Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३१ जुलै २०२०

आज क्रूड US $ ४३.१० प्रति बॅरल ते US $ ४३.४३ प्रति बॅरल दरम्यान तर रुपया US $ 1= ७४.७२ ते US $ १= ७४.८६ दरम्यान,US $ निर्देशांक ९२.६५ ,VIX- २४.५६, PCR-१.६९ होता.

अमेरिकेची अर्थव्यवस्था वेगाने contract होत आहे अशी शंका येण्यासारखी स्थिती झाली 1947 नंतर प्रथमच GDP growth 32.9% कमी झाली त्यांचे बेरोजगारीचे आकडे आले ते 1.43 m झाले हे आकडे 25 जुलै रोजी संपलेल्या आठवड्याचे आहेत बेरोजगारी भत्ता लवकर देण्याची गरज निर्माण झाली पण फेसबुक, गुगल,अँपल, अमेझॉन यांचे result चांगले आले

ऑगस्ट महिन्यात मार्केटमध्ये voltality जास्त असेल मार्केट तेजीत असेल तेव्हा कमजोर quality चे शेअर विका आणि करेक्शनची वाट पहा नंतर quality शेअर खरेदी करा सध्या रिस्क रिवॉर्ड रेशो buyerसाठी योग्य नाही

MPC(मोनेटरी पॉलिसी कमिटी)ची मिटींग 4 ऑगस्टला सुरू होईल त्याचा निर्णय 6ऑगस्टला जाहीर केला जाईल रेट कट करण्याची शक्यता नाही आणि गरजही नाही कारण सिस्टीम मध्यें liqidity भरपूर आहे unconventional उपायांचा विचार होईल असे दिसते

सेबीने कॅश सेगमेंट मध्ये up front margin घेण्याची अट 1 सप्टेंबर पर्यंत पुढे ढकलली त्यामुळे थोडा दिलासा मिळाला

टाटा कॅपिटलनी Biocon Biologics मध्ये 0.85 % स्टेक 30 मिलियन डॉलरला घेतला आता biocon कडे 95.25 % स्टेक आहे

BSIV वाहनांचे कोर्टाची पुढील ऑर्डर मिळेपर्यंत रजिस्ट्रेशन होणार नाही असे सुप्रीम कोर्टाने सांगितले.कोर्टाने मार्च २०२० नंतर विकलेल्या गाड्यांची माहिती मागवली.

PNB ही बँक PNB हौसिंग या कंपनीत QIP/राईट्स इशुद्वारा ₹६०० कोटी गुंतवणार आहे.

CAPRI ग्लोबल कॅपिटल ही कंपनी स्मॉल फायनान्स बँक लायसेन्ससाठी अर्ज करणार आहे.

आज अर्थमंत्र्यांनी सांगितले की RBI बरोबर लोन रिस्ट्रक्चरिंग,moratorium वाढवण्यावर, तसेच हॉस्पिटॅलिटी सेक्टर लोन रिकास्ट करण्यावर चर्चा चालू आहे.

टोरंट्स फार्मा,रेन इंडस्ट्रीज, Essel propack, टाटा कम्युनिकेशन,GMR(Q4), झायडस वेलनेस,दीपक फर्टिलायझर (प्रॉफिट ₹९.९ कोटींवरून ₹१२० कोटी झाले), स्टेट बँक ऑफ इंडिया (डिपॉझिट १६% ,ऍडव्हान्स ६.६%वाढले , NII ₹२६६४१.६० कोटी, moratorium ९.५%, GNPA ५.४४%,NNPA१.८६% नेट प्रॉफिट ₹४१९० कोटी,₹ १५३९.७० वन टाइम उत्पन्न,), लाल पाथ लॅब,यूको बँक( तोट्यातून फायद्यात,) या कंपन्यांचे निकाल चांगले आले.

Linde इंडिया,वेस्टलाईफ डेव्हलपमेंट,लक्ष्मी विलास बँक,केसोराम,वेल्सपन,टाटा स्टील BSL, धामपूर शुगर, JSW एनर्जी, जस्ट डायल,टीमलीज, IOC,सन फार्मा, यांचे निकाल कमकुवत होते.

NIIT,महिंद्रा लॉजीस्टिक्स,ब्लु dart या कंपन्यांचे निकाल असमाधानकारक होते.

Concor ची divestment लांबणीवर गेली कारण त्याच्याकडे असणारी जमीन रेल्वेची आहे ती जमीन उपयोगात आणणे, भाडे तत्वावर देणे या बाबतीत मतभेद आहेत.

उद्या ऑटो विक्रीचे आकडे येतील Escorts चे विक्रीचे आकडे चांगले येण्याची शक्यता आहे

BSE निर्देशांक सेन्सेक्स -३७६०६, NSE निर्देशांक निफ्टी- ११०७३ बँक निफ्टी – २१६४० वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३० जुलै २०२०

आज क्रूड US $ ४३.०७ प्रति बॅरल ते US $ ४३.७५ प्रति बॅरल दरम्यान तर रुपया US $ 1= ७४.८० ते US $ १= ७४.८६ दरम्यान,US $ निर्देशांक ९३.५१,VIX- २४.७२, PCR-१.३२ होता. Fed च्या मिटींगचा result आला रेटमध्ये कोणताही बदल केला नाही liquidity देण्यासाठी बॉण्ड खरेदी केली जाईल कारण अजूनही growth कमी आहे असे सांगितले.

काल US मध्ये लक्षात राहण्यासारखी kodak movement झाली. Eastman kodak Company ने आम्ही व्यवसायात बदल करणार असे सांगितले. फार्मा व्यवसायात जाणार जनरीक ड्रगला लागणारे इन्ग्रेडीएन्ट तयार करणार त्यामुळे US सरकारने त्यांना 765 मिलियन डॉलरचे लोन दिले. त्यासरशी शेअरमध्ये तुफान तेजी आली 23 पट volume होते 2400%शेअर वाढला. आज कॉरोनाच्या लस शोधण्याच्या शर्यतीत रशियाने घोषणा केली की ते १२ ऑगस्ट २०२० ला करोना साठी लस मार्केट मध्ये आणतील

BPCL ची EOI देण्याची तारीख आता 30 सप्टेंबर केली करोनामुळे तारीख वाढवावी लागली असे कळते. यामुळे शेअरमध्ये मंदी आली.

सरकारने ऍडव्हान्स सबसिडी दिली गॅस बेस्ड फरटीलायझर प्लांटला लागणारा गॅस स्वस्तात उपलब्ध झाला. रूरल अर्थव्यवस्था सुधारत आहे. मान्सून चांगला झाला आहे. यामुळे फर्टिलायझर उत्पादक कंपन्यांच्या शेअर्समध्ये तेजी आहे. FACT, मद्रास फर्टिलायझर, GSFC, GNFC, टाटा केमिकल्स,नागार्जुना फर्टिलायझर, चंबळ फर्टि लायझर यांना गॅस स्वस्त मिळतो.

