव जवळ जवळ नाहीसा झाला आहे. याच वेळी दोन आशादायक बातम्या आल्या. USA चे अध्यक्ष डोनाल्ड ट्रम्प यांनी मलेरियावरचे क्लोरोक्वीन हे औषध कोरोनाबाधीत रुग्णांच्या उपचारासाठी वापरण्याची परवानगी दिली. काही देशांनी हा प्रयोग केला आहे. हे औषध भारतात मंगलम ड्रग्स ही कंपनी बनवते.

सनोफी या फार्मा क्षेत्रातील आंतरराष्ट्रीय कंपनीने असा दावा केला आहे की त्यांनी शोधलेल्या एक औषधाचे कोरोनासाठी यशस्वी परीक्षण केले आहे. त्यांच्या जवळ या औषधाचे ३,००,००० डोसेस तयार आहेत. त्यांनी फ्रेंच सरकारला या औषधाचा कोरोनाच्या उपचारात उपयोग करण्याची ऑफर दिली आहे.

सिस्टिममध्ये खूपच शॉर्ट्स क्रीएट झाले होते पण कोरोनावर औषध उपलब्ध होत आहे अशी बातमी आल्याने मार्केटने बुडत्याला काडीचा आधार तसे वाढायला सुरुवात केली. सेन्सेक्स १६२७ पाईंट, निफ्टी ४८२ आणि बँक निफ्टी २३४ पाईंट वाढले. फंडामेंटल्समध्ये जास्त बदल नसताना, मार्केटच्या आऊटलुकमध्ये फारसा फरक नसताना एवढी मोठी रॅली आली. ह्याप्रकारच्या रॅलीला रिलीफ रॅली असे म्हणतात. निफ्टीचे ५ डेज एक्स्पोनेन्शियल मूव्हिंग ऍव्हरेज ८८४६ वर आहे. या स्तरावर मार्केट १ दिवस क्लोज व्हायला पाहिजे. म्हणजे ही रॅली टिकाऊ आहे असे कन्फर्मेशन मिळेल. नंतरच लॉन्ग पोझिशन घेणे फयद्याचे ठरेल. जर हे कन्फर्मेशन झाले नाही तर आजची रॅली ही डेड कॅट बाउन्स आहे असे मानावे लागेल. आणि मार्केट पुन्हा पडण्याची शक्यता आहे. तेव्हा मार्केटमध्ये लॉन्ग पोझिशन घेताना सावधानतेने घ्यावी.

RBI ने आज Rs १०००० कोटींचे OMO केले. त्याला चांगला प्रतिसाद मिळाला. तसेच RBI ने जाहीर केले की २४ मार्च २०२० आणि ३० मार्च २०२० रोजी RBI प्रत्येकी Rs १५००० कोटींचे दोन OMO करेल.RBI २, ४, ५, ६ ९, वर्ष मुदतीचे सरकारी कर्जरोखे मार्केटमधून खरेदी करेल. यामुळे बॉण्ड यिल्ड जे २०० बेसीस पाइंटने वाढले आहे ते कमी व्हावयास मदत होईल. त्यामुळे कॉर्पोरेट बॉण्ड्सवरचे यिल्डही कमी होईल. बँकांकडील लिक्विडीटी वाढेल.

मंदीशी दोन हात करण्यासाठी देशाची सेंट्रल बँक व्याजाचा दर कमी करते देशाची सेंट्रल बँक रेपोरेट, रिव्हर्स रेपोरेट, CRR यात बदल करून अर्थव्यवस्थेमधील लिक्विडीटी वाढवते. यालाच मॉनेटरी स्टिम्युलस असे म्हणतात .त्यामुळे उद्योगक्षेत्राला आणि गुंतवणुकीला उत्तेजन मिळते.ओपन मार्केटमधून दीर्घ मुदतीचे सरकारी बॉण्ड्स खरेदी करते. यामुळे अर्थव्यवस्थेतील लिक्विडीटी वाढते. म्हणजेच पैशाचा पुरवठा वाढतो. त्यामुळे बँकांना कर्जपुरवठा करण्यासाठी जास्त पैसा उपलब्ध होतो. यालाच क्वांटिटेटिव्ह इजींग असे म्हणतात. यामुळे गुंतवणूक आणि कर्जपुरवठा दोन्हीलाही फायदा होतो.
RBI ने LTRO ( लॉंग टर्म रेपो ऑपरेशन्स) या नवीन कॉन्सेप्टचा उपयोगही केला

