Monthly Archives: November 2020

आजचं मार्केट – २७ नोव्हेंबर २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २७ नोव्हेंबर २०२०

आज क्रूड US $ ४७.४१ प्रती बॅरल ते US $ ४७.९३ प्रती बॅरल या दरम्यान तर रुपया US $१= Rs ७३.७७ ते US $१= Rs ७३.९४ या दरम्यान होते. US $ निर्देशांक ९१.९० तर VIX १९.८१ आणि PCR १.६८ होते.

आज USA आणि युरोपमध्ये थँक्स गिविंग डे आणि ब्लॅक फ्रायडे हे सण साजरे होत आहेत. या सणात लोक खूप खरेदी करतात आणि सण साजरा करतात. व्हॅक्सिनच्या बातमीने जगात सर्वत्र काळजीचे वातावरण जरा हलके झाले. भारतातही लसीकरणासाठी जुळवाजुळव सुरु झाली आहे. माननीय पंतप्रधान नरेंद्र मोदी यात जातीने लक्ष घालत आहेत. कॅडीला हेल्थकेअरने सांगितले की कॅडीला हेल्थकेअर मार्च २०२१ पर्यंत कोरोनावरची लस लाँच करण्याची शक्यता आहे.

भारताची FY २१ च्या दुसऱ्या तिमाहीमध्ये GDP ग्रोथ -७.५% झाली. GDP ग्रोथ पहिल्या तिमाहीत -२३.९% होती. भारताची अर्थव्यवस्था हळू हळू सुधारत आहे

आज PNGRB ने युनिफाईड टॅरीफची म्हणजेच Rs ५७ प्रती MMBTU नैसर्गिक गॅससाठी घोषणा केली. या योजनेनुसार आता गॅससाठी वार्षिक करार करावा लागेल. या आधी गॅसच्या किंमत दर १५ दिवसांनी ठरवल्या जात होत्या. हे गॅस पाईपलाईनची मालकी असणाऱ्या कंपन्यांसाठी सकारात्मक तर फर्टिलायझर कंपन्यांसाठी प्रतिकूल आहे. झोन १ मध्ये पाइपलाइनचा पहिला ३०० KM चा भाग असेल तर झोन २ मध्ये बाकीची पाईपलाईन येईल. हा निर्णय GAIL,GSPL यांना फायद्याचा तर सिटी गॅस डिस्ट्रिब्युटर्सना कमी फायद्याचा होता. त्यामुळे आज IGL, MGL, गुजरात गॅस, अडानी गॅस या शेअर्समध्ये तेजी होती.

रोड ट्रान्सपोर्ट मंत्रालयाने आज मोटार व्हेईकल ऍग्रीगेटर गाईडलाईन्स जारी केल्या. या वर राज्यांनी विचार करून निर्णय घ्यायचा आहे. या गाईडलाईन्सप्रमाणे वाहतूक भाड्याची ८०% रक्कम ड्रायव्हरला मिळाली पाहिजे.

इंडिया बुल्स कडे लक्ष्मी विलास बँकेचा ४.९९% स्टेक आहे. LVB चे शेअरकॅपिटल राईटऑफ केल्यामुळे त्यांना मोठा तोटा होईल. त्यामुळे इंडिया बुल्स ने कोर्टात अर्ज केलेला आहे.

सरकारने औषधांच्या डिस्ट्रिब्युशन आणि विक्रीसाठी आयातीला दिलेल्या लायसेन्सची मुदत ६ महिन्यांनी वाढवली. कोविड १९ मुळे या लायसेन्सचा उपयोग या कंपन्या मुदतीत करू शकल्या नव्हत्या. याचा फायदा कॅडीला हेल्थकेअर, ऑरोबिंदो फार्मा, शिल्पा मेडिकेअर या आणि इतर फार्मा क्षेत्रातील कंपन्यांना होईल.

चीनमधून आयात होणाऱ्या फ्लोट ग्लासवर US $ २१८ प्रती टन एवढी ऍन्टीडम्पिंग ड्युटी ५ वर्षांकरता बसवली जाईल असा निर्णय DGTR यांनी घेतला. याचा फायदा असाही इंडिया, सेंट गोबेन यांना होईल.

माननीय मंत्री पियुष गोयल यांच्या बरोबर साखर उत्पादकांच्या झालेल्या बैठकीत साखरेचे उत्पादन वाढवण्यावर सहमती झाली तसेच इथेनॉल प्लान्ट लावण्यासाठी स्वस्त दरात कर्ज दिले जाईल असे सांगितले.

ABB ने आज हाय आऊटपुट इंडक्शन सिरीज लाँच केली.

गरवारे वॉल रोप्स ही कंपनी Rs २३०० प्रती शेअर या भावाने टेण्डरऑफर रूटने शेअर बायबॅकवर Rs ७३ कोटी खर्च करेल

बर्गर किंग या क्विक रेस्टारंट चालवणाऱ्या कंपनीचा IPO २ डिसेम्बरला ओपन होऊन ४ डिसेंबर २०२० ला बंद होईल. हा Rs ८१० कोटींचा IPO असून यात फ्रेश इशू ऑफ शेअर्स Rs ४५० कोटी आणि OFS Rs ३६० कोटींची असेल. प्राईस बँड Rs ५९-Rs ६० एवढा असेल मिनिमम लॉट २५० शेअर्सचा असेल म्हणजे मिनिमम रक्कम Rs १५००० गुंतवावी लागेल. कंपनीचे २०२६ पर्यंत ७२० क्विक रेस्टारंट उघडण्याचे लक्ष्य आहे. IPO चे प्रोसिड्स कर्ज कमी करण्याकरता तसेच एक्स्पान्शनसाठी वापरण्यात येईल.

आजपासून शॉपर्स स्टॉप चा राईट्स इशू सुरु झाला.

IBA ( इंडियन बँक असोसिएशन) ने मागणी केली की बँकांनी NPA घोषित करण्यावरची बंदी उठवावी.

आज FMGC आणि कन्झ्युमर गुड्स क्षेत्रातील शेअर्स तेजीत होते.

आज पासून F & O मार्केटच्या डिसेंबर महिन्याच्या सीरिजला सुरुवात झाली. या सिरींजमध्ये सेक्टर रोटेशन असते. म्युच्यूअलफंडांचे रिडम्प्शन असते, तसेच USA आणि युरोपातील मार्केट्स नाताळच्या सुट्टीनिमित्त बंद असतात. जुन्या किंवा सॅच्युरेट झालेल्या सेक्टर्समधून गुंतवणूकदार यात म्युच्युअल फंड आणि इतर संस्थागत गुंतवणूकदारांचा समावेश असतो, नव्या उदयोन्मुख सेक्टरमध्ये गुंतवणूक करतात. त्यामुळे प्रॉफिट बुकिंग दिसण्याची शक्यता असते.
आज डिसेंबर सिरीजचे स्वागत मात्र मार्केटने तेजींने केले. मार्केट संपता संपता लक्षणीय तेजी आली.

२८ नोव्हेंबर ही TCS च्या शेअर बायबॅकची रेकॉर्ड डेट आहे. पुढील आठवड्यात १ डिसेंबर २०२० रोजी ऑटो विक्रीचे आकडे येतील. ४ डिसेंबर २०२० रोजी RBI चे द्विमासिक वित्तीय धोरण जाहीर होईल.

ट्यूब इन्व्हेस्टमेंटने C G पॉवरचे ऍक्विझिशन पूर्ण केल्यामुळे ट्यूब इन्व्हेस्टमेन्टचा शेअर तेजीत होता.

आज मी आपल्याला निफ्टी मेटलचा ६ महिन्याचा चार्ट देत आहे. ऑटो आणि रिअल्टी क्षेत्रात रिकव्हरी आल्यामुळे मेटलसाठी मागणी वाढली. तसेच चिनी अर्थव्यवस्था रिकव्हर झाल्यामुळे मेटल्ससाठी मागणी वाढली म्हणून निफ्टी मेटलच्या चार्टमधे ब्रेकआउट दिसत आहे. हायर लो हायर हायची सिरीज नोव्हेम्बरमध्ये दिसत आहे.

BSE निर्देशांक सेन्सेक्स ४४१४९ NSE निर्देशांक निफ्टी १२९६८ बँक निफ्टी २९६०९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २६ नोव्हेंबर २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २६ नोव्हेंबर २०२०

आज क्रूड US $ ४८.५० प्रती बॅरल ते US $ ४८.९० प्रती बॅरल या दरम्यान तर रुपया US $१=Rs ७३.७९ ते US $ १= Rs ७३.८५ या दरम्यान होते. US $ निर्देशांक ९१.९३ तर VIX २१.२१ होते. PCR १.२९ होते.

कोविदचे लसीकरण आता हाकेच्या अंतरावर आल्यासारखे आहे. डिसेंबर मध्य किंवा ख्रिसमसपर्यंत USA आणि युरोपमध्ये लसीकरणाला सुरुवात होण्याची शक्यता आहे.तसेच कोरोनासाठी रिलीफ पॅकेज येण्याची शक्यता आहे. यामुळे आपल्या शेअरमार्केटमध्ये आज नोव्हेंबर २०२० ची मासिक एक्स्पायरी असूनही तेजीचा रोख कायम राहिला.

साखर उत्पादक कंपन्यांच्या अडचणी समजावून घेण्यासाठी साखर उत्पादक कंपन्यांची माननीय मंत्री पियुष गोयल यांच्या बरोबर बैठक आहे. त्यात साखरेची निर्यात, इथेनॉल साठी सवलती, तसेच MSP वाढविण्या संबंधात सकारात्मक निर्णय येण्याची शक्यता असल्यामुळे साखर उत्पादन क्षेत्रातील सर्व कंपन्यात तेजी होती. मवाना शुगर,अवध शुगर, उगार शुगर बलरामपूर चिनी यासारख्या शेअर्समधी तेजी होती.

