Author Archives: bpphatak

आजचं मार्केट – १६ नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १६ नोव्हेंबर २०१८

आज क्रूड US $ ६६.७२ प्रती बॅरल ते US $ ६७.६८ प्रती बॅरल या दरम्यान तर रुपया US $१=Rs ७१.७० ते US $१= Rs ७१.९८ या दरम्यान होता. US $ निर्देशांक ९६.७२ ते ९६.९० होता.

UK च्या पंतप्रधान थेरेसा मे या थोड्या अडचणीत आहेत. त्यांच्या मंत्रिमंडळातील ४ मंत्रयांनी ब्रेक्झिट प्रपोजलच्या विरोधात राजीनामा दिला आहे. तसेच पंतप्रधानांच्या पक्षातील काही खासदारांनी नेतृत्व बदलाचाही आग्रह धरला आहे.

RBI ऍक्टच्या सेक्शन ७ अन्वये अर्थ मंत्रालय RBI ला जनहितार्थ काही निर्देश /आदेश देण्याच्या तयारीत आहे.

अर्थमंत्रालयाने या बाबतीत कायदे मंत्रालयाचा सल्ला घेतला असता कायदे मंत्रालयानं सांगितले की RBI ऍक्ट च्या कलम ७ खाली जनहितार्थ आदेश देणे हे अर्थ मंत्रालयाच्या अधिकारात आहे. RBI आणि सरकार यांच्यात १५ मुद्द्यांवर गंभीर मतभेद आहेत. १९ नोव्हेम्बरला RBI च्या बोर्ड ऑफ डायरेक्टर्स ची मीटिंग आहे.

सरकारची अशी इच्छा आहे की या बैठकीत RBI च्या बोर्ड ऑफ डायरेक्टर्सनी खालील बाबीं/मुद्द्यांवर निर्णय घ्यावा.

(१) NBFC ना लिक्विडीटीच्या अभावाचा प्रश्न सतावत असल्यामुळे बँकांकडून कर्ज मिळण्याशिवाय RBI ने यासाठी स्वतंत्र व्यवस्था करावी. RBI स्वतंत्र व्यवस्थेला फारशी अनुकूल नाही. RBI चे असे म्हणणे आहे की NBFC नी बँकाकडूनच कर्ज घ्यावे.

(२) RBI ने आपल्याजवळ किती रिझर्व्हज आणि कॅश ठेवावी याचा अंदाज घेऊन एका सूत्रबद्ध कार्यक्रमा द्वारे याची रक्कम ठरवावी. RBI ने आपल्या रिझर्वमध्ये ठेवायची रकम काही सुत्राने निश्चित करता यावी. या व्यतिरिक्त राहणारे रिझर्व्हज RBI ने सरकारला लाभांश म्हणून द्यावेत

(३) PCA ( प्रॉम्प्ट करेक्टिव्ह एक्शन) योजनेचे नियम सोपे करावेत. आणि योग्य वाटल्यास ११ सार्वजनिक बँकांना हे सोपे नियम लागू करावेत आणि त्यांना PCA कार्यक्रमातून वगळावे आणि त्यांच्यावर घातलेले निर्बंध विशेषतः कर्ज देण्यासंबंधी निर्बंधात सूट द्यावी. RBI चे म्हणणे आहे की आधी सरकारने या बँकांना भांडवल पुरवावे मगच या बँकांना PCA मधून बाहेर आणण्याचा विचार करता येईल.

जर या मुद्द्यांवर १९ नोव्हेंबरच्या RBI च्या बोर्ड ऑफ डायरेक्टरच्या बैठकीत सहमत झाले नाही तर मात्र सरकार RBI कायद्याच्या कलम ७ नुसार जनहितार्थ RBI ला आदेश देईल.  सरकारने त्यांचे RBI बरोबरचे मतभेद सोडवण्यासाठी पुढाकार घेतल्यामुळे मार्केटमध्ये सार्वजनिक क्षेत्रातील सरकारी बँकांचे शेअर्स वधारले. तसेच यांच्यात NBFC ना झुकते माप दिल्यामुळे NBFC चे शेअर्सही वाढले.

येस बँकेच्या CEO निवडण्यासाठीच्या समितीमधून O P भट यांनी राजीनामा दिला.क्लॅश ऑफ इंटरेस्ट असे कारण दिले. लागोपाठ दुसऱ्या महत्वाच्या व्यक्तीने राजीनामा दिल्यामुळे येस बँकेचा शेअर पडला.

SRF च्या दहेज प्लांटची कॉस्ट Rs १८० कोटींवरून Rs २५५ कोटींपर्यंत वाढली.

पॉवर कंपन्यांनी RBI च्या NPA विषयक नियमांच्या संदर्भात दाखल केलेल्या याचिकेची सुनावणी सुप्रीम कोर्टाने २८ नोव्हेंबर २०१८ रोजी ठेवली.

युनायटेड ब्रुअरीजचा दुसर्या तिमाहीचा निकाल चांगला आला कारण या तिमाहीत उन्हाळा असल्यामुळे बिअरचा खप तुफान वाढतो. पण तिसर्या तिमाहीत थंडी असल्यामुळे मद्यार्काचा खप वाढतो त्यामुळे तिसर्या तिमाहीत मद्यार्क बनवणाऱ्या कंपन्यांचे तिमाही निकाल चांगले येतात. उदा :- युनायटेड स्पिरिट्स, रेडीको खेतान

अंड्यांच्या किमती थंडी असल्यामुळे दर शेकडयाला Rs १४ ते Rs १७ ने वाढल्या. याचा फायदा वेंकीज आणि SKM एग्ग्ज यांना झाला आणि या शेअर्सच्या किमती वाढल्या.

विशेष लक्षवेधी

  • जेट एअरवेज आर्थीक कारणांमुळे भारतातील अंतर्गत सेवा कमी करत आहे.
  • सरकारने PSU च्या शेअर्स BUY BACK मधून Rs ५००० कोटी जमा करण्याचे लक्ष ठेवले आहे. जानेवारी २०१९ अखेर
  • कोल इंडियाचा शेअर BUY BACK करून सरकार Rs १००० कोटी उभारेल.
  • NMDC ने जर कर्नाटक सरकारला दोनीमलाई खाणीतल्या उत्पन्नाचा हिस्सा वाढवून दिला नाही तर कर्नाटक राज्य
  • सरकार ही खाण NMDC कडून परत घेऊन या खाणीचा लिलाव करेल असे राज्यसरकारने स्पष्ट केले.
  • व्होडाफोन आयडिया भारती कडून त्यांचे फायबर ASSET खरेदी करू शकते.
  • श्रेय इन्फ्राचे निकाल ठीक आले. इंटरेस्ट कॉस्टमध्ये खूपच वाढ झाली.

वेध उद्याचा

  • आता दुसर्या तिमाहीचे कंपन्यांचे निकाल येऊन गेले.
  • सर्वांचे लक्ष आज टाटा सन्सच्या बोर्ड ऑफ डायरेक्टर्स बैठकीत होणाऱ्या जेट एअरवेज खरेदी करण्याच्या निर्णयाकडे असेल.
  • तसेच सोमवारी होणाऱ्या RBI च्या बैठकीत RBI चे बोर्ड सकारात्मक आणि सरकारशी तडजोडीचा निर्णय घेते का ? यावर सगळ्यांचं लक्ष असेल.

BSE निर्देशांक सेन्सेक्स ३५४५७ NSE निर्देशांक निफ्टी १०६८२ आणि बँक निफ्टी २६२४५ वर बंद झाले

मी 22-25 नोव्हेंबर शेअर मार्केट वर course organise  केला आहे ..त्याच्या आता फक्त ५ सीट उरल्या आहेत.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Hz

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – १५ नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १५ नोव्हेंबर २०१८

आज क्रूड US $६५.८६ प्रती बॅरल ते US $ ६६.५५ प्रती बॅरल या दरम्यान तर रुपया US $१=Rs ७१.८८ ते US $ १= Rs ७२.३१ या दरम्यान होते. आज निफ्टी आणि बँक निफ्टीने अनुक्रमे १०६०० आणि २६००० च्यावर क्लोज दिला.

आज जेट एअरवेज ही कंपनी टाटा ग्रुप खरेदी करणार आहे या बातमीमुळे जेट एअरवेजचा शेअर Rs ८० ने वाढला. टाटा सन्सच्या बोर्ड ऑफ डायरेक्टर्सच्या बैठकीत टाटा सन्सचे चेअरमन श्री चंद्रशेखरन हे या बाबतीतील व्हायाबिलिटी रिपोर्ट बोर्डासमोर ठेवतील. जेट एअरवेजचे नरेश गोयल हे शेवटी आपला व्यवस्थापनावरचा कंट्रोल सोडायला तयार झाले आहेत. या कंपनीत २५% स्टेक असलेल्या ‘इत्तिहाद’ या कंपनीबरोबर या बाबतीत अजून बोलणी झाली नाहीत. जेट एअरवेजच्या व्यवस्थापनाने मात्र अशी काही बातमी किंवा बोलणी चालू आहेत याचा इन्कार केला.