RBI २० मार्च २०२० ते ३० मार्च २०२० पर्यंत Rs ४०००० कोटींचे OMO करेल. आज सरकारने बल्क ड्रग्स मॅन्युफॅक्चरिंगसाठी पॉलिसी जाहीर करून या पॉलिसीअंतर्गत पॅकेज जाहीर केले. याचा फायदा कॅडीला हेल्थ, इप्का लॅब्ज, सिप्ला, IOL केमिकल्स, डिव्हीज लॅब्स, लॉरस लॅब्स यांना होईल. सरकारने मेडिकल डिव्हाईस मॅन्युफॅक्चरिंग पॉलिसी जाहीर केली.

सरकारने मोबाईल मॅन्युफॅक्चरिंगसाठी इन्सेन्टिव्ह जाहीर केली. ५ वर्षांसाठी डोमेस्टिक मॅन्युफॅक्चररला याचा फायदा मिळेल. D -लिंक, स्मार्ट लिंक, ITI, BPL, डिक्सन टेक्नॉलॉजी, अंबर एंटरप्रायझेस यांना होईल.

सरकार लवकरच इन्फॉर्मल क्षेत्रासाठी डायरेकट बेनिफिट ट्रान्स्फर योजना सुरु करण्याची शक्यता आहे.

सरकारने मास्क आणि सॅनिटायझर याचा समावेश अत्यावश्यक वस्तूंमध्ये केला आणि यांना इसिनशियल कमोडिटीज ऍक्ट लागू केला.

USA बेस्ड कुबोटा ट्रॅक्टर कॉर्पोरेशन ही कंपनी एस्कॉर्टस लिमिटेडचे १.२२ कोटी शेअर्स Rs ८५० प्रती शेअर या भावावर खरेदी करेल. हे शेअर्स आता एस्कॉर्टस ट्रस्ट होल्ड करीत असल्यामुळे कोणत्याही प्रकारचे इक्विटी डायल्युशन न होता एस्कॉर्टसला Rs १०४२ कोटी मिळतील. हे JV ६०:४० असे असेल. ही बातमी आल्यावर एस्कॉर्टसच्या शेअरमध्ये तेजी आली.

बायोकॉनच्या बंगलोर प्लाण्टला USFDA नी EIR दिला.

भारताने आणि इतर सर्व देशांनी आंतरराष्ट्रीय उड्डाणे रद्द केल्यामुळे विमान वाहतूक ९६% ने कमी झाली. याचा परिणाम इंडिगो आणि स्पाईस जेट या कंपन्यांवर होईल.

BERNSTEIN या रेटिंग एजन्सीने HDFC बँकेच्या लोन पोर्टफोलिओमध्ये बरीच पगारदार लोकांना अनसिक्युअर्ड कर्ज दिली आहेत तसेच HDB फायनान्सियलस या त्यांच्या सबसिडीअरीनेही अशीच रिटेल अनसिक्युअर्ड लोन दिली असल्यामुळे HDFC बँकेचे टार्गेट कमी करून Rs ७५० केले.

IDFC बँकेचे सिइओ वैद्यनाथन यांनी IDFC 1 ST बँकेचे २.७५ कोटी शेअर्स मार्जिन कॉल पुरा करण्यासाठी Rs ५८ कोटींना विकले. त्यांनी सांगितले की ESOP लोनसाठी हे शेअर विकले. लवकरच आणखी ३५ कोटी शेअर्स विकतील. यामुळे IDFC 1ST बँकेचा शेअर प्रथम पडला नंतर स्पष्टीकरण आल्यावर शेअरच्या भावात सुधारणा झाली.

११ मार्च ते १९ मार्च २०२० या दरम्यान जस्मिन कॅपिटलने इंडिया बुल्स हौसिंग फायनान्स मधील त्यांचा ३.९९% स्टेक विकला.

