Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २६ फेब्रुवारी २०२१

आज क्रूड US $ ६६.०० प्रती बॅरल ते US $ ६६.६१ प्रती बॅरल या दरम्यान तर रुपया US $१= Rs ७२.४२ ते US $१= Rs ७३.४६ या दरम्यान होते US $ निर्देशांक ९०.३७ VIX २९.२८ PCR १.७९ होते.

आज USA, आशियाई, युरोपियन सर्व मार्केट मंदीत होती. USA मध्ये १० वर्षाच्या बॉण्ड्स वरील यिल्ड १.६० च्या पातळीला पोहोचले. त्यामुळे इमर्जिंग मार्केट्समधून गुंतवणूक काढून घेऊन गुंतवणूकदारांनी USA च्या बॉण्ड्स मार्केटमध्ये पैसा गुंतवला. त्यामुळे सर्व इमर्जिंग मार्केट्समध्ये जबरदस्त मंदी आली, आपले मार्केटही त्याला अपवाद राहिले नाही. त्यात VIX वाढत असल्यामुळे मार्केटमध्ये जबरदस्त वोलतालीटी होती. काही अपवाद वगळता आजची मंदी सर्व क्षेत्रांना व्यापून उरली. या मंदीला एक चंदेरी किनार होती ती म्हणजे रेलटेल या रेल्वेशी संबंधित सरकारी कंपनीचे झालेले लिस्टिंग. IPO मध्ये Rs ९४ प्रती शेअर किमतीला दिलेल्या शेअरचे BSE वर Rs १०४.६० वर तर NSE वर Rs १०९ वर लिस्टिंग झाले. ज्या अर्जदारांना शेअर्स अलॉट झाले त्यांना चांगला लिस्टिंग गेन झाला.सरकारी बॉण्ड्सचि विक्री खूप झाली त्यामुळे बॉण्ड यिल्ड वाढले. USA च्या संसदेचे असे म्हणणे आहे की US $१५ एवढी मजूरी पॅकेजमध्ये समाविष्ट करू नये. त्यातच USA ने सीरियावर एअर स्ट्राईक केला. हाँगकाँगमध्ये सरकारने शेअर्सच्या खरेदी विक्रीवर असलेली स्टॅम्पड्युटी वाढवली. त्यामुळे हाँगकाँगचे मार्केट पडले.

USA मधील क्रूडचे उत्पादन वाढले. ४ मार्चला ओपेक+ ची बैठक आहे. त्यात क्रूडचे उत्पादन वाढवण्याचा निर्णय होऊ शकतो.

US $ मजबूत झाल्यामुळे निकेल सोडून सर्व बेस मेटल्स मध्ये आज मंदी होती. टेक्नॉलॉजी क्षेत्रातले शेअर्स पडले, सोनेही पडले, मेटल्समध्ये जेव्हा तेजी येते तेव्हा त्याचा परिणाम सगळ्या उद्योगांवर होतो. महागाई वाढते.

BOB ( बँक ऑफ बरोडा) Rs ८५.९८ या फ्लोअर प्राईसवर QIP करून Rs ४२०० कोटी उभारणार आहे.
चीनमध्ये कॉपरचे सगळ्यात जास्त उत्पादन होते. कॉपर ही रियुजेबल कमोडिटी आहे. EV मध्ये कॉपरचा उपयोग केला जातो.

चीनमधून येणाऱ्या मालामाईन वरील ड्युटी सरकारने ३१ मार्चपर्यंत वाढवली. याचा फायदा GNFC या कंपनीला होईल.
चीनमधून येणाऱ्या ग्लेझ्ड किंवा अन्ग्लेझ्ड पोर्सिलीन वरील अँटी डम्पिंग ड्युटी २८ जूनपासून वाढवली जाईल. याचा फायदा कजरिया सिरॅमिक्स यासारख्या कंपन्यांना होईल.

आज मार्केट बंद झाल्यावर MSCI चे रीबॅलन्सिंग होईल.

क्रेडिट कॉस्ट सामान्य होत आहे कमजोर कॉर्पोरेट क्रेडिटचा काळ संपत आला आहे. असे SBI ने सांगितले .
ASIA PARAXYLENE ची किंमत २१ महिन्यांच्या उच्च स्तरावर होती. त्यामुळे रिलायन्स इंडस्ट्रीजचा फायदा होईल. पण आजच्या मंदीच्या लाटेत याचा शेअरच्या किमतीवर परिणाम दिसून आला नाही.

दक्षिण भारतात सिमेंटच्या किमती Rs ३० ते Rs ४० प्रती पोते वाढणार आहेत. ACC, अंबुजा सिमेंट, सागर सिमेंट इंडिया सिमेंट या कंपन्यांना फायदा होईल.

इथेनॉल ब्लेंडींग वाढवण्यावर सरकारचा भर आहे. आज सरकारने इथेनॉल संबंधित ४१८ प्रोजेक्ट्सना मंजुरी दिली. यामध्ये Rs ४०००० कोटींची गुंतवणूक केली जाईल.दरवर्षी १६७५ कोटी लिटर एवढे एथॅनॉलचे उत्पादन होईल.

नवभारत व्हेंचर्स ही कंपनी १.५ कोटी शेअर्स Rs १०० प्रती शेअर या भावाने ओपन मार्केट रूटने बाय बॅक करण्यासाठी Rs १५० कोटी खर्च करील.

ABB पॉवर प्रॉडक्टस ( Rs २ लाभांश) , KSB पंप्स या कंपन्यांचे तिसऱ्या तिमाहीचे निकाल चांगले आले.
शिपिंग कॉर्पोरेशन आणि BEML यांच्यातील विनिवेशासाठी EOI सादर करण्याची तारीख अनुक्रमे १ मार्च २०२१ आणि २२ मार्च २०२१ या असतील.

आज मी तुम्हाला LIC हौसिंग कॉर्प चा चार्ट देत आहे . हा शेअर आज गॅप डाऊन उघडला आणि नंतरही पडतच आहे. इव्हिनिंग स्टार पॅटर्न बनला आहे. बुधवारचा लो तोडला. हेड आणि शोल्डर पॅटर्नचा ब्रेक डाऊन दिसत आहे.

BSE निर्देशांक सेन्सेक्स ४९०९९ NSE निर्देशांक निफ्टी १४५२९ बँक निफ्टी ३४८०३ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २५ फेब्रुवारी २०२१

आज क्रूड US $ ६७.२१ प्रती बॅरल ते US $ ६७.५९ प्रती बॅरल या दरम्यान तर रुपया US $१=Rs ७२.४३ ते US $ १= Rs ७२.५१ या दरम्यान तर US $ निर्देशांक ८९.९० VIX २३.०० PCR १.१४ होता.

आज बेस मेटल्स म्हणजे कॉपर, जस्त, लेड, अल्युमिनियम तेजीत होते. सोने मंदीत तर चांदी तेजीत होती. USA मध्ये क्रूड उत्पादनातील अडचणींमुळे क्रूड तेजीत होते.

मूडीज या रेटिंग एजन्सीने भारताच्या GDP ग्रोथचे अनुमान FY २२ साठी १३.७% तसेच FY २३ मध्ये ६.२% केले आहे.
NURECA या कंपनीच्या शेअर्सचे लिस्टिंग BSE वर Rs ६३४.९५ आणि NSE वर Rs ६१५ वर झाले. कंपनीने हा शेअर Rs ४०० प्रती शेअर या भावाने IPO मध्ये दिला होता.

अशोक लेलँड या कंपनीने हिंदुजा टेक या कंपनीमधील, निसान इंटरनॅशनल होल्डिंग BV या कंपनीच्या मालकीचा ३८% स्टेक Rs ७०.२० कोटींना खरेदी करण्यासाठी करार केला. या स्टेक खरेदीनंतर हिंदुजा टेक ही अशोक लेलँड ची ‘WHOLLY OWNED’ सबसिडीअरी होईल.अशोक लेलँड चा शेअर तेजीत होता

IRDAI ( इन्शुअरन्स रेग्युलेटरी अँड डेव्हलपमेंट ऑथॉरिटी ऑफ इंडिया) ने एक्सिस बँक आणि मॅक्स लाईफ इन्शुअरन्स यांच्यामधील डीलला परवानगी दिली. हे डील एप्रिल २०२० मध्ये जाहीर झाले होते. या डीलप्रमाणे एक्सिस बँक मॅक्स लाईफ मधील १९% स्टेक घेणार होती. एक्सिस बँक ९% आणि एक्सिस कॅपिटल आणि एक्सिस सिक्युरिटीज हे दोघे मिळून ३% स्टेक घेतील. राहिलेला ७% स्टेक एक्सिस बँक येत्या काही वर्षात टप्प्याटप्प्याने घेईल. हे डील दोन्हीही कंपन्यांना फायदेशीर असल्यामुळे आज एक्सिस बँक आणि मॅक्स फायनान्शियल हे दोन्ही शेअर्स तेजीत होते.