सरकार प्रॉडक्शन लिंक्ड इन्सेन्टिव्ह स्कीम टेक्सटाईल क्षेत्राला लागू करण्याची शक्यता आहे. MMF (मॅन मेड फायबर) आणि टेक्निकल टेक्सटाईल या वर सरकारचा भर असेल. सरकार या स्कीम अंतर्गत येत्या ५ वर्षात Rs १०५८३ कोटी खर्च करेल. यामुळे डॉलर इंडस्ट्रीज,गोकुळदास एक्स्पोर्ट्स, गार्डन सिल्क, बॉम्बे डाईंग,वेलस्पन इंडिया, या शेअर्समध्ये तेजी आली.

ऑटोमोबाईल आणि कन्स्ट्रक्शन सेक्टरमध्ये रिकव्हरी आल्यामुळे धातूंसाठी मागणी वाढली आहे. त्यामुळे JSW स्टिल, टाटा स्टील, हिंदाल्को,नाल्को, SAIL या शेअर्समध्ये तेजी होती.

एस्त्रा मायक्रो ही कंपनी प्लास्टिक वॉटर टॅंक उत्पादनाच्या क्षेत्रात पदार्पण करत आहेत. कंपनी Rs ७५ कोटींची गुंतवणूक करेल. कंपनीचा पाईप बिझिनेस चांगला चालू आहे तसेच येत्या वर्षात कंपनीचे मार्जिन वाढेल.

२७ नोव्हेंबर २०२० पासून लक्ष्मी विलास बँकेवर RBI ने बसवलेली मोरॅटोरियम संपुष्टात येईल. लक्ष्मी विलास बँक आणि DBS बँक यांचे मर्जर २७ नोव्हेम्बरपासून अमलात येईल. या तारखेपासून लक्ष्मी विलास बँकेच्या सर्व शाखा DBS बँकेच्या शाखा म्हणून काम करतील. DBS बँकेचा भारतातील ग्राहकवर्ग आणि शाखाची नेटवर्क वाढेल. त्यामुळे डिपॉझिटर्स तसेच इतर ग्राहक नेहेमीप्रमाणे व्यवहार करू शकतील.डिपॉझिटर्स आणि बँकेत काम करणारा कर्मचारी वर्ग यांच्या हिताचे पूर्णपणे रक्षण करण्याकडे लक्ष दिले आहे. लक्ष्मी विलास बँकेचे शेअर कॅपिटल राईटऑफ झाल्यामुळे शेअरहोल्डर्सचे मात्र नुकसान होणार आहे. तसेच लक्ष्मी विलास बँकेच्या शेअर्समधील ट्रेडिंगही बंद होईल. DBS बँक Rs २५०० कोटी भांडवल बँकेत घालेल.ही बँक बुडण्यासाठी जे कोणी जबाबदार असतील त्यांच्याविरुद्ध कारवाई केली जाईल.

ट्युब इन्व्हेस्टमेंटने SBI MF आणि अझीमप्रेमजी ट्रस्टला Rs ७३१.५० प्रती शेअर या दराने Rs ३५० कोटींचे इक्विटी शेअर्स जारी केले.

सिमेन्स या कंपनीचा निकाल चांगला आला. कंपनीने Rs ७ प्रती शेअर लाभांश जाहीर केला. त्यामुळे कंपनीच्या शेअरमध्ये तेजी आली.

इंडिगो या शेअरचे रेटिंग ‘CITI’ ने कमी केले. कार्गो ट्रॅव्हेल बिझिनेस मध्ये कंपनी तेव्हढीशी स्वारस्य दाखवत नाही पॅसेंजर ट्रॅव्हेल मध्ये आपला मार्केटशेअर कायम राखू शकेल अशी खात्री वाटत नाही. असे सांगितले. त्यामुळे या शेअरमध्ये मंदी आली.

आज सेबीची मीटिंग आहे. या बैठकीत गुंतवणूकदारांच्या सुरक्षिततेसाठी करण्यात येण्यासारख्या उपायांवर , आणि कॅपिटल मार्केट्स मध्ये रिफॉर्म्स आणण्यावर विचार होईल. तसेच सेबीने मार्जिनसंबंधात काही अटी सोप्या केल्या. त्यामुळे व्हॉल्युम वाढतील आणि त्यामुळे ब्रोकर्सचा फायदा होईल.

२७ नोव्हेम्बरपासून MSCI निर्देशांकामधे रीबॅलन्सिंग अमलात येईल. या रिबॅलन्सिंगची आपल्या ब्लॉगमध्ये आधीच चर्चा केली आहे.

आज फिनोलेक्स केबलचा चार्ट देत आहे. या शेअरचा Rs ७५७ चा हाय होता या शेअरने २० ५० १०० २०० DMA चा स्तर भरपूर व्हॉल्युमसकट पार केला. हा शेअर २०० DMA च्या खाली ४ महिने कन्सॉलिडेट होत होता. हा शेअर Rs ३३२ नंतर चालेल आणि ६ ते ९ महिन्यासाठी Rs ४५७ टार्गेट असेल. हा इंट्राडे चार्ट आहे. BSE निर्देशांक सेन्सेक्स ४४२५९ NSE निर्देशांक निफ्टी १२९८७ बँक निफ्टी २९५४९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २५ नोव्हेंबर २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २५ नोव्हेंबर २०२०

आज क्रूड US $ ४८.१३ प्रती बॅरल ते US $ ४८.८८ प्रती बॅरल या दरम्यान तर रुपया US $१=Rs ७३.९१ ते US $१=Rs ७४.०१ या दरम्यान होते. US $ निर्देशांक ९२.०६ VIX २३.४८ PCR रेशियो १.२६ होता.

आज क्रुडमध्ये तेजी वाढत आहे. व्हॅक्सिन उपलब्ध होण्याच्या बातमीमुळे अर्थव्यवस्था ओपन होतील तसेच ओपेक+ त्यांच्या उत्पादनात वाढ करणार नाही. क्रूड आज US $ ४८ प्रती बॅरलच्या वर आहे. त्यामुळे ONGC, ऑइल इंडिया, ड्रेजिंग करणाऱ्या कंपन्या, पाईप उत्पादन करणाऱ्या, ड्रिलिंग करणाऱ्या कंपन्या, वेदांता, रिलायन्स, तसेच अल्फाजिओसारख्या ऑइल एक्स्प्लोरेशनसाठी सेइस्मिक सर्व्हिसेस प्रोवाइड करणाऱ्या कंपन्यांचा फायदा होतो. क्रूड वाढू लागले की पेंट इंडस्ट्रीज, टायर इंडस्ट्री, प्लास्टिक तसेच एव्हिएशन इंडस्ट्रीचे शेअर्स मंदीत जातात.

फ्रँकिंग करून ऑइल एक्स्प्लोरेशन करणे हे पर्यावरणाला घातक असते. त्यामुळे USA चे अध्यक्ष बिडेन हे यांच्या विरुद्ध आहेत. ते रिन्यूएबल एनर्जीचे प्रवर्तक आहेत.ते नैसर्गिक गॅसच्या उत्पादनाला /वापराला प्रोत्साहन देतील. इतके दिवस क्रुडमध्ये कोणी कॅपिटल इन्व्हेस्टमेंट केलेली नाही. युनायटेड ड्रिलिंग टुल्स ही कंपनी ड्रिलिंगसाठी लागणारी साधने पुरवते. क्रूडचे दर आणि क्रूडसाठी मागणी वाढू लागली की क्रूडचे ड्रिलिंगही वाढेल.

आज व्हॅक्सिनच्या बातमीमुळे, इक्विटी मार्केट्समधील तेजीमुळे, जगात सर्वत्र व्याजाच्या दरात घट झाल्यामुळे, आणि हळू हळू जागतिक अनिश्चितता कमी होत असल्यामुळे सोन्यात चांगलीच मंदी आली. आंतरराष्ट्रीय बाजारात सोने US $ १७८० पर्यंत खाली येऊ शकते.

तामिळनाडू आणि पुडुचेरीच्या किनारपट्टीवर आज संद्याकाळी किंवा मध्यरात्री ‘निवार’ हे चक्रीवादळ धडकेल. हवामान खात्याने अंदाज दिला आहे की ह्या वादळाची क्षमता वाढत आहे.

IOB ही सार्वजनिक क्षेत्रातील राष्ट्रीयीकृत बँक PCA मधून बाहेर पडेल. या बँकेचे बरेचसे NPA रिकव्हर होण्याची शक्यता आहे.

मुथूट फायनान्सच्या IDBI AMC चे ऍक्विझिशन करण्याच्या प्रस्तावाला RBI ने मंजुरी नाकारली. मंत्रिमंडळाने आजच्या बैठकीत लक्ष्मी विलास बँक आणि DBS बँकेच्या मर्जरला मंजुरी दिली.

मंत्रिमंडळाने ATC आशिया पॅसिफिक PTE LTD ला ATC टेलिकॉम इन्फ्राचा १२.३२% स्टेक Rs २४८० कोटींना खरेदी करायला मंजुरी दिली. ही FDI इन्व्हेस्टमेन्ट असेल.

सरकार NIIF च्या DEBT प्लॅटफॉर्म मध्ये भांडवल घालेल.

IRB इन्फ्राच्या आग्रा इटावा प्रोजेक्टला कंप्लीशन सर्टिफिकेट मिळाले टोलमध्ये ७०% वाढ झाली. IRB इंफ्राच्या शेअरमध्ये तेजी आली.

महाराष्ट्र सीमलेस पाइप्सच्या प्रमोटर्सनी ५०,००० शेअर्स खरेदी केले.

TRF ही टाटा ग्रुपची कंपनी टाटा इंटरनॅशनल DLT मधील पूर्ण स्टेक विकणार आहे.

सरकार कोरियामधून आयात होणाऱ्या ACRYLONITRILE BUTASIENE रबरावरची US $ ४७ ते US $ ३२७ अँटी डम्पिंग ड्युटी चालू ठेवू शकते. त्यामुळे APCOTEX च्या शेअर मध्ये तेजी आली.

ऑरोबिंदो फार्माच्या न्यू जर्सी युनिटला CGMP चे उल्लंघन केले म्हणून USFDA ने वार्निंग लेटर दिले.त्यामुळे ऑरोबिंदो फार्माच्या शेअरमध्ये मंदी आली.

