Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३० ऑक्टोबर २०२०

आज क्रूड US $ ३६.८२ प्रती बॅरल ते US $ ३७.८४ प्रती बॅरल या दरम्यान तर रुपया US $१=Rs ७४.१० (आज करन्सी मार्केट बंद होते) होते. US $ निर्देशांक ९३.९० VIX २५.१६ तर PCR १.२५ होते.

USA , युरोपमध्ये कोरोनाच्या नव्या केसेस वाढत आहेत.USA तसेच यूरोपमधील मार्केट्स मंदीत होती.डाऊ जोन्स ५३० पाईंट पडला. USA मधील अध्यक्षीय निवडणुका आता हाकेच्या अंतरावर आहेत. त्यामुळे लोकांच्या मनातील अनिश्चितता, असुरक्षितता वाढत आहे. मार्केट्मध्ये दिसत असलेला फायदा घरी घेऊन येण्याकडे लोकांचा कल होत आहे. त्यामुळे प्रॉफिट बुकिंग होत आहे.

नायलॉन टायर कॉर्ड, फॅब्रिक यांच्यावर US $ ५२० ते US $ ११०० बसवली आणि अँटीडम्पिंग ड्युटीची मुदत सरकार ५ वर्षांनी वाढवणार आहे. याचा फायदा सेंच्युरी एंका, SRF यांना होईल.

चीन आणि कोरियामधून आयात होणाऱ्या कॉस्टिक सोड्यावर सरकारने ३ महिन्यासाठी ऍन्टीडम्पिंग ड्युटी बसवली.
HPCL ४ नोव्हेंबर २०२० रोजी बायबॅकवर विचार करेल.

व्होडाफोन PLC व्होडाफोन आयडिया मध्ये Rs ६४०० कोटींची गुंतवणूक करेल.

हॅवेल्सच्या व्यवस्थापनाने सांगितले की जाहीरातींवरील खर्च कमी केल्यामुळे मार्जिन वाढले आहे. रूरल मार्केटमधून १४०% ग्रोथ झाली आहे. आता जवळ जवळ प्रत्येक खेड्यात वीज पोहोचली आहे. वीज पुरवठा खंडीत होण्याचे प्रमाण कमी झाले आहे. डिजिटलायझेशन वाढत्या प्रमाणावर उपयोगात आणले जात आहे. E-कॉमर्स च्या द्वारे विक्री वाढत आहे. कंपनीने कॉस्ट कमी करण्याची योजना अमलांत आणली. इकॉनॉमीज ऑफ स्केलचा फायदाही होत आहे. केबल, इंडस्ट्रियल स्विच गिअर्स, आणि कन्झ्युमर ड्युरेबल अशी कंपनीच्या बिझिनेसची विभागणी आहे. इंडस्ट्रियल इंफ्राचासहभाग कमी आहे.

JK पेपर्सच्या व्यवस्थापनाने सांगितले की शाळा, कॉलेजीस, ट्युशन कलासेस, खाजगी ऑफिसेस बंद असल्यामुळे पेपरची मागणी कमी आहे. प्रिंटिंग पेपरला मात्र माफक मागणी आहे. कंपनीच्या पॅकेजिंग बोर्ड फार्मा, फूड इंडस्ट्री आणि FMCG उद्योगांत पॅकिंगसाठी उपयोगांत आणला जातो. यासाठी मागणी ९०% -९५% प्री कोविड लेव्हलवर आहे. कंपनीच्या दुसऱ्या तिमाहीच्या निकालांवर वर उल्लेखिलेल्या परिस्थितीचा परिणाम दिसत आहे. आंतरराष्ट्रीय मार्केटमध्ये पेपरच्या किमती कमी होत असल्यामूळे रेव्हेन्यूवर परिणाम होईल.

IOC ला प्रॉफिट Rs ६२३० कोटी, उत्पन्न Rs ८५६१० कोटी इतर उत्पन्न Rs १५३७ कोटी होते. GRM US $ ३.४६ प्रती BBL राहिले.

चोला फायनान्सच्या व्यवस्थापनाने सांगितले की रूरल मार्केट चांगले आहे. ट्रॅक्टर, कन्स्ट्रक्शन इक्विपमेंट, पॅसेंजर कार्स यासाठी असलेल्या मागणीत प्रगती आहे. मात्र कमर्शियल आणि हेवी कमर्शियल व्हेइकल्सच्या मागणीत फारशी प्रगती नाही.

धानुका एग्रीटेक, SIS, सोलारा ऍक्टिव्ह फार्मा, LT फूड्स ,JSPL चा तोटा वाढला ( Rs १६३६ कोटींचा वन टाइम लॉस, ऑपरेटिंग प्रॉफिट आहे.), करूर वैश्य बँक, कॅनरा बँक, इन्टलेक्ट DESIGN एरेना, डिक्सन टेक्नॉलॉजी, किर्लोस्कर ऑइल, ग्राइंडवेल नॉर्टन या कंपन्यांचे दुसऱ्या तिमाहीचे निकाल चांगले होते.

सुवेन फार्माचे निकाल साधारण होते.

NIIT, महिंद्रा लाईफ स्पेसेसचे निकाल असमाधानकारक होते.

ऍक्सिस बँकेने मॅक्स लाईफमध्ये स्वतः १७% स्टेक खरेदी करायला RBI ने परवानगी नाकारली. आता ऍक्सिस बँकेच्या दोन सबसिडीअरीज ऍक्सिस कॅपिटल आणि ऍक्सिस सिक्युरिटीज मार्फत ३% आणि ऍक्सिस बँक ९% असे १२% स्टेक खरेदी करेल. ऍक्सिस बँक एकूण १९% स्टेक खरेदी करणार आहे. राहिलेला ७% स्टेक ऍक्सिस बँक टप्प्याटप्प्याने खरेदी करेल.
इंडसइंड बँकेचे दुसऱ्या तिमाहीचे निकाल चांगले आले. NII Rs ३२७८ कोटी, प्रॉफिट Rs ६४७ कोटी GNPA २.२१% तर NNPA ०.५२% होते. लोन ग्रोथ २.१% होती. बँकेने कोविडसाठी Rs ९५२ कोटींची प्रोव्हिजन केली.

रिलायन्स इंडस्ट्रीजचे दुसऱ्या तिमाहीचे निकाल जाहीर झाले. कंपनीला Rs ९५६७ कोटी नफा झाला. कंपनीचे उत्पन्न Rs १.१६ लाख कोटी झाले इतर उत्पन्न Rs ४२३९ कोटी,(एकूण उत्पन्न Rs १.२० लाख कोटी) EBITDA १८९४५ कोटी झाले. EBITDA मार्जिन १७% राहिले. रिलायन्स JIO ला Rs २८४४ कोटी नफा झाला. उत्पन्न Rs १७४८१ कोटी झाले. ARPU Rs १४६ झाले. रिलायन्स च्य रिफाइनींग आणि पेटकेम डिव्हिजनचे निकाल चांगले आले. रिलायन्स डिजिटलचे उत्पन्न Rs २२६७९ कोटी झाले. EBITD मार्जिन २३% राहिले. एकूणच कंपनीची चांगली प्रगती झाली.

आज मी भारती इंफ्राटेलचा चार्ट देत आहे. भारतीय इंफ्राटेलमधील पुलबॅक संपत आला आहे. मंदीचे ट्रेड दिसत आहेत. यामुळे या शेअरमध्ये मंदी येण्याची चिन्हे दिसत आहेत. ऑप्शनमध्ये पुट खरेदी करा.

BSE निर्देशांक सेन्सेक्स ३९६१४ NSE निर्देशांक निफ्टी ११६४२ बँक निफ्टी २३९०० वर बंद झाले.
भाग्यश्री फाटक

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २९ ऑक्टोबर २०२०

आज क्रूड US $ ३८.३६ प्रती बॅरल ते US $ ३९.२६ प्रती बॅरल या दरम्यान तर रुपया US $१= Rs ७३.८८ ते US $१= Rs ७४.१६ या दरम्यान तर US $ निर्देशांक ९३.४१ VIX २४.०९ आणि PCR १.२५ होते.

USA मध्ये कोरोनाच्या केसेस वाढतच आहेत. युरोपियन देशात कोरोनाच्या दुसऱ्या लहरीचा सामना करण्यासाठी फ्रांस, जर्मनी, इटली, UK मध्ये लॉकडाऊन /अंशतः लॉकडाऊन स्पेनमध्ये हेल्थ इमर्जन्सी जाहीर केले जात आहेत. त्यामुळे युरोपियन मार्केट्स, USA मधील मार्केट्स मंदीत होती. सोने आणि चांदीतही मंदी होती. क्रुडमध्ये तर कमालीची मंदी होती. याचा फायदा पेंट, केमिकल इंडस्ट्रीज, टायर, आणि पीडिलाइट, एशियन पेंट्स, बर्जर पेंट्स सारख्या कंपन्यांना होईल.

DR रेड्डीजने BIRAC (बायो टेक्नॉलॉजी इंडस्ट्री रिसर्च असिस्टंस कॉऊन्सिल) बरोबर भारतामध्ये स्पुटनिक V व्हॅक्सीनच्या ट्रायलसाठी पार्टनरशिपचा करार केला.

फार्मा कंपन्यांसाठी PIL योजनेत सरकारने सवलत जाहीर केली. मिनिमम थ्रेशहोल्ड लिमिटची अट काढून टाकली. प्रॉडक्ट डोमेस्टिक मार्केटमध्ये विकण्याची अट काढून टाकली. १० उत्पादनांसाठी किमान प्रॉडक्शनची अट काढली. ही योजना ३० नोव्हेंबर २०२० पर्यंत वाढवली.

उद्यापासून ICICI लोम्बार्ड हा शेअर F & O मार्केटमध्ये समाविष्ट होईल.

मंत्रिमंडळाने आणि CCEA ने इथेनॉलची किंमत Rs ३.३४ प्रती लिटर वाढवायला परवानगी दिली. ही वाढ १ डिसेम्बरपासून अमलात आणण्याचा प्रस्ताव आहे.

धान्य आणि साखर यांचे १००% पॅकेजिंग ज्यूटच्या पॅकेजिसमध्येच करायला पाहिजेअसे सरकारने सांगितले याचा फायदा लुडलो ज्यूट, CHEVIOT, ग्लॉस्टर , कानपूर प्लास्टीपॅक यांना होईल.

सरकारने कमी गुणवत्तेच्या पादत्राणांच्या आयातीवर बंदी घातली. त्यामुळे मिर्झा, लिबर्टी शूज या शेअर्समध्ये खरेदी झाली.
हिंदुस्थान एअरोनॉटिक्सने प्रोजेक्ट ट्रान्सफॉर्मेशनसाठी टेकमहिन्द्राबरोबर Rs ४०० कोटींचा करार केला.
पिरामल एंटरप्रायझेसमधील केकी दादिसेठ, RA माशेलकर, गोवर्धन मेहता या इंडिपेन्डन्ट डायरेक्टर्सनी राजीनामा दिला.
BSNL ने ३०% 4G गीअर्सची खरेदी डोमेस्टिक उत्पादकांकडून केली जाईल असे प्रॉक्युअरमेंट धोरण जाहीर केले. याचा फायदा ITI ला होईल.