माननीय पंतप्रधान नरेंद्र मोदी यांनी आज सरकार बिझिनेसची मालकी ठेवू इच्छित नाही तसेच उद्योग चालवणे हे सरकारचे काम नाही. त्यामुळे खाजगी उद्योगांना उत्तेजन देण्याचे तसेच त्यांना ‘ईज ऑफ बिझिनेस’ उपलब्ध करण्याचे सरकारचे धोरण असेल. खाजगी उद्योग सतत आपले तंत्र आधुनिक करत असतात, पुरेशा पैशाची तरतूद करत असतात. त्यामुळे आता सरकार एकतर उद्योगाचे मॉनेटायझेशन करेल किंवा मॉडर्नायझेशन करेल किंवा खाजगीकरण करेल.ऍटोमिक एनर्जी, स्पेस आणि संरक्षण, ट्रान्सपोर्ट आणि टेलिकॉम, आणि पॉवर आणि पेट्रोलियम ही क्षेत्रे त्याला अपवाद असतील या क्षेत्रात PSU काम करतील.

मार्केटने या भाषणाचा धागा पकडला आणि आज सर्व पब्लीक सेक्टर उद्योगांमध्ये, बँकांमध्ये जबरदस्त खरेदी झाली . त्यामुळे आज बँका, NBFC, CPSE ETF, BEML, BEL या आणि इतर तत्सम सरकारी कंपन्यांमध्ये जबरदस्त खरेदी झाली. RBI च्या गव्हर्नरनीही सांगितले की आम्ही अर्थव्यवस्थेमध्ये पुरेशी लिक्विडीटी राहील याची काळजी घेऊ.

कोल इंडियाने आज घोषणा केली की ते वर्ष २०२४ पर्यंत खाजगी उद्योगांबरोबर जॉईंट व्हेंचर करून एकूण २६ नवीन उद्योगात Rs १.४३ लाख कोटींची गुंतवणूक करून प्रवेश करणार आहेत. FY २२ च्या दुसऱ्या तिमाहीत ते ह्या जॉईंट व्हेंचर्सचा आराखडा बनवतील.

गुजरात अल्कलीज ही कंपनी SBI कडून एक्स्टर्नल कमर्शियल बॉरोइंगद्वारे US $ ७ कोटी उभारणार आहे. L & T टेक सर्व्हिसेस या कंपनीला एअर बस या कंपनीकडून त्यांच्या स्कायवाईज प्लॅटफॉर्मसाठी टेक्नॉलॉजिकल आणि डिजिटल सोल्युशन्स पुरवण्यासाठी ऑर्डर मिळाली. त्यामुळे L & T टेक मध्ये तेजी होती.

ज्युबीलण्ट इंडस्ट्रीजनी सांगितले की आम्ही रिस्ट्रक्चरिंगच्या वेगवेगळ्या पर्यायांचे मुल्य मापन करत आहोत. ऍग्री आणि कन्झ्युमर प्रॉडक्टस बिझिनेसच्या मर्जरची शक्यता अजमावून पाहत आहोत.

अंबुजा सिमेंटच्या अंतरिम लाभांशाची रेकॉर्ड डेट २२ मार्च २०२१ ही असेल.

BEL १६ मार्च २०२१ रोजी दुसर्या अंतरिम लाभांशावर विचार करेल.

MTAR टेक्नॉलॉजी या संरक्षण ( DRDO) स्पेस ( इसरो) क्षेत्रात टेक्नॉलॉजी सर्व्हिसेस(प्रिसिजन ईंजिनीअरिंग सोल्युशन्स) पुरवणाऱ्या कंपनीचा Rs ५९६ कोटींचा IPO ३ मार्च २०२१ रोजी ओपन होऊन ५ मार्च २०२१ रोजी बंद होईल. या IPO चा प्राईस बँड Rs ५७४ ते Rs ५७५ आहे मिनिमम लॉट २६ शेअर्सचा आहे. या कंपनीचे तेलंगणामध्ये ७ प्लान्ट आहेत.
उद्यापासून १६ नवीन कंपन्यांचा F & O सेगमेंट मध्ये समावेश होईल. ट्रेंट, नवीन फ्ल्युओरीन , PI इंडस्ट्रीज, फायझर, दीपक नायट्रेट. IRCTC, निपोंन लाईफ, L & T इन्फोटेक,L & T टेक, आलेम्बिक फार्मा, ग्रनुअल्स, अल्केम लॅब, सिटी युनियन बँक, AU स्मॉल फायनान्स बँक,गुजरात गॅस, MPHASIS चा समावेश असेल.

गेल (२०००KM) HPCL ( ३६० किलोमीटर्स ) IOCL यांच्या पाइपलाइनचे मोनेटायझेशन करणार आहे.SAIL चे सालेम आणि भद्रावती प्लांट, BPCL, एअरइंडिया, पवन हंस यांचे डायव्हेस्टमेन्ट प्लॅन शेवटच्या टप्प्यात आहे. MTNL, BEML आणि HMT यांचे नॉनकोअर असेटचे मोनेटायझेशन करणार आहे पॉवर ग्रीड चे नेटवर्क ट्रान्स्मिशनच्या १,६८०००km लाईनचे मोनेटायझेशन करणार आहे. IDBI आणि NINL चे डायव्हेस्टमेन्ट प्लॅन अंतिम टप्प्यात आहे.

महिंद्रा अँड महिंद्रा फायनान्स ह्या कंपनीचा शेअर बऱ्याच कालच्या मंदीनंतर सावरतो आहे हा शेअर Rs १०० ते Rs १२५ या रेंजमध्ये कन्सॉलिडेट होत होता. हा शेअर मार्केटला आउट परफॉर्म करतो म्हणजे तेजी असताना मार्केटपेक्षा जास्त प्रमाणात वाढतो आणि मार्केट मंदीत असताना मार्केटपेक्षा कमी प्रमाणात पडतो.

BSE निर्देशांक सेन्सेक्स ५१०३९ NSE निर्देशांक निफ्टी १५०९७ बँक निफ्टी ३६५४९ वर बंद झाले

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २४ फेब्रुवारी २०२१

आज क्रूड US $ ६५.०२ प्रती बॅरल ते US $ ६५.२७ प्रती बॅरल या दरम्यान रुपया US $१=Rs ७२.२८ ते US $ ७२.३६ या दरम्यान तर US $ निर्देशांक ९०.०५ VIX २४.१६ PCR ०.९८ होते

आज USA मार्केट्स पैकी DOW जोन्स तेजीत NASHDAQ मंदीत आणि S & P तेजीत होते. एशियन मार्केट्स मंदीत होती.USA फेडने सांगितले कीअजून अर्थव्यवस्थेला पूर्वस्थितीत यायला वेळ लागेल. त्यामुळे आम्ही बॉण्ड्सची खरेदी चालू ठेवू तसेच आताच्या व्याज दरात बदल करणार नाही. इन्फ्लेशनचे लक्ष्य २% ठेवले आहे.अर्थव्यवस्था सुधारली असे वाटल्यावरच आम्ही बॉण्ड्स खरेदी बंद करू. या फेडच्या विधानानंतर मार्केट्स मध्ये तेजी आली.

DAC च्या मीटिंगमध्ये संरक्षणमंत्र्यांनी Rs १३७०० कोटीच्या अक्विझिशनला मान्यता दिली. अर्जुन रणगाड्यांसाठी Rs ६००० कोटी मंजूर केले. या रणगाड्यांचे संरक्षित वाहन BEML बनवेल तर या वेपन सिस्टीम BEL बनवेल. या शस्त्र सामुग्रीचे डिझाईन, स्पेअर पार्ट्स यांचे उत्पादन स्वदेशात केले जाईल.

एलेनटास बेक इंडिया आणि स्टोव्ह क्राफ्ट या कंपन्यांचे तिसऱ्या तिमाहीचे निकाल चांगले आले.

आंतरराष्ट्रीय मार्केटमध्ये RAW शुगर ४ वर्षांच्या कमाल स्तरावर आहे ब्राझीलमधून शिपिंगला उशीर होत आहे. चीन इंडोनेशियामध्ये मागणी वाढत आहे. कंटेनर्सची टंचाई असल्यामुळे भारतातून निर्यातिला उशीर होत आहे. सतत वाढत असणाऱ्या किमतींमुळे साखर उत्पादक कंपन्यांच्या शेअर्समध्ये खरेदी होत आहे.

हट्सन ऍग्रो ही कंपनी सोलापूरमध्ये कमर्शियल उत्पादन सुरु करत आहे. तर रमा फॉस्फेट या कंपनीने इंदोर येथे नवीन प्लांट सुरु केला.

झुआरी ऍग्रो ही कंपनी त्यांचा गोव्यामधील प्लांट विकणार आहे.

नुमालीगढ रिफायनरी विक्रीसाठी २६ फेब्रुवारी २०२१ रोजी सचिव स्तरावर हाय लेव्हल बैठक आहे,

२६ फेब्रुवारी २०२१ रोजी नवभारत व्हेंचर्स ही कंपनी शेअर्स बायबॅक वर विचार करेल.

