Tag Archives: daily stock market analysis in marathi

आजचं मार्केट – ७ ऑगस्ट २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ७ ऑगस्ट २०२०

आज क्रूड US $ ४४.७५ प्रती बॅरल ते US $ ४५.०६ प्रती बॅरल या दरम्यान तर रुपया US $ १= Rs ७४.९३ ते US $ १= Rs ७४.९७ या दरम्यान तर US $ निर्देशांक ९२.८६ VIX २२.९० आणि PCR १.६० होता.

पेरूआणि चिली येथील खाणींमध्ये कॉपर आणि जस्त यांचे उत्पादन सुरु झाले त्यामुळे या मेटल्समधील तेजीचा वेग कमी होईल. तसेच कॉपर आणि जस्ताची मागणी २०२० मध्ये कमी होईल असा एक अंदाज वर्तवला जात आहे.

फिलिपाइन्समधील लॉकडाऊन १८ ऑगस्ट २०२० पर्यंत वाढवल्यामुळे निकेलचा पुरवठा कमी झाल्यामुळे निकेलमध्ये तेजी येण्याची शक्यता आहे. सोने आणि चांदी यांच्यातील तेजी मागील पानावरुन पुढे चालू होती. सोन्याने Rs ५५८०० आणि चांदीने Rs ७८००० चा स्तर पार केला.

इराकने सांगितले की आम्ही ४ लाख बॅरेल्सची क्रूड उत्पादनात जादा कपात करू. त्यामुळे क्रूड मध्ये तेजी राहील असे वाटते.

सरकार फ़ॉस्फरिक ऍसिड वरील अँटी डम्पिंग ड्युटीची मुदत वाढवण्याचा विचार करत आहे. याचा फायदा गुजरात अल्कली या कंपनीला होईल

माइंड्सपेस बिझिनेस REIT चे लिस्टिंग Rs ३०४ वर झाले. ह्याची इशू प्राईस Rs २७५ होती.

आज ६०० शेअर्सचे सर्किट फिल्टर वाढवले. काही शेअर्सचे सर्किट फिल्टर ५% वरून १०% तर काही शेअर्सचे १०% वरून २०% केले. त्यामुळे आज IFB ऍग्रो, बालाजी टेली, पराग मिल्क अशा मिडकॅप आणि स्माल कॅप शेअर्समध्ये तेजी होती.

सरकारच्या असे लक्षात आले की सेमीकंडक्टरची आयात चीन आणि तैवान मधून मोठ्या प्रमाणावर होत आहे. आत्मनिर्भर योजनेखाली सरकार सेमीकंडक्टर उत्पादन युनिटसाठी जमीन, टॅक्समध्ये सवलत आणि काही सोयी सवलती पुरवण्याचा विचार करत आहे. या साठी सर्व परवानग्या आणि मंजुरी सिंगलविंडो क्लीअरन्समार्फत दिल्या जातील . USA आणि जपान मधील कंपन्यांनी भारतात अशी युनिट्स सुरु करण्यात स्वारस्य दाखवले आहे. या क्षेत्रामध्ये काम करणाऱ्या ABB, सिमेन्स, थरमॅक्स या कंपन्यांना याचा फायदा होईल.

सरकारने स्ट्रॅटेजिक सेक्टर घोषित करण्यासाठी १८ सेक्टरची निवड केली आहे. यात विमा, बँक, फर्टिलायझर, पॉवर, कोल, स्टील, स्पेस, ऍटोमिक एनर्जी, इन्फ्रा, एक्स्पोर्ट्स टेलिकम्युनिकेशन, लॉजिस्टिक्स यांचा समावेश असेल. या क्षेत्रामंध्ये कमाल ४ आणि किमान १ PSU काम करतील. सरकारनी ठरवलेल्या कंपन्यांव्यतिरिक्त PSU चे मर्जर केले जाईल किंवा त्यांचे खाजगीकरण केले जाईल. लवकरच या संबंधित प्रस्ताव मंत्रिमंडळासमोर ठेवला जाईल.

HIL, JSW होल्डिंग, इमामी, बेयर क्रॉप, टॉरंट पॉवर, अल्केम लॅब, यांचे पहिल्या तिमाहीचे निकाल चांगले आले.

BEML, M & M, महानगर गॅस, कजारिया सिरॅमिक्स, शोभा, UFO मुव्हीज, अल्फाजिओ इंडिया, जॉन्सन हिताची यांचे पहिल्या तिमाहीचे निकाल असमाधानकारक होते.

पॉझिटिव्ह पे या योजनेखाली आपल्या Rs ५०००० च्या पेक्षा जास्त रकमेच्या चेकची माहिती/ फोटो आपण आपापल्या बँकेच्या मोबाईलअँपवर अपलोड केला तर ह्या चेकचा क्लीअरन्स सेफ आणि जलद होईल.अशी योजना RBI करत आहे.

BSE निर्देशांक सेन्सेक्स ३८०४० NSE निर्देशांक निफ्टी ११२१४ बँक निफ्टी २१७५४ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ६ ऑगस्ट २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ६ ऑगस्ट २०२०

आज क्रूड US $ ४४.९६ प्रती बॅरल ते US $ ४५.४१ प्रती बॅरल या दरम्यान तर रुपया US $ १= Rs ७४.८७ तेUS $१= Rs ७४.९४ या दरम्यान होते. US $ निर्देशांक ९२.८४ VIX २३.५७ आणि PCR १.२६ होते.

आज USA , युरोप, एशिया तील मार्केट्स तेजीत होती. USA मध्ये लोक एका मोठ्या कोविद १९ पॅकेजची वाट पाहत आहेत. पण जॉबलेस भत्त्यावर एकमत होत नसल्यामुळे पॅकेज जाहीर व्हावयास वेळ लागत आहे. पण आता शुक्रवारपर्यंत हे पॅकेज नक्की जाहीर होईल असे USA च्या अध्यक्षांनी सांगितले. USA मधील क्रूडचे साठे कमी होत आहेत आणि मागणी मात्र वाढत आहे. त्यामुळे क्रूडमध्ये तेजी होती. सोने आणि चांदी यामध्येही तेजी होती. सोने आणि चांदीने अनुक्रमे Rs ५५५०० आणि Rs ७४००० चा स्तर ओलांडला. बँक ऑफ इंग्लंडने आपला बँक रेट ०.१% कायम ठेवला.

आज HDFC लिमिटेड चा QIP इशू ओपन झाला. HDFC Rs १०००० कोटींचे शेअर्स, Rs ४०००कोटींची शेअर वॉरंटस, आणि Rs ९००० कोटींचा NCD चा इशू आणत आहे. शेअर्ससाठी फ्लोअर प्राईस Rs १८३८.३४ ठरवली आहे. या इशूची प्राईसRs १७६० ठरवली आहे. या इशुला चांगला प्रतिसाद मिळत आहे. इक्विटी साठी GIC सिंगापुर, T ROWE, ओपनहायमर यांच्या कडून चांगला प्रतिसाद मिळाला. इशू ४.५ पट सबस्क्राईब झाला. वॉरंटसाठी Rs २१६५ भरायचे असून ही Rs २१६५ प्रती शेअर दराने शेअर्समध्ये तीन वर्षांनी कॉन्व्हर्ट होऊ शकतील. बिर्ला MF, ICICI MF, SBI MF यांनी सबस्क्राईब केला. वॉरंटस इशू ४ वेळा सबस्क्राईब झाला.

एक्सिस बँकेच्या इशुला चांगला प्रतिसाद मिळाला. Rs. १८००० कोटींचा रिस्पॉन्स मिळाला. GIC सिंगापूर, डोमेस्टिक म्युच्युअल फंड यांनी स्वारस्य दाखवले. या QIP इशूची प्राईस Rs ४२० ठरू शकते.

