Monthly Archives: August 2022

आजचं मार्केट – ८ ऑगस्ट २०२२

आज क्रूड US $ ९५.२० प्रती बॅरल्सच्या आसपास तर रुपया US $१= Rs ७९.६० च्या आसपास होते. US $ निर्देशांक १०६.६० USA १० वर्षे बॉण्ड यिल्ड २.८२ VIX १९.३२ होते.

SBI ची क्रेडिट ग्रोथ १५.८% झाली आहे. व्यवस्थापनाने सांगितले की ही क्रेडिट ग्रोथ FY २३ मध्ये चालू राहील.नॉन इंटरेस्ट उत्पन्न ८०% कमी झाले. सरकारी सेक्युरिटीजमध्ये केलेल्या इन्व्हेस्टमेंटवर बॉण्ड यिल्ड वाढल्यामुळे मार्क टू मार्केट लॉसेस बुक करावे लागले. जर नजीकच्या भविष्यात बॉण्ड यील्ड वाढले तर आणखी प्रोव्हिजन करावी लागेल आणि बॉण्ड यिल्ड कमी झाले तर मार्क टू मार्केट लॉसेस कमी होतील. रिटेल लोनमध्ये १८% ग्रोथ झाली.स्लीपेजिस कमी झाले आहेत आणि नजीकच्या भविष्यात कमी होतील असे व्यवस्थापनाने सांगितले.स्लीपे जिस Rs १०११६ कोटी झाली. स्लीपेजिसमध्ये Rs २५०० कोटी ऍग्री आणि Rs २५०० कोटी रिटेलमधील आहेत. २२ तिमाहीचा विचार करता सगळ्यात कमी ग्रोथ डिपॉझिट्समध्ये झाली. बँकेकडे Rs १२०००० कोटींची लोन प्रस्ताव आहेत आणि अनयुटिलाइझ्ड क्रेडिट गॅप आणि इतर फॅसीलीटीज चा समावेश करता Rs ६००००० कोटींची ग्रोथ अपेक्षित आहे.

कॉर्पोरेट क्रेडिटमध्ये ग्रोथ होईल ‘योनो’ लोनमध्ये FY २३ मध्ये Rs ८०००० कोटी लोन दिली जातील असे अनुमान व्यवस्थापनाने सांगितले. SBI च्या कोणत्याही सबसिडीअरीजचा IPO आणण्याचा कोणताही विचार नाही.

NYKAA चे उत्पन्न Rs ११४८ कोटी प्रॉफिट Rs ५ कोटी आणि मार्जिन ४% झाले. GMV ४७% ने वाढून Rs २१५६ कोटी झाले. यात ब्युटी आणि पर्सनल याचा यात ६९% शेअर आहे. ब्युटी आणि पर्सनलच्या ८१ लाख ऑर्डर्स मिळाल्या.. फॅशन साठी १५ लाख ऑर्डर्स मिळाल्या. कंपनीची ११२ स्टोर्स झाली आहेत.

आज बँका, एनर्जी, कॅपिटल गुड्स आणि संरक्षण क्षेत्रातील कंपन्यांच्या शेअर्स मध्ये खरेदी झाली
BSE निर्देशांक सेन्सेक्स ५८८५३ NSE निर्देशांक निफ्टी १७५२५ बँक निफ्टी ३८२३७ वर बंद झाले.

Bhagyashree Phatak

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ५ ऑगस्ट २०२२

आज क्रूड US $ ९४.२० प्रती बॅरलच्या आसपास तर रुपया US $१= Rs ७९.२० च्या आसपास होते US $ निर्देशांक १०६.६७ USA १० वर्षे बॉण्ड यिल्ड २.८१ तर VIX १९ होते.

बँक ऑफ इंग्लंडने त्यांच्या दरात ०.५०% वाढ केली आता रेट १.७५ % आहे.

USA मध्ये मंकीपॉक्स संबंधित आणीबाणी जाहीर झाली.

१२ लाख टन साखरेच्या अतिरिक्त निर्यातीला सरकारने परवानगी दिली.

