Tag Archives: marathi stock market

आजचं मार्केट –  १२ फेब्रुवारी  २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट – १२ फेब्रुवारी २०२१

आज क्रूड US $ ६०.६२ प्रती बॅरल ते US $ ६०.८० प्रती बॅरल या दरम्यान तर रुपया US $ =Rs ७२.७८ ते US $१=Rs ७२.८५ या दरम्यान होते. US $ निर्देशांक ९०.५९ VIX २२.०४ PCR १.३७ होते.

आशियातील चीन जपान तैवान आणि कोरिया मधील मार्केट्स नववर्षोत्सवानिमित्त बंद होती. भारतीय मार्केट्स तेजीत होती. आज मिडकॅप आणि स्माल कॅप कंपन्यांच्या तिसऱ्या तिमाही निकालांची घोषणा झाली.

US $ मधील पडझड थांबली USA मध्ये बॉण्ड यिल्ड वाढले म्हणून सोन्यात किंचित मंदी होती. कॉपर,झिंक, निकेलमध्ये इलेक्ट्रिक व्हेईकल उद्योगाकडून आणि स्टील सेक्टर मधून मागणी असल्यामुळे तेजी होती.

४ फेब्रुवारी २०२१ रोजी सरकारनी ६४ कमर्शियल कोल खाणींसाठी लिलाव केला होता.

सरकारने आता आणखी ११ कमर्शियल कोळश्याच्या खाणींसाठी लिलावांतर्गत बोली मागवल्या आहेत.

मुरुगप्पा ग्रुप ट्यूब इन्व्हेस्टमेंटच्या माध्यमातून व्हेईकल उत्पादन सुरु करणार आहे. एव्हिएशन सेक्टरमध्ये सुधारणा होत आहे . DGCA ने ठरवलेल्या विमान प्रवासी भाड्यात वाढ होण्याची शक्यता आहे. म्हणुन इंडिगो, स्पाईस जेट यांच्या शेअर्समध्ये तेजी होती.

फिनोलेक्स केबल्स, CHEVIOT, ग्लॉस्टर, मदर्सन सुमी, ऍडव्हान्स एंझाइम, हिंदुस्थान फूड्स, हिंदुस्थान एरॉनॉटिक्स, डेक्कन सिमेंट, मुंजाल ऑटो, UFLEX, TNPL, अलकार्गो लॉजिस्टिकस, NHPC, क्रिसिल, ताल इंटरप्रायझेस, हॅरिसन मल्याळम, रेपको होम फायनान्स, कल्याणी फोर्ज, ITD सिमेंटेशन, कनोरिया केमिकल्स ( कंपनी तोट्यातून फायद्यात आली),ITC ( Rs ५ लाभांश दिला), सिमेन्स या कंपन्यांचे तिसऱ्या तिमाहीचे निकाल चांगले आले.

पॉवर मेक, डिशमन फार्मा, रिको ऑटो, भारत डायनामिक्स,भारत फोर्ज ( कंपनीने त्यांच्या जर्मन सब्सिडीअरीची सेटलमेंट Rs २९९ कोटी वन टाइम लॉस बुक केला. त्यामुळे कंपनीने Rs २१० कोटी तोटा दाखवला आहे), मिश्र धातू निगम, इमामी रिअल्टी या कंपन्यांचे तिसऱ्या तिमाहीचे निकाल असमाधानकारक होते.

१६ फेब्रुवारी २०२१ पासून रेलटेल या रेल्वेशी संबंधित मिनिरत्न सरकारी कंपनीचा IPO ओपन होऊन १८ फेब्रुवारी २०२१ रोजी बंद होईल. ह्या कंपनीच्या शेअर्सची अलॉटमेंट २३ फेब्रुवारी २०२१ रोजी होईल.ह्या कंपनीचे शेअर्स डिमॅट खात्यावर २४ फेब्रुवारी २०२१ रोजी जमा होतील. ह्या कंपनीच्या शेअर्सचे लिस्टिंग २६ फेब्रुवारी २०२१ रोजी होईल. ही कंपनी भारतातील सर्वात मोठी न्यूट्रल टेलिकॉम इन्फ्रास्ट्रक्चर प्रोव्हायडर आहे. ही २० वर्ष जुनी कंपनी आहे. या IPO चा प्राईस बँड Rs ९३ ते Rs ९४ असून याचा मिनिमम लॉट १५५ शेअर्सचा असून मिनिमम लॉट साठी Rs १४५७० रक्कम गुंतवावी लागेल. रिटेल गुंतवणूकदार १३ लॉट म्हणजे २०१५ शेअर्ससाठी अर्ज करु शकतील. या IPO मध्ये ५०% शेअर्स QIB साठी आणि उरलेल्या ५०% पैकी १५% HNI साठी तर ३५% रिटेल गुंतवणूकदारांसाठी राखीव ठेवले आहेत. हा IPO Rs ८१९ कोटींचा असेल. सरकार त्यांचा २७.१६% स्टेक विकणार आहे. त्यामुळे या IPO ची प्रोसिड्स सरकारकडे जातील. डिजिटल थीम, स्टेडी रेव्हेन्यू आणि ग्रोथ आणि रेल्वेला या अंदाजपत्रकात Rs १ लाख कोटींची तरतूद केलेली आहे.रेल्वेचा डिजीटलायझेशन आणि आधुनिकीकरणावर फोकस असल्यामुळे कंपनीला ऑर्डर्सचा तुटवडा असणार नाही. ही कंपनी ICT ( इन्फॉर्मेशन आणि कम्युनिकेशन टेक्नॉलॉजी) पुरवते. या कंपनीसारखी दुसरी लिस्टेड कंपनी या क्षेत्रात नाही.
शिपिंग कॉर्पोरेशन ऑफ इंडियाच्या विक्रीसाठी EOI सबमिट करण्याची तारीख १ मार्च २०२१ पर्यंत आणि ई-मेलने EOI सबमिट करण्याची तारीख १५ मार्च २०२१ केली.

१ एप्रिल २०२१ पासून सर्व प्रवासी गाड्या सुरु होण्याची शक्यता आहे असे जाहीर झाल्यामूळे IRCTC च्या आणि रेल्वेशी संबंधित इतर शेअर्समध्ये तेजी आली.

आज मार्केटमध्ये IT सेक्टर, सिमेंट, रिअल्टी सेक्टर, फर्टिलायझर आणि केमिकल सेक्टर्समध्ये तेजी होती. त्यात ज्या कंपन्यांचे तिसऱ्या तिमाहीचे निकाल चांगले आले त्यांची भर पडली. तर काही कंपन्यांच्या शेअरमध्ये निकालांविषयी अपेक्षा समाविष्ट असल्यामुळे हे शेअर्स कंपनीचे चांगले निकाल येऊनही पडले.

वोल्टास आपल्या डोमेस्टिक कारभाराची रीस्ट्रक्चरिंग करणार आहे. युनिव्हर्सल MEP प्रोजेक्टमध्ये बिझिनेस ट्रान्स्फर होणार आहे. सन फार्माने व्हिसल ब्लोअरने केलेल्या तक्रारीचे निवारण केले यासाठी Rs ३ कोटी
खर्च आला.

आज मी तुम्हाला बंधन बँकेचा चार्ट देत आहे. बंधन बँकेमध्ये १.७५% तेजी होती. बर्याच दिवसांची मंदी आणि लोअर लेव्हलवर कन्सॉलिडेशन नंतर या शेअरमध्ये खरेदी होत आहे. सर्व वाईट बातम्या आतापर्यंत किमतीत समाविष्ट झाल्या आहेत. रिटरेसमेन्ट नंतर तेजी येत आहे. गृह फायनान्स बरोबरच्या मर्जरला आता एकवर्ष पूर्ण होत आहे त्यामुळे आता ही बँक पूर्णपणे बँक म्हणून सर्व बिझिनेस करू शकेल. या शेअरने २० DMA पार केले आहे.
BSE निर्देशांक सेंसेक्स ५१५४४ NSE निर्देशांक निफ्टी १५१६३ आणि बँक निफ्टी ३६१०८ वर बंद झाले.

Nureca IPO 15 ते 17 फेब्रुवारीला येईल price band -396 ते 400 आहे 35 शेअरचा लॉट आहे 10 रुपये face value आहे healthcare आणि wellness प्रॉडक्ट distributor आहे

BSE निर्देशांक सेन्सेक्स ५१५३१ NSE निर्देशांक निफ्टी १५१७३ बँक निफ्टी ३५७५२ वर बंद झाले.
www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  ११ फेब्रुवारी  २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  ११ फेब्रुवारी  २०२१

आज क्रूड US $ ६१.०० प्रती बॅरल ते US $ ६१.२२ प्रती बॅरल या दरम्यान तर रुपया US $१= Rs ७२.७४ ते US $१= Rs ७२.८१ या दरम्यान होते. US $ निर्देशांक ९०.३७ VIX २२.९० PCR १.५३ होते.

USA मध्ये अंदाजपत्रकाची तयारी चालू आहे. टॅक्सची चर्चा आहे..आज USA मधील मार्केट्स तेजीत होती. जो बिडेन यांनी US $ १.९ ट्रिलियनच्या आर्थीक पॅकेजमध्ये वाढ करण्याचे संकेत दिले. आज आशियातली चीन जपान तैवान आणि कोरिया मधील मार्केट्स नववर्षदिनानिमित्त बंद होती.