मारुती सुझुकी ला Rs १३७१.६० कोटी फायदा झाला. उत्पन्न Rs १८४७५ कोटी झाले. EBITDA मार्जिन १०.३% होते. टॅक्स एक्स्पेन्सेस वाढून Rs ३७६.२० कोटी तर इतर उत्पन्न Rs ६०३ कोटी झाले.

उद्यापासून F & O मार्केटमध्ये ट्रेड होणाऱ्या शेअर्सच्या ट्रेडिंग लॉटमध्ये बदल अमलात येतील

BPCL चे निकाल चांगले आले. फायदा Rs २२४८ कोटी, उत्पन्न ५०१४६.४० कोटी, ऑपरेटिंग मार्जिन ७.७% झाले. GRM US $३.१९/BBL होते. वन टाइम लॉस Rs १२४.६० कोटी झाला

रॅडिको खेतान, GE शिपिंग ( तोट्यातून फायद्यात) जॉन्सन हिताची, मेनन पिस्टन, हॅवेल्स, बँक ऑफ बरोडा, लारस लॅब्स, अपोलो पाईप्स, चोला इन्व्हेस्टमेंट्स, बालाजी अमाईन्स, HSIL, शारदा क्रॉपकेम, AU स्मॉल फायनान्स बँक ,अँपकोटेक्स, सारेगम इन्डोअमाईन्स, PI इंडस्ट्रीज, स्काफलर इंडिया, स्ट्राइड्स फार्मा, कॅनरा बँक या कंपन्यांचे दुसऱ्या तिमाहीचे निकाल चांगले आले.

इंडिगोचे निकाल साधारण होते.

अरविंद लिमिटेडचे निकाल असमाधानकारक होते.

टायटनच्या व्यवस्थापनाने सांगितले की आम्ही येत्या वर्षात ३० ते ३५ ज्युवेलरी शॉप्स उघडू, ज्युवेलरीची ईकॉमर्स वरून सेल्स वाढत आहेत. सणासुदीच्याकाळात आमची विक्री वाढेल. आम्ही FY २१च्या दुसऱ्या अर्धवर्षाविषयी आशादायी आहोत. 

आज ऑक्टोबर २०२० ची एक्स्पायरी होती. काही शेअर्सची रोल ओव्हर पोझिशन खालीलप्रमाणे होती. ९५% सिमेन्स, ९३% ग्रासिम, ९२% अडाणी पोर्ट्स, JSW स्टील्स, IDFC १ ST बँक, हिरोमोटो कॉर्प, ९०% ऍक्सिस बँक फेडरल बँक ९१% टाटा स्टील, हॅवेल्स, ICICI बँक, ICICI PRU

सोमवार २ नोव्हेंबर रोजी इक्विटास स्मॉल फायनान्स बँकेचे लिस्टिंग होईल.

उद्या करन्सी मार्केट्स आणि बँकांना सुट्टी आहे.

आज मी तुम्हाला ग्लेनमार्क फार्माचा चार्ट देत आहे. ही फार्मा क्षेत्रातली कंपनी आहे. हा शेअर गेले काही दिवस डिस्ट्रिब्युशन फेजमध्ये होता. Rs ४७० टी Rs ४८० यापुढे जात नव्हता. मार्केटमध्ये तेजी असली तरी शेअरमध्ये तेजी येत नव्हती. ह्या शेअरने आता २०० DMA क्रॉस केला त्यामुळे या शेअरमध्ये मंदी येण्याची शक्यता आहे.

BSE निर्देशांक सेन्सेक्स ३९७४९ NSE निर्देशांक निफ्टी ११६७० बँक निफ्टी २४०९२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २८ ऑक्टोबर २०२०

आज क्रूड US $ ३९.८९ प्रती बॅरल ते US $ ४०.५९ प्रती बॅरल या दरम्यान तर रुपया US $१= Rs ७३.७० ते ७३.८८ या दरम्यान होते. US $ निर्देशांक ९३.१२ VIX २३.१० तर PCR १.४८ होते.

USA ची अध्यक्षीय निवडणूक एका आठवड्यावर येऊन पोहोचली. रिलीफ पॅकेज निवडणुकीआधी मिळेल ही आशा मावळली. तशात USA मध्ये कोरोनाच्या नवीन केसेसचि संख्या वाढत आहे.त्यामुळे निवडणुका झाल्यावर पुनः निर्बंध लावले जातील ही भीती गुंतवणूकदारांना भेडसावत आहे. त्यामुळे अर्थव्यवस्थेच्या रिकव्हरीचा वेग मंदावेल. त्यामुळे USA च्या मार्केट्समध्ये प्रॉफीट बुकिंग झाले. त्यामुळे डाऊ जोन्स खूपच पडला. युरोपमध्ये ही कोरोनाची परिस्थिती फारशी चांगली नाही.स्पेन, इटली, फ्रांस मध्ये कोरोनाचा पुनःप्रादुर्भाव होत आहे. त्यामुळे युरोपियन मार्केटही मंदीत उघडली. त्याचे प्रतिबिंब आणी त्यातून उद्या महिन्याची एक्स्पायरी असल्यामुळे भारतीय मार्केट्सही पडायला सुरुवात झाली. कंपन्यांचे दुसऱ्या तिमाहीचे एकामागून एक येणारे चांगले निकालही मार्केटमधील पडझड रोखू शकले नाहीत.

आज सेबीने USA आणि इतर देशातील गुंतवणुकदारांबरोबर मीटिंग घेतली .यात त्यांनी डायरेक्ट लिस्टिंगच्या योजनेचे जलद फायनलायझेशन, कॉर्पोरेट बॉण्ड मार्केट डेव्हलप करणे, आणि IPO मार्केट्समधील रेग्युलेशन यावर आम्ही काम करत आहोत असे सांगितले. USA मधील गुंतवणूकदारांनी भारतीय मार्केट अधीक आकर्षक करण्याविषयी आपली मते व्यक्त केली.

विप्रोने रिअल इस्टेटसाठी ‘इण्डस्ट्री क्लाउड सोल्युशनसाठी ‘SAP’ बरोबर करार केला.

टाटा कन्झ्युमर प्रॉडक्ट बिग बास्केट’ या कंपनीत ५०% पेक्षा जास्त स्टेक खरेदी करण्याची शक्यता आहे.
इंडिया बुल्स व्हेंचरचे नाव आता धानी सर्व्हिसेस असे असेल.

MAPLE ग्रुपला RBL बँकेत ९.९९% स्टेक खरेदी करायला RBI नी मंजुरी दिली.RBL बँकेचे निकाल ठीक आले.
NBCC दिल्लीमध्ये २९ एकर जागेत प्रोजेक्ट डेव्हलप करेल.

डेल्टा कॉर्पने सिक्कीममधील कॅसिनो चालू केला. त्यांच्या गोव्यामधील कॅसिनो चालू करायला गोवा राज्य सरकारने परवानगी दिली. यामुळे शेअर चांगला तेजीत होता.

लोन इम्पेअरमेंटसाठी ICICI बँकेविरुद्ध USA चे सिक्युरिटीज DEPT कारवाई करणार नाही.

JSW स्टीलने एशियन कलर कोटेड या अडचणीत असलेल्या कंपनीचे अक्विझिशन पुरे केले.

३ नोव्हेंबर २०२० रोजी अजंता फार्मा शेअर बायबॅकवर विचार करेल.

आज NSDL या डिपॉझिटरीने भारती एअरटेलच्या फॉरीन इन्व्हेस्टमेंट लिमिट ऑटोमॅटिक रूटने ४९% आणि बियॉन्ड ४९% व्हाया गव्हर्मेंट रुटने असेल असे सांगितले.

हिरो मोटो कॉर्पस आणि हार्ले डेव्हिडसन यांच्यात झालेल्या करारानुसार हिरोमोटो त्यांच्या तसेच वर्तमान हार्ले डेव्हिडसनच्या दुकानातून हार्ले डेव्हिडसन यांच्या मोटारसायकल्स विकेल तसेच त्यांचे स्पेअर पार्ट्सची विक्री, आणि सर्व्हिसिंग करेल. या करारामुळे हीरोमोटोच्या शेअरमध्ये तेजी आली.

सरकारने शिपिंग रिसायकलिंगला उत्तेजन देण्याचे ठरवले आहे. यासाठी सरकार एक सेंट्रल ऑथारिटीचे गठन करेल.
सरकारने आंतरराष्ट्रीय विमान उड्डाणांवरील निर्बंधांची मुदत ३० नोव्हेम्बरपर्यंत वाढवली

टेलिकॉम सेक्टरसाठी नॅशनल टेलिकॉम इन्फ्रास्ट्रक्चर पॉलिसी आणण्याची विनंती केली. तसेच कंपन्यांना जादा 5 G स्पेक्ट्रम देण्याची विनंती केली.

सरकारने फ्री ट्रेड झोन आणि स्पेशल इकॉनॉमिक झोन मध्ये केलेल्या विक्रीवरही ड्युटी ड्राबॅकचे नियम लागू करण्याचा निर्णय घेतला. त्यामुळे निर्यातीची कॉस्ट कमी होऊन भारतीय निर्यातदार आंतरराष्ट्रीय मार्केटमध्ये स्पर्धेत टिकाव धरू शकतील. याचा फायदा जय कॉर्प, रिलायन्स इंडस्ट्रियल इन्फ्रा तसेच FTZ आणि SEC मार्फत निर्यात करणाऱ्या कंपन्यांना होईल.

शिल्पा मेडिकेअरच्या तेलंगणामधील युनिटला GMPचे (गुड मॅन्युफॅक्चरिंग प्रॅक्टिसेस) पालन न करण्यासाठी USFDA ने वार्निंग लेटर दिले.

टॉरंट फार्माने सांगितले की USFDA लवकरच पुन्हा त्यांच्या इंद्राद आणि दहेज युनिट्सची तपासणी करेल. या प्लांटसाठी USFDA ची मंजुरी मिळणे कंपनीसाठी महत्वाचे आहे. कंपनीने लाँच केलेली नवीन उत्पादने कंपनीच्या बिझिनेसमध्ये चांगले काँट्रीब्युट करत आहेत. आम्ही Rs १००० कोटीपर्यंत कर्ज कमी करू. आता मार्जिनमध्ये झालेली वाढ नजीकच्या भविष्यकाळात कायम राहील असे वाटत नाही. FY २१ चे दुसरे अर्धवर्ष चांगले असेल असे सांगितले.

कॅस्ट्रोल या कंपनीचे दुसऱ्या तिमाहीचे निकाल चांगले आले. व्यवस्थापनाने सांगितले की कच्च्या मालाच्या किमती कमी झाल्या आहेत. आम्ही लाँच केलेल्या नवीन प्रॉडक्टसना चांगला प्रतिसाद मिळत आहे. ऑटो सेक्टरमधील मागणी लवकरच पूर्वस्थितीला येईल. पण इंडस्ट्रियल बिझिनेसमध्ये मात्र रिकव्हरी स्लो असेल. मार्जिनमधील वाढ टिकाऊ आहे असे वाटत नाही.

