Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २९ मे २०२०

आज क्रूड US $ ३४.१३ प्रती बॅरल ते US $ ३५.११ प्रती बॅरल या दरम्यान तर रुपया US $१=Rs ७५.५९ ते US $१= Rs ७५.७२ या दरम्यान होते. US $ निर्देशांक ९८.४१ तर VIX ३०.०२ होते. PCR १.५५ होता.

चीनने हॉन्गकॉन्ग मधील नवीन रुल्सना मंजुरी दिली. त्यामुळे चीन आणि USA मधील तणाव वाढला. USA मधील बेरोजगारांची संख्या २१ लाखांनी वाढली.

जूनमध्ये लॉकडाऊनमध्ये अर्थव्यवस्था बर्याच प्रमाणात ओपन होईल असा अंदाज आल्यामुळे मार्केटने ‘HOPE’ हा थीम पकडून आज ऑटो, ऑटो अँसिलिअरी, ऑइल आणि गॅस क्षेत्रातील कंपन्यांच्या शेअर्समध्ये खरेदी केली. कालच्या शॉर्टकव्हरिंगनंतर झालेली खरेदी मार्केटचा आशावादी दृष्टिकोन दाखवते.

आता लॉकडाऊन ५ होणार हे जवळ जवळ निश्चित झाले आहे. पण या लॉकडाऊनमध्ये अर्थव्यवस्था ओपन होण्यासाठी किती सवलती मिळतील याची मार्केट वाट पाहात आहे. बऱ्याच राज्यात अर्थव्यवस्था ओपन करण्याच्या दृष्टीने प्रयत्न सुरु झाले आहेत. केंद्र सरकारने देशांतर्गत विमानवाहतूक २६ मे २०२० पासून सुरु केली आहे. कर्नाटक राज्य सरकारने कर्नाटकात अर्थव्यवस्था ओपन करण्याच्या बाबतीत पुढाकार घेतला आहे. ग्रामीण भागात रब्बीचा हंगाम संपला आहे. सरकारने खूपच त्वरेने धान्य खरेदी केल्यामुळे शेतकऱ्याच्या हातात पैसा आला आहे. त्यामुळे प्रथम ट्रॅक्टर्स, टू व्हिलर्स आणि नंतर ४ व्हिलर्स या क्रमाने ग्रामीण भागात विक्री वाढेल.

सरकारने आपल्या देशात API चा तुटवडा पडू नये म्हणून २६ API च्या निर्यातीवर बंदी घातली होती. ही निर्यातबंदी सरकारने उठवली. त्यामुळे पॅरासिटामोल बनवणार्या कंपन्यांच्या शेअर्समध्ये तेजी आली. उदा ग्रनुअल्स, कॅडीला हेल्थ.
कॅडीला हेल्थच्या बद्दी युनिटला USFDA ने EIR दिला.

MSCI मधील बदल आजपासून लागू होतील. बायोकॉन ज्युबिलण्ट फूड्स, IGL, टाटा कन्झ्युमर प्रॉडक्टस या शेअर्सचा समावेश होईल. तर अशोक लेलँड, M &M फायनान्स, इत्यादी शेअर्स या निर्देशांकाबाहेर होतील.

इन्फोसिसच्या Rs ९.५० लाभांशाची आज एक्सडेट होईल.

‘टेनॅक्स’ या कंपनीमध्ये पीडिलाइट इंडस्ट्रीजने ७०% स्टेक खरेदी केला.

ITC AMWAY मार्फत आणखी काही उत्पादने विकेल. ‘B NATURAL प्लस’ या उत्पादनाला ग्रामीण क्षेत्रात चांगली मागणी आहे असे कंपनीने सांगितले.

‘THIERRY DELAPORATE’ यांची विप्रोचे M D आणि CEO म्हणून नेमणूक केली. ते ६ जुलै २०२० पासून कंपनीचा चार्ज घेतील. या बातमीनंतर विप्रोच्या शेअरमध्ये तेजी आली.

फायझर या कंपनीने जाहीर केले की ऑक्टोबर २०२० अखेर कोरोना प्रतिबंधक लस तयार होईल. या बातमीनंतर फायझरच्या शेअरमध्ये तेजी आली.

स्पाईसजेट या कंपनीला E-कॉमर्स आणि मेडिकल डिलिव्हरीसाठी ड्रोनचा उपयोग करण्यासाठी एव्हिएशन अथॉरिटीज ने परवानगी दिली.

भारताची FY २० च्या चोथ्या तिमाहीतील GDP ग्रोथ ३.१% होती.

FSDC च्या बैठकीत FDI वाढवण्यावर आणि शेअर मार्केटमध्ये रिटेल गुंतवणूकदारांचा सहभाग वाढवण्यावर विचार झाला.
सन फार्माच्या ‘NAFAMOSTAT’ या औषधाला कोरोनावरील औषध म्हणून क्लिनिकल ट्रायलसाठी मंजुरी मिळाली.
सिम्फनी या कुलर बनवणार्या कंपनीचे चौथ्या तिमाहीचे निकाल चांगले आले. प्रॉफिट Rs ४ कोटींवरून Rs ४० कोटी झाले. उत्पन्न Rs २३५ कोटींवरून Rs २४९ कोटी झाला. कंपनीला Rs ४ कोटी वन टाईमलॉस झाला.

रेन इंडस्ट्रीज, हायडलबर्ग सिमेंट, सिएट, मजेस्को या कंपन्यांचे चौथ्या तिमाहीचे निकाल चांगले आले. ल्युपिन या कंपनीचे चौथ्या तिमाहीचे निकाल चांगले आले.Rs ६ प्रती शेअर लाभांश जाहीर केला.

वोल्टासच्या प्रॉफीटमध्ये २७% घट झाली. उत्पन्न १.३४ % वाढले. कंपनीने Rs ४ प्रती लाभांश जाहीर केला.

KEC इंटरनॅशनल चे चौथ्या तिमाहीचे निकाल ठीक होते.

सुंदरम क्लेटनचे चौथ्या तिमाहीचे निकाल असमाधानकारक होते.

१ जून रोजी ऑटोविक्रीचे आकडे येतील. मे २०२० महिन्यात काही ऑटो कंपन्यांच्या डिलरशिप ओपन झाल्यामुळे थोड्या प्रमाणावर ऑटोविक्री झाली असण्याची शक्यता आहे.

२ जून रोजी ब्रिटानिया, इंडिगो, मदर्सनसुमी या कंपन्यांचे निकाल येतील.

BSE निर्देशांक सेन्सेक्स ३२४२४ NSE निर्देशांक निफ्टी ९५८० बँक निफ्टी १९२९७ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २८ मे २०२०

आज क्रूड US $ ३३.८६ प्रती बॅरल ते US $ ३४.६८ प्रती बॅरल या दरम्यान होते. रुपया US $१=Rs ७५.७३ ते US $१= Rs ७५.९२ या दरम्यान होते. US $ निर्देशांक ९८.९१ तर VIX ३१.२७ होते. PCR १.५६ होते.

USA चीनवर अनेक निर्बंध लावण्याच्या तयारीत आहे. चीनमधून केमिकल्सची आयात भारतात होणार नाही. केमिकलची गरज आणि कमी होणारी आयात म्हणजेच पुरवठा यामुळे मागणी आणि पुरवठा यात तफावत राहील. त्यामुळे केमिकल्सचे भाव वाढतील, केमिकल उत्पादक कंपन्यांचा फायदा होईल. यामुळे केमिकल उत्पादन करणाऱ्या कंपन्यांच्या शेअर्समध्ये तेजी होती.

सध्या तापमान ४५ च्या वर गेले आहे. उत्तर भारत, मध्य भारतामध्ये उष्णतेची लाट आहे. बजाज इलेक्ट्रिकल्स आणि सिम्फनी पोर्टेबल कूलर बनवतात. या कुलर्सना खूप मागणी येण्याची शक्यता आहे. त्यामुळे या दोन कंपन्यांच्या शेअर्समध्ये तेजी होती.

चीन, जपान युरोप या देशातून रबर केमिकल्सचे डम्पिंग होत होते. त्यामुळे सरकार रबर केमिकल्सवर अँटीडंपिंग ड्युटी लावणार आहे. याचा फायदा नोसिल, ऍपकोटेक्स, INDAG रबर यांना होईल. त्यामुळे या शेअर्समध्ये तेजी होती.ऍपकोटेक्स या कंपनीने या ऍन्टीडम्पिंग ड्युटीसाठी अर्ज केला होता.

BEML या सार्वजनिक क्षेत्रातील सरकारी कंपनीने त्यांच्याकडे असलेल्या क्षमतेचा वापर करण्यासाठी ‘मॅन्युफॅक्चअरिंग पार्टनरशिप’ साठी २२ जून २०२० पर्यंत बोली मागवल्या आहेत. तसेच मेक-इन-इंडिया या योजनेखाली रेल्वे आणि मेट्रो साठी इलेक्ट्रिक उपकरणे बनवण्यासाठी ‘MELCO’ या जपानी कंपनीबरोबर करार केला. त्यामुळे या शेअरमध्ये तेजी होती.

युफ्लेक्स या कंपनीने PPE ( पर्सनल प्रोटेक्शन इक्विपमेंट) बनवण्यासाठी दिल्ली IIT बरोबर करार केला आहे. त्यामुळे हा शेअर तेजीत होता.

HDFC बँकेने मारुती बरोबर नवीन वाहनांसाठी फायनान्स देण्यासाठी करार केला.