आज RBI ने त्यांच्या द्विमासिक वित्तीय धोरणाची घोषणा केली. रेपोरेटमध्ये, SDF रेटमध्ये (स्टँडिंग डिपॉझिट रेट) आणि MSF (मार्जिनल स्टँडिंग फॅसिलिटी) रेट मध्ये ०.५०% वाढ केली. बँकेने वाढत्या महागाईबद्दल चिंता व्यक्त केली. बँकांमध्ये चांगली क्रेडिट ग्रोथ आहे आणि समाधानकारक पावसामुळे अर्थव्यवस्थेत सुधारणा अपेक्षित आहे असे RBI ने सांगितले.

HSIL ही कंपनी (आता नाव AGI ग्रीनपॅक असे नाव बदलले आहे ). ही कंपनी ग्लास पॅकेजींग व्यवसायात असून मार्केट शेअर २०% आहे. ही कंपनी ग्लास कंटेनर साठी मद्यार्क उत्पादन करणाऱ्या कंपन्यांबरोबर काम करते. मल्टी फ्युएल वापरते. क्रूडचा दर वाढला, रशिया युक्रेन युद्धामुळे एनर्जीच्या किमती वाढल्या.पण कंपनीने ही दरवाढ ग्राहकांकडे पास ऑन केली . पण त्यावेळेला जर लॉन्ग टर्म कॉन्ट्रॅक्ट असते तर कंपनीला फायदा मिळाला असता. कंपनी आधी शॉर्ट टर्म कॉन्ट्रॅक्ट करत होती पण आता ५ वर्षांचा करार करणार आहे .परदेशात कंझम्पशन पॅटर्न वेगळा आहे तर भारतातील वेगळा आहे. अल्कोहोलिक बिव्हरेजीसमध्ये सरकारचा टॅक्स ६०% असतो.भारतातील कन्झम्पशन पॅटर्न बदलेला नाही. फूड, बिव्हरेजीस, सॉफ्ट ड्रिंक मध्ये ग्रोथची संभावना आहे.नवीन युनिटमध्ये परफ्युम कॉस्मेटिक्स कोल्ड ड्रिंक्स औषधे यासाठी लागणाऱ्या ग्लास पॅकेजिसचे उत्पादन करणार आहे कारण आता कोरोना पासून ग्राहकांची परफ्यूम्स कॉस्मेटिक्स औषधे ह्यांच्या हायजिनच्या बाबतीत जागरूकता वाढली. ग्राहक या मध्ये डेकोरेटेड बॉटल्स पसंद करतात.

डाबर ही कंपनी इजिप्त, नेपाळ, टर्की येथे कार्यरत आहे या मार्केट्समध्ये चांगले वातावरण आहे. वातावरण जरी आव्हानात्मक असले तरी मार्जिन मेंटेन करू शकेल. आमची स्थिती वेगळी आहे.

कोरोनाच्या काळात च्यवनप्राश मध यांची विक्री जास्त झाली. ज्यूसमध्ये मार्जिन कमी असते तर हेल्थकेअरमध्ये मार्जिन जास्त असते. उन्हाळ्यात ज्युसची तर हिवाळ्यात हेल्थकेअरप्रॉडक्टस ची विक्री जास्त होते. नॉर्थ अमेरिकेत जास्त ग्रोथ होऊ शकली नाही. खोबरेल तेल, टूथ पेस्ट, यांची विक्री चांगली. च्यवनप्राश मध यात मार्केट शेअर वाढला. १ लाख खेड्यात आम्ही व्यवसायाचा विस्तार करत आहोत. असे कंपनीने सांगितले.

BSE निर्देशांक सेन्सेक्स ५८३८७ NSE निर्देशांक निफ्टी १७३९७ बँक निफ्टी ३७९२० वर बंद झाले.

Bhagyashree Phatak

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ४ ऑगस्ट २०२२

आज क्रूड US $ ९७.१० प्रती बॅरलच्या आसपास तर रुपया US $१ = ७९.५० च्या आसपास होते. US $ निर्देशांक १०६.३८ USA १० वर्षे बॉण्ड यिल्ड २.७२ VIX १९.०० होते.

