आजचं मार्केट – १३ September २०२३

आज क्रूड US $ ९२.३० प्रती बॅरलच्या आसपास आणि रुपया US $१=Rs ८२.९० च्या आसपास होते US $ निर्देशांक १०४.५७ १० वर्षे USA बॉण्ड यिल्ड ४.३० आणि VIX ११.८३ होते.

ओरॅकल ने निराश केले( निकाल तसेच फ्युचर गायडन्स) तसेच APPLE च्या नवीन लाँच केलेल्या मॉडेलमधे नावीन्य वाटले नाही. म्हणून APPLE चा शेअर पडला. एनर्जी शेअर्समुळे डाऊ जोन्स तेजीत होते.

फेड FOMC ची १९ सप्टेंबर आणि २० सप्टेंबर २०२३ रोजी बैठक आहे.

FII ने Rs १०४७.१९ कोटींची विक्री तर DII ने Rs २५९.४८ कोटींची खरेदी केली.

IEX, नाल्को, BHEL, चंबळ फर्टी, डेल्टा कॉर्प, हिंदुस्थान कॉपर, I बुल्स HSG फायनान्स, इंडिया सिमेंट, मन्नापुरम फायनान्स बॅन मध्ये होते. SAIL आणि PNB बॅनमधून बाहेर आले.

भारताचे ऑगस्ट महिन्यासाठी CPI ६.८३ ( ७.४४) आणि जुलै २०२३ साठी IIP ५.७( ३.७) होती. ह्याचा अर्थ ऑगस्ट महीन्यात महागाई कमी झाली आणि जुलै महिन्यात औद्योगिक उत्पादन वाढले

इन्फोसिसला ‘MT STARK’ ह्या यूरोपमधील बिल्डिंग मटेरियल सप्लायर आणि रिटेलर कडून डिजिटल ट्रान्सफॉर्मेशन साठी ऑर्डर मिळाली.

विप्रो होल्डिंग UK ने विप्रो 4CNVमधील १००% स्टेक विप्रो IT सर्व्हिसेस UK सोसायटीजला ट्रान्स्फर केला. या दोन्ही विप्रोच्या सबसिडीअरी आहेत. रॅशनलायझेशन आणि सिम्पलीफिकेशन या उद्देशाने हे restructuring करण्यात आले.

रशियाने त्यांच्या देशातून भारतात आयात होणाऱ्या DAP, युरिया, आणि NPK या खतांवर देण्यात येणारी US $८० प्रती टन सूट रद्द केली.

एलजी इक्वीपमेन्टला १० वर्ष मुदतीची आणि ३५ वर्षे मेंटेनन्स साठी सीमेन्स कडून मोठी ऑर्डर मिळाली.

सरकारने चीन मधून आयात होणाऱ्या स्टीलवर ५ वर्षांसाठी अँटी डम्पिंग ड्युटी लावली.

बर्जर पेन्ट्सच्या ५ शेअरवर १ बोनस शेअरची रेकॉर्ड डेट २३ सप्टेंबर निश्चित केली आहे.

आज RBI ने कर्ज पूर्णपणे फेडल्यावर कर्जा संबंधित कागदपत्रे कर्जदाराला परत देण्याविषयी गाईडलाईन्स जाहीर केल्या. कर्जफेड केल्यावर कर्जदाराला ३० दिवसात संबंधित कागदपत्रे परत करावी लागतील. जर कागदपत्र परत करण्यात उशीर झाला तर प्रत्येक दिवसासाठी Rs ५००० दंड द्यावा लागेल. जर बँकेतून कागदपत्रे गहाळ झाली /हरवली तर ही मुदत आणखी ३० दिवस वाढवली जाईल. आणि डुप्लिकेट कागदपत्रे मिळवण्यासाठी जो खर्च येईल तो बँकेला करावा लागेल.

GE पॉवरला वेदांताकडून Rs २५ कोटींची ऑर्डर मिळाली.
कफ आणि कोल्ड या वरील काही औषधांमध्ये ह्या रोगांवर उपाय करणारे घटक काही औषधांमध्ये कार्यक्षम नाहीत असे USA च्या अडवायझरी कमिटीने सांगितले उदा GSK फार्माचे T mimic, ग्लेनमार्क फार्माचे ASORIN, आलेम्बिक फार्माचे WIKOYN.

ब्ल्यू डार्ट त्यांच्या सध्याच्या ट्रेडमार्कचे ‘भारत डार्ट’ म्हणून रिब्रान्डींग करणार आहे.

डाटामाटिक्सने ग्लोबल एंटरप्राइज ट्रान्सफॉर्मेशन साठी ‘FINATO’ हा प्लॅटफॉर्म लाँच केला.

टाटा एलेक्सिने ‘ATEME’ बरोबर फ्री ट्रेंड सपोर्टेड टेलिव्हिजन सोल्युशन लाँच करण्यासाठी करार केला.

HCL TECH ने सेल्स फोर्स बेस्ड टेक्निकल सोल्युशन लाँच केले.

भारती एअरटेलचा शेअर आज रेकॉर्ड हाय वर होता या शेअरचे मार्केट कॅपिटलायझेशन Rs ५ लाख कोटींपेक्षा जास्त झाले.

RVNL च्या JV ने बरोडा डिव्हिजन मध्ये रेल्वे कंस्ट्रक्शनसाठी Rs २४५ कोटींच्या प्रोजेक्ट साठी किमान बोली लावली. यात RVNL चा ७४% स्टेक असेल.

KEC इंटरनॅशनल ला सौदी अरेबियाकडून ऑर्डर मिळाली.
LIC ने त्यांचा MGL (महानगर गॅस लिमिटेड) मधील स्टेक वाढवून ९.०३% केला.

KEC ला Rs १०१२ कोटींच्या ट्रान्समिशन आणि डिस्ट्रिब्युशन प्रोजेक्टच्या नवीन ऑर्डर्स मिळाल्या.

RITES ने रेल्वे आणि रेल्वे संबंधित इन्फ्रास्ट्रक्चरच्या विकासासाठी ” CAMINHO DE FERRO DE MUCAMEDES ANGOLA ‘ यांच्या बरोबर MOU केले.

WAAREE रिन्यूएबल टेक्नॉलॉजीला 52.6 mw सोलर पॉवर प्रोजेक्ट सेट करण्यासाठी EPC contract मिळाले

NTPC च्या तेलंगणातील सुपर थर्मल पॉवर प्रोजेक्ट 800 MW capacity unit 1चे trial ऑपरेशन पूर्ण झाले
आज PSE, खते,पॉवर,सिमेंट,केमिकल,रिॲलिटी,मेटल यामध्ये खरेदी झाली ऑटो आणि IT मध्ये मंदी होती

BSE निर्देशांक सेन्सेक्स 67466,NSE निर्देशांक निफ्टी 20070,बँक निफ्टी 45909 वर बंद झाले

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !

आजचं मार्केट – १२ September २०२३

आज क्रूड US $ ९१ प्रती बॅरलच्या आसपास तर रुपया US $१= Rs ८२.९० च्या आसपास होते. US $ निर्देशांक १०४.७५ USA १० वर्षे बॉण्ड यिल्ड ४.२८ आणि VIX ११.७८ होते.आज सोने ५८९०० आणि चांदी ७१९०० च्या आसपास होती.
टेस्लाचे रेटिंग वाढवल्यामुळे शेअर १०% ने वाढला आज APPLE नवीन आय फोन लाँच करणार आहे.
सरकारने साखरेच्या उत्पादक कंपन्यांकडून आणि ट्रेडर्स आणि होलसेलर्स कडून मे आणि ऑगस्ट २०२३ या महिन्यातील विक्री आणि साखरेचा स्टॉक किती होता हे कळवायला सांगितले आहे.कर्नाटक आणि महाराष्ट्र सोडून इतर राज्यात उसाचे पीक चांगले आहे.
FII ने Rs १४७३.०९ कोटींची तर DII ने Rs ३६६.२४ कोटींची खरेदी केली.
BHEL , चंबळ फर्टी, डेल्टा कॉर्प, हिंदुस्थान कॉपर, I बुल्स HSG फायनान्स, इंडिया सिमेंट, PNB मन्नापुरम फायनान्स, बॅनमध्ये होते. SAIL आणि बलरामपूर चिनी बॅन मधून बाहेर आले.
स्टर्लिंग आणि विल्सनने ‘DATAVOLT’ बरोबर डेटा सेंटर बनवण्यासाठी MOU केले.
शाम मेटॅलिक्स ची सबसिडीअरी शाम SEL &पॉवर ने नेदर्लंड्स मध्ये नवीन युनिट सुरु केले.
सरकारने सांगितले की आयात केलेल्या फ्लॅट स्टील व्हील वर ड्युटी सुरु राहील.
ऑरोबिंदो फार्माने VIATRIS आणि फायझर च्या १५ ब्रँडेड प्रोडक्टसची इंडोनेशिया,मधील उत्पादन आणि मार्केटिंग साठी US $ ४.८ कोटींमध्ये अधिग्रहण केले.
PCBL च्या १.४७ लाख MTPA ग्रीनफिल्ड प्रोजेक्टच्या पहिल्या प्रोजेक्ट फेज १ मध्ये उत्पादन सुरु झाले.
स्पाईस जेट KAL एअरवेज ला Rs २२.५ कोटींचे पेमेंट करेल. याआधी Rs ७७.५ कोटींचे पेमेंट केलेले आहे. क्रेडिट सुईस ला स्पाईस जेट US $ १५ लाखांचे पेमेंट कोर्टाच्या आदेशानुसार करेल.
हॉटेल ऑर्चिड ‘REGETA INN’ हॉटेल गंगटोक मध्ये सुरु करेल.
ट्रान्सफॉर्मर्स आणि रेक्टिफायर्सला प्रायव्हेट प्लेसमेंट द्वारा प्रेफरंशियल अलॉटमेंट रूट ने Rs १२० कोटी उभारण्यासाठी बोर्ड ऑफ डायरेक्टर्स ने मंजुरी दिली.
LIC ने DR रेडीज मधील स्टेक ९.६८% वरून ७.६२% केला.

