आज क्रूड US $ ७२.७० प्रती बॅरलच्या आसपास तर रुपया US $१= Rs ८२.०० च्या आसपास होते. US $ निर्देशांक १०२.५८ USA १० वर्षे बॉण्ड यिल्ड ३.७४ आणि VIX  १०.७८ होते.

PKH व्हेंचर्स या कंपनीचा IPO ३० जून २०२३ ते ४ जुलै २०२३ दरम्यान ओपन राहील. प्राईस बँड Rs १४० ते Rs १४८ आहे. या इशू मध्ये १.८२ कोटी शेअर्सचा फ्रेश इशू आणि ७३.७३लाख शेअर्सचा OFS आहे. अप्पर बँड नुसार कंपनी Rs ३७९.३५कोटी उभारेल.

यातून Rs १२४.१२ कोटी जलविद्युत प्रकल्पासाठी खर्च करेल आणि Rs ८० कोटी गरुड कन्स्ट्रक्शन या तिच्या सबसिडीअरीमध्ये गुंतवेल.ही कंपनी बांधकाम क्षेत्रात आहे. त्याच प्रमाणे कंपनी  रिसॉर्ट. स्पा, आणि QSR हे देखील चालवते.( IPO ची माहिती माझ्या मार्केट आणि मी या पुस्तकात दिली आहे )

USA च्या न्यू होम सेल्स मध्ये  MOM १२% वाढ झाली. टेक शेअर्स मध्ये तेजी आली.

कन्झ्युमर कॉन्फिडन्स १७ महिन्यांच्या वरच्या पातळीवर होता.
JP मॉर्गन च्या मते US $ ५० बिलियन्सची विक्री येईल.

ECB ने सांगितले की आता दरवाढ थांबवण्याची वेळ आली आहे.

चीनने सांगितले की त्यांच्या अर्थव्यवस्थेची परिस्थिती चांगली आहे.

NSE ने एक्स्पायरी शुक्रवारी शिफ्ट करण्याचे सर्क्युलर मागे घेतले.

FII ने Rs २०२४.०५ कोटींची खरेदी तर DII नी १९९१.३५ कोटींची विक्री केली

L & T फायनान्स आणि मनापूरम फायनान्स हे शेअर्स बॅन मध्ये होते.

Shallby रांची येथे FOSM हॉस्पिटल सुरु करणार.

रामको सिमेन्टच्या तामिळनाडू मधील प्लांट युनिट चे काम सुरु झाले.

अडाणी ग्रीनमध्ये ३.०५% ( ४.७९ कोटी शेअर्स ) Rs ४४१२ कोटींचे ब्लॉक डील झाले. अडाणी एंटरप्रायझेस मध्ये १.०३% स्टेकचे  Rs ४१३० कोटींचे ब्लॉक डील झाले.(Futures Options आणि मी या पुस्तकात ब्लॉक डीलची माहिती दिली आहे )

HDFC लाईफ मध्ये १.६८ कोटींचे ब्लॉक डील झाले.
M & M फायनान्स मनापूरम चे रोलओव्हर ९२% झाले.
अल्केम लॅब,डेल्टा कॉर्प यांचे रोलओव्हर ९१% झाले.
दीपक नायट्रेट, डाबर, सन फार्मा, ज्युबिलण्ट फार्माचे रोलओव्हर ८९% झाले.

पिरामल इंटरप्रायझेस, सिमेन्स, मेरिको यांचे रोलओव्हर ८८% झाले.

बर्जर पेन्ट्स, Mphasis, याचे रोलओव्हर ८७% झाले.
विप्रो JSPL यांचे रोलओव्हर ८६% झाले.

अंबुजा सिमेंट, HDFC बँक, वेदांत यांचे रोलओव्हर ८५% झाले.

GQG ने अडाणी ग्रुपच्या स्टोक्समध्ये US $ १ बिलियनचा स्टेक घेतला.

इन्फोसिसने ‘स्किलसॉफ्ट’ बरोबर ६ वी पासून पुढील सर्व इयत्तांसाठी शिकणाऱ्यांसाठी एज्युकेशन आणि लर्निंग मध्ये सुधारणा करण्यासाठी MOU केले.

आदित्य बिर्ला फॅशन ला TCNS क्लोदिंगमध्ये ५१%  स्टेक घ्यायला आणि अक्विझिशन करायला CCI (कॉम्पिटिशन कमिशन ऑफ इंडिया) ने संमती दिली.

स्वान एनर्जी ला नॉन-प्रमोटर्सला शेअर अलॉट करायला मंजुरी मिळाली.

टिटाघर वॅगनला गुजरात मेट्रो रेल कॉर्पोरेशनकडून डिझाईन, मॅन्युफॅक्चरिंग, सप्लाय, टेस्टिंग, कमिशनिंग, ट्रेनिंग  देण्यासाठी सुरत मेट्रो फेज १ साठी Rs ८५७ कोटींची ऑर्डर मिळाली. ही ऑर्डर ७६ आठवड्यात पूर्ण करायची आहे.

HDFC आणि HDFC BANK यांच्या मर्जरची तारीख १ जुलै आणि रेकॉर्ड डेट १३ जुलै असू शकते.

ग्लॅन्ड फार्माच्या हैदराबाद येथील पश्मियाराम या फॅसिलिटीच्या १५ जून २०२३ ते २७ जून २०२३ दरम्यान झालेल्या  तपासणीत फॉर्म नंबर ४८३ दिला.

मंत्री मंडळाच्या बैठकीत उसाच्या FRP मध्ये ऑक्टोबर २०२३ पासून सुरु होणाऱ्या हंगामासाठी Rs १०ची वाढ करण्यासाठी मंजुरी दिली. फर्टिलायझर्स संबंधित ‘प्रणाम’ योजनेला मंजुरी दिली. सरकारने सल्फर  कोटेड युरिया स्कीमसाठी मंजुरी दिली तसेच या स्कीमसाठी Rs ३.६८ लाख कोटी सबसिडी  वर्ष २०२५पर्यंत मंजूर केली.

SBI कॅपिटलचा SBI पेन्शन फंडामधील स्टेक  SBI ला खरेदी करण्यासाठी एक्झीक्युटीव्ह कमिटीने मंजुरी दिली.

BEML ला BDL आणि BEL कडून हायमोबिलिटी वाहने खरेदी करण्यासाठी Rs ३८५ कोटींची ऑर्डर मिळाली.

केंद्र  सरकारने पॉवर सेक्टरमधील रिफॉर्मसाठी राज्यसरकारांना Rs ६६१४३ कोटी इन्सेन्टिव्ह दिले.

TVS मोटर्सने झोमॅटो बरोबर १००००  E-स्कुटर्ससाठी ग्रीन सस्टेनेबिलिटी सोल्युशन साठी MOU केले.

शीला फोम्स ‘KURLON’ ला दोन टप्प्यात Rs ३२५० कोटींमध्ये खरेदी करणार आहे. शीला फोम्स चा बिझिनेस उत्तर आणि पश्चिम भारतात तर KURLON चा बिझिनेस  बिझिनेस दक्षिण आणि पूर्व भारतात आहे. त्यामुळे या अक्विझिशनचा शीला फोम्स ला फायदा होईल.

PFC ऑगस्ट २०२३ मध्ये होणाऱ्या MSCI च्या रिबॅलंसींगमध्ये समाविष्ट होण्याची शक्यता असल्यामुळे शेअरमध्ये खरेदी होत आहे.

आज १ डिसेंबर २०२२ नंतर १४२ सेशन्सनंतर निफ्टीने १८९०८ वर नवीन ऑल टाइम हाय गाठला. सेन्सेक्सनेही ६३७१६ वर नवीन ऑल टाइम हाय गाठला.

बँक निफ्टीने ४४५०८ चा नवीन ऑल टाइम हाय गाठला.
मेटल्स, ऑटो, फार्मा, इन्फ्रा, एनर्जी, रिअल्टी क्षेत्रातील शेअर्समध्ये खरेदी झाली. मेडिया आणि केमिकल्स क्षेत्रातील शेअर्समध्ये मंदी होती.

