Tag Archives: Bhagyashree Phatak

Reliance rights issue

रिलायन्स इंडस्ट्रीज लिमिटेड राईट्स इशू / एंटायटलमेंट – May 2020

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

रिलायन्स इंडस्ट्रीज लिमिटेड राईट्स इशू / एंटायटलमेंट

राईट्स ही एक कॉर्पोरेट एक्शन आहे. कंपनी तिच्या शेअरहोल्डर्सना करंट मार्केट प्राईसपेक्षा कमी किमतीत कंपनीचे शेअर्स ऑफर करत असते. या द्वारे भांडवलाची गरज पूर्ण करत असते. आता एंटायटलमेंट म्हणजे अधिकार. म्हणजे ज्यांच्याजवळ कंपनीचे शेअर्स असतात त्यांना हा अधिकार मिळतो. त्यालाच एंटायटलमेंट म्हटले जाते. पण हा राईट्स घेतलाच पाहिजे असे शेअरहोल्डरवर बंधन नसते. यालाच ‘राईट बट नॉट ऑब्लिगेशन’ असे म्हणतात.हे राईट्स एका विशिष्ट प्रमाणात दिले जातात. उदा:- १:१, ५:१,

या वर्षी RIL ( रिलायन्स इंडस्ट्रीज लिमिटेड) ने ३० वर्षांनंतर ३० एप्रिल २०२० रोजी Rs १० दर्शनी किमतीचे Rs १२५७ प्रती शेअर या भावाने शेअर होल्डर्सना त्यांच्या जवळ असलेल्या १५ शेअर्स मागे १ राईट्स शेअर देण्याचे ठरवले. १४ मे २०२० ही रेकॉर्ड डेट निश्चित केली. म्हणजेच १४ मेला ज्यांच्या डिमॅट अकौन्टला RIL चे शेअर्स असतील त्यांना राईट्स मिळतील. हा राईट्स इशू २० मे २०२० रोजी ओपन होऊन ३ जून २०२० रोजी बंद होईल. करंट मार्केट प्राईसपेक्षा Rs २०० कमी भावाने राईट्स दिले. आणि दुसरी गोष्ट म्हणजे या राईट्ससाठी हप्त्याहप्त्याने पैसे देण्याची मुभा ठेवली. याचे तीन हप्त्यात पेमेंट करायचे आहे. अप्लिकेशनबरोबर म्हणजे ३ जून २०२० पर्यंत. Rs ३१४.२५ ( Rs २.५० दर्शनी किंमत +Rs ३११.७५ प्रीमियम), दुसऱ्या हप्त्यात म्हणजे मे २०२१ मध्ये Rs ३१४.२५ ( Rs २.५० दर्शनी किंमत +Rs ३११.७५ प्रीमियम), आणि तिसर्या हप्त्यात म्हणजे नोव्हेंबर २०२१ मध्ये Rs ६२८.५० (Rs ५ दर्शनी किंमत +Rs ६२३.५० प्रीमियम) असे एकूण Rs १२५७ पेमेंट करायचे आहे. या पार्टली पेड राइट्सची अलॉटमेंट १० जून २०२० रोजी होईल. डिमॅट अकौन्टला ११ जून २०२० ला येतील आणी १२ जून २०२० रोजी लिस्ट होतील.

आता प्रश्न निर्माण होतो एंटायटलमेंट म्हणजे काय ? एंटायटलमेंट म्हणजे अधिकार.

RIL-RE म्हणजे RIL चे राईट्स मिळण्याचा अधिकार. ही RE रिलायन्सने सर्व शेअरहोल्डर्सच्या डिमॅट अकौन्टला जमा केले. यालाच टेम्पररी डिमॅट सिक्युरिटीज असे म्हणतात. याला वेगळा ISIN नंबर दिला. तो INE 002A20018 आहे.परंतु RIL-RE हे T टू T या ग्रुपमध्ये टाकल्यामुळे यामध्ये डे ट्रेडिंग होऊ शकणार नाही. नॅशनल स्टॉक एक्स्चेंजवर याचे ट्रेडिंग २० मे २०२० पासून सुरु झाले. हे ट्रेडिंग २९ मे २०२० पर्यंत चालू राहील. आपल्याला RIL-RE असे टाकल्यास NSE वर याचा भाव दिसू शकतो.

हे नेहेमीच्या राईट्स इशूप्रमाणे नाहीत म्हणून शेअरहोल्डर्स बुचकळ्यात पडले आहेत.

(१) काही जणांना वाटते आहे की आम्ही RIL-RE खरेदी केले की आपल्याला राईट्स मिळतील. पण असे घडणार नाही. राईट्स मिळण्याचा फक्त अधिकार मिळेल. त्यासाठी लागणारे Rs १२५७ वेळापत्रकाप्रमाणे भरावे लागतील.

(२) Rs १२५७ ची सोय होत नसेल तर आम्ही काय करू :- तुम्ही RIL-RE मार्केटमध्ये २९ मे २०२० पर्यंत शेअरप्रमाणेच विकू शकाल. जर तुम्ही समजा Rs २०० ला खरेदी केली, विकताना भाव Rs २४० मिळाला तर Rs ४० प्रती RIL -RE फायदाही होऊ शकेल. आणि विक्रीचा भाव Rs १९० मिळाला तर Rs १० प्रती RIL-RE नुकसान होईल. आणि नुकसान सोसायचे नसेल तर तुम्हाला राईट्स इशूमध्ये अर्ज करता येईल.

(३) माझ्या जवळ RIL चे १५० शेअर्स आहेत. पण मार्केट मंदीत असल्यामुळे मला राईट्स नको आहेत :- तुम्हाला RIL च्या १५० शेअर्ससाठी १० RIL-RE तुमच्या डिमॅट अकौंटमध्ये जमा झाले असतील आणि तशी तुम्हाला मेल आली असेल. तुम्ही हे RIL-RE शेअर्स प्रमाणे विकून टाकलेत तरी Rs २०० प्रती RIL-RE म्हणजेच Rs २००० फायदा होईल. आणि भविष्यात मार्केट करेक्शनमध्ये Rs १२५७ प्रती शेअर पेक्षा कमी भावाला RIL चे शेअर्स खरेदी करता येतील.

(४) माझ्याकडे RIL चे शेअर्स नाहीत, रेकॉर्ड डेटच्या आधी खरेदी करू शकलो नाही पण राईट्स हवे आहेत. तुम्ही जेव्हा २९ मे २०२० पर्यंत जेव्हा RIL- RE चा भाव कमी असेल तेव्हा खरेदी करा आणि ३ जून २०२० पर्यंत राईट्सचा फार्म भरून राइट्ससाठी अर्ज करा.

(५) RIL-RE च्या बाबतीत जो काही निर्णय घ्यायचा असेल तो २९ मे २०२० पर्यंत घ्यावा लागेल. २९ मे २०२० नंतर जर तुम्ही राईट्स इशू मध्ये अर्ज केला नाही तर RIL-RE लॅप्स होतील.

(६) जवळपास Rs २२० ते Rs २३० प्रती RIL-REया भावाने RIL-RE विकत घ्यायचे आणि राईट्सचे Rs १२५७ भरायचे असतील त्याचे शेवटचा हप्ता भरल्यानंतर शेअर्समध्ये रूपांतर होणार यात आमचा फायदा काय.? :- RIL चा भाव १ वर्षांनंतर Rs १६०० ते Rs १६५० पर्यंत जाईल असा अंदाज सर्वजण व्यक्त करत आहेत. यामध्ये Rs ३६५ ऑइल आणि गॅस,Rs ५०७ रिटेल बिझिनेस आणि Rs ७७५ जिओ म्हणजेच किंमत Rs १६४५ होईल असा अंदाज आहे. खरेदीची कॉस्ट अंदाजे Rs १४७७ ( Rs१२५७+Rs २२० ) बसेल म्हणजे १ वर्षांनंतर सुमारे Rs २०० फायदा मिळू शकतो.हा फायदा मिळवण्यासाठी संपूर्ण पैसे एकत्र द्यावे लागणार नाहीत. जर राईट्स खरेदी न करता मार्केटमधून RIL चे शेअर्स खरेदी केले तर CMP प्रमाणे पूर्ण रक्कम भरावी लागेल. अलीकडेच रिलायन्समध्ये FII ने Rs ७८५३२ कोटींची गुंतवणूक केली आहे. तसेच RIL ची एक टेक्नॉलॉजी कम्पनी बनण्याकडे वाटचाल चालू आहे. दुर्दैवाने जर या वर्षभरात RIL चा भाव कमी झाला/ अपेक्षेप्रमाणे वाढला नाही तर इलाज नाही म्हणून वाट पाहावी लागेल.

(७) RIL च्या १५ शेअर्सला १ राईट्स शेअर असे प्रमाण असल्यामुळे ज्यांच्याकडे १६ शेअर असतील त्यांनाही १ राईट्स शेअर मिळेल आणि ज्यांच्याकडे २९ शेअर्स असतील त्यांनाही १ राईट्स शेअर मिळेल मग काय उपयोग ? याचा विचार करून कंपनीने प्रेफरंशियल ट्रीटमेंट द्यायचे ठरवले आहे. जे राईट्स अनसब्स्क्राइबड राहतील ते अशा शेअरहोल्डर्सना दिले जातील अशी सवलत देण्याच्या विचारात आहे. यासाठी तुम्ही जास्तीच्या राईट्ससाठी अर्ज करून त्यासाठी अप्लिकेशन मनी भरला पाहिजे. जर त्याप्रमाणे तुम्हाला जास्तीचे राईट्स शेअर्स अलॉट झाले नाहीत तर तुम्हाला जास्तीच्या शेअर्ससाठी भरलेल्या पैशाचा रिफंड मिळेल.

(८) माझ्याकडे फिझिकल फॉर्ममध्ये RIL चे शेअर्स आहेत.तर मला राईट्स मिळतील का ? तुम्हाला राईट्स नक्की मिळतील पण फिझिकल शेअर्सचे डिमॅट शेअर्समध्ये रूपांतर करावे लागेल. तुम्ही तुमचा डिमॅट अकौंट नंबर रजिस्ट्रारला कळवला की RIL-RE तुमच्या डिमॅट अकौंटमध्ये क्रेडिट होतील.

जेथपर्यंत पूर्ण पेमेंट होणार नाही तो पर्यंत तुमच्या डिमॅट अकौंटवर पार्टली पेड शेअर्स असा उल्लेख असेल. पूर्ण पेमेंट केल्यानंतर या पार्टली पेड शेअर्सचे फुल्ली पेड शेअर्समध्ये रूपांतर होईल . त्यानंतर मात्र हे RIL च्या शेअर्सप्रमाणे स्टॉक एक्सचेंजीसवर ट्रेड होतील.

भाग्यश्री फाटक
www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २२ मे २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २२ मे २०२०

आज क्रूड US $ ३४.०१ प्रती बॅरल ते US $ ३४.७१ प्रती बॅरल या दरम्यान तर रुपया US $१= Rs ७५.७६ ते US $१= ७५.९५ या दरम्यान होते. US $ निर्देशांक ९९.५९ होते. VIX ३२.२० होते.

अर्थव्यवस्था ओपन होताच अंदाजानुसार कोरोनाचा कहर वेगाने वाढत आहे. ब्राझीलमध्ये संक्रमण झपाट्याने वाढत आहे.. चीन, पाकिस्तान आणि आता नेपाळने सीमावाद उकरून काढला आहे. हॉन्गकॉन्ग वरून पुन्हा रण माजले आहे. हॉन्गकॉन्गची स्वायत्तता आणि मानवाधिकार यांची जपणूक USA करेल असे ट्रम्पनी सांगितले तर हॉन्गकॉन्गसाठी चीन नवा करार करेल असे चीनचे म्हणणे आहे. ट्रम्पना यावर्षअखेरीस निवडणुकीला सामोरे जायचे आहे. त्यामुळे राजकारण चालू आहे.