अपोलो हॉस्पिटल्स या कंपनीचे दुसऱ्या तिमाहीचे निकाल चांगले आले त्याबरोबरच आपला रिटेल फार्मसी बिझिनेस ही कंपनी अलग करणार आहे.

कोटक बँकेतील आपला ३.०७% स्टेक ING ग्रुप विकणार आहे. यापैकी ० .०७% स्टेक म्हणजेच १.२७ कोटी शेअर्स Rs ११३० प्रती शेअर या भावाने आज ब्लॉक डील च्या माध्यमातून विकले गेले.

येस बॅंकचे नॉन एक्झिक्युटिव्ह चेअरमन अशोक चावला यांनी आज राजीनामा दिला. श्री चावला हे ऑडीट कमिटीचे अध्यक्ष होते. या बातमीला प्रतिसाद म्हणून येस बँकेचा शेअर पडला.

सरकारने NTPC, PFC, पॉवरग्रीड, आणि NHPC या पॉवर क्षेत्रातील सार्वजनिक क्षेत्रातील सरकारी कंपन्यांनी सरकारला Rs ९००० कोटी स्पेशल लाभांश म्हणून द्यावेत अशी ऑर्डर केली. वरील कंपन्यांनी Rs ७५०० कोटी स्पेशल लाभांश देण्याची तयारी दाखवली पण यापेक्षा अधीक स्पेशल लाभांश देण्यास आपली असमर्थता व्यक्त केली. आपण या कंपन्यातले शेअर्स खरेदी केले तर आपल्यालाही हा स्पेशल लाभांश आपल्याजवळच्या शेअर्स वर मिळेल.म्हणून या कंपन्यांच्या शेअर्सचे भाव वाढले

दालमिया ग्रुपने बिनानी सिमेंटच्या बाबतीत NCLAT ने दिलेल्या निर्णयाविरुद्ध सुप्रीम कोर्टात अपील केले. सुप्रीम कोटाने या अर्जावरची सुनावणी १९ नोव्हेंबर रोजी ठेवली आहे.

M & M ने आपल्या बंगलोर येथील इलेक्ट्रिक वाहनांच्या प्लांटमध्ये Rs १०० कोटींची गुंतवणूक केली. तसेच कंपनीच्या सबसिडीअरीने मोटारसायकलची दोन क्लासिक मॉडेल्स (१) जावा (किंमत Rs १६८ लाख ) आणि जावा फोर्टी ( किंमत Rs १५५ लाख) मार्केटमध्ये लाँच केली.

आयशर मोटर्स ह्या कंपनीने कॉंटिनेंटल GT ६५० आणि INTERCEPTAR ६५० ही दोन प्रीमियम क्लासमधील मॉडेल लाँच केली. यामुळे आणि त्यांच्या तामिळनाडूमधील प्लांट मधील उत्पादन पुन्हा सुरु झाल्यामुळे शेअरमध्ये लक्षणीय वाढ झाली.
L & T ला सिक्कीम आणि अरुणाचलमध्ये टॉवर बांधण्यासाठी पॉवरग्रिडने Rs २८७ कोटींची ऑर्डर दिली. त्यामुळे L &T चा शेअर वाढला.

उषा मार्टिन या कंपनीविरुद्ध शापूरजी पालनजी यांनी इंसॉल्व्हंसी याचिका दाखल केली.

बॉण्ड यिल्ड ७.७४५% वर होते आणि रुपयाचा US $ बरोबरचा सुधारलेला विनिमय दर आणि RBI बरोबर सरकारची बँकिंग क्षेत्रातील सुधारणांविषयी बोलणी आणि क्रूडचा कमी होणारा भाव या कारणांमुळे आज बँकेचे शेअर्स तेजीत होते. त्यामुळे बँक निफ्टीची साप्ताहिक एक्स्पायरी २६००० च्या वर झाली.

विशेष लक्षवेधी

  • आज थरमॅक्स, RPP इन्फ्रा, P &C इन्फ्रा, युनायटेड ब्रुअरीज, फ्युचर रिटेल, उज्जीवन फायनान्स, JSPL यांचे निकाल चांगले आले. वोडाफोन, रेपको होम फायनांस, ग्रासिम यांचे निकाल असमाधानकारक होते.
  • आता सर्व आर्थीक गुन्ह्यांविषयी तपास एजन्सीज बँकांना आर्थीक गुन्हयांचा तपशील कळवतील. सरकार आता सेंट्रल इकॉनॉमिक इंटेलिजन्स कौन्सिल स्थापन करणार आहे. यामुळे शोध एजन्सी आणि बँका यांच्यात चांगला ताळमेळ साधला जाईल.
  • UK ब्रेक्झिट सचिव (मंत्री ) DOMNIC RAAB यांने राजीनामा दिला.

वेध उद्याचा 

  • ट्रम्प आणि चीनचे प्रमुख झी पिंग यांच्यात २९ नोव्हेंबर रोजी बैठक होईल. या बैठकीत ट्रेड वॉर वर तोडगा निघेल अशी अपेक्षा आहे.
  • ५ राज्यातील विधानसभांच्या निवडणुकांची मतमोजणी ७ डिसेम्बरला सुरु होईल आणि निवडणुकांचे निकाल ११ डिसेंबर रोजी जाहीर होतील. या निवडणुकातील निकाल जर अपेक्षेविरुद्ध असतील तर मार्केट आपली जोरदार प्रतिक्रिया व्यक्त करेल. जर निवडणुकांचे निकाल अपेक्षेप्रमाणे आले तर मात्र मार्केटवर जास्त परिणाम होणार नाही.
  • RBI च्या बोर्ड ऑफ डायरेक्टर्सची मीटिंग १९ नोव्हेंबर २०१८ रोजी होईल. या मीटिंग मधील निर्णयांमुळे सरकार आणि RBI यांच्यातील मतभेद कमी होतील अशी मार्केटला आशा आहे.
  • ५ डिसेंबरच्या द्विमासिक वित्तीय धोरणाचाही परिणाम मार्केटवर होईल.

BSE निर्देशांक सेन्सेक्स ३५२६० NSE निर्देशांक निफ्टी १०६१६ आणि बँक निफ्टी २६१५४ वर बंद झाले

मी 22-25 नोव्हेंबर शेअर मार्केट वर course organise  केला आहे ..त्याच्या आता फक्त ५ सीट उरल्या आहेत.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Hz

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – १४ नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १४ नोव्हेंबर २०१८

आज क्रूड US $ ६५.०४ प्रती बॅरल ते US $ ६६.४० प्रती बॅरल या दरम्यान तर रुपया US $१=Rs ७२.०२ ते US $ १= Rs ७२.४६ या दरम्यान होता. US $ निर्देशांक ९७.१७ तर VIX १८.८५ होता. ओपेकच्या टेक्निकल कमिटीने सांगितले की क्रूडसाठी असणारी मागणी कमी होईल कारण जागतिक पातळीवर मंदी आहे. USA मध्ये शेलगॅसचे उत्पादन वाढते आहे. क्रूडची मागणी प्रतिदिन ७ लाख बॅरल एवढी घटेल. याचा परिणाम म्हणून क्रूड आज सकाळी US $ ६५ प्रती बॅरल या पातळीवर होते. सरकारी खजिना आणि बरेच उद्योग क्रूडवर अवलंबून असल्यामुळे क्रूडचा भाव कमी झाला की रुपयाचा विनिमय दर सुधारतो.

NCLAT ने बिनानी सिमेंटसाठी अल्ट्राटेक सिमेंटने दिलेली ऑफर बरोबर आहे असा निर्णय दिला. दालमिया भारत सिमेंट ही कंपनी NCLAT या निर्णयाविरुद्ध सुप्रीम कोर्टात अपील करणार आहे.

NBCC ला IIT मंडी प्रोजेक्ट कन्सलटेटिव्ह सर्व्हिस देण्यासाठी LOA मिळाले.

PNGRB सिटी गॅस डिस्ट्रिब्युशन साठी बोली मागवणार आहे.

अशोक लेलँड या कंपनीचे CEO श्री विनोद दसारी यांनी राजीनामा दिला. त्यांच्यानंतर CEO कोण होणार हे कम्पनीने स्पष्ट न केल्यामुळे हा शेअर पडला.

