Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३० एप्रिल २०२०

आज क्रूड US $ २३.९१ प्रती बॅरल ते US $ २४.९५ प्रती बॅरल या दरम्यान तर रुपया US $१=Rs ७४.९७ ते US $१=Rs ७५.६८ या दरम्यान तर US $ निर्देशांक ९९.६० आणि VIX ३३.५० होती..

USA मध्ये क्रूडचे उत्पादन कमी झाले आहे. रशियाने सुद्धा उत्पादनात १३% कपात केली आहे. त्यामुळे आणि काही देशात अर्थव्यवस्था ओपन होत असल्यामुळे क्रुडमध्ये तेजी आली.

GILEAD सायन्सेस या कंपनीने ‘REMDESIVIR’ च्या ट्रायलचे रिझल्ट सकारात्मक आले असे सांगितले. अँटीव्हायरस औषधाच्या (API आणि फॉर्म्युलेशन) च्या क्लिनिकल ट्रायलला DGCA ने परवानगी दिली.ग्लेनमार्क फार्मा, सिप्ला, DR रेड्डीज यांनी GILEAD सायन्सेस बरोबर ‘REMDESIVIR’ या औषधाच्या जनरिक व्हर्जनसाठी करार केला.
ल्युपिनच्या पीठमपुर प्लांटसाठी USFDA ने VAI स्टेटस दिला.

टाटा मोटर्स च्या JLR च्या उत्पादनात चीनमध्ये ७५% सुधारणा झाली. आज टाटा मोटर्सला २०% चे अपर सर्किट लागले.
बँकांच्या बाबतीत प्रमोटर्स होल्डिंग नॉर्म्सच्या संबंधित नियमात RBI सवलत देण्याची शक्यता आहे. याचा परिणाम कोटक महिंद्रा बँक आणि बंधन बँक या दोन बँकांवर होईल.

M & M फायनान्स ने त्यांचा AMC बिझिनेस विकण्याची तयारी सुरु केली आहे.

स्ट्राईड फार्माने ‘FAVIPIRAVIR’ टॅब्लेट्स डेव्हलप केल्या आहेत आणि आता ग्लोबल मार्केटमध्ये लाँच करत आहे. यामुळे COVID १९ च्या आजाराचा काळ कमी होतो आणि फुफ्फुसांच्या परिस्थितीत सुधारणा होते.

SIDBI ने ५ कोटींपेक्षा कमी कर्ज घेतलेल्या MSME साठी इमर्जन्सी क्रेडिट लाईनचा प्लान तयार केला आहे. वर्किंग कॅपिटल लोनच्या १०% ते १५% रक्कम इमर्जन्सी लोन म्हणून दिली जाईल. या इमर्जन्सी लोनचा उपयोग कर्मचारी आणि कामगारांचा पगार देण्याकरता करावा लागेल. या लोनसाठी सरकार गॅरंटी देईल.

कॅडीला हेल्थकेअरच्या बोर्ड ऑफ डायरेक्टर्सने WINDLAS हेल्थकेअरमधील ४९ % स्टेक विकायला परवानगी दिली.
स्पाईस जेट या कंपनीने सांगितले की ते कोणत्याही कामगाराला नोकरीवरून काढणार नाहीत. सर्व कामगारांना अंशतः पगाराचे पेमेंट केले जाईल.

हिरो मोटो कॉर्प या कंपनीने आपल्या डिलर्ससाठी एक रिलीफ पॅकेज तयार केले आहे.

जस्ट डायल या कंपनीने जास्तीतजास्त Rs ७०० प्रती शेअर या भावाने Rs २२० कोटींचा शेअर बायबॅक जाहीर केला.
LAURAS लॅबचे चौथ्या तिमाहीचे निकाल आले. विक्री Rs ८४० कोटी ( Rs ६६० कोटी) तर प्रॉफिट Rs ११० कोटी ( Rs ४३.१०) कोटी होते. LAURAS लॅबने आपल्या १ शेअर्सचे विभाजन ५ शेअर्समध्ये करायला मंजुरी दिली.  आज ONGC आणि HCL TECH या कंपन्यांच्या शेअर्सना १०% चे अपर सर्किट लागले.

आज HUL या कंपनीचे चौथ्या तिमाहीचे निकाल आले. प्रॉफिट Rs १५१९ कोटी झाले. रेव्हेन्यू Rs ९९४५ कोटीवरून Rs ९०११ कोटी झाले. EBIT Rs २३२१ कोटींवरून Rs २०६५ कोटी एवढे झाले. EBIT मार्जिन २३.३% वरून २२.९% एवढे झाले( YOY) .

टेक महिंद्रा चे इन्कम Rs ९४९० कोटी झाले. US $ इन्कम US $ १२९.४६ कोटी झाले. प्रॉफिट Rs ८०३.४६ कोटी झाले EBIT मार्जिन १०% होते. ऍट्रीशन रेट १०% कंपनीने Rs ५ प्रती शेअर लाभांश जाहीर केला.

रिलायन्स इंडस्ट्रीज लिमिटेड चे चौथ्या तिमाहीचे निकाल आले. कंपनीने तुमच्याजवळ असलेल्या १५ शेअर्समागे १ राईट्स शेअर या प्रमाणात Rs १२५७ प्रति शेअर या भावाने Rs ५४००० कोटींचा राईट्स इशू जाहीर केला. कंपनीने Rs ६.५० प्रती शेअर लाभांश जाहीर केला. कंपनीला Rs ४२६७ कोटी वन टाइम लॉस झाला. रिलायन्स जिओला फायदा Rs २३३१ कोटी झाला.उत्पन्न Rs १४८३५ कोटी. EBITDA Rs ६२०६ कोटी,EBITDA मार्जिन ४१.८% .होते. पेटकेम उत्पन्न कमी होऊन Rs ३२२०६ कोटी झाली. पेटकेम EBIT कमी होऊन Rs ४५५३ कोटी. मार्जिन १४.१ % राहिले. OIL आणि गॅस चे उत्पन्न कमी होऊन Rs ६२५ कोटी EBIT – Rs ४८५ कोटी, मार्जिन – ७७.६% राहिले रीफाईनिंग उत्पन्न कमी होऊन Rs ८४८५४ कोटी. EBIT Rs ५७०६ कोटी. रिलायन्स इंडस्ट्रीजचा कन्सॉलिडिटेड नफा Rs ६३४८ कोटी, सेल्स Rs १.३६ लाख कोटी, EBITDA Rs २१७८२ कोटी, मार्जिन १६% राहिले.अडजस्टेड प्रॉफिट Rs १०६१५ कोटी. रिलायन्स रिटेल उत्पन्न कमी होऊन Rs ३८२११ कोटी, EBIT Rs २०६२ कोटी, EBIT मार्जिन ५.४% अन्य उत्पन्न Rs ४१३३ कोटी. GRM कमी होऊन US $ ८.९ /बॅरल.

आज मार्केटमध्ये तेजी टिकून राहिली आणि तेजीचा ट्रेंड मजबूत होता. आज एप्रिल एक्स्पायरी मार्केटने चांगली साजरी केली. BSE निर्देशांक सेन्सेक्स ३३७१७ NSE निर्देशांक निफ्टी ९८५९ बँक निफ्टी २१५३४ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २९ एप्रिल २०२०

आज क्रूड US $ २०.७१ प्रती बॅरल ते US $ २१.४७ प्रति बॅरल या दरम्यान तर रुपया US $१= ७५.६९ ते US $१= Rs ७६.१९ या दरम्यान होते. US $ निर्देशांक ९९.६६ तर VIX ३३.३५ होते.

USA चे GDP चे आकडे आज येणार आहेत. फेडची बैठकही चालू आहे. आज मार्केट बुल्सच्या ताब्यात होते. बजाज फायनान्स, बजाज फिनसर्व, HDFC आणि HDFC बँक वाढत होते. ओळींने तिसऱ्या दिवशी रुपयाची घसरण कमी झाली. निफ्टीने ९३५०- ९४०० चा रेझिस्टन्स पार केला. आता मार्केट कदाचित ९८०० चा टप्पा गाठू शकेल.

ऍक्सिस बँकेचा निकाल पाहिल्यास चौथ्या तिमाहीचा निकाल चांगला होता. पण YOY तुलना केल्यास रिझल्ट थोडा असमाधानकारक वाटतो.

