Tag Archives: Bhagyashree Phatak

आजचं मार्केट –  १५ जानेवारी २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  १५ जानेवारी २०२१

आज क्रूड US $ ५५.६४ प्रती बॅरल ते US $ ५६.२४ प्रती बॅरल या दरम्यान तर रुपया US $१= Rs ७३.०१ ते US $१= Rs ७३.१२ या दरम्यान होते. US $ निर्देशांक ९०.३३ VIX २४.६७ PCR १.५३ होते.

सिनेटची बैठक लवकरात लवकर १९ जानेवारीला बोलावता येणार असल्यामुळे ट्रम्प यांच्या इम्पीचमेंटवर निर्णय १९ तारखेनंतरच होऊ शकतो. आज बिडेन यांनी US $ १.९० ट्रिलियनचे पॅकेज देऊ असे जाहीर केले. या पॅकेज अंतर्गत प्रत्येक USA नागरिकाच्या बचत खात्यात US $ १००० जमा होतील. US $ १ ट्रिलियन फॉर इंडिविज्युअल्स आणि फॅमिली साठी असतील US $ ४१५ बिलियन कोरोनाच्या संकटासाठी, US $ ४४० बिलियन उद्योगांसाठी खर्च केले जातील. US $ ३०० ते US $ ४०० साप्ताहिक बेकार भत्ता दिला जाईल. USA मध्ये सत्तेवर येणाऱ्या नवीन सरकारची ध्येय धोरणे स्पष्ट झाल्यावर मार्केटला एक निश्चित दिशा मिळेल.

आज यूरोपमधील देशातील लॉकडाऊनमुळे आणि USA ,यूरोपमध्ये झालेल्या कोरोनाच्या नव्या प्रादुर्भावामुळे क्रूडसाठी मागणी कमी झाली. सोन्यात माफक तेजी तर चांदीत मंदी होती.

टाटा स्टील लॉन्ग प्रॉडक्ट्स ,डेन नेटवर्क्स या कंपन्यांचे तिसऱ्या तिमाहीचे निकाल चांगले आले.

युनिकेम लॅब या कंपनीच्या आर्थ्रायटिस वरील औषधाला, (जे आतापर्यंत फायझरच बनवत होते) USFDA ने मंजुरी दिली. ह्या औषधाचे उत्पादन कंपनीच्या गोवा प्लॅन्टमध्ये केले जाईल. फायझर या कंपनीने आर्थ्रायटिस संबंधित औषधा साठी औरोबिंदो फार्मावर केस टाकली.

डाबर ही कंपनी आता ‘घी’ च्या उत्पादनात उतरली आहे. हे ‘घी’ Rs ५९० प्रति लिटर या दराने विकले जाईल.
निफ्टीच्या अर्धवार्षिक रिव्ह्यूमध्ये यावेळी ‘GAIL’ च्या जागी टाटा कन्झ्युमर प्रॉडक्ट्स चा समावेश केला जाईल.टाटा कन्झ्युमर प्रॉडक्ट्सने वेलनेस प्रॉडक्ट्सबरोबरच इम्युनिटी बूस्टर्स वर फोकस ठेवला आहे.टाटा कंझ्युमर्सने आता D टू C म्हणजेच डायरेक्ट टू कन्झ्युमर क्षेत्रात पुष्कळ उत्पादने आणण्याचे लक्ष्य ठेवले आहे. त्या प्रमाणे टेटली टी, संपन्न ब्रँडचे मसाले, डाळी, इन्स्टंट टी आणि कॉफी इत्यादी प्रॉडक्ट्स ते मार्केट मध्ये आणत आहेत /आणणार आहेत. फ्री फ्लोट मार्केट कॅपचा विचार करून असे बदल करतात. गेलची मार्केटकॅप Rs ३०००० कोटी तर टाटा कन्झ्युमर प्रॉडक्ट्सची मार्केट कॅप Rs ३६००० आहे. यामुळे FMCG क्षेत्रातील HUL, नेस्ले, ITC आणि टाटा कन्झ्युमर प्रॉडक्ट्स असे चार शेअर्स निफ्टी मध्ये असतील.

MSCI इंडेक्सच्या फेब्रुवारी २०२१ मध्ये होणाऱ्या रीबॅलन्सिंग मध्ये भारती एअरटेलच्या वाढलेल्या FI (१००%) लिमीटचा विचार केला जाईल.

IRCTC आता ‘रेडी टू ईट’ पॅक्ड फूड गाड्यांमध्ये सर्व्ह करणार आहे. उदा. हल्दीराम, ITC, MTR, वाघ बकरी चहा.

PFC ही सरकारी क्षेत्रातील कंपनी बॉण्ड इशू करणार आहे. हे बॉण्ड ३,५.१०, १५ वर्षे मुदतीचे असतील. ह्यापासून मिळणारे उत्पन्न करपात्र असेल. १५ वर्षे मुदतीच्या बॉण्डसाठी व्याजाचा दर ७.१५% असेल. हा बॉण्ड्स इशू १५ जानेवारी २०२१ ते २९ जानेवारी २०२१ दरम्यान ओपन राहील. Rs ५००० कोटींच्या दोन टप्प्यात हा इशू येईल. या इशुत ८०% कोटा रिटेल गुंतवणूकदारांसाठी राखीव असेल.

ट्रायडंट या टाटा ग्रुपच्या कंपनीला मेथड ऑफ मॅन्युफफॅक्चरिंग फॅब्रिकचे पेटंट मिळाले.

मारुती सुझुकीचा ऑन लाईन फायनान्स प्लॅटफॉर्म ‘मारुती सुझुकी एरेनासा’ठी लाँच झाला.मारुती सुझुकीने स्मार्ट फायनान्स प्लॅटफॉर्म लाँच केला.

साखरेच्या किमती आंतरराष्ट्रीय मार्केटमध्ये एप्रिल २०१७ नंतरच्या कमाल स्तरावर आहेत. ब्राझीलमध्ये साखरेचे उत्पादन कमी झाले आहे. तर भारतात मात्र साखरेचे उत्पादन ४२% ने वाढून ११० लाख टन झाले आहे. भारतातून यावेळी साखरेची चांगली निर्यात होईल.

CEAT ही कंपनी रॉयल एन्फिल्ड इंटरसेप्टर ६५० CC बाईक साठी टायर्सचा सप्लाय करेल.

ABB इंडियाला सुरत वॉटर सप्लाय कडून १० लाख घरांना पाणीपुरवठा करण्यासाठी आवश्यक असलेल्या इलेक्ट्रिक उपकरणांसाठी ऑर्डर मिळाली.

वेदांताची पब्लिक ऑफर ४ मार्च २०२१ रोजी ओपन होऊन १८ मार्च २०२१ ला बंद होईल.

CESC ने जाहीर केलेल्या Rs ४५ लाभांशाची रेकॉर्ड डेट २५ जानेवारी २०२१ असून ५ फेब्रुवारी किंवा त्यानंतर हा लाभांश तुमच्या बचत खात्यात जमा केला जाईल.

‘GAIL’ ने आज झालेल्या बोर्ड ऑफ डायरेक्टर्स च्या बैठकीमध्ये Rs १५० प्रती शेअर टेंडर ऑफर रूटने ६.९८ कोटी शेअर्सच्या बायबॅकसाठी आणि Rs २.५० प्रती शेअर लाभांशाची घोषणा केली. शेअर बायबॅक आणि लाभांशासाठी २८ जानेवारी २०२१ ही रेकॉर्ड डेट असेल. GAIL यासाठी Rs १०४६.३० कोटी खर्च करेल.

आज HCL टेक या IT क्षेत्रातील मोठ्या कंपनीचे तिसर्या तिमाहीचे निकाल जाहीर झाले.

EBIT मार्जिन २२.९% होते. कंपनीला Rs ३९६९ कोटी प्रॉफीट झाले. कंपनीने EBIT मार्जिन गायडन्स २१% ते २१.५% तर ग्रोथ गायडन्स २% ते ३% दिला आहे. US $ रेव्हेन्यू ग्रोथ ४.४% होती. कंपनीने Rs ४ प्रती शेअर लाभांश जाहीर केला. ऑपरेटिंग इन्कम Rs ४४१६ कोटी झाले .

आज PVR या मल्टिप्लेक्सेसच्या मालक असलेल्या कंपनीचे तिसऱ्या तिमाहीचे निकाल जाहीर झाले. कंपनी फायद्यातून तोट्यात गेली. हे अपेक्षित होते कारण कोरोनाकाळातील सगळ्यात जास्त प्रतिकूल परिणाम झालेला एंटरटेनमेंट हा उद्योग आहे. कंपनीला Rs ४९ कोटी तोटा झाला. कंपनीचे उत्पन्न Rs ४५ कोटी तर इतर उत्पन्न Rs २७४ कोटी होते. आता बहुतांश राज्यातून मल्टिप्लेक्सेस ओपन होत आहेत म्हणून या कंपनीला त्याचा फायदा होईल.

मी आज तुम्हाला HCL टेक चा विकली चार्ट देत आहे. या चार्टमध्ये हेवी व्हॉल्यूमने शूटिंग स्टार पॅटर्न दिसत आहे. हा पॅटर्न ट्रेड रिव्हर्सल दाखवतो. हा पॅटर्न टॉपला तयार होतो. बर्याच दिवसांच्या तेजीनंतर बनतो. आज कंपनीचे तिमाही निकाल जाहीर झाल्यावर शेअरमध्ये प्रॉफिट बुकिंग झाले. या पॅटर्ननंतर जी कँडल तयार होते ती पाहावी लागते. हा पॅटर्न इन्व्हर्टेड हॅमरसारखा असतो. या पॅटर्ननंतर मंदी सुरु होते.

BSE निर्देशांक सेन्सेक्स ४९०३४ NSE निर्देशांक निफ्टी १४४३३ बँक निफ्टी ३२२४६ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  १४ जानेवारी २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  १४ जानेवारी २०२१

आज क्रूड US $ ५५.८८ प्रती बॅरल ते US $ ५६.०४ प्रती बॅरल या दरम्यान तर रुपया US $१=Rs ७३.०१ ते US $१= Rs ७३.१४ या दरम्यान US $ निर्देशांक ९०.३९ VIX २३.०९ आणि PCR १.६९ होते.