गॅस पाईपलाईन टॅरिफ डिसेंबर २०१८ पासून २५% ते ३०% वाढेल. याचा फायदा गेल. रिलायन्स आणि GSPL यांना होईल. टॅरिफ वाढल्यामुळे या कम्पन्यांच्या प्रॉफिटमध्ये सुधारणा होईल.

कॅडीला हेल्थकेअर या कंपनीच्या कॅन्सरवरील ‘आर्सेनिक TRIOXIDE; या इंजेक्शनला USFDA ने मंजुरी दिली.
अल्केम लॅबच्या तळोजा युनिटला USFDA ने क्लीन चिट दिली.

झी एंटरटेनमेंट ग्लोबल बिझिनेस मजबूत करून मेजर कन्टेन्ट टेक्नॉलॉजिकल कंपनी बनण्यासाठी स्ट्रॅटेजिक पार्टनरचा शोध घेत आहे. यासाठी कंपनी आपला ५०% स्टेक विकण्यास तयार आहे. हा स्टेक विकत घेण्यात काही ग्लोबल कंपन्यांनी रस दाखवला आहे. झी एंटरटेनमेंट लवकरच आपल्या पॉवर आणि इन्फ्रा स्ट्रक्चर बिझिनेसमधून बाहेर पडण्याची तयारी करत आहे.

CAG ने आपल्या ऑडिट रिपोर्टमध्ये टेलिकॉम क्षेत्रातील कंपन्यांनी आपले उत्पन्न कमी दाखवल्यामुळे २०११ ते २०१५ दरम्यान सरकारला Rs १२०० कोटी लॉस झाला. टेलिकॉम क्षेत्रातील कंपन्या आपल्या उत्पन्नातील काही हिस्सा सरकारला देतात. या रिपोर्टवर कारवाई करण्यासाठी सरकारने ६ टेलिकॉम क्षेत्रातील कंपन्यांच्या अकौंट्सचे २०११ सालापासून आतापर्यंत स्पेशल ऑडिट करण्यासाठी १ जानेवारी २०१९ पासून ऑडिटर्स नेमण्याचे ठरवले आहे. या नेमणुकांसाठी TRAI ने टेंडर मागवले आहे. हे ऑडिटर्स आपला ऑडिट रिपोर्ट ९ महिन्यात सरकारला सादर करतील.

संसदेचे शीतकालीन अधिवेशन ११ डिसेंबर पासून ते ४ जानेवारी पर्यंत असण्याची शक्यता आहे.

विशेष लक्षवेधी

  • NHPC प्रभात डेअरी,महिंद्रा आणि महिंद्रा, CESC, मुकुंद, सूप्राजित, मदरसन सुमी, लिंकन फार्मा, BCL, इप्का लॅब, वेस्ट कोस्ट, पेज इंडस्ट्रीज, यांचे दुसऱ्या तिमाहीचे निकाल चांगले आले.
  • NLC, स्पाईस जेट, शिल्पा मेडिकेअर, कावेरी सीड्स, धनुका अग्रीटेक, याचे दुसऱ्या तिमाहीचे निकाल असमाधानकारक होते.
  • सेंट्रल बँक, IDBI बँक, युनायटेड बँक, मॅक्स फायनान्सियल्स यांचे दुसऱ्या तिमाहीचे निकाल निराशाजनक होते.
  • टाटा इन्व्हेस्टमेंट या कंपनीच्या शेअर BUY BACK वर विचार करण्यासाठी १६ सप्टेंबर रोजी बोर्ड ऑफ डायरेक्टर्सची बैठक बोलावली आहे.
  • ३ डिसेंबर २०१८ पासून MSCI निर्देशांकातून BHEL, सिमेन्स, युनिकेम लॅब, व्हा टेक, U फ्लेक्स आणि VRL लॉजिस्टिक्स बाहेर पडतील. तसेच डिव्हीज लॅब, अडानी ट्रान्समिशन, भारत फिनान्सियल, वेस्टलाईफ डेव्हलपमेंट, लेमन ट्री आणि मर्क यांचा समावेश होईल.

वेध उद्याचा

  • NHPC या कंपनीने Rs २८ प्रती शेअर ह्या किमतीने Rs ५९९.९९ कोटीचे शेअर्स BUY बॅक करेल. २१.४२ कोटी शेअर्स BUY बॅक करणार आहे. हा कम्पनी शेअर कॅपिटलचा २.०९% हिस्सा आहे.या BUY BACK साठी रेकॉर्ड डेट ३० नोव्हेंबर २०१८ ठरवली आहे. शेअर BUY बॅक या कॉर्पोरेट एक्शनविषयी माझ्या ‘मार्केट आणि मी ‘ या पुस्तकात सविस्तर माहिती दिली आहे
  • उद्या सुमीत इंडस्ट्रीज, १७ नोव्हेंबर रोजी PNB गिल्टस, सिमेन्स, २१ नोव्हेंबर रोजी DHFL आणि २६ नोव्हेंबर रोजी GIC हौसिंग फायनान्स यांचे दुसऱ्या तिमाहीचे निकाल जाहीर होतील.

BSE निर्देशांक सेन्सेक्स ३५१४२ NSE निर्देशांक निफ्टी १०५७६ आणि बँक निफ्टी २५९३० वर बंद झाले

मी 22-25 नोव्हेंबर शेअर मार्केट वर course organise  केला आहे ..त्याच्या आता फक्त ५ सीट उरल्या आहेत.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Hz

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – १३ नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १३ नोव्हेंबर २०१८

आज क्रूड US $६९.३४ प्रती बॅरल ते US $ ६९.६१ प्रती बॅरल या दरम्यान, रुपया US $१=Rs ७२.५५ ते US $ १=Rs ७२.६६ या दरम्यान होता. US $ निर्देशांक ९७.४७ आणी VIX १९.४१ होता.

क्रूड, करन्सी या सगळ्यांचा मार्केटला सपोर्ट मिळतोच आहे पण कमी झालेली महागाई आणि औद्योगिक उत्पादनात झालेली वाढ यांचाही मार्केटला आधार मिळाला. ट्रम्प साहेबांचे ट्विट हा मार्केटसाठी फार मोठा विषय असतो. फक्त ग्लास अर्धा भरलेला की अर्धा रिकामा हे तुम्ही कोणत्या दृष्टीकोणातून त्याच्याकडे बघता यावर अवलंबून आहे. युरोपमधून ज्या कार्स USA मध्ये आयात होतात त्यावर २५% ड्युटी लावू असे ट्रम्प साहेबांनी सांगितले आणी त्याच वेळेला क्रूडचे उत्पादन घटवणे योग्य नव्हे याची जाणीव ओपेक आणि सौदी अरेबिया या देशांना करून दिली. त्यामुळे ओपेक देश आणि सौदी अरेबिया यांनी माघार घेऊन क्रूडचे उत्पादन घटवण्याचा निर्णय बदलण्याची शक्यता निर्माण झाली. त्यामुळे क्रूडचा भाव खाली आला पण त्यामुळे टाटा मोटर्स आणि टाटा मोटर्स DVR या शेअर्सचे नुकसान झाले.

RBI आणि सरकार यांच्यातले टोकाचे मतभेद चव्हाट्यावर आले हे सगळ्यांना माहीत आहेच नुकतीच RBI गव्हर्नर आणि पंतप्रधान यांच्यात चर्चा झाली. त्यामध्ये ज्या बँकांचा समावेश संभाव्य मर्जरमध्ये आहे किंवा ज्या बँकांनी त्यांच्या बिझिनेस आणि आर्थीक परिस्थितीमध्ये सुधारणा दाखवली आहे त्यांना PCA मधून वगळण्याची शक्यता निर्माण झाली. आणि SME ना कर्ज देण्याबाबत तोडगा काढावा या बाबतीत सहमती झाली

आयशर मोटर्सच्या तामिळनाडूमधील युनिट मधील संप मिटला. या युनिटमध्ये पुन्हा उत्पादन व्यवस्थित चालू झाले. यामुळे आयशर मोटर्सचा शेअर वधारला.

पॉवर कंपन्यांच्या RBI च्या लोन डिफॉल्ट वरील आदेशाविरुद्ध याचिकेवर आज सुप्रीम कोर्टात सुनावणी होती. १८० दिवसांचा रेझोल्यूशन प्लान द्यायचा आहे.

WOCKHARDT ला दिलेले प्रोस्टेट कॅन्सरसाठीच्या औषधाचे पेटंट USA मधील कोर्टाने रद्द केले. या औषधासाठी USA मध्ये US $ १८० कोटींचे मार्केट आहे. यामुळे WOCKHARDT चा शेअर पडला.