SB त्यागी यांना सेबीचे चेअरमन म्हणून १८ महिन्यांची मुदतवाढ मिळाली आता ते FEB २०२२ पर्यंत आपल्या पदावर राहतील.

सरकार ग्लास फायबरवर अँटी डम्पिंग ड्युटी बसवणार आहे. याचा फायदा असाही ग्लास, सेंट गोबेन या कंपन्यांना होईल.

फेडरल बँक IDBI फेडरल लाईफ इन्शुअरन्स मध्ये Rs २७.५६ प्रती शेअर या भावाने ४% स्टेक घेणार आहे. त्यामुळे फेडरल बँकेचा स्टेक ३०% होईल.

नीती आयोगाने सांगितले की टेलिकॉम, API, इलेक्ट्रॉनिक्स या सेक्टर पाठोपाठ आणखी १० सेक्टर्समध्ये प्रॉडक्शन लिंक्ड इन्सेन्टिव्ह स्कीम लागू करण्यासाठी चर्चा चालू आहे.

ईद आणि रक्षाबंधन यांच्या निमित्ताने एअरलाईन पॅसेंजर्स मध्ये वाढ झाली. याचा फायदा स्पाईस जेट यांना होईल.

मंगलम सिमेंटच्या ५.८५ MT च्या क्षमतेच्या प्लांटमध्ये काम सुरु झाले.

आज RBI ने आपले द्विमासिक वित्तीय धोरण जाहीर केले. RBIने रेपोरेट ४% , रिव्हर्स रेपोरेट ३.३५% MSF आणि बँक रेट ४.२५% वर कायम ठेवला. RBI ने सांगितले की त्यांनी अकामोडेटिव्ह स्टान्स कायम ठेवला. कोविद १९ चा परिणाम कमी करण्यासाठी आणि इन फ्लेशन योग्य त्या स्तरावर ठेवण्यासाठी RBI प्रयत्न करील. RBI कडे फॉरीन एक्स्चेंज रिझर्व्ह US $ ५३४.६ बिलियन एवढा आहे. FY २१ मध्ये पहिल्या सहामाहीत आणि संपूर्ण वर्षांसाठी GDP ग्रोथ निगेटिव्ह राहील. RBI ने OMO, ट्विस्ट, TLTRO या सारख्या उपायांनी लिक्विडीटी पोझिशनवर नियंत्रण ठेवले. RBI ने फायनान्सियल स्टॅब्लिटी ठेवण्याचे लक्ष्य ठेवले आहे.तसेच फायनान्सियल स्ट्रेस कमी करणे, फ्लो ऑफ क्रेडिट सुधारणे, आणि डिजिटल पेमेंट सिस्टीमचा प्रचार करणे ही उद्दिष्टे ठेवली आहेत.

RBI ने NHB आणि नाबार्ड यांना प्रत्येकी Rs ५००० कोटी @ रेपो रेट दिले. हे पैसे NBFC आणि हौसिंग कंपन्या यांना कर्ज देण्यासाठी उपलब्ध असतील.

प्रायारीटी सेक्टरच्या व्याख्येत मध्ये स्टार्टअप्सचा, सोलर पॉवर, बायोगॅस प्लांटचा समावेश केला. तसेच चांगली बँकिंग फॅसिलिटी उपलब्ध असलेल्या आणि बँकिंग फॅसिलिटी पुरेशा प्रमाणात उपलब्ध नसलेल्या प्रदेशात दिलेल्या प्रायारीटी लोंनना वेगळे वेटेज दिले जाईल.

RBI ने रिस्ट्रक्चरिंगची घोषणा केली. जी कर्जे १ मार्च २०२० रोजी स्टॅंडर्ड असेट्स होती आणि ज्यांनी ३० दिवसांच्या पेक्षा जास्त डिफाल्ट केलेला नाही आणि ज्यांच्या मालकीत बदल झालेला नाही अशी कर्जे या योजनेसाठी पात्र होतील. या योजनेसाठी सेक्टरवाईज प्रुडंट एंट्री नॉर्म्स, बाऊंड्री नॉर्म्स, इंडिपेन्डन्ट व्हॅलिडेशन, प्रोजेक्ट सस्टेनॅबिलिटी,स्पेसिफिक बाइंडिंग कव्हेनंट्स, पोस्ट रिस्ट्रक्चरिंग मॉनिटरिंग या सर्व बाबतीत नियम, प्रक्रिया RBI ने नेमलेली कामत यांच्या अध्यक्षते खालील समिती ठरवेल. MSME ना त्या जरी स्ट्रेस्स्ड MSME असल्या तरी या योजनेस पात्र असतील. ह्या योजनांतर्गत रिस्ट्रक्चरिंग ३१ मार्च २०२१ पूर्वी इन्व्होक करावे लागेल आणि त्याची प्रक्रिया १८० दिवसात पुरी करावी लागेल. बँकांना पोस्टरीस्ट्रक्चरिंग रकमेवर जादा प्रोव्हिजन करावी लागेल.

RBI ने ३१ मार्च २०२१ पर्यंत गोल्ड लोनसाठी लोन टू व्हॅल्यू रेशियो ७५% वरून ९०% केला. पर्सनल कर्जाची मुदत मोरॅटोरियम घेतले असले किंवा नसले तरी २ वर्षांपेक्षा जास्त वाढवता येणार नाही. हे रिस्ट्रक्चरिंग ९० दिवसात करावे लागेल. थोडक्यात सांगायचे तर RBI ने आज रिस्ट्रक्चरिंगचा सामान्य आराखडा ठरवला त्यातील नियम,प्रक्रिया, कामत समिती ठरवेल. चेकने केलेल्या पेमेन्टच्या सेफ्टी साठी पॉझिटिव्ह पे आणि ऑन लाईन पेमेंटसाठी ODR यंत्रणा सुरु करणार . पॉझिटिव्ह पे म्हणून Rs ५०००० पेक्षा जास्त चेकसाठी नवीन यंत्रणा बनवली. ODR (ऑनलाईन डिस्प्युट रेझोल्यूशन) ची यंत्रणा सुरु केली जाईल.

आज अपोलो टायर्स, इनॉक्स लिजर, VIP इंडस्ट्रीज, वोडाफोन आयडिया, अडाणी गॅस, DLF, ब्ल्यू स्टार यांचे पहिल्या तिमाहीचे निकाल असमाधानकारक होते. JK लक्ष्मी सिमेंट, कॅनरा बँकेचे निकाल ठीक होते. पोन्नी शुगरचे निकाल चांगले आले.

आज मार्केट द्विधा मनःस्थितीत होते. RBI ची पॉलिसी आणि साप्ताहिक एक्स्पायरी असे दोन ट्रिगर होते. RBI च्या पॉलिसीमध्ये अपेक्षेप्रमाणे रिस्ट्रक्चरिंग आल्यामुळे बँक नीफटीमध्ये तेजी आली.

BSE निर्देशांक सेन्सेक्स ३८०२५ NSE निर्देशांक निफ्टी ११२०० बँक निफ्टी २१६४२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ५ ऑगस्ट २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ५ ऑगस्ट २०२०

आज क्रूड US $ ४४.२५ प्रति बॅरल ते US $ ४४.७२ प्रति बॅरल दरम्यान तर रुपया US $ 1= ७४.८६ ते US $ १= ७४.९४ दरम्यान,US $ निर्देशांक ९३.१३,VIX- २३.८२, PCR-१.४२ होता. आज USA आणि युरोपच्या मार्केट मध्ये तेजी होती.USA आणि चीनमधील ट्रेड वाटाघाटी १५ ऑगस्ट २०२० पासून सुरू होतील.

