Author Archives: bpphatak

आजचं मार्केट – १० डिसेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपला शेअर मार्केट चा दुसरा कोर्से १५-१६ डिसेंबर ला organise  केला आहे ..हा कोर्स फक्त ५ जणांसाठीच आहे आणि रजिस्टर करायची शेवटची तारीख  १३ डिसेंबर आहे. तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Ke

आजचं मार्केट – १० डिसेंबर २०१८

आज क्रूड US $ ६१.९६ प्रती बॅरल ते US $६९.८८ प्रती बॅरल, रुपया US $ १=Rs ७१.१९ ते US $१=Rs ७१.४० होता. US $निर्देशांक ९६.६४ तर VIX २०.२० होते.

पांच राज्यांच्या विधानसभांच्या निवडणुका आणि त्याचे निकाल याकडे मार्केट फार बारकाईने लक्ष देत आहे.या निवडणुका म्हणजे २०१९ मध्ये होणाऱ्या लोकसभेच्या निवडणुकांची रंगीत तालीम आहे असे मार्केटला वाटते. उद्या निवडणुकीचे निकाल येतील आणि या निकालांचे दर्शन एक्झिट पोलने जे घडवले ते सत्य समजून मार्केटमध्ये विक्री सुरु झाली. दिवस अखेरीला (सेन्सेक्स) ७०० पाईंट मार्केट पडले.

शुक्रवारी कोटक महिंद्रा बँकेमुळे मार्केट वाढले त्याच कोटक बँकेत आज जोरदार मंदी होती. कोटक बँकेनी PNCPS ( पर्पेच्युअल नॉन कॉन्व्हर्टिबल प्रेफरन्स शेअर्स.) इशू केल्याची ऑगस्ट २०१८ मध्ये घोषणा केली होती. ह्याच्या वैधतेबद्दल कोटक आणि RBI यांचे भांडण कोर्टात पोहोचले. डिसेम्बरअखेरीस कोटकना त्यांची हिस्सेदारी कमी करायची आहे. RBI च्या मते स्टेक कमी करणे म्हणजे कंट्रोल कमी करणे आणि ओनरशिपचे डिस्ट्रिब्युशन करणे. PNCPS मुळे हा उद्देश साध्य होत नाही. कारण यामुळे फक्त शेअरहोल्डिंग घटते पण या प्रेफरन्स शेअर्सना वोटिंग राईट्स नसल्यामुळे कंट्रोलमध्ये काही फरक पडत नाही. रेग्युलेटरी डिसिजनच्या बाबतीत सामान्यतः कोर्ट हस्तक्षेप करत नाही असा आजवरचा अनुभव आहे. म्हणून हा शेअर पडला. कोर्टाच्या निकालाचा परिणाम एकट्या कोटक बँकेवर होणार नसून इक्विटास, उज्जीवन, बंधन, आणि YES या कंपन्यांच्या शेअर्स वर होईल. या कंपन्यातील प्रमोटर्सनाही त्यांचा स्टेक कमी करायचा आहे
NBFC मध्ये असेट-लायबिलिटी मिसमॅच आहे असे बोलले जाते. याची तपासणी झाली पाहिजे आणि या बाबतीत कडक निर्बंध लागू केले पाहिजेत म्हणजे ILFS सारखी वेळ येणार नाही असे जाणकारांचे म्हणणे आहे. जर NBFC दीर्घ मुदतीसाठी कर्ज देत असतील आणि अल्प मुदतीचे कमर्शियल पेपर इशू करून पैसे जमा करत असतील तर प्रॉब्लेम येतो. दीर्घ मुदतीच्या कर्जासाठी दीर्घ मुदतीचे डिपॉझिट आवश्यक आहे पण यामुळे ‘कॉस्ट ऑफ मनी’ वाढेल कारण दीर्घ मुदतीच्या डिपॉझिटवर व्याजाचा दर जास्त असतो. म्हणून ज्या NBFC नी रिअल इस्टेट साठी कर्ज दिले आहे अशा NBFC ना प्रॉब्लेम होऊ शकतो.

आता व्हिएन्नामध्ये झालेल्या OPEC च्या बैठकीमध्ये ८ लाख बॅरल ओपेक देश आणि ४ लाख बॅरल नॉनओपेक देश जानेवारी २०१९ पासून क्रूडचे उत्पादन कमी करतील असे सांगण्यात आले. या निर्णयाची एप्रिल २०१९मध्ये समीक्षा करण्यात येणार आहे. यामुळे क्रूडचे दर आज वाढले. ही गोष्ट ONGC च्या दृष्टीने फायदेशीर आहे त्याच बरोबर ONGC विदेशच्या लिस्टिंगची चर्चा सुरु आहे.

टाटा स्पॉन्जला ओरिसाच्या पर्यावरण विभागाकडून परवानगी मिळाली.

मुंबईला लाईटची बिले अव्वाच्या सव्वा आली आहेत त्यामुळे लोकांमध्ये रोष आहे त्यातच एक्झिट पोल BJP च्या विरोधात आहे. BJP च्या विरोधात काहीही असेल तर अडाणी ग्रुपचे शेअर पडतात.

ल्युपिनला पिथमपूर युनिटसाठी EIR मिळाला.

विशेष लक्षवेधी

  • IFCI चा निकाल चांगला आला. तोटा मोठ्या प्रमाणावर कमी झाला.
  • RITES ची १७ डिसेम्बरला लाभांशावर विचार करण्यासाठी बैठक आहे.
  • IOC ची लाभांश आणि बायबॅक ऑफ शेअर्सवर विचार करण्यासाठी १३ डिसेंबर २०१८ ला मीटिंग आहे.
  • उदया कोची शिपयार्डचा शेअर बायबॅक चा शेवटचा दिवस आहे.

वेध उद्याचा

  • उद्यापासून लोकसभेचे हिवाळी अधिवेशन सुरु होणार आहे.
  • ब्रेक्झिटवर उद्या ब्रिटिश पार्लमेंटमध्ये मतदान होईल.

BSE निर्देशांक सेन्सेक्स ३४९५९ NSE निर्देशांक निफ्टी १०४८८ आणि बँक निफ्टी २६१०३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ७ डिसेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ७ डिसेंबर २०१८

आज क्रूड US $ ५९.३० प्रती बॅरल ते US $ ६०.४० प्रती बॅरल या दरम्यान तर रुपया US १=Rs ७०.४९ ते US $१= Rs ७०.७५ या दरम्यान होते. US $ निर्देशांक ९६.८४ होता.

आज मार्केटमध्ये लपंडाव चालू होता. कधी मार्केट एकदम २०० पाईंट वरती तर एकदम सगळी तेजी नाहीशी होऊन मंदी सुरु झालेली. जसा ऊन पावसाचा खेळ ! ही तेजी मंदी सुद्धा २००-२०० पाईंटची होती. शेवटी तर मार्केटने कमाल केली सगळ्यांचे अंदाज चुकले आणि मार्केटने निफ्टीने १०७०० चा टप्पाही पार केला. ४०० पाईण्टपेक्षा जास्त तेजी सेन्सेक्समध्ये आली. याला कोटक महिंद्रा बँकेचा आणि फार्मा कंपन्यांचा चांगला हातभार लागला.

वॉरेन बफेट यांची कंपनी बर्कशायर हाथवे कोटक महिंद्रा बँकेत १०% स्टेक घेणार आहे. या बातमीमुळे शेअर Rs १०० वाढला. कारण कोटक बँकेचे प्रमोटर उदय कोटक यांना त्यांचा स्टेक २०% ने कमी करायचा आहे.