इंडस इंड बँकेने IL & FS सिक्युरिटीज खरेदी करण्याचा सौदा रद्द केला.

NCLAT मध्ये IL & FS विरुद्धच्या अर्जाची सुनावणी १७ डिसेम्बर २०१८ पर्यंत पुढे गेली.

IL &FS बोर्ड ऑफ डायरेक्टर्सनी असे सांगितले की कंपनीचे पुनरुज्जीवन करण्यासाठीच्या योजनेचा आराखडा तयार आहे.
RCOM ने NHAI विरुद्धचा आर्बिट्रेशनमधील Rs १६.१० कोटींचा खटला जिंकला.

पुंज लॉइडला ICICI बँकेचे कर्ज फेडण्यासाठी मुदत मिळाली म्हणून पुंज लॉइडचा शेअर वाढला.

फोर्टिस हेल्थकेअर या कंपनीने NORTHEN TK ला २३.८३ कोटी शेअर्स Rs १७० प्रती शेअर या भावाने दिले.

विशेष लक्षवेधी

मार्कसन फार्मा, NESCO, TVS श्रीचक्र, RITES, डेक्कन सिमेंट, मिर्झा इंटरनॅशनल, हॉकिन्स कुकर, NMDC, बॉंम्बे डायिंग, कामधेनू इस्पात, व्हील्स इंडिया, अपोलो टायर्स, मंगलम सिमेंट, VARROC इंजिनीअरिंग, ISGEC हेवी इंजिनीअरिंग, अशोक लेलँड, कोल इंडिया. ऑरोबिंदो फार्मा, टाटा स्टील यांचे दुसऱ्या तिमाहीचे निकाल चांगले आले.

अलाहाबाद बँक, युनायटेड बँक, इंडोको रेमेडीज, जेट एअरवेज, आयशर मोटर्, सन फार्मा ( या कंपनीने Rs १२०० कोटींचा वन टाइम लॉस दाखवला ) यांचे दुसऱ्या तिमाहीचे निकाल असमाधानकारक आले.

डॉल्फिन ऑफशोअर ही कंपनी टर्न अराउंड झाली.

तांत्रिक विश्लेषण

आज निफ्टी कॅण्डल स्टिक चार्टमध्ये ‘PIERCING LINE’ पॅटर्न तयार झाला होता. हा बुलिश कॅण्डल स्टिक पॅटर्न आहे दोन कॅण्डलच्या सहाय्याने हा पॅटर्न तयार होतो. पहिली कॅण्डल मंदीची असते आणि दुसरी कॅण्डल तेजीची असते. सोमवारी मार्केट मंदीत होते. निफ्टी १००पाईंट पडला. मंगळवारी बुल्सनी कंबर कसली सभोवतालचे वातावरणही सुधारलं पण सुरुवातीला मार्केट गॅप डाऊन ओपन झालं आणि दिवस सरता सरता कालच्या मंदीचा ३/४ टप्पा मार्केटने लिलया ओलांडला आणि सरते शेवटी मार्केट जवळ जवळ शुक्रवारच्या स्तरावर बंद झाले.

वेध उद्याचा

उद्या NHPC या कंपनीची शेअर BUY BACK वर विचार करण्यासाठी बोर्ड ऑफ डायरेक्टर्सचि बैठक बोलावली आहे.
बनारी अम्मां शुगर, सेंट्रल बँक, कॉक्स आणि किंग्स, एल टी फूड्स, IPCA लॅब्स, कावेरी सीड्स, CESC, PAGE इंडस्ट्रीज यांचे दुसऱ्या तिमाहीचे निकाल जाहीर होतील.

BSE निर्देशांक सेन्सेक्स ३५१४४ NSE निर्देशांक निफ्टी १०५८२ आणि बँक निफ्टी २५७६९ वर बंद झाले

मी 22-25 नोव्हेंबर शेअर मार्केट वर course organise  केला आहे ..त्याच्या आता फक्त ५ सीट उरल्या आहेत.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Hz

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – १२ नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – १२ नोव्हेंबर २०१८

आज क्रूड US $७१ ते US$ ७१.५० प्रती बॅरल तर रुपया US १=Rs ७२.७२ ते US $१= Rs ७३ या दरम्यान होते US $निर्देशांक गेल्या सोळा महिन्यांच्या कमाल स्तरावर म्हणजे ९७.४५. VIX १८.७५ होता

आज मार्केटमधील वातावरण बदलले. सगळ्यांचे लक्ष क्रूड कडे होते.कारण क्रूडचा सप्लाय कमी करावा असा मतप्रवाह सौदी अरेबियाच्या निवेदनावरून जाणवल . सौदी अरेबियाने जाहीर केले की ते क्रूडचे रोज होणारे उत्पादन डिसेम्बरपासून ५ लाख टन कमी करतील. त्यामुळे IT क्षेत्र वगळता सर्व क्षेत्रातल्या कंपन्यांचे शेअर्स पडले.

बायोकॉनच्या बंगलोर येथील युनिटला USFDA ने क्लीन चिट दिली.

JLR ची ऑक्टोबर २०१८मधील विक्री ४.६% ने कमी झाली. त्यामुळे टाटा मोटर्सचा शेअर पडला.

ल्युपिनच्या नागपूर युनिटच्या सप्टेंबर महिन्यात केलेल्या तपासणीत USFDA ने क्लीन चिट दिली.

PNB हाऊसिंगला NHB ने ( नॅशनल हौसिंग बँक) Rs ३५०० कोटींचा रीफायनान्स मंजूर केला.

TCS ने ‘ENGIE’ बरोबर सायबर सिक्युरिटी सेंटरसाठी करार केला.

SJVN मधील आपला स्टेक विकण्यासाठी केंद्र सरकारने हिमाचल प्रदेशच्या राज्य सरकारबरोबर बोलणी चालू केली. हा स्टेक विकण्यासाठी हिमाचल राज्य सरकारची संमती आवश्यक आहे.

CAPLIN पाईंट या कंपनीने १९ नोव्हेंबर २०१८ रोजी आपल्या सबसिडीअरीचे कंपनीत विलीनीकरण करण्यावर विचार करण्यासाठी बोर्ड ऑफ डायरेक्टर्सची बैठक बोलावली आहे.

सरकारने असे जाहीर केले की विमानवाहतूक कंपन्यांनी सरकारकडून मदतीची अपेक्षा ठेवू नये.

विशेष लक्षवेधी

आज शोभा, टायटन, WOCKHARDT, लंबोदरा टेक्सटाईल्स, शारदा मोटर्स, जमना ऑटो, SMS फार्मा, SJVN, RCF, इन्सेक्टीसाईड्स इंडिया, टाइड वॉटर ऑइल ( Rs ७५ प्रती शेअर अंतरिम लाभांश),हिमाद्री केमिकल्स. श्री सिमेंट ( Rs १८० कोटींचा वन टाइम तोटा), जिंदाल SAW, ब्रिटानिया इंडस्ट्रीज यांचे दुसर्या तिमाहीचे निकाल चांगले आले.

बँक ऑफ इंडिया ( फायद्यातून तोट्यात), ड्रेजिंग कॉर्पोरेशन (Rs ७९ कोटींच्या केल्या प्रोव्हिजनमुळे फायद्यातून तोट्यात) झेनिथ एक्स्पोर्ट्स, अवंती फीड्स, ग्रीन प्लायवूडस, न्यू इंडिया अशुअरंस कंपनी यांचे दुसऱ्या तिमाहीचे निकाल असमाधानकारक आले.

प्रीमियर एक्स्प्लोझिव्ह या कंपनीला आर्म्स लायसेन्स इशुअन्स ऑथॉरिटी आणि DIPP ( डिपार्टमेंट ऑफ इंडस्ट्रियल पॉलिसी अँड प्रमोशन) यांच्याकडून मीडियम कॅलिबर अम्युनिशन आणि सबअसेम्ब्लीज ऑफ अम्युनिशन आणि सिंगल बेस, डबल बेस, ट्रिपल बेस मल्टिबेस प्रॉपेलन्टस, RDX आणि MHX आणि त्यांची कंपौंडस यांचे उत्पादन करण्यासाठी परवानगी मिळाली. हे उत्पादन कंपनी त्यांच्या ग्रीन फिल्ड काटेपल्ली प्लांटमध्ये करू शकेल. यामुळे उत्पन्नाचा नवा स्रोत निर्माण होईल आणि भविष्यात फायदा होईल. या लायसेंसखाली त्यांना एक चार लाखांची ऑर्डर मिळाली आहे. यामुळे पडत्या मार्केटमध्ये सुद्धा शेअर Rs २५ ने वाढला.