KEC इंटरनॅशनल ह्या कंपनीला FY २०२२-२३ या वर्षात Rs ३२०० कोटींच्या ऑर्डर्स मिळाल्या. या वर्षी प्रोजेक्ट एक्झिक्युशन मध्ये वेग आला आहे. कंपनीकडे Rs ७००० कोटींच्या L १ ऑर्डर आहेत. आता एकूण टोटल ऑर्डर बुक Rs ३०,००० कोटी आहे. कंपनीला बहुसंख्य ऑर्डर्स सौदी अरेबिया आणि इतर मध्य पूर्वेतील देश, आफ्रिका आणि उत्तर अमेरिका (मेक्सिको) मधून येतात. रेल्वे आणि सिविल, रेसिडेन्शियल, औद्योगिक त्यात सिमेंट मेटल्स आणि मायनिंग उद्योगातील आणि पब्लिक सेक्टरमधून वॉटर पाईपलाईन प्रोजेक्टच्या ऑर्डर्स मिळतात. हल्ली आफ्रिकेत स्लोडाऊन असल्यामुळे तेथून ऑर्डर्स येणे कमी झाले आहे.

कंपनीने डाटा सेंटरच्या व्यवसायात पदार्पण केले आहे. संरक्षण मंत्रालयासाठी बनवलेले डाटा सेंटर संरक्षण मंत्रालयाला सुपूर्द केली आहे. डेटा सेंटर्सच्या व्यवसायात Rs ७०० ते Rs ८०० कोटींच्या ऑर्डर्स अपेक्षित आहेत.

कंपनीला कोरोना निर्बंधांच्या काळात फिक्स्ड प्राईस प्रोजेक्ट घ्याव्या लागल्या यात मार्जिन कमी असायचे. आता परिस्थिती बदलली आहे. मेटल्स आणि इतर कच्च्या मालाच्या किमती कमी होत आहेत त्यामुळे तिसया तिमाहीत फायदा आणि मार्जिन वाढण्याची शक्यता आहे.

धानुका एग्रीटेक ह्या कंपनीचे एप्रिल मे महिन्यात विक्रीत चांगली ग्रोथ झाली पण जून मधील विक्री जुलैमध्ये बदली झाली. दुसऱ्या तिमाहीत विक्री वाढेल असा कंपनीला विश्वास आहे. इन्सेक्टीसाईड्स मध्ये विक्री थोडी कमी झाली असली तरी हमिसाईड्समध्ये चांगली ग्रोथ दिसली. कंपनीने दोन नवीन प्रोडक्टस लाँच केली आहेत त्यांना चांगला प्रतिसाद मिळाला. कंपनी Rs १५० कोटी क्षमता विस्तारावर खर्च करेल. कंपनीच्या प्रॉडक्टसची विक्री पश्चिम भारत आणि दक्षिण भारतात होते. उत्तर भारतात आता विक्रीत चांगली वाढ होत आहे. आता उत्पादनखर्चात घट होत आहे पण त्याचा परिणाम खरीप हंगाम संपल्यावरच दिसू शकेल.

इनॉक्स लिजरने सांगितले की आम्ही तिकिटांच्या दरात वाढ केली आहे. पहिल्या तिमाहीत चांगले मुव्हीज प्रसिद्ध झाले तसेच कोविड संबंधीत निर्बंध उठल्यामुळे उत्पन्नात वाढ झाली. आम्ही येत्या वर्षात ५० ते ६० मल्टी स्क्रीन चालू करू. PVR बरोबरचे मर्जर येत्या वर्षाअखेरीस पुरे होण्याची शक्यता आहे.आम्ही सर्व प्रकारच्या प्रेक्षकांना पसंद पडेल अशी मल्टी स्क्रीनची रचना करत आहोत. विशेषतः तरुण वर्गाला चांगला अँबियन्स पाहिजे असतो तर सिनियर सिटिझन्सला स्वस्त दर पाहिजे असतात. तर काही प्रेक्षकांना चांगले मुव्हीज बघायचे असतात. असतात.या कारणामुळे वेगवेगळ्या वेळेच्या शोजसाठी वेगवेगळे दर ठेवले आहेत.