भारती एअरटेल आणि वोडा आयडिया या कंपन्यांनी AGR थकबाकीचा हिशोब पुन्हा करावा अशी सुप्रीम कोर्टाला विनंती केली आहे . मार्च २०२१ मध्ये सुप्रीम कोर्टात या अर्जाची सुनावणी होईल.

५ मार्च २०२१ रोजी कोल इंडिया या कंपनीची अंतरिम लाभांशावर विचार करेल.

३१ मार्च २०२१ रोजी GAIL निफ्टीतुन बाहेर पडेल तर टाटा कंझ्युमर्सचा समावेश केला जाईल.

FY २१ मध्ये भारताच्या अर्थव्यवस्थेचा GDP ग्रोथ -६.७% तर FY २२ साठी GDP ग्रोथ रेट १३.५% असेल असा अंदाज वर्तवला आहे.

आज मंत्रिमंडळाच्या बैठकीत सर्व्हर,लॅपटॉप, कॉप्युटर्स यांच्या उत्पादनासाठे Rs ७३०० कोटींची PLI स्कीम मंजूर होण्याची शक्यता आहे याचा फायदा TVS इलेक्ट्रॉनिक्स, D- LINK आणि SMARTLINK यांना होईल. फार्मा आणि इलेक्ट्रॉनिक उपकरणांच्या उत्पादनासाठी PLI योजना मंजूर झाल्या.

छत्तीसगढ प्लांटच्या दुरुस्तीसाठी गोवा कार्बनचा हा प्लांट बंद राहील.

AB फँशन & रिटेल च्या बोर्ड ऑफ डायरेक्टर्सने तरुण ताहिलियानी यांच्या बरोबर केलेल्या कराराला मंजुरी दिली.
हेमीस्फिअर प्रॉपर्टिज सरकारला Rs ७०० कोटींचे शेअर्स इशू करणार आहे.

इंडिया मार्टच्या प्रमोटर्सने त्यांचा २% स्टेक ब्लॉक डीलच्या माध्यमातून विकला . BOSCH मध्ये २ कोटी शेअर्सचे ब्लॉक डील झाले.

सॅनोफी या कंपनीने Rs ३६५ प्रती शेअर लाभांश जाहीर केला

आज मार्केटमध्ये रिअल्टी, मेटल्स, फर्टिलायझर्स आणि बँकिंग आणि फायनान्सियल्स या क्षेत्रात तेजी होती.
आज NSE चे कामकाज नेटवर्क लिंक आणि टेलिकॉम लिंक मध्ये अडचणी येत असल्यामुळे सकाळी ११.४० ते ३.३० वाजेपर्यंत बंद होते. NSE ने आज ३.३० पासून संध्याकाळी ५ वाजेपर्यंत मार्केटची वेळ वाढवली.

मी आज तुम्हाला ग्रासिम या कंपनीचा चार्ट देत आहे. ग्रासिम ही सिमेंट क्षेत्रातील कंपनी असून आता पेन्टउत्पादनाच्या क्षेत्रात मोठी गुंतवणूक करणार आहे. या शेअरच्या चार्टमधे बुलिश हरामी पॅटर्न तयार झाला होता.या शेअरने २० DEMA, ५० DEMA, १०० DEMA पार केला आहे. बुलिश क्रॉसओव्हर पॅटर्न तयार झाला आहे.

आज BSE निर्देशांक सेन्सेक्स ५०७८१ NSE निर्देशांक निफ्टी १४९८२ बँक निफ्टी ३६४५२ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २३ फेब्रुवारी २०२१

आज क्रूड US $ ६५.९३ प्रती बॅरल ते US $ ६६.७० प्रती बॅरल दरम्यान तर रुपया US $१=Rs ७२.३३ ते US $१= Rs ७२.३९ या दरम्यान होते. US $ निर्देशांक ९०.१४ VIX २५.४७ आणि PCR ०.९९ होते.

आज जपानच्या सम्राटाच्या वाढदिवसानिमित्त जपानचे बाजार बंद होते. आज USA च्या मार्केट्समध्ये DOW जोन्स मध्ये माफक तेजी तर NASHDAQ आणि S & P या निर्देशांकात मंदी होती. तसेच टेक शेअर्समध्ये मंदी होती. ब्राझील आणि थायलंडमधील साखरेचे उत्पादन कमी झाले. OPEC +ची ३ आणि ४ मार्च २०२१ रोजी बैठक आहे. सौदी अरेबिया उत्पादन सध्याच्या स्तरावर ठेवण्याच्या तर रशिया उत्पादन वाढवण्याच्या पक्षात आहेत. USA मधील क्रूडचे उत्पादन सुरु व्हायला उशीर होत आहे. त्यामुळे ४० लाख बॅरेल्सच्या उत्पादनावर प्रतिकूल परिणाम होत आहे. या सर्व गोष्टींमुळे आज क्रूड US $ ६६ प्रती बॅरलच्या वर होते.USA चे अध्यक्ष बिडेन यांनी आज कॉर्पोरेट आणि वेल्थ टॅक्स आकारण्याचे सूतोवाच केले. त्यामुळे USA मध्ये प्रॉफीटबुकिंग झाले. UK, जर्मनी, इटली, फ्रांस या देशात कोरोनाचा प्रादुर्भाव कमी न होता वाढत आहे. त्यामुळे युरोपियन मार्केट्सही मंदीत होती. US $ निर्देशांकात विकनेस आहे, बॉण्ड यिल्ड कमी झाले आहे आणि USA मध्ये पॅकेजच्या अपेक्षेने सोन्यात तेजी परतत आहे. औद्योगिक मागणी वाढल्यामुळे आज चांदीमध्ये तेजी होती. कॉपर, निकेल, जस्त, लेड, यात तेजी होती. यात कॉपर गेल्या १० वर्षातील कमाल स्तरावर होते. त्यामुळे आज हिंदाल्को, हिंदुस्थान कॉपर, नाल्को, वेदांता, हिंदुस्थान झिंक या कंपन्यांच्या शेअर्स मध्ये तेजी होती. तसेच स्टील सेक्टरमधील टाटा स्टील, JSPL, SAIL, JSW स्टील, कल्याणी स्टील, याही शेअर्स मध्ये तेजी होती.

आज UPL च्या भडोच प्लांट मध्ये लागलेल्या आगीमुळे कंपनीचे बरेच नुकसान झाले.

रिलायन्स इंडस्ट्रीज लिमिटेड त्यांचा ऑइल टू केमिकल बिझिनेसचे डीमर्जर करणार आहे यामध्ये पेट्रोकेमिकल्स, गॅस, फ्युएल रिटेलिंग यांचा समावेश केला जाईल. या उद्योगासाठी वेगळी सबसिडीअरी उघडली जाईल. रिलायन्स इंडस्ट्रीज लिमिटेड या सबसिडीअरीला १० वर्ष मुदतीचे US $२५ बिलियनचे कर्ज देईल. आरामको आणि इतर इन्व्हेस्टरना या सबसिडीअरीत गुंतवणूक करण्यात स्वारस्य आहे.

VISCOSE स्टेपल फायबरवर सरकार ऍन्टीडम्पिंग ड्युटी लावणार आहे. याचा फायदा ग्रासिमला होईल.

अमेझॉन आणि महिंद्रा इलेक्ट्रिक या कंपन्यांमध्ये इलेक्ट्रिक वाहनांच्या विक्रीसाठी पार्टनरशिपचा करार झाला. अमेझॉनने ७ शहरात महिंद्रा TREO चा वापर सुरु केला आहे. अमेझॉन डिलिव्हरी सर्व्हिससाठी १०००० इलेक्ट्रिक वाहने खरेदी करू शकते.

भारत फोर्ज या कंपनीला कल्याणी M -४ वाहनांसाठी आर्मिकडून Rs १७८ कोटींची ऑर्डर मिळाली.

DR रेड्डीज आणि इतर फार्मा कंपन्यांच्या व्हॅक्सिंच्या बॉटलिंगचे काम ग्लॅन्ड फार्मा करणे शक्य आहे.
भारती एअरटेलने QUALCOMM बरोबर 5G सेवांसाठी ५G RAN प्लॅटफॉर्म वापरण्यासाठी करार केला.

तामिळनाडू राज्य सरकारच्या अंदाजपत्रकात १२००० बसेस ( यात २००० बसेस EV असतील) खरेदी करण्यासाठी तरतूद केलेली आहे. त्याचा फायदा अशोक लेलँड, टाटा मोटर्स JBM ऑटो यांना होण्याची शक्यता आहे.

दुबई .एअरोस्पेस बरोबर इंडिगोने A ३२१ NEO एअरबस लीजवर घेण्यासाठी करार केला.

पॉवर ग्रीड १ मार्च २०२१ रोजी अंतरिम लाभांश जाहीर करण्यावर विचार करेल.

ISMT आणि जिंदाल SAW ने दिलेल्या प्रस्तावाप्रमाणे चीनमधून आयात होणाऱ्या काही स्टील प्रॉडक्टस वरील ऍन्टीडम्पिंग ड्युटी चालू राहील.