भारतावर आता टोळधाडीचे नवे संकट आले आहे. यासाठी केंद्र सरकारने राजस्थान, गुजरात, उत्तर प्रदेश, पंजाब, हरयाणा, महाराष्ट्रा या राज्यांना अडवायझरी इशू केली आहे. या टोळधाडीचा निःपात करण्यासाठी ड्रोन, फायर ब्रिगेडचा वापर केला जाईल यासाठी केंद्र सरकारने ६० स्प्रे पम्प, ५० व्हॅन मागवल्या आहेत अरकारने ५३००० किलो लिटर पेस्टसाईड्स खरेदी केले आहे.

अर्थमंत्रालय आणि नीती आयोग यांच्यात हेल्थ सेक्टर, रिअल्टी सेक्टर, एव्हिएशन सेक्टर हॉस्पिटॅलिटी सेक्टर यांना १०% अंशतः क्रेडिट गॅरंटी स्कीम मंजूर करण्यावर चर्चा झाली. यामुळे या सेक्टरमधील कंपन्यांच्या शेअर्समध्ये तेजी आली.
‘मेलेलं कोंबडं आगीला भीत नाही’ अशी मराठीत म्हण आहे. सद्यःस्थिती अशीच आहे. कोरोनाच्या बातम्यांनी लोक कंटाळले आहेत आणि भयभीतही झाले आहेत. चीन आणि USA च्या भांडणात नावीन्य काहीच नाही. कोणाला काहीच सुचत नाही. सरकार पैसा ओतत आहे पण उद्योगविश्व त्याचा फायदा उठवण्याच्या मनःस्थितीत नाही.तुम्ही कर्ज द्यायला तयार असाल पण मागणीच नाही.व्याजदर कितीही कमी केले तरी नोकरीची शाश्वती नाही तर कर्जाचे हप्ते कसे चुकवणार समाजातील प्रत्येक घटक कॅशमध्ये राहणे पसंद करत आहे.

सध्या जे कंपन्यांचे फायनान्शियल रिझल्ट येत आहेत ते जानेवारी, फेब्रुवारी, मार्च या तिमाहीचे आहेत. म्हणजेच चौथ्या तिमाहीचे आणि त्याचबरोबर पूर्ण वर्षाचे निकाल आहेत. मार्च २०२०च्या शेवटच्या आठवड्यात लॉकडाऊन झाले पण निकाल मात्र खूपच खराब दिसत आहेत. एप्रिल मे जून २०२० या कालावधीचे म्हणजेच या वर्षाच्या पहिल्या तिमाहिचे निकाल कसे येतील याची कल्पनाच केलेली बरी ! हे तिन्ही महिने लॉकडाऊन आहे त्यामुळे सावध राहायला पाहिजे. जर लवकर कोरोनाप्रतिबंधक लस मिळाली किंवा कोरोनावर प्रभावी औषध मिळाले तरच अर्थव्यवस्थीला संजीवनी मिळेल.
सध्या USA ,युरोपमधील देश दुसरे पॅकेज देण्याच्या तयारीत आहेत. जपान तर US $ १ ट्रिलियनचे पॅकेज देणार आहे. त्याचे कारणही असेच आहे. सध्या पूर्ण क्षमतेने काम होणार नाही त्यामुळे कंपन्यांना उत्पादन करणे फायदेशीर होणार नाही. म्हणून पगारात कपात, कामगारांना कमी केले जाईल. अर्थव्यवस्थेत अस्थिरता आणि समाजामध्ये भय या गोष्टींचे थैमान चालू आहे. पण मार्केटमध्ये तेजी येत आहे ही गोंधळात टाकणारी स्थिती आहे. अर्थव्यवस्थेत पैसा ओतला जात आहे आणि हा पैसा मार्केटमध्ये येत आहे. म्हणजेच या मार्केटमधील तेजीचा कंपन्यांच्या /अर्थव्यवस्थेच्या प्रगतीशी संबंध नाही. मोडकळीला आलेल्या घराला रंगरंगोटी केली की तात्पुरते चांगले दिसते. पण प्रत्यक्षात तसे नसते. आपण मराठीत म्हणतो ‘दिसते तसे नसते म्हणून जग फसते’ किंवा ‘चकाकते ते सर्व सोने नसते’ तशी मार्केटची स्थिती आहे. म्हणून मार्केटमध्ये फसगत किंवा नुकसान होण्याची शक्यता संभवते. मार्केटचे सूक्ष्म निरीक्षण करून वेळेवर एंट्री आणि एक्झिट केली पाहिजे. स्ट्रिक्ट स्टॉपलॉस हवेत आणि गुंतवणुकीसाठी २ ते ३ वर्षांचा दृष्टीकोन ठेवायला हवा.

सरकार गॅस बेस्ड अर्थव्यवस्था तयार करण्याच्या प्रयत्नात आहे. मेगा गॅस स्टोअरेज फॅसिलिटी तयार करणार आहे . ONGC आणि गेल यामध्ये भाग घेणार आहेत.सरकार या विषयीच्या PESO च्या ( पेट्रोलियम आणि एक्सप्लोजीव सेफ्टी ऑर्गनायझेशन) नियमात बदल करणार आहे. AEGIS लॉजिस्टिक्स ही कंपनी या क्षेत्रात काम करते. या कंपनीचा व्यवसाय वाढू शकेल यांचे नेट वर्क चांगले आहे. महत्वाच्या ठिकाणी यांची टर्मिनल्स आहेत. उदा मुंबई, हल्दिया, कांडला, पिपावाव, कोची मँगलोर

आज खालीलप्रमाणे जून सीरिजसाठी रोलओव्हर झाले.
९२% :- ग्रासिम ८९% :- पेट्रोनेट LNG ८८% ;- HDFC, महानगर गॅस, ८७% ;- अडानी एंटरप्रायझेस, ICICI प्रु, इंडसइंड बँक ८६% :- SBI लाईफ, कोलगेट ८५% :- टायटन, काँकॉर, ८५% अडानी पोर्ट, मेरिको, एशियन पेंट्स.

फेडरल बँकेचे चौथ्या तिमाहीचे निकाल चांगले आले. प्रॉफिट Rs ३०१.२० कोटी, NII Rs १२१६ कोटी, इतर उत्पन्न Rs ७११ कोटी, GNPA २.८४% NNPA १.३१% होते. प्रोव्हिजन Rs ५६७.५० कोटींची केली.

TVS मोटर्सचे प्रॉफिट Rs ७३.८० कोटी, उत्पन्न Rs ३४८१ कोटी, मार्जिन ७% होते. कंपनीला वन टाइम लॉस Rs ३२.६ कोटींचा झाला. उज्जीवन फायनान्स या कंपनीचे निकाल चांगले आले.

AB फॅशन्स, हेरिटेज फूड्स या कंपन्या फायद्यातून तोटयात गेल्या.

LT फूड्स या कंपनीच्या प्रॉफीटमध्ये लक्षणीय वाढ झाली.

BSE निर्देशांक सेन्सेक्स ३२२०० NSE निर्देशांक निफ्टी ९४९० बँक निफ्टी १९१६९ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २७ मे २०२०

आज क्रूड US $ ३५.२६ प्रती बॅरल ते US $ ३६.०० प्रती बॅरल या दरम्यान तर रुपया US $१=Rs ७५.६३ ते US $ १= Rs ७५.७२ या दरम्यान होते. US $ निर्देशांक ९९.१७ तर VIX ३१.४७ होते. PCR १.१५ होता.

USA मध्ये मार्केट तेजीत होती कारण USA मधील होमसेल्सचे आकडे सुधारले. हॉन्गकॉन्गसाठी चीनवर नवे निर्बंध लावण्याची तयारी USA करत आहे. हॉन्गकॉन्ग मध्ये चीनविरुद्ध निदर्शनाची तयारी होत आहे. चीनच्या ५ कंपन्या सरकारच्या मदतीने कोरोनावर प्रतिबंधक लस शोधत आहेत. युरोपियन युनियन कमिशनने COVID १९ पॅकेज जाहीर केले.

फ्रान्सने ऑटो उद्योगासाठी रिलीफ पॅकेज जाहीर केले.USA आणि चीन यांच्यातील तणावामुळे चीनचे चलन युआन ९ महिन्यांच्या लोएस्ट लेव्हलवर होते.

पर्यटन मंत्रालयाने हॉटेल्स, accommodation युनिट्स साठी मंजुरी तसेच त्यांचे क्लासिफिकेशन ३० जूनपर्यंत वाढविली तसेच सर्व प्रकारचे ‘TOUR OPERATORS, ट्रॅव्हल एजंट्स, आणि टुरिस्ट ट्रान्सपोर्ट ऑपरेटर्स यांच्या लायसेन्सची मुदत सहा महिन्यांपर्यंत वाढवली. ही लायसेन्स २० मार्चआधी संपलेली आणि त्यांच्या नूतनीकरणासाठी अर्ज केलेली असली पाहिजेत.

उद्या मे महिन्याच्या F&O विभागाची एक्स्पायरी आहे . त्यामुळे आज बरेच शॉर्टकव्हरिंग झाले . बँकिंग, आयटी आणि मेटल क्षेत्रात खरेदी झाली .७ एप्रिलनंतर आज बँकिंग सेक्टरसाठी चांगला दिवस होता भारती एअरटेल, HUL चे शेअर्स HEDGE फंड आणि ETF द्वारे विकले जात आहेत. आणि ‘LONG ONLY ‘ फंड्स खरेदी करत आहेत.