USA मध्ये अध्यक्ष डोनाल्ड ट्रम्प यांच्या इम्पीचमेंटचे विधेयक खालच्या सभागृहात( हाऊस ऑफ रिप्रेझेन्टेटिव्ह्ज) मंजूर झाले. आता हे विधेयक USA च्या सिनेटमध्ये प्रस्तावित केले जाईल. अध्यक्षांच्या इम्पीचमेंटसाठी जर सिनेटची मंजुरी मिळाली तर USA मध्ये लोकक्षोभ उसळेल आणि बिडेन यांच्या शपथविधीला थोडा उशीर होण्याची शक्यता वर्तवली जात आहे. यामुळे सहाजिकच रिलीफ पॅकेज येण्यासाटी उशीर होईल.तसेच USA च्या अर्थव्यवस्थेची स्थिती सुधारत आहे यामुळे FII ची गुंतवणूक कमी होण्याची शक्यता वर्तवली जात होती. यूरोपमधील देशांमध्येही लॉकडाऊन घोषित होत आहेत. त्यामुळे आज DOWJONES तटस्थ होते पण NASHDAQ आणि S & P मध्ये तेजी होती. US $ मध्ये तेजी असल्यामुळे सोन्यामध्ये माफक तेजी होती. बाकीच्या मेटल्समध्ये मंदी होती.

चीनच्या अर्थव्यवस्थेचे ( आयात आणि निर्यात) आणि ट्रेड सरप्लसचे आकडे चांगले आल्यामुळे आशियायी मार्केट तेजीत होती. जपानमध्ये मात्र कोरोनामुळे विदेशी नागरिकांना प्रवेश बंदी करण्यात आली आहे.

मंत्रिमंडळाने ७३ LCA ( लाईट कॉम्बॅट एअरक्राफ्ट) साठी आणि १० ट्रेनर LCA साठी HAL ( हिंदुस्थान एअरोनाटिक्स) या कंपनीला एकूण Rs ४५६९६ कोटीची ऑर्डर देण्यासाठी मंजुरी दिली.

इनॉक्स लेजर या कंपनीने ३ नवीन तर ११ जुन्या मल्टीप्लेक्सेस मध्ये काम सुरु केले. त्यामुळे या शेअरमध्ये तेजी होती.
आज सरकारने SAIL या कंपनीतील १०% स्टेक विनिवेश करण्यासाठी Rs ६४ फ्लोअर प्राईसवर ( CMP ला १३.५% डिस्काउंटने) OFS आणला आहे. आज हा OFS नॉन रिटेल गुंतवणूकदारांसाठी ओपन होता. त्यांच्यासाठी असलेला कोटा पूर्णपणे भरला.

उद्या हा OFS रिटेल गुंतवणूकदारांसाठी ओपन राहील.

कालच्या ब्लॉगमध्ये इंडिगो पेन्ट्सच्या IPO विषयी माहिती दिली होती . आज त्यांच्या IPO चा प्राईस बँड Rs १४८८ ते Rs १४९० असा निश्चित केला आहे.

डिक्सन टेक्नॉलॉजीच्या बोर्ड ऑफ डायरेक्टर्सची शेअर स्प्लिटवर विचार करण्यासाठी २ फेब्रुवारी २०२१ रोजी बैठक आहे. डिक्सन टेक्नॉंलॉजीने नोकियाबरोबर मोबाईल फोन आणी स्मार्ट TVS ( लॉईड, तोशिबा, नोकिया, इंटेल) चे उत्पादन करण्यासाठी करार केला. डिक्सन टेक्नॉंलॉजीची सबसिडीअरी पॅजेट इलेक्ट्रॉनिक्स ही LG स्मार्ट फोन, HMD ग्लोबलचे फोन आणि लेनोवो ( मोटोरोला) यांच्याही फोनचे असेम्बलिंग करते.

HFCL त्यांच्या हैदराबाद युनिटची ऑप्टिक फायबर केबल प्रॉडक्शन क्षमता १/३ ने वाढवणार आहे. भारती एअरटेल आणि रिलायन्स जिओ मोठ्या शहरात FTTH ( फायबर TO THE होम) नेट वर्क्सचा विस्तार करत आहेत. तसेच भारतात 5G ही लाँच होत आहे. ह्या क्षमतेमुळे कंपनी १०लाख वायरलेस नेटवर्किंग पोर्टफोलिओ (ज्यामध्ये रेडिओज, WIFI ऍक्सेस यांचा समावेश असेल) चे उत्पादन करू शकेल.

LIC ने निपोन लाईफ मॅनेजमेंट मध्ये स्टेक वाढवला. SBI MF ने बंधन बँक, वेदांता, टाटा स्टील यांच्यातला स्टेक कमी केला.

आसाममध्ये ज्या महिला मायक्रो फायनान्स योजनेखाली लोन घेतात त्यांचे कर्ज माफ व्हावे यासाठी विचार विनिमय चालू असल्यामुळे बंधन बँकेवर परिणाम होण्याची शक्यता आहे.

गार्डन रीच शिपबिल्डर्स या सरकारी कंपनीला गयाना या दक्षिण अमेरिकेतील देशाच्या सरकारकडून US $ १.२७ कोटींची ऑर्डर मिळाली.

दिल्लीमधील २०० कोंबड्यांच्या तपासणीत ‘AVIAN’ हा व्हायरस आढळला नाही. निरनिराळ्या राज्यांमध्ये बर्ड फ्ल्यू चा प्रादुर्भाव आढळून आला आहे. आणि त्यामुळे या राज्यात पक्षी मृत्यू पावत आहेत. याचा प्रतिकूल परिणाम वेंकीज, S K M एग्स, आणि गोदरेज अग्रोव्हेट आणि इतर पशु खाद्य विकणाऱ्या कंपन्यांवर झाला.

डिसेंबर २०२० महिन्यासाठी WPI (होलसेल प्राईस इंडेक्स) १.२२% ( नोव्हेम्बरमध्ये १.५५%) होते. मॅन्युफॅक्चर्ड प्रॉडक्ट्स,भाज्या अन्नधान्य यांच्या घाऊक किमतीत मोठी घट झाल्याने हा इंडेक्स कमी झाला

अडाणी एंटरप्रायझेसला NHAI कडून Rs १८३८ कोटींच्या काँट्रॅक्टसाठी LOA मिळाला. त्यामुळे शेअरमध्ये तेजी आली.

टाटा मोटर्सने सफारी SUV चे नवीन व्हरायन्ट लाँच केले.

वेबसोल एनर्जी या कंपनीचा तिसऱ्या तिमाहीचा निकाल चांगला आला.

स्पाईस जेटने असे सांगितले की आमचा डोमेस्टिक बिझिनेस प्रीकोविड लेव्हलच्या ७०% आहे पण आंतरराष्ट्रीय बिझिनेस प्रीकोविड लेव्हलवर येण्यासाठी अजून एक वर्ष लागेल . आम्ही कोरोना व्हॅक्सिनच्या वाहतुकीत जरूर मदत करू. आम्ही आमच्या कार्गो बिझिनेसमध्ये वाढ होईल अशी अपेक्षा करत आहोत. कंपनीकडे आता १७ विमाने आहेत.

डिशमन कार्बोजेन AMCIS या कंपनीच्या OFS मध्ये ( फ्लोअर प्राईस Rs १४५.७०.) नॉन रिटेल कोट्यामध्ये नॉनरिटेल इन्व्हेस्टर्सकडून ६६.८ लाख शेअर्स साठी मागणी आल्यामुळे OFS ओव्हरसबस्क्राईब झाला. आज हा इशू रिटेल गुंतवणुकदारांसाठी ओपन होता.

सरकारने OFS द्वारे FY २१ साठी Rs ४००० कोटी उभारायचे लक्ष्य निश्चित केले आहे. या वर्षी सरकार ६ कंपन्यांमध्ये OFS आणेल. यामध्ये RCF, मिश्र धातू निगम, IRCON, RVNL, NFL, गार्डन रिच शिपबिल्डर्स यांचा समावेश असेल.
आज SIAM ने डिसेंबर २०२० महिन्यासाठी ऑटोविक्रीचे आकडे जाहीर केले. ते असे

पॅसेंजर कार विक्री ८.४% ने वाढून १.४६ लाख युनिट झाली. पॅसेंजर व्हेईकल विक्री १३.६% ने वाढून २.५२ लाख युनिट झाली. टू व्हीलर विक्री ७.४% ने वाढून ११.२० लाख युनिट झाली. युटिलिटी व्हेईकल ची विक्री १९.८% वाढून ९७७८७ युनिट झाली. हे आकडे ऑटो क्षेत्रात रिकव्हरी होत आहे असे दर्शवतात

RBI उद्या पासून १४ दिवस रिव्हर्स रेपो ट्रॅन्झॅक्शन द्वारे Rs २ लाख कोटींची ओपन मार्केटमधून खरेदी करेल. यामुळे अर्थव्यवस्थेतील लिक्विडीटी कमी होईल.

आज मी तुम्हाला इंडस इंड बँकेचा चार्ट देत आहे. आज इंडस इंड बँकेच्या प्रमोटर्सना शेअर वॉरंटस सबस्क्राईब करण्यासाठी मुदतवाढ मिळाली. त्यामुळे आज बँकेचा शेअर कमाल व्हॉल्यूमने वाढत होता. Rs ९५० च्या स्तरावर ब्रेकआऊट झाला आहे.

BSE निर्देशांक सेन्सेक्स ४९५८४ NSE निर्देशांक निफ्टी १४५९५ बँक निफ्टी ३२५१९ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  १३ जानेवारी २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  १३ जानेवारी २०२१

आज क्रूड US $ ५६.७८ प्रती बॅरल ते US $ ५७.२९ प्रती बॅरल या दरम्यान तर रुपया US $१=Rs ७३.१२ ते US $१=७३.२१ या दरम्यान होते. US $ निर्देशांक ९०.२१ VIX २३.८५ PCR १.८० होते.

आज सौदी अरेबियाने सांगितले की उत्पादनातली कपात चालू राहील. USA मधेही क्रूडचा साठा ५८ लाख बॅरलनी कमी झाला. आज क्रूडने US $ ५७ प्रती बॅरलचा टप्पा पार केला. जगात सर्वत्र व्हॅक्सिनेशन सुरू झाले आहे.त्यामुळेही क्रूडसाठी मागणी वाढली. आज सोन्याच्या दरात फारसा बदल झाला नव्हता.

आज मंत्रिमंडळाची महत्वाची बैठक पार पडली. त्यात स्कुटर्स इंडिया ही कंपनी बंद करण्याला मंजुरी मिळाली. MSTC स्कुटर्स इंडियाच्या प्रॉपर्टी विकण्यासाठी व्यवस्थापन करेल. HAL कडून फायटर एअरक्राफ्ट खरेदी करण्यावरही विचार विनिमय झाला.