नजीकच्या भविष्यात सूर्योदय स्मॉल फायनान्स , ESAF स्मॉल फायनान्स , नजारा टेक्नॉलॉजी, रेलटेल, बर्गर किंग, कल्याण ज्युवेलर्स, अँटनी वेस्ट मॅनेजमेंट या कंपन्यांचे IPO येऊ शकतात.

BPCL ची LPG सबसिडीची मुदत ३ ते ५ वर्षांसाठी वाढवण्यासाठी पेट्रोलियम मंत्रालयाने मंजुरी मागितली आहे.

LAURUS लॅब ही कंपनी रिच कोअर या कंपनीत ७२% स्टेक Rs २५० कोटीना खरेदी करेल. RENAISSANCE इन्व्हेस्टमेंट सोल्युशन्स ARC या कंपनीत १९.९५% स्टेक HDFC Rs ४९.८ लाखांना घेणार आहे.

श्री सिमेंट या सिमेंट क्षेत्रातील दिग्गज कंपनीच्या व्यवस्थापनाने सांगितले की एप्रिल २०२० ते नोव्हेम्बर २०२० या काळातील मागणी गेल्या वर्षीच्या मागणी एवढीच आहे. सिमेंटच्या किमती दर वर्षी ३% ते ४% ने वाढतात. डिसेंबर २०२० नंतर विक्री वाढेल. FY २१ च्या दुसऱ्या अर्धवर्षांत ७% ते ८% एवढी विक्री वाढेल. आम्ही ६५% ते ७०% क्षमतेवर काम करत आहोत. आम्ही येत्या दीड वर्षात छत्तीसगढ, ओरिसा आणि महाराष्ट्रात नवीन प्लांट सुरु करू. UAE येथील युनिटचे टुरिझम आणि ऑइल या दोन क्षेत्रात मंदी असल्यामुळे ३०% कमी प्रॉफिट झाले. भारतीय अर्थव्यवस्था दोन तीन महिन्यात चांगली सुधारेल आणि त्यामुळे सिमेंटला चांगली मागणी येईल.

आज मी तुम्हाला डेल्टा कॉर्पचा चार्ट देत आहे. डेल्टा कॉर्पचे करेक्शन पूर्ण झाले आहे. ५० DMA, १०० DMA आणि २०० DMA च्यावर ट्रेड करत आहे. करेक्शन संपून आज ब्रेकआऊट झाला आहे.

BSE निर्देशांक सेन्सेक्स ४३८२८ NSE निर्देशांक निफ्टी १२८५८ बँक निफ्टी २९१९६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २४ नोव्हेंबर २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २४ नोव्हेंबर २०२०

आज क्रूड US $ ४६.४६ प्रती बॅरल ते US $ ४६.६३ प्रती बॅरल या दरम्यान तर रुपया US $१=Rs ७३.९१ ते US $१=Rs ७४.१२ या दरम्यान होते. US $ निर्देशांक ९२.२२ होता VIX २१.८३, PCR १.४८ होते.

ट्रम्प यांनी अधिकृतरीत्या आता बिडेन यांना USA चे अध्यक्ष म्हणून कार्यभार स्वीकारण्यासाठी आमंत्रण दिले. त्यामुळे आता जो बिडेन यांची USA चे अध्यक्ष म्हणून निवड निर्विवाद झाली. बिडेन यांनी जेनेट येलेन यांची ट्रेजरी सेक्रेटरी तसेच अँटनी ब्लिनकेन यांची सेक्रेटरी ऑफ स्टेट म्हणून नेमणूक केली. जेनेट येलेन यांची निवड केल्यामुळे USA मध्ये २३१ वर्षांनंतर एक महिला अर्थशास्त्रज्ञाला हे पद सोपवले गेले.

जर्मनीच्या GDP मध्ये ८.५% ने वाढ झाली.

आज कोरोनाच्या व्हॅक्सिनविषयी चौतर्फ़ा बातम्या येत असल्यामुळे सोने आणि चांदी यात मंदी होती. गुंतवणूकदारांच्या मनातील अनिश्चितता आणि काळजी कमी झाल्यामुळे गुंतवणूकदारांनी सोन्यातील पैसा मार्केटमध्ये आणला.

आज भारतीय मार्केटने १३०७० हा निफ्टीचा ऑल टाइम हाय आणि ४४५७१ हा सेन्सेक्सचा ऑल टाइम हाय नोंदवला.
JK टायरने कोरियन ऑटोमेकर KIA मोटर्स इंडिया या कंपनीला कॉम्पॅक्ट SUV SELTOS या मॉडेलसाठी रेडियल टायर पुरवण्यासाठी करार केला. यामुळे आज शेअर ४% वाढला.

AU स्मॉल फायनान्स बँकेने त्यांचा आवास फायनान्सियर्स मधील स्टेक ( ४.४६% स्टेक म्हणजे ३५ लाख शेअर्स विकले). हा स्टेक नोमुरा आणि SBI लाईफ यांनी खरेदी केला. नेहेमी कोणत्याही कंपनीतील स्टेक विकला जातो तेव्हा शेअर पडतो. पण हा स्टेक कोणी विकत घेतला हे बघणे जरुरीचे असते. जर शेअर्स स्ट्रॉंग हॅन्ड्समध्ये जात असतील तर ती चांगली गोष्ट मानली जाते.

आज BOSCH चा शेअर व्हॉल्युम सकट ९% ने वाढला. BOSCH आणि BASF डिजिटल फार्मिंग यांनी एक ५०:५० जॉईंट व्हेंचर केले आहे. ह्या दोन कंपन्या एकत्रितरित्या स्मार्ट फार्मिंग सोल्युशन्सचे मार्केटिंग आणि विक्री जागतिक पातळीवर करणार आहेत. या साठी २०२१ च्या पहिल्या तिमाहीमध्ये COLOGNE येथे नवीन कंपनी स्थापन केली जाईल.

ज्युबिलण्ट इंडस्ट्रीजच्या जवळ एक मद्यार्कासाठी लायसेन्स आहे. हे लायसेन्स कंपनी विकणार आहे.

चीन आणि थायलंड मधून आयात होणाऱ्या यार्नवर अँटी डम्पिंग ड्युटीला मुदतवाढ दिली. DGTR ने US $ ५४७ प्रती टन ऐवढी ड्युटी लावले.

इन्फिबीमला मस्कत बँकेकडून ऑर्डर पेमेंट गेटवे सर्व्हिसेससाठी ऑर्डर मिळाली.

मारुतीच्या व्यवस्थापनाने सांगितले की ऑक्टोबर महिन्यापेक्षा नोव्हेंबर महिन्यात ऑटोविक्री जास्त झाली. कंपनीने विश्वास व्यक्त केला की डिसेम्बरपर्यंत विक्रीतील वाढ टिकून राहील. एंट्री लेव्हल पॅसेंजर वाहनांच्या आणि SUV च्या विक्रीत चांगली वाढ झाली. नवीन लाँच केलेल्या मॉडेल्सच्या विक्रीबाबत गायडन्स देणे कठीण आहे.

नोव्हार्टीस PLC ही कंपनी US $ २ कोटींचा बायबॅक करणार आहे. या बातमीनंतर नोव्हार्टीस इंडियाच्या शेअरमध्ये चांगलीच तेजी आली.

इन्फोसिसला Xac Bank मंगोलिया कडून डिजिटल सोल्युशन्ससाठी ऑर्डर मिळाली.

टाटा आणि ‘बिग बास्केट’ मधील डील आता अंतिम टप्प्यात आहे.

सरकारने नोव्हेंबर २०२० या महिन्यात १.१० लाख कोटी एवढे GST कलेक्शन होईल असा अंदाज व्यक्त केला आहे. डिसेम्बरमध्ये मात्र हे कलेक्शन थोडे कमी होईल असा अंदाज व्यक्त केला.

इंगरसॉल रँड या कंपनीचा OFS आज २४ नोव्हेम्बरपासून सुरु झाला. या OFS साठी फ्लोअर प्राईस Rs ५७८.६० आहे. रिटेल इन्व्हेस्टर्सना कटऑफ प्राईसवर १२% डिस्काउंट दिला जाईल. कंपनी हा इशू सेबीचे मिनिमम पब्लिक होल्डिंग नॉर्म्स पुरे करण्यासाठी आणत आहे.

आज BMC ने डेव्हलपर्सला काही सवलती देण्याचा प्रस्ताव सरकारकडे पाठवला. त्यामुळे रिअल्टी क्षेत्रातील कंपन्यांच्या शेअर्समध्ये तेजी आली.

सरकारने देशाच्या सुरक्षिततेच्या कारणासाठी ४३ चायनीज अँप वर बंदी घातली. इंडियन सायबर क्राईम एजन्सीने दिलेल्या रिपोर्टनुसार ही बंदी घातली. त्यामध्ये अलीबाबा वर्कबेंच, अली-पे कॅशियर, कॅमकार्ड, WEWORKCHINA, अलिएक्सप्रेस, स्नॅक विडिओ या ऍप्सचा समावेश आहे.

मी तुम्हाला HCL TECH चा मंथली चार्ट पाठवत आहे. HCLटेक ही IT क्षेत्रातील प्रथितयश कंपनी आहे. गेल्या दोन दिवसात ओपन इंटरेस्ट मध्ये लक्षणीय वाढ झाली. शेअरने २० दिवस आणि ५० दिवसांचा DMA पार केला. मंथली चार्टमधे ब्रेकआऊट दिसत आहे.

नॉनकुकींग कोलच्या किमती Rs १० प्रती टन एवढ्या वाढवल्या.

अपोलो ग्लोबल मॅनेजमेंटने सरकारच्या BPCL मधील ५३% स्टेकसाठी EOI दिली आहे. अपोलोकडे US $५ बिलियनचे AUM ( ऍसेट अंडर मॅनेजमेंट) आहेत. यापैकी बहुतांश ऍसेट ऑइल आणि गॅस क्षेत्रातील असून अमेरिकेत आहेत.