DOW फ्युचर्सकडे सध्या मार्केटचे लक्ष असते . DOW कसे क्लोजिंग देत आहे त्यावरून मार्केट आपला पवित्रा ठरवत असते.आज एशियन मार्केट्समध्ये मंदी होती. प्रथम मार्केट थोडेसे तेजीत होते. RBI त्यांच्या १० वाजता होणाऱ्या प्रेस कॉन्फरन्समध्ये काहीतरी दिलासा देईल अशा अपेक्षेने मार्केट पवित्र्यात होते. पण RBI ने निराशा केली. RBI ने ०.४० % रेटकट केल्यामुळे ऑटो क्षेत्रातील शेअर्स सुधारू लागले. दिवसअखेरीस मार्केट पुन्हा ९००० च्यावर बंद होण्यात यशस्वी झाले.

१० वाजता RBI ची प्रेस कॉन्फरन्स झाली. त्यातील मुद्दे पुढीलप्रमाणे

  • RBI ने ०.४०% ची रेपोरेटमध्ये कपात केली. आता रेपोरेट ४.०० % झाला. रिव्हर्स रेपोरेट ३.३५% राहील.
  • RBI ने सिडबीला Rs १५००० कोटींच्या स्पेशल रिफायनान्स फॅसिलिटीची मुदत ३ महिन्यानी वाढवली.
  • प्रीशिपमेंट आणि पोस्टशिपमेंट फायनान्सची मुदत १ वर्षांऐवजी १५ महिने केली.
  • इंपोर्टसाठी पेमेंट करण्याची मुदत शिपमेंट डेट पासून ६ महिन्यांऐवजी १२ महिने केली.
  • मोरॅटोरियमसंबंधित सर्व तरतुदींची मुदत तीन महिने म्हणजे ३१ ऑगस्ट २०२० पर्यंत वाढवली.
  • वर्किंग कॅपिटल असेसमेंटसाठी कमी केलेली मार्जिन्सची मुदत मार्च २०२१ पर्यंत वाढवली.
  • वर्किंग कॅपिटलवरील सहा महिन्यांसाठी व्याज वर्किंग कॅपिटल टर्म लोनमध्ये परिवर्तित केले जाईल. हे वर्किंग कॅपिटल टर्म लोन ३१ मार्च २०२१ पर्यंत पेड करायचे आहे.
  • बँकांसाठी ग्रुप एक्स्पोजरची मर्यादा २५% वरून ३०% केली.
  • २०२०च्या पहिल्या सहामाहीमध्ये महागाई थोडी अधिक राहील. पण दुसर्या सहामाहीमध्ये महागाईचा रेट ४% च्या खाली राहील असा अंदाज RBI ने व्यक्त केला.
  • GDP मधील निगेटिव्ह ग्रोथ ही आमची मोठी चिंता आहे असे सांगितले.

या सर्व तरतुदी ऐकताच बँकांना चांगले दिवस येण्याची शक्यता मावळली. त्यासरशी बँकांच्या शेअर्समध्ये मंदी आली.

LIC ने हिरोमोटोमधील आपला स्टेक २% वरून ७.१% पर्यंत वाढवला.

ऍव्हेन्यू सुपरमार्केट हा हा शेअर T टू T ग्रुपमधून बाहेर पडला.

NIIT टेकचा बायबॅक इशू २९ मेला ओपन होईल.

महाराष्ट्र राज्य सरकारने ट्रीटमेंटचे दर नियंत्रित केले. ह्याचा परिणाम अपोलो हॉस्पिटल, WOCHKARDT, फोर्टिस हेल्थकेअर यांच्यावर होईल.

VST इंडस्ट्रीजचे निकाल चांगले आले. कंपनीने Rs १०३ प्रती शेअर लाभांश जाहीर केला.हा लाभांश AGM मध्ये मंजूर झाल्यावर ३० दिवसाच्या आत पेड केला जाईल.

मारुतीने सुपरकॅरीचे BSVI व्हर्शन Rs ५.०७ लाख किमतीला लाँच केली.

सुप्रीम इंडस्ट्रीजच्या चौथ्या तिमाहीच्या उत्पन्न,प्रॉफिट यात थोडी घट झाली. मार्जिनमध्ये मात्र सुधारणा झाली.
BOSCH च्या उत्पन्नात, प्रॉफीटमध्ये लक्षणीय घट झाली. कंपनीला Rs २९७ कोटी वन टाइम लॉस झाला. कंपनीने Rs १०५ प्रती शेअर लाभांश जाहीर केला.

इन्फोसिस विरुद्धची क्लास एक्शन सूट डिसमिस झाली.

रशिया आणि चीन मधून आयात होणाऱ्या कार्बन ब्लॅकवरील ऍन्टीडम्पिंग ड्युटीची मुदत वाढवली. याचा फायदा गोवा कार्बन, फिलिप्स कार्बन, हिमाद्री केमिकल्सला होईल

.KKR ने रिलायन्स जिओ प्लॅटफॉर्ममध्ये Rs ११३६७ कोटींना २.३२% स्टेक खरेदी केला. एशियामधील ही मोठी गुंतवणूक आहे. १ महिन्यात रिलायन्स जिओ प्लॅटफॉर्ममधे Rs ७८५३२ कोटी रुपयांची गुंतवणूक झाली.

JSW स्टईलचे प्रॉफिट ८६% ने कमी झाले. RITES ने IRSDC (इंडियन रेल्वे स्टेशन्स डेव्हलपमेंट कॉर्पोरेशन) मध्ये २४% स्टेक Rs ४८ कोटींना घेण्यासाठी करार केला.

UPL चा चौथ्या तिमाहीचे निकाल चांगले आले. प्रॉफिट १४७% वाढले. Rs २५० कोटींवरून Rs ६१७ कोटी झाले. कंपनीने Rs ६ प्रति शेअर लाभांश जाहीर केला.

BSE निर्देशांक सेन्सेक्स ३०६७२ NSE निर्देशांक निफ्टी ९०३९ बँक निफ्टी १७२७८ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २१ मे २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २१ मे २०२०

आज क्रूड US $ ३५.९९ प्रती बॅरल ते US $ ३६.६० प्रती बॅरल या दरम्यान तर रुपया US $१=Rs ७५.६० ते US $ ७५.७९ या दरम्यान होते. US $ निर्देशांक ९९.४० तर VIX ३५.६१ होते. PCR १.१८ होते.

USA च्या सिनेटने ठराव पास केला की सर्व चिनी कंपन्यांचे शेअर्स (अंदाजे ८०० कंपन्या) USA च्या स्टॉक एक्सचेंजेसवरून डीलीस्ट होतील.

जेथे जेथे अर्थव्यवस्था ओपन करण्याचा प्रयत्न झाला तेथे तेथे कोरोनाचा प्रभाव वाढला. त्यामुळे वर्ल्ड हेल्थ ऑर्गनायझेशनने इशारा दिला की अर्थव्यवस्था ओपन करताना अत्यंत काळजीपूर्वक आणि हळू हळू ओपन करावी लागेल. अन्यथा याचे गम्भीर परिणाम होण्याची शक्यता आहे.

जपान AVIJEN ह्या कोरोनावर उपयोगी पडणाऱ्या औषधाची ट्रायल घेत आहे.

सरकारने भारतात देशांतर्गत विमान सेवा २५ मे २०२० पासून सुरु करायला परवानगी दिली.या बातमीमुळे स्पाईस जेट आणि इंडिगो या विमान वाहतूक करणाऱ्या कंपन्यांच्या शेअर्समध्ये तेजी आली. GMR इंफ्राच्या शेअरमध्येही तेजी होती.
भारतीय रेल त्यांची कॅटरिंग सेवा, व्हेंडार सेवा सुरु करणार आहे. तसेच १.७ लाख कॉमन सर्व्हिस सेंटरवर ट्रेन तिकीट बुकिंग २-३ दिवसात सुरु होईल. तसेच भारतीय रेल २०० NON AC गाड्या सुरु करणार आहे. या बातमीमुळे IRCTC च्या शेअरला अपर सर्किट लागले.

सोनाटा सॉफ्टवेअरची सबसिडीअरी कंपनी USA च्या कंपनीमध्ये २४% स्टेक US $ १० लाखांमध्ये खरेदी करणार आहे.
कोटक महिंद्रा बँक लवकरच आपला QIP इशू आणेल. DII आणि FDI साठी बँकेनी रोड शोज सुरु केले आहेत.
DR रेडीजने सांगितली की USFDA कडून वेळेवर परवानगी मिळत आहेत. बहुतेक साईट्स प्लांट्स क्लिअर झाले आहेत. २५ ड्रॅग मंजुरीसाठी पाइपलाइनमध्ये आहेत.

उद्या माननीय अर्थमंत्र्याची सार्वजनिक क्षेत्रातील बँकांबरोबर मीटिंग आहे. त्यात सध्या ३ महिने मोरॅटोरियमला दिलेली परवानगी ३१ ऑगस्ट २०२० पर्यंत वाढवली जाण्याची शक्यता आहे. तसेच बँकांना मोरॅटोरियमच्या रकमेसाठी १०% ऐवजी २०% प्रोव्हिजन करायला सांगण्याची शक्यता आहे. उद्याच्या बैठकीत हा निर्णय होण्याची शक्यता आहे.

ITC ने सांगितले की आम्ही आम्हाला लागणाऱ्या मालाची खरेदी खूप आधी करतो आणि यावेळी काही राज्यांनी APMC संबंधित अटी शिथिल केल्यामुळे प्राक्युअरमेंट करणे सोयीचे गेले.

TCS नी सांगितले की नव्या वातावरणाचा फायदा उठवण्यासाठी TCS सज्ज आहे. आता शाळा,कॉलेजेस,असे प्रत्येक क्षेत्र ऑन लाईन मोडमध्ये शिफ्ट होत आहे. शेतकरी ऑन लाईन ऑर्डर घेऊन माल विकत आहेत. सध्या हे शिफ्टिंग ही गरज बनल्यामुळे ही शिफ्टिंग फार जलद आणि मोठ्या प्रमाणावर होत आहे. म्हणजेच स्पीड आणि स्केल खूप आहे. यासाठी TCS तयार आहे. सुरुवातीला अडचणी येतील पण अडचणी दूर झाल्यावर प्रगती जलद गतीने होईल. ७५% लोक घरातून काम करू शकतील तर २५% कर्मचाऱ्यानाच ऑफिसमध्ये यावे लागेल. आम्हाला कोविद १९ संकटामुळे नव्या वाटा दिसत आहेत. आम्ही नेहेमीप्रमाणे बिझिनेस करत आहोत. संधीचा फायदा घेत आहोत. २०२५ साल डोळ्यासमोर ठेवून न्यू व्हिजन २५X २५ अमलात आणणार आहोत. सध्या अर्थव्यवस्थेमध्ये कुठलेही स्ट्रक्चरल प्रॉब्लेम नसून हे कोरोनासाठी दाबलेले पॉज बटण आहे. त्यामुले अर्थव्यवस्था कोलमडली आहे पण IT सेक्टरवर याचा विपरीत परिणाम झाला नाही. उलट नवनवीन कल्पना सुचण्यासाठी ही संधी मिळाली आहे.

आज कोलगेटचे चौथ्या तिमाहीचे निकाल आले प्रॉफिट Rs २०४ कोटी, उत्पन्न Rs १०७० कोटी, EBITDA Rs २१२ कोटी, तर मार्जिन २४.५% होते. कंपनीने Rs १६ प्रती शेअर लाभाश जाहीर केला.व्हॉल्युम मध्ये ८% घट झाली.

हिंदुस्थान झिंक ला Rs १३४० कोटी फायदा झाला. उत्पन्न Rs ४३२१ कोटी आणि मार्जिन ४३.८% होते.

RIL ची राईट्स एंटायटलमेंट आजही तेजीत होती. या एंटायटलमेंटचा भाव Rs २५८ पर्यंत जाऊन Rs २३२ वर क्लोज झाला. ग्लोबल डिपॉझिटरी रिसीट आणि ETF फंड्स विक्री करत होते तर ग्लोबल लॉन्ग ओन्ली फंड्स खरेदी करत होते.
राईट्स एंटायटलमेंटसाठी https://rights.kfintech.com या साईटवर माहिती मिळेल. राईट्स एंटायटलमेंट लेटर आणि ऍप्लिकेशन फॉर्म, ऑफर लेटर डाउनलोड करू शकता. मोबाईल नंबर आणि इमेल ऍड्रेस अपडेट करू शकता. याच साईटवर पेमेंटसाठी व्यवस्था केली आहे . किंवा अप्लिकेशनच्या फॉर्मचे प्रिंट आऊट घेऊन भरून तुम्ही ASBA करून जेथे तुमचा डिमॅट अकौंट असेल तेथे द्या. या राईट्ससाठी कोणत्याही पद्धतीने ऑन लाईन पेमेंट करू शकता.
बजाज फिनसर्व चे प्रॉफिट Rs १९४ कोटी ( कोविद १९ साठी कंपनीने Rs ९०० कोटींची प्रोव्हिजन केली आहे), उत्पन्न १३२९० कोटी झाले. टॅक्स खर्च Rs २५३ कोटी झाला.