टाटा एलेक्सि ला ‘AESCULAP’ या जर्मन कंपनीकडून ऑर्डर मिळाली.

स्नोमॅन लॉजिस्टिक्सचे दुसऱ्या तिमाहीचे निकाल साधारण आले. कंपनीने सांगितले की त्यांची कंपनी क्षमता विस्तारावर Rs ७५ कोटी खर्च करेल. फूड आणि फार्मा लॉजिस्टीकमध्ये प्रवेश करणार आहे. कोरोनाच्या लसीसंबंधात सेवा देणार आहेत.
कोपरान, ICICI PRU ( NPI, VNB आणी मार्जिन वाढले. VNB ग्रोथ उर्वरितवर्षात चांगली होईल :- कंपनी), APL अपोलो ट्यूब्स ( निकाल चांगला, कंपनीनं १ शेअरचे ५ शेअर्समध्ये स्प्लिट केले), पिरामल एंटरप्रायझेस, कार्बोरँडम युनिव्हर्सल, रूट मोबाईल, टायटन ( निकाल कोरोनाच्या संदर्भात चांगले) सुप्रीम इंडस्ट्रीज, फर्स्ट सोर्स इन्फॉर्मेशन यांचे निकाल चांगले,, भारती एअरटेल निकाल चांगले ( तोटा खूपच कमी झाला, मार्जिन ४५.२% ARPU Rs १६२, नवे स्बस्क्राइबर्स १४.४० मिलियन),KPR मिल्स निकाल चांगले ( विक्री वाढली, Rs २५० कोटींचा नवीन प्लांट लाँच करत आहेत.), टी व्ही १८ ब्रॉडकास्ट, ICICI सिक्युरिटीज ( Rs ८ प्रती शेअर लाभांश), DR रेड्डीज, रॅडिको खेतान, कॅन फिन होम्स( प्रॉफिट उत्पन्न वाढले), नवीन फ्ल्युओरीन या कंपन्यांचे निकाल चांगले आले.

ऍक्सिस बँक तोट्यातून फायद्यात आली. NPA कमी झाले. NII २०% वाढले. कॅपिटल ADEQUACY १८.९२% होती. मार्जिन ३.५८% होते.

L & T ला Rs ५५२०.३० कोटींचे प्रॉफिट झाले. उत्पन्न Rs ३१०३४.३० कोटी, मार्जिन १०.५ % होते. कंपनीने Rs १८ प्रती शेअर स्पेशल लाभांश जाहीर केला.

निपॉन इंडिया , सॅनोफी इंडिया, ओरिएन्ट बेल, MOIL, PNB हौसिंग यांचे निकाल ठीक,आले.

मेरिकोचे निकाल चांगले आले.Rs ३ लाभांश जाहीर केला. ६ नोव्हेंबर रेकॉर्ड डेट , कंपनीची डोमेस्टिक व्हॉल्युम ११% ने वाढले. मेरिकोच्या शेअरमध्ये तेजी होती.

हेरिटेज फूड्स, ACCELYA काळे, कोकुयो कॅम्लिन, पौशाक यांचे निकाल असमाधानकारक होते.

आज आपल्याला सिटी युनियन बँकेचा चार्ट देत आहे. सिटी युनियन बँकेमध्ये चांगले करेक्शन झाले आहे. त्यानंतर कन्सॉलिडेशन ऍक्युम्युलेशन या पातळ्या या शेअरने पार केल्या आहेत. हळू हळू व्हॉल्यूमही वाढत आहेत. जर Rs १५५ ची लेव्हल पार केली तर शेअरमधे ब्रेकआऊट होईल

BSE निर्देशांक सेन्सेक्स ३९९२२ NSE निर्देशांक निफ्टी ११७२९, बँक निफ्टी २४२३२ वर बंद झाले. .

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २७ ऑक्टोबर २०२०

आज क्रूड US $ ४०.६८ प्रती बॅरल ते US $ ४०.८२ प्रती बॅरल या दरम्यान रुपया US $१=Rs ७३.७२ ते US $१= Rs ७३.९४ या दरम्यान होते. US $ निर्देशांक ९२.९६ VIX २२.८१ PCR १.२० होते.

USA मध्ये कोरोनाचा कहर वाढत आहे. जरी फायझरने आपण नोव्हेम्बरमध्ये कोरोनाचे व्हॅक्सिन आणू असे सांगितले असले तरी ते व्हॅक्सिन खूपच कमी तापमानात स्थिर राहते. त्यामुळे हे व्हॅक्सिन एअरलिफ्ट करावे लागेल. त्याच्या स्टोअरेजसाठी कोल्ड चेन मॅनेजमेंट करावी लागेल. भारतात एवढे कमी तापमान ठेवण्यासाठी खूपच प्रयत्न आणि खर्च येईल.

US $ मध्ये कमजोरी, यूरोपमधील कोरोनाचा दुसरा प्रादुर्भाव आणि USA मधील वाढत्या केसेस यामुळे सोने आणि चांदीमध्ये तेजी होती.

रामको सिस्टीम्सला NOMAC या कंपनीकडून पेरोल कॉन्ट्रॅक्ट मिळाले.

आज मुख्यतः MSCI निर्देशांकाच्या ‘FOL (फॉरीन ओनरशिप लिमिट) मधील बदल ज्या निर्देशांकात भारतीय कंपन्यांच्या सिक्युरिटीजचा समावेश आहे त्या निर्देशांकात अमलात आणला जाईल. हे बदल MSCI निर्देशांकाच्या अर्धवार्षिक निर्देशांक रिव्ह्यू ३० नोव्हेंबर २०२० बरोबर केले जातील. हे बदल १ डिसेम्बरपासून अमलात येतील. ऑटोमॅटिक रुटने निश्चित केलेले फॉरीन ओनरशिप लिमिट या बाबतीत ग्राह्य धरले जातील. याला दोन अपवाद असतील .(१) जर गव्हर्नमेंट रुटने जास्त FOL मंजूर झाले असेल तर ते ग्राह्य धरले जाईल (२) जर कंपनीच्या बोर्ड ऑफ डायरेक्टर्स किंवा जनरल बॉडीने कमी FOL मंजूर केले असेल तर ते ग्राह्य धरले जाईल.CDSL आणि NSDL या डिपॉझिटरीजने भारतीय सिक्युरिटीजची फॉरिन इन्व्हेस्टमेंट लिमिट MSCI इंडेक्सला कळवले आहे.

मॉर्गन स्टेनलेच्या रिपोर्टप्रमाणे IPCA लॅबोरेटरीज, PI इंडस्ट्रीज, आणि कोटक महिंद्रा बँक, अडाणी ग्रीन, वोल्टस, मुथूट फायनान्स या कंपन्यांचा समावेश MSCI निर्देशांकात होऊ शकतो. त्यामुळे पॅसिव्ह फंडांकडून US $ २.५ बिलियनची गुंतवणूक होऊ शकते. MSCI निर्देशांकात भारताचे वेटेज ८.१% वरून ८.७% ( वर्तमान शेअर्स) आणि ८.८% ( नवीन शेअर्स) एवढे वाढेल. याचा फायदा ब्रिटानिया, नेस्ले, L &T, एशियन पेंट्स, बजाज फायनान्स, पेट्रोनेट LNG , कोलगेट, IGL या कंपन्यांना होईल. या कंपन्यात US $ १०० ते २१० मिलियन एवढी गुंतवणूक येऊ शकते. या शिवाय टेक महिंद्रा, NTPC, टायटन, डिव्हीज लॅब, सिप्ला, मारुती सुझुकी, आणि टाटा स्टील या मध्येही गुंतवणूक होईल असे मॉर्गन स्टेनलेच्या रिपोर्ट मध्ये म्हटले आहे. हे रीबॅलन्सिंग झाल्यावर IT आणि एनर्जी सेक्टरचे वेटेज १.१%ने तर फायनान्सियल्सचे वेटेज ०.६% ने कमी होईल आणि मटेरियल्स सेक्टरचे वेटेज ०.८% ने वाढेल. यामुळे वर उल्लेख केलेल्या शेअर्समध्ये आज खरेदी झाली.
सिएट, मान इंडस्ट्रीज, अमर राजा, VST इंडस्ट्रीज, LG बाळकृष्ण, इस्टर, एंजल ब्रोकिंग, फिनोलेक्स इंडस्ट्रीज या कंपन्यांचे दुसऱ्या तिमाहीचे निकाल चांगले आले.

WABKO इंडिया ही कंपनी कमर्शियल व्हेइकल्ससाठी ब्रेकिंग सोल्युशन्स बनवते. तिचे ३७% उत्पन्न कमर्शियल व्हेईकल बनवणाऱ्या कंपन्या, १५% उत्पन्न निर्यात आणि १५% उत्पन्न रिप्लेसमेंट मधून होते. कोरोनाच्या काळात कमर्शियल व्हेईकल इंडस्ट्रीवर सर्वात जास्त प्रतिकूल परिणाम झाला. सरकारनेही BSVI प्रणाली अनिवार्य केली. ट्रकस आणि इतर कमर्शियल वाहनांच्या क्षेत्रात रिकव्हरी सावकाश आणि कमी वेगाने होईल. त्यामुळे WABKO को इंडियाच्या उत्पादनांना मागणी कमी झाली आणि ही मागणी नजीकच्या भविष्यकाळात वाढेल अशी शक्यता कमी आहे.तसेच वित्तीय अडचणी आहेत. दुसऱ्या तिमाहीचे निकालही फारसे चांगले नव्हते. ZF AG या जर्मन कंपनीने WABKO इंडियाच्या शेअरहोल्डर्ससाठी Rs ७०६७.५१ प्रती शेअर या दराने ओपन ऑफर आणली आहे. ही ऑफर CMP च्या ३% प्रीमियमवर तर अक्विझिशनच्या तारखेच्या CMP च्या १५% प्रीमियमला आहे. आता कंपनीच्या शेअरची किंमत FY २० अरनिंगच्या ८१ पट चालू आहे.वरील सर्व गोष्टी लक्षात घेतल्या तर ओपनऑफर फायदेशीर वाटते.

हार्ले डेव्हिडसनबरोबर स्पेअर पार्ट्स पुरवण्यासाठी हिरो मोटोने करार केला.

उद्या DR रेड्डीज, हिरो मोटो, टायटन, L &T, यांचे निकाल जाहीर होतील.

मी तुम्हाला टाटा कन्झ्युमर प्रॉडक्टसचा चार्ट देत आहे. या शेअरचा टॉप Rs ५९२ होता. नंतर तो Rs १०० प्रती शेअर पडला नंतर काही काळ कन्सॉलिडेट झाला. आता या शेअरने ५० दिवसांचे आणी २० दिवसांचे MA पार केले आहे. ही FMCG क्षेत्रातली कंपनी आहे.