BSE निर्देशांक सेन्सेक्स ४४५२३ NSE निर्देशांक निफ्टी १३०५५ बँक निफ्टी २९७३७ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २3 नोव्हेंबर २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २3 नोव्हेंबर २०२०

आज क्रूड US $ ४५.१४ प्रती बॅरल ते US $ ४५.७३ प्रती बॅरल या दरम्यान तर रुपया US $१=Rs ७४.०९ ते US $१=Rs ७४.२० या दरम्यान होते. US $ निर्देशांक ९२.१७ VIX २०.०५ PCR १.३२ होते.

आज दोन कंपन्यांकडून कोविड १९ च्या लस आणि औषधाच्या बाबतीत २ चांगल्या बातम्या आल्या.

अस्त्राझेनेकाने सांगितले की आमची लस सर्व शास्त्रीय मानकांवर समाधानकारक आहे. कोरोनाशी सामना करण्यासाठीच्या सर्व मापदंडांचे समाधान करते. आम्ही लवकरच इमर्जन्सी वापरासाठी WHO कडे अर्ज करू. आमच्या ट्रायलमध्ये कोणत्याही पेशंटची तब्येत बिघडली नाही किंवा लसीकरण करण्यासाठी हॉस्पिटलायझेशन करण्याची जरुरी नाही. तुमच्या रेफ्रीजरेटरमध्ये तुम्ही आमची लस साठवू शकता. आम्ही २०२१ मध्ये ३०० कोटी व्हॅक्सिन तयार करू. कंबाइंड डोसेस ७०% परिणामकारक आहेत. या त्यांच्या डिक्लरेशननंतर शेअर Rs १२१ ने वाढला. ग्लेनमार्क फार्माने सांगितले की त्यांच्या FAVIPIRAVIR चा क्लिनिकल डेटा उत्साहजनक आहे. फेज ३ ट्रायलमध्ये सकारात्मक परिणाम दिसून आले. USA मध्ये १२ डिसेम्बरपासून लसीकरण सुरु होण्याची शक्यता आहे. यामुळे मार्केटमध्ये एकप्रकारचे सुरक्षित वातावरण तयार झाले. त्यामुळे आज मार्केटमध्ये तेजीचा ट्रेंड अव्याहत चालू राहिला.

रिलायन्स रिटेल आणि फ्युचर ग्रुपमधील कराराला CCI (कॉम्पिटिशन कमिशन ऑफ इंडिया)ने मंजुरी दिली. त्यामुळे रिलायन्स इंडस्ट्रीज च्या शेअरमध्ये तेजी आली.

RBI ने प्रसिद्ध केलेल्या पेपर प्रमाणे मोठ्या प्रगतशील आणि आर्थीक स्थिती मजबूत असलेल्या कंपन्यांना तसेच काही अटींवर मोठ्या प्रस्थापित आणि कॉर्पोरेट गव्हर्नन्सच्या तक्रारी नसलेल्या NBFC चा विचार बँकिंग लायसेन्स देण्याकरता केला जाऊ शकतो. तसेच प्रमोटर्सना बँकांमध्ये २६% स्टेक घ्यायची/ ठेवायची परवानगी देण्याचाही विचार चालू आहे. या पेपरवर RBI ने १५ जानेवारी २०२१ पर्यंत लोकांकडून प्रस्ताव मागवले आहेत. पण मार्केट हे सर्व मंजूर झाल्यासारखे धरून चालले त्यामुळे आज बजाज फायनान्स, बजाज फिनसर्व, M &M फायनान्स, चोला इंव्हेजेस्टमेंट, स्पन्दना स्फूर्ती, इक्विटास, श्रीराम सिटी युनियन फायनान्स, सुंदरम फायनान्स, श्रीराम ट्रान्सपोर्ट फायनान्स, उज्जीवन फायनान्स, कॅनफिना होम्स, आवास फायनान्सियर्स, क्रेडिट ऍक्सेस ग्रामीण, IDFC या शेअर्समध्ये तेजी होती. तसेच कोटक महिंद्रा बँकेत आणि इंडसइंड बॅंकेतही तेजी होती.

जैन इरिगेशनचा रीस्ट्रक्चरिंग प्लॅन SBI च्या नेतृतवाखाली COC ( कमिटी ऑफ क्रेडिटर्स) ने मंजूर केला.एकूण Rs ४००० कोटी कर्जापैकी सस्टेनेबल कर्जावर म्हणजे Rs २८०० कोटींवर बँका ८.५% व्याज आकारतील. राहिलेल्या अनसस्टेनेबल कर्जाचे म्हणजे Rs १२०० कोटींचे ८ वर्ष मुदतीच्या ०.०१% व्याज दराच्या डिबेंचर्समध्ये रूपांतर करण्यात येईल. तसेच या रिस्ट्रक्चरिंग नंतर जैन इरिगेशन या कंपनीत लेंडर्सचा १५% स्टेक असेल.

अडानी पोर्ट या कंपनीचा डाऊ जोन्सच्या सस्टेनॅबिलिटी निर्देशांकात समावेश केला गेला. यामुळे अडानी पोर्टचा शेअर तेजीत होती.

मॅक्स व्हेंचर ही कंपनी नोईडा मध्ये Rs ४०० कोटींचे कमर्शियल प्रोजेक्ट बनवणार आहे. या बातमीनंतर मॅक्स ग्रुपच्या शेअर्समध्ये तेजी आली.

आज टेलिकॉम क्षेत्रातील कंपन्यांनी सांगितले की चार्जेसच्या दरात २०% ते २५% वाढ होऊ शकते. कंपन्यांनी AGR ड्यूज देण्यासाठी आणि बिझिनेस एक्स्पान्शन करण्यासाठी हे जरुरी आहे असे सांगितले.

माईंड ट्रीने नॉर्डेक्स या कंपनीबरोबर डिजिटल ट्रान्सफॉर्मेशनसाठी ५ वर्ष मुदतीचा करार केला.

सरकार रिअल इन्व्हेस्टमेंट ट्रस्ट आणि इन्फ्रास्ट्रक्चर ट्रस्टसाठी लॉन्ग टर्म कॅपिटल गेन्स लागू होण्यासाठी होल्डिंग पिरियड ३ वर्षांवरून १ वर्ष करणार आहे तसेच या ट्रस्टना आता बँका थेट कर्ज देऊ शकतील. या ट्रस्टबाबतचे इतरही नियम सोपे केले.

मल्टिमोडल कनेक्टिव्हीटीसाठी लवकरच मास्टर प्लान जाहीर होण्याची शक्यता आहे. २ एक्स्प्रेस ट्रेनची वाहतूक स्थगित ठेवल्यामुळे आज IRCTC च्या शेअरमध्ये मंदी आली.

मी आज तुम्हाला टायटनचा चार्ज देत आहे. टायटन चा शेअर एका चॅनेल मध्ये फिरत आहे. चॅनेलची वरची लाईन रेझीस्टंस आणि खालची लाईन सपोर्ट दाखवते. DAILY चार्ट वर सध्या हा शेअर रेझीस्टंस फेस करत आहे त्यामुळे मार्केटमध्ये तेजी असूनही टायटनमध्ये मंदी दिसली.BSE निर्देशांक सेन्सेक्स ४४०७७ NSE निर्देशांक निफ्टी १२९२६ बँक निफ्टी २९०२४ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २० नोव्हेंबर २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २० नोव्हेंबर २०२०

आज क्रूड US $ ४४.१४ प्रती बॅरल ते US $ ४४.४१ प्रती बॅरल या दरम्यान तर रुपया US $१=Rs ७४.११ ते US $१=Rs ७४.२७ या दरम्यान होते. US $ निर्देशांक ९२.३५ तर VIX १९.६१ आणि PCR १.३२ होता.

भारतातील काही भागात पुन्हा कोविड १९ चा प्रादुर्भाव झाल्यामुळे लॉकडाऊनच्या काळातील काही बंधने पुन्हा येण्याची शक्यता आहे. त्यामुळे आता चांगल्या वेगाने होत असलेल्या आर्थिक पुनरुज्जीवनाला खीळ बसण्याची शक्यता निर्माण झाली आहे.

इमामीने सांगितले कोविड १९ मुळे लोक आता स्वच्छता आणि आरोग्याविषयी जास्त जागरूक झाले आहेत. त्यामुळे होम हायजिन प्रोडक्टचे Rs ३००० कोटींचे मार्केट आहे ते १०% पेक्षा जास्त वाढण्याची शक्यता आहे. इमामीने या मार्केटमध्ये आपल्या ‘EMASOL’ या होम हायजिन प्रॉडक्टची रेंज लाँच केली. उदा :- डिसइन्फेक्टंट फ्लोअर क्लिनर, टॉयलेट क्लीनर, बाथरूम क्लीनर, अँटीबॅक्टेरियल डिश वॉश जेल, आणि सर्व कामांसाठी उपयोगी सॅनिटायझर लाँच केले. आमचे संशोधन आणि ब्रँडव्हॅल्यू यामुळे आमच्या या नवीन प्रॉडक्टसना ग्राहकांकडून चांगला प्रतिसाद मिळेल असे व्यवस्थापनाने सांगितले. या बातमीनंतर इमामीच्या शेअरमध्ये चांगली तेजी आली

MPHASIS या IT क्षेत्रातील मोठ्या कंपनीने DATALYTYX या नेक्स्ट जनरेशन डेटा आणि कन्सल्टन्सी इंजिनीरिंग कंपनीचे Rs १३०.४० कोटींना अक्विझिशन केले. ही कंपनी मास्टर डेटा मॅनेजमेंट सोल्युशन्स प्रोव्हाइड करते.

SYNGENE या बायोकॉन ग्रुपच्या कंपनीने डीअरफिल्ड डिस्कव्हरी ऍण्ड डेव्हलपमेंट कॉर्पोरेशन (थ्री DC) बरोबर ५ वर्षांसाठी ऍडव्हान्स THERAUPTIK डिस्कव्हरी प्रोजेक्टसाठी करार केला. ही कंपनी पोर्टफोलिओ ऑफ MOLECULAR एंटिटीज बनवेल यामुळे पेशंट्सना त्यांच्या आजारावर उपाय सापडेल.यासाठी इनोव्हेशन, स्केल, क्वालिटी आणि स्पीड टू मार्केट यांचा वापर होईल. सिनजींच्या शेअरमध्ये तेजी आली.