सरकारने सांगितले की ६१ FMC ( फर्स्ट माईल कनेक्टिव्हीटी ) प्रोजेक्ट मध्ये Rs २४७५० कोटी गुंतवणार आहे.

केंद्रीय मंत्री नितीन गडकरी यांनी सांगितले की डिझेल गाड्यांवर १०% एक्सट्रा GST लावण्यासाठी मी अर्थमंत्र्यांबरोबर बोलणी करणार आहे. या त्यांच्या विधानानंतर ज्या ऑटो उत्पादक कंपन्यांच्या पोर्टफोलिओ मध्ये डिझेल वाहनाचा समावेश आहे त्या कंपन्यांच्या शेअर्समध्ये प्रॉफिट बुकिंग झाले. उदा अशोक लेलँड, टाटा मोटर्स, M & M, नंतर माननीय मंत्र्यांनी आपल्या विधाना चे स्पष्टीकरण दिले.

ऍक्सिकेड ने मॅन्युफॅक्चरिंग एक्झिक्युशन सिस्टीम साठी MOU केले.

SPARC चे कंपनी सेक्रेटरी आणि कंप्लायन्स ऑफिसर दिनेश लाहोटी यांनी ११ सप्टेंबर पासून त्यांच्या पदाचा राजीनामा दिला.

मिष्टान्न फूड्स १८ महिने मुदतीची ७.४ कोटी कन्व्हर्टिबल वारंट्स ( हे वॉरंट १ शेअरमध्ये कन्व्हर्ट करता येईल) Rs १३.५० प्रती वॉरंट दराने नॉन -प्रमोटर्सला अलॉट करून Rs ९९.९० कोटी उभारेल.

प्रमोटर्स कन्व्हर्टिबल DEBT च्या माध्यमातून Rs २०० कोटी उभारेल.

RR KABEL या कंपनीचा Rs १९६४ कोटींचा IPO १३ सप्टेंबरला ओपन होऊन १५ सप्टेंबरला बंद होईल. प्राईस बँड Rs ९८३ ते Rs १०३५ असून मिनिमम लॉट १४ शेअर्सचा आहे. ही कंपनी वायर्स आणि केबल आणि FMEG उत्पादनात कार्यरत असून ५% मार्केट शेअर आहे. ह्या IPO मध्ये Rs १८० कोटींचा फ्रेश इशू आणि १.७२ कोटीं शेअर्स ची OFS असेल.

‘यात्रा ऑनलाईन’ या कंपनीचा Rs ६०२ कोटींचा IPO १५ सप्टेंबरला ओपन होऊन २० सप्टेंबरला बंद होईल. १२१८३०९९एवढ्या शेअर्सचा OFS असेल. या कंपनीचे २९ सप्टेंबरला लिस्टिंग होईल.

संदीप बक्षी यांना ICICI बँकेच्या CEO आणि MD पदावर झालेल्या ३ऑक्टोबर २०२६ पर्यंत नेमणुकीला RBI ने मंजुरी दिली.

गुफीक बायोसायन्सेस च्या तीव्र वेदना आणि पोस्ट ऑपरेशन वेदनेवरील ‘PARELOXIB
सोडियम ४० mg इंजेक्शनच्या LYOPHILIZED पॉवडरला ऑस्ट्रेलिया आणि ब्राझीलच्या रेग्युलेटरी ऑथॉरिटीजनी मंजुरी दिली.

KIMS ने कोंडापूर हेल्थ केअर या कंपनीतील त्यांचा स्टेक १३.२४% ने वाढवून १९.८६ % केला. हा १३.४% स्टेक त्यांनी Rs २० कोटींना खरेदी केला.

पॉवर ग्रीडला राजस्थानात रामगढ येथे नवीन ७६५/४०० KV सबस्टेशन आणि STATCOM साठी यशस्वी बीडर म्हणून जाहीर केले. यात इतर सबस्टेशनशी संबंधित कामांचा समावेश आहे
व्हाईट ओक कॅपिटल मॅनेजमेंट LLP ने रेनबो चिल्ड्रन मेडिकेअरचे २०.८८ लाख शेअर्स विकून कंपनीतील स्टेक ७.८% वरून ५.७४% केला.

L & T ने त्यांच्या शेअर बायबॅकची किंमत Rs ३००० प्रती शेअरवरून Rs ३२०० प्रती शेअर केली.कंपनीने शेअर बायबॅक मध्ये बायबॅक होणाऱ्या शेअर्सची संख्या ३.३३ कोटींवरून ३.१२५० कोटी शेअर्स केली. यासाठी रेकॉर्ड डेट १२ सप्टेंबर २०२३ ठेवली आहे.

सिगाची इंडस्ट्रीज ने त्यांच्या १ शेअरचे १० शेअरमध्ये विभाजन केले. रेकॉर्ड डेट १० ऑक्टोबर निश्चित केली.

हिंदाल्कोला ऍल्युमिनियम बिव्हरेजीस कॅन शीट ‘बॉल कॉर्पोरेशनला’ सप्लाय करण्यासाठी लॉन्ग टर्म कॉन्ट्रॅक्ट मिळाले. ह्या शीट्स नॉर्थ अमेरिकेतील प्लांटमध्ये बनतील.

बेन कॅपिटल L & T फायनान्शियल होल्डिंग मधील ६.५ कोटी शेअर्स किंवा २.६२% स्टेक Rs ८५० कोटींना विकतील.

टाटा स्टील चे MD आणि CEO नरेंद्र यांची टाटा स्टिलने रिअँपॉइन्टमेन्ट केली.

चोलामंडलम इन्व्हेस्टमेंट Rs २००० कोटींचा QIP लाँच करणार आहे. त्याची फ्लोअर प्राईस Rs ११४० आहे. त्यांनी आधीच Rs ४००० कोटींच्या QIP साठी परवानगी घेतलेली आहे.

ज्युपिटर वॅगन Rs ७०० कोटींचा QIP करणार आहे.

आज PSE, रिअल्टी, मेटल्स, ऑटो, इन्फ्रा, एनर्जी FMCG मध्ये प्रॉफिट बुकिंग झाले. तर फार्मा आणि IT मध्ये तुरळक खरेदी झाली.

BSE निर्देशांक सेन्सेक्स ६७२२१ NSE निर्देशांक निफ्टी १९९९३ आणि बँक निफ्टी ४५५११ वर बंद झाले

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !

आजचं मार्केट – ११ September २०२३

आज क्रूड US $ ९०.२० प्रती बॅरलच्या आसपास तर रुपया US $१= Rs ८२.९० च्या आसपास होते. US $ निर्देशांक १०५.०० तर USA १० वर्षे बॉण्ड यिल्ड ४.२९ आणि VIX ११.४५ होते. आज सोने आणि चांदी तेजीत होती.

FII ने Rs २२४.२२ कोटींची विक्री तर DII ने Rs ११५० कोटींची खरेदी केली.

चंबळ फर्टिलायझर, बलरामपूर चिनी, डेल्टा कॉर्प, हिंदुस्थान कॉपर, I बुल्स HSG फायनान्स, इंडिया सिमेंट, मनापूरम फायनान्स, PNB बॅनमध्ये होते. SAIL आणि BHEL बॅनमधून बाहेर आले.

वक्रांगी या कंपनीने आविष्कार कॅपिटल बरोबर व्होर्टेक्स ENGG या ऑटोमेटेड टेलर मशीन सप्लाय करणाऱ्या कंपनीत ४८.५% स्टेक घेण्यासाठी टर्म शीट साईन केली. या कंपनीने भारत आफ्रीका आणि दक्षिण आशियात १०००० ATM सॉफ्टवेअरसकट पुरवले आहेत.