युनायटेड स्पिरिट्स त्यांच्या काही निवडक ब्रॅण्ड्सची समीक्षा करणार आहे . तर कोअर ब्रॅंड्सवर जास्त लक्ष केंद्रित करणार आहे. हा उपक्रम २०२१ च्या अखेरपर्यंत पुरा होईल.

बाळकृष्ण इंडस्ट्रीजने Rs १९०० कोटींचा कॅपेक्स कार्बन ब्लॅक सेगमेंटमध्ये करणार असे जाहीर केल्यामुळे गुंतवणूकदार नाखूष झाले. आणि शेअरची किमत पडायला सुरुवात झाली. कंपनीचे तिसऱ्या तिमाहीचे निकाल चांगले आले. ही पडझड आता थांबली आहे. शेअरमध्ये तेजी होण्याची चिन्हे दिसत आहेत असे आज तयार झालेला मॉर्निंग स्टार पॅटर्न दर्शवत आहे.

source – chartlink.com

BSE निर्देशांक सेन्सेक्स ४९७५१ NSE निर्देशांक निफ्टी १४७०७ बँक निफ्टी ३५११६ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २२ फेब्रुवारी २०२१

आज क्रूड US $ ६३.३४ प्रती बॅरल ते US $ ६३.९२ प्रती बॅरल या दरम्यान तर रुपया US $१= ७२.३५ ते US $ १=Rs ७२.५१ या दरम्यान होते. US $ निर्देशांक ९०.३७ VIX २५.३८ PCR १.१९ होते.

आज सकाळी एशियन मार्केट्स मध्ये किंचित तेजी होती. USA मधील १० वर्षाच्या बॉण्ड्सचे यिल्ड १.३७ वर पोहोचले. टेक्सासमधील रिफायनरीजचे काम आता हळूहळू पूर्वस्थितीवर येत आहे. फायझरचे व्हॅक्सिन कोरोनाचे संक्रमण रोखण्यात सक्षम ठरत आहे. केरळमध्ये कोरोनाचा प्रादुर्भाव वाढत आहे. PCR १.१९ आहे हे बुल्सच्या दृष्टीने महत्वाचे आहे.

आज USA मध्ये US $ १.९० ट्रिलियनचे बिल त्यांच्या संसदेत सादर केले. या घटने मुळे एक असा अंदाज आहे की USA मधील परिस्थिती सुधारण्याची अपेक्षा असल्यामुळे इमर्जिंग मार्केटमधून गुंतवणूक परत USA च्या मार्केटमध्ये परत जाईल. त्यामुळे आज मार्केटमध्ये मंदी आली असावी.

आज बिट कॉइनच्या किमतीत घट झाली, डॉलर निर्देशांक वीक होता त्यामुळे सोन्यात तेजी होती तर US मधील बॉण्ड यिल्डस वाढत असल्यामुळे सोन्यावर थोडाफार दबाव होता. कोरोनाच्या काळात दक्षिण अमेरिकेतील विविध धातूंच्या ४०० खाणी बंद होत्या. त्यामुळे कॉपर,अल्युमिनियम, झिंक, निकेल या सर्व धातूंमध्ये तेजी होती.कमी पुरवठा आणि चीनमधून येणारी वाढती मागणी यामुळे या धातूंमध्ये तेजी होती. कॉपर मधील तेजीचा फायदा हिंदुस्तान कॉपर आणि नाल्को यांना होईल. झिंक आणि अल्युमिनियम यांच्यामधील तेजीचा फायदा अनुक्रमे हिंदुस्थान झिंक आणि वेदांता यांना होईल.

FTSE( फायनान्सियल टाइम्स स्टॉक एक्स्चेंज ग्रुप) या निर्देशांकाचे मार्च, जून, सप्टेंबर आणि डिसेंबर मध्ये रीबॅलन्सिंग होते.FTSE चे आता १९ मार्च २०२१ रोजी रीबॅलन्सिंग होणार आहे. त्यामुळे भारतात Rs ६५०० कोटी गुंतवणूक येईल अशी अपेक्षा आहे. लार्ज कॅप मध्ये रिलायन्स PP, अडाणी एंटरप्रायझेस, अडानी टोटलगॅस यांचा समावेश केला. अस्त्रल पॉली, हनीवेल, HAL, अपोलो हॉस्पिटल्स, माईंड ट्री, वरूण बिव्हरेजीस, युनायटेड ब्रुअरीज, PNB यांचा मिडकॅप इंडेक्स मध्ये समावेश केला जाईल. भारती एअरटेल, इंडस टॉवर्स, अडाणी टोटल यांचा मार्च १९ २०२१ पासून समावेश होईल. रिलायन्स, HDFC , इन्फोसिस यांचे वेटेज कमी होईल.आणि फ्युचर रिटेल या कंपनीचे शेअर्स वगळले जातील

NSE फेब,२४, २०२१ पासून खाली दिलेले १५ कंपन्यांचे शेअर्स डीलीस्ट करणार आहे.

ऑटोराइडर्स फायनान्स, बिलपॉवर, B S लिमिटेड, गिरधारीलाल शुगर आणि अलाइड इंडस्ट्रीज, खेतान इलेक्ट्रिकल्स, नागार्जुना ऑइल रिफायनरी, पोचीराजू इंडस्ट्रीज, PROVOGUE, S कुमारस इंटरनॅशनल, श्री गणेश फोर्जिंग्ज, सुनील हायटेक इंजिनीअर्स, सुराणा कॉर्पोरेशन, तारा ज्युवेलर्स, विजय शांती बिल्डर्स, झायलॉग सिस्टिम्स. यापैकी गिरधारीलाल शुगर अँड अलाइड इंडस्ट्रीज, PROVOGUE, झायलॉग सिस्टिम्स या कंपन्या अंडर लिक्विडेशन प्रोसेस मध्ये आहेत.
ANILINE वर US $ १३१.७९ प्रती टन एवढी अँटी डम्पिंग ड्युटी लावणार आहे याचा फायदा GNFC ला होईल.
टेट्राफ्लुरोइथेन वर ऍन्टीडम्पिंग ड्युटी बसवणार आहे. याचा फायदा SRF, नवीन फ्ल्युओरीनला होईल. हे केमिकल रेफ्रिजरेशनसाठी लागते.

टाटा मोटर्सने सफारीची नवीन ६ व्हरायन्ट लाँच केली. व्यवस्थापनाने सांगितले की सेफ्टी, काम्फर्ट आणि नव्या पिढीच्या अपेक्षा लक्षांत घेऊन ही व्हरायन्ट बनवली आहेत. या कारची किंमत Rs १४.७० लाख एवढी ठेवली आहे.
रिलायन्स US $ ४० मिलियनला ऑन लाईन मिल्क डिलिव्हरी स्टार्टअप ‘मिल्क बास्केट’ विकत घेणार आहे.
जागरण प्रकाशन ही कंपनी २ मार्च २०२१ रोजी शेअर बायबॅकवर विचार करेल.

चीनमधून सीमलेस ट्यूब्स (अलॉय आणि नॉन अलॉय) डम्पिंग होते अशी तक्रार जिंदाल SAW ने केली होती. आता DGTR त्याच्यावर ऍन्टीडम्पिंग ड्युटी बसवण्याचा विचार करत आहे. याचा फायदा महाराष्ट्र सीमलेस, जिंदाल SAW यांना होईल.
हिंडाल्कोने कॅश फ्लो पाहता ८% ते १०% लाभांश देण्याचे धोरण मान्य केले आहे.

इंटलेक्ट डिझाईन एरेना या कंपनीला इंडोनेशीयातील ‘BANK RAKYAT’ च्या डिजिटल ट्रान्सफॉर्मेशनची ऑर्डर मिळाली.
सरकार आता संरक्षण क्षेत्राला लागणाऱ्या शस्त्रांबरोबरच या शस्त्रांसाठी लागणाऱ्या स्पेअरपार्टसची निगेटिव्ह लिस्ट जाहीर करणार आहे. या लिस्टमध्ये समाविष्ट करण्यात आलेल्या स्पेअरपार्टसच्या आयातीवर बंदी असेल.

मार्च महिन्यात होणाऱ्या GST कौन्सिलच्या बैठकीत लिथियम आयन बॅटरीवरील GST १८% वरून १२% वर आणली जाण्याची शक्यता आहे. ही बॅटरी इलेक्ट्रिक कार मध्ये वापरली जाते. सरकार इलेक्ट्रिक कारच्या उत्पादनाला उत्तेजन देणार आहे.

२४ फेब्रुवारी २०२१ रोजी होणाया वेबिनार मध्ये विनिवेशावर तसेच PSU चे नॉन कोअर ऍसेट मॉनेटायझेशनवर विचार केला जाईल. यात माननीय पंतप्रधान, माननीय अर्थमंत्री तसेच १० वेगवेगळ्या मंत्रालयाचे अधिकारी सामील होतील.