BSE त्यांचा STARMF या म्युच्युअल फंड डिस्ट्रिब्युशन प्लॅटफॉर्ममधील त्यांचा मायनर स्टेक विकणार आहे. जगातील टॉप फाइनटेक कंपन्या, बॅंक्स आणि ग्लोबल गुंतवणूकदार हा स्टेक खरेदी करण्यात स्वारस्य दाखवत आहेत. कोविड १९ च्या काळातील लॉक डाऊन मध्ये या प्लॅटफॉर्मवरून चांगले काम झाले. या बातमीयेनंतर BSE च्या शेअरमध्ये तेजी आली.
टाटा केमिकल्समधील आपला स्टेक LIC ने ५.३% वरून ७.०९%पर्यंत वाढवला. LIC ने कोठल्याही कंपनीमधील स्टेक वाढवला की त्या कंपनीच्या शेअरमध्ये तेजी येते.

आज ग्लॅन्ड फार्मा या फार्माक्षेत्रातील कंपनीच्या शेअर्सचे BSE वर Rs १७०१आणि NSE वर Rs १७१०वर लिस्टिंग झाले. कंपनीने IPO मध्ये Rs १५०० प्रती या दराने शेअर्स दिले होते. त्यामुळे ज्यांना शेअर्स अलॉट झाले त्यांना चांगला लिस्टिंग गेन झाला.

सरकारने चीनमधून आयात होणाऱ्या कमी गुणवत्तेच्या सात वस्तूंना कम्पल्सरी रजिस्ट्रेशनमध्ये टाकले. यात डिजिटल कॅमेरा, व्हिडिओ कॅमेरा, वेबकॅम, ब्ल्यू टूथ स्पीकर, यांचा समावेश आहे. या वस्तूंचे रजिस्ट्रेशन केल्याशिवाय त्यांची आयात करता येणार नाही. सरकारने या वस्तूंची यादी WTO पाठवली आहे. या आयातीवरील निर्बंधाचा BPL, स्मार्ट लिंक, D -लिंक यांना फायदा होईल.

प्रायव्हेट ट्रेन चालवण्यासाठी सरकारकडे १२० प्रस्ताव आले. यामध्ये L & T, BHEL, वेलस्पन, IRCTC, IRB इन्फ्रा आणि PNC इंफ्राटेक यांचा समावेश होता.

सोने आणि जडजवाहीर यांना छोट्या शहरातून आणि अर्धशहरी भागातून चांगली मागणी येत आहे. लग्नसमारंभात केला जाणारा खर्च कोविड १९ निर्बंधामुळे कमी झाल्यामुळे आता लोक त्या पैशाचे सोने आणि ज्युवेलरी खरेदी करत आहेत.
यामुळे टायटन, TBZ , थंगामाईल ज्युवेलरी या शेअर्समध्ये तेजी आली.

कोरोनाच्या काळात वर्तमानपत्रांची छपाई तसेच वितरण बंद होते. त्यावेळी सर्व नियतकालिकांनी आपल्या E- पेपर , E -मॅगझीन च्या आवृत्या काढायला सुरुवात केली. या E-पेपर आणि मॅगजीन्सना वाचक आणि जाहिरातदार यांनी चांगला प्रतिसाद दिला. त्यामुळे या कंपन्यांचे डिजिटल रेव्हेन्यू वाढत आहे. उदा :- जागरण प्रकाशन, H. T. मेडिया, DB कॉर्प, H M व्हेंचर्स,

भारती इंफ्राटेलचे इंडस टॉवरबरोबरचे मर्जर पूर्ण झाले. त्यामुळे आज भारती इंफ्राटेलच्या शेअरमध्ये तेजी होती.

BEL ने सांगितले की आमच्या आकाश मिसाईलसाठी, आणि स्मार्ट सिटी बिझिनेस आणि ईलेक्ट्रॉनिक वॉरफेअर सिस्टीमसाठी चांगल्या ऑर्डर्स मिळत आहेत. जशी निगेटिव्ह लीस्ट वाढत जाईल तशा या लिस्टमधील वस्तूंसाठी कंपनीला ऑर्डर्स मिळतील. आम्हाला दर दोन वर्षाला ऑर्डर्स मिळत राहतील. आमची भविष्यात १०% वर ग्रोथ, मार्जिन कायम राहील. आमच्याकडे ऑर्डर्स आहेत आणि त्या चांगल्या प्रकारे एक्झिक्युट करण्याची क्षमता आहे असे व्यवस्थापनाने सांगितले.

आज RBI ने बँकांसंबंधीत काही नियम बदलण्यासाठी पेपर जाहीर केला. या पेपरवर १५ जानेवारी २०२१ पर्यंत सूचना मागवल्या आहेत. नवीन युनिव्हर्सल बँकेसाठी RBI ने Rs १००० कोटी भाडवल असण्याची तर नवीन स्मॉल फायनान्स बँकेसाठी Rs ३०० कोटी भांडवल आवश्यक करण्याचा प्रस्ताव केला आहे.खाजगी बँकेच्या कोणत्याही नॉन प्रमोटर शेअरहोल्डरसाठी १५% ही शेअरहोल्डिंगवर कॅप असेल. कायद्यात योग्य ते बदल केल्यावर मोठ्या कंपन्यांना बँकेचे प्रमोटर म्हणून मान्यता द्यावी . खाजगी बँकेत प्रमोटर्ससाठी २६% कॅप दीर्घ मुदतीसाठी असावी. बराच काळ अस्तित्वात असलेल्या आणि यशस्वीपणे कारभार करणाऱ्या NBFC चा बँकिंग लायसेन्स देण्यासाठी विचार करावा. पेमेंट बँकेला स्माल फायनान्स बँक बनवण्यासाठी असलेले नियम सोपे करावे. अस्तित्वात असलेल्या बँका भारताची क्रेडिट आवश्यकता पुरवण्यास कमी पडत असल्यामुळे नवीन बँकांना लायसेन्स देण्याची गरज भासत आहे.

बजाज फायनान्स आणी बजाज फिनसर्व या NBFC यापैकी बऱ्याचशा अटी पुऱ्या करत असल्यामुळे त्यांच्या शेअर्समध्ये तेजी आली.

मी आज तुम्हाला भारती एअरटेलचा चार्ट देत आहे. भारती इंफ्राटेल या त्यांच्या सबसिडीअरीबरोबर इंडस टॉवरचे मर्जर पूर्ण झाल्यामुळे भारती एअरटेलचा शेअर तेजीत होता.या शेअर्समधील करेक्शन संपून एंगलफिंग पॅटर्न तयार झाला आहे. ही तेजी अशीच चालू राहिल्यास Rs ५२० पर्यंत शॉर्ट टर्म टार्गेट अचिव्ह होऊ शकेल.


BSE निर्देशांक सेन्सेक्स ४३८८२ NSE निर्देशांक निफ्टी १२८५९ बँक निफ्टी २९२३६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १९ नोव्हेंबर २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १९ नोव्हेंबर २०२०

आज क्रूड US $ ४४.१० प्रती बॅरल ते US $ ४४.४६ प्रति बॅरल या दरम्यान तर रुपया US $१= Rs ७४.२० ते US $१=Rs ७४.२९ या दरम्यान होते. US $ निर्देशांक ९२.४९ VIX १९.५७ होते तर PCR १.३५ होते.

आज फायझरने सांगितले की त्यांचे व्हॅक्सिन सर्व वयोगटात ९५% यशस्वी ठरले आहे. या शुक्रवारपर्यंत ते FDA कडे मंजुरीसाठी अर्ज करतील. आज ASTRAZENEKA ने सांगितले की त्यांची लस सुरक्षित आणि यशस्वी असल्याचे आढळून आले आहे. MODERNA ही आपली लस यशस्वी असल्याचे सांगितले आहे. त्यामुळे आता पुढल्या वर्षाच्या मार्चपर्यंत लस मोठ्या प्रमाणावर उपलब्ध होईल अशी शक्यता निर्माण झाली आहे. US $ निर्देशांक ९२ च्या जवळपास आहे. याचा परिणाम सोन्यात मंदी येण्यात झाला.

वोडाफोन आयडियाने सांगितले की आम्ही फंडिंगसाठी विविध कंपन्यांबरोबर बोलणी करत आहोत. ओकट्री आणि VARDE या कंपन्यांबरोबर US $ २०० कोटी फंडिंगसाठी बोलणी करत आहोत. त्यामुळे वोडाफोनच्या शेअरमध्ये तेजी आली.

सरकार IRFC ( इंडियन रेल्वे फायनान्स कॉरपोरेशन) चा IPO मार्च २०२१ च्या आधी आणण्याची शक्यता आहे.
प्रीकॉल ही कंपनी Rs ३० प्रती राईट्स या दराने २७.१ मिलियन राईट्स इशू करेल. या राईट्सचे प्रमाण आता ७ शेअर्समागे २ राईट्स मिळतील असे आहे. (राईट्स या आणि इतर कॉर्पोरेट एक्शन विषयी माझ्या मार्केट आणि मी या पुस्तकात सविस्तर माहिती दिली आहे) .

टेक महिंद्रा इंटेल, बेल, आणि VMware यांच्या सहकार्याने रिमोट वर्क सोल्युशन लाँच करणार आहे.

टी सी एस ला किंगफिशर PLC या ब्रिटिश कंपनीकडून डिजिटल ट्रान्सफॉर्मेशनसाठी ऑर्डर मिळाली.

M & M च्या व्यवस्थापनाने सांगितले की ऑटोसाठी मागणी चांगली आहे. ट्रॅक्टरचे उत्पादन ९०% ते ९५% क्षमतेवर चालू आहे. FY २१ मध्ये ‘SSANGYONG’ ची विक्री करण्याची किंवा त्यात गुंतवणूकदार शोधण्याची शक्यता आहे.
टाटा ग्रुपने कोविड टेस्ट किटचा पुरवठा करण्यासाठी अपोलो हॉस्पिटल्सही पार्टनरशिप केली. त्यामुळे अपोलो हॉस्पिटल्सच्या शेअरमध्ये तेजी आली.