SAMHI हॉटेल्स ने प्राईस बँड Rs ११९ ते Rs १२६ जाहीर केला. मिनिमम लॉट ११९ शेअर्सचा असेल. हा IPO १४ ऑगस्ट २०२३ रोजी ओपन होऊन १८ ऑगस्टला बंद होईल.

अडाणी इंटरप्रायझेसच्या सबसिडीअरीने कोवा होल्डिंग आशिया PTE सिंगापूर बरोबर अडाणी ग्रुपच्या ग्रीन अमोनिया, ग्रीन हायड्रोजन आणि डेरीव्हेटीव्ह्जच्या विक्री आणि मार्केटिंग साठी करार केला.

SJVN ग्रीन एनर्जी ह्या SJVN च्या सबसिडीअरीने हिमाचल प्रदेश आणि पंजाबमधील भाक्रा बियास मॅनेजमेंट बोर्डाच्या १८ MV सोलर प्रोजेक्टसाठी पॉवर पर्चेस करार केला हे प्रोजेक्ट ऑगस्ट २०२४ मध्ये सुरु होईल.

SCHAFELLER इंडियाने KRSV इनोव्हेटिव्ह ऑटो सोल्युशन्स मध्ये ८ सप्टेंबर रोज्जी १००% स्टेक घेतला.

संदीपकुमार शॉ ने गेटवे डिस्ट्री पार्क च्या कॅफे पदाचा NOV २८ २०२३ पासून राजीनामा दिला.

बामर लॉरी इन्व्हेस्टमेंट्स या कंपनीने Rs ३३ प्रति शेअर लाभांश जाहीर केला. याची रेकॉर्ड डेट २० सप्टेंबर २०२३ निश्चित केली आहे.

श्याम मेटॅलिक्स चे २ प्रमोटर्स NARANTAK DEALCOMMN आणि शुभम बिल्डवेल हे १.३ कोटी शेअर्स ( ५.११ % स्टेक ) Rs ४१४ प्रती शेअर फ्लोअर प्राईसने आणत आहेत. ही फ्लोअर प्राईस CMP ला ११.५% डिस्काउंटने आहे. ही OFS रिटेल इन्व्हेस्टर्स साठी सप्टेंबर १२ ला ओपन होईल.

.ITI ने इंटेलकॉर्प बरोबर लॅपटॉप आणि मायक्रो PC च्या डिझाईन आणि मेन्यूफॅक्चरिंग साठी करार केला.

ITI ला केरळ टेक्निक फंडाकडून १२००० मायक्रो PC ची ऑर्डर मिळाली.हे लॅपटॉप आणि मायक्रो PC SMAASH या ब्रॅण्ड अन्तर्गत विकले जातील.

सुप्रीम कोर्टाने क्रेडिट SUSSI ला US $५लाख सेटलमेंट प्रमाणे शुक्रवारपर्यंत द्यायला सांगितले.

भारत आणि सौदी अरेबियामध्ये एनर्जी सेक्टर आणि इलेक्ट्रिसिटी आणि रिन्यूएबल एनर्जी साठी MOU केले. भारत आणि सौदी अरेबिया मध्ये समुद्राखालून पॉवर ट्रान्स्मिशनसाठी करार केला. हायड्रोजन,ऑइल & गॅस, मध्ये गुंतवणुकीसाठी करार केला.

लंडन स्टॉक एक्स्चेंजने सांगितले की लंडन स्टॉक एक्स्चेंजवर भारतीय कंपन्यांचे लिस्टिंग करण्याचा प्रस्ताव विचाराधीन आहे.

आज रत्नवीर प्रिसिजन इंजिनीअरिंगचे BSE वर Rs १२८.०० आणि NSE वर Rs १२३.२० वर लिस्टिंग झाले. हा शेअर IPO मध्ये Rs ९८ ला दिले असल्याने ज्यांना शेअर्स अलॉट झाले त्यांना चांगला लिस्टिंग गेन झाला.

रिषभ इंस्ट्रुमेंट्स चे BSE आणि NSE वे Rs ४६० ला लिस्ट झाला. हा शेअर IPO मध्ये Rs ४४१ ला दिला असल्याने ज्यांना IPO मध्ये अलॉट झाले त्यांना माफक लिस्टिंग गेन्स झाले.

टाटा पॉवर ला तामिळनाडूमध्ये ४३ GV ग्रीनफिल्ड सोलर सेल मोड्यूल्सचे उत्पादन करण्यासाठी DFC ने कर्ज दिले.

आज G -२० मध्ये युरोप आशिया कॉरिडॉर ची घोषणा झाली. याचा अनुकूल परिणाम रेल्वे संबंधित शेअर्स IRFC, TEXMACO RAIL, L & T, RVNL, रेलटेल, RITES, आणि वॅगन उत्पादन करणाऱ्या कंपन्यांना होईल.

G -२० मध्ये ग्लोबल बायोफ्युएल अलायन्स जाहीर झाला. याचा फायदा ज्या शुगर कंपन्या इथॅनॉलचे उत्पादन करतात त्यांना होईल. ऊदा बलरामपूर चिनी, श्री रेणुका शुगर, इंडियन ग्लायकॉल, प्राजु इंडस्ट्रीज, बजाज हिंदुस्थान मवाना शुगर.

IDFC १st बँकेच्या ५.७ कोटी शेअर्सचा Rs ४७९ कोटींना सौदा झाला. CGQ ने त्यांचा स्टेक ०.५८% वरून १.०४% केला.

HFCL ला ऑप्टिकल फायबर पुरवण्यासाठी Rs ८२.६ कोटींची ऑर्डर मिळाली.

THE युनिव्हर्सल हलवासीया ग्रुप आणि फॅमिलीने गर्ग यांच्या कडून ४१.८४% स्टेक विकत घेण्यासाठी करार केला. हलवासीय ग्रुप आणि फॅमिली आणखी २६% स्टेक विकत घेण्यासाठी ओपन ऑफर आणणार आहेत.

PVR इनॉक्स ने धारवार मध्ये ४ स्क्रीन मल्टिफ्लेक्स उघडले. त्यामुळे त्यांच्या ११५ शहरांमध्ये १७०८ स्क्रीन्स ३६१ प्रॉपर्टीज झाल्या.

सविता ऑइल ने Rs ४ लाभांश दिला असून २२सप्टेंबर ही रेकॉर्ड डेट निश्चित केली आहे
EMS या कंपनीचा IPO १२ वेळा भरला.

सॉव्हरिन गोल्ड बॉण्ड्स स्कीम २०२३ -२०२४ सिरीज २ आजपासून ओपन झाली.

IRB इन्फ्राचे टोल कलेक्शन २४% ने वाढून Rs ३३६ कोटींवरून Rs ४१७ कोटी झाले. . ओलेक्ट्रा ग्रीनला उत्तरप्रदेशमधील १० शहरातून १८५० बसेससाठी ऑर्डर मिळाल्या.

आज मेटल्स, एनर्जी, ऑटो, बँकिंग, FMCG,IT, रेल्वे संबंधित कंपन्यांचे शेअर्स, इथेनॉल उत्पादन करणाऱ्या कंपन्यांच्या शेअर्समध्ये खरेदी झाली. आज NSE निर्देशांक निफ्टीने २००००चा टप्पा पार केला. एक लाईफ टाईम हाय झाला.

BSE निर्देशांक सेन्सेक्स ६७१२७ NSE निर्देशांक निफ्टी १९९९६ बँक निफ्टी ४५५७० वर बंद झाले

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !

आजचं मार्केट – ८ September २०२३

आज क्रूड US $ ८९.६० प्रती बॅरलच्या आसपास तर रुपया US $१= Rs ८३.०० च्या आसपास होते. US $ निर्देशांक १०४.८५ USA १० वर्षे बॉण्ड यिल्ड ४.२४ आणि VIX १०.८४ होते.

FII ने Rs ७५५.५८ कोटींची विक्री तर DII ने २८.११ कोटींची खरेदी केली.

PNB, बलरामपूर चिनी, BHEL, डेल्टा कॉर्प, हिंदुस्थान कॉपर, I बुल्स HSG, इंडिया सिमेंट, मन्नापुरम फायनान्स, आणि SAIL बॅन मध्ये होते.
बजाज फिनसर्वच्या बजाज आलियान्झचा प्रीमियम ( अंडररिटन ) Rs १६७७.८७ कोटी झाले तर ऑगस्ट अखेरपर्यंत Rs ९२२८.८१ कोटी झाले.