अनलॉक 3 मध्ये मॉल्स आणि मार्केट कॉम्प्लेक्स उघडले जातील. याचा फायदा ग्रोव्हर & वेल, फीनिक्स, प्रोवोग, प्रोझोन याना होईल म्हणून शेअर वाढत होते.जिम्नॅशियम आणि योगा सेंटर ओपन होतील. रात्रीचा कर्फ्यु उठवला. मात्र रेस्टोरंट्स (होम डिलिव्हरी सोडून) फुडकोर्ट आणि सिनेमा थिएटर्स ३१ ऑगस्ट २०२० पर्यंत बंद राहतील. अनलॉक 3 मध्ये थिएटर्स ओपन करायला अंशतः तरी परवानगी मिळेल या अपेक्षेने वाढलेले PVR, इनोक्स लीजर, सिनेलाईन, मुक्ता आर्ट्स या शेअर्समध्ये मंदी आली.

सेबीने मार्जिन ट्रेडिंग नियमात थोडा दिलासा दिला.शेअर प्लेजसाठी 31 ऑगस्ट 2020 पर्यंत मुदत वाढ दिली.तोपर्यंत POA ची प्रक्रिया चालू राहील. 31 ऑगस्ट २०२० पर्यंत नवी आणि जुनी दोन्ही पद्धतीनुसार कामकाज चालू राहील. (५) प्रीकॉल ही कंपनी त्यांच्या स्पेनमधील सबसिडीअरीतील १००% stake € ५०००० ला विकणार आहे.

ऑगस्ट २०२० मध्ये सरकार MSME, INFRA, आणि गरिबांना रोजगार पुरवणारे पॅकेज जाहीर करण्याची शक्यता आहे.

MASTEK या कंपनीजवळ मजेस्कोच्या डीलमधून कॅश येणार असली तरी शेअरहोल्डर्सना याचा फायदा देण्याचा सध्या तरी विचार नाही असे व्यवस्थापनाने सांगितले.

PBOC(पब्लिक बँक ऑफ चीन) चा एशियन पेंट्समध्ये ३०.९ लाख अंबुजामध्ये ६२.८ लाख शेअर्स म्हणजेच प्रत्येकी ०.३२% stake आहे.

चंबळ फर्टिलायझर ,BBTC, भारती एअरटेल( कंपनीने AGR ड्युज साठी ₹१०७४४ कोटींची प्रोविजन केली, ARPUJ ₹१५७ झाला.), सागर सिमेंट,नवीन फ्लूओरिन, MASTAKE, पॉलि मेडिकेअर, करूर व्यासा बँक,चोला इन्व्हेस्टमेंट,LAURAS लॅब्स, डाबर, LT फ़ुड्स, HDFC लिमिटेड, मॅक्स फायनॅन्सीयल, या कंपन्यांचे पहिल्या तिमाहीचे निकाल चांगले आले.

CEAT, TVS मोटर्स,थांगमाई ज्यूवेलर्स, GSK फार्मा, महिंद्र लॉजीस्टिक्स, श्री दिग्विजय सिमेंट, SRF, JM फायनांनशीयल,या कंपन्यांचे result कमकुवत होते

PTC इंडियाचा PTC financial मध्ये ६५%स्टेक आहे हा स्टेक PTC इंडिया विकणार आहे अडाणी कॅपिटल हा स्टेक घेण्यात interested आहे हे डील १२०० ते १४०० कोटींमध्ये होईल यामुळे PTC इंडियाची आर्थिक स्थिती सुधारेल

ऑगस्ट सिरीजसाठी निफ्टीमध्ये ६३% तर बँक निफटीमध्ये ५१% रोल ओव्हर झाले कंपन्यांचे रोल ओव्हर पुढीलप्रमाणे—अडाणी पोर्ट -९१%,एशियन पेंट -९०%, TCS-८९%,ग्रासिम–८७%,JSPL-८६% विप्रो, मारुती, रामको सिमेंट — प्रत्येकी ८५ %, Reliance,Hul, Icici,Tata Consumer– प्रत्येकी ८३% Axis बँक,Hdfc Bank, L&T–प्रत्येकी ८४%, Idfc first-८२%,

BSE निर्देशांक सेन्सेक्स – ३७७३६, NSE निर्देशांक निफ्टी- १११०२, बँक निफ्टी – २१६४६ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २९ जुलै २०२०

आज क्रूड US $ ४३.२७ प्रति बॅरल ते US $ ४३.७८ प्रति बॅरल दरम्यान तर रुपया US $ 1= ७४.७४ ते US $ १= ७४.८३ दरम्यान,US $ निर्देशांक ९३.६७,VIX- २३.६४ PCR-१.८३ होता.

विदेशी संकेत कंपन्यांच्या result वर आधारित होते. 3M आणि मॅक्डोनाल्ड यांचे result कमजोर होते. moderna आणि pfizer दोघेही तिसऱ्या फेजच्या चाचण्या करत आहेत. 30000 लोकांवर ही चाचणी करायची आहे या वर्षाच्या अखेरीस लस बाजारात येईल असे त्यांचे म्हणणे आहे. अमेरिकेत क्रूडचे भांडार वाढत आहे म्हणून क्रूडमध्ये नरमी आली

आज DAP( Defence Acquisition Procedure) चे १०००० पानांचे डॉक्युमेंट आले. आज ५ राफेल विमाने भारताला मिळाली.डिफेन्सला ७४% FDI साठी परवानगी मिळाली आहे डिफेन्सची ९०० उत्पादने आता भारतात बनवली जातील म्हणून डिफेन्स संबंधित शेअरमध्ये तेजी होती उदा–Bel, वालचंदनगर इंडस्ट्री, Hal,Bdl,

चांगले result– हेक्सावेअर, Rbl बँक,IDBI,टाटा कॉफी,सनोफी,कॅस्ट्रोल, कोलगेट (प्रॉफिट ₹१९८ कोटी, उत्पन्न ₹१०४० कोटी, मार्जिन २९.६% होते) DR रेड्डीज (प्रॉफिट ₹५७९ कोटी,उत्पन्न ₹ ४४१८ कोटी मार्जिन २६.३%),हेरिटेज फूड्स, Rvnl

