Tag Archives: daily stock market analysis in marathi

आजचं मार्केट – ५ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ५ ऑगस्ट २०१९

आज क्रूड US $ ६०.९५ प्रति बॅरल ते US $ ६१.४५ प्रती बॅरल या दरम्यान तर रुपया US $१=Rs ७०.३२ ते US $ १= Rs ७० .५८ या दरम्यान होते. US $ निर्देशांक ९७.९० होता. VIX १६.४८ होता.

जम्मू काश्मीर मध्ये सुरक्षा व्यवस्था वाढवली. जम्मू काश्मीरच्या बाबतीत काही महत्वाचे निर्णय आजच्या मंत्रीमंडळाच्या बैठकीत घेतले जातील असा अंदाज होता. त्यामुळे मार्केट सुरुवातीला ६५० पाईंट पडले. लोकसभा सुरु होताच सरकारने आपले तीन निर्णय जाहीर केले.
(१) कलम ३७० आणि त्याच्या अंतर्गत असलेली ३५-A ही कलमे रद्द केली. जम्मू आणि काश्मीर हा आता विधानसभा असलेला केंद्रशासित प्रदेश असेल. (२) जम्मू काश्मीर मधून लडाख वेगळा काढून विधानसभा नसलेला केंद्रशासित प्रदेश म्हणून घोषित केला. (३) जम्मू काश्मीरच्या भौगोलिक सीमा नव्याने ठरवण्यात येतील. या निर्णयाला राष्ट्रपतींनी संमती दिली. हा निर्णय घोषित झाल्यावर मार्केट जोरदार पडेल असे वाटले होते पण मार्केटने आश्चर्याचा धक्का दिला. मार्केट सावरले आणि ३०० पाईंट सुधारले सुद्धा. यामुळे १०८०० च्या जवळपास शॉर्ट टर्म बॉटम बनण्याची शक्यता वाटू लागली.
आज अर्थमंत्र्यांनी FPI च्या तक्रारी ऐकून घेण्याचे आश्वासन दिले.

आज इराणने पुन्हा इराकचे एक तेलवाहू जहाज पकडून ठेवले. इराण आणि USA आणि युरोप यांच्यातील ताणतणाव वाढत आहे.

ल्युपिनच्या औरंगाबाद युनिटला USFDA ने क्लीन चिट दिली.

ट्रेड वॉरमुळे युआन या चीनच्या करन्सीच्या मूल्यात बदल झाल्यामुळे आता US $१= चिनी युआन ७.०८ असा विनिमय दर झाला.येन,फ्रॅंक या करन्सीज स्ट्रॉंग झाल्या तर रुपया आणि युआन या करन्सीज कमजोर झाल्या. रुपयाचा US $ बरोबरचा विनिमय दर US $१= ७०.५० पर्यंत घसरला. RBI योग्य वेळी ओपनमार्केट ऑपरेशन करेल.

RBI आपले द्वैमासिक वित्तीय धोरण बुधवार ७ ऑगस्ट २०१९ रोजी जाहीर करेल. RBI या वित्तीय धोरणात ०.२५% रेट कट करेल अशी मार्केटची अपेक्षा आहे. या आधी ५ ऑगस्ट पासून मॉनेटरी पॉलिसी कमिटीची बैठक होईल. ETF मध्ये ऑऊटफ्लो खूप आहे. FII नी IT, फार्मा आणि FMCG मध्ये थोडीशी खरेदी सुरु केली आहे.

भेलने ११६ MV चे पंपिंग स्टेशन सुरु केले.

वेंकीजचे प्रॉफिट कमी झाले. उत्पन्न वाढले. मार्जिनमध्ये घट झाली कारण इनपुट कॉस्ट वाढली. AB कॅपिटल, टॉरेन्ट पॉवर, बॉम्बे डाईंग (तोट्यातून फायद्यात आली), बर्जर पेंट्स या कंपन्यांचे पहिल्या तिमाहीचे निकाल चांगले आले.

युनायटेड इंडिया इन्शुअरन्स, नॅशनल इन्शुरन्स, ओरिएंटल इन्शुरन्स या तीन सरकारी विमा कंपन्यांचे मर्जर केले जाईल. सरकार या कंपन्यात सॉल्व्हन्सी रेशियोसाठी Rs ३००० कोटी गुंतवणूक करेल. नंतर IRDA मर्जरला आवश्यक ती परवानगी देईल.

DHFL चे ऑडिटर डेलॉइटने काम करणे बंद केले. म्हणून DHFL चा शेअर पडला.

५ ऑगस्ट २०१९ पासून स्पंदन या मायक्रोफायनान्स कंपनीचा IPO ओपन झाला. ही कंपनी Rs २५००० ते Rs ६५००० या रेंजमध्ये लोन देते. प्राईस बँड Rs ८५३ ते Rs ८५६ असून मिनिमम लॉट १७ शेअर्सचा आहे. ही कंपनी महिलांच्या गटांना कर्ज देते. या कंपनीचे ओरिसात खूप एक्स्पोजर आहे. या कंपनीला स्माल फायनान्स बँक्स, मायक्रो फायनान्स कंपन्या यांच्या स्पर्धेला तोंड द्यावे लागेल.

द्वारिकेश शुगरचे पहिल्या तिमाहीचे निकाल असमाधानकारक होते. प्रॉफिट आणि ऑपरेटिंग मार्जिन कमी झाले.
कामत हॉटेल या कंपनीचे पहिल्या तिमाहीचे निकाल ठीक आले.

इंडियन बँकेचे प्रॉफिट वाढले. पण ऍसेट गुणवत्ता कमी झाली.

BSE निर्देशांक सेन्सेक्स ३६६९९ NSE निर्देशांक १०८६२ बँक निफ्टी २७६४८ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – २ ऑगस्ट २०१९

आज क्रूड US $ ६१.६४ प्रती बॅरल ते US $ ६२.०२ प्रती बॅरल या दरम्यान तर रुपया US $१=Rs ६९.०९ ते US $१=Rs ६९.५५ या दरम्यान होते. US $ ९८.४१ होते. VIX १५.५० होता.

आज USA चे अध्यक्ष ट्रम्प यांनी चीनच्या US $ ३००० बिलियन मालावर १ सप्टेंबर २०१९ पासून १०% नवीन ड्युटी आकारली जाईल असे सांगितले. त्यामुळे आता USA आणि चीनमधील ट्रेडवॉर वेगळे वळण घेत आहे असे वाटते. चीनच्या परराष्ट्र खात्याने सांगितले की ही USA ची ट्रेडवॉरची नीती जागतिक अर्थव्यवस्थेसाठी अपायकारक आहे. आम्हाला ट्रेड वॉर नको आहे वाटाघाटींनी प्रश्न सोडवण्यासाठी आम्ही सर्व पर्यायांचा विचार करायला तयार आहोत. पण वेळ आली तर आम्ही मागे हटणार नाही. त्यांनी असेही सांगितले की याबाबतीत USA चा पवित्रा स्पष्ट होत नाही. USA आणि चीन यांच्यातील ट्रेड वॉरमुळे मेटल्स संबंधित शेअर्स पडत आहेत.

शेअरमार्केट मंदीत आहे. बॉण्ड यिल्डस कमी होत आहेत. मुदत ठेवीवरचे व्याजाचे दर कमी होत आहेत. अशा परिस्थितीत लोक सोन्याकडे एक सुरक्षित बचत म्हणून पहात आहेत. सोन्याचा ओक्टोबर २०१९ MCX वायद्याचा भाव आज Rs ३६००० च्या वर होता.