आज मायनिंग क्षेत्रातील रिफॉर्म्सला मंत्रिमंडळाने मंजुरी दिली. ५०० विविध खनिजांच्या खाणींचा लिलाव केला जाईल. सरकारने खनिज उत्पादन दुप्पट करण्याचे लक्ष्य ठेवले आहे.

सरकारच्या या निर्णयाचा फायदा ओडिशा मिनरल्स, MOIL, हिंदुस्थान कॉपर, NALKO GMDC या कंपन्यांना होणार असल्यामुळे या कंपन्यांच्या शेअर्समध्ये तेजी होती.

टेसला ही ऑटोक्षेत्रातील ख्यातनाम कंपनी बंगलोर येथे आपला प्लांट सुरु करणार आहे. सध्या त्यांनी R & D साठी ऑफिस चालू केले आहे. याचा परिणाम टाटा केमिकल्स आणि हिमाद्री केमिकल्स यांच्यावर होईल. या दोन कंपन्या इलेक्ट्रिक कार्ससाठी इन्फ्रास्ट्रक्चर तयार करत आहेत.

येत्या अंदाजपत्रकात पॉवर इक्विपमेंट मॅन्युफॅक्चर्सना विविध सवलती दिल्या जातील. त्यांना PLI योजना लागू केली जाईल. याचा फायदा थरमॅक्स, ABB, BHEL, सिमेन्स, L &T यांना होईल.

टाटा मोटर्स पॅसेंजर व्हेइकल्सच्या किंमती वाढवणार आहे.

कोल इंडियाने आपले FY २१ साठी भांडवली गुंतवणुकीचे लक्ष्य ३०% ने वाढवून Rs १३००० कोटी केले आहे.ही गुंतवणूक ते मशिनरी, जमीन, रेल्वे साइडिंग मध्ये करतील.

आज इन्फोसिसचे तिसऱ्या तिमाहीचे निकाल आले. कंपनीचे उत्पन्न Rs २५९२७ कोटी ( Rs २४५७५ कोटी) , प्रॉफिट Rs ५१९७ कोटी ( Rs ४८४५ कोटी) मार्जिन २५.४%(२५.३%) कॉन्स्टन्ट करन्सी ग्रोथ ५.३% होती. US $ उत्पन्न US $ ३५१.६ कोटी (US $ ३३१.२ कोटी). इन्फोसिसने रेव्हेन्यू गायडन्स ४.५% ते ५% तर मार्जिन गायडन्स २४% ते २४.५% दिला आहे. कंपनीने ‘कार्टर डिजिटल’ ही डिझाईन एजन्सीमध्ये स्टेक खरेदी केला..

आज विप्रो या कंपनीचे तिसऱ्या तिमाहीचे निकाल जाहीर झाले. प्रॉफिट Rs २९७० कोटी झाला. EBIT मार्जिन २१.६% US $ उत्पन्न US $ २०७ कोटी झाले. IT सर्व्हिसेस रेव्हेन्यू Rs १५३३३ कोटी, कॉन्स्टन्ट करन्सी ग्रोथ ३.४% होती.
भारती एअरटेलला डिपार्टमेंट ऑफ टेलिकम्युनिकेशनने कंपनीसाठी FI ची लिमिट १००% मंजूर केली आहे. कंपनीने आज स्टॉक एक्स्चेंजना सांगितले की आम्ही आम्हाला १००% FI गुंतवणुकीसाठी मिळालेली मंजुरी आम्ही डिपॉझिटरीजना कळवणार आहोत. यामुळे विविध निर्देशांकात कंपनीचे वेटेज वाढेल. त्यामुळे जेव्हा या निर्देशांकाचे रीबॅलन्सिंग होईल तेव्हा भारती एअरटेलमध्ये मोठी गुंतवणूक येण्याची शक्यता आहे. यामुळे आज भारती एअरटेलच्या शेअरमध्ये तेजी आली.
CESC (Rs ४५ प्रती शेअर लाभांश), GTPL हाथवे, हरिता सीट्स, हरिता सीट सिस्टिम्स ह्या कंपन्यांचे तिसऱ्या तिमाहीचे निकाल चांगले आले.

सरकारी मालकीच्या IRFC ( इंडियन रेल्वे फायनान्स कॉरपोरेशन) या कंपनीचा Rs ४६३३.४० कोटींचा IPO १८ जानेवारीला ओपन होऊन २० जानेवारीला बंद होईल. याचा प्राईस बॅण्ड Rs २५ ते Rs २६ असून मिनिमम लॉट ५७५ शेअर्सचा आहे. ही कंपनी मुख्यतः रेल्वेला रोलिंग स्टॉक घेण्यासाठी फायनान्सची व्यवस्था करते. ह्या कंपनीचे NBFC म्हणून RBI कडे रजिस्ट्रेशन आहे आणि ही इन्फ्रास्ट्रक्चर लिजिंग फायनान्स या प्रकारात मोडते. हा OFS असल्यामुळे या IPO ची प्रोसिड्स सरकारला मिळतील;

GMM फौडलर या कंपनीची लाभांशावर विचार करण्यासाठी २० जानेवारी २०२१ रोजी बैठक आहे. या लाभांशासाठी रेकॉर्ड डेट .२९ जानेवारी असेल.

DCM श्रीराम या कंपनीची १९ जानेवारी २०२१ रोजी लाभांशावर विचार करण्यासाठी बैठक आहे.

SRF या कंपनीची २१ जानेवारी रोजी लाभांशावर विचार करण्यासाठी बैठक आहे. लाभांशासाठी १ फेब्रुवारी २०२१ ही रेकॉर्ड डेट आहे.

सुवेन फार्मास्युटिकल या कंपनीमध्ये ३०% स्टेक ( प्रमोटर्सच्या ६०% स्टेक पैकी) घेण्यासाठी BLACKSTONE, वॉरबर्ग पिनकस, आणि CVC कॅपिटल पार्टनर्स यांनी स्वारस्य दाखवले आहे. हा स्टेक खरेदी केल्यानंतर २६% स्टेक साठी ओपन ऑफर आणली जाईल. यामुळे या गुंतवणूकदारांनी कंपनीतील ५६% स्टेक Rs ६५०० कोटींना खरेदी केल्यासारखे होईल.

आज मी तुम्हाला नेलकास्ट या कंपनीचा मंथली चार्ट देत आहे. ही ऑटो अँसिलिअरीज क्षेत्रातील कंपनी असून कमर्शियल वेहिकल्स आणि ट्रॅक्टर्सला कंपोनंट पुरवते. ह्या कंपनीच्या ग्राहकांच्या यादीत टाटा मोटर्स अशोक लेलँड, M & M या कंपन्यांचा समावेश आहे. कोरोनाच्या काळात या कंपनीने आपल्या उत्पादन क्षमतेत वाढ केली. मेट्रो आणि भारतीय रेल्वेलाही पुरवठा करतात. उत्पादने इलेक्ट्रिक वेहिकल्समध्येही उपयोगी आहेत. प्रमोटर्स होल्डिंग ७४.५ % आहे. कंपनीचे तिसऱ्या तिमाहीचे निकाल चांगले येतील. त्यामुळे या शेअरमध्ये, ऑटो क्षेत्रासाठी असलेल्या मागणीचा विचार करता ब्रेकआऊट अपेक्षित आहे.

BSE निर्देशांक सेन्सेक्स ४९२८९ NSE निर्देशांक निफ्टी १४५६४ बँक निफ्टी ३२५७४ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  १२ जानेवारी २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  १२ जानेवारी २०२१

आज क्रूड US $ ५५.५९ प्रती बॅरल ते US $ ५६.७० प्रती बॅरल या दरम्यान तर रुपया US $१=Rs ७३.३१ ते US $१= Rs ७३.४१ या दरम्यान होते. US $ निर्देशांक ९०.५७ VIX २२.३८ PCR १.८३ होते. सोन्यामध्ये माफक तेजी होती. आज क्रूड तेजीत होते.

सरकारने चीनमधून आयात होणारे DIMETHYL FORMAMIDE वर अँटी डम्पिंग ड्यूटीची मुदत वाढवली. ह्यासंबंधात बालाजी अमाईन्स या कंपनीने तक्रार केली होती.

L & T इन्फोने IBM बरोबर डिजिटल ट्रान्सफॉर्मेशन विथ हायब्रीड क्लाऊडसाठी करार केला. त्यामुळे या शेअरमध्ये तेजी आली.

इंडिगो लेह दरभंगा, आग्रा अशा ७ डोमेस्टिक एअरपोर्टवरून विमान वाहतूक सुरु करणार आहे.

LASA SUPARGENARICS च्या रत्नागिरी प्लाण्टला GMP (गुड मॅन्युफॅक्चरिंग प्रॅक्टिसेस) ची सर्टिफिकेट मिळाले.
सरकार प्रत्येक PSU बँकेसाठी होल्डिंग कंपनी स्थापन करणार आहे. नवीन PSU पॉलिसीप्रमाणे या होल्डिंग कंपन्या काम करतील.

स्टील स्ट्रीप व्हील्सचे प्रॉफिट ६.२९ कोटींवरून Rs २८.७५ कोटी झाले.

१३ जानेवारी २०२१ रोजी विप्रो आणि इन्फोसिस या IT क्षेत्रातल्या दिग्गज कंपन्या आपले तिसऱ्या तिमाहीचे निकाल जाहीर करतील.

इंडिगो पेंट्स या कंपनीचा IPO जानेवारी २०२१ च्या अखेरील येण्याची शक्यता आहे. म्हणून हळू हळू आता पेंट्स उत्पादक कंपन्यांच्या शेअर्समध्ये तेजी येईल. अशियन पेंट्स बर्गर पेंट्स शालिमार पेंट्स, अक्झॉ नोबल, कन्साई नेरोलॅक. या सेक्टरमधील कंपन्यांचे व्हॅल्युएशन रिच आहे.

१५ जानेवारी २०२१ रोजी GAIL च्या बोर्ड ऑफ डायरेक्टर्सची शेअर बाय बॅक आणि लाभांशावर विचार करण्यासाठी बैठक बोलावली आहे.

नॅशनल हाय स्पीड रेल्वे कॉर्पोरेशनकडून RITES या कंपनीला मोठी ऑर्डर मिळाली.