अदर पुनावाला हे मॅग्मा फिनकॉर्पमधील ६०% स्टेक Rs ३४५६ कोटींना घेणार आहे.पुनावाला यांची कंपनी राईझींग सन होल्डिंग हा स्टेक घेईल नंतर मॅग्मा फिनकॉर्पचे नाव पुनावाला फायनान्स होईल. ४५८ मिलियन शेअर्स अलॉट केले जातील. प्रमोटर्सकडे १३.३ % स्टेक राहील. ओपन ऑफर आणली जाईल.

अदर पुनावाला यांनी सांगितले की भारतामध्ये फायनान्स सेक्टर मध्ये अमर्याद संधी उपलब्ध आहेत. आमची कंपनी मुख्यतः रिटेल लोन्स, इन्शुरन्स यामध्ये काम करेल.

सरकार २ फार्मा PSU बंद करणार आहे. (१) इंडियन ड्रग्स अँड फार्माक्युटिकल्स (२) RDPL. हिंदुस्थान अँटिबायोटिक्स, बेंगाल केमिकल्स अँड फार्मास्युटिकल्स, कर्नाटका अँटिबायोटिक्स अँड फार्मास्युटिकल्स यामध्ये स्ट्रॅटेजिक डायव्हेस्टमेन्ट करणार आहे.

झोमॅटोने पेडप कॅपिटल तिप्पट वाढवले. इन्फोएजचा यात १९.३% स्टेक आहे.

सूप्राजीत इंजिनीअरिंग Rs ३२० प्रती शेअर या किमतीने टेंडर बायबॅक रुटने शेअर बायबॅक करणार आहे.या बायबॅक साठी २२ फेब्रुवारी २०२१ ही रेकॉर्ड डेट ठरवली आहे. या बायबॅकमध्ये प्रमोटर्सही भाग घेणार आहेत. यासाठी Rs ४८ कोटी खर्च करणार आहे.

टाटा स्टील या कंपनीचे पार्टली पेडप शेअर्स Rs २३९.३५ या लोअर सर्किटला होते. टाटा स्टीलने सांगितले की आम्ही पार्टली पेड शेअर्सवरील Rs ४६१(Rs ४५३ प्रीमियम आणि ७.५० फेस व्हॅल्यू असे एकूण Rs ४६१) चा फायनल कॉल करत आहोत. कंपनीने सांगितले की १९ फेब्रुवारी २०२१ ही रेकॉर्ड डेट ठरवली असून या तारखेला ज्यांच्या नावावर शेअर्स असतील त्यांना ह्या फायनल कॉलची रक्कम १ मार्च २०२१ ते १५ मार्च २०२१ पर्यंत पेड करावी लागेल. ज्यांना या फायनल कॉलची रक्कम भरायची नसेल ते १९ फेब्रुवारी २०२१ पर्यंत त्यांच्याजवळील पार्टली पेड शेअर्स विकून टाकतील.

रेलटेल या रेल्वेशी संबंधीत सरकारी कंपनीचा IPO १६ फेब्रुवारी २०२१ ला ओपन होऊन १८ फेब्रुवारीला बंद होईल. प्राईस बँड Rs ९३ ते Rs ९४ आहे. ही कंपनी २० ते २१ वर्ष जुनी आहे. या वर्षी अंदाजपत्रकात रेल्वेसाठी Rs १ लाख कोटींची तरतूद केली आहे. त्यामुळे या कंपनीला ऑर्डर इंफ्लो व्यवस्थित असेल. रेल्वेबरोबरच इतर ग्राहकांनाही ही कंपनी ICT इन्फ्रा ( इन्फॉर्मेशन आणि कम्युनिकेशन टेक्नॉलॉजी) सर्व्हिसेस पुरवते.

ABB इंडियाला OLA कडून इलेक्ट्रिक स्कुटर्ससाठी रोबोटिक्स आणि ऑटोमोटिव्ह सोल्युशन साठी मोठी ऑर्डर मिळाली.
BHEL ला इंडियन नेव्हीकडून फ्रंटलाईन शिप्स साठी MAIN GUNS साठी ऑर्डर मिळाली.

अनुप इंजिनीअरिंग ही कंपनी Rs ८०० कमाल किमतीने मार्केटमधून शेअर बायबॅकसाठी Rs २५ कोटी खर्च करेल.
बँक ऑफ बरोडा Rs ४५० कोटींचा QIP इशू करेल. या QIP इशूची किंमत सेबीच्या फार्म्युल्यानुसार ठरवली जाईल.
इन्फिबीम ह्या कंपनीने १:१ बोनस इशू जाहीर केला.

महिंद्रा लाईफ स्पेस ही कंपनी पुण्यामध्ये रेसिडेन्शियल प्रोजेक्ट लाँच करणार आहे.

इंडो नॅशनल, प्रिसिजन वायर्स, TVS श्रीचक्र, JTEKT, अमृतांजन या कंपन्यांच्या प्रॉफिट उत्पन्न मार्जिन मध्ये वाढ झाली. तिसऱ्या तिमाहीत निकाल चांगले आले. इंडियन टेरेन फॅशन, ऍपेक्स फ्रोझन फूड्स, ISGEC हेवी इंजिनिअरिंग, यांच्या प्रॉफिट उत्पन्न मार्जिन मध्ये घट झाली.

थिरुमलाई केमिकल्स ही कंपनी तोट्यातून फायद्यात आली. प्रॉफिट उत्पन्न मार्जिन वाढले. स्पेन्सर या कंपनीचा तोटा कमी झाला. उत्पन्न कमी झाले पण मार्जिनमध्ये सुधारणा झाली.ग्रॅफाइट ही कंपनी तोट्यातून फायद्यात आली.

पॉवर ग्रीड, PFC या सरकारी कंपन्यांचे तिसऱ्या तिमाहीचे निकाल चांगले आले. कोल इंडियाचे मात्र प्रॉफिट कमी झाले.
उद्या ग्लेनमार्क फार्मा आणि अपोलो हॉस्पिटल्सचे निकाल जाहीर होतील.

आज मी तुम्हाला M & M चा चार्ट देत आहे. १० फेब्रुवारी २०२१ रोजी शेअरच्या चार्टमध्ये बुलिश हरामी पॅटर्न तयार झाला. गेले चार दिवस शेअर मंदीत होता. पण मंदीत असताना व्हॅल्यूम कमी होते. कालचा हाय पाईंट आज शेअरने तोडला. MACD सेंटर आणि सिग्नल लाईनच्या वर होता. हा बुलिश इंडिकेटर असतो.

BSE निर्देशांक सेन्सेक्स ५१५३१ NSE निर्देशांक निफ्टी १५१७३ बँक निफ्टी ३५७५२ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  १० फेब्रुवारी  २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  १० फेब्रुवारी  २०२१

आज क्रूड US $ ६०.९० प्रती बॅरल ते US $६१.१३ प्रती बॅरल या दरम्यान तर US $१=Rs ७२.८२ ते US $१=Rs ७२.८७ या दरम्यान US $ निर्देशांक ९०.३९ VIX २४.४६ PCR १.५३ होते.

USA मध्ये स्टिम्युलस पॅकेज येत आहे सोने तेजीत होते.USA मध्ये बॉण्ड यिल्डस वाढल्यामुळे सोन्याला थोडा रेझिस्टन्स मिळत आहे. कॉपर आज तेजीत होते कारण पेरूमध्ये उत्पादन कमी झाले. क्रुडमध्ये तेजी होती कारण आता लिबियानेही उत्पादनात कपात केलेली आहे.

सरकार NFL मधील २०% स्टेक OFS रूटने विकणार आहे. आता सरकारचा या कंपनीत ७४.७१% स्टेक आहे. सरकार LIC मध्ये Rs २५००० कोटींचे पेडप कॅपिटल म्हणजेच (Rs २५०० कोटी) आउटस्टँडिंग शेअर्स Rs १० दर्शनी किमतीचे) गुंतवणार आहे. सरकार यापैकी १०% कॅपिटल डायव्हेस्टमेन्ट करणार आहे. म्हणजेच सरकार Rs १० दर्शनी किमतीचे २५० कोटी शेअर्स म्हणजेच Rs २५०० कोटींचा IPO आणेल . यापैकी १०% शेअर्स पॉलिसी होल्डर्ससाठी म्हणजे २५ कोटी शेअर्स राखीव ठेवण्याची शक्यता आहे. वर्तमान परिस्थितीत LIC चे २८.९२ कोटी पॉलिसी होल्डर आहेत. म्हणजे प्रत्येक पॉलिसी होल्डरला शेअर्स मिळतीलच असे नाही.सरकारला या IPO मधून Rs १ ते १.२ लाख कोटी मिळतील. LIC चे मार्केट कॅपिटलायझेश Rs १२ लाख कोटी धरले तर शेअरची किंमत सुमारे Rs ४८० येईल. LIC ने आतापर्यंत अनेक अनलिस्टेड छोट्या कंपन्या,जमीन, तोट्यामध्ये चालणाऱ्या सरकारी कंपन्या आणि वेगवेगळ्या क्षेत्रात गुंतवणूक केली आहे. ही गुंतवणूक काही गुंतवणूकदारांसाठी थोडा काळजीचा विषय असेल. इंडिया पेस्टीसाईड्स ही कंपनी नजीकच्या भविष्यात IPO आणण्याची शक्यता आहे. ही एक R & D फोकस्ड, अग्रोकेमिकल. टेक्निकल कंपनी आहे.

