Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३० सप्टेंबर  २०२०

आज क्रूड US $ ४०.५१ प्रती बॅरल ते US $ ४०.८५ प्रती बॅरल या दरम्यान तर रुपया US $१=Rs ७३.७७ ते US $१= Rs ७३.८५ या दरम्यान होते. US $ निर्देशांक ९३.९३ विक्स १९.८६ तर PCR १.३७ होते.

मार्केट उघडण्याच्या वेळेपर्यंत बिडेन आणि ट्रम्प यांच्यात ‘DEBATE’ चालू होते. त्यामुळे मार्केटमध्ये नर्व्हसनेस होता. सोने आणि चांदी यामध्ये मंदी होती. वाढत्या कोरोना प्रादुर्भावामुळे मागणी कमी असल्यामुळे क्रूडमधेही मंदी होती. १ ऑक्टोबर हा चीनचा राष्ट्रीय दिवस असल्यामुळे चीनमधील मार्केट्स एक आठवडा बंद राहतील. भारतीय मार्केटही २ऑक्टोबर २०२० रोजी गांधी जयंती निमित्त बंद राहतील.

USA चे वर्तमान अध्यक्ष ट्रम्प हे स्वतः उद्योगपती असल्यामुळे मार्केट फ्रेंडली आहेत. यामुळे ते ग्रासरूटच्या अडचणी समजू शकतात. ट्रम्पनी बर्याच प्रमाणात टॅक्स, रेट ऑफ इंटरेस्ट कमी केले. बिडेन टॅक्स वाढवण्याच्या बाजूचे आहेत. ‘DEBATE’ ट्रम्प यांच्या बाजूने झुकत आहे. आज डाऊ जोन्स ४०० पाईंट्स खाली आला. अजून या उमेदवारात तीन DEBATES व्हायचे आहेत. ३ नोव्हेम्बरला USA मध्ये अध्यक्षीय निवडणुकीसाठी मतदान होईल.

सरकारने BPCL च्या विक्रीसाठी निश्चित केलेली मुदत ३० सप्टेंबरला संपली. आतापर्यंत कोणीही EOI सादर केला नाही. रोजनेट आणि आरामको हे बीड करण्यात इंटरेस्टेड नाहीत. त्यामुळे आता सरकारने EOI सादर करण्याची मुदत १५ नोव्हेम्बरपर्यंत वाढवली आहे.

रिलायन्स रिटेलमध्ये जनरल अटलांटिक हे ०.८४% स्टेक Rs ३६८० कोटींना घेणार आहेत.

सुमिमोटो केमिकल्स ची OFS आज नॉनरिटेल गुंतवणूकदारांसाठी चालू झाली. याची फ्लोअर प्राईस Rs २७० निश्चित केली आहे.उद्या ही OFS रिटेल गुंतवणूकदारांसाठी ओपन असेल

इंडियन रेल्वेने RAILS च्या सप्लायसाठी JSPL ला मंजुरी दिली.

पेट्रोनेट LNG ने सांगितले की डोमेस्टिक LNG ची किंमत आयात केलेल्या LNG च्या किमतीपेक्षा कमी असेल. ही प्राईस US $१.९ प्रती MMBTU एवढी असेल. दुसर्या तिमाहीमध्ये आमच्या कंपनीचा बिझिनेस चांगला होईल असा अंदाज व्यक्त केला

SJVN या सरकारी कंपनीला गुजरातमधील १०० MV सोलर .प्रोजेक्टसाठी ऑर्डर मिळाली.

PNB ने सांगितले की लक्ष्मी विलास बँकेचे ऍक्विझिशन करण्याचा कोणताही प्रस्ताव RBI कडून आलेला नाही.

श्रीराम ट्रान्सपोर्ट नी सांगितले की ९०% लोकांकडून या महिन्यात परतफेड केली जाईल. फक्त २% लोनबुक चे रिस्ट्रक्चरिंग करावे लागेल. ९ कॉमर्स आणि लॉजिस्टिक प्लेयर्स कडून समजले की ग्रामीण आणि अर्धशहरी भागात मागणी चांगली आहे.

OPAL ही कंपनी ONGC GAIL आणि GSPC (गुजरात स्टेट पेट्रोनेट) यांचे JV आहे. या कंपनीला खूप कर्ज असल्याने त्या कंपनीचा DEBT /इक्विटी रेशियो चांगला नाही. ONGC या JV मध्ये Rs १०००० कोटींची गुंतवणूक करणार आहे. तसेच गेल आणि GSPC यांचा स्टेक प्रत्येकी Rs १००० कोटी देऊन खरेदी करेल. यामुळे या कंपनीची बॅलन्स शीट सुधारेल आणि सरकारलाही डायव्हेस्टमेन्ट करणे सोपे जाईल.

इंडोनेशिया आणि भारतातून होणाऱ्या स्टीलच्या आयातीवर युरोपियन युनियन टॅरिफ लावण्याची शक्यता आहे.

सरकारने EV उत्पादन करण्यासाठी आणि लोकलायझेशन सबसिडीची मुदत १ एप्रिल २०२१ पर्यंत वाढवली. ग्रीव्हज कॉटन या कंपनीने आपली इलेक्ट्रिक स्कुटर Rs ३६००० किमतीला लाँच केली. या मुदत वाढीचा फायदा ग्रीव्हज कॉटन, टाटा मोटर्स आणि बजाज ऑटोला होईल.

रेल्वे मंत्रालयाने काँकॉर या सरकारी कंपनीला रेल्वेची जमीन लीजरेंटवर ३३ वर्षांकरता देण्याचा करार करण्याविषयी नोट तयार केली.

उद्या अनलॉक ४.५ सुरु होणार आज केंद्र सरकार आणि विविध राज्य सरकारे आपापली अनलॉक मार्गदर्शक तत्वे जाहीर करतील. त्यात पश्चिम बंगाल मधील ऑडिटोरियम/ थिएटर्स, चालू करणे, महाराष्ट्रात रेस्टोरंट/ हॉटेल्समध्ये खानपान सेवा चालू करणे इत्यादींचा समावेश असेल. मार्केट या मार्गदर्शक तत्तवांवर लक्ष ठेवून आहे. ज्या कंपन्यांना/ क्षेत्रांना यात सूट मिळेल त्या कंपन्यांचे शेअर वाढतील. जर अनलॉकमध्ये सवलती मिळतील अशी अपेक्षा ठेवून वाढलेले शेअर्स त्या क्षेत्राच्या अपेक्षा पुर्या झाल्या नाहीत तर पडतील

ऑटो विक्रीचे आकडे येतील त्याकडेही मार्केट लक्ष ठेवून असेल. मार्केट येणाऱ्या सणासुदीच्या काळात ऑटोविक्रीमध्ये सुधारणा होईल अशी अपेक्षा करत आहे. त्याचबरोबर FMCG क्षेत्रातील खरेदी वाढेल असा अंदाज आहे. एअरकुलर्स, फ्रिज, वॉशिंग मशिन्स, विविध किचन ऍक्सेसरीज, फर्निचर इत्यादीची खरेदी होईल.

येत्या १५ दिवसांत RBI चे द्विमासिक धोरण जाहीर होईल असा अंदाज आहे.

उद्या CHEMKON स्पेशालिटी केमिकल्स आणि CMS या कंपन्यांचे लिस्टिंग होईल. ज्यांना हे शेअर्स मिळाले आहेत त्यांना चांगला लिस्टिंग गेन होईल असा अंदाज आहे.

BSE निर्देशांक सेन्सेक्स ३८०६७ NSE निर्देशांक निफ्टी ११२४७ बँक निफ्टी २१४५१ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २९ सप्टेंबर  २०२०

आज क्रूड US $ ४२.११ प्रती बॅरल ते US $ ४२.२७ प्रती बॅरल या दरम्यान तर रुपया US $१= Rs ७३.७८ ते US $१=Rs ७३.८५ या दरम्यान होते. US $ निर्देशांक ९४.२० VIX २०.१८ आणि PCR १.३४ होते.

सोने, चांदी, क्रूड मध्ये हलकीशी तेजी होती. US $ मजबूत होता.

आज USA चे अध्यक्ष ट्रम्प आणि डेमोक्रॅटिक पक्षाचे अध्यक्षपदाचे उमेदवार जो बिडेन यांच्यात निवडणूकपूर्व पहिली चर्चा होणार आहे. यात कोणत्या मुद्द्यावर कोणाची सरशी होते या कडे जगातील गुंतवणूकदारांचे लक्ष असणार आहे. या चर्चेमध्ये बहुतेक दोन्ही उमेदवाराच्या दृष्टिकोनावर आणि धोरणात्मक बाबींवर चर्चा होते.

वारंवार चर्चा केली जाते की सिनियर नागरिकांत कोरोनाचा प्रादुर्भाव जास्त प्रमाणात होतो. पण अलीकडचा डेटा बघितला की असे आढळून येते की USA मध्ये १२ ते १७ वर्षे या वयोगटातील लोकांत कोरोनाच्या प्रादुर्भावाचे प्रमाण जास्त आढळते.