BSE निर्देशांक सेन्सेक्स ४०५२२ NSE निर्देशांक निफ्टी ११८८९ बँक निफ्टी २४७६९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २६ ऑक्टोबर २०२०

आज क्रूड US $ ४०.७३ प्रती बॅरल ते US $ ४१.१८ प्रती बॅरल या दरम्यान तर रुपया US $१=Rs ७३.६२ ते US $१=Rs ७३.८५ या दरम्यान, US $ निर्देशांक ९२.८८ VIX २३.०९ PCR १.४७ होते.

युरोप मध्ये कोरोनाची दुसरी वेव्ह येत आहे. इटली, UK, स्पेन, फ्रांस या देशांमध्ये पुन्हा काही भागात लॉकडाऊन, संचार बंदी, हेल्थ इमर्जन्सी या प्रकारची नियंत्रणे लागू केली जात आहेत. US मधेही कोरोनाच्या नवीन केसेस वाढत आहेत.
USA मध्ये आता रिलीफ पँकेज निवडणुकींच्या निकालानंतरच येईल हे जवळजवळ निश्चित झाले आहे. फायझरने नोव्हेम्बरपर्यंत व्हॅक्सिन लाँच करू असे सांगितले आहे. तर आज अस्त्राझेनेकाच्या लसीमुळे तरुण आणि वृद्धांच्या शरीरात अँटीबॉडीज तयार होत आहेत अशी बातमी आली आहे.

चीनमध्ये २०२१ ते २०२५ या काळातील अर्थव्यवस्थेसमोरील आव्हाने आणि त्यावरील उपाययोजना यावर विचार करण्यासाठी सर्वोच्च स्तरावर बैठक होणार आहे.

हा आठवडा भारतीय मार्केटच्या दृष्टीने महत्वाचा आहे. १६ निफ्टी कंपन्यांचे निकाल आहेत. ३ नोव्हेम्बरला USA च्या निवडणुकात मतदान केले जाईल. तसेच बिहार राज्यातही मतदान पुरे होईल. पण USA च्या निवडणुकीतला निकालाचा जगातील बहुतेक मार्केट्सवर परिणाम होईल.

SIAC (सिंगापोर इंटरनॅशनल आर्बिट्रेशन सेंटर) ने आपल्या अंतरिम ऑर्डरद्वारे फ्युचर ग्रुपला त्यांचा रिटेल बिझिनेस रिलायन्स रिटेलला विकण्याची योजना स्थगित ठेवायला सांगितली आहे. अमेझॉनने Rs १४३१ कोटी फ्युचर ग्रुपमध्ये गुंतवले होते आणि प्रथम शेअर्स त्यांना ऑफर करायला पाहिजेत असा करार केला होता. अमेझॉनने SIAC ला अर्ज केल्यावर त्यांनी वरीलप्रमाणे निर्णय दिला. या निर्णयामुळे आता फ्यूचर ग्रुपचे ऍसेट खरेदी करायला वेळ लागेल, अडचणी येतील असे वाटल्यामुळे रिलायन्स मध्ये प्रॉफिट बुकिंग झाले.

सरकारने आज Rs २ कोटी किंवा त्यापेक्षा कमी कर्जावरच्या व्याजावरील व्याज माफी संबंधात नोटिफिकेशन जारी केले.
यात हे कर्ज १ मार्च २०२० रोजी NPA नसले पाहिजे. तुम्हाला दिलेल्या किंवा मंजूर केलेल्या सर्व प्रकारच्या कर्जाची रक्कम Rs २ कोटींपेक्षा जास्त असता कामा नये. क्रेडिट कार्ड ऑउटस्टँडिंग, कंझ्युमर्स ड्युरेबल कर्ज, ऑटो कर्ज, गृह कर्ज, शैक्षणिक कर्ज, MSME लोन, कन्झ्युमर लोन, व्यावसायिकांना दिलेले पर्सनल लोन एवढ्या प्रकारची कर्ज यात सामील आहेत.  १ मार्च २०२० ते ३१ऑगस्ट २०२० पर्यंतच्या व्याजावरील व्याज माफ केले जाईल. ज्या कर्जदारांनी मोरॅटोरियमची सवलत घेतलेली नव्हती त्यांच्या बचत खात्यात ही रक्कम सरकार जमा करेल. तसेच ज्यांनी मोरॅटोरियमची सवलत घेतलेली आहे त्यांनाही ही रक्कम परत केली जाईल. ज्यांचे कर्जाची या काळात पूर्णपणे फेड झाली आहे त्यांनाही हे व्याजावरील व्याज परत मिळेल. ही योजना राष्ट्रीयीकृत, खाजगी बँका, सहकारी बँका, NBFC, रिजनल रूरल बँका, ऑथोराइझ्ड फायनान्सियल इन्स्टिट्यूशन्स, NHB, हाऊसिंग फायनान्स कंपन्या.ह्यांनी दिलेल्या कर्जांना लागू होईल. ह्या व्याजावरील माफ झालेल्या व्याजाची रक्कम प्रत्येक कर्ज देणाऱ्या संस्थेने ५ नोव्हेम्बरपूर्वी कर्जदाराच्या खात्यात जमा करायची आहे.
प्रत्येक कर्ज देणारी संस्था एक नोडल ऑफिसर नेमेल आपली जर काही याविषयी तक्रार/ शंका असेल तर आपण या ऑफिसरला संपर्क करू शकता.

सरकारने स्टेट बँक ऑफ इंडियाला नोडल एजन्सी म्हणून नेमले आहे.

कर्ज देण्याऱ्या सर्व बँका, आणि इतर वित्तीय संस्था यांनी SBI कडे रिफंड क्लेम करायचा आहे. सरकार SBI मार्फत हा क्लेम बँका आणि इतर वित्तीय संस्थाना ह रिफंड करेल.

रिलायन्स इंडस्ट्रीजने त्यांच्या ३.५० लाख कर्मचाऱ्याच्या पगारात केलेली कपात रद्द केली आणि बोनस जाहीर केला. कारण अनलॉक झाल्यावर बिझिनेसमध्ये बरीच सुधारणा झाली. IT क्षेत्रातील कंपन्यांनी याआधीच बोनस, वेतनवाढ, इन्क्रीमेंट्स यांच्याबाबतीत घोषणा केल्या आहेत. बाकीच्या कंपन्याही ह्याचे अनुकरण करतील कां? यामुळे लोकांच्या हातातील खर्च करता येण्यासाठी पैसा वाढेल, मागणी वाढेल आणि अर्थव्यवस्थेच्या चक्राला गती येईल.

ऑरोबिंदो फार्मा ही कंपनी आपली ‘नॅट्रोल LLC’ हि सबसिडीअरी न्यू माऊंटन कॅपिटल या कंपनीला US $ ५५ कोटींना विकणार आहे

सरकारने कांद्याच्या वाढत्या किमती रोखण्यासाठी ३१ डिसेम्बर २०२० पर्यंत होलसेलरसाठी २५ टन आणि रिटेलरसाठी २ टन स्टॉक लिमिट निश्चित केली. कांद्याच्या आयातीला परवानगी दिली. तसेच निर्यातीवर निर्बंध लावले.

फोर्टिस हेल्थकेअर चेन्नई येथील वडापलानी येथे नवीन हॉस्पिटल चालू करत आहे.

बजाज ऑटोच्या नवरात्रीतील टू व्हिलर्सच्या विक्रीत गेल्या वर्षीच्या तुलनेत लक्षणीय वाढ झाली नाही. थ्री व्हिलर्सच्या विक्रीत YOY ४०% घट झाली.

प्रत्येक नागरिकाच्या कोरोना लसीकरणासाठी US $ ५ ते US $ ७ एवढा खर्च होईल असा अंदाज आहे. सरकारने यासाठी Rs ५०००० कोटींची तरतूद केली आहे.

टी सी एस ऑस्ट्रेलियाच्या ‘VOLT’ बँकेला बँकिंग सर्व्हिस पूरवेल .

सरकारने PSU च्या व्यवस्थापनाला Rs १०० कोटींपेक्षा कमी रकमेच्या मालमत्तेच्या विक्री संबंधात निर्णय घेण्याचे अधिकार देण्याचा निर्णय घेतला आहे.ज्या PSU च्या बॅलन्स शीटवर जास्त कॅश आहे त्यांनी भांडवली खर्चात ५०% वाढ करावी असे PMO ने सुचवले आहे

स्पाईस जेटने बांगलादेश साठी ५ नवीन फ्लाईट्स सुरु केल्या.

वेदांताने Rs ९.५० प्रती शेअर लाभांश जाहीर केला. मार्केटच्या अपेक्षेपेक्षा हा थोडा कमी आहे.

कोटक महिंद्रा बँकेचे दुसऱ्या तिमाहीचे निकाल चांगले आले. प्रॉफिट Rs २१८४ कोटी, NII ३९१३.२० कोटी NIM ४.५% GNPA २.५५% NNPA ०.६४% होते. फ्रेश स्लीपेजिस Rs २६४ कोटी तर प्रोव्हिजन ३६८.६० कोटी होती. लोन ग्रोथ मध्ये ४% घट झाली.

टॉरेन्ट फार्मा, स्वराज इंजिन्स, SBI लाईफ, पॉली मेडिक्युअर, पर्सिस्टंट सिस्टिम्स, आरती ड्रग्स ,नेस्ले(Rs १३५ लाभांश, भारतात Rs २६०० कोटींची गुंतवणूक करणार) , पॉलीकॅब, CDSL, रोसारी बायोटेक, ICICI लोम्बार्ड , M M फायनॅन्शियल्स यांचे दुसऱ्या तिमाहीचे निकाल चांगले आले.

HT मीडिया, लक्ष्मी मशिनटूल्स यांचे निकाल ठीक होते.

NTPC ची २ नोव्हेंबर रोजी शेअर बायबॅक वर विचार करण्यासाठी बैठक आहे.

कंपन्या कर्ज आणि ऑपरेटिंग कॉस्टस कमी करण्याचा प्रयत्न करत आहेत. कंपन्यांच्या बॅलन्सशीट सुधारत आहेत. केमिकल क्षेत्रात ग्रोथ चालू राहील असा तद्न्यांचा अंदाज आहे. क्रूडचे कमी झालेले दर, सोन्याची घटलेली आयात, चीनमधून कमी होणारी आयात, युरोप आणी USA मध्ये येणारी कोरोनाची दुसरी वेव्ह , भारतात मात्र कोरोनासंबंधीत परिस्थिती सुधारत आहे. ही सर्व लक्षणे भारतीय मार्केट्सना अनुकूल आहेत. IT, फार्मा, FMCG मध्ये तेजी आहे. पण PSU बँका, PSU, कॅपिटल गुड्स सेक्टर, आणि पारंपारिक उद्योगांमध्ये शेअर्स किमान पातळीवर आहेत. सेक्टर ऐवजी कंपन्यांवर लक्ष केंद्रित करावे.

आज मी तुम्हाला मुथूट फायनान्सचा चार्ट देत आहे. मुथूट फायनान्स सोन्याच्या तारणावर कर्ज देणारी कंपनी आहे. ज्यावेळेला सोन्याचा दर वाढत असतो त्यावेळी तारण ठेवलेल्या सोन्याची किंमत वाढत असते. कोरोनाचा काळात सोन्याचा भाव तेजीत होता. मुथूट फायनान्सचा शेअर तेजीत होता. पुन्हा करेक्शन संपवून शेअरमध्ये तेजी येईल असी दिसते. करेक्शननंतर हॅमर पॅटर्न तयार झाला आहे. हा हॅमर पॅटर्न डाउनट्रेंडच्या शेवटी झालेला आपल्याला दिसतो आहे.