USA मध्ये सर्वजण कॉरोनासाठी मोठ्या पॅकेजची वाट पाहत आहेत. ह्या पॅकेजचे स्वरूप कसे असावे यासाठी सरकार विचार करत आहे. inflation चे लक्ष्य गाठण्यासाठी इतर उपाय योजण्याचा विचार करत आहे. चीनमध्ये वाहन विक्री वाढली. चीनचा आणि USA चा मॅन्युफॅक्चरिंग डाटा चांगला आला. आजपासून देशात अनलॉक 3 सुरू झाला. सोने आणि चांदीच्या भावांनी अनुक्रमे ₹ ५५००० आणि ₹७०००० चा टप्पा पार केला.

FDC या कंपनीची ७ ऑगस्ट २०२० रोजी टेंडर ऑफर रूटने शेअर बाय बॅक करण्यावर विचार करण्यासाठी आणि पहिल्या तिमाहीचे निकाल जाहीर करण्यासाठी बोर्ड ऑफ डायरेक्टर्सची मीटिंग आहे.

ITI ही कंपनी व्हेंटिलेटर बनवते. व्हेंटिलेटर निर्यातीवरील बंदी सरकारने उठवल्यामुळे या शेअरमध्ये तेजी आली

वन टाईम रिस्टक्चरिंगचा केस बाय केस विचार व्हावा असे सगळ्या बँकर्सचे मत आहे. या कंडिशन्स फॅक्टबेस्ड असाव्यात. या रिस्टक्चरिंगमध्ये प्रमोटर्सचा सहभाग असावा ;बँकांना अपफ्रंट प्रोव्हीजन करायला सांगावी. तसेच कंपनीच्या अडचणी कोविड/ लॉकडाऊनशी संबंधित असाव्यात. कॉर्पोरेट गव्हर्नन्स किंवा व्यवस्थापनाशी संबंधित नसाव्यात. कर्जाच्या अर्जाचा विचार करताना कोविड 19 आणि लॉकडाउनचा अर्जदाराच्या उद्योगावर झालेल्या परिणामांचा विचार इतर मानकांबरोबर करावा. मार्केटची अपेक्षा आहे की RBI या प्रकारच्या योजनेचा विचार करण्याची शक्यता आहे.

PTC इंडिया फायनान्समधील आपला stake विकण्याच्या PTC इंडियाच्या बोलिला NBFC आणि PE फंडांकडून चांगला प्रतिसाद मिळत आहे . आता पर्यंत १० EOI सादर झाल्या आहेत

मारुतीने BS VI इंजिन असलेले S-क्रॉसचे नवीन पेट्रोल variant लाँच केली. याची किंमत ₹८.३० लाख आहे. (६) उद्या RBI आपले द्विमासिक वित्तीय धोरण जाहीर करेल. मार्केटचा अंदाज आहे की वन टाईम debt रिस्टक्चरिंग होईल. रेट कटची शक्यता फार कमी आहे. तसेच अनलॉक 3 सुरू झाल्यामुळे moratorium ची मुदत वाढेल असेही वाटत नाही. RBI कोणत्या तरी अपरंपरागत उपायांची घोषणा करेल असा मार्केटचा कयास आहे.

एअर इंडियासाठी बोली लावण्याची तारीख सरकार ३० सप्टेंबर २०२० पर्यंत वाढवण्याची शक्यता आहे.

टाटा मोटर्स भारतातील आपला पॅसेंजर कार्सचा बिझिनेस विकणार आहे , किंवा त्यात परदेशी गुंतवणूकदार आणण्याची शक्यता आहे.म्हणून टाटा मोटर्स आणि टाटा मोटर्स DVR मध्ये तेजी होती

जुलै २०२० महिन्यासाठी क्लास 8 ट्रकची विक्री वाढली . त्यामुळे भारत फोर्ज या कंपनीचा शेअर वाढला.

मार्कसन फार्माला ऑस्ट्रेलिया, न्यूझीलंडमधून अप्रुव्हल्स मिळत आहेत. कंपनीचा निकालही चांगला आला. त्यामुळे शेअरमध्ये तेजी आली

कॅडीला हेल्थकेअर (प्रॉफिट, उत्पन्न, मार्जिन वाढले), EID पॅरी ( तोट्यातून नफ्यात आली), विसाका इंडस्ट्रीज, ज्योती लॅब, स्ट्राईडस फार्मा,PNB गिल्ट्स, बिर्ला सॉफ्टवेअर, NMDC, SPARC या कंपन्यांचे पहिल्या तिमाहीचे निकाल चांगले आले.

गोदरेज प्रॉपर्टीज, असाही ग्लास,PSP प्रोजेक्ट्स,त्रिवेणी टरबाइन्स, HAWKINS(८०रुपये लाभांश दिला), या कंपन्यांचे पहिल्या तिमाहीचे निकाल असमाधानकारक होते.

आज चहा कॉफी उत्पादन करणाऱ्या शेअर्समध्ये तेजी होती. उदा ADF फ़ुड्स, BBTC, धूनसिरी टी, टाटा कॉफी, Andru युल, CCL प्रॉडक्टस, हरिसन मलयालम,

स्टील pallet, HCR आणि स्टीलचे भाव वाढत आहेत. यामुळे टाटा स्टील, कल्याणी स्टील, टाटा स्टील लॉंग प्रॉडक्टस, सारडा एनर्जी, गोदावरी पॉवर & इसपात या शेअर्स मध्ये तेजी आली.

मार्केटमध्ये लिक्विडीटी भरपूर आहे. त्याचा फायदा फंड रेजिंगसाठी कंपन्या करत आहेत. QIP रूट हा त्यापैकीच एक. एक्सिस बँक, इन्फोएज, या कंपन्यांच्या QIP ला चांगला प्रतिसाद मिळाला. HDFC लिमिटेड आता ₹१४००० कोटींचा QIP इशू आणत आहे.

फोर्स मोटर्सची डोमेस्टिक विक्रि ९९८ युनिट तर एकूण विक्री ११२९ झाली.

BSE निर्देशांक सेन्सेक्स ३७६६३ NSE निर्देशांक निफ्टी १११०१ बँक निफ्टी २१५०९ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ४ ऑगस्ट २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ४ ऑगस्ट २०२०

आज क्रूडUS $४३.३१ प्रति बॅरल ते US $४३.९०प्रति बॅरल दरम्यान तर रुपया US $ 1= ७५.०५ ते US $ १= ७५.१६ दरम्यान,US $ निर्देशांक ९३.५५ VIX- २३.८१, PCR-१.१० होता. आज USA, युरोप, एशियन मार्केटस तेजीत होती.

USA चे अध्यक्ष ट्रम्प यांनी अमेरिकन नागरिकांना नोकरीत प्राधान्य दिले जाईल असे सांगितले. HIB व्हिसावर नियंत्रणे येऊ शकतात. ट्रम्प यांनी मायक्रोसॉफ्ट या कंपनीला ‘टिकटॉक’ विकत घेण्यासाठी 45 दिवसांची मुदत दिली.

मूडीजने FPO नंतर येस बँकेचे रेटिंग B-3 आणि आऊटलुक स्टेबल केला.

ज्यूबिलंट लाईफ रेमसीडीविर भारतात लाँच केले. त्याची किंमत ₹४७०० प्रती १०० mg ठेवली.

बंधन बँकेच्या प्रमोटर्सनी stake विकला त्यात मॉर्गन स्टँनले सारख्या FII नी गुंतवणूक केली.

DGCA ने स्पाईस जेटला त्यांची मान्सून ऑफर रद्द करायला सांगितली.

अलेमबीक फार्मा ने आपल्या QIP इशुची फ्लोअर प्राईस ₹९८०.७५ ठरवली.

जस्ट डायल चा ५% इक्विटी शेअर बाय बॅक ओपन झाला.