PNGRB ने सांगितले की सिटी गॅस डिस्ट्रिब्युशनच्या लायसेन्स देण्यासाठी नवीन राउंडची तयारी पूर्ण झाली आहे. नवीन राउंड साठी लवकरच घोषणा होईल.

MSCI इंडेक्सचे रीबॅलन्सिंग २६ फेब्रुवारीला होईल आणि ते १ मार्च २०२१ पासून अमलात येईल. यात इंडियाचे वेटेज ५६१ बेसिस पाईंट्सने वाढेल. यात भारती एअरटेल मध्ये Rs ४२५० कोटी, इंडस टॉवर्समध्ये Rs ५०० कोटी, HDFC लाईफ मध्ये ३७६ कोटी आनि ICICI लोम्बार्ड मध्ये Rs १५० कोटींची गुंतवणूक येण्याची शक्यता आहे. या बरोबरच रिलायन्स इंडस्ट्रीज, इन्फोसिस, HDFC, आणि ICICI बँक या शेअर्समध्ये काही प्रमाणात विक्री येऊ शकते.

अलेम्बिक फार्मा, सिटी युनियन बँक, ग्रॅनुअल्स, गुजरात गॅस, L &T इन्फोटेक, MPHASIS या कंपन्यांच्या शेअर्सचा F & O मध्ये मार्च सिरीजपासून समावेश होईल.

नॅशनल लॉजिस्टिक पॉलिसीमध्ये पॅकेजिंगवर फोकस असेल.

टाटा स्टील या वेळेला टर्नअराउंड झाली. Rs ११६६ कोटी तोट्याऐवजी Rs ३९९० कोटी प्रॉफिट झाले. कंपनीच्या व्यवस्थापनाने सांगितले की ऑटो सेक्टरमधील रिकव्हरीमुळे डोमेस्टिक मार्केटमध्ये विक्री वाढली. आंतरराष्ट्रीय मार्केटमध्ये स्टीलच्या किंमती वाढल्या.आम्ही चीनमध्ये आयर्न आणि स्टीलची निर्यात केली. स्टीलच्या किमती नजीकच्या भविष्यात वाढत राहतील. त्यामुळे आमच्या कंपनीसाठी चौथी तिमाही आणखी चांगली असेल. आम्ही Rs १०००० कोटी एवढे कर्ज कमी केले आहे आणि आणखी Rs १०००० कोटी कर्ज कमी करण्याचे लक्ष्य आहे. Q४ मध्ये आमच्या युरोपमधल्या बिझिनेसमध्ये सुधारणा अपेक्षित आहे. किमती वाढल्यामुळे आमचे ऑपरेशनल मार्जिन जवळजवळ दुप्पट झाले. कंपनी NINL च्या विक्रीमध्ये भाग घेण्याची शक्यता आहे.

UK सरकारने WOCKHARDT बरोबरचे व्हॅक्सिनसाठी कॉन्ट्रॅक्ट १८ ते २४ महिन्यासाठी वाढवले.

इंडिगो या कंपनीने SEBI बरोबर लिस्टिंग नॉर्म्स मधील आणि कॉर्पोरेट गव्हर्नन्समधील त्रुटींसाठी Rs २.१कोटींना क्लेम सेटल केला.

TEXMACO इन्फ्रा या कंपनीचं डीलीस्टिंग प्रपोजल मिळाले.

राज्यसभेत मेजॉर पोर्ट ऑथॉरिटी बिल पास झाले.

SBI ने सांगितले की आम्ही ५ वर्षात Rs ५ लाख कोटींचे होम लोन देण्याचे लक्ष्य ठेवले आहे. होमलोन मार्केटमध्ये SBI चा ३५% शेअर आहे. आता SBI च्या होम लोन पोर्टफोलिओने Rs ५ लाख कोटींचा टप्पा पार केला आहे.
ल्युपिनने Be One या नावाने आयुर्वेदिक सप्लिमेंट लाँच केले.

टी सी एस ने सांगितले की UK मध्ये आम्ही गुंतवणूक करणे चालू ठेवू. आम्ही आणखी १५०० कर्मचाऱ्यांची नेमणूक करू.
म्युच्युअल फंडांमध्ये रिटेल गुंतवणूकदार रिडम्प्शन करत आहेत. रिटेल गुंतवणूकदार म्युच्युअल फंडातून पैसे काढून घेऊन डायरेकट मार्केटमध्ये गुंतवणूक करत आहेत.

मनाली पेट्रो, अपार इंडस्ट्रीज, ASAAHI इंडिया, बँक ऑफ इंडिया, FACT(प्रॉफिट कमी झाले उत्पन्न आणि मार्जिन वाढले. Rs ९७२.२० कोटींचा वन टाइम लॉस), TTK प्रेस्टिज ( प्रॉफिट उत्पादन मार्जिन वाढले), सुवेन फार्मा ( Rs १ लाभांश जाहीर केला) पेज इंडस्ट्रीज, GAIL, हिंदाल्को, BEML ( Rs ४.८० लाभांश), ABB, पॉलीप्लेक्स( Rs १०० लाभांश) या कंपन्यांचे तिसऱ्या तिमाहीचे निकाल चांगले आले. भारत बिजलीचा निकाल ठीक होता. राईट्स (प्रॉफिट उत्पन्न कमी झाले), स्पाईस जेट ( नफ्यातून तोट्यात) या कंपन्यांचे तिसऱ्या तिमाहीचे निकाल असमाधानकारक होते.
आज मी आपल्याला HDFC लाईफचा चार्ट पाठवत आहे.

HDFC लाईफमध्ये ओपन इंटरेस्ट वाढत आहे पण फ्युचर्स मध्ये ओपन इंटरेस्ट कमी होत आहे. शॉर्ट्स ट्रॅप झाले. Rs ७२०च्या वर रेंज तोडली. आता Rs ७३३ चा रेझिस्टन्स आहे. हायर टॉप हायर बॉटम पॅटर्न आहे. पहिल्या हायर टॉपला दुसऱ्या हायर टॉपने क्रॉस केले पाहिजे. MSIC निर्देशांकाच्या रीबॅलन्सिंगच्या वेळेला या शेअरमध्ये खरेदी होण्याची शक्यता आहे. या कंपनीच्या न्यू बिझिनेस प्रीमियममध्ये चांगली वाढ झाली आहे.

BSE निर्देशांक सेन्सेक्स ५१३०९ NSE निर्देशांक निफ्टी १५१०६ बँक निफ्टी ३५७८३ वर बंद झाले

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  ९ फेब्रुवारी  २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  ९ फेब्रुवारी  २०२१

आज क्रूड US $ ६०.९५ प्रती बॅरल ते US $ ६१.१९ प्रती बॅरल या दरम्यान तर रुपया US $ १=Rs ७२.८५ ते US $ १ = ७२.८८ या दरम्यान US $ निर्देशांक ९०.८७ VIX २४.२७ PCR १.६८ होते.

आज USA मधील मार्केट्स तेजीत होती युरोपियन, आशियायी मार्केट्सही तेजीत होती.आज सोने तेजीत होते कारण US $ वीक झाला, USA मध्ये येणार असलेल्या रिलीफ पॅकेजमुळे तेजी होती तर US ट्रेजरी यिल्ड मध्ये तेजी असल्याने रेझिस्टन्स होता. चांदीमध्ये माफक मंदी होती. क्रूड मात्र रशिया आणि इराकने सुद्धा उत्पादनात कपातीचा निर्णय घेतल्यामुळे क्रुडमध्ये तेजी होती.

सरकारने सांगितले की STT किंवा शेअर्सवरील LTCG रद्द करण्याचा कोणताही प्रस्ताव सरकारपुढे नाही. तसेच सिगारेटवर आणि तंबाखूच्या इतर प्रॉडक्टसवर कर बसवण्याचा प्रस्ताव नाही.

FY २१ मध्ये गुंतवणुकीचे लक्ष्य BPCL ने Rs ८००० कोटींवरून ९००० कोटी केले.

BPCL ला Rs २७८० कोटी प्रॉफिट झाले, उत्पन्न Rs ६६७३२ कोटी आणि मार्जिन ६.४% होते. कंपनीने Rs १६ प्रती शेअर लाभांश जाहीर केला.

NMDC, बाळकृष्ण इंडस्ट्रीज, सन टीव्ही, किर्लोस्कर BROS. राणे होल्डिंग ( कंपनी तोट्यातून फायद्यात आली), JBM ऑटो ( प्रॉफिट उत्पन्न वाढले मार्जिन कमी झाले), इंडोको रेमिडीज, ऍस्ट्रॉन पेपर, मॅक्स फायनान्सियल्स, फर्स्ट सोर्स, बोडल केमिकल्स, अडाणी पोर्ट्स ,सेंच्युरी प्लायवूड, BASF आणि DCW या दोन कंपन्या तोट्यातून नफ्यात आल्या, VST टिलर्स,गार्डन रिच शिपबिल्डर्स, एक्झो नोबल ( Rs २० लाभांश ), BCL इंडस्ट्रीजचे तिसऱ्या तिमाहीचे निकाल चांगले आले.
ABBOTT लॅब, J कुमार इन्फ्राचे निकाल ठीक आले.

वर्रोक इंजिनीअरिंग ( प्रॉफीटमधून तोट्यात ( वन टाइम लॉस Rs ११० कोटी) , KRBL( प्रॉफिट, उत्पन्नात घट), उत्तम गाल्वा, अस्ट्राझेनेका, जागरण प्रकाशन, SPARC यांचे तिसऱ्या तिमाहीचे निकाल असमाधानकारक होते.