GPT इन्फ्रा या कंपनीला पश्चिम बंगाल सरकारकडून हुगळी पुलाच्या दुरुस्तीचे Rs २६३ कोटींचे काम मिळाले.कंपनीच्या साईझचा विचार करता ही ऑर्डर खूप मोठी आहे त्यामुळे शेअरमध्ये तेजी आली.

बिर्ला सॉफ्टवेअर या कंपनीने ESKER या कंपनीबरोबर ऑटोमेशन सोल्युशन साठी करार केला.

सरकारने LNG चे मार्केटिंग आणि वितरण सर्वांसाठी खुले केल्यावर पेट्रोनेट LNG या कंपनीने LNG इंधनाचा वापर वाढवण्यासाठी योजना आखली. LNG ची घनता ही कॉम्प्रेस्ड नैसर्गिक गॅसच्या मानाने जास्त असते. जवळजवळ रिफील करेपर्यंत ९०० KM जाते. यामुळे जास्त माईलेज, डिझेलपेक्षा स्वस्त, मेडीयम आणि हेवी कमर्शियल वाहनांसाठी मुख्य इंधन आहे. या योजनेप्रमाणे पेट्रोनेट LNG ही कंपनी ५ मुख्य हायवेवर, ज्यात उत्तर आणि दक्षिण कॉरिडॉरचा समावेश आहे, २०२१ पर्यंत ५० LNG स्टेशन लावणार आहे.दुसऱ्या टप्प्यात ३०० LNG स्टेशन्स सर्व हायवेज वर लावणार आहे. आणि तिसर्या टप्प्यात १००० LNG स्टेशन्स लावणार आहे. भारतात एकूण ८७ हायवेज असून त्यांची लांबी १३१००० KM आहे. ही LNG स्टेशने बंदरे, खाणी, पेट्रोकेमिकल कॉम्प्लेक्सेस, FMCG उद्योग, यांना सलग असलेल्या हायवेजवर लावण्यात येतील. या सर्व ठिकाणी अवजड वाहनांची खूप मोठी वाहतूक होत असते. ते ही LNG स्टेशने लावण्यासाठी सिटी गॅस डिस्ट्रिब्युटर्स, OMC यांची मदत घेतील. अवजड आणि जड कमर्शियल वाहनांसाठी LNG हे इंधन स्वस्त आणि सोयीचे पडते. त्यामुळे आज पेट्रोनेट LNG या कंपनीच्या शेअर्समध्ये तेजी होती. पण मार्केटची वेळ संपता संपता आलेल्या विक्रीच्या लाटेमधे तो ही पडला.पेट्रोनेट LNG कंपनीने गुजराथ गॅसबरोबर ५ LNG स्टेशन्स लावण्यासाठी करार केला.

हिरोमोटो या कंपनीने या वर्षी नवरात्र ते दिवाळी या सणासुदीच्या ३२ दिवसांच्या काळात १४ लाख गाड्यांची विक्री केली. डिलरकडे असलेली इन्व्हेन्टरी चार आठवड्यांच्या LOW लेव्हलवर आहे. कंपनी उत्पादन अजून वाढवावे लागेल असे सांगत आहे. ही विक्री २०१८ च्या तुलनेत १०३% तर २०१९ च्या तुलनेत ९८% इतकी झाली. लॉकडाऊनच्या काळांतील PENT अप डिमांड तसेच बंद असलेली पब्लिक ट्रान्स्पोर्ट, सोशल डिस्टंसिंगचे नियम पाळायला सोप्या अशा टू व्हिलर्सची विक्री तसेच शेतकऱ्यांच्या उत्पन्नात झाली वाढ यामुळे ही विक्री झाली. यामध्ये स्प्लेंडर, HF DELUX, १२५ CC मोटर ग्लॅमर आणि सुपर स्प्लेंडर Xtreme, या प्रीमियम सेगमेंटच्या गाड्यांचा समावेश होता. GLAMOUR BSVI VARIANT ची नवीन मार्केट्समध्ये विक्री वाढली. DESTINI आणि प्लेजर या स्कुटर्स मध्ये डबल डिजट ग्रोथ झाली. यामुळे टू व्हिलर्सला ऍक्सेसरीज पुरवणाऱ्या कंपन्यांच्या शेअर्समधेही तेजी आली. मुंजाल शोवा ही कंपनी शॉकऍबसॉर्बर्स पुरवते तर मुंजाल ऑटो, TVS श्रीचक्र हया कंपन्या टायर्स पुरवतात. त्यामुळेआज हिरो मोटो आणि त्यांना अँसिलिअरीज पुरवणार्या सर्व कंपन्या तेजीत होत्या

आता आपण थोडा HDFC लाईफचा विचार करू. ही HDFC ग्रुपची लाईफ इन्शुअरन्स कंपनी आहे. याची काही वैशिष्ट्ये

(१) भांडवलाची समाधानकारक उपलब्धता
(२) चांगले प्रॉडक्टमीक्स
(३) चांगली वितरण व्यवस्था
(४) भारताच्या मार्केटमध्ये आयुर्वीमा उद्योगासाठी खूपच असलेला वाव.
(५) कंपनीचा निरनिराळ्या भौगोलिक विभांगांवर आणि ग्राहक समुदायावर असलेला फोकस
(६) कंपनीच्या प्रॉडक्ट्समध्ये सातत्याने करण्यात येणारी सुधारणा
(७) या कंपनीने आता डिजिटल मोडने पॉलिसी उतरवण्यात चांगली प्रगती केली आहे. त्यामुळे कोरोनाच्या आणि लॉकडाउनच्या काळांत लोक आयुर्विम्याची पॉलिसी काढू शकले तसेच प्रीमियमही भरू शकले. कंपनीच्या नवीन प्रीमियम उत्पन्नात लक्षणीय वाढ झाली आहे. कंपनीच्या शेअरमध्ये चांगल्या प्रमाणात तेजी आहे.

आता स्पाईस जेट या प्रवासी विमान वाहतूक क्षेत्रातील कंपनीविषयी. कालच्या ब्लॉगमध्ये आपण स्पाईसजेट मध्ये तेजी का आली याचे थोडे विवरण केले होते. आज त्या तेजीत भर पडली कारण बोईंग ७३७ मॅक्स या विमानांच्या उड्डाणाला FAA ( फेडरल एव्हिएशन ऍडमिनिस्ट्रेशन) या USA मधील ऑथॉरीटीने परवानगी दिली. भारतातील DGCA ने सांगितले की आम्ही अभ्यास करून यावर निर्णय घेऊ. स्पाईस जेटकडे अशी १३ विमाने होती. सदोष विमाने पुरवल्याबद्दल स्पाईस जेटने बोईंगकडे नुकसानभरपाई मागितली होती. यापैकी काही रक्कम मिळाली तर काही बाकी आहे. जर DGCA ने स्पाईस जेटकडे असलेल्या १३ बोईंग ७३७ विमानांच्या उड्डाणाला परवानगी दिली तर स्पाईस जेटला बराच फायदा होईल. त्यामुळे आज शेअर मध्ये तेजी होती.

विप्रोच्या बाय बॅकची रेकॉर्ड डेट ११ डिसेंबर २०२० तर टी सी एस च्या बायबॅकची डेट २८ नोव्हेंबर २०२० ही आहे.
झिंग्याची किंमत खूप वाढली तसेच निर्यातही वाढली. त्यामुळे वॉटरबेस, ऍपेक्स फ्रोझन फूड्स, अवंती फूड्स,या शेअर्स मध्ये तेजी आली.

आज मी तुम्हाला स्पाईस जेटचा चार्ट देत आहे. हा १४ दिवसांचा चार्ट आहे. यामध्ये थ्री व्हाइट सोल्जर्स हा कँडलस्टिक पॅटर्न तयार झाला आहे. हा पॅटर्न जोरदार तेजी दाखवतो. पण या जोरदार तेजीनंतर विक्री येण्याची शक्यता असते. त्यामुळे विक्रि थांबल्यानंतर खरेदी करावी . ( माझ्या फ्युचर्स ऑप्शन्स आणि मी या पुस्तकांत या आणि इतर अशाच कँडल स्टीक पॅटर्नविषयी सविस्तर माहिती दिली आहे.) BSE निर्देशांक सेन्सेक्स ४३५९९ NSE निर्देशांक निफ्टी १२७७१ बँक निफ्टी २८९०३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १८ नोव्हेंबर २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १८ नोव्हेंबर २०२०

आज क्रूड US $ ४३.६९ प्रती बॅरल ते US $ ४४.०८ प्रती बॅरल या दरम्यान तर रुपया US $१=Rs ७४.१६ ते US $१=Rs ७४.४१ या दरम्यान होते. US $ निर्देशांक ९२.३२ VIX १९.२६ PCR १.५३ होते.

आज US $ निर्देशांक एक आठवड्याच्या किमान स्तरावर होते. व्हॅक्सिनच्या बातमीमुळे सोने आणि चांदी यांच्यामध्ये थोडी मंदी होती. बिडेन हे US $ ३.४ ट्रिलियनचे रिलीफ पॅकेज देण्यासाठी USA च्या काँग्रेसवर दबाव आणत आहेत. भारतामध्ये आता लग्नसराई सुरु होत असल्याने सोन्याचे भाव तेजीत होते.

आज क्रूडमध्ये तेजी होती. युरोप USA मधील कोरोनाच्या दुसर्या लाटेमधे अर्थव्यवस्थेच्या पुनरुज्जीवनाला वेळ लागत आहे, अडचणी येत आहेत. त्यामुळे क्रूडसाठी मागणी हव्या तेवढ्या प्रमाणात वाढत नाही. पण ओपेक+ने उत्पादनातील वाढ पुढे ढकलल्यामुळे क्रुडमध्ये माफक तेजी येत आहे. ONGC च्या पुष्कर ब्लॉकमधून जे क्रूड उत्पादन होते त्याची कॉस्ट कमी करण्याचा प्रयत्न केला जात आहे.