अजंता फार्मा, JK लक्ष्मी सिमेंट, ज्युबिलण्ट फूड यांचे निकाल चांगले आले. ज्युबिलण्ट फूडचे व्यवस्थापन भविष्याविषयी आशावादी होते.

आज ऑटो, एव्हिएशन, सिमेंट सेक्टरमधील कंपन्यांचे शेअर्स तेजीत होते.

उद्या UPL, BOSCH, IDFC १ST बँकेचे चौथ्या तिमाहीचे निकाल जाहीर होतील.

BSE निर्देशांक सेन्सेक्स ३०९३२ NSE निर्देशांक निफ्टी ९१०६ बँक निफ्टी १७७३५ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २० मे २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २० मे २०२०

आज क्रूड US $ ३४.६१ प्रती बॅरल ते US $ ३५.०६ प्रती बॅरल तर रुपया US $ १= Rs ७५.६५ ते US $ ७५.८६ या दरम्यान होते. US $ निर्देशांक ९९.४२ तर VIX ३६.३३ होता.

USA मध्ये शेल गॅसच्या उत्पादनात घट झाली, क्रूडचा साठा ४८ लाख बॅरेलने कमी झाला. जगामधील अर्थव्यवस्था एकामागून एक ओपन होत असल्यामुळे क्रूडसाठीची मागणी वाढली. ओपेक+ने आपल्या उत्पादनात कपात केली. त्यामुळे क्रूडच्या किमतीमध्ये तेजी आली.

USA ने कॅनडा, मेक्सिको, इराण, युरोप, चीन बरोबर आता ब्राझीलचाही ट्रॅव्हल बॅनमध्ये समावेश केला.कारण ब्राझीलमधील कोरोना बाधितांची संख्या फार वेगाने वाढत आहे.

आज मंत्रिमंडळाने MSME साठी क्रेडिट गॅरंटी स्कीम आणि NBFC आणि HFC साठी स्पेशल लिक्विडीटी स्कीमला मंजुरी दिली.

DR रेड्डीजच्या हैदराबाद युनिट नंबर ३ ला USFDA ने EIR दिला

अडाणी पॉवर आपल्या शेअरच्या डीलीस्टिंगवर विचार करत आहे. TOTAL SA कडून स्टेक विक्रीतून मिळालेला पैसा मायनॉरिटी शेअरहोल्डर्सकडून २५% स्टेक विकत घेण्यासाठी करेल. पॉवर कंपन्यांवर भारतात असलेल्या निर्बंधापासून सुटका आणि कंपनीच्या शेअर्सचे अंडरव्हॅल्यूएशन ही कारणे या पाठीमागे असू शकतात.

FMCG सेक्टरमधील कंपन्या लॉकडाऊनशी जुळवून घेत आहेत. मेरीको, ITC, टाटा कन्झ्युमर, या कंपन्या होम डिलिव्हरी करणाऱ्या कंपन्यांबरोबर होम डिलिव्हरीसाठी टायअप करत आहेत.

सिप्लाच्या बेंगलोर युनिटला ३ औषधांच्या निर्यातीसाठी फिनलंड रेग्युलेटरी ऑथॉरिटीने परवानगी दिली.

आजपासून RIL च्या राईट्स एंटायटलमेंटमध्ये ट्रेडिंग सुरु झाले. या एंटायटलमेंटचा भाव आज Rs १९५ ते Rs २०५ या दरम्यान होता. तुमच्या डिमॅट अकौंटमध्ये जर राईट्स एंटायटलमेंट जमा झाली असेल तर ते कन्फर्म करून तुम्ही तुम्हाला राईट्स शेअरमध्ये रस नसेल तर स्टॉक एक्स्चेंजवरून ही राईट्स एंटायटलमेंट विकू शकता/ खरेदी करू शकता . ह्याच्या खरेदीविक्रीची शेवटची तारीख २९ मे २०२० आहे. आपला डिमॅट अकौंट जर ब्रोकरशिवाय बँकेत किंवा स्टॉक क्लिअरिंग कॉर्पोरेशनकडे असेल तर ठरलेल्या मुदतीत DIS ( डिलिव्हरी इन्स्ट्रक्शन स्लिप) द्यावी लागेल.

मोंन्टे कार्लो ही कंपनी मेडिकल टेक्सटाईल्स, PPE किट्स मास्क यांच्या उत्पादनासाठी वेगळी डिव्हिजन बनवत आहे.
RBI नी आणि सरकारने परवानगी दिलेल्या मोरॅटोरियम चा फायदा द्यावा लागत असल्याने उज्जीवन स्माल फायनान्स बँकेचे ९०% लोन बुक आणि बजाज फायनान्सचे २७% लोन बुक मोरॅटोरियमखाली आहे. नंतर उज्जीवनकडून असे स्पष्टीकरण दिली गेले की आम्ही आमच्या कर्जदारांकडून कॅशमध्ये कर्जाचे हप्ते वसूल करतो, लॉकडाऊनमुळे हे शक्य नव्हते त्यामुळे अशी परिस्थिती उद्भवली.

आज DR रेड्डीजचे चौथ्या तिमाहीचे निकाल जाहीर झाले. कंपनीचे प्रॉफिट Rs ४३४.४० कोटींवरून Rs ७६४.२० कोटी झाले. EBIT Rs ८८२ कोटीवरून Rs १००१ कोटी झाले. उत्पन्न Rs ४०३२ कोटींवरून Rs ४४३२ कोटी झाले. कंपनीने Rs २५ प्रती शेअर लाभांश जाहीर केला

बजाज ऑटोचे चौथ्या तिमाहीसाठी प्रॉफिट Rs १३१०.२९ कोटी उत्पन्न Rs ६८१५.८५ कोटी होते. कंपनीने तिमाहीमध्ये ९९१९६१ युनिट्स विकली. कंपनीने Rs १२० प्रती शेअर लाभांश जाहीर केला.

अल्ट्राटेक सिमेंट चे उत्पन्न Rs १०७४६ कोटी, EBITDA Rs २४४३ कोटी मार्जिन २२.७६%, फायदा Rs ३२३९ कोटी होते. Rs २०२४ कोटी टॅक्स रिफंड मिळाला. कंपनीने Rs १३ प्रती शेअर लाभांश जाहीर केला.

JSW एनर्जीने यावेळेला प्रॉफिट मार्जिन मध्ये लक्षणीय सुधारणा दाखवली. कंपनीचे उत्पन्न Rs १७९३ कोटी होते.
GHCL च्या प्रॉफिट, उत्पन्नामध्ये घट झाली.

अपोलो टायर्स, टाटा पॉवर यांचे निकाल चांगले तर JMC प्रोजेक्ट्स चे रिजल्ट असमाधानकारक होते.

टी सी एस च्या लाभांशाची रेकॉर्ड डेट ४ जून २०२० आहे.

BSE निर्देशांक सेन्सेक्स ३०८१८ NSE निर्देशांक निफ्टी ९०६६ बँक निफ्टी १७८४० वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १९ मे २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १९ मे २०२०

आज क्रूड US $ ३४.८२ प्रती बॅरल ते US $ ३५.२९ प्रती बॅरल या दरम्यान होते. रुपया US $१=Rs ७५.६४ ते US $१=Rs ७५.९० या दरम्यान होते. US $ निर्देशांक ९९.३६ तर VIX ३९.९८ होते.

USA चे अध्यक्ष डोनाल्ड ट्रम्प यांनी USA ची अर्थव्यवस्था लवकरच ओपन केली जाईल असे सांगितले.USA मध्ये सध्या औषधांचा तुटवडा भासतो आहे. औषधे पुरवण्यात भारतीय कंपन्यांचा ३०% वाटा आहे. यामुळे फार्मा सेक्टर तेजीत होता.
उत्पादनातील कपात आणि जगातील निवडक अर्थव्यवस्था ओपन होत असल्यामुळे क्रूडमध्ये तेजी होती.

वादळ ‘UMPHANA’ येत्या आठवड्यात पश्चिम बंगाल आणि ओडिशाच्या किनार्यावर येण्याची शक्यता आहे. हे सुपर सायक्लॉन आहे. गेल्या २० वर्षात असे वादळ आले नव्हते.

‘MODERNA’ या कोरोनावरील औषधाची ४५ लोकांवर चाचणी घेण्यात आली. अँटीबॉडीज तयार होण्याच्या बाबतीत यश मिळाले असे सांगण्यात आले. २५ mg, १०० mg, २५० mg अशा डोसेसमध्ये औषध दिले गेले. ज्या लोकांना २५mg औषध दिले होते त्यातून तयार झालेल्या अँटीबॉडीज कोरोनाशी लढण्यासाठी पुरेशा आहेत. फेझ २ मध्ये ६०० लोकांवर चाचणी घेतली जाईल. यानंतर जुलै ३ २०२० रोजी तिसऱयांदा चाचणी घेतली जाईल. ह्या चाचण्या यशस्वी झाल्या तरी कमर्शियल प्रमाणावर औषध उपलब्ध होण्यासाठी वर्षअखेर उजाडेल. काही का असेना ? मार्केटला कोरोनाच्या काळ्या ढगाला एक सोनेरी किनार दिसली आणि मार्केटमध्ये तेजी आली. पण भारतातील कोरोनाबाधितांची संख्या १ लाखावर पोहोचली. त्यामुळे काही वेळातच तेजी संपून गेली.

भारत सरकारने काही अधिकार राज्य सरकारांना दिल्यामुळे वेगवेगळ्या राज्यात लॉकडाऊन ४ मध्ये वेगवेगळ्या सवलती दिल्या गेल्या आहेत. एकूणच रोख अर्थव्यवस्था, उद्योग, सेवा ओपन करण्याकडे आहे.

आपल्याजवळ रिलायन्स इंडस्ट्रीजचे शेअर्स असल्यास आतापर्यंत आपल्या डिमॅट खात्यामध्ये राईट्स एंटायटलमेंट जमा झाली असेल. सेबीच्या नवीन नियमानुसार ही सर्व राईट्स एंटायटलमेंट्स स्टॉकएक्सचेंजच्या एका नवीन प्लॅटफॉर्मवरून ट्रेड होतील. आपल्याला ही राईट्स एंटायटलमेंट २९ मे २०२० पर्यंत स्टॉकएक्स्चेंज मार्फत विकता येईल. परंतु आपल्याला यात डे ट्रेड करता येणार नाही. कारण ही एंटायटलमेंट T टु T ट्रेडच्या ग्रुपमध्ये टाकली आहे. कॅश मार्केटमधील रिलायन्स इंडस्ट्रीजच्या शेअर्सच्या भावाप्रमाणे ह्या एंटायटलमेंटचा भाव बदलेल.

भारत सरकार काही किटकनाशक औषधांवर (उदा २४D, ACEPHATE, MANCOZEB, मोनोप्रोटोफॉस) बंदी आणण्याचा विचार करत आहे. याचा परिणाम UPL वर होईल कंपनीला २७ प्रोजेक्ट रद्द कराव्या लागतील. त्यामुळे UPL कंपनीच्या शेअर्समध्ये मंदी आली. मात्र या बंदीचा PI इंडस्ट्रीज आणि बेयर इंडिया वर फारसा फरक पडणार नाही.

आज ACC, अंबुजा, हिंदुस्थान झिंक, आणि ओरॅकल एक्सलाभांश झाले.

LAURAS लॅबच्या ऍन्टिरेट्रोव्हायरल औषधांना USFDA ची मंजुरी मिळाली.

महाराष्ट्र स्कुटर्स, सौराष्ट्र सिमेंट, गॅब्रिएल इंडिया, सॅनोफी ( उत्पन्न वाढले, वन टाइम लॉसमुळे प्रॉफिट कमी झाले. ) NESCO, यांचे चौथ्या तिमाहीचे निकाल चांगले आले.