पॉवर ग्रीड या सरकारी कंपनीचे पहिल्या तिमाहीचे निकाल आले. फायदा Rs २४२८ कोटी, उत्पन्न Rs ८८०४ कोटी, मार्जिन ९.७% होते. हे निकाल चांगले होते.

HDFC या हौसिंग लोन क्षेत्रामधील दिग्गज कंपनीला पहिल्या तिमाहीत Rs ३२०३ कोटी नफा झाला उत्पन्न Rs १२९९० कोटी, होते. कंपनीने इम्पेअरमेंट ऑन फायनान्सियल इंस्ट्रुमेन्टससाठी Rs ८९० कोटींची प्रोव्हिजन केली. हा रिझल्ट क्षेत्रातील इतर NBFC आणि हौसिंग कंपन्यांच्या निकालांच्या पार्श्वभूमीवर चांगला होता.

आज ITC या FMCG क्षेत्रातील कंपनीच्या पहिल्या तिमाहीचे निकाल चांगले आले. नफा Rs ३१७४ कोटी, उत्पन्न Rs ११५०३ कोटी आणि मार्जिन ३९.७% झाले.

आज स्टेट बँकेने आपले पहिल्या तिमाहीचे निकाल जाहीर केले. बँकेला Rs २२९३९ कोटी उत्पन्न, Rs २३१२ कोटी नफा झाला. GNPA स्थिर होते तर NNPA मध्ये किंचित वाढ झाली. पण या तिमाहीत स्लीपेजिस Rs १६२१२ कोटी झाले. बँकेने Rs १५८४२ कोटींची कर्ज WRITE OFF केली, निकाल ठीक म्हणता येतील. स्टेट बँकेने एकूण Rs ७१००० कोटींची कर्ज ऑटो क्षेत्रातील कंपन्यांना दिली आहेत. त्यापैकी Rs ११००० कोटी ऑटो डिलर्सकडे अडकले आहेत. ल्युमेक्स ऑटो चा निकाल खराब आला.

सरकारने OFS साठी NBCC, कोल इंडिया, NMDC, हुडको, IRCON, NLC या कंपन्यांची निवड केली आहे सरकारची या कंपन्यातील १०% स्टेकसाठी OFS आणण्याची योजना आहे.

सरकारने IT क्षेत्रातील कंपन्यांना ओव्हरसीज असणाऱ्या कर्मचाऱ्यांना त्या त्या देशाची भाषा शिकवण्याची सूचना केली आहे. उदा चीन जपान कोरिया यामुळे ह्या ओव्हरसीज कर्मचाऱयांची कार्यक्षमता वाढून निर्यात वाढीला उत्तेजन मिळेल असे सरकारला वाटते.

सरकारने अंदाज पत्रकात Rs २ कोटींपेक्षा जास्त उत्पन्नावर आयकर कायद्यात जादा सेस आकारण्यात येईल असा नियम केला. ही तरतूद असलेले फायनान्स बिलही मंजूर झाले. या तरतुदीप्रमाणे कॉर्पोरेट स्ट्रक्चर नसलेल्या सर्व FPI ना ह्या जादा सेसची झळ पोहोचणार होती. त्यामुळे FPI नी अंदाज पत्रक जाहीर झाल्यावर भारतीय शेअर मार्केट मधून आपली गुंतवणूक काढून घ्यायला सुरुवात केली.FPI नी याबाबतीत सर्व संबंधितांची भेट घेतली.त्यांच्या मते सर्व प्रकारच्या FPI ना कॉर्पोरेट स्ट्रक्चरमध्ये रूपांतर करणे सोपे आणि व्यवहार्य होणार नाही. पण सरकार आपल्या भूमिकेवर ठाम राहिले. याचा परिणाम म्हणजे अंदाजपत्रकाच्या सुमारास १२००० वर असणारा निफ्टी आज १०८८० झाला. सर्व लार्जकॅप शेअर्स आणि ब्ल्यू चिप शेअर्सच्या किमती FPI नी ह्या शेअर्समध्ये विक्री केल्यामुळे कमी झाल्या. सरकार सरचार्ज देऊन जेवढी रक्कम गोळा करेल त्यापेक्षा जास्त नुकसान मार्केट सतत पडत होत असल्याने आता सरकारचे लक्ष या प्रश्नाकडे गेले आहे. पंतप्रधानांच्या ऑफिसने नीती आयोग, अर्थमंत्रालय, विधी मंत्रालय आणि सेबी यांना FPI ना या सेसमधून सवलत कशी देता येईल याचे मार्ग शोधायला सांगितले आहेत. फायनान्स बिल दोन्ही सभागृहांनी मंजूर केल्यामुळे आता त्यात दुरुस्ती करता येणार नाही.दुसऱ्या कोणत्या तरी मार्गाने यातून मार्ग काढावा लागेल. मार्केटने या बातमीचे स्वागत केले. पडणारे मार्केट काहीसे सावरले.

सरकारने खाजगी लिस्टेड कंपन्यांमधील पब्लिक स्टेक २५% वरून ३५% वर नेण्याचा आपला निर्णय सध्या काही दिवसांसाठी स्थगित ठेवण्यास सांगितले आहे.

सरकार नॅशनल हौसिंग बँकेला Rs १०००० कोटी देईल. NHB हे पैसे हाऊसिंग फायनान्स कंपन्यांना अफोर्डेबल हौसिंग योजनेखाली कर्ज देण्यासाठी कर्जाऊ देईल.

सरकार १५ ऑगस्ट २०१९ स्वातंत्र्यदिनापासून किसान पेन्शन योजना अमलात आणील.

टाटा पॉवर आणि टाटा मोटर्स यांच्यात प्रमुख महानगरात EV चार्जिंग स्टेशन बनवण्यासाठी करार झाला.
आंध्र बँक तोट्यातून फायद्यात आली. ऍसेट गुणवत्तेमध्ये सुधारणा दिसली नाही.

EXIDE , गोदरेज एग्रोव्हेट, BEML, पराग मिल्क यांचे निकाल ठीक होते.

उज्जीवन, हुडको, दीपक नायट्रेट, बाटा यांचे पहिल्या तिमाहीचे निकाल चांगले आले.

BSE निर्देशांक सेन्सेक्स ३७११८ NSE निर्देशांक निफ्टी १०९९७ बँक निफ्टी २८२०४ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १ ऑगस्ट २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – १ ऑगस्ट २०१९

आज क्रूड US $ ६४.२७ प्रती बॅरल ते US $ ६४.४५ प्रती बॅरल या दरम्यान तर रुपया US $१=Rs ६९.०२ ते US $१=Rs ६९.०८ या दरम्यान होते. US $ निर्देशांक ९८.८३ होता. VIX १४.५५ होता.

अमेरिका आणि चीन यांच्यातील ट्रेड वाटाघाटी आता सप्टेंबर २०१९ पर्यंत पुढे ढकलली. आता ह्या वाटाघाटी शांघाय येथे होतील.

आज फेडने ०.२५% रेट कट केला. रेट ऑफ इंटरेस्ट २ ते २.२५ एवढा राहील. फेडने सांगितले की ही मिडसायकल अडजस्टमेन्ट आहे. महागाई आणि मंदी या कारणामुळे रेट कट केला असे फेडने सांगितले. परिस्थितीचा परामर्श घेतल्यावर आवश्यक वाटल्यास रेट कटचा विचार केला जाईल असे सांगितले.