सरकारने नवीन संरक्षण धोरण जाहीर केले. यात न्यू प्रोक्युअरमेंट कॅटॅगरीचा समावेश आहे. या धोरणान्वये आर्म्ड फोर्सेसला बरीचशी साधनसामुग्री भाड्याने घेण्यास परवानगी दिली. यामुळे वेळ आणि खर्च दोन्हीतही बचत होईल. त्याच प्रमाणे लीजवर देण्यास परवानगी दिली. उदा ट्रान्सपोर्ट एअरक्राफ्ट, ट्रेनर्स, सिम्युलेटर्स, अंदाजपत्रकातील तरतूद कमी आहे त्यामुळे शॉर्ट नोटीसवर साधनसामुग्री घेणे नवीन पद्धतीत सोपे जाईल. ५०% भारतीय मालकीच्या कंपन्या यात भाग घेऊ शकतील. नवीन DAP मध्ये भारत हा ग्लोबल मॅन्युफॅक्चरिंग हब बनेल असा प्रयत्न आहे. पूर्वीच्या धोरणामध्ये कॉन्ट्रॅक्ट व्हॅल्यूची ३०% रक्कम पुन्हा भारतात गुंतवावी लागत असे. त्यामुळे कॉन्ट्रॅक्ट करतानाच एक्स्ट्रा कॉस्ट लावली जाई. आणि यामुळे क्रिटिकल मिलिटरी टेक्नॉलॉजी भारतात येत नसे. ऑफसेट कमिटमेंटसाठी कॉन्ट्रॅक्ट प्राईस ८% ते १०% वाढवत असत.

CAG ने राफेल फायटर जेट डीलच्या संबंधात ताशेरे ओढले.ऑफ सेट पॉलिसीमुळे कटिंग एज टेक्नॉलॉजी भारतात येऊ शकली नाही.दोन देशांच्या सरकारमध्ये झालेल्या करारांमध्ये (इंटर गव्हर्मेंट अग्रीमेंट) ऑफसेट क्लॉज ऍप्लिकेबल असणार नाही. AB INITIO सिंगल व्हेंडर डील भविष्यात होऊ शकेल.

झायडसने आपल्या QIP ची फ्लोअर प्राईस Rs १६९० ठरवली.

कोल इंडियाने कोळशापासून मिथेनॉल बनवण्यासाठी जागतिक पातळीवर बीड मागवली आहेत. DANKUNI येथे Rs ६००० कोटींचा मिथेनॉल प्लांट लावणार आहे. पेट्रोलमध्ये मिथेनॉलचे ब्लेंडींग करणार आहे.

अनुह फार्मा या कंपनीला WHO ( वर्ल्ड हेल्थ ऑर्गनायझेशन) कडून मलेरिया API साठी मंजुरी मिळाली.

वॉलमार्ट टाटाच्या सुपरऍप मध्ये US $ २५ बिलियन एवढी गुंतवणूक करणार आहे. हे ऍप डिसेंबर २०२०-जानेवारी २०२१ मध्ये लाँच होईल. यामुळे टाटांचा सर्व कन्झ्युमर बिझिनेस एका छत्राखाली येईल. ही टाटा सन्सची सब्सिडीयरी असेल. वॉलमार्ट आणि फ्लिपकार्ट मध्ये ६६% स्टेक US $ १६ बिलियनला घेण्याचा करार झाला होता त्यापेक्षा हा करार मोठा असेल

BPCL ट्रस्टकडे ९.३३% स्टेक आहे. डायव्हेस्टमेन्ट योजनेनुसार त्यांना हा स्टेक विकावा लागेल. यापैकी २% स्टेक ESPS ट्रस्टला ट्रान्स्फर केला जाईल. या ट्रस्टला दिलेला पैसा एप्लॉईजच्या हितासाठी वापरला जातो. एम्प्लॉईजना हे शेअर्स डिस्काऊंटवर दिले जातील. हा डिस्काऊंटचा खर्च कंपनी करेल.

BPCL ने एक १५ वर्षाचे दीर्घ मुदतीचे कॉन्ट्रॅक्ट १ मिलियन टन प्रती वर्ष (MTPA) LNG साठी त्यांच्या १२.८८ MMTPA च्या MOZAAMBIQ प्रोजेक्ट बरोबर करार केला.या प्रोजेक्टमध्ये ONGC विदेश आणि OIL हे कॉन्सोर्शियम पार्टनर आहेत आणि ऑपरेटर फ्रेंच कंपनी ,’TOTAL’ आहे.

वेदांताची डीलीस्टिंग ऑफर ५ ओक्टोबर २०२० ला ओपन होऊन ९ ऑक्टोबर २०२० ला बंद होईल.

श्री सिमेंट आपल्या रायपुरमधील नव्या युनिटच्या विस्तारासाठी Rs १००० कोटी गुंतवेल.

SBI कार्डसने अमेरिकन एक्स्प्रेस बरोबर ग्लोबल फॅसिलिटीज साठी पार्टनरशिप करार केला.

रिलायन्स जिओ ने DOT ला पत्र पाठवून स्पेक्ट्रमचा लिलाव लवकर, शक्यतो डिसेम्बर २०२० पूर्वी करण्यास विनंती केली आहे. या लिलावामध्ये सरकारला Rs २५००० कोटी मिळतील. या लिलावाने डिजिटल इंडिया आणि ब्रॉडबँड विस्ताराच्या मिशनचे लक्ष्य लवकर गाठता येईल असे सांगितले. याआधी स्पेक्ट्रमचा लिलाव २०१६ साली झाला होता.

सरकारने नैसर्गिक गॅसचे फ्री मार्केट तयार करण्याचे ठरवले आहे. गॅस एक्स्चेंजच्या नियमांना अंतिम स्वरूप दिले जात आहे. मागणी आणि पुरवठा यांच्या हिशेबाने गॅस ट्रेडिंग होईल. CGD वगळता जवळजवळ सगळे सेक्टर प्रायोरिटी लिस्टमध्ये असतील. फर्टिलायझर, पॉवर, LPG प्लांट हे बाहेर असतील. रेग्युलेटेड प्राईससाठी नवीन लिस्ट तयार करत आहे. अनरेग्युलेटेड ब्लॉक वर PNGRB पुढील महिन्यापर्यंत आपला रिपोर्ट सादर करेल.

NMDC च्या दोनीमलाई खाणीत या महिन्यात काम सुरु होईल.

उद्या आरती ड्रग्जच्या बोनस इशूची एक्स डेट आहे.

आज मार्केट पहिल्या अर्ध्याभागात मंदीत ( विशेषतः बँक निफ्टी) होते नंतरच्या अर्ध्याभागात मार्केटने ही पडझड भरून काढली आणि ओपनिंग च्या आसपास क्लोज झाले.

BSE निर्देशांक सेन्सेक्स ३७९७३ NSE निर्देशांक निफ्टी ११२२२ बँक निफ्टी २१४११ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २८ सप्टेंबर  २०२०

आज क्रूड US $ ४१.५२ प्रती बॅरल ते US $ ४२.०७ प्रती बॅरल या दरम्यान तर रुपया US $१=Rs ७३.५६ ते US $१=Rs ७३.७८ या दरम्यान होते. US $ निर्देशांक ९४.५८ VIX २०.६८ PCR १.३० होते.

आज डाऊ जोन्स, NASHDAQ, S & P हे USA मधील तिन्ही निर्देशांक तेजीत होते. एशियायी मार्केटही तेजीत होती. USA मध्ये अध्यक्षीय निवडणुका जवळ येत आहेत.USA च्या अध्यक्षपदासाठी त्यांच्याकडील परंपरेनुसार अध्यक्षपदाच्या दोन उमेदवारांमध्ये २९ सप्टेंबर २०२० रोजी पहिला DEBATE होईल. पुढील DEBATE ७ ऑक्टोबर, १५ ऑक्टोबर, २२ ऑक्टोबर २०२० रोजी होणार आहेत. असे म्हटले जाते की या DEBATE वर USA मधील तसेच जगातील मार्केट लक्ष ठेवून असतात. कारण जो उमेदवार आपली बाजू समर्थपणे मांडेल त्याला मतदार पसंती देतात. जर ट्रम्प यांची सरशी झाली तर USA ची वर्तमान धोरणे चालू राहतील. याउलट जर डेमोक्रॅटिक उमेदवार बिडेन यांची सरशी झाली तर फिस्कल, परराष्ट्र धोरण, यात बदल संभवतो. US $ २.४ ट्रिलियनचे पॅकेज आणण्यावर रिपब्लिकन आणि डेमोक्रॅट्स या मुख्य पक्षांचे एकमत झाले आहे असा अंदाज व्यक्त करण्यात येत आहे. त्याचबरोबर आज फायझरने जाहीर केले की त्यांनी लस बनवण्याच्या तिन्ही ट्रायल्स यशस्वीरीत्या पूर्ण केल्या आहेत. आणि आता ते ऑक्टोबर अखेर USFDA च्या मंजुरीसाठी सादर करतील. नोव्हेंबरअखेर लस बाजारात येईल. क्रूड आणि सोने एका मर्यादित रेंजमध्ये होते. या सर्व आशादायक बातम्यांना युरोप, UK आणि पेरू, अर्जेंटिना आणि आशियातील काही देशांमधील वाढणाऱ्या कोरोनाच्या प्रादुर्भावाची काळी किनार होती.IT सेक्टरमधील कंपन्यांचे दुसऱ्या तिमाहीचे निकाल चान्गले येतील. तसेच फार्मा सेक्टरमधील कंपन्यांना डबल डिजिट ग्रोथची शक्यता असल्यामुळे फार्मा शेअर्समध्ये तेजी होती.उदा ग्रनुअल्स, ल्युपिन,नाटको फार्मा, JB केमिकल्स

आज भारतीय मार्केटमध्ये ‘व्याजावरव्याज’ संबंधित PIL ची सुप्रीम कोर्टात होणारी निकाली सुनावणी हा एक मुद्दा होता. पण आज सरकारने ५ ऑक्टोबरपर्यंत मुदत द्यावी असा अर्ज केल्याने या PIL ची सुनावणी ५ ऑक्टोबरपर्यंत पुढे ढकलली. तसेच पुढील आदेश देईपर्यंत कोणतेही कर्ज NPA म्हणून घोषित केले जाणार नाही अशीही ऑर्डर दिली. आजचे मरण उद्यावर गेले या न्यायाने बँक निफ्टीमध्ये आज ९०० पाईंट्सची तेजी दिसून आली.