HCL टेकने मात्र निराश केले. HCL टेक ही कंपनी IBM कडून ७ सॉफ्टवेअर प्रॉडक्ट्स US $१.८ बिलियनला खरेदी करणार आहे. यासाठी अर्धे कर्ज आणि अर्धी कॅश देऊन हे डील करणार आहे. E- कॉमर्स आणि ह्युमन रिसोर्सेसच्या बाबतीत ही प्रॉडक्ट्स आहेत. ५ प्रॉडक्ट्सच्या संबंधात लायसेन्सिंग पार्टनरशिप सुरु राहील असे कंपनीने सांगितले. पण मार्केटला हे डील फारसे पसंत पडले नाही कारण कर्जाचा भार कंपनीवर पडेल आणि रेव्हेन्यू मिळण्यासाठी वेळ लागेल. त्यामुळे शेअर पडला.

SJVN मधील सरकारचा स्टेक NTPC खरेदी करेल. त्यामुळे ऑपरेशनल कॉस्ट कमी होईल आणि सरकारचे डायव्हेस्टमेन्ट लक्ष्य पुरे होण्यास मदत होईल.

PFC आणि REC चे जे मर्जर होणार आहे त्यात ओपन ऑफर आणण्यापासून सूट द्यावी अशी सरकारने सेबीला विनंती केली आहे.

OPEC ने क्रूडचे उत्पादन कमी करायचा निर्णय घेतला तरी त्यातून इराण, व्हेनिझुएला, लिबिया या सदस्य देशांना सूट दिली जाईल. तसेच पंतप्रधान मोदींनी विनंती केल्याप्रमाणे ही उत्पादन कपात करताना भारताच्या हिताचे भान ठेवले जाईल असे सौदी अरेबियाने सांगितले

दिलीप बिल्डकॉन या कंपनीला महानदी कोलफिल्डस कडून Rs १००० कोटींची ऑर्डर मिळाली.

सरकार IL &FS ची जी १९ रोड प्रोजेक्ट पुरी झाली आहेत ती विकण्याचा विचार करत आहे. यामुळे Rs ३००००कोटी ते Rs ३५००० कोटी मिळतील असा अंदाज आहे.

टाटा मोटर्सची JLR विक्री युरोप आणि USA मध्ये थोड्या प्रमाणावर वाढली पण चीन मध्ये विक्री ५१% कमी झाली एकूण JLR ची विक्री ८% ने कमी झाली. म्हणून टाटा मोटर्सचा शेअर पडला.

गुजरात अल्कली ही कंपनी Rs ८२५ कोटी गुंतवणूक करून त्यांच्या दाहेज प्लांटचा विस्तार करणार आहे. यामुळे कंपनीच्या उत्पन्नात Rs ४८० कोटींची वाढ होईल.

विशेष लक्षवेधी

  • आज संध्याकाळी ५ राज्यातील निवडणुकांचे एक्झिट पोल यायला सुरुवात होईल.
  • ओपेक देशांनी त्यांची बोलणी ५ वर्षात प्रथमच अनिर्णीत अवस्थेत संपवली रशियाशी क्रूड उत्पादनात कपात करण्याविषयी सर्व संमती होऊ शकली नाही.

वेध उद्याचा

  • ११ डिसेंबर २०१८ ला ५ राज्यातील निवडणुकांचे निकाल जाहीर होतील.
  • ११ डिसेंबर रोजी UK च्या संसदेत ब्रेक्झिट डील वर मतदान होईल.
  • १२ आणि १३ डिसेम्बरला येस बँक आपल्या CEO चे नाव निश्चित करण्यासाठी बोर्ड ऑफ डायरेक्टर्सची बैठक घेणार आहे.

BSE निर्देशांक सेन्सेक्स ३५७६३ NSE निर्देशांक निफ्टी १०६९४ बँक निफ्टी २५५९४ वर बंद झाले.

आपला शेअर मार्केट चा दुसरा कोर्से १५-१६ डिसेंबर ला organise  केला आहे ..हा कोर्स फक्त ५ जणांसाठीच आहे.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Ke

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ६ डिसेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ६ डिसेंबर २०१८

आज क्रूड US $ ५९.७६ प्रती बॅरल ते US $ ६१.७९ प्रती बॅरल दरम्यान तर रुपया US $१=Rs ७०.७९ ते US $१= Rs ७१.१५ या दरम्यान होते. US $ निर्देशांक ९६.९८ तर VIX १९.२७ होते

देशात आणि देशाबाहेर अनेक घटना एकाच वेळी घडत आहेत. RBI च्या पॉलिसीमध्ये अशी कोणतीही नकारात्मक गोष्ट नव्हती की ज्यामुळे मार्केट ५०० पाईंट पडेल. ओपेक सुद्धा ट्रम्प यांच्या दबावा खाली क्रूडचे उत्पादन मोठ्या प्रमाणावर कमी करणार नाही. म्हणजे क्रूडची किंमत आहे त्या पातळीवर राहील. पण तरीही मार्केट पडण्याचा वेग जास्त का ? हे समजत नव्हतं. त्यावेळी समजले की HUEWAI या चिनी टेलिकॉम क्षेत्रातील कंपनीच्या CFO ला कॅनडामध्ये अटक झाली. ही CFO म्हणजे या कंपनीच्या प्रमोटरची मुलगी आहे. ही कंपनी USA ने निर्बंध घातलेल्या देशांना इक्विपमेंट पुरवत होती यात इराणचाही समावेश होता. या कंपनीने USA ने घातलेल्या निर्बंधांच्या विरोधात इक्विपमेंट पुरवली असा या कंपनीवर आरोप आहे. यामुळे चीन आणि USA यांच्यातील संपत आलेले ट्रेड वॉर पुन्हा पेटेल असे वाटले म्हणून मार्केट पडण्याचा वेग वाढला

ऍग्री एक्स्पोर्ट पॉलिसी येण्याची शक्यता आहे. या मध्ये चहा, कॉफी, तांदूळ, तंबाखू. मरीन प्रॉडक्ट्स आणि पोल्ट्री प्रॉडक्ट्स याची निर्यात वाढावी हा दृष्टिकोण समोर ठेवून हे धोरण असेल. त्यामुळे या संबंधित शेअर्सवर परिणाम होईल.

इथेनॉल चे उत्पादन आणी ब्लेंडींग वाढावे म्हणून सरकार प्रयत्न करत आहे. सरकार सॉफ्ट लोन देणार आहे. गरज असल्यास अतिरिक्त कर्जसुद्धा देईल. या कर्जावरचे व्याज सरकार भरणार आहे. याचा फायदा इंडिया ग्लायकोल आणि प्राज इंडस्ट्रीज यांना होईल.

माईंड ट्रीचे C G सिद्धार्थ यांचा कंपनीमध्ये २६% स्टेक आहे. ते हा स्टेक विकण्याच्या तयारीत आहेत. KKR हा स्टेक घेण्याच्या तयारीत आहे.

किर्लोस्कर इंडस्ट्रीजच्या संदर्भात इन्सायडर ट्रेडिंगची तक्रार आली होती.व्यवस्थापनाने असे काही घडले नाही असा खुलासा केला.

विशेष लक्षवेधी

  • नेस्लेने Rs ५० प्रती शेअर लाभांश जाहीर केला.
  • मुथूट फायनान्सचा निकाल चांगला आला.
  • उद्या राजस्थान आणि तेलंगाणा या राज्यात मतदान आहे.

आता RBI च्या वित्तीय धोरणाविषयी थोडेसे :-

सार्वजनिक क्षेत्रातील सरकारी बँका आणि खाजगी बँका आतापर्यंत त्यांनी ठरवलेल्या (१) प्राईम लेंडिंग रेट (२) बेंचमार्क प्राईम लेन्डिंग रेट (३) बेस रेट (४) मार्जिनल कॉस्ट ऑफ फंडबेस्ड लेन्डिंग रेट. यापैकी एका रेटवर आपला स्प्रेड मिळवून ते आपला गृह कर्ज ऑटो कर्ज आणि

MSME कर्जावरील फ्लोटिंग व्याजाचा दर ठरवत असत. कोणता रेट ठरवायचा आणि किती स्प्रेड मिळवायचे हे स्वातंत्र्य प्रत्येक बँकेला होते. हे सर्व रेट प्रत्येक बँकेचे व्यवस्थापन ठरवत असल्यामुळे प्रत्येक बँकेचा या कर्जावरील व्याजाचा दर वेगळा असायचा.