मंत्री मंडळाने आज नॅशनल एज्युकेशन पॉलिसीला मंजुरी दिली. PPP मार्फत शिक्षणात गुंतवणुकीला उत्तेजन, नवीन टेक्निक आणि तंत्रज्ञानाला प्रोत्साहन मिळेल एज्युकेशन सेक्टरसाठी एक रेग्युलेटर नेमणार आहे आवश्यकता वाटल्यास अभ्यासक्रम आणि परीक्षांच्या पॅटर्नमध्ये बदल करणार. नियंत्रण कमी केले जाईल निवेश दुप्पट केला जाईल ८व्या इयत्तेपर्यंत इंग्लिश विषय न शिकण्याची परवानगी दिली जाईल.५ व्या इयत्तेपर्यंत इंग्लिश विषय नसेल.मातृभाषा, किंवा स्थानिक भाषेवर भर असेल

कतारचा सोवरीन फंड QIA ( कतार इन्व्हेस्टमेंट औथोरिटी) रिलायंस इंडस्ट्रीजच्या फायबर ऑप्टिक असेट्सच्या InVIT( इन्फ्रास्ट्रक्चर इन्व्हेस्टमेंट ट्रस्ट) मध्ये ₹११२०० कोटींची गुंतवणूक करण्याची शक्यता आहे. Reliance ही future group चा रिटेल व्यवसाय २४००० कोटी ते २७००० कोटी मध्ये खरेदी करण्याची शक्यता आहे

ओमान ऑइल कंपनी ही ओमानची कंपनी BPCL बरोबर बिना रिफायनरीच्या जॉईंट व्हेंचर मधून बाहेर पडणार आहे.

कार्बोरंडम, स्नोमॅन लॉजीस्टिक ( तोट्यातून नफ्यात), मारुती ( लॉस ₹ २५० कोटी ,उत्पन्न ₹४१०७ कोटी, इतर उत्पन्न ₹ १३१८ कोटी, ₹ ४७५ कोटी,₹ ९६.३ टॅक्स writeback), स्पाईस जेट, इंडिगो quess कॉर्प,किर्लोस्कर फेरस, यांचे निकाल असमाधानकारक होते.

उद्या SBI, डाबर, चोला इन्व्हेस्टमेंट, रिलायंस इंडस्ट्रीज आपले पहिल्या तिमाहीचे निकाल जाहीर करतील. गेटवे डिस्ट्रिपार्कच्या RE चे ट्रेडिंग सुरू होईल.

F&O मार्केटमध्ये NCC आणि जस्ट डायल यांचा शेवटचा दिवस आहे. परवापासून निफ्टी 50 मधून वेदांता बाहेर पडेल आणि HDFC लाईफचा समावेश होईल.

आज रात्री फेडने त्यांच्या दोन दिवसांच्या मीटिंगमध्ये काय निर्णय घेतले हे कळेल.

BSE निर्देशांक सेन्सेक्स ३८०७१ NSE निर्देशांक निफ्टी ११२०२ बँक निफ्टी २२०७६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २८ जुलै २०२०

आज क्रूड US $ ४३.३९ प्रति बॅरल ते US $ ४३.६७ प्रति बॅरल दरम्यान तर रुपया US $ 1= ७४.७४ ते US $ १= ७४.८६ दरम्यान,US $ निर्देशांक ९३.७९ ,VIX- २५.०२, PCR-१.४९ होता. काल FII आणि DII चे आकडे विक्रीचे दिसले. आंतरराष्ट्रीय मार्केटमध्ये संकेत चांगले होते. US $ कमकुवत होणे हे इक्विटीच्या दृष्टीने चांगले असते.

कन्झ्युमर ड्युरेबलमध्ये ७.३% वाढ झाली. टेकनोलॉजी शेअर्समध्ये तेजी आली. जानेवारी ते जून या काळात चीनने USA मधून फक्त २५% च आयात केली. युरोपियन युनियनने दिलेला €७५०बिलियनचा स्टीम्युलस ऐतिहासिक आहे. जापनीज येनशी तुलना करता US $ ०.२% पडला. १०५.९३ येन द्यावे लागतील.आजपासून FOMC ची २ दिवसाची मिटींग सुरू होत आहे

माईंडट्री या कंपनीच्या संयुक्त संस्थापकांनी आपला प्रमोटर्सऐवजी पब्लिक इन्व्हेस्टर म्हणून समावेश करावा असा अर्ज दिला.ते प्रमोटर्स पुढीलप्रमाणे — N P paarthsaarathee, बागची, K Natarajan, Ravanan, LSO इन्व्हेस्टमेंट, कामरान नजीर, स्कॉट स्टेपल्स.

फायझर,,निप्पोन लाईफ, अल्ट्राटेक सिमेंट, IDBI बँक ( बँक तोट्यातून नफ्यात आली. GNPA आणि NNPA मध्ये माफक सुधारणा), नेस्ले या कंपन्यांचे पहिल्या तिमाहीचे निकाल चांगले आले.

महाराष्ट्र सीमलेस,तेजस नेटवर्क्स, वर्धमान टेक्स्टाइल्स,श्री कलहस्ती पाईप, APTECH, HT मेडिया,ओरिएंट सिमेंट, युनायटेड स्पिरिट्स,ग्रीनलाम, टिंनप्लेट, इंडस इंड बँक या कंपन्यांचे पहिल्या तिमाहीचे निकाल असमाधानकारक होते. कोविड 19, त्यामुळे झालेला लॉक-डाउन,सप्लाय चेनमध्ये येणारे अडथळे, कामगारांची टंचाई या सर्वांच्या पार्श्वभूमीवर केवळ फायदा किंवा तोटा बघून चालत नाही. कंपनी ज्या क्षेत्रात काम करते त्या क्षेत्रावर आणि खुद्द कंपनीवर किती परिणाम झाला ते पाहून result चांगला की वाईट हे ठरते परिस्थितीत सुधारणा होण्याची शक्यता आहे का? असली तर किती प्रमाणात याचाही विचार करावा. कठीण परिस्थितीत बिझिनेस कसे सुरू आहेत ते पाहावेत. चार्ट पॅटर्न आणि व्हॅल्यूम बघावेत.नंतर दुसरे दिवशी कोणत्या शेअरमध्ये ट्रेड घ्यावा हे ठरवा.

मॅक्स व्हेंचर ला राईट्स इशुद्वारा ₹३० कोटी उभारायची मंजुरी मिळाली.

येस बँकेमधील स्टेट बँकेचा stake प्रथम ४८.२१% होता. आता FPO नंतर तो ३०% झाला.

PLI ( प्रोडक्शन लिंकड इंसेंटीव) योजना ३१ जुलै २०२० रोजी संपत आहे.मोबाईल फोन उत्पादनासाठी बर्याच कंपन्यांनी स्वारस्य दाखवले.

३१ डिसेंबर २०२० पर्यंत मर्चंडाइज एक्स्पोर्टसाठी सरकारने ₹९००० कोटी द्यायचे ठरवले .पूर्वी यासाठी ₹ ५०००० कोटी दिले जात असत.