भारती एअरटेल चे चौथ्या तिमाहीचे निकाल चांगले आले. उत्पन्न आणि ARPU (ऍव्हरेज रेव्हेन्यू पर यूजर) मध्ये वाढ झाली. ARPU Rs १५४ होता. कंपनीने अर्पू Rs २०० पर्यंत जाईल असे सांगितले.

डेल्टा कॉर्प ( प्रॉफिट ४९% कमी झाले) टॉरंट पॉवर ( कंपनीला Rs २५ कोटी फायद्याऐवजी Rs २४९ कोटी तोटा झाला)

GNA ऍक्सल्स ( उत्पन्न आणि प्रॉफिट यात लक्षणीय घट) यांचे चौथ्या तिमाहीची निकाल असमाधानकारक होते.

बजाज फायनान्सचे प्रॉफिट १९% ने कमी होऊन Rs ९४८ कोटी झाले. प्रोव्हिजनमध्ये वाढ झाली. NII ३८% ने वाढले. PCR ६०% राहिला

सीमेन्सच्या पॅरेण्ट कंपनीने सीमेंन्स मधील २४% स्टेक आपल्या एनर्जी सब्सिडीला ट्रान्स्फर केले. शेअर्समध्ये आज ८.५ कोटी शेअर्सचा सौदा झाला. पण हा प्रमोटरमधील सौदा असल्यामुळे ओपन ऑफर येण्याचा प्रश्न उद्भवत नाही.
वेदांताच्या बोर्ड ऑफ डायरेक्टर्सनी वेदांताच्या शेअर्सच्या डीलीस्टिंगला मंजुरी दिली. इंडिकेटिव्ह प्राईस Rs.८७.५ प्रती शेअर. ठरवण्यात आली

अडानी गॅसने त्यांचा स्टेक TOTAL या कंपनीला विकून तारण म्हणून ठेवलेले शेअर्स सोडवले. सरकारच्या ‘आत्मनिर्भर भारत’ पॅकेज चा अडानी ग्रुपला फायदा होऊ शकतो. ६ विमानतळांचा लिलाव आणि १२ विमानतळावरील सोयींचे आंतरराष्ट्रीय स्टॅंडर्डप्रमाणे अपग्रेडेशन अडानी ग्रुपला फायदेशीर ठरू शकतात. त्यामुळे अडाणी ग्रुपच्या शेअर्स मध्ये तेजी होती.

आज बँका आणि NBFC यांच्या शेअर्समध्ये मंदी होती. SBI चा शेअर १० वर्षातील किमान स्तरावर होता.

उद्या बजाज ऑटो, अल्ट्राटेक सिमेंट, DR रेडीज यांचे चौथ्या तिमाहीचे निकाल जाहीर होतील. KEC इंटरनॅशनल ला Rs १२०३ कोटींची ऑर्डर मिळाली.

आज BSE निर्देशांक सेन्सेक्स ३०१९६ NSE निर्देशांक निफ्टी ८८७९ बँक निफ्टी १७४८६ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १८ मे २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १८ मे २०२०

आज क्रूड US $ ३३.५१ प्रती बॅरल ते US $ ३४.०२ प्रती बॅरल या दरम्यान तर रुपया US $१=Rs ७५.९१ ते US१= $ ७५.९५ या दरम्यान होते. US $ निर्देशांक १००.३० तर VIX ४०.७२ होता.

सरकारने जे ‘आत्मनिर्भर भारत पॅकेज’ जाहीर केले त्यात सर्व पायाभूत सोयी उभारण्यासाठी लँड, लिक्विडीटी, लेबर, लॉ यामध्ये रिफॉर्म्स जाहीर केले. पण या तयार होऊन त्यांचा लाभ उद्योजक, ग्राहक, सप्लाय चेन, मागणी यांना व्हायला साहजिकच जरूर तेवढा वेळ द्यावा लागेल. थोडक्यात म्हणजे ही ऍलोपॅथिक उपाययोजना नसून होमिओपॅथी किंवा आयुर्वेदिक इलाज म्हणावे लागतील. तसेच या सुधारणा टॉप तू बॉटम नसून बॉटम तू टॉप असल्यामुळे यांना फायदेशीर व्हायला वेळ लागेल. IBC अंतर्गत उपाययोजना एक वर्षापर्यंत स्थगित ठेवल्यामुळे बँका आणि NBFC यांच्या NPA मध्ये वाढ होणे अनिवार्य आहे.अशा स्थितीत बँकांची आर्थीक स्थिती आणखी खराब होईल या भीतीने आज बँका आणि NBFC चा समावेश असलेल्या बँक निफ्टीमध्ये जबरदस्त प्रॉफिट बुकिंग झाले. ऑटो आणि ऑटो अँसिलिअरीज मध्येही मंदी होती. निवडक IT आणि फार्मा कंपन्यांमध्ये आणी PSU मध्ये तेजी होती.

चौथ्या तिमाहीमध्ये क्रॉम्प्टन कन्झ्युमर मध्ये २७% सिप्ला मध्ये ३३% हुतामाकी PPL मध्ये ३५% CDSL मध्ये १५% अशी उत्पन्न/ प्रॉफीटमध्ये घट झाली. चौथ्या तिमाहीमध्ये CDSL १८% DR लाल पाथ लॅबचे ३१% GSK फार्माचे ६% प्रॉफिट कमी झाले. GSK फार्माने Rs ४० प्रती शेअर लाभांश जाहीर केला.

दुसऱ्या तिमाहीमध्ये जवळ जवळ दोन महिने लॉक डाऊन असल्यामुळे दुसऱ्या तिमाहीचे निकाल यापेक्षाही निराशाजनक असतील या भीतीने आज सर्व क्षेत्रांमधील कंपन्यांच्या शेअर्समध्ये प्रॉफीटबुकिंग झाले. संरक्षण/ संरक्षण उत्पादन या क्षेत्रातील रिफॉर्म्समुळे अपोलो मायक्रो सिस्टिम्स अस्ट्रा मायक्रो, BEL, HAL BEML इत्यादी कंपन्यात तेजी आली. हे पॅकेज जाहीर झाल्यावर मार्केटने उसळी मारली पण ती खालच्या दिशेने. आता रिलीफ पॅकेज येणार येणार म्हणून आशा संपली. कोरोनाचा भारतामधील प्रभाव वाढतच आहे. चीन आणि USA या दोन महासत्तांमधील ताणतणाव वाढत आहे. आता कोरोनावर औषध किंवा प्रतिबंधक लस हाच मार्केटमध्ये तेजीसाठी ट्रिगर ठरू शकतो. मार्केटमधील WEAKNESS वाढत आहे, ‘सेल ऑन रॅलीज’ मार्केट झाले आहे. सरकारकडून आणखी काही पॅकेज येईल ही उमेद संपली.

रिलायन्स इंडस्ट्रीज लिमिटेडमध्ये GENERAL ATLANTIC या USA मधील P.E. कंपनीने Rs ६५९८.३८ कोटींना १.३४% स्टेक खरेदी केला. गेल्या ४ आठवड्यातील रिलायन्स इंडस्ट्रीजमधील ही चौथी गुंतवणूक आहे. या गुंतवणुकींमुळे आता रिलायन्स इंडस्ट्रीजने आपल्या कंपनीतील १४.१०% स्टेक जगातील मोठ्या गुंतवणूकदारांना विकला. आरामको या सौदी अरेबियामधील दिग्गज ऑइल कंपनीशी रिलायन्समध्ये गुंतवणूक करण्यासाठी वाटाघाटी चालू आहेत. प्रथम फक्त पेट्रोकेमिकल्स क्षेत्रात काम करणाऱ्या कंपनीने नंतर रिटेल, टेलिकॉम, टेक्नॉलॉजी या क्षेत्रात आपले कामकाज वाढवले. ‘रिलायन्स जिओ’ या प्लाटफॉर्मवर आता देशातील सर्व भागातील रिटेलर्स संलंग्न होतील. मोबाईल आणि इंटरनेटचा प्रसार भारतामध्ये मोठ्या गावापर्यंत झाला आहे आणि मोबाईलचा प्रसार तर अगदी खेड्याखेड्यापर्यंत झाला आहे. कोरोना संकटाचा किमान प्रभाव जर कोणत्या क्षेत्रावर पडला असेल तर ते टेलिकॉम क्षेत्र आहे. रिलायन्स जिओ प्लॅटफॉर्म नंतर ऑन लाईन एंटरटेनममेन्ट स्पोर्टस, हेल्थ ह्या क्षेत्राशी जोडले जाण्याचा संभव आहे. रिलायन्स जिओचे देशभरात ३८.८० कोटी ग्राहक आहेत. रिलायन्स जीओचा टर्नओव्हर रिलायन्स इंडस्ट्रीजच्या टर्नओव्हरच्या ८% आहे.

रिलायन्स इंडस्ट्रीचा राईट्स इशू २० मे २०२० पासून सुरु होऊन ३ जून २०२० ला बंद होईल. या राईट्स इशूचे पैसे ( Rs १२५७ ) प्रति शेअर हे अर्जाबरोबर Rs ३१४.२५ नंतर मे २०२१ मध्ये Rs ३१४.२५ आणि नोव्हेम्बर २०२१ मध्ये Rs ६२८.५० असे तीन हप्त्यात भरायचे आहेत. कंपनी तुमच्या इमेलवर राईट्स एंटायटलमेंट आणि अर्जाचा फॉर्म पाठवील. तो तुम्हाला ऑन लाईन भरता येईल.

आज वेदांताची वेदांता इंडियाच्या शेअरच्या डीलीस्टिंगवर विचार करण्यासाठी बैठक होती.

DIEGO ही कंपनी युनायटेड स्पिरिट्स या कंपनीचे शेअर्स डीलीस्ट करण्याचा विचार करत आहे. DIEGO चा या कंपनीत ५५.९% स्टेक आहे. आज युनायटेड स्पिरिट्सच्या शेअर्समध्ये तेजी होती.

WABCO ह्या कंपनीच्या ZF या कंपनीबरोबरच्या मर्जरसाठी सर्व रेग्युलेटरी परवानग्या मिळाया. ह्या कंपनीचे बोर्ड ऑफ डायरेक्टर्स अंतरीम लाभांश आणि चौथ्या तिमाहीचे निकाल जाहीर करण्यावर २२ मे २०२० रोजी विचार करेल.
रॉनवेल्क्स या कंपनीने चीनमधील आपला प्लांट बंद करून आग्रा येथे उत्पादन सुरु करण्याचा निर्णय घेतला आहे.