फर्टिलायझर डिपार्टमेंटने जी आकडेवारी जाहीर केली त्यानुसार खताच्या खरेदीमध्ये ४६% ची वाढ झालेली दिसून येते. फर्टिलायझर कंपन्यांचा फायदा वाढतो आहे. क्रूड, पेट्रो प्रॉडक्ट्स आणि गॅसच्या किमती कमी होत आहेत.

प्रत्येकाच्या मनात लॉकडाऊनची मुदत वाढणार आहे अशी भीती आहे. यामुळे लोक अत्यावश्यक गोष्टी खरेदी करून त्यांचा साठा करत आहेत. सुगीचा हंगाम आहे. खरेदी करण्यासाठी घरातून आपण काही घेऊन जात नाही. त्यामुळे पॅकिंग मटेरियल उत्पादन करणाऱ्या कंपन्यांचे शेअर्स वाढत होते. कोरोना संकटामुळे कोणतेही सामान पॅकिंगशिवाय विकायचे नाही असा कायदा केला आहे. त्यामुळे पॅकिंग मटेरियल तयार करणाऱ्या कंपन्यांचा फायदा होईल. उदा :- पॉलिप्लेक्स, एस्सेल प्रोपॅक, कानपुर प्लॅस्टिपॅक, लुडलो ज्यूट, हिंदुस्थान टिन, टिनप्लेट, CHEVIOT, ग्लॉस्टर, जिंदाल पॉली, युफ्लेक्स, कॉस्मो फिल्म्स, मोल्डट्रेक,

GSK कंझ्युमरचा HUL मध्ये ५.७% स्टेक आहे. याची किंमत US $३.७ बिलियन किंवा Rs २८००० कोटी आहे. हा स्टेक GSK कन्झ्युमर विकण्याच्या विचारात आहे.

PCR १.४६ आहे पण उद्या एक्सपायरी असल्यामुळे ऑप्शनमध्ये ऍक्टिव्हिटी खूप असते. VIX ७० च्या जवळ होता तेव्हा मार्केट्मध्ये २००० पाईण्टचे अपवर्ड आणि डाउनवर्ड स्विंग येत होते. आता VIX जसजसा कमी होऊ लागला आहे (आज ३३ होता) तसतसे हे अपवर्ड आणि डाउनवर्ड स्विंग हजार पाईंट ऐवजी शतकाच्या हिशेबात असतील. म्हणजे रस्त्यात खड्डे खूप असले आणि ते खोलवर असतील तर वाहनांना गचके खूप जोरदार बसतात जणू हाडे मोडल्यासारखे वाटते. पण खड्डे बुजवल्यावर गचके तेवढ्या प्रमाणावर बसत नाहीत. VIX ची संकल्पना या पद्धतीने समजावून घ्या.

सरकार REC आणि PFC मार्फत डिस्कॉम कंपन्यांना Rs ८८००० कोटींचे कर्ज देण्याची शक्यता आहे. NTPC, CESC, JSW एनर्जीला फायदा होईल.

ल्युपिनच्या ‘BROVANA’ च्या जनरिक व्हर्शनला USFDA ने मंजुरी दिली.

आज हेक्झावेअर या कंपनीचे चौथ्या तिमाहीचे निकाल आले. प्रॉफिट Rs १७४.०९ कोटी, उत्पन्न Rs १५४१.८० कोटी झाले. EBIT मार्जिन ११.८% होते. हे निकाल समाधानकारक असल्यामुळे शेअरमध्ये तेजी आली.

हेस्टर बायोसायन्स ह्या कंपनीने IIT गौहत्तीबरोबर COVID १९ साठी लस बनवण्यासाठी १५/०४/२०२० रोजी करार केला.ही बातमी येताच हेस्टर बायोसायन्सेसच्या शेअरला २०% चे अपर सर्किट लागले. ही स्मॉल कॅप कंपनी आहे. २०२० च्या अखेरीस ही लस प्राण्यांवर टेस्ट करण्यासाठी तयार असेल. सध्या ही कंपनी प्राणी आणि पोल्ट्रीसाठी लस बनवण्याचे काम करते. EPS Rs ४२.५९ तर बुकव्हॅल्यू Rs २१३ आहे. P /E रेशियो ३२ आहे. DEBT/इक्विटी रेशियो ०.५० आहे P /B ६.४१ आहे. दर्शनी किंमत Rs १० आहे. ५२ वीक हाय Rs २०४४ आणि ५२ वीक लो Rs ८७० आहे.

उद्या रिलायन्स इंडस्ट्रीज लिमिटेड आपले निकाल जाहीर करेल. तसेच लाभांश आणि राईट्स इशू विषयीही घोषणा करेल. आपण या शेअरवर लक्ष ठेवावे.

BSE निर्देशांक सेन्सेक्स ३२७२० NSE निर्देशांक निफ्टी ९५५३, बँक निफ्टी २१०९० वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २८ एप्रिल २०२०

आज क्रूड US $ १८.९१ प्रती बॅरल ते US $ २०.८० प्रती बॅरल या दरम्यान तर रुपया US $१= Rs ७६.१९ ते US $१= Rs ७६.३८ या दरम्यान होते. US $ निर्देशांक १००.१४ तर VIX ४०.४० होते. दिवस अखेरीस VIX ३५ झाले होते.

ADB (एशियन डेव्हलपमेंट बँक) ने भारतासाठी US $ १५० कोटींचे कर्ज कोरोना व्हायरस बरोबरच्या लढाईत मदत म्हणून मंजूर केले.

डोमेस्टिक केमिकल उद्योगाला उत्तेजन देण्याचे सरकारने ठरवले आहे. चीनची अर्थव्यवस्था सुरु झाल्यामुळे तेथून केमिकल्सची आयात वाढण्याची शक्यता आहे. अशा स्थितीत स्वदेशी कंपन्या चिनी कंपन्यांशी स्पर्धा करू शकणार नाहीत. सरकार १५% पर्यंत अतिरिक्त इम्पोर्ट ड्युटी लावणार आहे. ज्या कंपन्या केमिकल्सची निर्यात करतात त्यांना लावले जाणाऱ्या टॅक्सची रक्कम रिफंड केली जाईल. सरकारच्या या निर्णयाचा फायदा नोसिल, हिमाद्री केमिकल्स,IOL , सुमिमोटो केमिकल्स थिरुमलाई केमिकल्स, नॅशनल पेरॉकसाईड, गॅलॅक्सी सर्फेक्टंटस, अक्षर केमिकल्स, सुदर्शन केमिकल्स, SRF, PI इंडस्ट्रीज, नवीन फ्ल्युओरीन विनती ऑर्गनिक्स, गुजरात अल्कली या कंपन्यांना होईल.

ऍक्सिस बँकेच्या बोर्ड ऑफ डायरेक्टर्सने मॅक्स लाईफमध्ये २९% स्टेक घेण्यासाठी मंजुरी दिली.

JK पेपर्सने Rs १३० जास्तीतजास्त प्रती शेअर किमतीला Rs १०० कोटींचा शेअर बायबॅक जाहीर केला. यामुळे JK पेपर्सच्या शेअर मध्ये तेजी आली.

३० एप्रिल २०२० रोजी रिलायन्स इंडस्ट्रीज लिमिटेडची बोर्ड ऑफ डायरेक्टर्सची बैठक आहे. या बैठकीत लाभांश जाहीर करणे, राईट्स इशू या दोन गोष्टींवर विचार केला जाईल. जर RIL ने राईट्स इशू जाहीर केला तर हा राईट्स इशू ३० वर्षांनंतर आणलेला असेल. FMGC कंपन्यांची JIO मार्ट बरोबर ३ ते ४ महिन्यांसाठी डिस्ट्रिब्युशन करार करण्यासाठी बोलणी चालू आहेत. छोटी किराणा स्टोअर्स, छोट्या FMCG कंपन्या आणि MSME आणि SME कंपन्यांना प्लॅटफॉर्म उपलब्ध होईल.

आयशर मोटर्सला उत्पादन सुरु करण्यासाठी मध्यप्रदेश राज्य सरकारने मंजुरी दिली आहे. मन्नापुरम फायनान्स Rs ५०० कोटींचे NCD इशू करेल. अडानी पॉवर फायद्यातून तोट्यात गेली. अंबुजा सिमेंटचे निकाल चांगले आले. जस्ट डायल ही कंपनी शेअर बाय बॅक जाहीर करण्याची शक्यता आहे.