स्टरलाईट टेक्नॉंलॉजीने ‘TRUVISTA’ बरोबर साऊथ कॅरोलिना च्या रूरल एरियात फायबर ऑप्टिक कनेक्टिव्हिटी वाढवण्यासाठी करार केले.
कॅम्पस एक्टीव्हवेअर चे COO पियुष सिंग हे २ डिसेंबर पासून राजीनामा देणार आहेत.

माझगांव डॉक्स ने USA सरकारबरोबर मास्टर शिप रिपेअर अग्रीमेंट केले.

RBI ने इन्क्रिमेंटल CRR टप्प्याटप्प्याने मागे घेण्याची घोषणा केली. ९ सप्टेंबररोजी ०.२५% २५ सप्टेंबर रोजी ०.२५% आणि उरलेले ०.५०% ला ७ ऑक्टोबर २०२३ रोजी मागे घेतला जाईल. या प्रमाणे ७ ऑक्टोबर २०२३ पर्यंत इन्क्रिमेंटल CRR मागे घेतला जाईल.या घोषणेमुळे बँकांच्या शेअर्समध्ये खरेदी झाली.

लॅण्ड मार्क कार्सने पश्चिम बंगाल मध्ये हावडा येथे डिलरशिप साठी लेटर ऑफ इन्टेन्ट साइन केले. यामध्ये कार्स आणि SUV यांचा समावेश आहे.

JB केमिकल्सचे CEO कटारिया यांनी त्यांच्या पदाचा राजीनामा दिला.

टाटा स्टीलने AVAADA बरोबर ग्रीन हायड्रोजन आणि अमोनियाचे उत्पादन करण्यासाठी ओडिशामध्ये युनिट सेटअप करण्यासाठी करार केला.
LTIMAAIND ट्रीने सेल्सफोर्स प्लॅटफॉर्मवर टाइम टू मार्केटचा वेग वाढवण्यासाठी ADSPARK आणि स्मार्ट सर्व्हिस ऑपरेशन लाँच केले.

आता रेल्वेच्या सर्व स्पेशल ट्रेन्समध्ये प्रवासात मिळणारी खानपान सेवा IRCTC मार्फत बुक करावी लागेल. या मुळे IRCTC च्या उत्पन्नात वाढ होईल.

झायड्स लाईफने झायड्स फार्मास्युटिकल या नावाने कॅनडामध्ये सबसिडीअरी स्थापन केली.

ब्लूमबर्ग ने सांगितले की G-२० समिट मध्ये सौदी अरेबिया, UAE आणि USA बरोबर रेल्वे नेटवर्क सुरु करण्याचे कॉन्ट्रॅक्ट भारतातील रेल्वेचे काम करणाऱ्या कंपन्यांना मिळण्याची शक्यता आहे. उदा RVNL, IRFC , RITES
EXIDE ने त्यांच्या EXIDE एनर्जी सोल्युशन्स मध्ये Rs १०० कोटी गुंतवणार असे सांगितले.

नाटको फार्मा विरुद्ध ‘POMALIDOMIDA’ या औषधा संबंधात USA च्या कोर्टात लुइझाना SVC ने ऍण्टीट्रस्ट LAW SUIT दाखल केली.

तेजस नेटवर्कला TCS कडून Rs ७५० कोटी ऍडव्हान्स पेमेंट मिळाले.

मदर्सनसुमीने वायरिंग हार्नेस फॅसिलिटी सुरु केली.
JSW स्टीलचे क्रूड स्टील उत्पादन १९% YOY वाढून २२.९ लाख टन झाले.

कोटक महिंद्रा बँकेच्या MD आणि CEO म्हणून २ महिन्यांकरता दीपक गुप्ता यांच्या २महिन्यांसाठी नेमणुकीला RBI ने मंजुरी दिली.

रिलायन्स इंडस्ट्रीजने NVIDIA बरोबर ऍडव्हान्स आर्टिफिशियल इंटेलिजन्स साठी करार केला.
टाटा कम्युनिकेशनने NVIDIA बरोबर ऍडवान्सड इंटेलिजन्स साठी करार केला,

आज मिडकॅप, स्माल कॅप ऑटो रिअल्टी बँकिंग ऑटो, एनर्जी कन्झ्युमर ड्युरेबल्स मध्ये खरेदी झाली.

श्रेयस शिपिंग आणि लॉजिस्टिक्स या कंपनीच्या शेअर्सच्या डीलीस्टिंग साठी फ्लोअर प्राईस Rs २९२ निश्चित केली आहे. ट्रान्सवार्ल्ड होल्डिंग ही कंपनी श्रेयस शिपिंगचे शेअर्स Rs ३३८प्रती शेअर या भावाने घेणार आहे.

BSE निर्देशांक सेन्सेक्स ६६५९८ NSE निर्देशांक निफ्टी १९८१९ बँक निफ्टी ४५१५६ वर बंद झाले

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !

आजचं मार्केट – ७ September २०२३

आज क्रूड US $ ९०.३० प्रती बॅरलच्या आसपास तर रुपया US $१= Rs ८३.२० च्या आसपास होते. US $ निर्देशांक १०४.८८ USA १० वर्षे बॉण्ड यिल्ड ४.२९ आणि VIX १०.७६ होते.US $ मजबूत होत असल्यामुळे सोने आणि चांदी मध्ये मंदी होती. सोने Rs ५९१०० आणि चांदी Rs ७२३०० च्या आसपास होते.

चिनी सरकारने सरकारी कर्मचाऱ्यांनी कामावर असताना आयफोन वापरण्यावर बंदी घातली.तसेच फॉरीन ब्रँडचे फोन वापरण्यावर बंदी घातली. त्यामुळे APPLE च्या शेअरमध्ये मंदी आली. USA मधील मार्केट्स मध्ये मंदी होती.

UPI ने ‘UPI क्रेडिट लाईन’, ‘हॅलो UPI’ ‘ बिल पे कनेक्ट’ ‘UPI टॅप &पे. आणि ‘UPI लाईन X’ हे नवीन फिचर लाँच केले.

श्री व्यंकटेश रिफायनरी या कंपनीने १:१ बोनस जाहीर केला. याची रेकॉर्ड डेट २२ सप्टेंबर २०२३ आहे.

बायोकॉन बायालॉजीक्स ने USA मधील ‘VIATRIS’ च्या बायोसिमिलर बिझिनेसचे इंटिग्रेशन स्वतःच्या बिझिनेस मध्ये १ सप्टेंबर २०२३ पासून केले. कंपनीने ‘VIATRIS’ चा जागतिक बायोसिमिलर्स बिझिनेस अलीकडेच खरेदी केला होता.

रेस्पॉन्सिव्ह इंडस्ट्रीज या VINYL फ्लोअरिंग उत्पादन करणाऱ्या कंपनीने भारतीय रेल्वेजबरोबर त्यांच्या ‘गरीब रथ ‘ या प्रोजेक्टसाठी कॉन्ट्रॅक्ट केले. या आधी रेस्पॉन्सिव्ह इंडस्ट्रीज ला वंदे भारत प्रोजेक्टसाठी ऑर्डर्स मिळाल्या होत्या.

REC ने एक्सिम (एक्स्पोर्ट इम्पोर्ट बँक ऑफ इंडिया) बरोबर US $ १०० मिलियनचे ५ वषे मुदतीचे करन्सी टर्म लोन घेतले. हे कर्ज कंपनीच्या पॉवर, इन्फ्रास्ट्रक्चर, आणि लॉजिस्टिक सेक्टरमधील कर्जदारांना कॅपिटल इक्विपमेंट आयात करण्यासाठी कर्ज देण्यासाठी उपयोगात आणले जाईल.

रिलायन्स रिटेलने आलिया भटच्या लहान मुले आणि मॅटर्निटी वेअर च्या ‘ED-A-Mamma’ मध्ये ५१% स्टेक साठी JV केले. रिलायन्स रिटेल ने कतार इन्व्हेस्टमेंट ऑथॉरिटीला ६.८६ लाख शेअर्स Rs ८२७८ कोटींना अलॉट केले.

SAMHI हॉटेल्स चा IPO ( Rs १२०० कोटींचा फ्रेश इशू आणि १.३५ कोटी शेअर्सची OFS ) सप्टेंबर १४ ला ओपन होऊन १८ सप्टेंबरला बंद होईल.

SAMHI हॉटेल्स हा एक प्रमुख हॉटेल ओनरशिप आणि ऍसेट मॅनेजमेंट प्लॅटफॉर्म आहे. कंपनीकडे स्वतःच्या मालकीची आणि लीजवर हॉटेल्स आहेत.

ही हॉटेल्स अपस्केल , अपर मिडस्केल, आणि मिडस्केल वर्गात येतात. कंपनी ही हॉटेल्स जगातील प्रसिद्ध हॉटेल ऑपरेटर्सबरोबर दीर्घ मुदतीच्या कराराने चालवते. कंपनीला FY २३ साठी Rs ७३८ कोटी उत्पन्न आणि Rs ३३८.५० कोटी तोटा झाला आहे.
ज्युपिटर लाईफ लाईनचा IPO पहिल्या दिवशी ८७% भरला.