या वर्षीच्या अंदाजपत्रकात स्क्रॅपेज पॉलिसी जाहीर होण्याची शक्यता आहे. त्यामुळे ऑटो क्षेत्रातील शेअर्स मध्ये तेजी होती.
RBI ने नजीकचा भविष्यात होणाऱ्या NPAमधील वाढीविषयी चिंता व्यक्त केली NPA १४% राहतील असा अंदाज व्यक्त केला त्यामुळे बँकांच्या शेअरमध्ये प्रॉफिट बुकिंग झाले.

आज कर्नाटक बँकेने त्यांचे तिसऱ्या तिमाहीचे निकाल जाहीर केले. NII Rs ६१४ कोटी तर प्रॉफिट Rs १३५ कोटी झाले. ग्रॉस NPA ३.१६% आणि नेट NPA १.९७% झाले. NII, प्रॉफिट यामध्ये वाढ झाली तर GNPA आणि NNPA यात घट झाली.

आज टाटा एलेक्सि या कंपनीचे तिसऱ्या तिमाहीचे निकाल जाहीर झाले. प्रॉफिट Rs ७५.४ कोटी वरून Rs १०५ कोटी (QOQ), उत्पन्न Rs ४२३ कोटींवरून Rs ४७७ कोटी झाले.

भारत रसायन ही कंपनी Rs ११५०० प्रती शेअर या भावाने टेंडर रूटने २.२% शेअर्स बायबॅक करेल.
पॉवर ग्रीड या कंपनीने इन्व्हेस्टमेंट ट्रस्ट IPO साठी सेबी कडे अर्ज केले.

DIPAM आता BALMER LAWRIE या कंपनीचे डायव्हेस्टमेन्ट करणार आहे. ही कंपनी सध्या ८ उदयोगात आहे. ही पेट्रोलियम आणि नैसर्गिक गॅस क्षेत्रातील कंपनी असून रिफायनरी, ऑइल फिल्ड सर्व्हिसेस, ट्रॅव्हल आणि VACATION, इंडस्ट्रियल पॅकेजिंग, क्रीजेस आणि ल्युब्रिकंट्स, लेदर केमिकल्स, लॉजिस्टिक्स आणि लॉजिस्टिक्स इन्फ्रा आणि सर्व्हिसेस या बिझिनेसमध्ये आहे. ह्या कंपनीचे वेगवेगळे उद्योग अलग अलग रीतीने विकले जातील. SBI कॅप या कंपनीला ऍडव्हायझर म्हणून नेमले आहे.

आज डिसेम्बरसाठी CPI ( कन्झ्युमर प्राईस इंडेक्स) ४.५९% ( नोव्हेम्बरसाठी ६.९३%) होते. नोव्हेंबर २०२० महिन्यासाठी IIP -१.९ % (ऑक्टोबर २०२०साठी ४.२%) होते.

आंध्र शुगर ही वेगवेगळी केमिकल्स आणि साखरेचे उत्पादन करते. त्याचबरोबर रॉकेट्ससाठी लागणारे लिक्विड आणि सॉलिड प्रॉपेलंट बनवते. कंपनीचे ऑपरेटिंग मार्जिन सुधारले आहे डिसेंबर २०२० च्या हाय Rs ३४७ वर तसेच ऑगस्ट २०२०च्या नंतर ६ महिन्याच्या हायपेक्षा जास्त CMP ( करंट मार्केट प्राईस) वर चालू आहे. चार्टमध्ये हेड आणि शोल्डर पॅटर्न तयार झाला आहे. शेअरमध्ये ब्रेकआऊट होण्याची शक्यता आहे.

आज BSE निर्देशांक सेन्सेक्स ४९५१७ NSE निर्देशांक निफ्टी १४५६३ बँक निफ्टी ३२३३९ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  ११ जानेवारी २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  ११ जानेवारी २०२१

आज क्रूड US $ ५५.१२ प्रती बॅरल ते US $ ५५.५५ प्रती बॅरल या दरम्यान तर रुपया US $१= Rs ७३.२६ ते US $१= Rs ७३.५० या दरम्यान होते. US $ निर्देशांक ९०.३८ VIX २२.५७ PCR १.७५ होते.

जपानची मार्केट्स आज ‘ओल्ड एज डे’ निमित्त बंद होती. USA ची मार्केट्स आज तेजीत होती.

USA, UK, जर्मनी, युरोपमधील कॉरोनाचा प्रादुर्भाव कमी होत नाही. व्हॅक्सिनेशन मोहीम सर्वत्र राबवली जात आहे. फायझर आणि अस्त्राझेनेकाची व्हॅक्सीन्स UK मधील कोरोनाच्या व्हरायन्टवर परिणामकारक सिद्ध होत आहे. USA मधील अनिश्चितता संपली आहे. बिडेन हे २० तारखेला अध्यक्षपदाची शपथ घेतील हे निश्चित झाले आहे. बिडेननी सांगितले की लवकरच US $ २००० पर्यंतचा स्टिम्युलस चेकची USA नागरिकांसाठी तरतूद असलेले पॅकेज आम्ही जाहीर करू. USA मधील ट्रेजरी यिल्ड वाढत आहे. US $ इंडेक्स वाढत आहे त्यामुळे सोन्यामध्ये मंदी आली सोन्यामध्ये इन्व्हर्टेड हेड आणि शोल्डर पॅटर्न तयार झाला आहे US $ जेवढा मजबूत होईल तेवढी कमोडिटीजमधील रिस्की गुंतवणूक कमी होते.ओपेक+ने सांगितले की उत्पादनातली कपात आम्ही मार्चपर्यंत चालू ठेवणार आहोत. तसेच USA मध्ये नवीन पॅकेज जाहीर झाल्यामुळे क्रुडमध्ये तेजी होती. USA च्या स्टॉक एक्स्चेंजवरून तीन चिनी कंपन्या डीलीस्ट झाल्यामुळे MSCI निर्देशांकातील इतर शेअर्सचे वेटेज वाढले. त्यामुळे या शेअर्समध्ये तेजी आली. FII ने Rs ६००० कोटींची खरेदी भारतीय मार्केटमध्ये केली.

आज NSE ने फायनान्सियल सर्व्हिसेस इंडेक्सवरील फ्युचर्स आणि ऑप्शन्स ही डेरिव्हेटिव्ज लाँच केली. ह्या इंडेक्समध्ये २० कंपन्यांचा समावेश आहे त्यात बँकांसकट फायनान्सियलस, NBFC ,इन्शुअरन्स कंपन्या, होम फायनान्सिंग कंपन्या यांचा समावेश आहे. त्यामुळे बँकांच्या शेअर्समध्ये प्रॉफिट बुकिंग करून गुंतवणूकदारांनी या इंडेक्सच्या डेरिव्हेटिव्जमध्ये गुंतवणूक केली असण्याची शक्यता आहे. मार्केटच्या वेळेत USA च्या मार्केट्समध्ये प्रॉफिट बुकिंग झाल्यामुळे आपल्याही मार्केटमध्ये प्रॉफिट बकिंग झाले. . बॉण्ड यिल्ड वाढत असल्यामुळे बँकांच्या शेअर्समध्ये प्रॉफिट बुकिंग झाले. मार्केट गॅपप ओपन झाले. टेक्सटाईल, फर्टिलायझर्स, ऑटो आणि ऑटो अँसिलिअरीज क्षेत्रातील शेअर्समध्ये तेजी होती. तर मेटल, बँका, सिमेंट क्षेत्रात मंदी होती. कारण माननीय मंत्र्यांनी सांगितले की सिमेंट आणि स्टील या क्षेत्रातील कंपन्या सिमेंट आणि स्टील यांचे भाव वाढवत आहेत. सरकार या क्षेत्रासाठी रेग्युलेटरी ऑथॉरिटी नेमण्याचा विचार करत आहे.

विप्रो या कंपनीचा Rs ४०० प्रती शेअर या भावाने ओपन असलेला बायबॅक आज बंद होईल.

इक्विटास या कंपनीने सांगितले की त्यांच्या डिपॉझिट आणि ऍडव्हान्सेस मध्ये वाढ झाली. वेदान्ताने १०% स्टेक खरेदी करण्यासाठी Rs १६० प्रती शेअर या भावाने ( CMP ला हा भाव १२% डिस्काउंटने आहे ) शेअर्स खरेदी करण्यासाठी ओपन ऑफर आणली आहे. यासाठी Rs ५९५२ कोटी खर्च येईल. SEBI च्या नियमाप्रमाणे प्रमोटर होल्डिंग २५% पेक्षा जास्त पण ७५% पेक्षा कमी असेल तर क्रीपिंग अक्विझिशन करून ५% शेअर्स एका फायनान्शियल वर्षात घेऊ शकतात. ५% पेक्षा जास्त अक्विझिशन करायचे असल्यास ते ओपन ऑफर आणून करावे लागते. वेदांताने ५०.१४ % वरून ५५.०४% एवढा स्टेक ब्लॉक डीलच्या माध्यमातून घेतला. डीलीस्टिंगसाठी एक वर्षांचा कुलिंग पिरियड असतो. ३० सप्टेंबर रोजी LIC चा स्टेक ५.५८%, ICICI प्रु MF चा ४.३६% HDFC MF चा स्टेक २.७९% आणि SOCEITE GENERAL चा २.३३% स्टेक आहे.

इन्फ्रा क्षेत्रासाठी डेव्हलपमेंट फायनान्शियल इन्स्टिट्यूशन्स लाँच करण्यावर मंत्रिमंडळाच्या बैठकीत विचार होईल. या इन्स्टिट्यूशनचे सुरुवातीचे भांडवल Rs १ लाख कोटी असेल. यात IIFCL चा समावेश केला जाऊ शकतो.

सदभाव इंजिनीअरिंग या कंपनीला गुजरात मेट्रो रेल प्रोजेक्टसाठी Rs ७८० कोटींचे कॉन्ट्रॅक्ट मिळाले.

कोळसा मंत्रालयाच्या सचिवांनी सांगितले की आतासुद्धा ७२% वीज कोळश्यापासूनच तयार केली जाते. कोळशासाठी असलेली मागणी कमी व्हायला बराच कालावधी लागेल. या महिन्यात कोळशांच्या खाणींच्या कमर्शियल लिलावाचा दुसरा टप्पा सुरु होईल. वेळोवेळी गरज भासेल त्यावेळी आम्ही कमर्शियल कोळशाच्या खाणींचा लिलाव करत राहू. माइनिंग क्षेत्रातील स्ट्रक्चरल रिफॉर्म्स सरकारच्या विचाराधीन आहेत.