लक्ष्मी ऑर्गनिक्स ह्या स्पेशालिटी केमिकल क्षेत्रात ( ETHYL ACETATE) काम करणाऱ्या कंपनीचा Rs ८०० कोटींचा IPO ( फ्रेश इशू Rs ५०० कोटी आणि Rs ३०० कोटी चा OFS) नजीकच्या भविष्यात येण्याची शक्यता आहे.

MTAR टेक्नॉलॉजीज या संरक्षण, एअरोस्पेस, एनर्जी या क्षेत्राला सेवा पुरवणाऱ्या कंपनीचा Rs ६५० कोटींचा IPO लवकरच येण्याची शक्यता आहे.

MPHASIS खरेदी करण्याच्या शर्यतीत ब्रुकफिल्ड, बेन कॅपिटल, CVC या कंपन्या आहेत. पण आघाडीवर कार्लाइल आहे.
मी आज तुम्हाला LIC हौसिंग फायनान्सचा चार्ट देत आहे. कॅश मार्केटमध्ये मंदी आहे. २०२० जानेवारीमध्ये Rs ४८६ चा हाय गाठला होता. येत्या जानेवारीत पुन्हा या लेव्हलच्या जवळ गेला होता. गेल्या आठवड्याचा लो Rs ४४३ तोडला. चार्टमध्ये इव्हिनिंग स्टार हा पॅटर्न बनलाआहे MA निर्णायकरित्या तोडला आहे.. Rs ४३० च्या खाली फ्रेश ब्रेकडाऊन होईल.

BSE निर्देशांक सेन्सेक्स ४९७४४ NSE निर्देशांक निफ्टी १४६७५ बँक निफ्टी ३५२५७ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १९ फेब्रुवारी २०२१

आज क्रूड US $ ६२.६९ प्रती बॅरल ते US $ ६३.३५ प्रती बॅरल या दरम्यान तर रुपया US $१=Rs ७२.६३ ते US $१= Rs ७२.६५ होते. US $ निर्देशांक ९०.४० VIX २२.२१ PCR १.१७ होते.

USA मध्ये बर्फ़ाचे वादळ आल्यामुळे टेक्सास राज्यात जेथे मुख्य रिफायनरी आहेत तेथे क्रूडचे प्रॉडक्शन बंद होते. या रिफायनरीज अजून काही काळ बंद राहण्याची शक्यता आहे. त्यामुळे गेले दोन दिवस क्रुडमध्ये तेजी होती. USA मध्ये रोजगारीचे आकडे खराब आले.USA मध्ये US $ २.२ ट्रिलियन पर्यंत पॅकेजची रक्कम वाढण्याची शक्यता आहे. USA मध्ये ट्रेजरी यिल्डस वाढल्यामुळे सोन्याचा भाव घसरला.

कोरोनाचे प्रमाण कमी होत असल्यामुळे थिएटर्स सभागृहे आणि नाट्यगृह उघडण्यासाठी आणि १००% क्षमतेवर ( अर्थात सोशल डिस्टंसिंगचे नियम पाळून) चालवण्यासाठी राज्य सरकारे परवानगी देत आहेत. त्यामुळे आता नवीन मुव्हीज रिलीज होण्याचे प्रमाण वाढेल. उदा चक्र, फौजी कॉलिंग इत्यादी. याचा परिणाम PVR, इनॉक्स लिजर, मुक्ता आर्ट्स, UFO मुव्हीज, सिनेलाईन इंडिया यांना होईल.

इंजिनीअर्स इंडिया आणि ऑइल इंडिया नुमाळीगढ रिफायनरीसाठी बीड करणार आहेत.

डाबर इंडियाचे प्रमोटर्सनी फायनान्सियल इन्व्हेस्टर म्हणून व्यक्तीशः एव्हरेडी मध्ये १९.८४ % पर्यंत स्टेक वाढवला.बोर्ड ऑफ डायरेक्टर्स मध्ये १ सीट त्यांना देण्याचा विचार आहे. डाबरच्या प्रमोटर्स ०.५४% स्टेक विकला .

सविता ऑइल हि कंपनी Rs १४०० प्रती शेअर या भावाने Rs ३५.१४ कोटीपर्यंत शेअर बायबॅकवर खर्च करेल.

चीनमध्ये हॉट रोल्ड कॉईलच्या किंमती वाढल्या याचा फायदा टाटा स्टीलला होईल.

मेरिको ही कंपनी ‘सफोला ऊडल्स’ या नावाने नूडल्सच्या मार्केटमध्ये प्रवेश करत आहे. या मार्केटमध्ये आता नेस्लेचे मॅग्गी आणि ITC चा यीप्पी ब्रँड हे प्रमुख ब्रँड आहेत.मेरिकोने या आधी सफोला ऑइल, सफोला ओट्स इत्यादी प्रॉडक्टस लाँच केली आहेत .

आज IDFC १ST बँकेच्या व्यवस्थापनाने सांगितले की आम्ही Rs ३००० कोटी भांडवल उभारणार आहोत. FY २२ मध्ये लोन ग्रोथ २०% ते २५% असेल. बँकेची बुक व्हॅल्यू Rs ३३.४ होईल. कोरोनाच्या काळात NPA १.६% ने वाढले. आम्ही भविष्य काळातील काँटिन्जन्सीचा विचार करून प्रोव्हिजन केलेली असल्यामुळे अधिक प्रोव्हिजन करण्याची जरूर नाही. येत्या वर्षात रिकव्हरीचे प्रमाण वाढेल. कारण पैसे मिळाल्यावर त्यातून आपण काढलेले कर्ज फेडण्याची आपली संस्कृती आहे.
शीला फोम या कंपनीला त्यांचा जलपाईगुडी प्लांट बंद करायला सांगितला.

ज्युबिलण्ट फूड्स या कंपनीच्या नेदर्लंड्स मधील सबसिडीअरीने ‘फीड्स फूड सिस्टिम्स’ या कंपनीतला ३२.८१% २४.८० मिलियन GBP ला स्टेक घेतला.

अंबुजा सिमेंट या कंपनीचे चौथ्या तिमाहीचे निकाल चांगले आले. कंपनीने Rs १ प्रती शेअर लाभांश जाहीर केला.

आज मार्केटमध्ये सर्वसाधारणतः मंदी होती. सरकार आणि नीती आयोग यांच्यामध्ये बँकांमधील विनिवेशासंबंधात चर्चा होईल आणि पुढील दोन आठवड्यात या बाबतीत निर्णय घेतला जाइल अशी बातमी आल्यामुळे आज सार्वजनिक क्षेत्रातल्या बँकांमध्ये प्रॉफिट बुकिंग झाले. निवडक IT, फार्मा कंपन्या तेजीत होत्या. मार्केट आज शेवटी मंदीतच क्लोज झाले.

आज मी तुम्हाला बायोकॉनचा चार्ट देत आहे. बायोकॉनच्या चार्टमध्ये आपल्याला गॅप दिसत आहे.गॅपचा बॉटम हा रेझिस्टन्स आहे हा रेझिस्टन्स शेअर पार करू शकला नाही आणि आज मारूबोझू कँडल तयार झाली आहे. म्हणजे ओपन होत असताना जी CMP होती तीच हाय प्राईस आहे. गॅप पार केल्याशिवाय शेअरमध्ये तेजी संभवत नाही.

BSE निर्देशांक सेन्सेक्स ५०८८९ NSE निर्देशांक निफ्टी १४९८१ बँक निफ्टी ३५८४१ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १८ फेब्रुवारी २०२१

आज क्रूड US $ ६४.६१ प्रती बॅरल ते US $ ६५.३० प्रती बॅरल या दरम्यान तर रुपया US $१=Rs ७२.६५ ते US $१=Rs ७२.७६ या दरम्यान होते. US $ निर्देशांक ९०.८७ VIX २१.६८ आणि PCR १.१५ होते.

USA मध्ये डाऊ जोन्स तेजीत तर S & P तेजीमंदीत तर NASHDAQ मंदीत होते. युरोपिअन मार्केट्स आणि आशियायी मार्केट्स माफक मंदीत होती.

USA आता कोरोना बरोबरच हवामानाच्या संकटाशीही सामना करत आहे. अतिशय कडक थंडी पडल्यामुळे आणि मोठ्या प्रमाणावर हिमवर्षाव होत असल्यामुळे USA मधील क्रूडचे उत्पादन ४०% बंद आहे, ४० लाख बॅरल्सने कमी झाले आहे. सौदी अरेबिया क्रूडचे उत्पादन वाढवायच्या तयारीत आहे. त्यामुळे आज क्रूडचा भाव US $ ६५ प्रती बॅरलच्या वर होता.
USA मध्ये ट्रेजरी यिल्ड १.३०% पेक्षा जास्त झाले आहे तसेच US $ मजबूत होत आहे त्यामुळे सोने आणि चांदी यात मंदी येत आहे. कॉपर आणि जस्तासाठी औद्योगिक मागणी वाढत असल्यामुळे हे धातू तेजीत होते.
या सर्व गोष्टींमुळे जागतिक संकेत आज सावधगिरीचे होते.