BSE निर्देशांक सेन्सेक्स ६३९१५ NSE निर्देशांक निफ्टी १८९७२ बँक निफ्टी ४४३२७ वर बंद झाले

Bhagyashree Phatak

आज क्रूड US $ ७४.४०प्रती बॅरलच्या आसपास तर रुपया US $१= Rs ८२.०० च्या आसपास होते.US $ निर्देशांक १०२.५१ USA १० वर्षे बॉण्ड यिल्ड ३.७४ आणि VIX १०.९८ होते.

USA मधील मार्केट फ्लॅट होती. IT क्षेत्रातील कंपन्यांमध्ये उल्लेखनीय मंदी होती. टेस्ला, अल्फाबेट,NVD ,मेटा या कंपन्यांना डाऊनग्रेड केले. त्यामुळे या कंपन्यांच्या शेअर्समध्ये प्रॉफिट बुकिंग झाले.बर्कशायर हाथवे ने BYD या EV गाड्या विकणाऱ्या कंपनीमधील स्टेक विकला

FII नी Rs ४०९.४३ कोटींची विक्री आणि DII ने Rs २५०.१२ कोटींची खरेदी केली.

अमृतांजन या कंपनीच्या बोर्ड ऑफ डायरेक्टर्स ची ३० जून २०२३ रोजी शेअर बाय बॅक वर विचार करण्यासाठी बैठक आहे.

ल्युपिन त्यांचे नॉनकोअर असेट्स विकण्याच्या विचारात आहे.
रबराचे भाव कमी होत असल्याचा फायदा अपोलो टायर्सला होईल.

इन्फोसिसने ५ वर्षांसाठी डिजिटल ट्रान्सफॉर्मेशनसाठी US $ ४५४ मिलियनचे कॉन्ट्रॅक्ट DANSKE बँकेबरोबर केले.
इन्फोसिसमधून विशाल साळवी हेड सायबर सिक्युरिटी आणि EVP हेड ऑफ क्लाउड आणि इन्फ्रास्ट्रकचर श्री नरसिंह राव यांनी राजीनामे दिले.

सफायर फुड्सच्या शेअरमध्ये ३०लाख शेअर्सचे शेअर्सचे Rs १३४५ ते Rs १३९१ प्रती शेअर दरम्यान ब्लॉक डील झाले.
इंडीगो आता नैरोबी आणि मुंबई दरम्यान प्रवासी विमान सेवा सुरु करणार आहे

आज म्युच्युअल फंडांच्या टोटल एक्स्पेन्स रेशियोच्या संदर्भात बैठक असल्यामुळे AMC कंपन्यांच्या शेअर्सकडे लक्ष राहील.

बजाज ऑटोने लंडन मध्ये नवी बाईक लाँच केली.

HUL च्या CEO म्हणून संजीव मेहता यांच्या ऐवजी रोहित जावा यांची नेमणूक केली. त्यांचा व्हॉल्युम वाढवण्यावर आणि अक्विझिशन वर भर असेल.

फेडरल बँकेने त्यांच्या फेडरल बँक फायनान्स या सबसिडीअरीमधील स्टेक Rs २००० कोटींना विकण्याचा प्रस्ताव स्थगित ठेवला.

HALच्या १ शेअरचे २ शेअर्समध्ये विभाजन करण्यासाठी बोर्ड ऑफ डायरेक्टर्स नी मंजुरी दिली. यासाठी रेकॉर्ड डेट २९ सप्टेंबर २०२३ असून कंपनीने Rs १५ प्रती शेअर अंतिम लाभांश जाहीर केले.

HDFC आणि HDFC बँकेचे मर्जर १ जुलै पासून अमलात येईल. ३० जूनला दोन्ही कंपन्यांच्या बोर्ड ऑफ डायरेक्टर्स ची बैठक होईल. १३ जुलै २०२३ पासून HDFC चे शेअर डीलीस्ट होतील.

ICICI PRU ला GST ऑथॉरिटीजकडून Rs ४९२ कोटी ची GST साठी नोटीस मिळाली.

HDFC आणि HDFC बँक यांच्या मर्जरनंतर निफ्टीमध्ये १ जागा रिकामी होईल. त्या जागेवर पीडिलाइट किंवा LTT MINDTREE यांचा समावेश होण्याची शक्यता आहे.

LTT MINDTREE चे मार्केट कॅपिटलायझेशन जास्त असल्यामुळे ही कंपनी समाविष्ट होण्याची शक्यता जास्त आहे.

सोनाटा सॉफ्टवेअर TUI ग्रुपसाठी डिजिटल HUB बांधून मेंटेन करण्याचे कॉन्ट्रॅक्ट मिळाले.

लोढा ने व्ही हॉटेल लिमिटेड अकवायर केले.

SAT ने सेबीच्या IIFL सिक्युरिटीजला २ वर्षांसाठी नवीन ग्राहक स्वीकारण्यासंबंधीत आदेशाला SAT च्या पुढील आदेशापर्यंत स्थगिती दिली.

टाटा टेक्नॉलॉजीच्या IPO ला सेबीची मंजुरी मिळाली.
AB कॅपिटल QIP रूट ने Rs १७५० कोटी उभारणार आहे.( QIP ची माहिती माझ्या मार्केटचा श्रीगणेशा यामध्ये आहे )

स्टरलाईट टेक्ने कोची मेट्रो ( केरळ ) साठी NEOX यूनिफाईड कम्युनिकेशन सोल्युशन इन्स्टाल केले. बकरी ईद गुरुवारी जाहीर झाल्यामुळे मार्केटला गुरुवारी सुट्टी असेल.
त्यामुळे एक्स्पायरी बुधवारी होईल.

अमर राजा ग्रृपला US $ १३० मिलियनचे सोलर पॉवर प्रोजेक्ट बांगला देशमधून मिळाले.

त्यामुळे कंपनीचा आंतरराष्ट्रीय मार्केटमध्ये प्रवेश झाला. BLS इंटरनॅशनल ची सबसिडीअरी BLS E- सर्व्हिसेसच्या IPO ला सेबीने परवानगी दिली.( IPO ची माहिती माझ्या पुस्तकात दिली आहे )

अशोका बिल्डकॉन ला ईस्ट सेंट्रल रेल्वे कडून मिलेल्या EPC काँट्रॅक्टच्या KAVACH या भागासाठी HBL पॉवर सिस्टीम करार केला.

CYIENT DLM ही कंपनी EMS ( इलेक्ट्रॉनिक्स मॅन्युफॅक्चरिंग सर्व्हिसेस ) या क्षेत्रात काम करते. मेडिकल, एव्हिएशन एअरोस्पेस डिफेन्स या क्षेत्रांसाठी प्रोडक्ट बनवतात. या कंपनीचा IPO हा पूर्णपणे फ्रेश इशू ऑफ शेअर्स आहे. प्राईस बँड Rs २५० ते २६५ असून मिनिमम लॉट ५६ शेअर्सचा आहे. ही कंपनी BEL ABB THALES या कंपन्यांसाठी इलेक्ट्रॉनिक्स प्रोडक्टस बनवते. ही कंपनी प्रिंटेड सर्किट बोर्ड बनवते.

आज रिअल्टी, मेटल्स, बँकिंग, IT या क्षेत्रात खरेदी झाली. तर FMCG कंपन्यांच्या शेअर्स मध्ये प्रॉफिट बुकिंग झाले.
BSE निर्देशांक सेन्सेक्स ६३४१६ NSE निर्देशांक निफ्टी १८८१७ बँक निफ्टी ४४१२१ वर बंद झाले

Bhagyashree Phatak

आज क्रूड US $७४.०० प्रती बॅरलच्या आसपास तर रुपया US $१= Rs ८२.०० च्या आसपास होते. US $ निर्देशांक १०२.७५ USA १० वर्षे बॉण्ड यिल्ड ३.६९ आणि VIX ११.४५ होते.