सरकारने FLAVIRAPIR या औषधाच्या उत्पादनासाठी बर्याच फार्मा कंपन्याना परवानगी दिली. उदा सिपला, ग्लेन्मार्क फार्मा

उद्या मारुती, भारती एअरटेल, DR रेड्डीज या कंपन्यांचे निकाल आहेत.

मेरिकोच्या व्यवस्थापनाने सांगितले की एप्रिल २०२० चा महिना पूर्णपणे फुकट गेला.सप्लाय चेनचे आव्हान आहे. हेल्थ आणि हायजीन विभागाने चांगली प्रगती केली. सफोला मध्ये १६% ग्रोथ झाली . सफोला ओट्स फ्रांचाईज ४१% ने वाढला. सफोला हनी सुरू केला. डिजिटल मार्केटिंगमध्ये वाढ केली. मेडिकल सॅनिटायझर, beard ग्रुमर , livon serum, लिव्हॉन हेअर गेन टॉनिक, तसेच हेल्थ, ब्यूटी, वेलनेस प्रॉडक्टस ,पॅराशूट, निहार, अलोवैरा, जस्मिन deodorants,हेअर जेल,waxes या प्रॉडक्ट्सला चांगला प्रतिसाद मिळाला.

BSE निर्देशांक सेन्सेक्स ३८४९२ ,NSE निर्देशांक निफ्टी ११३०० ,बँक निफ्टी २२१०५ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २७ जुलै २०२०

आज क्रूड US $ ४३.१४ प्रति बॅरल ते US $ ४३.३३ प्रति बॅरल दरम्यान तर रुपया US $ 1= ७४.६९ ते US $ १= ७४.८६दरम्यान,US $ निर्देशांक ९३.९३,VIX- २४.५४ PCR-१.७४ होता. कोविड 19 चा कहर जगभर चालू आहे. लस उपलब्ध होण्यासाठी २०२१ साल उजाडेल असे सांगितले जाते. लोकांच्या मनातील असुरक्षीततेची भावना कमी होत नाही. अशा परिस्थितीत सोने आणि चांदीचे सर्वात सुरक्षित गुंतवणूक म्हणून महत्व वाढत आहे . परिणामी सोने आणि चांदी MCX वर अनुक्रमे ₹ ५२००० आणि ₹ ६४००० च्या स्तरावर होते.

USA मध्ये मोठ्या टेक्नॉलॉजी कंपन्यांचे आज रिझल्ट आहेत. खरा खेळ स्टीम्युलसचाआहे. US $ ६०० हिशेबाने पॅकेज द्यायचे होते ते आता US$ १२०० (बेकारी भत्ता) च्या हिशेबाने द्यावे अशी मागणी आहे.यामुळे US$ कमकुवत होईल USA चे अध्यक्ष ट्रम्प यांनी औषधांच्या किमती कॅप कराव्यात असे सांगितले. बिल गेट्स यांनी उत्तर कोरियाची S K Biotech ही कंपनी तयार करत असलेली लस जून २०२१ मध्ये मार्केटमध्ये येईल असे सांगितले. UK मधेही पंतप्रधान बोरिस जॉन्सन यानी ओबेसिटी आणि junk फूडविरुद्ध आपण पॅकेज आणणार आहोत असे सांगितले.

आज सेबीने रिटेल गुंतवणूकदारांनाही ‘ डायरेक्ट मार्केट ऍक्सेस’ उपलब्ध करून एक नवीन प्लॅटफॉर्म दिला जाईल असे सांगितले.या प्रक्रियेत ब्रोकरला स्थान असणार नाही. रिटेल गुंतवणुकदार थेट खरेदी विक्री करू शकतील.

सिपलाला भारतात ‘flavirapir’ लाँच करायला मंजुरी मिळाली. हे औषध ‘CIPLENZA’ या नावाने लाँच होईल.

टाटा स्टीलच्या UK प्लांट मध्ये UK सरकार गुंतवणूक करण्याची शक्यता आहे.

इंडिगोची ३० जुलै २०२० रोजी तर युनियन बँकेची २९ जुलै २०२० रोजी फंड रेजिंगवर विचार करण्यासाठी बोर्ड ऑफ डायरेक्टर्सची बैठक आहे.

Mindspace Business PARKचा ReIT(रिअल इस्टेट इन्व्हेस्टमेंट ट्रस्ट) चा इशू २७ जुलैला ओपन होईल आणि २९ जुलैला बंद होईल. प्राईस बँड ₹ २७४ ते ₹ २७५ आहे.मिनिमम लॉट २०० युनिट्सचा आहे. इक्विटी सारखा लिस्टिंग गेन्स मिळत नाही.’DEBT’ इन्स्ट्रुमेंट सारखा रिटर्न मिळतो.

मध्यंतरी क्रूडचा भाव निगेटिव्ह झाला होता. MCX वर निगेटिव्ह भावाचे ट्रेडिंग होत नसल्यामुळे कमोडिटी ट्रेडर्सची पंचाईत झाली होती. ही अडचण दूर करण्यासाठी MCX ने आता निगेटिव्ह भावावर ट्रेडिंग सुरू केले आहे.

येस बँकेत ‘बे ट्री इंडिया होल्डिंग’ने ७.४८% stake घेतला. येस बँकेचे आज १२.५ बिलियन शेअर्स मार्केटमध्ये येतील. त्यामुळे एकूण २५.५ बिलियन शेअर्स झाले.आज येस बँकेचा शेअर पडला

सरकारने आज हवाई प्रवासाच्या भाड्यासाठी प्रवासाला लागणाऱ्या वेळानुसार कॅप जाहीर केल्या.

कोळसा मंत्रालयाने जी जमीन कोळशाच्या खाणी साठी उपयोगात येत नाही अशी जमीन लीजवर देण्याची परवानगी मागितली.

अनलॉक 3 मध्ये थिएटर्स, नाट्यगृह उघडण्यासाठी परवानगी मिळण्याची शक्यता आहे.पण थिएटर्स किंवा नाट्यगृहाच्या २५% क्षमते एवढीच तिकिटे विकता येतील.या बातमीनंतर आयनाक्स, PVR, सिनेलाईन, मुक्ता आर्ट्स, UFO मुविज यांचे शेअर्स वाढले.

सरकारने ४७ अँपवर बंदी घातली. आता बॅन केलेले सर्व अँप ८ जुलैला बॅन केलेल्या अँपची कॉपी होती.

मेडिकल ड्रग्स आणि डिव्हाईस पार्कसाठी सरकारने मार्गदर्शक तत्वे जाहीर केली.API (ऍक्टिव्ह फार्मा इन्ग्रेडिंअन्ट्स) आणि मेडिकल डिव्हाईस मध्ये ‘आत्मनिर्भर’.होण्यासाठी हे धोरण तयार केले.

मे २०२० च्या मध्यात जेव्हा कॉरोनामुळे लॉक-डाउन होता, सगळीकडे ले ऑफ आणि वेतन कपातीची चर्चा चालू होती तेव्हा एशियन पेंटसने कामगारांना पगारवाढ दिली. आमच्या बाहेरच्या ग्राहकांप्रमाणे कामगार आमचे अंतर्गत ग्राहक आहेत . त्यामुळे त्यांना खुश ठेवणे हे कंपनी आपले कर्तव्य मानते असे कंपनीने सांगितले.

मेडिकामॅन बायोटेक या कंपनीला ओंकॉलॉजी फर्म्युलेशनकरता लायसेन्स मिळाले.

आंंबूजा सिमेंट, ICICI बँक, ITC, कोरोमोनडल इंटरनॅशनल, MCX,CDSL,परसिस्टनट सीसटीमस, कोटक महिंद्र बँक, एसकॉर्ट्स, हवेल्स, टेक महिंद्रा या कंपन्यांचे पहिल्या तिमाहीचे निकाल चांगले आले.

V- गार्ड, ओरिएंट इलेक्ट्रिक, इंडिया सिमेंट, SCHAEFLER इंडिया, यांचे निकाल असमाधानकारक होते.

उद्या नेस्ले इंडिया, अल्ट्राटेक सिमेंट, कॅस्ट्रोल,टाटा कॉफी आपापले पहिल्या तिमाहीचे निकाल जाहीर करतील. M&M फायनान्सचा राईट्स इशू ओपन होईल.

BSE निर्देशांक सेन्सेक्स ३७९३४ NSE निर्देशांक निफ्टी १११३१ बँक निफ्टी २१८४८ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २४ जुलै २०२०

आज क्रूड US $ ४३.२२ प्रति बॅरल ते US $ ४३.८३ प्रति बॅरल दरम्यान तर रुपया US $ 1= ७४.७६ ते US $ १= ७४.९३ दरम्यान,US $ निर्देशांक ९४.७४ ,VIX- २४.६४, PCR- १.९० होता.

USA च्या जॉबलेस क्लेम डाटामध्ये वाढ झाली. USA आणि चीनमधील ताणतणाव वाढत आहे.चीनने USA ला त्यांची सिच्युआन प्रांताच्या चेंगदु या राजधानीतील वकीलात बंद करायला सांगितले. चीनने ही कारवाई USA मधील हौस्टोन येथील चीनची वकिलात बंद करण्याला प्रत्युत्तर म्हणून करण्यात आली आहे असे सांगितले. USA च्या मार्केटमध्ये विशेषतः टेक्नॉलॉजी शेअर्समध्ये प्रॉफिट बुकिंग झाले. USA मध्ये रिलीफ पॅकेजची सर्वजण वाट पहात आहेत.

सन फार्माची सबसिडीअरी ‘TARO’ने US $ २१.३० कोटी देऊन DOJ बरोबर सेटलमेंट केली यामुळे आज सन फार्ममध्ये तेजी होती.

PNC इन्फ्राटेक ला ₹१५४७ कोटींच्या ऑर्डर्स NHAI कडून दिल्ली बरोडा एक्स्प्रेस वे साठी मिळाल्या. कंपनीची मार्केट कॅप ₹३५९८ कोटी आहे .यावरून केव्हढी मोठी ऑर्डर मिळाली हे लक्षात येईल.

USA स्थित ROUTE वन ही कंपनी इंडस इंड बँकेतील त्यांचा stake ४.९६% वरून १०% इतका वाढवण्याला RBI ने मंजुरी दिली .

येस बँकेच्या FPO मध्ये अलॉट झालेले शेअर्स २४जुलै २०२० ला डिमॅट अकौंटमध्ये जमा होतील .या शेअर्सचे लिस्टिंग २७ जुलै २०२० ला होईल. नंतरच त्यात ट्रेडिंग होईल.

सरकारने शेतकऱयांसाठी १लाख कोटींचा फंड तयार केला आहे .या फंडातून शेतकऱयांना पोस्ट हारवेस्ट कोल्ड चेन, लॉजीस्टिक, स्टार्टअप यासाठी सवलतीच्या व्याजदरात कर्ज मिळेल.

सरकारने आपल्या २०१७ च्या नियमात बदल केला त्यानुसार सरकारी खरेदीत सीमेलगतच्या देशांमधून कंपन्याना व्यापार, EPC,मध्ये भाग घेण्यासाठी सक्षम औथोरिटीकडून परवानगी घ्यावी लाभेल. यातून diagnosis इक्विपमेंट वगळली आहे

लक्ष्मी मशीन टूल्स, GHCL, वेलस्पन इंडिया, क्रोमपटन कन्झ्युमर, JSW स्टील ( कंपनी फायद्यातून तोट्यात गेली) यांचे पहिल्या तिमाहीचे निकाल असमाधानकारक होते . अतुल लिमिटेडचे पहिल्या तिमाहीचे निकाल ठीक होते. CCL प्रॉडक्टस,आणि अंबुजा सिमेंट यांचे पहिल्या तिमाहीचे निकाल चांगले आले.

LIC IPO च्या ट्रॅनझकशन अडवायझरसाठी ११ कंपन्यांनी बोली सादर केली. यात अक्सिस कॅपिटल, CLSA, SBI कॅप देलाईट, IIFL यांचा समावेश होता.

चीनमध्ये पूर आल्यामुळे BOPP प्लास्टिकची टंचाई आहे . याचा फायदा कॉस्मो फिल्म या कंपनीला होईल .

रेल्वेने इलेक्ट्रिफिकेशन सिग्नलिंग टेलिकॉम साठी बोली मागवल्या. ऑगस्ट २०२० मध्ये प्रोजेक्ट्स दिले जातील.हे प्रोजेक्ट्स १८ ते २४ महिन्यात पुऱ्या करायच्या आहेत.यांची व्हॅल्यू ₹ ३००० ते ५००० कोटी आहे.

SBI फंडाला त्यांचा CSB बँकेतील ४.७% stake १०% पर्यंत वाढवायला RBI ने मंजुरी दिली.

IRDAI(इन्श्युअरन्स रेग्युलेटरी अँड डेव्हलपमेंट ऑथोरिटी ऑफ इंडिया) ने मॅक्स आणि एक्सिस बँकेच्या डील मध्ये काही बदल करायला सांगितले.

सुप्रीम कोर्टात आज BSIV वाहनांसंबंधीत केसची सुनावणी होती , त्यात FADA ने सांगितले की BSIV वाहनांचा स्टॉक बाकी आहे. हा स्टॉक कार उत्पादक कंपन्यांना परत बोलवायला सांगावे. या कंपन्यांना ३१ मार्च २०२० शेवटची तारीख आहे हे माहीत होते.

RIL ने आपले पहिल्या तिमाहीचे निकाल आधी २४ जुलै २०२० ला जाहीर करणार होते.पण बिझिनेस लाईन च्या न्युजप्रमाणे आता RIL हे निकाल ३० जुलै २०२० रोजी जाहीर करेल .

एशियन पेंट्सच्या निकालावर एप्रिल आणि मे २०२० मध्ये झालेल्या लॉक-डाउन चे सावट दिसत आहे. प्रॉफिट ₹६५५ कोटींवरून ₹२१९.६ कोटी उत्पन्न ₹२९२२.६० कोटी , मार्जिन१६.६% होते.टॅक्स खर्च आणि इतर खर्च कमी झाले. कंपनीने चांगला गायडन्स दिला.

BSE निर्देशांक सेन्सेक्स ३८१०१ NSE निर्देशांक निफ्टी १११९४ बँक निफ्टी २२६६२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २३ जुलै २०२०

आज क्रूड US $ ४४.३७ प्रति बॅरल ते US $ ४४.५९ प्रति बॅरल दरम्यान तर रुपया US $ 1= ७४.६४ ते US $ १= ७४.८०दरम्यान,US $ निर्देशांक ९४.८२,VIX-२४.२० PCR-१.६९ होता.

आज reliance ही 13 लाख कोटी मार्केट कॅप झालेली पहिली भारतीय कंपनी झाली. USA मध्ये Home sells डेटा चांगला आला. USA सरकारने फायझर आणि Biontech बरोबर US$ १.९ बिलियन चा १० मिलियन करोना व्हायरसच्या  डोसेससाठी करार केला. या बातमीनंतर फायझरच्या शेअरमध्ये तेजी आली.

आर्थिक, जिओपोलिटिकल आणि आरोग्याविषयी असलेली चिंता, उत्पादनात कोविड19 मुळे येणारे अडथळे आणि कमी झालेले व्याजदर यामुळे निर्माण झालेल्या असुरक्षिततेवर मात करण्यासाठी सोने आणि चांदीमध्ये तुफान खरेदी होत आहे. त्यामुळे सोने₹५००००  आणि चांदीने ६०००० चा स्तर पार केला.

क्रूडची स्थिती मजेशीर आहे. इराक ठरल्यापेक्षा जास्त उत्पादन करत आहे.USA मध्ये क्रूडचे साठे वाढत आहेत अर्थव्यवस्था ओपन होत असल्याने मागणी वाढत आहे.पण क्रूडच्या वाहतुकीत अडचणी आहेत त्यामुळे क्रूड मध्ये तेजी  आहे. जपानची मार्केटस बंद होती. फ्युचर रिटेलने  सिंगापूर मध्ये लिस्ट झालेल्या नोट्सवरील व्याजाच्या पेमेंटमध्ये डिफॉल्ट केला.  नीती आयोगाने PSU बँकांमध्ये ४९% तर इन्शुअरन्स सेक्टरमध्ये ७४% FDI ची परवानगी देण्याचा प्रस्ताव ठेवला.

सरकारने डोमेस्टिक नॅव्हीगेशन सिस्टिम मजबूत करण्यासाठी १० लाख GPS चिपसाठी स्वदेशी कंपन्यांकडून बोली मागवल्या. या टेंडरमध्ये ITI भाग घेऊ शकणार असल्याने या शेअरला अपर सर्किट लागले. बीड देण्याची शेवटची तारीख 29 जुलै आह

स्पाईस जेटने USA आणि भारत यांच्यादरम्यान विशिष्ट रूटवर वाहतूक करण्यासाठी इंडियन scheduled कॅरीयर म्हणून करार केला. आतापर्यंत फक्त एअर इंडिया ‘वंदे भारत’ या कार्यक्रमांतर्गत या रूट वर वाहतूक करत होती. स्पाईस जेट या कंपनीकडे मोठी विमाने नसल्यामूळे कंपनी मोठी विमाने ‘WET LEASE’ वर म्हणजेच विमान आणि त्यावरील crew लीजवर घेईल.

आसाममधील पूर, बंगालमधील वादळ, तसेच कोविड 19 साठी असलेला लॉक-डाउन, आणि लेबर टंचाई तसेच ग्रीड फेल्युअर यामुळे चहाचे उत्पादन कमी झाले तसेच गुणवत्ता कमी झाली. त्यामुळे प्रथम  एप्रिल मे २०२० मध्ये चहाच्या किमतीत १०% ते १५% वाढ झाली. HUL आणि टाटा कन्झ्युमर प्रॉडक्ट्सने चहाच्या किमतीत पुन्हा १०% ते १५% वाढ केली.याचा फायदा जयश्री टी,हॅरीसन मल्यालम,गुडरीक टी अशा चहाच्या कंपन्यांना होईल

सरकार MSME च्या व्याख्येत टर्नओव्हरची मर्यादा ₹ १०० कोटींवरून ₹१५० कोटी करण्याची शक्यता आहे. त्याचप्रमाणे इमर्जन्सी क्रेडिट लाईन गॅरंटी स्कीमखाली केलेली ₹ ३ लाख कोटींची तरतूद वाढवण्याची शक्यता आहे.                            E-clerk सर्व्हिसेस या कंपनीने २०.९३ लाख शेअर्स बाय बॅक केले.

विप्रो 5G सर्व्हिसेस ‘EDGE’ रेझोल्युशन suite लाँच करणार आहे. विप्रोने €६.८ कोटींमध्ये 4C चे अधिग्रहण करेल.

आज रोसारी बायोटेकचे ₹ ६७० वर लिस्टिंग झाले. शेअर ₹८०० च्या वर गेला.IPO मध्ये ₹४२५ ला दिलेल्या शेअरमध्ये windfall लिस्टिंग गेम्स झाले.

यूको बँकेला QIP आणि FFO च्या रूटने ₹३००० कोटी उभारण्यासाठी मंजुरी मिळाली .

ग्लेनमार्क फार्माने सांगितले की त्यांच्या ‘FLAVIRAPIR’ या कोविड19 वरील औषधाच्या फेज III मधील परिणाम सकारात्मक आहेत .

ICICI सिक्युरिटीज, ASTEC लाईफ ,अलेमबीक फार्मा, बँक ऑफ महाराष्ट्र ,AU स्माल फायनान्स बँक यांचे निकाल चांगले आले. HDFC AMC,महिंद्रा EPC, राडीको खेतान यांचे निकाल लॉक – डाउनच्या पार्श्वभूमीवर ठीक होते. L&T, स्टरलाईट टेक्नॉलॉजीचे निकाल असमाधानकारक होते.

