Tag Archives: last week in share market in marathi

आजचं मार्केट – २१ ऑक्टोबर  २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २१ ऑक्टोबर  २०२०

आज crude 42.34 ते 42.95 च्या दरम्यान, रुपया 73.37 ते 73.61 दरम्यान, डॉलर इंडेक्स – 92.80 तर vix- 23.44 आणि pcr 1.34 होते आज crude च्या किमती घटल्या कारण काही देशात करोनाने पुन्हा मुसंडी मारली आहे पुन्हा lockdown जाहीर झाला आहे मागणी कमी झाली US मध्ये साठा वाढला लिबियामध्ये क्रूडचे उत्पादन सुरू झाले FDI ची गुंतवणूक 16 %नी वाढली FPI चा flow वाढला आहे

SBI नी सणासुदीला व्याजाच्या दरात 0.25%सूट जाहीर केली 30 लाखापर्यंतच्या लोनसाठी 6.9% तर त्यावरील लोनसाठी 7% तर 75 लाखावरील लोनवर 0. 20 % सूट मिळेल असे सांगितले

Reliance JIO आणि Qualcomm यांनी 5G ट्रायल यशस्वीपणे पूर्ण केली 1 GBPS इतका स्पीड देणे त्यामुळे शक्य होईल enhanced डिजिटल एक्सपिरियन्स मिळेल

रेमंडनी सांगितले की B to B business प्री कोविड पातळीला पोहोचला म्हणून शेअरमध्ये तेजी होती

टायरला लागणारे crude बेस raw मटेरिअल चायनामधून येते याला आणि टायरच्या आयातीला मनाई आहे डीलरकडे इन्व्हेंटरी नाही रिप्लेसमेंट मार्केटमध्ये ग्रोथ आहे टायरला लागणाऱ्या रबराच्या किमती कमी आहेत MRF ची पुढील 4 वर्षात low कॅपेक्स intensity असेल रिटर्न रेशीयोज सुधारतील FY 22 च्या earning प्रमाणे 18 च्या P/Eवर आहे टायर कंपन्यांचे result चांगले येण्याची शक्यता आहे

आता सिमेंट आणि मेटलमध्ये तेजी येईल पण सिमेंटच्या बाबतीत region wise विचार करावा. LIC ने बजाज ऑटो , आणि कंटेनर कॉर्पोरेशन मध्ये स्टेक वाढवला. BPCL मध्ये ब्लॉक डील झाले याच्या ट्रस्टमधून ESPS ला शेअर transfer केले

हिंदुस्तान झिंकने ₹ 21.30 एव्हढा डिव्हिडंड दिला यामुळे vedanta ला ₹ 5843 कोटी मिळतील त्यामुळे वेदांताच्या शेअर्समध्ये तेजी होती

A B Fashion ची Walmart आणि Myntra यांच्याबरोबर स्ट्रॅटेजीक कारणासाठी बोलणी चालू आहेत पण policy matter असल्याने मॅनेजमेंटनी काही कमेंट करण्यास नकार दिला

सरकारने 2 कोटीपर्यंतच्या EMI च्या व्याजावरील व्याज माफ करायचे ठरवले आहे हा निर्णय कोर्टाला सांगितला जाईल. केंद्रीय कर्मचाऱ्यांना बोनस देणार आहे हा बोनस production linked आणि नॉन प्रॉडक्शन linked असा विभागला जाईल. त्याचप्रमाणे काही IT कंपन्या पगार वाढवत आहेत. PLI योजनेत आणखी 7 ते 8 सेक्टर चा समावेश केला जाईल

Tata communication चे पूर्वीचे नाव VSNL होते यामध्ये असलेली 740 एकर जमीन वेगळी करून ती Hemisphere प्रॉपर्टीजकडे ट्रान्सफर केली.ज्याच्याजवळ टाटा कम्युनिकेशनचा एक शेअर होता त्यांना Hemisphere Property चा 1 शेअर दिला. या नव्या कंपनीची नेट asset value ₹6000 कोटी आहे यात सरकारचा 51% हिस्सा आहे. या कंपनीचे उद्या लिस्टिंग आहे.

आज बजाज फायनान्सचे दुसऱ्या तिमाहीचे निकाल आले. प्रॉफिट ₹९६५ कोटी, NII ₹ ४१६५ कोटी, GNPA १.०३%,तर NNPA०.३७% होते.

न्यु जेन सॉफ्टवेअर , पंजाब अल्कलीज, Indo Count, GMM फाऊडलर यांचे दुसऱ्या तिमाहीचे निकाल चांगले आले.
अल्ट्राटेक सिमेंटचे निकाल चांगले आले. प्रॉफिट ₹१२३० कोटी, उत्पन्न ₹१०५५४ कोटी , मार्जिन २६%, आणि वन टाइम लॉस ₹ ३४० कोटी होते.

कोलगेट या कंपनीला दुसऱ्या तिमाहीत फायदा ₹२७४ कोटी, उत्पन्न ₹१२८६ कोटी, EBITDA ₹ ४०९ कोटी तर EBITDA मार्जिन३१.८% झाले. कंपनीने ₹१८ प्रती शेअर लाभांश जाहीर केला.

आज मी GIC Housing चा चार्ट देत आहे realty सेक्टर मध्ये तेजी आहे ही कंपनी गृह कर्ज देते या चार्टमध्ये inverted head and shoulder पॅटर्न दिसतो आहे त्याच्या right shoulder चा breakout आहे.

आज BSE निर्देशांक सेन्सेक्स 40707, NSE निर्देशांक निफ्टी 11937,Bank निफ्टी 24635 वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २० ऑक्टोबर  २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – २० ऑक्टोबर  २०२०

आज क्रूड US $ ४२.२६ प्रती बॅरल ते US $ ४२.६० प्रती बॅरल या दरम्यान तर रुपया US $१=Rs ७३.३० ते US $१=Rs ७३.४९ या दरम्यान तर US $ निर्देशांक ९३.४२ होते. विक्स २२.६० आणि PCR १.४१ होते.

डेमोक्रॅट्स आणि रिपब्लिकन पक्षांमधील मतभेदांमुळे रिलीफ पॅकेजच्या बाबतीत अनिश्चितता वाढत आहे त्यामुळे USA ची मार्केट्स मंदीत होती. ओपेक+ त्यांनी पुरवठा वाढवण्यासाठी केलेला करार जानेवारी २०२१ पासून रद्द करण्याची शक्यता आहे .
सध्याच्या मार्केटमध्ये ट्रेड करण्यासाठी चर्निंग आवश्यक आहे. ज्या कंपन्यांचे निकाल जाहीर होणार आहेत तेथून निकाल जाहीर होण्याच्या आधी बाहेर पडून दुसऱ्या शेअरमध्ये घुसावे.

L & T टेक्नॉलॉजीचा दुसर्या तिमाहीत फायदा ४१% ने वाढला. Rs ७.५० लाभांश जाहीर केला. टाटा मेटॅलिक्सचे दुसऱ्या तिमाहीचे निकाल चांगले आले. स्टीलच्या किमती वाढल्या आहेत आणि कंपनीने योजलेल्या कॉस्ट रिडक्शनच्या उपायांमुळे निकाल चांगले आले. HDFC लाईफचे नेट प्रीमियम इन्कम ५५% ने तर फायदा ७% ने वाढला.

हिंदुस्थान झिंकने Rs २१.३० प्रती शेअर अंतरिम लाभांश जाहीर केला. त्याची रेकॉर्ड डेट २८ ऑक्टोबर २०२० आहे. कंपनीचे उत्पन्न वाढले प्रॉफिट कमी झाले. वेदांताचा स्टेक हिंदुस्थान झिंकमध्ये आहे. त्यामुळे ट्रेडर्स हिंदुस्थान झिंकमधून बाहेर पडून वेदांतामध्ये घुसतील.

OMPL (ONGC मँगलोर पेट्रो) ही ONGC ची सबसिडीअरी आहे. यात MRPL ४९% स्टेक घेणार आहे. ONGC ला Rs १२२० कोटी मिळतील. काही दिवसांनी MRPL चे HPCL मध्ये मर्जर होईल.

ब्रिटानियाचे निकाल चांगले आले. पण हे निकाल अनुमानापेक्षा कमी आले. कंपनीची टॉप लाईन आणि व्हॉल्युम ९% अपेक्षेपेक्षा (१२% ते १३% ) कमी आले. व्यवस्थापनाने सांगितले की अनलॉक सुरु झाल्यापासून कन्झ्युमर हॅबिटस बदलल्या. बिस्किटांऐवजी आत लोक नॉनडिस्क्रिशनरी आयटेम्स जास्त खरेदी करतात.आता चीज आणि ब्रेड मध्ये चांगली ग्रोथ आहे. जुलैमध्ये डबलडिजिट ग्रोथ तर ऑगस्टमध्ये किमान सिंगल डिजिट ग्रोथ होती. सप्टेंबर २०२० मध्ये आता मागणी वाढत आहे. कंपनीने Rs २१८ कोटींच्या ICD चे पेमेंट केले. FY २२ च्या हिशेबाने शेअर ४५ P /E लेव्हलवर चालू आहे. ब्रिटानियाच्या शेअरमध्ये आज चांगलीच मंदी होती. तज्ञाचे मत आहे की FMCG क्षेत्रातील इतर कंपन्यांच्या निकालात ब्रिटानियासारखा ट्रेंड आढळला तर शेअरमध्ये तेजी येण्याची शक्यता आहे. पण ब्रिटानियाचा शेअर खूप वाढला आहे.

OMC ने ४३० कोटी लिटर एथॅनॉल साठी वाढीव भावाने नवीन साखर हंगामासाठी टेंडर्स भरली. फायदा साखर उत्पादक कंपन्यांना होईल त्यामुळे त्यांच्या शेअरमध्ये तेजी आली.

स्पाईस जेटने ६२ नवीन अंतर्देशीय आणि आंतरराष्ट्रीय उड्डाणे सुरु केली. कंपनीने सांगितले की जशी जशी परिस्थिती नॉर्मल होत जाईल तशी मागणी वाढत जाईल.

सनटेक रिअल्टी कंपनीने वासिंद मध्ये ५० एकर जमीन खरेदी केली. फिनलँडमधील ‘फोरम’ या कंपनीकडून ५ वर्षांसाठी विप्रोला कॉन्ट्रॅक्ट मिळाले.

ग्रॅनुअल्सचे दुसऱ्या तिमाहीचे निकाल चांगले आले. प्रॉफिट ७१% ने वाढून Rs १६३.६० कोटी, उत्पन्न २२% ने वाढून Rs ८५८.१० कोटी EBIT मार्जिन २९.९% होते. कंपनीने सांगितले की आमच्या कंपनीच्या दुसरी तिमाही आणि पहिल्या अर्धवर्षांच्या निकालांवर. कोविड १९ चा प्रतिकूल परिणाम झाला नाही.