सरकार टाटा कम्युनिकेशनमधील स्टेक मार्च २०२१ पर्यंत विकणार आहे.

नेसले या कंपनीच्या बोर्ड ऑफ डायरेक्टर्सची अंतिम लाभांशावर विचार करण्यासाठी १६ फेब्रुवारी २०२१ रोजी बैठक आहे.
IRKON या कंपनीच्या बोर्ड ऑफ डायरेक्टर्सची १५ फेब्रुवारी २०२१ रोजी बोनस शेअर इशू करण्यावर विचार करण्यासाठी बैठक आहे.

USA मध्ये १० वर्षाच्या बॉण्ड्सचे यिल्ड,१.१७ %, ३० वर्षाच्या बॉण्ड्सचे यिल्ड २% वर गेले. भारतीय मार्केट्समध्ये विदेशी गुंतवणूकदारांनी Rs १८४१७ कोटी गुंतवले.

टाटा मोटर्सची UK मध्ये जग्वार विक्री ६०% ने कमी होऊन ९१४ युनिट झाली. लँड रोव्हर विक्री ३५.४% ने कमी होऊन ३६२८ युनिट झाली. JLR UK विक्री ४२% ने कमी होऊन ४५४२ युनिट्स झाली.

रिलायन्स आणि फ्युचर ग्रुपमधील डीलवर घातलेली बंदी दिल्ली हायकोर्टाने उठवली. त्यामुळे आज रिलायन्स इंडस्ट्रीजच्या शेअरमध्ये तेजी होती.

जून २०२० नंतर कार्टलायझेशन करून स्टीलच्या किमती निश्चित केल्या यासाठी CCI ( कॉम्पिटिशन कमिशन ऑफ इंडिया) ने चौकशी सुरु केली.

FADA ने सांगितले की किंमत वाढल्यामुळे वाहन रजिस्ट्रेशन ९.६६% कमी झाले.

टू व्हीलर चे रजिस्ट्रेशन ८.७% कमी तर पॅसेंजर व्हेइकलचे ४.४% आणि कमर्शियल व्हेइकलचे रजिस्ट्रेशन २५%ने कमी झाले. थ्री व्हिलर्सचे रजिस्ट्रेशन ५१% ने कमी झाले. ट्रॅक्टर्सची विक्री ११% ने वाढून ६०७५४ युनिट झाली. ऑटो फायनान्सिंग प्रीकोविड लेव्हलपेक्षा कमी आहे.

सेमीकंडक्टरच्या टंचाईमुळे ऑटो विक्रीवर प्रतिकूल परिणाम झाला.

RBI ११ फेब्रुवारीला Rs २२००० कोटींच्या गव्हर्नमेंट सिक्युरिटीजचा स्पेशल ऑक्शन करेल.

बाळकृष्ण इंडस्ट्रीजने कार्बन ब्लॅक व्यवसायात उतरण्याची तयारी केलेले मार्केटला आवडले नाही त्यामुळे शेअरमध्ये मंदी आली.

रेल्वेखात्याने रेल्वे यूजर डेव्हलपमेंट फी लावण्याचा प्रस्ताव तयार केला आहे.

NBCC च्या सबसिडीअरीला १२ जिल्ह्याच्या ठिकाणी हॉस्पिटल उघडण्यासाठी कॉन्ट्रॅक्ट मिळाले.

केमिकल, गॅस, इन्शुअरन्स कंपन्या, सरकारी बँका, IT सेक्टरमध्ये तेजी होती.

आज सेन्सेक्सने ५१८२१चा ऑलटाइम हाय आणि निफ्टीने १५२५६ चा आल टाइम हाय नोंदवला.आज मार्केटमध्ये सुरुवातीला तेजी होती. पण मार्केट संपता संपता प्रॉफिट बुकिंग झाल्यामुळे सेन्सेक्स आणि निफ्टी कालच्या लेव्हलच्या जवळपास क्लोज झाले

LIC च्या IPO मधील १०% हिस्सा पॉलिसी होल्डर्ससाठी राखीव ठेवला जाईल. IPO नंतरही सरकार मेजॉरिटी स्टेक होल्डर असेल आणि व्यवस्थापनही सरकारकडे राहील त्यामुळे पॉलिसीहोल्डर्सच्या हितरक्षणाकडे पूर्ण लक्ष दिले जाईल.
जानेवारी २०२१ चा NBP डेटा मिळाला. ICICI प्रु १८%, SBI लाईफ १७.५% , HDFC लाईफ १६.४%, मॅक्स लाईफ १५% नी वाढले. त्यामुळे इंशुअरंस कंपन्यांच्या शेअर्समध्ये तेजी होती.

आज मी तुम्हाला GSPL चा चार्ट देत आहे. हा शेअर २० DMA आणि ५० DMA च्या वर आहे. MA ही पार केला आहे. जानेवारीमध्ये Rs २१६ ची लेव्हलही पार झाली आणि नंतर या लेव्हलच्यावर आहे.

BSE निर्देशांक सेन्सेक्स ५१३२९ NSE निर्देशांक निफ्टी १५१०९ बँक निफ्टी ३६०५६ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  ८ फेब्रुवारी  २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  ८ फेब्रुवारी  २०२१

आज क्रूड US $ ५९.७७ प्रती बॅरल ते US $ ६०.०५ प्रती बॅरल या दरम्यान तर रुपया US $१= Rs ७२.८४ ते US $१= Rs ७२.९६ या दरम्यान होते. US $ निर्देशांक ९१.०७ VIX २३.९५ PCR १.७१ होते.

आज तैवानचे मार्केट बंद होते. USA आणि आशियातील मार्केट्स तेजीत होती. क्रूड आज US $६० प्रती बॅरलच्यावर पोहोचले. क्रूडच्या उत्पादनातील कपात आणि USA मध्ये येणारे रिलीफ पॅकेज यामुळे क्रूड तेजीत होते. पण इतर मार्केट्सप्रमाणे भारतीय इक्विटी मार्केट तेजीत होते. FMCG आणि PSU निर्देशांकांत मंदी होती. मेटल निर्देशांकात तेजी होती.

नाटको फार्माच्या कीटकनाशकाला परवानगी मिळाली.

BEML ने ११ कंपन्यांबरोबर डिफेन्स क्षेत्रासाठी करार केले.

इंट्रा एशिया मालवाहतूक भाडे ४००% ने वाढले. US आणि युरोपमध्ये कंटेनर थांबून राहिल्यामुळे दरातील संतुलन बिघडले.
USFDA ने अलेम्बिक फार्माच्या कारखाडी युनिटला ५ त्रुटी दाखवल्या. फॉर्म अंबर ४८३ इशू केला. प्रक्रिया आणि डाटासंबंधात या त्रुटी आहेत.

RBI १० फेब्रुवारी रोजी Rs २०००० कोटींचे OMO ( ओपन मार्केट ऑपरेशन) करणार आहे. आज BSE निर्देशांक सेन्सेक्स आणि NSE निर्देशांक निफ्टीने अनुक्रमे ५१००० आणि १५००० वर क्लोजिंग दिले. संरक्षण खात्यासाठी करण्यात येणारी आयात US $ २०० कोटीने कमी करण्याचे लक्ष्य सरकारने ठेवले आहे.

BEML, मिश्र धातू निगम, आणि गार्डन रीच शिप बिल्डर्सच्या डायव्हेस्टमेन्टची तयारी झाली आहे. अशोक बिल्डकॉनच्या सबसिडीअरीमधील मग्वायरीच्या स्टेकसाठी बाइंडिंग ऑफर मिळाली. मूडीजनी पॉवर सेक्टरचा आऊटलूक वाढवला.
TCL( टाटा कम्युनिकेशन्स लिमिटेड) मधील स्टेक सेल साठी मर्चंटबँकरच्या नियुक्तीसाठी येस सिक्युरिटीज लिमिटेड, SBI कॅपिटल मार्केट्स आणि कोटक महिंद्रा कॅपिटल यांनी अर्ज दाखल केले.

तानला प्लॅटफॉर्म, JK सिमेंट, मंगलम सिमेंट, VRL लॉजिस्टिक्स ( निकाल चांगले Rs ३०० प्रती शेअर या भावाने शेअर बाय बॅक जाहीर केला), गुजरात गॅस, GSK फार्मा ( कंपनी तोट्यातून नफ्यात), ब्रिटानिया, जयंत ऍग्रो ( तोट्यातून फायद्यात), इंडो अमाईन्स, फायझर , हिमंतसिंगका SEIDE, फोर्टिस हेल्थकेअर ( तोट्यातून फायद्यात) डिव्हीज लॅब, AFFLE , MRS बेक्टर्स, PNB ( तोट्यातून Rs ५०६ कोटी फायद्यात, NII Rs ८३१३ कोटी, GNPA, NNPA मध्ये माफक घट), नारायण हृदयालय, गॅब्रिएल, सुंदरम ब्रेक्स, आर्चिडप्लाय, मेघमणी ऑर्गनिक्स, आंध्र पेट्रोकेमीकल्स, मार्कसन्स फार्मा, AB फॅशन, नवभारत व्हेंचर्स, टॉरंट फार्मा ( Rs २० लाभांश) सन टीव्ही ( Rs ५ लाभांश रेकॉर्ड डेट १९ फेब्रूवारी २०२१), ग्लोबस स्पिरिट, गोदरेज कंझ्युमर्स या कंपन्यांचे तिसऱ्या तिमाहीचे निकाल चांगले आले.