स्पाईस जेटला हिथ्रो एअरपोर्टचा स्लॉट मिळाला. आता १ सप्टेंबर २०२० पासून लंडनसाठी उड्डाणे सुरू करेल.

बेकारीच्या आकड्यात ११% वरून ७.४३% एवढी घट झाली. म्हणजेच रोजगार वाढला

धनलक्ष्मी बँक,KPIT टेक्नॉलॉजी,वरुण बिव्हरेजिस, गोदरेज कन्झ्युमर , डिक्सन टेकनोलॉजी, अस्ट्रेल पोली, JTEKT, ताज GVK, अवध शुगर, सेंच्युरी एन्का, गुजरात सिद्धी सिमेंन्ट, Hikal, जिंदाल saw, नारायण हृदयालय यांचे निकाल कमजोर होते.

BSE , VST इंडस्ट्रीज, मार्कसन फार्मा , एरिस लाईफसायंसेस, टाटा कन्झ्युमर प्रॉडक्टस, न्यू लँड लॅबोरेटरीज, PI इंडस्ट्रीज यांचे निकाल चांगले आले

पेट्रोल आणि डिझेल मार्केटिंग साठी लायसेन्स इशू होतील . यासाठी कंपनीची नेट्वर्थ ₹ २५०कोटी आणि १०० आउटलेट असले पाहिजेत.

DGFT ने सर्व प्रकारच्या व्हेंटिलेटरच्या निर्यातीवरची बंदी उठवली.

गेलच्या २६५५ किलोमीटर लांबीच्या पाईपलाईनला ₹१२४०० कोटींच्या प्रोजेक्टसाठी मंजुरी मिळाली.

सरकारने सांगितले की २०२० ते २०२५ या पाच वर्षात सरकार स्वदेशी कंपन्यांकडून संरक्षण खात्यासाठी ₹ १.४० लाख कोटीची खरेदी करेल. या बातमी नंतर HAL, भारत डायनामिक्स, BEL, BEML या शेअर्स मध्ये तेजी आली.

हँडसेट उत्पादन करणाऱ्या विवो या कंपनीने IPL च्या स्पॉन्सर शिपमधून माघार घेतली.

अडानी ग्रुप, सुरक्षा,आणि सनटेक रिऍलिटी यांना HDIL विकत घेण्यात स्वारस्य आहे.

आज HDFC बँकेच्या CEO पदी शशिधर जगदिशन यांच्या नेमणुकीला RBI ने मंजुरी दिली.

एक्सिस बँकेच्या QIP इशुची फ्लोअर प्राईस ₹४४२.१९ तर इन्फो एज ने त्यांच्या QIP इशुची फ्लोअर प्राईस ₹३१७७.१८ ठेवली.

BSE निर्देशांक सेन्सेक्स -३७६८७ NSE निर्देशांक निफ्टी- ११०९५ बँक निफ्टी – २१४९०वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ३ ऑगस्ट २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३ ऑगस्ट २०२०

आज क्रूड US $ ४३.०४ प्रति बॅरल ते US $ ४३.५४ प्रति बॅरल दरम्यान तर रुपया US $ 1= ७४.८१ ते US $ १= ७५.०२ दरम्यान,US $ निर्देशांक ९३.४७,VIX- २४.१९, PCR-१.३१ होता. USA ची मार्केटस तेजीत होती.टेक्नॉलॉजी शेअर्समध्ये तेजी होती .आता USA सुद्धा चीनच्या सॉफ्टवेअर उद्योगावर काही नियंत्रणे आणण्याचा विचार करत आहे. रशियात करोनावरील लस लाँच करण्याची तयारी चालू आहे.

सरकारने मोबाईल उत्पादकांसाठी PLI(प्रॉडक्शन लिंकड इन्ससेंटिव्ह) जाहीर केली. ही योजना मोबाईल फोन्स, ट्रान्झिस्टर, डायोड्स, thyristors, रेझिस्टर्स, कॅपसीटर्स,आणि नॅनोइलेक्ट्रॉनिक्स componants च्या उत्पादनाला लागू होईल. भारतीय कंपन्या किंवा ज्या कंपन्यांचे भारतात रजिस्टर्ड युनिट आहे त्या कंपन्या या योजनेचा फायदा घेऊ शकतात. ज्या कंपन्या ₹ १५००० पेक्षा जास्त किमतीचे मोबाईल उत्पादन करतात त्यांना FY २०२० बेस वर्ष पकडून वाढीव विक्रीवर तसेच प्लांट आणि मशिनरी, R&D, ट्रान्स्फर ऑफ टेक्नॉलॉजी यासाठी केलेल्या गुंतवणुकीवर(लँड आणि बिल्डिंगवर केलेली गुंतवणूक सोडून) ६% इंसेंटिव्ह मिळेल. भारतीय मालकीच्या कंपनीला ₹ २०० कोटी इंसेंटिव्ह चार वर्ष मिळेल. ही योजना पाच वर्षेपर्यंत इंसेंटिव्ह देईल. पांच वर्षात एकूण ₹४०९५१ कोटींची तरतूद केली आहे. या योजनेला दक्षिण कोरियाची SAMSANG, तैवानची PEGATRON, आणि सिंगापूरच्या FLEX या कंपन्यांनी तर डिक्सन टेक्नॉलॉजी,LG इंडिया,LAVA, KARBONN या कंपन्यांनी स्वारस्य दाखवले. या नंतर डिक्सन टेक्नॉलॉजि आणि अंबर एनटरप्रायझेस या शेअर्स मध्ये तेजी आली.

आज बंधन बँकेच्या प्रमोटर्सनी आपला २०.९५% stake विकला. यामध्ये RBI च्या नियमाप्रमाणे प्रमोटर होल्डिंग कमी करणे हा उद्देश होता.या बँकेत प्रमोटर होल्डिंग ६०.९५% आहे. त्यामुळे बँकेवर शाखाविस्तार आणि टॉप एक्झिक्युटिव्हच्या पगारावर बंधने येत होती. हा stake बँकेच्या स्थापनेपासून ३ वर्षाच्या आत ४०% पर्यंत आणि १० वर्षात २०% पेक्षा कमी करायचा आहे. ह्या शेअरची एकाच दिवशी मोठ्या प्रमाणावर विक्री झाल्यामुळे शेअरमध्ये मंदी आली . बँकेत Hdfc LTD चा हिस्सा तसाच राहील

आज जुलै महिन्याचे ऑटो विक्रीचे आकडे आले. दुचाकी वाहनांच्या विक्रीत चांगली वाढ झाली उदा. हिरो मोटो,TVS मोटर्स, बजाज ऑटो तसेच ट्रॅक्टर्सच्या विक्रीत वाढ झाली.उदा. एसकॉर्ट्स, M & M. कारण योग्य वेळेवर,योग्य प्रमाणावर आणि पावसाचे योग्य भौगोलिक वाटप, चांगल्या पेरण्या आणि सरकार ग्रामीण भागात करत असलेला खर्च होय आणि चार चाकी वाहनात मारुती, अशोक लेलँड यांच्या विक्रीत वाढ झाली. आता ग्रामीण आणि अर्धशहरी भागात कोरोनाचा प्रादुर्भाव वाढत आहे. आताची दिसत असलेली वाढीव मागणी ही लॉक डाउन मधील अडकून राहिलेली मागणी आहे. नजीकच्या भविष्यात मागणी वाढेल का यावर उद्योगजगतात दुमत आहे.

3M india आपला ऑटोमोटिव्ह ग्राफिक्सचा बिझिनेस बंद करणार आहे. यामुळे शेअर पडला

टाटा एलेक्सिने INVIDI या कंपनीबरोबर टीव्ही कॅपबिलिटीजसाठी आशिया , भारत , पॅसिफिक साठी करार केला.