१ ऑक्टोबर पासून अनलॉक ५ सुरु होईल.

पश्चिम बंगाल राज्य सरकारने थिएटर्स, नाट्यगृहे, मल्टिप्लेक्सेस आदी उघडण्याची परवानगी दिली. एकावेळी फक्त ५० माणसे हा कार्यक्रम बघू शकतील. या राज्य सरकारच्या निर्णयानंतर PVR, इनॉक्स लेजर, मुक्ता आर्ट्स इत्यादी शेअर्स मध्ये तेजी आली.

महाराष्ट्र राज्य सरकारने आज रेस्टारंट मध्ये खानपान करण्यासाठी सैद्धांतिक मंजुरी दिली. या त्यांच्या निर्णयानंतर ज्युबिलण्ट फूड्स, वेस्टलाइफ, स्पेशालिटी रेस्टारंटस, स्पेन्सर, इत्यादी शेअर्समध्ये तेजी आली.
त्याबरोबरच महाराष्ट्रात बिडी, सिगारेटच्या खुल्या विक्रीवर बंदी आणली. आता सिगारेटचे पॅकेट किंवा बिड्यांचे बंडल खरेदी करावे लागेल. शेअरमार्केटमध्ये या निर्णयाचा प्रभाव जाणवला नाही.

चहाचे पीकाचे भारताबरोबरच केनया, श्रीलंका या देशातहीनुकसान झाल्यामुळे चहाच्या किमती सातत्याने वाढत आहेत.

खत उत्पादक कंपन्या आपले शेअर्स खरेदी करत आहेत. यात चंबळ फर्टिलायझर आघाडीवर आहे. FACT, NFL, मद्रास फर्टिलायझर या कंपन्याही तेजीत होत्या.

ऑक्टोबर १ २०२० ला येणाऱ्या पॉलिसीसाठी RBI च्या MPC ची बैठक २९ सप्टेंबर २०२० ते १ ऑक्टोबर २०२० दरम्यान होणार होती. पण RBI ने ही बैठक स्थगित ठेवली / पुढे ढकलली. याचा अर्थ आता RBI चि द्वैमासिक पॉलिसी यायला आता उशीर लागेल.

लक्ष्मी विलास बँकेच्या AGM ( वार्षिक सर्वसाधारण सभा) मध्ये शेअरहोल्डर्सनी १० डायरेक्टर्सपैकी ७ डायरेक्टर्सच्या निवडीच्या विरुद्ध मतदान केले. यात मॅनेजिंग डायरेक्टरचाही समावेश होता. आता RBI ने तीन इंडिपेन्डन्ट डायरेक्टर्सना बँकेचा कारभार पाहायला परवानगी दिली आहे. त्यामुळे बँकेचे CLIX ग्रुप बरोबर होणारे मर्जरही पुढे ढकलले जाण्याची शक्यता आहे.

इलेक्ट्रिक व्हेइकलला लागणाऱ्या बॅटरीज बनवणार्या कंपन्यांना सरकारकडून बूस्टर डोस मिळण्याची शक्यता आहे. त्यामुळे अमर राजा बॅटरी, EXIDE या कंपन्यांच्या शेअर्समध्ये तेजी होती.

हार्ले डेव्हिडसन त्यांच्या मोटारसायकल्सच्या डिस्ट्रिब्युशनसाठी हिरो मोटो कॉर्प बरोबर करार करण्याची शक्यता आहे

NCLने QINGDO या चिनी कंपनीबरोबरचे JV रद्द केले.

KPIT TECH, चंबळ फर्टिलायझर्स, वेलस्पन, डॉलर इंडस्ट्री, सूर्य रोशनी, सॅटिन क्रेडिटकेअर या सारख्या काही कंपन्यांचे प्रमोटर्स/ कंपन्या आपल्या कंपनीचे शेअर्स बऱ्याच मोठ्या प्रमाणावर खरेदी करत आहे.

माईंडट्रीच्या माजी प्रमोटर्सने २.८५ लाख शेअर्स विकले.

१ ऑक्टोबर २०२० रोजी नैसर्गिक गॅसच्या किमतीची समीक्षा केली जाईल. ही किंमत २६% ने कमी होण्याची शक्यता आहे. US, कॅनडा, रशिया यांच्या बेंचमार्कप्रमाणे नैसर्गिक गॅसच्या किमती वर्षातून दोनदा ठरवतात. नैसर्गिक वायू काढण्यासाठी जो खर्च येतो त्याप्रमाणात किंमत ठरवली जाते. ONGC ची कॉस्ट ऑफ प्रोडक्शन US $ ३.७ प्रती MMBTU आहे. आणि त्यांना पूर्वीप्रमाणे रेग्युलेटेड प्राईस US $ २.३९प्रती MMBTU मिळते. याच बेंचमार्कप्रमाणे पुढील सहामहिन्यांसाठी किंमत ठरवली तर ती US $ १.९ प्रती MMBTU एवढी होईल. येणारा खर्च आणि विक्रीची किंमत यात ताळमेळ बसत नसल्याने ONGC ला तोटा होत आहे.तो तोटा पुढील सहा महिन्यात Rs ६००० कोटींनी वाढेल. नैसर्गिक गॅसची किंमत ठरवण्यासाठी आता वरील तीन देशांमध्ये वापरण्यात येणार्या बेंचमार्कऐवजी उत्तर आशियायी देशामध्ये वापरण्यात येणारा JKM (जपान कोरिया मार्कर) हा बेंचमार्क वापरावा असा सरकारचा विचार चालू आहे.

प्रीमियर एक्सप्लोजीव या कंपनीला वॉरहेड्स आणि फ्यूजेससाठी आर्म लायसेन्स मिळाले.

सोलर इक्विपमेंट मॅन्युफॅक्चरिंग साठी Rs ४७०० कोटींची PIL योजना येण्याची शक्यता आहे. तसेच रिन्यूएबल एनर्जीसाठी २४ तास रिन्यूएबल पर्चेस अग्रीमेंटची सूचना केली आहे.

गल्फ ऑईलने दक्षिण कोरियाच्या S. ऑइल कॉर्पोरेशन बरोबर पार्टनरशिप करार केला.

ITI 4G आणि 5G साठी इक्विपमेंट बनवू शकेल. ITI ने टेकमहिन्द्र बरोबर टेक्नॉलॉजीसाठी कोलॅबोरेशन केले आहे.

सिम्फनी या कंपनीने कमर्शियल आणि रेसिडेन्शियल कुलर्सची नवी रेंज लाँच केली.

१ ऑक्टोबरपासून सिमेंटचे दर वाढवण्याची शक्यता आहे.

आता सप्टेंबर संपून ऑक्टोबर सुरु होत आहे. त्याचबरोबर यावेळी फेस्टिव्ह सीझनही चालू होईल. त्यामुळे वोल्टस,सिम्फनी, हॅवेल्स, ब्ल्यू स्टार या कंपन्यांकडे लक्ष ठेवावे. तांत्रिक विश्लेषणानुसार हॅवेल्सच्या चार्टमध्ये कंटिन्युएशन पॅटर्न दिसत आहे.त्यामुळे या शेअरमधील तेजी अजून काही काळ राहील अशी शक्यता आहे.

BSE निर्देशांक सेन्सेक्स ३७९८१ NSE निर्देशांक निफ्टी ११२२७ बँक निफ्टी २१६६५ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २५ सप्टेंबर  २०२०

आज क्रूड US $ ४२.०० प्रती बॅरल ते US $ ४२.२९ प्रती बॅरल या दरम्यान तर रुपया US $१=Rs ७३.५९ ते US $१=Rs ७३.९० या दरम्यान होते. US $ निर्देशांक ९४.३५ VIX २३.५७ PCR १.११ होते.

आज USA च्या मार्केटमध्ये किंचित तेजी होती. USA मध्ये बेरोजगार भत्ता घेणाऱ्यां ची संख्या वाढली. USA मध्ये US $ २.४ ट्रिलियनचे पॅकेज जाहीर होण्याची शक्यता आहे. नोव्होवॅक्सची लस ट्रायलच्या अंतिम टप्प्यात आहे. कोरोनाची दुसरी लहर येण्याची शक्यता वर्तवली जात आहे. अँपलसकट टेक्नॉलॉजी शेअर्स मध्ये तेजी होती. ACCENTURE या कंपनीचे निकाल थोडे निराशाजनक आले आणि कंपनीने गायडन्सही कमी केला. सोने आणि चांदी यात मंदी होती.

लिबिया आणि इराकच्या क्रूडच्या उत्पादनात वाढ झाली, USA मधील क्रूडचा साठा कमी झाला पण कोरोनाच्या दुसऱ्यांदा होणाऱ्या प्रादुर्भावामुळे मागणी वाढली नाही. म्हणून क्रुडमध्ये जैसे थे ची स्थिती होती.

