आजचं मार्केट – १२ September २०२२

आज क्रूड US $ 91.44 प्रती बॅरल तर रुपया US $ १= Rs 79.70 च्या आसपास होते. US $ निर्देशांक 108.74 USA १० वर्षे बॉण्ड यिल्ड 3.30 VIX १७.९५ होते.

ग्रीव्हज कॉटन ही वेलडायव्हर्सिफाइड इंजिनिअरिंग कंपनी आहे. ही १६२ वर्ष जुनी मल्टिप्रॉडक्ट आणि मल्टिलोकेशन कंपनी आहे. ही कंपनी क्लीन ट्रेन पॉवरसोल्युशन कंपनी आहे. या कंपनीचे ६ अत्याधुनिक प्लांट असून ६३०० ट्रेडर्सचे नेटवर्क आहे. ही कंपनी प्रत्येक मिनिटाला १ इंजिन बनवते. आता कंपनी टू व्हिलर्स आणि थ्री व्हिलर्सना स्पेअर्स आणि सर्व्हिसेस, मेकॅनिकल सेवा तसेच फायनान्स पुरवतात. कंपनी B २ B कडून B २ C कडे वाटचाल करत आहे. कंपनीच्या बॅलन्सशीटवर Rs १३५० कोटी कॅश आणि कॅश इक्विव्हॅलंट आहेत. ही कंपनी नवीन प्रॉडक्ट, क्षमता विस्तार, ब्रँड बिल्डिंग आणि मार्केटिंग वर खर्च करू इच्छिते. कंपनीचा फोकस मोबिलिटी आणि E -मोबिलिटीवर आहे. कोविड च्या काळात थ्री व्हिलर्ससाठी मागणी कमी झाली.आता मागणी सुधारत आहे.

एलकॉन इंजिनीअरिंग ही कंपनी गिअर्स आणि मटेरियल हँडलिंग इक्विपमेंट या बिझिनेस मध्ये आहे. ३१ ऑगस्ट रोजी गियर बीझिनेस साठी Rs ५३३ कोटींचे तर मटेरियल हँडलिंग इक्विपमेंट मध्ये ६२ कोटींच्या ऑर्डर्स आहेत. गिअर्स बिझिनेस ८७% तर मटेरियल हँडलिंग इक्विपमेंट बिझिनेस १३% आहे. कंपनी आता ५०% ते ६०% क्षमतेवर काम करात आहे. EBITD मार्जिन २१% आहे आणि कंपनी हे मार्जिन कायम राखण्यासाठी आशावादी आहे.

मटेरियल हँडलिंग इक्विपमेंट बिझिनेस स्टील, शुगर आणि सिमेंट सेक्टर मध्ये आहे. युरोप आणि USA मधून येणाऱ्या ऑर्डर्स उशिरा येत आहेत. त्यामुळे कंपनीचे Rs १५० कोटींचे निर्यातीसाठी ठेवलेले लक्ष्य पूर्ण करणे थोडे कठीण आहे. कंपनी दोन वर्षाच्या काळात इंटर्नल ACRUALS मधुन सोलर सिस्टीम लावण्यासाठी Rs १०० कोटींची गुंतवणूक करेल. यामुळे इलेक्ट्रिसिटी चा खर्च कमी होईल. कंपनीने कोविड काळात काही ऑर्गनायझेशनल बदल केले. मटेरियल हँडलिंग इक्विपमेंट प्रोजेक्ट्स जी लॉसमध्ये चालत होती ती बंद केली. कंपनी आता DEBT फ्री झाली आहे.

सरकारने संरक्षण, टेलिकॉम क्षेत्रातील कंपन्यांमधील विनिवेशाची गती वाढवायला सांगितले. HAL, गार्डन रिच शिपबिल्डर्स, BDL, RITES या कंपन्यांचे रोड शो सुरू केले. ‘दीपम’ या कंपन्यांमध्ये OFS आणण्याची शक्यता आहे. HAL ला मॉर्गन स्टॅन्ले च्या इंडेक्स मध्ये समाविष्ट केले आहे.

रामकृष्ण फोर्जिंगजने Rs २०५ च्या भावांनी ४६ लाख वॉरंट इशू केली.

ABAN ने सेंट्रल बँकेबरोबर सेटलमेंट केली. सेंट्रल बँकेने कंपनीविरुद्ध दाखल केलेली इंसॉल्व्हंसी याचिका मागे घेतली.