USA आणि युरोप मधील मार्केट्स मंदीत होती. रशियातील प्रॉब्लेम सॉल्व्ह झाला.

FII ने Rs ३४४.१८ कोटींची विक्री तर DII ने ६८४ कोटींची विक्री केली.

हिंदुस्थान कॉपर, L & T फायनान्स, PNB आणि RBL बँकेचे शेअर्स बॅनमध्ये होते.

IPCA च्या पीठमपुर फॉर्म्युलेशन मॅन्युफॅक्चरिंग फॅसिलिटीची तपासणी USFDA ने १५ जून ते २३ जून २०२३ या दरम्यान करून त्यांना फॉर्म नंबर ४८३ इशू करून ८ त्रुटी दाखवल्या.

एशियन पेन्ट्सने OBGENIX सॉफ्टवेअर ( व्हाईट टीक ) या कंपनीत  ११% अधीक स्टेक Rs ५४ कोटींना घेतला. आता एशियन पेन्ट्स चा या कंपनीत ७१ % स्टेक झाला आणि ती एशियन पेन्ट्सची  सबसिडीअरी झाली.

RVNL  महाराष्ट्र मेट्रो रेल कॉर्पोरेशनच्या काँट्रॅक्टसाठी लोएस्ट बीडर ठरली. हे कॉन्ट्रॅक्ट Rs ३९४.९० कोटींचे असून ३० महिन्यात पूर्ण करायचे आहे.

गोदरेज प्रॉपर्टीज हरियाणामध्ये गुरुग्राम येथे १५ एकर जमीन प्रीमियम रेसिडेन्शियल अपार्टमेंट विकसित करण्यासाठी विकत घेतली.

केम्ब्रिज टेक्नॉलॉजी एंटरप्रायझेस ला US बेस्ड असलेल्या APP शार्क सॉफ्टवेअर मध्ये असलेला स्टेक  Rs ४१ कोटींना घेण्यास परवानगी दिली.

AU स्मॉल फायनान्स बँक फंड उभारणीसाठी २९ जून २०२३ रोजी असलेल्या बोर्ड ऑफ डायरेक्टर्सच्या बैठकीत विचार करेल.

IRDAI ने HDFC मधील HDFC चे शेअर्स  HDFC बँकेला ट्रान्स्फर करायला परवानगी दिली.

झायड्स लाईफच्या सबसिडीअरीने राईजिंग सन होल्डिंग बरोबर त्यांचा मायलॅब डिस्कव्हरी मधील स्टेक  Rs १०६ कोटींना विकत घेण्यासाठी करार केला.

२९ जून २०२३ रोजी ICICI सेक्युरिटीजच्या बोर्ड ऑफ डायरेक्टर्स ची व्हॉलंटरी डीलीस्टिंग वर विचार करण्यासाठी बैठक आहे.

आयडियाफोर्ज या कंपनीचा Rs ५६७ कोटींचा  IPO २६ जून २०२३ ते २९ जून २०२३ या दरम्यान ओपन राहील याचा प्राईस बँड Rs ६३८ ते Rs ६७२ असून मिनिमम लॉट २२ शेअर्सचा आहे. कंपनी सर्व्हिलन्स मॅपिंग, सर्व्हे चे काम आर्म्ड फोर्सेस, फॉरेस्ट डिपार्टमेंट, पोलीस डिपार्टमेंट, डिझास्टर मॅनेजमेंट डिपार्टमेंट या ग्राहकांसाठी करते.

कंपनी इंडियन अनआर्म्ड एअरक्राफ्ट सिस्टीम (UAS) मध्ये पायोनियर आहे. कंपनीकडे ५० % मार्केट  शेअर आहे.
कंपनीकडे  आता Rs १९० कोटींच्या ऑर्डर्स आहेत.

माझ्या मार्केट आणि मी या पुस्तकात IPO विषयी आणि IPO समाविष्ट असलेल्या विविध प्रक्रियांविषयी सविस्तर माहिती दिली आहे.

MCX ने रविवारी नवीन ट्रेडिंग प्लॅटफॉर्मचे मॉक ट्रेडिंग यशस्वीरीत्या पूर्ण केले. त्यामुळे आज शेअर तेजीत होता.

आज फार्मा मेटल्स, ऑटो मध्ये.खरेदी तर एनर्जी इन्फ्रा आणि PSE मध्ये प्रॉफिट बुकिंग झाले.

अजंता फार्माच्या दहेज युनिटची तपासणी १९ जून ते २३ जून २०२३ दरम्यान  USFDA ने पूर्ण केली.त्यांनी फॉर्म ४८३ इशू केला नाही. 

BSE निर्देशांक सेन्सेक्स ६२९६० NSE निर्देशांक निफ्टी १८६९१ आणि बँक निफ्टी ४३६४१ वर बंद झाले

Bhagyashree Phatak

आज क्रूड US $ ७३.६० प्रती बॅरल्सच्या आसपास तर रुपया US $१= Rs ८२.०० च्या आसपास होते. US $ निर्देशांक १०२.४१ USA १० वर्षे बॉण्ड यिल्ड ३.७९ आणि VIX ११.२२ होते.

आज चीन आणि तैवानची मार्केट्स बंद होती.

काल निफ्टी रेकॉर्ड लेव्हलच्या जवळ गेले पण निफ्टी क्लोजिंगच्या वेळी नवीन रेकॉर्ड प्रस्थापित करू शकले नाही. असे ३ वेळा घडले.

FII ने Rs ६९३.२८ कोटींची विक्री तर DII ने Rs २१९.४२ कोटींची खरेदी केली.

लँडमार्क कार मधील त्यांचा ११% स्टेक (४४लाख) TPG विकणार आहे असे त्यांनी सांगितले.

PNB हाऊसिंगला Rs ५०००० कोटी NCD दवारा उभारायला परवानगी मिळाली.

BPCL २८ जून २०२३ रोजी राईट्स इशूवर विचार करणार आहे.

कोफोर्जने कोफोर्ज बिझिनेस सोल्युशन्स मध्ये त्यांचा स्टेक ८०% पर्यंत वाढवला. कोफोर्ज ने २०% ऍडिशनल स्टेक Rs ३३६.९४ कोटींना खरेदी केला.

एरॉसच्या बोर्ड ऑफ डायरेक्टर्सवर MD लुला आणि CEO द्विवेदी यांना सेबीने महत्वाची पोझिशन ठेवण्यास मनाई केली.

ऑर्चिड फार्माच्या QIP इशूची फ्लोअर प्राईस Rs ४२५.१९ तर इंडीकेटीव्ह प्राईस Rs ४०३ होती.

शिल्पा मेडिकेअरच्या शिल्पा THERAUPTIC बरोबरच्या मर्जरला मंजुरी मिळाली.

शिल्पा मेडिकेअर राईट्स इशू द्वारा Rs ३२५ कोटी उभारेल. (RIGHTS issue ची माहिती माझ्या पुस्तकात दिली आहे)

हिंदुजांना त्यांचा इंडसइंड बँकेतील १५% स्टेक २६% पर्यंत वाढवायला RBI परवानगी देणार आहे.

मान इंडस्ट्रीजच्या अंजार प्लांट वर बिपरजॉय वादळाचा परिणाम झाला आहे. मान इन्फ्राला Rs ४०३ कोटींची ऑर्डर मिळाली.

ग्रॅन्युअल्स च्या हैदराबाद प्लॅन्टचे इन्स्पेक्शन १९ ते २३ जून २०२३ दरम्यान झाले होते USFDA ने या इन्स्पेक्शनमध्ये कोणतीही त्रुटी दाखवली नाही.

USA मधील अक्सेंच्युअर या कंपनीचे निकाल अपेक्षेप्रमाणे आले. पण त्यांनी भविष्यातील गायडन्स कमी केला. तसेच आम्ही २.५% कर्मचाऱ्यांना काढून टाकणार आहे असे सांगितले.