TVS मोटर्समध्ये LIC ने आपला स्टेक ६.४६% पर्यंत वाढवला तर FPI गुंतवणूक ११.१५% झाली

DOPE ( डिपार्टमेंट ऑफ पब्लिक इंटरप्रायझेस)नी डिफेन्स, हेवी इंजिनीअरिंग, रेल्वे या क्षेत्रातील कंपन्यांनी निर्यात वाढवण्यावर आपले लक्ष केंद्रित करावे असे सांगितले.

आज GNA एक्सल्स या कंपनीचे तिसऱ्या तिमाहीचे निकाल आले. कंपनीला Rs २६.६ कोटी नफा झाला. तर रेव्हेन्यू Rs २७६ कोटी होता. मार्जिन १७.४% होते. या तिन्ही बाबतीत कंपनीने चांगली प्रगती केली. कंपनीच्या शेअरमध्ये तेजी आली.
J कुमार इन्फ्रा या कंपनीला Rs ८७० कोटींची ऑर्डर गुजरात मेट्रो रेल्वेकडून मिळाली.

उद्या तारीख १२ जानेवारी २०२१ रोजी टाटा एलेक्सि, कर्नाटक बँक, इंडियन बँक यांचे तिसऱ्या तिमाहीचे निकाल जाहीर होतील. १५ जानेवारीला HCL टेक चे तिसया तिमाहीचे निकाल जाहीर होतील.

आज मी तुम्हाला सेण्ट्रम कॅपिटल या कंपनीचा विकली चार्ट देत आहे. या कंपनीची बुक व्हॅल्यू Rs १४.५० आहे. ही कंपनी होम फायनान्स, वेल्थ मॅनेजमेंट, इन्व्हेस्टमेन्ट बँकिंग या व्यवसायात आहे. मॉर्गन स्टॅन्लेने या कंपनीत Rs १९० कोटी गुंतवणूक केली. या कंपनीने सेंट्रल बँक होम फायनान्स ही कंपनी Rs १६० कोटींना खरेदी केली. तसेच L & T फायनान्स या कंपनीकडून सप्लाय चेन विकत घेतली. स्टॅंडर्ड चार्टर्ड आशिया चीफ जसपालसिंग बिंद्रा यांनी सेंटरम ग्रुपच्या CEO पदाची सूत्रे हातात घेतली आहेत. आज TCS च्या मार्केट कॅपने Rs १२ लाख कोटींचा टप्पा पार केला.

BSE निर्देशांक सेन्सेक्स ४९२६९ NSE निर्देशांक निफ्टी १४४८४ बँक निफ्टी ३१९९८ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ८ जानेवारी २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ८ जानेवारी २०२१

आज क्रूड US $ ५४.५३ प्रती बॅरल ते US $ ५४.८६ प्रती बॅरल या दरम्यान तर रुपया US $ १=Rs ७३.२४ ते US $१= Rs ७३.४५ या दरम्यान होते. US $ निर्देशांक ८९.९० VIX २०.६४ PCR १.७१ होते.

युरोप USA आणि UK मध्ये कोरोनाचा प्रादुर्भाव कमी होत नाही त्यामुळे या देशात अधिकाधिक निर्बंध आणि त्याचबरोबर रिलीफ पॅकेजच्या घोषणा होत आहे. फायझर आणि बायोन्टेक आणि अस्त्राझेनेका या दोन व्हॅक्सिन UK मधील नवीन कोरोना व्हरायन्टवर परिणामकारक आहेत असे आढळून आले आहे. त्यामुळे या दोन कंपन्यांच्या शेअर्समध्ये तेजी होती. भारतातही लवकरच व्हॅक्सिनेशन ड्राईव्ह सुरु होईल.

भारतातही १ फेब्रुवारी २०२१ला सादर होणाऱ्या अंदाजपत्रकात उद्योग जगताला सहाय्यक होतील अशा बर्याच सवलती असण्याची शक्यता आहे. त्यामुळे आणि परदेशातून येणाऱ्या गुंतवणुकीमुळे आज सतत १० व्या दिवशी भारतीय मार्केट्स तेजीत असून आज त्यांनी ब्ल्यू स्काय टेरिटरीत प्रवेश केला.सेन्सेक्स आणि निफ्टी आज ऑल टाइम हाय होते.याला जोड मिळाली अंदाजपत्रकातील तरतुदींविषयीच्या उत्सुकतेची. तिसऱ्या तिमाहीचे निकाल चांगले येतील या अपेक्षेने IT, सिमेंट,धातू, केमिकल, ऑटो, खाजगी बँका आणि NBFC तसेच रिअल्टी क्षेत्रातील कंपन्यांच्या शेअर्समध्ये तेजी होती. बँकिंग क्षेत्रातील काही बँकांनी याआधीच डिपॉझिट आणि ऍडव्हान्सेस मध्ये वाढ झाल्याची घोषणा केली आहे.

आज सोने आणि चांदी माफक मंदीत तर क्रूड तेजीत होते

रबराच्या किमती खूप वाढल्या आहेत. मागणी वाढली आहे. याचा परिणाम टायर उद्योगाव्रर होण्याची शक्यता आहे. कोरोनाच्या काळात ग्लोव्जना खूपच मागणी होती.

चहाच्या किमतीही वाढत आहेत. हॅरिसन मल्याळम ही कंपनी तोट्यातून फायद्यात आली आणि या कंपनीचे कर्जही कमी झाले.

टाटा कन्झ्युमर ही कंपनी रॉक सॉल्ट, आणि बिव्हरेजीसमध्ये अनेक इम्युनिटी बुस्टर्स लाँच करणार आहे.

टाटा स्टीलवर आयर्न ओअर आणि कोळशाच्या वाढणाऱ्या किमतीचा परिणाम जाणवणार नाही. त्यांचा या दोन्ही गोष्टीचा कॅप्टिव्ह सप्लाय आहे.

भारतात १५ डिसेम्बरला ३० GW चे रिन्यूएबल एनर्जी पार्क लाँच झाले. हे जगातील सर्वात मोठे एनर्जी पार्क असेल. भारत एनर्जी ट्रान्झिशन करत आहे हे दाखवतो जमिनिची कॉस्ट कमी होईल. अर्थव्यवस्था डिकार्बनाईझ्ड होईल. लँड अक्विझिशनच्या प्रश्नांची जटिलता कमी होईल.. हा UMREP ( अल्ट्रा मेगा रिन्यूएबल एनर्जी पार्क) खावडा या कच्छच्या रिजन मध्ये आहे. सरकारने या साठी जमीन अलॉट केली आहे. याचा फायदा पॉवर ग्रीड, अडाणी पॉवर, NTPC, इनॉक्स ,सुझलॉन यांना होईल.

टेलिकॉम कंपन्यांना स्पेक्ट्रम रिन्यूअलसाठी Rs ५० लाख कोटी लागतील. भारती एअरटेलला Rs १५००० कोटी आणि रिलायन्स जिओ ला Rs २४००० कोटी लागतील. ही प्रक्रिया १ मार्च पासून सुरु होईल.

DGTR ने चीनमधून आयात होणाऱ्या NONYL फिनॉलवर ऍन्टीडम्पिंग ड्युटी बसवण्याचा प्रस्ताव दिला. याचा फायदा आरती ड्रग्स या कंपनीला होईल.

SHRIPADAN इन्व्हेस्टमेंट मॉरिशस ने IDFC मधील ५.४६% स्टेक विकला.

सरकारने चौथ्या तिमाहीसाठी प्रॉयोरिटी क्षेत्रासाठी Rs १०००० कोटींची RoDTEP इन्सेन्टिव्हला मंजुरी दिली.

सरकार डिजिटल व्यवहाराला उत्तेजन देण्यासाठी RUPAY आणि UPI कार्ड द्वारे केलेल्या Rs २००० पर्यंतच्या व्यवहाराला MDR (मर्चन्ट डिस्काउंट रेट) चार्जेस माफ करण्याचा विचार करत आहे. तसेच Rs २००० पुढील व्यवहारासाठी MDR चार्जेसची कमाल मर्यादा ठरवणार आहे. सरकार MDR चार्जेस साठी सबसिडी देण्याचा विचार करत आहे.
याचा फायदा TVS इलेक्ट्रॉनिक्सला होईल..

SBI ने व्याजाच्या दरात ०.३०% सूट दिली तसेच काही निकषानुसार .प्रोसेसींग चार्जेस माफ करण्याची घोषणा केली.
हिमंतसिंगका सिडने ‘वॉल्ट डिस्ने’ बरोबर यूरोपमधील बिझिनेससाठी करार केला. या शेअरमध्ये तेजी आली.
टाटा मोटर्सने टाटा इन्फ्रा V २० ही PV नेपाळमध्ये Rs १९ लाख नेपाळी किमतीला लाँच केली.

SHALBI या हॉस्पिटल चेन चालवणाऱ्या कंपनीचे तिसऱ्या तिमाहीचे निकाल जाहीर झाले. प्रॉफिट Rs १६ कोटी झाले YOY आणि QOQ निकाल चांगले आले.

आज टी सी एस या IT क्षेत्रातील दिग्गज कंपनीने आपले तिसऱ्या तिमाहीचे निकाल जाहीर केले. प्रॉफिट Rs ७४७५ कोटींवरून Rs ८७०१ कोटी झाला.(QOQ) उत्पन्न Rs ४०१३५ कोटीवरून Rs ४२०२० कोटी झाले. EBITD Rs १०५१५ कोटींवरून Rs १११८४ कोटी झाले. EBITD मार्जिन २६.२% वरून २६.६% झाले. Rs ६ प्रती शेअर लाभांश जाहीर केला.
भारत रसायन ही कंपनी १२ जानेवारी २०२१ रोजी शेअर बाय बॅक वर विचार करेल.

१९ जानेवारीला ICICI लोम्बार्ड त्यांचे तिसऱ्या तिमाहीचे निकाल जाहीर करेल.

आज मी तुम्हाला S H केळकर आणि कंपनीचा मंथली चार्ट पाठवत आहे. ही कंपनी परफ्युम उत्पादन, अरोमा इन्ग्रेडियंटसचे उत्पादन करते आणि FMCG फार्मा डेअरी सेक्टरला पुरवते. या कंपनीचे तिसऱ्या तिमाहीचे निकाल चांगले येतील अशी अपेक्षा आहे.८५% शेअर्स मोठ्या इन्व्हेस्टरकडे आहेत. जानेवारी २०१७ मध्ये Rs ३६३ हाय होता. नोव्हेम्बरमध्ये अक्युम्युलेशन आणि डिसेम्बरमध्ये कन्सॉलिडेशन झाले आहे.