रामकृष्ण फोर्जिंग, DCM श्रीराम या कंपन्यांचे दुसऱ्या तिमाहीचे निकाल चांगले आले.बॉम्बे डाईंग ही कंपनी फायद्यातून तोट्यात गेली.

केमकॉन स्पेशालिटी केमिकल्स ला दिलेल्या क्रेडिट फॅसिलिटीज क्रिसिलने अपग्रेड केल्या. सेबीने प्रमोटर्सविरुद्ध सुरु केलेली आणि कंपनीचे भूतपूर्व डायरेक्टर नरेश गोयल यांच्याविरुद्ध सुरु झालेली कारवाई चालू आहे.कोणताही दंड झाला तर तो प्रमोटर्सला भरावा लागेल ऑईलवेल केमिकल्सच्या बिझिनेसवर कोविडचा चांगलाच प्रतिकूल परिणाम झाला. पण सप्टेंबर २०२० पासून या बिझिनेसमध्ये हळू हळू सुरुवात झाली आहे. आणि ऑर्डर्स मिळत आहेत. HAGS आणि CMIC चा बिझिनेस चांगला चालू आहे.

विदेशी पार्टनरला रॉयल्टी पेमेंट, टेक्नॉलॉजी ट्रान्स्फर, ट्रेडमार्क, ब्रॅंडनेम ( यामध्ये १%सूट मिळेल ) यावर सरकार कमाल मर्यादा ठरवण्याचा विचार करत आहे. १% ते ४% एवढी ही मर्यादा असेल. ऑटोमॅटिक रुटने पेमेंटची १% ते ४% एवढी मर्यादा असण्याची शक्यता आहे. . जर या पेक्षा जास्त पेमेंट करायचे असेल तर सरकारची परवानगी घ्यावी लागेल. सुरुवातीच्या ४ वर्षांत ४% पर्यंत सूट असेल जर कंपनी यातील काही खर्च R & D वर करत असेल तर तेवढी ती मर्यादा वाढेल . या पेमेन्टवर सरकार विथहोल्डींग टॅक्स लावण्याचा विचार करत आहे. या नियमांचा परिणाम मारुती, HUL, NESLE, कोलगेट, सिमेन्स या कंपन्यांवर होईल.

DHFL चे प्रमोटर कपिल वाधवान यांनी आपली Rs ४३००० कोटींची व्यक्तिगत आणि कौटुंबिक मालमत्ता DHFL च्या ऑउटस्टँडिंग कर्जासाठी देऊ केली आहे. त्यांच्या व्यक्तिगत आणि कुटुंबाच्या वेगवेगळ्या रिअल इस्टेट प्रोजेक्ट मधील राईट्स, इंटरेस्ट, टायटल ट्रान्स्फर केले तर DHFL चे रेझोल्यूशन योग्य रीतीने आणि पूर्ण होईल या आशयाचा अर्ज त्यांनी RBI कडे केला आहे.

आज लिबर्टी स्टील या कंपनीच्या व्यवस्थापनाने सांगितले की आम्ही अकवायर केलेल्या आधुनिक स्टील आणि झिऑन स्टील या कंपन्यांचे उत्पादन सुरु करण्याचा प्रयत्न चालू आहे. त्यांनी सांगितले की आम्हाला स्टील,अल्युमिनियम आणि रिन्यूएबल एनर्जी क्षेत्रात स्वारस्य आहे. THISSENKRUPP या कंपनीच्या स्टील बिझिनेससाठी नॉन बाइंडिंग इंडीकेटीव्ह ऑफर दिली आहे.

सरकार IRCTC चा OFS जानेवारी २०२१ ते मार्च २०२१ या दरम्यान आणण्याची शक्यता आहे.

इक्विटास स्माल फायनान्स बँकेचा IPO १३% भरला.

JSPL ने हायस्पीड हाय AXLE लोड ऍप्लिकेशन्स साठी नवीन प्रतीचे रूळ विकसित केले. रेल्वेने या रुळांना मंजुरी दिली.
शक्ती पंप्स ही कंपनी सोलर आणि सबमर्सिबल पम्प बनवते . या कंपनीचा १०० देशात कारभार आहे. सोलर इन्व्हर्टरचे ते भारतातील एकमेव उत्पादक आहेत. सरकारच्या सबसिडी कार्यक्रमामुळे पंपांसाठी मागणी वाढली आहे. राज्य सरकार आणि केंद्र सरकार मिळून एकूण ७५% सबसिडी देतात. त्यांचा दुसऱ्या तिमाहीचे निकाल चांगले आले.

HUL ने Rs १४ प्रती शेअर लाभांश जाहीर केला. कंपनीला Rs २००९ कोटी फायदा झाला. कंपनीचे उत्पन्न Rs ११४४२ कोटी झाले. EBITDA Rs २८६९ कोटी झाले. मार्जिन २५.१% होते. व्हॉल्युम ग्रोथ ३% होती.

मी आज तुम्हाला HDFC चा चार्ट देत आहे. सरकारच्या मोहीमेमुळे रिअल इस्टेट क्षेत्रात तेजी आली आहे. गृह कर्जावरील व्याजाचे दर कमी झाले आहेत अफोर्डेबल हौसिंग योजनेचा फायदा मिळत आहे. परिणामी HDFC लिमिटेडची ग्रोथ होत आहे. . या चार्टमधे तुम्हाला डबल बॉटम तयार झालेला दिसतो आहे. शेअरने ब्रेकआउट घेतला आहे.ब्रेकआऊट होताना सरासरीपेक्षा जास्त व्हॉल्युम दिसत आहेत. हा विकली चार्ट आहे.

BSE निर्देशांक सेन्सेक्स ४०५४४ NSE निर्देशांक निफ्टी ११८९६ बँक निफ्टी २४३११ वर बंद झाले.

 

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १९ ऑक्टोबर  २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १९ ऑक्टोबर  २०२०

आज क्रूड US $ ४२.६९ प्रती बॅरल ते US $ ४२.९८ प्रती बॅरल या दरम्यान तर रुपया US $१= Rs ७३.३४ ते US $१= Rs ७३.४१ या दरम्यान US $ निर्देशांक ९३.७३ VIX २२.२५ PCR १.३७ होते.

आज USA , युरोप मधील मार्केट माफक तेजीत होती. करोनाची काळजी UK, USA आणि युरोपियन देशात वाढत आहे. फ्रांस, इटली, स्पेन, रशिया, USA मध्ये कोरोनाची दुसरी वेव्ह येत आहे.

आज चीनच्या GDP मध्ये ४.९% वाढ झाली, इंडस्ट्रियल आउटपुट ६.९% ने तर रिटेल विक्री ३.९% वाढली. त्यामुळे मेटल्सच्या मागणीत वाढ झाली.

२२ ऑक्टोबर रोजी ट्रम्प आणि बिडेन यांच्यातील वादसंवादाची निवडणुकीपूर्वी शेवटची फेरी होईल.

HDFC बँकेचे निकाल चांगले आले. प्रॉफिट Rs ७५१३ कोटी तर NII Rs १५२७६ कोटी झाले. GNPA १.०८% तर NNPA ०.१७% होते. NIM ४.१% होते. CAR (कॅपिटल ADEQUACY रेशियो) १९.१% होते.

HDFC बँकेचे दुसऱ्या तिमाहीचे निकाल चांगले आल्यामुळे इतर खाजगी बँकांच्या शेअर्समध्ये तसेच बँक निफ्टीमध्ये तेजी आली.

फेडरल बँकेचे ब्रोकरेज हाऊसेसने रेटिंग बदलल्यामुळे फेडरल बँकेचा शेअर तेजीत होता. रॅलीज इंडियाच्या दुसऱ्या तिमाहीचे निकाल ठीक होते.

आज ब्रिटानिया इंडस्ट्रीजचे दुसऱ्या तिमाहीचे निकाल जाहीर झाले. प्रॉफिट Rs ४०४ कोटींवरून २३%नी वाढून Rs ४९८ कोटी झाले उत्पन्न Rs ३०४९ कोटींवरून १२% वाढून Rs. ३४१९ कोटी झाले.

टिन प्लेट, ओबेराय रिअल्टीज, CSB बँक , SKIPPER, बँक ऑफ महाराष्ट्र आणि बजाज कन्झ्युमर चे निकाल चांगले आले.
टाटा कम्युनिकेशनला Rs ३८५ कोटींचे प्रॉफिट झाले Rs ४४०१ कोटी उत्पन्न झाले.कंपनीला Rs ५५ कोटी वन टाइम लॉस झाला.

आज सिमेंट क्षेत्रातील ACC या कंपनीचे तिसऱ्या तिमाहीचे निकाल आले. प्रॉफिट Rs ३६३.८० कोटी तर उत्पन्न Rs ३५३७.३० कोटी झाले. EBITDA Rs ६७१.४० कोटी तर EBITDA मार्जिन १९% होते.

जेट एअरवेजच्या कमिटी ऑफ क्रेडिटर्स ने जेट एअरवेजच्या संबंधित KALROCK कॅपिटल आणि मुरालीलाल जालन यांच्या रेझोल्यूशन प्लॅनला मंजुरी दिली. आता हा प्लॅन NCLT च्या मंजुरीसाठी पाठवला आहे. पुढील वर्षाच्या मध्यापर्यंत जेट एअरवेज उड्डाणे सुरु करण्याची शक्यता आहे.

DHFLच्या एकूण ऍसेट्ससाठी चार बोली मिळाल्या यात ओक ट्री कॅपिटलने Rs २०००० कोटींची ऑफर दिली. या कर्जात कर्ज देणार्या बँकांना Rs ६५००० कोटींचा हेअरकट सोसावा लागेल असे आतापर्यंत चित्र आहे. या कंपनीला SBI लीडर असलेल्या कन्सॉर्शियमने Rs ८५००० कोटींचे कर्ज दिले आहे. या कंपनीसाठी अडानी ग्रुप, पिरामल एंटरप्रायझेस, आणि सिंगापूरस्थित S C LOWY यांनी बीड्स दिल्या होत्या.  या दोन कंपन्यांच्या रेझोल्यूशन प्लान्समुळे आज बँकांचे शेअर्स तेजीत होते.

प्रेस्टिज इस्टेटस आपले काही ऍसेट्स ब्लॅकस्टोनला विकणार आहे. कंपनीला नॉनबाइंडिंग ऑफर मिळाली आहे. DR रेड्डीजला स्पुटनिक V च्या क्लिनिकल ट्रायलसाठी मंजुरी मिळाली. RBI ने इंडस इंड बँकेला RBI च्या नियमांचे उल्लंघन केले म्हणून Rs ४.५ कोटींचा दंड केला. मोल्ड ट्रेकने ५० शेअरमागे १ राईट्स शेअर Rs १८० प्रती शेअर या भावाने जाहीर केला.