सरकारने कंपन्यांच्या बोर्ड ऑफ डायरेक्टर्सची बैठक व्हिडिओ कॉन्फरन्सने करण्यासाठी ३० जून २०२० पर्यंत परवानगी दिली.

BSE निर्देशांक सेन्सेक्स २९९१५ NSE निर्देशांक निफ्टी ८७४५ बँक निफ्टी २०३१७ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १९ मार्च २०२०

आज क्रूड US $ २५.०६ प्रती बॅरल ते US $ २६.२० प्रती बॅरल,रुपया US $ १= Rs ७४.७९ ते US $१=Rs ७५.२३ या दरम्यान होते. US $ निर्देशांक १००.८२ तर VIX ७३.१० वर होते.

आता डेली चार्टचा फारसा उपयोग होत नाही. कारण VIX ७३ वर पोहोचला आहे. मार्केटमध्ये अस्थिरता खूप आहे त्यामुळे मंथली चार्ट बघा. २०० महिन्यांचे MA ७७५० वर आहे. मॉनेटरी स्टिम्युलस, क्वांटिटेटिव्ह इजिंग, यांचा काही फायदा होत नाही. कोरोना टॉप आऊट होईल तेव्हा मार्केट बॉटम आऊट होईल.

ITC चा शेअर १५ च्या P/E वर आहे. ITC ने त्याची लाभांश पॉलिसी बदलली आहे. प्रॉफिटच्या ८०% ते ८५ % लाभांश जाहीर केला जाईल. यात स्पेशल लाभांश इंटरिम लाभांश, अंतिम लाभांश यांचा समावेश असेल. या बातमीनंतर ITC चा शेअर वाढला.

ICMR ( इंडियन कौन्सिल फॉर मेडिकल रिसर्च) ने जाहीर केले की कोठेही कोरोनाचा कम्युनिटी स्प्रेड दिसत नाही.

कल्पतरू पॉवरच्या बोर्ड ऑफ डायरेक्टर्सची २४ मार्च २०२० रोजी शेअर्स बायबॅकवर विचार करण्यासाठी बैठक आहे.

सेबीने कंपन्यांना त्यांचे Q-४ रिझल्ट जाहीर करण्यासाठी जून २०२० पर्यंत मुदत दिली. इतर डिस्क्लोजर नॉर्म्समध्येही सूट दिली जाण्याची शक्यता आहे.

येस बँकेच्या नवीन कर्ज देण्यावर किंवा इतर बाबतीत मोरॅटोरियम उठवल्यानंतर कोणत्याही प्रकारचे निर्बंध असणार नाहीत असे RBI ने जाहीर केले.

MSME ला वर्षभरासाठी व्याजमुक्त कर्ज दिले जाईल. MSME GST चे पेमेंट FY २१ च्या पहिल्या तिमाही पर्यंत करू शकते. कमी केलेल्या किंवा काढून टाकलेल्या कर्मचाऱयांचा पगार आदी खर्च सरकार करेल.

इमामी Rs ३०० प्रति शेअर या भावाने ६४.७० लाख शेअर्स बाय बॅक करेल.

रेल्वेने १५५ बाहेरगावी जाणार्या गाड्या रद्द केल्याने आज IRCTC च्या शेअरला लोअर सर्किट लागले. आज पर्यटन, हॉटेल्स, एविएशन, मेटल्स, रिअल इस्टेट या क्षेत्रातील शेअर्समध्ये मंदी होती.

निफ्टी चार्ट पाहिल्यास शॉर्ट टर्म मुविंग ऍव्हरेजने लॉन्ग टर्म मुविंग ऍव्हरेजला खालच्या दिशेनी क्रॉस केले. त्यामुळे डेथ क्रॉस झाला मार्केट आणखी काही काळ पडत राहील असा तद्न्यांचा अंदाज आहे.

पीडिलाइट, कॅडीला हेल्थकेअर, डिव्हीज लॅब, भारती एअरटेल आणि D-मार्ट हे शेअर्स अजूनही २०० DMA च्या वर आहेत.