AETHER ने QIP इशू ( प्राईस Rs ९३६ ) दवारा Rs ७५० कोटी उभारले.(QIP बद्दलची माहिती माझ्या मार्केटचा श्रीगणेशा या व्हिडीओत आहे)

टाटा पॉवर झाम्बिया आणि इंडोनेशिया मधील असेट्स विकणार आहे.

सरकारने इलेक्ट्रिसिटी रुल्स २०२० मध्ये बदल केले. दिवसाच्या टॅरिफ मध्ये बदल केले. सोलर hours मध्ये पॉवर टॅरिफ २०% ने कमी असेल आणि PEAK HOURS मध्ये १०% ते २०% जास्त असेल. स्मार्ट मीटर संबंधित नियम सोपे केले.

ऑरोबिंदो फार्माच्या सबसिडीअरीने MPP (मेडिसिन्स पेटंट पूल) बरोबर NILOTIDINE च्या जनरिकसाठी लायसेन्सिंग करार केला.

ब्रिगेड ने बंगलोरमध्ये डेक्कन ब्रिगेड हाईट्स लाँच केले.
ल्युपिनने RUFINIMIDE ओरल सस्पेन्सशन USA मध्ये लाँच केले.

UPL स्पेशालिटी केमिकल्सला UPL त्यांचा स्पेशालिटी केमिकल्स बिझिनेस डिस्ट्रेस सेल तत्वावर Rs ३५७२ कोटींना ट्रान्स्फर करणार आहे.

सोलर मोड्युल सेक्टरला आता PSU बँकांकडून स्वस्त व्याज दरात कर्ज मिळेल. आता पर्यंत सोलर मोड्युल सेक्टर त्यांचे ६०% कर्ज NBFC कडून घेत होता.

APPLE ही कंपनी त्यांचे क्रेडिट कार्ड HDFC बँकेच्या सहकार्याने लाँच करणार आहे. यासाठी त्यांनी RBI बरोबर बोलणी सुरु केली आहेत

BEML ला हाय मोबिलिटी व्हेईकल साठी MOD मिनिस्ट्री ऑफ डिफेन्स कडून Rs ४०३ कोटींची ऑर्डर मिळाली.

अडाणी ग्रुपने सांगितले की त्यांच्या विविध कंपन्यांनी केलेले डिस्क्लोजर्स पूर्ण आहेत याविषयी त्यांना आत्मविश्वास आहे.

शक्ती पंप्स या कंपनीने शक्ती EV मोबिलिटी मध्ये Rs १ कोटींची गुंतवणूक करणार.

DR रेड्डीज लॅब आता भारतातील जनरिक बिझिनेसमध्ये पदार्पण करणार आहे.

अडाणी इंटरप्रायझेसने त्यांची प्रायव्हेट डेटा सेंटर ऑपरेटर EdgeConnex बरोबरच्या JV ने US $ २१३ मिलियनची उभारणी त्यांच्या अंडरकन्सट्रक्शन डेटा सेंटरसाठी केली
आज मेटल, एनर्जी, PSE इट मध्ये प्रॉफिट बुकिंग झाले तर फार्मा क्षेत्रातील शेअर्स मध्ये खरेदी झाली.

BSE निर्देशांक सेन्सेक्स ६३२३८ NSE निर्देशांक निफ्टी १८७७१ बँक निफ्टी ४३७२४ वर बंद झाले

Bhagyashree Phatak

आज क्रूड US $ ७६.०० प्रती बॅरलच्या आसपास तर रुपया US $१= Rs ८१.९० च्या आसपास होते. USA $ निर्देशांक १०१.७७ USA १० वर्षे बॉण्ड यिल्ड ३.७३ आणि VIX  ११.५२ होते.

चीन तैवान हॉंगकॉंग ची मार्केट्स आज बंद असतील. सगळी मार्केट कमजोर होती. NASDAQ मध्ये कमजोरी होती. गूगल ,मायक्रोसॉफ्ट, अमेझॉन, टेस्ला, इंटेल, फेडेक्स यांच्या शेअर्समध्ये मंदी होती.                       

UK चा पुष्कळ व्यवसाय USA मधून होतो त्यामुळे UK मध्ये  महागाई  होते.
                          फेडेक्स लॉजिस्टिक्स २९००० कर्मचाऱ्यांना  नोकरीमधून कमी करणार आहे आणि २९ विमानांचे मालवाहतूकिसाठी उड्डाण रद्द ठेवणार आहे.
FII ने Rs ४०८३ कोटींची खरेदी तर DII ने Rs ५५०.५६ कोटींची खरेदी केली.

आज BHEL, DELTA, HAL हिंदुस्थान कॉपर, L $ T फायनान्स बॅन मध्ये होते.

NEST ही पेन्शन योजना आहे TCS यांच्या बरोबर २०११ पासून भागीदारीत काम करत आहे. यांच्या बरोबर आणखी १० वर्षांसाठी GBP ८४० मिलियनचा करार केला.

LIC ने त्यांचा NMDC मधील त्यांचा २.०७% स्टेक विकला आता LIC चा NMDC मधील स्टेक ९.६२% राहिला.

LTT MINDTREE ने Canvas .ai हे एन्टरप्राईज रेडी जनरेटिव्ह AI प्लॅटफॉर्म लाँच केला.

कार्लाइलने DELHIVERY मधील त्यांचा २.५% स्टेक  ( १.८४ कोटी शेअर्स ) Rs ३८५.५० प्रति शेअर दराने ब्लॉक डीलच्या माध्यमातून विकले.

SANSERA या कंपनीच्या शेअर्समध्ये ७५लाख शेअर्सचे (१४% स्टेक) Rs ६२७ कोटींचे ब्लॉक डील झाले.

HDFC AMC मधील त्यांचा स्टेक SBI लाईफने २.९% वरून ६.९% केला.

NTPC २४ जून रोजी Rs १२००० कोटी NCD च्या माध्यमातून उभारण्यावर विचार करेल तर कल्पतरू Rs ३०० कोटी ८.०७% कुपन रेटच्या  NCD द्वारा उभारेल.

टाटा मोटर्सला चीनने दिलेल्या २०२६ पर्यंतच्या  US $ ७२.३ बिलियन च्या पॅकेजचा फायदा होईल.

GE ऐरोस्पेस ने HAL  बरोबर फायटर जेट इंफ्रासाठी MOU केले.

ज्यूट पॅकेजिंग धान्य आणि साखरेसाठी ३० जून पर्यंत अनिवार्य होते. आता ही तारीख ३० सप्टेंबर २०२३ पर्यंत वाढवली.

ग्लेनमार्क  फार्माच्या MONROE फॅसिलिटी साऊथ कॅरोलिना चे ऐच्छिक रिकॉल केले.

ऑगस्ट २०२१ नंतर या फॅसिलिटीमध्ये कोणतेही कमर्शियल उत्पादन केले नाही.

शाम मेटॅलिक्स ने त्यांच्या पश्चिम बंगालमधील युनिटमध्ये उत्पादन सुरु केले.

व्हीनस रेमिडीजच्या MEROPENEM च्या विक्रीला स्पेन मध्ये परवानगी मिळाली.

स्विस बँकेने त्यांचे पॉलिसी रेट ०.२५% ने वाढवून १.५०% केले.

CYIENT DCM च्या Rs ५९२ कोटींच्या  IPO चा प्राईस बँड Rs २५० ते Rs २६५ असा असेल.हा IPO २७ जून ते ३० जून २०२३ दरम्यान ओपन राहील.

L & T ने DRDO बरोबर २ AIP (AIR INDEPENDENT PROPULSION) साठी करार केला.
जबलपूर कंपनी एरिया १६ आणि १७ साठी RVNL लोएस्ट बीडर ठरली.

हझूर मल्टिप्रॉडक्ट ला भारतमाला परियोजने अंतर्गत Rs ३५२.८० कोटींचे कॉन्ट्रॅक्ट मिळाले.

Aartech solonics ला BSE SME प्लॅटफॉर्मवरून BSE आणि NSE च्या मेन बोर्डवर शेअर्स ट्रान्स्फर करायला परवानगी मिळाली.