केंद्र सरकारने आता विविध PSU कडे असलेली मालमत्ता विकून Rs ३००० कोटी गोळा करण्याचे लक्ष्य ठेवले आहे. यात BSNL कडे असलेली अलीपूर, मुंबई, जबलपूर येथील जमीन, टॉवर्स, गेल ची ११४०० किलो मीटर्सची गॅस पाईप लाईन, नॅशनल टेक्सटाईल कॉर्पोरेशनच्या मिल्स यांचा समावेश आहे.

आज ७ मार्च २०१९ नंतर प्रथमच मार्केट निर्देशांक निफ्टी १०९०० च्या खाली गेला. काल शेवटच्या सत्रात जी तेजी आली होती ती कमकुवत शेअर्समध्ये होती. आज मात्र मार्केट पडल्यानंतर आलेली तेजी ही मजबूत शेअर्स मध्ये होती.

दिल्लीत ATF ची किंमत ३.४% वाढ झाली.

जेट एअरवेजच्या क्रेडिटर्सची आज मीटिंग होती.

युनिकेम लॅबच्या गोवा युनिटसाठी USFDA ने ४ त्रुटी दाखवल्या.

अजंता फार्मा, MAS फायनान्सियल्स, इंडिया मार्ट, क्रेडिट ऍक्सेस ग्रामीण, थंगमाईल ज्युवेलर्स, CEAT इंटरनॅशनल पेपर, गोदरेज कन्झ्युमर,वरूण बिव्हरेजीस, हिकल, वेलस्पन एंटरप्रायझेस यांचे पहिला तिमाहीचे निकाल चांगले आले.

भारती एअरटेल या टेलिकॉम क्षेत्रातील कंपनीला Rs २८६६ कोटी लॉस झाला. यात Rs १४६९.५० वन टाइम लॉस आहे. पण मार्जिन, अर्पू, उत्पन्न यात वाढ झाली.

मॅग्मा फिनकॉर्प, महिंद्रा लॉजिस्टिक्स, अतुल ऑटो यांचे पहिल्या तिमाहीचे निकाल असमाधानकारक होते.

आज ऑटोच्या विक्रीचे आकडे जाहीर झाले. बजाज ऑटो, मारुती, TVS मोटर्स, SML इसुझू, आयशर मोटर्स, अशोक लेलँड या सर्व ऑटो कंपन्यांची विक्री १०% पेक्षा जास्त कमी झाली. ही विक्रीतील घट अजून दोन तिमाहीपर्यंत चालू राहील असे बहुतेक ऑटो कंपन्यांनी सांगितले.

स्टर्लिंग अँड विल्सन सोलर हा IPO ६ ऑगस्ट २०१९ पासून ओपन होईल आणि ८ ऑगस्ट २०१९ वर बंद होईल. हा Rs ३१२५ कोटींचा IPO आहे. प्राईस बँड Rs ७७५ ते Rs ७८० असेल ही सोलर EPC सोल्युशन्स पुरवणारी कंपनी आहे.
विप्रोच्या शेअर बाय बॅकला मंजुरी मिळाली. पण रेकॉर्ड डेट २१ जून असल्यामुळे आता शेअर्स खरेदी करून उपयोग होणार नाही.

BSE निर्देशांक सेन्सेक्स ३७०१८ NSE निर्दशांक निफ्टी १०९८० बँक निफ्टी २८३६७ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ३१ जुलै २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ३१ जुलै २०१९

आज क्रूड US $ ६५.१२ प्रती बॅरल ते US $ ६५.३१प्रती बॅरल या दरम्यान तर रुपया US $१=Rs ६८.८५ ते US $१=Rs ६८.९१ या दरम्यान होते. US $ निर्देशांक ९८.०६ तर VIX १३.६१ होते.

गेल्या १७ वर्षात या वर्षी जुलै हा महिना निफ्टीसाठी खराब महिना ठरला. ट्रम्प यांनी आज सांगितले की USA मधील निवडणुकांपर्यंत ट्रेड डील लांबवू नयेत मी निवडून आलो तर कदाचित हे डील होणारही नाही. त्यामुळे चीनने या वाटाघाटींना वेग आणावा.

आज शेवटी सिद्धार्थ यांच्या दुःखद निधनाची बातमी खरी आहे असे जाहीर झाले. S.V . रंगनाथ यांची कॅफे कॉफी डेचे अंतरिम चेअरमन म्हणून नेमणूक झाली. गेले दोन दिवस कॅफे कॉफी डे आणि सिकल लॉजिस्टक्स हे शेअर्स लो सर्किटवर ट्रेड करत आहेत

३१ जुलै २०१९ रोजी ३ वाजेपर्यंत AFFLE (इंडिया) चा IPO ८६ वेळा ओव्हरसब्सक्राइब झाला.

P & K ( फॉस्फरस आणि पोटॅशियम) फर्टिलायझर्सचे उत्पादन करणाऱ्या कंपन्यांना सरकार २०१९-२०२० या वर्षात Rs २२८७५ कोटी सबसिडी दिली जाईल असे सरकारने सांगितले. याचा फायदा मंगलोर केमिकल्स अँड फर्टिलायझर , NFL या कंपन्यांना होईल.

INVESCO OPPENHEIMER फंडाने झी एंटरटेनमेंटच्या प्रमोटर्सचा ११.५% स्टेक Rs ४२२४ कोटींना खरेदी केला.
कंपन्यांना अलॉट केलेल्या कॅप्टिव्ह (स्वतःच्या वापरासाठी) खाणींचा तीन वर्षांसाठी वापर केला नाही तर ही खाण कंपन्यांकडून काढून घेण्याचा प्रस्ताव सरकारकडे आहे.

सिम्फनी, मोतीलाल ओसवाल, झायडस वेलनेस, SEQUENT सायंटिफिक,हेस्टर बायोसायन्सेस, IOC, फ्युचर रिटेल यांचे पहिल्या तिमाहीचे निकाल चांगले आले

महिंद्र हॉलिडेज, BF यूटिलिटीज, नेलकास्ट, कॉर्बोरन्डम युनिव्हर्सल, अपोलो टायर्स, ब्ल्यू डार्ट, आयशर मोटर्स यांचे पहिल्या तिमाहीचे निकाल खराब आले.

अलाहाबाद बँक टर्नराउंड झाली. GNPA आणि NNPA यांच्यात किंचित सुधारणा झाली.

OMC कंपन्यांना सरकार पेट्रोल पंपाच्या शेज़ारी इलेक्ट्रिक चार्जिंग स्टेशन उभारण्यासाठी सांगत आहे. पण OMC नी आज सरकारला सांगितले की सध्या EV साठी मागणी नाही. ह्या चार्जींग स्टेशनसाठी खूप भांडवली गुंतवणूक करावी लागेल. यावर्षीच्या अखेरीस सर्व परिस्थितीचा साकल्याने विचार करून या विषयी निर्णय घेऊ असे OMCने सांगितले.

मारुती एर्टिगा (पेट्रोल) चे BSVI व्हर्जन लाँच केली. याची किंमत Rs ७.५४ लाख ठेवली आहे.

BSE निर्देशांक सेन्सेक्स ३७८४१ NSE निर्देशांक निफ्टी ११११८ बँक निफ्टी २६८७६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ३० जुलै २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – ३० जुलै २०१९

आज क्रूड US $ ६४.०० प्रती बॅरल ते US $ ६४.५० प्रति बॅरल या दरम्यान तर रुपया US $१= Rs ६८.६९ ते US $ १= Rs ६८.८३ या दरम्यान होता. US $ निर्देशांक ९८.१८ होता. VIX १३.८० होता.