माननीय अर्थमंत्री निर्मला सीतारामन यांनी आत्मनिर्भर भारत पॅकेजचा चौथा भाग शनिवारी जाहीर केला.
(१) कोळसा खाणींच्या संबंधातील सरकारची म्हणजेच कोल इंडियाचा एकाधिकार संपुष्टात येईल. या क्षेत्रात कमर्शियल कोल मायनिंग साठी परवानगी देण्यात येईल. भारतात तिसरा मोठा खनिज कोळशाचा साठा असताना भारताला कोळसा मोठ्या प्रमाणावर आयात करावा लागतो.रेव्हेन्यूशेअरिंग बेसिसवर ५० नवीन कोल ब्लॉकर्सचा लिलाव केलेला जाईल. कोळशाचे गॅसिफिकेशन,कोल बेस्ड मिथेन गॅससाठी उत्तेजन दिले जाईल. इवॅक्युएशन इन्फ्रास्ट्रक्चरसाठी Rs ५०००० कोटी खर्च केले जातील.
(२) धातू आणि इतर खनिज उत्पादनासाठी आता एक्स्प्लोरेशन, मायनिंग आणि उत्पादनासाठी एकत्र लायसेन्स दिली जातील. या प्रकारे देशातील ५०० खाणींचा लिलाव केला जाईल. जर खनिज उत्पादनासाठी कोळशाची जरूर असेल तर कोळशाच्या खाणीचे लायसेन्सही दिले जाईल.उदा बॉकसाईटपासून ऍल्युमिनियम तयार करण्यासाठी कोळसा लागतो. त्यामुळे बॉक्साइट च्या खणीबरोबर कोळशाच्या खाणीचेही लायसेन्स दिले जाईल. कोळशाच्या खाणींच्या बाबतीत कॅप्टिव्ह आणि नॉन कॅप्टिव्ह हा फरक रद्द केला जाईल. आपली जरूर संपल्यावर कोळशाच्या खाणीतील कोळसा दुसर्याला विकता येईल. कॉम्पोझिशन ऑफ मिनरल इंडेक्स, स्टेट ऑफ द आर्ट टेक्नोलॉजी, रॅशनलायझेशन ऑफ स्टॅम्प ड्युटी केली जाईल.
(३) संरक्षण क्षेत्रात आता सुरक्षेबाबतीत DEPT ऑफ मिलिटरी अफेअर्स बरोबर विचार विनिमय करून ऑटोमॅटिक रुटने ७५% FDI ला परवानगी दिली जाईल. जी आयुधे /शस्त्रे /त्यांचे स्पेअरपार्टस आता आयात होतात त्यांच्या आयातीवर बंदी घातली जाईल आणि ती भारतात मेकइन इंडियाच्या अंतर्गत बनवली जातील. आणि ही यादी वाढवत नेली जाईल.
संरक्षण खात्याच्या ऑर्डनन्स फॅक्टरीजचे कॉर्पोरेटायझेशन केले जाईल. यामुळे या फॅक्टरीत प्रोफेशनल व्यवस्थापन आल्यामुळे स्वायत्तता, कार्यक्षमता, आणि अकौंटंबिलिटी यावर भर दिला जाईल. या ऑर्डनन्स फॅक्टरीजचे स्टॉक एक्स्चेंजवर लिस्टिंग केले जाईल. त्यामुळे रिटेल गुंतवणूकदार हे शेअर खरेदी करू शकतील तसेच त्यात पारदर्शकता येईल.
(४) मुलकी हवाई वाहतूक सेवेसाठी आता फक्त ६०% एअरस्पेस उपलब्ध आहे. त्यामुळे उड्डाणे लांबच्या मार्गाने होत होती. वेळ, इंधन जास्त लागत होते. आता हवाईवाहतुकीचे रॅशनलायझेशन केल्यामुळे शॉर्टेस्ट रुटने प्रवास करता येईल.
एअरपोर्ट ऑथारिटी ऑफ इंडिया ६ विमानतळाचे PPP तत्वावर लिलाव करेल. तसेच १२ विमानतळांवर आंतराष्ट्रीय मानकांनुसार सोयी उपलब्ध करून दिल्या जातील.
भारतातील विमानाची MRO (मेंटेनन्स रिपेअर्स आणि ओव्हरहालिंग) क्षमता वाढवली जाईल. त्यामुळे भारतीय मुलकी आणि मिलिटरी एअरक्राफ्टचे MRO ऑपेरेशन भारतात होउ शकेल.
(५) केंद्रशासित प्रदेशातील DISCOM कंपन्यांचे खाजगीकरण केले जाईल. या क्षेत्रात कोणतीही अकार्यक्षमता सहन केली जाणार नाही, तसेच जनरेशन कंपन्यांचे ड्यूज वेळेवर दिले जातील. स्मार्ट प्रीपेड मीटर्स लावली जातील. सबसिडी DBT च्या माध्यमातून दिली जाईल. याचा फायदा वीज ग्राहकांना मिळेल.
सोशल इन्फ्रास्ट्रक्चर प्रोजेक्टमध्ये ३०% व्हायाबिलिटी गॅपचे पेमेंट करण्यासाठी Rs ८१०० कोटींची तरतूद केली जाईल.
(६) स्पेस रिलेटेड टेक्नॉलॉजी :- ISRO चे ऍसेट्स, योग्य सिक्युरिटी क्लीअरन्स नंतर खाजगी कंपन्या, संशोधक, स्टार्टअपना उपलब्ध केले जातील. तसेच इंडियाचा जिओस्पेशल डाटा NGO, स्टार्टअपना इरिगेशन प्रोजेक्टसाठी उपलब्ध करून दिला जाईल.
(७) अटॉमीक एनर्जी :- मेडिकल ISOTOPES, जे कॅन्सर किंवा अन्य असाध्य रोगांच्या उपचारात उपयोगी येतात त्याच्यासाठी ऍटोमिक रिसर्च रिऍक्टर PPP तत्वावर स्थापन केला जाईल. तसेच रेडिएशन टेक्नॉलॉजीद्वारा अन्यधान्य, पिके, कांदे भाज्या यांचि साठवण करण्यासंबंधित संशोधन केले जाईल.
(८) देशातील ३३७६ इंडस्ट्रियल पार्क्स, इंडस्ट्रियल एस्टेट्स, SEZ यांचे लिस्टिंग केले जाईल.

रविवारी आपल्या पत्रकार परिषदेत माननीय अर्थमंत्री निर्मला सीतारामन यांनी आत्मनिर्भर भारत पॅकेजची माहिती दिली.
आपल्या राज्यात परत जाणार्या परप्रांतीय मजुरांसाठी रोजगार हमी योजनेत काम देण्यासाठी Rs ६१००० + Rs ४०००० कोटींची तरतूद केली. प्रत्येक जिल्हा, तालुका, ब्लॉक स्तरावर हेल्थ आणि वेलनेस केंद्र स्थापन केले जाईल.तसेच पब्लिक हेल्थ लॅब्स स्थापन केल्या जातील. E -विद्या प्रोग्राम :- या द्वारे प्रत्येक इयत्तेसाठी एक चॅनेल सुरु केला जाईल. दिव्यांगांनाही याचा उपयोग केला जाईल अशी व्यवस्था केली जाईल. सर्व इयत्तासाठी E -बुक चॅनेलवर उपलब्ध करून दिली जातील.
कर्जाच्या परतफेडीमध्ये डिफॉल्ट झाल्यास IBC अंतर्गत कोणतीही कारवाई एक वर्षापर्यंत होणार नाही. डिफॉल्टची रक्कम Rs १ लाखावरून Rs १ कोटी एवढी वाढवली.

कंपनी कायद्यानुसार कोविद १९ च्या संकटामुळे कंपनीच्या सर्व कॉम्प्लायन्समध्ये मुदतवाढ दिली. काही प्रक्रियेतील त्रुटी आणि छोट्या चुका यांच्यासाठी असलेली क्रिमिनल लायबिलिटीची तरतूद रद्द केली.

उद्योगाच्या सर्व क्षेत्रांचे स्ट्रॅटेजिक आणि नॉन स्ट्रॅटेजिक असे वर्गीकरण केले जाईल. स्ट्रॅटेजिक सेक्टरमध्ये किमान १ आणि कमाल ४ PSE असतील. स्ट्रेटीजीक लिस्टच्या बाहेर असणाऱ्या कंपन्यांचे खाजगीकरण किंवा मर्जर केले जाईल.

BSE निर्देशांक सेन्सेक्स ३००२८ NSE निर्देशांक निफ्टी ८८२३ बँक निफ्टी १७५७३ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १५ मे २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १५ मे २०२०

आज क्रूड US $ ३१.२९ प्रती बॅरल ते US $ ३२.४० प्रती बॅरल तर रुपया US $ १ = Rs ७५.५२ ते US $ १= Rs ७५.५३ या दरम्यान होते. US $ निर्देशांक १००.३४ तर VIX ३८.१८ होते.

वर्ल्ड बँक भारताला कोविद १९ चा सामना करण्यासाठी US $१०० कोटींची मदत करणार आहे.

IMD ने सांगितले की यावर्षी मान्सून थोडा आधी सुरु होईल आणि सामान्य असेल. काही प्रदेशात मात्र पाऊस कमी राहण्याची शक्यता आहे. २८ मे २०२० पर्यंत केरळमध्ये मान्सून दस्तक देईल. पश्चिम बंगालमध्ये वादळामुळे हवामान बदलण्याची शक्यता आहे.

चीनमधून USA मध्ये आयात होते ते धोकादायक असू शकते असे USA ला वाटते. जर एखादी कंपनी USA च्या बाहेर प्लांट लावत असेल तर त्या कंपन्यांवर वेगळा टॅक्स लावण्याचा तेथील सरकार विचार करत आहे. USA पेन्शन फंडांनी चीनमध्ये गुंतवणूक केली आहे त्यांच्यावर काही बंधने USA लावणार आहे. FII नी भारत छोडो आंदोलन सुरु केले आहे असे वाटते. त्यांची भारतीय मार्केट्मध्ये विक्री वाढली आहे.

हिंदुस्थान झिंकच्या लाभांशाची( Rs १६.५० प्रती शेअर) रेकॉर्ड डेट २० मे २०२० आहे.

मनापूरम फायनान्स यांच्या डिसबर्समेंटमध्ये ४०% वाढ झाली. त्यांचे चौथ्या तिमाहीचे निकाल चांगले आले. झेन्सार टेक, महिंद्रा EPC, दिग्विजय सिमेंट ( कंपनी तोट्यातून फायद्यात आली आणि DEBTFREE कंपनी झाली) IEX आणि आवास फायनान्सियल यांचे चौथ्या तिमाहीचे निकाल चांगले आले. बायोकॉनचे चौथ्या तिमाहीचे निकाल कमजोर आले. प्रॉफीटमध्ये ४२% घट झाली.

आरती ड्रग्स या कंपनीचे चौथ्या तिमाहीचे प्रॉफिट Rs २७ कोटींवरून Rs ५९ कोटी झाले. उत्पन्न Rs ४४९ कोटी तर मार्जिन १५.९% होते. आरती ड्रग्स मध्ये आज तेजी होती.

सरकार कर्जाची सुलभ आणि सोपी उपलब्धता यावर भर देत आहे. पण यामुळे मागणी वाढणार नाही. यावर्षी रबीचे पीक चांगले आले आहे. त्याचा चांगला परिणाम ट्रॅक्टर, कृषी संबंधित मशिनरी, टू व्हीलर यांच्या विक्रीवर होईल.

सरकारने अफोर्डेबल हौसिंगवर भर दिल्यामुळे हुडको, NBCC या कंपन्या तेजीत होत्या.

SAIL आपले नॉनकोअर ऍसेट विकण्याची शक्यता आहे.

कामगारांचे बाकी असलेले पैसे पूर्णपणे दिले नाहीत तर खाजगी कंपन्या आणि इतर उद्योजकांवर एक आठवडा तरी केंद्र सरकार आणि राज्य सरकारने कारवाई करु नये असे आदेश दिले.

सोमवारी भारती इंफ्राटेल, GSK फार्मा, टोरंट पॉवर या कंपन्यांचे निकाल येतील.

रिलायन्स इंडस्ट्रीज राईट्स इशूमध्ये प्रेफरंशियल ट्रीटमेंट देण्याच्या विचारात आहे म्हणजे काय ? समजा तुमच्याजवळ २७ शेअर्स आहेत १५ शेअर्सला १ शेअर या हिशेबाने तुम्हाला १ च राईट्स शेअर मिळतो. तुम्ही जर रेकॉर्ड डेटच्या आधी ३ शेअर घेऊन १५च्या पटीत शेअर होतील असा विचार केला असेल तर २ शेअर मिळाले असते याचा विचार करून जर राईट्स शेअर अनसब्सक्राइब राहिले आणि तुम्ही ऍडिशनल राईट्स शेअर्स मागितले असतील तर त्या फ्रॅक्शन (१२ शेअर्स) साठी ( या उदाहरणाप्रमाणे) १ राईट्स शेअर मिळेल.
या राईट्स शेअरच्या दर्शनी किंमत Rs १० नुसार Rs २.५० आणि प्रीमियम Rs ३११.७५ प्रीमियम म्हणजेच Rs ३१४.२५ तुम्हाला राईट्सच्या अर्जाबरोबर भरावे लागतील. उरलेली रक्कम Rs ९४२.७५ कंपनी तुमच्याकडून एक किंवा दोन हप्त्यात भरून घेईल.

आज माननीय अर्थमंत्री निर्मला सीतारामन यांनी आत्मनिर्भर भारत पॅकेजच्या तिसरा भागातली तरतुदी विस्ताराने सांगितल्या.