बेयर क्रॉप सायन्सेस या कंपनीने पुणेस्थित ऍग्रो स्टार या कंपनीबरोबर ( ऍग्रो स्टार ही कंपनी भारतभर डिजिटल ऍग्रो प्लॅटफॉर्मच्या माध्यमातून शेतकऱ्यांकडे होम डिलिव्हरी करते) सीड्स आणि क्रॉप प्रोटेक्शन प्रोडक्टसच्या होम डिलिव्हरीसाठी करार केला. यामुळे शेतकऱयांची लॉकडाऊनच्या काळात सोय होईल.

बेयर क्रॉप सायन्स ही(जर्मन कंपनीची सब्सिडीयरी) जगात पीक संरक्षण, पेस्ट कंट्रोल, सीड्स आणि प्लांट बायोटेक्नॉलॉजी या क्षेत्रात अग्रेसर आहे. ही कंपनी फंगीसाईड्स, इन्सेक्टीसाईड्स, हरमिसाईड्स विकसित करून त्यांची विक्री करते. या कंपनीचे गुजरातमध्ये अंकलेश्वर आणि हिम्मत नगर येथे प्लांट आहेत. बेयरक्रॉप सायन्सेस या कंपनीचा EPS Rs ६९.२० आहे. बुक व्हॅल्यू Rs ५४८.५६ आहे. P /B ७.९८ आहे ही एक ‘नो DEBT’ कंपनी आहे. ५२ वीक हाय Rs ४६६० असून ५२ वीक लो Rs २९५२ आहे.

आज अतुल लिमिटेड या कंपनीचे चौथ्या तिमाहीचे निकाल आले. प्रॉफिट Rs ११२ कोटींवरून Rs १४० कोटी झाले. इनकम Rs ९७० कोटी झाले. या शेअरमध्ये आज तेजी होती.

ऍक्सिस बँकेचे चौथ्या तिमाहीचे निकाल आले. नेट लॉस Rs १३८८ कोटी. प्रोव्हिजन्स Rs ७७३० कोटी ( लक्षणीय वाढ) GNPA ४.८६% ( ५.२६%) होते.NNPA १.५६% ( २.०६% होते.) NII १९% (YOY ) वाढून Rs ६८०८ कोटी झाले. NIM ३.५५% होते. फ्रेश SLIPEJIS Rs ३९२० कोटी ( Rs ३०१२ कोटी) होते.

आज BSE निर्देशांक सेन्सेक्स ३२११४ NSE निर्देशांक निफ्टी ९३८० बँक निफ्टी २०६७१ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २७ एप्रिल २०२०

आज क्रूड US $ २०.०६ प्रती बॅरल ते US$ २१.५० प्रती बॅरल या दरम्यान तर रुपया US$१=Rs ७६.१४ ते US $१= Rs ७६.२६ या दरम्यान होते. US $ निर्देशांक ९९.९४ तर VIX ३८.२६ होते.

आज माननीय पंतप्रधानांची विविध राज्यातल्या मुख्यमंत्र्यांबरोबर बैठक झाली. ग्रामीण क्षेत्रात जेथे कोरोनाचा प्रभाव अत्यल्प आहे किंवा अजिबात नाही तेथे कृषी संबंधित दुकाने उदा खते, बी बियाणे, शेतीची अवजारे, ट्रॅक्टर्स, अग्रोकेमिकल्स यांची दुकाने ओपन व्हायला सुरुवात झाली. पण सोशल डिस्टंसिंग आणि कोरोनासंबंधीत सर्व नियम पाळून ही दुकाने उघडता येतील.

आज RBI ने म्युच्युअल फंडांसाठी Rs ५०००० कोटींची स्पेशल लिक्विडीटी फॅसिलिटी जाहीर केली. ही फॅसिलिटी रेपोरेटवर २७ एप्रिल २०२० ते ११ मे २०२० पर्यंत किंवा फॅसिलिटीची रक्कम संपेपर्यंत उपलब्ध होईल. या मुळे मार्केटला फ्रँकलिन टेम्पल्टनने सहा स्कीम बंद केल्याच्या संकटातून दिलासा मिळाला. या बातमीनंतर HDFC AMCआणि इतर फंड मॅनेजमेंट कंपन्यांच्या शेअर्समध्ये तेजी आली. यामुळे NBFC शेअर्समध्येही तेजी आली.

आज RBI ने सांगितले की FY -२१ मध्ये फिस्कल डेफिसिट ३.५ च्या वर जाणे अटळ आहे. प्रत्यक्ष कर आणि GST कलेक्शन कमी होण्याची शक्यता व्यक्त केली.

SEBI ने ब्रोकर टर्नओव्हर फी, पब्लिक इशू, राईट्स इशू, आणि शेअर बाय बॅक इशू फाईल करण्यासाठी फी कमी केली.
आज इंडसइंड बँकेचे चौथ्या तिमाहीचे निकाल आले. प्रॉफिट १६% ने ( YOY ) कमी होऊन Rs ३०२ कोटी झाले. प्रोव्हिजन ५६%( YOY) ने वाढून Rs २४४० कोटी होत्या. NII ४४ % ( YOY) वाढून Rs ३२११ कोटी झाले.GNPA २.४५% होते.
HDFC लाईफने आपले चौथ्या तिमाहीचे निकाल जाहीर केले. प्रॉफिट १४.४% ने ( YOY) कमी होऊन Rs ३११ कोटी (Rs ३६४ कोटी) झाले. प्रीमियम इन्कम २.१% ने (YOY) वाढून Rs १०४६४ कोटी झाले. टोटल प्रीमियम १२% ने वाढला तर व्हॅल्यू ऑफ न्यू बिझिनेस २५% ने वाढली.

आज आंध्र राज्याच्या राज्य सरकारने वॉटर प्रोजेक्टसाठी Rs १२३०० कोटींच्या कामासाठी बोली मागवल्या या बोलीत अडानी इंटरप्रायझेस आणि NCC ह्या कंपन्या वेलस्पन ग्रुपच्या अधिपत्याखालील कन्सॉरशियममधून भाग घेतील.

सिगारेट विक्रीवर झालेल्या लॉकडाउनच्या परिणामामुळे ITC, गॉडफ्रे फिलिप्स, VST इंडस्ट्रीज यांच्या विक्रीवर परिणाम होईल.

माईंड ट्री या कंपनीचे ट्रॅव्हल आणि हॉटेल बिझिनेसशी संबंधित काम असल्यामुळे माईंड ट्रीच्या FY २१ च्या पहिल्या तिमाहीतील उत्पन्नावर परिणाम होईल.

HDFC ने रिलायन्स कॅपिटल्सची ६.४३ % ( २५.२७ कोटी शेअर्स) तारण म्हणून ठेवलेले शेअर्स अकवायर केले. त्याची व्हॅल्यू Rs २५२ कोटी होती.

इंडिया बुल्स हौसिंग फायनान्स Rs १००० कोटी, टाटा स्टील Rs ५००० कोटी तर IRB इन्फ्रा Rs २५०० कोटींचे NCD इशू करतील.

फायझर या कंपनीने ३१ मार्च २०२० रोजी संपलेल्या वर्षांसाठी Rs ३२० प्रती शेअर स्पेशल लाभांश जाहीर केला. ह्या लाभांशाची रेकॉर्ड डेट ८ मे २०२० असून १९ मे २०२० रोजी हा लाभांश आपल्या खात्यात जमा होईल. ही कंपनी उद्या आपले मार्च तिमाहीचे निकाल जाहीर करेल. फायझर ही आंतराष्ट्रीय कंपनी फार्मा क्षेत्रात काम करते. बुक व्हॅल्यू Rs ६५८ आहे P/B रेशियो ७.३७ तर P /E रेशियो ४३ आहे. EPS Rs ११२ आहे. ही ‘NO DEBT’ कंपनी आहे. ह्या शेअरचा ५२ वीक हाय Rs ४९२५ तर ५२ वीक लो Rs २७९२ आहे.

BEML ला कोल इंडिया कडून Rs ३०० कोटींची ऑर्डर मिळाली. यामुळे BEML च्या शेअरमध्ये तेजी आली.

JK पेपर या कंपनीच्या बोर्ड ऑफ डायरेक्टर्सची शेअर बायबॅकवर विचार करण्यासाठी उद्या २८ एप्रिल २०२० रोजी बैठक आहि.