आज मार्केटमध्ये पाईप उत्पादक कंपन्यांचे शेअर्स तेजीत होते . उदा :- जिंदाल ड्रिलिंग, श्रीकलाहस्ती पाईप्स, इंडियन ह्यूम पाईप्स, मान इंडस्ट्रीज, जिंदाल SAW, अल्फाजिओ इंडिया सेलन एक्स्प्लोरेशन, तसेच कॅपिटल गुड्स, चहा कॉफी, च्या शेअर्स मध्ये तेजी होती. कारण चहा कॉफीचे उत्पादन कमी झाले आहे.

बासमती तांदुळाच्या निर्यातीत २८% ने वाढ होऊन २४ लाख टन झाली, इतर प्रकारच्या तांदुळाची निर्यात १०२% वाढून ५१ लाख टन झाली तर गव्हाची निर्यात १९२% वाढून ३.५४ लाख टन झाली.

TTKप्रेस्टिजच्या खरडी प्लांटमध्ये कामगारांनी संप केल्यामुळे कंपनीने लॉकआऊट जाहीर केला. कंपनीने सांगितले की त्यांच्याजवळ यासाठी पर्यायी व्यवस्था आहे. त्यामुळे त्यांच्या बिझिनेस वर परिणाम होणार नाही.

सद्यभाव इंजिनीरिंगला NHAI कडून २ रोड प्रोजेक्टसाठी Rs १५७० कोटींचे कॉन्ट्रॅक्ट मिळाले.

ITC ने गोल्ड फ्लेक सिगारेटचे दोन नवीन ब्रँड गोल्ड फ्लेक लक्झरी, आणि गोल्ड फ्लेक इंडिया मिंट या ६९ MMचे लाँच केले.

BPCL साठी वेदांताने प्रिलिमिनरी EOI सादर केली.

आज RBI ने लक्ष्मी विलास बँकेवर १ महिन्यासाठी मोरॅटोरियम लावले. बँकेचे ठेवीदार या मोरॅटोरियमच्या काळात कमाल Rs २५००० काढू शकतील. लक्ष्मी विलास बँकेचे DBS या सिंगापूर स्थित बँकेत मर्जर केले जाईल.लक्ष्मी विलास बँकेचे डीलीस्टिंग होईल. उद्या संध्याकाळी ६ वाजल्यापासून मोरॅटोरियम अमलात येईल. DBS चे व्याजाचे दर कमी आहेत त्यामुळे लक्ष्मी विलास बँकेच्या ठेवीदारांना त्या दराने व्याज मिळेल. मनोहरन यांना ऍडमिनिस्ट्रेटर म्हणून नेमले आहे. त्यांनी सांगितले की आम्ही शक्य तितके ठेवीदार आणि शेअरहोल्डर्सचे हितरक्षण करण्याचा प्रयत्न करू. येस बॅंकेनंतर RBI च्या हस्तक्षेपामुळे सावरलेली लक्ष्मी विलास ही दुसरे खाजगी क्षेत्रातील बँक आहे.

चातुर्मास संपला दिवाळी झाली आता लोकांच्या आहारावरील बंधने कमी झाली. त्यामुळे कोंबडी,मटण अंडी याचे सेवन वाढेल. अंड्यांचा भाव आताच Rs ५ वरून Rs ७ वर गेला, आणि चिकनचे दर Rs १७० वरून Rs २८० वर गेले. त्यामुळे वेंकीज, वॉटरबेस, ऍपेक्स फ्रोझन फूड्स, अवंती फीड्स तसेच मत्स्यखाद्य, इतर पशुखाद्य उत्पादन करणाऱ्या उदा गोदरेज अग्रोव्हेट यांच्या शेअर्स मध्ये तेजी आली.

DLF हा रिअल्टी क्षेत्रातील कंपनीच्या शेअरचा समावेश DOW जोन्स SUSTAINABILITY इंडेक्सचा जो इमर्जिंग मार्केट्स हा विभाग आहे त्यात समावेश झाला. या इंडेक्समध्ये ११ भारतीय कंपन्या आहेत.

तेजस ट्रेनसाठी बुकिंग कमी होत असल्याने IRCTC वर मुंबई ते अहमदाबाद, लखनौ ते दिल्ली या सारख्या तेजस एक्स्प्रेस बंद करण्याची वेळ आली. आज IRCTC च्या शेअरमध्ये मंदी होती.

L & T ला टाटा स्टील या कंपनीकडून कोमात्सू मायनिंग इक्विपमेंटच्या ४६ युनिटसाठी ऑर्डर मिळाली.

स्पाईस जेटचे टार्गेट HSBC ने Rs २६ वरून Rs ८० केले. रेड्युसवरून रेटिंग बाय केले. कंपनीचा कार्गोट्राफिक चा बिझिनेस चांगला चालू आहे. एअर एशिया भारतातून बाहेर पडत आहे. कंपनी आपले कर्ज कमी करण्याचा प्रयत्न करत आहे. कंपनीला आंतरराष्ट्रीय उड्डाणांना परवानगी मिळाली आहे. त्यानुसार बांगला देश, UK येथे कंपनीने उड्डाणे जाहीर केली आहेत. 

HSIL मध्ये प्रमोटर्स स्टेक वाढवत आहेत. टॉपलाईन आणि मार्केट कॅपिटलायझेशन यामध्ये खूप फरक आहे.
सिप्लाने कोरोना स्पीड टेस्ट किट COVID – G साठी करार केला ही टेस्ट किट लाँच केले बेल्जीयमबरोबर लायसेन्सिंग करार केला.

इमामीने होम हायजिन प्रोडक्ट EMASOL लाँच केले.

मोल्ड टेक पॅकेजिंग ही कंपनी Rs १८० प्रती राईट्स या भावाने ५.५५ लाख राईट्स इशू करणार आहे.
सुप्रीम कोर्टाने व्याजावरील व्याजाची सुनावणी उद्यापर्यंत पुढे ढकलली.

टाटा आणि मिस्त्री यांच्यातील केसची सुनावणी आता २ डिसेम्बरला होईल.

आज मी तुम्हाला मिंडा कॉर्पोरेशन या ऑटो अँसिलिअरी क्षेत्रातील कंपनीचा चार्ट देत आहे. या मध्ये करेक्शन आणि

कन्सॉलिडेशन पूर्ण झालेले दिसत आहे. स्टॉक आता ब्रेकआऊट होण्याच्या मार्गावर आहे.

BSE निर्देशांक सेन्सेक्स ४४१८० NSE निर्देशांक निफ्टी १२९३८ बँक निफ्टी २९७४९ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १७ नोव्हेंबर २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १७ नोव्हेंबर २०२०

आज क्रूड US ४३.९५ प्रती बॅरल ते US $ ४४.२१ प्रती बॅरल या दरम्यान होते, रुपया US $१= Rs ७४.३९ ते US $१= Rs ७४.६० या दरम्यान होते. US $ निर्देशांक ९२.५३ VIX २०.१३ PCR १.६८ होते.

मॉर्गन स्टॅन्लेने BSE निर्देशांक सेन्सेक्ससाठी डिसेंबर २०२१ साठी ५०००० चे टार्गेट दिले आहे.

आज व्हॅक्सिन च्य बातमीने मार्केट वाढले. फायझरने सांगितले की ९०% सक्सेस रेट आहे, अस्त्राझेनेकाने ९२% सक्सेस रेट तर आज मॉडर्नासाठी हा रेट ९४.५% आहे. पण फायझरच्या व्हॅक्सिनसाठी -७०% तापमानात स्थिर पण मॉडर्नाच्या व्हॅक्सिनसाठी फक्त -२०% एवढ्या तपमानात स्थिर राहील असे कळते. या बातमीने लोकांच्या मनातील भीती म्हणा अनिश्चितता कमी झाली आणि त्यामुळे शेअरमार्केटमध्ये तेजी आली.

USA मध्ये रिलीफ पॅकेज येईल या अपेक्षेने, तसेच USA आणि युरोपमध्ये येणाऱ्या कोरोनाच्या सेकंड वेव्हमुळे तसेच भारतात आता लग्नसराई सुरु होत असल्यामुळे सोन्यात तेजी आली. दिवाळीत अपेक्षेपेक्षा जास्त सोन्याची खरेदी झाली. पण व्हॅक्सिनच्या बातमीमुळे सोने, चांदी यात थोडा मंदीचा प्रवेशही झाला. याचाच परिणाम म्हणजे आता व्हॅक्सिन आल्यामुळे अर्थव्यवस्थेला पुन्हा वेग येईल, क्रूडसाठी मागणी वाढेल त्यामुळे क्रूड US $ ४४ च्या आसपास होते.

जपानमध्ये चांगली म्हणजे ५% ग्रोथ दिसली. चीनचे इंडस्ट्रियल ग्रोथ आणि रिटेलसेल्सचे आकडे चांगले आले.
फ्युचर ग्रुपमध्ये अमेझॉनची Rs १४३१ कोटी एवढी गुंतवणूक आहे. फ्युचर ग्रुपचे Rs ३००० कोटींचे ऍसेट्स आहेत आणि त्यांना Rs १८००० कोटींचे कर्ज आहे. फ्युचर ग्रुपमध्ये काम करणाऱ्या कर्मचाऱयांची संख्या ५०००० च्या जवळपास असेल. काही अडचणी आल्यामुळे फ्युचर ग्रुपने रिलायन्स रिटेल बरोबर स्ट्रॅटेजिक करार केला होता. सिंगापूर आर्बिट्रेशन ऑथॉरिटीने (त्यांच्याकडे अमेझॉनने अर्ज केल्यामुळे) या करारावर स्टे दिला होता. या स्टे विरुद्ध फ्युचर ग्रुपने कोर्टात अर्ज केला आहे. अमेझॉनने फ्युचर ग्रुपला अडचणीतून बाहेर येण्यासाठी मदत केली नाही तसेच इतर गुंतवणूकदारांना आणले नाही.

बाटाच्या व्यवस्थापनाने सांगितले की टायर २ ते टायर ५ शहरामध्ये आणि माल्स मध्ये आमची विक्रि चांगली होत आहे. पण शहरीभागांत मात्र अजून पाहिजे त्या वेगाने मागणी वाढताना दिसत नाही.आम्ही दरवर्षी ५० ते ६० नवीन शॉप उघडतो. पण अजून वातावरणात असलेल्या अनिश्चिततेमुळे आणी शॉप्स उघडी ठेवायच्या वेळेवर बंधन असल्यामुळे आम्ही थोडी वाट पाहूनच नवीन शॉप्स उघडू. दरम्यान आम्ही फ्रॅंचाईझी स्टोर्स उघडत आहोत.लॉक डाऊनच्या काळातील भाडे आम्हाला बहुतेक मालकांनी पूर्णपणे अथवा अंशतः माफ केले. काही मालकांबरोबर आम्ही रेव्हेन्यू शेअरिंग बेस्ड रेंट साठी करार केला. आज बाटाच्या शेअरमध्ये चांगली खरेदी झाली.

बाटा पाठोपाठ लिबर्टी शूज, खादिम, रिलॅक्सो ह्या शेअर्समध्येही खरेदी झाली.

ONGC ने सांगितले की HPCL आणि MRPL यांच्या मर्जरमध्ये कोणत्याही कायदाविषयक अडचणी नाहीत. तसेच HPCL च्या डीलीस्टिंगचा नजीकच्या भविष्यात तरी विचार नाही.

MMTC चा NINL ( नीलांचल इस्पात निगम लिमिटेड) बराच स्टेक आहे. आज टाटा स्टीलने सांगितले की NINL ची विक्री करायला काढली तर आम्हीही खरेदी करण्याचा विचार करू. या टाटा स्टीलच्या विधानानंतर MMTC चा शेअर वाढला.

टाटा स्टीलने त्यांच्या यूरोपमधील बिझिनेसचे UK आणि नेदर्लंड्स चे बिझिनेस वेगळे करून नेदर्लंड्स बिझिनेस ‘SSAB’ या कंपनीला विकण्यासाठी बोलणी चालू केली आहेत.स्टीलच्या किमती वाढत आहेत. टाटा स्टीलने कर्ज कमी करण्याचे लक्ष्य ठेवलं आहे. त्यामुळे आज टाटा स्टीलच्या शेअरमध्येही तेजी होती.

व्हॅक्सिन च्या बातमीमुळे लॉजिस्टिक कंपन्यांच्या विशेषतः कोल्ड स्टोरेज वाहतूक करणाऱ्या कंपन्यांच्या शेअर्समध्ये तेजी आली.

एम्बसी ऑफिस पार्क या कंपनीच्या बोर्ड ऑफ डायरेक्टर्सने एम्बसी टेकव्हिलेज Rs ९८०० कोटींना खरेदी करायला तसेच कर्जाच्या मार्गाने Rs ३६४० कोटी उभे करायला मंजुरी दिली.

उद्योगाला शांतता, निश्चितता हवी असते. अशा वातावरणात उद्योग भरभराटीला . अर्थात उद्योगाची प्रगती होण्यासाठी त्यांना कर्ज देणार्या बँका, NBFC यांचीही प्रगती होते. म्हणून बँक नीफटीमध्ये आज तेजी होती.

तसेच भारताची लोकसंख्या लक्षात घेता आयुर्विम्याला आणि जनरल इंशुअरंसला चांगला वाव आहे. आणि कोरोनामुळे जास्तीतजास्त लोक आता आयुर्विमा आणि जनरल विमा पॉलिसी खरेदी करत आहेत. त्यामुळे आज HDFC लाईफ, SBI लाईफ, ICICI प्रु या शेअर्समध्ये तेजी होती.

सरकार लवकरच पॉवर क्षेत्राला काही रिलीफ पॅकेज देईल अशी अपेक्षा असल्यामुळे इलेक्ट्रिक इक्विपमेंट आणि इलेक्ट्रॉनिक इक्विपमेंट बनवणार्या कंपन्यांमध्ये तेजी होती. विषेशतः ट्रान्सफॉर्मर बनवणाऱ्या कंपन्या तसेच इलेक्ट्रिकल ऍक्सेसरीज बनवणाऱ्या कंपन्यांमध्ये तेजी आली स्नायडर इलेक्ट्रिक,BPL. HPL इलेट्रीक. इंडोटेक ट्रान्सफॉर्मर, व्होल्टेम्प ट्रान्सफॉर्मर या शेअर्समध्ये तेजी होती.

रिलायन्स इंडस्ट्रीजने अर्बन लॅडर होम डेकॉर मध्ये ९६% स्टेक घेतला.

NMDC ने आपल्या लम्प आणि फाईन या आयर्न ओअरच्या किमती अनुक्रमे Rs ४०० आणि Rs ३०० नी वाढवल्या. मागणी आणि पुरवठा यातील गॅपमुळे किमती वाढवल्या असे NMDC ने सांगितले.

M & M त्यांच्या तेलंगाणा युनिटमध्ये K -२ सीरिजच्या ट्रॅक्टरचे उत्पादन सुरु करणार आहे.
फायझरने ऑरोबिंदो फार्मा आणि DR रेड्डीज विरुद्ध USA मध्ये ‘IBRANCA ‘या औषधासंबंधीत पेटंटच्या नियमांकडे दुर्लक्ष केले यासाठी खटला भरला.

PVR ने त्यांचे PVR साहू लखनौ आणि PVR उत्सव UP आणि हरयाणामध्ये रिलाँन्च केले. इंडियन हॉटेल्सच्या गोवा आणि राजस्थान साठी चांगले बुकिंग होत आहे.

व्हॅक्सिन हँडलिंगचे काम DR रेड्डीजकडे येण्याची शक्यता आहे. हे व्हॅक्सिन ठराविक तपमानाला स्टोअर करावे लागत असल्यामुळे वोल्टास, ब्लू स्टार, हॅवेल्स या कंपन्या चालतील.

भारताच्या बहुतांश भागात थंडीची लाट येण्याची शक्यता आहे. थंडीत कोरोनाचा प्रभाव वाढेल अशी भीती आहे. त्यामुळे गरम आणि उबदार कपड्यांची मागणी वाढेल.

टेलिकॉम कंपन्या आपले दर वाढवण्याची शक्यता आहे. उदा भारती एअरटेल, VI, रिलायन्स जिओ
टाटा मोटर्सची बुकिंग चांगली झाली. याचा फायदा टाटा मोटर्स, टाटा मोटर्स DVR. टाटा एलेक्सी यांना होईल.
सध्या होम डेकोरचे शेअर्स चालत आहेत. त्यातल्यात्यात टाइल्सच्या शेअर्समध्ये जास्त तेजी होती .गॅसच्या किमती कमी झाल्या चीनमधून होणारी आयात कमी झाली. आयात केलेला माल सोडवण्यासाठी उशीर होत आहे. उदा मुर्डेश्वर सिरॅमिक्स सेरा सॅनिटरी, नीटको टाईल्स, कजरिया सिरॅमिक्स.

१५ नोव्हेंबर २०२० ला BPCL च्या विनिवेशासाठी बोली सादर करण्याची मुदत संपली. रिलायन्स, टोटल, ब्रिटिश पेट्रोलियम आणि सौदी आरामको या आंतरराष्ट्रीय कंपन्यांनी या विनिवेशासाठी बोली सादर केल्या नाहीत. त्यामुळे पुरेशा बोली येऊनही BPCL चा शेअर पडला.

आज मी तुम्हाला जिंदाल स्टेनलेस स्टील चा चार्ट देत आहे. मेटल्समध्ये तेजी आली आहे. चीनचे इंडस्ट्रियल प्रोडक्शनचे आकडे चांगले आले आहेत.त्यामुळे ही तेजी टिकून राहील असे वाटते. जिंदाल स्टेनलेसमध्ये ब्रेकआऊट दिसत आहे . Rs ६५ ची लेव्हल ओलांडली तर Rs ८० पर्यंत जाऊ शकतो.

BSE निर्देशांक सेन्सेक्स ४३९५२ NSE निर्देशांक १२८७४ बँक निफ्टी २९१८१ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १४ नोव्हेंबर २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १४ नोव्हेंबर २०२०

आज क्रूड US $ ४२.९२ प्रती बॅरल रुपया US $१=Rs ७४.६०, US $निर्देशांक ९२.७२ VIX १९.७० PCR १.५३ होते.

आज संवत २०७७ चे आनंदाने स्वागत करू या. आज मार्केट विक्रम संवत २०७७ विषयी जबरदस्त आशावादी दिसले. मुहूर्त ट्रेडींगला चांगली खरेदी झाली. असे वाटले की मार्केटने कोरोनाची भीती मागे टाकली.

ONGC आणि टाटा स्टीलचे दुसऱ्या तिमाहीचे निकाल चांगले आले. टाटा स्टील लॉस मधून प्रॉफीटमध्ये आली. उत्पनातही वाढ झाली. मार्जिन १६.५ % राहिले. ONGC चा फायदा वाढला, उत्पन्नही वाढले.

ग्रामीण अर्थव्यवस्थेवर करोनाचा फारसा परिणाम झाला नाही.पीकही चांगले झाले. पाऊस व्यवस्थित आणि पुरेसा पडल्यामुळे धान्याचे उत्पादन विक्रमी स्तरावर होईल असा अंदाज आहे. त्यामुळे ऍग्रीकल्चर क्षेत्राशी संबंधित म्हणजे ऍग्रीइक्विपमेंट, ट्रॅक्टर्स, खते, पशुखाद्य, बीबियाणे, जंतुनाशके उत्पादन करणाऱ्या कंपन्या तेजीत होत्या.उदा. रोटो पंप्स शक्ती पंप्स, VST ट्रॅक्टर्स अँड टिलर्स, RCF, NFL,रॅलीज, महिंद्रा EPC इत्यादी

आज संरक्षणसामुग्रीचे उत्पादन करणारे शेअर्स तेजीत होते. त्यात वालचंदनगर इंडस्ट्रीज, भारत डायनामिक्स,माझगाव डॉक्स, HAL, या कंपन्यांचे शेअर्स तेजीत होते.

BSE निर्देशांक ४३६३७ NSE निर्देशांक निफ्टी १२७८०, बँक निफ्टी २८५९४ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!