(१) फार्मगेट साठी Rs १ लाख कोटींची तरतूद केली. स्टोअरेज क्षमता वाढविली जाईल
(१) इसेन्शियल कमोडिटीज कायद्यामध्ये बदल करून अन्नधान्य,डाळी,भाज्या, फळे, खाद्य तेले इत्यादी वस्तू डिरेग्युलेट केल्या जातील. किमतीमध्ये प्रमाणाबाहेर वाढ झाल्याशिवाय सरकार निर्यातीवर बंदी, स्टॉक लिमिट ठरवणे आदी उपाय करणार नाही. प्रोसेसिंग युनिट्सना निर्यातदारांना ही स्टॉक बद्दल जास्त विचारणा केली जाणार नाही.
(२) आता शेतकऱ्यांना त्यांचे प्रोड्युस इंटरस्टेट दुसऱ्या राज्यात विकता येत नाही, तसेच लायसेन्स असलेल्या आस्थापनेला/ट्रेडरला विकावे लागते.हे निर्बंध दूर केले जातील. यापुढे शेतकऱ्याला आपले प्रोड्युस E ट्रेडद्वारे भारतात कोठेही विकता येईल किंवा निर्यातही करता येईल.आणि आंतरराज्य विक्रीमध्ये कोठलाही अडथळा असणार नाही
(३) सरकार लवकरच अशी एक कायदेशीर संरचना तयार करेल ज्याद्वारे शेतकऱयांना पेरणीच्या वेळेलाच आपले पीक विकता येईल. आणि एक ठरावीक किमतीची हमी मिळेल. निर्यातदार, होलसेलर तसेच प्रोसेसिंग उद्योग यांच्या बरोबर असा करार करता येईल. त्यामुळे शेतकऱ्याच्या उत्पन्नातील अनिश्चितता कमी होईल त्याची पिळवणूक थांबेल आणि व्यवहारात पारदर्शकता येईल.
(४) मायक्रो फूडप्रोसेसर्ससाठी क्लस्टर पॉलिसीमार्फत उत्तेजन दिले जाईल. उदा बिहार मध्ये मखाना, जम्मू आणि काश्मीरमध्ये केसर, UP मधील आंबे आंध्र प्रदेशात मिरची, अशी आपल्या राज्याची ओळख सांगणार्या पदार्थांच्या प्रोसेसिंग आणि मार्केटिंगसाठी मदत दिली जाईल. Rs १०००० कोटींची तरतूद. हेल्थ & वेलनेस प्रॉडक्ट्स, क्षमता विस्तार आणि आधुनिकीकरण, ब्रॅण्डिंग, प्रमोशन, निर्यात यांच्यासाठी केली आहे.
(५) मत्स्य संपदा या योजनेखाली डीप सी फिशिंग, इनलँड वॉटर फिशिंग, अक्वाकलचरसाठी बोटी, लॉजिस्टिक कॅपॅसिटीचा विस्तार केला जाईल. मच्छिमार आणि त्यांच्या बोटीना विमासंरक्षण दिले जाईल. ज्या काळात मच्छिमारांना समुद्रात जायला बंदी केलेली असते तेव्हा त्यांना मदत दिली जाईल.
(६) गंगेच्या किनाऱ्यावर १० लाख हेक्टर म्हणजेच सुमारे २५ लाख एकरमध्ये हर्बल आणि मेडिसिनल प्लांटचे उत्पादन केले जाईल. Rs ४००० कोटींची तरतूद केली आहे.
(७) सर्व पशुधनाचे FOOT आणि MOUTH या रोगासाठी प्रतिबंधक लसीकरण केले जाईल. घरेलू उत्पादनाचे ब्रॅण्डिंग केले जाईल. आणि त्याच्या निर्यातीसाठी मदत केली जाईल. जर दूध आणि इतर दुग्ध उत्पादने ही लसीकरण झालेल्या पशूंपासून बनवली तर त्यांची निर्यात करणे सोपी जाईल. पशुखाद्य उत्पादनासाठी मदत केली जाईल. यासाठी Rs १३००० कोटींची तरतूद केली. डेअरी उद्योगासाठी Rs १५००० कोटींची तरतूद केली जाईल. दुग्ध उत्पादनाची निर्यात केली जाईल.
(६) मधमाशा पालनासाठी मदत केली जाईल. यामुळे आपल्या वॅक्स आयातीत बचत होईल तसेच ग्राहकांना मध सहजतेने उपलब्ध होईल. Rs ५०० कोटींची तरतूद.
(७) कांदा,टोमॅटो, बटाटे आणि इतर भाज्या किंवा नाशिवंत वस्तू यांच्या विक्रीसाठी मालभाडे आणि स्टोअरेज यासाठी ५०% सबसिडी दिली जाईल.ही ऑपरेशन ग्रीन योजना सहा महिने प्रायोगिक तत्वावर चालू ठेवून नंतर त्याच्यात योग्य ते बदल केले जातील. Rs ५०० कोटींची तरतूद केली जाईल.

या प्रकारे सरकार शेतकरी, मच्छिमार, दूध आणि पशुपालन, हर्बल आणि मेडिसिनल प्रॉडक्ट्स यांच्यासाठी एक इन्फ्रास्ट्रक्चर आणि कायद्याची संरचना करत आहे. यामुळे या वर्गाच्या उत्पन्नात निश्चितता, पारदर्शकता येईल. ही झाली योजना आणि स्टिम्युलस. शेअरमार्केटच्या दृष्टिकोनातून डाबर (हर्ब्स आणि मेडिसिनल प्रॉडक्ट्स) हट्सन ऍग्रो ( दूध आणी दुग्धजन्य पदार्थ ) गोदरेज अग्रोव्हेट ( पशुखाद्य) वेंकीज (पशुपालन) GNFC (नीम आणि नीम प्रॉडक्ट्स ), वॉटरबेस, अँपेक्स फ्रोझन फूड्स, अवंती फीड्स, वाईन प्रोड्युसिंग कंपन्या, कोलगेट, वाडीलाल, अमृतांजन अशा कंपन्यांच्या शेअर्समध्ये तेजी येण्याची शक्यता आहे.

आज BSE निर्देशांक सेन्सेक्स ३१०९७ NSE निर्देशांक निफ्टी ९१३६ बँक निफ्टी १८८३३ वर बंद झाले .

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १४ मे २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १४ मे २०२०

आज क्रूड US $ २८.९६ प्रती बॅरल ते US $ ३०.४२ प्रती बॅरल या दरम्यान तर रुपया US $१=Rs ७५.४० ते US $ १ = Rs ७५.५७ या दरम्यान होते. US $ निर्देशांक १००.२५ तर VIX ३६.५० होते.

माननीय अर्थमंत्र्यांनी काल जो ‘आत्मनिर्भर भारत’ चा भाग सांगितला त्याचा मार्केटवर चांगला परिणाम दिसला नाही. जे उपाय, सवलती दिल्या त्यांचा शॉर्ट टर्ममध्ये फारसा परिणाम दिसणार नाही लॉन्ग टर्ममध्ये चांगला परिणाम होईल.

बहुतांश राज्यांनी मद्यार्काच्या होम डिलिव्हरीला परवानगी दिल्यामुळे मद्यार्क उत्पादन करणाऱ्या कंपन्यांच्या शेअर्समध्ये तेजी होती. युनायटेड स्पिरिट्स, युनायटेड ब्रुअरीज, GM ब्रुअरीज, राडिको खेतान

फार्मा कंपन्यांच्या शेअर्समध्ये तेजी होती तर IT क्षेत्रातील कंपन्यां, बँकांच्या शेअरमध्ये मंदी होती.

व्हिएतनाममधून आयात होणाऱ्या फायबर बोर्डवर ऍन्टीडम्पिंग ड्युटी लावली जाण्याची शक्यता आहे. त्यामुळे प्लायवूड उत्पादन करणाऱ्या कंपन्यांचे शेअर्स तेजीत होते. सेंच्युरी प्लायवूड ग्रीन प्लाय

कृषी क्षेत्राला रिलीफ पॅकेजमध्ये चांगल्यापैकी फायदा होईल या अपेक्षेने खत उत्पादन करणाऱ्या कंपन्या उदा NFL, चंबळ फर्टिलायझर्स, RCF GSFC हे शेअर्स तेजीत होते.

क्रूडसाठी असलेली मागणी ९.७ MBPD ने कमी होईल. USA मधील क्रूडचे साठे कमी झाल्यामुळे क्रूडचे दर US $ ३० प्रती बॅरलच्या आसपास राहण्याची शक्यता आहे. पण कोरोनाच्या दुसऱ्या संक्रमणाची भीती व्यक्त केली जात असल्यामुळे क्रूडसाठीची मागणी मोठ्या प्रमाणात वाढण्याची शक्यता नाही.

USA च्या फेडने असे सांगितले की कोरोनाशी लढाई बिकट आहे आणि तिचे अर्थव्यवस्थेवर प्रतिकूल परिणाम दुसऱ्या आणि तिसऱ्या तिमाहीत दिसतील. त्यामुळे प्रयत्न वाढवावे लागतील.फेडच्या या इशाऱ्यानंतर USA च्या मार्केटमध्ये मंदी आली.

चीन, जर्मनी १५ जून २०२० पासून आपल्या सीमा उघडतील. न्यूयॉर्क मध्येही ओपनिंगसाठी पाऊले उचलली जात आहेत.

सनोफी या कंपनीने आपले कोविद १९ वरील औषध लवकरच लाँच करू शकू असे सांगितले. ल्युपिनच्या VIZAG युनिटला USFDA ने EIR दिला. जानेवारीमध्ये झालेल्या तपासणीत USFDA ने ५ त्रुटी दाखवल्या होत्या.

एप्रिल २०२० मध्ये खाद्यपदार्थांचा WPI ३.६०% होता. इतर कमोडिटीजचा WPI या वेळेला जाहीर होणार नाही.

टाटा मोटर्सने सानंद येथील प्लांटमध्ये काम सुरु केले. तसेच २०० डिलरशिपचे काम सुरु केले.

एस्कॉर्टस कंपनीचे चौथ्या तिमाहीचे निकाल आले. प्रॉफिट Rs १२७.९० कोटी तर उत्पन्न १३८५ कोटी झाले. मार्जिन १३% होते. कंपनीने Rs २.५० प्रती शेअर लाभांश जाहीर केला.

सीमेन्सचा रेव्हेन्यू Rs २९१९ कोटी तर नेट प्रॉफिट Rs १७५ कोटी झाला. नेट प्रॉफिट मध्ये लक्षणीय घट झाली. ऑर्डरबुक Rs १२५४७ कोटी होते.

गोदरेज कन्झ्युमरचे उत्पन्न Rs १११३.९४ कोटी तर प्रॉफिट Rs २३० कोटी झाले. प्रॉफिटमध्ये घट झाली.

ABB चे नेट प्रॉफिट २६% ने कमी होऊन ६६.२४ कोटी झाला. टोटल इनकम Rs १५६८ कोटी. उत्पन्न आणि प्रॉफिट कमी झाली. एकूण ऑर्डर्स १०% ने वाढल्या. Rs ४४४४ कोटींचे ऑर्डर बुक होते.

आज माननीय अर्थमंत्र्यांनी ‘आत्मनिर्भर पॅकेज’ च्या दुसऱ्या भागाची माहिती दिली. आपापल्या राज्यात परतणाऱ्या प्रवासी मजुरांना त्यांच्या मूळ राज्यात विविध प्रोजेक्टवर काम दिले जाईल. त्यांना दोन महिन्यांसाठी फ्री धान्य दिले जाईल. त्यासाठी रेशन कार्ड नसले तरी हे अन्नधान्य मिळेल. रेशन कार्डाची अडचण दूर व्हावी म्हणून केंद्र सरकार ‘एक देश एक रेशन कार्ड’ ही योजना राबवणार आहे. त्यामुळे प्रवासी मजुराजवळ असलेल्या रेशनकार्डावर त्याला भारतातील कोठल्याही राज्यातील रेशन दुकानातून त्याचे रेशन मिळू शकेल. कृषी कर्जासाठी असलेल्या मोरॅटोरियमची मुदत ३१ मे २०२० पर्यंत वाढवली. Rs ६ लाख ते Rs १८ लाख उत्पन्न असलेल्या मध्यमवर्गासाठी असलेल्या क्रेडिट लिंक्ड सबसीडीची मुदत एक वर्षाने ३१ मार्च २०२१ पर्यंत वाढवली.याचा फायदा रिअल्टी, सिमेंट स्टील, इतर बांधकाम साहित्य बनवणाऱ्या कंपन्या तसेच बांधकाम क्षेत्रात काम करणाऱ्या मजुरांना होईल. तसेच रिअल्टी क्षेत्रात असणाऱ्या कंपन्यांना होईल. त्यामुळे रिअल्टी क्षेत्रातील कंपन्यांच्या शेअर्समध्ये तेजी येईल. उदा HIL एव्हरेस्ट इंडस्ट्रीज. Rs २ लाख कोटी शेतकरी, मच्छिमार, ऍनिमल हजबंड्री यांना किसान क्रेडिट कार्डामार्फत कर्ज दिले जातील.