वेध उद्याचा

  • आज मार्केट बंद झाल्यावर ऑक्टोबर २०१८ साठी CPI ( कन्झ्युमर प्राईस निर्देशांक) ३.३१% ( सप्टेंबर २०१८ मध्ये ३.७७ होता) आणी सप्टेंबर २०१८ साठी IIP चे आकडे ४.५% ( ऑगस्ट २०१८ मध्ये ४.३% होता) आले.  या मध्ये महागाई कमी झाली आणि औद्योगीक उत्पादन वाढले असा अर्थ होतो. याचा उद्याच्या मार्केटवर थोडा अनुकूल परिणाम होण्याची शक्यता आहे.
  • उद्या NMDC, सन फार्मा, टाटा स्टील, NCC, महानगर गॅस, ग्लेनमार्क फार्मा, ABBOT इंडिया, अलाहाबाद बँक, ऑलसेक इंजिनीअरिंग, बॉम्बे डाईंग,मार्कसन्स फार्मा, पंजाब अँड सिंध बँक, युनायटेड बँक आपापले दुसऱ्या तिमाहीचे निकाल जाहीर करतील.

BSE निर्देशांक सेन्सेक्स ३४८१२ NSE निर्देशांक निफ्टी १०४८२ आणि बँक निफ्टी २५५४० वर बंद झाले.

मी 22-25 नोव्हेंबर शेअर मार्केट वर course organise  केला आहे ..त्याच्या आता फक्त ५ सीट उरल्या आहेत.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Hz

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ९ नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ९ नोव्हेंबर २०१८

आपल्या आज क्रूड US $ ७०.२९ प्रती बॅरल ते US $७०.८१ प्रती बॅरल या दरम्यान तर रुपया US $१=Rs ७२.६० ते US $१=Rs ७३ च्या दरम्यान होता. US $ निर्देशांक ९६.८७ होता. VIX १८.३९ वर होता. क्रूडचा भाव कमी होत असल्यामुळे पेंट, टायर उत्पादन करणाऱ्या कंपन्या, विमान कंपन्या, IOC BPCL HPCL या ऑईल मार्केटिंग कंपन्या यांचे शेअर्स तेजीत होते. रुपया मजबूत होत असल्यामुळे IT क्षेत्र आणि फार्मा क्षेत्र थोडेसे एक पाऊल मागे होते 

गेली चार वर्ष मुहूर्त ट्रेडींगला मार्केट मंदीत असत होते. या वेळी मार्केट मुहूर्त ट्रेडिंगला तेजीत राहिले. कारण करेक्शन होऊन गेल्यामुळे स्वस्तात शेअर्स खरेदी करणे लोकांना शक्य झाले. म्हणजेच या वेळेला ट्रेलर तर चांगले होते पण आता वर्षभर चालू असणारा मेन पिक्चर कसा असेल हे पाहावे लागेल.

BSNL आणि MTNL यांनी त्यांच्या ऑर्डर्सपैकी ३०% ऑर्डर ITI ला दिल्या पाहिजेत असा तीन वर्षांसाठी करार केला. याचा फायदा ITI ला होईल.

सरकारने चीनला २० लाख टन साखर निर्यात करण्याचे ठरवले आहे. त्याबाबत बोलणी चालू आहेत. १५००० टन निर्यातीचा करार प्रत्यक्षात केला आहे. DCM श्रीरामने सुद्धा ४०,००० टन साखर निर्यात करायचे ठरवले आहे. आणि येत्या १५ दिवसांमध्ये ५ राज्यात होणाऱ्या विधान सभेसाठीच्या होणाऱ्या निवडणुका लक्षात घेऊन सरकार साखरेची MSP वाढवण्याची शक्यता आहे. त्यामुळे साखर उत्पादक कंपन्यांचे शेअर्स तेजीत असतील.

फेडने व्याज दरात काहीही बदल केला नाही. USA ची अर्थव्यवस्था स्थिर असून बिझिनेस आणि गुंतवणूक वाढत आहे. इन्फ्लेशन २% आहे. त्यामुळे पुढील महिन्यात रेट वाढवण्याचा संकेत दिला.

यावेळेला टायर उत्पादक क्षेत्राचे दुसऱ्या तिमाहीचे निकाल असमाधानकारक होते तर पेपर उत्पादक क्षेत्राचे दुसऱ्या तिमाहीचे निकाल चांगले आले.

सरकार ड्रेजिंग कॉर्पोरेशनमधील ७३.४७ % स्टेक डायव्हेस्ट करणार आहे. कांडला, विशाखापट्टणम, पारादीप, जवाहरलाल नेहरू पोर्ट ट्रस्ट यांना हा स्टेक विकणार आहे. त्यामुळे ओपन ऑफर येण्याची शक्यता आहे.

DR रेड्डीज. स्ट्राईड फार्मा आणि ऑरोबिंदो फार्मा या कंपन्यांच्या औषधांना USFDA कडून मंजुरी मिळाली.

लिंडे इंडिया या कंपनीतला ७५% स्टेक BOC ग्रुपकडे आहे उरलेला २५% स्टेक विकत घेण्यासाठी त्यांनी BUY OUT ऑफर दिली म्हणून शेअर १६% वाढला.

सरकारने PNB मधील स्टेक ६६.०९% वरून ७१.९२% पर्यंत वाढवला.

हिरो मोटो कॉर्प या कंपनीने प्रीमियम मोटार X PULSE २००T इटलीमधील प्रदर्शनात लाँच केली. म्हणून शेअर वाढला.

बरौनी-गौहाटी पाईपलाईन टाकण्याचे Rs ११०० कोटीचे कॉन्ट्रॅक्ट GAILला मिळाल्यामुळे हा शेअर वाढला.
मॅजेस्कोला क्लाऊड इन्शुअरर साठी इंडोनेशियात ऑर्डर मिळाली. या ऑर्डर मुले मॅजेस्कोचा इंडोनेशियामध्ये प्रवेश होईल.

विशेष लक्षवेधी

HAL, विमटा लॅब्स, थांगमाईल ज्युवेलर्स, महिंद्रा लाईफ, DLF यांचे दुसर्या तिमाहीचे निकाल चांगले आले.
काकतीया सिमेंट, इंडिया सिमेंट, इंडियन बँक, अमर राजा बॅटरी, नागार्जुना फर्टिलायझर्स, यांचे दुसर्या तिमाहीचे निकाल असमाधानकारक होते.

NHPC ही शेअर BUY BACK वर १४ नोव्हेंबर २०१८ रोजी विचार करणार आहे.

CPSE ETF मध्ये NTPC, NBCC, SJVN, NLC यांचा समावेश केला जाईल तर EIL, GAIL, CONCOR हे बाहेर पडतील.

वेध उद्याचा

१२ नोव्हेंबर २०१८ रोजी ब्रिटानिया इंडस्ट्रीज, कोल इंडिया, बँक ऑफ इंडिया, ऑरोबिंदो फार्मा, NALCO, ब्रिगेड ENTP, ड्रेजिंग कॉर्पोरेशन, गोदरेज इंडस्ट्रीज, इन्सेक्टीसाईड्स इंडिया,जेट एअरवेज,LAOPALA ,NALCO, NMDC, ऑइल इंडिया, RCF, SJVN, टाइड वॉटर ऑइल,आपापले दुसर्या तिमाहीचे निकाल जाहीर करतील.

BSE निर्देशांक सेन्सेक्स ३५१५८ NSE निर्देशांक निफ्टी १०५८५ आणि बँक निफ्टी २५६७१ वर बंद झाले

मी 22-25 नोव्हेंबर शेअर मार्केट वर course organise  केला आहे ..त्याच्या आता फक्त ५ सीट उरल्या आहेत.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Hz

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ६ नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ६ नोव्हेंबर २०१८

आपल्या ब्लॉगच्या सर्व वाचकांना, माझ्या ‘मार्केट आणि मी’ या पुस्तकाच्या सर्व वाचकांना, आणि प्रशिक्षण वर्गातील विद्यार्थ्यांना हे  नववर्ष म्हणजे संवत २०७५ हे समृद्दीचे, समाधानाचे, आरोग्याचे आणि भरभरुन यश देणारे आणि सुखाचे  जावो हीच शुभेच्छा आणि ईश्वरचरणी प्रार्थना. आपल्या शेअर मार्केटविषयीच्या ज्ञानाचा वापर करून आपण स्वतंत्ररित्या आता शेअर मार्केटमधून पैसे मिळवायला लागला असाल. असाच लक्ष्मीचा वरदहस्त आपल्या डोक्यावर राहो.