उद्या (दि. २८ मे २०२०) इंटरमिनीस्टेरियल ग्रुपची बैठक होईल आणि निर्गुंतवणुकीवर विचार केला जाईल. विशेष म्हणजे सेलच्या तीन तोट्यात जाणाऱ्या युनिट्सची विक्री (दुर्गापूर, सालेम, भद्रावती), शिपिंग कॉर्पोरेशन ऑफ इंडिया (EOI (एक्स्प्रेशन ऑफ इंटरेस्ट ) ड्राफ्ट ) चा विचार केला जाईल. बीपीसीएलच्या EOI ची मुदत 31 जुलै 2020 पर्यंत वाढवली .
कोटक महिंद्रा बँकेच्या QIP इशूला इन्स्टिट्यूशनल इन्व्हेस्टर्स आणि FII कडून चांगला प्रतिसाद मिळाला. Rs ७५०० कोटी रुपयांचा इश्यू Rs ११४७.७५ प्रती शेअर या फ्लोअर प्राइसवर २९ मे २०२० रोजी उघडेल. या इशूसाठी दुप्पट शेअर्ससाठी अर्ज प्राप्त झाले आहेत. कालचा क्लोज भाव Rs ११५२.४५ होता त्यावर ०.५% सूट दिली.सेबीच्या नियमानुसार इशुअर ५%पर्यंत सूट देऊ शकतो

आज, T टू T या ग्रुपमध्ये 12 कंपन्यांचे शेअर्स समाविष्ट केले जातील तर २२० कंपन्यांचे शेअर्स बाहेर पडतील. प्राज इंडस्ट्रीजने आपला शेअर बायबॅक रद्द केला. जिओ प्लॅटफॉर्मचा आयपीओ पुढील वर्ष-दीड वर्षात परदेशात लाँच केला जाईल.

साखरेच्या किमती वाढत आहेत. साखरेचे उत्पादन कमी झाले. साखर कारखानदारांनी ऊस उत्पादक शेतकऱ्यांना त्यांची रक्कम दिलेली नाही. ही रकम देता यावी म्हणून सरकार या साखर उत्पादक कारखान्यांना सॉफ्ट लोन देण्याची शक्यता आहे या बातमीनंतर साखर उत्पादक कारखान्यांच्या शेअर्समध्ये तेजी आली. उदा धामपूर शुगर,द्वारिकेश शुगर

बायोकॉनच्या ‘CYTOSORB’ या औषधाचा उपयोग क्रिटिकल कोरोना रुगणांच्या उपचारात करायला DCGI ने परवानगी दिली.

आता भारतावर टोळधाडीचे संकट येत आहे.आता नुकतेच बंगाल आणि ओडिशा येथे वादळ येऊन गेले. वादळाच्या वेळी टोळ एका ठिकाणाहून दुसऱ्या ठिकाणी स्थलांतरीत होतात.. ११ एप्रिल २०२० राजस्थान २५ मे २०२० रोजी झाशी येथे टोळधाड आली. .आता या टोळधाडीचा धोका छत्तीसगड, मध्य प्रदेश, गुजरात, पंजाब आणि उत्तर प्रदेश या राज्यांना आहे. संध्याकाळी 7 ते 9 दरम्यान अधिक काळजी घ्यावी लागते आणि कीटकनाशकांची फवारणी करावी लागते . कीटकनाशके वेळेवर न वापरल्यास शेतकर्‍यांचे मोठे नुकसान होण्याची शक्यता आहे.परिणामी कीटकनाशकांची किंवा ऍग्रोकेमिकल्सची मागणी वाढेल. याचा परिणाम म्हणून कीटकनाशक उत्पादक कंपन्या उदा :- यूपीएल, पीआय इंडस्ट्रीज, बायर (इंडिया), इन्सेक्टीसाईड्स इंडिया झुआरी ऍग्रो या ऍग्रो केमिकल क्षेत्रातील कंपन्यांमध्ये तेजी आली.

टॉरंट फार्माचा चौथा तिमाही निकाल चांगला लागला. नफा 314 कोटी रुपये, उत्पन्न 1946 कोटी, मार्जिन 28.2% होते.
कोरोमंडळ इंटरनॅशनलचे निकाल चांगले आले. प्रॉफिट Rs २३४ कोटी, Rs २८६९ कोटी तर मार्जिन १३.५% होते.
सन फार्मा चे प्रॉफिट Rs ३९९.८ कोटी उत्पन्न Rs ८१८४ कोटी, मार्जिन १६.७% होते. कंपनीला Rs २६० कोटी वन टाइम लॉस झाला.

डाबर इंडस्ट्रीजला Rs २८१ कोटी प्रॉफिट, Rs १८६५ कोटी उत्पन्न झाले. मार्जिन १८.९% राहिले. दीपक नायट्रेट आणि KPIT TECH यांचे चौथ्या तिमाहीचे निकाल चांगले आले.

मॅक्स फायनान्सियल ही कंपनी फायद्यातून तोट्यात गेली. कंपनीला Rs ३६ कोटी तोटा झाला. उत्पन्न Rs ४२६४ कोटी झाले.

BSE निर्देशांक सेन्सेक्स ३१६०५ NSE निर्देशांक निफ्टी ९३१४ बँक निफ्टी १८७१० वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २६ मे २०२०

आज क्रूड US $ ३५.९४ प्रती बॅरल ते US $ ३६.२५ प्रती बॅरल या दरम्यान तर रुपया US $१=Rs ७५ .६८ ते US $१=७५.९५ या दरम्यान होते. US $ निर्देशांक ९९.६१ तर VIX ३२.३८ होते. PCR १.२८ होता.

नोवावाक्स या USA च्या कंपनीने ऑस्ट्रेलियात कोविद १९ च्या प्रतिबंधक लसीची ह्युमन ट्रायल सुरु केली आहे.कोविद १९ साठी लस मिळण्याच्या आशा पल्लवीत झाल्या.हॉन्गकॉन्ग आणि चीन मधील तणाव थोडा कमी झाला.हॉन्गकॉन्गमध्ये ज्या कंपन्या काम करतात त्यांच्यावरील केसेस हॉन्गकॉन्ग मध्येच लढल्या जातील, चीनमध्ये नव्हे. हॉन्गकॉन्गची न्याय व्यवस्था वेगळी ठेवली जाईल. चीनवर USA ने निर्बंध लादले त्यामुळे चीनने थोडी माघार घेतली असे वाटते. सोमवारी भारतात रमझान ईद निमित्त सुट्टी होती त्याचप्रमाणे USA मध्ये मेमोरियल डे निमित्त सुट्टी होती. आज सकाळी USA ची मार्केट तेजीत होती.

भारती एअरटेलच्या प्रमोटर्सनी ५% ते ६% डिस्काऊंटवर १५ कोटी शेअर्स ( २.७५% स्टेक ) विकले. कंपनीने Rs ७५०० कोटी उभारले.

कोटक महिंद्रा बँकेला QIP, OFS, FPO च्या माध्यमातून ६.५ कोटी शेअर्सच्या इशुला शेअरहोल्डर्सनी परवानगी दिली.
२२ जून २०२० पासून FTSE मध्ये बदल होणार आहेत. कारण भारताने FII साठी गुंतवणुकीची मर्यादा वाढवली. FTSE ने सुद्धा भारताचे वेटेज वाढवले. यामुळे Rs ५२००० कोटीपेक्षा जास्त पैशाचा ओघ भारतात येईल. प्रिन्स पाईप्स, CSB,सुमिमोटो यांचा समावेश केला ABB लार्जकॅपमधून बाहेर पडेल आणि ABB आणि IRCTC मिडकॅपमध्ये समाविष्ट होतील.

ITC ही कंपनी सनराईज फूड्स ही मसाल्याच्या व्यवसायात असलेली कंपनी खरेदी करून मसाल्याच्या व्यवसायात प्रवेश करत आहे.

आता सर्व्हायव्हलची जागा रिव्हायव्हलने घेतली लॉकडाऊननंतर आता पुन्हा हळू हळू अर्थव्यवस्था नियमीएट होण्याच्या दिशेने वाटचाल करेल . २ महिन्यात जो काही माल होता तो विकून टाकला आता प्रथम माल खरेदी करून त्याचे पॅकिंग करूनच पुन्हा विक्री चालू होऊ शकते. त्यामुळे प्रथम पॅकिंग मटेरियल्सचे उत्पादन करणाऱ्या शेअर्समध्ये तेजी येईल.
सध्या जवळ जवळ प्रत्येक कंपनी सॅनिटायझर, डिसइन्फेक्टंट यांचे उत्पादन करू लागल्या आहेत. शालिमार पेंट्सनीसुद्धा याचे उत्पादन सुरु केले. त्यांच्या सॅनिटायझरची जाहिरात सलमानखान करत आहे.

लॉकडाऊनमध्ये आपले सर्व कामकाज ऑनलाईन चालू आहे. यामुळे टेलीकॉमशी संबंधित कंपन्यांचा फायदा होईल. यात भारती एअरटेल, व्होडाफोन,जस्ट डायल यांना फायदा होईल.

लॉक डाऊन दरम्यान आणि नंतर खाजगी कंपन्या भांडवलाची गुंतवणूक करायला टाळाटाळ करतात . त्यामुळे रोजगार पुरवण्यासाठी सरकार स्वतः खर्च करून धरणे, रस्ते, इत्यादी लेबर इंटेन्सिव्ह कामे सुरू करते . या कामांसाठी सिमेंट्सची मोठ्या प्रमाणावर जरूर असते . त्यामुळे सिमेंटसाठी मागणी वाढते. सिमेंटची मोठ्या प्रमाणावर साठवण करता येत नाही. आज सिमेंट सेक्टरमधील सर्व शेअर्स तेजीत होते. यावर्षी प्रत्येक गोष्टीचा वेगळ्या रीतीने विचार करावा लागेल.