BSE निर्देशांक सेन्सेक्स ४८७८२ NSE निर्देशांक निफ्टी १४३४७ बँक निफ्टी ३२०८४ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ७ जानेवारी २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ७ जानेवारी २०२१

आज क्रूड US $ ५४.६२ प्रती बॅरल ते US $ ५४.७५ प्रती बॅरल या दरम्यान तर रुपया US $१=७३.१२ ते US $१= Rs ७३.३३ या दरम्यान होते. US $ निर्देशांक ८९.५४ विक्स २०.२० PCR १.७१ होते .

आज USA मध्ये बऱ्याच नाट्यमय प्रसंगानंतर बिडेन यांच्या संयुक्त सभागृहातील सर्टिफिकेशनच्या मंजुरीचा मार्ग मोकळा झाला.तसेच जॉर्जियातील दोन्ही सीट्स डेमोक्रॅट्सनी जिंकल्यामुळे आता येत्या दोन वर्षांसाठी तरी त्यांना त्यांची धोरणे राबवण्यात अडचणी येणार नाहीत. कारण सभापतीचे कास्टिंगवोट त्यांच्यासाठी बहुमत प्रस्थापित करू शकेल. बिडेन यांनी दिलेल्या आश्वासनानुसार आता एक मोठे रिलीफ पॅकेज येईल या अपेक्षेने USA ची मार्केट्स तेजीत होती. काही कंपन्यांना सक्तीने डीलीस्टिंग करायला लागेल या भीतीने NASDAQ मात्र खाली होता.

आज भारतीय मार्केट्स गॅपप ओपन झाली पण हळू हळू मार्केटमध्ये प्रॉफिट बुकिंग झाले. बजेटमध्ये इन्फ्रा सेक्टरला प्राधान्य मिळेल या अपेक्षेने इन्फ्रा क्षेत्रातील शेअर्स आणि महाराष्ट्रामध्ये पारेख कमिटीच्या रिपोर्टनुसार नवीन इमारती बांधताना जे टॅक्स (कन्स्ट्रक्शन प्रीमियम) भरावे लागतात त्यात ५०% कपात केली. त्यामुळे महाराष्ट्रातील रिअल्टी क्षेत्रातील कंपन्यांच्या शेअर्समध्ये तेजी आली. जे बिल्डर या कन्स्ट्रक्शन प्रीमियम मधील ५०% सवलतीचा फायदा घेतील त्यांना ग्राहकांची स्टॅम्पड्युटी भरावी लागेल. ज्या कंपन्यांकडे लँड बँक आहे पण ज्यांचा मुख्य उद्योग वेगळा आहे. अशा कंपन्यांना फायदा होईल याला PSEUDO रिअल्टी कंपनी असे म्हणतात. स्टॅम्पड्युटीमध्ये कपात, होम लोनवरील व्याजाचा दर कमी,आता त्यांना कन्स्ट्रक्शन प्रीमियममध्ये दिलेली ५०% कपात यामुळे मुंबई आणि महाराष्ट्रामधील रिअल्टी क्षेत्रातील कंपन्यांमध्ये तेजी आली.

ही सवलत ३१ डिसेंबर २०२१ पर्यंत लागू राहील उदा ओबेराय रिअल्टी, पूर्वानकारा, प्रेस्टिज, गोदरेज प्रॉपर्टीज, इंडिया बुल्स रिअल इस्टेट, कोलते पाटील, सन टेक रिअल्टी, शोभा, अजमेरा, बॉम्बे डाईंग, रेमंड, GRAUER वेल

काही IT क्षेत्रातील कंपन्यांनी आता कायम तत्वावर ‘वर्क फ्रॉम होम’ धोरण चालू केले याचा फायदा डेन नेटवर्क्स, हाथवे, GTPL हाथवे, या कंपन्यांना होईल. त्यामुळे या कंपन्यांमध्ये तेजी होती.

अजंता फार्मा यांच्या मधुमेहावरील औषधाला आणि DR रेड्डीज यांच्या ऍनास्थेटिक इंजेक्शनला USFDA कडून मान्यता मिळाली. त्यामुळे या शेअर मध्ये तेजी होती.

टाटा सन्सनी TCS चे ९९९७ कोटी शेअर्स बाय बॅक मध्ये दिले.

Rs २ लाख किंवा त्यापेक्षा जास्त रकमेचे सोने खरेदी करताना KYC करणे अनिवार्य असेल.

PNC इंफ्राटेक मध्ये बरीच ब्लॉक डील झाली त्यात गोल्डमन साखस, फिडिलिटी, SBI म्युच्युअल फंड, निपोन लाईफ, नोमुरा सिंगापूर.यांचा सहभाग होता.

राजस्थान, हिमाचल प्रदेश, झारखंड, मध्यप्रदेश, केरळ या राज्यातील काही जिल्ह्यांमध्ये बर्ड फ्ल्यू चा प्रादुर्भाव झाल्यामुळे या राज्यसरकारांनी प्रतिबंधक उपाय सुरु केले आहेत.पोल्ट्री उद्योगावर आलेले हे मोठे संकट असल्यामुळे वेंकीज, SKM एगग्स, सिमरन फार्म्स ओवोबेल फूड्स या कंपन्यांच्या शेअरमध्ये मंदी आली. त्याच प्रमाणे याचा गोदरेज अग्रोव्हेट आणि इतर पशुखाद्य बनवणार्या कंपन्यांवर प्रतिकूल परिणाम होईल.

WENDT आणि कोरोमंडल युनिव्हर्सल WENDT या कंपनीचे ९४७०४ शेअर्स Rs २२०० प्रती शेअर या भावाने (फ्लोअर प्राईस) विकणार म्हणजे ४.७४% स्टेक OFS च्या माध्यमातून विकणार. प्रमोटर्सचा SEBI च्या नियमानुसार ७५% पेक्षा कमी करण्यासाठी हा ऑस आणत आहे. ऑफ्सची फ्लोअर प्राईस CMP ला २९% डिस्काउंटने असल्यामुळे शेअरमध्ये मंदी आली. ९४७१ शिअर्स रिटेल इन्व्हेस्टर्स साठी राखीव आहेत.

NMDC पन्ना मध्ये वनविभागाच्या परवानगीने डायमंड मायनिंग करणार आहे.

डिक्सन टेक्नॉंलॉजीने ‘boAT’ या कंपनी बरोबर ट्वीन वायरलेस स्पिकर्स बनवण्यासाठी टाय अप केले. UPमधील नोइडातील प्लांट मध्ये या स्पिकर्स उत्पादन केले जाईल. यामुळे शेअरमध्ये लक्षणीय तेजी आली.

चीनमधून आयात होणाऱ्या मेलामाईन वरील इम्पॉर्टड्युटी २ महिन्यासाठी वाढवली. याचा फायदा GSFC ला होईल.
भारती एअरटेलच्या तीन सबसिडीअरीजमध्ये १०० % FDI ला मंजुरी दिली त्यांची नावे अशी. भारती HEXACOM, भारती टेलीसोनिक, भारती टेलिकॉम. भारती एअरटेलला त्यांच्या पेमेंट बँकेमध्ये FDI लिमिट ७४% करण्यासाठी RBI आणि FIPB ने परवानगी दिली. भारती एअरटेलला त्यांच्या स्पेक्ट्रम रिन्यू करण्यासाठी Rs १३००० कोटींची गरज होती. या परवानगी मुळे त्यांना हे पैसे जमावणे सोपे जाईल. त्यामुळे भारती एअरटेलच्या शेअरमध्ये तेजी आली.

८ जानेवारी २०२१ रोजी रिट्स च्या लाभांशाची एक्स डेट आहे.

LIC नी बँक ऑफ बरोडामध्ये ४.४% स्टेक खरेदी केला.

GM ब्रुअरीज या कंपनिचे तिसऱ्या तिमाहीचे निकाल जाहीर झाले. प्रॉफिट ५१% ने वाढले, मार्जिन वाढले. आता बाकीच्या मद्यार्क बनवणाऱ्या कंपन्यांचे निकाल चांगले येतील या अपेक्षेने रॅडिको खेतान, ग्लोबस स्पिरिट्स, युनायटेड स्पिरिट्स या शेअर्स मध्ये तेजी होती.

मी आज तुम्हाला महिंद्रा EPC या कंपनीचा मंथली चार्ट पाठवत आहे. ही कंपनी मायक्रो इरिगेशन क्षेत्रात काम करते. कमीतकमी पाण्याचा वापर जास्तीतजास्त जमीन पाण्याखाली आणण्यासाठी सिस्टिम्स बनवतात. यांना सरकारकडून सब्सिडी मिळते. ही कंपनी M & M नी घेतल्यापासून मार्जिन दुप्पट झाले. Rs २५ कोटींचा फायदा झाला. ही एक DEBT फ्री कंपनी आहे. मंथली चार्टवर हायर हाय आणि हायर लो दिसत आहे इन्व्हर्स हेड आणि शोल्डर ची नेकलाईन पार केली आहे.

BSE निर्देशांक सेन्सेक्स ४८०९३ NSE निर्देशांक निफ्टी १४१३७ बँक निफ्टी ३१९५६ वर बंद झाले.
www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ६ जानेवारी २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ६ जानेवारी २०२१

आज क्रूड US $ ५३.७५ प्रती बॅरल ते US $ ५४.०२ प्रती बॅरल या दरम्यान तर रुपया US $१=Rs ७३.०५ ते US $१= Rs ७३.१७ या दरम्यान होते. US $ निर्देशांक ८९.३८ VIX २०.४६ PCR १.६२ होते.

USA मध्ये दोन्ही सभागृहांची संयुक्त बैठक होईल. त्यात USA चे नवनिर्वाचित अध्यक्ष बिडेन यांचे अध्यक्षपदासाठी सर्टिफिकेशन चालू होईल. विस्कॉन्सिन आणि इतर ५ ते ६ स्टेट्स विरोध करण्याची शक्यता आहे. जॉर्जियाच्या दोन सीट डेमोक्रॅटिक्सनी जिंकल्या तर बिडेन यांचा त्यांचे धोरण राबविण्याचा मार्ग सरळ आणि सोपा होऊ शकेल. त्यामुळे USA च्या अर्थव्यवस्थेमध्ये मोठे बदल होण्याची शक्यता वर्तवली जात आहे. US मॅन्युफॅक्चरिंग डेटा २८ महिन्यांच्या कमाल स्तरावर होता. तर US $ फेब्रुवारी २०१८ नंतरच्या किमान स्तरावर होता. USA मधील तिन्ही निर्देशांक तेजीत होते .