आज संवत २०७४ संपले. मार्केटमध्ये अस्थिरता खूपच होती. पण फार्मा शेअर्सनी थोडा रंग भरला. USA मध्ये मध्यावधी निवडणुकासाठी आज  मतदान होत आहे. या निवडणुकांच्या निकालांवरून USA च्या अध्यक्ष ट्रम्प यांना त्यांच्या धोरणांविषयीचे लोकमत अजमावता येईल. तसेच फार्मा कंपन्यांच्या धोरणांविषयी निर्णय घेतला जाईल या अपेक्षेने फार्माचे शेअर्स वाढले.

आज क्रूड US $ ७२.७६  ते प्रती बॅरल ते US$  ७२.८७ प्रती बॅरल या दरम्यान राहिले. रुपया US $१=Rs७२.९५ ते आनि US $१= Rs ७३.२१ या दरम्यान राहिला. US $ निर्देशांक ९६.३७ होता.

आंध्र बँकेचे ज्या ज्या कंपन्या बरोबर जॉईंट व्हवेंचर आहे या कंपन्यातील आपला स्टेक  आंध्र बँक पूर्णपणे किंवा अंशतः विकण्याचा संभव आहे.

NMDC ला लीज संपल्यामुळे कर्नाटकातील दोनीमलाई खाण बंद करावी लागली होती. कारण सरकार आणि NMDC यांच्यात रॉयल्टीवरून वादविवाद चालू होता. ही लीज आता  २० वर्षापर्यंत रिन्यू केली.

वेदांताचा शेअर आजपासून एक्स Rs १७ अंतरिम लाभांश झाला. ह्या शेअरची किंमत ह्या रकमेने कमी झाली.

JLR च्या विक्री मध्ये UK मध्ये वाढ झाल्यामुळे टाटा  मोटर्सचा शेअर वाढला.

DHFL ने Rs १७७५  कोटींच्या CP (कमर्शियल पेपर) चे रिपेमेंट केले. त्यामुळे हा शेअर वाढला.

विशेष लक्षवेधी 
  • PNB मेट लाईफच्या IPO ला सेबीने परवानगी दिली.
  • ऑटोमोटिव्ह ऍक्सल्स (नफा विक्री आणि ऑपरेटिंग मार्जिन वाढले), गेल यांचे निकाल चांगले आले.  बाळकृष्ण इंडस्ट्रीजचे निकाल चांगले आले पण कंपनीने नकारात्मक व्हॉल्युम गायडन्स दिल्यामुळे शेअर पडला. बामर लॉरी या कंपनीचा निकाल चांगला आला.
  • APL अपोलो ट्यूब्स, शीला फोम्स, संघी इंडस्ट्रीज यांचे निकाल असमाधानकारक आले.
  • सुवेंन लाईफ सायन्सेस या कंपनीला इज्राएल आणि जपान कडून प्रॉडक्ट पेटंट मिळाली.
  • जेट एअरवेजची टाटा ग्रुप बरोबर बोलणी चालू आहेत या बातमीचे जेट एअरवेज च्या व्यवस्थापनाने खंडन केले आहे.
  • अडानी ग्रुपला त्यांच्या ऑस्ट्रेलियातील प्रोजेक्टसाठी  कोरिया डेव्हलपमेंट बँकेने कर्ज देण्याची शक्यता दुरावली.
वेध उद्याचा 
  • ABAN ऑफशोअर, MRF, यांचे ८ नोव्हेम्बरला तर EID पॅरी, इगारशी मोटर्स , इंडिया सिमेंट, इंडियन बँक, शोभा, टायटन, VST टिलर्स, ट्रॅक्टर्स इंडिया लिमिटेड यांचे दुसऱ्या तिमाहीचे निकाल ९ नोव्हेंबर रोजी येतील.
  • उद्या BSE आणि NSE या दोन्ही एक्स्चेंजवर संध्याकाळी ५ ते ७ वाजेपर्यंत मुहूर्त ट्रेडिंग असेल. आपल्याला मुहूर्ताचे म्हणून काही शेअर्स खरेदी करायचे किंवा काही शेअर्सची विक्री करायची असल्या  या वेळात करू शकता.
BSE निर्देशांक सेन्सेक्स ३४९९१ NSE निर्देशांक निफ्टी १०५३० आणि बँक निफ्टी २५५९८ वर बंद झाले

मी 22-25 नोव्हेंबर शेअर मार्केट वर course organise  केला आहे ..त्याच्या आता फक्त ५ सीट उरल्या आहेत.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Hz

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

आजचं मार्केट – ५ नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – ५ नोव्हेंबर २०१८

आज क्रूड US $ ७२.२३ ते US $ ७२.५० प्रती बॅरल या दरम्यान रुपया US $१= Rs ७३.११ पर्यंत घसरला. VIX १९.४० होते. इराण वरील निर्बंध आजपासून सुरु झाले पण भारताला सहा महिन्यांसाठी या निर्बंधातून सूट मिळणार आहे. इराण भारताकडून काही गोष्टी आयात करेल आणि त्या बदल्यात भारताला इराणकडून क्रूड आयात करता येईल. हा सर्व व्यवहार रुपयात UCO बँकेमार्फत होईल. यामुळे UCO बँकेचा शेअर १०%ने वाढला.

केरळमधील पुराचा परिणाम सन टी व्ही च्या दुसऱ्या तिमाहीच्या निकालावर होईल असा अंदाज होता आणि घडलेही तसेच! सन टी व्ही चा निकाल खराब आला जाहिरातींपासून मिळणाऱ्या उत्पन्नावर विपरीत परिणाम झाला.

SBI चा दुसर्या तिमाहीचा निकाल आला. तीन तिमाहीमध्ये लॉस दाखवल्यानंतर SBI ने या तिमाहीत प्रॉफिट दाखवले. पण त्याचवेळी SBI ला Rs १५६० कोटी इतर इनकम झाले आहे. प्रॉफिट Rs ९४४ कोटी दाखवले आहे. NPA अगदी थोड्या प्रमाणात कमी झाले. स्लीपेजीस Rs १०८८८ कोटी झाले.

MMTC सोने आणि चांदी आयात करून त्याची नाणी पाडण्याचे काम करते दिवाळीच्या दिवसात सोन्याची आणी चांदीची नाणी जास्त खपतात. म्हणून MMTC चा शेअर आज वाढला.

इंडोनेशिया थायलंड आणि सिंगापूर येथून येणाऱ्या ‘UNCOATED’ पेपरवर ५% इम्पोर्ट ड्युटी लावली जाणार आहे. याचा फायदा पेपर उत्पादन करणाऱ्या कंपन्यांना होईल.उदा :- TNPL JK पेपर

USA व्हिसाचे नियम आणखी कडक करणार आहे. ज्या कंपन्यांचा बिझिनेस USA वर अवलंबून आहे त्या कंपन्यांचे नुकसान होईल. माईंड ट्री आणि टेक महिंद्रा या कंपन्यांचा यात समावेश आहे.

विशेष लक्षवेधी

  • अडाणी एंटरप्राइझेसमधून वेगळ्या काढलेल्या अडानी गॅस या कंपनीचे Rs ७० वर BSE वर तर NSE वर Rs ७२ वर लिस्टिंग झाले. नंतर या शेअरला अपर सर्किट लागले.
  • BOSCH या कंपनीचा दुसऱ्या तिमाहीचा निकाल चांगला लागला. ही कंपनी १०.२८ लाख शेअर टेंडर ऑफर प्रक्रियेने Rs २१००० प्रती शेअर या भावाने शेअर BUY BACK करेल.( BUY BACK ऑफ SHARES या कॉर्पोरेट एक्शन विषयी सविस्तर आणि खुलासेवार माहिती माझ्या ‘मार्केट आणि मी’ या पुस्तकात दिली आहे )
  • ONGC, उकल फ्युएल, गॉडफ्रे फिलिप्स, CARE, ट्यूब इन्व्हेस्टमेंट्स, LUX, मिंडा इंडस्ट्रीज, गुड लक इंडस्ट्रीज, WEBCO. या कंपन्यांचे दुसर्या तिमाहीचे निकाल चांगले आले
  • सेल, टाटा केमिकल्स,सिप्ला यांचे दुसऱ्या तिमाहीचे निकाल असमाधानकारक होते.

वेध उद्याचा

  • ग्राफाईट इंडिया, लाल पाथ लॅब, सुमीत इंडस्ट्रीज यांचे दुसर्या तिमाहीचे निकाल मंगळवार ६ नोव्हेंबर रोजी जाहीर होतील.
  • ६ नोव्हेंबर रोजी बँक निफ्टीची साप्ताहिक एक्स्पायरी आहे.

BSE निर्देशांक सेन्सेक्स ३४९५० NSE निर्देशांक निफ्टी १०५२४ आणि बँक निफ्टी २५७३२ वर
बंद झाले.