BSE निर्देशांक सेंसेक्स ४०१४५ NSE निर्देशांक निफ्टी ११७६७ बँक निफ्टी २४०७५ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २३ ऑक्टोबर  २०२०

आज क्रूड US $ ४२.१९ प्रती बॅरल ते US $ ४२.५२ प्रती बॅरल या दरम्यान तर रुपया US $१= Rs ७३.५३ ते US $१=Rs ७३.६४ या दरम्यान होते. US $ निर्देशांक ९२.७४ VIX २१.९७ PCR १.१६ होते.

प्रथम विजयादशमीच्या माझ्या सर्व वाचकांना शुभेच्छा तोट्याच्या रावणाचे दहन करू या. आणि पोर्टफोलिओमध्ये रामराज्याचा शुभ मुहूर्त करू या.

USA चे जॉबलेस क्लेम्स कमी झाले. स्टिम्युलस पॅकेजची आशा वाढली. त्यामुळे USA मधील मार्केट्समध्ये तेजी आली.
आज क्रूड मध्ये तेजी आली. रशियाने जाहीर केले की ओपेक+ने जे ७७०० MBPD उत्पादन करायचा करार केला आहे तो डिसेंबर २०२० ला संपेल. ह्या कराराची मुदत वाढवली जाईल.

AB फॅशन ने फ्लिपकार्टला Rs २०५ प्रती शेअर या भावाने Rs १५०० कोटीचे शेअर्सची प्रेफरंशियल बेसिसवर अलॉटमेंट केली. ह्यामुळे AB फॅशन मध्ये फ्लिपकार्टचा ७.८% स्टेक होईल.

डेल्टा कॉर्पने वॉटरवेज शिपयार्डमध्ये ४५% स्टेक Rs १५ कोटींना खरेदी केला.

फायझरने सांगितले की आम्ही नोव्हेम्बर २०२० पर्यंत इमर्जन्सी VACCINE लाँच करू..

एअरटेल आफ्रिकाचे निकाल चांगले आले. उत्पन्न १४.३% वाढले , कॉन्स्टन्ट करन्सी उत्पन्न १९.६% वाढले ऑपरेटिंग प्रॉफिट २४.८% वाढले. नेट प्रॉफिट २१.५% वाढले.

फेब्रुवारीपर्यंत PSU बँकांमध्ये Rs २०००० कोटी भांडवल सरकार टाकेल.

प्रकाश इंडस्ट्रीने ७५ लाख कन्व्हर्टिबल वॉरंटस Rs ४४.१० प्रती वॉरंट या किमतीला इशू केले.

एशियन पेन्ट्सने सांगितले की डेकोरेटिव्ह पेंट्स मध्ये १०% मागणी वाढली आहे. यावर्षी शेतीचे उत्पादन चांगले आहे. ग्रामीण भागात चांगली मागणी आहे सणासुदीचा काळही आला आहे. आमचे मार्जिनही वाढले आहे. दुसऱ्या अर्धवर्षांत अशीच उत्पन्न आणि मार्जिनमध्ये ग्रोथ असेल असा अंदाज आहे.

PTC इंडस्ट्रियल फायनान्सला विथहोल्डिंग टॅक्स मध्ये ७.५% वरून ३.७% पर्यंत कपात करायला मंजुरी मिळाली.
HIL च्या च्या गुजराथमधील पुट्टी प्लांटमध्ये उत्पादन सुरु झाले.

स्पाइस जेटने सांगितले की त्यांच्या कार्गो वाहतुकीमध्ये खूप वाढ झाली.पूर्वी ५ कार्गो विमाने होती आता त्यांची संख्या २० झाली आहे. फिक्स्ड कॉस्टमध्ये प्रयत्न करून घट झाल्यामुळे मार्जिनमध्ये सुधारणा होईल. स्पाइसजेटच्या आंतरराष्ट्रीय फ्लाईट्स सुरु झाल्या आहेत. आम्हाला प्रवासी वाहतुकीतही वाढ होईल असे वाटते.

टेक महिंद्राचे दुसऱ्या तिमाहीचे निकाल अनुमानापेक्षा चांगले आले. प्रॉफिट Rs १०६४.६० कोटी तर उत्पन्न Rs ९३७१.८० कोटी झाले. EBIT मार्जिन १४.२% होते. US $ रेव्हेन्यू US $ १२६.५६ कोटी झाले.

ऑइल इंडियाच्या व्यवस्थापनाने सांगितले की त्यांना आताच्या ऑइल ब्लॉक्स च्या लिलावात २ आसाममध्ये आणि २ राजस्थानात ब्लॉक्स अलॉट झाले आहेत. आम्ही येत्या तीन वर्षांत US $ २५ ते २८ मिलियन एवढी भांडवली गुंतवणूक करू.
सरकार जी वाहनांची खरेदी करेल त्यातील ६५% स्पेअर पार्ट्स भारतातच बनवलेले असले पाहिजेत. त्याच्या मध्ये ५६ ऑटो स्पेअरपार्टस्चा समावेश केला यात मिरर, ग्लास चाके, याचा समावेश आहे. त्यामुळे ऑटो अँसिलिअरीजचे उत्पादन करणाऱ्या कंपन्यांच्या शेअर्स मध्ये तेजी आली. उदा नेलकास्ट, मुंजाल ऑटो जयभारत मारुती, मुंजालशोवा, JK टायर्स, मदर्सन सुमी

IDBI तोट्यातून फायद्यात आली. महिंद्रा EPC, राणे इंजिनचा निकाल ठीक आला.बायोकॉनचे निकाल साधारण होते.
JSW स्टील्सचे दुसऱ्या तिमाहीचे निकाल चांगले आले. ( उत्पन्न Rs १९२६४ कोटी, फायदा Rs १५९५ कोटी, मार्जिन २२.९१% राहिले.)

येस बँक तोट्यातून फायद्यात आली. बँकेला दुसऱ्या तिमाहीत Rs १२९.४ कोटी फायदा झाला. NII Rs १९७३ कोटी झाले. GNPA १६.९०% तर NNPA ४.९०% राहिले.

HIKAL ही कंपनी फार्मा कंपन्यांसाठी API आणि इंटरमीडीएट्स आणि R & D सेवा पुरवते . क्रॉप प्रोटेक्शनसाठीही, ऍनिमल हेल्थ, बायोटेक यांना R & D सेवा पुरवते. ऑक्टोबर २०१७ ते २०१९ दरम्यान मल्टिपल टॉप बनत होते.३० सप्टेंबर २०२० मध्ये रेझिस्टन्स क्रॉस केला. भाव Rs २०४ प्रती शेअर झाला. तेथून या शेअरमध्ये चांगले करेक्शन आले. आता करेक्शनमध्ये कन्सॉलिडेशन होऊन ब्रेकआउट दिला आहे.

BSE निर्देशांक सेन्सेक्स ४०६८५ NSE निर्देशांक निफ्टी ११९३० बँक निफ्टी २४४७८ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २२ ऑक्टोबर  २०२०

आज क्रूड US $ ४१.४७ प्रती बॅरल ते US $ ४१.९१ प्रती बॅरल या दरम्यान तर रुपया US $१=Rs ७३.५० ते US $१=Rs ७३.७७ या दरम्यान US $ निर्देशांक ९२.८० VIX २२.९२ PCR १.३९ होते.

USA च्या स्टेट डिपार्टमेंटने असे सांगितले की जे परदेशी नागरिक शॉर्ट टर्मसाठी ‘B १ इनलियू ऑफ H पॉलिसीवर’ कंपनीचे कर्मचारी म्हणून HIB स्पेशालिटी जॉब पूर्ण करण्यासाठी USA मध्ये येतात त्यांना अशा प्रकारचा टेम्पोररी बिझिनेस व्हिसा देणे आता रद्द करावे. डिसेंबर २०१९ मध्ये कॅलिफोर्निया स्टेटने इन्फोसिसला त्यांचे ५०० कर्मचारी कंपनीने काढलेल्या ‘बी-१ इनलियू ऑफ H’ व्हिसावर निरनिराळ्या ठिकाणी काम करत आहेत म्हणून US $८००००० वर सेटलमेंट केली. यामुळे USA नागरिकांना कामाला मुकावे लागते असा स्टेट डिपार्टमेंटचा दृष्टीकोन आहे.

पॅकेजच्या अनिश्चिततेमुळे USA चे मार्केट पडले. जशा जशा निवडणुका जवळ जवळ येत जातील तशी पॅकेजची अशा मावळत जाईल.फेडचे मात्र असे म्हणणे आहे की जर USA ची अर्थव्यवस्था वेगाने सुधारायची असेल तर रिलीफ पॅकेज जरुरी आहे.

वेदांताचे बोर्ड ऑफ डायरेक्टर्स २४ ऑक्टोबर २०२० रोजी लाभांशावर विचार करेल. या लाभांशाची रेकॉर्ड डेट ३१ ऑक्टोबर असेल. मार्केटची अशी अपेक्षा आहे की वेदांता Rs १० ते Rs १५ प्रती शेअर या मर्यादेत लाभांश जाहीर करेल. आज वेदांतामध्ये बर्यापैकी खरेदी झाली.

चीनमधून आयात होणाऱ्या सिंथेटिक रबरवर सरकारने पुढील ५ वर्षांसाठी अँटीडम्पिंग ड्युटी लावली. याचा फायदा JK टायर्स, बाळकृष्ण इंडस्ट्रीज, गुड इअर टायर्स, सिएट, अपोलो टायर्स, MRF, TVS श्रीचक्र यांना होईल. JK टायर्सच्या व्यवस्थापनाने सांगितले की त्यांनी स्मार्ट टायर लाँच केले आहे या टायरचे तपमान कार चालू असताना किती आहे हे दाखवणयाची व्यवस्था आहे.ऑटो क्षेत्रांतली वाढती मागणी, चीनमधून होणाऱ्या आयातीवर बंदी, आणि अनलॉक मध्ये सुटत जाणारे सप्लायसाईडचे प्रॉब्लेम यामुळे सर्व टायर उत्पादक शेअर्समध्ये तेजी होती. प्रथम ऑटोमध्ये तेजी नंतर ऑटो अँसिलिअरीज, टायर्स, बॅटरीज, रबर केमिकल्स अशी साखळीवजा प्रतिक्रिया सुरु होते.

DR रेड्डीजच्या कंपनीमध्ये डेटा ब्रीच झाला हे लक्षात येताच कंपनीने सर्व सर्व्हर डाऊन केले. सायबर ATTACK झाला आहे लक्षात येताच सर्व डेटा सर्व्हिस सेंटर्स अलग केली. कंपनीने सांगितले की आमचे सगळे प्लांट्स चालू आहेत आणि या प्रकाराचा आमच्या बिझिनेसवर फारसा परिणाम होणार नाही. २४ तासात सर्व नॉर्मल होईल.DR रेड्डीज
च्या व्यवस्थापनाच्या खुलाशानंतर शेअर सावरला.