सौदी अरेबियाने उत्पादनात १० mbpd कपात केली. त्यामुळे क्रूड US $ ५४ च्या वर गेले. याचा फायदा ऑइल सोअर्सिंग आणि एक्स्प्लोरेशन कंपन्यांना होईल. ONGC OIL इंडिया HOEC सेलन एक्स्प्लोरेशन, वेदांता (CAIRN) रिलायन्स इंडस्ट्रीज. ज्या कंपन्यांना क्रूड स्वस्त असल्यामुळे फायदा होतो उदा OMC ( ऑइल मार्केटिंग कंपन्या), पेंट्स, टायर्स, केमिकल्स, त्या कंपन्यांचे शेअर्स सध्या तेजीत आहेत. तर ज्या कंपन्यांचा क्रूडचे भाव वाढल्यामुळे तोटा होतो. या कंपन्यांच्या शेअर्सचे भाव कमी आहे. क्रूडचे भाव वाढायला सुरुवात झाल्यामुळे हे चक्र आता उलटायला सुरुवात होईल.

US $ मधील रिकव्हरीमुळे आणि कोरोनाच्या वाढत्या प्रादुर्भावामुळे यूरोपिअन देशात लावलेल्या वाढत्या निर्बंधांमुळे सोने आणि चांदीमध्ये मंदी होती.

आपलेही मार्केट गॅप अप ओपन झाले आणि नंतर प्रॉफिट बुकिंग झाले. मार्केटच्या वेळेच्या उत्तरार्धात पुन्हा मार्केट थोडेफार सावरले.

BEML या सार्वजनिक क्षेत्रातील सरकारी कंपनीला लष्कराकडून हाय मोबिलिटी व्हेहिकल्स सप्लाय करण्यासाठी Rs ७५८ कोटींचे कॉन्ट्रॅक्ट मिळाले. त्यामुळे या शेअरमध्ये तेजी आली.

IRCON ची सबसिडीअरी IRCON DHHL त्यांना दिलेलया Rs ३२६ कोटींच्या लोनची परत फेड IRCON ला केली.
काँकॉर आपल्या सर्व सबसिडीज आपल्यात मर्ज करणार आहे.

बजाज फायनान्सला रिस्क मॅनेजमेंट आणि आउटसोअर्सिंगच्या नियमांचे उल्लंघन केल्याबद्दल Rs २.५ कोटींचा दंड केला.
EDTO नी A ३२०/३२१ NFO इंजिनच्या २९ विमानांसाठी इंडिगो या कंपनीला मंजुरी दिली. SAIL ने फ्लॅट स्टीलचे भाव Rs ४०००/टन ने वाढवला.

बंधन बँक इंडियन आर्मी पर्सोनेलना सॅलरी अकौंट देईल.

स्पाईस जेटने आजपासून २१ नवीन उड्डाणे सुरु केली. यामुळे मेट्रो आणि नॉनमेट्रो मध्ये कनेक्टिव्हीटी वाढेल.
असोसिएशन ऑफ म्युच्युअल फंड्स इन इंडिया ने सेबी नॉर्म्सप्रमाणे शेअर्सचे वर्गीकरण जाहीर केले. प्रत्येक ६ महिन्याला वर्गीकरणामध्ये आवश्यक ते बदल केले जातात. मार्केट कॅपनुसार पहिले १०० लार्ज कॅप. १०१ ते २५० मिडकॅप आणि २५१ पासून पुढे स्मॉल कॅपमध्ये वर्गीकरण केले जाते. अडाणी इंटरप्रायझेस, येस बँक, PI इंडस्ट्रीज, ज्युबिलण्ट फूड्स, हिंदुस्थान एरोनाटिक्स यांचे वर्गीकरण लार्ज कॅप म्हणून केले. म्युच्युअल फंड्स या वर्गीकरणानुसार वेगवेगळ्या प्रकारच्या फंडांमध्ये सेबीच्या गाईडलाईन्स नुसार गुंतवणूक करतात.

IDFC Ist बँकेचा CASA रेशियो २०.९% वरून ४४.६% झाला. डिपॉझिट ४१% वाढून Rs ७७२८९ कोटी तर रिटेल डिपॉझिट्स १००%ने वाढून Rs ५८४३५ कोटी झाले.

आर्चिडप्लाय ही कंपनी Rs ३७ प्रती शेअर या भावाने ८.१४ कोटी शेअर्स टेंडर ऑफर रूटने बायबॅक करेल.
हिंदुस्थान एरोनाटीक्स या कंपनीला ८३ लढाऊ विमानांची ३ वर्ष मुदतीचे Rs ३७००० कोटींचे कॉन्ट्रॅक्ट मिळाले. त्यामुळे या शेअरमध्ये तेजी आली.

टाटा मोटर्सने ‘टाटा सफारी’ चे बुकिंग पुन्हा सुरु केले. UK लँडरोव्हरची विक्री ५.४% ने वाढून ४५४८ युनिट झाली. JLR विक्री १८५५ वरून ३८८६ युनिट्स झाली. त्यामुळे आज टाटा मोटर्सचा शेअर वर होता.

येत्या अंदाजपत्रकात इन्फ्रास्ट्रक्चरसंबंधीत PSU ना उत्तेजन दिले जाईल पॅसेंजर रेल्वेच्या खाजगीकरणावर जोर दिला जाईल, फ्रेट कॉरिडॉर, एअरपोर्ट विस्तारासाठी उत्तेजन दिले जाईल जेम्स आणि ज्युवेलरी वरील इम्पोर्ट ड्युटी कमी केली जाईल, सुट्या सिगारेट्स विक्रीवर बंदी आणि धुम्रपानासाठी वयाची मर्यादा १८ वरून २१ केली जाईल आणि सार्वजनिक ठिकाणी सिगारेटचे सेवन केल्यास Rs २००० दंड लावला जाईल अशी शक्यता आहे.

भारत जपान यांच्यातील स्पेसिफाईड स्किल वर्कर पार्टनरशिपसाठी मंजुरी मिळाली.

भारती एअरटेलने सुप्रीम कोर्टात Rs ४३९८० कोटी ‘AGR’ थकबाकी पूर्णपणे चुकविण्याच्या आदेशात बदली करण्याची विनंती करणारा अर्ज केला.

सध्या फक्त ५७% गाड्यांचा विमा होतो आहे. आता सगळ्या वाहनांचा विमा काढावा लागेल याचा फायदा ICICI लोम्बार्ड या कंपनीला होईल. त्यामुळे आया शेअरमध्ये तेजी आली.

आज मी तुम्हाला SHALBY लिमिटेड या कंपनीचा चार्ट देत आहे. ह्या कंपनीची हॉस्पिटल्सची चेन आहे. ही हॉस्पिटल्स सर्जरीसाठी प्रसिद्ध आहेत. कोरोनाच्या काळात ऑपरेशन्स बंद असल्यामुळे त्यांचे नियमित उत्पन्न कमी झाले होते. पण आता कोरोनाचा प्रादुर्भाव कमी झाल्यामुळे आता त्यांची ऑपरेशन्स पुन्हा सुरु झाली आहेत .बुक व्हॅल्यू Rs ७४ आहे P /B १.७३ आहे. चार्ट मध्ये हायर टॉप हायर बॉटम पॅटर्न फॉर्म झाला आहे. फायनान्सियल परफॉर्मन्स चांगला असून QUALITY मॅनेजमेंट आहे.

BSE निर्देशांक सेन्सेक्स ४८१७४ NSE निर्देशांक निफ्टी १४१४६ बँक निफ्टी ३१७९७ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ५ जानेवारी २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ५ जानेवारी २०२१

आज क्रूड US $ ५०.८१ प्रती बॅरल ते US $ ५१.०४ प्रती बॅरल या दरम्यान तर रुपया US $१ =Rs ७३.११ ते US $१=Rs ७३.१८ या दरम्यान होते. US $ निर्देशांक ८९.७५ VIX २०.४४ PCR १.७४ होता.

आज USA ची मार्केट्स मंदीत होती. UK मध्ये १ महिन्यासाठी नॅशनल लॉक डाऊन जाहीर केला.UK मध्ये US $ ६२० कोटींचे पॅकेज रिटेल, हॉस्पिटॅलिटी आणि LEISURE फर्म्स साठी जाहीर केले. जागतिक मार्केट्स मंदीत असल्यामुळे भारतीय मार्केट गॅप डाऊन ओपन झाले. पण नंतर मार्केटने विशेषतः IT सेक्टर आणि रिअल्टी सेक्टरने तसेच बँक निफ्टीने तेजी पकडली आणि मार्केट चांगलेच सावरले. IT क्षेत्रातील कंपन्यांचे विशेषतः मिडकॅप IT कंपन्यांचे तिसऱ्या तिमाहीचे निकाल चांगले येतील.या अपेक्षेने या कंपन्यांच्या शेअर्समध्ये तेजी होती. तसेच 5G रोलआऊट मुळे IT क्षेत्रात पुष्कळ कॉन्ट्रॅक्ट होतील. ‘वर्क फ्रॉम होम’ कल्चरमुळे त्यांची ऑपरेटिंग कॉस्ट कमी झाली. त्यामुळे ऑपरेटिंग मार्जिन वाढले. कॉन्स्टन्ट करन्सी ग्रोथ चांगली राहील.

इंडस इंड बँकेने Rs २ लाख कोटींची लोन दिली. CASA रेशियो ४०.५ झाला. बँकेची डिपॉझिट Rs २.३९ लाख कोटी झाली.
HDFC बँकेचे डिपॉझिट १९% वाढून Rs १.२७लाख कोटी आणि ऍडव्हान्सेस १६%ने वाढून Rs १.०८ लाख कोटी झाली. CASA रेशियो ४०.५% वरून ४३% झाला.

MSTC ने आंध्र प्रदेशमधील माईन्स आणि जिऑलॉजी डिपार्टमेंट बरोबर MOU केले.

पंतप्रधानांनी कोची मंगलोर गॅस पाइपलाइनचे उद्घाटन केले. या पाइपलाइनचा FACT या कंपनीला फायदा होईल. तसेच हॉऊसहोल्ड सेक्टरला PNG आणि ट्रान्सपोर्ट सेक्टरला CNG चा पुरवठा होईल. हा पुरवठा पर्यावरणपूरक आणि स्वस्त इंधनाचा असेल.