स्पेन्सर रिटेल या कंपनीचा ₹ ८० कोटीचा, ₹७५ प्रती शेअरचा भाव असलेला आणि १५ शेअर्समागे २ राईट्स या प्रमाणात असलेला राईट्स इशू उद्यापासून सुरू होईल आणि १८तारखेला संपेल

भारतात astrazeneka च्या Serum इन्स्टिट्यूटला covishield या कॉरोनावरील लसीच्या फेजII आणि फेज III ट्रायल साठी DCGI ने परवानगी दिली.

सारेगम तोट्यातून नफ्यात,दालमिया भारत ,UPL, खेतान केमिकल्स,IOL केमिकल्स,गुफिक बायो, सोलारा ऍक्टिव्ह, बँक ऑफ इंडिया,राणा शुगर या कंपन्यांचे निकाल चांगले आले.

MEP इन्फ्रा(नफयातून तोट्यात), MMTC, जयश्री टी, टाटा केमिकल्स, क्रेडिट एक्सेस ग्रामीण,थायरोकेअर, Exide या कंपन्यांचे पहिल्या तिमाहीचे निकाल कमजोर आले.

WOCKHARDT ही कंपनी कॉविद 19 च्या लसीसाठी UK सरकारबरोबर भागीदारी करणार आहे. या बातमीनंतर Wockhardt च्या शेअरला अपर सर्किट लागले.

बँकिंग विभागाने सरकारकडे ₹ १.२५ लाख कोटी भांडवलाची मागणी केली. हे भांडवल बॉण्डसच्या स्वरूपातही उभारले जाऊ शकते.

Yes Bank त्यांचा AMC business विकणार आहे म्हणजे कोअर business कडे जास्त लक्ष देता येईल ६ जण हा business खरेदी करण्यात interested आहेत

reliance power ही जापनीज युटिलिटी JERA बरोबर बांगला देशात पॉवर प्रोजेक्ट सुरू करत आहे. यात ५१% स्टेक reliance पॉवरचा आहे यातून २२वर्ष वीज पुरवली जाईल.

BSE निर्देशांक सेन्सेक्स ३६९३९,NSE निर्देशांक निफ्टी १०८९१,Bank निफ्टी २१०७२ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ३१ जुलै २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३१ जुलै २०२०

आज क्रूड US $ ४३.१० प्रति बॅरल ते US $ ४३.४३ प्रति बॅरल दरम्यान तर रुपया US $ 1= ७४.७२ ते US $ १= ७४.८६ दरम्यान,US $ निर्देशांक ९२.६५ ,VIX- २४.५६, PCR-१.६९ होता.

अमेरिकेची अर्थव्यवस्था वेगाने contract होत आहे अशी शंका येण्यासारखी स्थिती झाली 1947 नंतर प्रथमच GDP growth 32.9% कमी झाली त्यांचे बेरोजगारीचे आकडे आले ते 1.43 m झाले हे आकडे 25 जुलै रोजी संपलेल्या आठवड्याचे आहेत बेरोजगारी भत्ता लवकर देण्याची गरज निर्माण झाली पण फेसबुक, गुगल,अँपल, अमेझॉन यांचे result चांगले आले

ऑगस्ट महिन्यात मार्केटमध्ये voltality जास्त असेल मार्केट तेजीत असेल तेव्हा कमजोर quality चे शेअर विका आणि करेक्शनची वाट पहा नंतर quality शेअर खरेदी करा सध्या रिस्क रिवॉर्ड रेशो buyerसाठी योग्य नाही

MPC(मोनेटरी पॉलिसी कमिटी)ची मिटींग 4 ऑगस्टला सुरू होईल त्याचा निर्णय 6ऑगस्टला जाहीर केला जाईल रेट कट करण्याची शक्यता नाही आणि गरजही नाही कारण सिस्टीम मध्यें liqidity भरपूर आहे unconventional उपायांचा विचार होईल असे दिसते

सेबीने कॅश सेगमेंट मध्ये up front margin घेण्याची अट 1 सप्टेंबर पर्यंत पुढे ढकलली त्यामुळे थोडा दिलासा मिळाला

टाटा कॅपिटलनी Biocon Biologics मध्ये 0.85 % स्टेक 30 मिलियन डॉलरला घेतला आता biocon कडे 95.25 % स्टेक आहे

BSIV वाहनांचे कोर्टाची पुढील ऑर्डर मिळेपर्यंत रजिस्ट्रेशन होणार नाही असे सुप्रीम कोर्टाने सांगितले.कोर्टाने मार्च २०२० नंतर विकलेल्या गाड्यांची माहिती मागवली.

PNB ही बँक PNB हौसिंग या कंपनीत QIP/राईट्स इशुद्वारा ₹६०० कोटी गुंतवणार आहे.

CAPRI ग्लोबल कॅपिटल ही कंपनी स्मॉल फायनान्स बँक लायसेन्ससाठी अर्ज करणार आहे.

आज अर्थमंत्र्यांनी सांगितले की RBI बरोबर लोन रिस्ट्रक्चरिंग,moratorium वाढवण्यावर, तसेच हॉस्पिटॅलिटी सेक्टर लोन रिकास्ट करण्यावर चर्चा चालू आहे.

टोरंट्स फार्मा,रेन इंडस्ट्रीज, Essel propack, टाटा कम्युनिकेशन,GMR(Q4), झायडस वेलनेस,दीपक फर्टिलायझर (प्रॉफिट ₹९.९ कोटींवरून ₹१२० कोटी झाले), स्टेट बँक ऑफ इंडिया (डिपॉझिट १६% ,ऍडव्हान्स ६.६%वाढले , NII ₹२६६४१.६० कोटी, moratorium ९.५%, GNPA ५.४४%,NNPA१.८६% नेट प्रॉफिट ₹४१९० कोटी,₹ १५३९.७० वन टाइम उत्पन्न,), लाल पाथ लॅब,यूको बँक( तोट्यातून फायद्यात,) या कंपन्यांचे निकाल चांगले आले.

Linde इंडिया,वेस्टलाईफ डेव्हलपमेंट,लक्ष्मी विलास बँक,केसोराम,वेल्सपन,टाटा स्टील BSL, धामपूर शुगर, JSW एनर्जी, जस्ट डायल,टीमलीज, IOC,सन फार्मा, यांचे निकाल कमकुवत होते.

NIIT,महिंद्रा लॉजीस्टिक्स,ब्लु dart या कंपन्यांचे निकाल असमाधानकारक होते.

Concor ची divestment लांबणीवर गेली कारण त्याच्याकडे असणारी जमीन रेल्वेची आहे ती जमीन उपयोगात आणणे, भाडे तत्वावर देणे या बाबतीत मतभेद आहेत.

उद्या ऑटो विक्रीचे आकडे येतील Escorts चे विक्रीचे आकडे चांगले येण्याची शक्यता आहे

BSE निर्देशांक सेन्सेक्स -३७६०६, NSE निर्देशांक निफ्टी- ११०७३ बँक निफ्टी – २१६४० वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ३० जुलै २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ३० जुलै २०२०

आज क्रूड US $ ४३.०७ प्रति बॅरल ते US $ ४३.७५ प्रति बॅरल दरम्यान तर रुपया US $ 1= ७४.८० ते US $ १= ७४.८६ दरम्यान,US $ निर्देशांक ९३.५१,VIX- २४.७२, PCR-१.३२ होता. Fed च्या मिटींगचा result आला रेटमध्ये कोणताही बदल केला नाही liquidity देण्यासाठी बॉण्ड खरेदी केली जाईल कारण अजूनही growth कमी आहे असे सांगितले.