५ डिसेंबर २०१८ च्या वित्तीय धोरणात बँकांना असलेले स्वातंत्र्य RBI ने संपुष्टात आणले.

RBI ने असे जाहीर केले की वित्तीय वर्ष २०१९ पासून बँकांनी आपले गृहकर्ज, ऑटो कर्ज आणि MSMEवरील फ्लोटिंग व्याजाचे दर खालीलपैकी कोणत्याही एका रेटशी निगडीत ठेवावेत. बँकेने त्यात आपला स्प्रेड मिळवून वरील कर्जान्वरील फ्लोटिंग व्याजाचा दर ठरवावा. कर्जाची मुदत संपेपर्यंत बँकेला आपला स्प्रेड कायम ठेवावा लागेल. याला अपवाद म्हणजे कर्जदाराच्या क्रेडिट रिस्क प्रोफाइल मध्ये झालेला बदल.

(१)RBI ने आपल्या वित्तीय धोरणात जाहीर केलेला रेपो रेट
(२) भारत सरकारच्या ९१ दिवसांच्या ट्रेजरी बिलावरील FBIL (फायनान्सियल बेंचमार्क इंडिया PVT LTD.) ने जाहीर केलेला यिल्ड रेट
(३) भारत सरकारच्या १८२ दिवसांच्या ट्रेजरी बिलांवरील FBIL ने जाहीर केलेला यिल्ड रेट.
(४) किंवा FBIL ने जाहीर केलेला इतर कोणताही बेंचमार्क मार्केट व्याजाचा रेट.

आता बँकेबाहेरील एजन्सीने ठरवलेल्या दरावर बँक आपला स्प्रेड ( मार्जिन) मिळवेल. यामुळे FBIL ने किंवा RBI ने आपले दर बदलले की बँकांचे गृह, ऑटो, आणि MSME व्याजाचे दर तेवढ्या प्रमाणात बदलतील. हे दर जुन्या तसेच नवीन कर्जाना लागू होतील.पूर्वी RBI ने केलेले रेटकट बँका आपल्या ग्राहकांना पास ऑन करत नव्हत्या आता आपोआप वरील दर बदलले की सर्व बँकांना आपापले गृह ऑटो आणि MSME कर्जावरील व्याजाचे फ्लोटिंग दर बदलावे लागतील.

BSE निर्देशांक सेन्सेक्स ३५३१२ NSE निर्देशांक निफ्टी १०६०१ बँक निफ्टी २६१९८ वर बंद झाले.

आपला शेअर मार्केट चा दुसरा कोर्से १५-१६ डिसेंबर ला organise  केला आहे ..हा कोर्स फक्त ५ जणांसाठीच आहे.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Ke

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ५ डिसेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ५ डिसेंबर २०१८

आज क्रूड US $ ६१.०२ प्रती बॅरल ते US $ ६२.०९ प्रती BARREL या दरम्यान रुपया US $१=Rs ७०.५८ ते US $१= Rs ७०.७२ या दरम्यान होते. चीनने USA मधून LNG आणि सोयाबीनची आयात पुन्हा सुरु करण्यात येईल असे सांगितले.

आज RBI चे वित्तीय धोरण अडीच वाजता येणार म्हणून मार्केट मंदीतच होते. रेट मध्ये छेडछाड करण्याची शक्यता मार्केटला वाटत नव्हती. पण RBI या वेळेला पेचात पडली. RBI ने गेल्या वेळेला जो पवित्रा घेतला होता तो पवित्रा लगेच या वेळेला बदलणे योग्य नव्हते. पण या वेळी परिस्थिती पुर्णपणे बदललीय हे मान्य करणे भाग होते. रुपयांचा विनिमय दर US $१=Rs ७५ क्रॉस करू नये या साठी RBI प्रयत्न करीत होती आणि क्रूड ट्रिपल डिजिटमध्ये येईल असे वाटले होते. पण या वेळेला क्रूड US $ ६० प्रती बॅरल एवढे खाली आले आणि रुपयाही US $१= Rs ७० च्या जवळपास राहिला.

RBI ने त्यांच्या पवित्र्यामध्ये बदल केला नाही पण महागाईविषयीचा अंदाज ३.९% ते ४.५% वरून २.७% ते ३.२% एवढा केला. ग्रोथविषयीचा अंदाज ७.२% ते ७.४% एवढा केला. SLR मात्र जानेवारी २०१९ पासून प्रत्येक तिमाहीला ०.२५% एवढा कमी होईल असे सांगितले. सध्या SLR १९.५% आहे. रेपो रेट, रिव्हर्स रेपो रेट, CRR यामध्ये कोणताही बदल केला नाही. रेपो रेट ६.५०% , रिव्हर्स रेपो रेट ६.२५% आणि CRR ४% बँक रेट ६.७५% कायम ठेवले. RBI च्या MPC ची पुढील मीटिंग ५ फेब्रुवारी २०१९ ते ७ फेब्रुवारी २०१९ या दरम्यान होईल. MSME फायनान्ससाठी वेगळी समिती नेमली जाईल असे सांगितले आणि RBI गरज पडल्यास NBFC साठी ‘लेंडर ऑफ लास्ट रिसॉर्ट’ म्हणून काम करेल असे सांगितले

आज सरकारने अनकोटेड कॉपीयर पेपरवर ३ वर्षांसाठी अँटी डम्पिंग ड्युटी बसवली ही ड्युटी ए ४, ए ३ आणि लीगल कामासाठी वापरल्या जाणार्या पेपरवर लावली जाईल. सुरुवातीला थोडा वेळ पेपर क्षेत्रातील शेअर्स वाढले पण ही तेजी टिकली नाही. असे का झाले ? याचा शोध घेतला असता पुढील गोष्टी समजल्या. दीड वर्षांपूर्वी ही अँटी डम्पिंग ड्युटी लावण्याची मागणी पेपर उद्योगाने केली होती. ही ड्युटी बसवण्याची जी प्रक्रिया आहे ती खूपच स्लो आहे असे पेपर उद्योगाचे म्हणणे ! वेळेवर घेतलेल्या निर्णयाचा जेवढा फायदा होतो तेवढ्या उशीरा घेतलेल्या निर्णयाचा फायदा होत नाही कारण परिस्थिती बदलते. सिंगापूर थायलंड इंडोनेशिया येथून पेपर डम्प ( आयात) होतात. सरकारने US $ ८५५ प्रती टनपेक्षा कमी किमतीला आयात झाली तर डम्पिंग ड्युटी द्यावी लागेल असे सांगितले.

केसोराम इंडस्ट्रीज त्यांचा टायर बिझिनेस स्पिन ऑफ करणार आहेत बिर्ला टायर या नावाने कंपनी काढली जाईल.
ONGC ला PDVSA या व्हेनिझुएलातील कंपनीने US $ ३.२ कोटींचे पेमेंट केले.

सुप्रीम कोर्टाने CCI ( कॉम्पिटिशन कॉर्पोरेशन ऑफ इंडिया) ने वोडाफोन विरुद्ध दाखल केलेली याचिका रद्दबातल केली.
१० डिसेंबर २०१८ पासून भूषण स्टील या कंपनीचे नाव टाटा स्टील BSL असे असेल.

२७ नोव्हेंबर २०१८ पासून महाराष्ट्रा रेग्युलेटरने हिंदाल्कोला धनगरवाडी खाणीचे काम बंद करायला सांगितले होते. मुंबई हाय कोर्टाने हिंदाल्कोला या खाणीचे काम सुरु ठेवायला परवानगी दिली.