TCS आता आपल्या “वर्क फ्रॉम होम” करणाऱ्या कर्मचाऱयांची संख्या ७५% करण्याचा विचार करत आहे. लो ATTRITION, हाय प्रॉडक्टिव्हिटी, क्लोज सुपरव्हिजनची जरुरी नाही , तसेच ऑफिस स्पेसची बचत, कर्मचाऱ्याच्या प्रवासातील वेळात आणि श्रमात बचत असे काही फायदे त्यांनी सांगितले.

BSE निर्देशांक सेन्सेक्स ३१७४३ NSE निर्देशांक निफ्टी ९२८२ बँक निफ्टी २००८१ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २४ एप्रिल २०२०

आज क्रूड US $ २०.८१ प्रती बॅरल ते US $ २२.८१ प्रती बॅरल या दरम्यान तर रुपया US $ १ = Rs ७६.२५ ते US $१=Rs ७६.४५ या दरम्यान होते. US $ निर्देशांक १००.७२ तर VIX ३९.४९ होते.

आज मार्केट मंदीमध्ये आणण्यात बजाज फायनान्स हा शेअर आघाडीवर होता. तर तेजीमध्ये ठेवण्याच्या प्रयत्नात रिलायन्स इंडस्ट्रीज लिमिटेड हा शेअर आघाडीवर होता. सकाळी उठल्याबरोबर एकच विचार मनांत असतो सरकारने रिलीफ पॅकेज जाहीर केले का? की कोरोनाचे संकट जगात अधिक गंभीर झाले? रोज नवा नवा अनुभव! आज फ्रँकलिन टेम्पल्टन म्युच्युअल फंडातील गोंधळाची बातमी आली. WHO (वर्ल्ड हेल्थ ऑर्गनायझेशन) नी सांगितले की ‘GILEAD’ या कंपनीच्या ‘REMDESIVIR’ या औषधाच्या ट्रायलचा उपयोग कोरोनाच्या ट्रीटमेंट मध्ये दिसत नाही

आज फ्रँकलिन टेम्पलटन फंड लिक्विडिटी कमी असल्याने आणि यिल्डमध्ये वाढ झाल्यामुळे अडचणीत आला. या फंडाने आपले FI (फ्रँकलिन इंडिया) F I लो ड्युरेशन, FI डायनामिक ACCRUAL, FI क्रेडिट रिस्क, FI शॉर्ट टर्म इन्कम प्लॅन, FI अल्ट्रा शॉर्ट बॉण्ड फंड, FI इन्कम ऑपॉर्च्युनिटीज फंड हे सहा ओपन एंडेड स्कीम क्रेडिट फंड, DEBT फंड, बंद केले. या फंडांसाठी आता मॅनेजमेंट चार्जेस लावले जाणार नाहीत असे जाहीर केले. या सहा फंडांमध्ये सर्व प्रकारचे व्यवहार बंद केले. या सहा फंडांमधील फंडातून गुंतवलेल्या Rs २८००० कोटींच्या ऍसेट संबंधित पेपर्स ऍडमिनिस्ट्रेटरकडे सोपवले जातील. नंतर ऍडमिनिस्ट्रेटर हे ऍसेट विकतील. या ऍसेटच्या विक्रीचे पैसे जसे टप्प्या टप्प्याने येत राहतील तसे गुंतवणूकदारांचे पैसे हप्त्या हप्त्याने परत केले जातील. DEBT फंडांना जास्त त्रास आहे. त्यामुळे कर्ज महाग होईल.
या फंडांमध्ये गुंतवलेल्या पेपर्सची गुणवत्ता चांगली नाही. चुकीच्या गुंतवणुकीमुळे ही परिस्थिती उद्भवली. ही कॉर्पोरेट गव्हर्नन्सची समस्या आहे असे तद्न्यांचे मत आहे. मार्च महिन्यात सुद्धा कर्ज घेऊनच लोकांचे पैसे द्यावे लागले होते. IL & FS पासून ते अडचणीत आहेत. FI ज्या गुंतवणुकीत पॆसा गुंतवला आहे ते पेपर्स विकून पैसे सध्या उभे करता येणार नाहीत. FI रिस्क जास्त घेतात अणे लिक्विडीटी कमी ठेवत असल्याची शक्यता आहे असे तज्ञाचे मत आहे. FI नी ६ स्कीम बंद केल्यामुळे त्याचा स्पिल ओव्हर परिणाम इतर फंडांवर तसेच ज्या कंपन्यांचे या स्कीम्सना एक्स्पोजर आहे त्यांच्यावर होण्याचा संभव आहे. पिरामल इंटरप्रायझेसचे FI मध्ये Rs १८७५ कोटींचे एक्स्पोजर आहे. एस्सेल ग्रुप
दक्षिण आफ्रिकेतील मँगेनीजच्या खाणी बंद झाल्या आहेत. त्यामुळे तेथून होणारी निर्यात कमी झालेली आहे /थांबली आहे. MOIL या कंपनीकडे सध्या ९ खाणींची लीज आहे.

सरकार बॉकसाइट वर १५% ड्युटी, आयर्न ओअरवर ३०% ड्युटी लावते. कंपन्यांनी ही स्टॅटयूटरी ड्युटी १२ महिन्यांसाठी स्थगित ठेवावी असे सरकारला निवेदन केले आहे. कारण बाकीच्या देशात अशी ड्युटी लावली जात नाही. त्यामुळे लेव्हल प्लेईन्ग फिल्ड मिळत नाही. आम्ही जागतिक स्पर्धेत टिकाव धरू शकत नाही. या संबंधित शेअर्स :- NMDC, GMDC, MOIL, NALKO, NELCO, हिंदुस्थान झिंक.

प्लायवूड इंडस्ट्रीने असे निवेदन केले आहे की प्लायचे व्हिएतनाम, मलेशिया, थायलंड, इंडोनेशिया या देशातून डंपिंग होत आहे. सरकार प्लायवर ऍन्टीडम्पिंग ड्युटी लावण्याची शक्यता पडताळून पाहत आहे. या ड्युटीचा फायदा सेंच्युरी प्लाय, ग्रीन लॅम, STYLAM, अर्चिड प्लाय या कंपन्यांना होईल.

RBI लिक्विडीटी विंडो सुरु करणार आहे. DEBT रिडम्प्शन फंडांवर जे प्रेशर येईल ते कमी व्हावे म्हणून ही योजना आहे. म्युच्युअल फंडांना शॉर्ट टर्म अडचणी दूर करण्यासाठी मदत मिळेल. याचा फायदा निपॉन लाईफ, HDFC AMC यांना होईल.

RBI लवकरच Rs १०००० कोटींचे ‘ऑपरेशन ट्विस्ट’ करेल. बॉण्ड यिल्ड कमी करणे हा या ऑपरेशनचा उद्देश असेल. RBI ने ०.७५% रेटकट करूनही बॉण्ड यिल्डवर फारसा परिणाम झाला नाही. RBI ६ ते १० वर्ष मुदतीचे Rs १०००० कोटींचे सरकारी कर्जरोखे खरेदी करणार आहे. आणि जून २०२० आणि एप्रिल २०२१ मध्ये मॅच्युअर होणारे बॉण्ड्स विकणार आहे. सोमवारी म्हणजे २७ एप्रिल २०२० ला हे ऑपरेशन होईल. या आधी RBI ने हे ‘ऑपरेशन ट्विस्ट’ २७ मार्च २०२० रोजी केले होते. लिक्विडीटी वाढूनही बॉण्ड यिल्ड कमी होत नसेल तर असा प्रयोग करतात. २००८ मध्येही हा प्रयोग केला होता.
TLTRO ला चांगला प्रतिसाद मिळाला नाही. बँकांकडे लिक्विडीटी आहे पण बँका NBFC आणि मायक्रो फायनान्स कंपन्यांना कर्ज देण्यास तयार नाहीत. त्यांच्या मते यांच्याकडे तारण म्हणून चांगल्या गुणवत्तेचे ऍसेट्स नाहीत/ कमी आहेत. FI चे स्कीम बंद करणे आणि TLTRO ला मिळालेला थंडा प्रतिसाद यांचा परिणाम NBFC वर होईल . उदा बजाज फायनान्स, L & T फायनान्स, श्रीराम ट्रान्सपोर्ट फायनान्स.