FITCH या रेटिंग एजन्सीने स्टील उत्पादक कंपन्यांचे रेटिंग कमी केले.

१२ जून २०२० रोजी आयशर मोटर्सच्या बोर्ड ऑफ डायरेक्टर्सची स्टॉकस्प्लिटवर विचार करण्यासाठी बैठक आहे.
HDFC मध्ये वाढलेले NPA आणि हौसिंग लोनची मागणी कमी होईल हे लक्षात घेऊन या शेअरचे टार्गेट कमी करण्यात आले. HDFC ने सांगितले की लॉकडाऊनमध्ये व्यक्तिशः संपर्क करून जी रिकव्हरी होते ती झाली नाही. मोरॅटोरियम मुदत वाढवल्यामुळे EMI भरला जात नाही.

सनोफी या फ्रेंच कंपनीने जाहीर केले की त्यांच्याकडे असलेला US बायोटेक कंपनी REGENERON मधील आपला २०.६% स्टेक म्हणजेच २३.२ मिलियन शेअर्स विकणार आहे. या बातमीनंतर सनोफीच्या शेअरमध्ये तेजी आली.
NCC आणि जस्ट डायल या कंपन्यांचे शेअर्स ३० जुलै २०२० नंतर F & O सेगमेंटमध्ये ट्रेड होणार नाहीत. त्यामुळे या शेअर्समध्ये शॉर्ट कव्हरिंग होण्याची शक्यता आहे.

RITES ने आपली सर्व ऑपरेशन्स सुरु केली. एशियन पेंट्सने भारतभरातील आपली वेअरहाऊस ओपन केली.
मद्यार्काची विक्री देशभरात होमडिलिव्हरीद्वारे स्थिरावत आहे. त्यामुळे या क्षेत्रातील सर्व कंपन्यांच्या शेअर्समध्ये तेजी होती.उदा रॅडिको खेतान, युनायटेड स्पिरिट्स, युनायटेड ब्रुअरीज,

IDFC १ST बँक ७ तिमाहीनंतर प्रॉफीटमध्ये आली.

न्यूजेन सॉफ्टवेअरचे चौथ्या तिमाहीचे निकाल चांगले आले. कंपनीने Rs २ प्रती शेअर लाभांश जाहीर केला.

JSPL, ट्रेन्ट यांचे चौथ्या तिमाहीचे निकाल चांगले आले.

DCB बँकेचे चौथ्या तिमाहीचे निकाल असमाधानकारक होते.

BSE निर्देशांक सेन्सेक्स ३०६०९ NSE निर्देशांक निफ्टी ९०२९ बँक निफ्टी १७४४० वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २२ मे २०२०

आज क्रूड US $ ३४.०१ प्रती बॅरल ते US $ ३४.७१ प्रती बॅरल या दरम्यान तर रुपया US $१= Rs ७५.७६ ते US $१= ७५.९५ या दरम्यान होते. US $ निर्देशांक ९९.५९ होते. VIX ३२.२० होते.

अर्थव्यवस्था ओपन होताच अंदाजानुसार कोरोनाचा कहर वेगाने वाढत आहे. ब्राझीलमध्ये संक्रमण झपाट्याने वाढत आहे.. चीन, पाकिस्तान आणि आता नेपाळने सीमावाद उकरून काढला आहे. हॉन्गकॉन्ग वरून पुन्हा रण माजले आहे. हॉन्गकॉन्गची स्वायत्तता आणि मानवाधिकार यांची जपणूक USA करेल असे ट्रम्पनी सांगितले तर हॉन्गकॉन्गसाठी चीन नवा करार करेल असे चीनचे म्हणणे आहे. ट्रम्पना यावर्षअखेरीस निवडणुकीला सामोरे जायचे आहे. त्यामुळे राजकारण चालू आहे.

DOW फ्युचर्सकडे सध्या मार्केटचे लक्ष असते . DOW कसे क्लोजिंग देत आहे त्यावरून मार्केट आपला पवित्रा ठरवत असते.आज एशियन मार्केट्समध्ये मंदी होती. प्रथम मार्केट थोडेसे तेजीत होते. RBI त्यांच्या १० वाजता होणाऱ्या प्रेस कॉन्फरन्समध्ये काहीतरी दिलासा देईल अशा अपेक्षेने मार्केट पवित्र्यात होते. पण RBI ने निराशा केली. RBI ने ०.४० % रेटकट केल्यामुळे ऑटो क्षेत्रातील शेअर्स सुधारू लागले. दिवसअखेरीस मार्केट पुन्हा ९००० च्यावर बंद होण्यात यशस्वी झाले.

१० वाजता RBI ची प्रेस कॉन्फरन्स झाली. त्यातील मुद्दे पुढीलप्रमाणे

• RBI ने ०.४०% ची रेपोरेटमध्ये कपात केली. आता रेपोरेट ४.०० % झाला. रिव्हर्स रेपोरेट ३.३५% राहील.
• RBI ने सिडबीला Rs १५००० कोटींच्या स्पेशल रिफायनान्स फॅसिलिटीची मुदत ३ महिन्यानी वाढवली.
• प्रीशिपमेंट आणि पोस्टशिपमेंट फायनान्सची मुदत १ वर्षांऐवजी १५ महिने केली.
• इंपोर्टसाठी पेमेंट करण्याची मुदत शिपमेंट डेट पासून ६ महिन्यांऐवजी १२ महिने केली.
• मोरॅटोरियमसंबंधित सर्व तरतुदींची मुदत तीन महिने म्हणजे ३१ ऑगस्ट २०२० पर्यंत वाढवली.
• वर्किंग कॅपिटल असेसमेंटसाठी कमी केलेली मार्जिन्सची मुदत मार्च २०२१ पर्यंत वाढवली.
• वर्किंग कॅपिटलवरील सहा महिन्यांसाठी व्याज वर्किंग कॅपिटल टर्म लोनमध्ये परिवर्तित केले जाईल. हे वर्किंग कॅपिटल टर्म लोन ३१ मार्च २०२१ पर्यंत पेड करायचे आहे.
• बँकांसाठी ग्रुप एक्स्पोजरची मर्यादा २५% वरून ३०% केली.
• २०२०च्या पहिल्या सहामाहीमध्ये महागाई थोडी अधिक राहील. पण दुसर्या सहामाहीमध्ये महागाईचा रेट ४% च्या खाली राहील असा अंदाज RBI ने व्यक्त केला.
• GDP मधील निगेटिव्ह ग्रोथ ही आमची मोठी चिंता आहे असे सांगितले.

या सर्व तरतुदी ऐकताच बँकांना चांगले दिवस येण्याची शक्यता मावळली. त्यासरशी बँकांच्या शेअर्समध्ये मंदी आली.

LIC ने हिरोमोटोमधील आपला स्टेक २% वरून ७.१% पर्यंत वाढवला.

ऍव्हेन्यू सुपरमार्केट हा हा शेअर T टू T ग्रुपमधून बाहेर पडला.

NIIT टेकचा बायबॅक इशू २९ मेला ओपन होईल.

महाराष्ट्र राज्य सरकारने ट्रीटमेंटचे दर नियंत्रित केले. ह्याचा परिणाम अपोलो हॉस्पिटल, WOCHKARDT, फोर्टिस हेल्थकेअर यांच्यावर होईल.

VST इंडस्ट्रीजचे निकाल चांगले आले. कंपनीने Rs १०३ प्रती शेअर लाभांश जाहीर केला.हा लाभांश AGM मध्ये मंजूर झाल्यावर ३० दिवसाच्या आत पेड केला जाईल.

मारुतीने सुपरकॅरीचे BSVI व्हर्शन Rs ५.०७ लाख किमतीला लाँच केली.

सुप्रीम इंडस्ट्रीजच्या चौथ्या तिमाहीच्या उत्पन्न,प्रॉफिट यात थोडी घट झाली. मार्जिनमध्ये मात्र सुधारणा झाली.
BOSCH च्या उत्पन्नात, प्रॉफीटमध्ये लक्षणीय घट झाली. कंपनीला Rs २९७ कोटी वन टाइम लॉस झाला. कंपनीने Rs १०५ प्रती शेअर लाभांश जाहीर केला.

इन्फोसिस विरुद्धची क्लास एक्शन सूट डिसमिस झाली.

रशिया आणि चीन मधून आयात होणाऱ्या कार्बन ब्लॅकवरील ऍन्टीडम्पिंग ड्युटीची मुदत वाढवली. याचा फायदा गोवा कार्बन, फिलिप्स कार्बन, हिमाद्री केमिकल्सला होईल

.KKR ने रिलायन्स जिओ प्लॅटफॉर्ममध्ये Rs ११३६७ कोटींना २.३२% स्टेक खरेदी केला. एशियामधील ही मोठी गुंतवणूक आहे. १ महिन्यात रिलायन्स जिओ प्लॅटफॉर्ममधे Rs ७८५३२ कोटी रुपयांची गुंतवणूक झाली.

JSW स्टईलचे प्रॉफिट ८६% ने कमी झाले. RITES ने IRSDC (इंडियन रेल्वे स्टेशन्स डेव्हलपमेंट कॉर्पोरेशन) मध्ये २४% स्टेक Rs ४८ कोटींना घेण्यासाठी करार केला.

UPL चा चौथ्या तिमाहीचे निकाल चांगले आले. प्रॉफिट १४७% वाढले. Rs २५० कोटींवरून Rs ६१७ कोटी झाले. कंपनीने Rs ६ प्रति शेअर लाभांश जाहीर केला.