रत्नवीर प्रिसिजन इंजिनीअरिंग चा IPO एकूण ९३.९५ वेळा भरला. रिटेल कोटा ५३.९३ वेळा भरला.

ल्युपिन ‘मार्क क्युबन कॉस्ट प्लस ड्रॅग कंपनी’ आणि COPD फाउंडेशन बरोबर कोलॅबोरेशन करणार आहे. हे कोलॅबोरेशन USA मधील COPD ( क्रॉनिक ऑब्स्ट्रक्टिव्ह पल्मोनरी डिसीज) रूग्णासाठी ‘ TITROPIUM BROMIDE इनहॅलेशन पॉवडर’ च्या १८mg कॅप्सूल्स ची उपलब्धता वाढवेल.

ल्युपिनची ही पॉवडर हे BOEHRINGER INGDHEIM च्या ‘स्पिरीवा हॅण्डीहेलर’ साठी एकमेव जनरिक प्रॉडक्ट उपलब्ध आहे.

TCS ने ‘JLR’ च्या डिजिटल युनिट बरोबर ‘JLR’ च्या ‘REIMAGINE’ स्ट्रॅटेजी साठी नवीन, भविष्यात उपयुक्त, स्ट्रॅटेजिक टेक्नॉलॉजी आर्किटेक्चर बनवण्यासाठी स्ट्रॅटेजिक पार्टनरशिप करार केला. या नवीन पार्टनरशिपचे व्हॅल्युएशन GBP ८०० मिलियन येत्या ५ वर्षांसाठी असेल.

CCI ( कॉम्पिटिशन कमिशन ऑफ इंडिया) ने ‘RHONE CAPITAL’ ला ‘RH MAGNESITA NV’ मध्ये २९.९% स्टेक घेण्यासाठी परवानगी दिली.
बॉम्बे डाईंगची वरळी मधील १८ एकर जमीन सुमिटोमोला Rs ५००० कोटींमध्ये विकण्यासाठी बोलणी चालू आहेत.

क्रॉम्प्टन ला सोलर वॉटर पम्पिंग सिस्टीमसाठी Rs २५ कोटींची ऑर्डर मिळाली.

वेरॉक इंजिनीअरिंगने AMP एनर्जी SPV मध्ये २६% स्टेक घेतला.

टाटा कंझ्युमरने कंपनीचा हल्दीराम मध्ये स्टेक खरेदी करण्याच्या बातमीचा इन्कार केला.

Paytm ने सांगितले की त्यांची इन्शुअरन्स कारभारात उतरण्याची योजना नाही.

स्ट्राइड्स फार्मा SPSTL( स्ट्राइड्स फार्मा सर्व्हिसेस PVT LTD) मधील १००% स्टेक घेणार आहे.
अनुपम रसायनने गोपाळ अगरवाल यांना CEO म्हणून नेमले.

L & Tच्या हायड्रो कार्बन युनिटला सौदी आरामको कडून गॅस कॉम्प्रेशन युनिट लावण्यासाठी US $ १ अब्ज ची ऑर्डर मिळाली.

ऑरोबिंदो फार्माच्या तेलंगणा युनिटला USFDA ने EIR दिला.

नजारा टेक प्रेफरंशियल तत्वावर SBI फंडाला ५७.४२ लाख शेअर्स अलॉट करेल.

युनायटेड बिव्हरेजीस चे MD आणि CEO म्हणून विवेक गुप्ता यांची ५ वर्षांसाठी नेमणूक केली.

RBI उद्या ८ सप्टेम्बर २०२३ रोजी १०% इन्क्रिमेंटल CRR संबंधित रिव्ह्यू करेल. जर १०% इन्क्रिमेंटल CRR काढून टाकला तर त्याचा सगळ्यात जास्त फायदा HDFC बँकेला होईल.

पॉवर मेक ला हिंदुस्तान झिंक आणि वेदांताकडून Rs ६२५ कोटींच्या ऑर्डर्स मिळाल्या. UPL ने ‘ASI सीड्स एंटरप्रायझेस केनया ‘ या नावाने नवीन सबसिडीअरी स्थापन केली.

ऑगस्ट २०२३ या महिन्यात HDFC लाईफचे न्यू बिझिनेस प्रीमियम २४.९% ने वाढला आणि APE १६% ने वाढले

ICICI पृ चे न्यू प्रीमियम ५.४^% ने कमी झाले APE १२.३% ने वाढले.

आज PSE, एनर्जी, बँकिंग, रिअल्टी आणि कन्झ्युमर गुड्स, मिडकॅप, स्मॉलकॅप मध्ये खरेदी तर FMCG आणि फार्मा मध्ये प्रॉफिट बुकिंग झाले.

आज BSE निर्देशांक सेन्सेक्स६६२६५ NSE निर्देशांक निफ्टी १९७२७ बँक निफ्टी ४४८७८ वर बंद झाले

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !

आजचं मार्केट – ६ September २०२३

आज क्रूड US $ ९०.०० प्रती बॅरलच्या आसपास तर रुपया US $ १= Rs ८३.१० च्या आसपास होते. US $ निर्देशांक १०४.८२ USA १० वर्षे बॉण्ड यिल्ड ४.२७ आणि VIX १०.७६ होते.

आज USA मधील मार्केट्स मंदीत होती.

सौदी अरेबिया आणि रशिया या देशांनी त्यांच्या क्रूडच्या उत्पादनात १.३ mbpd एवढी केलेली कपात पुढील तीन महिने म्हणजे डिसेंबर २०२३ पर्यंत चालू राहील असे जाहीर केले

FII ने ने Rs १७२५.११ कोटींची विक्री तर DII ने Rs १०७७.८६ कोटींची खरेदी केली.

आज I बुल्स HSG फायनान्स, इंडिया सिमेंट, हिंदुस्थान कॉपर, BHEL, डेल्टा कॉर्प, बलरामपूर चिनी बॅनमध्ये होते.

झाम्बिया सरकारने कोनकोला कॉपर माईन्सची मालकी वेदांता रिसोर्सेस ला परत दिली आहे. या कॉपरच्या खाणींमध्ये १६ मिलियन टन्स कॉपरचा साठा आहे.

निला इन्फ्रास्ट्रक्चर या कंपनीला गुजरातमध्ये अहमदाबाद मधील वडज येथे १६९४ रेसिडेन्शियल फ्लॅट्स १८ महिन्यात बांधण्याचे कॉन्ट्रॅक्ट ‘श्री इंफ्राकॉन’ कडून मिळाले.

अमरिश जैन यांनी HDFC AMCच्या हेड मार्केटिंग या पदाचा ८ सप्टेंबर २०२३ पासून व्यक्तिगत कारणांसाठी राजीनामा दिला.

पॉवर ग्रीड ला BOOT (बिल्ड,ओन, ऑपरेट, ट्रान्सफर ) तत्वावर राजस्थान मध्ये इंटरस्टेट ट्रान्समिशन प्रोजेक्ट मिळाली.

IREDA ( इंडियन रिन्यूएबल एनर्जी डेव्हलपमेंट एजन्सी ) ने युनियन बँक आणि बँक ऑफ बरोडा यांच्या बरोबर रिन्यूएबल एनर्जी कोफायनान्स करण्यासाठी MOU केले.

NBCC ने केरळ राज्य हाऊसिंग बोर्डाबरोबर कोची येथील १७.९ एकर्सची जमीन डेव्हलप करण्यासाठी MOU केले. ही प्रोजेक्ट Rs २००० कोटींची आहे.

जिओ फायनान्स NSE च्या सर्व निर्देशांकातून ७ सप्टेंबर २०२३ पासून बाहेर पडेल. निफ्टी ५०, १००, २०, ५००, तसेच निफ्टीच्या इतर निर्देशांकातून बाहेर पडेल

SBI लाईफ इन्शुअरन्स ने सफारी इंडस्ट्रीजचे Rs ७७.३८ किमतीचे शेअर्स खरेदी केले .इन्व्हेस्टकॉर्प प्रायव्हेट इक्विटीने २.१४ लाख शेअर्स विकले.

PLUTUS WEALTH मॅनेजमेंट LLP ने बिकाजी फुड्सचे १३.५ लाख शेअर्स खरेदी केले तर लाईटहाऊस इंडिया फंडाने बिकाजी फूड्स मधील १.३% स्टेक विकला.

क्लास ८ ट्रक्सची विक्री USA मध्ये १४% ने वाढली. याचा फायदा भारत फोर्ज आणि रामकृष्ण फोर्जिंग यांना होईल.