मार्चमध्ये विमाकंपन्यांचे प्रीमियम कलेक्शन खूपच कमी झाले. याचा परिणाम HDFC लाईफ, SBI लाईफ ICICI लोम्बार्ड यांच्यावर होईल

नेस्ले ने सांगितले की दक्षिण एशियात त्यांची रेकॉर्ड सिंगल डिजिट ग्रोथ आहे. तसेच भारतातही चांगली ग्रोथ विशेषतः (NAN, मॅगी, KITKAT या ब्रँडमध्ये) आहे.

सरकारच्या रिलीफ पॅकेजची दिवसभर वाट पाहून थकलेल्या ट्रेडर्स आणि गुंतवणूकदारांनी मार्केट संपता संपता प्रॉफिट बुकिंग केले. बँक नीफटीमध्ये भारी प्रॉफिट बुकिंग झाले.

माइंड ट्री या कंपनीचे चौथ्या तिमाहीचे निकाल चांगले आले.

इंडसइंड बँक आपले चौथ्या तिमाहीचे निकाल सोमवार २७ एप्रिल २०२० रोजी जाहीर करेल.

BSE निर्देशांक सेन्सेक्स ३१३२७ NSE निर्देशांक निफ्टी ९१५४ बँक निफ्टी १९५८६ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २३ एप्रिल २०२०

आज क्रूड US $ २०.५९ प्रती बॅरल ते US $ २२.८९ प्रती बॅरल या दरम्यान तर रुपया US $१= Rs ७६.०७ ते US $१= Rs ७६.२३ या दरम्यान होते. US $ निर्देशांक १००.३८ तर VIX ३९.४९ होता.

UK मध्ये ऑक्सफर्ड युनिव्हर्सिटीमध्ये कोरोना व्हायरससाठी प्रतिबंधक लस शोधण्यात यश मिळाले असा दावा करण्यात आला आहे . ही लस सप्टेंबर २०२० मध्ये सर्वांसाठी उपलब्ध होईल. UK ने या लसीसाठी GBP २० मिलियनचे पॅकेज मंजूर केले आहे.

१ मे २०२० पासून ओपेक+ आपल्या उत्पादनात कपात करण्याची शक्यता आहे त्यामुळे आज क्रूडचे दर थोडे सुधारले. सर्व देशातील स्टोअरेज क्षमता पूर्ण होत आली आहे. त्यामुळे काल क्रूडचे विशेषतः WTI क्रूडचे दर निगेटिव्ह झाले होते.  फीच या रेटिंग एजन्सीने ग्लोबल ग्रोथचे अनुमान -१.९% वरून -३.९% एवढे कमी केले.

USA मध्ये बहुतांश राज्यात अर्थव्यवस्था लवकरच ओपन होण्याची शक्यता वर्तवली जात आहे . USA सरकारनी US $ ५०० बिलियनचे पॅकेज स्माल इंडस्ट्रीजसाठी जाहीर केले इटली,जर्मनी, स्पेन, फ्रांस येथील नवीन कोरोना रुग्णाचे प्रमाण कमी झाले.

सरकारने पोटासींक आणि फॉस्फेटिक खतांवरील सब्सिडीत ५% ते ७% वाढ केली. RCF, UPL , टाटा केमिक्लस या शेअर्समध्ये तेजी होती.

वोडाफोन PLC ने वोडाफोन आयडियाला Rs १५३० कोटी ( US $ २० कोटी) दिले. त्यामुळे या कंपनीला लोन देणार्या IDFC १ ST या बँकेच्या शेअरमध्ये तेजी आली.

दक्षिण भारत आणि आसाममध्ये चहाचे लिलाव सुरु झाले. चहाचे लिलाव २०% जास्त भावाने होत आहेत. त्यामुळे गुडरीक, जयश्री टी, टाटा कन्झ्युमर प्रॉडक्ट्स या शेअर्समध्ये तेजी होती.

अशोक लेलँड आपल्या अलवार, भंडारा, पंतनगर प्लान्टमध्ये काम सुरु करणार. तानला सोल्युशन्स ही कंपनी Rs ८१ प्रती शेअर या भावाने शेअर बायबॅकवर Rs १५४ कोटी खर्च करेल .

चीनमधून स्पेशालिटी केमिकल्सचे उत्पादन भारतात शिफ्ट होण्याची शक्यता आहे. कारण इतर देश चीनमधून ही स्पेशालिटी केमिकल्स आयात करण्यासाठी टाळाटाळ करत आहेत. PI इंडस्ट्रीज, SRF, नवीन फ्ल्युओरीन, आरती इंडस्ट्रीज, दीपक नायट्रेट, सुदर्शन केमिकल्स, गुजरात अल्कलीज या शेअर्समधी आज तेजी होती.

टायटन चष्मे, घड्याळे आणि जडजवाहीर इत्यादी डिस्क्रिशनरी खर्चाचे आयटम विकते. जडजवाहिरांची विक्री विवाहसंबंधीत ८०% असते बाकी २०% डिस्क्रिशनरी स्पेंडिंग आयटेम्समध्ये मोडते. नोकरी, उत्पन्न यातील अनिश्चिततेमुळे लॉकडाऊनमध्ये डिस्क्रिशनरी स्पेंडिंग पुढे ढकलले जाण्याची शक्यता आहे. तसेच लॉकडाऊन दरम्यान विवाह समारंभ, तसेच इतर समारंभांवर बंदी असल्याने, आणि जडजवाहीर हे मुख्यतः स्वतः दुकानात जाऊन, पसंद करून, खरेदी करण्याची लोकांना सवय असल्यामुळे टायटनच्या विक्रीत घट होण्याची शक्यता आहे. रेटिंग एजन्सीने टायटनचे टार्गेट कमी केले. त्यामुळे शेअरमध्ये मंदी आली. या शेअरचा ५२ वीक हाय Rs १३८९ तर ५२ वीक लो Rs ७२० आहे.

सरकार हॉटेल्स आणि रिअल इस्टेट क्षेत्राला काही सवलतींचे पॅकेज देणार आहे . त्यामुळे या क्षेत्रात तेजी आली. रॉयल ऑर्चिड, इंडियन हॉटेल्स, ताज GVK अजमेरा रिअल्टीज, ब्रिगेड.

लॉकडाऊन उठल्यावर सरकारकडून पेट्रोल आणि डिझेल वरील EXCISE ड्युटीचे परीक्षण केले जाईल. सरकार क्रूडच्या किमतीवर बारकाईने लक्ष ठेवून आहे. खप कमी होत आहे म्हणून EXCISE ड्युटीमध्ये वाढ केली जाणार नाही. फ्युएल प्रॉडक्ट्सवरील EXCISE ड्युटीसंबंधित धोरणांतर्गत निर्णय घेतले जातील.

युनिलिव्हर या कंपनीने २०२० साठी ग्रोथ मार्जिन यासाठी गायडन्स देण्याचे टाळले. त्यामुळे HUL च्या शेअरमध्ये मंदी आली.

फेडरल बँक ( ३० कोटी शेअरपैकी ५.८६ कोटी), कोटक महिंद्रा बँक ( ५० कोटी शेअरपैकी ४.७५ कोटी) आणि IDFC १ST( २५ कोटी शेअरपैकी ४.०३ कोटी) या बँकांनी येस बँकेतील स्टेक विकला. त्यांच्याकडे असलेले बाकी शेअर्स तीन वर्षांकरता लॉक डाऊन झाले

RBI सरकारी सिक्युरिटीजमध्ये Rs १०००० कोटींचे OMO (ओपन मार्केट ऑपरेशन) करेल. RBI च्या TLTRO ऑपरेशनला बँकांकडून थंडा प्रतिसाद मिळाला.

भारती इंफ्राटेलचा, अलेम्बिक फार्मा, टी व्ही १८ ब्रॉडकास्ट, नेटवर्क १८ यांचे चौथ्या तिमाहीचा निकाल ठीक आला.
ब्रिटानियाने Rs ३५ प्रती शेअर अंतरिम लाभांश जाहीर केला.

आज पासून MCX ने आपला ट्रेडिंगचा टाइम पूर्ववत केला.

BSE निर्देशांक सेन्सेक्स ३१८६३ NSE निर्देशांक निफ्टी ९३१३ बँक निफ्टी २०२६७ वर बंद झाले

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २२ एप्रिल २०२०

आज क्रूड US $ १६.०३ प्रती बॅरल ते US $ १८.५२ प्रती बॅरल या दरम्यान तर रुपया US $१=Rs ७६.६७ ते US $१=Rs ७६.९३ या दरम्यान होते. US $ निर्देशांक १००.४० तर VIX ४२ होते.