आज USA मध्ये फेडच्या FOMC ची दोन दिवसांची बैठक सुरु झाली. उद्या रात्रीपर्यंत या मीटिंगमध्ये काय निर्णय झाला याची माहिती मिळेल. USA ची अर्थव्यवस्था आणि जागतिक अर्थव्यवस्था या बाबतीतील फेडचा दृष्टिकोन महतवाचा ठरेल. या बैठकीत ०.२५ बेसिस पाईंट रेट कट होईल असा तज्ज्ञाचा अंदाज आहे.

चीन त्यांच्या अर्थव्यवस्थेमध्ये इन्फ्रास्ट्रक्चरवरील खर्च वाढवण्याच्या विचारात आहे.

USA आणि चीन यांच्यातील ट्रेड वाटाघाटी, फेडच्या FOMC ची मीटिंग आणि त्या मीटिंगमध्ये घेतलेले निर्णय, USA चा जॉब डेटा, पहिल्या तिमाहीचे कॉर्पोरेट निकाल, ऑटो क्षेत्रातील मंदी, RBI च्या येत्या वित्तीय धोरणात रेटकट होण्याची अपेक्षा,अंदाजपत्रकातील जादा सेसमुळे FPI करत असलेली जबरदस्त विक्री, लिक्विडीटीची चणचण, आणि कॅफे कॉफी डे चे संकट ही सगळी कारणे या मार्केट पडण्यामागे आहेत.आज मार्केट पडत होते आणि मार्केट बंद होताना अचानक खूप पडले.

भारत सरकार MTNL आणि BSNL या दोन्ही टेलिकॉम क्षेत्रातील सरकारी कंपन्यांच्या मर्जरची योजना तयार करत आहे.
सन फार्माच्या प्रमोटर्सनी आपल्याकडील ९९.७ % शेअर्स तारण म्हणून ठेवल्याची बातमी आल्यामुळे शेअर पडला.
USA मधील केबल क्षेत्रातील COMCAST या कंपनीच्या नेतृत्वाखालील कन्सॉरशियमने झी एंटरटेनमेंट या कंपनीतील सुभाषचंद्र यांचा स्टेक खरेदी करण्यासाठी बाईंडिंग ऍग्रीमेंट सादर केले. या कन्सॉरशियममध्ये ATAIROS, ब्लॅकस्टोन, आणि ल्युपा सिस्टिम्स हे सदस्य आहेत.

कॅफे कॉफी डेचे श्री सिद्धार्थ हे संस्थापक प्रमोटर बेपत्ता आहेत अशी बातमी आल्यामुळे कॅफे कॉफी डे आणि सिकल लॉजिस्टिक्स ह्या त्यांच्याशी संबंधित असलेल्या कंपन्यांचे शेअर्स पडले. एक हुशार उद्योगपती पण वेळेआधी भारतात ‘कॅफे कॉफी डे’ चे युग सुरु केल्यामुळे ते अडचणीत आले. ‘खूप प्रयत्न करूनही कंपनी प्रॉफीटमध्ये आली नाही. PE फर्म्सनी शेअर्स बाय बॅक आणण्यासाठी तसेच आयकर खात्याने आपल्यावर खूप प्रेशर आणले ‘ असे त्यांनी शेवटी लिहिलेल्या पत्रात लिहून ठेवले आहे. या बातमीचा परिणाम ज्या बँकांनी या कंपन्यांना कर्ज दिले होते त्या बँकांच्या शेअर्सवर झाला.HDFC बँक आणि कर्नाटक बँक यांनी खुलासा केला की त्यांनी सिद्धार्थ यांच्याशी संबंधित असलेल्या कोणत्याही कंपन्यांना कर्ज दिलेले नाही.

किंगफा सायन्स, ग्रॅनुअल्स, कल्पतरू पॉवर, चोला इंव्हेस्टमेंट,पिरामल एंटरप्राइझेस,हैडलबर्ग सिमेंट, VIP इंडस्ट्रीज, वेल स्पन इन्डिया ह्या कंपन्यांचे पहिल्या तिमाहीचे निकाल चांगले आले.

प्रिझ्म जॉन्सन या कंपनीचे पहिल्या तिमाहीचे निकाल ठीक आले. कंपनीने Rs १ प्रती शेअर अंतरिम लाभांश जाहीर केला.
ऍक्सिस बँकेचा पहिल्या तिमाहीमध्ये नफा Rs १३७० कोटी तर NII Rs ५८५४ कोटी, ऍसेट गुणवत्ता स्थिर आणि NIM ३.४% होते. हे निकाल चांगले होते.

टेक महिंद्रा या कंपनीचे पहिल्या तिमाहीसाठी नफा Rs ९६० कोटी, उत्पन्न Rs ८६५३ कोटी, US $ उत्पन्न US $ १२४.७१ कोटी होते. कंपनीच्या डिजिटल उत्पन्नात ३४.७% वाढ झाली.  IT क्षेत्रातील समस्यांचा विचार करता हे निकाल चांगले आहेत.

बँक ऑफ इंडियाचा पहिल्या तिमाहीसाठी नफा Rs २४० कोटी तर NII Rs ३४८५ कोटी होते. पण GNPA आणि NNPA यांच्यात वाढ झाल्याने ऍसेट गुणवत्ता खालावली त्यामुळे निकाल असमाधानकारकच म्हणावे लागतील.

युनायटेड बँक ही राष्ट्रीयीकृत बँक पहिल्या तिमाहीत तोट्यातून फायद्यात आली. बँकेला Rs १०५ कोटी नफा झाला. ऍसेट गुणवत्तेत थोडी सुधारणा झाली. निकाल ठीक म्हणावे लागतील.

नोसिलचे पहिल्या तिमाहीचे निकाल असमाधानकारक होते.

BSE निर्देशांक सेन्सेक्स ३७३९७, NSE निर्देशांक निफ्टी ११०८५ बँक निफ्टी २८७८१ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २९ जुलै २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – २९ जुलै २०१९

आज क्रूड US $ ६३.१३ प्रती बॅरल ते US ६३.२४ प्रती बॅरल या दरम्यान तर रुपया US $१=Rs ६८.७३ ते US $१=Rs ६८.८९ या दरम्यान होते. US $ निर्देशांक ९८ होता. VIX १३.३० होते.

USA च्या अर्थव्यवस्थेचे आकडे चांगले आले. फेड ३१ जुलै २०१९ ला रेट कट करण्याची शक्यता आहे. ३० जुलै २०१९ पासून USA आणि चीन यांच्यात टॅरिफसंबंधी बोलणी चालू होतील. यूरोपमधील अर्थव्यवस्थांमध्ये हळू हळू पण निश्चित मंदी येत आहे.

टाटा पॉवरला गुजरातमध्ये २५० MV सोलार प्रोजेक्ट साथीने कॉन्ट्रॅक्ट मिळाले. टाटा पॉवर २५ वर्ष पॉवर पर्चेस अग्रीमेंट तत्वावर GUVNL ला वीज पुरवठा करेल.

सरकारने FY २०१९-२०२० मध्ये शेअर्स बायबॅक करण्यासाठी १० PSUची निवड केली आहे. यात NTPC, PFC, पॉवर ग्रीड, IRCON, RVNL , आणि CONCOR यांचा समावेश आहे.

सेबी मिनिमम पब्लिक शेअर होल्डिंग ३५% करण्याच्या विचारात आहे.