BHEL (नफ्यातून तोट्यात, Rs २०१८ कोटी तोटा, रेव्हेन्यू व्हिजिबिलिटी कमी), अबन ऑफशोअर ( तोटा कमी झाला, उत्पन्न कमी झाले. मार्जिन वाढले), अवध शुगर, HOEC, स्टार सिमेंट यांचे तिसऱ्या तिमाहीचे निकाल असमाधानकारक होते.

आज मी तुम्हाला RUPA & CO. चा चार्ट देत आहे. गॅपनंतर शेअरच्या किमतीमध्ये मूव्ह आली. ही गॅप टिकली आहे. व्हॉल्युम चांगले आहेत.करेक्शन आणि मोठ्या कन्सॉलिडेशनचा ब्रेकआऊट होत आहे.

BSE निर्देशांक सेन्सेक्स ५१३४८ NSE निर्देशांक निफ्टी १५११५ बँक निफ्टी ३५९८३ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  ५ फेब्रुवारी  २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  ५ फेब्रुवारी  २०२१

आज क्रूड US $ ५९.१२ प्रती बॅरल ते US $ ५९.६२ या दरम्यान तर रुपया US $ १= Rs ७२.९१ ते US $१= Rs ७२.९५ या दरम्यान होते. US $ निर्देशांक ९१.४८ VIX २३.६८ PCR १.६३ होते.

आज US $ इंडेक्स वाढला. सोने ७ महिन्याच्या खालच्या स्तरावर होते. चांदीतसुद्धा थोडी मंदी होती. क्रूडचा दर सुद्धा वाढून US $ ६० प्रति बॅरलपर्यंत पोहोचला . आज बॉण्ड यिल्ड २८ ऑगस्टच्या कमाल स्तरावर म्हणजे २०३० कुपन रेट ५.७५% बॉण्ड्सचे यिल्ड ६.१५% होते.

आज २९१ शेअर्सचे सर्किट फिल्टर बदलले.

आज फोर्स मोटर्सचे ऑटोविक्रीचे आकडे आले. जानेवारीसाठी एकूण विक्री ११९७ युनिट तर निर्यात ४०७ युनिट एवढी झाली. त्यामुळे शेअरमध्ये सुरुवातीला तेजी होती

तेलंगाणा राज्य सरकारने थिएटर्स सभागृहे नाट्यगृहे १००% क्षमतेवर चालू करायला परवानगी दिली. त्यामुळे PVR इनॉक्स लेजर मध्ये तेजी होती.

ITC ही कंपनी ११ फेब्रुवारी २०२१ रोजी लाभांशावर विचार करेल.

फायझरने त्यांच्या कोरोनासाठीच्या व्हॅक्सिनच्या भारतातील इमर्जन्सी वापरासाठी दिलेला अर्ज मागे घेतला.

आज स्टोव्ह क्राफ्ट या कंपनीचे BSE वर Rs ४६७ आणि NSE वर Rs ४९८ वर लिस्टिंग झाले.

आज RBI ने आपली द्विमासिक वित्तीय पॉलिसी जाहीर केली. RBI ने आपल्या रेपोरेट (४%) रिव्हर्स रेपोरेट (३.३५%) आणि CRR (३%) या महत्वाच्या रेट्स मध्ये कोणताही बदल केला नाही. आपला स्टान्स अकोमोडेटिव्ह ठेवला. आमचे उद्दिष्ट अर्थव्यवस्थेच्या प्रगतीला पाठिंबा देणे आणि प्रगतीचा स्तर उंचावणे हा असेल. भारतातील क्षमता वापराचा स्तर ६३% राहिला. अल्प मुदतीत महागाई स्थिर राहण्याची शक्यता आहे. अर्थव्यवस्थेत कर्जासाठी मागणी वाढली आहे तसेच घरांची विक्री सुधारत आहे. डिसेंबर २०२१ मध्ये महागाईचा दर ६% पेक्षा कमी होता. FY २२ च्या पहिल्या अर्धवर्षात हा दर ५.२०% ते ५% दरम्यान असेल. FY २१-२२ च्या तिसऱ्या तिमाहीत महागाईचा रेट ४.३% असेल. FY २१-२२ मध्ये GDP चा ग्रोथ रेट १०.५% असेल.

FII आणि FDI गुंतवणूकदारांसाठी भारत गुंतवणुकीसाठी एक आकर्षक स्थान बनला आहे. लिक्विडीटीविषयी स्टान्स अकामोडेटिव्ह राहील आणि वित्तीय पॉलिसीचा लिक्विडीटी कॉम्फोर्टेबल लेव्हलवर राहील असा प्रयत्न असेल.

RBI ची TLTRO ऑन टॅब ही सवलत आता NBFC नी स्ट्रेस्स्ड सेक्टरला दिलेल्या वाढीव कर्जासाठी उपलब्ध असेल.
RBI CRR मध्ये दिलेली सवलत टप्प्याटप्प्याने काढून घेणार आहे. मार्च २७ २०२१ पासून CRR ३.५% तर मे २२ २०२१ पासून CRR ४% असेल.  नवीन MSME ला दिलेलं कर्ज CRR चा हिशेब करताना वजा करता येईल. आता किरकोळ गुंतवणूकदारांना RBI कडे अकौंट उघडून ऑनलाईन सरकारी सिक्युरिटीजची खरेदी विक्री करता येईल. खरेदी केलेल्या सिक्युरिटीजची हेल्ड टू मॅच्युरिटीज मुदत १ वर्षाने वाढवल्यामुळे आता बँकांना मार्च २०२३ पर्यंत मार्क टू मार्केट लॉसेस बुक करावे लागणार नाहीत.

DEFAULTED कॉर्पोरेट बॉण्ड्स मध्ये FPI गुंतवणूक करू शकतील. यासाठी शॉर्टटर्म लिमिट असणार नाही. हे बॉण्ड्स इलिक्विड असतात. त्यामुळे या बॉन्ड्समधील वर्तमान गुंतवणूकदारांना एक्झिट रूट मिळेल.

IFSE ( इंटरनॅशनल फायनान्सियल सर्व्हिस सेंटर) कडे परदेशात राहणारे भारतीय नागरिक आता LRS ( लिबरलाईज्ड रेमीटन्स स्कीम) अंतर्गत पैसे पाठवू शकतील.

बँका, NBFC , आणि डिजिटल ट्रॅन्झॅक्शनसाठी आता असलेले तीन OMBUDSMEN आता एका OMBUDSMAN च्या नियंत्रणाखाली येतील. त्यामुळे ग्राहकांना आपली तक्रार नोंदवणे सोपे जाईल. आणि त्यांच्या निवारणात उशीर होणार नाही.

हिरो मोटो कॉर्प, REC. ICRA, सुंदरम फायनान्स, RCF ( प्रॉफिट वाढले उत्पन्न कमी झाले, Rs १.२० प्रती शेअर लाभांश जाहीर केला.), कोलते पाटील, गायत्री प्रोजेक्ट्स ( तोट्यातून फायद्यात आली), M & M ( प्रॉफिट Rs १७४५ कोटी, उत्पन्न Rs १४०५७ कोटी वन टाइम लॉस Rs १२१४ कोटी ), कॅडीला हेल्थ केअर, चोला फायनान्स, जमना ऑटो, गुजरात गॅस,ज्युबिलण्ट लाईफ या कंपन्यांचे तिसऱ्या तिमाहीचे निकाल चांगले आले.

जॉन्सन आणि जॉन्सन कंपनीने १ शॉट व्हॅक्सिन साठी अर्ज केला.

आज बँक आणि फार्मा क्षेत्रातील कंपन्यांमध्ये तेजी होती. क्रूड वाढल्यामुळे ONGC HOEC, ऑइल इंडिया सेलन एक्स्प्लोरेशन या कंपन्यांमध्ये तेजी होती.

आज मी तुम्हाला BHEL या कंपनीचा मंथली चार्ट देत आहे. BHEL ही सरकारी कंपनी हेव्ही इलेक्ट्रिकल

 आणि भांडवली क्षेत्रातील मोठी कंपनी आहे. भेलकडे मोठे ऑर्डरबुक आहे पण ऑर्डर इंप्लिमेंटेशनचा प्रॉब्लेम आहे. अंदाज पत्रकात या क्षेत्राला प्राधान्य दिलेले असल्यामुळे या क्षेत्रातील सर्वच कंपन्यांमध्ये तेजी होती. Rs ४१-Rs ४२ च्या लेव्हलवर BHEL ला मजबूत रेझिस्टन्स होता. तो आज पार झाला. या लेव्हलच्यावर क्लोज दिला व्हॉल्यूमही जास्त होते. 

BSE निर्देशांक सेन्सेक्स ५०७३१ NSE निर्देशांक निफ्टी १४९२४ बँक निफ्टी ३५६५४ वर बंद झाले.

 

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  ४ फेब्रुवारी  २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  ४ फेब्रुवारी  २०२१

आज क्रूड US $ ५८.७२ प्रती बॅरल ते US $ ५८.९१ प्रती बॅरल या दरम्यान तर रुपया US $१=Rs ७२.९१ ते US $१ =Rs ७२.९५ या दरम्यान तर US $ निर्देशांक ९१.३९ VIX २३.१२ PCR १.६५ होते.