आज क्रुडमध्ये जबरदस्त मंदी होती. इतकी की काही वेळेला भाव निगेटिव्ह झाला. स्टोअरेजचा प्रॉब्लेम असल्यामुळे मागणी कमी पण उत्पादन सुरु असल्यामुळे ही परिस्थिती ऊद्भवली.

आज रिलायन्स जिओ आणि फेसबुक यांच्यामध्ये करार झाला. या नुसार फेसबुक Rs ४३५७४ कोटींना रिलायन्समध्ये ९.९९% स्टेक खरेदी करणार आहे. रिलायन्स प्लॅटफॉर्मचे व्हॅल्युएशन Rs ४.६२ लाख कोटी झाले. जिओ प्लॅटफॉर्म्स, फेसबुक आणि व्हाट्सअप मध्ये करार झाला. या डीलमुळे रिलायन्सचा कर्जाचा बोजा कमी होईल. तद्न्यांच्या मते रिलायन्सचे प्रॉफिट दुप्पट होईल. क्रूडची किंमत कमी झाल्यामुळे आरामकोबरोबरचे डील होऊ शकले नाही. पण RIL आणि BP यांच्यातील डीलला युरोपियन युनियन कमिशनने मंजुरी दिली. त्यामुळे रिलायन्स आणि रिलायन्स ग्रुपच्या कंपन्या म्हणजेच डेन नेटवर्क्स, हाथवे केबल्स, RIIL, बालाजी टेली, टी व्ही १८ ब्रॉडकास्टींग, नेटवर्क १८ या कंपन्यांमध्ये तेजी आली. मुकेश अंबानी यांनी सांगितले की आम्ही पंतप्रधान मोदींचे डिजिटल इंडियाचे स्वप्न प्रत्यक्षात आणण्याचा प्रयत्न करू.

ACC चा चौथ्या तिमाहीचे निकाल अपेक्षेप्रमाणे चांगले आले. सरकारने सुद्धा सरकारी बांधकाम, रोहयो ची कामे सुरु केली आहेत. या शेअरमध्ये तेजी आली.

SBI लाईफ च्या शेअरमध्ये ४ मे २०२० पासून F & O मार्केटमध्ये ट्रेडिंग सुरु होईल. या शेअरमध्ये सुद्धा तेजी आली.

औरोबिंदो फार्माच्या युनिट नंबर IV ला USFDA ने VAI स्टॅटस दिला. येथे इंजेक्टिबल मॅन्युफॅक्चरिंग फॉर्म्युलेशन फॅसिलिटी आहे. त्यामुळे या शेअर्समध्ये तेजी आली.

इथेनॉलची किंमत Rs १० ने वाढवून Rs ५७ प्रती लिटर केली जाण्याची शक्यता आहे. यामुळे इंडिया ग्लायकोल, प्राज इंडस्ट्रीज या शेअर्समध्ये तेजी आली. तसेच साखर उत्पादक कारखान्यांच्या शेअर्स मधेही तेजी आली. कारण या कंपन्याही इथेनॉल बनवतात.

मारुतीला मानेसर प्लान्टमध्ये एका शिफ्टमध्ये काम सुरु करण्याची परवानगी मिळाली. ही बातमी आल्याबरोबर मुंजाल ऑटो, सिएट, JK टायर्स, अपोलो टायर्स, गुडइयर टायर्समध्ये तेजी आली.

आज पॉवर क्षेत्रातील कंपन्यांचे शेअर्स वाढत होते. लॉकडाऊनच्या काळात पॉवरचा खप सुरु आहे. PTC, कल्पतरू पॉवर, टाटा पॉवर,

SAIL या स्टील क्षेत्रातील सरकारनी कंपनीने आपल्या सर्व प्लांट आणि युनिट हेडना कळवले आहे की कॅश कलेक्शन खूप कमी झाले आहे. कंपनीला Rs ५२००० कोटींचे कर्ज झाले आहे. हे कर्ज अजून वाढण्याची शक्यता आहे. व्हेंडर्सना पेमेंट करण्यात अडचणी येत आहेत. त्यामुळे ज्या प्रोडक्टना मार्केट आहे त्याच प्रॉडक्टचे उत्पादन करावे.

इन्व्हर्टर बॅटरीची मागणी वाढेल या अपेक्षेने एक्साइडच्या शेअर्समध्ये तेजी आली. आज अमाईन्स उत्पादक कंपन्यांचे शेअर्स वाढत होते म्हणून दोन कंपन्यांची माहिती देत आहे –

बालाजी अमाईन्स ही कंपनी DMF, LMP, DMA अशी इंटर्मीडिएटस बनवते अँटीरेट्रोव्हायरल ड्रग्स , स्पेशालिटी केमिकल्स बनवते . क्रुड स्वस्त झालेल्याचा फायदा यांना होत आहे. कोरोनाच्या संकटामध्ये केमिकल्सची मागणी वाढली आहे. P / E रेशियो १०.९४, P / B ८.८५ , EPS ३०.९६ बुक व्हॅल्यू प्रती शेअर Rs १८२.७१ दर्शनी किंमत Rs २, ५२ वीक हाय Rs ४८६ ५२ वीक लो Rs २०४.

ALKYL AMINES ही कंपनी अमाईन्स, अमाईन्स डेरीव्हेटीव्ह्ज, स्पेशालिटी केमिकल्स बनवते. याचा उपयोग फार्मा अग्रोकेमिकल्स आणि रबर उद्योगात होतो. याचा ROE २४.११, P / B रेशियो ८.२९, डिव्हिडंड २०.६७% ,P /E रेशियो १८.४४ EPS ८३.३१ बुक व्हॅल्यू प्रती शेअर Rs १८५ ५२ वीक हाय Rs १८१०,५२ वीक लो Rs ६५३ दर्शनी किंमत Rs ५

BSE निर्देशांक सेन्सेक्स ३१३७९ NSE निर्देशांक निफ्टी ९१८७ बँक निफ्टी १९७०१ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २१ एप्रिल २०२०

आज क्रूड US $ १९.४९ प्रती बॅरल ते US $ २५.४२ प्रती बॅरल या दरम्यान तर रुपया US $१= Rs ७६.६३ ते US $१=Rs ७६.८३ या दरम्यान होते. US $ निर्देशांक १००.४५ तर VIX ४५.३५ होते.

USA चे अध्यक्ष ट्रम्प यांनी जाहीर केले की USA मध्ये इमिग्रेशनला तात्पुरती स्थगिती दिली. सिंगापूरमध्ये लॉकडाऊन १ जून पर्यंत वाढवले

आज क्रूड १८ वर्षांच्या किमान स्तरावर होते. स्टोअरेज स्पेस उपलब्ध नसल्यामुळे कोणी डिलिव्हरी घेण्यास तयार नाही. ब्रेंट क्रुडमध्ये एवढी समस्या नाही. MCX मध्ये एवढी गिरावट नाही.WTI (वेस्ट टेक्सास इंटरमिजिएट) मध्ये समस्या जास्त होती. न्यायमेक्स क्रूड -US $ १.८६ या भावावर चालू आहे. म्हणजे तुम्ही तेल घेऊन जा शिवाय तुम्हाला बक्षिशी मिळेल असा अर्थ होतो. ९०% जगामध्ये लॉकडाऊन असल्यामुळे क्रूडला मागणी नाही. वॉर्निंग दिली असतानाही क्रूड उत्पादक देश क्रूडचे उत्पादन कमी करण्यास तयार झाले नाहीत

UBS ने बजाज फायनान्सला डाऊनग्रेड केले Rs १६०० टार्गेट दिले. त्यामुळे हा शेअर पडला

सरकार साखर कारखान्यांना रिलीफ पॅकेज देण्याची शक्यता आहे. साखर उत्पादक कंपन्यांच्या सॉफ्ट लोनची मुदत एक वर्षापर्यंत वाढवली जाण्याची शक्यता आहे. साखर कारखान्यांचे कामकाज लॉकडाऊनमध्येही चालू होते. ह्या कंपन्या सॅनिटायझरचे उत्पादन जोमाने करत आहेत. त्यामुळे या कंपन्यांचे चौथ्या तिमाहीचे निकाल चांगले येण्याची शक्यता आहे. त्यामुळे साखर उत्पादक कंपन्यांच्या शेअर्समध्ये तेजी होती.