सुप्रीम कोर्टाने एअरसेल AGR संबंधित केसमध्ये असा निर्णय दिला की NCLT स्पेक्ट्रम विक्रीचा आदेश देऊ शकते.

हार्ले डेव्हिडसन आपला भारतातील उत्पादन आणि विक्रिचा कारभार बंद करणार आहे. त्यामुळे ७० कर्मचाऱ्यांना कमी केले जाईल.

मुकुंद लिमिटेड ही कंपनी महाराष्ट्रातील त्यांची १४२ एकर जमीन विकण्याची शक्यता आहे. या विक्रीतून आलेला पैसा कर्ज कमी करण्यासाठी वापरला जाईल.

GMR इन्फ्रा आपला काकीनाडा SEZ मधील ५१% स्टेक Rs २६१० कोटींना ऑरोबिन्दो रिअल्टी ला विकणार आहे.
Rs २०००० कोटींच्या रेट्रो टॅक्स डिमांडविषयी सरकार आणि वोडाफोन यांच्यातील आर्बिट्रेशन वोडाफोनने HAGUEकोर्टात जिंकले.कोर्टाने इंडियन टॅक्स DEPT ला त्यांची कारवाई थांबवायला सांगितले. कंपनीने रेट्रो टॅक्स पासून इंडिया नेदर्लंड्स बायलॅटरल इन्व्हेस्टमेंट कराराखाली प्रोटेक्शन मागितले होते.भारत सरकारने Rs २०००० कोटीची मागणी कायदेशीर ठरवण्यासाठी आयकर कायद्यात रेट्रोस्पेक्टिव्ह इफेक्टने सुधारणा केली होती. हचिन्सनकंपनीचा स्टेक २००७ मध्ये विकत घेण्यासाठी Rs १४२०० कोटी टॅक्स लावला होता. ह्या बाबतीत कोटाने सांगितले की भारतीय टॅक्स डिपार्टमेंटची प्रोसिजर ‘फेअर आणि इक्विटेबल ट्रीटमेंट तत्तवाचा भंग करणारी होती.

TCS ला MAURICES या फॅशन ऍपरल रिटेल कंपनीकडून डिजिटल सर्व्हिसेससाठी कॉन्ट्रॅक्ट मिळाले.

निपोन लाईफ सयुंक्तरीत्या पोस्ट ऑफिस लाईफ इन्शुअरन्स फंड आणि रुरल पोस्ट ऑफिस इन्शुअरन्स फंड तीन वर्षांकरता मॅनेज करेल.

M & M ने SAMPO ROSENLEW मधील स्टेक ४९% वरून ७५% केला.

CCL प्रॉडक्टसचा व्हेंडिंग मशीन व्यवसाय खरेदी करण्यात टाटा कन्झ्युमर प्रोडक्टस आणि ज्युबीलण्ट फूड याना स्वारस्य आहे.टाटा कॉफी त्यांचे कॉफी प्लांटेशन विकत घेण्याची शक्यता आहे.

‘अनट्रीटेड फ्युम्ड सिलिका’ या फार्मा आणि अग्रोकेमिकल मध्ये वापरल्या जाणार्या केमिकलच्या चीनमधून आणि दक्षिण कोरियातून होणाऱ्या आयातीवर ऍन्टीडम्पिंग ड्युटी लावण्यासाठी कॅबोट सनमार लिमिटेडने अर्ज केला आहे. सरकार यात लक्ष घालत आहे.

नीती आयोगाने स्ट्रॅटेजिक सेक्टर मध्ये बदल सुचवल्यामुळे पब्लिक सेक्टर एंटरप्रायझेस पॉलिसी उशिरा म्हणजे नोव्हेंबर अखेर येण्याची शक्यता आहे.

केरळ राज्याच्या उद्योगमंत्र्यांनी सांगितले की BPCL च्या खाजगीकरणाला आम्ही विरोध करू. जरूर पडल्यास या विरुद्ध सुप्रीम कोर्टात अर्ज करू. यामुळे BPCL चे खाजगीकरण पुढील वर्षापर्यंत पुढे ढकलले जाण्याची शक्यता आहे.

सिप्ला ही कंपनी रेस्पिरेटरी सेक्टरमध्ये USA मधील इनहेलर कंपनी Rs ७०० ते Rs १००० कोटींना खरेदी करेल. या कंपनीचा मोठा प्लांट आहे. या अक्विझिशननंतर USA सरकारकडून मोठ्या ऑर्डर्स मिळतील असा कंपनीचा अंदाज आहे.
कॅनरा बँक Rs २००० कोटींचा QIP करेल.

दक्षिण एशियातील देशांबरोबरील व्यापारात भारतीय रूपया हे चलन वापरण्याचा सरकार विचार करत आहे.

चीन मधून आयात होणाऱ्या CEFTRIAXONE सोडियम STERILE या इन्फेक्शनवरील औषधामध्ये वापरल्या जाणाऱ्या केमिकलवर सरकारने अँटीडम्पिंग ड्युटी लावली. याचा फायदा नेक्टर लाईफ सायन्सेस या कंपनीला होईल.
ऍडव्हान्स एंझाइमच्या इनॅक्टिव्ह प्रमोटर्सनी शेअर्स विकले आणि नालंदा या फंडाने ते खरेदी केले.ह्युमन, ऍनिमल न्यूट्रिशन मध्ये मागणी वाढत आहे. नालंदा एक FII आहे जो फंड मिडकॅप आणि स्माल कॅप मधील लॉन्ग टर्म इन्व्हेस्टमेंटसाठी. प्रसिद्ध आहे

सरकार आता HPCL, IOCL आणि OIL तसेच गेल या कंपन्यांच्या पाइपलाइनचे इन्व्हेस्टमेंट ट्रस्ट रूटने मॉनेटायझेशन करण्याची शक्यता आहे. कोणत्या पाइपलाइनचे मॉनेटायझेशन करायचे हा निर्णय नीती आयोग आणि पेट्रोलियम मंत्रालय घेईल.

CAMS आणी CHEMKON या IPO चे लिस्टिंग १ ऑक्टोबर २०२० ला होईल.

BSE निर्देशांक सेन्सेक्स ३७३८८ NSE निर्देशांक निफ्टी ११०५० बँक निफ्टी २०९८२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २४ सप्टेंबर  २०२०

आज क्रूड US $ ४१.३७ प्रती बॅरल ते US $ ४१.५६ प्रती बॅरल या दरम्यान तर रुपया US $१=Rs ७३.५७ ते US $१= Rs ७३.९२ या दरम्यान होते. US $ निर्देशांक ९४.४५ VIX २३.५९ PCR १.०३ होते.

आज डाऊजोन्स, NASHDAQ, आणि S & P ह्या सर्व USAमधील निर्देशांकांमध्ये मंदी होती. टेक्नॉलॉजी शेअर्समध्ये प्रॉफिटबुकिंग झाले. आशियायी मार्केटही मंदीत होती. सोने आणि चांदीतही मंदी होती.फेडने USA मध्ये आणखी एक रिलीफ पॅकेज येईल अशी घोषणा केली. डिसेम्बर २०२० ते एप्रिल २०२१ या दरम्यान कोरोनाला प्रतिबंधक लस येईल असा तद्न्यांचा अंदाज आहे. दरम्यान कोरोनाचा प्रभाव जगांत सर्वत्र वाढत आहे. अर्थव्यवस्था सुधारण्यात लॉक-डाऊन लावावे लागल्यामुळे अडथळे येत आहेत.

टाटा सन्स या टाटा ग्रुपच्या कंपनीने टाटा केमिकल्सचे २२ लाख शेअर्स Rs २८७.५८ प्रती शेअर या भावाने तर ३७.६३ लाख टाटा मोटर्सचे DVR Rs ५९.८३ प्रती शेअर या भावाने खरेदी केले.

प्रायमरी मार्केटमध्ये मात्र गुंतवणूकदारांचा प्रतिसाद खूपच चांगला राहिला. CHEMKON चा IPO १५० वेळा CAMS चा IPO ४७ वेळा तर एंजल ब्रोकिंगचा IPO २ वेळा ओव्हरसब्सक्राइब झाला.

पुढील आठवड्यात २९ सप्टेंबर २०२० पासून माझगाव डॉक्स या सरकारी कंपनीचा IPO ओपन होऊन १ ऑक्टोबर २०२० ला बंद होईल. या IPOचा प्राईस बँड Rs १३५ ते Rs १४५ आहे. मिनिमम लॉट १०३ शेअर्सचा आहे. सरकार OFS रूटद्वारे ३.०५ कोटी शेअर्स विकून Rs Rs ४१३ ते Rs ४४४ कोटी उभारेल. माझगाव डॉक्समध्ये सर्व प्रकारची जहाजे. पाणबुड्या बनवल्या जातात. आतापर्यंत त्यांनी अशी सुंमारे ८०० जहाजे बनवली आहेत.

UTI AMC चा IPO २९ सप्टेंबरला ओपन होऊन १ ऑक्टोबरला बंद होईल. याचा प्राईस बँड Rs ५५२ ते Rs ५५४ आहे मिनिमम लॉट २७ शेअर्सचा असेल.