हाटसन ऍग्रोचे दुसऱ्या तिमाहीचे निकाल चांगले आले. प्रॉफिट Rs २५ कोटींवरून Rs ६६ कोटी झाले. उत्पन्न Rs १२७९ कोटींवरून Rs १३२७ कोटी झाले. कंपनीने ३ शेअर्सला १ बोनस शेअर जाहीर केला. COSMO फिल्म्स २६ ऑक्टोबर २०२० रोजी शेअर बाय बॅक वर विचार करेल. MCX नवीन ट्रेडिंग आणि क्लिअरिंग प्लॅटफॉर्म लाँच करण्याची तयारी करत आहे. ऑरोबिन्दो फार्मा EVGIA फार्मा स्पेशालिटी या कंपनीमधील १००% स्टेक Rs २७४ कोटींना खरेदी करणार आहे. ONGC पवन हंस मधील स्टेक विकण्यासाठी बोली मागवणार आहे.

आज ऍव्हेन्यू सुपरमार्केटच्या दुसऱ्या तिमाहीचे निकाल जाहीर झाले. प्रॉफीटमध्ये ३७%, उत्पन्नात १२% घट झाली. मार्जिन कमी झाले. कंपनीने ६ नवीन स्टोर्स उघडली आणि मीरा रोड आणि कल्याण येथील स्टोर्स E-COMMERCE च्या फुलफीलमेंट सेंटरमध्ये रूपांतरित केली. कम्पनीने सांगितले की ग्राहकांची वर्दळ तुलनात्मक दृष्ट्या कमी आहे आणि जास्त मार्जिन असलेल्या नॉनडिस्क्रिशनरी आयटेम्सची खरेदी खूप कमी वेगाने वाढत आहे. कंपनीने E -COMMERCE क्षेत्रात प्रवेश करायचे ठरवले आहे असे दिसते. त्यामुळे D-मार्टचा शेअर वाढला.

क्रिसिलने ऍडव्हान्स एंझाइमचे रेटिंग वाढवून A + केले. LIC ने सिमेन्सचे ७१.२७ लाख शेअर्स तर TVS मोटर्सचे ९६.७२ लाख शेअर्स खरेदी केले. AGR ड्यूजच्या बाबतीत टेलिकॉम कंपन्या, DOT यांच्या बरोबर संसदेच्या स्थायी समितीची बैठक होईल. धानुका ऍग्रीटेक गुजरातमध्ये दहेज येथे स्पेशालिटी केमिक्ल प्लान्ट सुरु करण्याची शक्यता आहे. मारुतीने ‘SWIFT’ चे नवे लिमिटेड VARIANT लाँच केले.

त्रिवेंद्रम विमानतळाच्या खाजगीकरणाविरुद्ध केरळ राज्य सरकारने दाखल केलेली याचिका केरळ हायकोर्टाने रद्द केली.
सरकारने आज १०% रिझर्व्ह एअर स्पेस सिविल एव्हिएशनसाठी खुली करण्याचा निर्णय घेतला. याला इंडियन एअरफोर्स ऑथॉरिटीजने परवानगी दिली. यामुळे प्रती फ्लाईट Rs ४०००० ची बचत होणार आहे. १५ ते २० मिनिट वेळेची बचत होईल. त्यामुळे फ्लाईन्ग कॉस्ट कमी होईल. १२ मार्गांवर याचा परिणाम दिसेल. उदा मुंबई -श्रीनगर, बागडोगरा -दिल्ली, लखनौ -जयपूर, श्रीनगर दिल्ली याचा एअरलाईन कंपन्यांना Rs १००० कोटींपर्यंत फायदा होईल. याचा परिणाम इंडिगो, स्पाईस जेट यांच्यावर होईल.

सरकार भारत पंप्स आणि स्कुटर्स इंडिया या कंपन्या बंद करणार आहे. ८-९ लिस्टेड PSU शेअर बायबॅक करतील. IRFC चा IPO नोव्हेंबर २०२० मध्ये येईल. सरकारने ज्या PSU कंपन्यांच्या बॅलन्सशीटवर कॅश आहे त्यांना लाभांश, बायबॅक, करायला सांगितले. यामुळे आज सर्व PSU मध्ये तेजी होती.

इक्विटास स्माल फायनान्स बँकेचा IPO २० ऑक्टोबर २०२० ला ओपन होऊन २२ ऑक्टोबर २०२० ला बंद होईल. फेस व्हॅल्यू Rs १० आहे. प्राईस बँड Rs ३२-३३ आहे. मिनिमम लॉट ४५० शेअर्सचा आहे. या शेअर्सचे २ नोव्हेम्बरला लिस्टिंग होईल. यामुळे ही बँक MSME ला लोन्स देते. त्यामुळे NPA वाढण्याची शक्यता आहे.उज्जीवन स्माल फायनान्स बँकेच्या शेअरमध्ये तेजी होती.

१२ नोव्हेम्बरला MSCI निर्देशांकाचे रीबॅलन्सिंग होणार आहे. त्याच्यामध्ये कोटक महिंद्रा बँकेचे वेटेज वाढण्याची शक्यता आहे. म्युच्युअल फंड या शेअरमध्ये खरेदी करतील.

ऑटो सेल्सचा डेटा चांगला आल्यामुळे टायर्ससाठी मागणी खूप वाढेल, रिप्लेसमेंट डिमांडही चांगली आहे.तसेच चीनमधून होणारी टायर्सची आयात कमी झाली आहे. सणासुदीच्या हंगामामध्ये डिस्काउंट जाहीर केले जात आहेत, सरकारी कर्मचाऱ्यांना मारुती Rs ११००० डिस्काउंट देणार आहे. अशा योजनांमुळे टायर्ससाठी मागणीही वाढेल. टायर्सचे शेअर्स विशेषतः सिएट आणि MRF तेजीत होते.

अमेझॉन फ्लिपकार्ट वर सध्या सेल्स चालू आहेत तुफान प्रतिसाद मिळत आहे. अर्थातच याचा फायदा FMCG कंपन्यांना होईल. उदा कोलगेट, नेस्ल ,पेज इंडस्ट्रीज, HUL .

आज मी तुम्हाला DR लाल पाथ लॅब चा चार्ट देत आहे. ही फार्मा क्षेत्रातील कंपनी आहे. करोनामुळे लॅबच्या सगळ्या शेअर्समध्ये तेजी होतीच. लाल पाथ लॅबच्या चार्टमधे एक चॅनेल तयार झालेला आपल्याला दिसतो. काही दिवस हा शेअर् चॅनेलमधेच ट्रेड करत होता पण आता हा शेअर चॅनेल ब्रेकआउट देतो आहे असे दिसते. चार्टमधे तुम्हाला खालच्या ओळीत व्हॉल्यूमची मोठी कॅण्डल दिसते आहे म्हणजेच हा प्राईस व्हॉल्युम ब्रेक आउट आहे.

BSE निर्देशांक सेन्सकडे ४०४३१ NSE निर्देशांक निफ्टी ११८७३ बँक निफ्टी २४२६६ वर बंद झाले

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १६ ऑक्टोबर  २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १६ ऑक्टोबर  २०२०

आज क्रूड US $ ४२.५१ प्रती बॅरल ते US $ ४२.८० प्रती बॅरल या दरम्यान तर रुपया US $१= Rs ७३.३१ ते US $१= Rs ७३.३८ या दरम्यान US $ निर्देशांक ९३.८१ VIX २१.८५ PCR १.३२ होते.

ओपेक+चा वाढता पुरवठा आणि कोरोनाच्या दुसऱ्या लाटेसारखा प्रादुर्भाव यामुळे कमी झालेली मागणी यामुळे आज क्रुडमध्ये मंदी होती.

आज HCL टेकचे दुसऱ्या तिमाहीचे निकाल जाहीर झाले. कंपनीचे उत्पन्न Rs १८५९४ कोटी (४.२% वाढ), प्रॉफिट Rs ३१४० कोटी ( ७.४% वाढ), कॉन्स्टन्ट करन्सी ग्रोथ ४.५% तर EBIT मार्जिन २१.६% होते. कंपनीने FY २१ साठी EBIT मार्जिनचा गायडन्स २०%-२१% तर उत्पनातील वाढीचा गायडन्स १.५% -२.५% दिला. कंपनीने १५ नवीन डील केले. कंपनीने Rs ४ प्रती शेअर अंतरीम लाभांश जाहीर केला. या चांगल्या निकालानंतर कंपनीच्या शेअरमध्ये प्रॉफिट बुकिंग झाले.

माईंड ट्रीच्या व्यवस्थापनाने सांगितले की कॉस्ट कमी करण्याची मोहीम ते राबवत आहेत. CPG, इन्शुअरन्स, टेक्नॉलॉजी या क्षेत्रात ग्रोथ झाली. ट्रॅव्हल आणि टुरिझमच्या क्षेत्रात नवीन शूट दिसत असले तरी ग्रोथ येण्यासाठी अजून किमान तीन तिमाही एवढा काळ लागेल. आमची प्रगती UK, आयर्लंड, युरोप आणि USA मध्ये चांगली आहे. कोरोनाच्या प्रादुर्भावामुळे सर्व सेक्टरमध्ये डिजिटलायझेशन वर जोर आहे. कलौड टेक्नॉलॉजीचा उपयोग वाढत आहे. नवीन DEALS US $ ३०.३ कोटींची मिळाली. आमची शेअर बाय बॅक किंवा मर्जरची कोणतीही योजना नाही. अजून आम्हाला क्रायसिस मधून बाहेर आलो आहोत असे वाटत नाही. म्हणून आमची पॉलिसी कॅश कॉन्झर्वेशनची आहे.

UPL च्या मॉरिशस सब्सिडिअरीच्या ऑडिटरशिपचा KPMG ने राजीनामा दिला. KPMG ची लायसेन्स्ड कंपनी BSR & CO. यांची २०१८ २०१९ २०२० साठी ऑडिटर म्हणून नेमणूक केली. आता UPL मॉरिशसचे ऑडिट BSR & CO करेल. काही रेग्युलेटरी कारणांमुळे आम्ही ऑडिटर म्हणून राजीनामा दिला.से KPMG ने सांगितले. पण गेल्या काही वेळच्या अनुभवांमुळे कंपनीच्या शेअरमध्ये ५% पर्यंत प्रॉफिट बुकिंग झाले. पण KPMG UPL साठी कन्सॉलिडिटेड फायनान्सियल ग्लोबल ऑडिटर म्हणून काम करेल. .