चेन्नईचे अर्कोट रोड हॉस्पिटल विकण्यासाठी कावेरी मेडीकल केअर बरोबर Rs १५२ कोटींचा करार फोर्टिस हेल्थकेअरने केला.

गुजरात अल्कली ने दहेज प्लांटमध्ये फॉस्फोरिक ऍसिडचे कमर्शियल प्रॉडक्शन सुरु केले.

आज इन्फ्रा,फार्मा, ऑटो एनर्जी रिअल्टी, IT मध्ये प्रॉफिट बुकिंग झाले. मेटल्समध्ये मामुली खरेदी झाली.

BSE निर्देशांक सेन्सेक्स ६३२३८ NSE निर्देशांक निफ्टी १८७७१  बँक निफ्टी ४३७२४    वर बंद झाले

Bhagyashree Phatak

आज क्रूड US $ ७६.५० प्रती बॅरलच्या आसपास तर रुपया US $१= Rs ८२.१० च्या आसपास होते. US $ निर्देशांक १०२.५२ USA १० वर्षे बॉण्ड यिल्ड ३.८१ आणि VIX 11.30 होते.

ABRDN ने HDFC AMC मधील त्यांचा पूर्ण १०.२०% स्टेक (२.१८ कोटी शेअर्स ) Rs १८७३ प्रती शेअर या भावाने ब्लॉक डील च्या माध्यमातून विकले. हे शेअर्स बेअरिंग P.A . आणि ख्रिस कॅपिटल यांनी खरेदी केले.

HDFC ने ‘HDFC क्रेडीला’ मधील ९०% RBI च्या सूचनेनुसार Rs ९०६० कोटीना विकला.

२३ जूनला येस बँक त्यांच्या बोर्ड ऑफ डायरेक्टर्सच्या बैठकीत फंड रेझिंगवर विचार करेल.

W S इंडस्ट्रीज ला Rs ३७२ कोटींची ऑर्डर मिळाली. शेअरमध्ये खरेदी झाली.

NBCC ला जवाहर नवोदय विद्यालय समिती कडून Rs ५०.६० कोटींची ऑर्डर मिळाली ही ऑर्डर १ वर्षांत पूर्ण करायची आहे.

इन्फोसिसने ATP बरोबर कार्बन ट्रॅकर लाँच करण्यासाठी करार केला.

सोलर प्रोजेक्ट, पशुपालन, फूड प्रोसेसिंग, अशा काही नव्या उद्योगांचा ऍग्रीकल्चर इन्फ्रा फंडाच्या कक्षेत समाविष्ट करण्यात आला . हा Rs १ लाख कोटींचा फंड असून यातून वेगवेगळ्या शेतीसंबंधित उद्योगांसाठी ६% व्याजावर कर्ज मिळेल. या वर्षात आतापर्यंत
३०% फंडाचा विनियोग केला गेला आहे.

भारती एअरटेलने ‘MATTER MOTAR WORKS’ बरोबर AEAR मोटार बाईक्स साठी करार केला.

TIMKEN सिंगापूर ने TIMKEN चे ६३ लाख शेअर्स ( ८.४% स्टेक Rs ३०० प्रती शेअर या दराने Rs १८९० कोटींना विकला.

सन फार्माच्या सबसिडीअरीला हेल्थ कॅनडा कडून WINKEVI ला मंजुरी मिळाली.

AETHER ही कंपनी QIP इशू दवारा Rs ९८४.९० या फ्लोअर प्राईसने Rs ७५० कोटी गोळा करणार आहे.

कॅनफिना होम्स Rs ४००० कोटी DEBT इंस्ट्रुमेंट्स दवारा आणि Rs १००० कोटी राईट्स इशू दवारा उभारणार आहे.
इंडिगोने A ३२० फॅमिली एअरक्राफ्ट या ५०० एअरबस साठी ऑर्डर दिली. या एअरबसेस ची डिलिव्हरी २०३०-२०३५ दरम्यान होईल.

IIFL सिक्युरिटीज ला सेबीने २ वर्षांसाठी नवीन ग्राहक जोडावयास मनाई केली.

पब्लिक बँक ऑफ चीन ने त्याच्या LPR १ वर्षांसाठी आणि ५ वर्षांसाठीच्या दरात ०.१०% एवढी कपात केली.
गोकुळदास एक्स्पोर्ट ची निर्यात वाढली कापसाच्या किमती कमी झाल्यामुळे उत्पादन खर्चात बचत शक्य आहे.

RVNL आणि त्यांचा रशियन पार्टनर मिळून वंदे भारत ट्रेन ची Rs ३६००० कोटींची ऑर्डर पूर्ण करणार होते.भारत सरकारचे म्हणणे आहे की RVNL चा स्टेक जास्त असावा पण याला रशियन पार्टनर यांची संमती नाही. आता RVNL चा स्टेक ५१%असावा असे रशियन पार्टनरचे म्हणणे आहे.

सरकारने ट्रक्स मध्ये ड्रायव्हरच्या केबिनमध्ये एअरकंडिशनर मशीन बसवणे २०२५ पर्यंत अनिवार्य केले आहे. याचा फायदा सुब्रोस, अंबर इंटरप्रायझेस यांना होईल.

RVNL ला चेन्नई मेट्रो कडून Rs १७३० कोटींची ऑर्डर मिळाली. ही ऑर्डर ४ वर्षे ७ महिन्यात पूर्ण करायची आहेत.

BEL ला आतापर्यंत Rs ५९०० कोटींच्या ऑर्डर्स मिळाल्या आहेत.

आज फार्मा क्षेत्र सोडून बाकी सर्व क्षेत्रात खरेदी झाली.
BSE निर्देशांक सेन्सेक्स ६३३२८ NSE निर्देशांक निफ्टी १८८१७ आणि बँक निफ्टी ४३७६६ वर बंद झाले.

Bhagyashree Phatak

आज क्रूड US $ ७५.५० प्रती बॅरलच्या आसपास तर रुपया US $१= Rs. ८२.०० च्या आसपास होते. US $ निर्देशांक १०२.३० USA १० वर्षे बॉण्ड यिल्ड ३.७६ आणि VIX ११.३० होते.

शुक्रवारी USA च्या मार्केट्समध्ये प्रॉफिट बुकिंग झाले. USA चे विदेशमंत्री श्री ब्लिनकेन चीन च्या दौऱ्यावर आहेत. या दौऱ्यावरील वाटाघाटींमधून काही चांगली बातमी येईल अशी अपेक्षा आहे.साखर आंतरराष्ट्रीय मार्केटमध्ये US $ २६.४५ प्रती किलो झाले.

FII ने Rs ७९४.७८ कोटींची खरेदी तर DII ने Rs ६८१.३३ कोटींची खरेदी केली.

श्रीराम फायनान्समध्ये ९९.२० लाख शेअर्सचे प्रती शेअर Rs १४०१.१५ प्रती शेअर या दराने Rs १३९० कोटींचे ब्लॉक डील झाले.

ल्युपिनने ‘THIAMINE HYDROCHLORIDE’ हे इंजेक्शन USA मध्ये लाँच केले.

NMDC च्या छत्तीसगढ प्लांटमध्ये कामकाज सुरु झाले.
GE बरोबर जेट इंजिन बनवण्याची टेक्नॉलॉजी ट्रान्स्फर करण्याचा करार होणार असल्यामुळे मिश्र धातू निगम लिमिटेड या शेअरमध्ये तेजी होती.

ABB इंडिया ला कानपूरमेट्रोने ‘ABB’ चे इलेक्ट्रिफिकेशन सोल्युशन सेफ, रिलायेबल असून क्वालिटी पॉवर डिस्ट्रिब्युशन साठी वापरले. हे इलेक्ट्रिफिकेशन सोल्युशन १३ मेट्रो रेल प्रोजेक्ट्स साठी वापरले जाईल.