RIL आणि BP यांच्यातील जॉईंट व्हेंचर डीलला युरोपियन युनियन कमिशनने मंजुरी दिली. टाटा मोटर्सने कमर्शियल वाहनांचा वॉरंटी आणी सर्व्हिस पिरियड दोन महिन्यांनी वाढवला.  RBI नी पीक कर्जाच्या व्याजात सूट देण्याची मुदत वाढवली.  इंडिया बुल्स हौसिंग फायनान्स ला रक्क्म देण्यासाठी १९ मे २०२० पर्यंत मुदत वाढवून दिली. त्यामुळे शेअर्समधील मंदीला लगाम बसला. GIC या सिंगापूरमधील वेल्थ फंडाने बंधन बँकेतील आपला स्टेक १.१% वरून ४.४९% केला

सरकारकडून येणाऱ्या रिलीफ पॅकेजची वाट बघत असल्यामुळे मार्केट रोज वाढते आणि दिवसाच्या शेवटी प्रॉफिट बुकिंग होते.

सरकारने व्हाइट गुड्सच्या ऑनलाईन विक्रीला परवानगी दिली. IFB इंडस्ट्री याच व्यवसायात असल्यामुळे आणि सध्याच्या लॉकडाऊन च्या काळात या कंपनीच्या मालाला मागणी येण्याची शक्यता आहे. या कंपनीविषयी माहिती पुढीलप्रमाणे
IFB इंडस्ट्रीज ही कंपनी रेडी टू कुक, रेडी टू फ्राय ACQUA फीड्स,याची रूरल चेन AQUA शॉप्स या नावाने चालवते. ऑटोमोटिव्ह कॉम्पोनंट्स, सीटिंग सिस्टिम्स, डोअर सिस्टिम्स, फ्रंट लोड वॉशिंग मशिन्स, कटिंग एज होम आणी इंडस्ट्रियल अप्लायन्सेस, मायक्रोवेव्ह, ओव्हन, AC, डिश वॉशर्स बनवते. कंपनीच्या शेअर्सचा ५२ वीक्स हाय Rs १०४४ तर ५२ विक्स लो Rs २२४ होता. P /E रेशियो ३६.४९ P /B ३.०८ दर्शनी किंमत Rs १० EPS १२.९४ आणि बुक व्हॅल्यू प्रती शेअर Rs १५३ आहे. ही NO DEBT कंपनी आहे

BSE निर्देशांक सेन्सेक्स ३०६३६ NSE निर्देशांक निफ्टी ८९८१ बँक निफ्टी १९४०९ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २० एप्रिल २०२०

आज क्रूड US $ २६.९६ प्रती बॅरल ते US $ २७.७७ प्रती बॅरल तर रुपया US $१=Rs ७६.४३ ते US $१= ७६.६६ या दरम्यान होते. US $ निर्देशांक ९९.९५ तर VIX ४३.४० होते.

HDFC बँकेचे चौथ्या तिमाहीचे निकाल जाहीर झाले. प्रॉफिट १७.७२% वाढले. NII १६.१५ % ने वाढले. NIM ४.३% होते. डिपॉझिट २४% ने वाढले. NPA १२ बेसिस पाइंटने कमी झाले. CASA रेशियो ४२% होता. मार्च महिना खराब जाऊनही या बँकेचे चौथ्या तिमाहीचे निकाल खराब नाहीत. रेटिंग एजन्सीने टार्गेट कमी केलेले नाही. ओव्हरवेट, आउटपरफॉर्मर, बाय असे रेटिंग आहे. डिपॉझिट ग्रोथ, लोन र्ग्रोथ चांगली आहे. RBI च्या सर्क्युलरप्रमाणे बँकेने लाभांश जाहीर केला नाही.

२२ एप्रिल २०२० ला कोटक बँकेची बैठक आहे. QIP किंवा FPO यांच्या माध्यमातून इक्विटी कॅपिटल रेझ करणार आणि प्रमोटर्सचा हिस्सा कमी करणार आहेत. (QIP आणि FPO या बद्दलची खुलासेवार माहिती माझ्या मार्केट आणि मी या पुस्तकात दिली आहे.)

इन्फोसिसने आपले चौथ्या तिमाहीचे निकाल जाहीर केले. प्रॉफिट ६.१०%, Rs ४०७४ कोटींवरून Rs ४३२१ कोटी, रेव्हेन्यू ८% ने (YOY) . वाढला , ऑपरेटिंग मार्जिन २१.३% होते. सध्या परिस्थिती अस्थिर आणि अस्पष्ट असल्यामुळे इन्फोसिसने नेहेमीप्रमाणे गायडन्स दिला नाही. कंपनीने Rs ९.५० प्रती शेअर लाभांश जाहीर केला. कंपनीच्या बॅलन्सशीटमध्ये Rs २७३०० कोटी कॅश आहे. US $ १.६५ बिलियनची मोठी डील केली.

TVS मोटर्सने नॉर्टन मोटारसायकलचे अधिग्रहण केले.

जेव्हा आपले शेअर्स तारण ठेवून कर्ज घेतले जाते, जेव्हा कोणी प्रमोटर्सनी कंपनीचे शेअर्स तारण ठेवले अशी बातमी येते तेव्हा त्या शेअर्समध्ये मंदी येते. तारण म्हणून ठेवलेले शेअर्स सोडवले अशी बातमी येते तेव्हा शेअर्समध्ये तेजी येते. आज अडानी ग्रुपच्या प्रमोटर्सनी तारण ठेवलेले शेअर्स सोडवले अशी बातमी आली तेव्हा अडानी ग्रुपच्या सर्व शेअर्समध्ये तेजी आली.

इंडिगोने ३० मे २०२० पर्यंत विमानाची बुकिंग रद्द केली. त्यामुळे इंडिगोच्या शेअरमध्ये मंदी आली.

RCF ने ट्रॉम्बे प्लांटमध्ये अंशतः कामकाज सुरु केले. विनती ऑर्गनिक्सच्या महाराष्ट्रामधील दोन प्लांटमध्ये अंशतः काम सुरु केले. त्यामुळे या दोन शेअर्समध्ये तेजी आली.

जगात बहुतेक सर्व देशांमध्ये लॉकडाऊन असल्यामुळे क्रूडची मागणी कमी होत आहे. हळू हळू जशा देशांच्या अर्थव्यवस्था ओपन होत जातील तशीतशी क्रूडसाठी मागणी वाढत जाईल आणि क्रूडचे दर वाढत जातील.

RBI च्या MPC ( मॉनेटरी पॉलिसी कमिटी) ची बैठक ३ जून २०२० ते ५ जून २०२० रोजी होईल.

भारतातील छोट्या कंपन्या इतर देशांनी टेकओव्हर करू नयेत म्हणून भारत सरकारने ऑटोमॅटिक रूटने येणाऱ्या गुंतवणुकीसाठी सरकारची मंजुरी अनिवार्य केली.

निफ्टी १२२४७ वरून ७५११ पर्यंत म्हणजे ४७३६ पाईंट पडला.७५११ पासून ३८.२% एवढा रीट्रेस झाल्यास निफ्टीची ९३२० ते ९३६० च्या आसपास रेझिस्टन्स लेव्हल येते. शुक्रवारी तयार झालेला हँगिंग मन पॅटर्न सुद्धा हेच दर्शवतो. ३८.२% ही फिबोनासी ची महत्वाची लेव्हल आहे. मार्केट पडल्यानंतर ज्यांनी खरेदी केली त्याच्या दृष्टीने ही प्रॉफीट बुकिंगची चांगली संधी आहे.

OTPL आणि HLT या सिंगापूरस्थीत कंपन्यांना कार्गो फायनान्स साठी US $ १० कोटींचे Rs ७६० कोटींचे) लोन ICICI बँकेने दिले होते. या कंपन्यांना वाटले होते की क्रूडचा भाव वाढेल पण असे घडताना दिसत नाही. कंपनीने सिंगापूरच्या कोर्टात मोरॅटोरियमसाठी अर्ज केला आहे. यामुळे या कर्जासाठी ICICI बँकेला प्रोव्हिजन करायला लागण्याची शक्यता आहे. .