DGCI ने ऍबॉट लॅबोरेटरीजच्या ‘DIGENE GEL’ ची रुग्णांना शिफारस करू नये असे डॉक्टरांना आदेश दिले. ऍबॉट लॅबने ह्या औषधाच्या सर्व बॅचेस परत बोलावल्या.

बेस्ट ऍग्रो लाइफला सिनर्जीसटीक पेस्टीसाइडल कंपोझिशन साठी भारत सरकारचे पेटंट मिळाले.

बॅटरी एनर्जी स्टोअरेज सिस्टीम साठी Rs ९४०० कोटी मंजूर केले. या पैकी Rs ३७६० कोटी अंदाजपत्रकीय तरतूद असेल. रक्कम व्हायाबिलिटी गॅप फंडिंग म्हणून दिली जाईल. २०३०-३१ पर्यंत ४००० MWH क्षमतेचे लक्ष्य ठेवले आहे.

अपोलो हॉस्पिटल्सने अपोलो २४X ७ प्लॅटफॉर्मसाठी गूगल क्लाऊडबरोबर करार केला.

इंडस्वीफ्ट लॅब ही कंपनी SYMPHIMED लॅब चा API बिझिनेस Rs १६५० कोटींना विकला.

BEML ला भारतीय सेने कडून आर्मर्ड रिकव्हर्ड व्हेइकल्स साठी ऑर्डर मिळाली.

DIC इंडिया कोलकातामधील मॅन्युफॅक्चरिंग युनिट बंद करणार आहे.

सरकार पेट्रोल आणि डिझेल यांच्या किमती दिवाळीच्या आसपास Rs ३ ते Rs ५ प्रती लिटर कमी करण्याची शक्यता आहे.

टाटा स्टील आणि ABB स्टील उत्पादनादरम्यान जो कार्बन बाहेर पडतो तो कमी करण्यासाठी तंत्रज्ञान शोधणार आहे.

टाटा कन्झ्युमर प्रॉडक्ट हल्दीराम मध्ये ५१ % स्टेक घेण्यासाठी बोलणी करत आहे. हल्दीरामचे व्हॅल्युएशन US १० बिलियन होण्याची शक्यता आहे.
HCL टेक ने ऑस्ट्रेलिया मधील एल्डर कंपनीबरोबर डिजिटल ट्रान्सफॉर्मेशनसाठी करार केला.

आज FMCG, फार्मा, ऑइल &गॅस क्षेत्रातील शेअर्स मध्ये खरेदी झाली. तर मेटल्स आणि रिअल्टी क्षेत्रातील शेअर्समध्ये प्रॉफिट बुकिंग झाले.

BSE निर्देशांक सेन्सेक्स ६५८८० NSE निर्देशांक निफ्टी १९६११ आणि बँक निफ्टी ४४४०९ वर बंद झाले.

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !

आजचं मार्केट – ५ September २०२३

आज क्रूड US $ ८८.९० प्रती बॅरलच्या आसपास तर रुपया US $१= Rs ८३.०० च्या आसपास होते. US $ निर्देशांक १०४.२१ USA १० वर्षे बॉण्ड यिल्ड ४.२१ आणि VIX १०.९४ होते.सोने ५८३०० च्या आसपास चांदी ७३१०० च्या आसपास होती. बेस मेटल्स तेजीत होती.

FII ने Rs ३३६७.६७ कोटींची विक्री तर DII ने Rs २५६३.४८ कोटींची खरेदी केली.

बलरामपूर चिनी, BHEL, हिंदुस्थान कॉपर, इंडिया सिमेंट्स, I बुल्स HSG फायनान्स बॅन मध्ये होते.
ऑगस्ट महिन्यासाठी भारताचा सर्व्हिस PMI ६०.१ ( ६२.३) आणि कॉम्पोझिट PMI ६०.९ ( ६१.९) आला.

ग्लॅन्ड फार्माने अंकित गुप्ता यांची VP ( स्ट्रॅटेजी आणि गुंतवणूक ) म्हणून नेमणूक केली.

ऑइल इंडिया ला JV कंपनी नॉर्थईस्ट गॅस डिस्ट्रिब्युशन कंपनीमध्ये Rs १७३८ कोटींच्या गुंतवणुकीला बोर्ड ऑफ डायरेक्टर्सची मंजुरी मिळाली. या कंपनीत ऑइल इंडियाचा ४९% आणि आसाम गॅस कंपनीचा ४९% स्टेक असेल.ही कंपनी सिटी गॅस डिस्ट्रिब्युशनचे काम करेल.

MRS. बेक्टर फूड स्पेशॅलिटीज या कंपनीने अर्णव जैन यांना ११ ऑगस्ट २०२३ पासून CFO म्हणून नेमले.

अव्ह्येन्यू सुपर मार्केटने गुजरातमधील मोरबी येथे नवीन स्टोअर उघडले.

रत्नवीर प्रिसिजन इंजिनीअरिंगचा IPO पहिल्या दिवशी ५.७७ पट भरला. रिटेल कोटा ७.६५ पट भरला.

EMS IPO चा प्राईसबँड Rs २०० ते Rs २११ असून मिनीमम लॉट ७० शेअर्सचा असून दर्शनी किंमत Rs १० आहे. हा IPO ८ सप्टेंबरला ओपन होऊन १२ सप्टेंबर २०२३ ला बंद होईल.

बिकाजीमध्ये ३२ लाख शेअर्स चा सौदा झाला.
मध्य प्रदेशातील उज्जैन मध्ये ड्रिंकिंग वॉटर स्कीमच्या ऑपरेशन आणि मेंटेनंस साठी दिलीप बिल्डकॉन ला मध्य प्रदेश राज्य सरकारकडून Rs १२७५ कोटींची ऑर्डर मिळाली.

हिरो मोटो कॉर्प ‘ATHER एनर्जी’ या EV २ व्हीलर उत्पादन करणाऱ्या कंपनीच्या राईट्स इशूमध्ये Rs ५०० कोटींची गुंतवणूक करणार आहे.

आज विष्णू प्रकाश पुंगलिया या कंपनीचे BSE वर Rs १६३.३० आणि NSE वर Rs १६५ वर लिस्टिंग झाले. कंपनीने IPO मध्ये Rs ९९ ला शेअर दिला आहे. ज्यांना शेअर्स अलॉट झाले त्यांना चांगला लिस्टिंग गेन झाला.

एस्कॉर्टस कुबोटा त्यांच्या ट्रॅक्टरच्या किमती १६ सप्टेंबर पासून वाढवणार आहे. ही वाढ भौगोलिक, मॉडेल्स आणि व्हरायन्ट यांच्या प्रमाणे वेगवेगळी असेल.

M & M फायनान्स ची ऑगस्ट महिन्यात डिसबर्समेंट योय १५% ने वाढून Rs ४४०० कोटी झाली ऑगस्ट महिन्याअखेर एकूण डिसबर्समेंट YOY २२% वाढून Rs २०९५० कोटी झाली. कलेक्शन एफिशिअन्सी ९६% होती.

टाटा पॉवर ची सबसिडीअरी टाटा पॉवर रिन्यूएबल एनर्जीने ‘NEOSYM इंडस्त्री’ या ग्रे आणि SG आयर्न कास्टिंग आणि उत्पादन करणाऱ्या कंपनीबरोबर अहमदनगर येथील प्लांटसाठी २६ MW AC ग्रुप कॅप्टिव्ह सोलर प्लांट साठी करार केला. या युनिटची क्षमता ५९ मिलियन युनिट्स असून मार्च २०२४ पासून कार्यरत होईल.

TCNS क्लोदिंग मध्ये ८.८९ लाख शेअर्स (१.४%स्टेक) Rs ३७०.०३ प्रती शेअर या दराने नालंदा इक्विटी फंडाने विकले.

RMC स्विच गियर या कंपनीने २ शेअर्सला १ बोनस शेअरची घोषणा केली.

येस बँकेच्या ARC JC फ्लॉवर्स लिमिटेड आणि सुभाषचंद्रा यांच्यामध्ये Rs ६५०० कोटींच्या कर्जासंबंधात समेट झाला.

GIC ने Rs ७.२० प्रती शेअर लाभांश जाहीर केला.यासाठी रेकॉर्ड डेट ८ सप्टेंबर २०२३ निश्चित केली आहे.

कामा होल्डिंगने एका शेअरला ४ बोनस शेअर्सची घोषणा केली.

सिप्लाने ACTOR फार्मा ही कंपनी US $ ४९ मिलियन्स ला खरेदी केली. याचा उपयोग सिप्लाला साऊथ आफ्रिकन मार्केटमध्ये होईल.

भारत बिजलीच्या Rs ४० लाभांशाची रेकॉर्ड डेट ७ सप्टेंबर आहे.

IEX चा परफॉर्मन्स ऑगस्ट महिन्यात चांगला आला.