काल US मध्ये लक्षात राहण्यासारखी kodak movement झाली. Eastman kodak Company ने आम्ही व्यवसायात बदल करणार असे सांगितले. फार्मा व्यवसायात जाणार जनरीक ड्रगला लागणारे इन्ग्रेडीएन्ट तयार करणार त्यामुळे US सरकारने त्यांना 765 मिलियन डॉलरचे लोन दिले. त्यासरशी शेअरमध्ये तुफान तेजी आली 23 पट volume होते 2400%शेअर वाढला. आज कॉरोनाच्या लस शोधण्याच्या शर्यतीत रशियाने घोषणा केली की ते १२ ऑगस्ट २०२० ला करोना साठी लस मार्केट मध्ये आणतील

BPCL ची EOI देण्याची तारीख आता 30 सप्टेंबर केली करोनामुळे तारीख वाढवावी लागली असे कळते. यामुळे शेअरमध्ये मंदी आली.

सरकारने ऍडव्हान्स सबसिडी दिली गॅस बेस्ड फरटीलायझर प्लांटला लागणारा गॅस स्वस्तात उपलब्ध झाला. रूरल अर्थव्यवस्था सुधारत आहे. मान्सून चांगला झाला आहे. यामुळे फर्टिलायझर उत्पादक कंपन्यांच्या शेअर्समध्ये तेजी आहे. FACT, मद्रास फर्टिलायझर, GSFC, GNFC, टाटा केमिकल्स,नागार्जुना फर्टिलायझर, चंबळ फर्टि लायझर यांना गॅस स्वस्त मिळतो.

अनलॉक 3 मध्ये मॉल्स आणि मार्केट कॉम्प्लेक्स उघडले जातील. याचा फायदा ग्रोव्हर & वेल, फीनिक्स, प्रोवोग, प्रोझोन याना होईल म्हणून शेअर वाढत होते.जिम्नॅशियम आणि योगा सेंटर ओपन होतील. रात्रीचा कर्फ्यु उठवला. मात्र रेस्टोरंट्स (होम डिलिव्हरी सोडून) फुडकोर्ट आणि सिनेमा थिएटर्स ३१ ऑगस्ट २०२० पर्यंत बंद राहतील. अनलॉक 3 मध्ये थिएटर्स ओपन करायला अंशतः तरी परवानगी मिळेल या अपेक्षेने वाढलेले PVR, इनोक्स लीजर, सिनेलाईन, मुक्ता आर्ट्स या शेअर्समध्ये मंदी आली.

सेबीने मार्जिन ट्रेडिंग नियमात थोडा दिलासा दिला.शेअर प्लेजसाठी 31 ऑगस्ट 2020 पर्यंत मुदत वाढ दिली.तोपर्यंत POA ची प्रक्रिया चालू राहील. 31 ऑगस्ट २०२० पर्यंत नवी आणि जुनी दोन्ही पद्धतीनुसार कामकाज चालू राहील. (५) प्रीकॉल ही कंपनी त्यांच्या स्पेनमधील सबसिडीअरीतील १००% stake € ५०००० ला विकणार आहे.

ऑगस्ट २०२० मध्ये सरकार MSME, INFRA, आणि गरिबांना रोजगार पुरवणारे पॅकेज जाहीर करण्याची शक्यता आहे.

MASTEK या कंपनीजवळ मजेस्कोच्या डीलमधून कॅश येणार असली तरी शेअरहोल्डर्सना याचा फायदा देण्याचा सध्या तरी विचार नाही असे व्यवस्थापनाने सांगितले.

PBOC(पब्लिक बँक ऑफ चीन) चा एशियन पेंट्समध्ये ३०.९ लाख अंबुजामध्ये ६२.८ लाख शेअर्स म्हणजेच प्रत्येकी ०.३२% stake आहे.

चंबळ फर्टिलायझर ,BBTC, भारती एअरटेल( कंपनीने AGR ड्युज साठी ₹१०७४४ कोटींची प्रोविजन केली, ARPUJ ₹१५७ झाला.), सागर सिमेंट,नवीन फ्लूओरिन, MASTAKE, पॉलि मेडिकेअर, करूर व्यासा बँक,चोला इन्व्हेस्टमेंट,LAURAS लॅब्स, डाबर, LT फ़ुड्स, HDFC लिमिटेड, मॅक्स फायनॅन्सीयल, या कंपन्यांचे पहिल्या तिमाहीचे निकाल चांगले आले.

CEAT, TVS मोटर्स,थांगमाई ज्यूवेलर्स, GSK फार्मा, महिंद्र लॉजीस्टिक्स, श्री दिग्विजय सिमेंट, SRF, JM फायनांनशीयल,या कंपन्यांचे result कमकुवत होते

PTC इंडियाचा PTC financial मध्ये ६५%स्टेक आहे हा स्टेक PTC इंडिया विकणार आहे अडाणी कॅपिटल हा स्टेक घेण्यात interested आहे हे डील १२०० ते १४०० कोटींमध्ये होईल यामुळे PTC इंडियाची आर्थिक स्थिती सुधारेल

ऑगस्ट सिरीजसाठी निफ्टीमध्ये ६३% तर बँक निफटीमध्ये ५१% रोल ओव्हर झाले कंपन्यांचे रोल ओव्हर पुढीलप्रमाणे—अडाणी पोर्ट -९१%,एशियन पेंट -९०%, TCS-८९%,ग्रासिम–८७%,JSPL-८६% विप्रो, मारुती, रामको सिमेंट — प्रत्येकी ८५ %, Reliance,Hul, Icici,Tata Consumer– प्रत्येकी ८३% Axis बँक,Hdfc Bank, L&T–प्रत्येकी ८४%, Idfc first-८२%,

BSE निर्देशांक सेन्सेक्स – ३७७३६, NSE निर्देशांक निफ्टी- १११०२, बँक निफ्टी – २१६४६ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २९ जुलै २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २९ जुलै २०२०

आज क्रूड US $ ४३.२७ प्रति बॅरल ते US $ ४३.७८ प्रति बॅरल दरम्यान तर रुपया US $ 1= ७४.७४ ते US $ १= ७४.८३ दरम्यान,US $ निर्देशांक ९३.६७,VIX- २३.६४ PCR-१.८३ होता.

विदेशी संकेत कंपन्यांच्या result वर आधारित होते. 3M आणि मॅक्डोनाल्ड यांचे result कमजोर होते. moderna आणि pfizer दोघेही तिसऱ्या फेजच्या चाचण्या करत आहेत. 30000 लोकांवर ही चाचणी करायची आहे या वर्षाच्या अखेरीस लस बाजारात येईल असे त्यांचे म्हणणे आहे. अमेरिकेत क्रूडचे भांडार वाढत आहे म्हणून क्रूडमध्ये नरमी आली

आज DAP( Defence Acquisition Procedure) चे १०००० पानांचे डॉक्युमेंट आले. आज ५ राफेल विमाने भारताला मिळाली.डिफेन्सला ७४% FDI साठी परवानगी मिळाली आहे डिफेन्सची ९०० उत्पादने आता भारतात बनवली जातील म्हणून डिफेन्स संबंधित शेअरमध्ये तेजी होती उदा–Bel, वालचंदनगर इंडस्ट्री, Hal,Bdl,

चांगले result– हेक्सावेअर, Rbl बँक,IDBI,टाटा कॉफी,सनोफी,कॅस्ट्रोल, कोलगेट (प्रॉफिट ₹१९८ कोटी, उत्पन्न ₹१०४० कोटी, मार्जिन २९.६% होते) DR रेड्डीज (प्रॉफिट ₹५७९ कोटी,उत्पन्न ₹ ४४१८ कोटी मार्जिन २६.३%),हेरिटेज फूड्स, Rvnl