आज सलग तिसऱ्या दिवशीही भारतीय मार्केटमध्ये तेजीचा ओघ चालू राहिला. US $ मजबूत झाला, क्रुडमध्ये तेजी आली पण याचा जास्त परिणाम मार्केटमधील तेजीवर दिसला नाही. ग्रोथ ओरिएंटेड अंदाजपत्रक आणि तिसऱ्या तिमाहीचे जवळ जवळ सगळे निकाल चांगले आले. यामुळे भारतात V -शेप रिकव्हरी होत आहे या अंदाजाची पुष्टी झाली.

उद्या स्टोव्ह क्राफ्ट या शेअरचे लिस्टिंग होईल .

कर्नाटक राज्य सरकारने दोनीमलाई माईन्सची लीज २० वर्षांकरता NMDC ला देण्याची तयारी दर्शवली आहे. NMDC ने या आधी शॉर्ट टर्म रिन्यूअलसाठी नकार दिला होता.

IDBI बँकेतील मेजर स्टेक ची विक्री आम्ही FY २२ च्या दुसऱ्या अर्धवर्षांत पूर्ण करू असे सरकारने सांगितली

स्ट्राइड्स फार्मा ही कंपनी आपला बायोटेक बिझिनेस वेगळा करून त्याचे STERLIS बायोफार्मा म्हणून लिस्टिंग करेल.

आज CYQUIENT, शीला फोम, पनामा पेट्रोकेमिकल्स, SIS लिमिटेड, रामको सिस्टिम्स, नहार स्पिनिंग, सतलज टेक्सटाईल्स, मिंडा कॉर्पोरेशन, हिंदाल्को (नॉवेलीस चे निकाल चांगले आले.) भारती एअरटेल (ARPU Rs १६६) , अपोलो टायर, सह्याद्री इंडस्ट्रीज, विशाखा, हिंदुस्थान कॉपर, त्रिवेणी इंजिनीअरिंग, कॅपलीन पाईंट, सुंदरम फासनर्स, अपार इंडस्ट्रीज, HPCL, WHIRPOOL, सॅल्झर इलेक्ट्रॉनिक्स, T.D.पॉवर, अवंती फीड्स, IPCA लॅब्स, NTPC, स्टेट बँक ऑफ इंडिया, प्राज इंडस्ट्रीज, गरवारे पॉलिएस्टर, डॉलर इंडस्ट्रीज, GILLET, अडाणी ट्रान्समिशन यांचे तिसऱ्या तिमाहीचे निकाल चांगले आले.

आज PSU बँका आणि NBFC, ITC, सरकारी कंपन्यांमध्ये तेजी होती. इन्फोसिस, एशियन पेंट्स, आणि RIL मध्ये मंदी होती.

सरकारने अडानी ग्रुपला मुंबई एअरपोर्ट टेकओव्हर करण्यासाठी परवानगी दिली

स्ट्राइड्स फार्मा, अरविंद या कंपन्यांचे निकाल सर्वसाधारण होते.

MARCELLUS मधील स्टेक रिलायन्स इंडस्ट्रीज विकणार आहे

मी आज तुम्हाला PNB चा चार्ट देत आहे. अंदाजपत्रकातील NPA साठी वेगळी ARC बनवणे आणि रिकॅपिटलायझेशन यांचा फायदा सरकारी बँकांना होणार आहे.PNB च्या शेअरने MA पार केले आहे. हायर टॉप हायर बॉटमची सिरीज चालू आहे.ओपन इंटरेस्टमध्ये वाढ झाली. PNB च्या शेअरवर SBI च्या निकालांचा अनुकूल परिणाम दिसून येईल.

BSE निर्देशांक सेन्सेक्स ५०६१४ NSE निर्देशांक निफ्टी १४८९५ बँक निफ्टी ३५३४४ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  ३ फेब्रुवारी  २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  ३ फेब्रुवारी  २०२१

आज क्रूड US $ ५७.६४ प्रती बॅरल ते US $ ५७.९३ प्रती बॅरल या दरम्यान तर रुपया US $ १= Rs ७२.९१ ते US $१= Rs ७२.९४ या दरम्यान होते. US $ निर्देशांक ९१ VIX २४.०५ PCR १.६१ होते.

नॉर्थ USA मध्ये क्लास ८ ट्रकची मागणी १४४% ने वाढून ४२८०० झाली. याचा फायदा भारत फोर्ज या कंपनीला होईल.
आजपासून RBI च्या मॉनेटरी पॉलिसी कमिटीची तीन दिवसांची बैठक सुरु झाली.

ब्रूकफील्ड REIT चा IPO आजपासून सुरु झाला.

टाटा कंझ्युमर्स प्रॉडक्टस या कंपनीने ‘KOTTARAM’ चा CEREAL ब्रँड ‘SOULFUL’ विकत घेतला.

स्पुटनिक V ही रशियाची व्हॅक्सिन आहे त्या व्हॅक्सिनची ट्रायल तिसऱ्या फेझमध्ये ९१% यशस्वी ठरली आहे. DR रेड्डीज लॅब बरोबर या व्हॅक्सिनसाठी करार झाला आहे.

होम फर्स्ट फायनान्सचे लिस्टिंग आज Rs ६१२ वर झाले. ज्यांना शेअर्स अलॉट झाले त्यांना चांगला लिस्टिंग गेन झाला. हा शेअर IPO मध्ये Rs ५१८ ला दिला आहे.

सरकारने आज स्क्रॅपेज पॉलिसीची घोषणा केली. १५ वर्षांपेक्षा जुन्या पॅसेंजर वाहनांचे आणि २० वर्षांपेक्षा जुन्या कमर्शियल वाहनांचे जर ती वाहने फिटनेस टेस्ट पास होऊ शकली नाहीत तर अशा वाहनांचे आपोआप डिरजिस्ट्रेशन होईल. जुन्या गाड्या फिटनेस सेंटरला पाठवल्या जातील.

टू व्हिलर्ससाठी रिरजिस्ट्रेशन फी Rs १००० असेल तर चारचाकी वाहनांसाठी Rs ५००० असेल. फिटनेस सर्टिफिकेट चार्जेस कार्ससाठी Rs ७५००, मेडीयम वाहनांसाठी Rs १०००० आणि हेवी कमर्शियल वाहनांसाठी Rs १२५०० असेल. १५ वर्षांनंतर खाजगी वाहनांच्या रजिस्ट्रेशनचे दर ५ वर्षांनी नूतनीकरण करावे लागेल. रजिस्ट्रेशनच्या नूतनीकरणावर ग्रीन टॅक्स लागेल.
सरकारने बसेस खरेदी करण्यासाठी Rs १५००० कोटींची तरतूद केली आहे. तसेच सरकार मोबिलिटी इन्फ्रास्ट्रक्चर वर Rs ३००० कोटी खर्च करेल.

सरकारने सांगितले की ऑक्टोबर-डिसेंबर २०२१ दरम्यान LIC चा IPO येईल.

आज मूडीज या रेटिंग एजन्सीने भारताचे अंदाजपत्रक प्रोग्रोथ आहे. हायवे, रेल्वे, वर फोकस आहे, इन्फ्रास्ट्रक्चरवर जोर आहे.असे सांगितले.

धामपूर शुगर (Rs ६ लाभांश), अजंता फार्मा,HIL (Rs १५ लाभांश), न्यू लँड लॅब, PI इंडस्ट्रीज, सियाराम,बजाज स्टील, AIA इंजिनीअर्स ( प्रॉफिट कमी झाले, उत्पन्न वाढले.) बजाज कन्झ्युमर ( Rs ६ लाभांश) रामको सिमेंट्स ( प्रॉफिट उत्पन्न वाढले.) बटरफ्लाय गांधीमती ( प्रॉफिट उत्पन्न वाढले.) नवकर कॉर्पोरेशन ( प्रॉफिट, उत्पन्न वाढले, मार्जिन कमी झाले.), हॉकिन्स, V -गार्ड , ज्युबिलण्ट फूड्स (सेम शॉप सेल्स ग्रोथ -१.७%) , KPR मिल्स ( Rs ३.७५ लाभांश) सिटी युनियन बँक (प्रॉफिट कमी झाले, प्रोव्हिजनिंग वाढले.), भारती एअरटेल या कंपन्यांचे तिसऱ्या तिमाहीचे निकाल चांगले आले.
अरविंद फॅशन्सचा निकाल असमाधानकारक होता.

दिल्ली हायकोर्टाने रिलायन्स आणि फ्युचर यांच्यामधील US ३.४ बिलियनच्या डीलला स्थगिती दिली. किशोर बियाणी यांना स्टॉक मार्केटमध्ये व्यवहार करण्यासाठी एक वर्ष बंदी केली.

मी आज तुम्हाला NRB बेअरिंगचा चार्ट पाठवत आहे. या शेअरमध्ये मागच्या तीन दिवसापासून खरेदी चालू आहे. हा शेअर मंथली MA चा सपोर्ट घेत आहे. जानेवारी २१चा हाय पार केला शेअर हायर टॉप, हायर बॉटम पॅटर्न हेवी व्हॉल्यूमने बनवत आहे.

BSE निर्देशांक सेन्सेक्स ४९७९७ NSE निर्देशांक निफ्टी १४६४७ बँक निफ्टी ३४२६७ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट – २ फेब्रुवारी  २०२१

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  २ फेब्रुवारी  २०२१

आज क्रूड US $ ५६.९० प्रती बॅरल ते US $ ५७.४३ प्रती बॅरल या दरम्यान तर रुपया US $१=Rs ७२.९६ ते US $१=Rs ७३.०४ या दरम्यान होते. US $ निर्देशांक ९०.९६ VIX २३.३४ PCR १.५० होते.