SKIPPER या पॉवर ट्रान्समिशन, डिस्ट्रिब्युशन, टेलिकॉम आणि रेल्वेचे स्ट्रकचर उत्पादन करणाऱ्या कंपनीला पॉवर ग्रीड या कंपनीकडून Rs ११३५ कोटींची ऑर्डर मिळाली. लॅटिन अमेरिका, मिडल ईस्ट, आणि नॉर्थ आफ्रिका या रीजन्समध्ये पॉवर आणि पोल निर्यात करायचे आहेत.

GUFIC BIOSCIENCE या कंपनीला NMPA चीन कडून ( नॅशनल मेडिकल प्रॉडक्ट ऍडमिनिस्ट्रेशन ) कडून ‘PRILOCAINE’ या API साठी संमती मिळाली. यामुळे या कंपनीला चीनच्या मार्केटमध्ये आपले बस्तान बसवता येईल.

अडाणी इंटरप्रायझेस स्टार्क इंटरप्रायझेस मध्ये १०० % स्टेक घेणार आहे स्टार्क हा ऑन लाईन ट्रेन बुकिंग आणि इन्फॉर्मेशन प्लॅटफॉर्म आहे.

सोम डिस्टीलरीजने त्यांच्या ओडिशा मधील डिस्टीलरीजच्या क्षमता विस्तारामध्ये ट्रायल उत्पादन सुरु केले.

AXICADE टेक्नॉलॉजी ‘ADD सोल्युशन GMBH’ या कंपनीत १००% स्टेक युरो ५.५ मिलियन्सला घेणार आहे
.HDFC बँकेने इशू केलेले कमर्शियल पेपर मुदत पूर्ण होईपर्यंत होल्ड करता येतील. बँकेने ते रोल ओव्हर किंवा रिइशू करू नयेत. HDFC बँकेने सर्व लायबिलिटीजची इफेक्टिव्ह रक्कम किती होते ते RBI ला कळवावे असे RBI ने HDFC बँकेला कळवले आहे.

DR रेडीज च्या हैदराबाद येथील बोल्लाराम आपि मॅन्युफॅक्चरिंग फॅसिलिटीचे इन्स्पेक्शन १२ जून २०२३ ते १६ जून २०२३ या काळात USFDA ने केले होते. या तपासणीसंबंधात USFSDA ने कोणतीही त्रुटी न दाखवता EIR इशू केला.

याच कंपनीच्या श्रीकाकुलम युनिटच्या इन्स्पेक्शन नंतर EIR दिला.

सरकारने जून २०२३ महिन्यासाठी विंडफॉल टॅक्स झीरो असेल असे जाहीर केले. याचा फायदा ONGC ऑइल इंडिया आणि रिलायन्स आणि वेदांताला होईल.

मारुतीने ‘इन्व्हिक्टो MPV’ चे बुकिंग सुरु केले.

UK सरकारने भारतातून आयात होणाऱ्या स्टेनलेस स्टील बार रॉडवरील आयात ड्युटी कमी केली. याचा फायदा JSPL ला होईल. म्हणून JSPL चा शेअर तेजीत होता.

ल्युपिन च्या विशाखापट्टणम येथील API मॅन्युफॅक्चरिंग युनिटला USFDA ने EIR दिला.

HPCL ला ONGC पेट्रो कडून नैसर्गिक गॅस च्या पुरवठ्याचे कॉन्ट्रॅक्ट मिळाले.

ओलेक्ट्रा ग्रीनटेकला EV युनिट बनवण्यासाठी कॉन्ट्रॅक्ट मिळाले.

३ जुलै २०२३ पासून गिफ्ट निफ्टी ( पूर्वीचा SGX निफ्टी ) मध्ये F & O ट्रेडिंग सुरु होणार. सर्व प्रकारचे ओपन इंटरेस्ट गिफ्ट निफ्टी IFSC मध्ये असतील.सध्या गिफ्ट नीफटीमध्ये ६० ब्रोकर्स असतील. थोड्याच दिवसात आणखी ५० ते ६० बोकर्स समाविष्ट होण्याचा प्रस्ताव आहे. या एक्स्चेंजचे कामकाज सकाळी ६-३० पासून दुसऱ्या दिवशीच्या पहाटे ३.४५ वाजेपर्यंत म्हणजे जवळजवळ २१ तास चालेल. बॉण्ड्स कमोडिटीज, शेअर चे ट्रेडिंग रुपयांमध्ये होईल.

झायड्स लाईफच्या ‘MONOCYCLINE HYDROCHLORIDE’ ला USFDA कडून अंतिम मंजुरी मिळाली.

आज बँकिंग,ऑटो, FMCG,रिअल्टी एनर्जी मेटल्स या क्षेत्रातील शेअर्समध्ये प्रॉफिट बुकिंग झाले. NBFC मध्ये थोडी खरेदी झाली.

BSE निर्देशांक सेन्सेक्स ६३१६८ NSE निर्देशांक निफ्टी १८७५५ आणि बँक निफ्टी ४३६३३ वर बंद झाले.

Bhagyashree Phatak

आज क्रूड $ US $ ७५.८० प्रती बॅरलच्या आसपास तर रुपया US $ १= Rs ८१.९० च्या आसपास होते . US $ निर्देशांक १०२.१९ USA १० वर्षे बॉण्ड यिल्ड ३.७४ आणि VIX १०.८४ होते.

आज FII नी Rs ३०८५ कोटींची खरेदी तर DII नी Rs २९७.८८ कोटींची विक्री केली.

USA ची मार्केट्स तेजीत होती. आर्टिफिशियल इंटेलिजन्स संबंधित शेअर्स तेजीत होते.

युरोपियन सेंट्रल बँकेने त्यांच्या दरात ०.२५% ची वाढ केली आता हा दर ३.५०% झाला.

रामकृष्ण फोर्जिंग्ज ला रेल्वे मंत्रालयाकडून Rs १२.२ कोटींची १५.४ लाख व्हील्स बनवण्यासाठी २० वर्षे मुदतीची ऑर्डर मिळाली.

टोरंट फार्माच्या गुजरात मधील ओरल ऑन्कोलॉजीच्या बिलेश्वरपुरा युनिटला USFDA ने EIR दिला.

टीनच्या किमती वाढत आहेत तसेच’ टिनप्लेट ‘ या कंपनीचे टाटा स्टीलमध्ये मर्जर होणार असल्यामुळे या शेअरमध्ये खरेदी झाली.

ट्रान्सअमेरिका या AGEON कंपनीच्या सबसिडीअरीने TCS बरोबरील US $ २ बिलियनचे कॉन्ट्रॅक्ट परस्पर संमतीने रद्द केले. हे डील रद्द झाले नसते तर आणखी ८-१० वर्षे हे काम चालले असते. TCS ने सांगितले की आम्ही ३० महिन्यानंतर नवीन मॉडेलप्रमाणे काम सुरु करू.

RITES या कंपनीला जिम बॉम्बे रेल्वे कडून US $ ८.१२ कोटींची ऑर्डर मिळाली.

पारस डिफेन्सला संरक्षण मंत्रालयाकडून Rs ५३ कोटींची ऑर्डर मिळाली.

नाटको फार्माच्या LONSURF या कॅन्सरवरील औषधाला USFDA कडून मान्यता मिळाली.

IKIO या कंपनीच्या शेअर्सचे BSE वर Rs ३९१ आणि NSE वर Rs ३९२.५० ला लिस्टिंग झाले.

इंडसइंड बँकेने ‘WISE’ बरोबर एक नवीन डिजिटल प्लॅटफॉर्म बनवण्यासाठी करार केला या प्लॅटफॉर्मवरून NRI ना भारतामध्ये पैसे पाठवणे सोपे होईल.

NCDEX वर २० जून २०२३ पासून शेंगदाण्यामध्ये वायदा सुरु होणार आहे . याचा ट्रेडिंग आणि डिलिव्हरी लॉट ५ MT असून टिक साईझ Rs १ असून कमाल ऑर्डर ५०० MT ची असू शकते. डिलिव्हरी बिकानेर आणि गोंडाळ येथे दिली जाईल.