मंत्री मंडळाने आज नॅशनल एज्युकेशन पॉलिसीला मंजुरी दिली. PPP मार्फत शिक्षणात गुंतवणुकीला उत्तेजन, नवीन टेक्निक आणि तंत्रज्ञानाला प्रोत्साहन मिळेल एज्युकेशन सेक्टरसाठी एक रेग्युलेटर नेमणार आहे आवश्यकता वाटल्यास अभ्यासक्रम आणि परीक्षांच्या पॅटर्नमध्ये बदल करणार. नियंत्रण कमी केले जाईल निवेश दुप्पट केला जाईल ८व्या इयत्तेपर्यंत इंग्लिश विषय न शिकण्याची परवानगी दिली जाईल.५ व्या इयत्तेपर्यंत इंग्लिश विषय नसेल.मातृभाषा, किंवा स्थानिक भाषेवर भर असेल

कतारचा सोवरीन फंड QIA ( कतार इन्व्हेस्टमेंट औथोरिटी) रिलायंस इंडस्ट्रीजच्या फायबर ऑप्टिक असेट्सच्या InVIT( इन्फ्रास्ट्रक्चर इन्व्हेस्टमेंट ट्रस्ट) मध्ये ₹११२०० कोटींची गुंतवणूक करण्याची शक्यता आहे. Reliance ही future group चा रिटेल व्यवसाय २४००० कोटी ते २७००० कोटी मध्ये खरेदी करण्याची शक्यता आहे

ओमान ऑइल कंपनी ही ओमानची कंपनी BPCL बरोबर बिना रिफायनरीच्या जॉईंट व्हेंचर मधून बाहेर पडणार आहे.

कार्बोरंडम, स्नोमॅन लॉजीस्टिक ( तोट्यातून नफ्यात), मारुती ( लॉस ₹ २५० कोटी ,उत्पन्न ₹४१०७ कोटी, इतर उत्पन्न ₹ १३१८ कोटी, ₹ ४७५ कोटी,₹ ९६.३ टॅक्स writeback), स्पाईस जेट, इंडिगो quess कॉर्प,किर्लोस्कर फेरस, यांचे निकाल असमाधानकारक होते.

उद्या SBI, डाबर, चोला इन्व्हेस्टमेंट, रिलायंस इंडस्ट्रीज आपले पहिल्या तिमाहीचे निकाल जाहीर करतील. गेटवे डिस्ट्रिपार्कच्या RE चे ट्रेडिंग सुरू होईल.

F&O मार्केटमध्ये NCC आणि जस्ट डायल यांचा शेवटचा दिवस आहे. परवापासून निफ्टी 50 मधून वेदांता बाहेर पडेल आणि HDFC लाईफचा समावेश होईल.

आज रात्री फेडने त्यांच्या दोन दिवसांच्या मीटिंगमध्ये काय निर्णय घेतले हे कळेल.

BSE निर्देशांक सेन्सेक्स ३८०७१ NSE निर्देशांक निफ्टी ११२०२ बँक निफ्टी २२०७६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २८ जुलै २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २८ जुलै २०२०

आज क्रूड US $ ४३.३९ प्रति बॅरल ते US $ ४३.६७ प्रति बॅरल दरम्यान तर रुपया US $ 1= ७४.७४ ते US $ १= ७४.८६ दरम्यान,US $ निर्देशांक ९३.७९ ,VIX- २५.०२, PCR-१.४९ होता. काल FII आणि DII चे आकडे विक्रीचे दिसले. आंतरराष्ट्रीय मार्केटमध्ये संकेत चांगले होते. US $ कमकुवत होणे हे इक्विटीच्या दृष्टीने चांगले असते.

कन्झ्युमर ड्युरेबलमध्ये ७.३% वाढ झाली. टेकनोलॉजी शेअर्समध्ये तेजी आली. जानेवारी ते जून या काळात चीनने USA मधून फक्त २५% च आयात केली. युरोपियन युनियनने दिलेला €७५०बिलियनचा स्टीम्युलस ऐतिहासिक आहे. जापनीज येनशी तुलना करता US $ ०.२% पडला. १०५.९३ येन द्यावे लागतील.आजपासून FOMC ची २ दिवसाची मिटींग सुरू होत आहे

माईंडट्री या कंपनीच्या संयुक्त संस्थापकांनी आपला प्रमोटर्सऐवजी पब्लिक इन्व्हेस्टर म्हणून समावेश करावा असा अर्ज दिला.ते प्रमोटर्स पुढीलप्रमाणे — N P paarthsaarathee, बागची, K Natarajan, Ravanan, LSO इन्व्हेस्टमेंट, कामरान नजीर, स्कॉट स्टेपल्स.

फायझर,,निप्पोन लाईफ, अल्ट्राटेक सिमेंट, IDBI बँक ( बँक तोट्यातून नफ्यात आली. GNPA आणि NNPA मध्ये माफक सुधारणा), नेस्ले या कंपन्यांचे पहिल्या तिमाहीचे निकाल चांगले आले.

महाराष्ट्र सीमलेस,तेजस नेटवर्क्स, वर्धमान टेक्स्टाइल्स,श्री कलहस्ती पाईप, APTECH, HT मेडिया,ओरिएंट सिमेंट, युनायटेड स्पिरिट्स,ग्रीनलाम, टिंनप्लेट, इंडस इंड बँक या कंपन्यांचे पहिल्या तिमाहीचे निकाल असमाधानकारक होते. कोविड 19, त्यामुळे झालेला लॉक-डाउन,सप्लाय चेनमध्ये येणारे अडथळे, कामगारांची टंचाई या सर्वांच्या पार्श्वभूमीवर केवळ फायदा किंवा तोटा बघून चालत नाही. कंपनी ज्या क्षेत्रात काम करते त्या क्षेत्रावर आणि खुद्द कंपनीवर किती परिणाम झाला ते पाहून result चांगला की वाईट हे ठरते परिस्थितीत सुधारणा होण्याची शक्यता आहे का? असली तर किती प्रमाणात याचाही विचार करावा. कठीण परिस्थितीत बिझिनेस कसे सुरू आहेत ते पाहावेत. चार्ट पॅटर्न आणि व्हॅल्यूम बघावेत.नंतर दुसरे दिवशी कोणत्या शेअरमध्ये ट्रेड घ्यावा हे ठरवा.

मॅक्स व्हेंचर ला राईट्स इशुद्वारा ₹३० कोटी उभारायची मंजुरी मिळाली.

येस बँकेमधील स्टेट बँकेचा stake प्रथम ४८.२१% होता. आता FPO नंतर तो ३०% झाला.

PLI ( प्रोडक्शन लिंकड इंसेंटीव) योजना ३१ जुलै २०२० रोजी संपत आहे.मोबाईल फोन उत्पादनासाठी बर्याच कंपन्यांनी स्वारस्य दाखवले.

३१ डिसेंबर २०२० पर्यंत मर्चंडाइज एक्स्पोर्टसाठी सरकारने ₹९००० कोटी द्यायचे ठरवले .पूर्वी यासाठी ₹ ५०००० कोटी दिले जात असत.

सरकारने FLAVIRAPIR या औषधाच्या उत्पादनासाठी बर्याच फार्मा कंपन्याना परवानगी दिली. उदा सिपला, ग्लेन्मार्क फार्मा

उद्या मारुती, भारती एअरटेल, DR रेड्डीज या कंपन्यांचे निकाल आहेत.