भारत इलेक्ट्रॉनिक्स लिमिटेड ( BEL) या कंपनीने तुमच्याजवळ असलेल्या १ शेअरमागे २ बोनस शेअरची घोषणा केली.

उद्या सकाळी १० वाजता RBI चे गव्हर्नर RBIचे द्विमासिक वित्तीय धोरण जाहीर करतील.

आज बँका, रिअल्टी, पॉवर आणि साखर क्षेत्रातील कंपन्यांमध्ये प्रॉफिट बुकिंग झाले. अस्वस्थ जिओपॉलिटिकल वातावरण, RBI ची पॉलिसी यामुळे मार्केट सावधानता बाळगून होते. मेटल्स , फार्मा आणि IT क्षेत्रातीळ शेअर्स तेजीत होते.

BSE निर्देशांक सेन्सेक्स ५८२९८ NSE निर्देशांक निफ्टी १७३८२ बँक निफ्टी ३७७५५ वर बंद झाले.

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ३ ऑगस्ट २०२२

आज क्रूड US $ १००.३० प्रती बॅरलच्या आसपास तर रुपया US $१= Rs ७९.२० च्या आसपास होते. US $ निर्देशांक १०६.३४ USA १० वर्षे बॉण्ड यिल्ड २.७२ VIX १९ होते.

युक्रेन आणि USA यांच्यातील तणावांवरून लोकांचे लक्ष आता तैवान कडे गेले आहे. नॅन्सी पेलोसीने चीनची तमा न बाळगता तैवानला भेट दिली. याचा चीनला राग आला. तैवान चिप उत्पादनात आघाडीवर असल्यामुळे तैवान वर आपला ताबा असावा असे चीन आणि USA दोघांनाही वाटते. चीनने कुरघोडी करण्याचा प्रयत्न केला पण नॅन्सी पेलोसीने त्याला दाद दिली नाही.

अशा वातावरणातच आजचे मार्केट सुरु झाले.पण भारताच्या दृष्टीने कमी झालेला क्रूडचा दर हे वरदान आहे. आणि थोडीशी भौगोलिक परिस्थितीची धाकधूकही आहे. म्हणून मार्केट आज तेजी मंदीचे झोके घेत होते.आता बाय ऑन डिप्स हि व्यूह रचना मार्केटच्या दृष्टीनी योग्य ठरेल.

FII ने Rs ८२५ कोटींची खरेदी तर DII ने Rs ११८ कोटींची खरेदी केली.

ब्रिगेड ही दक्षिण भारतात प्रामुख्याने बिझिनेस असणारी रिअल्टी क्षेत्रातील कंपनी आहे. गोदरेज प्रॉपर्टीजच्या कमजोर निकालाच्या पार्श्वभूमीवर आज ब्रिगेडचे निकाल उठून दिसले. कंपनीने पाहिल्य तिमाहीत विक्री कमी झाली कारण नवीन लाँच कमी केले. गृहकर्जावर आकारल्या जाणाऱ्या व्याजदरात केल्या जाणाऱ्या वाढीमुळे घरांच्या विक्रीवर परिणाम होईल पण त्याचे प्रमाण कमी असेल. दक्षिण भारतात IT सेक्टरमध्ये काम करणारी लोक घरे खरेदी करत आहेत. गेल्या ४-५ वर्षात घरांच्या किमतीत म्हणण्यासारखी वाढ झाली नाही. पण आता डेव्हलपरकडे प्राइसिंग पॉवर येत आहे. घर खरेदीदार डेव्हलपरचा घरांच्या डिलिव्हरीजचा इतिहास पाहतो. ब्रिगेडने आता VACANT प्लॉट लाँच केले आहेत. आमच्याकडे १८ मिलियनची इन्व्हेन्टरी आहे त्यापैकी ४.५ मिलियनची घरे विकली गेलेली नाहीत. त्यामुळे आता कंपनी ९.५ मिलियन चे नवीन लाँच करत आहेत. हे नवीन लाँच बंगलोर, चेन्नई, हैदराबादमध्ये करत आहेत.कोरोनाच्या काळात लोकांनी मोठी घरे पसंत केली आणि त्यामुळे कंपनीचे प्रीमियम प्रोजेक्ट विकले गेली. बंगलोर आणि चेन्नईमध्ये घरांचा मागणी आणि पुरवठा मॅचिंग आहेत.