USFDA ने ल्युपिनच्या मंडीदीप येथील युनिट्सच्या २६ नोव्हेंबर ते ४ डिसेंबर २०१८ या दरम्यान केलेल्या तपासणीत युनिट नंबर १ मध्ये १० त्रुटी तर युनिट २ मध्ये ४ त्रुटी दाखवल्या.

मारुतीचे उत्पादन आणि फोर्स मोटर्सची विक्री नोव्हेंबर महिन्यात कमी झाली.

मारुती जानेवारी २०१९ पासून कार्सच्या किमती वाढवणार आहे. कमोडिटीच्या किमती वाढत असल्यामुळे हा निर्णय घेतला असे कंपनीने सांगितले.

विशेष लक्षवेधी

  • SKF इंडियाची २१ डिसेंबर २०१८ ही BUY बॅकसाठी रेकॉर्ड डेट आहे.
  • REC चा निकाल चांगला आला. सरकारने आपला PFC मधील स्टेक REC ला विकण्याचा निर्णय बदलून आता PFC ही कंपनी REC मधील सरकारचा ५८% स्टेक Rs १४००० कोटींना विकत घेईल अशी घोषणा केली.
  • RBI चे वित्तीय धोरण आले

वेध उद्याचा 

  • आता मार्केट ५ राज्यातील निवडणुकांच्या १२ डिसेंबर २०१८ रोजी जाहीर होणाऱ्या निकालांकडे आणि ११ डिसेंबर २०१८ रोजी ब्रिटिश संसदेमध्ये ब्रेक्झिट वर होणाऱ्या मतदानाकडे लक्ष ठेवून आहे.
  • उद्या निफ्टी बँकेची साप्ताहिक एक्स्पायरी आहे.
  • उद्या ओपेक देशांची आणि ७ डिसेंबर २०१८ रोजी ओपेक आणि अलाइड देशांची मीटिंग आहे. याचा परिणाम क्रूड उत्पादनावर आणि क्रूडच्या किमतीवर होऊ शकतो.

BSE निर्देशांक सेन्सेक्स ३५८८४ NSE निर्देशांक निफ्टी १०७८२ बँक निफ्टी २६५१९ वर बंद झाले

आपला शेअर मार्केट चा दुसरा कोर्से १५-१६ डिसेंबर ला organise  केला आहे ..हा कोर्स फक्त ५ जणांसाठीच आहे.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Ke

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ४ डिसेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ४ डिसेंबर २०१८

आज क्रूड US $ ६२.२९ प्रती बॅरल ते US $ ६२.७९ प्रती बॅरल या दरम्यान तर रुपया US १ = Rs ७०.३४ ते US $१= Rs ७०.५५ या दरम्यान होते. US $निर्देशांक ९६.८२ होते.

ओपेक आणि रशिया १३लाख टन क्रूडचे उत्पादन घटवणार आहेत असे समजते. त्यामुळे आज क्रूड तेजीत होते. आणि अनिश्चिततेमुळे रुपयांची घसरण चालू राहिली. त्यातल्यात्यात पेपर IT, फार्मा आणि शुगर, फर्टिलायझर या क्षेत्रातील कंपन्यांच्या शेअर्समध्ये तेजी होती.

फर्टिलायझर मंत्रालयाने बाकी असलेली Rs ३०,००० कोटी रक्कम सरकारकडे मागितली. त्याती ल Rs ५००० कोटी या महिन्यात फर्टिलायझर कंपन्यांना मिळतील. म्हणून फर्टिलायझर उत्पादक कंपन्यांच्या शेअर्समध्ये तेजी होती.

UP मध्ये निवडणुका आहेत त्यामुळे उसाची SAP( स्टेट ऍडमीनिस्टर्ड प्राईस) वाढवली जाईल का ? अशी शंका होती. पण तसे घडले नाही. सरकारने SAP वाढवली नाही. त्यामुळे साखर उत्पादक कंपन्यांचे शेअर्स वाढले.

NIIT LTD NIIT टेक मधला काही हिस्सा विकणार आहेत. म्हणून आज NIIT लिमिटेड चा शेअर वाढला.

रुपया घसरल्यामुळे आज नव्याने IT क्षेत्रामध्ये तेजी सुरु झाली.

सन फार्मा आणि शंकरा बिल्डींग प्रॉडक्ट्स हे दोंन्ही शेअर्स आज सुधारले नाहीत.

अवंती फीड्स विषयी थोडे. अवंती फीड्सची मार्केट व्हॅल्यू २०१८ मध्ये ५९% कमी झाली.२०११ मध्ये या कंपनीचे लिस्टिंग झाले होते. ही कंपनी ‘SHRIMP’ ( कोलंबी ) च्या व्यवसायात आहे. या वर्षी आतापर्यंत ‘SHRIMP’ च्या किमती कमी झाल्या आणि कच्च्या मालाच्या किमती वाढल्या. २०११-१२ मध्ये चीन थायलँड आणि व्हिएतनाम येथे ‘SHRIMP’ चे उत्पादन कमी झाले होते. हे तिन्हीही देश ‘SHRIMP’ उत्पादनात अग्रेसर आहेत. आणि त्याच वेळेला भारतात ‘SHRIMP’ चे उत्पादन वाढले होते. पण जशी जशी या तिन्हीही देशातील उत्पादनात वाढ होत गेली तसा भारतातला SHRIMP फार्मिंग चा उद्योग नुकसानदायी ठरू लागला .भारतात USA मधील रेट प्रमाणे व्यवहार चालतो. २०१८ मध्ये USA मध्ये SHRIMP च्या किमती २०% ने घटले. अवंती फीड्स SHRIMP उत्पादकांना आणि प्रक्रिया केलेले SHRIMP निर्यात करणाऱयांना खाद्य पुरवते. जवळ जवळ या खाद्यातून कंपनीला ८०% नफा मिळतो आणि उरलेला नफा SHRIMP वर प्रक्रिया करण्याच्या व्यवसायातून होतो. हे खाद्य बनवण्यासाठी SOYMEAL आणि FISHMEAL वापरले जाते. याच्याही किमती वाढल्या. याचा परिणाम कंपनीच्या अर्निंग वर झाला. त्यामुळे EBITDA ५३% कमी झाला. सामान्यतः एप्रिल २०१९ पासून SHRIMP साठी मागणी वाढेल आणि कच्च्या मालाच्या किमती कमी होतील असा अंदाज आहे.

विशेष लक्षवेधी 

LIC IDBI बँकेच्या शेअरहोल्डरसाठी Rs ६१.७३ प्रती शेअर या भावाने ओपन ऑफर आणणार आहे. या ओपन ऑफरमध्ये सरकार सहभागी होणार नाही.

अल्केम लॅब च्या ST. LOUIS युनिटला USFDAने EIR दिला. या प्लॅन्टचे १२मार्च २०१८ ते १६ मार्च २०१८ या दरम्यान इन्स्पेक्शन झाले होते.

आज मी आपल्यासाठी TCS चा चार्ट देत आहे. TCS मध्ये ‘W ‘ फॉर्मेशन झाले आहे. जर २०१५ ची पातळी पार केली तर चांगली मूव्ह येईल असे चार्ट दाखवतो .

BSE निर्देशांक सेन्सेक्स ३६१३४ NSE निर्देशांक निफ्टी १०८६९ बँक निफ्टी २६७०० वर बंद झाले.

आपला शेअर मार्केट चा दुसरा कोर्से १५-१६ डिसेंबर ला organise  केला आहे ..हा कोर्स फक्त ५ जणांसाठीच आहे.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Ke

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ३ डिसेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ३ डिसेंबर २०१८

आज क्रूड US $ ६१.५० प्रती बॅरल ते US $ ६२.५२ प्रती बॅरल या दरम्यान तर रुपया US $१=Rs ६९.८७ ते US $१= Rs ७०.२६ या दरम्यान होते. VIX १८.६९ PCR १.६९ US $ निर्देशांक ९६.९६ होते.