मेरिकोच्या व्यवस्थापनाने सांगितले की एप्रिल २०२० चा महिना पूर्णपणे फुकट गेला.सप्लाय चेनचे आव्हान आहे. हेल्थ आणि हायजीन विभागाने चांगली प्रगती केली. सफोला मध्ये १६% ग्रोथ झाली . सफोला ओट्स फ्रांचाईज ४१% ने वाढला. सफोला हनी सुरू केला. डिजिटल मार्केटिंगमध्ये वाढ केली. मेडिकल सॅनिटायझर, beard ग्रुमर , livon serum, लिव्हॉन हेअर गेन टॉनिक, तसेच हेल्थ, ब्यूटी, वेलनेस प्रॉडक्टस ,पॅराशूट, निहार, अलोवैरा, जस्मिन deodorants,हेअर जेल,waxes या प्रॉडक्ट्सला चांगला प्रतिसाद मिळाला.

BSE निर्देशांक सेन्सेक्स ३८४९२ ,NSE निर्देशांक निफ्टी ११३०० ,बँक निफ्टी २२१०५ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २७ जुलै २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २७ जुलै २०२०

आज क्रूड US $ ४३.१४ प्रति बॅरल ते US $ ४३.३३ प्रति बॅरल दरम्यान तर रुपया US $ 1= ७४.६९ ते US $ १= ७४.८६दरम्यान,US $ निर्देशांक ९३.९३,VIX- २४.५४ PCR-१.७४ होता. कोविड 19 चा कहर जगभर चालू आहे. लस उपलब्ध होण्यासाठी २०२१ साल उजाडेल असे सांगितले जाते. लोकांच्या मनातील असुरक्षीततेची भावना कमी होत नाही. अशा परिस्थितीत सोने आणि चांदीचे सर्वात सुरक्षित गुंतवणूक म्हणून महत्व वाढत आहे . परिणामी सोने आणि चांदी MCX वर अनुक्रमे ₹ ५२००० आणि ₹ ६४००० च्या स्तरावर होते.

USA मध्ये मोठ्या टेक्नॉलॉजी कंपन्यांचे आज रिझल्ट आहेत. खरा खेळ स्टीम्युलसचाआहे. US $ ६०० हिशेबाने पॅकेज द्यायचे होते ते आता US$ १२०० (बेकारी भत्ता) च्या हिशेबाने द्यावे अशी मागणी आहे.यामुळे US$ कमकुवत होईल USA चे अध्यक्ष ट्रम्प यांनी औषधांच्या किमती कॅप कराव्यात असे सांगितले. बिल गेट्स यांनी उत्तर कोरियाची S K Biotech ही कंपनी तयार करत असलेली लस जून २०२१ मध्ये मार्केटमध्ये येईल असे सांगितले. UK मधेही पंतप्रधान बोरिस जॉन्सन यानी ओबेसिटी आणि junk फूडविरुद्ध आपण पॅकेज आणणार आहोत असे सांगितले.

आज सेबीने रिटेल गुंतवणूकदारांनाही ‘ डायरेक्ट मार्केट ऍक्सेस’ उपलब्ध करून एक नवीन प्लॅटफॉर्म दिला जाईल असे सांगितले.या प्रक्रियेत ब्रोकरला स्थान असणार नाही. रिटेल गुंतवणुकदार थेट खरेदी विक्री करू शकतील.

सिपलाला भारतात ‘flavirapir’ लाँच करायला मंजुरी मिळाली. हे औषध ‘CIPLENZA’ या नावाने लाँच होईल.

टाटा स्टीलच्या UK प्लांट मध्ये UK सरकार गुंतवणूक करण्याची शक्यता आहे.

इंडिगोची ३० जुलै २०२० रोजी तर युनियन बँकेची २९ जुलै २०२० रोजी फंड रेजिंगवर विचार करण्यासाठी बोर्ड ऑफ डायरेक्टर्सची बैठक आहे.

Mindspace Business PARKचा ReIT(रिअल इस्टेट इन्व्हेस्टमेंट ट्रस्ट) चा इशू २७ जुलैला ओपन होईल आणि २९ जुलैला बंद होईल. प्राईस बँड ₹ २७४ ते ₹ २७५ आहे.मिनिमम लॉट २०० युनिट्सचा आहे. इक्विटी सारखा लिस्टिंग गेन्स मिळत नाही.’DEBT’ इन्स्ट्रुमेंट सारखा रिटर्न मिळतो.

मध्यंतरी क्रूडचा भाव निगेटिव्ह झाला होता. MCX वर निगेटिव्ह भावाचे ट्रेडिंग होत नसल्यामुळे कमोडिटी ट्रेडर्सची पंचाईत झाली होती. ही अडचण दूर करण्यासाठी MCX ने आता निगेटिव्ह भावावर ट्रेडिंग सुरू केले आहे.

येस बँकेत ‘बे ट्री इंडिया होल्डिंग’ने ७.४८% stake घेतला. येस बँकेचे आज १२.५ बिलियन शेअर्स मार्केटमध्ये येतील. त्यामुळे एकूण २५.५ बिलियन शेअर्स झाले.आज येस बँकेचा शेअर पडला

सरकारने आज हवाई प्रवासाच्या भाड्यासाठी प्रवासाला लागणाऱ्या वेळानुसार कॅप जाहीर केल्या.

कोळसा मंत्रालयाने जी जमीन कोळशाच्या खाणी साठी उपयोगात येत नाही अशी जमीन लीजवर देण्याची परवानगी मागितली.

अनलॉक 3 मध्ये थिएटर्स, नाट्यगृह उघडण्यासाठी परवानगी मिळण्याची शक्यता आहे.पण थिएटर्स किंवा नाट्यगृहाच्या २५% क्षमते एवढीच तिकिटे विकता येतील.या बातमीनंतर आयनाक्स, PVR, सिनेलाईन, मुक्ता आर्ट्स, UFO मुविज यांचे शेअर्स वाढले.

सरकारने ४७ अँपवर बंदी घातली. आता बॅन केलेले सर्व अँप ८ जुलैला बॅन केलेल्या अँपची कॉपी होती.

मेडिकल ड्रग्स आणि डिव्हाईस पार्कसाठी सरकारने मार्गदर्शक तत्वे जाहीर केली.API (ऍक्टिव्ह फार्मा इन्ग्रेडिंअन्ट्स) आणि मेडिकल डिव्हाईस मध्ये ‘आत्मनिर्भर’.होण्यासाठी हे धोरण तयार केले.

मे २०२० च्या मध्यात जेव्हा कॉरोनामुळे लॉक-डाउन होता, सगळीकडे ले ऑफ आणि वेतन कपातीची चर्चा चालू होती तेव्हा एशियन पेंटसने कामगारांना पगारवाढ दिली. आमच्या बाहेरच्या ग्राहकांप्रमाणे कामगार आमचे अंतर्गत ग्राहक आहेत . त्यामुळे त्यांना खुश ठेवणे हे कंपनी आपले कर्तव्य मानते असे कंपनीने सांगितले.

मेडिकामॅन बायोटेक या कंपनीला ओंकॉलॉजी फर्म्युलेशनकरता लायसेन्स मिळाले.

आंंबूजा सिमेंट, ICICI बँक, ITC, कोरोमोनडल इंटरनॅशनल, MCX,CDSL,परसिस्टनट सीसटीमस, कोटक महिंद्र बँक, एसकॉर्ट्स, हवेल्स, टेक महिंद्रा या कंपन्यांचे पहिल्या तिमाहीचे निकाल चांगले आले.

V- गार्ड, ओरिएंट इलेक्ट्रिक, इंडिया सिमेंट, SCHAEFLER इंडिया, यांचे निकाल असमाधानकारक होते.

उद्या नेस्ले इंडिया, अल्ट्राटेक सिमेंट, कॅस्ट्रोल,टाटा कॉफी आपापले पहिल्या तिमाहीचे निकाल जाहीर करतील. M&M फायनान्सचा राईट्स इशू ओपन होईल.

BSE निर्देशांक सेन्सेक्स ३७९३४ NSE निर्देशांक निफ्टी १११३१ बँक निफ्टी २१८४८ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!