अशोक लेलँडने BOSS LE आणि BOSS LX ही ट्रकची दोन मॉडेल्स लाँच केली. यांची किंमत Rs १८ लाख निश्चित केली आहे. IOC चे FY २१ मध्ये Rs २०००० कोटी उभारण्याचे लक्ष्य आहे. कंपनीच्या ३० ऑक्टोबरला होणाऱ्या बैठकीत यावर विचार होईल.

सरकारने इनलँड व्हेसल पॉलिसी मंजूर केली.

आज हेमिस्फिअर प्रॉपर्टीचे Rs १० ६वर लिस्टिंग झाले. लिस्टिंगला रिस्पॉन्स कमी होता.

बजाज ऑटोचे दुसऱ्या तिमाहीचे निकाल आले. प्रॉफीट Rs ११३८ कोटी, उत्पन्न Rs ७१५६ कोटी EBITDA Rs १२६६ कोटी, EEBITDA मार्जिन १७.७% होते. कंपनीने सांगितले की शानदार रिकव्हरीचे संकेत मिळत आहेत, मागणी वाढत आहे. ,
HDFC लाईफने ‘कोरोना कवच’ या नावाने नवीन इन्शुअरन्स प्रॉडक्ट लाँच केले.

सरकारने गारमेंट निर्यातदारांसाठी इन्सेन्टिव्ह योजना जाहीर केली. गारमेंट निर्यातदारांनी जो टॅक्स भरला आहे तो त्यांना परत घेता येईल. याचा फायदा गोकुळदास एक्स्पोर्ट्स, वेलस्पन, वर्धमान, राजेश एक्स्पोर्ट्स,इस्टर, KPR मिल्स, डॉलर इंडस्ट्रीज यांना होईल.

ऑरोबिंदो फार्माला त्यांच्या न्यू जर्सी युनिटसाठी OAI ( ऑफिशियल एक्शन इनिशिएटड) मिळाले.

दुसऱ्या तिमाहीचे निकाल UCO बँकेचे चांगले (तोट्यातून Rs ३० कोटींच्या नफ्यात आली. NII मध्ये वाढ झाले. GNPA आणि NNPA कमी झाले) स्टरलाईट इंडस्ट्रीजचे ठीक ( उत्पन्न, नफा, मार्जिन कमी झाले. पण त्यांचे ऑर्डर बुक Rs १०७०५ कोटींचे आहे), सुब्रोसचे चांगले, सिनजीन, नॅशनल पेरॉकसाइड, चेन्नई पेट्रो,सागर सीमेंट. तेजस नेटवर्क,एशियन पेंट्स ( Rs ३.३५ प्रती शेअर लाभांश ), उदयपूर सिमेंट्स, इंडियन बँक, भारती इंफ्राटेल, अलेम्बिक फार्मा, अंबुजा सिमेंट ( Rs १७ प्रती शेअर लाभांश)यांचे निकाल चांगले आले. दुसऱ्या तिमाहीचे बजाज फायनान्स आणि बजाज फिनसर्व, बजाज होल्डिंग, HDFC AMC यांचे निकाल साधारण तर ओरिएंट हॉटेल्सचे निकाल खराब होते.SBI कार्डसचा फायदा ४६% ने कमी झाला.
बर्गर किंग इंडिया आता Rs ५४२ कोटींचा IPO आणणार आहे.कंपनी ९१.९२ कोटींची प्रीIPO प्लेसमेंट करण्याचा विचार करत आहे.

टी सी एस डच बँकेचे टेक युनिट खरेदीसाठी बोलणी करत आहे.

ग्लॅन्ड फार्मा ( ही कंपनी FOSUN फार्मा या चिनी कंपनीची सबसिडीअरी आहे) Rs ६००० कोटींचा ( यात Rs १२५० कोटी फ्रेश इशू आणि Rs ४७५० कोटीचा OFS असेल) IPO आणत आहे. .

ONGCL ला ७ ऑइल ब्लॉक्स ऑइल इंडियाला ४ ऑइल ब्लॉक्स मिळाल .

आज मी तुम्हाला तेजस नेटवर्कचा चार्ट देत आहे. BSE च्या अँपवरून तुम्हाला चार्ट पाहता येईल. हा १ वर्षांकरता लाईन चार्ट आहे या मध्ये फेब्रुवारी ते जून या काळात इन्व्हर्स हेड अँड शोल्डर पॅटर्न दिसतो आहे. आणि राईट हॅन्ड शोल्डरला जूनमध्ये ब्रेक आउट झाला. त्यानंतर मात्र हायर टॉप हायर बॉटम ऑक्टोबरपर्यंत दिसतो आहे.

BSE निर्देशांक सेन्सेक्स ४०५५८ NSE निर्देशांक निफ्टी ११८९६ बँक निफ्टी २४४८४ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २१ ऑक्टोबर  २०२०

आज crude 42.34 ते 42.95 च्या दरम्यान, रुपया 73.37 ते 73.61 दरम्यान, डॉलर इंडेक्स – 92.80 तर vix- 23.44 आणि pcr 1.34 होते आज crude च्या किमती घटल्या कारण काही देशात करोनाने पुन्हा मुसंडी मारली आहे पुन्हा lockdown जाहीर झाला आहे मागणी कमी झाली US मध्ये साठा वाढला लिबियामध्ये क्रूडचे उत्पादन सुरू झाले FDI ची गुंतवणूक 16 %नी वाढली FPI चा flow वाढला आहे

SBI नी सणासुदीला व्याजाच्या दरात 0.25%सूट जाहीर केली 30 लाखापर्यंतच्या लोनसाठी 6.9% तर त्यावरील लोनसाठी 7% तर 75 लाखावरील लोनवर 0. 20 % सूट मिळेल असे सांगितले

Reliance JIO आणि Qualcomm यांनी 5G ट्रायल यशस्वीपणे पूर्ण केली 1 GBPS इतका स्पीड देणे त्यामुळे शक्य होईल enhanced डिजिटल एक्सपिरियन्स मिळेल

रेमंडनी सांगितले की B to B business प्री कोविड पातळीला पोहोचला म्हणून शेअरमध्ये तेजी होती

टायरला लागणारे crude बेस raw मटेरिअल चायनामधून येते याला आणि टायरच्या आयातीला मनाई आहे डीलरकडे इन्व्हेंटरी नाही रिप्लेसमेंट मार्केटमध्ये ग्रोथ आहे टायरला लागणाऱ्या रबराच्या किमती कमी आहेत MRF ची पुढील 4 वर्षात low कॅपेक्स intensity असेल रिटर्न रेशीयोज सुधारतील FY 22 च्या earning प्रमाणे 18 च्या P/Eवर आहे टायर कंपन्यांचे result चांगले येण्याची शक्यता आहे

आता सिमेंट आणि मेटलमध्ये तेजी येईल पण सिमेंटच्या बाबतीत region wise विचार करावा. LIC ने बजाज ऑटो , आणि कंटेनर कॉर्पोरेशन मध्ये स्टेक वाढवला. BPCL मध्ये ब्लॉक डील झाले याच्या ट्रस्टमधून ESPS ला शेअर transfer केले

हिंदुस्तान झिंकने ₹ 21.30 एव्हढा डिव्हिडंड दिला यामुळे vedanta ला ₹ 5843 कोटी मिळतील त्यामुळे वेदांताच्या शेअर्समध्ये तेजी होती

A B Fashion ची Walmart आणि Myntra यांच्याबरोबर स्ट्रॅटेजीक कारणासाठी बोलणी चालू आहेत पण policy matter असल्याने मॅनेजमेंटनी काही कमेंट करण्यास नकार दिला

सरकारने 2 कोटीपर्यंतच्या EMI च्या व्याजावरील व्याज माफ करायचे ठरवले आहे हा निर्णय कोर्टाला सांगितला जाईल. केंद्रीय कर्मचाऱ्यांना बोनस देणार आहे हा बोनस production linked आणि नॉन प्रॉडक्शन linked असा विभागला जाईल. त्याचप्रमाणे काही IT कंपन्या पगार वाढवत आहेत. PLI योजनेत आणखी 7 ते 8 सेक्टर चा समावेश केला जाईल

Tata communication चे पूर्वीचे नाव VSNL होते यामध्ये असलेली 740 एकर जमीन वेगळी करून ती Hemisphere प्रॉपर्टीजकडे ट्रान्सफर केली.ज्याच्याजवळ टाटा कम्युनिकेशनचा एक शेअर होता त्यांना Hemisphere Property चा 1 शेअर दिला. या नव्या कंपनीची नेट asset value ₹6000 कोटी आहे यात सरकारचा 51% हिस्सा आहे. या कंपनीचे उद्या लिस्टिंग आहे.

आज बजाज फायनान्सचे दुसऱ्या तिमाहीचे निकाल आले. प्रॉफिट ₹९६५ कोटी, NII ₹ ४१६५ कोटी, GNPA १.०३%,तर NNPA०.३७% होते.

न्यु जेन सॉफ्टवेअर , पंजाब अल्कलीज, Indo Count, GMM फाऊडलर यांचे दुसऱ्या तिमाहीचे निकाल चांगले आले.
अल्ट्राटेक सिमेंटचे निकाल चांगले आले. प्रॉफिट ₹१२३० कोटी, उत्पन्न ₹१०५५४ कोटी , मार्जिन २६%, आणि वन टाइम लॉस ₹ ३४० कोटी होते.

कोलगेट या कंपनीला दुसऱ्या तिमाहीत फायदा ₹२७४ कोटी, उत्पन्न ₹१२८६ कोटी, EBITDA ₹ ४०९ कोटी तर EBITDA मार्जिन३१.८% झाले. कंपनीने ₹१८ प्रती शेअर लाभांश जाहीर केला.

आज मी GIC Housing चा चार्ट देत आहे realty सेक्टर मध्ये तेजी आहे ही कंपनी गृह कर्ज देते या चार्टमध्ये inverted head and shoulder पॅटर्न दिसतो आहे त्याच्या right shoulder चा breakout आहे.

आज BSE निर्देशांक सेन्सेक्स 40707, NSE निर्देशांक निफ्टी 11937,Bank निफ्टी 24635 वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २० ऑक्टोबर  २०२०

आज क्रूड US $ ४२.२६ प्रती बॅरल ते US $ ४२.६० प्रती बॅरल या दरम्यान तर रुपया US $१=Rs ७३.३० ते US $१=Rs ७३.४९ या दरम्यान तर US $ निर्देशांक ९३.४२ होते. विक्स २२.६० आणि PCR १.४१ होते.

डेमोक्रॅट्स आणि रिपब्लिकन पक्षांमधील मतभेदांमुळे रिलीफ पॅकेजच्या बाबतीत अनिश्चितता वाढत आहे त्यामुळे USA ची मार्केट्स मंदीत होती. ओपेक+ त्यांनी पुरवठा वाढवण्यासाठी केलेला करार जानेवारी २०२१ पासून रद्द करण्याची शक्यता आहे .
सध्याच्या मार्केटमध्ये ट्रेड करण्यासाठी चर्निंग आवश्यक आहे. ज्या कंपन्यांचे निकाल जाहीर होणार आहेत तेथून निकाल जाहीर होण्याच्या आधी बाहेर पडून दुसऱ्या शेअरमध्ये घुसावे.