AFFLE (इंडिया) ही मोबाइल ऍडव्हर्टायजिंग सोल्युशन्स प्रोवाइड करणारी कंपनी आहे. AFFLE होल्डिंग ही कंपनी AFFLE ( इंडिया) या कंपनीतला त्यांचा स्टेक ८३.५ % वरून ७५.६% वर आणणार आहे. मोबाईल वापरणारा माणूस अप्लिकेशन डाऊन लोड करेल त्यांच्या प्लॅटफॉर्मचा उपयोग करून व्यवहार करेल. तेव्हा या कंपनीला उत्पन्न मिळते. AFFLE (इंडिया) ही हाय ग्रोथ सेक्टरमधील कंपनी आहे. पण रिच व्हॅल्युएशनआहे. लॉन्ग टर्म कर्ज नाही. रिटर्न रेशियो चांगले आहेत. ज्यांची धोका पत्करण्याची तयारी आहे त्यांनीच या IPOमध्ये अर्ज करावा.कारण सध्या मार्केटमधी मंदीचे वातावरण आहे. या IPO चा प्राईस बँड Rs ७४० ते Rs ७४५ आहे. मिनिमम लॉट २० शेअर्सचा आहे. हा IPO २९ जुलैला ओपन होऊन ३१जुलैला बंद होईल.

एल आय सी चा IPO पुढील काही महिन्यात येण्याची शक्यता आहे. विमा क्षेत्रातील जवळ जवळ ६५% मार्केट शेअर एल आय सी कडे आहे.

GHCL, JMC प्रोजेक्ट, नवीन फ्ल्युओरीन, ओरिएंट सिमेंट चे पहिल्या तिमाहीचे निकाल चांगले आले. चेन्नई पेट्रो प्रॉफीटमधून लॉसमध्ये गेली. EID पॅरी चा तोटा कमी झाला. बँक ऑफ महाराष्ट्रची ऍसेट गुणवत्ता खालावली. टॅक्स WRITEBACK Rs ३०० कोटींचा आहे. एकंदर निकाल असमाधानकारक म्हणावे लागेल.

DR रेड्डीज चा नफा Rs ६६३ कोटी, ऑपरेटिव्ह मार्जिन २९.५% होते तर इतर उत्पन्न Rs ३८० कोटी होते. निकाल चांगले म्हणावे लागतील. उत्पन्न कमी झाले, इतर उत्पन्न वाढले.

BJP चे नेता सुब्रमणियम स्वामी यांनी पंतप्रधानांना पत्र लिहून असे कळवले की इंडिया बुल्स हौसिंग ग्रुपने NHB कडून लोन घेऊन Rs १लाख कोटींचा घोटाळा केला आहे. ही बातमी आल्यावर इंडिया बुल्स हौसिंग ग्रुपच्या सर्व कंपन्यांचे( इंडिया बुल्स हाऊसिंग, इंडिया बुल्स रिअल इस्टेट, इंडिया बुल्स व्हेंचर्स, आणि लक्ष्मी विलास बँक) शेअर्स पडले

सरकारने सर्व वाहनांच्या रजिस्ट्रेशन चार्जेसमध्ये वाढ केली. Two व्हीलर वाहनांसाठी Rs १०००,तीन चाकी वाहनांसाठी Rs ५००० तर कार्ससाठी Rs १०००० केली. परदेशी Two व्हिलर्ससाठी रजिस्ट्रेशन चार्जेस Rs १००००/- तर परदेशी कार्ससाठी Rs २००००/- केली. जर तुम्ही तुमच्याकडे असलेल्या वाहनांसाठी स्क्रॅपिंग सर्टिफिकेट मिळवले तर नवीन वाहनासाठी
रजिस्ट्रेशन फीज द्यावी लागणार नाही. प्रदूषण रोखण्यासाठी हा प्रयत्न आहे.

कन्साई नेरोलॅक या कंपनीचे पहिल्या तिमाहीचे निकाल चांगले आले. ऑपरेटिंग मार्जिन वाढले उत्पन्न वाढले.
BSE निर्देशांक सेन्सेक्स ३७६८६ NSE निर्देशांक निफ्टी १११८९ बँक निफ्टी २९२९६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २६ जुलै २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – २६ जुलै २०१९

आज क्रूड US $ ६३.४९ प्रती बॅरल ते US $६३.५६ प्रती बॅरल या दरम्यान तर रुपया US $१=Rs ६९.०२ ते US $१=Rs ६९.१२ या दरम्यान होते. US $ निर्देशांक ९७.७७ होते. VIX १२.५४ होते.

‘जय हो’ आज कारगिल विजयाचा दिवस आहे. आज मार्केटने सुद्धा चांगली सलामी दिली. मार्केटची पुढची चाल जगातील सेंट्रल बँकांवर अवलंबून राहील. ECB ने जरी तूर्त व्याजाच्या दरामध्ये कोणतेही बदल केले नाहीत तरी सप्टेंबरमध्ये जर इन्फ्लेशन लक्ष्य गाठत नाही असे वाटले तर रेट कट, मार्केटमधून ऍसेट खरेदी असे मार्ग लिक्विडीटी वाढवण्यासाठी अवलंबले जातील असे सांगितले. युरोझोन मध्ये सध्या मंदीचा धोका दिसतो आहे.USA मध्ये आलेल्या कंपन्यांचे निकाल काही अपवाद वगळता समाधानकारक नाहीत. यामुळे मंदी स्पष्टरित्या जाणवते आहे.

आज कर्नाटक राज्याच्या राज्यपालांनी BJP ला सरकार स्थापण्यासाठी आमंत्रित केले.BEML या सार्वजनिक क्षेत्रातील सरकारी कंपनीकडे २७०० एकर जमीन आहे. सरकार २७% डायव्हेस्टमेन्ट करणार आहे. पूर्वीचे राज्य सरकार या साठी विरोध करत होते. आता सरकार बदलल्याने डायव्हेस्टमेन्ट शक्य होईल.

ASTRA झेनेका या कंपनीने DR रेडीज या कंपनीविरुद्ध USA मधील कोर्टात ‘ BRILINTA’ या औषधाला ASTRA झेनकाला मिळालेले पेटंट संपण्याच्या आधी DR रेडीज ने त्याचे जनरिक व्हर्जन USA मध्ये लाँच केले असा दावा केला.

इंडोको रेमिडीज या कंपनीच्या USFDA ने २७ मे ते ४ जून २०१९ या दरम्यान केलेल्या तपासणीत गोवा युनिट ३ ला क्लीन चिट दिली.

ACC च्या मानाने अंबुजा सिमेंटची व्हॉल्युम ग्रोथ कमी दिसली.

बँक ऑफ बरोडा प्रॉफीटमध्ये आली परंतु NPA मध्ये वाढ झाली व्यवस्थापनाने देना बँक आणि विजया बँक मर्जर झाल्याचा हा परिणाम आहे असे सांगितले.

PVR, महिंद्रा लाईफ,फोर्स मोटर्स या कंपन्यांचे पहिल्या तिमाहीचे निकाल असमाधानकारक होते.

बायोकॉन, ज्युबिलंट लाईफ,, पुर्वांकारा, ADOR वेल्डिंग या कंपन्यांचे पहिल्या तिमाहीचे निकाल चांगले आले.
भारत बिजली तोट्यातून फायद्यात आली. पहिल्या तिमाहीचे निकाल चांगले आले.

JSW स्टील चे उत्पन्न Rs १९८१२ कोटी, नफा Rs १०३० कोटी आणि ऑपरेटिंग मार्जिन १८.७६% होते. या कंपनीची विक्री ३% ने कमी झाली.