आजच्या सवलती प्रवासी मजूर, मच्छिमार, ऍनिमल हजबन्ड्री, शेतकरी यांना निरनिराळ्या प्रकारे पैसा उपलब्ध करून देणाऱ्या होत्या. यामुळे ग्रामीण भागात या समाजातील वर्गाकडे पैसा आल्यामुळे ग्रामीण भागातील मागणीला उत्तेजन मिळेल. आणि यामुळे उद्योगांना संजीवनी मिळेल. या क्षेत्रातील शेअर्समध्ये तेजी येईल उदा वॉटरबेस, अँपेक्स फ्रोझन फूड, वेंकीज, अवंती फीड्स, प्रताप स्नॅक्स, हट्सन ऍग्रो, एस्कॉर्टस, VST टिलर्स आणि ट्रॅक्टर्स

उद्या सेक्टरवाईज सवलतींचे पॅकेज जाहीर केले जाणार आहे.

BSE निर्देशांक सेन्सेक्स ३११२२ NSE निर्देशांक निफ्टी ९१४२ तर बँक निफ्टी १९०६८ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १३ मे २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १३ मे २०२०

आज क्रूड US २९.१२ प्रती बॅरल ते US $ २९.८४ प्रती बॅरल या दरम्यान तर रुपया US $१=Rs ७५.३३ ते US $ १= Rs ७५.४९ या दरम्यान होते. US $ निर्देशांक ९९.९७ तर VIX ३८.९२ वर होते.

कालच्या माननिय पंतप्रधानांच्या घोषणेमुळे मार्केट गॅप अपने उघडले आणि ९४०० ची पातळी ओलांडली पण ही तेजी टिकू शकली नाही.

आज MSCI निर्देशांकाचे रीबॅलन्सिंग जाहीर झाले. MSCI स्टॅंडर्ड इंडिया इंडेक्समध्ये ५ शेअर्सचा समावेश झाला – इंद्रप्रस्थ गँस, टाटा कन्झ्युमर प्रॉडक्टस, ज्यूबिलन्ट फूड, बायोकॉन, टॉरंट फार्म. तर या निर्देशांकातून अशोक लेलँड, M & M फायनान्स, टाटा पॉवर, श्रीराम ट्रान्सपोर्ट,या शेअर्सना वगळण्यात आले. MSCI स्मॉल कॅप इंडेक्स मध्ये १८ शेअर्सचा समावेश करण्यात आला तर ५४ शेअर्सना या निर्देशांकातून वगळण्यात आले. MSCI निर्देशांकातील हे बदल २९ मे २०२० पासून अमलात येतील. ज्या शेअर्सचा MSCI निर्देशांकात समावेश झाला त्या शेअर्समध्ये तेजी आली.

वेदांता ही UK बेस्ड मल्टी नॅशनल कंपनी वेदांता इंडिया या कंपनीतील मायनॉरिटी शेअरहोल्डिंग खरेदी करून ही कंपनी प्रायव्हेट लिमिटेड कंपनी बनवण्यावर १८ मे २०२० रोजी विचार करेल. याचाच दुसरा अर्थ म्हणजे वेदांता इंडिया भारतातील स्टॉक एक्स्चेंजवरून डीलीस्ट होईल. याचा अर्थ १९मे ०२० पासून वेदांतामधील ट्रेडिंग बंद होईल असा नव्हे. ही प्रक्रिया मोठी असते. (डीलीस्टिंग आणि इतर कॉर्पोरेट एक्शनविषयी सविस्तर माहिती माझ्या ‘मार्केट आणि मी’ या पुस्तकात दिली आहे )

जानेवारी २७ २०२० ते फेब्रुवारी ६ २०२० दरम्यान अल्केम लॅबच्या USA मधील ST LOUIS प्लांटला EIR दिला.
GILEAD आणि सिप्ला आणि ज्यूबिलण्ट लाईफ यांच्यामध्ये ‘REMSIDIVIR’ या कोविद १९ वरील औषधाच्या उत्पादनासाठी करार होण्याची शक्यता आहे. . या नंतर सिप्ला आणि ज्यूबिलण्ट लाईफच्या शेअर्समध्ये तेजी आली.
हिंदुस्थान झिंक या कंपनीने Rs १६.५० प्रती शेअर अंतरीम लाभांश जाहीर केला.

ऑरोबिंदो फार्मा कंपनीच्या IBUPROFEN या औषधाला USFDA कडून मान्यता मिळाली. त्यामुळे औरोबिंदो फार्माच्या शेअरमध्ये तेजी आली.

इंडिया मार्टचे चौथ्या तिमाहीचे निकाल चांगले आले. या शेअरचा MSCI स्मॉल कॅप इंडेक्स मध्ये समावेश झाला.
इन्फोसिसने ग्लोबल फौंड्री बरोबर डिजिटल सर्व्हिसेससाठी करार केला.

आज कोटक महिंद्रा बँकेचे निकाल आले. प्रॉफिट Rs १२६७ कोटी तर NII Rs ३५६० कोटी होते. NIM ४.७२% होते. GNPA २.२५% तर NNPA ०.७१% होते. प्रोव्हिजन Rs १०४७ कोटी तर स्लिपेजीस Rs ४७१ कोटी होते. CASA रेशियो ५६% होते. कोविद १९ च्या पार्श्वभूमीवर हे निकाल चांगले आहेत. उदय कोटक यांची CMD म्हणून नियुक्ती झाली.
मारुती लिमिटेडचे आज आपले चौथ्या तिमाहीचे निकाल आले. प्रॉफिट Rs १२९१ कोटी , उत्पन्न Rs १८१९८.७० तर मार्जिन ८.५% होते. जरी YOY या आकड्यात घट दिसली तरी कोविद १९ च्या पार्श्वभूमीवर हे निकाल ठीक म्हणता येतील. कंपनीने Rs ६० प्रती शेअर अंतिम लाभांशाची घोषणा केली.

उद्या एस्कॉर्टस, मन्नापुरं फायनान्स, बायोकॉन या कंपन्यांचे निकाल येतील.

काल माननीय पंतप्रधानांनी सांगितल्याप्रमाणे आजपासून माननीय सीतारामन यांनी Rs २० लाख कोटींच्या पॅकेजची माहिती देण्यास सुरुवात केली.

(१) आज MSME ( मायक्रो, स्मॉल मीडियम एंटरप्रायझेस ) ची व्याख्या विस्तृत करण्यात आली. गुंतवणुकीबरोबर टर्नओव्हर हे मानक व्याख्येसाठी ठरवण्यात आले. Rs १ कोटी गुंतवणूक आणि Rs ५ कोटी टर्नओवर ही मायक्रो साठी तर Rs १० कोटींची गुंतवणूक तर Rs ५० कोटींचा टर्नओव्हर ही स्मालसाठी तर Rs २० कोटींची गुंतवणूक तर १०० कोटी टर्नओव्हर ही मीडियम एंटरप्रायझेससाठी सुधारित व्याख्येची तरतूद करण्यात आली. मॅन्युफॅक्चरिंग आणि सर्व्हिस MSME मधील फरक काढून टाकला.

(२) Rs २५ कोटी आऊटस्टँडिंग आणि Rs १०० कोटी टर्नओव्हर असलेल्या MSME ना कोलॅटरलफ्री आणि गॅरंटीशिवाय ४ वर्षांसाठी कर्ज देण्यासाठी Rs ३ लाख कोटींची तरतूद करण्यात आली. या कर्जाच्या परतफेडीसाठी १ वर्षाचे मोरॅटोरियम असेल. याचा फायदा ४५ लाख युनिट्सना होईल. स्ट्रेसड आणि NPA झालेल्या MSME साठी Rs २०००० कोटी सबॉर्डिनेटेड DEBT ची तरतूद केली. याचा फायदा २००००० स्ट्रेसड युनिटला होईल. जी MSME व्हाएबल बिझिनेस करत आहेत आणि त्यांना क्षमता विस्तार करायचा असेल त्यांच्या साठी सरकार फंड ऑफ फंड्स Rs ५०००० कोटींचा स्थापन करेल. सरकार योग्य वाटले तर अशा MSME ना कर्जाबरोबरच इक्विटी पार्टीसिपेशनही करेल.

(३) सरकार आणि CPSE यांना पुरवठा करण्यासाठी Rs २०० कोटींपर्यंत ग्लोबल टेंडर काढणार नाही. कारण ग्लोबल टेंडरच्या अटींमध्ये बसत नसल्याने MSME ना या टेंडर्समध्ये सहभागी होता येत नाही.

(४) भारत सरकार आणी CPSU यांच्या कडून MSME ना येणे असलेले सर्व आऊटस्टँडिंग ड्यूज MSME ना ४५ दिवसांत दिले जातील.

(५) काही विशिष्ट अटी पुर्या करणाऱ्या आस्थापनांचे कर्मचारी आणि एम्प्लॉयर यांनी प्रत्येकी १२% प्रमाणे द्यावयाचे काँट्रीब्युशन पुढील तीन महिन्यांसाठी म्हणजे जून जुलै ऑगस्ट २०२० साठी सरकार भरेल. यामुळे कर्मचारी आणि एम्प्लॉयर दोघांच्याही लिक्विडिटीत वाढ होईल.

(६) NBFC (नॉन बँकिंग फायनान्शियल कंपनीज) HFC (हौसिंग फायनान्स कंपनीज) MFC (मायक्रो फायनान्स कंपनीज) यांची DEBT इन्स्ट्रूमेंट्स खरेदी करण्यासाठी Rs ३०,००० कोटींची तरतूद करण्यात आली आहे. NBFC आता अनरेटेड, AA किंवा त्याच्या खाली रेटिंग असलेली DEBT इंस्ट्रुमेंट्स खरेदी करू शकतील. या मध्ये काही लॉस झाला तर पहिला २०% लॉस सरकार सोसेल. या साठी Rs ४५००० कोटींची तरतूद करण्यात आली.

(७) जी DISCOMS त्यांच्या कडे असलेली आऊटस्टँडिंग रक्कम जनरेटिंग कंपन्यांना देऊ शकत नाही त्यांच्यासाठी Rs ९०००० कोटींची इमर्जन्सी लिक्विडीटी PFC आणि REC यांच्या मार्फत राज्यसरकारने हमी दिलेल्या रिसिव्हेबल्सच्या AGAINST पुरवली जाईल. ह्या लिक्विडिटीचा फायदा वीजग्राहकांपर्यंत पोहोचावा अशी अपेक्षा आहे.

(८) सर्व सरकारी एजन्सीज त्यांच्या काँट्रॅक्टर्सना आपापली काँट्रॅक्टस पूर्ण करण्यासाठी ठरवलेल्या मुदतीत ६ महिने मुदतवाढ देतील.या काँट्रॅक्टमध्ये बांधकाम किंवा कोणत्याही वस्तूंचा पुरवठा यांचा समावेश असेल. सरकार काँट्रॅक्टरने जेव्हढे काम पुरे केले असेल त्या कामाच्या प्रमाणात बँक गॅरंटी रिलीज करतील. यामुळे सरकारी काँट्रॅक्टर्सची लिक्विडीटी वाढेल.

(९) भारत सरकारचे अर्बन डेव्हलपमेंट मंत्रालय सर्व राज्य सरकारे आणि केंद्रशासित प्रदेशांना पत्र लिहून कोविद१९ ही नैसर्गिक आपत्ती समजून अर्ज केल्याशिवाय प्रोजेक्ट रजिस्ट्रेशन सर्टिफिकेट तसेच प्रोजेक्टच्या मुदतीत सहा महिन्यांची मुदतवाढ द्यावी असे कळवेल.ही प्रोजेक्ट्स २५ मार्च २०२० पूर्वी रजिस्टर झालेली असली पाहिजेत.