जेव्हा घरगुती भांडण असते ते कोणावरच परिणाम करत नाही. पण दोन देशांमधील विशेषतः ते जर USA आणि चीन सारख्या महासत्ता असल्या तर भांडणाचा परिणाम सर्व जगाच्या आर्थीक बाबींवर होत आहे. पण भांडण लवकर मिटत नाही आहे. आज G -२० च्या पार्श्वभूमीवर दोन्ही देशांच्या नेत्यांची बैठक झाली आणि त्यामध्ये चीनवर जे टॅरिफ लावण्यात येणार होते ते ९० दिवसांसाठी पुढे ढकलले गेले. चीनसुद्धा USA मधून आयात केलेल्या कार्सवरील टॅरिफ कमी करायला किंवा काढून टाकायला तयार झाला आहे. त्यामुळे मेटल क्षेत्राशी संबंशित शेअर्स तेजीत होते. हे भांडण चालू होते तेव्हा परदेशातून भारतात पैसा येत होता त्यामुळे आज भांडण संपल्यानंतर फारसा फायदा मार्केटला झाला नाही. त्याच बरोबर GDP डाटा ७.१% म्हणजे थोडासा नरमच आला. पूर्वी हा डेटा ८.२% होता. नेहेमी या तिमाहीमध्ये GDP चे आकडे चांगले असतात. म्हणून हे आकडे पाहून थोडे आश्चर्य वाटले. या वेळेला GDP डाटा कमी आल्यामुळे RBI आपल्या ५ डिसेम्बरला घोषीत होणाऱ्या वित्तीय धोरणात कोणताही बदल करेल असे वाटत नाही. फिस्कल डेफिसिट १०४% झाली पण त्याच बरोबरीने कॅपेक्सही वाढलेले आहे.

ओपेकची मीटिंग आज व्हिएन्नामध्ये सुरु झाली. पण सर्व अलाईज बरोबरची मीटिंग ६ आणि ७ डिसेम्बरला आहे. ओपेक मधून १ जानेवारी २०१९ पासून कतार बाहेर पडेल. ओपेकचे कोणतेही नियम किंवा अटी त्यानंतर कतारला लागू होणार नाहीत.

सरकारने ATF च्या किमती ११% ने कमी केल्या. याचा फायदा विमान कंपन्यांना होईल.

या वेळी ट्रॅक्टर विक्रीचे आकडे चांगले आले. प्रवासी वाहनांच्या विक्रीच्या आकड्यांमध्ये सुधारणा झाली. पण कमर्शियल व्हेईकलचे विक्रीचे आकडे खराब आले.

या वर्षी USA ६५००० H १ B व्हिसा वेगवेगळ्या कंपन्यांना इशू करेल. याआधी हे प्रमाण ८५००० व्हिसा एवढे होते. USA मधील मास्टरची डिग्री घेतलेल्या किंवा USA मधील स्नातकोत्तर पदवी असलेल्या कामगारांना प्राथमिकता दिली जाईल. H १ B व्हिसाच्या अर्जाचे इलेक्ट्रॉनिक रजिस्ट्रेशन करावे लागेल. व्हिसासाठी अर्जाचा रिजेक्शन रेट ६५% आहे. या सर्व गोष्टींमुळे आता परदेशी कंपन्यांना H १ B व्हिसा काढणे अधिक कठीण आणि महाग झाले.

मर्कने आपला कन्झ्युमर हेल्थ बिझिनेस P & G ला ३.४ बिलियन युरोला विकला होता तो व्यवहार पूर्ण झाला

विशेष लक्षवेधी

  • मॉन्टेकार्लो ही कंपनी प्रती शेअर Rs ५५० या भावाने शेअर BUY बॅक करेल. यासाठी कंपनी Rs ५५ कोटी खर्च करेल. प्रमोटर्स या शेअर BUY BACK मध्ये भाग घेणार नाहीत. BUYBACK चा रेट ४.६% असेल. BUYBACK ची सविस्तर माहिती आपल्या पुस्तकात दिलेली आहे
  • टाटा ग्लोबल बिव्हरेजीस Rs ४०० कोटी खर्च करून प्रभात डेअरीला घेणार अशी बातमी होती. हा प्रस्ताव टाटा सन्सने रद्द केला.
  • सन फार्माच्या इन्सायडर ट्रेडिंगकेसविषयी एका व्हिसलब्लोअरने माहिती दिल्यामुळे सेबी आता बंद झालेली ही केस पुन्हा ओपन करणार आहे.
  • आता थोडेसे शंकरा बिल्डिंग प्रॉडक्टविषयी या कंपनीचा IPO २२ मार्च ते २४ मार्च २०१७ या काळात आला होता. प्राईस बँड Rs ४४० ते Rs ४६० होता. या शेअरचे लिस्टिंग Rs ५५५ ला झाले होते. आणि वर्षभरात ह्या शेअरची किंमत Rs २३६४ वर गेली होती. आता या कंपनीचे टार्गेट प्रत्येक रेटिंग एजन्सीने कमी केले आहे.कारण शेअरचा भाव आणि कंपनीचे अर्निंग यामध्ये खूप तफावत जाणवू लागली. गेल्या चार दिवसात कोणीतरी ह्या शेअरची जोरदार विक्री करत आहे असे जाणवते.
  • कच्च्या मालाच्या वाढलेल्या किमती, साऊथ इंडियात आलेला पाऊस, चॅनेल आणि एंटरप्राइज डिव्हिजनचे कमी झालेले मार्जिन यामुळे अर्निंग ४७% ने कमी झाले EBITDA २.४०% ने कमी झाला. ७.२% वरून ४.८% वर आला. त्यामुळे कंपनी आता बॅलन्सशीट सुधारणे आणि वाढलेल्या स्पर्धेला तोंड देणे या दृष्टीने विचार करत आहे. कमीतकमी किमतीला माल विकणार आहे , लॉयल्टी डिस्कॉउंट देणार आहे. क्रेडिटवर माल विकणे कमी करणार आहे. बेस्ट प्राईस स्टोर्स होण्यासाठी प्रयत्न करत आहे.पण नवीन स्टोर्स मात्र उघडणार नाही. पण यामुळे EPS ३८%ने कमी होईल. कंपनीचे ऑपरेशनल मार्जिन कमी होईल आणि विस्तार योजना कमी केल्यामुळे भांडवल गुंतवणूक केली जाणार नाही. म्हणून शेअर तुफान पडतो आहे. पण कंपनीचे असे म्हणणे आहे की वर्किंग कॅपिटल कमी लागेल, कॅपिटल सायकल ६६ दिवसांवरून ४४ दिवसावर येईल आणि ऑपरेशनल कॉस्ट कमी होईल. पुढील काही दिवस तरी या शेअरची किंमत दबावाखाली राहील असे वाटते.
  • GSK कंझ्युमर आणि हिंदुस्थान युनीलिव्हर यांनी आपले मर्जर जाहीर केले. GSK कंझ्युमर च्या १ शेअर साठी HUL चे ४.३९ शेअर्स दिले जातील.दोन्ही कंपन्यांच्या बोर्ड ऑफ डायरेक्टर्स नी याला मंजुरी दिली.हे मर्जर १ वर्षाच्या कालावधीत पूर्ण केले जाईल.
  • ICICI सिक्युरिटीजने एक नवीन सुविधा ग्राहकांना देऊ केली आहे. यामधे E ATM च्या द्वारे Rs ५०,००० पर्यंत तुम्ही शेअर्स विकले असतील तर ३० मिनिटात त्या शेअर्सची रक्कम तुमच्या बचत खात्यात जमा केली जाईल. जर तुमच्याकडे फिझिकल फॉर्म मध्ये शेअर्स असतील तर तुम्ही ५ डिसेंबर २०१८ नंतर ते ट्रान्स्फर करू शकणार नाही. ५ डिसेंबर २०१८ नंतर तुम्हाला फक्त DEMAT फॉर्ममध्ये असलेले शेअर्सच ट्रान्स्फर करता येतील. त्यामुळे तुम्ही आपल्याजवळील फिझिकल फॉर्म मधील शेअर्स लवकर DEMAT करून घ्यावे म्हणजे विकताना अडचण आणि विलंब होणार नाही.