L & T टेक्नॉलॉजीचा दुसर्या तिमाहीत फायदा ४१% ने वाढला. Rs ७.५० लाभांश जाहीर केला. टाटा मेटॅलिक्सचे दुसऱ्या तिमाहीचे निकाल चांगले आले. स्टीलच्या किमती वाढल्या आहेत आणि कंपनीने योजलेल्या कॉस्ट रिडक्शनच्या उपायांमुळे निकाल चांगले आले. HDFC लाईफचे नेट प्रीमियम इन्कम ५५% ने तर फायदा ७% ने वाढला.

हिंदुस्थान झिंकने Rs २१.३० प्रती शेअर अंतरिम लाभांश जाहीर केला. त्याची रेकॉर्ड डेट २८ ऑक्टोबर २०२० आहे. कंपनीचे उत्पन्न वाढले प्रॉफिट कमी झाले. वेदांताचा स्टेक हिंदुस्थान झिंकमध्ये आहे. त्यामुळे ट्रेडर्स हिंदुस्थान झिंकमधून बाहेर पडून वेदांतामध्ये घुसतील.

OMPL (ONGC मँगलोर पेट्रो) ही ONGC ची सबसिडीअरी आहे. यात MRPL ४९% स्टेक घेणार आहे. ONGC ला Rs १२२० कोटी मिळतील. काही दिवसांनी MRPL चे HPCL मध्ये मर्जर होईल.

ब्रिटानियाचे निकाल चांगले आले. पण हे निकाल अनुमानापेक्षा कमी आले. कंपनीची टॉप लाईन आणि व्हॉल्युम ९% अपेक्षेपेक्षा (१२% ते १३% ) कमी आले. व्यवस्थापनाने सांगितले की अनलॉक सुरु झाल्यापासून कन्झ्युमर हॅबिटस बदलल्या. बिस्किटांऐवजी आत लोक नॉनडिस्क्रिशनरी आयटेम्स जास्त खरेदी करतात.आता चीज आणि ब्रेड मध्ये चांगली ग्रोथ आहे. जुलैमध्ये डबलडिजिट ग्रोथ तर ऑगस्टमध्ये किमान सिंगल डिजिट ग्रोथ होती. सप्टेंबर २०२० मध्ये आता मागणी वाढत आहे. कंपनीने Rs २१८ कोटींच्या ICD चे पेमेंट केले. FY २२ च्या हिशेबाने शेअर ४५ P /E लेव्हलवर चालू आहे. ब्रिटानियाच्या शेअरमध्ये आज चांगलीच मंदी होती. तज्ञाचे मत आहे की FMCG क्षेत्रातील इतर कंपन्यांच्या निकालात ब्रिटानियासारखा ट्रेंड आढळला तर शेअरमध्ये तेजी येण्याची शक्यता आहे. पण ब्रिटानियाचा शेअर खूप वाढला आहे.

OMC ने ४३० कोटी लिटर एथॅनॉल साठी वाढीव भावाने नवीन साखर हंगामासाठी टेंडर्स भरली. फायदा साखर उत्पादक कंपन्यांना होईल त्यामुळे त्यांच्या शेअरमध्ये तेजी आली.

स्पाईस जेटने ६२ नवीन अंतर्देशीय आणि आंतरराष्ट्रीय उड्डाणे सुरु केली. कंपनीने सांगितले की जशी जशी परिस्थिती नॉर्मल होत जाईल तशी मागणी वाढत जाईल.

सनटेक रिअल्टी कंपनीने वासिंद मध्ये ५० एकर जमीन खरेदी केली. फिनलँडमधील ‘फोरम’ या कंपनीकडून ५ वर्षांसाठी विप्रोला कॉन्ट्रॅक्ट मिळाले.

ग्रॅनुअल्सचे दुसऱ्या तिमाहीचे निकाल चांगले आले. प्रॉफिट ७१% ने वाढून Rs १६३.६० कोटी, उत्पन्न २२% ने वाढून Rs ८५८.१० कोटी EBIT मार्जिन २९.९% होते. कंपनीने सांगितले की आमच्या कंपनीच्या दुसरी तिमाही आणि पहिल्या अर्धवर्षांच्या निकालांवर. कोविड १९ चा प्रतिकूल परिणाम झाला नाही.

रामकृष्ण फोर्जिंग, DCM श्रीराम या कंपन्यांचे दुसऱ्या तिमाहीचे निकाल चांगले आले.बॉम्बे डाईंग ही कंपनी फायद्यातून तोट्यात गेली.

केमकॉन स्पेशालिटी केमिकल्स ला दिलेल्या क्रेडिट फॅसिलिटीज क्रिसिलने अपग्रेड केल्या. सेबीने प्रमोटर्सविरुद्ध सुरु केलेली आणि कंपनीचे भूतपूर्व डायरेक्टर नरेश गोयल यांच्याविरुद्ध सुरु झालेली कारवाई चालू आहे.कोणताही दंड झाला तर तो प्रमोटर्सला भरावा लागेल ऑईलवेल केमिकल्सच्या बिझिनेसवर कोविडचा चांगलाच प्रतिकूल परिणाम झाला. पण सप्टेंबर २०२० पासून या बिझिनेसमध्ये हळू हळू सुरुवात झाली आहे. आणि ऑर्डर्स मिळत आहेत. HAGS आणि CMIC चा बिझिनेस चांगला चालू आहे.

विदेशी पार्टनरला रॉयल्टी पेमेंट, टेक्नॉलॉजी ट्रान्स्फर, ट्रेडमार्क, ब्रॅंडनेम ( यामध्ये १%सूट मिळेल ) यावर सरकार कमाल मर्यादा ठरवण्याचा विचार करत आहे. १% ते ४% एवढी ही मर्यादा असेल. ऑटोमॅटिक रुटने पेमेंटची १% ते ४% एवढी मर्यादा असण्याची शक्यता आहे. . जर या पेक्षा जास्त पेमेंट करायचे असेल तर सरकारची परवानगी घ्यावी लागेल. सुरुवातीच्या ४ वर्षांत ४% पर्यंत सूट असेल जर कंपनी यातील काही खर्च R & D वर करत असेल तर तेवढी ती मर्यादा वाढेल . या पेमेन्टवर सरकार विथहोल्डींग टॅक्स लावण्याचा विचार करत आहे. या नियमांचा परिणाम मारुती, HUL, NESLE, कोलगेट, सिमेन्स या कंपन्यांवर होईल.

DHFL चे प्रमोटर कपिल वाधवान यांनी आपली Rs ४३००० कोटींची व्यक्तिगत आणि कौटुंबिक मालमत्ता DHFL च्या ऑउटस्टँडिंग कर्जासाठी देऊ केली आहे. त्यांच्या व्यक्तिगत आणि कुटुंबाच्या वेगवेगळ्या रिअल इस्टेट प्रोजेक्ट मधील राईट्स, इंटरेस्ट, टायटल ट्रान्स्फर केले तर DHFL चे रेझोल्यूशन योग्य रीतीने आणि पूर्ण होईल या आशयाचा अर्ज त्यांनी RBI कडे केला आहे.

आज लिबर्टी स्टील या कंपनीच्या व्यवस्थापनाने सांगितले की आम्ही अकवायर केलेल्या आधुनिक स्टील आणि झिऑन स्टील या कंपन्यांचे उत्पादन सुरु करण्याचा प्रयत्न चालू आहे. त्यांनी सांगितले की आम्हाला स्टील,अल्युमिनियम आणि रिन्यूएबल एनर्जी क्षेत्रात स्वारस्य आहे. THISSENKRUPP या कंपनीच्या स्टील बिझिनेससाठी नॉन बाइंडिंग इंडीकेटीव्ह ऑफर दिली आहे.

सरकार IRCTC चा OFS जानेवारी २०२१ ते मार्च २०२१ या दरम्यान आणण्याची शक्यता आहे.

इक्विटास स्माल फायनान्स बँकेचा IPO १३% भरला.

JSPL ने हायस्पीड हाय AXLE लोड ऍप्लिकेशन्स साठी नवीन प्रतीचे रूळ विकसित केले. रेल्वेने या रुळांना मंजुरी दिली.
शक्ती पंप्स ही कंपनी सोलर आणि सबमर्सिबल पम्प बनवते . या कंपनीचा १०० देशात कारभार आहे. सोलर इन्व्हर्टरचे ते भारतातील एकमेव उत्पादक आहेत. सरकारच्या सबसिडी कार्यक्रमामुळे पंपांसाठी मागणी वाढली आहे. राज्य सरकार आणि केंद्र सरकार मिळून एकूण ७५% सबसिडी देतात. त्यांचा दुसऱ्या तिमाहीचे निकाल चांगले आले.

HUL ने Rs १४ प्रती शेअर लाभांश जाहीर केला. कंपनीला Rs २००९ कोटी फायदा झाला. कंपनीचे उत्पन्न Rs ११४४२ कोटी झाले. EBITDA Rs २८६९ कोटी झाले. मार्जिन २५.१% होते. व्हॉल्युम ग्रोथ ३% होती.

मी आज तुम्हाला HDFC चा चार्ट देत आहे. सरकारच्या मोहीमेमुळे रिअल इस्टेट क्षेत्रात तेजी आली आहे. गृह कर्जावरील व्याजाचे दर कमी झाले आहेत अफोर्डेबल हौसिंग योजनेचा फायदा मिळत आहे. परिणामी HDFC लिमिटेडची ग्रोथ होत आहे. . या चार्टमधे तुम्हाला डबल बॉटम तयार झालेला दिसतो आहे. शेअरने ब्रेकआउट घेतला आहे.ब्रेकआऊट होताना सरासरीपेक्षा जास्त व्हॉल्युम दिसत आहेत. हा विकली चार्ट आहे.

BSE निर्देशांक सेन्सेक्स ४०५४४ NSE निर्देशांक निफ्टी ११८९६ बँक निफ्टी २४३११ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १९ ऑक्टोबर  २०२०

आज क्रूड US $ ४२.६९ प्रती बॅरल ते US $ ४२.९८ प्रती बॅरल या दरम्यान तर रुपया US $१= Rs ७३.३४ ते US $१= Rs ७३.४१ या दरम्यान US $ निर्देशांक ९३.७३ VIX २२.२५ PCR १.३७ होते.

आज USA , युरोप मधील मार्केट माफक तेजीत होती. करोनाची काळजी UK, USA आणि युरोपियन देशात वाढत आहे. फ्रांस, इटली, स्पेन, रशिया, USA मध्ये कोरोनाची दुसरी वेव्ह येत आहे.

आज चीनच्या GDP मध्ये ४.९% वाढ झाली, इंडस्ट्रियल आउटपुट ६.९% ने तर रिटेल विक्री ३.९% वाढली. त्यामुळे मेटल्सच्या मागणीत वाढ झाली.