IMF ( आंतरराष्ट्रीय मॉनेटरी फंड) यांनी सांगितले की भारताच्या GDP ग्रोथचा रेट २०२१ मध्ये ११.५% असेल तर २०२२ मध्ये ६.८% असेल. त्यामुळे भारत ही सगळ्या मोठ्या अर्थव्यवस्थानमध्ये सर्वात वेगाने वाढणारी अर्थव्यवस्था होईल. त्यामुळे भारतीय अर्थव्यवस्थेचे जागतिक रेटिंग वाढेल.

आज नोमुरा या रेटिंग एजन्सीने भारताचे रेटिंग ओव्हरवेट केले. अंदाजपत्रकातील विविध रिफॉर्म्समुळे भारताची अर्थव्यवस्था सुधारेल असा अंदाज व्यक्त केला. भारतीय मार्केटमध्ये तेजी आणि मंदीच्या लहरी येत होत्या. त्यामुळे मार्केटमध्ये वोलतालीटी होती.

आज ऑइल आणि गॅस क्षेत्रातली शेअर्समध्ये जबरदस्त तेजी होती. एकतर क्रुडमधील तेजी वाढत आहे. सरकारनी नैसर्गिक गॅस GST च्या कक्षेत आणण्याचे ठरवले. त्यामुळे आता निरनिराळ्या राज्यात लागणाऱ्या राज्य सरकारच्या टॅक्समुळे प्रत्येक राज्यात नैसर्गिक गॅसची किंमत वेगळी आहे ती सर्व देशात एकच दराने आकारली जाईल. त्यामुळे नैसगिर्क गॅस स्वस्त झाल्यामुळे निरनिराळया उद्योगात गॅसबेस्ड इंधन वापरले जाईल. त्यामुळे अर्थव्यवस्थेत गॅस बेस्ड उद्योगाचा वाटा वाढेल. तसेच नैसर्गिक गॅसवर इनपुट टॅक्स क्रेडीटचा फायदा देता येईल का याचाही विचार चालू आहे. सरकारच्या या निर्णयाचा फायदा IGL, MGL, गुजरात गॅस, अडानी गॅस या सिटी गॅस डिस्ट्रिब्युटर कंपन्यांना, गॅस उत्पादन करणाऱ्या कंपन्यांना तसेच फर्टिलायझर उत्पादन करणाऱ्या, सिरॅमिक्स क्षेत्रातील कंपन्यांना होईल. सरकार या ऑइल आणि गॅस इन्फ्रास्ट्रक्चरसाठी येत्या ५ वर्षात Rs ७.५ लाख कोटी खर्च करेल.

इंडस इंड बँकेच्या प्रमोटर्सनी Rs १७०९ प्रतिशेअर या भावाने त्यांच्या शेअर वॉरंटसचे कॉन्व्हर्जन केले. त्यामुळे इंडसइंड बँकेचे भांडवल Rs २०२१ कोटींनी वाढले.आनि फायनान्सियल रेशियोज सुधारले.

अरविंद फॅशन Rs १३५ प्रती शेअर या दराने Rs २०० कोटींचा राईट्स इशू आणण्याची शक्यता आहे

GAIL या कंपनीचा शेअर बायबॅक २५ फेब्रुवारीला ओपन होऊन १० मार्चला बंद होईल. वार्नबॅग पिनकसने भारती टेलिमेडियामधील २०% स्टेक घेतला.

NURECA या कंपनीचा IPO ४० वेळा ओव्हर सबस्क्राईब झाला .

DHFL च्या रिझोल्युशन प्लान RBI ने मंजूर केला. त्यामुळे आता पिरामल कॅपिटलला DHFL ही कंपनी टेकओव्हर करणे शक्य होईल. अर्थात अजून NCLT ची मंजुरी आवश्यक आहे.

SUUTI मधील सरकारजवळ असलेल्या ऍक्सिस बँकेचा १% स्टेक सरकार विकणार आहे.

RBI कडून सरकारला Rs ५७००० कोटींच्या लाभांशाची अपेक्षा आहे.

आज PSU बँका, पॉवर क्षेत्रातील तसेच ऑइल आणि गॅस क्षेत्रातले PSU तेजीत होते.

सरकारने GIC रे आणि युनायटेड इंडिया इन्शुअरन्स कंपनीचे खाजगीकरण करणार असे जाहीर झाल्यामुळे GIC रे आणि न्यू इंडिया अशुअरन्स या कंपन्यांच्या शेअरमध्ये तसेच इतर जनरल इन्शुअरन्स कंपन्यांच्या शेअर्स मध्ये तेजी होती.
युनियन बँक ऑफ इंडिया, बँक ऑफ इंडिया आणि बँक ऑफ बरोडा या तीन सरकारी बँकांनी QIP करण्यासाठी RBI कडे मंजुरी मागितली.

शिल्पा मेडिकेअरच्या तेलंगणामधील युनिटसाठी USFDA ने इम्पोर्ट अलर्ट जारी केला. तीन प्रॉडक्टसना या अलर्टमधून वगळण्यात आले..

डोमेस्टिक हवाई प्रवास करणाऱ्या प्रवाशांची संख्या ३९.५% ने कमी होऊन ७७.३० लाख झाली. या मार्केटमधील स्पाईस जेटचा मार्केटशेअर १२.८% इंडिगोचा ५४.३% आणि एअर इंडियाचा १०.३% होता.

G.E. शिपिंग या भारतीय शिपिंग कंपनीने शिपिंग कॉर्पोरेशन ऑफ इंडिया या कंपनीसाठी बोली दिली.

आज मी तुम्हाला BPCL चा चार्ट देत आहे या कंपनीच्या शेअरमध्ये कन्सॉलिडेशननंतर छोटे करेक्शन आल्यानंतर खरेदी होत आहे. गॅप पूर्ण करून शेअर पूर्णपणे अपट्रेन्ड मध्ये आहे Rs ४३०ला रेझिस्टन्स आहे.तो पार केला तर शेअरमध्ये ब्रेकआउट येण्याची शक्यता आहे.

PSU बँकांमधील तेजी आजही चालू होती. पण दिवसाच्याशेवटी एक्स्पायरी असल्यामुळे प्रॉफिट बुकिंग झाले.
रेलटेल या सरकारी कंपनीच्या IPO ला गुंतवणूकदारांनी भरघोस पाठिंबा दिला. हा IPO ३७ वेळा ओव्हरसब्सक्राइब झाला.

BSE निर्देशांक सेन्सेक्स ५१३२४ NSE निर्देशांक निफ्टी १५११९ बँक निफ्टी ३६५८७ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १७ फेब्रुवारी २०२१

आज क्रूड US $ ६३.४५ प्रती बॅरल ते US $ ६३.९६ प्रती बॅरल या दरम्यान तर रुपया US $१= Rs ७२.८३ ते US $ १= Rs ७२.९१ यास दरम्यान होते. US $ निर्देशांक ९०.७५ VIX २१.५८ PCR १.३० होता.

आज USA आणि कॅनडामधी खूपच बर्फवृष्टी होत असल्याने क्रूड आणि नैसर्गिक गॅस यांच्यात तेजी होती. USA मध्ये ट्रेजरी यिल्ड वाढले त्यामुळे सोने मंदीत होते, चांदीतही मंदी होती.

IOB ही बँक PCA मधून बाहेर पडेल. सरकारने तसे पत्र RBI लिहिले आहे. आज बॅंकांमध्येही त्याच्यात विशेषतः सार्वजनिक क्षेत्रातील सरकारी बँका यांच्यात तेजी होती.

३ मार्चला मेरिकोच्या बोर्ड ऑफ डायरेक्टर्सची लाभांशावर विचार करण्यासाठी बैठक आहे. मॅग्मा फिनकॉर्प या कंपनीच्या शेअर्ससाठी ८ एप्रिल २०२१ ते २६ एप्रिल २०२१ दरम्यान ओपन ऑफर आणली जाईल.

चीनमधील कंपन्यांकडून होणाऱ्या SG बेस स्टेशन, नेटवर्क, अँटेना, राउटर या सारख्या नेटवर्किंग आणि टेलिकॉम उपकरणांच्या आयातीवर अवलंबून राहायला लागू नये म्हणून सरकारने आज या आणि इतर उपकरणांच्या उत्पादनासाठी PLI (प्रॉडक्शन लिंक्ड इन्सेन्टिव्ह ) योजना जाहीर केली. ही योजना ५ वर्षे मुदतीची असेल. या योजनीसाठीए सरकार Rs १२१९४ कोटींची तरतूद केली आहे. या योजनीचा फायदा ITI, तेजस नेटवर्क, स्टरलाईट टेक्नॉलॉजी, HFCL, पॅरामाऊंट कम्युनिकेशन, स्मार्ट लिंक, D -लिंक या कंपन्यांना होईल. या मुळे आज. या सर्व कंपन्यांच्या शेअर्समध्ये तेजी होती. ही स्कीम १ एप्रिल २०२१ पासून लागू होईल. या योजनेमुळे Rs २.४५ लाख कोटी उत्पादन, Rs १.९५ लाख कोटी निर्यात वाढेल आणि ४०००० नवीन माणसांना काम उपलब्ध होईल

आज मॉरीशस इकॉनॉमिक पार्टनरशिप कराराला मंजुरी मिळाली.