जमिनीच्या किमती वाढत आहेत. पण डेव्हलपर जमीन मालकाबरोबर वाटाघाटी करून जमिनीची किंमत थोडीफार कमी करू शकतो.

६५% ते ६८% विक्री मिडइन्कम सेगमेंट मध्ये होते.
वोल्टसचे पहिल्या तिमाहीचे निकाल कमजोर आले. वोल्टासच्या व्यवस्थापनाने गेल्या वेळेला सांगितले होते की आमचा मार्केट शेअर वाढला आहे. त्यामुळे सगळ्यांचे लक्ष निकालाकडे होते. पण आज आलेल्या निकालांवरून असे जाणवते की वोल्टासकडे प्राइसिंग पॉवर नाही. मार्केट शेअर वाढवण्याच्या मोहिमेमध्ये त्यांना त्यांचे मार्जिन गमवावे लागले आहे.

इंडस टॉवरचा शेअर सुधारत नाही कारण त्यांचे दोन क्लायंट आहेत त्यांच्या कडून पेमेंट वेळेत मिळत नाही. आणि त्यांच्यातले एक क्लायंट ‘VI’ असण्याची शक्यता आहि. या आधी Rs ५४७ कोटींची प्रोव्हिजन करावी लागली होती. आता नेट प्रॉफिटच्या २०% एवढी प्रोव्हिजन करावी लागेल. कर्जाचा बोजा वाढतो आहे .5Gसाठी भांडवली गुंतवणूक करावी लागली आहे. त्यामुळे या प्रश्नाचे सोडवणूक कधी होईल हे सांगता येत नाही.

E -CLERKS ९ ऑगस्टला बोनस इशूवर विचार करेल.

BSE निर्देशांक सेन्सेक्स ५८३५० NSE निर्देशांक निफ्टी १७३८८ बँक निफ्टी ३७९८९ वर बंद झाली.

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – २ ऑगस्ट २०२२

आज क्रूड US $ ९९.०० प्रती बॅरलच्या आसपास तर रुपया US $ १= Rs ७८.७० च्या आसपास होते US $ निर्देशांक १०५.५९ USA १० वर्षे बॉण्ड यिल्ड २.५५ VIX १८ होते. आज FII ने Rs २३२० कोटींची खरेदी तर DII नी Rs ८२२ कोटींची विक्री केली.

कन्साई नेरॉलकचे पहिल्या तिमाहीचे निकाल चांगले आले. १६% ते १७% शेअर वर होता. कंपनीच्या मालाला मागणी चांगली आली. चिप शॉर्टेज कमी झाले. डेकोरेटिव्ह इंडस्ट्रिअल सेगमेंट आणी इंडस्ट्रियल ऑटोमोटिव्ह सेगमेंटमध्ये मागणी वाढली. गेल्या वर्षी निगेटिव्हिटी होती या वर्षी त्याचे रूपांतर पॉझिटिव्हिटीमध्ये झाले आहे. कोरोनाचे निर्बंध दूर झाल्यामुळे उत्साह जाणवतो आहे. सप्टेंबर २०२२ नंतर ग्रामीण भागातून किंवा TIER II आणि TIER III शहरातून मागणी येईल. आणि पूर्वीच्या मानाने जास्त मागणी येईल. डबल डिजिट व्हॉल्युम ग्रोथ होईल. सध्या तरी लँड मॉनेटायझेशनचा कोणताही विचार नाही. वॉटर बेस्ड पेन्ट्समध्ये मार्जिन चांगले असते मागणीही जास्त असते त्यामुळे याची विक्री वाढवण्यावर लक्ष केंद्रित केले जाईल. सध्या आमच्या उद्योगात ५०% भाग वॉटर बेस्डपेंट्स चा तो प्रयत्नांनी २% ते ३% वाढू शकतो. यावेळेला दिवाळी ऑक्टोबरमध्ये असल्यामुळे फेस्टिव्ह सीझनचा कालखंड कमी उपलब्ध असेल.