मी 22-25 नोव्हेंबर शेअर मार्केट वर course organise  केला आहे ..त्याच्या आता फक्त ५ सीट उरल्या आहेत.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Hz

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!

भाग ६३ – सोनेरी चौकार :सॉव्हरिन गोल्ड बॉण्ड्स स्कीम २०१८-२०१९

सोनेरी चौकार :सॉव्हरिन गोल्ड बॉण्ड्स स्कीम २०१८-२०१

By Szaaman [Public domain], via Wikimedia Commons

भारतात सोन्याविषयी असणारे आकर्षण खूप आहे. त्यामुळे सोन्याची आयात मोठ्या प्रमाणावर होते. सरकारच्या दृष्टीने ही एक मोठी डोकेदुखी आहे. ज्यावेळी रुपया ढासळत असतो तेव्हा ही समस्याच उग्र रूप धारण करते. सरकार वेगवेगळे उपाय वेळोवेळी करत असते. वेगवेगळ्या योजना आखत असते.

सभोवतालची परिस्थिती जशी बदलते तसा समाजाला, सरकारला काही गोष्टींचा विचार करावा लागतो. अशाच प्रकारे ध्यानीमनी नसताना जगातील सर्व देशांत उलथापालथ झाली.ब्रेक्झिट, डिमॉनेटायझेशन,GST, ट्रेंड वॉर आणि टॅरिफ वॉर सुरु झाले आणी त्याचा परिणाम चलनावर व पर्यायाने सोन्याच्या दरावर झाला.

गेल्या काही महिन्यांत रुपया घसरला म्हणजेच एका US डॉलरला Rs.७३ ते Rs ७५ असा भाव झाला. क्रूडचा भावही वाढत गेला आणि त्याने US $ ८६ प्रती बॅरलची पातळी गाठली. महागाई, करंट अकौंट डेफिसिट वाढण्याचा धोका निर्माण झाला.आणि त्याच वेळेला लोकसभा तसेच राज्य विधानसभांच्या निवडणुका जवळ येऊ लागल्या अशा बदललेल्या परिस्थितीमुळे सरकारवरील ताण वाढत गेला आणि आता काय करावे असा विचार सरकार आणि RBI मिळून करू लागले.

सरकारच्या दृष्टीकोनांतून विचार करायचा झाला तर आयातीमध्ये प्रथम क्रमांकावर क्रूड तर दुसऱ्या क्रमांकावर सोने आहे. भारतीयांना सोन्याचे आकर्षण फार असल्याने लग्नकार्य, सणासुदीच्या काळांत सोन्याची मागणी वाढत असल्याने आणी आपल्या देशांत या मागणीप्रमाणे पुरवठा करण्यास पुरेसे सोन्याचे उत्पादन होत नसल्याने सोने मोठ्या प्रमाणावर आयात करावे लागते. त्यामुळे आयात आणी निर्यात यातील दरी रुदावते. CAD ( CURRENT ACCOUNT DEFICIT) वाढते.
बदलत्या काळाप्रमाणे सोन्याच्या बाबतीत चोरीमारीच्या धोक्यापासून संरक्षण व्हावे म्हणून लोक बँकेत लॉकर्समध्ये दागिने, जडजवाहीर ठेवणे सुरक्षित समजू लागले. लॉकरची उपलब्धता, लॉकर्सचे वाढणारे भाडे, दागिने बदलले जाण्याची भीती या समस्या आहेतच. ‘हौसेला मोल नसते’ असे जरी बोलले जात असले तरी प्रत्येक गोष्टीला मर्यादा आहेच. खरे पाहता सोन्यात केलेली गुंतवणूक ही ‘DEAD INVESTMENT’ ठरते पण सोने हा हौशीचा भाग असल्याने याकडे दुर्लक्ष होते.

सरकारने २०१५-२०१६च्या अन्दाजपत्रकांत’ ‘GOLD MONETISATION SCHEME’ नावाची योजना आणू असे सुतोवाच केले होते. या GMS (‘GOLD MONETISATION SCHEME’) चे उद्घाटन २०१६ सालच्या धनतेरसच्या सुमारास पंतप्रधान नरेंद्र मोदिनी केले. या योजनेअंतर्गत सरकारने RBI शी चर्चा करून दसरा आणि दिवाळीची संधी साधून २०१८ -१९ वर्षांसाठी एक सॉव्हरिन गोल्ड बॉण्ड स्कीम आणली. या योजनेनुसार ऑक्टोबर २०१८ ते फेब्रुवारी २०१९ या काळामध्ये दर महिन्याला गोल्ड बॉण्ड्स इशू होतील.

(१) या योजनेखाली सिरीज II मध्ये सबस्क्राईब करण्यासाठी १५ ऑक्टोबर ते १९ ऑक्टोबर २०१८ ही मुदत आहे. या मुदतीत केलेल्या अर्जाना २३ ऑक्टोबर २०१८ रोजी गोल्ड बॉण्ड्स इशू केले जातील. या योजनेतील सिरीज II साठी Rs ३१४६ प्रति ग्राम हा दर जाहीर केला.

(२) या योजनेखाली सिरीज III मध्ये सबस्क्राईब करण्यासाठी ५ नोव्हेंबर ते ९ नोव्हेंबर २०१८ ही मुदत आहे. या मुदतीत केलेया अर्जांना १३ नोव्हेंबर२०१८ रोजी गोल्ड बॉण्ड्स इशू केले जातील.

(३) या योजनेखाली सिरीज IV मध्ये सबस्क्राईब करण्यासाठी २४ डिसेंबर ते २८ डिसेंबर २०१८ ही मुदत असेल या मुदतीत केलेल्या अर्जाना १ जानेवारी २०१९ रोजी गोल्ड बॉण्ड्स इशू केले जातील.

(४) या योजनेअंतर्गत सिरीज V मध्ये सबस्क्राईब करण्यासाठी जानेवारी १४ २०१९ ते जानेवारी १८ २०१९ ही मुदत असेल. या मुदतीत केलेल्या अर्जाना २२ जानेवारी २०१९ रोजी गोल्ड बॉण्ड्स इशू केले जातील.

(५) या योजनेअंतर्गत सिरीज VI मध्ये सबस्क्राईब करण्यासाठी फेब्रुवारी ४ २०१९ ते फेब्रुवारी ८ २०१९ ही मुदत असेल या मुदतीत केलेल्या अर्जांना १२ फेब्रुवारी २०१९ रोजी गोल्ड बॉण्ड्स इशू केले जातील.

हे बॉण्ड्स बँका, स्टॉक होल्डिंग कॉर्पोरेशन, पोस्ट ऑफिस, NSE आणि BSE यांच्या मार्फत विकले जातील. हे बॉण्ड्स सरकारच्या वतीने RBI इशू करेल. हे बॉण्ड्स फक्त निवासी भारतीय व्यक्ती, HUF ट्रस्ट, युनिव्हर्सिटी आणि धर्मादाय संस्था खरेदी करू शकतील. हे बॉण्ड्स कमीतकमी १ग्राम किंवा त्याच्या पटीत इशू केले जातील. हे बॉण्ड्स ८ वर्ष मुदतीसाठी इशू केले जातील. ५ व्या,६व्या आणि ७व्या वर्षी व्याज देण्याच्या वेळेला तुम्हाला एक्झिट ऑप्शन मिळू शकेल. एक व्यक्ती किंवा HUF जास्तीतजास्त ४ किलोसाठी आणि ट्रस्ट आणि इतर २० किलोसाठी अर्ज करू शकतात. संयुक्त अर्जदार असाल तर पहिल्या अर्जदाराला ४ किलोसाठी अर्ज करता येईल.

गोल्ड बॉण्ड्सची किंमत ठरवण्यासाठी सब्स्क्रिप्शनच्या मुदतीच्या आधीच्या तीन दिवसाची सररासरी किंमत लक्षात घेतली जाईल. ही सरासरी ९९९ शुद्धतेच्या सोन्याच्या क्लोजिंग प्राईसची सरासरी असेल. ही क्लोजिंग प्राईस इंडिया बुलियन आणि ज्युवेलर्स असोसिएशनने ठरवलेली असेल. या बॉण्ड्सची किंमत रुपयात ठरवली जाईल.बॉण्ड्सचे रिडम्प्शन करताना रिडम्प्शन रक्कम याच आधारे ठरवली जाईल. जे लोक ऑन लाईन खरेदी करतील आणि डिजिटल मोडच्या द्वारे पैसे देतील त्यांना Rs ५० प्रती ग्राम सूट दिली जाईल. Rs २०००० पर्यंतची रकम कॅश, चेक किंवा डीमांड ड्रॅफ़्टच्या स्वरूपात स्वीकारली जाईल.