आज सरकारने कॅप्टिव्ह कोल माईन्स तसेच इतर खनिज उत्पादनाचे ५०% उत्पादन ओपन मार्केटमध्ये विक्री करायला मंजुरी दिली. यात आयर्न ओअर, ब्रोमाइड बॉकसाईट यांचा समावेश आहे. भारतात सरकारने हे मंजूर काही अटींवर दिली आहे.

आज मी तुम्हाला HDFC लाईफ या कंपनीचा चार्ट देत आहे. चार दिवसांच्या कन्सॉलिडेशननंतर शेअर तेजीत आला. इम्पॉर्टन्ट सपोर्ट वरून वाढत आहे. दिवसाचा नांवें हाय चांगल्या व्हॉल्युम सह दिसत आहे.आजच्या या शेअरच्या लाल कँडल ( मंदीच्या ) कमी व्हॉल्युमी आणि तेजीच्या कँडल्स जास्त व्हॉल्यूमने तयार होत आहेत.

BSE निर्देशांक सेन्सेक्स ५१७०४ NSE निर्देशांक निफ्टी १५२०८ बँक निफ्टी ३६९१० वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १६ फेब्रुवारी २०२१

आज क्रूड US $ ६३.१५ प्रती बॅरल ते US $ ६३.६५ प्रती बॅरल या दरम्यान तर रुपया US $१= Rs ७२.६४ ते US $१=Rs ७२.७६ या दरम्यान तर US $ निर्देशांक ९०.२२ VIX २१.६७ PCR १.४० होते.

आज USA मध्ये खूप हिमवृष्टी झाली त्यामुळे क्रूड आणि नैसर्गिक गॅस तेजीत होते. जर्मनी, UK , फ्रान्स येथील मार्केट्स तेजीत होती. हवामान अती थंड असल्यामुळे रिफायनरीज बंद होत्या. चीन आणि तैवानची मार्केट्स बंद होती.

लेमन ट्री या कंपनीने ऍक्सिस बँक आणि IDBI चे कर्ज फेडले. त्यामुळे लेमन ट्री हॉटेल्सचा शेअर माफक तेजीत होता.
DFM फूडचे रेटिंग क्रिसिलने काढून टाकले होते. ते आता पुन्हा बहाल केले.

‘HERANBA केमिकल्स ‘ या गूजरात बेस्ड क्रॉप प्रोटेक्शन केमिकल मॅन्युफॅक्चरिंग कंपनीचा Rs ६२५ कोटींचा IPO २३ फेब्रुवारी ते २५ फेब्रुवारी २०२१ या दरम्यान येत आहे.कंपनी ९०,१५,००० शेअर्सची OFS आणि Rs ६० कोटींचा फ्रेश इशू आणत आहे. या IPO चा प्राईस बँड Rs ६२६ ते Rs ६२७ आहे, मिनिमम लॉट २३ शेअर्सचा आहे. . ही कंपनी १९९६ ला स्थापन झाली . ही कंपनी सिंथेटिक PYRETHROIDS, पेस्टीसाइड्स, फंगीसाईड्स, आणि हर्बिसाईड्स बनवते. रॅलिज, सुमिमोटो केमिकल्स, भारत रसायन या कंपनीच्या बिझिनेस क्षेत्रात काम करणाऱ्या PEER कंपन्या आहेत.

CREDIT SUISSE ने भारताचे रेटिंग अपग्रेड केले.क्रूड ,कार्स यांच्यासाठी मागणी वाढली. भारताच्या साधन संपत्तीत वाढ झाली. भारताने कोरोनाच्या काळात अर्थव्यवस्था चांगली सांभाळली म्हणून रेटिंग वाढवले. चीन आणि थायलंड यांच्या बाजाराचे रेटिंग घटवले.

क्रूड आणि नैसर्गिक गॅसमधील तेजीचा फायदा पेट्रोनेट LNG आणि गेल यांना होईल.

निफ्टीमध्ये GAIL च्या जागी टाटा कंझ्युमर्स या कंपनीचा समावेश होईल.

सरकारने बँक ऑफ इंडिया, सेंट्रल बँक, इंडियन ओव्हरसीज बँक, आणि बँक ऑफ महाराष्ट्र या चार बँकांना खाजगीकरणासाठी शॉर्टलिस्ट केले त्यामुळे चार बँकेत जबरदस्त व्हॉल्यूमने खरेदी होती. इंडियन ओव्हरसीज बँकेत सरकारचा सगळ्यात जास्त स्टेक आहे आज इतर राष्ट्रीयीकृत विशेषतः इंडियन बँकेत आणि खाजगी बँकांमध्ये खरेदी झाली. कॅपिटल गुड्स इंडस्ट्रीज, NBFC मध्ये खरेदी झाली.

‘पॉलिसी बाजार डॉट कॉम’ च्या IPO ची तयारी सुरु झाली आहे. याचा परिणाम इन्फोएज वर होईल.

इंडिगो लवकरच बिझिनेस ट्रॅव्हल सुरु करण्याची शक्यता आहे. इंडिगोने AEROTROPOLIS BENGAL बरोबर दुर्गापूरहून सेवा सुरु करण्यासाठी करार केला.

ब्रूकफील्ड च्या ‘REIT चे Rs २८१ वर लिस्टिंग झाले.

क्लॅरियंट केमिकल्स ही कंपनी इंडिया ग्लायकॉलमधील ५१% स्टेक Rs ५०० कोटींना खरेदी करेल. हा स्टेक खरेदी केल्यावर इंडिया ग्लायकॉलचा स्पेशालिटी केमिकल बिझिनेस क्लॅरियंट केमिकलच्या मालकीचा होईल. या स्टेक विक्रीच्या रकमेतून इंडिया ग्लायकोल कर्ज फेडेल. केमिकल बिझिनेसचा जो भाग इंडिया ग्लायकॉलकडे राहील त्यासाठी वेगळी सबसिडी बनवली जाईल.त्यामुळे आज इंडिया ग्लायकॉल चा शेअर वाढला.

टाटा कम्युनिकेशनने गूगल क्लाउडबरोबर भारतात क्लाउड ऍडॉप्शनसाठी करार केला.

इंडिया रेटिंगने वेदांताचे रेटिंग सुधारले. आऊटलूक निगेटिव्ह बदलून स्टेबल केला.

लोढा डेव्हलपर्स हे त्यांच्या मायक्रोटेक या कंपनीच्या Rs २५०० ते Rs २७०० कोटींच्या IPO साठी अर्ज देतील. या IPO च्या रकमेतून कर्ज कमी करण्याचा संभव आहे.

वरुण बिव्हरेजीस या कंपनीचे निकाल ठीक होते. उत्पन्न वाढले, कंपनीचा तोटा कमी झाला.

R सिस्टिम्स या कंपनीचे तिसऱ्या तिमाहीचे निकाल चांगले होते.

नेस्ले या कंपनीचे प्रॉफिट Rs ४७३ कोटींवरून Rs ४८३ कोटी झाले. उत्पन्न Rs ३१४९ कोटींवरून Rs ३४३३ कोटी झाले.ऑपरेटिंग मार्जिन २२.६१% राहिले. कंपनीने Rs ६५ प्रती शेअर लाभांश जाहीर केला.

आज मी तुम्हाला वेदांता या कंपनीचा चार्ट देत आहे. आज या शेअरने ८ जानेवारी २०२१ चा हाय पार केला तसेच एप्रिल २०१९ नंतर हायवर आहे. Rs १८५ ते Rs १९० ही रेझिस्टन्स लेव्हल तोडली आहे.

कृष्णा गोदावरी बेसिनमधून नैसर्गिक गॅसचे उत्पादन वाढेल असा रिपोर्ट आल्यामुळे ONGC च्या शेअरमध्ये तेजी होती.
हेरिटेज फूड्स या कंपनीने फ्रेंच योगुर्ट प्रोडक्ट ‘MAMIE YOVA ‘ लाँच केले.

आजपासून रेलटेल या रेल्वेशी संबंधित सरकारी कंपनीचा IPO ओपन झाला. पहिल्या दिवशी हा IPO पूर्णपणे सबस्क्राईब झाला.

अडानी पोर्ट्सने महाराष्ट्रातील दिघी पोर्ट्सचे अधिग्रहण केले.

BSE निर्देशांक सेन्सेक्स ५२१०४ NSE निर्देशांक निफ्टी १५३१३ बँक निफ्टी ३७०९८ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १५ फेब्रुवारी २०२१

आज क्रूड US $ ६३.२१ प्रति बॅरेल ते US $ ६३.६८ प्रती बॅरल या दरम्यान तर रुपया US $१= Rs ७२.५६ ते US $१= Rs ७२.६९ या दरम्यान होते. US $ निर्देशांक ९०.३५ VIX २१.९३ PCR १.४३ होते.