सुप्रीम कोर्टाने वोडाफोनला  ₹८३३ कोटी टॅक्स रिफंड मंजूर केला.

सरकार API (ऍक्टिव्ह फार्मा इन्ग्रेडियनट्) च्या उत्पादनाला उत्तेजन देणार आहे. API उत्पादनासाठी असलेल्या अटी सोप्या करणार आहे

BPCL च्या विनिवेशासाठी pro-bid मीटिंग झाली 10 कंपन्यांनी भाग घेतला यासाठी 1.15 ते 1.25 लाख कोटींची बोली येण्याची शक्यता आहे

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २२ जुलै २०२०

आज क्रूड US $ ४३.७५ प्रति बॅरल ते US $ ४४.१७ प्रति बॅरल दरम्यान तर रुपया US $ 1= ७४.६७ ते US $ १= ७४.७६ दरम्यान,US $ निर्देशांक ९५.२०,VIX- २४.८८,PCR-१.८७ होता.

मार्केट liqidity म्हणजेच खेळता पैसा आणि व्हॅकसिनकडे लक्ष या दोन गोष्टीवर केंद्रीत झाले आहे सुंदर रोटेशन चालू आहे रशियासुद्धा दावा करीत आहे की त्याच्या दोन ट्रायल पूर्ण झाल्या त्याविरुद्ध असे समजते की तयार झालेल्या अँटी बॉडीज टिकत नाहीत मग वारंवार लस द्यावी लागणार का अशी शंका येत आहे अमेरिका 1 triliyan चे पॅकेज देणार आहे आणि युरोपियन युनियन 2 ट्रिलियन US$चे पॅकेज देणार आहे.

PCR 1 .87 आहे म्हणजेच मार्केट ओव्हरबॉट स्थितीत आहे बँक निफटीमध्ये रिस्क रिवॉर्ड रेशो चांगला आहे option ट्रेड चा उपयोग करावा सध्या intraday मध्ये फसायला होत आहे पण पोझीशनल ट्रेड फायदेशीर ठरते आहे

चीन मधून भारतात आयात होणाऱ्या वस्तूंचे सरकारने दोन प्रकारात वर्गीकरण केले आहे. त्यात पहिल्या प्रकारच्या वस्तू म्हणजे कमी किंमत असलेल्या पण विपुल खप असलेल्या वस्तू . यात किचनवेअर, स्टेशनरी , क्रॉकरी आणि फर्निचर,पॉवर इक्विपमेंट यांचा समावेश असेल. या प्रकारच्या वस्तूंची आयात कमी करण्यासाठी सरकार पांच प्रकारचे उपाय योजेल

• टॅरीफ बॅरियर्स यामध्ये अँटी डम्पिंग ड्युटी,सेफगार्ड ड्युटी,प्रोटेक्टिव्ह ड्युटी,बेसिक कस्टम ड्युटी याचा समावेश असेल
• आयातीवर नियंत्रण लागू करणे. उदा. आयात होणाऱ्या वस्तूचा रिस्त्रीकटेड प्रकारात समावेश करणे
• FTA (फ्री ट्रेड ऍग्रीमेंट)चे रिनीगोशीएशन करणे
• उत्पादनाशी संलग्न सवलती देणे पण या वस्तूंच्या आयातीवर ताबडतोब बंदी घातली जाणार नाही.
• डोमेस्टिक उत्पादन टप्प्या टप्प्याने वाढवले जाईल.

सरकारच्या या निर्णयाचा फायदा ला ओपाला, TTK प्रेसटीज, बोरोसिल,बजाज इलेक्ट्रिकल,बटरफ्लाय गांधीमती आणि ट्रान्सफॉर्मर बनवणाऱ्या कंपन्यांना होईल. दुसऱ्या प्रकारात हाय व्हॅल्यू आणि ऍडव्हान्स टेक्नॉलॉजी पण कमी प्रमाणात खप असलेल्या असणाऱ्या वस्तू असतील. या वस्तू आयात करण्यासाठी टेक्निकल स्टॅंडर्ड ठरवले जाईल. कंट्री ऑफ ओरिजिन डिक्लेअर करण्याची तरतूद होऊ शकते.

सरकारने साखर उत्पादक कंपन्याना युरोप मधील देशात साखर निर्यात करण्याची परवानगी दिली. त्यामुळे साखर उत्पादन करणाऱ्या कंपन्यांच्या शेअर्समध्ये तेजी आली.

ऊर्जा मंत्रालयाने पॉवर ग्रीड या कंपनीला आणि राज्य सरकारांना ट्रान्समिशन इक्विपमेंट, ट्रान्समिशन लाईन्स,गिअर्स, केबल, इंडिकेटर्स इत्यादीची चीनमधून आयात करण्यावर बंदी घातली.करार केले असल्यास रद्द करायला सांगितले याचा फायदा ABB, सीमेन्स, कल्पतरू पॉवर, HBLPower, HPL इलेक्ट्रिक, salzer इलेक्ट्रॉनिक्स, KEC इंटरनॅशनल या कंपन्यांना होईल.

बजाज ऑटोचे पहिल्या तिमाहीचे निकाल आले.प्रॉफिट ५३.१% कमी होऊन ₹ ५२८ कोटी तर उत्पन्न ६०% कमी होऊन ₹ ३०७९.२० कोटी झाले . मार्जिन १३.३% झाले. धनुका ऍग्रीटेक, न्यूजेन सॉफ्टवेअर, इंडिया मार्ट,अलेमबीक फार्मा, JSPL Rallis इंडिया,यांचे पहिल्या तिमाहीचे निकाल चांगले आले.

SML इसुझुने सांगितले की शाळां बंद असल्याने स्कूल बस साठी मागणी कमी आली. जानेवारी २०२१ पर्यंत शाळा सुरळीत झाल्यावरच स्कूल बस साठी मागणी वाढेल. आम्ही BSIV गाड्यांचा स्टॉक विकून टाकला. अम्ब्युलन्ससाठी मागणी वाढत आहे. सध्या तरी आम्ही मालवाहू वाहनांवर लक्ष केंद्रीत करत आहोत.

आज सोन्याने ₹ ५०००० चा स्तर ओलांडला.तर चांदीने ₹६००००चा स्तर ओलांडला.कोविडमुळे खाणी बंद आहेत ETF ची मागणी खूप आहे म्हणून चांदीचा भाव वाढत आहे याचा फायदा हिंदुस्थान झिंकला होईल आज PCR म्हणजे put/call रेषो 1.87 जे दर्शवत होता त्याचा प्रत्यय आला मार्केट उघडल्यावर काही मिनिटातच मंदीत गेले हल्ली अल्गो ट्रेड करतात त्यामुळे वेग खूप असतो.