हे गोल्ड बॉण्ड्स गुंतवणूकदाराला सर्टिफिकेटच्या स्वरूपात ठेवता येतील किंवा आपल्या DEMAT अकौंट मध्ये जमा करता येतील. या गोल्ड बॉण्ड्स वर फिक्स्ड रेट ने २.५% प्रती वर्ष व्याज दिले जाणार हे व्याज दर सहा महिन्यांनीही मिळण्याची सवलत असेल. हे बॉण्ड्स तारण ठेवून कर्ज मिळू शकेल. सर्वसाधारण गोल्ड लोन जेवढे दिले जाते तेव्हढे लोन हे बॉण्ड्स तारण ठेवून दिले जाईल. KYC च्या सर्व नियमांचे पालन करून KYC करावे लागेल.

या बॉण्ड्सवर मिळणारे व्याज आयकर कायद्याप्रमाणे करपात्र आहे. TDS च्या प्रोव्हिजन या बॉण्ड्सला लागू होणार नाहीत . हे गोल्ड बॉण्ड्स रीडीम केल्यावर मिळणाऱ्या उत्पनावर कॅपिटल गेन्स टॅक्स लागणार नाही. हे गोल्ड बॉण्ड्स इशू केल्यापासून १५ दिवसानंतर स्टॉक एक्स्चेंजवर ट्रेंडेबल असतील. हे गोल्ड बॉण्ड्स गिफ्ट म्हणून देता येतील किंवा कोणाच्याही नावे ट्रान्स्फर करता येतील.हे बॉण्ड्स ट्रान्स्फर केल्यावर होणाऱ्या कॅपिटल गेन्स साठी इंडेक्ससेशनचा फायदा दिला जाईल.

या बॉण्ड्सवर मॅनेजमेंट चार्जेस लागणार नाहीत, या बॉण्ड्सच्या बाबतीत स्टोअरेज किंवा लॉकर फीची चिंता नाही.सोन्याचा भाव चालु असेल त्या भावाला हे बॉण्ड्स रीडीम केले जातील.लोकांना कॅपिटल मध्ये एप्रिसिएशन आणि व्याज असे दोन्हीचे फायदे मिळतील. हे गोल्ड बॉण्ड्स म्हणजे भांडवली गुंतवणूक आणि बॅंकेतील ठेवी यांचा सुरेख संगम आहे .

सरकारने गोल्ड बॉण्ड्स इशू करून सोनेरी चौकार मारला आहे. जर लोकांना ही योजना आवडली तर लोक षटकार मारतील. आणि सध्याच्या अडचणींवर सरकारला एक उपाय उपलब्ध होईल. सरकार सामना जिंकेल.

आधीचा भाग वाचण्यासाठी इथे क्लीक करा 

आजचं मार्केट – २ नोव्हेंबर २०१८

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २ नोव्हेंबर २०१८

आज क्रूड US $ ७२.६२ प्रती बॅरल ते US $७३.०४ प्रती बॅरल या दरम्यान तर रुपया US १=Rs ७२.५१ ते US $१=७२.९४ या दरम्यान होते. US $ निर्देशांक ९६.०४ होता. VIX १८.२२ होता. क्रूडची समस्याच जवळ जवळ सुटत आली. ऑइल उत्पादन करणाऱ्या कंपन्यांनी सप्लाय वाढवायला सुरुवात केली. लिक्विडीटी आणि IL &FS ची समस्या सोडविण्यासाठी सरकारने युद्ध पातळीवर कंबर कसली त्यामुळे आज काही काळ रुपया US $१=Rs ७३ च्या पातळीवरून सुधारला.

या सर्व अनुकूल गोष्टींना मार्केटने ६०० ( सेन्सेक्स मध्ये) पाईंट्सची सलामी दिली. या आठवड्यात २ वेळेला मार्केट ६०० पाईट्स वधारले. त्यामुळे निराशा दूर व्हायला मदत झाली आणि मार्केटने दिवाळीच्या आधीच दिवाळी साजरी केली. एवढे मार्केट तेजीत असले तरी डिलिव्हरी व्हॉल्युम मात्र खूप कमी आहे. बहुतांशी हे इंट्राडे ट्रेडिंग आहे.

USA ने ८ देशांना इराणवर घातलेल्या निर्बंधातून सूट दिली. USA ने भारतातून आयात होणाऱ्या शेतकी आणि हॅन्डलूम उ द्योगातील वस्तूंवरची ड्युटीफ्री सवलत १ नोव्हेंबर २०१८ पासून काढून घेतली.

भारत सरकार साखर निर्यातीची शक्यता चीन, बांगला देश, मलेशिया , दक्षिण कोरिया या देशांबरोबर अजमावत आहे.
आज किर्लोस्कर ग्रूपला RBI कडून NBFC सुरु करण्यासाठी लायसेन्स दिले. आता किर्लोस्कर ग्रुप किर्लोस्कर कॅपिटल या नावाने आपली FULLY OWNED सबसिडीअरीच्या माध्यमातून हा बिझिनेस करतील आणि Rs १००० कोटींची गुंतवणूक करतील.

कोल इंडियाचा OFS FULLY सबस्क्राईब झाला.

BSE ९ कंपन्या ५ नोव्हेंबर २०१८ पासून डीलीस्ट करणार आहे कारण या कंपन्यांच्या शेअर्समध्ये ट्रेडिंग ६ महिन्यांसाठी सस्पेंड होते.

विशेष लक्षवेधी

  • आज ऍक्सिस बँक ( प्रॉफिटमध्ये ८३% वाढ आणि ASSET क्वालिटीमध्ये सुधारणा) GSFC,भारत फोर्ज, IOC (ग्रॉस रिफायनिंग मार्जिन वाढले.), धनलक्ष्मी बँक, व्हर्लपूल,हिंदाल्को (यांची सबसिडीअरी नॉवेलीस चा निकाल चांगला आला),पेट्रोनेट LNG ( Rs ५.५० अंतरिम लाभांश), प्रॉक्टर ऍण्ड गॅम्बल, NTPC, ओरिएंट इलेक्ट्रिकल, बाटा ,सिक्व्हेण्ट सायंटिफिक, सिटी युनियन बँक, इंगरसोल रँड, मुक्ता आर्ट्स यांचे दुसऱ्या तिमाहीचे निकाल चांगले आले.
  • अल्केम लॅब, JB केमिकल्स,BSE या कंपन्यांचे दुसऱ्या तिमाहीचे निकाल ठीक होते.
  • PNB, MAX इंडिया, VASCON यांचे दुसऱ्या तिमाहीचे निकाल असमाधानकारक होते.
  • AB फॅशन, फ्युचर एंटरप्रायझेस, बजाज हिंदुस्थान, या कंपन्या दुसऱ्या तिमाहीत तोट्यातून फायद्यात आल्या म्हणजेच टर्न अराउंड झाल्या
  • ऑक्टोबर २०१८ या महिन्यात बजाज ऑटोच्या घरगुती विक्रीत ३२% तर निर्यातीत ३८%ची वाढ झाली.
    महिंद्रा आणि महिंद्रा ट्रॅक्टरची विक्री १७% ने वाढली, निर्यात २% ने वाढली.

वेध उद्याचा

  • शनिवार ३ नोव्हेंबर २०१८ रोजी आंध्र बँक, आर्चिज, कॅडीला हेल्थकेअर , एरिस लाईफ सायन्सेस , GSPL, ONGC, RELAXO, SCI, थायरोकेअर, उकल फ्युएल या कंपन्या आपले दुसऱ्या तिमाहीचे निकाल जाहीर करतील.
  • सोमवार ५ नोव्हेंबर २०१८ रोजी APL अपोलो ट्यूब्स, BOSCH, सिप्ला,एक्झाईड, GAIL, IGL कोपरान, मिंडा इंडस्ट्रीज, NATCO फार्मा, PNB हाऊसिंग, स्टेट बँक ऑफ इंडिया, वेंकीज या कंपन्या आपले दुसऱ्या तिमाहीचे निकाल जाहीर करतील .
  • BSE निर्देशांक सेन्सेक्स ३५०११ NSE निर्देशांक निफ्टी १०५५३ आणि बँक निफ्टी २५७०१ वर
    बंद झाले.

मी 22-25 नोव्हेंबर शेअर मार्केट वर course organise  केला आहे ..त्याच्या आता फक्त ५ सीट उरल्या आहेत.  तुम्हाला इंटरेस्ट असेल तर अधिक माहिती या ब्लॉग पोस्ट मध्ये मिळेल – https://wp.me/pa5o7Y-Hz

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !!