Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ०९ जून २०२०

आज क्रूड US $ ३९.९० प्रती बॅरल ते US $ ४१.३० प्रती बॅरल या दरम्यान तर रुपया US $१=Rs ७५.४५ ते US $१=Rs ७५.६१ या दरम्यान होते. US $ निर्देशांक ९६.९३ तर VIX २९.६५ आणि PCR १.३७ होते.

आज मार्केटमध्ये बेअर्सचा प्रभाव होता. Momentum कमजोर होऊ लागला. सेल ऑन रॅलीज मार्केट आहे. प्रत्येक मंदीनंतर USA चे मार्केट २ ते २.५ वर्षे तेजीत असते. मंदीच्यावेळी मार्केट बॉटम तयार होतो. यावेळी मात्र चित्र वेगळे आहे. USAने मंदी जाहीर केली पण USA चे मार्केट मात्र रेकॉर्ड स्तरावर आहे.

शुगर सेक्टरला चांगले दिवस आले आहेत. साखरेच्या किमतीत सुधारणा होत आहे. US$ कमजोर झाला आहे. क्रूडच्या किमती वाढत आहेत. यामुळे इथेनॉलला चांगली मागणी आहे. सॅनिटायझर बनवायला सरकारने कंपन्यांना परवानगी दिली आहे. यावर्षी चांगला मान्सून असेल असे समजते. साखरेची किमान विक्री किंमत साखरेच्या grade प्रमाणे 3•50 ते 6•50 रुपये वाढवायला परवानगी मिळेल सध्या ही किंमत 31 रुपये आहे

१ जानेवारी २०१९ रोजी बजाज कॉर्पचे नाव बदलून बजाज कन्झ्युमर केअर असे ठेवले. ही शिशिर बजाज ग्रुपची कंपनी आहे. ही no debt कंपनी आहे. बजाज almond ड्रॉप्स, ब्राहमी आवळा,आवळा शिकेकाई, jsmeen hair ऑइल, बजाज ब्लॅक & रेड टूथपॉवडर यांचे उत्पादन करते. No marks हा ब्रँड खरेदी केला आहे. Hair oil ही आवश्यक वस्तू नसल्याने एप्रिल २०२० मध्ये विक्री कमी झाली. मे मध्ये विक्रीत सुधारणा झाली. एका आठवड्याच्या आत hairoil प्लांटचे रूपांतर सॅनिटायझर प्लांटमध्ये केले. आज हा शेअर तेजीत होता.

टायटनचा निकाल जाहीर झाला. काँकॉलमध्ये कंपनीचा दृष्टिकोन आशावादी आहे असे दिसले. कंपनीने विडिओच्या माध्यमातून ग्राहकांना व्हर्च्युअल व्हिजिट केली. करोना आणि लॉकडाउनमुळे वेडिंग सिझन पुढे ढकलला. याचा फायदा पुढील सिझनमध्ये दिसेल. विवाह समारंभावरील खर्च कमी केल्यामुळे जड जवाहिऱ्याची विक्री वाढेल.१८०० पैकी १४०० स्टोअर सुरू केली. जाहिरातीचा खर्च वाढला एजंटचे कमिशन वाढल्यामुळे मार्जिनवर परिणाम झाला.

सरकार ITDC, CONCOR, FSNL (फेरो स्क्रॅप निगम लिमिटेड) यांच्या विनिवेशावर विचार करत आहे.सरकारने काही बँका मर्जर करताना अलग ठेवल्या. यामध्ये IOB चा समावेश आहे. कंपन्यांना बँकिंग लायन्सेस देऊन या बँकांचे खाजगीकरण करावे असा सरकारचा विचार आहे. IOB चे NPA २५% वरून १७% वर आले आहेत म्हणजेच सुधारणा दिसत आहे सध्या या शेअरमध्ये accumulation चालू आहे असे दिसते.

Affle India ही कंपनी Appnext सिंगापूर मध्ये ६६.७० % stake १७.२५m डॉलरला खरेदी करणार आहे. Graphite (इंडिया) फायद्यातून तोट्यात गेली. किर्लोस्कर फेरस, KRBL, PSP प्रोजेक्ट्स,CENTURY एन्का ( 8 रुपये लाभांश ) यांचे निकाल चांगले आले. हिरो मोटोचा result अपेक्षेपेक्षा चांगला आला पण गेल्या वर्षीच्या तुलनेत प्रॉफिट १५% ने कमी म्हणजेच ६२०.७ कोटी झाले तर उत्पन्न २१% ने कमी म्हणजेच ६२३८.४ कोटी झाले मार्जिन १०.६ % होते २५ रुपये डिव्हिडंड दिला.

आज सेन्सेक्स ३३९५६ वर निफ्टी १००४६वर तर बँक निफ्टी २०७२४ ला बंद झाले

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ०८ जून २०२०

आज क्रूड US $ ४२.२६ प्रती बॅरल ते US $ ४३.०६ प्रती बॅरल या दरम्यान तर रुपया US $१=Rs ७५.५४ ते US $१=Rs ७५.६३ या दरम्यान होते. US $ निर्देशांक ९६.९० तर VIX २८.६८ होते.

अमेरिकेत साडेसात लाख नोकऱ्या जातील असा अंदाज होता पण असे न होता 25 लाख नोकऱ्या वाढल्या बेरोजगारी दर कमी होऊन 13 .3 % झाला त्यामुळे अमेरिकन मार्केट तेजीत होते. Crude च्या उत्पादनात 9.7 mn बॅरल प्रति दिन कपात जुलै अखेरपर्यंत सुरू राहील असे ओपेकने कळवले. Unlock- 1 मुळे crude ला मागणी आली आणि crude 43 डॉलरच्या वर गेले. उद्यापासून fed ची 2 दिवस मीटिंग सुरू राहील दिल्ली सरकार दारुवरील करोना टॅक्स 10 जूनपासून रद्द करणार आहे. Vat 5% वाढवला त्यामुळे दारू संबंधित शेअर वाढले उदा- united sprits, radico khetan

आजपासून granuals चा सुरू झालेला buyback 19 जून पर्यंत सुरू राहील. Tanla solution चा buyback 81 रुपये भावाने होईल त्यासाठी 154 कोटी रुपये खर्च करण्यात येतील

Reliance Jio मध्ये 5 जून आणि 7 जून रोजी परदेशी गुंतवणूक आली 21.6 % stake विकून 97886 रुपये भांडवल reliance ला मिळाले reliance ही 10 व्या नंबर ची टेलिकॉम कंपनी झाली

Abbott लॅबने 143 रुपये स्पेशल आणि 107 रुपये अंतिम डिव्हिडंड असा एकंदर 250 रुपये डिव्हिडंड जाहीर केला Astrazeneca ने Gilead बरोबर marger करण्यासाठी संपर्क साधला म्हणून शेअर तेजीत होता सरकारने केबल tv वरून ब्रॉडबँड सेवा सुरू करायला परवानगी दिली यामुळे Den Net works, Hathway cable ,TV 18 हे शेअर तेजीत होते

सोनं आणि शेअर मार्केट यांचे परस्परविरोधी नाते असते जागतिक अर्थव्यवस्थाअपेक्षेपेक्षा अधिक वेगाने सुधारेल असा अंदाज येताच सोन्यातील गुंतवणूक कमी करून गुंतवणूकदार शेअरमार्केटकडे वळले यामुळे सोन्याचा दर कमी झाला. ETF ने सोन्याचा साठा करणं कमी केलं. stimulas package आणि ratecut यामुळे अर्थव्यवस्था लवकर सुधारेल असा विश्वास आला.

Vedanta चा result आला वरवर पाहता तोअसमाधानकारक वाटला खरं पाहता लॉस नाही तरतुद केल्यामुळे लॉस दिसत आहे हे कळताच शेअरमध्ये तेजी आली. ओपेक देशांनी उत्पादनात केलेली कपात आणि चीनने केलेली crude ची रेकॉर्ड आयात यामुळे crude चा भाव वाढले याचा फायदा ONGC ,Oil India, HOEC, वेदांता, L&T या कंपन्याना होईल ओपेक देशाकडून L&T ला ऑर्डर मिळतात ओपेक देशांची अर्थव्यवस्था सुधारल्यास L&T ला फायदा होतो

Zen Tech, Timken, Rpg, Max Venture, गार्डन रिच ship building याचे result चांगले आले Titan चा प्रॉफिट 21% ने वाढून 357 कोटी झाला लोकडाऊनमुळे PVR ला 74.61 कोटी तर INOX ला 82 कोटी लॉस झाला गेल्यावर्षी याच काळात या कंपन्या फायद्यात होत्या. GSPLचा result चांगला आला.

BSE निर्देशांक सेन्सेक्स ३४370 NSE निर्देशांक निफ्टी १०१६७ बँक निफ्टी २११८७ वर बंद झाले .

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ०५ जून २०२०

आज क्रूड US $ ३९.९९ प्रती बॅरल ते US $ ४१.०७ प्रती बॅरल या दरम्यान तर रुपया US $१=Rs ७५.३८ ते US $१=Rs ७५.५८ या दरम्यान होते. US $ निर्देशांक ९६.७८ तर VIX २७.५० होते.

USA चे अध्यक्ष ट्रम्प यांनी भारताला G-७ या देशांच्या बैठकीसाठी आमंत्रण दिले आहे. आता G-७ ऐवजी G–११ किंवा G -१२ देश होणार आहेत.भारताला G-७ परिषदेचे ट्रम्पनी दिलेले आमंत्रण चीनला फारसे पटलेले नाही.
‘आत्मनिर्भर भारत’ आणि ‘गरिबकल्याण’ या योजनांशिवाय इतर कल्याणकारी योजनांचे काम सरकारने काही काळ स्थगित करण्याचे ठरवले आहे.

काळ बदलला आहे याचा पुरावा तुम्हाला कोरोनाच्या काळात मिळाला आहे. ज्यांना तंत्रज्ञानाचा उपयोग करून व्यवहार करता येतो. आवश्यक बदल करता येतो त्या कंपन्या तरतात. NASDAQ वर ज्या कंपन्या ऑल टाइम हाय वर पोहोचल्या त्यामध्ये गूगल, ऍपल, अमेझॉन, फेसबुक, नेस्ले, पेप्सिको या कंपन्यांच्या शेअर्सचा समावेश आहे.NASDAQ फेब्रुवारी १९ २०२० ते मार्च २३ २०२० दरम्यान ३०% पडला होता तो आता ४० % वाढला.

भारत आणि चीन यांच्यामध्ये ताणतणाव सुरु आहे. डोकलामच्या वेळेपेक्षा या वेळेला ताणतणावाची तीव्रता जास्त आहे. म्हणून दबाव तंत्राचा वापर करत असताना भारताने ऑस्ट्रलियाबरोबर वाटाघाटी करून अनेक करार केले. चीनमुळे कोरोना पसरला असे ऑस्ट्रेलियाचेही म्हणणे आहे.

‘MUBADALA ‘ या अबूधाबीच्या सॉव्हरिन WEALTH फंडाने रिलायन्स जिओमध्ये Rs ९०९३ कोटींची गुंतवणूक करून १.८५% स्टेक घेतला. याची एंटरप्राइजव्हॅल्यू Rs ५.१६ लाख कोटी तर Rs ४.९१ लाख कोटी इक्विटी व्हॅल्यू आहे.गेल्या सहा आठवड्यात रिलायन्स जिओ कडे Rs ८७६५५ कोटीची गुंतवणूक आली.

अशा रीतीने १८.९७% स्टेक देऊन Rs ८७६५५ कोटी गोळा झाले.

MUBADALA हा अबूधाबी सरकारचा सॉव्हरिन फंड आहे. ह्या प्रकारचे सॉव्हरिन फंड १५ वर्षांकरता गुंतवणूक करतात . ही अबुधाबी या देशाकडून आलेली पहिलीच गुंतवणूक आहे. ही गुंतवणूक दीर्घ कालावधीसाठी कंपनीत राहील. कम्युनिकेशन, कनेक्टिव्हीटी, डिजीटल पोटेन्शियल रिलायन्स जिओ मध्ये आढळल्यामुळे गुंतवणुकीचा ओघ चालू आहे . रिलायंस इंडस्ट्रीजने NCLT कडे त्यांचा ऑइल आणि गॅस बिझिनेस वेगळा करण्यासाठी परवानगी मागितली होती ती त्यांना मिळाली

सरकारने LNG वरील नियंत्रणे काढून टाकली. आता तुम्ही LNG चे स्टेशन कोठेही लावू शकता. PANGRB ने सांगितले की कोणतीही संस्था LNG चे स्टेशन कोणत्याही भौगोलिक प्रदेशात लावू शकते. याचा फायदा पेट्रोनेट LNG, IGL, BPCL, ONGC, यांना होईल.

DOT ने २००७ ते २०१० अशा ४ वर्षांकरता पॉवर ग्रीड कडून Rs १३६१३.६६ कोटीची मागणी केली. ही मागणी NLD ( नॅशनल लॉन्ग डिस्टन्स) लायसेन्सच्या संदर्भात आहे. लायसेन्स फी, व्याज दंड आणी दंडावरील व्याज यांचा या रकमेत समावेश आहे.

आज सेबीने ४७८ कंपन्यांच्या शेअर्सचे सर्किट फिल्टर बदलले. काही सर्किट फिल्टर ५% वरून २०% तर काही १०% वरून २०% केले. त्यामुळे आज मार्केटमध्ये मिडकॅप स्मॉल कॅप शेअर्समध्ये चांगलीच हालचाल होती. ५% वरून २०% केलेल्या कंपन्यांमध्ये बऱ्याच साखर उत्पादक कंपन्या, मेटल, ऑटो अँसिलिअरी क्षेत्रातलया कंपन्यांचा समावेश आहे. सर्किट फिल्टर म्हणजे एखाद्या शेअरचा भाव जास्तीतजास्त किती वाढू शकेल किंवा कमी होऊ शकेल याविषयीचे नियम, ( सर्किट फिल्टरविषयी सविस्तर माहिती माझ्या “मार्केट आणि मी” या पुस्तकात दिली आहे)

आज स्टेट बँक ऑफ इंडियाचे चौथ्या तिमाहीचे निकाल आले. SBI ला Rs ३५८१ कोटी प्रॉफिट झाले NII Rs २२७६६ कोटी झाले. ग्रॉस NPA ६.१५% ( ६.९४%) तर नेट NPA २.२३% (२.६५%) होते. बँकेने Rs १३४९५ कोटींची प्रोव्हिजन केली. चौथ्या तिमाहीत फ्रेश स्लीपेजिस Rs ८१०५ कोटी होती. यापैकी कॉर्पोरेट स्लीपेजिस Rs १५६१ तर ऍग्रिकल्चरल स्लीपेजिस Rs ५२३८ कोटी होते.

लार्सन & टुब्रोचे चौथ्या तिमाहीचे निकाल आले. प्रॉफिट Rs ३१९७ कोटी ( Rs ३४१८ कोटी), मार्जिन १२.२ % वरून ११.६% झाले. ऑर्डर इनफ्लो Rs ५७७८५ कोटी, उत्पन्न Rs ४३३०३ ची वाढून आता Rs ४४२४५ कोटी झाले. कंपनीने Rs ८ प्रती शेअर लाभांश जाहीर केला.

SRF चे चौथ्या तिमाहीचे निकाल अपेक्षेप्रमाणे, PI इंडस्ट्रीज चांगला, पॉली मीडिकेअरची ठीक CHEVIOT चे ठीक, सारेगम चे ठीक होते.अल्केम लॅबचा चांगला, स्नोमॅन लॉजिस्टिक्स ही कंपनी फायद्यातून तोट्यात गेली. गेटवे डिस्ट्रिपार्क, एक्झाईड , HFCL यांचे निकाल असमाधानकारक होते.

हेक्झावेअर या IT क्षेत्रातील कंपनीच्या बोर्ड ऑफ डायरेक्टर्सची १२ जून २०२० रोजी डीलीस्टिंग वर विचार करण्यासाठी बैठक आहे. डीलीस्टिंगसाठी इंडिकेटिव्ह किंमत Rs २०५ आहे.

RBI ने Rs २५० कोटींचा ‘पेमेंट्स इन्फ्रास्ट्रक्चर डेव्हलपमेंट फंड’ स्थापन केला.

अशोक लेलँड कंपनीने BSVI मॉड्युलर ट्रक लाँच केले. मॉड्युलर प्लॅटफॉर्म उपयोगात आणणारी अशोक लेलँड ही पहिली कंपनी आहे.

BSE निर्देशांक सेन्सेक्स ३४२८७ NSE निर्देशांक निफ्टी १०१४२ बँक निफ्टी २१०३४ वर बंद झाले .

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ०४ जून २०२०

आज क्रूड US $ ३९.२५ प्रती बॅरल ते US $ ३९.५० प्रती बॅरल तर रुपया US $१=Rs ७५.३१ ते US $१=Rs ७५.५६ या दरम्यान होते. US $ निर्देशांक ९७.४४ होता VIX ३० होते

गेल्या ६ दिवसांच्या तेजीला आज थोडासा ब्रेक लागला. काही काळ निफ्टी १०००० च्याही खाली गेला होता. IT, मेटल, मेडिया, फार्मा या सेक्टरमधील शेअर्स तेजीत होते. तर बँका आणि NBFC शेअर्स मंदीत होते.

क्रूडच्या उत्पादनात कपात करावी की नाही या बाबतीत मतभेद आहेत. रशिया आणि सौदी अरेबिया यांचे म्हणणे आहे की अजून ३ महिने उत्पादनात कपात सुरु ठेवावी. पण बाकीचे देश तयार नाहीत. सध्या ही कपात जागतिक उत्पादनाच्या १०% किंवा ९.७ मिलियन बॅरल प्रती दिवस एवढी आहे. पण मुळातच मागणी फारशी नसल्यामुळे अपेक्षित परिणाम दिसत नाही. आज पुन्हा क्रूड US $ ४० प्रती बॅरलच्या खाली आले. आज होणारी ओपेक+ची बैठक १५ जून २०२० पर्यंत पुढे ढकलली.
चीन आणि USA यांच्यातील ट्रेडवॉर आणखीनच तीव्र होत आहे. कॅलिफोर्नियामध्ये ५.५ रिश्टर स्केलचा भूकंप झाला.
युरोपियन सेंट्रल बँकेच्या निर्णयाची मार्केट वाट पाहात होते. युरो ७५० बिलियनचा बॉण्ड इशू आता युरो १२०० बिलियनचा असेल. भारताने सुद्धा निवडक स्टील प्रॉडक्ट्सवरील ऍन्टीडम्पिंग ड्यूटीची मुदत ४ डिसेम्बर २०२० पर्यंत वाढवली. या दोन्ही निर्णयामुळे कल्याणी स्टील, JSW स्टील, JSPL हे शेअर्स तेजीमध्ये होते.

सोमवारपासून मॉल्स आणि थिएटर्स खुली केली जातील असा अंदाज आल्यामुळे मेडिया सेक्टरमधील शेअर्स तेजीत होते. उदा PVR, आयनॉक्स, सिनेलाईन, मुक्ता आर्टस्, एरॉस, UFO मुव्हीज

SBI FY २१ मध्ये पब्लिक ऑफरच्या माध्यमातून Rs १०००० कोटी उभारणार आहे.

अमेझॉन.कॉम भारती एअरटेलमध्ये US $ २०० कोटींची हिस्सेदारी खरेदी करणार आहे.

लॉकडाऊनमुळे एप्रिल २०२० साठी GST कलेक्शन Rs ४३००० कोटी झाले. पूर्वी हेच कलेक्शन Rs १ लाख कोटींच्या जवळपास असे.

भारती इंफ्राटेल ११ जून २०२० रोजी इंडस टॉवर बरोबरच्या मर्जरसंबंधित निर्णय घेईल.

HDFC लाईफचे प्रमोटर्स HDFC लिमिटेड यांनी २.६ कोटी शेअर्स Rs ४९० प्रती शेअर या भावाने विकले. स्टॅंडर्ड लाईफ सुद्धा HDFC लाईफ मधील २% स्टेक विकणार आहे.

बर्जर पेन्ट्सच्या व्यवस्थापनाने सांगितले की रिकव्हरीची चिन्हे दिसत आहेत पण आम्ही उत्पादन हळूहळू वाढवू. कोरोनामुळे मागणी कमी आहे त्यातच पावसाळा आहे आणि इन्व्हेन्टरी बिल्टअप खूप झाला आहे.त्यामुळे आज एशियन पेंट्स बर्जर पेंट्स यांच्या शेअर्समध्ये मंदी होती.

हायडलबर्ग सिमेंट ने सांगितले की मागणी अतिशय धीम्या गतीने आहे. शहरी भागात मजुरांचा प्रश्न आहे कारण मजूर आपापल्या गावी निघून गेले आहेत. खेड्यात घरांना एवढी मागणी नाही. डीलर्सकडे रोख रकमेची चणचण आहे. ते शिल्लक असलेला माल विकण्याच्या तयारीत आहेत. त्यामुळे डीलर्सकडून नव्या ऑर्डर्स नाहीत.

टाटा कंझ्युमरने सांगितले की आमची लिक्विडीटी पोझिशन चांगली आहे. मागणी चांगली आहे. विक्रीवर फारसा परिणाम नाही. पण कोरोनामुळे मालाचा पुरवठा करणे त्रासदायक होत आहे. त्याचप्रमाणे कमोडिटीजच्या किमतीमध्ये खूप अस्थिरता आहे. ऑपरेटिंग कॉस्ट वाढत आहे. मार्जिन कमी होण्याची शक्यता आहे.

रिअल इस्टेटचा जो डेटा प्रकाशित झालाय त्यात असे आढळते की गोदरेज प्रॉपर्टिजची एप्रील २०२० आणि मे २०२० या महिन्यात घरांची विक्री वाढली आहे. कोरोनामुळे आणि नोकर्या गेल्यामुळे जे लोक भारतात परत आले त्यांनी घरे खरेदी केली. गल्फ कंट्रीजमधून जे लोक आले त्यांच्यामुळे नवीन मागणी निर्माण झाली. परिणामी रिअल इस्टेट सेक्टरमधील आणि बांधकाम साहित्यामधील कंपन्यांच्या शेअर्समध्ये तेजी दिसली. उदा कजारिया सिरॅमिक्स, ब्रिगेड, कोलतेपाटील,

यावर्षी साखर उत्पादक कंपन्यांना विंडफॉल प्रॉफिट होण्याची शक्यता व्यक्त केली जात आहे. सॅनिटायझर बनवायला परवानगी मिळाल्यामुळे सर्व कंपन्या सॅनिटायझर बनवू लागल्या आहेत. आत्मनिर्भर भारत या योजनेखाली आयातीवर बंधने येतील आणि निर्यातीला उत्तेजन मिळेल. सॅनिटायझरची निर्यात करायलाही सरकारने परवानगी दिली आहे. उदा धामपूर शुगर बलरामपूर चिनी

प्रत्येक गोष्टीचा विचार त्या त्या वेळच्या परिस्थितीप्रमाणे करावा लागतो. नेहेमी प्रमाणे विचार केल्यास प्रमोटर्स जेव्हा स्टेक विकतात तेव्हा मंदी येते प्रमोटर्स जेव्हा शेअर्स खरेदी करतात तेव्हा शेअर्समध्ये तेजी येते. कारण कंपनीच्या आर्थिक स्थितीविषयी प्रमोटर्स पूर्णपणे परिचित असतात. पण सध्या थोड्या वेगळ्या दृष्टिकोनातून पाहावे लागेल. सध्या सर्व कंपन्यांना खेळत्या भांडवलाची समस्या भेडसावत आहे. वर्किंग कॅपिटलची गरज आहे. त्याविरुद्ध SIP च्या माध्यमातून म्युच्युअल फंडांकडे मोठ्या प्रमाणावर पैशाचा ओघ आहे. हा पैसा त्यांना ठरावीक मुदतीत गुंतवावाच लागतो. चांगल्या कंपन्यांच्या शेअर्समध्ये गुंतवणुक करण्यास फंड उत्सुक आहेत. सद्ध्या आपण पाहिले की RIL चा राईट्स इशू, कोटक बँकेच्या शेअर्सची विक्री, HDFC लाईफचा स्टेक सेल कोणतीही अडचण न येता झाला. पुरवठ्यापेक्षा मागणी जास्त आहे असे आढळले. म्हणजेच शेअरमार्केटमध्ये लिक्विडीटी चांगली आहे म्हणून तेजी आहे. या तेजीचा फायदा उठवून पैसे गोळा करण्याच्या मूड मध्ये प्रमोटर्स आहेत. वेळेवर पैसा गोळा केला नाही तर पुढे काय परिस्थिती येईल याचा अंदाज करता येणे कठीण आहे. त्यामुळे सध्या स्टेक विकला तरीही शेअरचा भाव कमी होतो आहे असे दिसत नाही.

CVC कॅपिटल ‘हेल्थकेअर ग्लोबल’ या कंपनीच्या कॅन्सर केअर चेनमध्ये ३६.४७% स्टेक विकत घेणार आहे. CVC कॅपिटल Rs १३० प्रती शेअर प्रमाणे रिवाईज्ड ओपन ऑफर आणणार आहे. शेअरची Rs ९७.५७ ही गेल्या सहा महिन्यातील सरासरी किंमत आहे. या किमतीवर ३३% प्रीमियम देण्याची तयारी दर्शवली आहे.

मार्केट चांगले तेजीत असताना सुप्रीम कोर्टाने काही सूचना RBI ला केल्या अशी बातमी आली. RBI ने ३ महिन्याचे मोरॅटोरियम ६ महिन्यापर्यंत वाढवले पण व्याज माफ केले नाही.हे अयोग्य आहे असे सुप्रीम कोर्टाने RBI ला सांगितले. पण सुप्रीम कोर्टाने सुचविण्याआधीच सरकारने या गोष्टीचा विचार केला होता असे सरकारचे म्हणणे आहे. पण सर्व कर्जावरील व्याज माफ करण्याच्या स्थितीत सरकार नाही. MSME वरील कर्जाचे व्याज माफ करावे का की जो सेक्टर अडचणीत आहे त्यांच्या कर्जावरील व्याज माफ करावे असा विचार झाला होता. पण एका सेक्टरला अशी सवलत दिल्यास बाकीच्या सेक्टरवर अन्याय होईल व्याज माफ केल्यास हा भार बँकांना वाहावा लागेल. बँकांमध्ये सरकारी बँकांचे प्रमाण जास्त आहे. बँकांना कितीही भांडवल पुरवले तरी बँकांची स्थिती सुधारत नाही, NPA चे प्रमाण वाढते आहे. या व्याजाचा भार बँकांनी घ्यायचा असे ठरले तर बँका ठेवीवरचे व्याज कमी करतील किंवा ठेवीवरील व्याज देणे बंद करतील . RBI ने कितीही वेळा रेटकट केला तरीही बँका कर्जावरील व्याजाचा दर कमी करायला तयार होत नाहीत. उलटपक्षी ठेवींवरील व्याजाचे दर आधी कमी करतात आणि नंतर कर्जावरील व्याजाचे दर कमी करतात हे आपण पाहिले आहे. कारण NIM चे ( नेट इंटरेस्ट मार्जिन) प्रमाण ठरावीक राहिले नाही तर बँकिंग व्यवसाय करणे कठीण जाते .

CII चे अध्यक्ष उदय कोटक यांनी सांगितले की बँका या intermediary म्हणून काम करत असतात.बँकांनी लोकांकडून घेतलेल्या ठेवींवर कबुल केलेल्या दराप्रमाणे पूर्ण वेळासाठी व्याज देणे पण कर्जावरील व्याजात मात्र मुदतवाढ आणि सवलत देणे हे तर्कसंगत नाही लोकांकडून ठेवी घेणे आणि कर्ज देणे हे यांचे काम आहे . या दोन्ही व्याजातील फरक हाच यांचा फायदा. सरकारची पोझिशन सुप्रीम कोर्टापुढे सरकार १२ जून २०२० रोजी मांडणार आहे. असे समजताच मार्केटला वाटले की आता बँकांची आर्थीक स्थिती खराब होईल. म्हणून बँकांचे आणि NBFC चे शेअर्स पडू लागले आनि मार्केट निफ्टी १०००० च्या खाली गेले.

त्याचवेळी NSE च्या निफ्टी बँक मधील ऑप्शन ट्रेडमधील व्यवहार व्यवस्थितपणे होत नव्हते.असे आढळून आले. मार्केट आज एकंदरीतच गोंधळाच्या स्थितीत होते.

PNB गिल्टस ( टर्नराउंड झाली) औरोबिंदो फार्मा, चे चौथ्या तिमाहीचे निकाल चांगले आले.

BPCL, चोला इन्व्हेस्टमेंट , MAS, NIIT, ईगारशी मोटर्स याचे चौथ्या तिमाहीचे निकाल असमाधानकारक आले .
उद्या SBI आणि लार्सन & टुब्रो यांचे चौथ्या तिमाहीचे निकाल येतील.

VS टिलर्स अँड ट्रॅक्टर्स याची ट्रॅक्टर्सची विक्री चांगली वाढली.

BSE निर्देशांक सेन्सेक्स ३३९८० NSE निर्देशांक निफ्टी १००२९ बँक निफ्टी २०३९० वर बंद झाले.
www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ०३ जून २०२०

आज क्रूड US $ ४०.०१ प्रती बॅरल ते US $ ४०.३० प्रती बॅरल या दरम्यान तर रुपया US $ १= Rs ७५.२२ ते US $१=Rs ७५.४६ दरम्यान होते. US $ निर्देशांक ९७.५० होते. VIX २९.९० होते.

आज क्रूडच्या दरामध्ये चांगली सुधारणा होती. ओपेक+ देशांनी उत्पादनातील कपातीची मुदत सप्टेंबर २०२० पर्यंत वाढवली. सर्व अर्थव्यवस्था ओपन होत आहेत. त्यामुळे क्रूडसाठी असलेली मागणी वाढेल. मार्च २०२० नंतर प्रथमच क्रूडचा भाव US $ ४० प्रती बॅरलवर गेला.

‘सारेगम’ ने फेसबुक बरोबर ग्लोबल डील केले. त्यामुळे ह्या शेअरला अपर सर्किट लागले. सारेगमकडे हिंदी चित्रपट संगीत, तसेच दक्षिण भारतीय भक्तिरसपूर्ण संगीत हिंदुस्थानी आणि दक्षिण भारतीय क्लासिकल संगीताची मोठी लायब्ररी आहे.

V-गार्डसची विक्री कमी झाली पण मार्जिन वाढले. प्रॉडक्टमिक्स, इनपुट कॉस्टचा सपोर्ट, ही कारणे व्यवस्थापनाने दिली. हे मार्जिन पुढील काळातही टिकेल. साऊथ आणि नॉनसाऊथ रिजनमधील मार्जिन गॅप कमी करू. IN- HOUSE मॅन्युफॅक्चरिंगवर भर देऊ. स्ट्रॉन्ग बॅलन्सशीट आणि वर्किंगकॅपिटलचे चांगले व्यवस्थापन यामुळे या कसोटीच्या काळात कंपनी तरेल.

HUL ने सांगितले की काही प्रमाणात डिस्क्रिशनरी आयटेम्सना मागणी येऊ लागली आहे. उदा हेअरकेअर, स्किनकेअर, कलर कॉस्मेटिक्स. आसाम वगळता कंपनीच्या बाकी सर्व प्लांटमध्ये ८०% ते ९०% काम चालू झाले आहे.

मार्च १३ २०२० नंतर प्रथमच निफ्टी १०१०० झाला. इतर जागतिक मार्केट्सच्या मानाने इंडियन मार्केट अंडरपरफॉर्म करत होते. व्हॅल्युएशन आकर्षक झाले. सर्व देशांनी अर्थव्यवस्थेत पैसा ओतायला सुरुवात केली. स्टिम्युलस पॅकेजिस जाहीर केली. त्यामुळे लिक्विडीटी आली. म्युच्युअल फंडांकडे SIP मार्फत पैसा आला. त्यांना हा पैसा गुंतवण्याची संधी मिळाली इतकेच . पण अर्थव्यवस्थेत एवढ्या लवकर सुधारणा होत नाही. आणि ही सुधारणा सर्व सेक्टरमध्ये सारख्या प्रमाणात होईल असे नाही. आणि ही सुधारणा कितपत टिकाऊ असेल हा प्रश्न राहिलच. कोरोनाच्या संक्रमणावर लक्ष ठेवावे लागेल. संक्रमणाची स्थिती नियंत्रणात आली आहे का ते पाहायला लागेल. गुंतवणुकीसाठी लो लिव्हरेज, फ्लेक्सिबल कॉस्ट स्ट्रक्चर, ADEQUATE कॅश फ्लो,, मार्केट शेअर,स्ट्रॉन्ग बॅलन्स शीट हवी. या गोष्टी नसलेल्या कंपन्या कोरोनाच्या संकटात टिकाव धरू शकणार नाहीत. कमकुवत बँका आणि NBFC हा ताण सहन करू शकणार नाहीत.

सिंजीन इंटरनॅशनल या कंपनीने HiMEDIA लॅबोरेटरीबरोबर कोविद-१९ साठी ELISA टेस्ट किटचे उत्पादन आणि वितरण यासाठी करार केला. ही सॅम्पल्स एकत्र टेस्ट केली जाऊ शकतात आणि टेस्ट्सचे रिझल्ट ३ तासात येतात. हे टेस्टकिट HiMEDIA लॅबोरेटरी मुंबईत बनवेल आणि भारतात वितरीत करेल.

RBI च्या वित्तीय धोरणाचा कल पाहता रेटकट होत राहतील. वन टाइम रिस्ट्रक्चरिंगची घोषणा होईल. बॉण्ड यिल्ड कमी राहतील. PSU बँकांचे शेअर्स एवढे मंदीत आहेत की आणखी पडून किती पडणार ! झाला तर फायदाच होईल नुकसान कमी प्रमाणात होईल या विचाराने या बँकांच्या शेअर्सध्ये खरेदी होत आहे.

EISAI R &D ने शिल्पा मेडिकेअरविरुद्ध पेटंट उल्लंघनासाठी USA कोर्टात केस दाखल केली

आज सरकारने काही वस्तूंना इसेन्शियल कमोडिटीज ऍक्टच्या कक्षेतून बाहेर काढले. त्यामुळे आता या कमोडिटीजना निर्यातीवर नियंत्रण , स्टॉकलिमिट इत्यादी तरतुदी लागू होणार नाहीत. तेल, डाळ, कांदा, बटाटा , तीळ अशा गोष्टी इसेन्शियल कमोडिटीजच्या व्याख्येतून बाहेर पडतील.

ग्रनुअल्स या कंपनीचे चौथ्या तिमाहीचे निकाल चांगले आले.

उदय कोटक यांना २०२०-२०२१ या वर्षांसाठी CII प्रेसिडेंट म्हणून निवडले.

येस बँक QIP, FPO राईट्स इशू या रूट्सने Rs १०००० कोटी भांडवल उभारणार आहे.

BSE निर्देशांक सेन्सेक्स ३४१०९ NSE निर्देशांक निफ्टी १००६१ बँक निफ्टी २०९४० वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २ जून २०२०

आज क्रूड US $ ३८.३९ प्रती बॅरल ते US $ ३९.३५ प्रती बॅरल या दरम्यान तर रुपया US $१=Rs ७५.३६ ते US $१=Rs ७५.५६ या दरम्यान होते. US $ निर्देशांक ९७.५७ तर VIX २८.१० होते.

आज मार्केटमध्ये ओळीने तेजीचा ५ वा दिवस होता. FII आणि म्युच्युअल फंडांची खरेदी चालू होती. आज NBFC, रिअल इस्टेट, बँका, ऑटो क्षेत्रात खरेदी चालू होती. आज निफ्टीने ९९९५ चा इंट्राडे हायची नोंद केली.

USA मध्ये पोलिसांच्या विरुद्ध निदर्शनांनी जोर पकडला आहे. चीनने सांगितले की ते USA मधून फार्म प्रॉडक्टसची आयात थांबवणार आहेत. USA ने हाँगकाँगमध्ये केलेल्या हस्तक्षेपाला चीनने उत्तर दिले आहे. त्यामुळे चीन आणि USA यांच्यातील ट्रेडसंबंधात ताणतणाव वाढले आहेत.

जगात सर्वत्र अर्थव्यवस्था ओपन करण्याकडे कल आहे यात ग्रीस, इटली, हॉलंड, ऑस्ट्रेलिया आघाडीवर आहेत.
GILEAD ने सांगितले की ‘REMDISIVIR’ या औषधाच्या टेस्टचे निकाल कोरोनाच्या उपचारात सकारात्मक येत आहेत.
महाराष्ट्र आणि गुजरातच्या तटवर्ती भागात ‘निसर्ग’ नावाचे चक्री वादळ ३ जून २०२० रोजी पोहोचेल असा इशारा हवामानखात्याने दिला आहे.

आज मूडीजने बँक ऑफ बरोडा, बँक ऑफ इंडिया, स्टेट बँक ऑफ इंडियाचे रेटिंग कमी केले. पण मार्केटला हे आधीच माहीत होते. पण अनलॉकिंग-१ चे स्वागत करताना मार्केटने याकडे दुर्लक्षच केले. १९ जून १९९८ मध्ये परमाणू परीक्षण केले तेव्हा मूडीजने रेटिंग घटवून BBB- केले. २०१७ मध्ये मोदी सरकारची नीती योग्य म्हणून रेटिंग वाढवली. आता २२ वर्षांनंतर NPA, DBT, नोटबंदी, कमी होणारा विकास दर यामुळे रेटिंग कमी केले. म्हणजे Baa२ वरून Baa३ केले. या रेटिंगला लोएस्ट इन्व्हेस्टमेंट ग्रेड म्हणतात.

बजाज ऑटो ७०% , अशोक लेलँड ८९%, या प्रमाणे ऑटोविक्री मध्ये घट झाली.

CNG ची किंमत Rs ११.५० ते Rs ३७ पर्यंत वाढवली. याचा फायदा IGL, MGL, गुजरात गॅस यांना होईल.

RIL च्या राईट्स इशूची उद्या शेवटची डेट आहे. आता पर्यंत हा इशू १.३ पट सबस्क्राईब झाला. MOIL या कंपनीने आपल्या उत्पादनाच्या सर्व ग्रेडच्या किमतीमध्ये १०% कपात केली.

इंडियन इन्स्टिट्यूट ऑफ सायन्सेसने ICU ग्रेड व्हेंटिलेटर डिझाईन केला तर लखनौमध्ये एक टेस्टिंग किट तयार केले आहे. हे किट अर्ध्या तासात निकाल देईल. भारत फोर्जची NASA च्या JET PROPULSION लॅबने व्हेंटिलेटर मॅन्युफॅक्चरिंगसाठी निवड केली.

आज कोटक महिंद्रा बँकेच्या प्रमोटर्सनी आपला ३% स्टेक Rs १२१५ ते Rs १२४० या प्राईस बँड मध्ये ब्लॉक डीलच्या रुटने विकला. यानंतर प्रमोटर्सचा स्टेक २६% होईल. यामुळे कोटक महिंद्रा बँकेचे वेटेज निफ्टी मध्ये ४.५% , बँक निफ्टी १७.७% , सेन्सेक्समध्ये ४.६ % एवढे तसेच MSCI इमर्जिंग मार्केट निर्देशांकात २.१% एवढे होईल. यामुळे निफ्टी मध्ये Rs २७७कोटी ,निफ्टी बँकेत Rs ३११ कोटी सेन्सेक्समध्ये Rs ११० कोटी आणि MSCI EM मध्ये Rs ५०१४ कोटी एवढी रक्कम येईल. FTSE मध्ये समावेश होणे सोपे होईल.

DGCA (डायरेकटोरेट ऑफ सिविल एव्हिएशन) ने विमानामधील मधली सीट रिकामी ठेवा किंवा गाऊन वापरा असे मार्गदर्शन केले. आज इंडिगोचे चौथ्या तिमाहीचे निकाल आले. कंपनीला Rs ८७१ कोटींचा ( Rs ५९६ कोटी प्रॉफिट) लॉस झाला. इंडीगोला प्रॅट जेट इंजिन बदलण्यासाठी ३१ ऑगस्टपर्यंत वेळ दिला.

झायडस वेलनेस, एरिस लाईफसायन्सेस ( प्रॉफिट, उत्पन्न, ऑपरेटिंग मार्जिन यात वाढ) यांचे चौथ्या तिमाहीचे निकाल चांगले आले.

ब्रिटानिया इंडस्ट्रीजचे चौथ्या तिमाहीचे निकाल आले. प्रॉफिट Rs २९५ कोटींवरून Rs ३७४.७० कोटी झाले. उत्पन्न Rs २७९९ कोटीवरून Rs २८६७.७० कोटी तर ऑपरेटिंग मार्जिन १५.६५ वरून १५.८% झाले.
मदर्सन सुमी, V-गार्ड इंडस्ट्रीज, ओरिएंट इलेक्ट्रिकल्स यांचे निकाल ठीक होते.
टेलिकॉम मंत्रालय Rs ४०९९५ कोटी खर्च करेल. ४% ते ६% इन्सेन्टिव्ह देईल. ३ योजना आणल्या जातील.
टाटा मोटर्सच्या सर्व प्लान्टमध्ये उत्पादन सुरु झाले. JLR साठी मागणी वाढत आहे.

BSE निर्देशांक सेन्सेक्स३३८२५ NSE निर्देशांक निफ्टी ९९७९ बँक निफ्टी २०५३० वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १ जून २०२०

आज क्रूड US $ ३७.५३ प्रति बॅरल ते US $ ३८.०३ प्रती बॅरल या दरम्यान तर रुपया US $१=Rs ७५.४६ ते US $१=Rs ७५.५४ या दरम्यान होती. US $ निर्देशांक ९७.९९ तर VIX ३७ होता.

USA चे अध्यक्ष ट्रम्प यांनी WHO ( वर्ल्ड हेल्थ ऑर्गनायझेशन) बरोबरचे संबंध तोडण्याची घोषणा केली.हॉन्गकॉन्गला मिळणारी स्वायत्तता संपुष्टात आल्यामुळे हाँगकाँगला मिळणारे बरेचसे फायदे कमी होतील / नाहीसे होतील. चीनचा मॅन्युफॅक्चरिंग डेटा चांगला आला. याचा परिणाम धातूसंबंधीत कंपन्यांच्या शेअर्सवर होईल.

आज केरळच्या तटवर्ती भागात मान्सूनचे आगमन झाले. मेटनी सांगितले की या वर्षी मान्सून सामान्य असेल. महाराष्ट्र, गुजरात आणि कर्नाटकच्या तटवर्ती भागात चक्री वादळाचा इशारा मेटने दिला. ३ जून २०२० पर्यंत या वादळाचा धोका राहील.

आजपासून केंद्र सरकारने लॉकडाऊन ३० जूनपर्यंत वाढवला. पण अनलॉक १ ची घोषणाही केली. याअंतर्गत मार्गदर्शक तत्वे जाहीर केली.या मार्गदर्शक तत्वांची अंमलबजावणी मात्र राज्यांवर सोपवली.

आज कमोडिटी मार्केटमध्ये ऍग्रीप्रॉडक्टसमध्ये हालचाल होती. त्याचवेळी जाणवले होते की आज कृषी क्षेत्राविषयी काही महत्वाची घोषणा होण्याची शक्यता आहे. सरकारने लॉकडाऊन असतानाही शेतकऱ्यांनी देशाला अमाप पिकाची देणगी दिली म्हणून कृतज्ञता व्यक्त केली. आज सरकारने १४ पिकांची MSP ( मिनिमम सपोर्ट प्राईस) जाहीर केली. यात शेतकऱ्यांना पीक घेण्यासाठी जो काही खर्च येईल त्याच्यावर ५०% ते ८३% प्रॉफिट व्हावे हा दृष्टिकोन होता. सरकारने अल्प मुदतीच्या Rs ३ लाख पर्यंतच्या कृषी कर्जाच्या परतफेडीची मुदत ऑगस्ट २०२० पर्यंत वाढवली तसेच या कर्जावरील व्याजाच्या दरात मंजुरीच्या वेळी २% आणि कर्जाची परतफेड वेळेवर केली तर एकूण ३% सवलत दिली जाईल. (व्याजाचा दर ७% आहे २% सवलत मिळाल्यास ५% नी व्याज द्यावे लागेल. नियमित आणि वेळेवर परतफेड केली तर व्याज ४% ने आकारले जाईल.) शेतकरी आता त्यांचा माल भारतात कोठेही विकू शकतात. .

सरकारने ग्रामीण तसेच शहरी अर्धशहरी भागातील फेरीवाले, पदपथावरील लहान दुकानदार, खाद्यगृहे लावणारे यांच्यासाठी Rs १०,०००/- कर्जाची योजना जाहीर केली.

MSME ची व्याख्या आणखी विस्तृत केली. त्यांना स्टॉकएक्स्चेंजवर लिस्टिंगसाठी प्रक्रिया तयार केली जाईल.त्यासरशी मार्केटनेसुद्धा तेजीची सलामी दिली.आणि अनलॉक-१ साजरा केला.

भारताची FY १९-२० साठी GDP ग्रोथ ४.२% राहिली.

NHPC लडाखमध्ये तीन नवे हायड्रोइलेक्ट्रिक प्रोजेक्ट्स सुरु करेल.

३ जून २०२० रोजी अडानी पॉवरच्या बोर्ड ऑफ डायरेक्टर्सची डीलीस्टिंगवर विचार करण्यासाठी बैठक आहे.
ATF (एअर टरबाइन फ्युएल) च्या दरात ४६% वाढ केली. त्यामुळे विमानवाहतूक क्षेत्रातील कंपन्यांच्या शेअरमधील तेजी कमी होईल.

कोटक महिंद्रा बँकेने Rs ११४५ प्रती शेअर या भावाने Rs ४७४२ कोटींची QIP केली.

केंद्रीय पोलीस कल्याण भांडाराने एक यादी जाहीर केली. त्याप्रमाणे या भांडारातून होणाऱ्या १०२६ परदेशी उत्पादनांच्या विक्रीवर बंदी घालण्यात आली. टिकटॉक, किंडरजॉय, स्केचर्स, रेड बुल, न्यूटेला, या कंपन्यांच्या उत्पादनांवर संपूर्ण बंदी घालण्यात आली. तर हॅवेल्स इंडिया आणि HUL यांच्या काही उत्पादनांवर बंदी घालण्यात आली.

RILने आलोक इंडस्ट्रीजचे अधिग्रहण केले. आता अलोक इंडस्ट्रीज PPE कीट्सचे उत्पादन करेल. त्यामुळे चीन मधून होणाऱ्या आयातीवर अवलंबून राहणे कमी होईल. RIL हे किट्स प्रती किट्स Rs ६५० या भावाने बाजारात आणणार आहे.
DR रेडिजच्या श्रीकाकुलम प्लाण्टला USFDA ने EIR दिला. यापूर्वी तपासणीत ४ त्रुटी दाखवल्या होत्या.

आज मे २०२० महिन्यासाठी ऑटोविक्रीचे आकडे आले. मे महिन्यात मारुतीने १८५३९ युनिट्सची विक्री केली. डोमेस्टिक विक्री १३८६५ युनिट्सची केली.

M & M ची विक्री ७९% ने कमी होऊन ९५६० युनिट्सची विक्री झाली. ट्रॅक्टर्सची विक्री २४३४१ झाली. आयशर मोटर्सची विक्री ६९% ने कमी होऊन १९११३ झाली. निर्यात ६८४ युनिट्सची झाली.

मॅक्स इंडियाच्या डीमर्जरसाठी NCL च्या मंजुरीनंतर १५ जून २०२० ही रेकॉर्ड डेट ठरवण्यात आली. मॅक्स हेल्थचे डिंमर्जर केले जाईल. मॅक्स हेल्थ आणि नवीन मॅक्स इंडियाचे लिस्टिंग ऑगस्ट २०२० मध्ये होईल.

हिरो मोटो ची डोमेस्टिक विक्री ८३% ने कमी होऊन ११२६८२ युनिट्स झाली. निर्यात ३४३४ युनिट्स झाली
एस्कॉर्टस ची मे २०२० मध्ये विक्री ३.४% ने कमी होऊन ६५९४ युनिट्स झाली .

RCF चे चौथ्या तिमाहीचे निकाल चांगले आले. प्रॉफिट Rs १४२ कोटी विक्री Rs २६०६ कोटी झाली. यात RCF ला सरकारकडून मिळालेल्या युरियावरील सब्सिडीचाही सहभाग आहे. पॉलीकॅब, MCX यांचे चौथ्या तिमाहीचे निकाल चांगले आले.

सिस्कोच्या SON टेक्नॉलॉजी ला HCL टेक खरेदी करेल.

BSE निर्देशांक सेन्सेक्स ३३३०३ NSE निर्देशांक निफ्टी ९८२६ बँक निफ्टी १९९५९ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २९ मे २०२०

आज क्रूड US $ ३४.१३ प्रती बॅरल ते US $ ३५.११ प्रती बॅरल या दरम्यान तर रुपया US $१=Rs ७५.५९ ते US $१= Rs ७५.७२ या दरम्यान होते. US $ निर्देशांक ९८.४१ तर VIX ३०.०२ होते. PCR १.५५ होता.

चीनने हॉन्गकॉन्ग मधील नवीन रुल्सना मंजुरी दिली. त्यामुळे चीन आणि USA मधील तणाव वाढला. USA मधील बेरोजगारांची संख्या २१ लाखांनी वाढली.

जूनमध्ये लॉकडाऊनमध्ये अर्थव्यवस्था बर्याच प्रमाणात ओपन होईल असा अंदाज आल्यामुळे मार्केटने ‘HOPE’ हा थीम पकडून आज ऑटो, ऑटो अँसिलिअरी, ऑइल आणि गॅस क्षेत्रातील कंपन्यांच्या शेअर्समध्ये खरेदी केली. कालच्या शॉर्टकव्हरिंगनंतर झालेली खरेदी मार्केटचा आशावादी दृष्टिकोन दाखवते.

आता लॉकडाऊन ५ होणार हे जवळ जवळ निश्चित झाले आहे. पण या लॉकडाऊनमध्ये अर्थव्यवस्था ओपन होण्यासाठी किती सवलती मिळतील याची मार्केट वाट पाहात आहे. बऱ्याच राज्यात अर्थव्यवस्था ओपन करण्याच्या दृष्टीने प्रयत्न सुरु झाले आहेत. केंद्र सरकारने देशांतर्गत विमानवाहतूक २६ मे २०२० पासून सुरु केली आहे. कर्नाटक राज्य सरकारने कर्नाटकात अर्थव्यवस्था ओपन करण्याच्या बाबतीत पुढाकार घेतला आहे. ग्रामीण भागात रब्बीचा हंगाम संपला आहे. सरकारने खूपच त्वरेने धान्य खरेदी केल्यामुळे शेतकऱ्याच्या हातात पैसा आला आहे. त्यामुळे प्रथम ट्रॅक्टर्स, टू व्हिलर्स आणि नंतर ४ व्हिलर्स या क्रमाने ग्रामीण भागात विक्री वाढेल.

सरकारने आपल्या देशात API चा तुटवडा पडू नये म्हणून २६ API च्या निर्यातीवर बंदी घातली होती. ही निर्यातबंदी सरकारने उठवली. त्यामुळे पॅरासिटामोल बनवणार्या कंपन्यांच्या शेअर्समध्ये तेजी आली. उदा ग्रनुअल्स, कॅडीला हेल्थ.
कॅडीला हेल्थच्या बद्दी युनिटला USFDA ने EIR दिला.

MSCI मधील बदल आजपासून लागू होतील. बायोकॉन ज्युबिलण्ट फूड्स, IGL, टाटा कन्झ्युमर प्रॉडक्टस या शेअर्सचा समावेश होईल. तर अशोक लेलँड, M &M फायनान्स, इत्यादी शेअर्स या निर्देशांकाबाहेर होतील.

इन्फोसिसच्या Rs ९.५० लाभांशाची आज एक्सडेट होईल.

‘टेनॅक्स’ या कंपनीमध्ये पीडिलाइट इंडस्ट्रीजने ७०% स्टेक खरेदी केला.

ITC AMWAY मार्फत आणखी काही उत्पादने विकेल. ‘B NATURAL प्लस’ या उत्पादनाला ग्रामीण क्षेत्रात चांगली मागणी आहे असे कंपनीने सांगितले.

‘THIERRY DELAPORATE’ यांची विप्रोचे M D आणि CEO म्हणून नेमणूक केली. ते ६ जुलै २०२० पासून कंपनीचा चार्ज घेतील. या बातमीनंतर विप्रोच्या शेअरमध्ये तेजी आली.

फायझर या कंपनीने जाहीर केले की ऑक्टोबर २०२० अखेर कोरोना प्रतिबंधक लस तयार होईल. या बातमीनंतर फायझरच्या शेअरमध्ये तेजी आली.

स्पाईसजेट या कंपनीला E-कॉमर्स आणि मेडिकल डिलिव्हरीसाठी ड्रोनचा उपयोग करण्यासाठी एव्हिएशन अथॉरिटीज ने परवानगी दिली.

भारताची FY २० च्या चोथ्या तिमाहीतील GDP ग्रोथ ३.१% होती.

FSDC च्या बैठकीत FDI वाढवण्यावर आणि शेअर मार्केटमध्ये रिटेल गुंतवणूकदारांचा सहभाग वाढवण्यावर विचार झाला.
सन फार्माच्या ‘NAFAMOSTAT’ या औषधाला कोरोनावरील औषध म्हणून क्लिनिकल ट्रायलसाठी मंजुरी मिळाली.
सिम्फनी या कुलर बनवणार्या कंपनीचे चौथ्या तिमाहीचे निकाल चांगले आले. प्रॉफिट Rs ४ कोटींवरून Rs ४० कोटी झाले. उत्पन्न Rs २३५ कोटींवरून Rs २४९ कोटी झाला. कंपनीला Rs ४ कोटी वन टाईमलॉस झाला.

रेन इंडस्ट्रीज, हायडलबर्ग सिमेंट, सिएट, मजेस्को या कंपन्यांचे चौथ्या तिमाहीचे निकाल चांगले आले. ल्युपिन या कंपनीचे चौथ्या तिमाहीचे निकाल चांगले आले.Rs ६ प्रती शेअर लाभांश जाहीर केला.

वोल्टासच्या प्रॉफीटमध्ये २७% घट झाली. उत्पन्न १.३४ % वाढले. कंपनीने Rs ४ प्रती लाभांश जाहीर केला.

KEC इंटरनॅशनल चे चौथ्या तिमाहीचे निकाल ठीक होते.

सुंदरम क्लेटनचे चौथ्या तिमाहीचे निकाल असमाधानकारक होते.

१ जून रोजी ऑटोविक्रीचे आकडे येतील. मे २०२० महिन्यात काही ऑटो कंपन्यांच्या डिलरशिप ओपन झाल्यामुळे थोड्या प्रमाणावर ऑटोविक्री झाली असण्याची शक्यता आहे.

२ जून रोजी ब्रिटानिया, इंडिगो, मदर्सनसुमी या कंपन्यांचे निकाल येतील.

BSE निर्देशांक सेन्सेक्स ३२४२४ NSE निर्देशांक निफ्टी ९५८० बँक निफ्टी १९२९७ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २८ मे २०२०

आज क्रूड US $ ३३.८६ प्रती बॅरल ते US $ ३४.६८ प्रती बॅरल या दरम्यान होते. रुपया US $१=Rs ७५.७३ ते US $१= Rs ७५.९२ या दरम्यान होते. US $ निर्देशांक ९८.९१ तर VIX ३१.२७ होते. PCR १.५६ होते.

USA चीनवर अनेक निर्बंध लावण्याच्या तयारीत आहे. चीनमधून केमिकल्सची आयात भारतात होणार नाही. केमिकलची गरज आणि कमी होणारी आयात म्हणजेच पुरवठा यामुळे मागणी आणि पुरवठा यात तफावत राहील. त्यामुळे केमिकल्सचे भाव वाढतील, केमिकल उत्पादक कंपन्यांचा फायदा होईल. यामुळे केमिकल उत्पादन करणाऱ्या कंपन्यांच्या शेअर्समध्ये तेजी होती.

सध्या तापमान ४५ च्या वर गेले आहे. उत्तर भारत, मध्य भारतामध्ये उष्णतेची लाट आहे. बजाज इलेक्ट्रिकल्स आणि सिम्फनी पोर्टेबल कूलर बनवतात. या कुलर्सना खूप मागणी येण्याची शक्यता आहे. त्यामुळे या दोन कंपन्यांच्या शेअर्समध्ये तेजी होती.

चीन, जपान युरोप या देशातून रबर केमिकल्सचे डम्पिंग होत होते. त्यामुळे सरकार रबर केमिकल्सवर अँटीडंपिंग ड्युटी लावणार आहे. याचा फायदा नोसिल, ऍपकोटेक्स, INDAG रबर यांना होईल. त्यामुळे या शेअर्समध्ये तेजी होती.ऍपकोटेक्स या कंपनीने या ऍन्टीडम्पिंग ड्युटीसाठी अर्ज केला होता.

BEML या सार्वजनिक क्षेत्रातील सरकारी कंपनीने त्यांच्याकडे असलेल्या क्षमतेचा वापर करण्यासाठी ‘मॅन्युफॅक्चअरिंग पार्टनरशिप’ साठी २२ जून २०२० पर्यंत बोली मागवल्या आहेत. तसेच मेक-इन-इंडिया या योजनेखाली रेल्वे आणि मेट्रो साठी इलेक्ट्रिक उपकरणे बनवण्यासाठी ‘MELCO’ या जपानी कंपनीबरोबर करार केला. त्यामुळे या शेअरमध्ये तेजी होती.

युफ्लेक्स या कंपनीने PPE ( पर्सनल प्रोटेक्शन इक्विपमेंट) बनवण्यासाठी दिल्ली IIT बरोबर करार केला आहे. त्यामुळे हा शेअर तेजीत होता.

HDFC बँकेने मारुती बरोबर नवीन वाहनांसाठी फायनान्स देण्यासाठी करार केला.

भारतावर आता टोळधाडीचे नवे संकट आले आहे. यासाठी केंद्र सरकारने राजस्थान, गुजरात, उत्तर प्रदेश, पंजाब, हरयाणा, महाराष्ट्रा या राज्यांना अडवायझरी इशू केली आहे. या टोळधाडीचा निःपात करण्यासाठी ड्रोन, फायर ब्रिगेडचा वापर केला जाईल यासाठी केंद्र सरकारने ६० स्प्रे पम्प, ५० व्हॅन मागवल्या आहेत अरकारने ५३००० किलो लिटर पेस्टसाईड्स खरेदी केले आहे.

अर्थमंत्रालय आणि नीती आयोग यांच्यात हेल्थ सेक्टर, रिअल्टी सेक्टर, एव्हिएशन सेक्टर हॉस्पिटॅलिटी सेक्टर यांना १०% अंशतः क्रेडिट गॅरंटी स्कीम मंजूर करण्यावर चर्चा झाली. यामुळे या सेक्टरमधील कंपन्यांच्या शेअर्समध्ये तेजी आली.
‘मेलेलं कोंबडं आगीला भीत नाही’ अशी मराठीत म्हण आहे. सद्यःस्थिती अशीच आहे. कोरोनाच्या बातम्यांनी लोक कंटाळले आहेत आणि भयभीतही झाले आहेत. चीन आणि USA च्या भांडणात नावीन्य काहीच नाही. कोणाला काहीच सुचत नाही. सरकार पैसा ओतत आहे पण उद्योगविश्व त्याचा फायदा उठवण्याच्या मनःस्थितीत नाही.तुम्ही कर्ज द्यायला तयार असाल पण मागणीच नाही.व्याजदर कितीही कमी केले तरी नोकरीची शाश्वती नाही तर कर्जाचे हप्ते कसे चुकवणार समाजातील प्रत्येक घटक कॅशमध्ये राहणे पसंद करत आहे.

सध्या जे कंपन्यांचे फायनान्शियल रिझल्ट येत आहेत ते जानेवारी, फेब्रुवारी, मार्च या तिमाहीचे आहेत. म्हणजेच चौथ्या तिमाहीचे आणि त्याचबरोबर पूर्ण वर्षाचे निकाल आहेत. मार्च २०२०च्या शेवटच्या आठवड्यात लॉकडाऊन झाले पण निकाल मात्र खूपच खराब दिसत आहेत. एप्रिल मे जून २०२० या कालावधीचे म्हणजेच या वर्षाच्या पहिल्या तिमाहिचे निकाल कसे येतील याची कल्पनाच केलेली बरी ! हे तिन्ही महिने लॉकडाऊन आहे त्यामुळे सावध राहायला पाहिजे. जर लवकर कोरोनाप्रतिबंधक लस मिळाली किंवा कोरोनावर प्रभावी औषध मिळाले तरच अर्थव्यवस्थीला संजीवनी मिळेल.
सध्या USA ,युरोपमधील देश दुसरे पॅकेज देण्याच्या तयारीत आहेत. जपान तर US $ १ ट्रिलियनचे पॅकेज देणार आहे. त्याचे कारणही असेच आहे. सध्या पूर्ण क्षमतेने काम होणार नाही त्यामुळे कंपन्यांना उत्पादन करणे फायदेशीर होणार नाही. म्हणून पगारात कपात, कामगारांना कमी केले जाईल. अर्थव्यवस्थेत अस्थिरता आणि समाजामध्ये भय या गोष्टींचे थैमान चालू आहे. पण मार्केटमध्ये तेजी येत आहे ही गोंधळात टाकणारी स्थिती आहे. अर्थव्यवस्थेत पैसा ओतला जात आहे आणि हा पैसा मार्केटमध्ये येत आहे. म्हणजेच या मार्केटमधील तेजीचा कंपन्यांच्या /अर्थव्यवस्थेच्या प्रगतीशी संबंध नाही. मोडकळीला आलेल्या घराला रंगरंगोटी केली की तात्पुरते चांगले दिसते. पण प्रत्यक्षात तसे नसते. आपण मराठीत म्हणतो ‘दिसते तसे नसते म्हणून जग फसते’ किंवा ‘चकाकते ते सर्व सोने नसते’ तशी मार्केटची स्थिती आहे. म्हणून मार्केटमध्ये फसगत किंवा नुकसान होण्याची शक्यता संभवते. मार्केटचे सूक्ष्म निरीक्षण करून वेळेवर एंट्री आणि एक्झिट केली पाहिजे. स्ट्रिक्ट स्टॉपलॉस हवेत आणि गुंतवणुकीसाठी २ ते ३ वर्षांचा दृष्टीकोन ठेवायला हवा.

सरकार गॅस बेस्ड अर्थव्यवस्था तयार करण्याच्या प्रयत्नात आहे. मेगा गॅस स्टोअरेज फॅसिलिटी तयार करणार आहे . ONGC आणि गेल यामध्ये भाग घेणार आहेत.सरकार या विषयीच्या PESO च्या ( पेट्रोलियम आणि एक्सप्लोजीव सेफ्टी ऑर्गनायझेशन) नियमात बदल करणार आहे. AEGIS लॉजिस्टिक्स ही कंपनी या क्षेत्रात काम करते. या कंपनीचा व्यवसाय वाढू शकेल यांचे नेट वर्क चांगले आहे. महत्वाच्या ठिकाणी यांची टर्मिनल्स आहेत. उदा मुंबई, हल्दिया, कांडला, पिपावाव, कोची मँगलोर

आज खालीलप्रमाणे जून सीरिजसाठी रोलओव्हर झाले.
९२% :- ग्रासिम ८९% :- पेट्रोनेट LNG ८८% ;- HDFC, महानगर गॅस, ८७% ;- अडानी एंटरप्रायझेस, ICICI प्रु, इंडसइंड बँक ८६% :- SBI लाईफ, कोलगेट ८५% :- टायटन, काँकॉर, ८५% अडानी पोर्ट, मेरिको, एशियन पेंट्स.

फेडरल बँकेचे चौथ्या तिमाहीचे निकाल चांगले आले. प्रॉफिट Rs ३०१.२० कोटी, NII Rs १२१६ कोटी, इतर उत्पन्न Rs ७११ कोटी, GNPA २.८४% NNPA १.३१% होते. प्रोव्हिजन Rs ५६७.५० कोटींची केली.

TVS मोटर्सचे प्रॉफिट Rs ७३.८० कोटी, उत्पन्न Rs ३४८१ कोटी, मार्जिन ७% होते. कंपनीला वन टाइम लॉस Rs ३२.६ कोटींचा झाला. उज्जीवन फायनान्स या कंपनीचे निकाल चांगले आले.

AB फॅशन्स, हेरिटेज फूड्स या कंपन्या फायद्यातून तोटयात गेल्या.

LT फूड्स या कंपनीच्या प्रॉफीटमध्ये लक्षणीय वाढ झाली.

BSE निर्देशांक सेन्सेक्स ३२२०० NSE निर्देशांक निफ्टी ९४९० बँक निफ्टी १९१६९ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २७ मे २०२०

आज क्रूड US $ ३५.२६ प्रती बॅरल ते US $ ३६.०० प्रती बॅरल या दरम्यान तर रुपया US $१=Rs ७५.६३ ते US $ १= Rs ७५.७२ या दरम्यान होते. US $ निर्देशांक ९९.१७ तर VIX ३१.४७ होते. PCR १.१५ होता.

USA मध्ये मार्केट तेजीत होती कारण USA मधील होमसेल्सचे आकडे सुधारले. हॉन्गकॉन्गसाठी चीनवर नवे निर्बंध लावण्याची तयारी USA करत आहे. हॉन्गकॉन्ग मध्ये चीनविरुद्ध निदर्शनाची तयारी होत आहे. चीनच्या ५ कंपन्या सरकारच्या मदतीने कोरोनावर प्रतिबंधक लस शोधत आहेत. युरोपियन युनियन कमिशनने COVID १९ पॅकेज जाहीर केले.

फ्रान्सने ऑटो उद्योगासाठी रिलीफ पॅकेज जाहीर केले.USA आणि चीन यांच्यातील तणावामुळे चीनचे चलन युआन ९ महिन्यांच्या लोएस्ट लेव्हलवर होते.

पर्यटन मंत्रालयाने हॉटेल्स, accommodation युनिट्स साठी मंजुरी तसेच त्यांचे क्लासिफिकेशन ३० जूनपर्यंत वाढविली तसेच सर्व प्रकारचे ‘TOUR OPERATORS, ट्रॅव्हल एजंट्स, आणि टुरिस्ट ट्रान्सपोर्ट ऑपरेटर्स यांच्या लायसेन्सची मुदत सहा महिन्यांपर्यंत वाढवली. ही लायसेन्स २० मार्चआधी संपलेली आणि त्यांच्या नूतनीकरणासाठी अर्ज केलेली असली पाहिजेत.

उद्या मे महिन्याच्या F&O विभागाची एक्स्पायरी आहे . त्यामुळे आज बरेच शॉर्टकव्हरिंग झाले . बँकिंग, आयटी आणि मेटल क्षेत्रात खरेदी झाली .७ एप्रिलनंतर आज बँकिंग सेक्टरसाठी चांगला दिवस होता भारती एअरटेल, HUL चे शेअर्स HEDGE फंड आणि ETF द्वारे विकले जात आहेत. आणि ‘LONG ONLY ‘ फंड्स खरेदी करत आहेत.

उद्या (दि. २८ मे २०२०) इंटरमिनीस्टेरियल ग्रुपची बैठक होईल आणि निर्गुंतवणुकीवर विचार केला जाईल. विशेष म्हणजे सेलच्या तीन तोट्यात जाणाऱ्या युनिट्सची विक्री (दुर्गापूर, सालेम, भद्रावती), शिपिंग कॉर्पोरेशन ऑफ इंडिया (EOI (एक्स्प्रेशन ऑफ इंटरेस्ट ) ड्राफ्ट ) चा विचार केला जाईल. बीपीसीएलच्या EOI ची मुदत 31 जुलै 2020 पर्यंत वाढवली .
कोटक महिंद्रा बँकेच्या QIP इशूला इन्स्टिट्यूशनल इन्व्हेस्टर्स आणि FII कडून चांगला प्रतिसाद मिळाला. Rs ७५०० कोटी रुपयांचा इश्यू Rs ११४७.७५ प्रती शेअर या फ्लोअर प्राइसवर २९ मे २०२० रोजी उघडेल. या इशूसाठी दुप्पट शेअर्ससाठी अर्ज प्राप्त झाले आहेत. कालचा क्लोज भाव Rs ११५२.४५ होता त्यावर ०.५% सूट दिली.सेबीच्या नियमानुसार इशुअर ५%पर्यंत सूट देऊ शकतो

आज, T टू T या ग्रुपमध्ये 12 कंपन्यांचे शेअर्स समाविष्ट केले जातील तर २२० कंपन्यांचे शेअर्स बाहेर पडतील. प्राज इंडस्ट्रीजने आपला शेअर बायबॅक रद्द केला. जिओ प्लॅटफॉर्मचा आयपीओ पुढील वर्ष-दीड वर्षात परदेशात लाँच केला जाईल.

साखरेच्या किमती वाढत आहेत. साखरेचे उत्पादन कमी झाले. साखर कारखानदारांनी ऊस उत्पादक शेतकऱ्यांना त्यांची रक्कम दिलेली नाही. ही रकम देता यावी म्हणून सरकार या साखर उत्पादक कारखान्यांना सॉफ्ट लोन देण्याची शक्यता आहे या बातमीनंतर साखर उत्पादक कारखान्यांच्या शेअर्समध्ये तेजी आली. उदा धामपूर शुगर,द्वारिकेश शुगर

बायोकॉनच्या ‘CYTOSORB’ या औषधाचा उपयोग क्रिटिकल कोरोना रुगणांच्या उपचारात करायला DCGI ने परवानगी दिली.

आता भारतावर टोळधाडीचे संकट येत आहे.आता नुकतेच बंगाल आणि ओडिशा येथे वादळ येऊन गेले. वादळाच्या वेळी टोळ एका ठिकाणाहून दुसऱ्या ठिकाणी स्थलांतरीत होतात.. ११ एप्रिल २०२० राजस्थान २५ मे २०२० रोजी झाशी येथे टोळधाड आली. .आता या टोळधाडीचा धोका छत्तीसगड, मध्य प्रदेश, गुजरात, पंजाब आणि उत्तर प्रदेश या राज्यांना आहे. संध्याकाळी 7 ते 9 दरम्यान अधिक काळजी घ्यावी लागते आणि कीटकनाशकांची फवारणी करावी लागते . कीटकनाशके वेळेवर न वापरल्यास शेतकर्‍यांचे मोठे नुकसान होण्याची शक्यता आहे.परिणामी कीटकनाशकांची किंवा ऍग्रोकेमिकल्सची मागणी वाढेल. याचा परिणाम म्हणून कीटकनाशक उत्पादक कंपन्या उदा :- यूपीएल, पीआय इंडस्ट्रीज, बायर (इंडिया), इन्सेक्टीसाईड्स इंडिया झुआरी ऍग्रो या ऍग्रो केमिकल क्षेत्रातील कंपन्यांमध्ये तेजी आली.

टॉरंट फार्माचा चौथा तिमाही निकाल चांगला लागला. नफा 314 कोटी रुपये, उत्पन्न 1946 कोटी, मार्जिन 28.2% होते.
कोरोमंडळ इंटरनॅशनलचे निकाल चांगले आले. प्रॉफिट Rs २३४ कोटी, Rs २८६९ कोटी तर मार्जिन १३.५% होते.
सन फार्मा चे प्रॉफिट Rs ३९९.८ कोटी उत्पन्न Rs ८१८४ कोटी, मार्जिन १६.७% होते. कंपनीला Rs २६० कोटी वन टाइम लॉस झाला.

डाबर इंडस्ट्रीजला Rs २८१ कोटी प्रॉफिट, Rs १८६५ कोटी उत्पन्न झाले. मार्जिन १८.९% राहिले. दीपक नायट्रेट आणि KPIT TECH यांचे चौथ्या तिमाहीचे निकाल चांगले आले.

मॅक्स फायनान्सियल ही कंपनी फायद्यातून तोट्यात गेली. कंपनीला Rs ३६ कोटी तोटा झाला. उत्पन्न Rs ४२६४ कोटी झाले.

BSE निर्देशांक सेन्सेक्स ३१६०५ NSE निर्देशांक निफ्टी ९३१४ बँक निफ्टी १८७१० वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!