२२ ऑक्टोबर रोजी ट्रम्प आणि बिडेन यांच्यातील वादसंवादाची निवडणुकीपूर्वी शेवटची फेरी होईल.

HDFC बँकेचे निकाल चांगले आले. प्रॉफिट Rs ७५१३ कोटी तर NII Rs १५२७६ कोटी झाले. GNPA १.०८% तर NNPA ०.१७% होते. NIM ४.१% होते. CAR (कॅपिटल ADEQUACY रेशियो) १९.१% होते.

HDFC बँकेचे दुसऱ्या तिमाहीचे निकाल चांगले आल्यामुळे इतर खाजगी बँकांच्या शेअर्समध्ये तसेच बँक निफ्टीमध्ये तेजी आली.

फेडरल बँकेचे ब्रोकरेज हाऊसेसने रेटिंग बदलल्यामुळे फेडरल बँकेचा शेअर तेजीत होता. रॅलीज इंडियाच्या दुसऱ्या तिमाहीचे निकाल ठीक होते.

आज ब्रिटानिया इंडस्ट्रीजचे दुसऱ्या तिमाहीचे निकाल जाहीर झाले. प्रॉफिट Rs ४०४ कोटींवरून २३%नी वाढून Rs ४९८ कोटी झाले उत्पन्न Rs ३०४९ कोटींवरून १२% वाढून Rs. ३४१९ कोटी झाले.

टिन प्लेट, ओबेराय रिअल्टीज, CSB बँक , SKIPPER, बँक ऑफ महाराष्ट्र आणि बजाज कन्झ्युमर चे निकाल चांगले आले.
टाटा कम्युनिकेशनला Rs ३८५ कोटींचे प्रॉफिट झाले Rs ४४०१ कोटी उत्पन्न झाले.कंपनीला Rs ५५ कोटी वन टाइम लॉस झाला.

आज सिमेंट क्षेत्रातील ACC या कंपनीचे तिसऱ्या तिमाहीचे निकाल आले. प्रॉफिट Rs ३६३.८० कोटी तर उत्पन्न Rs ३५३७.३० कोटी झाले. EBITDA Rs ६७१.४० कोटी तर EBITDA मार्जिन १९% होते.

जेट एअरवेजच्या कमिटी ऑफ क्रेडिटर्स ने जेट एअरवेजच्या संबंधित KALROCK कॅपिटल आणि मुरालीलाल जालन यांच्या रेझोल्यूशन प्लॅनला मंजुरी दिली. आता हा प्लॅन NCLT च्या मंजुरीसाठी पाठवला आहे. पुढील वर्षाच्या मध्यापर्यंत जेट एअरवेज उड्डाणे सुरु करण्याची शक्यता आहे.

DHFLच्या एकूण ऍसेट्ससाठी चार बोली मिळाल्या यात ओक ट्री कॅपिटलने Rs २०००० कोटींची ऑफर दिली. या कर्जात कर्ज देणार्या बँकांना Rs ६५००० कोटींचा हेअरकट सोसावा लागेल असे आतापर्यंत चित्र आहे. या कंपनीला SBI लीडर असलेल्या कन्सॉर्शियमने Rs ८५००० कोटींचे कर्ज दिले आहे. या कंपनीसाठी अडानी ग्रुप, पिरामल एंटरप्रायझेस, आणि सिंगापूरस्थित S C LOWY यांनी बीड्स दिल्या होत्या.  या दोन कंपन्यांच्या रेझोल्यूशन प्लान्समुळे आज बँकांचे शेअर्स तेजीत होते.

प्रेस्टिज इस्टेटस आपले काही ऍसेट्स ब्लॅकस्टोनला विकणार आहे. कंपनीला नॉनबाइंडिंग ऑफर मिळाली आहे. DR रेड्डीजला स्पुटनिक V च्या क्लिनिकल ट्रायलसाठी मंजुरी मिळाली. RBI ने इंडस इंड बँकेला RBI च्या नियमांचे उल्लंघन केले म्हणून Rs ४.५ कोटींचा दंड केला. मोल्ड ट्रेकने ५० शेअरमागे १ राईट्स शेअर Rs १८० प्रती शेअर या भावाने जाहीर केला.

हाटसन ऍग्रोचे दुसऱ्या तिमाहीचे निकाल चांगले आले. प्रॉफिट Rs २५ कोटींवरून Rs ६६ कोटी झाले. उत्पन्न Rs १२७९ कोटींवरून Rs १३२७ कोटी झाले. कंपनीने ३ शेअर्सला १ बोनस शेअर जाहीर केला. COSMO फिल्म्स २६ ऑक्टोबर २०२० रोजी शेअर बाय बॅक वर विचार करेल. MCX नवीन ट्रेडिंग आणि क्लिअरिंग प्लॅटफॉर्म लाँच करण्याची तयारी करत आहे. ऑरोबिन्दो फार्मा EVGIA फार्मा स्पेशालिटी या कंपनीमधील १००% स्टेक Rs २७४ कोटींना खरेदी करणार आहे. ONGC पवन हंस मधील स्टेक विकण्यासाठी बोली मागवणार आहे.

आज ऍव्हेन्यू सुपरमार्केटच्या दुसऱ्या तिमाहीचे निकाल जाहीर झाले. प्रॉफीटमध्ये ३७%, उत्पन्नात १२% घट झाली. मार्जिन कमी झाले. कंपनीने ६ नवीन स्टोर्स उघडली आणि मीरा रोड आणि कल्याण येथील स्टोर्स E-COMMERCE च्या फुलफीलमेंट सेंटरमध्ये रूपांतरित केली. कम्पनीने सांगितले की ग्राहकांची वर्दळ तुलनात्मक दृष्ट्या कमी आहे आणि जास्त मार्जिन असलेल्या नॉनडिस्क्रिशनरी आयटेम्सची खरेदी खूप कमी वेगाने वाढत आहे. कंपनीने E -COMMERCE क्षेत्रात प्रवेश करायचे ठरवले आहे असे दिसते. त्यामुळे D-मार्टचा शेअर वाढला.

क्रिसिलने ऍडव्हान्स एंझाइमचे रेटिंग वाढवून A + केले. LIC ने सिमेन्सचे ७१.२७ लाख शेअर्स तर TVS मोटर्सचे ९६.७२ लाख शेअर्स खरेदी केले. AGR ड्यूजच्या बाबतीत टेलिकॉम कंपन्या, DOT यांच्या बरोबर संसदेच्या स्थायी समितीची बैठक होईल. धानुका ऍग्रीटेक गुजरातमध्ये दहेज येथे स्पेशालिटी केमिक्ल प्लान्ट सुरु करण्याची शक्यता आहे. मारुतीने ‘SWIFT’ चे नवे लिमिटेड VARIANT लाँच केले.

त्रिवेंद्रम विमानतळाच्या खाजगीकरणाविरुद्ध केरळ राज्य सरकारने दाखल केलेली याचिका केरळ हायकोर्टाने रद्द केली.
सरकारने आज १०% रिझर्व्ह एअर स्पेस सिविल एव्हिएशनसाठी खुली करण्याचा निर्णय घेतला. याला इंडियन एअरफोर्स ऑथॉरिटीजने परवानगी दिली. यामुळे प्रती फ्लाईट Rs ४०००० ची बचत होणार आहे. १५ ते २० मिनिट वेळेची बचत होईल. त्यामुळे फ्लाईन्ग कॉस्ट कमी होईल. १२ मार्गांवर याचा परिणाम दिसेल. उदा मुंबई -श्रीनगर, बागडोगरा -दिल्ली, लखनौ -जयपूर, श्रीनगर दिल्ली याचा एअरलाईन कंपन्यांना Rs १००० कोटींपर्यंत फायदा होईल. याचा परिणाम इंडिगो, स्पाईस जेट यांच्यावर होईल.

सरकार भारत पंप्स आणि स्कुटर्स इंडिया या कंपन्या बंद करणार आहे. ८-९ लिस्टेड PSU शेअर बायबॅक करतील. IRFC चा IPO नोव्हेंबर २०२० मध्ये येईल. सरकारने ज्या PSU कंपन्यांच्या बॅलन्सशीटवर कॅश आहे त्यांना लाभांश, बायबॅक, करायला सांगितले. यामुळे आज सर्व PSU मध्ये तेजी होती.

इक्विटास स्माल फायनान्स बँकेचा IPO २० ऑक्टोबर २०२० ला ओपन होऊन २२ ऑक्टोबर २०२० ला बंद होईल. फेस व्हॅल्यू Rs १० आहे. प्राईस बँड Rs ३२-३३ आहे. मिनिमम लॉट ४५० शेअर्सचा आहे. या शेअर्सचे २ नोव्हेम्बरला लिस्टिंग होईल. यामुळे ही बँक MSME ला लोन्स देते. त्यामुळे NPA वाढण्याची शक्यता आहे.उज्जीवन स्माल फायनान्स बँकेच्या शेअरमध्ये तेजी होती.

१२ नोव्हेम्बरला MSCI निर्देशांकाचे रीबॅलन्सिंग होणार आहे. त्याच्यामध्ये कोटक महिंद्रा बँकेचे वेटेज वाढण्याची शक्यता आहे. म्युच्युअल फंड या शेअरमध्ये खरेदी करतील.

ऑटो सेल्सचा डेटा चांगला आल्यामुळे टायर्ससाठी मागणी खूप वाढेल, रिप्लेसमेंट डिमांडही चांगली आहे.तसेच चीनमधून होणारी टायर्सची आयात कमी झाली आहे. सणासुदीच्या हंगामामध्ये डिस्काउंट जाहीर केले जात आहेत, सरकारी कर्मचाऱ्यांना मारुती Rs ११००० डिस्काउंट देणार आहे. अशा योजनांमुळे टायर्ससाठी मागणीही वाढेल. टायर्सचे शेअर्स विशेषतः सिएट आणि MRF तेजीत होते.

अमेझॉन फ्लिपकार्ट वर सध्या सेल्स चालू आहेत तुफान प्रतिसाद मिळत आहे. अर्थातच याचा फायदा FMCG कंपन्यांना होईल. उदा कोलगेट, नेस्ल ,पेज इंडस्ट्रीज, HUL .

आज मी तुम्हाला DR लाल पाथ लॅब चा चार्ट देत आहे. ही फार्मा क्षेत्रातील कंपनी आहे. करोनामुळे लॅबच्या सगळ्या शेअर्समध्ये तेजी होतीच. लाल पाथ लॅबच्या चार्टमधे एक चॅनेल तयार झालेला आपल्याला दिसतो. काही दिवस हा शेअर् चॅनेलमधेच ट्रेड करत होता पण आता हा शेअर चॅनेल ब्रेकआउट देतो आहे असे दिसते. चार्टमधे तुम्हाला खालच्या ओळीत व्हॉल्यूमची मोठी कॅण्डल दिसते आहे म्हणजेच हा प्राईस व्हॉल्युम ब्रेक आउट आहे.

BSE निर्देशांक सेन्सकडे ४०४३१ NSE निर्देशांक निफ्टी ११८७३ बँक निफ्टी २४२६६ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!