WHO च्या सॉलिडॅरिटी टीमच्या अंतरिम रिपोर्टमध्ये असे सांगितले की REMSIDIVIR , HCQ, लोपिनावीर, आणि इंटरफेरॉन या औषधांचा हॉस्पिटलाईझ्ड रुग्णाणना फारसा उपयोग होत नाही, मृत्युदरावर फारसा परिणाम दिसत नाही . हा रिपोर्ट ३० देशातील ४०५ हॉस्पिटल्समधील ११२६६ रुगणांवर केलेल्या चाचण्यांवर आधारित आहे. या रीपोर्टचा परिणाम सिप्ला, ग्लेनमार्क फार्मा, DR रेड्डीज या कंपन्यांवर होण्याची शक्यता आहे.

काँकॉरच्या बाबतीत रेल्वे आणि वित्त मंत्रालयात सहमती झाली. लँड लायसेन्सिंगचा प्रश्न सुटला. नोव्हेंबर २०२० अखेर सरकार बोली मागविल.

IDBI बँकेतील आपला ५१% स्टेक विकण्यात LIC ला स्वारस्य आहे. सरकारचा या बँकेत ४७% स्टेक आहे. या स्टेकसेल साठी लवकरच मंत्रिमंडळाची मंजुरी मिळण्याची शक्यता आहे.

सरकार रेलटेलमध्येही २७% तर IRFC मधील २५% स्टेक IPO द्वारा डायव्हेस्ट करणार आहे.

RBI २२ ऑक्टोबर २०२० ला OMO मध्ये Rs १०००० कोटींच्या बॉण्ड्सची खरेदी करेल. या OMO ला चांगला प्रतिसाद मिळाला तर OMO ची साईझ वाढवण्यावर विचार करू असे RBI ने सांगितले.

२० ऑक्टोबर २०२० ला हिंदुस्थान झिंक या कंपनीच्या बोर्ड ऑफ डायरेक्टर्सच्या बैठकीमध्ये अंतरिम लाभांशावर विचार होईल.

रेफ्रेजरन्ट वापरणाऱ्या एअर कंडिशनर्सच्या आयातीवर सरकारने बंदी घातली. याचा फायदा अंबर इंटरप्रायझेस, ब्ल्यू स्टार, व्होल्टास, हॅवेल्स, नवीन फ्ल्युओरीन, SRF या कंपन्यांवर होईल

१ ऑक्टोबर २०२० ते १५ ऑक्टोबर २०२० दरम्यान पेट्रोल, डिझेल च्या विक्रीमध्ये लक्षणीय वाढ झाली आहे असे HPCL, BPCL , IOC या ऑइल मार्केटिंग कंपन्यांनी सांगितले.

केंद्र सरकारच्या मार्गदर्शक तत्वांनुसार थिएटर्स, नाट्यगृहे उघडण्यास ५०% क्षमतेवर परवानगी मिळाली पण जगभरात नवीन सिनेमा रिलीज होत नसल्यामुळे जुनेच सिनेमा दाखवले जात आहेत. त्यामुळे तिकिटांचे दर कमी आहेत.

THISSENKRUPP चा स्टील बिझिनेस खरेदी करण्यासाठी लिबर्टी स्टीलने नॉन बाइंडिंग ऑफर दिली. याचा फायदा टाटा स्टीलला होईल.

२० ऑक्टोबर २०२० ते २ नोव्हेंबर २०२० दरम्यान धानुका एग्रीटेकचा शेअर बाय बॅक ओपन राहील.

१९ ऑक्टोबर २०२० पासून MCX बेस मेटल्स इंडेक्स फ्युचर्समध्ये ट्रेडिंग सुरु करेल . या बेस मेटल्स इंडेक्स मध्ये कॉपर अल्युमिनियम, झिंक निकेल आणि लेड यांचा समावेश असेल.

इंडिया बुल्स हौसिंग फायनान्सने आपला ओक नॉर्थ होल्डिंग मधील स्टेक Rs २२० कोटींना विकला.

आज SIAM ने ऑटोविक्रीचे आकडे जाहीर केले. पॅसेंजर व्हेइकल्सची एकूण विक्री २६.४% ने YOY तर डोमेस्टिक विक्री २८.९२% (YOY) वाढली. टू व्हिलर्सची विक्री ११.४% ने वाढून १८.४० लाख युनिट झाली. थ्री व्हिलर्सची विक्री ७१.९१% नी कमी होऊन १८६४९ झाली.

फेडरल बँकेने आपल्या दुसऱ्या तिमाहीचे निकाल जाहीर केले. NIM ३.१३% (३.०१%) YOY, NII २३% ने वाढून Rs १३८० कोटी झाले, इतर उत्पन्न २१% ने वाढून Rs ५०९ कोटी झाले. नेट प्रॉफिट कमी होऊन Rs ३०८ कोटी ( Rs ४१७ कोटी) झाले. या तिमाहीत स्लीपेजिससाठी Rs ५९२ कोटींची प्रोव्हिजन ( Rs २५२ कोटी), GNPA २.८४% ऑफ टोटल लोन्स होते.

आज तुम्हाला मी निफ्टी ५० चा चार्ट देत आहे. या चार्टमधे बेअरिश एंगलफिन्ग पॅटर्न दिसत आहे. एनगल्फ करणे म्हणजे झाकून टाकणे, कव्हर करणे. १५ ऑक्टोबरची मंदीची मोठी कँडल ( मारूबोझू कँडल) आधीच्या कँडल्सना पूर्णपणे कव्हर करत आहे. अशीच स्थिती ३१ ऑगस्ट आणि १ सप्टेंबर २०२० या वेळी दिसणाऱ्या कँडलची दिसते त्यावेळी निफ्टी ११८०० होता तेथून १०८०० पर्यंत निफ्टी हळूहळू पडत राहिला . २४ सप्टेंबरला १०८०५ ची पातळी गाठली आणी तेथून मार्केटने तेजी पकडली आणि निफ्टीने १२००० चा टप्पा गाठला. आता हे करेक्शन पुन्हा १०८०० चा टप्पा गाठेल का ? अशी मार्केटमध्ये चर्चा आहे.

BSE निर्देशांक सेन्सेक्स ३९९८२ NSE निर्देशांक निफ्टी ११७६२ बँक निफ्टी २३५३३ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १५ ऑक्टोबर  २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १५ ऑक्टोबर  २०२०

आज क्रूड US$ ४२.२३ प्रती बॅरल ते US $ ४३.४२ प्रती बॅरल या दरम्यान तर रुपया US $१=₹७३.२२ ते US $ १=₹ ७३.३८ या दरम्यान होते. US $ निर्देशांक ९३.५०, VIX २२.१८ PCR १.४२ होते.

आज इटली,पोर्तुगाल,उत्तर आयर्लंड फ्रान्स या देशात पुन्हा लॉकडाऊन जाहीर झाले. विशेषतः फ्रान्समध्ये १ महिन्यासाठी कडक लॉकडाऊन जाहीर केला. ही कॉरोनाच्या पुनरागमनाची चाहूल आहे असे मानल्यामुळे युरोप, UK, USA, फ्रान्स, युरोपातील इतर देशामधील मार्केटस कोसळली. त्यामुळे २ वाजण्याच्या सुमाराला आपलेही मार्केट पडायला सुरुवात झाली आणि शेवटी सेन्सेक्स १११५ आणि निफ्टी ३०९ पाइण्ट पडला.

ARHC(अफॉरडेबल रेंटल हौसिंग कॉम्प्लेक्स) या योजनेअंतर्गत (या योजनेवर ₹६०० कोटी खर्च होतील आणि ३ लाख लाभधारक असतील) २४ राज्य आणि केंद्रशासित प्रदेश सामील होतील.

रेंटल हौसिंगसाठी एक पोर्टल लाँच केले.खाजगी कंपन्यांनी यात भाग घ्यावा म्हणून EOI मागवले. FAR (फ्लोअर एरिया रेशीयो) किंवा FSI(फ्री फ्लोअर स्पेस इंडेक्स) मध्ये सवलत दिली जाईल.जे हौसिंग कॉम्प्लेक्स रिकामे असतील आणि सरकारबरोबर (JNRUM, PMAY, राज्य सरकारांच्या योजना) बांधले असतील तर ते भाड्याने देऊ शकतात. खाजगी कंपन्यांच्या रिकाम्या जमिनीवर जर इमारती बांधत असतील तर त्यांना या सवलती दिल्या जातील . कन्सेशनल प्रोजेक्ट फायनान्स,फ्री ऑफ कॉस्ट ट्रंक इन्फ्रास्ट्रक्चर फॅसिलिटी दिली जाईल.यामुळे शहरातील गरीब आणि प्रवासी मजूर भाग घेऊ शकतील. याचा फायदा शोभा,गोदरेज,जय कॉर्प,अजमेरा रिअँलिटीज, प्रेस्टिज इस्टेट यांना होईल.

गुजरात सरकारने ₹१०००० कोटींचा ‘ग्रीन फिल्ड smelter’ लावण्यासाठी हिंदुस्थान झिंकबरोबर करार केला.

मिश्र धातू निगम मधील डायव्हेस्टमेंटसाठी कायदेविषयक सल्लागाराची नेमणूक केली. हा कायदेविषयक सल्लागार IMG(इंटर मिनिस्टरीयल ग्रुप) समोर प्रेझेन्टेशन देईल.

IRCTC मधील स्टेक सेल करण्यासाठी HSBC सकट तीन बँकर्सची नेमणूक केली.

UP राज्य सरकारने PVR, इनोक्स लेजर यांना लायसेन्स फी माफ केली.

टाटा स्टील आणि टाटा स्टील BSL या दोन्ही कंपन्यांनी २०० DMA पार केला.

अपोलो हॉस्पिटल्स सरकारबरोबर कॉरोनावरील vaccine सेंटरसाठी करार करणार आहे.

लिखिता इन्फ्रास्त्रकचर चे ₹१३०वर म्हणजे ८% प्रीमियमवर झाले

देशात सिनेमा थिएटर्स ५०% क्षमतेने उघडायला परवानगी दिली.

मूडीज ने भारताच्या रिअल GDP ग्रोथचे FY21 साठी -११.५% FY22 साठी १०.६% तर मध्यम कालावधीत ६% राहण्याचे अनुमान केले आहे.

टाटा पॉवरने त्यांच्या रिन्यूएबल एनर्जी assetसाठी InVit साठी सेबी कडे अर्ज केला. अँकर इन्व्हेस्टर्सनी assets चा DUE DILIGENCE सुरू केला.जुलै २०२० मध्ये टाटा पॉवरने InVit लाँच करण्याची घोषणा केली होती.

अडानी ग्रीनने 205MV चे जादा सोलर assets खरेदी करण्याचा करार केला.