३१% व्हॉल्यूम आणि किंमत ३३% ने वाढली.

क्रॉम्प्टनने डोमेस्टिक वॉटर हीटर ३५ लिटर्स आणि ५० लिटर क्षमतेचे ARNONEO या ब्रॅण्डखाली लाँच केले.

वैद्यकीय उपकरणांना ड्रग्सश्रेणी म्हणून समाविष्ट करण्याचा सरकारचा नियम न्यायालयाने कायम ठेवला.

LIC ने LIC म्युच्युअल फंड AMC मधील गुंतवणूक वाढवण्याचा निर्णय घेतला.

सोम डिस्टीलरीज ला Rs. ३५० कोटी उभारायला कंपनीच्या बोर्ड ऑफ डायरेक्टर्स ने मंजुरी दिली.

टाटा मोटर्सची JLR विक्री १९३५ वरून १४७९ युनिट झाली.

गेलच्या एक्झीक्युटिव्ह डायरेक्टर सहीत ५ जणांवर CBI ने लाच घेण्यासंबंधात कारवाई सुरु केली.

आज फार्मा, रिअल्टी, FMCG, IT, मेटल्स, एनर्जी या क्षेत्रातील शेअर्समध्ये खरेदी झाली.

बँकिंग आणि फायनॅन्शियल्स मध्ये प्रॉफिट बुकिंग झाले.

BSE निर्देशांक सेन्सेक्स ६५७८० NSE निर्देशांक निफ्टी १९५७४ बँक निफ्टी ४४५३२ वर बंद झाले

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !

आजचं मार्केट – ४ September २०२३

आज क्रूड US $ ८८.५० प्रती बॅरलच्या आसपास तर रुपया US $१=Rs ८२.८० च्या आसपास होते. US $ निर्देशांक १०४.२२ USA १० वर्षे बॉण्ड यिल्ड ४.१८ आणि VIX ११.१६ झाले.

USA मधील मार्केटला आज लेबर डेची सुट्टी आहे. USA मध्ये रोजगार १७०००० ने वाढतील अशी अपेक्षा होती पण रोजगार १८७००० झाले.

बेरोजगारीचे आकडे ३.८लाख ( ३.५ लाख ) झाले.

चीन च्या रिअल्टी सेक्टरमधील कंपनी कंट्री गार्डन ला US $ ७ बिलियन्सचा तोटा झाला. कंपनीने त्यांच्या कर्ज परत करण्याच्या क्षमतेविषयी साशंकता व्यक्त केली आहे.

FII ने Rs ४८७.९४ कोटींची तर DII ने Rs २२९४.९३ कोटींची खरेदी केली.

I बुल्स HSG फायनान्स पुन्हा बॅनमध्ये गेला.

भारताचे GST कलेक्शन १.५९ लाख कोटी झाले.

BSE ने जिओ फायनॅन्शियलचे सर्किट ५% वरून २०% केले तसेच BSE ने जिओ फायनान्स ला T टू T मधून बाहेर काढले.

नजारा टेक मध्ये निखिल कामत त्यांचा स्टेक १% वरून ३.५% करेल नजारा टेक निखिल कामत यांना १४ लाख शेअर्स अलॉट करेल.

टाटा स्टीलला UK चे सरकारने टॉलबॉट प्लांटसाठी GBP ५० कोटींचे पॅकेज जाहीर केले.
ICICI बँकेला ICICI लोम्बार्डमध्ये ४% पर्यंत स्टेक वाढवण्यासाठी परवानगी मिळाली.

सरकारने विंडफॉल टॅक्ससंबंधीत रिव्ह्यू करून पेट्रोलियम क्रूडवरील विंडफॉल टॅक्स Rs ७१०० वरून Rs ६७०० /टन केला. डिझेलवरची एक्सपोर्ट ड्युटी Rs ५.५० वरून Rs ६ केली. ATF वरील टॅक्स Rs २ वरून Rs ४ केला.

लेमन ट्री हॉटेलने उत्तराखंड मधील डेहराडून येथे ८० रूमच्या हॉटेलसाठी करार केला.

सुब्रोस ने हायड्रोजन सेल बससाठी इलेक्ट्रिक A /C ( एअर कंडिशनर ) सिस्टीम डेव्हलप केली.

MOIL च्या उत्पादनात ५३% वाढ होऊन २.२२ लाख टन झाले.

IDBI बँकेच्या डायव्हेस्टमेंटसाठी बोली मागवल्या.
PVR इनॉक्स मध्ये ‘जवान’ या फिल्मसाठी चांगले ऍडव्हान्स बुकिंग झाले.

महाराष्ट्र सीमलेस ला Rs १२२ कोटींची ऑर्डर मिळाली.

ज्युपिटर हॉस्पिटलच्या IPO चा प्राईस बँड Rs ६९५ ते Rs ७३५ निश्चित केला असून मिनिमम लॉट २० शेअर्सचा आहे. हा IPO Rs ८६९ कोटींचा असेल.

वॉटर आणि सुवरेज इंफ्रामध्ये कार्यरत असलेली कंपनी EMS लिमिटेड चा IPO ८सप्टेंबरला ओपन होऊन १० सप्टेंबरला बंद होईल. यात Rs १४६ कोटींचा फ्रेश इशू आणि Rs १७५ कोटी शेअर्सचा OFS असेल. कंपनी UP, बिहार, उत्तराखंड, आणि राजस्थान राज्यात सुवरेज आणि वॉटर ट्रीटमेंट प्लांट बांधते.

रत्नवीर प्रिसिजन इंजिनीअरिंगचा Rs १६५ कोटींचा IPO ( १३८ कोटींचा फ्रेश इशू आणि ३०.४ लाख शेअर्सची OFS) ४ सप्टेंबरला ओपन होऊन ६ सप्टेंबरला बंद होईल. या IPO चा प्राईस बँड Rs ९३ ते Rs ९८ असून मिनिमम लॉट १५० शेअर्सचा असेल.
कंपनी स्टेनलेस स्टील्सचे फिनिश्ड शीट्स, वॉशर्स, सोलर रुफिंग हुक्स, पाईप्स आणि ट्यूब्स बनवते. कंपनीची ही प्रॉडक्ट्स हाईलेव्हल CORROSION सुरक्षित असतात.

सप्टेंबर १४ २०२३ ला या कंपनीच्या शेअर्सचे लिस्टिंग होण्याची शक्यता आहे.

कंपनीला FY २३ साठी Rs ४८१ कोटी आणि PAT Rs २५ कोटी झाले. कंपनीचे मार्जिन ९.८% होती. कंपनीची Rs ९२ कोटी होती.

बायोकॉन ची सबसिडीअरी बायोकॉन जनरिक्सने EYWA फार्माचे ओरल सॉलिड डोसेजचे उत्पादन करणारी न्यू जर्सी येथील फॅसिलिटी US $ ७.७ मिलियन्सला खरेदी केली. या फॅसिलिटीचे उत्पादन क्षमता २ बिलियन टॅब्लेट्स/कॅप्सूल्स पर्यंत वाढवता येईल.

दीपक फर्टिलायझरने दोन गॅस खरेदी करार ‘GAIL’ बरोबर केले. कंपनीची तीन वर्षांसाठीची गॅसची गरज कंपनीने ब्रेंट, HH आणि डोमेस्टिक लिंक्ड बेसिसवर बुक केली.

आयशर मोटर्स ची एकूण विक्री ११% ने वाढून ७७५८३ युनिट झाली. तर निर्यात १३% ने वाढून ८१९० युनिट झाली.

GQG आणि गोल्डमन साखस ने HDFC Ist बँकेचे शेअर्स Rs ८९ प्रती शेअर या भावाने खरेदी केले.

कोटक महिंद्रा बँकेचे CEO & MD उदय कोटक यांनी १ सप्टेंबर २०२३ पासून राजीनामा दिला. आता ते नॉनएक्झिक्युटीव्ह डायरेक्टर म्हणून काम पाहतील. दीपक गुप्ता यांची ३१ डिसेम्बरपर्यंत CEO आणि MD म्हणून तात्पुरत्या तत्वावर काम पाहतील.
GMR पॉवर आणि अर्बन इन्फ्रा च्या सबसिडीअरीला पूर्वांचल विद्युत वितरण निगम काढून वाराणसी,आझमगढ, प्रयागराज, मिर्जापुर विभांगासाठी स्मार्ट मीटरिंग प्रोजेक्टसाठी अनुक्रमे Rs २७३६.६५ कोटींचे आणि Rs २३८६.७२ कोटींची काँट्रॅक्टस मिळाली.

हिंदाल्को इंडस्ट्रीजने ‘सेव्हन रिन्यूएबल पॉवर’ मध्ये २६% स्टेक साठी शेअरहोल्डर्स आणि पॉवर पर्चेस अग्रीमेंट केले. हिंदाल्को इंडस्ट्रीज त्यांच्या ओडिशामधील ‘स्मेल्टर’ साठी १०० MW चा कॅप्टिव्ह प्लांट डेव्हलप आणि ऑपरेट करू इच्छिते.

हिरोमोटो कॉर्प्सची विक्री ५.६% ने वाढून ४.८९ लाख युनिट झाली डोमेस्टिक विक्री ४.९% ने वाढून ४.७३ लाख युनिट तर निर्यात ३२.८९% ने वाढून १५७७० युनिट्स झाली.

इंडिगो ने एशियातील ऍसेट साठी नवीन सबसिडीअरीमध्ये Rs ३० कोटींची गुंतवणूक केली
NXTRA डेटा सेंटर्स साठी भारती एअरटेल २६MVh एनर्जी खरेदी करणार.

KPI ग्रीनला ९MV क्षमतेच्या सोलर पॉवर प्रोजेक्ट साठी ऑर्डर मिळाली.

BHEL ला दिबांग हायड्रो पॉवर प्रोजेक्टसाठी ऑर्डर मिळाली.

आज ऑटो, मेटल्स, IT, बँकिंग, PSE, रिअल्टी. एनर्जी इन्फ्रा सिमेंट, साखर आणि रेल्वेसंबंधीत शेअर्स मध्ये खरेदी झाली. FMCG सेक्टरमध्ये प्रॉफिट बुकिंग झाले.

BSE निर्देशांक सेन्सेक्स ६५६२८ NSE निर्देशांक निफ्टी आणि बँक निफ्टी ४४५७८ वर बंद झाले

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !

आजचं मार्केट – १ September २०२३

आज क्रूड US डॉलर ८७.०० च्या आसपास तर रूपया US डॉलर १=₹८२.६० च्या आस पास होते.US डॉलर निर्देशांक १०३.६१ USA १०वर्षे बाँड yield ४.१० आणि vix ११.६६ होते.

ICICI,DABUR,GODREJ CONSUMER, USL,JSPL,GRASIM यात ९८% rollover झाले

चोला फायनान्स,आयशर,दालमिया भारत सिमेंट,mcx यामध्ये 97% rollover झाले.
टोरंट फार्मा सिपलासाठी नॉन बाईंडींग बिड देणार आहे.

संजय स्वरूप यांची काँकॉरमध्ये CMD म्हणून नेमणूक केली.

GENUS POWER ला advance metering साठी २२४७.३७ कोटींची ऑर्डर मिळाली
PNB नी कर्जावरील व्याजदर वाढवले
INDIA PESTISIDE नी ११४६१ स्क्वेअर मीटर जमीन sandila च्या आसपासची घेतली.

RVNL २० सप्टेंबर रोजी होणाऱ्या AGM मध्ये लाभांश जाहीर करण्याची शक्यता आहे.

कामा holding १ सप्टेंबर २०२३ रोजी बोनस शेअर्सवर विचार करणार आहे.

LPG वरील इम्पोर्ट ड्युटी झीरो केली.

सौदी अरब आणि UAE नी उत्पादनात कपात सुरू ठेवली

चीनने होम लोनचे रेट कमी केले

Vedanta त्यांच्या सर्व कंपन्या वेगळ्या काढून value unlocking करणार आहे

UAE नी ८२ देशाना विजा फ्री एन्ट्री देण्यास सुरवात केली आहे

एस्कॉर्ट कुबोटाची ट्रॅक्टर विक्री ८.५%ने कमी होऊन ५५९३ युनिट झाली. निर्यात ५०.८% कमी होऊन ३९५ युनिट झाली. कन्स्ट्रक्शन उपकरणांची विक्री १३१% ने वाढून ५२० युनिट झाली.

Bajaj ऑटो ची एकूण विक्री १५%ने कमी होऊन ३.४१ लाख युनिट झाली.निर्यात ६% ने कमी होऊन १.३६ लाख युनिट झाली.

अतुल ऑटोची विक्री ३३.८५%ने वाढून २६१० युनिट झाली.

क्रॉम्प्टन ने आऊटडोअर लाइट सेगमेंट मध्ये गेट आणि गार्डन्स साठी SOLARION रेंज ₹१५०० ते ₹ ७५०० दरम्यान लाँच केली.

BSE buyback ची किंमत ८१६ वरून १०८० केली १४ सप्टेबर रेकॉर्ड डेट ठरवली ३४.७ लाख शेअर घेणार आणि ३७४ कोटी खर्च करणार
M & M ची ट्रॅक्टर विक्री १%ने वाढली ती २१६७६ युनिट झाली एकूण विक्री १९ % वाढली ती ७०३५० झाली PV विक्री २५ % वाढून ३७२५० युनिट झाली
मुडिजनी भारताच्या GDP ग्रोथचे अनुमान ६.७% केले

Aeroflex नी कोटक बँकेचे ३२.४९ कोटींचे कर्ज फेडले

Eicher नी न्यू बुलेट ३५० लाँच केली त्याची किंमत १७३५६२ ठेवली ३ प्रकारात लाँच केली त्यांची विक्री VECV ६४७६ युनिट,बस आणि मिनी ट्रक ची विक्री ६२३९ झाली.

Muthut फायनान्स नी belstar मायक्रो फायनान्स मध्ये २.०५% स्टेक ४३ कोटीला घेतला
ITD सिमेंटेशनला ३२९० कोटींचे मरीन कॉन्ट्रॅक्ट मिळाले.

SML ISUZU ची pv विक्री ३% कमी झाली एकूण विक्री १००५ युनिट झाली.

VST tillers ची विक्री १२% वाढून ४०३७ युनिट झाली ३६१६ आणि ४२१ ट्रॅक्टर आहेत
मारुतीची विक्री १.८९ लाख युनिट झाली निर्यात २४६१४ युनिट झाली.

अशोक ले land ची विक्री १०% वाढून १५५७६ ,M&HCV ची विक्री १७ % वाढली
माझगाव डॉकनी महेंद्रागिरी हे जहाज लाँच केलं
TVS motor ची विक्री ४% वाढून ३.४५ युनिट झाले.

आज फार्मा सोडून सगळ्या सेक्टरमध्ये खरेदी झाली.metal. PSE एनर्जी ऑटो इन्फ्रा बँकिग मध्ये खरेदी झाली

BSE निर्देशांक सेन्सेक्स 65387, NSE निर्देशांक निफ्टी 19435,BANK NIFTY 44436 वर बंद झाले

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !

आजचं मार्केट – ३१ ऑगस्ट २०२३

आज क्रूड US Dollars ८५.९० च्या आसपास तर रूपया US डॉलर १=₹८२.६० च्या आसपास होतें. US डॉलर निर्देशांक १०३.५१ USA १०वर्षे बाँड यिल्ड ४.११ आणि vix १२.१२ होते.

ऑगस्ट मध्ये stampduty collection yoy २३% नी वाढले १०५५० प्रॉपर्टीचे registration झाले ७९० कोटी रुपये जमा झाले.

Gensol इंजिनीअरिंग ५सप्टेंबर २०२३रोजी बोनस शेअर्स इशू करण्यावर विचार करणार आहेस.

एरोफ्लेक्सचे लिस्टिंग BSE वर ₹१९७.४० तर NSE वर ₹१९० वर झाले.

भारताची FY २४ च्या पहिल्या तिमाहीत GDP ग्रोथ yoy १३.१ वरून ७.८ झाली तर QOQ ६.१ वरून ७.८ झाली.

ज्युपीटर हॉस्पिटलचा IPO ६ सप्टेंबर ते ८ सप्टेंबर या कालावधीत सुरू राहील यांची ठाणे,पुणे,इंदूर येथे हॉस्पिटल असून ११९४ बेड्स आहेत ५४२ कोटींचा फ्रेश इश्यू ४४.५० लाख शेरचा OFS असेल १० रुपये फेस value आहे.

झायडस लाईफ Isotretinoin ya औषधाला USFDA ची अंतिम मंजुरी मिळाली .

NATCO फार्माने ISCA INC ya pest control व्यवसाय करणाऱ्या कंपनीत ५ .७९ % स्टेक २ मिलियन डॉलरला घेतला.

RVNL ला MMRC कडून २५६.२० कोटींची ऑर्डर मिळाली आणि BHEL ला LARA फेज २ मध्ये सुपर क्रिटिकल थर्मल प्रोजेक्ट साठी ऑर्डर मिळाली.

BSE निर्देशांक सेन्सेक्स ६४८३१ NSE निर्देशांक नीफ्टी १९२५३ बँक निफ्टी ४३९८९ वर बंद झाले.

Bhagyashree Phatak

www.marketaanime.com – साध्या आणि सोप्या भाषेत शेअर मार्केट
share करा पण क्रेडिट देऊन !