अतुल लिमिटेडने  अंकलेश्वर प्लांटमध्ये ५०% काम सुरु केले. आपण आता या कंपनी विषयी माहिती जाणून घेऊ. :- ही केमिकल क्षेत्रातली कंपनी आहे. सध्या केमिकल उत्पादन करणाऱ्या कंपन्यांच्या शेअर्समध्ये तेजी आहे. या कंपनीचे आधीचे नाव अतुल प्रॉडक्ट्स असे होते. ही लालभाई ग्रुपची कंपनी आहे. एअरोमॅटिक्स, क्रॉप प्रोटेक्शन, बल्क केमिकल्सचे प्रॉडक्शन, फ्लोरस, फार्मास्युटिकल्स, अँड इंटरमीजिएटस आणि पॉलीमर बिझिनेस ह्या क्षेत्रात आहे. ही मिडकॅप कंपनी आहे. या कंपनीच्या अतुल बायोसायन्सेस, रुडॉल्फ ATVI केमिकल्स, अँकर ऍडेसिव्हज या सब्सिडीयरी आहेत. शेअरची दर्शनी किंमत Rs १० आहे. P /E रेशियो २०.८४ EPS Rs २१४ आहे. P /B ४.८७ आहे ही DEBT फ्री कंपनी आहे. ५२ वीक हाय Rs ५४११ तर ५२ वीक लो Rs २८३० होता.

आज BSE निर्देशांक सेन्सेक्स ३१६४८ NSE निर्देशांक निफ्टी ९२६१ तर बँक निफ्टी २०५२२ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १७ एप्रिल २०२०

आज क्रूड US $ २८.३० प्रति बॅरल ते US $२८.४० प्रती बॅरल या दरम्यान तर रुपया US $१=Rs ७६.४८ ते US $१=Rs ७६.६१ यांच्या दरम्यान होते. US $ निर्देशांक १०० VIX ४४.१९ होते.

आज RBI ची प्रेस कॉन्फरन्स होती. त्याचप्रमाणे SME, MSME उद्योगांसाठी सरकारकडून पॅकेज येण्याची शक्यता होती. त्यामुळे मार्केट तेजीत उघडले. रुपयासुद्धा Rs ०.३० मजबूत उघडला. राज्यसरकारना ८% ते ९% ने पैसा उचलावा लागत आहे. केंद्र सरकारपेक्षा २.५% ते ३% जास्त द्यावे लागत आहे. अर्थव्यस्थेमधील आर्थिक अडचणी दूर करण्याचा RBI प्रयत्न करत आहे.

RBI ने काही घोषणा केल्या

(१) RBI लवकरच TLTRO -२ सुरु करेल. यात Rs ५०००० कोटींचे TLTRO NBFC आणि MFI साठी राखीव असतील . हे पैसे NCD, कमर्शियल पेपर्स, मध्ये गुंतवले जातील.
(२) RBI Rs ५०००० कोटी रिफायनान्स साठी उपलब्ध करून देईल. यापैकी Rs २५००० कोटी नाबार्ड, Rs १५००० कोटी सिडबी आणि १०००० कोटी NHB ला दिले जातील. जर यापेक्षा जास्त पैशांची गरज भासली तर RBI त्याची सोय करण्याचा विचार करेल.
(३) LAF :- लिक्विडीटी ऍडजस्टमेन्ट फॅसिलिटी. :- यासाठी रिव्हर्स रेपो रेट ०.२५% ने कमी करून ३.७५% केला.RBI च्या असे निदर्शनास आले की त्यांनी बँकांसाठी उपलब्ध केलेला पैसा बँका पुन्हा RBI कडे आणत आहेत. त्यामुळे आता रिव्हर्स रेपो रेट कमी केल्याने बँका RBI कडे कमी पैसा ठेवून त्याचा विनियोग कर्ज देण्यासाठी करतील. रेपोरेट जो ४.४०% आहे तो बदलला नाही.
(४) राज्य सरकारांना मिळणाऱ्या WMA ( वेज अँड मीन्स ) ऍडव्हान्सेसमध्ये ६०% ची वाढ केली.
(५) ऍसेट कलासिफिकेशन ३१ मे २०२० पर्यंत स्थगित ठेवले. मोरॅटोरियमचा ३ महिन्याचा काळ NPA साठी धरला जाणार नाही.
(६) लिक्विडीटी कव्हरेज रेशियो रिक्वायरमेंट १००% वरून ८०% केली .
(७) बँकांना पुढील सूचना मिळेपर्यंत लाभांश जाहीर करता येणार नाही.
(८) कमर्शियल रिअल्टी प्रोजेक्ट लोनसाठी मुदत १ वर्ष वाढवली. याचा फायदा रिअल्टी क्षेत्राला होईल. प्रेस्टिज इस्टेट, अजमेरा रिअल्टीज, कोलते पाटील, शोभा ओबेराय यांना होईल.
(९) बँका आता NBFC ना जास्त कर्ज देऊ शकतील. तसेच सरकारने कमीतकमी कर्मचाऱ्यांच्या साहायाने कामकाज सुरू करायला परवानगी दिली. उदा इक्विटास, उज्जीवन, L & T फायनान्स, REC, PFC, HDFC चोला इनव्हेस्टमेन्ट.

RBI ने बँकांना जो पैसा उपलब्ध करून दिला आहे तो १ महिन्याच्या आत NBFC ना द्यावयाचा आहे. इंडसइंड बँकेचा शेअर याच कारणासाठी पडला होता. कारण त्यांचे एक्स्पोजर NBFC ला होते. पण आता NBFC ची पोझिशन सुधारल्यास इंडसइंड बँकेची पोझिशन सुधारेल. DCB ,बंधन बँकेच्या शेअर्समध्ये तेजी आली.

TLTRO -२ अंतर्गत Rs २५००० कोटींचा पहिली बोली २३ एप्रिलला होईल.

सॅनोफी आणि लुमिनोस्टिकस या कंपन्यानी स्मार्ट फ़ोनबेस्ड टेस्टिंग सोल्युशनसाठी करार केला. यामुळे सॅनोफीच्या शेअरमध्ये तेजी आली.

गोल्ड बॉण्ड्सचा पहिला चरण २१ एप्रिल ते २४ एप्रिल दरम्यान ओपन राहील.

आज ऑटो कंपन्या तेजीत होत्या त्यामुळे ऑटो अँसिलिअरीज कंपन्यांचे शेअर्स तेजीत होते. उदा :- व्हील्स इंडिया, मदरसन सुमी, प्रीकॉल, सुंदरम फासनर, मिंडा कॉर्प, मुंजाल ऑटो, ऑटोमोटिव्ह एक्सेल, इंडिया मोटार पार्ट्स

पुष्कळ महिन्यानंतर आयशर मोटर्सच्या शेअरमध्ये हायर टॉप आणि हायर बॉटम सिरीज सुरु झाली. या कंपनीने कॉमेंट्री चांगली दिली. इन्व्हेन्टरी जवळ जवळ शिल्लक नाही. आम्ही लॉकडाऊन उठण्याची वाट पाहात आहे असे सांगितले. त्यामुळे हा शेअर वाढला.

केरळ राज्य सरकारने A/C, कूलर, च्या E-कॉमर्स मार्फत विक्रीला परवानगी दिली. पण पंख्याचा वापर करा असे सांगितले. याचा फायदा सिम्फनी, ब्ल्यू स्टार, वोल्टास व्हर्लपूल, बजाज इलेक्ट्रिकल्स, क्रॉम्प्टन कन्झ्युमर, ओरिएंट इलेक्ट्रिक यांना होईल.

USA आपली अर्थव्यवस्था तीन टप्प्यात ओपन करेल असे सांगितले. ओपेक+ ने क्रूडसाठी असलेल्या मागणीचा आऊटलूक कमी केला. काही कंपन्यांना आपापले प्लांट लॉकडाऊनचे नियम पाळून अंशतः सुरू करायला सरकार परवानगी देत आहे. बजाज हेल्थकेअरला HCQ ( हायड्रॉक्सी क्लोरोक्वीन) बनवण्यासाठी परवानगी मिळाली.

शनिवार १८ एप्रिल रोजी HDFC बँक, सोमवारी २० एप्रिल रोजी इन्फोसिस आपले चौथ्या तिमाहीचे निकाल जाहीर करतील.

BSE निर्देशांक सेन्सेक्स ३१५८८ NSE निर्देशांक निफ्टी ९२६६ बँक निफ्टी २०६८१ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!