बजाज ऑटोचे उत्पन्न Rs ७७५६ कोटी तर फायदा Rs ११२५ कोटी आणि इतर उत्पन्न Rs ४४७ कोटी होते. ऑपरेटिंग मार्जिन १७.९४ % होते. कंपनीने एन्ट्री लेव्हल गाड्यांवर लक्ष केंद्रित केले होते आणि २% भाव वाढवले होते.
मारुती Rs १४३५ कोटी प्रॉफिट उत्पन्न Rs १९७२० कोटी, EBITDA (अर्निंग बिफोर इंटरेस्ट, टॅक्स, डेप्रिसिएशन, अमॉर्टीझेशन) Rs २०४८ कोटी मार्जिन १०.४ % इतर उत्पन्न Rs ८३६ कोटी होते टॅक्स खर्च Rs ४७५ कोटी होता. इतर उत्पन्न Rs ५०० कोटींनी वाढले, टॅक्स खर्च Rs ४०० कोटींनी कमी झाला. हे लक्षात घेतले तर मारुतीचे रिझल्ट फारसे चांगले नाहीत हे लक्षात येते.

PNB फायदा Rs १०१९ कोटी NII Rs ४१४१ कोटी होता. प्रोव्हिजनिंग कमी केली पण NPA वाढले.

वेदांता या कंपनीने अँग्लो अमेरिकन कंपनीमध्ये जी गुंतवणूक केली होती त्याच्या बद्दल वेदांताला बॉण्ड मिळाले होते. तो करार आता रद्द केला त्यामुळे त्यांना या गुंतवणुकीचे पैसे मिळतील

टाटा स्पॉन्ज या कंपनीचा Rs ५०० प्रती शेअर किमतीचा राईट्स इशू काल क्लोज झाला. या मध्ये टाटा स्टीलने Rs १३०० कोटी गुंतवणुक केली. आता टाटा स्टीलचा स्टेक ७५% झाला.

ASTRAL पॉली या कंपनीच्या बोर्ड ऑफ डायरेक्टर्सची बोनसवर विचार करण्यासाठी २ ऑगस्ट २०१९ रोजी बैठक आहे.
ईरीस लाईफसायन्सेस, ICICI बँक, एस्कॉर्टस, हॅवेल्स, आपले पहिल्या तिमाहीचे निकाल २७ जुलै रोजी जाहीर करतील
MOIL, चेन्नई पेट्रो, कोची शिपयार्डस, DR रेड्डीज, KPR मिल्स ओरिएंट सिमेंट, टाटा स्पॉन्ज, V २ रिटेल या कंपन्या आपले पहिल्या तिमाहीचे निकाल २९ जुलै रोजी जाहीर करतील.

ऍक्सिस बँक, बाळकृष्ण इंडस्ट्रीज, हिरो मोटो कॉर्प, NMDC, PNB हौसिंग, टेक महिंद्रा, युनायटेड बँक आपले पहिल्या तिमाहीचे निकाल ३० जुलै २०१९ रोजी जाहीर करतील.

अजंता फार्मा, अपोलो टायर्स, अलाहाबाद बँक, अशोक लेलँड, आयचर मोटर्स, IOC, पेट्रोनेट LNG, सिम्फनी या कंपन्या आपले पहिल्या तिमाहीचे निकाल ३१ जुलै २०१९ रोजी जाहीर करतील.

BSE निर्देशांक सेन्सेक्स ३७८३० NSE निर्देशांक निफ्टी ११२५२ बँक निफ्टी २९०४३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २५ जुलै २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आपल्या शेअर मार्केट च्या क्लास ची पुढची batch १७ – १८ ऑगस्ट ला आहे. अधिक माहिती तुम्हाला या पोस्ट मध्ये मिळेल – https://wp.me/pa5o7Y-NB . हा कोर्से फक्त ५ जणांसाठी उपलब्ध आहे. तुम्हाला तुमची जागा कन्फर्म करायची असेल तर या पोस्ट वर कंमेंट किंवा फेसबुक वर message करा. मी तुम्हाला payment details पाठवीन. तुम्ही तुमची seat Rs १००० pay करून कन्फर्म करू शकता. Seats first come first serve या तत्त्वांवर देण्यात येतील!!

आजचं मार्केट – २५ जुलै २०१९

आज क्रूड US $ ६३.३२ प्रती बॅरल ते US $ ६३.६२ प्रती बॅरल या दरम्यान तर रुपया US $१=Rs ६८.९३ ते US $१=Rs ६८.९८ या दरम्यान होते. US $निर्देशांक ९७.७२ तर VIX १२.७२ होते.

जुलै २०१९ ची सिरीज ही गेल्या १७ वर्षातील खराब जुलै महिन्याची सिरीज होती. अमरराजा बॅटरी, ल्युपिन, युनायटेड ब्रुअरीज, इंडिया बुल्स हौसिंग फायनान्स, कॅडीला, सिपला, टाटा ग्लोबल बिव्हरेजीस, DR रेड्डीज, BEL, औरोबिंदो फार्मा, पेज इंडस्ट्रीज अल्ट्राटेक सिमेंट या कंपन्यांच्या शेअर्समध्ये ऑगस्ट सिरीजमध्ये ७५% च्या आसपास रोल ओव्हर झाले.
जुलै महिन्यात FII नी जबरदस्त विक्री केली. (अंदाजपत्रकात जादा सेस लावल्यामुळे) त्यामुळे सर्व ब्ल्यू चिप आणि लार्जकॅप शेअर्समध्ये मंदी आली. नेहेमी DII खरेदी करतात पण यावेळी ही विक्री मोठ्या प्रमाणात आणि थोड्या वेळात झाली.अजूनही एल आय सी ने खरेदी सुरु केली की नाही याची माहिती नाही. त्यामुळे निफ्टी आणि सेन्सेक्स मोठ्या प्रमाणात पडले. बँका आणि NBFC यांच्या विषयी येणाऱ्या प्रतिकूल बातम्यांमुळे बँक निफ्टीही पडला.

ब्रिटानियाच्या शेअरमध्ये खूपच मंदी आली. अमूलने प्रीमियम बिस्किटांच्या सेगमेंटमध्ये प्रवेश केला आहे. त्यांच्या बिस्किटांमधील घटक चांगले आहेत. त्यामुळे ब्रिटानियाचा मार्केट शेअर थोडासा अमूल कडे जाण्याची शक्यता आहे.
साऊथ इंडियन बँकेचे उत्पन्न, नफा वाढला, NPA मध्ये थोडी घट आहे. एकूण निकाल चांगले म्हणता येतील.

FACT त्यांच्याकडे असलेली शिलकी जमीन केरळ राज्य सरकारला विकेल. ही रक्कम कंपनीच्या खर्चासाठी वापली जाईल. या बातमीने FACT या कंपनीचा शेअर वाढला. याचबरोबर या कंपनीची आणि मद्रास फर्टिलायझर यांचे मर्जर होण्याची शक्यता आहे. NFL ही कंपनी निमकोटेड युरिआ विकते.

भारती इंफ्राटेलचे पहिल्या तिमाहीचे निकाल चांगले आले. सागर सिमेंटचे पहिल्या तिमाहीचे निकाल चांगले आले.

ताज GVKचे पहिल्या तिमाहीचे निकाल चांगले आले. नफा, ऑपरेटिंग मार्जिन यांच्यात वाढ झाली.

कॅपलिन पाईण्टच्या इंजेक्टीबल युनिटला USFDA ने EIR (एस्टॅब्लिशमेंट इन्स्पेक्शन रिपोर्ट) दिला.