राणे ब्रेक्स ने ₹८२५ प्रती शेअर (CMP वर १९.५%) या भावाने ₹२२ कोटींचा शेअर बाय बॅक जाहीर केला. कंपनीच्या दुसऱ्या तिमाहीचे निकाल चांगले आले. या बाय बॅकची साईझ छोटी आहे. (१२) JLR इंडियाने नवीन लँडरोव्हर ‘difender’ लाँच केली.

दिल्ली आणि NCR मध्ये AQI(एअर क्वालिटी इंडेक्स) ३०० च्या वर गेला असल्यामुळे एअर प्युरीफायरसाठी मागणी वाढत आहे. याचा फायदा ब्ल्यू स्टार, हवेल्स, व्होल्टास, यांना होईल.पॅनासोनीक, युरेका, यांच्या विक्रीत वाढ झाली आहे.

लक्ष्मी विलास बँकेने ₹५०० कोटींचा राईट्स इशू जाहीर केला.

सरकार येत्या डिसेंबरपर्यंत PSU बँकांमध्ये भांडवल गुंतवेल. गुंतवणुकीची रक्कम प्रत्येक बँकेच्या दुसऱ्या तिमाहीचे निकाल जाहीर झाल्यावर निश्चित केली जाईल.

टाटा इलेक्सीला गूगल widewine ने कन्टेन्ट सर्टिफिकेशन पार्टनर बनवले.

बुलेट ट्रेनसाठी ६३% जमिनीचे अधिग्रहण पुरे होण्याची शक्यता आहे.नोव्हेंबर-डिसेंबर पर्यंत या ट्रेनचे काम सुरू होईल.

आज माईंड ट्री या IT क्षेत्रातील कंपनीचे दुसऱ्या तिमाहीचे निकाल जाहीर झाले.कंपनीला ₹२५३.७० कोटी नफा(८७.९०% वाढ YOY), उत्पन्न ₹१९२६ कोटी(०.६% वाढ YOY) US $ रेव्हेन्यू US$२६१ मिलियन (३.७% वाढ yoy) झाले.कंपनीने ९ नवीन क्लायंट मिळवले. US$१०मिलियन चा एक क्लायंट जोडला.कंपनीने ₹७.५० प्रती शेअर लाभांश जाहीर केला.
हाथवे केबलचे निकाल चांगले आले.

मी आज तुम्हाला BHEL चा चार्ट देत आहे हा चार्ट 2003 पासून 2020 या कालावधीचा आहे यात 2007-2008 मध्ये शेअर्स तेजीत होता तेव्हा 2000चा भाव होता त्यानंतर स्प्लिट झाले त्याचा भाव 400 रुपये झाला 2010-2011मध्ये स्थिती ठीक होती नंतर शेअरमध्ये सुरू झालेली घसरण थांबण्याचे नाव नाही.

BSE निर्देशांक सेन्सेक्स ३९७२८ NSE निर्देशांक निफ्टी ११६८० बँक निफ्टी २३०७२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १४ ऑक्टोबर २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १४ ऑक्टोबर  २०२०

आज crude – ४२.१५ -४२.६३ या दरम्यान तर रुपया — ७३.३० ते ७३.४५ या दरम्यान तर डॉलर इंडेक्स ९३.६२ ,vix – २०.७१ PCR – १.५० होते

चायनीज डेटा चांगला आला इन्फ्रास्ट्रक्चर spending वाढवले म्हणून धातूमध्ये तेजी आली युरोपियन युनियननी price आणि quality तत्वावर अल्युमिनियम extrusions वर 48 % टॅरिफ लावायचे ठरवले

TVS मोटर्स मध्ये LIC नी त्यांचा स्टेक 3.18 वरून 4.87 केला आणि 20 ऑक्टोबरला डिव्हिडंड साठी बैठक आहे

Mould tech – 17 ऑक्टोबर ला rights साठी बैठक आहे

L&T 20 octcber ला डिव्हिडंड जाहीर करणार आहे यासाठी रेकॉर्ड डेट 28 ऑक्टोबर आहे

IRCTC सणासुदीला 392 गाड्या सोडणार आहे पण OFS ची तलवार लटकत आहे

टाटा स्टील लॉंग प्रॉडक्ट आणि कर्नाटक बँक याचा risult चांगला आला A B Money, GNA Axles(6) Federal Mogul नी 25% discount वर OFS आणून सुद्धा चांगला रिस्पॉन्स मिळाला नाही

सारेगमचा चार्ट चांगला आहे ब्रेकआउट आहे त्यांचे CARVAAN हे प्रॉडक्ट चांगले आले आहे

आज डिफेन्स सेक्टरची 1200 प्रॉडक्टची निगेटिव्ह लिस्ट जाहीर होणार आहे म्हणजे या प्रॉडक्टची आयात होणार नाही MAKE IN INDIA या योजनेखाली या वस्तू भारतातच बनतील याचा डिफेन्स क्षेत्रातील कंपन्यांना फायदा होईल

NMDC च्या Nagarnar plant च्या डीमर्जरला आज कॅबिनेटची मंजुरी मिळेल नंतर हा प्लांट विकला जाईल

चहाच्या किंमती 60%नी वाढल्याने HUL नी सुद्धा किंमती वाढवायचे ठरवले आहे tata consumer ही किमती वाढवणार म्हणून दोन्ही शेअर तेजीत होते (११)ISPRL(Indian Strategic Petroleum Reserves Limited) क्रूड ऑइल स्टोअरेज फॅसिलिटी Revamp करणार आहे त्यासाठी कॉन्सल्टंट म्हणून EIL ची निवड झाली आहे

इथेनॉलच्या पॉलिसीची समीक्षा कॅबिनेट करणार आहे 2026 पर्यंत 12 % ते 15 % इथेनॉल ब्लेंडिंग आणि 2030 पर्यंत 20% ब्लेंडिंग करावे आणि वेगवेगळ्या धान्याचा उपयोग इथेनॉल बनवण्यासाठी करावा याबाबतीत ऑटोमोबाईल इंडस्ट्री बरोबर चर्चा सुरू आहे साखरेच्या निर्यातीसाठी 3 वर्ष परवानगी द्यावी असा विचार आहे

व्याजावरील व्याज माफ करण्याबद्दल सरकारने 2 नोव्हेंबर 2020 पर्यंत सर्क्युलर काढावे . बँकांनी कर्जे NPA म्हणून जाहीर करण्यावरिल मनाई चालू राहील.रिजर्व बँकेच्या वकिलांनी एक दिवसाची मुदत मागितली. व्याजमाफी योजना सरकारने शक्य तितक्या लवकर लागू करावी.

इक्विटास स्मॉल फायनान्स बँकेने IPO साठी अर्ज दिला. हा IPO 20 ऑक्टोबर 2020 ते 22 ऑक्टोबर 2020 दरम्यान ओपन असेल. याचा price band 34 ते ३५ असेल

सप्टेंबर 2020 साठी WPI 1.32% होता आवश्यक वस्तू ,खाद्यपदार्थ, भाज्या खूपच महाग झाल्या.

PAGE इंडस्ट्रीज च्या भारतातील युनिटची US एजन्सीने मानवाधिकार व्हायोलेशन संबंधात चौकशी सुरू केली.त्यामुळे शेअर पडला.

देशांतर्गत प्रवासी वाहतुक 65.8% कमी झाली.

SBI कार्ड्सने नविन ऑफर launch केली business pri covid पातळीला पोहोचला

इन्फोसिसला दुसऱ्या तिमाहीत ₹४८४५ कोटी प्रॉफिट झाले . ही yoy २०.५% तर QOQ १४.४५% वाढ आहे. कंपनीने ₹ १२ प्रती शेअर अंतरिम लाभांश जाहीर केला. १ जानेवारी २०२१ पासून कर्मचाऱ्यांना पगारवाढ, बढती दिली जाईल . आम्ही ग्राहकांना डिजिटल ट्रान्सफॉर्मेशन करण्यासाठी मदत केली. रेव्हेन्यू गायडन्स २% वरून ३% केला.

टाटा अलेक्सिचे दुसऱ्या तिमाहीचे निकाल जाहीर झाले. उत्पन्न ₹ ४३० कोटी ,नफा ₹७८.८८ कोटी झाला.

आज डाबर इंडिया चा चार्ट देतीये. चांगल्या correction नंतर breakout झाला आहे

BSE निर्देशांक सेन्सेक्स ४०७९५ NSE निर्देशांक निफ्टी ११९७१ बँक निफ्टी २३८७४ वर बंद झाले .

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – १३ ऑक्टोबर  २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १३ ऑक्टोबर  २०२०

आज क्रूड US $ ४१.६६ प्रती बॅरल ते US $ ४२.६९ प्रती बॅरल तर रुपया US $१= Rs ७३.२७ ते US $१= Rs ७३.४१ या दरम्यान VIX २१.१२ US $ निर्देशांक ९३.४८ PCR १.५३ होते

काल इलेक्ट्रीसिटीचा गोंधळ होता त्यामुळे मी ब्लॉग किंवा व्हिडिओ देऊ शकले नाही. माझा नाईलाज झाला. आपणाला वाट पाहावी लागली त्याबद्दल मी दिलगीरी व्यक्त करत आहे. या लाईटच्या गोंधळामुळे निफ्टी पुन्हा काल १२००० झाला हे पाहण्याची संधी मात्र हुकली याचे वाईट वाटले. मार्च २०२० नंतर पुन्हा एकदा आपण ४०००० सेन्सेक्स आणि १२००० निफ्टीच्या पातळीवर पोहोचलो आहोत.

रिलायन्स जिओने जुलै २०२० मध्ये ३५.५४ लाख नवीन ग्राहक जोडले. व्होडाफोनने ३७.२६ लाख ग्राहक गमावले. तर भारती एअरटेलने ३२.६० लाख ग्राहक जोडले. पण ग्राहक वाढीचा भारतीचा वेग जास्त आहे. पूर्वी भारतीचे ग्राहक JIO मध्ये जात होते. स्पर्धा शिगेला पोहोचली होती पण आता तसे दिसत नाही. स्पर्धेमुळे भारतीच्या शेअरमध्ये चांगले करेक्शन आले आहे. ही चांगली संधी आली आहे असे समजावे. Rs ४००चा सपोर्ट शेअरला मिळत आहे.

झोमॅटो ही इन्फोएज ची सबसिडीअरी आहे. ही फूड डिलिव्हरी करते. फूड डिलिव्हरीमध्ये १५% ते २५% ग्रोथ झाली. ही ग्रोथ प्रीकोविड लेव्हलला पोहोचली. परिणामी इन्फोएज चा शेअर वाढला.