आज USA ची मार्केट्स तेजीत होती. आल्फाबेट, अलीबाबा, अमेझॉन या कंपन्यांचे निकाल चांगले आले. एशियन आणि युरोपियन मार्केटही तेजीत होती.

भारतातही अंदाजपत्रक शेअर मार्केटला तसेच एकंदर अर्थव्यवस्थेविषयी जाणकार असणाऱ्या तज्ज्ञांच्या पसंतीला आल्यामुळे मार्केटमध्ये तेजी होती. स्क्रॅपेज पॉलिसी जाहीर झाल्यामुळे ऑटो आणि ऑटोअँसिलिअरी कंपन्यांच्या शेअर्स मध्ये तेजी होती. त्याचबरोबर व्हेईकल फायनान्स करणाऱ्या कंपन्यांनाही त्याचा फायदा होईल. श्रीराम ट्रान्सपोर्ट फायनान्स, M & M फायनान्स.

आज ऑटोविक्रीचे आलेले आकडेही चांगले आले. हिरोमोटो, आयशर मोटार (मोटारसायकल्सची विक्री चांगली) VST टिलर्स ( यांच्या पॉवर टिलर्सची विक्री चांगली), बजाज ऑटोची विक्री आणि निर्यात दोन्हीतही वाढ झाली. NMDC या कंपनीच्या उत्पादन आणि विक्रीमध्ये वाढ झाली.

बॅड बँक, सरकारी बँकांचे रिकॅपिटलायझेशन यामुळे बँक निफ्टीमधेही तेजी होती. त्यात आज इंडिगो पेंट्सचे बहारदार लिस्टिंग झाले. Rs २६०७ वर लिस्टिंग झाल्यानंतर हा शेअर पुढे Rs ३१२९ पर्यंत वाढला. जवळ जवळ दुप्पट किमतीला पोहोचला IPO मध्ये हा शेअर Rs १४९० ला दिला होता.Rs ३१२९ या किमतीवर हा शेअर १३० P /E मल्टिपलवर होता.

जानेवारी २०२१ महिन्यासाठी आयात US $ ४२०० कोटी तर निर्यात US $ २७२४ कोटी एवढी होती. व्यापारी घाटा US $ १४७५ कोटी एवढा झाला. जानेवारीत सोन्याची आयात १५४% वाढून (YOY) US $ २४५ कोटी एवढी झाली. ऑक्टोबर २०२० ते जानेवारी २०२१ या काळात साखरेचे उत्पादन १.७ कोटी टन एवढे झाले. ४९१ मिल्समध्ये गाळप हंगाम चालू होता.

HDFC बँकेच्या IT इन्फ्राचे स्पेशल ऑडिट करण्यासाठी RBI ने आउटसाइड कंपनी नेमली. बँकेने सांगितले की आम्ही या ऑडिटसाठी सर्वतोपरी सहकार्य करू.

सरकार यावर्षी मार्च अखेरपर्यंत Rs ६५००० कोटी फर्टिलायझर सबसिडी कॅशमध्ये देईल.

मोठ्या रकमेचे NPA बॅड बँकेकडे वर्ग केले जातील. त्यामुळे वसुलीमध्ये सुसूत्रता येईल आणि वसुलीला वेग येईल अशी अपेक्षा आहे. NPA चे दडपण नाहीसे झाल्यामुळे बँका क्रेडिट ग्रोथ करू शकतील.

अडाणी पोर्टने या वर्षी २.६ कोटी टन कार्गो व्हॉल्युम हॅण्डल केला. ही ३१% वाढ आहे.

डिक्सन टेक्नॉलॉजी या कंपनीने आपल्या एका शेअरचे ५ शेअर्समध्ये स्प्लिट केले.

अल्कायल अमाईन्स या कंपनीची शेअर स्प्लिटवर विचार करण्यासाठी आज बैठक आहे.

धानुका एग्रीटेक, सेरा सॅनिटरीवेअर, IIFL वेल्थ मॅनेजमेंट, सेंच्युरी एन्का, CARBORANDUM ( १.५ प्रती शेअर लाभांश), नोसिल, अल्कायल अमाईन्स (Rs १० लाभांश ), एस्कॉर्टस (प्रॉफिट, मार्जिन वाढले), HDFC, डिक्सन टेक्नॉलॉजी, ओरिएंटल कार्बन, अजंता फार्मा, ग्रीन लॅम, कन्साई नेरोलॅक, फिनोलेक्स या कंपन्यांचे तिसऱ्या तिमाहीचे निकाल चांगले आले.

इंटलेकट डिझाईन एरेना ही कंपनी तोट्यातून नफ्यात आली.

HDFC ला Rs २९२६ कोटींचा फायदा झाला. उत्पन्न Rs ११७०७ कोटी झाले. GNPA आणि NNPA यांच्यात घट झाली. वैयक्तिक लोन डिसबर्समेंटमध्ये चांगली वाढ झाली.

बलरामपूर चीनी या कंपनीचे निकाल असमाधानकारक होते. कंपनीने Rs २.५ प्रती शेअर लाभांश जाहीर केला.
नलसे जल या कार्यक्रमाचा फायदा फिनोलेक्स, जिंदाल SAW, जैन इरिगेशन यांना होईल.

मी आज तुम्हाला अशोक लेलँड या कंपनीचा चार्ट देत आहे. अंदाज पत्रकातील स्क्रॅपेज पॉलिसीचा फायदा या कंपनीला होईल. कंपनीचे विक्रीचे आकडे चांगले आले. फ्रेश लॉन्ग बनत आहेत.इन्फ्रास्ट्रक्चरमध्ये सरकार मोठी गुंतवणूक करणार असल्यामुळे कंपनीच्या कमर्शियल वाहनांना चान्गली मागणी येईल. ३ आठवड्यांच्या कन्सॉलिडेशन नंतर फ्रेश ब्रेकआऊट दिसत आहे.

BSE निर्देशांक सेन्सेक्स ४९७९७ NSE निर्देशांक निफ्टी १४६४७ बँक निफ्टी ३४२६७ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!

आजचं मार्केट –  १ फेब्रुवारी  २०२१ – बजेट विशेष

Like करा, शेअर करा आणि अवघ्या महाराष्ट्रापर्यंत पोहोचावा. रोजचं मार्केट विश्लेषण मिळवण्यासाठी आमचा blog subscribe आणि फेसबुक page like करायला विसरू नका.

आजचं मार्केट –  १ फेब्रुवारी  २०२१

आज क्रूड US $ ५५.३५ प्रती बॅरल ते US $ ५५.४८ प्रती बॅरल या दरम्यान तर रुपया US $१= Rs ७२.८७ ते US $ १ = Rs ७३.१० या दरम्यान US $ निर्देशांक ९०.६५ VIX २४.८६ PCR १.२६ होते.

आज संसदेत माननीय अर्थमंत्री निर्मला सीतारामन यांनी FY २२ साठी अंदाजपत्रक सादर केले. अंदाजपत्रकात हेल्थ आणि वेलबीइंग वर जोर दिला गेला आहे. यात प्रिव्हेंटिव्ह, क्युरेटिव्ह आणि वेलबीइंग अश्या तीन विभागांत विभागणी केली जाईल. ब्लॉक पब्लिक हेल्थ युनिट्स, डिस्ट्रिक्ट हॉस्पिटल्स, मोबाईल हॉस्पिटल्स, तसेच वेलनेस सेंटर्स, न्यू हेल्थ इमर्जन्सी युनिट्स, टेस्टिंग लॅब्स, रिसर्च प्लॅटफॉर्म यांचा समावेश असेल. प्राईम मिनिस्टर आत्मनिर्भर स्वस्थ भारत योजनेवर ६ वर्षात Rs ६४१८० कोटी खर्च केले जातील.