BSE निर्देशांक सेन्सेक्स ३०६७२ NSE निर्देशांक निफ्टी ९०३९ बँक निफ्टी १७२७८ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २१ मे २०२०

आज क्रूड US $ ३५.९९ प्रती बॅरल ते US $ ३६.६० प्रती बॅरल या दरम्यान तर रुपया US $१=Rs ७५.६० ते US $ ७५.७९ या दरम्यान होते. US $ निर्देशांक ९९.४० तर VIX ३५.६१ होते. PCR १.१८ होते.

USA च्या सिनेटने ठराव पास केला की सर्व चिनी कंपन्यांचे शेअर्स (अंदाजे ८०० कंपन्या) USA च्या स्टॉक एक्सचेंजेसवरून डीलीस्ट होतील.

जेथे जेथे अर्थव्यवस्था ओपन करण्याचा प्रयत्न झाला तेथे तेथे कोरोनाचा प्रभाव वाढला. त्यामुळे वर्ल्ड हेल्थ ऑर्गनायझेशनने इशारा दिला की अर्थव्यवस्था ओपन करताना अत्यंत काळजीपूर्वक आणि हळू हळू ओपन करावी लागेल. अन्यथा याचे गम्भीर परिणाम होण्याची शक्यता आहे.

जपान AVIJEN ह्या कोरोनावर उपयोगी पडणाऱ्या औषधाची ट्रायल घेत आहे.

सरकारने भारतात देशांतर्गत विमान सेवा २५ मे २०२० पासून सुरु करायला परवानगी दिली.या बातमीमुळे स्पाईस जेट आणि इंडिगो या विमान वाहतूक करणाऱ्या कंपन्यांच्या शेअर्समध्ये तेजी आली. GMR इंफ्राच्या शेअरमध्येही तेजी होती.
भारतीय रेल त्यांची कॅटरिंग सेवा, व्हेंडार सेवा सुरु करणार आहे. तसेच १.७ लाख कॉमन सर्व्हिस सेंटरवर ट्रेन तिकीट बुकिंग २-३ दिवसात सुरु होईल. तसेच भारतीय रेल २०० NON AC गाड्या सुरु करणार आहे. या बातमीमुळे IRCTC च्या शेअरला अपर सर्किट लागले.

सोनाटा सॉफ्टवेअरची सबसिडीअरी कंपनी USA च्या कंपनीमध्ये २४% स्टेक US $ १० लाखांमध्ये खरेदी करणार आहे.
कोटक महिंद्रा बँक लवकरच आपला QIP इशू आणेल. DII आणि FDI साठी बँकेनी रोड शोज सुरु केले आहेत.
DR रेडीजने सांगितली की USFDA कडून वेळेवर परवानगी मिळत आहेत. बहुतेक साईट्स प्लांट्स क्लिअर झाले आहेत. २५ ड्रॅग मंजुरीसाठी पाइपलाइनमध्ये आहेत.

उद्या माननीय अर्थमंत्र्याची सार्वजनिक क्षेत्रातील बँकांबरोबर मीटिंग आहे. त्यात सध्या ३ महिने मोरॅटोरियमला दिलेली परवानगी ३१ ऑगस्ट २०२० पर्यंत वाढवली जाण्याची शक्यता आहे. तसेच बँकांना मोरॅटोरियमच्या रकमेसाठी १०% ऐवजी २०% प्रोव्हिजन करायला सांगण्याची शक्यता आहे. उद्याच्या बैठकीत हा निर्णय होण्याची शक्यता आहे.

ITC ने सांगितले की आम्ही आम्हाला लागणाऱ्या मालाची खरेदी खूप आधी करतो आणि यावेळी काही राज्यांनी APMC संबंधित अटी शिथिल केल्यामुळे प्राक्युअरमेंट करणे सोयीचे गेले.

TCS नी सांगितले की नव्या वातावरणाचा फायदा उठवण्यासाठी TCS सज्ज आहे. आता शाळा,कॉलेजेस,असे प्रत्येक क्षेत्र ऑन लाईन मोडमध्ये शिफ्ट होत आहे. शेतकरी ऑन लाईन ऑर्डर घेऊन माल विकत आहेत. सध्या हे शिफ्टिंग ही गरज बनल्यामुळे ही शिफ्टिंग फार जलद आणि मोठ्या प्रमाणावर होत आहे. म्हणजेच स्पीड आणि स्केल खूप आहे. यासाठी TCS तयार आहे. सुरुवातीला अडचणी येतील पण अडचणी दूर झाल्यावर प्रगती जलद गतीने होईल. ७५% लोक घरातून काम करू शकतील तर २५% कर्मचाऱ्यानाच ऑफिसमध्ये यावे लागेल. आम्हाला कोविद १९ संकटामुळे नव्या वाटा दिसत आहेत. आम्ही नेहेमीप्रमाणे बिझिनेस करत आहोत. संधीचा फायदा घेत आहोत. २०२५ साल डोळ्यासमोर ठेवून न्यू व्हिजन २५X २५ अमलात आणणार आहोत. सध्या अर्थव्यवस्थेमध्ये कुठलेही स्ट्रक्चरल प्रॉब्लेम नसून हे कोरोनासाठी दाबलेले पॉज बटण आहे. त्यामुले अर्थव्यवस्था कोलमडली आहे पण IT सेक्टरवर याचा विपरीत परिणाम झाला नाही. उलट नवनवीन कल्पना सुचण्यासाठी ही संधी मिळाली आहे.

आज कोलगेटचे चौथ्या तिमाहीचे निकाल आले प्रॉफिट Rs २०४ कोटी, उत्पन्न Rs १०७० कोटी, EBITDA Rs २१२ कोटी, तर मार्जिन २४.५% होते. कंपनीने Rs १६ प्रती शेअर लाभाश जाहीर केला.व्हॉल्युम मध्ये ८% घट झाली.

हिंदुस्थान झिंक ला Rs १३४० कोटी फायदा झाला. उत्पन्न Rs ४३२१ कोटी आणि मार्जिन ४३.८% होते.

RIL ची राईट्स एंटायटलमेंट आजही तेजीत होती. या एंटायटलमेंटचा भाव Rs २५८ पर्यंत जाऊन Rs २३२ वर क्लोज झाला. ग्लोबल डिपॉझिटरी रिसीट आणि ETF फंड्स विक्री करत होते तर ग्लोबल लॉन्ग ओन्ली फंड्स खरेदी करत होते.
राईट्स एंटायटलमेंटसाठी https://rights.kfintech.com या साईटवर माहिती मिळेल. राईट्स एंटायटलमेंट लेटर आणि ऍप्लिकेशन फॉर्म, ऑफर लेटर डाउनलोड करू शकता. मोबाईल नंबर आणि इमेल ऍड्रेस अपडेट करू शकता. याच साईटवर पेमेंटसाठी व्यवस्था केली आहे . किंवा अप्लिकेशनच्या फॉर्मचे प्रिंट आऊट घेऊन भरून तुम्ही ASBA करून जेथे तुमचा डिमॅट अकौंट असेल तेथे द्या. या राईट्ससाठी कोणत्याही पद्धतीने ऑन लाईन पेमेंट करू शकता.
बजाज फिनसर्व चे प्रॉफिट Rs १९४ कोटी ( कोविद १९ साठी कंपनीने Rs ९०० कोटींची प्रोव्हिजन केली आहे), उत्पन्न १३२९० कोटी झाले. टॅक्स खर्च Rs २५३ कोटी झाला.

अजंता फार्मा, JK लक्ष्मी सिमेंट, ज्युबिलण्ट फूड यांचे निकाल चांगले आले. ज्युबिलण्ट फूडचे व्यवस्थापन भविष्याविषयी आशावादी होते.

आज ऑटो, एव्हिएशन, सिमेंट सेक्टरमधील कंपन्यांचे शेअर्स तेजीत होते.

उद्या UPL, BOSCH, IDFC १ST बँकेचे चौथ्या तिमाहीचे निकाल जाहीर होतील.

BSE निर्देशांक सेन्सेक्स ३०९३२ NSE निर्देशांक निफ्टी ९१०६ बँक निफ्टी १७७३५ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २० मे २०२०

आज क्रूड US $ ३४.६१ प्रती बॅरल ते US $ ३५.०६ प्रती बॅरल तर रुपया US $ १= Rs ७५.६५ ते US $ ७५.८६ या दरम्यान होते. US $ निर्देशांक ९९.४२ तर VIX ३६.३३ होता.

USA मध्ये शेल गॅसच्या उत्पादनात घट झाली, क्रूडचा साठा ४८ लाख बॅरेलने कमी झाला. जगामधील अर्थव्यवस्था एकामागून एक ओपन होत असल्यामुळे क्रूडसाठीची मागणी वाढली. ओपेक+ने आपल्या उत्पादनात कपात केली. त्यामुळे क्रूडच्या किमतीमध्ये तेजी आली.

USA ने कॅनडा, मेक्सिको, इराण, युरोप, चीन बरोबर आता ब्राझीलचाही ट्रॅव्हल बॅनमध्ये समावेश केला.कारण ब्राझीलमधील कोरोना बाधितांची संख्या फार वेगाने वाढत आहे.

आज मंत्रिमंडळाने MSME साठी क्रेडिट गॅरंटी स्कीम आणि NBFC आणि HFC साठी स्पेशल लिक्विडीटी स्कीमला मंजुरी दिली.