इ -कॉमर्स कंपन्या फेक रिव्ह्यू प्रसिद्ध करतात. सरकार याविरुद्ध सुओमोटो कारवाई करू शकेल. या फेक रिव्ह्यूमुळे ग्राहकांची फसवणूक होते आहे असे लक्षात आले तर कंपनीला Rs १० लाख ते Rs ५० लाख दंड ठोठावण्यात येऊ शकतो.

चीनमध्ये लॉकडाऊनमुळे क्रूडची आयात ९% ने कमी झाली. ट्राफिक ५०% ने कमी झाली. २० वर्षात क्रूडसाठी मागणी प्रथमच एवढी कमी झाली.

व्हिनस पाइप्सला ब्युरो ऑफ इंडियन स्टँडर्ड्स कडून मंजुरी मिळाली.

टाटा कन्झ्युमर प्रॉडक्टस बिसलेरी मध्ये स्टेक घेण्याची शक्यता आहे.

ONGCने DSF III राऊंडचे ६ करार केले. कंपनी Rs १५००० कोटींची गुंतवणूक करेल.

टिटाघर वॅगन्सच्या इटालियन आर्ममधे ३०% स्टेक इटालियन सरकार घेणार आहे. युरो १० मिलियनची गुंतवणूक करणार आहे. HAWK EYE DMCC ४.५मिलियनला १३.६४% स्टेक घेणार आहे.

ओबेराय रिअल्टी त्याच्या ४ सबसिडीअरीजचे अमलगमेशन करणार आहे.

KEC ला गुजरात इंडस्टीजचे Rs २४४ कोटींचे कॉन्ट्रॅक्ट मिळाले.

अनुपम रसायनच्या युनिट नंबर ६ ला आग लागली. पण हे युनिट लो कपॅसिटीचे आहे.

EIL ला ONGC कडून Rs २४९ कोटींचे ३३ महिने मुदतीचे कॉन्ट्रॅक्ट मिळाले.

अजंता फार्माच्या दहेज युनिटच्या ५ सप्टेंबर ते ९ सप्टेंबर २०२२ दरम्यान झालेल्या तपासणीत २ त्रुटी दाखवल्या.

रशियाने नैसर्गिक गॅसचा पुरवठा युरोपला कमी केला. त्यामुळे युरोपियन केमिकल कंपन्यांना सोडा ASH, चौस्टिक सोडा या खूप हीट लागणाऱ्या प्रोडक्ट्सच्या उत्पादनात अडचणी येत आहे. याचा फायदा टाटा केमिकल्स, गुजरात अल्कली, ग्रासिम, गुजरात फ्लुओरो, नवीन फ्ल्युओरीन, आरती यांना होईल. चीनच्या कंपन्यांना पर्याय शोधला जात आहे.

वेदांता आणि FOXCOMM यांचे JV US $ २००० कोटींची गुंतवणूक गुजरात मध्ये सेमीकंडक्टर प्लांट लावणार आहे.

सरकार Rs २५००० ते Rs ३०००० कोटी सबसिडी LPG वर देणार आहे.

रिलायन्स इंडस्ट्रीजने USA मधील कंपनी SENSHAWK आणि सॉफ्टग्रीन ब्रँड कॅम्पा कोला यांच्या नंतर आता पॉलिएस्टर चिप आणि धागा बनवणारी कंपनी शुभलक्ष्मी पॉलिएस्टर (Rs १५२२ कोटी) आणि शुभलक्ष्मी पॉलीटेक्स ( Rs ७० कोटी) .या दोन कंपन्यांचा पॉलिएस्टर व्यवसाय खरेदी केला. या कंपन्यांची युनिट्स दहेज, सिल्व्हासा आणि दादरानगर हवेली येथे आहेत. या वर्षीच्या दिवाळीपर्यंत कॅम्पाकोलाचे तीन फ्लेवर रिलायन्स मार्केटमध्ये आणणार आहे.

रिलायन्स इंडस्ट्रीज, केमिकल, मेडिया आणि रिअल्टी सेक्टरमध्ये तेजी होती.

BSE निर्देशांक सेन्सेक्स ६०११५ NSE निर्देशांक निफ्टी १७९३६ बँक निफ्टी ४०५७४ वर बंद झाले

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

Leave a Reply

Your email address will not be published.

This site uses Akismet to reduce spam. Learn how your comment data is processed.