पातंजली प्रॉडक्टने ऑईल्स, CEREALS, NUTS, आणि WHEY प्रोडक्टसची १४ प्रीमियम प्रॉडक्टस ची रेंज लाँच केली.

मदर्सन सुमी च्या युरोपियन सबसिडीअरीने ‘VINCI ENERGIES फ्रान्स’ यांच्या कडून CIRMA इंटरप्रायझेस मधील १००% स्टेक EURO ७.२ मिलियन ला खरेदी करण्यासाठी करार केला.

TVS मोटर्स ने EMARLD हेवन रिअल्टी मधील ४३.५४% स्टेक Rs १६६ .६३ कोटींना विकला.

बालाजी टेली चे CEO अभिषेक कुमारांनी राजीनामा दिला.
भेल ने आयशर मोटर्स बरोबर कमर्शियल व्हेइकलसाठी टाईप IV सिलेंडर (हायड्रोजन आणि CNG) बनवण्यासाठी करार केला.

PFC ने ‘PFC कन्सल्टिंग लिमिटेड’ या १००% सबसिडीअरी मार्फत TIRWA सबस्टेशन आणि त्याच्या असोसिएटेड लाईन कन्स्ट्रक्शन करण्यासाठी ‘TIRWA ट्रान्समिशन लिमिटेड ‘हे स्पेशल पर्पज व्हेईकल तयार केले.

नाटको फार्माच्या विशाखापट्टणम येथील फॅसिलिटीच्या ३० जानेवारी ते ३ फेब्रुवारी २०२३ दरम्यान झालेल्या इन्स्पेक्शनसाठी USFDA ने EIR दिला.

लोकेश मशीन टूल्स या कंपनीला भारत सरकारकडून छोटी हत्यारे बनवण्यासाठी लायसेन्स मिळाले.

चक्री वादळामुळे GRAVITA या कंपनीच्या मुंद्रा येथील प्लॅन्टचे नुकसान झाले.

SML ISUZU मधून जपानी प्रमोटर्स बाहेर पडतील त्यांचा स्टेक घेण्यासाठी JBM ऑटो ने ड्यू डिलिजन्स सुरु केला आहे.

नायजेरियाच्या चलनाची किंमत कमी होत आहे. गोदरेज कन्झ्युमर, भारती एअरटेल, TVS मोटर्स, बजाज ऑटो या कंपन्या त्यांच्या प्रोडक्टसची निर्यात नायजेरियाला करतात.
आता या कंपन्यांची प्रॉडक्टस महाग झाल्यामुळे या कंपन्यांच्या नायजेरियाला होणाऱ्या निर्यातीचे प्रमाण कमी होण्याची शक्यता आहे.

आज बँकिंग, फार्मा, मेटल्स मध्ये खरेदी तर IT आणि रिअल्टीमध्ये विक्री झाली. आज सेन्सेक्स आणि निफ्टी रेकॉर्ड स्तरावर बंद झाले

BSE निर्देशांक सेन्सेक्स ६३३८४ NSE निर्देशांक निफ्टी १८८२६ आणि बँक निफ्टी ४३९३८ वर बंद झाले

Bhagyashree Phatak

आज क्रूड US $ ७३.५० प्रती बॅरलच्या आसपास तर रुपया US $१= Rs ८२.१० च्या आसपास होते. US $ निर्देशांक १०३.२४ USA १० वर्षे बॉण्ड यिल्ड ३.७९ आणि VIX ११.२४ होते.

यावेळी फेड ने रेट वाढवले नाहीत. रेट्सची रेंज ५% – ५.२५% च ठेवली. पण वर्षअखेरपर्यंत दोनदा ०.५०% पर्यंत रेट वाढवण्याची शक्यता व्यक्त केली आहे. २०२३-२०२४मध्ये रेट कट होण्याची शक्यता नाही असे सांगितले.

चीनची सेंट्रल बँक PBOC ने MLF लोनरेटमध्ये ०.१०% ची कपात केली. व्याजाचे दर २.७५% वरून २.६५ % केले.

फेडची पुढील बैठक २५ आणि २६ जुलै २०२३ रोजी होईल. ५.६% पर्यंत रेट वाढ चालू राहील. फेडच्या या घोषणेनंतर डाऊ जोन्स ४०० पाईंट पडले नंतर २०० ते २२५ पाईंट सुधारले.

FII ने Rs १७१४ कोटींची खरेदी तर DII नी Rs ६५४ कोटींची विक्री केली.

BHEL आणि टिटाघर वॅगन यांच्या JV ला वंदे भारत गाडयांच्या संबंधित Rs २४००० कोटींची ऑर्डर मिळाली.

ऍक्सिस बँकेतील BAIN कॅपिटल ने त्यांचा स्टेक US $२.६७ मिलियन विकला. याची फ्लोअर प्राईस Rs ९६४ ते Rs ९७७ होती.

KFIN टेक ने १७ ऑक्टोबर २०२२ रोजी डिपॉझिटरी पार्टीसिपंट साठी अर्ज केला होता. हा अर्ज त्यांनी काढून घेतला.

HCL TECH ने गूगल क्लाउड बरोबर स्ट्रॅटेजिक पार्टनरशिप केली. HCL TECH गूगलची AI प्रोडक्ट आणि सर्व्हिसेस वापरू शकेल.

TEGA च्या कॉम्पोझिट स्कीमला NCLT ने परवानगी दिली.

IOB ने त्यांचा बेस रेट ०.२०% ने वाढवून ८.९०% वरून ९.१०% केला.

भारताची SEA फुड्सची निर्यात २६% ने वाढली.

खाद्य तेलांवरील इम्पोर्ट ड्युटी १७.५% वरून १२.५% केली. यामुळे खाद्य तेलाचा पुरवठा वाढून खाद्य तेलाचे भाव कमी होण्यास मदत होईल.

सेबी म्युच्युअल फंडांच्या मार्गदर्शक तत्वात काही सूट देईल अशी अपेक्षा होती. पण सेबीने अशी काहीच सवलत न दिल्यामुळे HDFC आणि HDFC बँकेत प्रॉफिट बुकिंग होईल.
REC ची १४ जून २०२३ रोजी फायनल लाभांशावर विचार करण्यासाठी बोर्ड ऑफ डायरेक्टर्स ची बैठक आहे.

पॅनासिया बायोटेकच्या सबसिडीअरीने लहान मुलांच्या फूड प्रोडक्टसची नवीन रेंज लाँच केली.

सुप्रीम कोर्टाने कोल इंडिया या कंपनीलाही कॉम्पिटिशन LAW लागू होईल असा निर्णय दिला कंपनीने ती सरकारी कंपनी आहे आणि त्यांचा बिझिनेस कोल माईन ऍक्ट प्रमाणे होतो त्यामुळे कॉम्पिटिशन LAW लागू होत नाही असे कंपनीचे म्हणणे होते. कॉम्पिटिशन कमिशन ने कोल इंडियावर Rs ५९६ कोटींची पेनल्टी लावली होती.

EAC ( इलेक्ट्रिक आर्क CALCINER तंत्रज्ञानासाठी) SALTEX टेक बरोबर दालमिया भारतने करार केला.
कोचिन शिपयार्डला विल्सन शिप मॅनेजमेंट AS कडून ६ कार्गो व्हेसल्ससाठी Rs ५८० कोटींची ऑर्डर मिळाली.
FDC च्या औरंगाबाद युनिटला USFDA ने EIR (एस्टॅब्लिशमेंट इन्पेक्शन रिपोर्ट) दिला.

झी इंटरप्रायझेसची SAT मधील सुनावणी १९ जून रोजी होईल.

GR इन्फ्रा NHAI च्या Rs १०८५ कोटींच्या प्रोजेक्ट साठी L -१ बीडर म्हणून घोषित झाली.

अशोक लेलँडने AIDRIVEN ऑटो इलेक्ट्रिक ट्रॅक साठी करार केला.