वेध उद्याचा

या आठवड्यात RBI आपले वित्तीय धोरण ५ डिसेंबर २०१८ ला जाहीर करेल. सरकारबरोबर झालेल्या विविध मतभेदांच्या पार्श्वभूमीवर RBI आपले धोरण किती आणि कोणत्या बाबतीत लवचिक करते याबद्दल मार्केटला उत्सुकता आहे.

BSE निर्देशांक सेन्सेक्स ३६२४१ NSE निर्देशांक निफ्टी १०८८३ आणि बँक निफ्टी २६८५७ वर बंद झाली.

आपला शेअर मार्केट चा दुसरा कोर्से १५-१६ डिसेंबर ला organise  केला आहे ..हा कोर्स फक्त ५ जणांसाठीच आहे.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Ke

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

पुढचा कोर्स – १५-१६ डिसेंबर !!

आपल्या विनंतीला मान देऊन मी अजून एक कोर्स arrange केलाय पण या वेळी फक्त ५ जणांसाठी !! तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

तारीख – १५ – १६ December 
वेळ – ९ ते ४
ठिकाण – पांडुरंग निवास, स्टेशन रोड, ठाणे (वेस्ट), ४००६०१
फी – Rs ५०००
विषय –
(१) मार्केटची ओळख
(२) मार्केटमध्ये प्रवेश – DEMAT अकौंट, ट्रेडिंग अकौंट
(३) निफ्टी आणि सेंसेक्स हे निर्देशांक
(४) प्रायमरी मार्केट IPO
(५) सेकंडरी मार्केट, FPO, OFS, QIP इशू
(६) , ट्रेडिंग – इंट्राडे, अल्पमुदत मध्यम मुदत आणि दीर्घ मुदतीसाठी,
(७) स्टॉप लॉस
(८) गुंतवणूक
(९)कॉर्पोरेट एक्शन आणि त्याचा शेअर्स खरेदी विक्री संबंधात विचार (१०) फंडामेंटल विश्लेषण, क्रूड ,करन्सी, व्याजाचे दर विनिमय दर, फायनान्सियल रेशीओज
(११) टेक्निकल विश्लेषण
( १२) पेनी स्टॉक सर्किट फिल्टर आणि इतर संबंधित विषय

धन्यवाद
भाग्यश्री फाटक (९६९९६१५५०७)

आपले नेहेमीचे नियम या कोर्सलाहि लागू होतील. या कोर्स मध्ये मार्केटच शिक्षण दिलं जाईल पण कुठल्याही टिप्स किंवा वैयक्तिक शेअर बद्दल सल्ले दिले जाणार नाहीत !!

आजचं मार्केट – ३० नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ३० नोव्हेंबर २०१८

आज क्रूड US $ ५९.५५ प्रती बॅरल ते US $ ५९.७६ प्रती बॅरल या दरम्यान तर रुपया U$१=Rs ६९.६४ ते US $१=Rs ६९.७८ या दरम्यान होते . US $ निर्देशांक ९६.७७ होता.  नोव्हेंबर २०१८ ची सिरीज तर चांगली संपली. आजपासून सुरू झालेली डिसेम्बर सिरीज सुद्धा चांगली जाण्याची शक्यता वर्तवली जाते. आतापर्यंतचा इतिहास असे सांगतो की २०१४ सालातला डिसेंबर महिना सोडल्यास प्रत्येक डिसेंबर सिरीज चांगली गेली आहे. पण या वेळेला डिसेंबरमध्ये बर्याच घटना धुमाकूळ घालणार असल्यामुळे ‘इस पार या ऊस पार’ अशी डिसेंबर सिरीज राहण्याची शक्यता काही लोक वर्तवत आहेत. पण निफ्टी या महिन्यात ११००० चा टप्पा गाठेल असे वाटते.

RBI ने सिक्युरिटायझेशनचे नियम ढिले केले आहेत. पांच वर्षांपेक्षा जास्त ज्यांचा मॅच्युरिटी पिरियड आहे त्या कर्जाची रक्कम एकत्र करून सिक्युरिटायझेशन करण्याचे नियम सोपे केले. RBI ने NBFC ला लोन सिक्युरिटायझेशनसाठी योग्य होण्यासाठी लोन देऊन १ वर्षाऐवजी सहा महिने झालेले पाहिजेत असा नियम केला. केली. त्यांनी दिलेल्या नवीन लोन पैकी त्यांना आपल्याजवळ २०% लोन ठेवावे लागेल. बाकीच्या सहा महिन्यांवरील ८०% लोनचे आता NBFC सिक्युरिटायझेशन करू शकतील. यामुळे NBFC चे शेअर वाढले. उदा :- रेपको होम फायनान्स, दिवाण हौसिंग कॅन फिन होम्स. इंडिया बुल्स हॉऊसींग फायनान्स

वैद्यकीय डिव्हायसेसच्या बाबतीत कायदा केला जाणार आहे जेणेकरून इलाज स्वस्तात करणे शक्य होईल. ह्यामुळे BPL आणि इंद्रप्रस्थ मेडिकल या शेअर्सवर परिणाम होईल. अमृतांजन ही कंपनी आता त्यांचा पोर्टफोलिओ डायव्हर्सिफाय करत आहे. हेल्थ आणि पर्सनल केअर कॅटेगरीमधील प्रॉडक्ट्स बाजारात आणत आहे. त्यांना रीडर्स डायजेस्टकडून हेल्थ आणि PARSAQNAL कॅटॅगिरीमध्ये गोल्ड रिवॉर्ड मिळाले.

रोबोट २.० हा अक्षयकुमार आणि रजनीकांत यांचा सिनेमा रिलीज झाला याचा फायदा आयनॉक्स, PVR यांना होईल. त्याच बरोबर आयनॉक्स लिजरचे प्रमोटर गुजरात फ्लोरो यांना ६४ लाख शेअर्स Rs २५० प्रति शेअर् या भावाने इशू केले जाणार आहेत. म्हणून आयनॉक्सचा शेअर वाढला.

टाटा मोटर्स १५ दिवसांसाठी JLR चे उत्पादन बंद करणार आहे. म्हणून शेअर पडला.

RBI लिक्विडीटी सुधारण्यासाठी काही रक्कम देईल यावर सरकारचा विश्वास नाही. यासाठी काहीतरी प्लॅन बी पाहिजे होता. नीती आयोगाने सरकारला सुचवले की SUUTI मध्ये ५१ कंपन्यांमध्ये सरकारचा स्टेक आहे. यासाठी एक SPV ( स्पेशल पर्पज व्हेईकल) बनवून हा स्टेक विकून टाकावा आणि त्याचा उपयोग NBFC कंपन्यांना लिक्विडीटी पुरवण्यासाठी करावा. NBFC कडून कमर्शियल पेपर्स गॅरंटी म्हणून घ्यावेत. हे सर्व RBI च्या परवानगीशिवाय करता येणे शक्य आहे. पण सरकार या प्लॅन बी वर RBI ची बोर्ड मीटिंग होऊन त्यांचा निर्णय कळवेपर्यंत कोणतीही हालचाल करणार नाही.

सुप्रीम कोर्टाने रिलायन्स कम्युनिकेशनला दोन दिवसाच्या आत रिलायन्स कम्युनिकेशनने Rs १४०० कोटी किंवा Rs १४०० कोटींची कॉर्पोरेट गॅरंटी कोर्टात दिली तर DOT त्यांना रिलायन्स जियोला स्पेक्ट्रम विकण्यासाठी NOC देईल.