DR रेड्डीजच्या हैदराबाद युनिट नंबर ३ ला USFDA ने EIR दिला

अडाणी पॉवर आपल्या शेअरच्या डीलीस्टिंगवर विचार करत आहे. TOTAL SA कडून स्टेक विक्रीतून मिळालेला पैसा मायनॉरिटी शेअरहोल्डर्सकडून २५% स्टेक विकत घेण्यासाठी करेल. पॉवर कंपन्यांवर भारतात असलेल्या निर्बंधापासून सुटका आणि कंपनीच्या शेअर्सचे अंडरव्हॅल्यूएशन ही कारणे या पाठीमागे असू शकतात.

FMCG सेक्टरमधील कंपन्या लॉकडाऊनशी जुळवून घेत आहेत. मेरीको, ITC, टाटा कन्झ्युमर, या कंपन्या होम डिलिव्हरी करणाऱ्या कंपन्यांबरोबर होम डिलिव्हरीसाठी टायअप करत आहेत.

सिप्लाच्या बेंगलोर युनिटला ३ औषधांच्या निर्यातीसाठी फिनलंड रेग्युलेटरी ऑथॉरिटीने परवानगी दिली.

आजपासून RIL च्या राईट्स एंटायटलमेंटमध्ये ट्रेडिंग सुरु झाले. या एंटायटलमेंटचा भाव आज Rs १९५ ते Rs २०५ या दरम्यान होता. तुमच्या डिमॅट अकौंटमध्ये जर राईट्स एंटायटलमेंट जमा झाली असेल तर ते कन्फर्म करून तुम्ही तुम्हाला राईट्स शेअरमध्ये रस नसेल तर स्टॉक एक्स्चेंजवरून ही राईट्स एंटायटलमेंट विकू शकता/ खरेदी करू शकता . ह्याच्या खरेदीविक्रीची शेवटची तारीख २९ मे २०२० आहे. आपला डिमॅट अकौंट जर ब्रोकरशिवाय बँकेत किंवा स्टॉक क्लिअरिंग कॉर्पोरेशनकडे असेल तर ठरलेल्या मुदतीत DIS ( डिलिव्हरी इन्स्ट्रक्शन स्लिप) द्यावी लागेल.

मोंन्टे कार्लो ही कंपनी मेडिकल टेक्सटाईल्स, PPE किट्स मास्क यांच्या उत्पादनासाठी वेगळी डिव्हिजन बनवत आहे.
RBI नी आणि सरकारने परवानगी दिलेल्या मोरॅटोरियम चा फायदा द्यावा लागत असल्याने उज्जीवन स्माल फायनान्स बँकेचे ९०% लोन बुक आणि बजाज फायनान्सचे २७% लोन बुक मोरॅटोरियमखाली आहे. नंतर उज्जीवनकडून असे स्पष्टीकरण दिली गेले की आम्ही आमच्या कर्जदारांकडून कॅशमध्ये कर्जाचे हप्ते वसूल करतो, लॉकडाऊनमुळे हे शक्य नव्हते त्यामुळे अशी परिस्थिती उद्भवली.

आज DR रेड्डीजचे चौथ्या तिमाहीचे निकाल जाहीर झाले. कंपनीचे प्रॉफिट Rs ४३४.४० कोटींवरून Rs ७६४.२० कोटी झाले. EBIT Rs ८८२ कोटीवरून Rs १००१ कोटी झाले. उत्पन्न Rs ४०३२ कोटींवरून Rs ४४३२ कोटी झाले. कंपनीने Rs २५ प्रती शेअर लाभांश जाहीर केला

बजाज ऑटोचे चौथ्या तिमाहीसाठी प्रॉफिट Rs १३१०.२९ कोटी उत्पन्न Rs ६८१५.८५ कोटी होते. कंपनीने तिमाहीमध्ये ९९१९६१ युनिट्स विकली. कंपनीने Rs १२० प्रती शेअर लाभांश जाहीर केला.

अल्ट्राटेक सिमेंट चे उत्पन्न Rs १०७४६ कोटी, EBITDA Rs २४४३ कोटी मार्जिन २२.७६%, फायदा Rs ३२३९ कोटी होते. Rs २०२४ कोटी टॅक्स रिफंड मिळाला. कंपनीने Rs १३ प्रती शेअर लाभांश जाहीर केला.

JSW एनर्जीने यावेळेला प्रॉफिट मार्जिन मध्ये लक्षणीय सुधारणा दाखवली. कंपनीचे उत्पन्न Rs १७९३ कोटी होते.
GHCL च्या प्रॉफिट, उत्पन्नामध्ये घट झाली.

अपोलो टायर्स, टाटा पॉवर यांचे निकाल चांगले तर JMC प्रोजेक्ट्स चे रिजल्ट असमाधानकारक होते.

टी सी एस च्या लाभांशाची रेकॉर्ड डेट ४ जून २०२० आहे.

BSE निर्देशांक सेन्सेक्स ३०८१८ NSE निर्देशांक निफ्टी ९०६६ बँक निफ्टी १७८४० वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १९ मे २०२०

आज क्रूड US $ ३४.८२ प्रती बॅरल ते US $ ३५.२९ प्रती बॅरल या दरम्यान होते. रुपया US $१=Rs ७५.६४ ते US $१=Rs ७५.९० या दरम्यान होते. US $ निर्देशांक ९९.३६ तर VIX ३९.९८ होते.

USA चे अध्यक्ष डोनाल्ड ट्रम्प यांनी USA ची अर्थव्यवस्था लवकरच ओपन केली जाईल असे सांगितले.USA मध्ये सध्या औषधांचा तुटवडा भासतो आहे. औषधे पुरवण्यात भारतीय कंपन्यांचा ३०% वाटा आहे. यामुळे फार्मा सेक्टर तेजीत होता.
उत्पादनातील कपात आणि जगातील निवडक अर्थव्यवस्था ओपन होत असल्यामुळे क्रूडमध्ये तेजी होती.

वादळ ‘UMPHANA’ येत्या आठवड्यात पश्चिम बंगाल आणि ओडिशाच्या किनार्यावर येण्याची शक्यता आहे. हे सुपर सायक्लॉन आहे. गेल्या २० वर्षात असे वादळ आले नव्हते.

‘MODERNA’ या कोरोनावरील औषधाची ४५ लोकांवर चाचणी घेण्यात आली. अँटीबॉडीज तयार होण्याच्या बाबतीत यश मिळाले असे सांगण्यात आले. २५ mg, १०० mg, २५० mg अशा डोसेसमध्ये औषध दिले गेले. ज्या लोकांना २५mg औषध दिले होते त्यातून तयार झालेल्या अँटीबॉडीज कोरोनाशी लढण्यासाठी पुरेशा आहेत. फेझ २ मध्ये ६०० लोकांवर चाचणी घेतली जाईल. यानंतर जुलै ३ २०२० रोजी तिसऱयांदा चाचणी घेतली जाईल. ह्या चाचण्या यशस्वी झाल्या तरी कमर्शियल प्रमाणावर औषध उपलब्ध होण्यासाठी वर्षअखेर उजाडेल. काही का असेना ? मार्केटला कोरोनाच्या काळ्या ढगाला एक सोनेरी किनार दिसली आणि मार्केटमध्ये तेजी आली. पण भारतातील कोरोनाबाधितांची संख्या १ लाखावर पोहोचली. त्यामुळे काही वेळातच तेजी संपून गेली.

भारत सरकारने काही अधिकार राज्य सरकारांना दिल्यामुळे वेगवेगळ्या राज्यात लॉकडाऊन ४ मध्ये वेगवेगळ्या सवलती दिल्या गेल्या आहेत. एकूणच रोख अर्थव्यवस्था, उद्योग, सेवा ओपन करण्याकडे आहे.

आपल्याजवळ रिलायन्स इंडस्ट्रीजचे शेअर्स असल्यास आतापर्यंत आपल्या डिमॅट खात्यामध्ये राईट्स एंटायटलमेंट जमा झाली असेल. सेबीच्या नवीन नियमानुसार ही सर्व राईट्स एंटायटलमेंट्स स्टॉकएक्सचेंजच्या एका नवीन प्लॅटफॉर्मवरून ट्रेड होतील. आपल्याला ही राईट्स एंटायटलमेंट २९ मे २०२० पर्यंत स्टॉकएक्स्चेंज मार्फत विकता येईल. परंतु आपल्याला यात डे ट्रेड करता येणार नाही. कारण ही एंटायटलमेंट T टु T ट्रेडच्या ग्रुपमध्ये टाकली आहे. कॅश मार्केटमधील रिलायन्स इंडस्ट्रीजच्या शेअर्सच्या भावाप्रमाणे ह्या एंटायटलमेंटचा भाव बदलेल.

भारत सरकार काही किटकनाशक औषधांवर (उदा २४D, ACEPHATE, MANCOZEB, मोनोप्रोटोफॉस) बंदी आणण्याचा विचार करत आहे. याचा परिणाम UPL वर होईल कंपनीला २७ प्रोजेक्ट रद्द कराव्या लागतील. त्यामुळे UPL कंपनीच्या शेअर्समध्ये मंदी आली. मात्र या बंदीचा PI इंडस्ट्रीज आणि बेयर इंडिया वर फारसा फरक पडणार नाही.

आज ACC, अंबुजा, हिंदुस्थान झिंक, आणि ओरॅकल एक्सलाभांश झाले.

LAURAS लॅबच्या ऍन्टिरेट्रोव्हायरल औषधांना USFDA ची मंजुरी मिळाली.

महाराष्ट्र स्कुटर्स, सौराष्ट्र सिमेंट, गॅब्रिएल इंडिया, सॅनोफी ( उत्पन्न वाढले, वन टाइम लॉसमुळे प्रॉफिट कमी झाले. ) NESCO, यांचे चौथ्या तिमाहीचे निकाल चांगले आले.