या बरोबरच लिखिता इन्फ्रा या कंपनीचा IPO २९ सप्टेंबरला ओपन होईल. या IPO चा प्राईस बँड Rs ११७ ते Rs १२० असून मिनिमम लॉट १२५ शेअर्सचा आहे. ही ऑइल आणि गॅस क्षेत्रासंबंधित इन्फ्रा क्षेत्रातली कंपनी आहे.

सरकारने जाहीर केले की FY २१ साठी डायव्हेस्टमेन्टचे लक्ष्य बदलले नाही फक्त वेळापत्रक बदलले आहे.

झायडस वेलनेसने आपल्या QIP ची फ्लोअर प्राईस Rs १७७५.८५ निश्चित केली. गोल्डमन SACH ने ४.५२% स्टेक खरेदी केला.

L & T, IRCON, JMC प्रोजेक्ट्स, J कुमार इन्फ्रा आणि टाटा पॉवर यांनी बुलेट ट्रेन साठी बोली सादर केली.

सरकारने एअरलाईन कंपन्यांना सांगितले की जर बुकिंगचा रिफंड करण्यात उशीर झाला तर रकमेवर ०.५% व्याज आकारले जाईल.

रामको सिस्टीम्स या कंपनीला युनायटेड अरब शिपिंग कंपनीकडून १७ देशातील पेरोल साठी कॉन्ट्रॅक्ट मिळाले.

२५ तारखेपासून भारती इंफ्राटेल आणि झी एंटरप्रायझेस निफ्टीमधून बाहेर पडतील तर डिव्हीज लॅब आणि SBI लाईफ या शेअर्सचा नीफटीमध्ये समावेश होईल. त्याचप्रमाणे HDFC लाईफ, HDFC आणि रिलायन्स इंडस्ट्रीजचे वेटेज निफ्टीमध्ये वाढेल तर इन्फोसिस आणि HDFC बँकेचे वेटेज कमी होईल. यामुळे निफ्टीमध्ये फार्मा आणि इन्शुअरन्स सेक्टरचे वेटेज वाढेल आणि मीडिया सेक्टरचे वेटेज शून्य होईल.

चीनमधून आयात होणाऱ्या लॅमिनेशनला लागणाऱ्या केमिकल म्हणजेच मेलामाईन FORMALADHYDE वरील ऍन्टीडम्पिंग ड्युटीची मुदत वाढवण्याचा ( ही मुदत २७ जानेवारी २०२१ ला संपते) सरकार विचार करत आहे. GSFC या कंपनीने या डम्पिंगमध्ये लक्ष घालण्याची सरकारला विनंती केली आहे.

मोहरीच्या तेलात कोणत्याही दुसऱ्या तेलाचे ब्लेंडींग करायला १ ऑक्टोबर २०२० पासून सरकारने बंदी घातली.

इन्फोएजने असे सांगितले झोमॅटोची फूड डिलिव्हरी आता प्री कोविड लेव्हलच्या ९५% पर्यंत मुंबई आणि दिल्ली या शहरात पोहचली आहे.

PANACEA बायोटेक या कंपनीने डेंग्यूसाठी लस तयार करण्याच्या फेज I आणि फेज II पूर्ण केल्या असून DGCA कडून मंजुरी अपेक्षित आहे.

GMM PFAUDLER चा OFS Rs ३५०० प्रती शेअर या भावाने आली. मार्केटमध्ये या OFS ची खूपच चर्चा आहे. कारण CMP पेक्षा खूपच कमी प्राईसला हा OFS आणला गेला. या शेअरला गेले दोन दिवस लोअर सर्किट लागत आहे. पब्लिकमध्ये किती शेअर्स आहेत. किंवा नेहेमी किती शेअर्समध्ये खरेदीविक्री होते याला फ्री फ्लोट म्हणतात. GMM PFAUDLER मध्ये २५% फ्रीफ्लोट आणि ७५% स्टेक प्रमोटरकडे होते. हा फ्लोट साधारण ३५ लाख शेअर्स होता.
रोज साधारण ५८००० शेअर्समध्ये ट्रेडिंग होत असे म्हणजेच ४% स्टॉक यातले ४५% डिलिव्हरी ट्रेड असे. Rs ६९०० चा कमाल भाव होता. हा भाव १२० P /E वर होता आणि P /B रेशियो ३० होता. आज व्यवस्थापनाने सांगितले की या OFS विषयी कोणतीही माहिती अनधिकृतरित्या कोणाला कळवलेली नव्हती.

आज मार्केट पडले आणि शेवटपर्यंत पडतच राहिले.गेल्या ९ वर्षात एक्स्पायरीच्या दिवशी मार्केटमध्ये एवढी पडझड झाली नव्हती. FMCG सेक्टर उदा. HUL, डाबर सिंफनी कोलगेट, वेदांता, MCX , अपोलो हॉस्पिटल असे काही निवडक शेअर्स या पडझडीतूनही टिकून होते.

BSE निर्देशांक सेन्सेक्स ३६५५३ NSE निर्देशांक निफ्टी १०८०५ बँक निफ्टी २०४५६ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २३ सप्टेंबर  २०२०

आज क्रूड US $ ४१.३५ प्रती बॅरल ते US $ ४१.९८ प्रती बॅरल या दरम्यान तर रुपया US $१=Rs ७३.५४ ते US $१=Rs ७३.५८ या दरम्यान होते. US $ निर्देशांक ९४.१८ तर VIX २२.३४ PCR १.०३ होते.

आज सोने आणि चांदीमध्ये मंदी होती. क्रुडमध्ये ही मागणी कमी झाल्यामुळे मंदी होती.

KKR या USA मधील प्रायव्हेट इक्विटी फर्मने रिलायन्स रिटेलमध्ये १.२८% स्टेक Rs ५५५० कोटींना घेतला. या गुंतवणुकीसाठी रिलायन्सचे व्हॅल्यूएशन Rs ४.२१लाख कोटी एवढे झाले. KKR ने याआधी रिलायन्स जीओमध्ये Rs ११३६७ कोटींची गुंतवणूक केली आहे.

आज रिलायन्स जिओने पोस्टपेड प्लॅन लाँच करत असल्याचे जाहीर केले. हे प्लॅन Rs ३९९, Rs ५९९, Rs ७९९, Rs ९९९, आणि Rs १४९९ किमतीचे आहेत. ह्या प्लान्समध्ये अनलिमिटेड व्हॉइस आणि व्हिडिओ कॉल, अमेझॉन प्राईम, नेटफ्लिक्स, डिस्ने + इत्यादी पॅकेजिस आहेत. भारती एअरटेल आणि वोडाफोन यांच्या प्लानपेक्षा हा प्लॅन Rs १००ने स्वस्त आहे. त्यामुळे भारती एअरटेल आणि वोडाफोन आयडिया हे शेअर्स पडले.

रिलायन्स इंडस्ट्रीज लिमिटेड च्या शेअरमध्ये KKR ने केलेल्या गुंतवणुकीमुळे आणि पोस्ट पेड प्लान्स च्या घोषणेमुळे चांगली तेजी आली.

टाटा ग्रुप आणि शापुरजी पालनजी ग्रुप यांनी आता वेगळे व्हायचे ठरवले आहे. टाटा ग्रुपमधला आपला १८.३७% स्टेक शापूरजी पालनजी विकून टाकणार आहे. या आधी शापूरजी पालनजी यांना टाटा सन्सचे शेअर्स तारण म्हणून ठेवून कर्ज काढायला सुप्रीम कोर्टाने मनाई केली होती. शापूरजी पालनजी ग्रुपची कंपनी स्टर्लिंग & विल्सन सोलर या कंपनीला झालेले कर्ज फेडण्यासाठी या पैशाचा उपयोग करण्यात येईल. शापूरजी पालनजी ग्रुपच्या टाटा ग्रुपमधील स्टेकचे व्हॅल्युएशन Rs १७८४५९ लाख कोटी एवढे आहे. टाटा सन्सने हे शेअर्स विकत घेण्याची ऑफर केली आहे. ही बातमी टाटा ग्रुपच्या शेअर्ससाठी विशेषतः TCS साठी प्रतिकूल ठरली. स्टर्लिंग & विल्सन सोलर च्या शेअरला अपर सर्किट लागले.

हेक्झावेअरने डिलिस्टिंग साठी Rs ४७५ प्रती शेअर ही किंमत ठरवली. त्यामुळे आता हेक्झावेअरचे डीलीस्टिंग होणार हे निश्चित झाले.

बँक निफ्टी सुरुवातीपासून मंदीत होती. पण मार्केट संपता संपता अशी बातमी आली की सरकार एक नवीन रिलीफ पॅकेज जाहीर करण्याच्या विचारात आहे. ही बातमी आल्याबरोबर बँक नीफटीमध्ये चैतन्य आले. आणि बँक निफ्टी चांगलीच सावरली.

सरकारने असे जाहीर केले की स्क्रॅपेज पॉलिसी तयार आहे.

सन फार्माने ILUMYA हे औषध जपानमध्ये लाँच केले.

सेबीने ICRA आणि CARE या रेटिंग एजन्सीजवर प्रत्येकी Rs १ कोटी दंड लावला.हे IL &FS शी संबंधित आहे.
पॉवर सेक्टरमधील २०००० MV चे पॉवर प्रोजेक्ट्स वेगवेगळ्या फेजमध्ये अडकून पडले आहेत. यामध्ये KSK एनर्जी, अडानी पॉवर यांचा सामावेश आहे. अजून PPA ( पॉवर पर्चेस अग्रीमेंट) झाली नाहीत.