व्हेजिटेबल ऑइल ची आयात १०.५लाख टनांवरून १०.६ लाख टन, पाम ऑईलची आयात ५.१ लाख टनांवरून ४.३९ लाख टन, सोया ऑईलची आयात २.६२लाख टनांवरून ३.१८ लाख टनआणि सण फ्लॉवर ऑइल ची आयात २.९५ लाख टनांवर कायम राहिली.

सोम डिस्टीलरीजचा कर्नाटक मधील मार्केट शेअर २०.१% झाला.

हिरो मोटो कॉर्पच्या संबंधित आयकर विषयी तपास MCA ( मिनिस्ट्री ऑफ कॉर्पोरेट अफेयर्स) ने सुरु केला.

युरोपियन युनियनच्या २७ देशांनी निर्णय घेतला वर्ष २०२६ पासून अल्युमिनियम वर क्रॉस बॉर्डर ऍडजस्टमेन्ट मेकॅनिझम अंतर्गत कार्बन टॅक्स लावला जाईल. भारतामध्ये बहुतांशी उद्योग कोळशावर चालत असल्याने भातरातीची कार्बन इंटेन्सिटी EU च्या ३ पट आहे. या कार्बन टॅक्सचा परिणाम स्टील, अल्युमिनियम, सिमेंट पॉवर फर्टिलायझर प्लास्टिक आणि केमिकल उद्योगांवर होईल. EU मध्ये आयात होणाऱ्या प्रोडक्टस वर हा कार्बन टॅक्स लागू केला जाईल.

LAURAS लॅबच्या अच्युतपूर विशाखापट्टणम प्लांटसाठी ६ फेब्रुवारी ते १० फेब्रुवारी २०२३ दरम्यान झालेल्या फॉर्म्युलेशन मॅन्युफॅक्चरिंग फॅसिलिटी युनिट २ च्या तपासणीत USFDA ने EIR ( एस्टॅब्लिशमेंट इन्स्पेक्शन रिपोर्ट) दिला.

आज रिअल्टी आणि IT क्षेत्रातील शेअर्समध्ये प्रॉफिट बुकिंग झाले तर फार्मा, FMCG, ऑटो मध्ये खरेदी झाली.

BSE निर्देशांक सेन्सेक्स ६२९१७ NSE निर्देशांक निफ्टी १६६८८ आणि बँक निफ्टी ४३४४३ वर बंद झाले

Bhagyashree Phatak

आज क्रूड US ७४.६० प्रती बॅरलच्या आसपास तर रुपया US $ १= Rs ८२.३० च्या आसपास होते. US $ निर्देशांक १०३.२५ USA १० वर्षे बॉण्ड यिल्ड ३.८० आणि VIX ११.२० होते.

USA मधील महागाई ४% इतकी आली.

मे २०२३ महिन्यासाठी भारताचा WPI -३.२८ ( -०.९२) आला. हा WPI नोव्हेंबर २०१५च्या स्तरापेक्षाही कमी आहे.
V-मार्ट रिटेल च्या ५.८ लाख शेअर्सचा (२.९५% स्टेक) Rs १९९०/- प्रती शेअर किमतीवर सौदा झाला.

FII ने Rs १६७७ कोटींची खरेदी तर DII ने Rs २०३ कोटींची विक्री केली.

KEC इंटरनॅशनलला Rs १३७३ कोटींची ऑर्डर मिळाली.
कोटक महिंद्रा बँकेने फंड उभारण्यावर विचार करण्यासाठी १६ जूनला बैठक बोलावली आहे.

FIEM च्या हरयाणा मधील सोनेपत प्लॅन्टमधील युनिट-७ मध्ये आग लागल्यामुळे प्लांट फर्निचर आदींचे नुकसान झाले.
L & T माईंडट्री मायक्रोसॉफ्ट इंटेलिजंट सिक्युरिटी असोसिएशन बरोबर काम करणार.

३i इंफोटेकच्या सबसिडीअरीने चेन्नईमधील कॉलेजबरोबर MOU केले. पाथ ब्रेकिंग AI टॅब इन्स्टिट्यूट कॉलेजच्या कॅम्पसमध्ये उभारणार.

अनुपम रसायनने जपानच्या स्पेशालिटी केमिकल कंपनीबरोबर Rs २१८६ कोटींचे ५ वर्षांसाठी MOU केले.
झायड्स च्या अहमदाबाद चंगोदर येथील बायोटेक पार्कचे ३ जून ते १३जून या काळात USFDA ने केलेल्या तपासणीत एकही त्रुटी दाखवली नाही.

सोडा ASH च्या किमती टाटा केमिकल्सने Rs २३०० प्रती टन तर निरमा ने Rs २००० प्रती टन कमी केल्या.

LIC हाऊसिंगच्या CEO घई यांनी राजीनामा दिला. हा राजीनामा १३ जूनपासून अमलांत येईल. या कंपनीने फिक्स रेटवर पैसे उभारले आहेत त्यामुळे रेट कमी झाले तर नुकसान होईल.

धामपूर शुगरने नवीन ग्रेनबेस्ड डिस्टीलरीचा क्षमता विस्तार पुरा केला.

स्टील स्ट्रिप्स आणि व्हील्स इंडिया यांच्या चीनकडून आयात होणाऱ्या फ्लॅट बेस स्टील व्हील प्रॉडक्टस वरील ६१३ ची अँटी डम्पिंग ड्युटी १२ सप्टेंबर २०२३ रोजी संपुष्टात येईल. या कंपन्यांनी अँटी डम्पिंग ड्यूटीची मुदत वाढवण्यासाठी अर्ज केला आहे.

इन्फोसिसने KEY ट्रेड बँकेबरोबर डिजिटल ट्रान्सफॉर्मेशन साठी करार केला.

कमिन्स इंडिया ही कंपनी ग्रीन एनर्जी ट्रान्झिशन मध्ये US $ १०० कोटींची गुंतवणूक करणार आहे.

न्यूक्लिअस सॉफ्टवेअर या कंपनीने महिंद्रा फायनान्स बरोबर डिजिटलायझेशन साठी करार केला.

ट्यूब इन्व्हेस्टमेंट ने त्यांचा CG पॉवर मधील तारण म्हणून ठेवलेला स्टेक सोडवला.

हेरंबा इंडस्ट्रीज चा गुजरातमधील वापी येथील प्लांट बंद करण्याचा निर्णय गुजरात पर्यावरण महामंडळाने मागे घेतला.

JSW होल्डिंग MG मोटर्समध्ये ४५% स्टेक घेणार आहे.

रामकृष्ण फोर्जिंग्ज ला युरोप मधून युरोपियन रेल्वे पॅसेंजर कोच मॅन्युफॅक्चरर कडून युरो ४५ लाखांची ऑर्डर मिळाली.

IPCA लॅब च्या मध्यप्रदेशातील रतलाम येथील API मॅन्युफॅक्चरिंग फॅसिलिटीचे ५ जून ते १३ जून दरम्यान केलेल्या तपासणीत USFDA ने ४८३ फॉर्म इशु केला आणि ११ त्रुटी दाखवल्या.

IOC ने हरयाणामध्ये LANZAJET बरोबर एव्हिएशन फ्युएल प्लांट सेट करण्यासाठी MOU केले.

PM प्रणाम ही फर्टिलायझरसंबंधीत योजना जाहीर होणार होती म्हणून फर्टिलायझर्स उत्पादक कंपन्यांचे शेअर्स तेजीत होते. ( प्रणाम – प्रमोशन ऑफ अल्टरनेट न्यूट्रिअन्टस फॉर ऍग्रीकल्चर मॅनेजमेंट)

आज मेटल, रिअल्टी, इन्फ्रा क्षेत्रातील शेअर्स खरेदी तर बँकिंग आणि IT क्षेत्रातील शेअर्समध्ये प्रॉफिट बुकिंग झाले.
BSE निर्देशांक सेन्सेक्स ६३२२८ NSE निर्देशांक निफ्टी १८७५५ आणि बँक निफ्टी ४३९८८ वर बंद झाले

Bhagyashree Phatak