भारती एअरटेल चे चौथ्या तिमाहीचे निकाल चांगले आले. उत्पन्न आणि ARPU (ऍव्हरेज रेव्हेन्यू पर यूजर) मध्ये वाढ झाली. ARPU Rs १५४ होता. कंपनीने अर्पू Rs २०० पर्यंत जाईल असे सांगितले.

डेल्टा कॉर्प ( प्रॉफिट ४९% कमी झाले) टॉरंट पॉवर ( कंपनीला Rs २५ कोटी फायद्याऐवजी Rs २४९ कोटी तोटा झाला)

GNA ऍक्सल्स ( उत्पन्न आणि प्रॉफिट यात लक्षणीय घट) यांचे चौथ्या तिमाहीची निकाल असमाधानकारक होते.

बजाज फायनान्सचे प्रॉफिट १९% ने कमी होऊन Rs ९४८ कोटी झाले. प्रोव्हिजनमध्ये वाढ झाली. NII ३८% ने वाढले. PCR ६०% राहिला

सीमेन्सच्या पॅरेण्ट कंपनीने सीमेंन्स मधील २४% स्टेक आपल्या एनर्जी सब्सिडीला ट्रान्स्फर केले. शेअर्समध्ये आज ८.५ कोटी शेअर्सचा सौदा झाला. पण हा प्रमोटरमधील सौदा असल्यामुळे ओपन ऑफर येण्याचा प्रश्न उद्भवत नाही.
वेदांताच्या बोर्ड ऑफ डायरेक्टर्सनी वेदांताच्या शेअर्सच्या डीलीस्टिंगला मंजुरी दिली. इंडिकेटिव्ह प्राईस Rs.८७.५ प्रती शेअर. ठरवण्यात आली

अडानी गॅसने त्यांचा स्टेक TOTAL या कंपनीला विकून तारण म्हणून ठेवलेले शेअर्स सोडवले. सरकारच्या ‘आत्मनिर्भर भारत’ पॅकेज चा अडानी ग्रुपला फायदा होऊ शकतो. ६ विमानतळांचा लिलाव आणि १२ विमानतळावरील सोयींचे आंतरराष्ट्रीय स्टॅंडर्डप्रमाणे अपग्रेडेशन अडानी ग्रुपला फायदेशीर ठरू शकतात. त्यामुळे अडाणी ग्रुपच्या शेअर्स मध्ये तेजी होती.

आज बँका आणि NBFC यांच्या शेअर्समध्ये मंदी होती. SBI चा शेअर १० वर्षातील किमान स्तरावर होता.

उद्या बजाज ऑटो, अल्ट्राटेक सिमेंट, DR रेडीज यांचे चौथ्या तिमाहीचे निकाल जाहीर होतील. KEC इंटरनॅशनल ला Rs १२०३ कोटींची ऑर्डर मिळाली.

आज BSE निर्देशांक सेन्सेक्स ३०१९६ NSE निर्देशांक निफ्टी ८८७९ बँक निफ्टी १७४८६ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १८ मे २०२०

आज क्रूड US $ ३३.५१ प्रती बॅरल ते US $ ३४.०२ प्रती बॅरल या दरम्यान तर रुपया US $१=Rs ७५.९१ ते US१= $ ७५.९५ या दरम्यान होते. US $ निर्देशांक १००.३० तर VIX ४०.७२ होता.

सरकारने जे ‘आत्मनिर्भर भारत पॅकेज’ जाहीर केले त्यात सर्व पायाभूत सोयी उभारण्यासाठी लँड, लिक्विडीटी, लेबर, लॉ यामध्ये रिफॉर्म्स जाहीर केले. पण या तयार होऊन त्यांचा लाभ उद्योजक, ग्राहक, सप्लाय चेन, मागणी यांना व्हायला साहजिकच जरूर तेवढा वेळ द्यावा लागेल. थोडक्यात म्हणजे ही ऍलोपॅथिक उपाययोजना नसून होमिओपॅथी किंवा आयुर्वेदिक इलाज म्हणावे लागतील. तसेच या सुधारणा टॉप तू बॉटम नसून बॉटम तू टॉप असल्यामुळे यांना फायदेशीर व्हायला वेळ लागेल. IBC अंतर्गत उपाययोजना एक वर्षापर्यंत स्थगित ठेवल्यामुळे बँका आणि NBFC यांच्या NPA मध्ये वाढ होणे अनिवार्य आहे.अशा स्थितीत बँकांची आर्थीक स्थिती आणखी खराब होईल या भीतीने आज बँका आणि NBFC चा समावेश असलेल्या बँक निफ्टीमध्ये जबरदस्त प्रॉफिट बुकिंग झाले. ऑटो आणि ऑटो अँसिलिअरीज मध्येही मंदी होती. निवडक IT आणि फार्मा कंपन्यांमध्ये आणी PSU मध्ये तेजी होती.

चौथ्या तिमाहीमध्ये क्रॉम्प्टन कन्झ्युमर मध्ये २७% सिप्ला मध्ये ३३% हुतामाकी PPL मध्ये ३५% CDSL मध्ये १५% अशी उत्पन्न/ प्रॉफीटमध्ये घट झाली. चौथ्या तिमाहीमध्ये CDSL १८% DR लाल पाथ लॅबचे ३१% GSK फार्माचे ६% प्रॉफिट कमी झाले. GSK फार्माने Rs ४० प्रती शेअर लाभांश जाहीर केला.

दुसऱ्या तिमाहीमध्ये जवळ जवळ दोन महिने लॉक डाऊन असल्यामुळे दुसऱ्या तिमाहीचे निकाल यापेक्षाही निराशाजनक असतील या भीतीने आज सर्व क्षेत्रांमधील कंपन्यांच्या शेअर्समध्ये प्रॉफीटबुकिंग झाले. संरक्षण/ संरक्षण उत्पादन या क्षेत्रातील रिफॉर्म्समुळे अपोलो मायक्रो सिस्टिम्स अस्ट्रा मायक्रो, BEL, HAL BEML इत्यादी कंपन्यात तेजी आली. हे पॅकेज जाहीर झाल्यावर मार्केटने उसळी मारली पण ती खालच्या दिशेने. आता रिलीफ पॅकेज येणार येणार म्हणून आशा संपली. कोरोनाचा भारतामधील प्रभाव वाढतच आहे. चीन आणि USA या दोन महासत्तांमधील ताणतणाव वाढत आहे. आता कोरोनावर औषध किंवा प्रतिबंधक लस हाच मार्केटमध्ये तेजीसाठी ट्रिगर ठरू शकतो. मार्केटमधील WEAKNESS वाढत आहे, ‘सेल ऑन रॅलीज’ मार्केट झाले आहे. सरकारकडून आणखी काही पॅकेज येईल ही उमेद संपली.

रिलायन्स इंडस्ट्रीज लिमिटेडमध्ये GENERAL ATLANTIC या USA मधील P.E. कंपनीने Rs ६५९८.३८ कोटींना १.३४% स्टेक खरेदी केला. गेल्या ४ आठवड्यातील रिलायन्स इंडस्ट्रीजमधील ही चौथी गुंतवणूक आहे. या गुंतवणुकींमुळे आता रिलायन्स इंडस्ट्रीजने आपल्या कंपनीतील १४.१०% स्टेक जगातील मोठ्या गुंतवणूकदारांना विकला. आरामको या सौदी अरेबियामधील दिग्गज ऑइल कंपनीशी रिलायन्समध्ये गुंतवणूक करण्यासाठी वाटाघाटी चालू आहेत. प्रथम फक्त पेट्रोकेमिकल्स क्षेत्रात काम करणाऱ्या कंपनीने नंतर रिटेल, टेलिकॉम, टेक्नॉलॉजी या क्षेत्रात आपले कामकाज वाढवले. ‘रिलायन्स जिओ’ या प्लाटफॉर्मवर आता देशातील सर्व भागातील रिटेलर्स संलंग्न होतील. मोबाईल आणि इंटरनेटचा प्रसार भारतामध्ये मोठ्या गावापर्यंत झाला आहे आणि मोबाईलचा प्रसार तर अगदी खेड्याखेड्यापर्यंत झाला आहे. कोरोना संकटाचा किमान प्रभाव जर कोणत्या क्षेत्रावर पडला असेल तर ते टेलिकॉम क्षेत्र आहे. रिलायन्स जिओ प्लॅटफॉर्म नंतर ऑन लाईन एंटरटेनममेन्ट स्पोर्टस, हेल्थ ह्या क्षेत्राशी जोडले जाण्याचा संभव आहे. रिलायन्स जिओचे देशभरात ३८.८० कोटी ग्राहक आहेत. रिलायन्स जीओचा टर्नओव्हर रिलायन्स इंडस्ट्रीजच्या टर्नओव्हरच्या ८% आहे.

रिलायन्स इंडस्ट्रीचा राईट्स इशू २० मे २०२० पासून सुरु होऊन ३ जून २०२० ला बंद होईल. या राईट्स इशूचे पैसे ( Rs १२५७ ) प्रति शेअर हे अर्जाबरोबर Rs ३१४.२५ नंतर मे २०२१ मध्ये Rs ३१४.२५ आणि नोव्हेम्बर २०२१ मध्ये Rs ६२८.५० असे तीन हप्त्यात भरायचे आहेत. कंपनी तुमच्या इमेलवर राईट्स एंटायटलमेंट आणि अर्जाचा फॉर्म पाठवील. तो तुम्हाला ऑन लाईन भरता येईल.