झोमॅटो :- आज झोमॅटोचा शेअर चांगलाच तेजीत होता. झोमॅटोच्या निकालात सुधारणा दिसली. तोटा कमी झाला उत्पन्न वाढले पण व्यवस्थापनाने सांगितले की आम्ही रिस्ट्रक्चरिंग करणार आहोत. प्रत्येक विभागासाठी वेगळ्या CEO ची नेमणुक केली जाईल त्यामुळे कारभारावर अधिक चांगले लक्ष देता येईल. झोमॅटोचे नाव सुद्धा बदलणार आहोत. आता ‘इटर्नल’ असे नाव दिले जाईल. ब्लिंकिंटच्या अक्विझिशनमध्ये काहीही चूक झालेली नाही. अक्विझिशनच्या बाजूने चांगले मतदान झाले होते.
रूट मोबाईलचे पहिल्या तिमाहीचे निकाल चांगले आले. या तिमाहीत कंपनीने USA आणि यूरोपमध्ये ३-४ कंपन्या खरेदी केल्या. या कंपन्या वेगवेगळ्या देशात असल्यामुळे आणि त्यांचे एक्स्पेर्टाइझ वेगवेगळ्या क्षेत्रात असल्यामुळे कंपनीला जास्तीत जास्त ग्राहकांपर्यंत पोहोचता येते.कंपनी सध्या बँकिंग आणि फायनान्स, ट्रॅव्हल,एव्हिएशन या क्षेत्रात कार्यरत आहे. कोरोनाचे निर्बंध उठल्यामुळे आता ग्राहकाच्या संख्येत चांगली वाढ होईल. कंपनीने मेक्सिको EQUADOR , आणि सौदी अरेबियात कामकाज सुरु केले आहे. कंपनी मार्केट आणि प्रोडक्ट यांच्या विस्तारावर लक्ष केंद्रित करत आहे. FY २३ मध्ये ५०% ग्रोथ होईल असे कंपनीचे अनुमान आहे.

रुपया सुधारला आणि क्रूडचा भाव कमी झाला. USA आणि एशियन मार्केट्स मंदीत होती. पण आपल्या मार्केट मध्ये निराशा जाणवली नाही. बँकांमध्ये तेजी होती.रिअल्टी IT मेटल्स मध्ये प्रॉफिट बुकिंग आणि ऑटो आणि FMCG, कॅपिटलगुड्स, पेंट्स कंपन्या एशियन पेंट्स बर्जर पेंट्स , पॉवर युटिलिटी कंपन्या पॉवर ग्रीड टॉरंट पॉवर KEC,NHPC NTPC मध्ये खरेदी झाली.

BSE निर्देशांक सेन्सेक्स ५८१३६ NSE निर्देशांक निफ्टी १७३४५ बँक निफ्टी ३८०२४ वर बंद झाले

Bhagyashree Phatak

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १ ऑगस्ट २०२२

आज क्रूड US $ १०३ प्रती बॅरल्स तर रुपया US $१= Rs ७९.२० च्या आसपास होते. US $ निर्देशांक १०५.६० USA १० वर्षे बॉण्ड यिल्ड २.६६ VIX १७.५० होते.भारताचा मॅन्युफॅक्चरिंग PMI जुलै २०२२ साठी ५६.४ ( ५३.९ ) झाला.

५ ऑगस्ट २०२२ रोजी RBI आपले द्वी मासिक वित्तीय धोरण जाहीर करेल.

जुलै महिन्यात GST कलेक्शन १.४९ लाख कोटी एवढे झाले.

जुलै महिन्यात ऑटो विक्रीचे आकडे चांगले आले. फक्त ट्रॅक्टर्सची विक्री कमी झाली.

बहुतेक कंपन्यांचे पहिल्या तिमाहीचे निकाल चांगले आले.

BEL ही संरक्षण क्षेत्रातील सरकारी कंपनी गुरुवार ४ ऑगस्ट २०२२ रोजी बोनस इशूवर विचार करेल.
5G स्पेक्ट्रमच्या लिलावाचा आज आठवा दिवस. टेलिकॉम क्षेत्रातील कंपन्यांनी या लिलावाला भरभरून प्रतिसाद दिला. सरकारला Rs १,५०,१३० कोटींच्या बीड्स मिळाल्या.