हेरिटेज फूड्स या कंपनीने आपला प्रॉक्सिस होम्स रिटेल अधील पुरा स्टेक Rs ३.९४ कोटींना विकला.

आज डिसेंबर २०२० महिन्यासाठी आर्थीक समीक्षा रिपोर्ट प्रसिद्ध झाला

जूनपासून अर्थव्यवस्थेमध्ये V शेप रिकव्हरी दिसत आहे. व्हॅक्सिनच्या मंजुरीमुळे स्वास्थ्य आणि अर्थव्यवस्था यांच्यात सकारात्मक बदल होतील. सरकार मोठ्या प्रमाणावर व्हॅक्सिनेशनची तयारी करत आहे. एप्रिल ऑक्टोबर २०२० या काळात FDI गुंतवणूक ११% ने वाढून US $ ४६८२ कोटी होती.

सरकार फायनान्सियल इन्वेस्टर्स फॅसिलिटेशन करणार आहे. Rs ५००० कोटीपेक्षा जास्त गुंतवणुकीसंबंधात सरकार तीन दिवसात निर्णय देईल. यात सॉव्हरिन वेल्थ फंड्स पेन्शन फंड्स, व्हेंचर कॅपिटल फंड्स यांचा समावेश असेल.

सरकार अंदाजपत्रकात ऑइल आणि गॅस उद्योगासाठी काही सवलती देण्याची शक्यता आहे. यात रॉयल्टी आणि सेस मध्ये ५०% कपात, परंपरागत आणि अपरंपरागत एनर्जी सोर्सना वेगळी ट्रीटमेंट मिळेल.

नॅशनल फर्टिलायझर लिमिटेड या कंपनीने ९.९९ लाख मेट्रिक टन. युरियाचे रेकॉर्ड उत्पादन केले. नांगल आणि पानिपत येथील त्यांच्या प्लान्टने कोरोना काळातील अडचणी आणि रेलरोको असतानाही रेकॉर्ड युरिया उत्पादन केले. पानिपत प्लॅन्टमध्ये BENTONITE सल्फर या नॉन युरिया खतांचेही उत्पादन वाढले.

कॅडीला हेल्थकेअरने सांगितले की त्यांच्या कोरोना व्हॅक्सिनच्या ट्रायल फेज III मे जून २०२१ पर्यंत पूर्ण होईल.

दिलीप बिल्डकॉनने Rs ८५२ कोटींचे स्पेशल पर्पज व्हेईकल फॉर्म केले. गुजरातमध्ये ४लेन धरॊल ते भाद्रपटीया आणि भद्रपाटीया ते पिपलीया सेक्शनसाठी हे SPV बनवले.

अल्ट्राटेक सिमेंटने NCD रूटने Rs १००० कोटी उभारले.

फायझरने SEC (सब्जेक्ट एक्स्पर्ट कमिटी) समोर ३ वेळा संधी देऊनही प्रेझेंटेशन दिले नाही .

झोमॅटो मध्ये ८४% ग्रोथ झाली . यात इन्फोएजचा स्टेक असल्यामुळे इन्फोएज च्या शेअरमध्ये लक्षणीय तेजी आली.
१ फेब्रुवारी २०२१ रोजी माननीय अर्थमंत्री देशाचे अंदाजपत्रक सादर करतील.

आज मी तुम्हाला प्रीकॉल या ऑटो अँसिलिअरीज क्षेत्रातील कंपनीचा मंथली चार्ट पाठवत आहे. या कंपनीचा मुख्य क्लायंट मारुती आहे. सप्टेंबर २०२० तिमाहीचे निकाल चांगले होते. डिसेंबर तिमाहीचे निकाल चांगले येतील. कंपनी टर्नराउंड झाली आहे. ऑटो क्षेत्रात रिकव्हरी होत असल्यामुळे या कंपनीच्या उत्पादनासाठी मागणी वाढेल.२०१८ जानेवारीमध्ये Rs १२१ हाय CMP होती. Rs ६०० कोटींची मार्केट कॅप आहे. .४ जानेवारी २०२१ला विकली चार्टमधे बुलिश एंगलफिंग पॅटर्न तयार झाला होता. मंथली चार्टमधे ब्रेकआऊट दिसत आहे. BSE निर्देशांक सेन्सेक्स ४८४३७ NSE निर्देशांक निफ्टी १४१९९ बँक निफ्टी ३१७२२ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ४ जानेवारी २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ४ जानेवारी २०२१

आज क्रूड US $ ५२.३३ प्रती बॅरल ते US $ ५३.०४ प्रती बॅरल या दरम्यान तर रुपया US $१=Rs ७२.९० ते US $१=Rs ७३.१२ या दरम्यान होते. US $ निर्देशांक ८९.४४ VIX २०.२० PCR १.६० होते.

जगात सर्वत्र आता व्हॅक्सिनेशनची लगबग चालू आहे. भारतातही कॊव्हॅक्सिन आणि कोविशील्ड या दोन व्हॅक्सीनना मंजूरी दिली. तसेच कॅडीला हेल्थकेअरला त्यांच्या कोरोनावरील व्हॅक्सिन च्या ट्रायल फेजIII सुरु करायला परवानगी दिली. मंजुरी दिलेल्या व्हॅक्सिनचे ड्राय रन ही भारतात सुरु झाले

कमजोर US $, कोरोनाच्या नवीन प्रादुर्भावामुळे USA UK, जपान या देशात पुन्हा वाढणारे निर्बंध, महागाई वाढण्याच्या चिंतेपोटी सोन्यात लक्षणीय तेजी होती. सोने २ महिन्यांच्या कमाल स्तरावर होते. कोरोनाच्या नवीन प्रादुर्भावामुळे कमी होणारी मागणी आणि ओपेक+ उत्पादन कपात चालू ठेवण्याची शक्यता यामुळे क्रूड आज US $ ५२ प्रती बॅरल च्या पुढे गेले.

आज TVS मोटर्सचे विक्रीचे आकडे आले. एकूण विक्री २.७२ लाख युनिट झाली पण थ्री व्हीलर विक्रीमध्ये मात्र घट झाली हिरोमोटोची विक्री ४.४७ लाख युनिट्स झाली. तर आयशर मोटर्सच्या रॉयल एन्फिल्डची विक्री ६८९९५ युनिट्स झाली. M & M च्या ‘THAR’ या मॉडेलसाठी ६ महिन्यांच्यावर वेटिंग लिस्ट आहे.

कोल इंडियाचे उत्पादन ५८.८ मिलियन टन्स झाले तर NMDC च्या उत्पादनात आणि विक्रीत वाढ झाली. तिसऱ्या तिमाहीमध्ये JSPL चे उत्पादन २०% वाढून १९.३ लाख टन्स झाले मॉर्गनस्टॅनलेच्या रिपोर्टप्रमाणे मेटल्सच्या किमती वाढतील. आंतरराष्ट्रीय मार्केटमध्ये कोळसा आणि आयर्न ओअर च्या किमती अजून वाढतील. त्यामुळे आज सर्व धातू संबंधित क्षेत्रातील कंपन्यांमध्ये तेजी होती. उदा:- नाल्को, हिंदाल्को, टाटा स्टील, JSPL, जिंदाल स्टेनलेस, SAIL
GAIL ने कोचिन ते मंगलोर ही ४५० KM लांबीची गॅस साठी पाइपलाईन बांधली ती सुरु झाली.

फेडरल बँकेचे डिपॉझिट वाढले CASA रेशियोत चांगली वाढ झाली. लोन्स आणि इतर क्रेडिट फॅसिलिटीजमध्ये मात्र माफक ग्रोथ झाली. CSB बँकेच्या लोन्समध्ये चांगली वाढ झाली पण हि वाढ बहुतांशी गोल्ड लोन्समध्ये झाली.
सरकार RCF मधील १०% स्टेक OFS द्वारे विनिवेश करणार आहे. २९ जानेवारी २०२१ पर्यन्त लीगल अडवायझरसाठी अर्ज द्यायचे आहेत.

GUFIC BIO मध्ये गुफीक लाईफ सायन्सेसचे मर्जर करण्यासाठी NCLT नी परवानगी दिली.
तामिळनाडू आणी केरळ या राज्यात मल्टीप्लेक्सएसमध्ये ५० % ऐवजी १०० % क्षमतेवर काम सुरु करायला परवानगी दिली. याचा फायदा PVR,इनॉक्स लेजर, सिनेलाईन इंडिया यांना होईल त्यामुळे या शेअर्समध्ये तेजी आली.

अल्कली अमाईन्स ही कंपनी २ फेब्रुवारी २०२१ रोजी स्टॉक स्प्लिटवर विचार करेल.

NHPC ने J & K स्टेट पॉवर डेव्हलपमेंट कॉर्पोरेशनबरोबर हायड्रोपॉवर प्रोजेक्टसाठी MOU केले.

ऑक्टोबर ते डिसेंबर २०१९ मध्ये साखरेचे उत्पादन १.१ कोटी टन झाले. महाराष्ट्राचे उत्पादन १६.५ लाख टनांवरून ४० लाख टन झाले. उत्तरप्रदेश चे उत्पादन १.५% वाढून ३३.७ लाख टन झाले. कर्नाटक मध्ये १६.३ लाख टनावरून २४ लाख टन झाले.

कोची शिपयार्ड या कंपनीने Rs ९ प्रती शेअर लाभांश जाहीर केला.

HDFC २ फेब्रुवारी २०२१ रोजी NCD रूटने Rs ४५,००० कोटी उभारण्यावर विचार करेल.

वोडाफोन आयडिया मध्ये इनक्रेड कॅपिटल आणि PJT पार्टनर्स Rs १५००० कोटी गुंतवणूक करण्याची शक्यता आहे. त्यामुळे या शेअरमध्ये तेजी आली.

मी आज तुम्हाला इंडस टॉवर या कंपनीचा चार्ट पाठवत आहे. इंडस टॉवर्स ( पूर्वीची भारती इंफ्राटेल) ने Rs २२४ चा LOW दिला. त्यानंतर हॅमर पॅटर्न तयार होऊन Rs २३७ पर्यंत गेला. त्यानंतर हायर लेव्हलवर कन्सॉलिडेट होत आहे. हा शेअर ब्रेकआऊट साठी थांबला आहे. खरेदी ची गती वाढली तर प्राईस व्हॉल्युम ब्रेकआऊट होईल.

BSE निर्देशांक सेन्सेक्स ४८१७६ NSE निर्देशांक निफ्टी १४१३२ बॅंक निफ्टी ३१२१२ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!