(१०) पगाराशिवाय असलेल्या उत्पन्नावरील TDSमध्ये मार्च २०२१ पर्यंत २५% ची कपात करण्यात आली आहे.

(११) ज्या ट्रस्ट, नॉनकॉर्पोरेट बिझिनेस एंटिटीजना इन्कमटॅक्स रिफंड ड्यू असेल त्यांना तो ताबडतोब दिला जाईल.

(१२) FY २०१९-२०२० साठी आयकर रिटर्न भरण्याची तारीख ३१ जुलै २०२० आणि ३१ ऑक्टोबर २०२० वाढवून ३० नोव्हेंबर २०२० करण्यात आली आहे.

‘विवादसे विश्वास’ स्कीमची मुदत ३१ डिसेंबर २०२० पर्यंत वाढवली. यापुढील दोन दिवस अर्थमंत्री या पॅकेजविषयी सविस्तर माहिती देणार आहेत.

BSE निर्देशांक सेन्सेक्स ३२००८ NSE निर्देशांक निफ्टी ९३८३ बँक निफ्टी १९६३४ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १२ मे २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १२ मे २०२०

आज क्रूड US $ २९.७१ प्रती बॅरल ते US $ ३०.१० प्रती बॅरल या दरम्यान तर रुपया US ४१=Rs ७५.४९ ते Rs ७५.९६ या दरम्यान होते. US $ निर्देशांक १००.३३ तर VIX ३८.१२ होते.

आज माननीय पंतप्रधान नरेंद्र मोदी यांनी Rs २० लाख कोटीचे ( GDP च्या १०% रक्कम) ‘आत्मनिर्भर भारत अभियान ‘पॅकेजची घोषणा केली. या पॅकेजची सविस्तर घोषणा १३ मे २०२० पासून माननीय अर्थमंत्री निर्मला सीतारामन या जाहीर करतील. या पॅकेजमध्ये किसान, श्रमिक, छोटे आणि मध्यम उद्योग, मच्छिमार, उद्योग जगत आणि मध्यम वर्ग आणि समाजाच्या प्रत्येक वर्गाचा विचार केला जाईल. लँड,लिक्विडीटी, लेबर, LAW या सर्वात बदल करण्यात येतील. आत्मनिर्भरता, आत्मबल आणि आत्मविश्वास हे भारताच्या प्रगतीचे रहस्य असेल. त्यांनी मेक -इन -इंडिया द्वारे स्थानीय प्रोडक्ट बनवा, खरेदी करा आणि जमेल तेथे आणि जमेल तसा प्रसार करा. सर्व क्षेत्रात क्षमता आणि गुणवत्ता वाढवा. म्हणजे भारताची आंतरराष्ट्रीय मार्केटमध्ये स्पर्धात्मक शक्ती वाढेल. त्यांनी भारताला कोरोनाशी लढा यशस्वी करताना प्रगतीचा मार्ग अवलंबा असा संदेश दिला. १८ मे २०२० पर्यंत लॉकडाऊनची मार्गदर्शक तत्वे सरकार जाहीर करेल असे त्यांनी सांगितले.
आज जवळ जवळ सर्व ऑटो आणि ऑटो अँसिलिअरी कंपन्यांनी आपली युनिट अंशतः सुरु केली. तसेच डिलरशिप व्यवहार चालू केले. या प्रमाणेच सिमेंट क्षेत्रातील कंपन्यांनीही आपले प्लांट अंशतः सुरु केले.

आज रिटेल सेक्टरमधील कंपन्यांच्या शेअर्समध्ये तेजी होती. उदा :- V-मार्ट, D -मार्ट, स्पेन्सर रिटेल, लिबर्टी, खादिम’S, वेंकीज.

USA, UK तसेच यूरोपातील अर्थव्यवस्था ओपन होत आहेत. त्यामुळे वॉटरबेस, ऍपेक्स फ्रोझन फूड्स, IFB ऍग्रो इत्यादी मरिन क्षेत्रात निर्यात करणाऱ्या कंपन्या तेजीत होत्या.

अर्थव्यवस्था हळूहळू ओपन होत आहे त्यामुळे पेट्रोल आणि डिझेलची मागणी वाढेल हे लक्षात घेऊन IOC ने आपल्या रिफायनरीची क्षमता ६०% वरून ८०% पर्यंत नेली.

भारती एअरटेलने ५ G साठी IBM आणि ‘RED HAT’ बरोबर करार केला. यामुळे भारती एअरटेल आणि भारती इंफ्राटेल या कंपन्यांच्या शेअर्समध्ये तेजी आली.

टायटनने आपली १५५ वॉच शॉप्स, ५५ ज्युवेलरी शॉप्स आणि १०० आयवेअर शॉप्स उघडली. त्यामुळे टायटनच्या शेअरमध्ये तेजी आली.

SEAMAC या कंपनीला HAL ऑफशोअर कडून US $ २.३ कोटींचे कॉन्ट्रॅक्ट मिळाले.

अडानी लॉजिस्टिक्स या कंपनीने स्नोमॅन लॉजिस्टिक्स या कंपनीत मेजॉरिटी स्टेक खरेदी करण्याचा निर्णय रद्द केला. त्यामुळे स्नोमन लॉजिस्टिक्सच्या शेअरमध्ये मंदी आली.

गोदरेज अग्रोव्हेट या कंपनीचे चौथ्या तिमाहीचे निकाल चांगले आले. प्रॉफिट कमी होऊन Rs ६९.२० कोटी तर उत्पन्न Rs १६२२ कोटी झाले.मार्जिन ७.८% होते. कंपनीने Rs ५.५० प्रती शेअर लाभांश जाहीर केला.

ब्ल्यू स्टार या कंपनीचा प्रॉफिट ८९% कमी झाले, विक्री १८.५% कमी झाली.

पिरामल एंटरप्रायझेस ला चौथ्या तिमाहीसाठी Rs १७६२ कोटी तोटा झाला. कंपनीने Rs १४ प्रती शेअर लाभांश जाहीर केला.

ADF फूड्सचा निकाल चांगला आला. Rs १३ कोटी तर उत्पन्न ८० कोटी झाले.

WOCKHARDT ही कंपनी तोट्यातून नफ्यात आली. कंपनीला Rs ४८.२९ नफा झाला.

स्टरलाईट टेक्नॉलॉजिने Rs ३.५० प्रती शेअर लाभांश जाहीर केला. कंपनीला Rs ८० कोटींचे प्रॉफिट झाले.

ACC नी Rs १४ प्रति शेअर अंतरीम लाभांश जाहीर केला.

बंधन बँकेचे प्रॉफिट Rs ५१७.३० कोटी ( Rs ७०१.४ कोटी) , NII १६८० कोटी (Rs १५३९ कोटी) , ग्रॉस NPA १.४८ % ( १.९६%) होते.

नेस्ले या कंपनीचे पहिल्या तिमाहीचे निकाल आले. कंपनीला Rs ५२५ कोटी ( Rs ४६३ कोटी) फायदा झाला. उत्पन्न Rs ३३२५ कोटी झाले.मार्जिन २३.९१%( २५% ) होते. मार्च महिन्यासाठी IIP -१६.७% होते. एप्रिल २०२० साठी CPI ५.८४% होते.

कॉर्पोरेट एक्शन आणि तिचा वायदे बाजारावर परिणाम 

F & O मार्केटमध्ये व्यवहार होणाऱ्या शेअरच्या स्ट्राईकप्राईस आणि लॉटसाईझवर कंपनीच्या कॉर्पोरेट एक्शनचा परिणाम होतो. कॉर्पोरेट एक्शन प्रमाणे ह्या दोन्हीत असे बदल केले जातात की F & O काँट्रॅक्टची व्हॅल्यू तीच राहावी.

रिलायन्स इंडस्ट्रीजने तुमच्याजवळ रिलायन्सचे १५ शेअर्स असतील तर तुम्हाला १ राईट्स शेअर मिळेल अशी घोषणा केली. एक्स डेटच्या आदल्या दिवशी मार्केट बंद झाल्या नंतर एक्स्चेंज हा बदल करते. रिलायन्सच्या राईट्स इशूची रेकॉर्ड डेट १४ मे २०२० आहे.

म्हणजे १२ मे २०२० रोजी मार्केट संपल्यानंतर जी क्लोज प्राईस असेल त्यानुसार वायदेबाजारातील स्ट्राईक प्राईस आणि लॉट साईझ यात बदल होतील. कॉर्पोरेट एक्शनचा जेवढा फायदा प्रत्येक शेअरमागे होईल त्यानुसार स्ट्राईक प्राईस कमी होते आणि लॉटसाईझ वाढते.

ऍडजस्टमेन्ट फॅक्टर = P -E / P
येथे P = लास्ट कम डेटची स्पॉट प्राईस
E = अर्निंग्स किंवा बेनिफिट प्रती शेअर.
(या उदाहरणात Rs १५७५.७६ ही लास्ट कम डेट ची प्राईस गृहीत धरली आहे) .
नंबर ऑफ इक्विटी शेअर्स =१५
राईट्स एंटायटलमेंट =१ शेअर
टोटल एंटायटलमेंट =१६ शेअर्स
बेनिफिट प्रती राईट्स एंटायटलमेंट = (P-S) X राईट्स एंटायटलमेंट = (Rs १५७६.७५ – Rs १२५७) X १= Rs ३१९.७५ (येथे S= राईट्स इशूची प्राईस प्रती शेअर)
बेनिफिट्स प्रती शेअर Rs ३१९.७५/ १६ = १९.९८४३७५
ऍडजस्टमेन्ट फॅक्टर = (T -E)/P = (Rs १५७६.७५- Rs १९.९८४३७५ ) /Rs १५७६.७५ = ०.९८७३२६
ऍडजस्टेड स्ट्राईक प्राईस ( स्ट्राईक प्राईस Rs १५०० साठी) = Rs १५००X ०.९८७३२६ =Rs १४८०
ऍडजस्टेड स्ट्राईक प्राईस ( स्ट्राईक प्राईस Rs १६०० साठी)= Rs १६०० X ०.९८७३२६ = Rs १५७९
ऍडजस्टेड लॉट साईझ ( लॉटसाईझ ५०० आहे) = ५००X ०.९८७३२६ = ५०६
ऍडजस्टमेन्ट पूर्वी स्ट्राईक प्राईस Rs १५०० च्या एक लॉटची कॉन्ट्रॅक्ट व्हॅल्यू = Rs १५००X ५००= Rs ७५००००
ऍडजस्टमेन्ट नंतर स्ट्राईक प्राईस Rs १५०० च्या १ लॉटची काँन्ट्रॅक्ट व्हॅल्यू = Rs १४८०X ५०६=Rs ७४८८८०
ऍडजस्टमेन्ट पूर्वी स्ट्राईक प्राईस Rs १६०० च्या एक लॉटची कॉन्ट्रॅक्ट व्हॅल्यू = Rs १६००X Rs ५००= Rs ८०००००
ऍडजस्टमेन्ट नंतर स्ट्राईक प्राईस Rs १६०० च्या १ लॉटची काँन्ट्रॅक्ट व्हॅल्यू = Rs १५७९X ५०६=Rs ७९८९७४

या प्रमाणे राईट्स इशूनंतर वेगवेगळ्या स्ट्राईक प्राईसच्या काँट्रॅक्टची व्हॅल्यू सेम राहते. जो थोडाफार फरक येत आहे तो अडजस्टमेन्ट फॅक्टरच्या अप्रॉक्झीमेशन मुळे येत आहे. वेगवेगळ्या कॉर्पोरेट एक्शन आणि त्याची वायदे बाजारातील ऍडजस्टमेन्ट, तसेच वायदा बाजार आणि त्यातील व्यवहार,संकल्पना, स्ट्रॅटेजीज, आणि कँडल स्टिक चार्ट्स आणि त्यांचे आकलन याविषयी माझ्या ‘वायदे बाजार आणि मी ‘ या लवकरच प्रसिद्ध होणाऱ्या पुस्तकात सविस्तररितीने समजावून सांगितले आहेत.

BSE निर्देशांक सेन्सेक्स ३१३७१ NSE निर्देशांक निफ्टी ९१९६ बँक निफ्टी १८८६२ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!