  • जलजीवन मिशनवर Rs २.८७ लाख कोटी, स्वच्छता मिशनवर Rs १४१६७८ कोटी तर पोल्युशन नियंत्रणासाठी Rs २२१७ कोटी खर्च केले जातील.
  • कोविड व्हॅक्सिनसाठी Rs ३५००० कोटीची तरतूद केली आहे.
  • उद्योगांना ५ वर्षांसाठी Rs १.९७ लाख कोटींची PLI योजनेसाठी तरतूद केली. हे उद्योग कोअर कॉम्पिटन्स, कटिंग एज टेक्नॉलॉजीच्या जोरावर चांगली प्रगती करतील.
  • ३ वर्षात ७ मेगा इंडस्ट्रियल टेक्सटाईल पार्क्स बनवले जातील.
  • नॅशनल इन्फ्रास्ट्रक्चर पाईपलाईन मध्ये ७४०० प्रोजेक्ट्सचा समावेश केला जाईल.
  • डेव्हलपमेंट फायनान्सियल इन्स्टिट्यूशन स्थापन केली जाईल. ही संस्था इन्फ्रास्ट्रक्चर प्रोजेक्टसना फायनान्सिंग करेल. हिचे सुरुवातीचे कॅपिटल Rs २०००० कोटी असून हिचा लोन पोर्टफोलिओ Rs ५,००,००० कोटींचा अपेक्षित आहे.
    सरकार रेल्वेची डेडिकेटेड फ्रेट कॉरिडोर, NHAI टोल रोड्स, एअरपोर्ट्स, ऑइल आणि गॅस पाईपलाईन, PSU चे वेअरहाऊस ऍसेट्स, रिकामी पडलेली जमीन, यांची विक्री करून पैसे उभारले जातील.
  • त्याच बरोबर BPCL, NINL,पवन हंस, काँकॉर, BHEL, SCI IDBI बँक, BEML, एअर इंडिया, ७ मोठी बंदरे, यांचे खाजगीकरण केले जाईल. LIC चा IPO आणला जाईल. २ राष्ट्रीयीकृत बँका आणि १ इन्शुअरन्स कंपनीचे खाजगीकरण केले जाईल. सरकारी बँकेमध्ये Rs २०००० कोटींचे भांडवल घातले जाईल.
  • सरकार Rs ५.५४ लाख कोटींची भांडवली गुंतवणूक करेल. आसाम, पश्चिम बंगाल, केरळ, लडाख मध्ये हायवेचे बांधकाम होईल.
  • रेल्वे ४६००० किलोमीटर्सचे इलेक्ट्रिफिकेशन करेल. डिसेंबर २०२३ पर्यंत ब्रॉडगेज लाईनचे पूर्णपणे इलेक्ट्रिफिकेशन केले जाईल. मेट्रोरेलचे पुढील टप्प्याचे काम सुरु केले जाईल. बस सर्व्हिसेससाठी Rs १८००० कोटींची तरतूद केलेली आहे.
  • सिटी गॅस डिस्ट्रिब्युशन नेटवर्कमध्ये १०० नवीन शहरे जोडली जातील.
  • पॉवर ग्राहकांसाठी एकापेक्षा जास्त पर्याय देण्याचा प्रयत्न केला जाईल.
  • सेबी, डिपॉझिटरीज, स्टॉक एक्सचेंजेस यांच्या करता एक सिक्युरिटीज मार्केट कोड बनवले जाईल.
    E-नाम नेटवर्कला १००० KPMC जोडल्या जातील.
  • कृषी आणि कृषी संबंधित उद्योगांसाठी Rs १.७२ लाख कोटीची तरतूद केली आहे. पशुपालन,मासेमारी यांचीही काळजी घेतली गेली आहे.
  • छोट्या कंपन्यांसाठी पेडप कॅपिटलची मर्यादा वाढवली. ONE PERSON कंपनीचा नवा कॉन्सेप्ट इंट्रोड्युस केला.
    बँकांमधील NPA साठी एक ऍसेट मॅनेजमेंट कंपनी स्थापन केली जाईल.
  • विमा क्षेत्रात ७४% पर्यंत FDI ची मर्यादा वाढवली.
  • संरक्षण आधुनिकीकरणासाठी Rs २.३८ लाख कोटीची तरतूद केली आहे.
  • सिगारेटवर कोणताही कर बसवला नाही.
  • अल्कोहोलिक बिव्हरेजीसवर १००% अग्रिसेस लावला आहे. याचा परिणाम युनायटेड स्पिरिट्स, युनायटेड ब्रुअरीज वर झाला.
  • कार्बन ब्लॅकवर इम्पोर्ट ड्युटी ७.५% केली. पॉलि कार्बोनेटवर इम्पोर्ट ड्युटी ७.५% केली.
  • सोने आणि चांदीवर ७.५% इम्पोर्ट ड्युटी केली पण २.५%. ऍग्री सेस बसवला. याचा फायदा टायटन, TBZ, थंगामाईल ज्युवेलऱी तसेच मनापूरम फायनान्स, मुथूट फायनान्स यांना होईल.रत्नांवरील कस्टम्स ड्युटी दुप्पट केली.
  • फूड सबसिडी देण्यासाठी Rs २.४३ लाख कोटींची तरतूद केली.
  • LED लॅम्प्सवर इम्पोर्ट ड्युटी ५% वरून १०% केली.
  • पेट्रोल आणि डिझेल वर अनुक्रमे Rs २.५ प्रति लिटर आणि Rs ४ प्रती लिटर एवढा फार्म सेस बसवला पण त्यासाठी अडजस्टमेन्ट एकसाईझ ड्युटीमध्ये केल्यामुळे ग्राहकावर याचा बोझा पडणार नाही.
  • निवडक स्टील आयटेम्स अँटीडम्पिंग ड्युटीमधून सप्टेंबर २०२१ पर्यंत वगळले. निवडक स्टिल आयटेम्सवरील कस्टम्स ड्युटी कमी करून ७.५% केली, कॉपर आणि नाफ्ता वर २.५% केली. सोलर इन्व्हर्टरवर वाढवून २०% केली.
  • १ ऑक्टोबर २०२१ पासून कस्ट्म ड्युटीसाठी नवीन प्रक्रिया चालू होणार.
  • क्रूड एडिबल ऑइल, आणि कॉटनवर १५% ड्युटी बसवली.
  • निवडक लेदर प्रोडक्टस्ना कॅस्टमड्युटीच्या कक्षेबाहेर आणले.
  • सिलेक्टेड ऑटो पार्ट्सवर १५% कस्टम्स ड्युटी बसवली.
  • प्रत्यक्ष करामध्ये जास्त फरक केला नाही. ७५ वर्षांपेक्षा जास्त वय असलेल्या पेन्शनर्ससाठी आता आयकर रिटर्न भरणे बंधनकारक असणार नाही.
  • ३ वर्षांआधीची प्रत्यक्ष करविषयक प्रकरणे उघडली जाणार नाहीत.
  • तसेच ऍडव्हान्स कर भरण्यासाठी डिव्हिडंड जाहीर झाल्यावर किंवा क्रेडिट केल्यावर ती रक्कम ऍडव्हान्स टॅक्स भरण्यासाठी हिशेबात धरली जाईल.
  • INVIT किंवा REIT वर मिळणाऱ्या लाभांशावर टीडीएस तरतुदी लागू पडणार नाहीत.
  • अफोर्डेबल होम्ससाठी घेतलेल्या कर्जावर मिळणाऱ्या Rs १.५० लाखावरील सवलतीची मुदत एक वर्षाने वाढवली.
  • स्टार्टअप्समध्ये केलेल्या गुंतवणुकीवरील कॅपिटल गेन्स टॅक्समधील सवलतीची मुदत एक वर्षाने वाढवली
    MGNREGS साठी Rs ७३००० कोटींची तरतूद केली. .
  • PSU कडून सरकारला Rs १.०४ लाख कोटी एवढा लाभांश मिळेल.
  • सरकार FY २२ मध्ये Rs १२.०० लाख कोटी एवढे कर्ज उभारेल, Rs १.७५ लाख कोटी एवढी डायव्हेस्टमेन्ट करेल.त्यापैकी PSB मधून Rs १ लाख कोटी येण्याची अपेक्षा आहे. फिस्कल डेफिसिट GDP च्या ६.८% राहील.
    मोबाईल पार्ट्सवरील ड्युटी २.५% ने वाढवली त्यामुळे मोबाईल महाग होतील.
  • क्रूड पाम ऑइलवर १७.५% ऍग्री सेस बसवला. क्रूड सोयाबीन आणि सनफ्लावर २०% ऍग्री सेस बसवला. सफरचंद, ३५% ऍग्री सेस बसवला. मटारवर ४०% ऍग्री सेस बसवला. काबुली चण्यांवर ३०% ऍग्री सेस बसवला. युरियावर ५% ऍग्री सेस बसवला
  • मार्जिन मनी लोन योजनेतील व्याज दर कमी केले आणि मार्जिन २५% वरून १५% केले.
  • MSME साठी Rs १५७०० कोटींची तरतूद केली.
  • ऐच्छिक वाहन स्क्रपेज पॉलिसी लाँच केली.
  • सरकारच्या या अंदाजपत्रकाचे मार्केटने अभूतपूर्व तेजीने स्वागत केले.सर्व सेक्टोरल निर्देशांकात विशेषतः बँक निफ्टीमध्ये तेजी होती.

आज मारुती, एस्कॉर्टस, आयशर मोटर्स, TVS मोटर्स, बजाज ऑटोचे, अशोक लेलँड यांचे विक्रीचे आकडे समाधानकारक होते. जानेवारी महिन्यासाठी मॅन्युफॅक्चरिंग PMI ५७.७ होता.

ICICI बँक, इंडस इंड बँक, टाटा मोटर्स, सिप्ला, टेक महिंद्रा, श्री सिमेंट, UPL यांचे तिसऱ्या तिमाहीचे निकाल चांगले आले.
आज चांदीमध्ये ६% चे अपर सर्किट लागले. सोन्यामध्येही तेजी होती.

आज मी तुम्हाला RVNL चा विकली चार्ट देत आहे. बर्याच दिवसांच्या कन्सॉलिडेशननंतर Rs २६.४५ या ५० DEMA चा ब्रेकआऊट घेतल्यानंतर शेअर Rs ३३.०० पर्यंत गेला होता. गेल्या ६ दिवसांच्या मंदी मध्ये या शेअरमध्ये करेक्शन आले आहे. २० DEMA Rs २९.२० आहे. या ठिकाणी ब्रेकआऊट झाल्यास मेडीयम टर्ममध्ये तेजी येईल. चांगल्या व्हॉल्युमसकट तेजी येत आहे.

BSE निर्देशांक सेन्सेक्स ४८६०० NSE निर्देशांक निफ्टी १४२८१ बँक निफ्टी ३३०८९ वर बंद झाले.

www.marketaanime.com – साध्या आणि सोप्या भाषेत शेअर मार्केट

share करा पण क्रेडिट देऊन !!