२४ सप्टेंबरपासून भारती इंफ्राटेल आणि झी इंटरप्रायझेस हे शेअर्स निफ्टीतुन बाहेर पडतील आणि डिव्हीज लॅब आणि SBI लाईफ हे शेअर्स निफ्टी मध्ये सामील होतील.

२५ सप्टेंबर २०२० ही आरती ड्रग्स या कंपनीच्या १ शेअरला ३ बोनस शेअरची रेकॉर्ड डेट आहे.

३० सप्टेंबर २०२० ही LAURAS लॅब च्या १शेअरचे ५ शेअरमध्ये स्प्लिटची रेकॉर्ड डेट आहे.

२८ सप्टेंबर २०२० ही सुवेन लाईफसायन्सेस या कंपनीच्या १ शेअरला १ बोनस इशूची रेकॉर्ड डेट आहे.
मार्केट IPO ना जबरदस्त रिस्पॉन्स देत आहे. CAMS चा IPO ३० वेळा तर CHEMKON चा IPO ९१ वेळा ओव्हरसबस्क्राईब झाला. एंजल ब्रोकिंगचा IPO दुसऱ्या दिवशीय १.१५ वेळा भरला.

२४ सप्टेंबरला USA चे जॉबलेस डेटा, होमसेल्स चे आकडे येतील.

उद्या सप्टेंबर महिन्याची F & O मार्केटची एक्स्पायरी आहे. त्यामुळे मार्केटमध्ये जास्त वोलतालीटी राहण्याची शक्यता आहे. तेव्हा अशा मार्केटमध्ये ट्रेडिंग करताना सावधगिरीने करा.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २२ सप्टेंबर  २०२०

आज क्रूड US $ ४१.३० प्रती बॅरल ते US $ ४१.८४ प्रती बॅरल या दरम्यान तर रुपया US $१=Rs ७३.३८ ते US $१=Rs ७३.५८ या दरम्यान होते. US $ निर्देशांक ९३.७८ VIX २३.१० PCR ०.७५ होता.

आज जगातील सर्व मार्केट कोविड १९ चा प्रादुर्भाव वाढत असल्यामुळे मंदीत होती. USA मध्ये रिलीफ पॅकेज येण्यासाठी वेळ लागतो आहे. सोने आणि चांदीही मंदीत होती. क्रुडमध्येही मंदी होती. आंतराष्ट्रीय स्तरावरील तसेच भारतीय बँकांमधील मनी लॉण्डरिंग SAR मध्ये उघड झाल्यामुळे बँकांच्या शेअर्समधील प्रॉफिट बुकिंग थांबण्याचे नाव घेत नव्हती.ऑटो, मेटल्स आणि ऑईल आणि गॅस क्षेत्रातील कंपन्यांच्या शेअर्समध्ये मंदी होती USA मध्ये टेक्नॉलॉजि कम्पन्यांच्या शेअर्समध्ये मंदी होती.

आज GMM PFAUDLER ची OFS नॉन रिटेल गुंतवणूकदारांसाठी ओपन झाली. या OFS ची फ्लोअर प्राईस Rs ३५०० ठेवली होती. या OFS द्वारे कंपनीचे प्रमोटर्स आपला १७.६% स्टेक विकणार आहेत. उद्या ही OFS रिटेल गुंतवणूकदारांसाठी ओपन होईल. कंपनीनं एवढ्या कमी फ्लोअर प्राईसधे OFS आणली त्यामुळे कंपनीच्या शेअरला लोअर सर्किट लागले.

HSIL ने आज बायबॅकचा भाव Rs १०५ प्रती शेअर जाहीर केला. कंपनी या बायबॅकवर Rs ७० कोटी खर्च करेल. कंपनी हे शेअर्स ओपन मार्केटमधून बायबॅक करेल.

TCS ला UK च्या मॉरिसन या कंपनीकडून ५ वर्षांकरता अतिरिक्त कॉन्ट्रॅक्ट मिळाले

आज राज्यसभेमध्ये इसेन्शिअल कमोडिटीज ऍक्ट सुधारणा बिल पास झाले. यामुळे आता कांदे, बटाटे, टोमॅटो हे अत्यावश्यक कमोडिटी राहिले नाहीत.

सरकारने कंपनी ऍक्ट सुधारणा बिल २०२० पास केले.  तसेच बँकिंग सुधारणा बिल मंजूर केले. यामुळे सहकारी बँका आता RBI च्या निगराणीखाली येतील.

CCI ( कॉम्पिटिशन कमिशन ऑफ इंडिया) ने सांगितले की रेल्वे टेंडर सादर करताना १० कंपन्यांनी संगनमत केल्याचे आढळून आले.

या सर्व पडझडीत IPO ना मात्र चांगला प्रतिसाद मिळत आहे. आज दुसऱ्या दिवशी CHEMKON चा IPO ८ वेळा तर CAMS चा IPO १,७५ वेळा भरला. पहिल्या दिवशी एंजेल ब्रोकिंगचा IPO ५०% भरला. तसेच IT ( कोफोर्ज, माईंड ट्री टी सी एस )आणि फार्मा क्षेत्रामधील कंपन्यांच्या शेअर्समध्ये तेजी होती.

BSE निर्देशांक सेन्सेक्स ३७७३४ NSE निर्देशांक निफ्टी १११५३ बँक निफ्टी २११३९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २० सप्टेंबर २०२०

आज क्रूड US $ ४२.१६ प्रती बॅरल ते US $ ४३.२५ प्रती बॅरल या दरम्यान तर रुपया US $१=Rs ७३.२६ ते US $१=Rs ७३.४५ या दरम्यान होते. US $ निर्देशांक ९३.३२ VIX २३.१० आणि PCR ०.८७ होते.

आज जागतिक मार्केट्स मंदीत होती. याला पहिले कारण म्हणजे कोरोनाचा युरोपियन देशात होणारा पुनःप्रादुर्भाव, लंडनमध्ये जाहीर झालेला लॉकडाऊन, तसेच इस्रायलमध्ये झालेला लॉकडाऊन, आणि प्रतिबंधक लस येण्यासाठी विविध कारणांमुळे होणारा उशीर.

तसेच आज HSBC बँक, स्टॅंडर्ड चार्टर्ड बँक, DEUTSCHE बँक, JP मॉर्गन आणि बँक ऑफ न्यूयॉर्क मेलॉन या बँकांमार्फत १९९९ ते २०१७ या काळात फार मोठ्या प्रमाणावर मनी लॉंडरिंग झाले असे २१०० SAR (SUSPISIOUS ट्रॅन्झॅक्शन रिपोर्ट) (US $ २ ट्रिलियन रक्कमेच्या बाबतीत) फाईल केले गेले. त्यातून HSBC होल्डिंग ही कंपनी पोंझी स्कीम चालवत होती.

चीनने ज्या कंपन्यांवर बंदी घालायचे ठरवले आहे त्यात HSBC चे नाव आहे.या सर्व कारणांमुळे या बँकांचे शेअर्स पडले.
भारतातील JSPL या कंपनीने केलेल्या व्यवहारासंबंधात DEUTSCHE बँक कंपनी ऑफ अमेरिका या कंपनीने तीन SAR फाईल केले. रिपोर्टमध्ये असे नमूद केले आहे की JSPL ने कोणताही व्यवहार झाल्याशिवाय जर्मनी. मॉरिशस, UK येथील कंपन्यांना पैसे पाठवले आणि कंपनीला दुबई, स्विट्झरलँड या देशातील कंपन्यांकडून पैसे मिळाले. ही बातमी येताच JSPL चा शेअर १३% पडला.

लंडन मध्ये जाहीर झालेल्या लॉक-डाऊन मुळे टाटा स्टील, टाटा मोटर्स, टाटा मोटर्स DVR हे शेअर्स पडले.

भारतातील बँकांच्या शेअरमध्येही प्रॉफिट बुकिंग झाले.

या सर्व प्रतिकूल बातम्यांमध्येही प्रायमरी मार्केटमध्ये तेजी होती. ROUTE मोबाईलचा शेअर Rs ७१७ वर लिस्ट झाला. तसेच या आठवड्यात येणाऱ्या CAMS, CHEMKON, आणि एंजेल ब्रोकिंग या IPO ना गुंतवणूकदारांनी चांगला प्रतिसाद दिला.

L & T ने आज उत्तराखंडमधील ९९MV चा प्लांट सुरु केला.

कॅनरा बँक QIP च्या रूटद्वारे पैसे उभारण्यासाठी २५ सप्टेंबर रोजी होणाऱ्या बैठकीत विचार करेल.

IOC ने आज पेट्रोलच्या भावात कोणताही बदल केला नाही. डिझेलमात्र Rs ०.१५ ने स्वस्त केले.

आज सन टीव्ही, डिश टीव्ही, जागरण प्रकाशन, DB कॉर्प, झी एंटरटेनमेंट याचे जाहिरातीतून मिळणारे उत्पन्न प्रीकोविड लेव्हलच्या ८०% एवढे वाढले तसेच सबस्क्रिपशन इनकममधेही वाढ झाली असे CLSA ने सांगितले.

आता आयात होणाऱ्या प्रत्येक वस्तूवर सोर्स ऑफ ओरिजिन द्यावा लागेल. यामुळे चीनमध्ये उत्पादन झालेल्या वस्तूंची दुसऱ्या देशामार्फत होणाऱ्या आयातीला आळा बसेल तसेच खराब गुणवत्तेच्या मालाच्या आयातीला आळा बसेल.