एल आय सी डिसेंबर २०१८ अखेर IDBI चे अधिग्रहण पुरे करेल. IDBI मध्ये एल आय सी Rs २०००० कोटींची गुंतवणूक करेल.

सरकार NTPC ला SJVN मधील आपला स्टेक आणि REC ला PFC मधील आपला स्टेक विकणार आहे.
६ डिसेंबर २०१८ पासून झुआरी ऍग्रोच्या प्लांटमध्ये युरियाचे उत्पादन सुरु होईल.

मद्यार्कासाठी असलेल्या मागणीचा डाटा पाहिल्यास मागणी २६% ने वाढली आहे असे जाणवते म्हणून रॅडिको खेतान आणि युनायटेड स्पिरिट्स हा शेअर्स वाढले.

वेध उद्याचा

  • अर्जेन्टिनामध्ये आजपासून G -२० मीटिंग सुरु झाली. यामध्ये चीन आणि USA यांच्यातील बोलण्यांकडे सर्वांचे लक्ष आहे.
  • रसोई या कंपनीचे व्हॉलंटरी डीलीस्टिंग होईल. (डीलीस्टिंग या कॉर्पोरेट एक्शन विषयी सविस्तर माहिती माझ्या ‘मार्केट आणि मी’ या पुस्तकात दिली आहे.)

BSE निर्देशांक सेन्सेक्स ३६१९४ NSE निर्देशांक निफ्टी १०८७६ बँक निफ्टी २६८६२ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – २९ नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २९ नोव्हेंबर २०१८

आज क्रूड US $५८.९७ प्रती बॅरल ते US $ ५९.०१ प्रती बॅरल या दरम्यान तर रुपया US $१=Rs ६९.८२ ते US $१=Rs ७०.०६ या दरम्यान होते. US $निर्देशांक ९६.७३ तर VIX १७.४९ होता.

आज निफ्टीने २००डे मुविंग एव्हरेजचा टप्पा निर्णायकरित्या ओलांडला. सेन्सेक्स ५०० पाईंट तेजीत होते आणि निफ्टी १०० पाईंट तेजीत होते. याला सुधारलेला रुपया आणि स्वस्त झालेले क्रूड ही प्रमुख कारणे होत. त्याच बरोबर US $ WEAK झाला US बॉण्ड यिल्ड २.९९% झाले.

सध्या मिडकॅप आणि स्मॉल कॅपमध्ये विक्री दिसते आहे त्याविरुद्ध लोकांचा कल लार्ज कॅप शेअर्समध्ये वाढत आहे. येस बँकेतील गुंतवणूक काढून घेऊन ट्रेडर्स आणि गुंतवणूकदार आपला मोर्चा ICICI बँकेकडे वळवताना दिसतात.

रुपयाचा विनिमर दर US $१=Rs ७५ असताना RBI ला US $विकून रुपयांची किंमत स्थिर ठेवावी लागली होती ढासळणार्या रुपयाला लगाम घालावा लागला होता. अन आता रुपया वधारल्यामुळे पुन्हा RBI परकीय चलनाचा साठा वाढवत असल्याची बातमी आहे.

टायर उत्पादन करणाऱ्या कंपन्यांचे निकाल दुसऱ्या तिमाहीचे चांगले आले नव्हते. पण हे निकाल तिसऱ्या तिमाहीत क्रूडचा दर कमी झाल्यामुळे चांगले येतील असा अंदाज आहे.

आज अदानी एंटरप्रायझेसचा शेअर खूपच वाढला. ऑस्ट्रेलियातील कारमायकेल कोल माईन्सचे बांधकाम आणि रेल प्रोजेक्टचे ऑपरेशन लवकरच सुरु होईल असे त्यांचे CEO लुकास डाऊ यांनी सांगितले.

हिंदुस्थान युनी लिव्हर GSK कन्झ्युमरचा न्यूट्रिशन व्यवसाय US ३.४ बिलियन देऊन कॅशमध्ये डील करणार आहे. शेअर स्वॅप रेशियोची ऑफर बदलून ऑल कॅश डील होणार आहे. या डील मुळे HUL चि पोझिशनही मजबूत होईल.पुढील आठवड्यात या करारावर सह्या होतील नेस्ले या रेसमध्ये मागे पडली असे दिसते आहे.

सेबीने स्टॉक मेनिप्युलेशनच्या बाबतीत वकरांगीला क्लीन चिट दिल्यामुळे आज शेअर पाचव्यांदा वरच्या सर्किटला लागला.
NGT ने वेदांताच्या बाजुने आपले म्हणणे मांडले. प्लांट क्लोज करा असे सांगणे हे नैसर्गिक न्यायाच्या विरुद्ध आहे असे NGT चे म्हणणे आहे. त्यामुळे वेदांताचा शेअर वाढला.

टाटा कम्युनिकेशनच्या द्वारे टाटा टेली खरेदी करण्याची योजना तूर्तास तरी टाटा ग्रुपने बासनात गुंडाळली .
स्पाईस जेटने US $ २.८३मिलियनची जादा बँक गॅरंटी दिली म्हणून शेअर वाढला. तर जेट एअरवेज मधील कंट्रोलिंग स्टेक घेण्यासाठी ऐतिहाद थर्ड पार्टिबरोबर बोलणी करत आहे असे समजताच जेट एअरवेजचा शेअर वाढला.

विशेष लक्षवेधी

बँक ऑफ महाराष्ट्र चा दुसर्या तिमाहीचा निकाल चांगला लागला. Rs २७ कोटी नफा झाला. बँक टर्न अराउंड झाली.

वेध उद्याचा

GDP डेटा, RBI ची पॉलिसी, ओपेक ची मीटिंग, विधानसभांच्या निवडणुकांचे निकाल. G -२० मीटिंग आणि शनिवारी XI जीन पिंग आणि ट्रम्प यांच्यात होणारी बोलणी याकडे सर्वांचे लक्ष आहे.

BSE निर्देशांक सेन्सेक्स ३६१७० NSE निर्देशांक निफ्टी १०८५८ आणि बँक निफ्टी २६९३९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – २८ नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २८ नोव्हेंबर २०१८

आज क्रूड US $६०.८५ प्रती बॅरल ते US $ ६१.२० प्रती बॅरल या दरम्यान तर रुपया US $१= Rs ७०.६४ ते US $१= Rs ७०.७४ या दरम्यान होता. US $ निर्देशांक ९७.३६ होता.

RBI ने डिसेंबर २०१८ मध्ये Rs ४००००कोटींचे बॉण्ड्स खरेदी करू असे सांगितले यामुळे मार्केटमधील लिक्विडीटी वाढेल. आणि गव्हर्नमेंट बॉण्ड यिल्ड ७.५०% होईल. या दोन्हीचाही फायदा NBFC आणि बँका यांना होईल. कॉस्ट ऑफ मनी कमी होईल.

FII आणि DII यांची शेअर्सची विक्री कमी झाली आहे आणि त्याविरुद्ध खरेदी वाढली आहे.

ल्युपिनचे CFO S. रमेश यांनी राजीनामा दिला. ते गेली १२ वर्ष ल्युपिन मध्ये कार्यरत होते. त्यांनी सांगितले की बेटर प्रॉस्पेक्टसाठी राजीनामा दिला. व्यक्ती मोठी की संस्था किंवा कंपनी मोठी असा प्रश्न उभा राहतो तेव्हा संस्था किंवा कंपनी मोठी असेच उत्तर मिळते. असे काही कारण घडल्यास सुरुवातीला शेअर पडतो नंतर त्यांच्या जागी दुसर्या येणाऱ्या माणसाच्या योग्यतेविषयी चर्चा सुरु होते आणि शेअर हळूहळू वाढतो. अशा वेळी कंपनीमध्ये तात्काळ असे काही घडलेले नसते जेणेकरून कंपनीचा फायदा कमी होईल. उलटपक्षी चांगला शेअर Rs १५ ते Rs २० स्वस्तात खरेदी करता येतो.