डॉलर इंडेक्स मार्चमध्ये 103-104 होता तो आता 95 आहे म्हणजेच डॉलर कमकुवत झाला. USA नी चीनला त्यांची Houston मधील वकिलात ७२ तासात बंद करायला सांगितले त्यामुळे मार्केटमधील वातावरण बदलले आणि धातूंचे शेअर पडू लागले.

BSE निर्देशांक सेन्सेक्स ३७८७१ NSE निर्देशांक निफ्टी १११३२ बँक निफ्टी २२८८२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २१ जुलै २०२०

आज क्रूड US $ ४३.२६ प्रति बॅरल ते US $ ४४.२७ प्रति बॅरल दरम्यान तर रुपया US $ 1= ७४.७५ ते US $ १= ७४.९२ दरम्यान,US $ निर्देशांक ९५.६६,VIX- २४.७१, PCR-१.७५ होता. USA च्या मार्केटमध्ये ‘TESLA’, मायक्रोसॉफ्ट, झूम असे टेक्नॉलॉजीच्या क्षेत्रातले शेअर्स तेजीत होते. सध्या FII खरेदी करत आहेत आणि DII विकत आहेत. PCR १.७५ आहे.ही ओव्हरबॉट स्थिती आहे. थोडे थोडे प्रॉफिटबुकिंग करावे. किंवा ट्रेलिंग स्टॉपलॉस ठेवावा.DIP मध्ये खरेदी करावी.

सध्या १२ सरकारी बँका आहेत. त्याच्या सहा बँका राहतील. उरलेल्या सहा बँकांमधील आपला stake सरकार विकणार आहे .सेंट्रल बँक ,बँक ऑफ इंडिया, बँक ऑफ महाराष्ट्र, पंजाब अँड सिंध बँक, IOB, IDBI, यूको या बँकांचे खाजगीकरण केले जाईल.

ज्यूबीलंट लाईफ या कंपनीला भारतात JUBI-R Remdisivir ह्या औषधाचे उत्पादन करणे आणि विक्री यासाठी DGCA ने परवानगी दिली.

‘THOMA BRAVO’ ही प्रायव्हेट इक्विटी फर्म MAJESCO चा USA आर्म US $ ५९४ मिलियन देऊन खरेदी करणार आहे. Majesco च्या शेअर होल्डर्सना US $ १३.१० कॅश मिळेल.२०२० च्या अखेरपर्यंत हे डील पूर्ण होईल. याचा परिणाम MASTAKE च्या शेअर्सवर होईल. MAJESCO चा या आर्ममध्ये ७४% stake आहे.MAJESCO ला US $ ४२१ मिलियन मिळतील. कंपनी हे प्रोसिड्स शेअर होल्डर्सना लाभांश आणि शेअर बाय बॅक च्या स्वरूपात देईल.

गेटवे डिस्ट्रिपार्क ही कंपनी ₹७२ प्रती शेअर या भावाने २७ शेअर्सला ४ शेअर्स या प्रमाणात ₹१६ कोटींचा राईट्स इशू आणत आहे. या इशुची रेकॉर्ड डेट २४ जुलै २०२० आहे.

BIOCON BIOLOGICS ही कंपनी VOLUNTIS या कंपनीबरोबर इन्सुलिनच्या डिजिटल थेरपीसाठी करार केला. (६) इंडिगो ही प्रवासी हवाई वाहतूक क्षेत्रातील कंपनी ₹ ३००० ते ₹६००० कोटींचा QIP आणणार आहे. ही कंपनी १०% कर्मचाऱयांना लेऑफ देणार आहे.

विप्रोला कॅम्पलायन्स क्वेस्ट या कंपनीकडून क्वालिटी मॅनेजमेन्ट सोल्युशन्स साठी ऑर्डर मिळाली.

NHPC ने ओडिशा ग्रीन औथोरिटी बरोबर सोलर प्रोजेक्टसाठी करार केला.

बजाज फायनान्सचे पहिल्या तिमाहीचे निकाल ठीक आले . नेट प्रॉफिट १९% ने कमी होऊन ₹ ९६२.३२ कोटी, उत्पन्न ₹६६४८ कोटी तर NII ₹३९१७ कोटी होते. GNPA १.४% तर NNPA ०.५०% होते.प्रोविजन कव्हरेज रेशीयो ६५% होता.

LIC आणि एक जनरल इन्शुअरन्स कंपनी सोडून बाकी सर्व इन्शुअरन्स कंपन्यांचे खाजगीकरण केले जाईल.

वोडाफोनला जुलै १५ ,२०२० रोजी सरकारला ₹१२०० कोटी भरायचे होते ते वोडाफोनने भरले नाहीत. व्होडाफोन आपले फायबर असेट्स तसेच डाटा सेंटर युनिट, प्रायव्हेट इक्विटी फंड KKRला विकण्याची शक्यता आहे.यातून ₹१५,००० ते ₹ १८,००० कोटी मिळण्याची शक्यता आहे.

स्वराज इंजिन्स, NRB बेअरिंग्ज, बॉम्बे dying, इंडो अमाईन्स यांचे पहिल्या तिमाहीचे निकाल असमाधानकारक होते. (१३) SBI लाईफ चे पहिल्या तिमाहीचे निकाल चांगले आले.प्रॉफिट ₹ ३९१कोटी, प्रीमियम उत्पन्न ₹७५८८ कोटी होते . HDFC लाईफचे प्रॉफिट ४५१कोटी , प्रीमियम उत्पन्न ₹ ५७२२ कोटी होते. प्रीमियम उत्पन्न कमी झाले. हिंदुस्थान झिंकचे प्रॉफिट ₹१३५९ कोटी, उत्पन्न ₹३८९८ कोटी होते. प्रॉफिट आणि विक्री कमी झाल्यामुळे हिंदुस्थान झिंक पडला. प्रीमियम उत्पन्न कमी झाल्यामुळे HDFC लाईफ पडला.SBI लाईफ मध्ये तेजी आली.

N 95 मास्क वापरण्याऐवजी कापडाचा मास्क वापरा असे सांगितले कारण श्वासासाठी हवा शुद्ध होऊन येते. पण उच्छश्वासावाटे हवा बाहेर जात नाही. याचा परिणाम 3M या शेअर्सवर होईल.

उद्या L&T आणि बजाज ऑटोचे निकाल येतील.

BSE निर्देशांक सेन्सेक्स -३७९३० NSE निर्देशांक निफ्टी- १११६२ बँक निफ्टी २२७८२ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा youtube channel subscribe आणि फेसबुक page like करायला विसरू नका.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!