मेट्रो ब्रॅंड्सचे पहिल्या तिमाहिचे निकाल चांगले आले. ही तिमाही त्यांची आतापर्यंतची सर्वोत्तम होते. सगळ्या कॅटेगोरीत ग्रोथ दिसली कंपनीचे ५ ब्रँड आहेत. मेट्रो, मोची, वॉकवे CORCS, फ्लीटफ्लॉफ, DAVINCHI, CHEEMO. त्यांच्या स्वतःच्या ब्रॅंड्समध्ये त्यांची ७५% हिस्सेदारी तर दुसर्याच्या ब्रँडमध्ये २५% स्टेक आहे. त्यांनी नवीन २० स्टोर्स उघडली. फ्लीटफ्लॉप चे एक वेगळे स्टोअर उघडले. त्यांचे SQFEET उप्पन्न Rs ४७०० वरून Rs ५७०० झाले. कोरोनाच्या काळामध्ये आम्ही आमची इन्व्हेन्टरी वाढवली त्याचा आम्हाला फायदा मिळाला. कच्च्या मालाच्या किमती वाढवल्या त्यामुळे आम्ही आमच्या प्रॉडक्टसच्या किमती वाढवल्या.त्यामुळे आम्हाला चांगले मार्जिन मिळाले. आम्ही डेड इन्व्हेन्टरी क्रीएट करत नाही. २५० व्हेंडर आहेत. त्यांना आम्ही कोणत्या क्वालिटीचा कच्चा माल वापरायचा आहे हे सांगतो त्यामुळे क्वालिटी चेक मजबूत होतो या सगळ्यामुळे Rs १० कोटी तोटा होता त्याचे रूपांतर Rs १०३ कोटी फायद्यात झाले. ज्या कंपनीचा शेअर १३% डिस्काऊंटवर लिस्टिंग झाला होता तोच शेअर आज जवळजवळ २०% तेजीत होता.

RITES ही रेल्वे क्षेत्रातील प्रामुख्याने कन्सल्टन्सी बिझिनेस क्षेत्रात कार्यरत आहे. कंपनी या बरोबरच टर्नकी प्रोजेक्ट आणि निर्यात बिझिनेस मध्ये कार्यरत आहे.कंपनीला या तिमाहीत Rs ७०० कोटींच्या ९० नवीन ऑर्डर्स मिळाल्या. त्यामुळे ऑर्डर बुक Rs ५१०० कोटींचे झाले. नवीन ऑर्डर्स या कन्सल्टन्सी क्षेत्रातील आहेत. सर्वसाधारण या ऑर्डर्स ३ महिने ते १ वर्षात पूर्ण केल्या जातात. त्यांना घाना कडून Rs ९७ कोटी आणि गुआनाकडून Rs २५ कोटींची ऑर्डर मिळाली. टर्नकी प्रोजेक्ट त्यांच्या एकूण बिझिनेसच्या २५% ते ३०% एवढा असतो. राईट्स निर्यातही करते लोकोमोटिव्हज, कोचेसची निर्यात करते. आतापर्यंत Rs ३५० कोटी एवढी निर्यात झाली आहे. कंपनी वंदे भारत ट्रेन्स निर्यात करण्यासाठी निरनिराळ्या प्रकारे वाटाघाटी करत आहेत. चांगल्या परिस्थितील कंपनी अडचणीत येऊ शकते तर अडचणीत असलेल्या कंपन्यांची आर्थीक परिस्थिती सुधारू शकते. त्यामुळे प्रत्येक तिमाही निकालांच्या वेळेस कंपनीची परिस्थिती बघून त्याप्रमाणे आपल्या पोर्टफोलिओमध्ये बदल करावा.
आज ऑटो एनर्जी मेटल्स, बँका आणि IT क्षेत्रातील कंपन्यांच्या शेअर्समध्ये खरेदी झाली.

आज BSE निर्देशांक सेन्सेक्स ५८११५ NSE निर्देशांक निफ्टी १७३४० बँक निफ्टी ३७९०३ वर बंद झाले.

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!