बजाज फायनान्सचे पहिल्या तिमाहीचे निकाल चांगले आले पण मार्केटच्या अपेक्षा वाढल्याने शेअर पडला. तसेच त्याच्या कोअर बिझिनेस म्हणजेच ऑटो लोन आणि डिजिटल लोन ( संगणक, मोबाईल इत्यादीसाठी) मध्ये NPA चे प्रमाण वाढल्यानेही शेअर पडला. PAT Rs ११२५ कोटी, NII Rs ३६९५ कोटी, GNPA १.६०% तर NNPA ०.६४% होते. कंपनीने NPA साठी प्रोव्हिजन ६०% वरून ६१% केली.

थिरुमलाई केमिकल्स या कंपनीचे उत्पन्न वाढले पण प्रॉफिट आणि ऑपरेटिंग मार्जिन कमी झाले.

जालान कमिटीचा रिपोर्ट सादर व्हायला वेळ लागला. जालान समिती RBI चे मत या संबंधी काय आहे याची नोंद घेईल.

HDFC बँकेने सांगितले की आयशर मोटर्सच्या डिलर्सना लोन देणार नाही.

टाटा मोटर्सचे पहिल्या तिमाहीचे निकाल आले. कंपनीला Rs ३६९० कोटी तोटा झाला. उत्पन्न Rs ६१४६७ कोटी झाले. आणि ऑपरेटिंग मार्जिन ६.२% राहिले. त्याचा JLR युनिटला GBP ५९७ कोटी उत्पन्न तर GBP ४० कोटी तोटा झाला. ऑपरेटिंग मार्जिन ४.२% होते. हे निकाल मार्केटच्या अपेक्षेपेक्षा खूपच निराशाजनक आहेत. त्यामुळे शेअर पडण्याची शक्यता आहे.

ग्राईंडवेल नॉर्टन या कंपनीला Rs ४२.७ कोटी नफा झाला तर उत्पन्न Rs ४८० कोटी झाले. निकाल समाधानकारक होते.

राणे ब्रेक्सचे पहिल्या तिमाहीचे निकाल ठीक होते.

सरकार PSU चे ऍसेट विकून Rs ३००० कोटी गोळा करेल.

वेस्टलाइफ डेव्हलपमेंट फायद्यातून तोट्यात गेली.

BSE निर्देशांक सेन्सेक्स ३७८३०, NSE निर्देशांक निफ्टी ११२६१ बँक निफ्टी २९१०९ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २४ जुलै २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २४ जुलै २०१९

आज क्रूड US $६३.९१ प्रती बॅरल ते US $ ६४.०९ प्रती बॅरल या दरम्यान तर रुपया US $१=Rs.६८.९८ ते Rs ६९.०० या दरम्यान होते. US $ निर्देशांक ९७.७२ तर VIX १२.७६ होते. FPI च्या उत्पनावरील सेस वाढवल्यापासून FII सतत विक्री करत आहेत. त्यांनी आज Rs २६०८ कोटींची कॅश मार्केटमध्ये विक्री केली. फ्युचर्समध्ये Rs ३०० कोटींची विक्री केली. हे लोक गुंतवणूक करत असलेले क्वालिटी शेअर्स पडत आहेत. बजाज फायनान्स, बजाज फिनसर्व, HDFC आणि HDFC बँक, ABB, स्टेट बँक आणि सर्व क्वालिटी शेअर्स पडत आहेत. इतरांसाठी हे शेअर्स पडलेल्या किमतीत खरेदी करण्याची चांगली संधी उपलब्ध झाली आहे.

प्राज इंडस्ट्रीजचा पहिल्या तिमाहीचा निकाल अपेक्षेप्रमाणे खूप चांगला आला. सरकार सातत्याने साखर उत्पन्न क्षेत्राला सवलती देत आहे. प्राज वॉटर ट्रीटमेंटचे काम करते. याही क्षेत्रात त्यांनी चांगली प्रगती केली आहे.

आज सरकारने साखर उत्पादक क्षेत्रासाठी ४० लाख टन बफर स्टॉक मंजूर केला. उसाची FRP (फेअर आणि रेम्यूनरेटिव्ह प्राईस) Rs २७५ कोटी प्रती क्विंटल जाहीर केली. या सरकारच्या निर्णयामुळे साखर उत्पादक कंपन्यांच्या शेअर्समध्ये तेजी आली.

HUL च्या पहिल्या तिमाहीच्या निकालात ऑपरेटिंग मार्जिन वाढले. पण जाहिरातींवरील खर्च कमी केला. याचा परिणाम मेडिया सेक्टरमधील कंपन्यांच्या उत्पन्नावर होईल. रूरल आणि अर्बन ग्रोथ सारखी आहे. ग्रामीण क्षेत्रातील वाढ आणि मागणी वाढणे जरुरी आहे.व्यवस्थापनाच्या कॉमेंटरीमध्ये फारसा जोर दिसला नाही. ग्रामीण क्षेत्रातील ग्रोथच्या बाबतीत व्यवस्थापनाची नाराजी जाणवली. मागणीमध्ये स्लो डाऊन होत आहे त्यामुळे भविष्यात आता जेवढे मार्जिन शक्य होत आहे तेवढे राहील की नाही याची शंका आहे. ग्रामीण क्षेत्रातील मागणी मुख्यतः पाऊस चांगला होण्यावर अवलंबून आहे.
चांद्रयान २ साठी मिश्रा धातू निगम या कंपनीने माल पुरवला.

कर्नाटकमधील खेळ संपला. कोणते सरकार येते याबाबतीत मार्केटला मतलब नसतो. पण अनिश्चितता संपली. इन्फोसिस, BEML शोभा इंटरप्राइझेस, BF यूटिलिटीज आणि BF इन्व्हेस्टमेंट, NMDC या कंपन्यांना फायदा होईल. कर्नाटक राज्य सरकारचे काही निर्णय या कंपन्यांच्या विरोधात गेले होते.

UK मध्ये आता बोरिस जॉन्सन हे पंतप्रधान होतील. हे ब्रेक्झिट ३१ ऑक्टोबर २०१९ पर्यंत अमलात आणण्याच्या बाजूचे आहेत. तसेच भारताविषयी त्यांना सॉफ्ट कॉर्नर असल्यामुळे भारत आणि UK यांचे संबंध आधी सौहार्दाचे होतील. टाटा स्टिल आणि टाटा मोटर्स यांच्यावर या सत्तापालटाचा परिणाम होईल.

लार्सन & टुब्रो चे पहिल्या तिमाहीचे निकाल चांगले आले. कंपनीने माइंडट्रीमधील शेअर्स Rs ९८० प्रती शेअर्स या भावाने खरेदी केले. ही खरेदी थोडी महागात झाली. कोअर बिझिनेसचे मार्जिन कमी होत आहे. शेअर बाय बॅकच्या बाबतीत क्लॅरिटी आली की कंपनी पुन्हा एकदा शेअर्स बाय बॅक जाहीर करेल.