आज वेदांताची वेदांता इंडियाच्या शेअरच्या डीलीस्टिंगवर विचार करण्यासाठी बैठक होती.

DIEGO ही कंपनी युनायटेड स्पिरिट्स या कंपनीचे शेअर्स डीलीस्ट करण्याचा विचार करत आहे. DIEGO चा या कंपनीत ५५.९% स्टेक आहे. आज युनायटेड स्पिरिट्सच्या शेअर्समध्ये तेजी होती.

WABCO ह्या कंपनीच्या ZF या कंपनीबरोबरच्या मर्जरसाठी सर्व रेग्युलेटरी परवानग्या मिळाया. ह्या कंपनीचे बोर्ड ऑफ डायरेक्टर्स अंतरीम लाभांश आणि चौथ्या तिमाहीचे निकाल जाहीर करण्यावर २२ मे २०२० रोजी विचार करेल.
रॉनवेल्क्स या कंपनीने चीनमधील आपला प्लांट बंद करून आग्रा येथे उत्पादन सुरु करण्याचा निर्णय घेतला आहे.

माननीय अर्थमंत्री निर्मला सीतारामन यांनी आत्मनिर्भर भारत पॅकेजचा चौथा भाग शनिवारी जाहीर केला.
(१) कोळसा खाणींच्या संबंधातील सरकारची म्हणजेच कोल इंडियाचा एकाधिकार संपुष्टात येईल. या क्षेत्रात कमर्शियल कोल मायनिंग साठी परवानगी देण्यात येईल. भारतात तिसरा मोठा खनिज कोळशाचा साठा असताना भारताला कोळसा मोठ्या प्रमाणावर आयात करावा लागतो.रेव्हेन्यूशेअरिंग बेसिसवर ५० नवीन कोल ब्लॉकर्सचा लिलाव केलेला जाईल. कोळशाचे गॅसिफिकेशन,कोल बेस्ड मिथेन गॅससाठी उत्तेजन दिले जाईल. इवॅक्युएशन इन्फ्रास्ट्रक्चरसाठी Rs ५०००० कोटी खर्च केले जातील.
(२) धातू आणि इतर खनिज उत्पादनासाठी आता एक्स्प्लोरेशन, मायनिंग आणि उत्पादनासाठी एकत्र लायसेन्स दिली जातील. या प्रकारे देशातील ५०० खाणींचा लिलाव केला जाईल. जर खनिज उत्पादनासाठी कोळशाची जरूर असेल तर कोळशाच्या खाणीचे लायसेन्सही दिले जाईल.उदा बॉकसाईटपासून ऍल्युमिनियम तयार करण्यासाठी कोळसा लागतो. त्यामुळे बॉक्साइट च्या खणीबरोबर कोळशाच्या खाणीचेही लायसेन्स दिले जाईल. कोळशाच्या खाणींच्या बाबतीत कॅप्टिव्ह आणि नॉन कॅप्टिव्ह हा फरक रद्द केला जाईल. आपली जरूर संपल्यावर कोळशाच्या खाणीतील कोळसा दुसर्याला विकता येईल. कॉम्पोझिशन ऑफ मिनरल इंडेक्स, स्टेट ऑफ द आर्ट टेक्नोलॉजी, रॅशनलायझेशन ऑफ स्टॅम्प ड्युटी केली जाईल.
(३) संरक्षण क्षेत्रात आता सुरक्षेबाबतीत DEPT ऑफ मिलिटरी अफेअर्स बरोबर विचार विनिमय करून ऑटोमॅटिक रुटने ७५% FDI ला परवानगी दिली जाईल. जी आयुधे /शस्त्रे /त्यांचे स्पेअरपार्टस आता आयात होतात त्यांच्या आयातीवर बंदी घातली जाईल आणि ती भारतात मेकइन इंडियाच्या अंतर्गत बनवली जातील. आणि ही यादी वाढवत नेली जाईल.
संरक्षण खात्याच्या ऑर्डनन्स फॅक्टरीजचे कॉर्पोरेटायझेशन केले जाईल. यामुळे या फॅक्टरीत प्रोफेशनल व्यवस्थापन आल्यामुळे स्वायत्तता, कार्यक्षमता, आणि अकौंटंबिलिटी यावर भर दिला जाईल. या ऑर्डनन्स फॅक्टरीजचे स्टॉक एक्स्चेंजवर लिस्टिंग केले जाईल. त्यामुळे रिटेल गुंतवणूकदार हे शेअर खरेदी करू शकतील तसेच त्यात पारदर्शकता येईल.
(४) मुलकी हवाई वाहतूक सेवेसाठी आता फक्त ६०% एअरस्पेस उपलब्ध आहे. त्यामुळे उड्डाणे लांबच्या मार्गाने होत होती. वेळ, इंधन जास्त लागत होते. आता हवाईवाहतुकीचे रॅशनलायझेशन केल्यामुळे शॉर्टेस्ट रुटने प्रवास करता येईल.
एअरपोर्ट ऑथारिटी ऑफ इंडिया ६ विमानतळाचे PPP तत्वावर लिलाव करेल. तसेच १२ विमानतळांवर आंतराष्ट्रीय मानकांनुसार सोयी उपलब्ध करून दिल्या जातील.
भारतातील विमानाची MRO (मेंटेनन्स रिपेअर्स आणि ओव्हरहालिंग) क्षमता वाढवली जाईल. त्यामुळे भारतीय मुलकी आणि मिलिटरी एअरक्राफ्टचे MRO ऑपेरेशन भारतात होउ शकेल.
(५) केंद्रशासित प्रदेशातील DISCOM कंपन्यांचे खाजगीकरण केले जाईल. या क्षेत्रात कोणतीही अकार्यक्षमता सहन केली जाणार नाही, तसेच जनरेशन कंपन्यांचे ड्यूज वेळेवर दिले जातील. स्मार्ट प्रीपेड मीटर्स लावली जातील. सबसिडी DBT च्या माध्यमातून दिली जाईल. याचा फायदा वीज ग्राहकांना मिळेल.
सोशल इन्फ्रास्ट्रक्चर प्रोजेक्टमध्ये ३०% व्हायाबिलिटी गॅपचे पेमेंट करण्यासाठी Rs ८१०० कोटींची तरतूद केली जाईल.
(६) स्पेस रिलेटेड टेक्नॉलॉजी :- ISRO चे ऍसेट्स, योग्य सिक्युरिटी क्लीअरन्स नंतर खाजगी कंपन्या, संशोधक, स्टार्टअपना उपलब्ध केले जातील. तसेच इंडियाचा जिओस्पेशल डाटा NGO, स्टार्टअपना इरिगेशन प्रोजेक्टसाठी उपलब्ध करून दिला जाईल.
(७) अटॉमीक एनर्जी :- मेडिकल ISOTOPES, जे कॅन्सर किंवा अन्य असाध्य रोगांच्या उपचारात उपयोगी येतात त्याच्यासाठी ऍटोमिक रिसर्च रिऍक्टर PPP तत्वावर स्थापन केला जाईल. तसेच रेडिएशन टेक्नॉलॉजीद्वारा अन्यधान्य, पिके, कांदे भाज्या यांचि साठवण करण्यासंबंधित संशोधन केले जाईल.
(८) देशातील ३३७६ इंडस्ट्रियल पार्क्स, इंडस्ट्रियल एस्टेट्स, SEZ यांचे लिस्टिंग केले जाईल.

रविवारी आपल्या पत्रकार परिषदेत माननीय अर्थमंत्री निर्मला सीतारामन यांनी आत्मनिर्भर भारत पॅकेजची माहिती दिली.
आपल्या राज्यात परत जाणार्या परप्रांतीय मजुरांसाठी रोजगार हमी योजनेत काम देण्यासाठी Rs ६१००० + Rs ४०००० कोटींची तरतूद केली. प्रत्येक जिल्हा, तालुका, ब्लॉक स्तरावर हेल्थ आणि वेलनेस केंद्र स्थापन केले जाईल.तसेच पब्लिक हेल्थ लॅब्स स्थापन केल्या जातील. E -विद्या प्रोग्राम :- या द्वारे प्रत्येक इयत्तेसाठी एक चॅनेल सुरु केला जाईल. दिव्यांगांनाही याचा उपयोग केला जाईल अशी व्यवस्था केली जाईल. सर्व इयत्तासाठी E -बुक चॅनेलवर उपलब्ध करून दिली जातील.
कर्जाच्या परतफेडीमध्ये डिफॉल्ट झाल्यास IBC अंतर्गत कोणतीही कारवाई एक वर्षापर्यंत होणार नाही. डिफॉल्टची रक्कम Rs १ लाखावरून Rs १ कोटी एवढी वाढवली.

कंपनी कायद्यानुसार कोविद १९ च्या संकटामुळे कंपनीच्या सर्व कॉम्प्लायन्समध्ये मुदतवाढ दिली. काही प्रक्रियेतील त्रुटी आणि छोट्या चुका यांच्यासाठी असलेली क्रिमिनल लायबिलिटीची तरतूद रद्द केली.

उद्योगाच्या सर्व क्षेत्रांचे स्ट्रॅटेजिक आणि नॉन स्ट्रॅटेजिक असे वर्गीकरण केले जाईल. स्ट्रॅटेजिक सेक्टरमध्ये किमान १ आणि कमाल ४ PSE असतील. स्ट्रेटीजीक लिस्टच्या बाहेर असणाऱ्या कंपन्यांचे खाजगीकरण किंवा मर्जर केले जाईल.

BSE निर्देशांक सेन्सेक्स ३००२८ NSE निर्देशांक निफ्टी ८८२३ बँक निफ्टी १७५७३ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!