तेलंगाणा आणि आंध्रमध्ये सिमेंटचे भाव वाढण्याची शक्यता आहे. रिअल इस्टेटमध्ये आलेली तेजी सरकारने दिलेले उत्तेजन, गव्हर्मेंट स्पेंडिंग, स्टॅम्प ड्युटीमधील कपात यामुळे सिमेंटची मागणी वाढत आहे. आज सिमेंटचे शेअर्स चांगलेच तेजीत होते. त्यात अल्ट्राटेक सिमेंट, श्री सिमेंट, JK सिमेंट, रामको सिमेंट यामध्ये अधिक तेजी होती.

SHALBY चा दुसऱ्या तिमाहीचा निकाल चांगला आला. मार्जिन वाढले. बेड ऑक्युपन्सी ४१% झाली. म्हणून हा शेअर तर वाढलाच पण अपोलो हॉस्पिटलचा शेअरही वाढला.

राणे ब्रेक्स १५ ऑक्टोबर २०२० ला बायबॅक जाहीर करणार आहे. त्यामुळे राणे ग्रुपचे शेअर्स तेजीत होते.उदा :- राणे होल्डिंग, राणे एंजिन

लक्ष्मी विलास बँक राईट्स इशूसाठी १५ ऑक्टोबर २०२० रोजी मीटिंग घेणार आहे.

ITC ने लॉकडाउनच्या काळांत ४१ नवीन प्रॉडक्टस लाँच केले. FMCG बिझिनेसमध्ये चांगलीच ग्रोथ आहे. आमचे ब्रॅण्ड्स प्रसिद्ध आहेत. पेपर व्यवसाय चांगला चालू आहे. आता हॉटेल्स ओपन करायला परवानगी मिळाल्यामुळे तोही विभाग तेजी पकडतो आहे.करोनामुळे सिगारेट व्यवसायात मंदी आहे.पण मार्केट आमच्या शेअरला योग्य तो भाव देत नाही असे व्यवस्थापनाने सांगितले. काल आणि आज ITC चा शेअर तेजीत होता.

सुप्रीम कोर्टाने वेदांताला थोडासा दिलासा दिला. जे आयर्न ओअर त्यांनी गोव्याच्या खाणीतून काढले आहे ते सहा महिन्याच्या कालावधीत वेदांता ट्रान्सपोर्ट करू शकते.

आज बजाज फायनान्स आणि बजाज फिनसर्व दोन्हीही शेअर्सच्या चार्टमधे ब्रेकडाऊन दिसला. सध्याचे वातावरण पाहता बजाजने लोनच्या अटी किंवा नियम कडक केले आहेत असे जाणवले. त्यामुळे लोनग्रोथ कमी होईल असे वाटून दोन्हीही शेअर्समध्ये मंदी होती.

गोदरेज प्रॉपर्टीजने बंगलोरमध्ये सर्जापूर येथे १.६ मिलियन SQ फीट म्हणजे सुमारे १५ एकर एवढी जमीन हौसिंग प्रोजेक्टसाठी खरेदी केली आहे त्याचप्रमाणे कल्याण येथेही जमीन घेतली आहे. गोदरेज फंड मॅनेजमेंटने सेंच्युरी ग्रुपकडून Rs ७०० कोटीना जमीन खरेदी केली. त्यामुळे शेअरमध्ये तेजी होती.

SRF ने QIP ची फ्लोअर प्राईस Rs ४१६८.७३ एवढी ठरवली. ही CMP च्या ४.५८% डिस्काउंटवर असल्यामुळे आज शेअरमध्ये मंदी होती पण QIP ला चांगला प्रतिसाद मिळाला.

कोलगेट २१ऑक्टोबर २०२० ला दुसऱ्या तिमाहीचे निकाल आणि अंतरिम लाभांशावर विचार करेल. या अंतरिम लाभांशाची रेकॉर्ड डेट २ नोव्हेंबर २०२० असेल.

ब्रिटानिया तामिळनाडूमध्ये येत्या ७ वर्षांमध्ये Rs ५५० कोटींची गुंतवणूक करणार आहे.

ICICI लोम्बार्डचा प्रीमियम ७.३% ने वाढला तर न्यू इंडिया इन्शुअरन्सचा ०.५% ने वाढला.

विप्रोचे प्रॉफीटस YOY ३.४०% ने कमी झाले.पण QOQ मार्जिन्स वाढले, ३.१७% प्रॉफिट वाढले. कॅशफ्लो वाढला आणि सगळ्या पॅरामीटर्समध्ये प्रगती झाली. आमची ग्रोथ तिसऱ्या तिमाहीत १.५% ते ३.५% या दरम्यान असेल. विप्रो Rs ४०० प्रती शेअर या दराने २३.७५ कोटी शेअर्सच्या बायबॅकवर Rs ९५०० कोटी खर्च करणार.प्रमोटर ग्रुप आणि त्यांचे सदस्य या बायबॅकमध्ये भाग घेणार आहेत. (माझ्या ब्लॉग नंबर ५८ मध्ये शेअर बायबॅक विषयीची सविस्तर माहिती दिली आहे आणि त्याचप्रमाणे माझ्या मार्केट आणि मी या पुस्तकांत बायबॅक ही कॉर्पोरेट एक्शन दिली आहे)

केमिकल शेअर्समधली तेजी काही प्रमाणात मंदावली आहे असे वाटत आहे आता मिडकॅप केमिकल शेअर्सकडे लोकांचे लक्ष गेले आहे असे दिसते. केमिकल शेअर्स हे कमोडिटीप्रमाणेच समजले पाहिजेत. त्यांचा ROC ( रिटर्न ऑन कॅपिटल) आणि ROE (रिटर्न ऑन इक्विटी) जास्त नसतात. या उद्योगाला वर्किंग कॅपिटल जास्त लागते. सुरुवातीला या कंपन्यांचे मार्जिन खूप होते. आता पूर्वी एवढे मार्जिन मिळत नाही. शेअर्सचे भावही खूप वाढले आहेत. केमिकल्सच्या सप्लायमध्ये अनेक अडचणी आल्या होत्या. जे देश चीनकडून माल घेत होते त्यांना माल मिळण्यासाठी त्रास होऊ लागला. म्हणून बऱ्याच देशांनी चीन+१ असे धोरण स्वीकारले. भारताकडून काही प्रमाणात माल घ्यायला सुरुवात केली. चीन आणि भारत यांच्यातील ताणतणाव, चीन USA ट्रेड वॉर,करोनामुळे आलेले हेल्थ प्रॉब्लेम्स ही सर्व कारणे केमिकल क्षेत्रातल्या तेजीला कारणीभूत झाली. आता तेजी होणार नाही असे नाही पण तेजीचा वेग मंदावेल.

थिरूमलै केमिकल्स सारख्या छोट्या शेअर्सकडे लोकांचे लक्ष गेले आहे असे दिसते. या शेअरचा चार्ट चांगला आहे. शेअरने ब्रेकआउट दिला आहे.तुम्ही जर चार्ट कडे बारकाईने बघितलेत तर तुम्हाला असे दिसेल की ज्या ज्या वेळेला करेक्शन आले .तेव्हा हा शेअर प्रिव्हियस लो पाईण्टच्या खाली गेला नाही पण जेव्हा तेजी आली तेव्हा मात्र या शेअरने पूर्वीचा हाय पाईंट क्रॉस केला आहे. ज्यावेळेला हा शेअर Rs ८२च्या वर ट्रेड करेल त्यानंतर या शेअरमध्ये चांगली तेजी येईल. असे हा चार्ट दर्शवतो. मी थिरूमलै केमिकलचा डेली चार्ट आपल्याला देत आहे.

BSE निर्देशांक सेन्सेक्स ४०६२५ NSE निर्देशांक निफ्टी ११९३४ बँक निफ्टी २३४९२ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ९ ऑक्टोबर  २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ९ ऑक्टोबर  २०२०

आज क्रूड US $ ४३.१२ प्रती बॅरल ते US $ ४३.४२ प्रती बॅरल या दरम्यान तर रुपया US $१= Rs ७३.०५ ते US $ १= Rs ७३.२४ या दरम्यान होते. US $ निर्देशांक ९३.५७ VIX २०.३२ PCR १.५९ होते.

आज USA ची मार्केट्स तेजीत होती. सोने आणि चांदी यांत तेजी होती. आज पासून चीनमधील मार्केट्स आठवड्याभराच्या सुट्टीनंतर उघडली.

भारतीय मार्केट्समध्ये तेजीचा ट्रेंड आजही सुरु राहिला. आज RBI ने आपले द्विमासिक वित्तीय धोरण जाहीर केले. रेपो रेट ४%, रिव्हर्स रेपो रेट ३.३५%, CRR ३%, बँक रेट ४.२०% आणि SLR यात कोणताही बदल केला नाही. RBI ने त्यांचा FY २०२१ आणि FY २०२२ साठी स्टान्स अकोमोडेटिव्ह ठेवला. FY २१ मध्ये GDP ग्रोथ रेट -९.५% असेल पण वर्षाच्या चौथ्या तिमाहीत GDP ग्रोथ रेट + टिव्ह होऊ शकतो . रब्बीचा चांगला हंगाम, व्यवस्थित पेरण्या, पाण्याची मुबलकता या मुळे या वर्षी धान्याचे विक्रमी उत्पादन होईल असा अंदाज आहे. E -कॉमर्स सेक्टरमध्ये चांगली प्रगती होत आहे. सप्लाय चेनमध्ये सुधारणा होत आहे.FMCG, ऑटो,र्स पॅसेंजर वेहिकल, फार्मा, ट्रान्सपोर्ट या क्षेत्रात चांगली रिकव्हरी दिसत आहे.

सप्टेंबरमध्ये महागाई वाढण्याची शक्यता आहे पण ऑक्टोबर २०२० पासून महागाई कमी होईल.त्यामुळे या पॉलिसीमध्ये ग्रोथवर लक्ष केंद्रित केले आहे. RBI ने Rs १००००० कोटींचे ऑन टॅप TLTRO ४% व्याजावर ३ वर्षाच्या मुदतीचे मार्च २०२१ पर्यंत करू असे सांगितले. ह्या TLTROचे पैसे बँका कॉर्पोरेट बॉण्ड्स, डिबेंचर्स, कमर्शियल पेपर्स यामध्ये गुंतवू शकतात किंवा विशिष्ट सेक्टर्सना कर्ज देऊ शकतात.

होल्डिंग टू मॅच्युरिटीची मर्यादा २२% आणि मुदत ३१ मार्च २०२२ पर्यंत वाढवली.

केंद्र सरकारला देण्यात येणाऱ्या (वेज & मीन्स) ऍडव्हान्सेस Rs १२५००० कोटीची मुदत ३१ मार्च २०२१ पर्यंत वाढवली. आणि राज्यांसाठी वेज आणि मिन्समध्ये केलेली ६०% वाढीची मुदत मार्च २०२१प र्यंत वाढवली. पुढच्या आठवड्यात RBI Rs २०००० कोटींचे OMO करेल. कोओरिजिनेशन फॅसिलिटीची मुदत ३१ मार्च २०२१ पर्यंत वाढवली. त्यामुळे NBFC आणि हाऊसिंग लोन देणार्या कंपन्यांच्या शेअर्स मध्ये तेजी आली.