सन फार्माचा कॅनबेरी येथील प्लांट ते बंद करणार आहेत. सन फार्माचे रेटिंग कमी करण्यात आले.

रिअल इस्टेटवर स्टॅम्प ड्युटी वाढवली जाणार आहे त्यामुळे रिसेलिंग वर परिणाम होईल. आणि पर्यायाने रिअल इस्टेट क्षेत्रावरही परिणाम होईल.

IOB ही SIDBI आणि STCI मधील स्टेक विकून बाहेर पडणार आहे. याच प्रमाणे अनलिस्टेड कंपन्यांमधील स्टेक विकून आपली आर्थीक स्थिती सुधारण्याच्या विचारात आहे.

पिरामल फंडानी लोढा डेव्हलपर्सना कर्ज दिले आहे आणि हे कर्ज Rs १८०० कोटीनी वाढवणार आहेत.अशी बातमी आली. त्याचवेळेला लोढा डेव्हलपर्सचे बॉण्ड्स मात्र डिस्कॉउंटमध्ये म्हणजे US $ ८८.१४ ने विकले गेले. हा दर आधी US $ १०४.१३ एवढा होता.यामुळे पिरामल चा शेअर चांगलाच पडला होता. याबाबतीत लोढांच्या व्यवस्थापनाने खुलासा केला की आमचे US$ ३२५ मिलियनचे बॉण्ड्स आहेत त्यामधील फक्त ५ लाख बॉण्ड्सची खरेदी विक्री झाली. आमच्या बॉण्ड्समध्ये ट्रेडिंग होत नाही. ही खरेदी विक्री खासगी रित्या झाली आहे. त्याचे काही व्यक्तिगत कारण असू शकते. पण लोढा डेव्हलपर्स या कंपनीमध्ये लिक्विडीटी चांगली आहे. आम्ही प्रीपेमेन्ट केलेले आहे. फक्त प्रीमियम हौसिंग मध्ये थोडी फार समस्या आहे. आमची अनसोल्ड इन्व्हेन्टरी असली तरी त्यातून आम्हाला रेंटल इन्कम चांगले मिळत आहे. असा खुलासा ऐकताच पिरामलचा शेअर वाढायला सुरुवात झाली.

फ्युचर रिटेलमध्ये ९.५% स्टेक अमेझॉन खरेदी करणार आहे. शेअर्सच्या खरेदीत कॉल ऑप्शनचाही समावेश आहे. Rs ३२०० ते Rs ३५०० कोटींमध्ये हे डील होईल. कॉल ऑप्शनमध्ये नंतर स्टेक वाढवला जाईल.

आज अरविंद लिमिटेड एक्स डीमर्जर प्राईसला लिस्ट झाला. आता लिस्टेड अरविंद मध्ये फक्त त्यांच्या टेक्सटाईल कारभाराचा समावेश आहे. बाकीच्या विभांगांचे लिस्टिंग नंतर होईल. Rs ९०.२५ एवढा आज अरविंदचा भाव होता. अरविंद फॅशन LTD. अनवेशण हेवी इंजिनीअरिंग LTD. यांचे लिस्टिंग नंतर होईल. अरविंद लिमिटेड च्या शेअरला फारशी मागणी नव्हती कारण कापसाच्या किमती वाढत आहेत.

जेट एअरवेजचे प्रमोटर नरेश गोयल त्यांचा कंट्रोलिंग स्टेक विकायला तयार झाले आहेत. त्यांच्या ऐतिहाद आणि एअर फ्रांसच्या कन्सॉरशियम , DELTA ,आणि KLM यांच्या बरोबर वाटाघाटी सुरु आहेत. पण गोयल त्यांच्याकडे ५% स्टेक ठेवण्यास आणि बोर्ड ऑफ डायरेक्टर्समध्ये सीट ठेवण्यास इच्छुक आहेत. पण एतिहाद कडे जेट एअरवेजमधील २४% स्टेक आहे ती एतिहाद ४९% पर्यंत वाढवेल. पण एतिहादला यासाठी फ्रेश कॅपिटल आणावे लागेल पण एतिहादची आर्थीक स्थिती एवढी चांगली नाही.

सध्या FMGC क्षेत्र तेजीत आहे त्याला प्रमुख कारण इलेक्शन स्पेंडिंग वाढल्यामुळे ग्रामीण मागणी चांगली निर्माण झाली आहे. आणि याचा परिणाम तिसर्या तिमाहीच्या निकालावर होईल असे वाटते.

येस बँकेने असे जाहीर केले की १३ डिसेंबर २०१८ रोजी होणाऱ्या बोर्ड ऑफ डायरेक्टर्सच्या मीटिंग मध्ये दोन स्वतंत्र डायरेक्टर्स तसेच CEO च्या नेमणुकीसाठी काही प्रस्ताव आले असले तर त्यावर विचार होईल. तसेच येस बँकेने जाहीर केले की प्रमोटर कंपन्यांनी कोणत्याही प्रकारचे ‘एक्सटर्नल’ डील केलेले नाही. येस बँकेचे प्रमोटर्स राणा कपूर आणि मधू कपूर यांच्यात समझोत्याचे ९ कलमी अग्रीमेंट तयार केले आहे.

AAI ने लँडिंग चार्जेस आणि पार्किंग चार्जेस यांची बाकी Rs ११७ कोटी ३० नोव्हेंबर २०१८ पर्यंत भरण्यासाठी स्पाईस जेट या कंपनीला नोटीस पाठवली.

NGT ( नॅशनल ग्रीन ट्रिब्युनल) च्या कमिटीने वेदांताचा तुतिकोरिन येथील प्लांट बंद करण्याचा तामिळनाडू राज्य सरकारने घेतलेला निर्णय बरोबर नसल्याचे सांगितले. त्यांनी तामिळनाडू राज्य सरकारकडून या बाबतीत ७ दिवसात स्पष्टीकरण मागवले आहे.

वेदांताला बारमेर बेसिन मधील क्रूड निर्यात करण्यासाठी परवानगी मागणारा अर्ज हाय कोर्टाने फेटाळून लावला.

आज मध्यप्रदेश आणि मिझोराम मध्ये राज्य विधानसभांच्या निवडणुकांसाठी मतदान चालू आहे.

TRAI आणि टेलिकॉम कंपन्यांमध्ये मीटिंग झाली. TRAI ने टेलिकॉम कंपन्यांना इनकमिंग कॉल मिनिमम रिचार्जिंग साठी पत्र पाठवले. त्यात मोबाईलच्या अकॉउंट मध्ये बॅलन्स नसला तरी कनेक्शन कापू नये अशी सूचना केली. एअरटेल आणि वोडाफोन यांचे ग्राहक कमी झाले. पण रिलायन्स जियो चे ग्राहक १.३० कोटी वाढले.

HCC आणि ग्रॅनुअल्स या कंपन्या उद्यापासून F & O मधून बाहेर पडतील.

विशेष लक्षवेधी

  • EMPHASIS चा BUY बॅक ७ डिसेंबर ते २० डिसेंबर २०१८ या कालावधीत आहे. BUY BACK साठी Rs १३५० प्रती शेअर या भावाने Rs ९८८ कोटी खर्च केले जातील. १ जानेवारी २०१९ रोजी BUY BACK केलेल्या शेअर्स चे पेमेंट केले जाईल.
  • NLC आज एक्स BUY BACK झाली. BUY बॅक प्राईस Rs ८८ होती.
  • कोची शिपयार्डचा BUY बॅक आजपासून सुरु झाला. BUY BACK प्राईस Rs ४५५ होती.
  • रिलायन्स कॅपिटल ही कंपनी टर्नअराउंड झाली. निकाल चांगले आले.

BSE निर्देशांक सेन्सेक्स ३५७१६ NSE निर्देशांक निफ्टी १०७२८ आणि बँक निफ्टी २६४५७ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!