HCL टेक या कंपनीने ऑस्ट्रेलिया आणि न्यूझीलंड या देशात पकड जमवण्यासाठी DWS या टेक्नॉलॉजी कंपनीचे अधिग्रहण करण्याचा विचार केला आहे.

मेहरीशी पॅनलने ‘व्याजावर व्याज’ संबंधित रिपोर्ट पूर्ण केला आहे. काही कर्जावरील व्याजावरच्या व्याजात सूट देण्याची/ माफ करण्याची शिफारस करण्याची शक्यता आहे.

ओपन CELL वर सरकारने ५% इम्पोर्ट ड्युटी लावली.

शिल्पा मेडिकेअरने मलेशियामधील बिझिनेससाठी सबसिडीअरी स्थापन केली.

एशियाना हाऊसिंग नवीन प्रोजेक्टसमध्ये ४ वर्षात Rs ४०० कोटी गुंतवेल.

टाटा मेटॅलिक्सने आपला खरगपूर प्लांट मेंटेनन्ससाठी बंद राहील असे सांगितले. सरकारने गव्हाची MSP ( Rs ८५ ने) जवसाची MSP (Rs ८५) आणि डाळींच्या MSP मध्ये ७.५% वाढ केली.

अतुल ऑटोने आपल्या प्लॅन्टमधील प्रॉडक्शन तात्पुरते बंद केले आहे. प्रोडक्शन चालू करण्यासाठी आम्ही नोव्हेम्बरमध्ये विचार करू असे सांगितले.

आज पासून अनलॉक ४ चालू झाले.

BSE निर्देशांक सेन्सेक्स ३८०३४ NSE निर्देशांक ११२५० बँक निफ्टी २१३६६ वर बंद झाले.
भाग्यश्री फाटक
www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १८ सप्टेंबर  २०२०

आज क्रूड US $ ४३.४३ प्रती बॅरल ते US $ ४३.७४ प्रति बॅरल या दरम्यान तर रुपया US $१= Rs ७३.२३ ते US $१=Rs ७३.४७ या दरम्यान होते. US $ निर्देशांक ९२.८० VIX २०.५० PCR १.०४ होते.

ओपेक+ चे जे उत्पादक सभासद उत्पादनात कपात करणार नाहीत त्यांच्यावर कारवाई केली जाईल अशी OPEC + धमकी दिल्यामुळे क्रूडचा दर US $ ४३ च्यावर पोहोचला.

संसदेने ३ शेतकी विषयक वटहुकूम मंजूर केले. आता शेतकऱ्यांना त्यांचा माल त्यांच्या राज्यात कोठेही, तसेच बाहेरच्या कोठल्याही राज्यात विकता येईल. त्यांना आता माल E कॉमर्स च्या रूटने विकता येईल. आता शेतकऱयांना कंपन्यांबरोबर, मोठ्या ट्रेडर्सबरोबर शेतातील पिकाची विक्री करण्याचे फॉरवर्ड कॉन्ट्रॅक्ट करता येईल. यामुळे शेतकऱ्यांना त्यांच्या मालाचा भाव त्यांच्या अपेक्षेप्रमाणे मिळेल आणि पिकाचं नुकसान होण्याचा धोका खरेदी करणाऱ्याकडे पास होईल.

TRAI ने टॅरिफवर नवीन गाईडलाईन्स जारी केल्या. आता कंपन्यांना टॅरिफविषयी पुरी माहिती द्यावी लागेल. ह्या गाईडलाईन्स १५ दिवसांत अमलांत आणाव्या लागतील. टॅरिफमध्ये व्हॉइस कॉल, डेटा लिमिट, स्पीड या विषयी पूर्ण माहिती द्यावी लागेल.

हिंदाल्कोने हिंदुस्थान कॉपर बरोबर त्यांचे कॉपर कॉन्सन्ट्रेटचे ६०% उत्पादन खरेदी करण्याचा करार केला. हिंदाल्को या कॉपर कॉन्सन्ट्रेट पासून रिफाईंड कॉपर बनवेल.यामुळे हिंडाल्कोचा शेअर तेजीत होता.

एन्जल ब्रोकिंग या ब्रोकिंग फर्म चा IPO २२ सप्टेंबरला ओपन होऊन २४ सप्टेंबरला बंद होईल. हा IPO Rs ६०० कोटींचा असून (५०% OFS आहे) याचा प्राईस बँड Rs ३०५-Rs ३०६ आहे. ब्रोकिंग मध्ये त्यांचा ६% मार्केटशेअर आहे. रिटेल आणि B २ C वर जास्त फोकस आहे. ब्रोकिंग अडवायझरी, मार्जिन ट्रेडिंग आणि शेअर्सवर कर्ज या तीन सर्व्हिसेस ही कंपनी देते. यांचे डिजिटल ट्रेडिंग प्रॉडक्ट स्वस्त आणि सोपे आणि सोयीस्कर आहे.

LED प्रॉडक्ट आणि LED मोड्युल यांच्या कॉम्पोनंट्सच्या आयातीवर उद्योग मंत्रालयाने सक्ती वाढवली. या प्रॉडक्टसच्या गुणवत्तेची तपासणी केली जाईल. याचा फायदा डिक्सन टेक्नॉलॉजीला होईल.

TVS मोटर्सनी कोलंबियामध्ये त्यांचा प्रेझेन्स वाढवला. AUTECO बरोबर करार केला.

आयशर मोटर्सनी ‘एनफिल्ड’ च्या किमती वाढवल्या

USA बेस्ड रोझेन या फर्मने USA च्या कोर्टात क्लास ऍक्शन सूट फाईल केली . HDFC बँकेच्या अंतर्गत फायनान्सियल रिपोर्टींग आणि डिस्क्लोजर सिस्टिम सदोष आहे. बँकेची व्हेहिकल फायनान्स देण्याची प्रक्रिया योग्य नाही. त्यामुळे बँकेने दिलेली माहिती दिशाभूल करणारी असल्यामुळे गुंतवणूकदारांना चुकीची माहिती दिली गेली. त्यामुळे गुंतवणूकदारांचे नुकसान झाले.

HDFC बँकेने आधीच दिलेल्या प्रतिक्रियेप्रमाणे त्यांची डिस्क्लोजर पॉलिसी पूर्णपणे पारदर्शक आहे. HDFC बँकेच्या शेअरमध्ये मंदी आली.

DR रेडीज आणि CELGENE यांनी REVLIMID ( हा CLEGENE चा ट्रेडमार्क आहे) पेटंट सुटमधे आऊट ऑफ कोर्ट सेटलमेंट केली. CELEGENE ने DR रेडीजला LENALIDOMIDE कॅप्सूल्स USA मध्ये विकायला परवानगी दिली. मार्च २०२२ पर्यंत मर्यादित प्रमाणात विकता येईल आणि ३१ जानेवारी २०२६ नंतर मात्र विक्रीवर कोणतेही बंधन असणार नाही. काही दिवसांनी DR रेडीज LENALIDOMIDEचे जनरिक व्हर्शन लाँच करणार आहे. DR रेडीजने ‘PATADAY’ ची ओव्हर द काउंटर औषधे लाँच केली. यामुळे ‘OTC आय केअर’ या फिल्डमध्ये DR रेडीजचा प्रवेश होईल. GLAND फार्माबरोबर त्याचे स्ट्रॅटेजिक कोलॅबोरेशन होईल. रशियन डायरेक्ट फंडाने ‘स्पुटनिक’ या त्यांच्या कोरोनावरील लशीच्या क्लीनिकल ट्रायल्स आणि डिस्ट्रिब्युशनसाठी DR रेडीज बरोबर करार केला. या सर्व अनुकूल बातम्यांमुळे DR रेडिजचा शेअर १३% वाढला.

रिलायन्स त्यांच्या रिटेलमधील १५% ते २०% स्टेक ऑफलोड करणार आहे. त्यातून त्यांना Rs ८०००० कोटी अपेक्षित आहेत. CATTERTAN, मुबादला, KKR, अबुधाबी इन्व्हेस्टमेंट ऑथारिटी तसेच १० परदेशी फंडांबरोबर चर्चा सुरु आहे. रिलायन्स चे Rs ४.२लाख कोटी व्हॅल्युएशन झाले आहे. कार्लाईल US $ २ बिलियनचा स्टेक घेणार आहे.

EIH ही कंपनी Rs ३५० कोटींचा राईट्स इशू RS ६५ प्रती शेअर या भावाने ८५शेअर्सना ८ राईट्स या प्रमाणात आणत आहे. या राईट्स इशूसाठी रेकॉर्ड डेट २३ सप्टेंबर २०२० ही असेल.

गुजरात गॅस, GSK फार्मा, HDFC बँक, कोटक महिंद्रा बँक, SBI कार्डस अडाणी ग्रीन, इंडस इंड बँक, ट्रेंट, PI इंडस्ट्रीज IGL आणि IPCA लॅब यांचा FTSE मध्ये समावेश करण्यात आला तर भारती एअरटेल, इन्फोसिस आणि HDFC या कंपन्यांना FTSE मधून वगळण्यात आले.FTSE या निर्देशांकाला युरोपियन फंड्स फॉलो करतात.