बँकांनी एका व्यक्तीला त्याचा टर्नओव्हर ५० कोटी असला तर लोन देण्याची रक्कम Rs ५ कोटींवरून ७.५ कोटी केली. वेटेड रिस्क ऍव्हरेजसाठी सध्या लोनची साईझ आणि लोन टू व्हॅल्यू रेशियो हे दोन पॅरामीटर होते. आता फक्त लोन टू व्हॅल्यू हा रेशियो बघितला जाईल. हा नियम नवीन हौसिंग लोनला ३१.०३.२०२२ पर्यंत अप्लिकेबल आहे.

एक्सपोर्टर्सची CAUTION लिस्ट आता ऑटोमेटेड राहणार नाही. RBI केस बाय केस स्टडी करून ही लिस्ट जाहीर करेल.
डिसेम्बरपासून २०२० पासून RTGS ची सेवा २४X ७ चालू राहील.

आज क्लीक्स ग्रुपने लक्ष्मी विलास बँकेसाठी नॉन बाइंडिंग ऑफर दिली. त्यामुळे बँकेच्या शेअरमध्ये चांगली तेजी आली.
GSFC ने बोरोनेटेड कॅलसियम नायट्रेट आणि कॅलसियम नायट्रेट ही खते जी आतापर्यंत आयात होत होती ती मार्केटमध्ये लाँच केली.

डिक्सन टेक्नॉंलॉजीने नोइडामध्ये नवीन प्लांट उघडला.

JK सिमेंटने नवीन ग्राइंडिंग फॅसिलिटी सुरु केली.

क्रेडिट ऍक्सेस ग्रामिनने Rs ७९९ कोटींचा QIP केला.

रामको सिमेंटने ओडिशामध्ये नवीन प्लांट सुरु केला.

सरकारने १०००० टन कांद्याच्या निर्यातीला परवानगी दिली.

आज वेदांताच्या डीलीस्टिंग आवश्यक असलेल्या १.३५ कोटी शेअर्ससाठी बीड मिळाल्या. पण या वेगवेगळ्या किमतीला आलेल्या आहेत. डीलीस्टिंग प्राईस किंवा काउंटर ऑफर मंगळवारी जाहीर केली जाईल

मी आज तुम्हाला L &T चा चार्ट देत आहे हा डेली चार्ट आहे. गेल्या ५ दिवसाच्या मंदीनंतर शेअरने ब्रेकआउट दिला आहे शॉर्टटर्ममधे शेअर तेजीत राहण्याची शक्यता आहे.

१२ ऑक्टोबर २०२०ला माझगाव डॉक्स आणि UTI AMC चे लिस्टिंग होईल. लिखिता इन्फ्राचे लिस्टिंग १५ ऑक्टोबर २०२० ला होणार आहे.

आज BSE निर्देशांक सेन्सेक्स ४०५०९ NSE निर्देशांक निफ्टी ११९१४ बँक निफ्टी २३८४६ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ८ ऑक्टोबर  २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ८ ऑक्टोबर  २०२०

आज क्रूड US $४२.०४ प्रती बॅरल ते US $ ४२.३७ प्रती बॅरल या दरम्यान तर रुपया US $१= Rs ७३.२४ ते US $१=Rs ७३.८० या दरम्यान होते. US $ निर्देशांक ९३.५७ VIX २०.५८ PCR १.५३ होते.

USA चे अध्यक्ष ट्रम्प यांनी सांगितले की प्रत्येक सेक्टर साठी लहान लहान पॅकेजिस जाहीर करायला पाहिजेत. HIB व्हिसासंबंधातील काही नियम कडक केले आणि फीज वाढवली.

सेबीने आज २६८ शेअर्सची सर्किट फिल्टर बदलली. ५% चे १०% तर काही शेअर्समध्ये १०% चे २०% सर्किट केले.
वर्ल्ड बँकेने भारतीय अर्थव्यवस्थेमध्ये ९.६% घट FY २०२१ मध्ये होईल असे अनुमान केले आहे. FY २०२२ मध्ये ५.४% सुधारू शकते. २०२२ पर्यंत कोरोनाचा धोका संपलेला असेल. भारताच्या आयातनिर्यातीवर याचा परिणाम होऊ शकतो.
टायटनने ‘MONTBLANCK ‘ बरोबरचे डिसेंबर २०२० मध्ये मुदत संपत असलेले जॉईंट व्हेंचर संपुष्टात आणण्याचे ठरवले आहे आता ते त्यांच्या मुख्य बिझिनेसवर लक्ष केंद्रित करतील.

इन्फोसिसने पब्लिक हेल्थ एजन्सीजसाठी ऑटोमेटेड डेटा सायन्स प्लॅन लाँच केला. इन्फोसिसने ‘BLUE ARKON Icic’ ही USA बेस्ड डेटा अनॅलिटिकस कंपनी US $ १२ कोटींना खरेदी केली. इन्फोसिस आपले दुसऱ्या तिमाहीचे निकाल १४ ऑक्टोबर २०२० रोजी जाहीर करेल.

बंधन बँकेची डिपॉझिट १२% ने क्रेडिट ग्रोथ ३%ने वाढली तर CASA रेशियो ३८.२% होता. त्यामुळे बँकेच्या शेअरमध्ये तेजी होती.बंधन बँकेने सांगितले की लॉकडाऊनच्या काळात डिसबर्समेंट आणि कलेक्शनमध्ये त्रास होत होता.

TCS चे टार्गेट सर्व तद्न्यांनी Rs ४००० पर्यंत वाढवले. क्लाऊड सिस्टीम वापरल्यामुळे तेजी आली.BFSL रिटेल आणि हेल्थकेअर क्षेत्रात चांगली मागणी आहे. तसेच आमचे HIB व्हिसा वर अवलंबून राहणे कमी झाले. तिसऱ्या तिमाहीत पहिल्यापासून थोडी मंदी असते. पण चौथ्या तिमाहीपासून बिझिनेसमध्ये चांगली वाढ होईल. TCS च्या चांगल्या निकालांमुळे आज IT क्षेत्रातील लार्जस्केल ( विप्रो, इन्फोसिस, कोफोर्ज) तसेच मिडकॅप IT ( माईंड ट्री. पर्सिस्टंट सिस्टिम्स, सोनाटा सॉफ्टवेअर) या कंपन्यांमध्येही लक्षणीय तेजी होती.

सरकारने जाहीर केले की ऑक्टोबर अखेर SCI ( शिपिंग कॉर्पोरेशन ऑफ इंडिया) च्या डायव्हेस्टमेंटसाठी व्हर्चुअल रोड शो पुरा केला जाईल. नोव्हेंबरअखेर बीड मागवल्या जातील. FY २१ मध्ये SCI ची डायव्हेस्टमेन्ट पूर्ण केली जाईल.
सरकार २०२३ पर्यंत कोस्टल रोड डेव्हलपमेंटसाठी Rs ४५००० कोटी खर्च करेल. २००० किलो मीटर्सचे ४ लेन, ६ लेनचे हायवे बनवले जातील.

आज विमान वाहतूक मंत्र्यांनी सांगितले की ऑक्टोबर अखेर २ लाख एवढी पॅसेंजर ट्राफिक होऊ शकते. नोव्हेंबर डिसेंबर २०२० पर्यंत प्रवासी हवाई वाहतूक प्रीकोविड लेव्हलला येईल. डोमेस्टिक उड्डाणांसाठी ७५% क्षमतेने उड्डानांची परवानगी दिली जाणे शक्य आहे.

GST कौन्सिलची १२ ऑक्टोबर २०२० रोजी बैठक आहे. या बैठकीत कॉम्पेन्सेशन सेस वर चर्चा होईल. टू व्हिलर्सवरील आणि हेल्थ इन्शुअरन्स प्रीमियमवरील GST चे दर कमी करण्याचा प्रस्ताव फिटमेन्ट पॅनल समोर नसेल.

वेदांताच्या डीलीस्टिंग ऑफरमध्ये ३.३ कोटी शेअर्ससाठी Rs ३२० प्रती शेअर या भावाने बीड आल्या तर ६२ कोटी शेअर्ससाठी Rs १६० प्रती शेअर या भावाने ऑफर आली. LIC कड़े वेदांताचे २५ कोटी शेअर्स आहे. त्यामुळे इन्स्टिट्यूशनल इन्व्हेस्टर्सच्या बीड या डीलीस्टिंग मध्ये परिणामकारक ठरू शकतात.

लंडनस्थित AMC कंपनी कालरॉक कॅपिटल आणि यूएई मधील इन्व्हेस्टर मुरारीलाल जालान यांची जेट एअरवेजचे मालक म्हणून निवड झाली. त्यामुळे जेट एअरवेजच्या शेअर्सना आज अपर सर्किट लागले.

IT क्षेत्रातील दुसरी कंपनी विप्रो १३ ऑक्टोबर २०२० रोजी आपले दुसऱ्या तिमाहीचे निकाल आणि शेअर बायबॅक वर विचार करेल. या कंपनीने Rs ११००० कोटींचा बायबॅक २०१७ मध्ये केला होता. कंपनीच्या बॅलन्सशीटवर Rs २९००० कोटी कॅश आहे.

मजेस्कोच्या बोर्ड ऑफ डायरेक्टर्सने आज ७४.७० लाख शेअर्स बायबॅक (टेंडर ऑफर रूटने) साठी प्रती शेअर Rs ८४५ या दराने Rs ६३१.३० कोटी खर्च करायला मंजुरी दिली.

आज मी तुम्हाला ‘हॅवेल्स’ या कंपनीचा एक वर्षांचा चार्ट देत आहे.हा शेअर Rs ७९६ प्रती शेअर वरून Rs ४४७ प्रती शेअरपर्यंत पडला होता. Rs ४६० प्रती शेअर किमतीला डबल बॉटम फॉर्म झाला. म्हणजेच ‘W’चा आकार तुम्हाला चार्ट मध्ये दिसतो आहे. सातत्याने हायर टॉप आणि हायर बॉटम या प्रमाणे शेअरमध्ये तेजीची चाल दिसते. या बरोबर व्हॉल्यूमही चांगले आहेत आणि बर्याच दिवसाच्या कन्सॉलिडेशननंतर ब्रेक आऊट झाला आहे. फिबोनासीप्रमाणे
६१.८% प्रमाणे लेव्हलसुद्धा Rs ७२० येते.