M & M फायनान्सचे पहिल्या तिमाहीचे निकाल खूपच असमाधानकारक होते. NPA मध्ये वाढ होत आहे. त्यामुळे प्रोव्हिजन मधेही वाढ होत आहे. कंपनीचा फोकस ग्रामीण मार्केटवर होता. ग्रामीण आणि शहरी भागात असमतोल आहे त्याचा परीणाम कंपनीच्या बिझिनेसवर दिसतो. हायग्रोथ आणि हाय P /E असलेल्या शेअर्स मधून बाहेर पडून इन्शुअरन्स कंपन्यांचे शेअर्स किंवा लो BETA असलेल्या शेअर्समध्ये जाण्याचा मार्केटचा कल दिसतो आहे. लाईफ इन्शुअरन्स आणि जनरल इन्शुअरन्स क्षेत्रातील कंपन्यांचे पहिल्या तिमाहीचे निकाल चांगले येत आहेत. भारत हा खूपच अंडरइन्शुअर्ड देश आहे. त्यामुळे इन्शुअरन्स क्षेत्रासाठी मोठे मार्केट उपलब्ध आहे. HDFC लाईफ, SBI लाईफ, ICICI पृ, ICICI लोम्बार्ड ही काही उदाहरणे आहेत. पुढील १० वर्षात या कंपन्यांमध्ये खूप प्रगती होण्याची शक्यता आहे. या कंपन्यांचे अलीकडेच लिस्टिंग झाले आहे. या कंपन्या F & O मार्केट मध्ये नाहीत. म्युच्युअल फंड, संस्थागत निवेशक या शेअर्समध्ये गुंतवणूक करत आहेत.

मारुतीने सांगितले की मागणीमध्ये होणारी घट विचारात घेऊन गुजरातमध्ये जो क्षमतेचा विस्तार करण्यात येणार होता तो काही काळापुरता स्थगित ठेवला आहे. मारुती EV च्या बाबतीत योग्य दिशेने वाटचाल करत आहे. पण चार्जिंग स्टेशन्स आणि इतर इन्फ्रास्ट्रक्चर उभे करण्यासाठी सरकार कडून मदत अपेक्षित आहे

सन फार्माच्या प्रमोटर्सनी २२जुलै २०१९ रोजी ३७ लाख शेअर तारण म्हणून ठेवले.

उद्या GST कौन्सिलची बैठक अर्थमंत्र्याच्या अध्यक्षतेखाली होईल. यात EV वरील GST १२% वरून ५% करण्यासाठी विचार होईल.

UPL ने भांडवली खर्चासाठी युरो १० कोटी उभारले.

एशियन पेंट्स या कंपनीचा पाहल्या तिमाहीचा निकाल चांगला आला. PAT, उत्पन्न, ऑपरेटिंग मार्जिन यात चांगली सुधारणा झाली. क्रूडचे दर कमी राहिले. कंपनीने स्पष्ट केले की ऑटो क्षेत्रामधील मागणी कमी झाल्यामुळे इंडस्ट्रियल पेंट्स पेक्षा डोमेस्टिक पेंट्समध्ये कंपनीने चांगली प्रगती केली.

ज्युबिलंट फूड्सचे अहिल्या तिमाहीचे निकाल ठीक होते. सेम स्टोर्स ग्रोथने निराशा केली कंपनीने नवीन ४० स्टोर्स उघडली तर ४ स्टोर्स बंद केली

मॉन्सॅन्टो, V -गार्ड, क्रॉम्प्टन कन्झ्युमर,ट्यूब इन्व्हेस्टमेंट्स यांचे पहिल्या तिमाहीचे निकाल चांगले आले. कॅनरा बँक, करूर वैश्य बँक यांचे निकाल ठीक होते. NEOJEN सॉफ्टवेअर, शारदा क्रॉपकेम यांचे निकाल असमाधानकारक होते.

BSE निर्देशांक सेन्सेक्स ३७८४७ NSE निर्देशांक निफ्टी ११२७१ बँक निफ्टी २८९५२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २३ जुलै २०१९

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका

आजचं मार्केट – २३ जुलै २०१९

आज क्रूड US $ ६३.१४ प्रती बॅरल ते US $ ६३.६२ प्रती बॅरल या दरम्यान तर रुपया US $ १=Rs ६८.९५ ते US $ १= Rs ६९.०२ या दरम्यान होते. US $ निर्देशांक ९७.५१ होता VIX १३.४३ होते .

टाटा ग्रुप प्रोजेक्ट बिझिनेस वेगळा काढायचा विचार करत आहे. वोल्टासमधील प्रोजेक्ट बिझिनेस (इंजिनीअरिन्ग बिझिनेस) अलग काढला जाणार आहे.कंपनी फक्त कन्झ्युमर बिझिनेसवर लक्ष केंद्रित करेल.

F & O मधून ९ कंपन्यांचे शेअर्स बाहेर पडणार आहेत. रेमण्ड, अरविंद, इंजिनीअर्स इंडिया, हिंदुस्थान झिंक, MCX, IDBI बँक, ओरॅकल, कजारिया सिरॅमिक्स, बिर्ला सॉफ्ट या कंपन्यांचे शेअर्स २७ सप्टेंबर २०१९ पासून F & O मधून बाहेर पडतील.

ब्ल्यू स्टारला मुंबई मेट्रोकडून Rs २५० कोटीची ऑर्डर मिळाली.

IOB चा तोटा Rs ९१९ कोटींवरून Rs ३४२ कोटी राहिला. GNPA आणि NNPA यात किंचित वाढ झाली. प्रोव्हिजन कमी झाली. NII मध्ये वाढ झाली. एकंदरीत पाहता निकाल असमाधानकारकच म्हणावे लागतील.

कजारिया सिरॅमिक्सचे पहिल्या तिमाहीचे निकाल चांगले आले. PAT, EBITDA, उत्पन्न, ऑपरेटिंग मार्जिन यांत वाढ झाली.
शांती गिअर्सचे पहिल्या तिमाहीचे निकाल चांगले आले.

प्राज इंडस्ट्रीजचे पहिल्या तिमाहीचे निकाल खूपच चांगले आले.

झी एंटरटेनमेंटचे पहिल्या तिमाहीचे निकाल चांगले आले. PAT, EBITDA, उत्पन्न, ऑपरेटिंग मार्जिन यांच्यात चांगली वाढ दिसली. डोमेस्टिक सब्स्क्रिप्शनमध्ये चांगली वाढ झाली.

HUL चे जूनअखेरीच्या तिमाहीचे निकाल चांगले आले. PAT Rs १७५५ कोटी, उत्पन्न Rs १०११४ कोटी, EBITDA Rs २६४७ कोटी होते. डोमेस्टिक व्हॉल्युममध्ये ५% वाढ झाली

बेयर क्रॉपचे निकाल असमाधानकारक आले.

५:९५, १०:९०, २०:८० च्या स्कीमखाली असलेल्या कोणत्याही योजनेला सबव्हेन्शन स्कीम अंतर्गत लोन देऊ नये. हौसिंग लोनची डिसबर्समेन्ट करताना हौसिंग फायनान्स कंपन्यांनी बांधकामातील विविध टप्पे जसे पूर्ण होतील त्याप्रमाणेच हौसिंग लोनची टप्या टप्याने डिसबर्समेंट करावी.असे NHBने सांगितले.

लार्सन & टुब्रोचे पहिल्या तिमाहीचे निकाल चांगले आले.

उत्पन्न Rs २९६३६ कोटी,कन्सॉलिडिटेड PAT Rs १४७३ कोटी, EBITDA Rs ३३१९ कोटी होते. ऑर्डर बुक Rs २.९४ लाख कोटी. वन टाइम लॉस Rs ९४ कोटी झाला. ऑपरेटिंग मार्जिन ११.२% होते.

BSE निर्देशांक सेन्सेक्स ३७९८२ NSE निर्देशांक निफ्टी ११३११ बँक निफ्टी २९१२८ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!