वॉलमार्ट ही कंपनी ओरॅकल बरोबर टाय- अप करणार आहे.व्हिडिओ शेअरिंग APP मधील २०% स्टेक ओरॅकलला मिळेल. BYTEDANCE ने टिकटॉक चा बिझिनेस विकावा किंवा USA मधील ऑपरेशन्स ९० दिवसाच्या आत नॅशनल सिक्युरिटीसंबंधातील कारणांमुळे पूर्णपणे बंद करावी असे सांगितले होते. USA संबंधित सर्व डेटा USA मध्येच स्टोअर केला पाहिजे असे सांगितले. या मध्ये ओरॅकलचा खूप फायदा होईल कारण त्यांना व्हॅल्युएबल डेटा मिळेल.

RITES ही कंपनी ९७ लाख शेअर्सचा बायबॅकसाठी Rs २६५ प्रती शेअर्सच्या भावाने टेंडर ऑफर पद्धतीने Rs २६० कोटीपर्यंत खर्च करेल.

२४ सप्टेंबर २०२० ला RBI Rs १०००० कोटींचे OMO करेल.

१ ते १५ सप्टेंबरचा डेटा बघितला तर असे आढळते की पेट्रोलची ,गॅसची मागणी वाढत आहे, याचा फायदा HPCL BPCL, IOC, MGL, IGL HOEC, गुजरात गॅस यांना होईल.

आज फार्मा क्षेत्रातील सर्व कंपन्यांच्या शेअरमध्ये तेजी होती. तर बँकिंग शेअर्समध्ये मंदी होती.
ICRA ने एस्कॉर्टसचे लॉन्ग टर्म रेटिंग AA – वरून AA असे केले.

कॅडिलाच्या ‘पोटॅशियम क्लोराईड’ च्या टॅब्लेट्स ना USFDA ची अंतिम मंजुरी मिळाली.हे रक्तदाबावरील औषध आहे.

पुढील आठवड्यात २१ सप्टेंबरपासून रुल्स ऑफ ओरिजिन वस्तूंवर लिहावे लागेल. ROUT मोबाईलचे लिस्टिंग होईल. CAMS आणि CHEMKON यांचे IPO ओपन होतील. २२ सप्टेंबरला एंजल ब्रोकिंगचा IPO ओपन होईल.

१९ सप्टेंबरला होणारी GST कौन्सिलची मीटिंग ५ ऑक्टोबरपर्यंत पुढे ढकलली.

BSE निर्देशांक सेन्सेक्स ३८८४५ NSE निर्देशांक निफ्टी ११५०५ बँक निफ्टी २२०३१ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १७ सप्टेंबर  २०२०

आज क्रूड US $ ४१.५० प्रती बॅरल ते US $ ४२.१६ प्रती बॅरल या दरम्यान तर रुपया US $ १=₹ ७३.६५ ते US $ १=₹७३.७७ या दरम्यान होते . US $ निर्देशांक ९३.४२ VIX २०.५८ आणि PCR १.६१ होते.

आज USA च्या मार्केटमध्ये, आशियायी मार्केटसमध्ये प्रॉफिटबुकिंग झाले .फेडने आपल्या दरांमध्ये कोणताही बदल केला नाही . आपले दर ०.००% ते०.२५% या दरम्यान राहतील असे सांगितले.

२०२३ पर्यंत या दरांत कोणतीही वाढ करणार नाही असे सांगितले . इन्फलेशनचा दर २% पेक्षा २०२३ च्या आधी जास्त होईल असे वाटत नाही. जो पर्यंत जॉब मार्केट पूर्णपणे सुधारत नाही आणि अर्थव्यवस्थेत सुधारणा होत नाही तो पर्यंत आम्ही लिक्विडीटी पुरवत राहू . फेडच्या या कॉमेंट्समूळे मार्केटचा असा ग्रह झाला की अर्थव्यवस्था काही लवकर सुधारत नाही. ट्रम्प यांनी जाहीर केले की ऑक्टोबर २०२० च्या दुसऱ्या आठवड्यात लोकांना लस मोफत वाटली जाईल. तसेच रिलीफ पॅकेज देण्यावर विचार चालू आहे .

स्नो फ्लेक या शेअर USA मार्केट मध्ये लिस्ट झाला तो इशू प्राईसच्या दुप्पट किमतीवर झाला. ही IT क्षेत्रातील कंपनी आहे .
HCL टेक या कंपनीने गूगलबरोबर acclerated intelligence business platform साठी करार केला. ही कंपनी गूगल क्लाउड साठी डेटा स्टोअरेज चे काम करेल.

CAMS ने ₹१२२९ ते ₹ १२३० हा प्राईस बँड आणि ४४ शेअर्सचा मिनिमम लॉट आणि chemkon या कंपनीने ₹ ३३८ ते ₹ ३४० हा प्राईस बँड जाहीर केला.

HSIL ची २१ सप्टेंबर २०२० रोजी आणि राईट्स या कंपनीची १८ सप्टेंबर २०२० रोजी शेअर बायबॅकवर विचार करण्यासाठी बोर्ड ऑफ डायरेक्टर्सची बैठक आहे.

सरकार इथेनॉल उत्पादनासाठी नवीन प्लांट उभारण्यासाठी ५ वर्षे मुदतीचे कर्ज ६% व्याजावर देईल. कंपन्या १५ ऑक्टोबर २०२० पर्यंत या साठी अर्ज करू शकतील. यामुळे सर्व साखर उत्पादक कंपन्या, प्राज इंडस्ट्रीज आणि इंडिया ग्लायकोल या कंपन्यांच्या शेअर्समध्ये तेजी आली.इथेनॉलचे उत्पादन वाढविल्याशिवाय इथेनॉल ब्लेंडिंगचे लक्ष्य पुरे होऊ शकणार नाही.
नवीन संसद भवनाचे निर्माण करण्याचे ₹८६२ कोटींचे कॉन्ट्रॅक्ट टाटा प्रोजेक्ट या कंपनीला मिळाले. या कंपनीमध्ये टाटा पॉवरचा ४८% स्टेक आहे. हे काम २१ महिन्यात पुरे करायचे आहे.प्रोजेक्ट कॉस्ट मध्ये मेंटेनन्स कॉस्टचाही समावेश आहे.
धनुका ऍग्रीटेक ही कंपनी ₹ १ कोटीपर्यंत शेअर बाय बॅक करेल. या बायबॅक साठी २८ सप्टेंबर ही रेकॉर्ड डेट ठेवली आहे.
व्होडाफोन कॉस्ट रिडक्शन करून येत्या १८ महिन्यात ₹४००० कोटींची बचत करेल. कंपनी क्लाउड सर्व्हिसेसवर फोकस करेल. कंपनी ग्राहकांना दरवाढीची भेट देण्याची शक्यता आहे.

अशोक लेलँडला १४०० इंटरमिजीएट cus साठी ऑर्डर मिळाली . ही ऑर्डर ६ महिन्यात पूर्ण करायची आहे.
तालचेर फर्टिलायझर्स या सरकारी कंपनीमध्ये सरकार एक्सल्युझिव सबसिडी आणणार आहे. ही कंपनी कोलगॅसिफिकेशनपासून युरिया बनवेल. या कंपनीत कोल इंडियाचा २९.६७%, गेल चा २९.६७% आणि RCF चा ११% हिस्सा आहे.

IRCON या सरकारी कंपनीला ₹ १९०० कोटींची रेल इलेक्ट्रिफिकेशनसाठी ऑर्डर मिळाली.

PTC इंडिया फायनान्सला ₹१२० कोटींचा टॅक्स रिफंड मिळाला.

बंधन बँकेने EEB (इमर्जिंग इंटरप्रायझेस बिझिनेस) हा एक नवीन प्लॅटफॉर्म लाँच केला.मायक्रो होम लोन, मायक्रो बाजार लोन, आणि मायक्रो इंटरप्रायझेस यांचा समावेश आहे.

मेरिको ही कंपनी सफोला इम्युनिटी वेदा हे सफोला काढा मिक्स आणि दूध आणि हळद यांचे मिश्रण असलेले औषध लाँच करत आहे.

विप्रो कन्झ्युमर केअर व्हेंचर्स हा फंड २०१९ मध्ये ₹२०० कोटींचा सूरू केला. हायजीन, इम्युनीटी बिल्डिंग, गृमिंग प्रॉडक्टस मधील स्टार्टअप ना US $ २ ते ६ मिलियनची गुंतवणूक करेल. वर्षभरात ५ स्टार्टअप ना मदत केली जाते. R & D, प्रॉडक्ट रेंज, डिस्ट्रिब्युशन, उत्पादन आणि विक्री आणि कार्यक्षमता वाढवण्यासाठी मदत करेल. पॅनडेमिकच्या काळात इ-कॉमर्स आणि कॉन्टॅक्टलेस सर्व्हिस हेही लक्षात।घेतले जातील

बाटाने त्यांची सबसिडीअरी CCEL चे स्वतः मध्ये मर्जर केले.

आज हॅप्पीएस्ट माईंडचे जोरदार ₹ ३५१ वर लिस्टिंग झाले. ₹१६६ ला IPO मध्ये दिलेल्या या शेअरमध्ये
गुंतवणूकदारांना चांगला लिस्टिंग गेन झाला. आज भारतीय मार्केटस, आशियायी मार्केटस, सोने, चांदी यात मंदी होती.

BSE निर्देशांक सेन्सेक्स ३८९७९ NSE निर्देशांक निफ्टी ११५१६ बँक निफ्टी २२३२० वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!