आज विमा कंपन्यांचे APE ( अन्युअलाज्ड प्रीमियम इक्विव्हॅलंट) चे आकडे जाहीर झाले.

HDFC लाईफ +४३.२% मॅक्स लाईफ +१६.३% SBI लाईफ -४.४% ICICI PRU -२३.९% असे आले.

BSE निर्देशांक सेन्सेक्स ४०१८२ NSE निर्देशांक निफ्टी ११८३४ बँक निफ्टी २३१९१ वर बंद झाले.

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – ७ ऑक्टोबर  २०२०

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – ७ ऑक्टोबर  २०२०

आज क्रूड US $ ४१.५५ प्रती बॅरल ते US $ ४२.३२ प्रती बॅरल या दरम्यान तर रुपया US $१=Rs ७३.३१ ते US $१= Rs ७३.५२ या दरम्यान होते. US $ इंडेक्स ९३.७५ VIX १९.८३ PCR १.५० होते.

ट्रम्पनी कामकाज सुरु करताच पॅकेज देणे निवडणुका होईपर्यंत रहीत केले. याला राजकारणाचा वास येत आहे. प्रत्येक गोष्ट स्वतःच्या बाजूने वळवणे त्यांना चांगले जमते.तसेच HIB व्हिसाचे नियम अधिक कडक केले जातील असे सांगितले. औषधे आणि औषध उपाययोजना स्वस्त करीन असे सांगितले. त्यांना उत्तम निगोशिएटर म्हणतात. निवडणुकीनंतरच पॅकेज दिले जाईल असे सांगितले. फेडचे अध्यक्ष पॉवेल यांनी मात्र आता रिलीफ पॅकेज देण्याची नितांत आवश्यकता आहे अन्यथा अर्थव्यवस्था सुरळीत होण्याचा वेग कमी होईल असे सांगितले.

आज IT क्षेत्रातल्या दिग्गज कंपनी टी सी एस ने आपले दुसऱ्या तिमाहीचे निकाल जाहीर केले. नेट प्रॉफिट Rs ७४७५ कोटी, EBIT Rs १०६८९ कोटी झाले आणि EBIT मार्जिन २६.२% होते. कंपनीकडे टोटल कॉन्ट्रॅक्ट व्हॅल्यू US $ ८.६ बिलियन आहे. रेव्हेन्यू Rs ४०१३५ कोटी झाले. कॉन्स्टन्ट करन्सी ग्रोथ ४.८% झाली. ATTRITION रेट कमी झाला. त्याचबरोबर कंपनीने Rs ३००० प्रती शेअर या भावाने Rs १६००० कोटींचा शेअरबायबॅक जाहीर केला. कंपनीने पगार वाढ दिली. तसेच कंपनीने ही मल्टीइअर ग्रोथ ट्रान्सफॉर्मेशनची पहिली पायरी आहे असे सांगितले. कंपनीने Rs १२ प्रती शेअर अंतरिम लाभांश जाहीर केला.

विप्रो ही IT क्षेत्रातील कंपनीचे बोर्ड ऑफ डायरेक्टर्स ऑक्टोबर १३ २०२० रोजी शेअरबायबॅकवर विचार करेल.
फर्टिलायझर कंपन्यांमुळे नैसर्गिक गॅसचा खप ३२% ने वाढला आहे. याचाच अर्थ तेवढे खताचे उत्पादन वाढले आणि खतासाठी मागणीही वाढली. खत उत्पादक कंपन्यांचे दुसऱ्या तिमाहीचे निकाल चांगले येतील असा अंदाज आहे. उदा RCF, FACT, चंबळ फर्टिलायझर

ऍक्शन कन्स्ट्रक्शन ही कंपनी कन्स्ट्रक्शन साधनसामुग्री बनवते. जर रिअल इस्टेट, सिमेंट, हौसिंग कंपन्या चालल्या तर या कंपनीच्या मालाला मागणी येईल. हे शेअर्स मध्यम मुदतीच्या दृष्टिकोनातून चांगले वाटतात असा तद्न्यांचा अंदाज आहे.
मुंबई आणि दिल्लीहून एअर बबल योजनेखाली हिथ्रोला विमान सेवा चालू होईल.

आज रिलयांस रिटेल मध्ये अबुधाबी इन्व्हेस्टमेंट ऑथॉरिटीने Rs ५५१२ कोटी गुंतवून १.२०% स्टेक घेतला. आतापर्यंत रिलायन्स रिटेलमध्ये Rs ३७७१० कोटींची गुंतवणूक झाली आहे.

MSTC ही कंपनी स्क्रॅप आणि धातूची वाहतूक करते. 4G आणि 5G चा लिलाव झाला तर या कंपनीला फायदा होईल.
PIL योजनेसाठी इलेकट्रॉनिक्स आणि IT क्षेत्रातील १६ कंपन्यांच्या अर्जाला मंजुरी दिली. या यादीत डिक्सन टेक्नॉलॉजीचे नाव आहे.

SBI चे चेअरमन रजनीशकुमार रिटायर झाले. त्यांच्या जागी तीन वर्षांकरता SBI चे वर्तमान मॅनेजिंग डायरेक्टर श्री दिनेशकुमार खरा यांची नेमणूक केली. म्हणजे धोरणात सातत्य राहील. खरांनी कामत कमिटीमध्येही काम केले आहे. MPC मध्ये गोयल, भिडे, आणि वर्मा यांची नेमणूक केली. या MPC ची बैठक ७ आणि ८ ऑक्टोबरला होऊन ९ ऑक्टोबरपर्यंत RBI आपले द्विमासिक वित्तीय धोरण जाहीर करील.

मजेस्को या कंपनीच्या बोर्ड ऑफ डायरेक्टर्सची शेअर बायबॅकवर विचार करण्यासाठी बैठक आहे.

मारुतीच्या ‘वीतारा ब्रेझ्झा’ या कॉम्पॅक्ट SUV च्या विक्रीने ५.५ लाखाचा आकडा पार केला.

बजाज फायनान्स या कंपनीचा कन्झ्युमर ड्युरेबल लोनचा मार्केट शेअर कमी होत आहे. प्रोव्हिजनिंग वाढणार आहे. पण नवीन कस्टमर अक्विझिशन चांगले आहे आज या कंपनीचा शेअर ४% पडला.

टायटन या कंपनीने आपला बिझिनेस प्रीकोविड लेव्हलवर पोहोचला आहे असे सांगितले. ज्युवेलरी सेल्स ९८% वर तर आयवेअर बिझिनेस ५५% वर पोहोचला आहे. दुसऱ्या तिमाहीत ज्युवेलरीची विक्री ३९० कोटींच्या आसपास झाली. सोन्याची विक्रीही वाढत आहे.

ब्ल्यू स्टार या कंपनीने व्हायरस डिऍक्टिव्हेशन टेकनिक असलेले नवीन प्रॉडक्ट लाँच केले.

CARE ने पंजाब आणि सिंध बँकेचे रेटिंग AA वरून कमी करून AA- केले.

जागतिक CRAMS आणि API च्या मार्केटमध्ये भारताचा ४% मार्केट शेअर आहे. चीनचा १६% मार्केट शेअर आहे. त्यामुळे हा व्यवसाय वाढण्यासाठी भरपूर वाव आहे डिव्हीज लॅब सिंजीन, आणि सोलारा ऍक्टिव्ह फार्मा या कंपन्यांकडे लक्ष ठेवायला हवे असे एका रिपोर्टमध्ये म्हटले आहे.

१७ ऑक्टोबर २०२० पासून तेजस एक्स्प्रेस ची सेवा सुरु होईल. याचा फायदा IRCTC ला होईल. सरकारने आतापर्यंत १.२१लाख कोटींचा रिफंड ३५.९ लाख करदात्यांना दिला. १.८४ लाख कॉर्पोरेट करदात्यांना Rs ८८००० कोटी रिफंड दिले.
भारत नेट या कार्यक्रमासाठी वायफाय साठी Rs ११००० कोटी मंजूर होणे शक्य आहे. यामुळे स्मार्ट लिंक, D लिंक, ITI , तेजस नेटवर्क, स्टरलाईट यांना फायदा होईल.

D मार्ट च्या व्यवस्थापनाने सांगितले की सध्या कंपनीची ५०% स्टोर्सच ऑपरेशनला आहेत. स्टोर्स किती वेळ ओपन राहावीत यावर कडक निर्बंध आहेत. सध्या फक्त ग्रोसरी आणि FMCG ची विक्री चालू आहे. पण नॉन इसेन्शियल आयटमची विक्री ठप्प आहे. कंपनीची स्टोर्स मोक्याच्या जागी असल्यामुळे रेन्टची फिक्स्ड कॉस्ट ही समस्या आहे. नजीकच्या भविष्यातील उत्पन्नाविषयी अनिश्चितता आहे. नॉन FMCG सेक्टरमधील डिस्क्रिशनरी स्पेंडिंग कमी असल्यामुळे मार्जिन कमी झाले. ग्राहकांची वर्दळ निरनिराळ्या शहरातील, ग्रामीण भागातील लॉकडाऊन, लोकांच्या हालचालींवरील निर्बंध आणि सोशल डिस्टंसिंगचे नियम यामुळे कमी झाली आहे. रिलायन्स रिटेल आणि जिओ मार्ट तसेच टाटाच्या सुपर APP आणि त्यांची ऑनलाईन प्रक्रिया यामुळे D मार्टला स्पर्धा वाढेल. कारण D मार्ट फक्त शॉपमध्ये येणाऱ्या ग्राहकांवर अवलंबून आहे.

चांगले फायनान्सियल्स, चांगले बिझिनेस मॉडेल यामुळे D मार्ट पुन्हा हळू हळू पूर्वपदावर येईल असा तद्न्यांचा अंदाज आहे.

१५ प्रायव्हेट ट्रेन ऑपरेशनसाठी IRB इन्फ्रा, PNC इन्फ्रा, BHEL, IRCTC, GMR, L &T यांच्या सह १२० अर्ज मिळाले

पीडिलाइट :- अनुकूल कच्च्या मालाच्या किमती ( VINYL ACETATE MONOMER) स्वस्त क्रूड ऑइल आणि बिझिनेस रिकव्हरी, आणि भव्यिष्यातील ग्रोथची निश्चितता यामुळे पीडिलाइट या कंपनीचे ऑपरेटिंग मार्जिन सुधारेल. आणि नेमकी हीच गोष्ट कंपनीच्या चार्टमध्येही दिसत आहे. चार्टमधे ब्रेकआऊट दिसत आहे. हा चार्ट मी ब्लॉगमध्ये देत आहे.

BSE निर्देशांक सेन्सेक्स ३९८७८ NSE निर्देशांक निफ्टी ११७३८ बँक निफ्टी २२९६४ वर बंद झाले.

 

 

भाग्यश्री फाटक

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!