आज BSE निर्देशांक सेन्सेक्स २८२८८ NSE निर्देशांक निफ्टी ८२६३ बँक निफ्टी २००८३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १७ मार्च २०२०

आज क्रूड US $ २९.८१ प्रती बॅरल ते US $ ३०.६८ प्रती बॅरल या दरम्यान तर रुपया US $१=Rs ७३.९५ ते US $१=Rs ७४.२१ या दरम्यान होते. US $ निर्देशांक ९८.६० तर VIX ६१.७८ होता.

श्रीलंका, दुबई या देशांनी बाहेरील देशातून येणाऱ्या विमानांना बंदी घातली. दिवसेंदिवस वाढणाऱ्या कोरोना व्हायरसच्या प्रादुर्भावामुळे जगात सर्वत्र घबराट आणि भीती पसरली आहे. प्रत्येक देश आपल्या देशातील या कोरोना व्हायरसचा प्रादुर्भाव कमी करण्यासाठी आटोकाट प्रयत्न करत आहे.

भारत सरकारने अफगाणिस्थान, मलेशिया, थायलंड, फिलिपाइन्स या देशातून येणाऱ्या प्रवाशांवर बंदी घातली.

सन फार्मा ही कंपनी Rs ४२५ प्रती शेअर्स या भावाने ४ कोटी शेअर्स बायबॅक करण्यासाठी Rs १७०० कोटी खर्च करेल.
मूडीज या रेटिंग एजन्सीने येस बँकेचे रेटिंग पॉझिटिव्ह केले.

CCI ने ग्रासिमला Rs ३०२ कोटींचा दंड केला.

आयात मांस आणी डेअरी प्रॉडक्टसची FSSAI जास्त कसून तपासणी करेल. आयात फ्रोझन मांस आणि डेअरी प्रॉडक्टस आधी शिजवून मगच खावीत. यामुळे वेंकीज अवंती फीड्स सारख्या कंपन्यांवर परिणाम होईल.

डेल्टा कॉर्पचा सिक्कीममधील कॅसिनो कोरोना व्हायरसच्या कारणामुळे १५ एप्रिलपर्यंत बंद ठेवण्यात येईल.

LIC येस बँकेमध्ये Rs १० प्रती शेअर या भावाने १.३५ कोटी शेअर्स खरेदी करेल. आता LIC चा येस बँकेत ८.०६% स्टेक आहे. हे शेअर्स खरेदी केल्यावरही LIC चा येस बँकेमधील स्टेक १०% पेक्षा कमी राहील.

ब्ल्यू स्टार या कंपनीने आपला FY २१ साठी गायडन्स १५% ते २०% वरून १०% ते १५% केला.

सरकार डोमेस्टिक विमान वाहतूक करणाऱ्या कंपन्यांना ATC आणि एअरोनॉटिकल चार्जेस आणि जेट फ्युएल टॅक्समध्ये सूट देण्याची शक्यता आहे.

IT क्षेत्रातील कंपन्यांसाठी FY २१ जिकिरीचे असण्याची शक्यता आहे. US $ ३०० कोटीच्या आऊटसोअर्सिंग ऑर्डर्स स्थगित होऊ शकतात ऑपरेटिंग मार्जिनवर परिणाम होईल. त्यामुळे खरे पाहता Rs चा विनिमय दर US $ १=Rs ७४ च्या खाली गेल्याचा फायदा  IT कंपन्यांना मिळत नाही असे दिसते. कोरोनाच्या धक्क्यातून सावरायला या कंपन्यांना FY २१ ची तिसरी तिमाही एवढा वेळ लागेल.

आज मार्केटमध्ये VIX ६१.७८ होते. त्यामुळे मार्केटमध्ये वाइल्ड स्विंग येत होते. पण प्रत्येक स्विंगनंतर मार्केट मात्र खाली खाली जात होते. अखेर निफ्टी ९००० च्या खाली गेला. बँक निफ्टीमध्येही २२१५५ ची पातळी गाठली. मार्केटच्या या गनिमी काव्याचा सामना करणे फार कठीण आहे. कधी तेजी आणि कधी मंदी मार्केटचा ताबा आळीपाळीने घेत होत्या.

ONGC ने आज Rs ५ प्रती शेअर अंतरिम लाभांश जाहीर केला.

BSE निर्देशांक सेन्सेक्स ३०५७९ NSE निर्देशांक निफ्टी ८९६७ बँक निफ्टी २२१५५ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!