आज चीन आणि हॉंगकॉंग तसेच USA मधील मार्केट्स बंद होती. सोने आणि चांदी माफक तेजीत होती. कॉपर अल्युमिनियम निकेल तेजीत होते. आज क्रूडही तेजीत होते. भारतीय मार्केट्समध्ये आज IT, आणि फायनान्सियल सेक्टर मध्ये तेजी होती.आज सेन्सेक्सने ५२१७७, निफ्टीने १५३२६ आणि बॅँक निफ्टीने ३७३०६ हा ऑल टाइम हाय इंट्राडे पार केला.

हॅवेल्स ही कंपनी राजस्थानमध्ये नवीन वॉशिंग मशीन उत्पादन करण्याचा प्लान्ट लावणार आहे. त्यामुळे कंपनीचा शेअर तेजीत होता.

CDSL डिमॅट अकौंटहोल्डर्सच्या संख्येने ३ कोटींचा आकडा पार केला. आज CDSL च्या शेअरमध्ये खरेदी दिसून आली.
जानेवारी २०२१ या महिन्यासाठी WPI ( होलसेल प्राईस इंडेक्स) २.०३% होता. ( डिसेंबर २०२० मध्ये हा इंडेक्स १.२२% होता). प्रायमरी आर्टिकल्स, मॅन्युफॅक्चअरिंग प्रॉडक्टस आणि फ्युएल आणि पॉवर यांची महागाई वाढली तर अन्नधान्य, भाजीपाला यांची महागाई कमी झाली.

TVS मोटर्सने UAE मध्ये त्यांची उत्पादने लाँच आणि डिस्ट्रिब्युट करण्यासाठी ‘पब्लिक मोटर्स’ बरोबर करार केला.
RBIने डेप्युटी गव्हर्नरच्या अध्यक्षतेखाली प्रायमरी अर्बन कोऑपरेटिव्ह बँक सेक्टर मजबूत करण्यासाठी प्रस्ताव देण्यासाठी एक तद्न्यांची समिती नेमली.

टाटा मोटर्स ने आज सांगितले की आमची कंपनी २०२५ पर्यंत DEBT फ्री होईल. आमची मार्जिन ग्रोथ २०२५ पर्यंत डबल डिजीट होईल.कंपनी जग्वार आणि लँडरोव्हरचे इलेक्ट्रिक व्हेरियंट २०२५ पर्यंत लाँच करेल. त्यामुळे आज टाटा मोटर्स आणि टाटा मोटर्स DVR या शेअर्स मध्ये तेजी आली.

कोविडच्या संकटाची छाया आता थोडी कमी व्हायला लागली आहे. उद्योग, व्यापार आता बर्याच प्रमाणात स्थिरावायला लागले आहेत. २०२१च्या तिसऱ्या तिमाहीने या विश्वासाला

बर्याच प्रमाणात दुजोरा दिला. कारण तुरळक अपवाद वगळता यावेळी बहुतेक क्षेत्रातील बहुसंख्य कंपन्यांचे तिसऱ्या तिमाहीचे निकाल सकारात्मक आले आहेत. त्याच बरोबर सरकार ही विविध योजनांद्वारा अर्थव्यवस्था प्रीकोविड स्तरावर येउन तिची प्रगती व्हावी असा प्रयत्न करत आहे. अंदाजपत्रकातील सरकारी खर्च ( भांडवली आणि रेव्हेन्यू) वाढवण्याच्या निर्णयामुळे मागणी वाढेल आणि या मागणीला प्रतिसाद म्हणून पुरवठा वाढवण्याचा उद्योग प्रयत्न करतील. त्यासाठी क्रेडिटची आवश्यकता असेल आणि त्यामुळे आज सरकारी, खाजगी बँका, NBFC आणि होम फायनान्सिंग कंपन्या यात तेजी आली. बँक निफ्टीच्या १२ शेअर्समध्ये तेजी होती. SBI ने Rs ५ लाख कोटी होमलोन देण्याचे लक्ष्य ठेवले आहे.

सरकारने ज्या बँकांना कॅपिटलची गरज असेल त्यांना रिकॅपिटलायझेशन करण्यासाठी अंदाजपत्रकात तरतूद केली आहे. RBI ने आश्वस्त केले आहे की आम्ही अर्थव्यवस्थेमध्ये लिक्विडीटी योग्य स्तरावर राहील याची काळजी घेऊ.तसेच सरकारने सांगितले की एका मर्यादेपेक्षा जास्त असलेले NPA एका SPV किंवा बॅड बँकेकडे ट्रान्स्फर करू . डिसेम्बरसाठी IIP पॉझिटिव्ह झाला आहे आणि जानेवारी साठी CPI ४% च्या आसपास आहे. या सर्व सकारात्मक संकेतांमुळे बँकांना प्रगती करायला योग्य स्पेस उपलब्ध असेल. पूनावालांनी मॅग्मा फिनकॉर्प खरेदी केली, गोदरेज ग्रुप होम फायनान्सच्या क्षेत्रात येत आहे. NBFC चे रीरेटिंग होण्याची शक्यता आहे.त्यामुळे आज प्रथम खाजगी बँकांमध्ये आणि नंतर PSU बँकांमध्ये खरेदी झाली. ऑटो आणि रिअल्टी क्षेत्रातील रिकव्हरीमुळे ऑटो फायनान्स कंपन्या आणि होम फायनान्स कंपन्यांमध्येही तेजी होती. त्यामुळे आज भारतीय मार्केटमधील तिन्ही निर्देशांकांनी इंट्राडे ऑल टाइम हायला स्पर्श केला.

गुजरात अपोलो या कंपनीने Rs २२२ प्रती शेअर या दराने शेअर बायबॅक जाहीर केला.

अमर राजा या कंपनीने आंध्र प्रदेशात नवीन सोलर प्लांट लावला.

NURECA हा IPO १५ फेब्रुवारी २०२१ ला ओपन होऊन १७ फेब्रुवारीला बंद होईल. प्राईस बँड Rs ३९६ ते Rs ४०० आहे. मिनिमम लॉट ३५ शेअरचा आहे. Rs १० दर्शनी किमत आहे.कंपनी हेल्थकेअर आणि वेलनेस प्रॉडक्टसची डिस्ट्रिब्युटर आहे. ह्या शेअरचे लिस्टिंग २६ फेब्रुवारीला होईल. पहिल्या दिवशी हा IPO एकूण ५.७३ वेळा आणि रिटेल कोटा ३१ वेळा भरला.

इरकॉनने त्यांच्या बोर्ड ऑफ डायरेक्टर्स च्या बैठकीत बोनस शेअर इशू न करण्याचा निर्णय घेतला.कंपनीने Rs १.३० प्रती शेअर असून त्यासाठी रेकॉर्ड डेट २४ फेब्रुवारी आहे.

आज SIS या कंपनी Rs ५५० प्रती शेअर या भावाने टेंडर ऑफर रूटने १८ लाख शेअर्स बायबॅक करण्यासाठी Rs १०० कोटी खर्च करेल.

आरोहण फायनान्सियलस या कंपनीने Rs ८५० कोटींच्या IPO साठी DRHP दाखल केले.

सरकारने दोन बँकांच्या खाजगीकरणासाठी बँक ऑफ महाराष्ट्र, बँक ऑफ इंडिया, IOB आणि सेंट्रल बँक यांना शॉर्टलिस्ट केले.

RBI २५ फेब्रुवारीला Rs १०,००० कोटींच्या सरकारी सिक्युरिटीजची खरेदी विक्री करेल. उद्या नेस्ले आपले तिमाही निकाल जाहीर करेल.

आज आलेल्या निकालात मयूर UNIQUOTERS, टी व्ही टुडे, इन्फोएज, ग्लेनमार्क फार्मा, गॉडफ्रे फिलिप्स, GIC हौसिंग फायनान्स, बोरोसिल रिन्यूएबल्स, IRFC, कोची शिपयार्ड यांचे निकाल चांगले आले. ONGC,शिल्पा मेडिकेअर, GMR इन्फ्रा, फोर्स मोटर्स, टिमकीन इंडिया, शोभा,MOIL, ड्रेजिंग कॉर्पोरेशन यांचे तिसऱ्या तिमाहीचे निकाल सर्वसाधारण होते.

आज मी तुम्हाला स्टार पेपर या कंपनीचा चार्ट देत आहे. स्टार पेपर आज ५० DMA च्या वर उघडला आणी तोच त्याचा लो पाईंट आहे. MA, ५० DMA च्यावर ब्रेकआउटहोत आहे. डबल बॉटम पॅटर्न तयार झाला होता त्याच्या मध्यावर कन्फर्म झाला. ही DEBT फ्री कंपनी आहे. बिजीनेस आता हळूहळू सामान्य स्थितीत येत आहे. बहुतेक ठिकाणी शाळा कॉलेजीस तसेच ऑफिसेस उघडायला परवानगी मिळत आहे. त्यामुळे कंपनीची विक्री वाढण्याची शक्यता आहे.

BSE निर्देशांक सेन्सेक्स ५२१५४ NSE निर्देशांक निफ्टी १५३१५ वर आणि बँक निफ्टी ३७३०६ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!