आजचं मार्केट – २६ मार्च २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २६ मार्च २०२१

आज क्रूड US $ ६२.४६ प्रती बॅरल ते US $ ६२.९१ प्रती बॅरल या दरम्यान तर रुपया US $१= Rs ७२.४० ते US $ ७२.६२ या दरम्यान होते US $ निर्देशांक ९२.७५ VIX १८.२३ PCR १.५६ होते. USA १० वर्षे बॉण्ड यिल्ड १.६७ होते.

USA मध्ये बेकारी भत्ता मिळण्यासाठी अर्ज करणाऱ्यांची संख्या कमी झाली. रोजगारीचे आकडे चांगले आले. हवामानाशी संबंधित अडथळे कमी झाल्यामुळे आर्थीक ऍक्टिव्हिटी वाढली. GDP ग्रोथ रेटचे लक्ष्य ४.३% पर्यंत वाढवले.

आज कल्याण ज्युवेलर्सचे BSE वर Rs ७३.९० आणि NSE वर Rs ७३.९५ वर लिस्टिंग झाले. सूर्योदय स्माल फायनान्स बँकेचे BSE वर Rs २९३.०० तर NSE वर Rs २९२.०० वर लिस्टिंग झाले. एकंदरच वाढत्या कोरोना प्रादुर्भावामुळे मार्केटमधील प्रॉफिट बुकिंगची झळ या लिस्टिंग्जना बसली.

प्रायव्हेट ट्रेन चालवण्यासाठी फायनान्सियल बीड सादर करण्याची मुदत आता ३० जून पर्यंत वाढवली. या प्रोजेक्टमध्ये GMR इन्फ्रा, IRB इन्फ्रा, IRCTC यांनी स्वारस्य दाखवले होते. त्यामुळे ह्या शेअर्समध्ये तेजी आली.

आज सुप्रीम कोर्टाने टाटा विरुद्ध शापूरजी पालनजी या खटल्यात टाटा ग्रुपच्या बाजूने निकाल दिला. त्यामुळे आज टाटा ग्रुपच्या सर्व शेअर्स मध्ये तेजी होती. टाटा स्टील. टाटा स्टील लॉन्ग प्रोडक्टस, टाटा कन्झ्युमर प्रॉडक्टस, टाटा कॉफी, TCS, टाटा एलेक्सि, टाटा मोटर्स इत्यादी टाटा ग्रुपच्या शेअर्समध्ये तेजी आली.

काँकॉर या सार्वजनिक क्षेत्रातील सरकारी कंपनीचा विनिवेश लँड लायसेन्स फी ( काँकॉर रेल्वेला रेल्वेची जमीन वापरण्यासाठी काँकॉर रेल्वेला देत असलेले चार्जेस) जास्त असल्यामुळे उशीर होत होता. आता या लँड लायसेन्स फी वर विचार करण्यासाठी उच्च स्तरीय बैठक आयोजित करण्यात आली आहे. या बातमीनंतर काँकॉर च्या शेअरमध्ये तेजी आली.

आज श्री राम सिटी युनियन कंपनीने Rs १० लाभांश जाहीर केला. RVNL या कंपनीने Rs १.१४ प्रती शेअर लाभांश जाहीर केला.या लाभांशासाठी ८ एप्रिल ही रेकॉर्ड देत आहे

डेन नेटवर्क्स ही कंपनी त्यांचा OFS २६ मार्च आणि ३० मार्च य दोन दिवशी ११.६३% स्टेक म्हणजे ५.५४ कोटी शेअर्स Rs ४८.५० या फ्लोअर प्राईसने आणत आहे. या शेअरमध्ये ५२ वीक हाय Rs ११५ आणि ५२ वीक लो Rs २५.८५ होता. ही कंपनी OFS द्वारे Rs २६९ कोटी उभारेल. हाथवे केबल्स ही कंपनी १९.०९% स्टेक म्हणजे ३३८ मिलियन शेअर्स शेअर्सचा OFS २६ मार्च आणि ३० मार्च २०२१ रोजी करणार आहे. याची फ्लोअर प्राईस Rs २५.२५ असेल. या शेअरची ५२ वीक हाय प्राईस Rs ५७.४५ आणि ५२ वीक लो प्राईस Rs ११.१० होती.ही कंपनी OFS द्वारे Rs ८५३.०० कोटी उभारेल. ह्या दोन्हीही कंपन्या प्रमोटर्सचा स्टेक ७५% किंवा त्यापेक्षा कमी करण्याकरता हे OFS आणत आहेत.

LIC ने RVNL या कंपनीमध्ये ८.७२% स्टेक म्हणजेच १८.१८ कोटी शेअर्स खरेदी केले. या शेअरचा ५२ वीक हाय Rs ३५.६० आणि ५२ वीक लो Rs १०.३५ होते.

M & M मध्ये महिंद्रा इलेक्ट्रिक ही कंपनी मर्ज करण्यासाठी मंजुरी मिळाली.

JSW स्टील ही कंपनी भूषण पॉवर आणि स्टीलच्या खरेदीसाठी ( रेझोल्यूशन) Rs १९३५० कोटी देणार आहे. याचा फायदा कर्ज देणार्या युनियन बँक, कॅनरा बँक, PNB आणि इतर बँकांना होईल.

कॉम्प्युकॉम सॉफ्टवेअर या कंपनीला Rs ६६.९९ कोटींचे ५२५ सरकारी शाळेत कॉम्प्युटर शिक्षणासाठी,( कॉम्प्युटर सिस्टीमचा पुरवठा, इन्स्टॉलेशन, आणि ऑपरेशन) कॉन्ट्रॅक्ट मिळाले.

सौदी आरामकोबरोबर रिलायन्स इंडस्ट्रीज चा रिलायन्स इंडस्ट्रीजच्या O २ C बिझिनेस मधील २०% स्टेक घेण्यासाठी करार झाला होता. हा करार मार्च २०२० पूर्वी पूर्ण व्हायचा होता. पण सौदी आरामकोची US$ ७५ बिलियन डिविडेंड देण्यासाठीची कमिटमेंट आणि क्रूडच्या सतत पडत असलेल्या किमती यामुळे हे डील पूर्ण होण्यास उशीर होत आहे / अडचणी येत आहेत. यामुळे रिलायन्स इंडस्ट्रीजचा शेअर एका मर्यादित रेंजमध्ये फिरत आहे.

आज मी तुम्हाला गोदरेज कन्झ्युमर या कंपनीचा चार्ट देत आहे. या शेअरचा मार्केट पडण्याला सुरुवात होण्याआधीच बॉटम झाला होता. मार्केट पडत असताना हा शेअर सुधारत होता.इन्व्हर्स हेड अँड शोल्डर नेक लाईन ब्रेकआऊट Rs ७०५ च्या वर गेल्यावर होईल.

BSE निर्देशांक सेन्सेक्स ४९००८ NSE निर्देशांक निफ्टी १४५०७ बँक निफ्टी ३३३१८ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.